Total Sports

Home
Myanmar
Yangon
Total Sports

Total Sports အားကစားကို ချစ်သူမြတ်နိုးသူတွေအတွက် အမြင်သစ်နဲ့တင်ဆက်မှုများ
(208)

17/02/2025

အန်တိုနီဟာ ဘက်တစ်အတွက် နောက်ဆုံးသုံးပွဲမှာ သုံးဂိုးသွင်း၊ ပံ့ပိုးမှု တစ်ကြိမ် ပြုလုပ်ခဲ့ပြီး၊ သုံးပွဲလုံးရဲ့ အကောင်းဆုံးသမားလည်း ဖြစ်ခဲ့ပါတယ်။

16/02/2025

အမှတ်ပေးဇယား အဆင့်(၁၀)အောက်က အသင်းနှစ်သင်းတွေ့ဆုံရာမှာတော့ စပါးဟာ ယူနိုက်တက်ကို အနိုင်ယူခဲ့ပါတယ်။ အန်ဂီဟာ ယူနိုက်တက်ကို နှစ်ကျော့လုံးအနိုင်ယူနိုင်ခဲ့တဲ့ ပထမဆုံးသော စပါးနည်းပြ ဖြစ်လာခဲ့တဲ့အပြင်၊ တစ်ရာသီတည်းမှာတင် ယူနိုက်တက်ကို သုံးခါနိုင်တဲ့ ပထမဆုံးသော စပါးနည်းပြပါ ဖြစ်ခဲ့တာပါ။

ယူနိုက်တက်ကတော့ ဒီရှုံးပွဲနဲ့အတူ အဆင့်(၁၅) ကို ရောက်ရှိသွားခဲ့ပါပြီ။ ဒါပေမဲ့လည်း အဆင့်(၁၇)ထက်တော့ (၁၂)မှတ်သာနေသေးတာမလို့၊ တန်းဆင်းဇုန် ဖိအားကိုတော့ ရင်ဆိုင်စရာမလိုသေးဘဲ သက်တောင့်သက်သာ ကစားခွင့်ရနေဦးမှာပါ။

16/02/2025

ဆာလာရဲ့ အန်ဖီးလ်ပရီးမီးယားလိဂ် သွင်းဂိုးဟာ (၁၀၁) ဂိုးရှိလာခဲ့ပြီဖြစ်ပါတယ်။ ပရီးမီးယားလိဂ်သမိုင်းမှာ အခုလိုမျိုး ကွင်းတစ်ကွင်းမှာသွင်းထားတဲ့ဂိုး ဆာလာထက်ပိုများတဲ့သူဆိုလို့ အွန်နရီ (၁၁၆) နဲ့ အဂူရို (၁၀၆) တို့ပဲ ရှိပါတော့တယ်။

လက်ရှိအနေအထားအရ အဂူရို စံချိန်ကိုလည်း ဒီရာသီမှာတင် ဆာလာကျော်တက်သွားနိုင်ဖို့ရှိနေပါပြီ။

16/02/2025

မနေ့ကကစားခဲ့တဲ့ လာလီဂါပွဲစဉ်တွေမှာ မက်ဒရစ်နှစ်သင်းလုံးဟာ တူညီတဲ့ အခြေအနေတွေကြုံခဲ့ရပါတယ်။ ရီးရဲလ်ကော၊ အက်သလက်တီကိုပါ တိုက်ရိုက်အနီကတ်တွေနဲ့ ကစားသမားတွေ အထုတ်ခံခဲ့ရပြီး၊ ပယ်နယ်တီတွေလည်း ကိုယ်စီ ထပ်ပေးခဲ့ရသလို၊ နှစ်သင်းလုံးလည်း သရေရလဒ်သာ ရခဲ့ကြတာပါ။

ဘယ်လင်ဂမ်ရဲ့ တိုက်ရိုက်အနီကတ်ကတော့ ပိုအငြင်းပွါးစရာ ဖြစ်ခဲ့ပြီး၊ ဒိုင်လူကြီးကို ဆဲလို့ ဆိုတဲ့ အကြောင်းပြချက်နဲ့ ထုတ်ပယ်ခံခဲ့ရတာဖြစ်ပါတယ်။

ဒီရလဒ်တွေဟာ အမှတ်ပေးဇယားရပ်တည်မှုကို အလှည့်အပြောင်း ဖြစ်လာဖို့ရှိနေပြီး၊ ပွဲကျန်နေတဲ့ ဘာကာအတွက် အခွင့်အရေးကောင်း ဖြစ်လာခဲ့ပါတယ်။

15/02/2025

Crown Prince of Egypt 🇪🇬

မာမွတ်ရှ်ဟာ သူ့ရဲ့ သုံးပွဲမြောက်ပရီးမီးယားလိဂ်မှာပဲ၊ ဟက်ထရစ်သွင်းယူခဲ့ပြီဖြစ်ပါတယ်။

နယူးကာဆယ်ကို အိမ်ကွင်းမှာကစားခဲ့တဲ့ ပရီးမီးယားလိဂ်နောက်ဆုံး (၁၆)ပွဲလုံးကို အနိုင်ကစားခဲ့တဲ့ မန်စီးတီးဟာ ဒီနိုင်ပွဲနဲ့အတူ အဆင့်(၄) နေရာကိုရောက်ရှိလာခဲ့ပြီလည်း ဖြစ်ပါတယ်။

15/02/2025

အာဆင်နယ်ရဲ့ အဓိကတိုက်စစ်အတွဲဖြစ်တဲ့ ဆာကာ၊ ဟာဗတ်ဇ်၊ မာတင်နယ်လီ တို့ကော၊ တိုက်စစ်မှုး ဂျေဆူးကော ဒဏ်ရာရနေတဲ့အချိန်မှာ အသင်းအတွက် အရေးကြီးလိုအပ်နေခဲ့တဲ့ ဂိုးတွေကို မီရီနိုက လူစားဝင်ပြီးနောက် သွင်းယူပေးနိုင်ခဲ့ပါတယ်။

ဒါဟာ အာဆင်နယ်အတွက် ၂၀၁၈ တုန်းက အူဘာမီယန်းပြီးရင် ပထမဆုံးအဖြစ်၊ လူစားဝင်ကစားသမားက အဝေးကွင်းမှာ နှစ်ဂိုးသွင်းနိုင်ခဲ့တာလည်း ဖြစ်ပါတယ်။

ဝုဗ်နဲ့ပွဲတုန်းက ကာလာဖီအိုရီရဲ့ ဂိုးနဲ့အနိုင်ရခဲ့သလို၊ ဒီတခါမှာလည်း တိုက်စစ်မှာ ဒဏ်ရာပြဿနာတွေရှိနေချိန်မှာ ဂိုးတွေကို ရခဲ့တဲ့ အာဆင်နယ်အတွက် ရေတို ဖြေရှင်းမှုတွေနဲ့ ပွဲတွေကိုကျော်ဖြတ်နိုင်ခဲ့ပေမဲ့၊ နောက်ပွဲတွေမှာတော့ စိန်ခေါ်မှုတွေ ဆက်ရင်ဆိုင်ရဖို့ရှိနေဆဲပါပဲ။

15/02/2025

Thanks 🥹🥹🥹

(ပို့စ်တွေအပြင်၊ ပုံတွေကိုပါ သတိထားမိရင် ဝမ်းသာမိ) ❤️

15/02/2025

ချယ်ဆီးဟာ ဘရိုက်တန်ကို FA ဖလားမှာရှုံးနိမ့်အပြီး၊ တစ်ပတ်မပြည့်ခင်မှာတင် ပရီးမီးယားလိဂ်မှာ ထပ်မံရှုံးနိမ့်ခဲ့ပါတယ်။

ချယ်ဆီးအနေနဲ့ ပြိုင်ပွဲစုံအဝေးကွင်းနောက်ဆုံး (၇)ပွဲဆက် နိုင်ပွဲပျောက်နေခဲ့ပြီလည်း ဖြစ်ပြီး၊ ရှုံးပွဲလည်း (၄)ပွဲရှိနေခဲ့ပါပြီ။ အမှတ်ပေးဇယားရပ်တည်မှုမှာလည်း နော်တင်ဟမ်ဖောရက်စ်နဲ့ တစ်ပိုပွဲ (၄)မှတ်အကွာဖြစ်သွားခဲ့သလို၊ မန်စီးတီး၊နယူးကာဆယ်၊ ဘုန်းမောက်တို့ ကျော်တက်တော့မဲ့ အနေအထားကိုလည်း ကြုံနေရပါပြီ။

