Voice Of Kalay (2025)

22/08/2024

ဩဂုတ် ၂၁ ရက်နေ့မှာ ကလေးမြို့လူထုတိုက်ပွဲဦးဆောင်ကော်မတီက ကလေးဒေသရှိ ရွာတစ်ရွာမှာ စစ်တပ်ထုတ်ကုန်မှန်သမျှ မသုံးစွဲရေးနဲ့ ဘူးသပိတ်လူထုတိုက်ပွဲ အရှိန်မြှင့်တင်ရေးလူထုအသိပညာပေးဟောပြောပွဲတရပ်ကို ပြုလုပ်ခဲ့ပါတယ်။

Photo - CJ

တယ်လီဂရမ်မှာလည်း ဖတ်ရှုလို့ရပါတယ်။
https://t.me/voiceofkalaynews/361

22/08/2024

ကလေးမြို့အနောက်တောင်ဘက် စစ်တပ်စစ်ကြောင်း CNDF တပ်ဖွဲ့ဝင်တဦးကို သတ်ဖြတ်ခဲ့
*************

ကလေးမြို့အနောက်တောင်ဘက်ရွာတွေကို စစ်ကြောင်းနဲ့ ဝင်ရောက်စီးနင်းခဲ့တဲ့ စစ်ကောင်စီတပ်က Chin Naitonal Defense Force(CNDF) တပ်ဖွဲ့ဝင် ၁ ဦးကို သတ်ဖြတ်ခဲ့တယ်လို့ အသတ်ခံရတဲ့ ရဲဘော်မိသားစုဝင်တွေနဲ့ CNDF အဖွဲ့ဆီက သိရပါတယ်။

သြဂုတ် ၂၀ မနက်အစောပိုင်း ၅ နာရီလောက်က ရွာထဲကို စစ်ကောင်စီအဖွဲ့ ၂ ဖွဲ့ခွဲပြီး စစ်ကြောင်းဝင်လာလို့ CNDF အဖွဲ့နဲ့ ပထမဆုံးထိတွေ့မှုဖြစ်ပွါးခဲ့ပြီး စစ်ကောင်စီတပ်က Salai Ro Hming Thang (ခ) Van Tha Bik ကို ဖမ်းဆီးသတ်ဖြတ်ခဲ့ကာ ရှားတောရွာမှာ နေအိမ်နဲ့အတူ မီးရှို့ခဲ့တာဖြစ်တယ်လို့ သိရပါတယ်။

“ကျွန်တော်တို့ ရဲဘော်တစ်ယောက်ကတော့ ကျသွားတယ်၊ ဖမ်းပြီးတော့ သတ်ပြီးတော့ အိမ်မီးရှို့တဲ့နေရာမှာတခါထဲရှို့လိုက်တယ်” လို့ CNDF အဖွဲ့ ပြောရေးဆိုခွင့်ရှိသူက Voice Of Kalay ကို ပြောပါတယ်။

စစ်တပ်က CNDF အဖွဲ့ဝင်တွေရှိတဲ့နေရာကို အတိအကျသိ၍ နယ်မြေရှင်းလင်းရေးအနေနဲ့ ဝင်ရောက်စီးနင်းတာဖြစ်နိုင်ကြောင်း ပြောဆိုမှုများရှိနေပေမယ့် အတည်ပြုနိုင်ခြင်းမရှိပါဘူး။

တမူးမြို့အနီး ရွာတရွာမှာနေထိုင်ခဲ့တဲ့ အသက် ၂၈ နှစ်အရွယ် Salai Ro Hming Thang က လွန်ခဲ့တဲ့ ၂ နှစ်ကထဲက အဖွဲ့ထဲဝင်ရောက်ခဲ့ကာ စစ်ကောင်စီကို တော်လှန်နေသူဖြစ်ပါတယ်။ ပြီးခဲ့တဲ့ နှစ်ကလည်း ဗုံးစထိမှန်လို့ မျက်စိတစ်ဖက်မမြင်ရတော့ဘဲ ခြေထောက်လည်းဒဏ်ရာများ ရရှိထားတယ်လို့ မိသားစုဝင်တဦးထံက သိရပါတယ်။

ဒဏ်ရာတွေရထားလို့ မိသားစုဝင်တွေက တော်လှန်ရေးက အနားယူစေချင်ပေမယ့် အနားယူဖို့ ပြောရင် မကြိုက်ဘူးလို့ ၎င်းက ဆက်ပြောပါတယ်။

“အတင်း တော်လှန်ရေးလုပ်ချင်တာ၊ တားလို့လည်းမရဘူး။ သူသေတဲ့အထိ တော်လှန်ရေးလုပ်မယ်တဲ့”

ကျဆုံးရဲဘော်ရဲ့ ရုပ်အလောင်းကို ပြန်လည်ရရှိခဲ့ပြီး မနေ့က သြဂုတ် ၂၁ ရက်နေ့မှာ သင်္ဂြုလ်လိုက်တယ်လို့ သိရပါတယ်။

