Burma Associated Press

24/12/2024

မင်းတပ်မြို့သိမ်းတိုက်ပွဲမှ ရရှိသည့် လက်နက်ခဲယမ်းများ CDF ထုတ်ပြလာ

BAP၊ ဒီဇင်ဘာ ၂၄။

ချင်းပြည်နယ်၊ မင်းတပ်မြို့သိမ်းတိုက်ပွဲမှ ရရှိခဲ့သည့် လက်နက်ခဲယမ်းများကို ချင်းကာကွယ်ရေးတပ်ဖွဲ့(မင်းတပ်) က ယနေ့ ထုတ်ပြန်လာခဲ့သည်။

မင်းတပ်မြို့သိမ်းတိုက်ပွဲသည် ချင်းညီနောင်စစ်ဆင်ရေး (Operation CB) အမည်ဖြင့် ချင်းတော်လှန်ရေးတပ်ဖွဲ့များ ပူးပေါင်းဆင်နွှဲခဲ့သည့် စစ်ဆင်ရေးဖြစ်သည်။

အဆိုပါစစ်ဆင်ရေးဖြင့် မင်းတပ်မြို့ကို ယခုလ ၂၁ ရက်တွင် အပြီးသတ်သိမ်းပိုက်နိုင်ခဲ့ခြင်းဖြစ်သည်။

မြို့သိမ်းတိုက်ပွဲပြီးသော်လည်း စစ်ကောင်စီက လေကြောင်းတိုက်ခိုက်မှုများ ဆက်တိုက်လုပ်ဆောင်နေသဖြင့် ပြည်သူများ ခွင့်ပြုချက်မရဘဲ မြို့တွင်းသွားလာခြင်းမပြုရန် ချင်းကာကွယ်ရေးတပ်ဖွဲ့(မင်းတပ်) က အသိပေးထားသည်။

ပုံ - ချင်းကာကွယ်ရေးတပ်ဖွဲ့(မင်းတပ်)

Burma Associated Press

24/12/2024

ရန်ကုန်တိုင်း ခရမ်းမြို့မှာ စစ်တပ်က အင်အားအများအပြားနဲ့ ဝင်ရောက်ရှာဖွေတာတွေလုပ်နေ

BAP၊ ဒီဇင်ဘာ ၂၄။

ရန်ကုန်တိုင်း ခရမ်းမြို့နယ်ထဲက ကျေးရွာအချို့မှု နေအိမ်တွေကို စစ်တပ်နဲ့ရဲက အင်အားအများအပြားနဲ့ ဝင်ရောက် ရှာဖွေနေကြတယ်လို့ ဒေသခံတွေက ပြောပါတယ်။

ဒါ့အပြင် ကောင်းကင်မှာ ဒရုန်းတွေ ပျံဝဲနေတာကိုလည်း တွေ့နေရတယ်လို့ ဒေသခံတွေကဆိုပါတယ်။

အခု ဒီဇင်ဘာလအတွင်း ညပိုင်းအချိန်တွေမှာ စစ်တပ်၊ ရဲနဲ့ လူဝင်မူကြီးကြပ်ရေးအဖွဲ့ အင်အား ၅၀ ကျော်က ခရမ်းမြို့နယ်ထဲက ရွာ ၅ ရွာနီးပါးကို လာရောက်စစ်ဆေးခဲ့တယ်လို့ စစ်ဆေးခံခဲ့ရသူအချို့က ပြောပါတယ်။

"သန်းခေါင်စားရင်းမှာပါတဲ့လူဦးရေနဲ့ လူတယောက်ချင်းဆီကအစ လက်နိုပ်ဓာတ်မီးနဲ့ထိုးကြည့်တယ်၊ နေအိမ် အောက်ထပ် အဖီကအစ တဝိုင်းလုံးကိုဝင်ရှာတယ်၊ အိမ်ထောင်စုစာရင်းထဲမှာ ယောက်ကျားလေးပါသူရှိလို့ မတွေ့ရင်လည်း ဘာကြောင့်မရှ်ိတာလဲ ဆိုတာမျိုး အသေးစိပ် စစ်တယ်" လို့ ရှာဖွေခံခဲ့ ရတဲ့ မိသားစု ဝင်တဦးကပြောပါတယ်။

ခရမ်းမြို့ဟာ တော်လှန်ရေးတပ်ဖွဲ့တွေ စိမ့်ဝင်မှု အားကောင်းတဲ့နေရာအဖြစ် စစ်ကောင်စီက သတ်မှတ် ထားတာကြောင့် အစစ်ဆေးအမြဲတမ်းရှိနေတယ်လို့ မြို့ခံတွေက ပြောပါတယ်။

"ခရမ်း မြို့ဝင်မြို့ထွက်ဂိတ်တွေမှာလဲတအားစစ်တယ်၊ ဒရုန်းတွေတွေ့တယ်ဆိုပြီး ရွာတွေကိုရှာတယ်၊ မတွေ့ရ တော့ ရွာတိုင်းကင်းစောင့်ရတယ်၊ မစောင့်နိုင်တဲ့အိမ်တွေ ကင်းကြေးပေးရတယ်၊ စစ်ကောင်စီတပ်တွေ အစစ်ဆေး ကြမ်းတဲ့နေရာဖြစ်နေတာ အားလုံးကဖုန်းတောင် အပြင်ထွက်ရင်မယူရဲကြတော့ဘူး"လို့ ခရမ်းမြို့ခံ တဦးက ပြောပါတယ်။

ခရမ်းမြို့နယ်မှာ ကျေးရွာ ၅၆ ရွာရှိပြီး ၄၃ ရွာကအုပ်ချုပ်ရေးမှူးတွေ ၂၀၂၁ ခုနှစ် အာဏာသိမ်းချိန်မှာ နုတ်ထွက်ခဲ့ဖူးပါတယ်။

ပုံစာ- စစ်အာဏာသိမ်းခဲ့တဲ့ ၂၀၂၁ ခုနှစ် ခရမ်းမြို့ဆန္ဒပြသူတွေကို ဖြိုခွင်းဖို့ရောက်နေတဲ့ ရဲတပ်ဖွဲ့ဝင်တွေ (ဓာတ်ပုံ- လူမှုကွန်ရက်)

Burma Associated Press

23/12/2024

BAP က စုစည်းတဲ့မှတ်တမ်းတွေအရ ချင်းပြည်နယ်၊ ပလက်ဝဒေသမှာ နူးဘူးဗျူဟာမှုး ဒုတိယဗိုလ်မှူးကြီး ဗညားပိုင်စိုး ကို ပြီးခဲ့တဲ့နှစ် ဒီဇင်ဘာလမှာ အသေရရှိခဲ့ပါတယ်။ အဲဒီနောက် ရခိုင်ပြည်နယ် ပုဏ္ဏားကျွန်းမြို့နယ်မှာ ဗျူဟာမှုး ဗိုလ်မှူးကြီး မျိုးမင်းကိုကိုနဲ့ ခလရ (၂ဝ၈) တပ်ရင်းမှူး ဒုဗိုလ်မှူးကြီး ဖြိုးသူအောင်တို့ကို ယခုနှစ် မတ်လနဲ့ တပ်မ ၂၂ တပ်မမှူး ဗိုလ်မှူးကြီးအောင်နေမျိုး အခုနှစ် ဒီဇင်ဘာလ မောင်တောမြို့မှာ အသေရရှိခဲ့ပါတယ်။

အနောက်ပိုင်းတိုင်းစစ်ဌာနချုပ်ကို လက်လွှတ်ခဲ့ရတဲ့ ဒီဇင်ဘာလ ၂၀ ရက်ထိ BAP က လက်လှမ်းမီ သလောက် စုစည်းထားတာဖြစ်ပြ...

22/12/2024

AA နဲ့တိုက်တဲ့တိုက်ပွဲမှာ သေဆုံးဖမ်းဆီးခံရတဲ့ ဗျူဟာမှူးအဆင့်နဲ့အထက် စစ်အရာရှိကြီး ၈ ဦး ထက်မနည်းရှိလာ

BAP၊ ဒီဇင်ဘာ ၂၂။

ရခိုင်ပြည်နယ်နဲ့ ပလက်ဝဒေသမှာ အာရက္ခတပ်တော်-AA နဲ့ စစ်ကောင်စီတို့အကြားတိုက်ပွဲတွေမှာ စစ်တပ်ဘက် ကနေ ဒုတိယဗိုလ်မှူးကြီး၊ ဗိုလ်မှူးကြီး၊ ဗျူဟာမှူးအဆင့်နဲ့အထက် ဖမ်းဆီးသေဆုံးခဲ့တဲ့ စစ်အရာကြီး ၇ ဦး ထက်မနည်းရှိလာနေပါပြီ။

အနောက်ပိုင်းတိုင်းစစ်ဌာနချုပ်ကို လက်လွှတ်ခဲ့ရတဲ့ ဒီဇင်ဘာလ ၂၀ ရက်ထိ BAP က လက်လှမ်းမီ သလောက် စုစည်းထားတာဖြစ်ပြီး မြေပြင်မှာ ဒီထက်မကပိုနေနိုင်ပါတယ်။

BAP က စုစည်းတဲ့မှတ်တမ်းတွေအရ ချင်းပြည်နယ်၊ ပလက်ဝဒေသမှာ နူးဘူးဗျူဟာမှုး ဒုတိယဗိုလ်မှူးကြီး ဗညားပိုင်စိုး ကို ပြီးခဲ့တဲ့နှစ် ဒီဇင်ဘာလမှာ အသေရရှိခဲ့ပါတယ်။ အဲဒီနောက် ရခိုင်ပြည်နယ် ပုဏ္ဏားကျွန်းမြို့နယ်မှာ ဗျူဟာမှုး ဗိုလ်မှူးကြီး မျိုးမင်းကိုကိုနဲ့ ခလရ (၂ဝ၈) တပ်ရင်းမှူး ဒုဗိုလ်မှူးကြီး ဖြိုးသူအောင်တို့ကို ယခုနှစ် မတ်လနဲ့ တပ်မ ၂၂ တပ်မမှူး ဗိုလ်မှူးကြီးအောင်နေမျိုး အခုနှစ် ဒီဇင်ဘာလ မောင်တောမြို့မှာ အသေရရှိခဲ့ပါတယ်။

သုံ့ပန်းအဖြစ်ဖမ်းဆီးခံရမှုအနေနဲ့ဆိုရင် အခုနှစ် ဇန်နဝါရီလ ကျောက်တော်မြို့နယ်မှာ ဒုတိယဗိုလ်မှူးကြီး ညီညီဝင်း၊ မောင်တောမှာ အမှတ် (၁၅) စစ်ဆင်ရေးကွပ်ကဲမှု ဌာနချုပ်၊ ကွပ်ကဲရေးမှူး ဗိုလ်မှူးချုပ် သူရိန်ထွန်းနဲ့ အမ်းမြို့နယ်မှာ ဒုတိုင်းမှူး ဗိုလ်မှူးချုပ်သောင်းထွန်း၊ တိုင်းဦးစီးချုပ် ဗိုလ်မှူးချုပ်ကျော်ကျော်သန်းတို့ကို ဒီဇင်ဘာလ တွေမှာ လက်ရဖမ်းဆီးနိုင်ခဲ့ပါတယ်။

