❝ #စစ်ကြီးဟာအလုပ်ကြိုးစားတယ် - #TheWarWorksHard ❞
လွှတ်ခံ့ညားတဲ့ စစ်ကြီး
သိပ်ကို တက်ကြွပြီး လုပ်ငန်းကျွမ်းကျင်တဲ့ စစ်ကြီး
မနက်စောစောမှာ
စစ်ကြီးက ရဲကားဥဩသံတွေကို နှိုးတယ်
လူနာတင်ကားတွေကို
နေရာအရပ်ရပ်ဆီ လွှတ်တယ်
အလောင်းကောင်တွေကို လေထဲ လွှဲယမ်းတယ်
လူနာတင် ထမ်းစင်တွေကို
ဒဏ်ရာရသူတွေဆီ ပို့ပေးတယ်
မိခင်တွေရဲ့ မျက်လုံးအိမ်ထဲမှာ
စစ်ကြီးက မိုးခေါ်တယ်
စစ်ကြီးဟာ မြေကြီးထဲတူးဆွ
အပျက်အစီးပုံကြီးထဲက အရာများစွာ ကော်ထုတ်တယ်
တချို့က အသက်ကင်းမဲ့၊ စိုစိုရွှဲရွဲတွေ
တချို့ကတော့ ဖြူဖပ်ဖြူရော်နဲ့ တဒုတ်ဒုတ် တုန်ရီနေဆဲ
စစ်ကြီးဟာ ကလေးတွေရဲ့စိတ်ထဲမှာ မေးခွန်းများစွာ ထုတ်လုပ်တယ်
ကောင်းကင်ပေါ်ကို
မီးပန်းတွေ၊ဒုံးကျည်တွေ ပစ်လွှတ်ပြီး
စစ်ကြီးက နတ်ဘုရားတွေကို ဖျော်ဖြေတယ်
စစ်ကြီးဟာ ဗုံးတွေ၊ မိုင်းတွေကို ကွင်းထဲ စိုက်ပျိုးပြီး ချိုင့်ခ
❝ တိမ်ဖွဲ့အိမ် ❞
တိမ်တွေကိုငါကငေးကြည့်ရသူပါ
တိမ်တွေအကြောင်း၊သက်တံတွေအကြောင်း နောက်ပြီးအမေ့အကြောင်း
မော့ကြည့်ရုံသက်သက်ပါ
မနေ့တစ်နေ့က ငါမေ့ထားတဲ့အရာတွေဟာ
အသစ်အတိုင်းပဲ၊ ပကတိအတိုင်းပဲ
ငါ တစ်ခုခု ဆုံးရှုံးထားရသလို
ငါ့ရဲ့ချစ်ခြင်းတွေကို ဥပက္ခာမပြုလိုက်ပါနဲ့
အချိန်တွေဟာနာကျင်လွန်းလို့ပါ
ဝေးတောင်တွေဆီက အလွမ်းတွေ ကျွတ်လွတ်ဖို့
နှင်းတွေကွဲရမလား အမေ
ထန်းတစ်ဖျားနေကွယ်ချိန် ကျွဲခိုးပေါ်မလား
အမေရေ နှင်းဆွတ်ဆွတ်ကွဲဖို့
နေရောင်ခြည်လိုမလား
အတောမသတ်နိုင်သူတို့
သတ်ပုံမှားစကားလုံးတွေနဲ့ သစ္စာမဲ့ချိန်
အမှန်တရားဟာ တိုက်စားခံရ၊ အပွန်းပဲ့ခံရ
အလွမ်းတွေ ဘယ်တော့များမှ ရိုးမယ်ဖွဲ့မတုန်း
ဒီကနေ့ ပျော်ရွှင်မှုက
ငါတို့အနာဖေးတွေ ကျက်လုနီးနေပြီ
ကောင်းကင်တစ်ခုလုံးရဲ့ တိမ်တွေက အိမ်ဖွဲ့ တေးကိုဆို၊ ကြယ်တွေက သူတို့ရဲ့ လွ
❝ နှင်းတွေလွတ်လွတ် ကျွတ်ကျွတ် ဝေပါစေ ❞
ခင်ဗျားဆီ ဓားဦးမလာခင်
နှင်းဆီပွင့်တွေဆီ ဆောင်းဦးမလာခင်ထိ
နှင်းတွေ လွတ်လွတ် ကျွတ်ကျွတ် ဝေပါစေ။
#နေရိုင်း
❝ #ဒီနေ့ ❞
ဒီနေ့ဟာ
နောက်နေ့အတွက် ပိုလှဖို့
တွဲထားတဲ့လက်
ခွဲသွားတဲ့ရက်တွေနီးဖို့
ပိုခိုင်မြဲရမယ်။
#နေရိုင်း
#peace ✌️ #မနက်ဖြန်တိုင်းမှာအပြုံးနဲ့ဆုံကြမယ် 🫰
🙏 ||| ❝ ဗုဒ္ဓရှာပုံတော် ❞ ||| 🙏
(၁)
သာဝတ္ထိကို ဒီမနက်သွားမိတယ်
၂၁ရာစု ဇေတဝန်ဟာ ...............