“ရုပ်အလောင်းတော့ ပြန်ရပါတယ်၊ လူရုပ်နဲ့လည်းမတူတော့ဘူး မဲတူးနေတာပဲ ခေါင်းလည်းမရှိတော့ဘူး၊ ခြေထောက်နဲ့လက်လည်းမရှိတော့ဘူး” လို့ မီးရှို့ခံထားရတဲ့အခြေအနေကို မိသားစုဝင်တဦးက ပြောပါတယ်။

“လူဆိုတာ သေဖို့မွေးတယ်ဆိုပေမယ့် လူတစ်ယောက်ကို အခုလို ရက်ရက်စက်စက်ကြီး သတ်ထားတာဆိုတာတော့ ပိုပြီးတော့ ဝမ်းနည်းရတယ်” လို့ ၎င်းက ငိုယိုပြီး ပြောပြပါတယ်။

ကျဆုံးရဲဘော် Salai Ro Hming Thang ဟာ အရှင်လတ်လတ် မီးရှို့သတ်ခံရတာလား၊ အသတ်ခံရပြီးမှ နေအိမ်နဲ့အတူမီးရှို့သွားတာလားဆိုတာတော့ တိတိကျကျမသိရပါဘူး။

Photo - CJ

#ရှားတော #မီးရှို့

21/08/2024

သုံးအိမ်စုရွာကို မီးရှို့ခဲ့တဲ့ စစ်ကြောင်း အင်ဒိုင်းကုန်းရောက်နေ၊ တော်လှန်ရေးအဖွဲ့က ဒရုန်း ၁ စီးသိမ်းဆည်းရထား

********

စစ်ကောင်စီစစ်ကြောင်း မီးရှို့ဖျက်ဆီးခဲ့တဲ့ ကျွန်းတော(သုံးအိမ်စု)ရွာ အပျက်အစီးမြင်ကွင်းဖြစ်ပါတယ်။

ဩဂုတ် ၂၀ မနက်အစောပိုင်းထဲက ရှားတောနဲ့ ကျွန်းတောရွာထဲကို စစ်ကြောင်းဝင်လာတဲ့ စစ်တပ်နဲ့ Ranger Kalay Defend Force RKDF ၊ ကလေးမြို့ပြပျောက်ကြားအဖွဲ့(UG Kalay) တို့ တိုက်ပွါးဖြစ်ခဲ့ပါတယ်။

စစ်ကောင်စီက မြို့ထဲမှ လက်နက်ကြီးပစ်ကူများ၊ ဒရုန်းများ အသုံးပြုခဲ့ပြီး ကာကွယ်ရေးပူးပေါင်းအဖွဲ့က စစ်ကောင်စီရဲ့ ဒရုန်း ၁ စီး သိမ်းပိုက်ရရှိခဲ့တယ်လို့ အဖွဲ့နဲ့ နီးစပ်သူတွေဆီက သိရပါတယ်။

ဒီတိုက်ပွဲမှာ Ranger Kalay Defend Force (RKDF) တပ်ဖွဲ့ဝင် ၃ ဦး ဦးခေါင်းနဲ့ နံရိုးမှာ ဒဏ်ရာခဲ့တယ်လို့သိရပါတယ်။ စစ်ကြောင်းဝင်ရောက်စဉ် Chin National Defense Force တပ်ဖွဲ့ဝင်အချို့ဖမ်းဆီးခံရမှုနဲ့ သတ်ဖြတ်ခံရမှုအပေါ် သိနိုင်ဖို့ CNDF ပြောရေးဆိုခွင့်ရှိသူထံ ဖုန်းနဲ့ဆက်သွယ်ခဲ့ပေမယ့် လက်ခံမဖြေကြားပါဘူး။

ကျွန်းတောရွာရှိ နေအိမ် ၄၀ လောက်မီးရှို့ခံထားရပါတယ်။

ယနေ့ ဩဂုတ် ၂၁ မှာတော့ စစ်ကြောင်းဟာ မီးရှို့ခဲ့တဲ့ရွာမှ ပြန်လည်ဆုတ်ခွါပြီဖြစ်ပြီး အင်ဒိုင်းကုန်းရွာတွင်းမှာတော့ စစ်သားတွေ အများအပြားရှိနေသေးတယ်လို့ ဒေသခံတွေက Voice Of Kalay ကို ပြောပါတယ်။

မနေ့ညက အင်ဒိုင်းကုန်းမှာ ညအိပ်ခဲ့တဲ့ စစ်ကောင်စီတပ်သားတွေက ရွာရှိဈေးဆိုင်အချို့မှ ပစ္စည်းများ၊ အမဲသား၊ ဝက်သားများ ယူတဲ့အပြင် အရက်သေစာသောက်စားနေကြတယ်လို့ မျက်မြင်တွေပြောပြချက်အရ သိရပါတယ်။

စစ်ကောင်စီတပ်သားတွေ ရွာထဲမှာ ရှိနေတာကြောင့် ရွာခံတွေ စိုးရိမ်နေရပြီး အိမ်တံခါးပိတ်နေရကြောင်း သိရပါတယ်။ မနေ့က မီးရှို့ပြီးတဲ့နောက် ယနေ့နေ့လည်အချိန်ထိ ပစ်ခတ်သံများ မကြားရတော့ကြောင်း အင်ဒိုင်းကုန်းရွာခံတွေက ပြောပါတယ်။