ရခိုင်ပြည်နယ်မှာ မြို့နယ် ၁၇ မြို့နယ်အနက် မြေပုံ၊ မင်းပြား၊ မြောက်ဦး ၊ ကျောက်တော်၊ ပေါက်တော၊ ပုဏ္ဏား ကျွန်း၊ ရသေ့တောင်၊ ဘူးသီးတောင်၊ ရမ်းဗြဲ၊ သံတွဲ၊ မောင်တောမြို့၊ တောင်ကုတ်၊ အမ်း စတဲ့ ၁၃ မြို့အပြင် ချင်းပြည်နယ် ပလက်ဝမြို့ကို AA က သိမ်းပိုက်ထားပါတယ်။

ဓာတ်ပုံ-AA info desk
Burma Associated Press

22/12/2024

သက်ဆိုင်သူအများပါဝင်သော မြန်မာရွေးကောက်ပွဲကို အာဆီယံ အလိုရှိဟု ထိုင်းနိုင်ငံပြော

BAP၊ ဘာသာပြန်။

မြန်မာစစ်တပ်၏ လာမည့်နှစ်တွင် ကျင်းပရန် စီစဉ်ထားသော ရွေးကောက်ပွဲနှင့် ပတ်သတ်၍ အာဆီယံအဖွဲ့အတွင်း ဘုံရပ်တည်ချက် မရရှိသေးသော်လည်း သက်ဆိုင်သူအားလုံး ပါဝင်ရန် အာဆီယံက အလိုရှိကြောင်း မြန်မာစစ်အုပ်ချုပ်ရေးကို ထိုင်းနိုင်ငံက ပြောခဲ့သည်ဟု ထိုင်းအရာရှိများက သောကြာနေ့တွင် ပြောသည်။

“ရွေးကောက်တစ်ခု ကျင်းပဖြစ်မယ်ဆိုရင် အာဆီယံက သက်ဆိုင်သူအားလုံးပါဝင်တဲ့ လုပ်ငန်းစဉ်တစ်ခု ဖြစ်စေချင်တယ်” ဟု ထိုင်းနိုင်ငံခြားရေးဝန်ကြီး Maris Sangiampongsa က ဘန်ကောက် အာဆီယံနိုင်ငံများမှ သက်ဆိုင်ရာ နိုင်ငံခြားရေးဝန်ကြီးများနှင့် အကြီးတန်း သံတမန်များနှင့် ဆွေးနွေးပွဲများအပြီး အဖွဲ့လိုက် တွေ့ဆုံမေးမြန်းရာတွင် ပြောသည်။

ထိုင်းနိုင်ငံသည် ယခုအပတ်အတွင်း မြန်မာ့အကျပ်အတည်းအတွက် သီးခြား အစည်းအဝေး နှစ်ခု လက်ခံကျင်းပခဲ့ပြီး ပထမတစ်ခုတွင် စစ်အာဏာရှင်ဘက်နှင့် ၎င်း၏ အိမ်နီးချင်းများဖြစ်သည် တရုတ်၊ ဘင်္ဂလားဒေ့ရှ်နှင့် အိန္ဒိယတို့ ပါဝင်ပြီး ၎င်းအစည်းအဝေးပြီး အာဆီယံအဖွဲ့ဝင်များပါဝင်သည့် အစည်းအဝေးကို လက်ခံကျင်းပခဲ့သည်။

မြန်မာစစ်အာဏာရှင်ဘက်မှ နိုင်ငံခြားရေးဝန်ကြီးက ကြာသပတေးနေ့ အစည်းအဝေး တက်ရောက်လာသူများကို စစ်အာဏာရှင်၏ နိုင်ငံရေး လမ်းပြမြေပုံ၊ ရွေးကောက်ပွဲကျင်းပရေး တိုးတက်မှုများကို ရှင်းလင်းပြောဆိုခဲ့ပြီး အတိုက်အခံအဖွဲ့များ ပါဝင်ခြင်း မရှိသည့်အတွက်လည်းကောင်း ဖယ်ထုတ်ထားသည့်အတွက်လည်းကောင်း ဝေဖန်သူများက ဟန်ပြ ရွေးကောက်ပွဲဟု ပယ်ချခဲ့သည်။

“မြန်မာနိုင်ငံအတွက် ဖြေရှင်းချက်တွေကို အားပေးထောက်ခံပါတယ်၊ ဒါပေမယ့် ရွေးကောက်ပွဲမှာ နိုင်ငံတွင်းက သက်ဆိုင်သူ မျိုးစုံ ပါဝင်ရပါမယ်လို့ အိမ်နီးချင်းနိုင်ငံတွေက ပြောကြပါတယ်။” ဟု Maris က ပြောသည်။ ၎င်းက မြန်မာ့အိမ်နီးချင်းများသည် အကြံပေးမည်ဖြစ်သော်လည်း ဝင်ရောက်စွက်ဖက်မည်မဟုတ်ဟု အလေးအနက် ပြောသည်။

၎င်းတိုက အာဆီယံ၏ မြန်မာ့ငြိမ်းချမ်းရေးအစီအစဉ် “ဘုံသဘောတူညီချက် ငါးရပ်”ကိုလည်း အားပေးထောက်ခံသွားမည်ဟု ၎င်းက ပြောသည်။ ၎င်းအစီအစဉ်က ပဋိပက္ခများ လျော့ပါးသွားရန် ဗျူဟာချမှတ်ထားသော်လည်း တိုးတက်မှု မရှိသလောက်ဖြစ်သည်။

သောကြာနေ့အစည်းအဝေးတွင်လည်း မြန်မာရွေးကောက်ပွဲသည် အာဆီယံအဖွဲ့ဝင်များအကြား ဆွေးနွေးမှုများအနက် တစ်စိတ်တစ်ပိုင်းပါဝင်ခဲ့ပြီး ၎င်းအစည်းအဝေးတွင် စစ်အာဏာရှင်ဘက်မှ ပါဝင်ခြင်းမရှိဟု ထိုင်းနိုင်ငံခြားရေးယန်ကြီးဌာန အရာရှိ Bolbongse Vangphaen က ပြောသည်။

အာဆီယံသည် မြန်မာဘက်မှ ရွေးကောက်ပွဲ အသေးစိတ်အချက်အလက်များ စောင့်ဆိုင်းနေဆဲဖြစ်ပြီး ဒေသတွင်း အင်အားကြီးတရုတ်နိုင်ငံက ကျောထောက်နောက်ခံပြုထားသော အဆိုပြုထားသည့် ရွေးကောက်ပွဲအတွက် အာဆီယံသည် ဘုံရပ်တည်ချက်တစ်ခု ရှာဖွေရန်လိုအပ်သည်ဟု ၎င်းက ပြောသည်။

တရုတ် လက်ထောက် နိုင်ငံခြားရေးဝန်ကြီးက ဘန်ကောက်မှ ကြာသပတေးနေ့အစည်းအဝေးတွင် မြန်မာ့ငြိမ်းချမ်းရေးနှင့် ပြန်လည်သင့်မြတ်ရေး ပါဝင်သက်ဆိုင်သူအားလုံး ထောက်ခံအားပေးသင့်သည်ဟု ပြောသည်ဟု တရုတ်နိုင်ငံခြားရေးဝန်ကြီးဌာန သောကြာနေ့တွင် ထုတ်ပြန်သည်။

Sun Weidong က မြန်မာမှ သက်ဆိုင်သူအားလုံး ကွဲလွဲမှုများကို ဆွေးနွေးခြင်း၊ တိုင်ပင်ခြင်းဖြင့် ဖြေရှင်းသင့်သည်ဟု ဆိုသည်။

ကိုးကား - Reuters

ပုံစာ - ဒီဇင်ဘာလ ၁၉ ရက် ၂၀၂၄ ခုနှစ် ထိုင်းနိုင်ငံ ဘန်ကောက်မြို့တွင် ဘင်္ဂလားဒေ့ရှ်၊ တရုတ်၊ အိန္ဒိယ၊ လာအို၊ မြန်မာနှင့် ထိုင်းနိုင်ငံတို့ ပါဝင်သည့် ၆ နိုင်ငံ မြန်မာ့အရေး အလွတ်သဘောဆွေးနွေးပွဲအပြီး သတင်းစာရှင်းလင်းပွဲတွင် ထိုင်းနိုင်ငံခြားရေးဝန်ကြီး Maris Sangiampongsa က ရှင်းလင်းပြောကြားစဉ်။

(Photo: Government House)

Burma Associated Press

20/12/2024

အာဏာသိမ်း​​ခေါင်း​ဆောင်လက်ထက်တွင် အ​နောက်ပိုင်းတိုင်းစစ်ဌာနချုပ် ထပ်ကျ

BAP၊ ဒီဇင်ဘာ ၂၀။

အမ်းမြို့အ​ခြေစိုက် အနောက်ပိုင်းတိုင်းစစ်ဌာနချုပ် တစ်ခုလုံးကို အာရက္ခတပ်တော်(အေအေ) ကသိမ်းပိုက်ရရှိပြီး ဒုတိုင်းမှူး ဗိုလ်မှူးချုပ်သောင်းထွန်းနဲ့ ဗိုလ်မှူးချုပ်ကျော်ကျော်သန်းတို့ကို ဖမ်းဆီးရရှိထားတယ်လို့ အေအေ ပြောခွင့်ရ ဦးခိုင်သုခ က သတင်းမီဒီယာ​တွေကို ယ​နေ့ ပြောပါတယ်။

ဒီနေ့ ဒီဇင်ဘာ ၂၀ ရက် နေ့လယ်ပိုင်းက သိမ်းပိုက်ခဲ့တာလို့ ဆိုပြီး ထွက်ပြေးလွတ်မြောက်သွားတဲ့ စစ်ကောင်စီတပ်ဖွဲ့ဝင်တွေကို လိုက်လံဖမ်းဆီးနေတယ်လို့လည်းဆိုပါတယ်။

နပခကို အေအေ သိမ်းပိုက်ပြီဆိုတာကြောင့် စစ်တပ်ရဲ့ သမိုင်းတစ်လျှောက်မှာ ဒုတိယမြောက်လက်လွှတ်ဆုံးရှုံးခဲ့ရတဲ့ တိုင်းစစ်ဌာနချုပ်ဖြစ်လာပါတယ်။

ပထမ တစ်ခုဖြစ်တဲ့ ရှမ်းမြောက်၊ အရှေ့မြောက်တိုင်းစစ်ဌာနချုပ်ကို ကိုးကန့်တပ် MNDAA က လွန်ခဲ့တဲ့ ၃ လ အကြာက သိမ်းပိုက်ခဲ့တာဖြစ်ပါတယ်။