14/02/2025

ဟော်သွန်း အကျိုးဆက်များနဲ့အတူ

လူသားသမိုင်းမှာ အရေးကြီးဆုံးအချိုးအကွေ့တစ်ခုဖြစ်တဲ့စက်မှုတော်လှန်ရေးကာလတွေနဲ့အတူ ဥရောပတခွင်မှာ ကုန်ထုတ်လုပ်ရေးတွေကလည်း ပြောင်းလဲတိုးတက်လာကြပြီး၊ ထုတ်လုပ်နိုင်စွမ်းတွေကို အမြင့်မားဆုံးရဖို့ နည်းလမ်းပြောင်းများစွာကိုလည်း ရှာဖွေခဲ့ကြပါတယ်။ ဒီလို ရှာဖွေစူစမ်းမှုတွေကနေပဲ စီမံခန့်ခွဲမှုသဘောတရားတွေပေါ်ထွက်လာခဲ့ပြီး၊ ဒီနေ့ခေတ်အထိပါ သက်ရောက်လျက်ပါပဲ။

သိပ္ပံနည်းကျ စီမံခန့်ခွဲမှုနည်းလမ်းတွေကို ကျယ်ပြန့်အောင်လုပ်ကြရာမှာ နည်းလမ်းအသစ်တွေကိုရဖို့ ရှာကြံကြရင်း နာမည်ကျော် “ဟော်သွန်း အကျိုးဆက်” ကို တွေ့ခဲ့ကြပါတော့တယ်။ တကယ်တော့ ဒီစမ်းသပ်မှုဟာ လူတွေရဲ့ အလုပ်လုပ်နိုင်စွမ်းအပေါ်မှာ ပတ်ဝန်းကျင်အခြေအနေက ဘယ်လိုသက်ရောက်လဲကို သိဖို့ လုပ်ခဲ့တာပါ။ ဥပမာ အလင်းရောင်ပိုရရင် အလုပ်ပိုပြီးလား ဆိုတာမျိုးကို လေ့လာတာပါ။ ဒါပေမဲ့ ဒီစမ်းသပ်မှုကနေ မူရင်းရည်ရည်ရွယ်ချက်ထက်ပိုတဲ့ ရလဒ်ကိုတွေ့ရှိခဲ့ရပြီး “လူတွေဟာ စောင့်ကြည့်ခံနေရရင် အမူအကျင့်တွေပြောင်းလာတယ်၊ တိုးတက်လာတယ်” ဆိုတဲ့ အချက်ကို မမျှော်လင့်ထားဘဲ သိလာရပါတယ်။ ဒီအချက်ကနေပဲ စီမံခန့်ခွဲမှုမှာ အရေးပါတဲ့ အထက်အောက် ဆက်ဆံရေးကောင်းရှိဖို့ ဆိုတဲ့ အချက်ကို ဆက်လက်ဦးတည်ခဲ့ပါတော့တယ်။

ဟော်သွန်းတွေ့ရှိမှုရဲ့ အခရာဖြစ်တဲ့ “လူတွေဟာ စောင့်ကြည့်ခံနေရချိန်မှာ ပြောင်းလဲတယ်” ကို ဒီနေ့ဘောလုံးမှာ ယူသုံးကြည့်ရအောင်ပါ။ ဟော်သွန်း စမ်းသပ်မှုမှာတုန်းက ပြောင်းလဲမှုဟာ တိုးတက်မှု ဖြစ်ခဲ့ပေမဲ့၊ ဒါဟာ အကောင်းအဆိုး ဖြစ်နိုင်ပါတယ်။ ပြောရရင် စောင့်ကြည့်ခံရမှုဟာ ပြောင်းလဲတယ်၊ ဒီပြောင်းလဲမှုဟာ အကောင်းပြောင်းလဲမှုကော၊ အဆိုးပြောင်းလဲမှုကော ဖြစ်သွားစေတတ်ပါတယ်။ ဒါကို ကျွန်တော်တို့ဟာ စောင့်ကြည့်ခံရခြင်းမှ လာတဲ့ ဖိအား (Stress) လို့လည်း ဆိုနိုင်ပါလိမ့်မယ်။ ဖိအားမှာလည်း နှစ်မျိုး ရှိလာပြန်ပါတယ်၊ အပြုသဘော ဖိအား (Constructive Stress) နဲ့ အပျက်သဘော ဖိအား (Destructive Stress) ဆိုပြီးတော့ဖြစ်ပါတယ်။

ဘောလုံးသမားတွေရဲ့ ခြေစွမ်းကို ဟော်သွန်းတွေ့ရှိချက်အရ ချဉ်းကပ်ရင်၊ စောင့်ကြည့်ခံနေရတဲ့ ကစားသမားဟာ ပြောင်းလဲပါလိမ့်မယ်။ ဒါပေမဲ့ ဒီပြောင်းလဲမှုဟာ အကောင်းဘက်ကိုပဲအမြဲသွားမှာမဟုတ်ဘဲ၊ အပျက်သဘောဖိအားအဖြစ် ခံစားမိသွားတဲ့အခါမှာ ပိုပြီးဆိုးဝါးတဲ့စွမ်းဆောင်ရည်တွေ ဖြစ်လာနိုင်ပါလိမ့်မယ်။ ပရိသတ်ကြားမှာ ပြောကြလေ့ရှိတဲ့အကြောင်းတစ်ခုဖြစ်တဲ့ အသင်းပြောင်းသွားပြီးမှ ခြေစွမ်းပြနိုင်တဲ့ ကစားသမားတွေအကြောင်း မှာလည်း ဒီသဘောတရားအရ ချဉ်းကပ်နိုင်ပါတယ်။ အထူးသဖြင့် ယူနိုက်တက်က ထွက်တဲ့ကစားသမားတွေက သူတို့ရောက်သွားတဲ့ အသင်းသစ်တွေမှာ ခြေစွမ်းပြကြတယ် ဆိုတာကို ပြောကြည့်ရအောင်ပါ။

ယူနိုက်တက်လို အသင်းမှာကစားနေတဲ့အချိန်ဟာ ဟော်သွန်းစမ်းသပ်မှုအောက်မှာ ရောက်နေသလိုပါပဲ။ အများကြီးစောင့်ကြည့်ခံရပါတယ်။ မီဒီယာ၊ ပရိသတ်၊ အဘက်ဘက်ကနေ စောင့်ကြည့်မှုကို ခံနေတဲ့အခါမှာ ကစားသမားရဲ့ အခြေအနေအပေါ် ပြောင်းလဲမှုတွေဖြစ်လာစေပြီး၊ မူရင်းခြေစွမ်းပါပျောက်သွားတာမျိုး၊ လုပ်နေကျကိုတောင်မလုပ်နိုင်တော့တာမျိုးတွေ ဖြစ်လာခဲ့ပါတော့တယ်။ သူ့အတွက် ဒီစောင့်ကြည့်ခံရမှုဟာ အပျက်သဘောဖိအား အဖြစ် ဝင်သွားပြီး၊ ဒါကို မထိန်းချုပ်မကိုင်တွယ်နိုင်တော့အခါမှာ စွမ်းဆောင်ရည်ကို ထိခိုက်ပါတော့တယ်။

ဒါ့အပြင် စောင့်ကြည့်ခံရမှုအပြင်မှာမှ၊ ပြောင်းရွေ့ကြေး၊ မျှော်လင့်ချက်ထားခံရမှု၊ လုပ်ပြချင်စိတ် စတဲ့ဆီကနေ လာတဲ့ဖိအားတွေကလည်း ရှိပါသေးတယ်။

ဥပမာ ကျွန်တော်တို့ကို ပရီးမီးယားလိဂ်အသင်းကြီးတစ်သင်းသင်းကနေ ဒေါ်လာသောင်းဂဏန်း လစာနဲ့ မီဒီယာကို တာဝန်ယူဖို့ကမ်းလှမ်းပြီဆိုရင်၊ ကျွန်တော်တို့မှာ ဖိအားဝင်ပြီပဲဖြစ်ပါတယ်။ ဒီဖိအားကြောင့် ပိုကောင်းတဲ့ရလဒ်တွေဖြစ်သွားနိုင်သလို၊ အခန့်မသင့်ရင် အလွဲလွဲအချော်ချော်တွေနဲ့ တလွဲတွေ ပိုလုပ်မိနိုင်ပါလိမ့်မယ်။ နောက်ထပ်ဥပမာဆို ကိုယ်ဘောလုံးကန်နေတဲ့အချိန် ကိုယ့် crush လေးလာကြည့်တယ်ကိုတွေးကြည့်လိုက်ပါ။ ပိုခြေစွမ်းပြမလား၊ တလွဲတွေလုပ်မိမလား နှစ်မျိုးလုံး ဖြစ်သွားနိုင်ပါတယ်။

