Aqua Myanmar အနေနဲ့ အပင်ကန်၊ ငါးကန်လေးများကို နှစ်သက်သဘောကျပြီး ကိုယ်တိုင်ပြုလုပ်လိုသူတွေ အတွက် လိုအပ်တဲ့ အခြေခံ အချက်အလက်များကို မျှဝေသွားမှာဖြစ်ပါတယ်။
မိတ်ဆွေအနေနဲ့ အပင်ကန်ငါးကန်ဝါသနာကို စတင်ဖို့ စိတ်ဝင်စားလာခဲ့မယ်ဆိုရင်တော့ အရင်ဆုံးလိုအပ်တာက ငါးကန်တစ်ကန်မဟုတ်ပါဘူး။ ကြိုတင်လေ့လာမှုနဲ့ Plan တစ်ခုဖြစ်ပါတယ်။
မျက်စိထဲ မြင်အောင်ပြောရရင် အိမ်တစ်လုံး ဆောက်တာနဲ့ တူပါတယ်။ လိုအပ်တဲ့ ပစ္စည်းတွေရှိမယ်၊
တိုင်းတာမှုတွေရှိမယ်၊ သူ့နေရာနဲ့သူ လှပအောင်နေရာချတာတွေရှိမယ်၊ ရေ၊ မီးစနစ်တွေကို စုံလင်အောင်တပ်ဆင်ရတာတွေရှိမယ်။ ခုလိုမျိုး စနစ်တွေ အပြည့်အစုံတပ်ဆင်ထားပေမယ့်လည်း သာယာနာပျော်ဖွယ် မိသားစုလေးတစ်ခု လိုအပ်ပါသေးတယ်။ ဒါကတော့ မျက်စိထဲ မြင်အောင် ပြောတာပါ။
အပင်ကန်၊ ငါးကန်လေးတွေလည်း ဒီလိုပါပဲ။ အချိန်ပေးပြီး လေ့လာသင်ယူတည်ဆောက်ရတာပါ။