Burma Associated Press

20/12/2024

အမေရိကန်မှာနေတဲ့ မြန်မာအမျိုးသားက မိသားစုဝင်တွေကိုသတ်ပြီး ကိုယ့်ကိုယ်ကို အဆုံးစီရင်

အမေရိကန်၊ ဒီဇင်ဘာ ၂၀

မိသားစုအနာဂတ်အတွက် မြန်မာနိုင်ငံကနေ အမေရိကန်ကိုဒုက္ခသည်အဖြစ်ပြောင်းရွှေနေထိုင်ခဲ့တဲ့ ကရင်နီ မိသားစုတစ်စုမှာ အမျိုးသားဖြစ်သူက ၎င်းရဲ့မိသားစုဝင် လေးဦးကိုသတ်ဖြတ်ပြီးနောက် ကိုယ့်ကိုကိုယ်အဆုံးစီရင်မှုတစ်ခု ဖြစ်ပွားခဲ့တယ်လို့ အေပီသတင်းဌာနက ဖော်ပြပါတယ်။

ဇနီးဖြစ်သူ Bu Meh (၃၈)နှစ်၊ သမီးနှစ်ဦးဖြစ်သူ Kristina Ree (၈)နှစ်၊ Nyay Meh (၂)နှစ်၊
နှင့် သားဖြစ်သူ Boe Reh (၁၁) နှစ် တို့ရဲ့ ရုပ်အလောင်းတွေကို ပြီးခဲ့တဲ့ အင်္ဂါနေ့က အမေရိကန်နိုင်ငံအနောက်ပိုင်း၊ ယူတာ့ပြည်နယ်ရှိ ဝက်စ်ဗယ်လီမြို့က နေအိမ်အတွင်းမှာ ရှာတွေ့ခဲ့တာပါ။

ဖခင်ဖြစ်သူ Dae Reh (၄၂)နှစ်ရဲ့ အလောင်းကိုလည်း ပစ္စတိုသေနတ်တစ်လက်နဲ့အတူ ရှာတွေ့ခဲ့ပါတယ်။

ရဲတွေကတော့ အမျိုးသားဖြစ်သူ Dae Reh က မိမိကိုယ်ကိုအဆုံးမစီရင်ခင် မိသားစုဝင်တွေကို ပစ်သတ်ခဲ့တယ်လို့ ကောက်ချချထားကြောင်း အေပီရဲ့ သတင်းကဆိုပါတယ်။ ဒါပေမယ့် ဖြစ်စဉ်ဖြစ်ပွားရခြင်းရဲ့ အကြောင်းရင်းကိုတော့ ထုတ်ပြန်ခြင်းမရှိသေးပါဘူး။

အသက် ၁၇ နှစ်အရွယ် သားဖြစ်သူ Sha Reh ကတော့ ခေါင်းမှာသေနတ်ပစ်ဒဏ်ရာရရှိပြီးနောက် အသက်ရှင်နေဆဲဖြစ်ပြီး ဆေးရုံမှာ အကြီးစား ဦးနှောက်ခွဲစိတ်မှုကို ခံယူနေရတယ်လို့ ရဲကဆိုပါတယ်။

ဒီပစ်ခတ်သတ်ဖြတ်မှုဟာ ပြီးခဲ့တဲ့ စနေ၊တနင်္ဂနွေပိတ်ရက်ကာလမှာဖြစ်ပွားခဲ့တာဖြစ်တယ်လို့ ရဲတွေကယူဆထားပါတယ်။

ပြီးခဲ့တဲ့ တနင်္လာနေ့ညမှာ ဆွေမျိုးတစ်ဦးရဲ့ အကြောင်းကြားအကူအညီတောင်းခံမှုကြောင့် Bu Meh ရဲ့ နေအိမ်ကိုရဲများက စစ်ဆေးဖို့သွားရောက်ခဲ့ပေမယ့် အရေးပေါ်အခြေအနေဖြစ်ပွားနေတဲ့လက္ခဏာတွေကို မတွေ့ခဲ့ရဘူးလို့ သတင်းကဆိုပါတယ်။ နောက်တစ်နေ့မှာတော့ ဆွေမျိုးဖြစ်သူက အဆိုပါနေအိမ်ကိုသွားရောက်ကြည့်ရှူရာ ဂိုဒေါင်ထဲမှာ သေနတ်ဒဏ်ရာရထားတဲ့ Sha Reh ကိုတွေ့ခဲ့ရပြီး ရဲတွေကို ဖုန်းဆက်အကြောင်းကြားခဲ့ပါတယ်။

သေဆုံးသွားတဲ့ မိသားစုဟာ ယခင်က အိမ်တွင်းအကြမ်းဖက်မှု သို့မဟုတ် ဆူပူသောင်းကျန်းမှုနဲ့ပတ်သက်တဲ့ သမိုင်းကြောင်းနောက်ခံလည်း မရှိထားဘူးလို့သတင်းကဆိုပါတယ်။

ကရင်နီတိုင်းရင်းသူဖြစ်တဲ့ Bu Meh ဟာ လွန်ခဲ့တဲ့ ၁၀ နှစ်ခန့်က ဇာတိမြေကနေထွက်ခွာခဲ့သူဖြစ်ပြီး အမေရိကန်ပြည်ထောင်စုကို အဝတ်တစ်ထည်ကိုယ်တစ်ခု အခြေအနေနဲ့ ရောက်မလာခဲ့သေးခင်စပ်ကြား ထိုင်းနိုင်ငံက ဒုက္ခသည်စခန်းတစ်ခုမှာ အချိန်တစ်ခုကြာအောင် မိသားစုနဲ့နေထိုင်ခဲ့သူဖြစ်ပါတယ်။

ယူတာ့ပြည်နယ်မှာဖြစ်ပွားခဲ့တဲ့ မြန်မာဒုက္ခသည်မိသားစုရဲ့ သေဆုံးမှုဟာ အမေရိကန်နိုင်ငံရဲ့ ၃၈ ခုမြောက် အစုလိုက်အပြုံလိုက်အသတ်ခံရမှုဖြစ်ပါတယ်။

သတင်းနှင့် ဓါတ်ပုံများ - AP
Burma Associated Press

20/12/2024

မင်းတပ်နဲ့ ဖလမ်း မြို့သိမ်းစစ်ဆင်ရေးကနေ စစ်သားနဲ့ရဲ ၁၆၈ ဦး လက်နက်ချ

BAP၊ ဒီဇင်ဘာ ၂၀။

ချင်းပြည်နယ် မင်းတပ်နဲ့ဖလမ်းမြို့တွေမှာ ဆင်နွဲနေတဲ့ ချင်းညီနောင်စစ်ဆင်ရေး (Operation CB) မှာ စစ်ကောင်စီတပ်ဖွဲ့ဝင်နဲ့ ရဲ ၁၆၈ ဦး မိသားစုနဲ့အတူ လက်နက်ချခဲ့တယ်လို့ သတင်းထုတ်ပြန်ပါတယ်။

အခုနှစ် နိုဝင်ဘာ ၉ ရက်ကနေ စခဲ့တဲ့ မင်းတပ်မြို့သိမ်းတိုက်ပွဲမှာ စစ်ကောင်စီတပ်တွေရှိတဲ့ စံမင်းသိရီစေတီကုန်း ၊ ဝန်ထမ်းအိမ်ရာလိုင်းခန်း (စံပြရပ်ကွက်)၊ ခရိုင်ဆောက်လုပ်ရေးဝန်း၊ တာဝါတိုင်ကုန်း၊ ဟိုတယ်မင်းတပ်၊ မြလေးပွင့်စေတီကုန်း၊ ၄ မိုင်ကုန်းတို့ သိမ်းပိုက်နိုင်ခဲ့တယ်လို့ပါတယ်။

မင်းတပ်ခရိုင်ရဲတပ်ဖွဲ့နဲ့ ခလရ - (၂၇၄) ကို တိုက်နေစဉ် ဒီဇင်ဘာ ၁၅ ရက်မှာ စစ်သားနဲ့ရဲ ၁၂၃ ဦး လက်နက်ချတာလို့ ဆိုပါတယ်။

ချင်းပြည်နယ်ထဲက ဖလမ်းမြို့သိမ်းစစ်ဆင်ရေးမှာတော့ ဖလမ်း မြို့နယ်/ခရိုင် ရဲတပ်ဖွဲ့စခန်း၊ ဆောက်လုပ်ရေးရုံး၊ အထွေထွေအုပ်ချုပ်ရေးရုံး၊ ဆေးရုံကုန်း တို့သိမ်းပိုက်နိုင်ခဲ့ပြီး ရဲ ၄၅ ဦး နိုဝင်ဘာ ၁၂ ရက် မှာ လက်နက်ချခဲ့တယ်လို့ ဆိုပါတယ်။

မင်းတပ်နဲ့ဖလမ်းက စစ်ကောင်စီ လက်ကျန်စခန်းတွေကိုလည်း ဆက်တိုက်မယ်လို့ ချင်းညီနောင်က ထုတ်ပြန်ထားပါတယ်။

Burma Associated Press

19/12/2024

ကလေးငယ်များအပါအဝင် အရပ်သား ၅ ဦး သေဆုံးခဲ့သည့် ကနီဗုံးကြဲခံရမှုဖြစ်စဉ် NUG လူ့အခွင့်အရေးဆိုင်ရာဝန်ကြီးဌာနထုတ်ပြန်

BAP၊ ဒီဇင်ဘာ ၁၉။



စစ်ကိုင်းတိုင်း၊ ယင်းမာပင်ခရိုင်၊ ကနီမြို့နယ်၊ ကျောက်လှေခါးရွာကို ယခုလ ၁၆ ရက် ည ၈ နာရီခွဲအချိန်တွင် စစ်တပ်က ဗုံးကြဲသည့်အတွက် ကလေးငယ်များအပါအဝင် အရပ်သား ၅ ဦးဆေသုံးခဲ့သည့် ဖြစ်စဉ်ကို အမျိုးသားညီညွတ်ရေးအစိုးရ၊ လူ့အခွင့်အရေးဆိုင်ရာဝန်ကြီးဌာနက ထုတ်ပြန်လာသည်။

မန္တလေး၊ တံတားဦးမှ တက်လာသည့် Y-12 လေယာဉ်ဖြင့် ဗုံးကြဲတိုက်ခိုက်ခဲ့သည့်အတွက် ပြည်သူ (၅)ဦး သေဆုံးခဲ့ကာ ကလေးငယ်များ အပါအဝင် ပြည်သူ (၉)ဦး ထိခိုက်ဒဏ်ရာ ရရှိခဲ့သည်ဟုဆိုသည်။

ထို့အပြင် ပြည်သူပိုင် နေအိမ် (၂)လုံး လုံးဝ ထိခိုက်ပျက်စီးခဲ့ပြီး အခြားနေအိမ်များလည်း ဗုံးစ ထိမှန်မှု ကြောင့် အနည်းငယ်ထိခိုက် ပျက်စီးခဲ့ကြောင်းဖော်ပြထားသည်။