ဒီနေ့ခေတ်လို မီဒီယာရှေ့တန်းရောက်နေမှုမှာဆို ကစားသမားတွေအတွက် ပိုဆိုးပါတယ်။ အမှားတွေ၊ အလွဲတွေ ကိုဟာသအလုပ်ခံရမှုတွေ၊ဝေဖန်မှုတွေ၊ အပြစ်ပြောခံရတာတွေကို တရစပ်ကြုံရမှာဖြစ်ပြီး၊ ဒါတွေကနေမှ တဆင့် စောင့်ကြည့်ခံနေရတယ်ဆိုတဲ့ အသိကတိုးလာပြန်သလို၊ ဖိအားဒဏ်ကပိုကြီး လာပြန်တော့တာပါပဲ။

စောင့်ကြည့်ခံရမှုရဲ့ နည်းနည်းအဝေးကိုရောက်သွားတဲ့အခါမှာ ဟော်သွန်းသက်ရောက်မှုလည်း နည်းသွားတာမလို့၊ နဂိုအနေအထားလောက်ကိုပြန်သွားနိုင်လာတယ်လို့လည်း ယူဆနိုင်ပါတယ်။ တခြားသော ဖိအားတွေလည်း နည်းလာတဲ့အခါမှာ Stressful Zone လိုမျိုး ပြန်ဖြစ်လာပြီး၊ စိတ်ကြောင့် ရုပ်ပါတက်လာတဲ့သဘောမျိုးပါ။ စိတ်ပိုင်းဆိုင်ရာအရ သက်သေပြန်ပြချင်တာ၊ ဒုတိယအခွင့်အရေးလိုယူဆလိုက်တာ၊ ရှေ့ကဖိအားကိုနားလည်သွားတာ စတာတွေကလည်း ပေါ်လာတတ်ပြီး၊ ဒါတွေကို အပြုသဘောဖိအား အဖြစ် ခံယူမိသွားတတ်ပြန်ပါတယ်။

နောက်ထပ်ဆိုရင်တော့ နည်းစနစ်ပိုင်း လွတ်လပ်ခွင့်၊ ကစားရတဲ့နေရာ/ပြိုင်ပွဲ/ပြိုင်ဘက်အနေအထား၊ ကိုယ်ရဲ့ အပျော်နဲ့အားသန်ရာ ဒါတွေရှိပါဦးမယ်။

တစ်ဖက်ကနေကြည့်ရင်တော့ ဒါမျိုး စောင့်ကြည့်ခံရမှုနည်း၊ ဖိအားလျော့တာကို လိုချင်ရင် အခွင့်အလမ်းနဲ့ ခံစားခွင့်တွေကိုလည်း လျော့ရတာပါပဲ။ ဆုကြီးကြီးလိုချင်ရင်တော့ စိန်ခေါ်မှုကလည်း များများရင်ဆိုင်ရမှာပါ။ အသင်းကြီးမှာ လစာများများနဲ့ကစားမယ်၊ အဓိကနေရာကလည်း ပါချင်တယ်ဆိုရင်တော့ အပေါ်ကဟာတွေကို ရင်ဆိုင်နိုင်ဖို့ လိုတာပါပဲ။

13/02/2025

အဲဗာတန်ရဲ့ အိမ်ကွင်း ဂွတ်ဒီဆန်ပတ်ခ်မှာ နောက်ဆုံးဖြစ်တဲ့ မာဆေးဆိုက်ဒ် ဒါဘီကတော့ မာဆေးဆိုက်ဒ် ဒါဘီပီသစွာဘဲ၊ နောက်ကျဂိုးတွေ၊ ရုန်းရင်းဆန်ခတ်တွေ၊ အနီကတ်တွေ နဲ့အတူ ပြီးဆုံးခဲ့ပါပြီ။

အဲဗာတန်ရဲ့ အိမ်ကွင်းဟာ ဒီရာသီကုန်ရင် အသစ်ပြန်ဆောက်တော့မှာလည်း ဖြစ်တာကြောင့်၊ ဂွတ်ဒီဆန်ပတ်ခ်မှာ ကစားတဲ့နောက်ဆုံးသော ဒါဘီပွဲလည်း ဖြစ်ခဲ့တာပါ။

တာကောစကီးရဲ့ နောက်ကျချေပဂိုးဟာ ဒီကွင်းသမိုင်းတလျောက်ဘယ်အသင်းကမှ အသာမရစေခဲ့တဲ့ (၄၁) ပွဲစီအနိုင်နဲ့သာ မှတ်တမ်းကိုလည်း ဖြစ်ပေါ်စေခဲ့ပါတော့တယ်။

12/02/2025

တွစ်တာကို တည်ထောင်သူတစ်ဦးဖြစ်တဲ့ ဂျက်ဒေါ်စီရဲ့ စကားတစ်ခွန်းကို အရမ်းသဘောကျပါတယ်။ “My goal is to simplify complexity “ ဆိုတဲ့စကားပဲဖြစ်ပြီး၊ မြန်မာပြန်ရရင်တော့ “ငါအလုပ်က ရှုပ်တာတွေ အရှင်းဆုံးဖြစ်သွားစေဖို့ပဲ” လို့ ပြောလို့ရနိုင်ပါလိမ့်မယ်။ ဒီစကားဟာ ဘောလုံးပွဲတွေအပါ၊ နယ်ပယ်တိုင်းမှာ Admin ခေါင်းထဲရောက်နေလေ့ရှိတဲ့စကားပါပဲ။

ဘောလုံးပွဲတွေကို အရိုးရှင်းဆုံးချဉ်းကပ်ကြည့်ကြရင်၊ ဦးတည်ချက်က အရမ်းရှင်းပါတယ်။ “တစ်ဖက်ဂိုးပေါက်ထဲကို ဘောလုံးရောက်သွားရေး” ပါပဲ။ Finite Game (ကန့်သတ်ပြိုင်ပွဲ) လည်းဖြစ်လို့၊ တိကျတဲ့ စည်းမျည်းသတ်မှတ်ချက်လည်းရှိနေပြီး၊ ခုနကဦးတည်ချက်ကို ပိုလုပ်နိုင်တဲ့အသင်းက အနိုင်ရပါမယ်။ ဘောလုံးအသင်းတွေဟာ ဒီဦးတည်ချက်ကို သွားကြပြီး၊ သွားကြတဲ့ ပုံစံသာ ကွာခြားကြတာပါပဲ။

အန်ဆယ်လော့တီရဲ့ ရီးရဲလ်ကို နည်းဗျူဟာသုံးသပ်ချက်တွေနဲ့ တွဲပြီးသိပ်မပြောကြပါဘူး။ ပြောဖို့အတွက်လည်း ခက်တယ်ဆိုရမှာဖြစ်ပြီး၊ အကြောင်းရင်းကတော့ ဂျက်ဒေါ်စီရဲ့စကားလိုပဲ ရီးရဲလ်ဟာ ဘောလုံးပွဲတစ်ပွဲရဲ့ ဦးတည်ချက်ကို အရှင်းဆုံးပုံစံနဲ့ရောက်အောင်သွားနေခြင်းကြောင့်လို့ပြောရပါလိမ့်မယ်။ ဒီနေရာမှာ သေချာနားလည်ဖို့ လိုလာတဲ့ကိစ္စဟာ “ရိုးရှင်းလွယ်ကူဖို့ဆိုတာဟာ ပိုခက်တဲ့အလုပ်လား” ဆိုတာပါပဲ။ ဒီနေ့ခေတ်မှာ လူတွေရဲ့ လက်တစ်ကမ်းမှာရှိနေတဲ့ နည်းပညာတွေ၊ လက်ထဲကဖုန်းတွေ၊ နောက်ဆုံး AI တွေက ဒီမေးခွန်းအတွက်အဖြေတစ်ခုပေးပါလိမ့်မယ်။ လက်တစ်ချောင်းလေးသာသာထိလိုက်ရုံနဲ့တင် အများကြီး အလုပ်ဖြစ်နေဖို့၊ စာလေးရိုက်လိုက်ရုံနဲ့ ပုံတွေ၊ဗီဒီယိုတွေ ဖြစ်လာဖို့ ဆိုတာ အင်မတန် ရိုးရှင်းလွယ်ကူတဲ့ လုပ်ဆောင်ချက်တွေဆိုပေမဲ့၊ ဒီလိုဖြစ်လာအောင် လုပ်နိုင်တဲ့ စနစ်တစ်ခုကို တည်ဆောက်ထားဖို့ဆိုတာ ဉာဏ်မမီနိုင်တဲ့ ကိစ္စတစ်ခုလိုတောင်ဖြစ်ပါလိမ့်မယ်။ (ထပ်ရေးနေရင် ပိုရှည်တော့မှာမလို့ ဒီလောက်နဲ့တင်ရပ်လိုက်ပါမယ်)

