08/02/2024
RUMOR: Pirates of the Caribbean ကို မိန်းမဇာတ်ကောင်နဲ့ reboot ချဖို့ Disney ပြန်ကြိုးစားလျက်ရှိ
ဖေဖော်ဝါရီ ၇၊ ၂၀၂၄။
သရုပ်ဆောင် Johnny Depp ရဲ့ fantasy ရုပ်ရှင် franchise တစ်ခုဖြစ်တဲ့ Pirates of the Caribbean ဟာ ရုပ်ရှင်ငါးကားအထိထွက်ရှိပြီး အောင်မြင်မှုရရှိခဲ့ပေမယ့်လည်း Johnny Depp ရဲ့ ပုဂ္ဂလိကပြဿနာတွေကြောင့် Disney ဟာ Johnny Depp ကို Captain Jacksparrow နေရာကနေ ထုတ်ပယ်ခဲ့ပါတယ်။
အဲဒီနောက်မှာ Disney ဟာ Pirates of the Caribbean ကို Barbie သရုပ်ဆောင် Margot Robbie နဲ့ reboot ချဖို့ကြိုးစားခဲ့ပေမယ့် အထမြောက်ခဲ့ခြင်းမရှိပါဘူး။ သို့ပေမယ့် Disney ဟာ Pirates of the Caribbean ကို အမျိုးသမီးအဓိကဇာတ်ကောင်၊ အမျိုးသမီးသရုပ်ဆောင်နဲ့ reboot ချဖို့ နောက်တစ်ကြိမ်ပြန်လည်ကြိုးစားလျက်ရှိနေပုံပါပဲ။
Disney ဟာ Pirates of the Caribbean ကို The Bear သရုပ်ဆောင် Ayo Edebiri နဲ့ reboot ချ ရိုက်ကူးသွားဖို့ပြင်ဆင်နေကြောင်း ဟောလိဝုဒ်ကရုပ်ရှင်တွေနဲ့ပတ်သက်ပြီး ဟောလိဝုဒ် အတွင်းသတင်းတွေကို ချပြလျက်ရှိနေတဲ့ Daniel Ritchiman ဆိုသူက ၎င်းရဲ့ X လူမှုကွန်ယက်အကောင့်ကနေ ဖော်ထုတ်လာပါတယ်။ ၎င်းရဲ့သတင်းအရ Disney ဟာ Pirates of the Caribbean ကို လူငယ်ခြေတက်များနဲ့ reboot ချဖို့ပြင်ဆင်လျက်ရှိပြီး Golden Globes ဆုရှင် Ayo Edebiri ကို အဓိကဇာတ်ကောင်နေရာအတွက် မျက်စိကျနေကြောင်း သိရပါတယ်။
သို့ပေမယ့် Disney နဲ့ Ayo Edebiri ဘက်ကတော့ Pirates of the Caribbean နဲ့ ပတ်သက်ပြီး တစ်စုံတစ်ရာအတည်ပြုလာခြင်းမရှိသေးပါဘူး။ Ayo Edebiri ဟာ The Bear အပြင် Clone High, Spider-Man: Across the Spider-Verse နဲ့ Teenage Mutant Ninja Turtles: Mutant Mayhem တို့မှာလည်း ပါဝင်ခဲ့ပါတယ်။
ပြီးခဲ့တဲ့ ၂၀၂၃ စက်တင်ဘာလက The Last of Us နဲ့ Chernobyl ဇာတ်ညွှန်းဆရာ Craig Mazin ဟာ Pirates of the Caribbean ရုပ်ရှင်တွေရဲ့ မူရင်းဇာတ်ညွှန်းဆရာ Ted Elliot နဲ့ ပူးပေါင်းကာ နောက်ထပ် Pirates of the Caribbean ရုပ်ရှင်သစ်အတွက် ဇာတ်ညွှန်းရေးသားပြင်ဆင်မှုများရှိနေကြောင်း သတင်းအတည်ပြုချက်ရရှိခဲ့ပါသေးတယ်။ Ayo Edebiri ဟာ Craig Mazin ရဲ့ Pirates of the Caribbean မှာ ပါဝင်လာနိုင်ကြောင်း အချို့ကသုံးသပ်နေပါတယ်။
Pirates of the Caribbean ရုပ်ရှင်များစာရင်း
- Pirates of the Caribbean: The Curse of thr Black Pearl (2003)
- Pirates of the Caribbean: Dead Men's Chest (2006)
- Pirates of the Caribbean: At World's End (2007)
- Pirates of the Caribbean: On Stranger Tides (2011)
- Pirates of the Caribbean: Salazar's Revenge (2017)
မူရင်ရေးသားသူကိုလေးစာစွာဖြင့်
#ဟာသ #သတင်း #စာပေ story