- Infograph by NUG လူ့အခွင့်အရေးဝန်ကြီးဌာန

Burma Associated Press

19/12/2024

ရွာပတ်ခြိမ်းခြောက်နေသည့် မြင်းခြံပြည်သူ့စစ် (ရုပ်သံ)

BAP၊ ဒီဇင်ဘာ ၁၉။

မြင်းခြံမြို့က ပြည်သူ့စစ်တွေ လက်နက်ကိုင်ကာ ရွာထဲကလူတွေကို ခြိမ်းခြောက်ပြောဆိုနေတဲ့ ရုပ်သံဖိုင်တစ်ခုမှာတွေ့ရပါတယ်။

မြင်းခြံပြည်သူစစ်အဖွဲ့ဟာ ၎င်းတို့စစ်ကြောင်းရောက်ရာ ကျေးရွာအတွင်းမှာရှိနေတဲ့ အမျိုးသမီး တစ်ဦးကို “ ဘွားတော် ဘွားတော် ဘွားတော် ဘာချောင်းကြည့်တာတုန်း ဘွားတော် ပစ်သတ်ခံ ချင်နေတာ ” ဆိုပြီး ခြိမ်းခြောက်ပြောဆိုနေတာကို ရုပ်သံဖိုင်မှာ ကြားရပါတယ်။

မြင်းခြံဒေသဟာ တော်လှန်ရေးအင်အားစုတွေ အားကောင်းသလို ဒေါ်သီတာယုမွန်ဦးဆောင်တဲ့ ပြည်သူ့စစ်အင်အားဟာလည်း မသေးငယ်လှပါဘူးလို့ ဒေသခံတွေက ပြောပါတယ်။

အဆိုပါခြိမ်းခြောက်ပြောဆိုသူဟာ ဒေါ်သီတာယုမွန်ရဲ့အဖွဲ့ဝင် ရဲဘော်ဂဏာန်း Myat ဆိုတဲ့ မြင်းခြံ ပြည်သူ့စစ်တစ်ဦးဖြစ်တယ်လို့ ၎င်းနဲ့ ရင်းနှီးသူတွေထံကနေ သိရပါတယ်။

“ ဒီကောင်က နိုင်ငံရေးတွေ ဘာတွေ သိပ်စိတ်ဝင်စားတဲ့ကောင်မဟုတ်ဘူးဗျ ဆေးသုံးရဖို့ပဲသိတာ။ ပြီးတော့ သူဆေးကြောင်တာကိုလည်း ကျနော်ကိုယ်တိုင်မြင်ဖူးတယ်။ အခုကျ သူက သီတာယုမွန် အဖွဲ့ထဲမှာ လက်နက်ကိုင်ပြီး စစ်ကြောင်းလိုက်တာ ဂိတ်ထိုင်တာတွေတွေ့ရတယ်။ ဒီကောင်တွေ မူးယစ်ဆေးဝါးကို အလွယ်တကူရနိုင်တဲ့အခွင့်ရေးရှိလို့ ဒီအဖွဲ့ထဲဝင်တာနေမှာပါဗျာ “ လို့ ၎င်းက ပြောပါတယ်။

ရုပ်သံထဲက ပြောဆိုနေသူဟာ မူးယစ်ဆေးစွဲနေသူဟုတ်မဟုတ်ကိုတော့ BAP က သီးခြားအတည်ပြုနိုင်တာ မရှိပါဘူး။

ကျေးရွာအတွင်းဝင်းရောက်လာစဉ်မှာ ၎င်းတို့ကိုင်ဆောင်တဲ့ G3 အမျိုးစားသေနတ်အကြောင်းတွေ ပြောဆိုနေတာကို တွေ့ရမှာဖြစ်ပါတယ်။ အခြားဗီဒီယိုဖိုင်တစ်ခုမှာတော့ ၆၀-မမ လက်နက်ကြီးကို ကျေးရွာတစ်ခုအတွင်းကနေအခြေပြုပြီး ပြည်သူ့စစ်အဖွဲ့ဝင်တွေကနေ ပစ်ခတ်နေတာကိုတွေ့ရပါတယ်။

မြင်းခြံဒေသတဝိုက်မှာတော့ သီတာယုမွန်ရဲ့ ပြည်သူ့စစ်အဖွဲ့စာ စစ်ကောင်စီရဲ့ အားကိုး အားထားပြုရတဲ့အဖွဲ့တစ်ခုလို ဖြစ်နေတယ်လို့ ဒေသခံတွေက ပြောပါတယ်။

သီတာယုမွန်ဦးဆောင်တဲ့ မြင်းခြံပြည်သူ့စစ်အဖွဲ့ဟာကျေးရွာတွေကို လှည့်လည်မီးရှိူ့တာ၊ ပြည်သူ တွေကို သတ်ဖြတ်တာနဲ့ လောင်းကစားဝိုင်းထောင်ငွေရှာတာတွေပြုလုပ်ပြီး နာမည်ဆိုးနဲ့ ကျော်ကြား တယ်လို့ ဒေသခံတွေထံက သိရပါတယ်။ စစ်ကောင်စီရဲ့ တယ်လီဂရမ်လော်ဘီချန်နယ် တွေမှာတော့ မြင်းခြံပြည်သူ့စစ်အဖွဲ့ကို မြှောက်ပင့်ပြီးချီးကျူးဂုဏ်တင် ပြောဆိုတာတွေ အမြဲပြုလုပ်နေကြတာ တွေ့ရပါတယ်။

Burma Associated Press

17/12/2024

ဘားအံမှာလည်း လူငယ်တွေ အဖမ်းခံရပြီး စစ်တပ်ထဲပို့ခံနေရ

BAP၊ ဒီဇင်ဘာ ၁၇။

ကရင်ပြည်နယ်၊ ဘားအံမြို့မှာလည်း လူငယ်တွေ မကြာခဏအဖမ်းခံရပြီး အတင်းအကြပ်စစ်မှုထမ်းဖို့အတွက် စစ်တပ်ထဲပို့နေတာတွေရှိတယ်လို့ ဒေသခံတွေက ပြောပါတယ်။

“မနေ့ကဆို အမှတ်(၉)ရပ်ကွက် အုပ်ကြီးဝေလင်းက ကားကြီးဝင်းနားက လူငယ်တယောက်ကို စစ်မှုထမ်းဖို့ဆိုပြီး ခေါ်သွားတယ်။ တပ်ထဲပို့လိုက်တယ်၊ ၃/ (ကရင်မှတ်ပုံတင်) မဟုတ်ဘူး။ တခြားဒေသကနေ အလုပ်လာလုပ်တဲ့ လူငယ်” လို့ ဒေသခံတစ်ဦးက ပြောပါတယ်။

အခုဆိုရင် ဘားအံမှာ ဧည့်စာရင်းမကြာခဏစစ်တာ၊ မြို့ဝင်မြို့ထွက်တွေမှာ စစ်ဆေးတာတွေလုပ်နေလို့ ဒေသခံတွေက ပြောပါတယ်။

မကြာသေးခင်ကလည်း ကရင်ပြည်နယ်၊ လှိုင်းဘွဲ့မြို့နယ်ထဲက စစ်ကောင်စီဗျူဟာမှူး ဗိုလ်မှူးကြီး စိုးမင်းအောင်က စစ်မှုထမ်းစုဆောင်းပေးဖို့ ကျေးရွာတွေကို အမိန့်ပေးပြီး လူစုမပေးရင် ပေါ်တာဆွဲ ဖမ်းဆီးမယ်လို့ ခြိမ်းခြောက်ပြောဆိုကြောင်း KNU ဗဟိုက သတင်းထုတ်ပြန်ထားပါသေးတယ်။

လှိုင်းဘွဲ့ဒေသက ကျေးနယ်တစ်ခုကို လူတစ်ဦးစီပေးရမည်ဖြစ်ကာ လူမပေးနိုင်ပါက လူတစ်ယောက်အစား (ကျပ်ငွေသိန်းသုံးဆယ်) ပေးဖို့ ခြိမ်းခြောက်ခဲ့တယ်လို့ ဆိုပါတယ်။

ဒါ့အပြင် မြို့အဝင်အထွက်ဂိတ်တွေကနေ အဆင်ပြေသလို စစ်မှုထမ်းပေါ်တာဆွဲဖမ်းဆီးမယ်ဆိုပြီး အုပ်ချုပ်ရေးမှူးတွေကတဆင့် ခြိမ်းခြောက်ခဲ့တယ်လို့လည်း KNU က ပြောပါတယ်။

အဲဒီလို သတင်းတွေထွက်လာပြီးနောက်မှာ လှိုင်းဘွဲ့ဒေသက လူငယ်တွေ ညအချိန်အပြင်ထွက်ဖို့ စိုးရိမ်မှုတွေရှိလာ နေတယ်လို့လည်း ဒေသခံတွေက ပြောပါတယ်။

ပုံစာ - ဘားအံအခြေစိုက် အမှတ် (၂၂) ခြေလျင်တပ်

Burma Associated Press

16/12/2024

ဆီဆိုင်မြို့မှာ ငွေအ​တောင်းကြမ်း​နေတဲ့ နယ်ထိန်းရဲကို အ​ရေးယူသူမရှိဖြစ်​နေ

BAP၊ ဒီဇင်ဘာ ၁၆။

ရှမ်းပြည်နယ်တောင်ပိုင်း၊ ဆီဆိုင်မြို့နယ်က နယ်ထိန်း​အေး​သောင်းဆိုသူဟာ မူးယစ်ဆေးသုံးစွဲနေသူတွေကို ဖမ်းဆီးကာ မိသားစုတွေဆီက ငွေတောင်းယူ​နေတယ်လို့ မြို့ခံ​တွေက ​ပြောပါတယ်။

အခုလို ​ပေါ်​ပေါ်ထင်ထင် ​ငွေညှစ်နေပေမယ့် အထက်အရာရှိတွေက ဒီတိုင်းလွှတ်ထားတယ်လို့ ဆီဆိုင်မြို့ခံတွေဆီက သိရပါတယ်။

နယ်ထိန်း အေးသောင်းဟာ မြို့က မူယစ်ဆေးသုံးသူလူငယ်တွေရဲ့အိမ်ကို ရပ်ကွက်လူကြီးမပါ၊ ဝရမ်းမပါဘဲ နေအိမ်ထဲထိ ဝင်ဖမ်းနေတာလို့ဆိုပါတယ်။

အဲဒီလို ဖမ်းပြီးရင် ကျပ် သိန်း ၅၀ ကျော်အထိ ငွေကြေးတောင်းခံနေတယ်လို့ ဆီဆိုင်မြို့ခံတွေက ပြောပါတယ်။