အန်ဆယ်လော့တီရဲ့ ရီးရဲလ်မှာ “လွယ်ကူမှု” ကို တွေ့ရပါလိမ့်မယ်။ ဒီလွယ်ကူမှု၊ သက်တောင့်သက်သာဖြစ်မှု၊ ရိုးရှင်းမှုတွေဟာ ဒီအသင်းရဲ့ စရိူက်လက္ခဏာတစ်ခုလို ဖြစ်နေခဲ့ပြီး၊ ဒါကို တန်ဖိုးမရှိဘူးထင်ရင် ကိုယ်တိုင်တည်ဆောက်ကြည့်မှသိပါလိမ့်မယ်။ ပြောရရင် “လွယ်နေဖို့ဆိုတာ ပိုခက်တယ်” ပေါ့။ ဒီနေ့ခေတ်ရဲ့ ဘောလုံးရေစီးကြောင်းအရတော့ ခက်ခဲတဲ့တည်ဆောက်ပုံတွေ၊ ရှုပ်ထွေးတဲ့လမ်းကြောင်းတွေ၊ အချက်အလက်ပေါ်အခြေခံတဲ့ စိုးမိုးမှုတွေ၊ တိုက်စစ်တန်ဖိုးတွေက ပိုပြီး အာရုံစိုက်ကြတဲ့အရာဖြစ်နေတာမလို့၊ လွယ်ကူမှုဟာ (popularism) လူကြိုက်များတဲ့ဝါဒတစ်ခု မဟုတ်နေပါဘူး။ ဒါပေမဲ့ ဒီလွယ်ကူမှုဟာ တန်ဖိုးကြီးပြီး၊ ရဖို့ခက်တဲ့အရာဆိုတာ နားလည်စေချင်ပါတယ်။ ရီးရဲလ်ရဲ့ ဂိုးအများစုဟာလည်း ဒီလိုမျိုး ရိုးရိုးရှင်းရှင်း လွယ်လွယ်ကူကူပါပဲ။ ပြောရရင် ရီးရဲလ်မှာ “စဉ်ဆက်မပြတ်လွယ်ကူမှု” ကိုပိုင်ဆိုင်ထားပြီး၊ ဒါမျိုးကို ဘယ်အသင်းကမှ စဉ်ဆက်မပြတ်မလုပ်နိုင်သေးသလို၊ အပေါ်မှာပြောခဲ့တဲ့ ဘောလုံးရဲ့ ဦးတည်ချက်ကို “လွယ်ကူမှု” ကနေတဆင့် ရီးရဲလ်လောက်ဘယ်အသင်းမှ မသွားနိုင်သေးပါဘူး။

(၂၀၂၄ မတ်လ၊ ပွဲပြီးအတွေးမှ ကောက်နုတ်ချက်)

12/02/2025

တဖုန်းဖုန်းကန်ခဲ့သမျှတွေက ဖုန်းတစ်ဂိုးမဖြစ်ခဲ့တာကိုပဲ မန်စီးတီးကံကောင်းခဲ့တယ်ပြောရပါလိမ့်မယ်။

ဂွါဒီယိုလာရဲ့ မန်စီးတီးသက်တမ်းတလျောက်လုံးရဲ့ ကိုယ်အိမ်ကွင်းမှာ အများဆုံးကန်သွင်းမှုလုပ်ခံရခြင်းဆိုတဲ့ မှတ်တမ်းဝင်သွားတဲ့အထိ ရီးရဲလ်ဟာ ကန်ခဲ့တာလည်း ဖြစ်ပါတယ်။

မန်စီးတီးအနေနဲ့ ဒီရာသီပြိုင်ပွဲစုံမှာ ပြဿနာရှိနေတာဖြစ်ပြီး၊ ဒီပွဲမှာဆိုရင်လည်း ဖီယင်နု၊ ပီအက်စ်ဂျီတို့နဲ့ ပွဲတွေကလိုပဲ ဦးဆောင်နိုင်ပြီးကာမှ ဂိုးတွေပြန်ပေးခဲ့ရပြန်ခဲ့ရတာပါ။ ဒီရာသီမှာ ယိမ်းယိုင်နေတာမလို့၊ ဒီပွဲကိုလည်း အထူးတလည်မတွေးဘူးဆိုရင်တောင်မှ၊ ရီးရဲလ်အနေနဲ့ သူတို့ရဲ့ အကောင်းဆုံးပုံစံမှာရှိမနေပြန်သလို၊ ဒီရာသီအသင်းကြီး တွေနဲ့ တွေ့ရင် တစ်ပွဲမှတောင် မနိုင်ထားသေးတဲ့ အခြေအနေပါ။ ပြောရရင် အန်ဆယ်လော့တီနဲ့ ရီးရဲလ်မှာလည်း ပြဿနာတွေ ရင်ဆိုင်နေရချိန်ပါပဲ။

အတိုချုပ်ကတော့ ရီးရဲလ်ဟာ ရီးရဲလ်အဆင့်ကစားသမားတွေနဲ့ ရီးရဲလ်ဆန်စွာ ကစားသွားနိုင်ခဲ့ခြင်းပါပဲ။ ဒီအချက်ဟာ အင်မတန်ရိုးရှင်းပေမဲ့၊ မန်စီးတီးရဲ့ ပုံမှန်ရာသီတွေမှာတောင် ဒါကို ခက်ခက်ခဲခဲ ရင်ဆိုင်ရနေကြပါ။ ဒါကိုမှ ဒီယက်ဇ်တို့လို နည်းပြကြိုက်၊ အဖိုးနည်းဝန်ပါ ကစားသမားတွေရဲ့ အစွမ်းကိုပါ ပေါင်းထားနိုင်တဲ့အခါ မန်စီးတီးအတွက် သက်သက်သာသာ အရှူံးကိုသာ ရွေးနိုင်ခွင့်ကျန်ပါတော့တယ်။

ရလဒ်အရ ပွဲပြီးခဲ့ပြီမပြောနိုင်သေးပေမဲ့၊ ရီးရဲလ်ဟာ ကြီးစွာသော အားသာမှုကို ပိုင်ပိုင်နိုင်နိုင် အရယူပြီး ဘာနေဗျူးကနေ စောင့်နေပါပြီ။

11/02/2025

လာလီဂါ ကပိုကြည့်ကောင်းတာလား

Admin အတွက်တော့ ဟုတ်ပါတယ်။ လာလီဂါက တခြားသောလိဂ်တွေထက် ပိုကြည့်လို့ကောင်းပါတယ်။

ဒီနေရာမှာ ကြည့်လို့ကောင်းတယ်ဆိုတာက နည်းဗျူဟာတွေ၊ ပြိုင်ဆိုင်မှုတွေ၊ အကြိတ်အနယ်တွေကို ပြောတာမဟုတ်ဘဲ၊ တကယ့်ကို မျက်စိပသာဒအရ ကြည့်ရှုလို့ကောင်းတာကို ပြောချင်တာပါ။

လာလီဂါပွဲတွေကို ကြည့်ရင်သတိထားမိပါလိမ့်မယ်။ ရုပ်ထွက်အနေအထား၊ အရည်အသွေး၊ ရိုက်ကူးတင်ဆက်ပုံ၊ စတဲ့ ရုပ်သံအရည်အသွေးတွေဟာ ပရီးမီးယားလိဂ်အပါအဝင် တခြားလိဂ်တွေထက် သာတယ်ဆိုတာကို သိသိသာသာ မြင်မိမှာပါ။ ရုပ်ရှင်ကြည့်နေရသလို၊ ဂရပ်ဖစ်အမြင့်ဆုံး ဂိမ်းတစ်ခုကို ကြည့်နေရသလိုမျိုး ခံစားမိမယ်လည်းထင်ပါတယ်။

ဒီလိုကွာခြားချက်ကို သတိထားမိခဲ့တာ ကြာပြီဆိုပေမဲ့၊ မပြောဖြစ်ခဲ့ဘဲ၊ ဒီတခေါက်တော့မျှဝေလိုက်ပါတယ်။

ဘာလို့ကွာလဲဆိုတဲ့အကြာင်းကို ပိုနားလည်ဖို့အတွက်လိုက်လေ့လာတဲ့အခါမှာ တော့ စိတ်ကျေနပ်စရာအထိမဟုတ်တောင်တချို့သော အဖြေတွေကိုတော့ ရခဲ့ပါတယ်။