Photo - စစ်တပ်မီးရှို့ခဲ့တဲ့ ကျွန်းတောရွာအပျက်အစီးများ

Telegram မှာလည်း ဖတ်ရှုလို့ရပါတယ်။
https://t.me/voiceofkalaynews/359

#သုံးအိမ်စု #အင်ဒိုင်းကုန်း #ကလေးမြို့

20/08/2024

ကလေးမြို့နယ်ရှိ ရွာအချို့ကို စစ်တပ်ကမီးရှို့၊ အကြောင်းမဲ့ လေကြောင်းတိုက်ခိုက်

*************
Update: Aug 21

ကလေးမြို့နယ်၊ အနောက်တောင်ဘက်ရွာတွေကို စစ်ကောင်စီတပ်က ဒီကနေ့ ဩဂုတ် ၂၀ မနက်အစောပိုင်းကစ စစ်ကြောင်းထိုး ဝင်ခဲ့ပြီး ‌နေအိမ်တွေကို မီးရှို့ခဲ့တယ်လို့ ဒေသခံတွေနဲ့ တော်လှန်ရေးအဖွဲ့တွေထံက သိရပါတယ်။

မြို့ပေါ်ရပ်ကွက်ရဲ့အနီးမှာရှိတဲ့ ရှားတောနဲ့ ကျွန်း‌တော(သုံးအိမ်စု)ရွာကို ဒီနေ့ မနက် ၅ နာရီကစ စစ်ကောင်စီတပ်က ဝင်ရောက်မီးရှို့ခဲ့ကြတာလို့ သိရပါတယ်။

သံချပ်ကာကား ၅ စီးပါတဲ့ စစ်ကောင်စီစစ်ကြောင်းဟာ အင်ဒိုင်းကုန်းမှ ရှားတောသို့ဝင်ရောက်ခဲ့ကာ ညနေပိုင်းထိ ကျွန်းတောရွာလမ်းချိုး(သုံးအိမ်စု)မှာ ကားအချို့နဲ့ စစ်သားများရှိနေပြီး ရွာစာသင်ကျောင်းထဲမှာ စစ်သားတွေဝင်နေကြတယ်လို့ သိရပါတယ်။

"မနက် ၅ နာရီကထဲက သံချပ်ကာ ကား ၅ စီးနဲ့ လာကြတာ၊ သုံးအိမ်စု(ကျွန်းတောလမ်းချိုး)မှာ စစ်သားတွေရှိတယ်၊ စက္ကန့်(ရွာ)မှာလည်း ရှိတယ်" လို့ ဒေသခံတဦးက Voice Of Kalay ကို ပြောပါတယ်။

စစ်ကြောင်းဝင်ရောက်လာတဲ့ စစ်သားတွေနဲ့ RKDF, UGF Ninjas အဖွဲ့တို့ပါဝင်တဲ့ ပူးပေါင်းအဖွဲ့တို့ ပစ်ခတ်မှုဖြစ်ပွါးကြောင်းနဲ့ RKDF တပ်ဖွဲ့ဝင် ၂ ဦး ထိခိုက်မှုရှိတယ်လို့သိရပေမယ့် ဆက်သွယ်မေးမြန်းနေဆဲဖြစ်ပါတယ်။

အနီးရှိဒေသခံအချို့ကတော့ နာရီပိုင်းကြာတဲ့အထိ အပြန်အလှန်ပစ်ခတ်သံတွေ ကြားရတယ်လို့ ပြောပါတယ်။

စစ်ကြောင်းဝင်ရာက်စဉ် မြို့ထဲမှ ထောက်ပို့၊ ၂၂၈ နဲ့ ဒကစတပ်တို့ကလည်း လက်နက်ကြီးပစ်ကူ ပစ်ခတ်ခဲ့ပါတယ်။ ဒကစတပ်နဲ့ စစ်တပ်တပ်စွဲထားတဲ့ GTC ကျောင်းကနေပစ်ခတ်တဲ့ လက်နက်ကြီးကျည်တွေကတော့ ပြည်သူတွေနေတဲ့ မြို့ကြီးကုန်းရွာထဲကိုကျတယ်လို့ သိရပြီး ထိခိုက်သေဆုံးရှိမရှိကို မသိရသေးပါဘူး။

စစ်ကြောင်းထိုးဝင်ရောက်လာတဲ့ စစ်ကောင်စီတပ်သားတွေက မနက် ၁၁ နာရီလောက်ကစ ရွာကိုမီးရှို့နေပြီး ဒေသခံများလည်း ထွက်ပြေးတိမ်းရှောင်နေရကြောင်းနဲ့ မီးခိုးလိပ်များကို အနီးရှိ ရွာခံအချို့က ညနေ ၆ နာရီအထိ မြင်တွေ့ရတယ်လို့ပြောပါတယ်။

"ရှားတောကတော့ အိမ်တွေတော်တော်များများကုန်ပြီထင်တယ် တောက်လျှောက်ရှို့နေတာ" လို့ ကာကွယ်ရေးအဖွဲ့ဝင်တဦးက Voice Of Kalay ကို ပြောပါတယ်။