"သူ့အထက်လူကြီးတွေကရော မြို့နယ်အုပ်ချူပ်ရေးဖက်ရော PNO (ပအိုဝ်းပြည်သူ့စစ်) ကပါသူ့ကိုမပြောရဲဘူး၊ သူက နည်းမျိုးစုံနဲ့ငွေခြိမ်းခြောက်တောင်းနေတာ၊ မပေးရင်ဖမ်းတာဆိုတော့ အနည်းဆုံ ၁၅ သိန်းတော့ပေးရတယ်၊ ပေးရတဲ့သူတွေအများကြီးပဲ"လို့ ဆီဆိုင်မြို့ခံတဦးက ပြောပါတယ်။

နေအိမ်ဖောက်ထွင်းသူခိုးတွေကိုလည်း ရဲအေးသောင်းကဖမ်းကာ ငွေကြေးတောင်းပြီး ပြန်လွတ်ပေးနေတယ်လို့ မြို့ခံတွေက ဆိုပါတယ်။

"ဆီဆိုင်မှာ ရဲအေးသောင်းက ဆရာကြီး။ ရဲလိုင်းခန်းတွေမှာ ပြန်နေတဲ့သူတွေသိပ်မရှိတော့ သူ့ကိုအခြားရဲတွေကလည်း မပြောရဲဘူး၊ ဘယ်သူမှထိန်းကွပ်မယ့်သူမရှိတော့ လုပ်ချင်သလိုလုပ်နေတာ၊ အခွန်တွေလဲအရမ်းကောက်ကြတော့ မြို့ထဲပြန်နေသူတွေ ဒုက္ခရောက်ရတယ်"လို့ မြို့ခံတဦးက ပြောပါတယ်။

Burma Associated Press

15/12/2024

"အဲဒီလို ဆွဲနေတာ ၅ရက်လောက်ရှိပြီ၊ သာ​တေအဝိုင်းနဲ့ ၈ ဂိတ်မှတ်တိုင်နားမှာဆွဲ​​နေတာ၊ ကားပေါ်တခါတည်းခေါ်သွားတယ်၊ ခုနောက်ပိုင်းလူငယ်တွေညအပြင်မထွက်ရဲတော့ဘူး "လို့ သာကေတမြို့နယ်နေသူတဦးက ပြောပါတယ်။



ဒီလိုဖမ်းဆီးနေတာဟာ စစ်မူထမ်းအတွက်လား မသင်္ကာလို့ဖမ်းဆီးစစ်ဆေးနေတာလားဆိုတာကို မသိရသေးဘူးလို့ ကြုံ​တွေ့​နေရတဲဲ့ မြို့နယ်မှာ နေသူတွေက ပြောပါတယ်။

သာကေတ၊ ဒေါပုံ၊ တောင်ဥက္ကလာပ၊ မြောက်ဥက္ကလာပ စတဲ့ ဆင်ခြေဖုံး မြို့နယ်အချို့မှာ လူငယ်တွေ ညပိုင်းအချိန်ဖမ်းဆီ....

15/12/2024

ဝန်ကြီးချုပ်က ထိုင်းလူမျိုးလေးဦးနှင့် ပတ်သက်၍ သူမ၏ စိုးရိမ်မှုကို ထိုင်းနိုင်ငံဆိုင်ရာ မြန်မာသံအမတ်ကို ပြောကြားခဲ့ကြောင်း၊ ၎င်းတို့ အမြန်ဆုံး လွတ်မြောက်စေလိုသည့် ဆန္ဒကိုလည်း ဖော်ထုတ်ပြောဆိုခဲ့ကြောင်း ဗိုလ်ချုပ် Thanathip က ပြောသည်။



Mr Maris သည် နှစ်ပတ်နီးပါး ဖမ်းဆီးထိန်းသိမ်းခံထားရသော လှေသမားများ အမြန် လွှတ်ပေးရေး မြန်မာအာဏာပိုင်များနှင့် ဒီဇင်ဘာ ၁၉ ရက်နေ့တွင် ပြောဆိုဆွေးနွေးမည်ဟု ဗိုလ်ချုပ် Thanathip က ပြောသည်။

ထိုင်းလူမျိုးလေးဦးမှာ ပြည်နှင်ဒဏ်ပေးရေး လုပ်ငန်းစဉ်များတွင်ပင် ရှိသေးသည်

14/12/2024

ရန်ကုန်မြို့ ညအချိန်​တွေမှာ လူငယ်​တွေ မကြာခဏ ​ ဖမ်းဆီးခံ​နေရ

BAP၊ ဒီဇင်ဘာ ၁၄။

ရန်ကုန်မြို့က မြို့နယ်အချို့မှာ ညပိုင်းအချိန် လူငယ်တွေ ဖမ်းဆီးခံနေရတဲ့ ဖြစ်စဥ်တွေ မကြာခဏဖြစ်နေတယ်လို့ ကိုယ်တိုင်မြင်တွေ့ခဲ့သူအချို့က ပြောပါတယ်။

သာကေတ၊ ဒေါပုံ၊ ​တောင်ဥက္ကလာပ၊ မြောက်ဥက္ကလာပ စတဲ့ ဆင်​ခြေဖုံး မြို့နယ်အချို့မှာ လူငယ်တွေ ညပိုင်းအချိန်ဖမ်းဆီးခံနေရတယ်လို့ ရပ်ကွက်နေသူအချို့ဆီက သိရပါတယ်။

ည၉နာရီဝန်းကျင်အချိန်လောက်ကစပြီး စစ်တပ်နဲ့ရဲနဲ့အရပ်ဝတ် ဝတ်ဆင်ထားသူတွေဟာ မှောင်ရိပ်ထဲကနေပုန်းခိုပြီး လူငယ်တွေကို ခေါ်ဆောင်သွားကြတယ်လို့ သာကေတမြို့နေသူတွေက ပြောပါတယ်။

"အဲဒီလို ဆွဲနေတာ ၅ရက်လောက်ရှိပြီ၊ သာ​တေအဝိုင်းနဲ့ ၈ ဂိတ်မှတ်တိုင်နားမှာဆွဲ​​နေတာ၊ ကားပေါ်တခါတည်းခေါ်သွားတယ်၊ ခုနောက်ပိုင်းလူငယ်တွေညအပြင်မထွက်ရဲတော့ဘူး "လို့ သာကေတမြို့နယ်နေသူတဦးက ပြောပါတယ်။

ဒီလိုဖမ်းဆီးနေတာဟာ စစ်မူထမ်းအတွက်လား မသင်္ကာလို့ဖမ်းဆီးစစ်ဆေးနေတာလားဆိုတာကို မသိရသေးဘူးလို့ ကြုံ​တွေ့​နေရတဲဲ့ မြို့နယ်မှာ နေသူတွေက ပြောပါတယ်။

လူငယ်အချို​့ကို ဖမ်းဆီးပြီး ဖုန်းစစ်တာမျိုးတွေပြုလုပ်သလို အချို့ကို ငွေတောင်းပြီး ပြန်လွှတ်ပေးတာမျိုးလည်းရှိနေတယ်လို့ ကိုယ်တိုင်ကြုံခဲ့ရသူ မရမ်းကုန်းမြို့နယ်နေသူတဦးက ပြောပါတယ်။

ရန်ကုန်တိုင်းအတွင်း စစ်မှုထမ်းတပ်သားသစ် စုဆောင်းနေတာမျိုးရှိနေပြီး စစ်မူမထမ်းရဖို့ ရပ်ကွက်ရုံးတွေကို ငွေပေးရတာမျိုးတွေလည်းရှိနေတယ်လို့ ရပ်ကွက်နေသူအချို့ဆီက သိရပါတယ်။

အသက် ၁၈ နှစ်ကနေ အသက် ၃၅ နှစ်အတွင်း အမျိုးသားလူငယ်မဆို စစ်မှုထမ်းနိုင်ရေး စီစဉ်ဆောင်ရွက်ပေးဖို့ အထွေထွေအုပ်ချုပ်ရေးရုံးကညွှန်ကြားတာမျိုးလည်းရှိနေတာကြောင့် လူငယ်​တွေ စိုးရိမ်နေကြတယ်လို့ သိရပါတယ်။

ဒီဇင်ဘာ ၁၂ ရက် ည ၈ နာရီခွဲခန့်က ဒေါပုံမြို့နယ်၊ ဒေါပုံတံတားဟောင်း ဂျပန်တံတားဘေး ပန်းခြံလုပ်ထားတံတားဟောင်းအနီးမှာ အမျိုးသား ၃ဦး ဖမ်းဆီးခေါ်ဆောင်တာခံနေရတယ်လို့ ဒေါပုံမြို့နေသူတွေက ပြောပါတယ်။

မြို့နယ်အချို့မှာ စစ်မှုထမ်းဖို့ လူငယ်​တွေကို တစ်နှစ်စာစုဆောင်းထားပေမယ့် လူစားရင်းပါဝင်သူတွေ ရှောင်ပြေးနေတာကြောင့် နောင်လာမယ့် စစ်မှုထမ်းအပတ်စဉ်​တွေအတွက် ကြိုတင်စုဆောင်းနေတာလို့ ရပ်ကွက်ရုံးနဲ့နီးစပ်သူအချို့က ပြောပါတယ်။

"စစ်မူထမ်းအတွက်ကတနှစ်စာ လူစားရင်းရပြီးသား၊ ဘာအတွက်ဖမ်းနေတာလဲမသိရဘူး၊ အချို့လူငယ်တွေက ရခိုင်တို့ရှမ်းဖက်က စစ်ရှောင်လာသူတွေလည်း ပါသွားတယ်ပြောကြတယ်၊ ညအချိန်မထွက်ရဲ​ကြဘူး"လို့ ရပ်ကွက်နေသူတဦးက ပြောပါတယ်။

စစ်မှုထမ်းသင်တန်းပေးနေတာ အပတ်စဥ် ၆အထိရောက်နေပြီး စစ်မှုထမ်းအမှတ်စဥ်တစ်ခုကို လူ ၅ထောင်နှုန်းနဲ့ တစ်နှစ်ကို အင်အား ၅ သောင်း ခေါ်မယ်လို့ စစ်ကောင်စီပြောခွင့်ရသူက နိုင်ငံပိုင်မီဒီယာတွေကတစ်ဆင့် ပြောထားတာရှိပါတယ်။

Burma Associated Press

14/12/2024

လာမည့် ရက်သတ္တပတ်တွင် ထိုင်းနိုင်ငံခြားရေးဝန်ကြီး မြန်မာသို့ လာမည်

BAP၊ ဘာသာပြန်။

ထိုင်းနိုင်ငံခြားရေးဝန်ကြီး Maris Sangiampongsa သည် ထိုင်းငါးဖမ်းသမား လေးဦးကို အမြန်လွှတ်ပေးရေး မြန်မာအရာရှိများနှင့် လာမည့် ကြာသပတေးနေ့တွင် တွေ့ဆုံဆွေးနွေးသွားမည်ဟု ကာကွယ်ရေးဝန်ကြီးဌာနမှ သိရကြောင်း Bangkok Post တွင် ဖော်ပြထားသည်။