လာလီဂါရိုက်ကူးရေးမှာ သုံးတဲ့ ကင်မရာတွေက ပရီးမီးယားလိဂ်မှာထက် ကောင်းတယ်လို့ ဆိုကြပါတယ်။ အဓိကရိုက်ကူးတဲ့ကင်မရာ၊ ကစားသမားတွေကို အနီးကပ်ရိုက်တဲ့ကင်မရာ၊ ဒရုန်းတွေက အစ တခြားလိဂ်တွေထက် ပိုကောင်းတာတွေ သုံးနေတယ်လို့တွေ့ရပါတယ်။ ဒါပေမဲ့ တချို့သော သုံးသပ်ချက်တွေမှာတော့ ပိုကောင်းတဲ့ ကင်မရာတွေသုံးလို့ ရုပ်သံအရည်အသွေး ပိုကောင်းတာမဟုတ်ဘဲ၊ သုံးတဲ့ ကင်မရာတွေက ပုံမှန်စံနှုန်းသာ ဖြစ်တယ်လို့လည်း ပြောပြန်ပါတယ်။

ဒါဆိုအဓိကကွာခြားချက်က ဘာဖြစ်မလဲဆိုရင်တော့ ဒီလိုသုံးနေတဲ့ ကင်မရာတွေကိုမှ Cinematic Experience (ရုပ်ရှင်ဆန်တဲ့ခံစားမှုမျိုး) ရအောင် ရိုက်ကူးမှုကြောင့်ဆိုတဲ့ အဖြေရပါတယ်။ လွယ်လွယ်ပြောရရင် ရှေ့ကြည်နောက်ဝါး - portrait mode နဲ့ ရိုက်ကူးမှုတွေကို ပြုလုပ်ပြီး၊ ဒီလိုရိုက်ချက်တွေကို တိုက်ရိုက်ထုတ်လွှင့်မှုနဲ့ ချိတ်ဆက်လို့ တပြေးညီတင်ဆက်လျက်ရှိနေခြင်းပါပဲ။

ပြီးရင် ကင်မရာထားတဲ့ ရှု့ထောင့်တွေ ကလည်း တခြားလိဂ်တွေထက် ပိုများ/ပိုနီးတာတွေ ရှိပါသေးတယ်။

နောက်တစ်ချက်က Visual effect လို့ခေါ်တဲ့ အထူးပြုလုပ်ချက်အပိုင်းပါ။ လာလီဂါပွဲတွေစခါနီး လူစာရင်းပြတာကအစ ၊ ပွဲတွင်းအချက်အလက်တွေအထိ အတော်လေး မိုက်ပြီး၊ အလန်းစား ဂိမ်းတစ်ခုကို ကြည့်နေရသလို ခံစားမှုမျိုးရပါတယ်။

ဆိုတော့ကော သုံးတဲ့ ကင်မရာအရည်အသွေးနဲ့ ရုပ်ရှင်ဆန်ဆန် ရိုက်ကူးတင်ဆက်မှုကို ပေါင်းစပ်ထားတဲ့အပြင် ရိုက်ချက်တွေကို ပြသတဲ့အပြင် အထူးပြုလုပ်ချက်အပိုင်းမှာပါ ကောင်းတာမလို့ လာလီဂါဟာ ကြည့်လို့အကောင်းဆုံး ရုပ်သံထုတ်လွှင့်မှုကို ပရိသတ်တွေကို မျက်ဝါးထင်ထင် ပေးနိုင်နေတော့တာပါပဲ။

ပရိသတ်တွေလည်း လာလီဂါပွဲတွေမှာ ဒီခံစားချက်မျိုးကို ရရှိလိမ့်မယ်လို့ ထင်ပါတယ်။ ဆွေးနွေးခဲ့ကြပါဦး။

09/02/2025

ပရီးမီးယားလိဂ် အဆင့်(၁)က အသင်းနဲ့ ချန်ပီယံရှစ်ရဲ့ ဇယားအောက်ဆုံးက အသင်းတို့ရင်ဆိုင်တွေ့ခဲ့မှုလည်းဖြစ်ခဲ့တဲ့ ဒီFAဖလားပွဲမှာတော့ ပလိုင်းမောက်ဟာ လီဗာပူးကို ဖလားတစ်လုံးလက်လွှတ်စေခဲ့ရပြီဖြစ်ပါတယ်။ လီဗာပူးအနေနဲ့ သူတို့နဲ့ (၄၂) ဆင့်ကွာခြားတဲ့ အသင်းကို ရှုံးခဲ့ရတယ်လို့လည်း ပြောနိုင်ပါသေးတယ်။

အခုလိုမျိုး ပရီးမီးယားလိဂ်ကို ဦးဆောင်နေတဲ့ အသင်းတစ်သင်းအနေနဲ့ တခြားအဆင့်က အသင်းတစ်သင်းကို ရှုံးပြီး ထွက်ခဲ့ရတာဟာ လေးကြိမ်ရှိခဲ့ဖူးပြီး လိဒ် (၂၀၀၂)၊ ချယ်ဆီး (၂၀၁၅)၊ မန်စီးတီး (၂၀၁၈) နဲ့ အခု လီဗာပူးတို့ပဲ ဖြစ်ပါတယ်။

08/02/2025

တိုက်စစ်မှုး နှစ်ယောက်တွဲများ

Admin အတွက် ပွဲတိုင်းတော့မဟုတ်ပေမဲ့၊ စောင့်ကြည့်ဖြစ်တဲ့ အသင်းတွေထဲမှာ အက်သလက်တီကိုနဲ့ အင်တာမီလန်တို့ရဲ့ ပွဲတွေလည်းပါပါတယ်။ ဆီမြွန်နီနဲ့ အင်ဇာဂီကို သဘောကျတာ၊ အင်တာကို သံယောဇဉ်ရှိတာ ပြီးရင်တော့ နောက်ထပ်တစ်ချက်က တိုက်စစ်မှုးနှစ်ယောက်သုံးတဲ့အသင်းကြီးတွေ ဖြစ်နေဆဲမလို့ပါပဲ။

၉၀ ခုနှစ်ဖွားတွေအတွက် ဘောလုံးပွဲကို စညှိချိန်မှာ တိုက်စစ်ဆိုတာ နှစ်ယောက်ပဲလို့ စသိခဲ့ရတာပဲမဟုတ်လား။ ၉၀ ခုနှစ်ကျော်ကနေ၊ ၂၀၀၀ ခုနှစ်တစ်ဝက်လောက်အထိက ၄-၄-၂ ကစားကွက်တွေအသုံးများခဲ့ခြင်းနဲ့အတူပဲတိုက်စစ်မှုးနှစ်ယောက်တွဲတွေက ရေပန်းအစားဆုံးပုံစံလည်းဖြစ်ခဲ့ပါတယ်။ ပရီးမီးယားလိဂ် မှာ ယူနိုက်တက်၊ အာဆင်နယ်၊ လီဗာပူး၊ ချယ်ဆီး၊ စပါး၊ နယူးကာဆယ် စတဲ့အသင်းတိုင်းက နှစ်ယောက်တွဲတိုက်စစ်တွေကို ကိုယ်ပိုင်ဟန်အသီးသီးနဲ့ သုံးခဲ့ကြပြီး၊ အအောင်မြင်ဆုံး အတွဲတွေအနေနဲ့ဆို ဒွိုင်ယောက်ခ်-ကိုးလ် အတွဲမှာ ကိုးလ်က ဂိုးသွင်း/ ယောက်ခ်က ပံ့ပိုး ပုံစံ၊ လီဗာပူးရဲ့ Big Man-Little Man ဟန်မှာ ဟတ်စကီးနဲ့အိုဝင်၊ အာဆင်နယ်က Secondary Striker ပုံစံနဲ့ ဘားကမ့် -အွန်နရီ စသဖြင့် မူကွဲတွေဖြစ်ခဲ့ကြပေမဲ့၊ အခြေခံကတော့ တိုက်စစ်မှုး နှစ်ယောက်တွဲတွေချည်းပါပဲ။