ဒီရွာတွေကို မီးရှို့နေစဉ်မှာပဲ မြို့ထဲရှိ ဝယ်စလီလမ်းခွဲနဲ့ ဘူတာလမ်းခွဲတို့မှာ လမ်းသွားလမ်းလာတွေကိုစစ်ဆေးတာတွေ စစ်ကောင်စီက တင်းတင်းကြပ်ကြပ်လုပ် ဆောင်ပါတယ်။

ဒီနေ့ ဩဂုတ် ၂၀ ညနေပိုင်းအထိ စစ်ကားများ အင်ဒိုင်းကုန်းရွာထဲမှာရှိနေပြီး ရွာထဲကပြန်ထွက်မယ် မထွက်ဘူးမသိရလို့ ဒေသခံတွေလည်း စိုးရိမ်နေရပြီး ရှောင်တိမ်းဖို့ပြင်ဆင်နေကြတယ်လို့ သိရပါတယ်။

ဒါ့ပြင် ကလေးမြို့နယ်မြောက်ပိုင်း၊ လက်ပံချောင်းရွာကို တိုက်ပွဲဖြစ်ပွါးတာမရှိဘဲနဲ့ စစ်တပ်က လေကြောင်းတိုက်ခိုက်ခဲ့တယ်လို့သိရပါတယ်။

တံတားဦးလေတပ်မှ တက်လာတဲ့ ဂျက်ဖိုက်တာ ၁ စီးက နေ့လည် ၁ နာရီ ၅၀ ခန့်မှာ လက်ပံချောင်းရွာကို ပေါင် ၂၅၀ ဗုံး ၂ လုံးကျဲချပြီ လေယာဉ်ကနေ ပစ်ခတ်ပြီး လေကြောင်းတိုက်ခိုက်ခဲ့တာလို့ ဒေသခံတွေဆီက သိရပါတယ်။

ဒီတိုက်ခိုက်မှုကြောင့် လူထိခိုက်သေဆုံးမရှိဘူးလို့ သိရပါတယ်။

Photo - CJ
#ရှားတော #သုံးအိမ်စု #လက်ပံချောင်း

20/08/2024

ဝယ်စလီလမ်းခွဲမှာ စစ်ကောင်စီတပ်သားတွေရှိ၊
ဘူတာလမ်းခွဲမှာလည်း လမ်းသွားလမ်းလာတွေကို ရပ်တန့်စစ်ဆေးနေတယ်လို့သိရ။
10:30 AM
VOK on Telegram
https://t.me/voiceofkalaynews/342

23/07/2024

တရားမဝင် အာဏာသိမ်းစစ်တပ်က ကိုဂျင်မီ(ခ)ကိုကျော်မင်းယု၊ ကိုဖြိုးဇေယျာသော်၊ ကိုလှမျိုးအောင်နဲ့ ကိုအောင်သူရဇော်တို့ကို မတရားကြိုးပေးသတ်ဖြတ်ခဲ့ခြင်း (၂) နှစ်ပြည့်အောက်မေ့သတိရ အခမ်းအနားကို ကလေးမြို့နယ်တနေရာတွင် ပြုလုပ်ခဲ့ကြောင်းသိရပါတယ်။

ယနေ့ ဇူလိုင် ၂၃ မှာ ပြုလုပ်တဲ့ ဒီအခမ်းအနားကို က‌လေးမြို့လူထုသပိတ်ဦးဆောင်ကော်မတီနှင့် ဒေသခံပြည်သူလူထုတို့က ပြုလုပ်ခဲ့ခြင်းဖြစ်ပြီး တက်ရောက်လာကြသူများကို ကိုဇေယျာလွင် ပေးပို့သော ရုပ်သံအား ဖွင့်ပြခဲ့ကြောင်း သိရပါတယ်။

Photo - Citizen Journalist

23/07/2024

ကလေးမြို့နေရာအနှံ့မှာ စစ်ကောင်စီက လုံခြုံရေးတင်းကြပ်ပြီး လှည့်ကင်းများလှည့်‌ပတ်နေတဲ့ကြားက ကိုဂျင်မီ(ခ)ကိုကျော်မင်းယု၊ ကိုဖြိုးဇေယျာသော်၊ ကိုလှမျိုးအောင်၊ ကိုအောင်သူရဇော်တို့ မတရားကြိုးပေးသတ်ဖြတ်ခံရတာ (၂) နှစ်ပြည့်မြောက်တဲ့ လှုပ်ရှားတရပ်ကို ကလေးမြို့ဒေသခံအချို့က မြို့တွင်းတနေရာမှာ ပြုလုပ်ခဲ့ကြပါတယ်။

Photo - Citizen Journalist

19/07/2024

မြို့ပေါ်မှာ လုံခြုံရေးတင်းကြပ်ထားပေမယ့် ကလေးမြို့လူထုတိုက်ပွဲဦးဆောင်ကော်မတီက ၇၇ နှစ်မြောက် အာဇာနည်နေ့ လှုပ်ရှားမှုအဖြစ် ကလေးမြို့၏ အချက်အခြာနေရာဖြစ်တဲ့ မြို့လယ်ခေါင်မှာ ပျောက်ကြားသပိတ်ဖော်ဆောင်ခဲ့တယ်လို့ သိရပါတယ်။

