News & Knowledge

  • Home
  • News & Knowledge

News & Knowledge Knowledge Sharing

အောက်လင်းဓာတ်မီး ဆိုတာ ...**************************ကျွန်တော်တို့ငယ်ငယ်က ကျောင်းသုံးစာအုပ်ထဲမှာ..."ဇာတ်မင်းသားကြီး ဦးဖိ...
05/11/2024

အောက်လင်းဓာတ်မီး ဆိုတာ ...
**************************

ကျွန်တော်တို့ငယ်ငယ်က ကျောင်းသုံးစာအုပ်ထဲမှာ...
"ဇာတ်မင်းသားကြီး ဦးဖိုးစိန်သည် မြေဝိုင်း၌ မီးခွက်၊ မီးတိုင်များ ထွန်းကာ ကပြကြသော မြန်မာ့ ​မြေဝိုင်းသဘင်ကို၊ စင်မြင့်ထက်၌ အောက်လင်းဓာတ်မီးများ၊ မီးလုံးများ အသုံးပြု၍ ကပြသော ခေတ်မှီဇာတ်သဘင် ဖြစ်လာအောင် အဆင့်မြှင့်တင်ပေးခဲ့သည်" လို့ သင်ခဲ့ကြရ ဘူးပါတယ်...

အဲ့ဒီစာပိုဒ်ထဲက "အောက်လင်းဓာတ်မီး" ဆိုတာကို ယနေ့ခေတ်မှာ မြင်ဖူး၊ သုံးဖူးတဲ့သူတွေ တော်တော်ရှားသွားကြပါပြီ... နယ်က ဘုန်းကြီးကျောင်းတွေ၊ အိမ်တွေမှာ အောက်လင်းဓာတ်မီး အဟောင်းတွေကို အမှတ်တရ သိမ်းဆည်းထားကြသေးပေမယ့် မသုံးကြတော့တာ ကြာပြီပေါ့လေ..

အောက်လင်းဓာတ်မီးဆိုတာ ရေနံဆီထည့်၊ လေထိုးပြီး သုံးရတာဆိုပေမယ့် ရိုးရိုးရေနံဆီ မီးအိမ် မဟုတ်ပါဘူး..
ရေနံဆီအငွေ့နဲ့ လေနဲ့ရောထားတဲ့ mixture ကို မီးတောက်လောင်စေပြီး၊ ၎င်း မီးရဲ့အပူနဲ့ သတ္တုစပ်တွေကို အပူပေးပြီး အလင်းထုတ်လွှတ်စေတာပါ...

အဲ့ဒါကြောင့် အောက်လင်းဓာတ်မီးအိမ်တွေဟာ အရမ်းလင်းပါတယ်..ယနေ့ခေတ် ကြော်ငြာဆိုင်းဘုတ်တွေမှာ သုံးတဲ့ ဆလိုက်မီးလောက်ကို လင်းပါတယ်..
အလင်းကလည်း ရိုးရိုးရေနံဆီ မီးအိမ်တွေထက် ပိုဖြူပါတယ်...

အောက်လင်းဓာတ်မီးတစ်လုံး ထွန်းထားရင် ပေ ၃၀ ပတ်လည်လောက်ကို ကောင်းကောင်းလင်းပါတယ်..
အဲ့ဒါကြောင့် အောက်လင်းဓာတ်မီးတွေကို အရင်က အငြိမ့်တွေ ​ ၊ ပြဇာတ်တွေ၊ မင်္ဂလာဆောင်တွေ၊ ဘုန်းကြီးကျောင်း အလှူပွဲတွေ၊ ဘုရားပွဲ လှည့်လည်တာတွေမှာ သုံးကြတာ များပါတယ်...
အိမ်သုံးအနေနဲ့ သုံးကြတာ နည်းပါတယ်...