မိုးရေတွေယိုလို့ တိုင်တွေယိုင်လို့။
အတွေးထဲ ..........
အာဏာ ..........သို့မဟုတ် နေရာ
ဒါမှမဟုတ် လာဘ်လာဘ ကြိုးတွေနဲ့
က ချင်တိုင်း ကနေတဲ့ .......
အနီရောင် ဝတ်လွှာတွေအကြောင်း
စကားကောင်းမိနေဆဲ။
ငါတို့ဟာ....
ခူးသူတွေအလိုမကျမှာဆိုးလို့
ပိုးမကျအောင် ကိုယ်တိုင်ကာကွယ်နေရတဲ့
သက်ရင့် ပန်းလေးတွေလိုမျိုး။
ဝိဇ္ဇာရဲ့ နောက်မှာ စရဏ ပါမလာတဲ့အခါ
အပင်ကြီးပြီး အသီးမသီးတဲ့ သစ်ပင်အဖြစ်
ဓမ္မဟာ ကျန်နေရစ်တော့တာပါပဲ။
အယူဝါဒတွေအကြောင်း
ပြီးတော့ ........
ပဋိပက္ခတွေအကြောင်း
ပြီးတော့ . .
အစွန်းရောက်တွေအကြောင်း တွေးမိတယ်။
(၂)
အာဏာ နေရာ ပြီးတော့ .........
လာဘ်လာဘတွေ နည်းနည်း ဖယ်ကြည့်
မှိုင်းမိနေတဲ့ အယူဝါဒတွေကြား
လုံးပါးပါးနေတဲ့ သာသနာအကြောင်း
ကောင်းကောင်းသိပါလိမ့်မယ်........
ဗုဒ္ဓဘာသာ မဟုတ်ပေ
☆ ပန်းသေနတ်☆
■ ခပ်ညံ့ညံ့ခေါင်းဆောင်က လူသားတွေရဲ့ ငိုကြွေးသံကို စစ်ပွဲတစ်ပွဲရဲ့ ကြီးမြတ်မှုအဖြစ် မှတ်ယူခံစားတတ်ကြတယ်
■ ခပ်ညံ့ညံ့ခေါင်းဆောင်က အိုးမဲ့ အိမ်မဲ့ ခိုကိုးရာမဲ့ ဖြစ်သွားရသူတွေရဲ့ ပူဆွေးမှုကို စစ်ပွဲတစ်ပွဲရဲ့ အလှတရားအဖြစ် ထင်မှတ်မှားကြတယ်
■ နောက်ဆုံးတော့ အနိဠာရုံတို့၏ အစုအဝေးသည် စစ်ပွဲတစ်ပွဲ၏ သစ္စာတရားဖြစ်သလို ခပ်ညံ့ညံ့ခေါင်းဆောင်တို့၏ အနက်ရောင်သမိုင်းဆုလဘ်သာ ဖြစ်တော့သည်
#ဦးဘုန်း(ဓါတု)
🌳 သစ်ပင်တွေမှာ မိတ်ဆွေ မရှိဘူး....
🌳 သစ်ပင်တွေမှာ ခံစားချက် မရှိဘူး....
🌳 သစ်ပင်တွေမှာ ယုံကြည်ချက် မရှိဘူး....
🌳 သစ်ပင်တွေမှာ မေတ္တာတရား မလိုဘူး....
🌳 သစ်တစ်ပင်ကို ခုတ်ရင်....
ဟိုဘက် သစ်တစ်ပင်က ဒီအတိုင်းပဲ ကြည့်နေမှာပါ။
🌳 ကျွန်တော်တို့က လူတွေဆိုတော့....