ဒီလှုပ်ရှားမှုအား မြို့ပြမှာပဲ အုပ်စိုးနိုင်တော့တဲ့ စစ်တပ်ကို မြို့ပေါ်ပျောက်ကြားသပိတ်က နားရွက်တံတွေးစွတ်တဲ့ လုပ်ရပ်ဖြစ်တယ်လို့ ဒေသခံတဦးက မှတ်ချက်ပြုပါတယ်။

မိဘပြည်သူများအနေနဲ့ စစ်အုပ်စုရဲ့ ဖိနှိပ်မှုကိုငြိမ်ခံမနေဘဲ စစ်အာဏာရှင်စနစ်ကို "ကျေးလက်ပုန်ကန်၊ မြို့ပြဖီဆန်ကာ" တော်လှန်ရေးမီးစာကို အမြင့်ဆုံးသို့မြှင့်တင်ကာ ကျရာကဏ္ဍအသီးသီးမှပါဝင်တိုက်ပွဲဝင်ကြဖို့ ‌ဦးဆောင်ကော်မတီက တိုက်တွန်းထားပါတယ်။

"ဒီနှစ်အာဇာနည်နေ့ကတော့ မြို့ပေါ်ရော ကျေးလက်ပါ မြိုင်မြိုင်ဆိုင်ပဲဗျို့" လို့ ကော်မတီဝင်တဦးက Voice Of Kalay ကို အားရကျေနပ်စွာပြောပြပါတယ်။

Photo - CJ

19/07/2024

🚩ပြည်သူ့တော်လှန်စစ်ပွဲမှာ Fixed-Wing Drone (မောင်းသူမဲ့လေယာဉ်ငယ်) တွေ ပိုအားကောင်းလာအောင် ပံ့ပိုးပေးချင်ပါသလား

🚩ကျနော်တို့ 𝗣𝗿𝗼𝗷𝗲𝗰𝘁 𝗦𝗸𝘆𝗗𝗮𝗻𝗰𝗲 ကို ပါဝင်ကူညီပေးဖို့ တောင်းဆိုပါရစေ

🚩Fixed-Wing Drone နည်းပညာကို တစိုက်မတ်မတ်လုပ်နေတဲ့ ကလေးဒေသက တပ်ဖွဲ့ ၂ ခုဖြစ်တဲ့ Wings of Kalay (WOK) နဲ့ Kalay Revolution Force (KRF) ဒရုန်းဌာနတို့ ပူးပေါင်းဆောင်ရွက်နေတဲ့ ရန်ပုံငွေကမ်ပိန်းဖြစ်ပါတယ်။

🚩ကျနော်တို့ဘာလို့ Fixed-Wing Drone တွေကို အားစိုက်လုပ်ဆောင်နေတာလဲ

🎯Multirotor drone တွေထက် ကုန်ကျမှုအများကြီး ပိုသက်သာပါတယ်။ တည်ဆောက်ရလွယ်ကူပါတယ်။ Multirotor drone တစီးကို သိန်းရာဂဏန်းကနေ ထောင်ဂဏန်းအထိ ကုန်ကျနိုင်ပေမယ့် Fixed-Wing တစီးကို သိန်း ၅၀-၆၀ လောက်နဲ့ တည်ဆောက်နိုင်ပါတယ်။

🎯ရန်သူ့ No Fly Zone တွေနဲ့ Jammer တွေကို ကျော်လွှားတိုက်ခိုက်နိုင်စွမ်းရှိလို့ အရမ်းထိရောက်ပါတယ်။

🎯အချုပ်ပြောရရင်တော့ ကုန်ကျစရိတ်နဲ့ ရလဒ်အရကြည့်ရင် အရမ်း cost effective ဖြစ်ပါတယ်။

🚩မြေပြင်ကထိုးစစ်ဆင်မယ့် ခြေလျင်၊ ခြေမြန်ရဲဘော်တွေ mission target ကို အမြန်ချဉ်းကပ်နိုင်ဖို့ ဝေဟင်ကနေ ရန်သူခေါင်းမဖော်နိုင်အောင် တရစပ်ဦးနှိမ်ထားနိုင်ဖို့ အရမ်းအရေးကြီးပါတယ်။

🚩Fixed-Wing Drone တွေထိရောက်အားကောင်းလာဖို့ တတ်နိုင်သမျှပါဝင်ကူညီပေးကြဖို့ ပြည်တွင်း၊ ပြည်ပမှ ညီအကိုမောင်နှများကို ယုံကြည်အားကိုးလျက် ဖိတ်ခေါ်ပါတယ်ခင်ဗျာ။

ပါဝင်ကူညီရန် 👉 http://m.me/projectskydance

#အနောက်မြောက်ဝေဟင်ကပွဲ

19/07/2024

ကလေးဒေသ၏ အာဇာနည်နေ့ ကျင်းပမှု ပုံရိပ်များ
**************
ယနေ့ ဇူလိုင် ၁၉ မှာ ကျရောက်တဲ့ ၇၇ နှစ်မြောက် အာဇာနည်နေ့အထိမ်းအမှတ်လူထုသပိတ်ကို ကလေးမြို့လူထုတိုက်ပွဲဦးဆောင်ကော်မတီနဲ့အတူ ကလေးဒေသခံပြည်သူများကပါ တခဲနက်ပူးပေါင်းပါဝင် ပြုလုပ်ခဲ့ကြောင်း သိရပါတယ်။