ထိုင်းလူမျိုးလေးဦးမှာ ပြည်နှင်ဒဏ်ပေးရေး လုပ်ငန်းစဉ်များတွင်ပင် ရှိသေးသည်ဟု ထိုင်း-မြန်မာ မြို့နယ် နယ်စပ်ကော်မတီ (TBC) ကို ကိုးကား၍ ကာကွယ်ရေးဝန်ကြီးဌာန ပြောခွင့်ရ ဗိုလ်ချုပ် Thanathip Sawangsaeng က ဆိုသည်။

ထိုင်းဝန်ကြီးချုပ် Paetongtarn Shinawatra နှင့် မြန်မာ ဒုဝန်ကြီးချုပ်သာမက ထိုင်းနိုင်ငံဆိုင်ရာ မြန်မာသံအမတ်တို့နှင့်ပါ အသေးစိတ်ပြောဆိုချက်များအရ လုပ်ငန်းစဉ်တွင်ပါဝင်သော ဥပဒေလုပ်ထုံးလုပ်နည်းများကြောင့်ကြန့်ကြာနေသည်ဟု သိရကြောင်း၊ အခြားပြဿနာ မရှိသည်မှာ သေချာကြောင်း ကာကွယ်ရေးဝန်ကြီးဌာန ပြောခွင့်ရသူက ဆိုသည်။

ဝန်ကြီးချုပ်က ထိုင်းလူမျိုးလေးဦးနှင့် ပတ်သက်၍ သူမ၏ စိုးရိမ်မှုကို ထိုင်းနိုင်ငံဆိုင်ရာ မြန်မာသံအမတ်ကို ပြောကြားခဲ့ကြောင်း၊ ၎င်းတို့ အမြန်ဆုံး လွတ်မြောက်စေလိုသည့် ဆန္ဒကိုလည်း ဖော်ထုတ်ပြောဆိုခဲ့ကြောင်း ဗိုလ်ချုပ် Thanathip က ပြောသည်။

Mr Maris သည် နှစ်ပတ်နီးပါး ဖမ်းဆီးထိန်းသိမ်းခံထားရသော လှေသမားများ အမြန် လွှတ်ပေးရေး မြန်မာအာဏာပိုင်များနှင့် ဒီဇင်ဘာ ၁၉ ရက်နေ့တွင် ပြောဆိုဆွေးနွေးမည်ဟု ဗိုလ်ချုပ် Thanathip က ပြောသည်။

ကာကွယ်ရေးဝန်ကြီး Phumtham Wechayachai ကလည်း မြို့နယ် နယ်စပ် ကော်မတီနှင့် အခြားဌာနများကို ဖမ်းဆီးခံရသူ လေးဦး၏ မိသားစုများ အခြေအနေ အသိပေးရန်အတွက် ၎င်းမိသားစုများနှင့် ညှိနှိုင်းဆောင်ရွက်ရန် ညွှန်ကြားထားသည်ဟု ဗိုလ်ချုပ် Thanathip က ပြောသည်။

မြန်မာမှ ငါးဖမ်းသမား ၂၇ ဦးနှင့်အတူ ထိုင်းလူမျိုးလေးဦးလိုက်ပါလာသည့်ငါးဖမ်းသင်္ဘော Sor Charoenchai 8 နှင့် အခြားသော လှေများကို Koh Phayam ကမ်းရိုးတန်းမှ ရေမိုင် ၁၂ (၂၂ ကီလိုမီတာ) အကွာတွင် နိုဝင်ဘာလ ၃၀ ရက်နေ့က မြန်မာရေတပ်သင်္ဘောမှ ပစ်ခတ်ခြင်းခံရကြောင်း သတင်းများအရ သိရသည်။

သင်္ဘောများ ဖမ်းဆီးခံရပြီး အမျိုးသား ၃၁ ဦးကို မြန်မာအာဏာပိုင်များက ဖမ်းဆီးထားသည်။ တိုက်ခိုက်မှုအတွင်း လှေသမားတစ်ဦး လှေပေါ်မှ ပင်လယ်တွင်း ခုန်ချ၍ သေဆုံးခဲ့သည်။

ဖမ်းဆီးခံရသူများကို ရနောင်းမြိုး တစ်ဘက်ကမ်း ကော့သောင်းမြို့ ထိန်းသိမ်းရေးအဆောက်အအုံသို့ ရွှေ့ပြောင်းထားကြောင်း ဒေသခံသတင်းရင်းမြစ်များက မကြာသေးခင်က ပြောသည်။

ဒီဇင်ဘာ ၆ ရက်နေ့တွင် ထိုင်းလူမျိုးလေးဦးကို လွှတ်ပေးမည်ဟု မျှော်လင့်ခဲ့သော်လည်း ၎င်းတို့ကို ဆက်လက် ချုပ်နှောင်ထားဆဲဖြစ်သည်။

People’s Party (PP) မှ ရွေးကောက်ခံ ကိုယ်စားလှယ် Julapong Yuket က အစိုးရကို ၎င်းအရေး ထိရောက်စွာ မကိုင်တွယ်နိုင်သည့်အတွက်လည်းကောင်း၊ လက်ဦးမှုရယူ လုပ်ဆောင်ရန် ပျက်ကွက်သည့်အတွက်လည်းကောင်း ပြီးခဲ့သည့်နေ့က ဝေဖန်လိုက်သည်။

နိုင်ငံခြားရေးဝန်ကြီးဌာနနှင့် အမျိုးသားလုံခြုံရေးကောင်စီမှ ကိုယ်စားလှယ်များကို သတင်းအချက်အလက်များ တင်ပြရန် ဖိတ်ခေါ်ခဲ့သော်လည်း ငါးဖမ်းလှေများမှာ အချင်းဖြစ်ပွားစဉ်အတွင်း ထိုင်းနိုင်ငံရေပိုင်နက် သို့မဟုတ် မြန်မာနိုင်ငံရေပိုင်နက်အတွင်း တည်ရှိမှုကို အတည်မပြုနိုင်ခဲ့ကြောင်း အောက်လွှတ်တော် နိုင်ငံခြားရေးရာ ကော်မတီ၏ ဒုဥက္ကဌ Mr Julapong ကပြောသည်။

ထိုင်းအာဏာပိုင်များသည် ၎င်းအဖြစ်အပျက်အတွက် စုံစမ်းစစ်ဆေးရေးပင် မစတင်ရသေးကြောင်း၊ မြန်မာဘက်မှ စုံစမ်းစစ်ဆေးမှုများကိုသာ မှီခို အားပြုနေရသေးကြောင်း ၎င်းက ပြောသည်။

“ကျွန်တော်တို့ ကိုယ်ပိုင် စုံစမ်းစစ်ဆေးမှု မလုပ်ဘူးဆိုရင် ပိုင်နက် ကျူးလွန်ကြောင်း စွပ်စွဲချက်အပေါ် ကျွန်တော်တို့ ဘယ်လို သေချာပြောနိုင်မလဲ။ ဒါ့အပြင် စုံစမ်းစစ်ဆေးရေးက လှေသမားတွေရဲ့ ဘေးကင်းလုံခြုံမှုကိုလည်း မထိခိုက်ပါဘူး။” ဟု ၎င်းက ပြောသည်။

၎င်းက နိုင်ငံခြားရေးဝန်ကြီးကို အစောတလျင် လက်ဦးမှု ရယူချဉ်းကပ်မှု ပြုရန် တောင်းဆိုထားသည်။

အမျိုးသားလုံခြုံရေး အောက်လွှတ်တော် ကော်မတီမှ ဥက္ကဌ ဖြစ်သူ PP မှ ရွေးကောက်ခံ ကိုယ်စားလှယ် Rangsiman Rome က သက်ဆိုင်ရာ ဌာနများမှ ကိုယ်စားလှယ်များနှင့် ၎င်း၏ ကော်မတီတို့ မနေ့က တွေ့ဆုံခဲ့ပြီး ၎င်းအရေး မည်ကဲ့သို့ ဖြေရှင်းရမည်၊ အကယ်၍ လှေသမားများ ဥပဒေချိုးဖောက်ကြောင်း တွေ့ရှိရပါက မည်ကဲ့သို့ ရင်ဆိုင်ဖြေရှင်းရမည်ကို ဆွေးနွေးခဲ့ကြောင်း ပြောသည်။

၎င်းအရေးသည် လှေသမားများ၏ ဘေးကင်းလုံခြုံရေးကိုသာ စိုးရိမ်ရသည်မဟုတ်ဘဲ ထိုင်းနိုင်ငံ၏ အခန်းကဏ္ဍ၊ ၎င်းအဖြစ်အပျက်အပေါ် တုန့်ပြန်မှုတို့ကိုပါ ကျယ်ပြန့်သော ရိုက်ခတ်မှုများရှိသည်ဟု ၎င်းက မှတ်ချက်ပြုသည်။

ကိုးကား - Bangkok Post

ပုံစာ - ဒီဇင်ဘာ ၁၉ ရက်နေ့တွင် လှေသမားများ အမြန် ပြန်လွှတ်ရေး မြန်မာ အာဏာပိုင်များနှင့် ဆွေးနွေးပြောဆိုသွားမည့် ထိုင်းနိုင်ငံခြားရေးဝန်ကြီး Maris Sangiampongsa။ (Photo: Government House)

Burma Associated Press

13/12/2024

“သူတို့ပြောတာက အတော်ရှင်းတယ်။ ခင်ဗျားတို့ကို ညှိနှိုင်းနေတာ မဟုတ်ဘူး။ ခင်ဗျားတို့ရှေ့မှာ ရွှေတို့၊ ဆန်တို့ တွေ့တယ်မလား အဲဒီလိုပြောတာ။ သဘောကတော့ ထောင်ထဲဝင်မလား၊ ဈေးနှုန်းလျှော့မလား ပြောတဲ့ သဘော”ဆိုပြီး မွေးမြူရေးလုပ်ငန်းရှင်တစ်ဦးက ပြန်ပြီး ဖောက်သည်ချပါတယ်။



ဒီလိုနဲ့ မွေးမြူရေးလုပ်ငန်းရှင်တွေဆီကနေ ကြက်ဥတစ်လုံး ၃၄၀ ကျပ်နဲ့ တစ်နေ့ အလုံး ၇၃၀,၀၀၀ ကျော် ဝယ်ပါတယ်။ ပြီးတော့ ရန်ကုန်မြို့ထဲက ဈေးတစ်ဈေးကို ကျပ်ဥ အလုံးတစ်သောင်းရောင်းပါတယ်။ စစ်တပ်က ကားတွေနဲ့ လှည်လည်ရောင်းချပါတယ်။ စီးတီးမတ်မှာလည်း ဈေးကွက်ပေါက်ဈေးအတိုင်း ရောင်းချခွင့်ကို ပိတ်ပင်ထားလို့ စီးတီးမတ်ကလည်း တင်မရောင်းရဲပါဘူး။ စီးတီးမတ်က တင်မရောင်းရဲတဲ့အတွက် လုပ်ငန်းရှင်တွေကလည်း စီးတီးမတ်စ်ကို သွားပြီးဖြန့်ဖြူးလို့မရပါဘူး။ ဒါကြောင့်လည်း စီးတီးမတ်စ်မှာ ကြက်ဥတွေက ဈေးချိုနေတာဖြစ်ပါတယ်။

စစ်တပ်ဟာ သူ့ဂုဏ်သိက္ခာကို ပြန်အဖက်ဆယ်ဖို့ ကြိုးစားပေမဲ့လည်း ဘယ်တော့မှ နည်းမှန်လမ်းမှန် မကြိုးစားခဲ့ဘူးလိ...