အောက်လင်းဓာတ်မီးအိမ်တွေဟာ အကြီးကြီးတွေပါ..
အမြင့် ၁၈ လက်မ ခန့်နဲ့၊ ဗျက် ၁၀ လက်မလောက် အနည်းဆုံး ရှိပါတယ်...

အောက်လင်းဓာတ်မီးအိမ် တွေကို (Keroscene pressure lantern) လို့ ခေါ်ပါတယ်...
လေထိုးပြီး လေဖိအားနဲ့ သုံးရတဲ့အတွက် (Pressure lantern) လို့ ရိုးရိုးပဲ ခေါ်တတ်ကြပါ​သေးတယ်...

ဒီလို လေထိုးပြီး သုံးရတဲ့ ဓာတ်မီးအိမ်တွေကို ၁၉ ရာစု အကုန်ပိုင်းလောက်ကတည်းက သုံးစွဲနေကြပါပြီ..
ဒါပေမယ့် တကယ်အောင်မြင်တဲ့ ဒီဇိုင်းကတော့ Max Graetz ဆိုသူ တီထွင်တဲ့ Petromax Lantern ပါ..

၁၉၁၀ လောက်မှာ ဈေးကွက်ထဲကို စရောက်ပါတယ်..
အဲ့ဒီနောက်ပိုင်းမှာ ထွက်သမျှ pressure lantern တွေက Petromax ဒီဇိုင်းတွေချည်းပါပဲ...

ကိုလိုနီခေတ် မြန်မာပြည်မှာ Petromax၊ Coleman၊ Butterfly တံဆိပ်တွေနဲ့ အောက်လင်းဓာတ်မီးတွေ အသုံးပြုခဲ့မယ်လို့ ယူဆရပါတယ် (ဓာတ်ပုံတွေ ရှာရခက်နေလို့ အတိအကျ မရေးနိုင်တာပါ)..

အောက်လင်းဓာတ်မီးအိမ်တွေရဲ့ အသက်က သူ့ရဲ့ မီးစာလေးပါ... ၎င်းမီးစာလေးတွေကို ချည်သားကျဲကျဲနဲ့ အိတ်ကလေးပုံစံ ထုတ်လုပ်ထားပါတယ်..
အဲ့ဒီ အိတ်လေးတွေကိုမှ Thorium နဲ့ Cerium nitrate
ရောစပ်ထားတဲ့ အရည်စိမ်ထားပါတယ်...

မီးစာကို မီးညှိလိုက်တာနဲ့ ချည်သားအိတ်လေးက ရှုံ့ပြီး မီးလောင်သွားပါတယ်...ချည်သားတွေသာ မီးလောင်သွားပေမယ့် စိမ်ထားတဲ့ သတ္တုတွေက စုခဲပြီး အဖြူရောင်ခေါင်းပွ အခဲလေး ဖြစ်သွားပါတယ်...
အဲ့ဒီ ခေါင်းပွ အခဲလေးကိုမှ ရေနံဆီငွေ့မီးတောက်နဲ့ အပူပေးလိုက်တဲ့အခါ အလွန်တောက်ပသော အလင်းကို ရပါတယ်...

အောက်လင်းဓာတ်မီးကို မသုံးမှီ လေအရင်ထိုးရပါတယ်...ပြီးရင် ရေနံဆီပိုက် (gas tube) ကို အရင် မီးရှို့ပြီး အပူပေးရပါသေးတယ်...

ရေနံဆီပိုက် ပူလာမှ မီးအိမ်က ကောင်းကောင်း အလုပ်လုပ်တာပါ...ရေနံဆီပိုက် လုံလောက်အောင် မပူရင် မီးခိုးမှိုင်းတွေ အများကြီး ထွက်လာတတ်ပါတယ်...

ထိုးထားတဲ့ လေအားလျော့လာရင် လေထပ်ထိုးပေးရပါတယ်..ဒါပေမယ့် လေအား လုံလောက်အောင် ထိုးထားရင် (မီးအိမ်က လေလုံရင်) တစ်နာရီလောက်ခံပါတယ်... ဆက်သုံးမယ် ဆိုရင်တော့ လေထပ်ထိုးရမှာပေါ့လေ...