Photo - CJ

18/07/2024

ပြည်တွင်းမှာ VPN ပိတ်ဆို့မှုများကြောင့် Facebook သုံးစွဲရအဆင်မပြေမှုများ ဒီရက်ပိုင်း ပိုမိုဆိုးဝါးလာပါတယ်။ Voice Of Kalay က တင်ဆက်တဲ့ သတင်းများကို Facebook မှာ ဖတ်ရှုရတာ အခက်အခဲကြုံနေရပါက Telegram Channel မှာလည်း ဖတ်ရှုလို့ရပါတယ်။

18/07/2024

ကလေးမြို့မှာ အာဇာနည်နေ့အကြို လူထုလှုပ်ရှားမှုပြုလုပ်
**************

ဇူလိုင် ၁၉ မှာ ကျရောက်မယ့် ၇၇ နှစ်မြောက် အာဇာနည်နေ့အကြို လူထုလှုပ်ရှားမှု အခမ်းအနားတရပ်ကို ကလေးဒေသရှိ ပြည်သူ့ပညာရေးကျောင်းတစ်ခုမှာ ယနေ့ ဇူလိုင် ၁၈ မှာ ပြုလုပ်ခဲ့တယ်လို့ သိရပါတယ်။

ဒီလှုပ်ရှားမှုမှာ ကလေးမြို့လူထုတိုက်ပွဲဦးဆောင်ကော်မတီအဖွဲ့ဝင်များ၊ ကလေးမြို့ဒေသခံပြည်သူများနဲ့ ကျောင်းသားကျောင်းသူများ ပူးပေါင်းပါဝင်ခဲ့တယ်လို့ သိရပါတယ်။

အခမ်းအနားမှာ အာဇာနည် ၉ ဦးနဲ့တကွ ခေတ်အဆက်ဆက်ဒီမိုကရေစီတိုက်ပွဲမှာ အသက်ပေးလှူသွားကြတဲ့ ရဟန်းရှင်လူ၊ ကျောင်းသားပြည်သူတွေကို အလေးပြုခြင်း၊ ၁ မိနစ် ငြိမ်သက်ဂုဏ်ပြုခြင်း၊ ကဏ္ဍအသီးသီးရဲ့ CDM လှုပ်ရှားမှုမှာ ပါဝင်ခဲ့ကြတဲ့ ပြည်သူ့ဝန်ထမ်းတွေကို စက္ကန့် ၃၀ ကြာ လက်ခုပ်တီးဂုဏ်ပြုခြင်းတို့ ပြုလုပ်ခဲ့ပါတယ်။

ယင်းနောက် တက်ရောက်လာကြတဲ့ ကျောင်းသားကျောင်းသူများထဲမှ ၁၄ ဦးက အာဇာနည်နေ့နဲ့ပတ်သက်တဲ့ အကြောင်းအရာတွေကို ဟောပြောခဲ့ကြတယ်လို့ ပါတယ်။

Photo - CJ

15/07/2024

"နဂိုကတော့ PDF (ကလေး) တပ်ရင်း ၉ ရင်းရှိတယ်။ လက်ရှိမှာတော့ ၄ ရင်းပဲရှိတော့တယ်။ ဒါက အင်အားနည်းသွားတာမဟုတ်ဘူး။ ဖောင်းပွနေတဲ့တပ်ရင်းတွေ၊ ပြီးတော့ ပြန့်ကွဲနေတဲ့ အင်အားစုတွေကို စုလိုက်ပြီး ၂ ရင်းကို ၁ ရင်းပေါင်းတာတွေရှိတယ်၊ ၃ ရင်းကို ၁ ရင်းပေါင်းလိုက်တာတွေရှိတယ်၊ တပ်ရင်း ၉ ရင်းက ပြန်စုဖွဲ့လိုက်တော့ တပ်ရင်း ၄ ရင်းဖြစ်သွားတယ်ပေါ့နော်"

"ဂဏန်းအရတော့ ၄ ရင်းပဲဆိုတော့ နည်းသွားတာပေါ့ ဒါပေမယ့် တကယ်မြေပြင်မှာတော့ အဲ့လိုမဟုတ်ဘူး ပိုပြီးတော့ ကျစ်လျစ်သွားတာပေါ့နော်၊ ပိုကျစ်လျစ်ပြီးတော့ ထုက ပိုပြီးတော့ ကြီးသွားတယ်"

"စည်းလုံးအောင်နိုင် ကလေးခရိုင် ကျည်တစ်တောင့်" Project အတွက် ဒေါက်တာဖြိုးသီဟနဲ့ အင်တာဗျူးတိုက်ရိုက်ထုတ်လွှင့်မှုမှ PDF Kalay တပ်ရင်း ၄ တာဝန်ခံ ကိုမုန်ပီးရဲ့ ပြောကြားချက်ကို ကောက်နုတ်ဖော်ပြထားတာဖြစ်ပါတယ်။