🌳 မိတ်ဆွေတွေ ရှိတယ်၊ ခံစားချက်တွေ ရှိတယ်....
🌳 ယုံကြည်ချက်တွေ ရှိတယ်၊ မေတ္တာတရားတွေရှိတယ်....
🌳 မိတ်ဆွေတစ်ယောက်ရဲ့ အခက်အခဲကို
ကျန်တစ်ယောက်က ကူညီပေးမယ်၊ ဖြေရှင်းပေးမယ်။
#ဦးဘုန်း(ဓါတု)
☆ဘဝ အဓိပ္ပါယ်☆
■ တစ်နေဝင်လို့ တစ်မိုးချုပ်ခဲ့ပြန်ပြီ....
■ ကိုယ့်ကံကြမ္မာကိုယ် ဖန်တီးနိုင်တဲ့ အနာဂတ်မျိုး လူတိုင်းဖန်တီးခွင့်ရှိသင့်ပါတယ်။
■ ဘဝဆိုတာ ဘုံပိုင်....
■ အမည်နာမဆိုတာ သတ်မှတ်ချက်တစ်ခု....
■ ဒါပေမယ့် ကိုယ်ပိုင်တဲ့ဘဝမှာ ကိုယ်ရဲ့အမည်နာမတစ်ခုအတွက် ကိုယ်ပိုင်ဆုံးဖြတ်ချက်တွေ ချဖို့ဆိုတာကတော့မလွယ်ပါဘူး....
■ ကိုယ့်အတွက်ကိုယ်မပိုင်တဲ့ ကိုယ်ပိုင်ဘဝပျောက်နေကြသူတွေက အများကြီး....
■ လူဖြစ်လာတဲ့ ဘဝတိုတိုလေးမှာမှ ကိုယ့်ဘဝအခြေအနေကို ကိုယ့်ဘာသာ ဆုံးဖြတ်ခွင့်မရတာလောက် လူဖြစ်ရှုံးတာ ဘာအုံးရှိမလဲ....
■ ဒါပေမယ့် ဒါပေမယ့် ဆိုသော်လည်းပေါ့....
#တာရာမင်းဝေ
☆ ငါ့ သတ္တိကောင်းကင်မှာ
☆ နီလွင်ထစ်ချုန်း တစ် နှစ် သုံး
☆ အနက်ရှိုင်းဆုံး ထိုးကျပြစ်လိုက်တယ်
☆ ထူးလှတယ်တော့လည်း မဟုတ်ပါဘူးလေ
☆ ကြောက်မက်ဖွယ်ရာလူတွေရဲ့
☆ မဟာဘုတ် ဗေဒင်ထဲမှ
☆ ငါကလည်း
☆ အဓိပတိဖွားဖြစ်ချင်ခဲ့တာကို
"ဆောင်းရောက်ပြီ"
■ ရောက်ပေါ့
ဆောင်းရောက်ပေါ့
■ မိုးပျံပူပေါင်းတွေရောက်ပေါ့
■ သစ်ပင်ပေါ် မီးလုံးတွေရောက်ပေါ့
■ ကားသံတွေ၊ ခရာမှုတ်သံတွေ၊ စိတ်စွဲလန်းမှုနဲ့ သကြားနဲ့လုပ်တဲ့မုန့်တွေရောက်ပါ့
■ နှင်းတွေထဲ လမ်းလျှောက်ဖို့ တနင်္ဂနွေရာက်ပေါ့
■ ရုပ်ရှင်ကားသစ်တွေရောက်ပေါ့
■ စကားပြောကြတယ်၊ ချစ်ကြတယ်
■ အဓိပ္ပါယ်မရှိ အဓိပ္ပါယ်မရှာ ကလေးငယ်များဟာ ကြီးလာတယ်
■ ငါတို့အတွက် ပါမလာတာတွေ ပါလာပါစေလေ။
#အောင်ချိမ့်
■ဇာတ်ကောင်တွေက အများကြီးဆိုတော့
■ ငိုသံတွေလည်း အကျယ်ကြီးပဲလေ
■ ဇာတ်ဝင်တေးက တယောသံနဲ့မဟုတ်ဘူး
■သေနတ်သံ၊ ဗုံးသံနဲ့
■ ကြည့်ရှုသူတွေဟာ ဘဝပိတ်ကားပေါ်မှာ
■ကိုယ်အလောင်း ကိုယ် ပြန်မြင်နေကြယတယ်