အောက်လင်းဓာတ်မီး သုံးရတာ နည်းနည်းတော့ ကရိကထ များပါတယ်...ရေနံဆီ မီးအိမ်ဆိုတော့ အနံ့လည်း ရှိပါတယ်၊ နောက်ပြီး သူက ရေနံဆီငွေ့နဲ့ လေနဲ့ ရောသုံးတာဆိုတော့ ... တရွှီးရွှီးနဲ့ မီးအိမ်ထဲကို လေဝင်တဲ့ အသံလည်း ကြားနေရပါတယ်...

နောက်ပြီး မီးစာလေးက အထိအခိုက် မခံပါဘူး..
အတင်းလှုပ်ရှားမိရင်၊ ထိခိုက်မိရင် အဲ့ဒီ သတ္တုပြာလုံးလေးက ပေါက်သွားတတ်ပါသေးတယ်..
အဲ့လို ပေါက်သွားရင် မီးစာ အသစ်လဲပေးရပါတယ်..

တစ်ချိန်ကတော့ အောက်လင်းဓာတ်မီးဆိုတာ မြန်မာပြည်ရဲ့ ပွဲသဘင် အခမ်းအနားတွေမှာ မရှိမဖြစ်ပစ္စည်းပေါ့လေ...

ယနေ့ခေတ်လို ခလုတ်ဖွင့်လိုက်ရင် လင်းလာတဲ့ လျှပ်စစ်မီးသီးတွေ၊ မီးချောင်းတွေ ရှိနေတဲ့ ခေတ်မှာတော့ အောက်လင်းဓာတ်မီးတွေကို သုံးတဲ့သူတွေ တော်တော်ရှားသွားပါပြီ...

Credit Original Uploader

ရုတ်တရက် ကားဘရိတ်ပေါက်သွားရင် ...ဘာလုပ်သင့်သလဲ ❓============================ယာဉ်မောင်းသူတိုင်း သိထားသင့်တဲ့ အချက်လေးတွေ ...
04/11/2024

ရုတ်တရက် ကားဘရိတ်ပေါက်သွားရင် ...
ဘာလုပ်သင့်သလဲ ❓
============================

ယာဉ်မောင်းသူတိုင်း သိထားသင့်တဲ့ အချက်လေးတွေ ဖြစ်လို့ ပြန်လည်မျှ​ဝေပေးချင်ပါတယ်။

အခြေခံအားဖြင့်တော့ ကားမှာ ပုံမှန် ဘီးလေးဘီး စလုံးအလုပ်လုပ်တဲ့..
Hydraulic Brake – ဘရိတ်ဆီ Fluid Pressure နဲ့ ကားဘီးလေးဘီးကို ထိန်းချုပ်ပါတယ်။ Electromagnetic Brake – Electric Motor နဲ့ ကားကို ထိန်းချုပ်ပါတယ် (အထူးသဖြင့် Fuel + Battery Hybrid Car တွေမှာပါပါတယ်)။
Servo Brake – Vacuum Pressure နဲ့ ကားဘီးလေးဘီးကို ထိန်းချုပ်ပါတယ်။

မော်တော်ယာဉ်တစ်စီးတွင် အဆိုပါ ဘရိတ်စနစ်တွေထဲက တစ်ခုခု ပါဝင်ပါတယ်။

✍️ တကယ်လို့များ တစ်ခုခုချွတ်ယွင်းသွားလို့ ဘရိတ်ပေါက်သွားခဲ့ရင် အခုပြောပြပေးမယ့် အရေးပေါ်လုပ်ဆောင်ချက် တွေကို မှတ်ထားပါ။
******t******h*******u*******r*******a*******