ဒီပရောဂျက်ကို အောက်ပါလင့်ကနေတဆင့် ပါဝင်ကူညီထောက်ပို့လို့ရပါတယ်။
https://www.facebook.com/share/p/uAmdg2pVThfHH9ra/?mibextid=oFDknk

13/07/2024

ကျောင်းသားသမဂ္ဂအဖွဲ့ဝင် အသတ်ခံရမှုအပေါ် ကလေးတက္ကသိုလ်ကြားကာလယာယီအုပ်ချုပ်ရေးကောင်စီက သဘောထား ထုတ်ပြန်
**************

ဝက်လက်မြို့နယ် ကျောင်းသားသမဂ္ဂအဖွဲ့ဝင် ကိုမြင့်မြတ်ဦး လုပ်ကြံသတ်ဖြတ်ခံရမှုအား NUG သက်ဆိုင်ရာဝန်ကြီးဌာနများမှ စုံစမ်းဖော်ထုတ်ပေးဖို့ ကလေးတက္ကသိုလ်ကြားကာလယာယီအုပ်ချုပ်ရေးကောင်စီက သဘောထားထုတ်ပြန်ပါတယ်။

ဇူလိုင် ၁၂ က ထုတ်ပြန်တဲ့ ဒီထုတ်ပြန်ချက်မှာ စစ်ကိုင်းတိုင်းဒေသကြီး၊ ဝက်လက်မြို့နယ် ကျောင်းသားသမဂ္ဂအဖွဲ့ဝင် အသက် ၁၆ နှစ်အရွယ် ကိုမြင့်မြတ်ဦးသည် ၂၀၂၄ ခုနှစ်၊ ဇူလိုင်လ ၈ ရက် ညပိုင်းအချိန်တွင် လူမဆန်စွာသတ်ဖြတ်ခံရသည်ကို ကြားသိရပါသဖြင့် ကျွန်ုပ်တို့ ကလေးတက္ကသိုလ် ကြားကာလယာယီအုပ်ချုပ်ရေးကောင်စီမှ လွန်စွာစိတ်မကောင်းဖြစ်ရကြောင်း ရေးသားဖော်ပြထားပါတယ်။

ထို့အပြင် NUG သက်ဆိုင်ရာဝန်ကြီးဌာနများမှ ဒီဖြစ်စဉ်ကို စုံစမ်းဖော်ထုတ် အပြစ်ပေးအရေးယူပေးဖို့ တိုက်တွန်းထားပြီး ယာယီတက္ကသိုလ်အုပ်ချုပ်ရေးကောင်စီအနေနဲ့ တရားမျှတမှု၊ အမှုမှန်ပေါ်ပေါက်ရေးအတွက် အမှန်တရားဘက်မှာ ရပ်တည်မှာဖြစ်ကြောင်းနဲ့ လက်နက်အားကိုးပြီး ရက်ရက်စက်စက် လူမဆန်စွာပြုလုပ်နေမှုများကို ထိထိရောက်ရောက် အပြစ်ပေးအရေးယူပေးဖို့လည်း မေတ္တာရပ်ခံထားပါတယ်။

ဝက်လက်မြို့နယ်၊ စိုင်နိုင်ကြီးရွာသား ကိုမြင့်မြတ်ဦးဟာ ဇူလိုင် ၈ ရက်က ရွာအပြင်သုဿာန်မှာ အင်တာနက်သုံးပြီး ရွာထဲပြန်လာစဉ် လည်ပင်းကို ဓားနဲ့လှီးကာ သတ်ဖြတ်ခံခဲ့ရတာဖြစ်ပါတယ်။

Photo - ကိုမြင့်မြတ်ဦး၏ ဈာပန (Wetlet Township Student's Union)

#ကလေးမြို့

24/03/2024

ကလေးမြို့မှာ စစ်မှုထမ်းဥပဒေ အထမြောက်စေသူ အားလုံးကို ပကဖ သတိပေး၊ သုတ်သင်နိုင်ပါက ဆုကြေးငွေချီးမြင့်မယ်လို့ဆို
************

စစ်ကောင်စီက ၂၀၂၄ ဖေဖော်ဝါရီ ၁၀ ရက်မှာ အတည်ပြုလိုက်တဲ့ စစ်မှုထမ်းဥပဒေအရ အသက်အပိုင်းအခြားနဲ့ စစ်မှုထမ်းသတ်မှတ်ချက် အကျုံးဝင်သူတွေရဲ့ လူဦးရေစာရင်းကို ကလေးမြို့ပေါ်ရပ်ကွက် နေရာအချို့နဲ့ ပျူစောထီးကြီးစိုးရာ ကျေးရွာတွေမှာ စတင်ကောက်ယူနေကြောင်း ဒေသခံတွေထံက သိရပါတယ်။

စစ်မှုထမ်းအတွက် လူစာရင်းကောက်ယူမှုမှာ ပါဝင်ပတ်သက်သူတွေ၊ အဖွဲ့အစည်းတွေနဲ့ အုပ်ချုပ်ရေးမှူးတွေကို NUG ၊ ကာကွယ်ရေးဝန်ကြီးဌာန၊ ကလေးခရိုင်ပြည်သူ့ကာကွယ်ရေးအဖွဲ့က မနေ့က မတ်လ ၂၃ မှာ သတိပေးကြောင်း စာထုတ်ပြန်ပါတယ်။