ပရီးမီးယားလိဂ်အသင်းကြီးတွေထဲမှာ ဒီလို နှစ်ယောက်တွဲ တိုက်စစ်ပုံကနေ သိသိသာသာ စတင်ကွဲထွက်ခဲ့တာကတော့ မော်ရင်ဟိုဖြစ်ခဲ့ပြီး၊ ဒရော့ဘာကို တစ်ဦးတည်းအထောင်(Sole Striker) ပုံစံနဲ့ ကစားစေခဲ့တာပါ။ သူ့ရဲ့ခေတ်ပြိုင်ရောက်ရှိလာတဲ့ ဘင်နီတက်ဇ် အနေနဲ့ကတော့ နှစ်ယောက်တွဲတိုက်စစ်ပုံစံကို လုံးလုံးကြီး စွန့်လွှတ်လိုက်တာမျိုးတော့ မရှိခဲ့ပေမဲ့၊ ကီးဝဲလ်ကို AMF Role အတွက် ဂျရတ် ပီပီပြင်ပြင် မကစားခင်မှာ စပ်ကူးပုံစံနဲ့ ကစားခဲ့ပါတယ်။ ယူ
နိုက်တက်နဲ့ အာဆင်နယ်ကတော့ တိုက်စစ်နှစ်ယောက်တွဲ ပုံစံကို အတော်ကြာကြာ ဆက်ကစားခဲ့ကြပြီ၊ မန်စီးတီးဆိုရင်လည်း ပထမအကြိမ် ဖလားရတုန်းက နှစ်ယောက်တွဲတိုက်စစ်ဟန်နဲ့ပါပဲ။ ကြားထဲမှာ နှစ်ယောက်တွဲကနေ တိုက်စစ်သုံးယောက်ဟန်တွေလည်းခေတ်စားတဲ့ကာလ ရှိခဲ့ပြီး၊ ယူနိုက်တက်က ရော်နယ်ဒို၊ ရွန်နီ၊ တီဗက်ဇ်၊ ချယ်ဆီးမှာဆို အနယ်လ်ကာ၊ ဒရော့ဘာ၊ မာလူဒါ အတွဲတွေက (တောင်ပံ ၁ + တိုက်စစ်မှုး ၂) သုံးယောက်တွဲ ပုံစံတွေဖြစ်ပါတယ်။ အဲ့ဒီအချိန် (၂၀၀၀ ခုနှစ်နှောင်း-၂၀၁၀ အစောပိုင်း) ကာလတွေရဲ့ သုံးယောက်တွဲတိုက်စစ်ပုံတွေက လက်ရှိမြင်ရတဲ့သုံးယောက်တန်းတွေနဲ့တော့ ကွာခြားမှုရှိပြန်ပြီး (၂+၁) ပုံစံတွေပါ။ မော်ရင်ဟိုနဲ့ ဘင်နီတက်ဇ်ကတော့ လမ်းပတ်၊ ဂျရတ်တို့နဲ့အတူ ကွင်းလယ်တိုက်စစ်ကစားသမား ကို တွင်တွင်ကျယ်ကျယ် အသုံးချလာခဲ့ကြပြီး၊ ဒီကစားသမားတွေရဲ့ ဂိုးသွင်းအားတွေဟာ တိုက်စစ်မှုးတစ်ယောက်ကို နေရာပျောက်စေခဲ့တဲ့ အကြောင်းတရားတစ်ခုလည်း ဖြစ်ခဲ့ပါတယ်။

ဒါပေမဲ့လည်း တစ်ဖက်မှာတော့ ဖာဂူဆန်ဟာ အနားယူတဲ့အချိန်အထိ တိုက်စစ်နှစ်ယောက်တွဲ ပုံစံကို စွဲစွဲမြဲမြဲ သုံးသွားခဲ့သလို၊ အာဆင်ဝင်းဂါးကလည်း အိုဇေးလ်မရောက်ခင်အထိ နှစ်ယောက်တွဲတိုက်စစ်ကို အဓိကသုံးခဲ့တာပါပဲ။
ဥရောပဘက်ကို ကြည့်ရင်တော့ ရီးရဲလ်ဟာ ကာကာရောက်မလာခင်အထိ ဟီဂူအင်၊ ရာအူးလ် အတွဲနဲ့ပဲ ကစားခဲ့တာပါ။ ဘာကာကတော့ ဒီအချိန်မှာ မက်ဆီရဲ့တောက်ပလာမှုတွေနဲ့အတူ (၂+၁) ဟန်မျိုးကို ကစားနေခဲ့ပါပြီ။

ဒီလိုမျိုးကာလတွေကနေ possession football ရေပန်းစားလာမှု၊ ၄-၂-၃-၁ ခေတ်၊ ပရီးမီးယားလိဂ် ပါရာဒိုင်းအပြောင်းအလဲနဲ့တွေအတူ အသင်းတိုင်းလိုလိုက ၄-၄-၂ ဟန်ကို စွန့်လွှတ်လာကြပြီး၊ တိုက်စစ်နှစ်ယောက်တွဲတွေလည်း ပျောက်ကွယ်လာပါတော့တယ်။

ဒီကြားထဲမှာမှ လက်စတာက ရှေးရိုးနှစ်ယောက်တွဲတိုက်စစ်ဟန် နဲ့ဖလားသိမ်းလိုက်တာကတော့ အမှတ်တရပါပဲ။

အခုလိုမျိုး တိုက်စစ်နှစ်ယောက်တွဲတွေ ပျောက်လာတာခြင်းအတွက်အကြောင်းတရား မျိုးစုံတော့ ရှိပါတယ်။ အပေါ်မှာပြောခဲ့သလို ၄-၄-၂ ကစားပုံက ရေပန်းမစားတော့တာအပါအဝင်၊ အသင်းတိုင်းက ကွင်းလယ်စိုးမိုးနိုင်မှုအတွက် ဦးစားပေးလာတဲ့အခါမှာ ကွင်းလယ်မှာ လူအများဆုံးကို သုံးချင်တဲ့အချက်ကလည်း အဓိကပါပါတယ်။ တိုက်စစ်က တစ်နေရာကိုကွင်းလယ်အတွက် ယူသုံးလာတာအပြင်၊ နောက်တန်းကတစ်နေရာကိုပါ ယူလာကြတာအထိပါတွေ့နေရပါသေးတယ်။ ပြီးရင်တော့ တောင်ပံကစားသမားတွေရဲ့ ဂိုးသွင်းနိုင်စွမ်းတွေက လည်း အဓိကကျလာပြန်ပါတယ်။ ရော်နယ်ဒို၊ နေမာ၊ ဟာဇက်၊ ဆာလာ တို့ကနေ ဗင်နီးစီယပ်စ်၊ဆာကာ တို့လိုအထိ တောင်ပံကစားသမားမျိုးတွေက အရင်က တိုက်စစ်မှုးတွေဆီကနေတောင်းဆိုတဲ့ ဂိုးသွင်းနှုန်းကို ပေးလာတဲ့အခါမှာ တိုက်စစ်မှုးစစ်စစ်နှစ်ယောက်မလိုတော့ပြန်ပါဘူး။ နောက်တစ်ချက်ကတော့ လမ်းပတ်၊ဂျရတ်၊ ကာကာ၊ မက်ဆီ၊ အိုဇေးလ်၊ ဒေးဗစ်ဆေးလ်ဗား၊ဒီဘရိုင်း၊ ဘရူနိုဖာနန်ဒက်စ်၊ အိုဒီဂတ် စတဲ့ ကွင်းလယ်တိုက်စစ် (AMF) တွေရဲ့ ကလည်း ဂိုးအတွက်/ပံ့ပိုးမှုအတွက် သိသိသာသာ ထိရောက်အရေးပါလာမှုတွေကလည်း တိုက်စစ်မှုးတစ်နေရာစာကို ဖယ်ထုတ်လာပြန်ပါတော့တယ်။ ဆိုတော့ကာ တိုက်စစ်မှုးတစ်ယောက်ပဲ သုံးတာဟာ လက်ရှိဘောလုံးရဲ့ အဓိကရေစီးကြောင်း (mainstream) တစ်ခုလိုဖြစ်လာပါတယ်။ ဒီအနေအထားမှာ အရင်က တွေ့ရလေ့ရှိတဲ့ နောက်ချန်တိုက်စစ် (Second Striker/Shadow Striker) တွေ ဟာ ပိုနေရာပျောက်လာကြပြီး၊လက်ရှိကစားသမားတွေထဲမှာ ဒီလိုကစားပုံမျိုးကိုအားသန်တဲ့ ကစားသမားတွေဖြစ်တဲ့ ဒိုင်ဘာလား၊ ဂျောင်ဖိလစ်၊ အန်ကူကူ တို့ဟာ အရည်အသွေးရှိလင့်ကစား အသင်းတိုင်းနဲ့မကိုက်တဲ့ ကစားသမားမျိုးတွေဖြစ်လာပါတယ်။