#ကဗျာဆရာမောင်ရေချမ်း
■ ကိုယ့် နိုင်ငံထဲနေပြီး ကိုယ့်နိုင်ငံကို လွမ်းလှ
#ကဗျာဆရာအောင်ချိမ့်
မပျော်ရွှင်သူသို့
🎶စစ်ပွဲကြား သွေးရူးသွေးတန်း ပြေးဖူးလား
🎶မလှုပ်မယှက် ဆေးရုံကုတင်ပေါ်မှာ
ဒရစ်ချိတ် ခဲဆွဲ လဲလျောင်းနေဖူးလား
🎶ထောင်ထဲ တိုက်ပိတ်ကျဖူးလား
🎶ပျော်လိုက်ပါ
🎶တွေးတွေးပြီး ပျော်လိုက်ပါ
🎶မင်းအခက်အခဲလေးဟာ
🎶သေးသေးမွှားမွှားလေးပါ
🎶မင်းလောက်တောင် အဆင်မပြေတဲ့ လူတွေအများကြီးနဲ့ ကမ္ဘာကြီးပါ။
#ကဗျာဆရာလင်းမာအို
🎶ဒုက္ခ၊ နေရောင်၊ အမှောင်နဲ့ ဂစ်တာကြိုး
🎶ဇွတ်တိုးဝင်လာတဲ့ လောခံဓံဆိုလည်း
🎶ခေါင်းရှစ်စိတ်ကွဲသွားဖို့ပဲ ရှိတယ်
🎶သူတို့ဆီမှာ မီးညှိပါ
🎶သူတို့အသံကို ဆုပ်ကိုင်ပါ
🎶သူတို့အရောင်ကို နားစွင့်ပါ
#ကဗျာဆရာမောင်ဖီလာ
#ကဗျာဆရာအောင်ချိမ့်
☆ မီးပုံထဲက ဘဝများ
☆ ပြာပုံထဲက ဘဝများ
☆ ပြန်ထပါစေ
☆ ပြည်သူအများ
☆ အရှုံးမှ ပြန်ထပါစေ
☆ ငါတို့ တိုင်းပြည်ကြီး
🎶 ခေတ်လွပ်လပ်မှ
ကျောင်းသားလွတ်လပ်မယ်
🎶 အရွယ်နဲ့ မလိုက်အောင်တွေး
ကျောင်းသားအရေးဆိုတာ မင်းမှာ မရှိခဲ့ပါဘူး
🎶 ဘုရားခေတ်မှာ ဆိုရင်
ရဟန္တာဖြစ်တဲ့အထိ လိမ္မာယ်
🎶 ဒါပေမဲ့
🎶 အမှောင်ခေတ်မှာတော့
အာဏာရှင်ကို ဖီဆန်တယ်
ညီလေးရယ် မင်းသိပ်မှန်တယ်။
#ကဗျာဆရာတာရာမင်းဝေ
#အကြည်တော် ရေးခဲ့တဲ့ ကဗျာကို ဝါသ နာအရ အမှတ်တရ ရွတ်ပါရစေ🙏
■ တချို့က
ကြက်သားဟင်းကို ကြွားနေကြတယ်။
□ တချို့က
ဖက်များခင်းလို့ စားနေရတယ်။
■ တချို့က
ဈေးတက်လို့ မုန်းနေကြတယ်။
□ တချို့က
ကလေးလက်ဆွဲလို့ ပုန်းနေရတယ်။
■ တချို့က
ရည်းစားနဲ့ အချစ်တွေပွါးနေကြတယ်။
□ တချို့က
မငြီးတွားဘဲ မျှစ်တွေစားနေရတယ်။
■ တချို့က
အမျိုးနဲ့အဆွေနဲ့ လွမ်းနေကြတယ်။
□ တချို့က
မိုးထဲရေထဲ လှမ်းနေရတယ်။
■ တချို့က
အိပ်ယာခင်းပြီး မိုက်နေကြတယ်။
□ တချို့က
သိက္ခာရင်းပြီး တိုက်နေရတယ်။
@ ကြိတ်ခါရှင်းလို့ မရတဲ့အချိန်မို့
ဘာဖြစ်ဖြစ်ငါ့လိပ်ပြာတော့လုံပါရစေ။
#အကြည်တော်
https://youtu.be/MtsSiQcDlos