"အများပြည်သူများ အေးချမ်းစွာနေထိုင်လိုမှုအား နှောင့်ယှက်ဖျက်ဆီးနေသော လူပုဂ္ဂိုလ်များ၊ အဖွဲ့အစည်းများနှင့် စစ်ကောင်စီခန့် အုပ်ကြီးများအနေဖြင့် စစ်ကောင်စီ၏ စစ်မှုမထမ်းမနေရဥပဒေအတွက် အကျိုးပြုလုပ်ဆောင်နေမှုအား ယနေ့(မတ်လ ၂၃)သတိပေးထုတ်ပြန်ချက်ကြေညာသည့်နေ့မှစ၍ ရပ်တန်းမှမရပ်လျှင် သုတ်သင်ရှင်းလင်းသွားမည်ဖြစ်ကြောင်း နောက်ဆုံးသတိပေးကြေညာအပ်ပါသည်" လို့ ထုတ်ပြန်စာမှာ ရေးသားထားပါတယ်။

တဆက်တည်း ဒီလို စစ်မှုထမ်းဥပဒေမှာ ပါဝင်အကျိုးပြုနေသူများကို သုတ်သင်နိုင်သူအနေဖြင့် ဆုကြေးငွေ အကျိုးခံစားခွင့်ရှိမယ်လို့ ဖော်ပြထားပေမယ့် ဆုကြေးပမာဏသတ်မှတ်ချက်တော့ ဖော်ပြထားခြင်းမရှိပါဘူး။

မြို့ပေါ်မှအပ ရွာအများစုက PDF စိုးမိုးနေရာတွေဖြစ်တဲ့ ကလေးဒေသမှာ ပြီးခဲ့တဲ့ အပတ်ကစလို့ အောင်သစ္စာ၊ ညောင်ပင်သာ၊ အင်းယားကုန်းရပ်ကွက် နေရာတချို့နဲ့ နှောညောင်ပင်၊ ကံပုလဲရွာတို့မှာ စာရင်းကောက်ယူနေတာဖြစ်ပါတယ်။ မင်္ဂလာဥယျာဥ်ရပ်ကွက်မှာလည်း အချို့နေအိမ်ကို အိမ်ထောင်စုစာရင်းတကွ ရပ်ကွက်ရုံးကိုလာရောက်ဖို့ ခေါ်နေတာတွေရှိတယ်လို့ သိရပါတယ်။

စစ်ကောင်စီရဲ့ စစ်မှုထမ်းဥပဒေကြောင့် သတ်မှတ်ချက်နဲ့ ကိုက်ညီတဲ့ မြို့နေလူငယ်များသာမက မိဘဆွေမျိုးများကပါ စိတ်ပူပန်သောကရောက်နေကြရပါတယ်။ နှောညောင်ပင်နဲ့ ကံပုလဲရွာရှိ လူငယ်တွေလည်း ရွာရှိပျူစောထီးတွေက အတင်းအကြပ် လူသစ်စုဆောင်းလို့ ဘေးလွတ်ရာကို ထွက်ပြေးနေကြသဖြင့် အချို့ကို ရွာပြင်ထွက်ခွင့်မပြုတော့ကြောင်း ဒေသခံတွေထံက သိရပါတယ်။

ဒါ့အပြင် စစ်ကောင်စီလက်အောက်မှာ တာဝန်ထမ်းဆောင်နေကြတဲ့ ကလေးမြို့ရှိ Non CDM ဝန်ထမ်းတွေကို တပ်ဖွဲ့အရန်အင်အားစာရင်းအနေနဲ့ ဖြည့်တင်းထားကြောင်း လက်ရှိ တာဝန်ထမ်းဆောင်နေတဲ့ ဝန်ထမ်းတဦးထံက သိရပါတယ်။

"တချို့ဝန်ထမ်းတွေက မသိကြဘူး ထိပ်ပိုင်းကနေ သူတို့ကြိုက်ရာလုပ်နေကြတာ ၊ တချို့ကဘာမှ မမေးမမြန်းဘဲ စာရင်းထည့်ပြီးမှ စာရင်းထဲပါမှန်းသိကြတာ" လို့ အဆိုပါဝန်ထမ်းက Voice Of Kalay ကို ပြောပြပါတယ်။

#ကံပုလဲရွာ #နှောညောင်ပင် #စစ်မှုထမ်း

22/03/2024

ကလေး⚠️

ကလေးလေဆိပ်မှ MI-35P Attack Helicopter (1)စီး အရှေ့တောင်အရပ်သို့ ပျံတက်။

Mar 22, 2:56PM
📡သတင်းပို့ရန်

Voice Of Kalay

22/08/2024

22/08/2024

21/08/2024

20/08/2024

20/08/2024

23/07/2024

23/07/2024

19/07/2024

19/07/2024

19/07/2024

18/07/2024

18/07/2024

15/07/2024

13/07/2024

24/03/2024

22/03/2024

Address

Website

Alerts

Shortcuts

Share