ဒီလိုမျိုးကာလမှာ ဆီမြွန်နီနဲ့ အင်ဇာဂီ အသင်းတွေကတော့ mainstream ကနေကွဲထွက်ပြီး တိုက်စစ်မှုးနှစ်ယောက်ကို ကိုယ်ပိုင်ဟန်ကိုယ်စီတွေနဲ့အတူ သုံးနေကြဆဲပါ။ အင်တာမှာတော့ မာတီနက်ဇ်ဟာ ချိတ်ဆက်မှုအတွက်တော့၊ ထိုးဖောက်မှုတွေအတွက်ပါ အရေးပါပြီး၊ သူနဲ့တွဲဖက် အဆက်ဆက်အတွက် အကောင်းဆုံးကစားသမားဖြစ်လျက်ပါပဲ။ အင်ဇာဂီရဲ့ တိုက်စစ်နှစ်ယောက်တွဲဟန်မှာ ခံစစ်တောင်ပံတွေရဲ့ အရေးပါ/အသုံးတည့်မှုကိုလည်း မေ့ထားလိုမရသလို၊ ဒီလို ထိရောက်ဟန်ချက်ညီတဲ့ သူတွေ/ကစားပုံတွေနဲ့မလို သုံးနိုင်တာကိုလည်း ထည့်စဉ်းစားရတာပါပဲ။ ဆီမြွန်နီကတော့ တိုက်စစ်မှုးနှစ်ယောက်အတွဲကို ပုံစံအစုံနဲ့အသုံးနိုင်ဆုံးလို့ပြောနိုင်ပါတယ်။ Big Man - Little Man ဟန်ကနေ၊ နောက်ချန်-အထောင် အတွဲမျိုးစုံ သုံးနိုင်တဲ့ လူအင်အားကို စုဆောင်းထားနိုင်ပါတယ်။

တိုက်စစ်နှစ်ယောက်တွဲဆိုတာ မျိုးတုံးခေတ်ကုန်သွားပြီလို့ သတ်မှတ်လို့မရသေးဘဲ၊ နည်းပြ၊လူအင်အား၊ ကစားကွက် ၊ ကျွမ်းကျင်မှု စတဲ့ အခြေအနေ အရပ်ရပ်ကို မူတည်ပြီး အသုံးတည့်နေဆဲ ပါပဲ။

06/02/2025

ဟတ်စကီး (သို့မဟုတ်) သင်ထင်ထားတာထက်ပိုတဲ့ အမှတ်ရစရာ လူထွားကြီး

ပရီးမီးယားလိဂ်ရဲ့အစောပိုင်းကာလတွေတည်းက ကြည့်ခဲ့ဖူးသူတွေအတွက်တော့ လူထွားကြီးဟတ်စကီးကို မေ့မယ့်မထင်ပါဘူး။ ဒါပေမယ့် ဒီကစားသမားကြီးကို သူ့ရဲ့ ခေတ်ပြိုင်တိုက်စစ်မှုးတွေလောက်တော့လည်း ပရိသတ်တွေ မစွဲခဲ့ကြပါဘူး။ သူ့ရဲ့တွဲဘက် အိုဝင်၊ တစ်လိဂ်တည်းက နစ္စတယ်ရွိုင်း၊ အွန်နရီ၊ ဘားကင့်ပ်၊ တခြားလိဂ်တွေက ရော်နယ်ဒို၊ ရာအူးလ်၊ ဒယ်လ်ပီယာရို၊ တော့တီ၊ ထရာဇီဂေး သူတို့တွေကသာ ပိုထင်ပေါ် လွှမ်းမိုးခဲ့ကြပါတယ်။ လီဗာပူး ပရိသတ်တွေ ကိုယ်တိုင်တောင် သူတို့ရဲ့ တိုက်စစ် သူရဲကောင်းတွေဆိုရင် ဖောင်လာ၊ အိုဝင်၊ တောရက်စ်၊ ဆွာရက်ဇ် စသဖြင့်သာ ပို အမှတ်ရနေနိုင်ပါတယ်။

မတူညီတဲ့အမြင်တွေရှိနိုင်ပေမယ့် ဟတ်စကီးဟာ အခုချိန်မှာ ခေတ်စားလာနေတဲ့ ဂိုးသွင်းဖို့ အဓိကတာဝန်ယူတာ မဟုတ်ဘဲ တွဲဘက်ကစားသမားတွေ ဂိုးသွင်းနိုင်ဖို့၊ တိုက်စစ်ချိတ်ဆက်မှုတွေ လုပ်နိုင်ဖို့၊ နေရာလွတ်တွေ ပေါ်ဖို့၊ တစ်ဖက်နောက်ခံလူတွေ ရဲ့ အာရုံစိုက်မှု ကိုယူဖို့ စတဲ့ တာဝန်တွေ ကို ထမ်းဆောင်တဲ့ တိုက်စစ်မှုး ပုံစံမျိုးကို ရှေ့ပြေးအနေနဲ့ ဆော့ပြခဲ့သူ တစ်ဦးပါပဲ။ သူ့ရဲ့တွဲဘက်ကစားသမား အိုဝင်အတွက် အကောင်းဆုံးတွဲဖက်အဖြစ် စွမ်းဆောင်နိုင်ခဲ့ပြီး နာမည်ကျော် “big man - little man” တိုက်စစ်အတွဲကို ပေါ်ပေါက်စေခဲ့ပါတယ်။

ဒီလိုမျိုး အိုဝင်ဂိုးသွင်းနိုင်အောင် ပံ့ပိုးမှုတွေ လုပ်ခဲ့သူကြီးဟာ သူကိုယ်တိုင်လည်း ဂိုးသွင်းကောင်းသူ တစ်ဦးပါ။ ပရီးမီးယားလိဂ်သွင်းဂိုး (၁၁၀) ရှိခဲ့တဲ့ဟတ်စကီးဟာ ဒီလိဂ်မှာသွင်းဂိုး (၁၀၀) ကျော်ရယူထားနိုင်တဲ့ ကစားသမား (၂၈) ယောက်ထဲမှာ တစ်ယောက်အပါအဝင်ဖြစ်သလို ဒရော့ဘာရဲ့ သွင်းဂိုးထက်တောင် (၆) ဂိုးပိုများပါသေးတယ်။ ဒါအပြင့် ပံ့ပိုးမှု ပေါင်း (၅၃) ကြိမ်ထိရှိခဲ့ပြီး ဂန္တဝင် ပေါလ်စခိုးထက် (၂) ကြိမ်သာ လျော့နည်းတာ ဖြစ်ပါတယ်။ ဒီလူထွားကြီးဟာ လီဗာပူးမှာ ကစားခဲ့တဲ့ ကာလအတွင်း အဓိကဆုဖလား (၆) ကြိမ်ရရှိခဲ့ပါတယ်။

ဒါပေမယ့် ဟတ်စကီးတို့ခေတ်က တိုက်စစ်မှုးဆို သွင်းဂိုးများများသွင်းသူတွေသာ ပိုထင်ပေါ်လေ့ရှိပြီး ဟတ်စကီးတို့လို ကစားပုံတွေက အခုလောက် အသိအမှတ်ပြုမခံရပါသေးပါဘူး။

ဒါနဲ့ပတ်သတ်ပြီး တကယ်လို့များအခုချိန်မှာ ကစားခဲ့ရင် ပိုပြီး အသိအမှတ်ပြုခံရမလား ဆိုပြီး မေးမြန်းမှုကို ဟတ်စကီးက အခုလို ဖြေထားခဲ့ပါတယ်။

“အခုချိန်ဆိုတော့ ဖြစ်နိုင်ပါတယ်။ အကြမ်းဖျင်းအားဖြင့် လူတွေက တိုက်စစ်မှုးတွေအကြောင်းပြောရင် ဂိုးတွေပဲ ကြည့်ကြတာ။ ဒါပေမယ့် ဂိုးတွေသွင်းနေတာ မဟုတ်ဘဲ အသင်းအတွက် တကယ်အလုပ်လုပ်ပေးနေတာတွေလည်း ရှိပါတယ်။ အခုဆိုရင် ဒါမျိုးတွေ အများကြီး တွေ့နေရပါပြီ။ လူတွေကလည်း ပိုပြီး ချီးကျူး အသိအမှတ်ပြုလာကြပါပြီ”

လက်ရှိမှာတော့ ဟတ်စကီးဟာ အင်္ဂလန်အခြေစိုက် လုံခြုံရေးလုပ်ငန်းတစ်ခုမှာ ဒါရိုက်တာအဖြစ် တာဝန်ယူသွားမှာဖြစ်ကြောင်း လောလောလတ်လတ်မှာတင် ထုတ်ပြောထားခဲ့ပါတယ်။

06/02/2025

နယူးကာဆယ်ဟာ ဒီရာသီ အာဆင်နယ်နဲ့တွေ့ဆုံမှု သုံးကြိမ်လုံးမှာ ပေးဂိုးမရှိဘဲ အကုန်နိုင်ထားတာဖြစ်ပါတယ်။