👉(၁) ယာဉ်ရှင်းသော လမ်းကြောကို ပြောင်းယူပါ။ အချက်ပြ စုံမီး ပြပါ။ ဟွန်း မီး တောက်ပြီး မိမိကား စက်ချွတ်ယွင်း နေကြောင်း လမ်းကြောတူ အရှေ့ ကားများကို သတိပေးပါ။ တစ်ချိန်တည်းမှာပဲ Brake Pedal ကို ခြေဖြင့် လေးငါးကြိမ် နင်းစမ်းပြီး Power တက်အောင် လုပ်ကြည့်ပါ။

👉(၂) (Manual Transmission) ကားများအတွက် လက်ရှိ သွားနေတဲ့ ဂီယာ ကနေ နံပါတ်အမြင့်ဆုံးကို တစ်ဆင့်ချင်းချိန်းချပါ။ ဥပမာ သင့်ကားက ဂီယာ နံပါတ် ၄ မှာဆို နံပါတ် ၁ အထိကို တစ်ဆင့်ချင်းချိန်းချ ခြင်းဖြင့် ကားဂီယာဘောက်စ် မှတစ်ဆင့် ကားရဲ့ အရှိန်ကို ပုံမှန်ထက်ပိုပြီး မြန်မြန် အရှိန်လျော့သွားစေမှာ ဖြစ်ပါတယ်။
(Automatic Transmission) ကားများအတွက် အော်တိုဂီယာကားတွေဆိုရင်တော့ ဂီယာ D ကနေ 2.. ထိုမှ L အထိ မန်ယူရယ် ဂီယာတွေ အတိုင်း ပြောင်းထိုးပြီး ကားအရှိန်ကို လျော့သွားအောင်လုပ်ပါ။ ဒီလို ဂီယာပြောင်းပြီး ကားအရှိန်လျော့ သွားအောင်လုပ်ခြင်းကို Engine Braking လုပ်တယ်လို့ခေါ်ပါတယ်။

♦️ အထူးရှောင်ကြဉ်ရန် ♦️
*************************
Free Gear/ N Neutral Gear ကို လုံးဝ မထိုးမိဖို့ အထူး သတိပြုပါ။ Free Gear ထိုးလိုက်ခြင်းဖြင့် အင်ဂျင် နဲ့ ဂီယာဘောက်စ် ကို Disconnect အဆက်အသွယ်ဖြတ်လိုက်ခြင်းဖြစ်ပြီး ကားလက်ရှိသွားနေသော ကိန်းသေအလျင် ကို ထိန်းထားနိုင်စွမ်း လုံးဝမရှိတော့ပါဘူး။

👉(၃) နောက်ထပ်လုပ်ရမှာကတော့ ကားရဲ့ အဲကွန်း..မီး..heater အစရှိတဲ့ accessories အားလုံးကို သုံးပါ။ ဒီလိုလုပ်ခြင်းဖြင့် ကားရဲ့ အရှိန်နဲ့ ပါဝါကို Alternator ကနေတစ်ဆင့် ရုတ်လျော့သွားစေမှာဖြစ်ပါတယ်။ (Alternator ဆိုတာကတော့ မြန်မာလို မော်တာ လို့ သိကြတဲ့ Battery ကို ကားမောင်းနေစဉ် Charging ပေးပြီး ကားလည်ပတ်ဖို့ လိုအပ်တဲ့ Electric Power ကို Electrical System ကို လျှပ်စစ်ဓါတ် ပို့လွှတ်ပေးနေတဲ့ အရာဖြစ်ပါတယ်။)

👉(၄) နောက်ဆုံးအနေနဲ့ Emergency Brake/Hand Brake ကို တဖြည်းဖြည်းချင်းဆွဲတင်ပြီး ကားအရှိန်ကို ထိုးကျသွားအောင်လျော့ပါ။