12/12/2024

ကျဆင်းနေတဲ့စစ်တပ်သိက္ခာ ကြက်ဥရောင်းပြီး အဖက်ဆယ်လို့မရ

- ရေးသူ - ညိုထွန်း
-
BAP၊ ဒီဇင်ဘာ ၁၂။

ဒီနေ့ ဆွေးနွေးချင်တဲ့ အကြောင်းအရာကတော့ ဂုဏ်သိက္ခာအကြောင်းပါ။ လူတစ်ဦး၊တစ်ယောက်ပဲဖြစ်စေ၊ အဖွဲ့အစည်းတစ်ခုပဲဖြစ်စေ၊ နိုင်ငံတစ်ခုပဲဖြစ်စေ ဂုဏ်သိက္ခာဆိုတာ အရေးကြီးပါတယ်။ တကယ်တမ်းကျ ဂုဏ်သိက္ခာဆိုတာက လူသားတွေရဲ့ လုပ်ရပ်တွေနဲ့ထုဆစ်ထားတဲ့ အထိမ်းအမှတ်ဖြစ်ပါတယ်။

ဒီနေ့ မြန်မာနိုင်ငံရဲ့စစ်တပ်ဟာ နိုင်ငံတကာမှာတင်မကဘဲ ပြည်တွင်းမှာလည်း ဂုဏ်သိက္ခာကျဆင်းနေပါတယ်။ ဒီလိုဂုဏ်သိက္ခာကျဆင်းတာနဲ့ပတ်သက်ပြီး တစ်ဦးတစ်ယောက်ချင်းကို လက်ညှိုးထိုးဖို့မရှိပေမဲ့ စစ်တပ်ကို ချုပ်ကိုင်နေတဲ့ ကာကွယ်ရေးဦးစီးချုပ်ကတော့ အဓိက တာဝန်ယူရမှာဖြစ်ပါတယ်။

မြန်မာပြည် စစ်တပ်ရဲ့ ဂုဏ်သိက္ခာ ဘာကြောင့် ကျဆင်းလဲဆိုတာကို ဆင်ခြင်ကြည့်တဲ့အခါ

• ပြည်သူ့မေတ္တာကို ရယူနိုင်စွမ်းမရှိတာ

• စစ်တပ်ခေါင်းဆောင်တွေ အာဏာကို အလွန်အကျွံမက်မောတာ

• နိုင်ငံရဲ့ ကယ်တယ်ရှင်၊ ကျေးဇူးရှင်အဖြစ် အထင်ရောက်နေကြတာ

• ပြည်သူကို နှိပ်စက်တာကြောင့်ဆိုပြီး အဓိကလေးချက်ကို တွေ့ရမှာဖြစ်ပါတယ်။

ဗိုလ်ချုပ်အောင်ဆန်းဦးဆောင်တဲ့ ဘီအိုင်အေခေတ် တပ်မတော်ဆိုတာ ပြည်သူက ပေါက်ဖွားလာတယ်ဆိုတာ ဘယ်သူမှ ငြင်းမရပါဘူး။ ဒီတပ်မတော်ကိုပဲ ပြည်သူက ထောက်ခံပြီး လွတ်လပ်ရေးရယူခဲ့တယ်။ ၁၉၅၀ ဝန်းကျင် တုန်းက အမေရိကန်စီအိုင်အေ ကျောထောက်နောက်ခံပြုထားတဲ့ တရုတ်ဖြူ ကူမင်တန်ကျူးကျော်မှုကိုလည်း ဒီတပ်မတော်ကပဲ တိုက်ထုတ်ခဲ့တယ်ဆိုတာ ငြင်းမရတဲ့ တပ်မတော်ရဲ့ သမိုင်းဖြစ်ပါတယ်။

အဲဒီ ဘီအိုင်အေ တပ်မတော်ဆိုတာကလည်း ပြည်တော်ဝင်ရင် ပြည်သူက သပြေပန်းနဲ့ လက်ကမ်းကြိုရတဲ့ တပ်မတော်ဖြစ်ပါတယ်။ ဒီလို ဂုဏ်သိက္ခာရှိခဲ့တာဖြစ်ပါတယ်။ ပြည်သူကကျွေး၊ ပြည်သူကို ပြန်စောင့်ရှောက်တဲ့ ဒီတပ်မ တော်ဟာ ပြည်တွင်းမှာတင် ဂုဏ်သိက္ခာရှိတာမဟုတ်ဘဲ နိုင်ငံတကာမှာလည်း ဂုဏ်တင့်ခဲ့ပါတယ်။ စိတ်မကောင်းစရာ ဖြစ်ရတာက ဒါတွေက ကြာခဲ့ပါပြီ။

၁၉၆၂ ဗိုလ်ချုပ်နေဝင်းဦးဆောင်တဲ့ စစ်တပ်(အသုံးအနှုန်းသတိပြုပါရန်)က အာဏာသိမ်းလိုက်ပြီးတဲ့ နောက်မှာတောင် ရဲဘော်သုံးကျိပ်ကို မျက်နှာမူထားတဲ့ ပြည်သူတချို့က ထောက်ခံခဲ့ပါသေးတယ်။ ဒါပေမဲ့ တိုင်းပြည်လည်း ချွတ်ခြုံကျပြီး စစ်တပ်မိသားစုတွေသာ ကောင်းစားတဲ့ ဝါဒကြီးစိုးလာတဲ့နောက်မှာတော့ စစ်တပ်ဟာ ပြည်သူ့ချဉ်ဖတ်ဖြစ်မှန်းမသိ ဖြစ်ခဲ့ရပါတယ်။

အဲဒီကနေ ဦးသန့်အရေးအခင်း၊ သခင်ကိုယ်တော်မှိုင်းဈာပန၊ ကျောင်းသားအရေးအခင်းတွေ၊ ပြီးတော့ အလုပ်သမားလှုပ်ရှားမှုတွေ၊ ရှစ်လေးလုံးလူထုအရေးတော်ပုံ၊ ရွှေဝါရောင်တော်လှန်ရေးတွေမှာ ပြည်သူကိုနှိပ်စက်သတ်ဖြတ်ခဲ့မှုတွေကြောင့် ပြည်သူ့မေတ္တာခမ်းခြောက်ရတဲ့အထိ ဖြစ်လာခဲ့ရပါတယ်။

အဆိုးဆုံးကတော့ လွတ်လပ်ပြီးခေတ်မှာ ပါလီမန်ဒီမိုကရေစီစနစ်ကနေ အာဏာသိမ်းဓလေ့ဖြစ်ထွန်းအောင်၊ အာဏာသိမ်းဓလေ့ ကြီးထွားအောင် စစ်တပ်က အကြိမ်ကြိမ်အာဏာသိမ်း လုပ်ဆောင်ခဲ့တာဖြစ်ပါတယ်။ ဒါကြောင့်ပဲ စစ်တပ်ရဲ့ဂုဏ်သိက္ခာဟာ တွင်းဆုံးကျသွားခဲ့တာ ဖြစ်ပါတယ်။

စစ်တပ်ဟာ သူ့ဂုဏ်သိက္ခာကို ပြန်အဖက်ဆယ်ဖို့ ကြိုးစားပေမဲ့လည်း ဘယ်တော့မှ နည်းမှန်လမ်းမှန် မကြိုးစားခဲ့ဘူးလို့ ဆိုရမှာပါ။

စစ်တပ်ရဲ့ဂုဏ်သိက္ခာဆိုတာ နိုင်ငံ့ရန်ကို ကာကွယ်နိုင်စွမ်း၊ ပြည်သူတွေကို စောင့်ရှောက်နိုင်စွမ်းကို ခေါ်တာဖြစ်ပါတယ်။ နိုင်ငံ့ရန်ကို ကာကွယ်နိုင်တဲ့အခါ ပြည်သူကို စောင့်ရှောက်တဲ့အခါ အဲဒီစစ်တပ်ရဲ့ ဂုဏ်သိက္ခာက ကြီးမြင့်လာပါတယ်။ မကာကွယ်၊ မစောင့်ရှောက်ဘဲ နှိပ်စက်နေရင်တော့ ဂုဏ်သိက္ခာက တွင်းဆုံးကျနေမှာပါ။

ဒီလိုတွင်းဆုံးကျရာကနေ ပြန်မတက်လာအောင်လုပ်လိုက်တာကတော့ ၂၀၂၁ ခုနှစ်အာဏာသိမ်းမှုဖြစ်ပါတယ်။ ဒါပေမဲ့ အဖက်ဆယ်ဖို့ ကြိုးစားတဲ့ လုပ်ရပ်တစ်ခုကတော့ ကြက်ဥရောင်းပေးနေတာပဲဖြစ်ပါတယ်။

တကယ်တော့ စစ်တပ်နဲ့ စီးပွားရေးဆိုတာ သီအိုရီအရပြောရင်တော့ ဘုန်းကြီးနဲ့ဘီးလို မအပ်စပ်ပါဘူး။ မြန်မာ့စစ်တပ် စီးပွားရေးဘက်ကို မျက်ပြူးဆံပြာ နင်းကန်ရှာခဲ့တဲ့ သမိုင်းကို ပြန်ကြည့်ရင်လည်း ဗိုလ်ချုပ်ကြီးနေဝင်းလက်ထက်ကပဲ အစပြုခဲ့တာပါ။

၁၉၅၈ မှာ ဝန်ကြီးချုပ် ဦးနုဆီကနေ ဗိုလ်ချုပ်ကြီးနေဝင်း အာဏာကို မလိမ့်တပတ်ရယူပြီး အိမ်စောင့်အစိုးရ (Caretaker Government) ကို ဖွဲ့စည်းပါတယ်။ ဗိုလ်ချုပ်ကြီးနေဝင်းအားကိုးရတဲ့ ဗိုလ်မှူးချုပ်ဟောင်း မောင်မောင်က စစ်တပ်ဖွဲ့စည်းပုံကြီးထွားလာအောင်၊ ဗိုလ်မှူးချုပ်​ဟောင်းအောင်ကြီးက စစ်တပ်စီးပွားရေး ကြီးထွားလာအောင် လုပ်ခဲ့ပါတယ်။ ဒီလိုနဲ့ တပ်မတော်တပ်ရင်းတပ်ဖွဲ့တွေရဲ့ သက်သာချောင်ချိရေးတို့၊ တပ်မတော်လုပ်ငန်းတို့ဆိုတာ ပေါ်ထွက်လာတာဖြစ်ပါတယ်။