အာဆင်နယ်ပရိသတ်တွေအတွက်တော့ အသင်းမှာခေါ်ယူစေချင်တဲ့ အိုင်ဆက်ဟာ ဒီသုံးပွဲမှာ နှစ်ပွဲဂိုးသွင်းခဲ့တာလည်း ဖြစ်တာမလို့ ပိုပြီး လိုချင်စရာ ဖြစ်ခဲ့ပါလိမ့်မယ်။

နယူးကာဆယ်ဟာ မနေ့ညက ကစားခဲ့တဲ့ ကာရာဘောင်းပွဲမှာ အာဆင်နယ်ကို အနိုင်ယူပြီး၊ ဗိုလ်လုပွဲကိုတက်ခဲ့ပြီဖြစ်တာကြောင့်၊ သူတို့ရဲ့ဝေးကွာနေတဲ့ ဖလားအောင်ပွဲတစ်ခုကို ရယူနိုင်ဖို့ လက်တကမ်းအလိုကို ရောက်လာခဲ့ပါပြီ။

03/02/2025

ပရီးမီးယားလိဂ်သမိုင်းတလျောက် (၁၇)နှစ်နဲ့ အောက် ကစားသမားတွေထဲမှာ နွမ်နရီ (၇ဂိုး) ထက် ဂိုးပိုသွင်းခဲ့ဖူးတာ မိုက်ကယ်အိုဝင်နဲ့ ဝိန်းရွန်နီ (၉ဂိုးစီ) တို့သာ ရှိပါတယ်။

လက်ရှိဥရောပထိပ်တန်းလိဂ်ငါးခုမှာလည်း ယာမဲလ်ပြီးရင် ဂိုးအများဆုံး အသက်(၁၈)နှစ်အောက် ကစားသမား အဖြစ်ရပ်တည်လျက်ရှိပါတယ်။

Address

U Chit Mg Road
Yangon
11201

Telephone

+959964300775

Website

http://www.totalsportsmm.com/

Alerts

Be the first to know and let us send you an email when Total Sports posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Total Sports:

Videos

ဒီ clip လေးကတော့ မန်စီးတီးပရိသတ်များအတွက် အဓိကရည်ရွယ်ပါတယ်။ ပထမဆုံးပြောချင်တာက Admin က ဂွါဒီယိုလာ ပရိသတ်မဟုတ်တဲ့အပြင်၊ သူ့ရဲ့ ပြိုင်ဘက်ကြီးတွေဖြစ်ခဲ့ကြတဲ့ မော်ရင်ဟိုနဲ့ ကလော့ပ်တို့ရဲ့ ပရိသတ်လို့တောင်ပြောနိုင်ပါသေးတယ်။ ဒါပေမဲ့လည်း ပက်ရဲ့ အောင်မြင်မှုတွေဟာ ဘယ်လိုမျိုးနဲ့မှ သေးသိမ်အောင်လုပ်ဖို့မဖြစ်နိုင်သလို၊ သူ့ရဲ့ မော်ဒန်ဘောလုံးလောကအပေါ်မှာ ဩဇာလွှမ်းမိုးမှုအရှိန်အဝါကို ဘယ်သူမှ လိုက်မမီဘူးဆိုတာကိုတော့ ချွင်းချက်မရှိလက်ခံပါတယ်။ မော်ရင်ဟိုရဲ့ ပရိသတ်တစ်ယောက်အနေနဲ့တောင် နောက်ထပ် လက်ခံတဲ့တစ်ချက်ကတော့ ပက် တစ်ချိန်မှာ ချန်ခဲ့မဲ့ Legacy လို့ ခေါ်တဲ့ အမွေအနှစ် ပဲဖြစ်ပါတယ်။ နည်းပြတိုင်းမှာ ထောက်ကွက်တွေတော့ရှိစမြဲပါပဲ၊ ဒါပေမဲ့လည်း ပက်ရဲ့ ခမ်းနားမှုဟာ မှေးမှိန်ပြစ်လိုက်ဖို့ ခက်ခဲပါတယ်။ တီကီတာကာကို အမြင့်ဆုံးအဆင

“ဒါခင်ဗျားစောင့်နေတဲ့ ဗီဒီယိုမဟုတ်ဘူး” 😛 ပရိသတ်တွေ အားပေးကြတဲ့ ရီဗျူးမဟုတ်ဘူးအစီအစဉ်ရယ်၊ နောက်ကွယ်က အကြောင်းတချို့ရယ်နဲ့ တခြားသော Total Sports အစီအစဉ်တွေအကြောင်းကို နည်းနည်းပြောပြထားပါတယ်။ အစကတော့ စာနဲ့ပဲရေးဖို့တွေးလိုက်ပေမဲ့၊ အပြောင်းအလဲလေးလည်း ဖြစ်အောင်ပါ။ သိချင်တာ၊ဆွေးနွေးချင်တာတွေလည်း မျှဝေခဲ့ကြပါဦး။ #TotalSports

အဲရစ်တန်ဟက်နဲ့ လမ်းခွဲသင့်လို့ လမ်းခွဲတာလား (Opinion)

အဲရစ်တန်ဟက်နဲ့ လမ်းခွဲသင့်လို့ လမ်းခွဲတာလား ( Opinion) .. 🔴 Host 𝑲𝒐 𝑯𝒕𝒆𝒕 𝑺𝒐𝒆 #Totalsports #HtetSoe

ရိုဒရီရဲ့ Balloon D'Or က တစ်ကယ်ပဲ မထိုက်တန်ဘူးလား(Opinion)

ရိုဒရီရဲ့ Balloon D'Or က တစ်ကယ်ပဲမထိုက်တန်ဘူးလား.. ( Opinion) .. 🔴 Host 𝑲𝒐 𝑯𝒕𝒆𝒕 𝑺𝒐𝒆 This Video Is Support By SBO Top… #Totalsports #HtetSoe #Rodri

ဘောလုံးနဲ့မဆိုင်ပေမဲ့၊ ပြောပြချင်ခဲ့တဲ့ မြို့လေးအကြောင်းကို အားပေးခဲ့ကြသူတွေကို ကျေးဇူးပါ 😉 ဘောလုံးအကြောင်းမဟုတ်တဲ့အတွက် သဘောမတွေ့ဖြစ်ခဲ့ကြတယ်ဆိုရင်လည်း နားလည်ခွင့်လွှတ်ပေးစေလိုပါတယ်။ အခါသင့်ရင်တော့ အခြားသော မြို့တွေအကြောင်းကို ပြောပြချင်ပါသေးတယ်။ Hope to see you again “Day Dreams Town” #TotalSports

ကျွန်တော်ဟာ အစွဲကြီးတဲ့သူတစ်ယောက် ဖြစ်တယ်ပဲဆိုပါတော့… ချယ်ဆီးရဲ့ အမှတ်လက္ခဏာဆို ဟိုဆေးလို့ လက်ခံဆဲဖြစ်သလို… သူတို့ရဲ့ အတွဲအဖက်ဟာသာ အလိုက်ဖက်ဆုံး လို့ယုံကြည်ဆဲပါပဲ… #TotalSports

တန်ဟက်ကို ပရိသတ်တွေ ဘယ်လိုပြန်ချဉ်းကပ်ကြမလဲ #Totalsports #KoHtetsoe

မန်စီးတီး(2-2)အာဆင်နယ် (ပွဲပြီးသုံးသပ်ချက် Review).. - ဟာလန်းရဲ့ ဂိုး၁၀၀ပြည့်.. - အာဆင်နယ်အတွက် ဖျက်ဆီးခံလိုက်ရတဲ့ ရလဒ်လား.. - ဘယ်သူ့အတွက်ပိုနစ်နာခဲ့လဲ.. - ဒိုင်လူကြီးရဲ့ Controversial ဆုံးဖြတ်ချက်.. #Totalsports #KoHtetsoe

မန်စီးတီးတို့ အာဆင်နယ်ကို ဘယ်လိုရင်ဆိုင်မလဲ ( Preview).

မန်စီးတီး Vs အာဆင်နယ် (ပွဲကြိုသုံးသပ်ချက် Preview).. - မနှစ်ကမနိုင်တဲ့ အာဆင်နယ်ကို မန်စီးတီးပြန်နိုင်တော့မလား - အာဆင်နယ်ရဲ့ Solid Defence ကို ဘယ်လိုကျော်ဖြတ်မလဲ - ဟာလန်း Vs ဆာလီဘာ Battle ဘယ်သူအသာရမလဲ .. #Totalsports #Htetsoe