ဗိုလ်ချုပ်မှူးကြီးသန်းရွှေလက်ထက်ကျ ဒါတွေကို ထပ်ချဲ့ပါတယ်။ အဲဒီကနေ တိုင်းပြည်ကို ကာကွယ်ဖို့ပဲ တာဝန်ရှိတဲ့ စစ်တပ်ဟာ ကြက်မွေး၊ ဝက်မွေး၊ ကန်ဇွန်းရွက်စိုက်ပြီး ပိုလျှံရင် တပ်ရင်းရံပုံငွေရအောင် ဈေးမှာ ထွက်ရောင်းရတဲ့ အဆင့်ကို ရောက်လာခဲ့ပါတယ်။ တပ်ရင်းမှူးလာစစ်ရင် မရှိတဲ့ ကြက်ကို ဖြည့်တင်းရတာတို့၊ စာရင်းလိမ်ပြရတာတို့ကတော့ အဲဒီခေတ်က ပြည်သူတိုင်းသိတဲ့ လျှို့ဝှက်ချက်ပါ။

အဲဒီလိုနည်းလမ်းတွေနဲ့ ပြည်သူမေတ္တာရအောင်၊ စစ်တပ်ကို လူထုချစ်အောင်၊ သူတို့ဟာ ပြည်သူ့အကျိုးလုပ်နေပါတယ်ဆိုတာမျိုး အမြင်ရောက်အောင် လုပ်ခဲ့ကြပေမဲ့ အရာမရောက်ခဲ့ပါဘူး။ အခုလည်း တကျော့ပြန်သတင်းတွေ ကြားလာရပြန်ပါပြီ။

၂၀၂၄ ခုနှစ်၊ ဒီဇင်ဘာလမှာ စစ်တပ်က ကြက်ဥတွေကို ဈေးချိုချိုနဲ့ ရောင်းပေးနေတဲ့ သတင်းကို ကြားနေရပါတယ်။ စစ်တပ်နဲ့ ကြက်ဥ၊ ကြက်ဥနဲ့ စစ်တပ် ဘယ်လို ဆက်စပ်လို့ရပါသလဲ။ စစ်တပ်က ကြက်ဥတွေကို ဘာလို့ ဈေးချိုချိုနဲ့ ရောင်းပေးနိုင်တာပါလဲ။

စစ်တပ်လက်အောက်ခံ ရန်ကုန်တိုင်းဝန်ကြီးချုပ်ဟာ ပြီးခဲ့တဲ့လတွေတုန်းက မွေးမြူရေးလုပ်ငန်းရှင်တွေကို အစည်းအဝေးခေါ်ခဲ့ပါတယ်။ အစည်းအဝေးတက်ရောက်ရတဲ့ လုပ်ငန်းရှင်တွေကတော့ သူတို့နာမည် ထုတ်ဖော်ရေးသားမှုကို လုံခြုံရေးအခြေအနေကြောင့် မလိုလားပါဘူး။ ဒါကြောင့်သူတို့နာမည်တွေကိုတော့ မဖော်ပြနိုင်ပါဘူး။

ရန်ကုန်တိုင်းဝန်ကြီးချုပ်က နိုင်ငံမှာ ဒေါ်လာလိုအပ်ချက်ရှိနေတာကြောင့် မလိုအပ်တဲ့ သွင်းကုန်တွေ လျှော့ချရမယ်။ ဒါကြောင့် ပဲပုပ်နဲ့ စာအုန်းဆီ သွင်းတာကို လျှော့ရမယ်ဆိုပြီး ပြောခဲ့ပါတယ်။ ဒီအကျိုးဆက်ကြောင့် ပြည်တွင်းမှာ စားအုန်းဆီတင်သွင်းမှုလျော့ကျလာလို့ အခုထိတိုင် ဆီဈေးတွေမြင့်တက်ပြီး လူတွေတန်းစီဝယ်ယူနေကြရပါတယ်။

ဒီလိုပဲ ပဲပုပ်ဆိုတာ မွေးမြူရေးလုပ်ငန်းမှာ အစာကုန်ကြမ်းအဖြစ် သုံးနေတာဖြစ်ပါတယ်။ အဲဒါကို မသွင်းဘူးဆိုရင် ကြက်သား၊ ဝက်သားကစပြီး ကုန်ချောဈေးတွေတက်ကုန်မယ်ဆိုပြီး မွေးမြူရေးလုပ်ငန်း ရှင်တွေက ထောက်ပြပေမဲ့ သူတို့က လက်မခံခဲ့ပါဘူး။

ဒီလိုနဲ့ပဲ ပဲပုပ်တင်သွင်းမှုကို သုံးလ အတွင်း အဆင့်ဆင့်လျှော့ချခဲ့ပါတယ်။ အဲဒီမှာ မွေးမြူရေး အစာကုန်ကြမ်းဈေးတွေ မြင့်တက်ကုန်ပြီး ကြက်ဥဈေးတွေကလည်း တစ်လုံး ၅၀၀ ဝန်းကျင်ဖြစ်ကုန်ပါတယ်။ အဲဒီအခါကျ လုပ်ငန်းရှင်တွေကို ခေါ်တွေ့ပြီး ဈေးချဖို့ပြောပါတယ်။

“သူတို့ပြောတာက အတော်ရှင်းတယ်။ ခင်ဗျားတို့ကို ညှိနှိုင်းနေတာ မဟုတ်ဘူး။ ခင်ဗျားတို့ရှေ့မှာ ရွှေတို့၊ ဆန်တို့ တွေ့တယ်မလား အဲဒီလိုပြောတာ။ သဘောကတော့ ထောင်ထဲဝင်မလား၊ ဈေးနှုန်းလျှော့မလား ပြောတဲ့ သဘော”ဆိုပြီး မွေးမြူရေးလုပ်ငန်းရှင်တစ်ဦးက ပြန်ပြီး ဖောက်သည်ချပါတယ်။

ဒီလိုနဲ့ မွေးမြူရေးလုပ်ငန်းရှင်တွေဆီကနေ ကြက်ဥတစ်လုံး ၃၄၀ ကျပ်နဲ့ တစ်နေ့ အလုံး ၇၃၀,၀၀၀ ကျော် ဝယ်ပါတယ်။ ပြီးတော့ ရန်ကုန်မြို့ထဲက ဈေးတစ်ဈေးကို ကျပ်ဥ အလုံးတစ်သောင်းရောင်းပါတယ်။ စစ်တပ်က ကားတွေနဲ့ လှည်လည်ရောင်းချပါတယ်။ စီးတီးမတ်မှာလည်း ဈေးကွက်ပေါက်ဈေးအတိုင်း ရောင်းချခွင့်ကို ပိတ်ပင်ထားလို့ စီးတီးမတ်ကလည်း တင်မရောင်းရဲပါဘူး။ စီးတီးမတ်က တင်မရောင်းရဲတဲ့အတွက် လုပ်ငန်းရှင်တွေကလည်း စီးတီးမတ်စ်ကို သွားပြီးဖြန့်ဖြူးလို့မရပါဘူး။ ဒါကြောင့်လည်း စီးတီးမတ်စ်မှာ ကြက်ဥတွေက ဈေးချိုနေတာဖြစ်ပါတယ်။

ပြည်တွင်းဈေးကွက်မှာ ဒီလိုစနစ်နဲ့ လည်ပတ်နေတာကြောင့် လုပ်ငန်းရှင်တွေကတော့ အခက်ကြုံနေ ကြရပါတယ်။ တကယ်တော့ ကုန်ကြမ်းပိတ်လိုက်ရင် ကုန်ချောဈေးတက်မယ်။ ဒေါ်လာလိုချက်ရှိလို့ ကုန်ကြမ်းပိတ်တယ်ဆိုတော့ ဒေါ်လာတွေကို စစ်လက်နက်ပဲ ဝယ်နေရင်တော့ လိုအပ်ချက်က ရှိနေမှာပဲ ဖြစ်ပါတယ်။

ဈေးနှုန်းတွေကြီးလာတော့မှ ကယ်တင်ရှင်ဝင်လုပ်၊ ကြက်ဥတွေကို Fixed Price လည်ပင်းညှစ်ဈေးနဲ့ဝယ်၊ အမြတ်တင်ပြီး ပြည်သူကို မျက်နှာလို မျက်နှာရလုပ်ပြန်ရောင်းတာမျိုးကတော့ ရွာသားအလှူ၊ သူကြီးကောင်းမှုပဲ ဖြစ်ပါတယ်။

ဒီလိုလုပ်ရုံနဲ့တော့ ကျဆင်းနေတဲ့ စစ်တပ်ရဲ့ ဂုဏ်သိက္ခာ ပြန်တက်လာဖို့မရှိပါဘူး။ ကျပ်ဥတစ်လုံး ၃၅၀ လောက်နဲ့ ဝယ်ခွင့်ရလို့လည်း ဘယ်ပြည်သူကမှ စစ်တပ်ကို ကျေးဇူးတင်မှာမဟုတ်ပါဘူး။ ဒါဟာ အရှိတရားလည်းဖြစ်သလို အမှန်တရားလည်းဖြစ်ပါတယ်။

ကိုယ့်အိမ်၊ ကိုယ့်ရွာ ကိုယ့်ဆွေမျိုးသားချင်းတွေကို မီးရှို့ပြချ၊ ကျန်ရစ်သူကိုလည်း အေးချမ်းစွာ လုပ်ကိုင် စားသောက်လို့မရအောင် အမျိုးမျိုးနှိပ်စက်ပြီးကာမှ သူတို့အိမ်မှာစားလို့မကုန်တဲ့ ဟင်းလေးတစ်ခွက် လာပေးတဲ့ လူကို ဘယ်သူကများ ကျေးဇူးတင်ဖူးပါသလဲ။

ဒါ့ကြောင့် ဂုဏ်သိက္ခာဆိုတာ ကိုယ့်ရဲ့လုပ်ရပ်တွေနဲ့ ထုဆစ်ထားတဲ့ မှတ်တိုင်ဖြစ်ပါတယ်။ ပြည်သူ့မေတ္တာ၊ ကိုယ့်ဂုဏ်သိက္ခာကိုရဖို့ စစ်တပ်ဆိုတာ ကြက်ဥရောင်းပေးဖို့မလိုပါဘူး။

စစ်တန်းလျားပြန်ပြီး နိုင်ငံကိုကာကွယ်၊ ပြည်သူကို စောင့်ရှောက်နိုင်ရေးဆိုတာကိုပဲ အာရုံစိုက်ပြီး ကိုယ့်အလုပ်ကိုယ်လုပ်မယ်ဆိုရင်တော့ ပြည်သူ့မေတ္တာ ၊ စစ်တပ်ဂုဏ်သိက္ခာလည်း ပြန်လည်ရရှိနိုင်မှာ ဖြစ်ကြောင်း စေတနာကောင်းနဲ့ အကြံပြုလိုက်ရပါတယ်။

Burma Associated Press