♦️ အထူးရှောင်ကြဉ်ရန် ♦️
**************************
အရေးပေါ်ဘရိတ် Hand brake သည် ကားရဲ့ နောက်ဘီး နှစ်လုံးကိုသာ ထိန်းကြောင်းပေးသော စနစ်ဖြစ်တာကြောင့် သီအိုရီအရ 20km/hr နှုန်းမှသာ အသုံးပြုရမှာ ဖြစ်ပါတယ်။ ဒီလိုမှမဟုတ်ဘဲ High Speed နဲ့ သွားနေတဲ့ အချိန် အသုံးပြုလိုက်ရင် ကားဟာ ချာလည်ပတ်လည် သွားမှာပါ။

👉(၅) ရွေးချယ်စရာ မရှိတော့တဲ့ အချိန်မျိုးရောက်သွားခဲ့ရင်တော့ အဆုံးအရှုံးနည်းနိုင်မယ့် နည်းကိုပဲရွေးရတော့မှာပါ။ အကာအရံတစ်ခုကို ကားရဲ့ဘေးပါးခြမ်းနဲ့ ပွတ်ဆွဲပြီး ကားရဲ့ အရှိန်ကို လျော့လိုက်ပါ။ ဒါကတော့ ဘယ်သူမှ မလိုချင် မလုပ်ချင်တဲ့ ရွေးချယ်မှုပါ။ ဒါပေမဲ့လည်း လိုအပ်ရင်တော့ တစ်ခုခု ဆုံးဖြတ်ရမှာပဲလေ။

အားလုံး​ဘေးအန္တရာယ်ကင်းရှင်းနိုင်ကြပါ​​စေ…🙏🙏🙏

#မူရင်းရေးသားသူအား လေးစားစွားဖြင့် Credit ပေးပါသည်

ဝတ်ပြုရှိခိုးလျှင် ဘာကြောင့်သုံးကြိမ်ဦးချရသလဲ....____________________________________ဗုဒ္ဓဘာသာဝင်တိုင်းသည် စေတီပုထိုး၊ ဘ...
04/11/2024

ဝတ်ပြုရှိခိုးလျှင် ဘာကြောင့်သုံးကြိမ်ဦးချရသလဲ....
____________________________________

ဗုဒ္ဓဘာသာဝင်တိုင်းသည် စေတီပုထိုး၊ ဘုရားဆင်းထုတော်၊ သံဃာတော်များ၊ မိဘဆရာ၊ သက်ကြီးဝါကြီး များကို ရှိခိုးကန်တော့ခြင်းသည် ဓလေ့ထုံးစံတစ်ခုကဲ့သို့ ပြုလုပ်ရခြင်းထက် ပိုပါသည်။
လုပ်ဆောင်အပ်သော ဝတ္တရား၊ လိုက်နာပြုကျင့်ရမည့် ဆက်ဆံရေး၊ ဂုဏ်ယူဖွယ် လူမှုစရိုက်၊ သိမ်မွေ့ရိုကျိုးသည့် ယဉ်ကျေးမှု အဖြစ် ထိန်းသိမ်းထားရှိရခြင်းသည် ဗုဒ္ဓဘာသာဝင်တိုင်းဧ။ အဓိက
ထမ်းဆောင်ရမည့် အထူးတာဝန်ကြီးတစ်ရပ်ပင် ဖြစ်သည်။

မွေးဖွားလာပြီး မည်သည့်အချိန်မှစ၍ ဗုဒ္ဓဘာသာဝင် ဖြစ်သွားသလဲဆိုသည်ကို သတိမမူလိုက်မိဘဲ ဖြစ်တတ်ကြသည်၊ မိဘကဗုဒ္ဓဘာသာဝင်ဖြစ်လို့ လိုက်၍ဖြစ်သွားသည့် မိရိုးဖလာ ဗုဒ္ဓဘာသာဝင်တွေ
များမည်ထင်သည်။ ဆင်းထုတော်ကို, စေတီပုထိုးများကို ရှိခိုးဦးချလိုက်သည်နှင့် ဗုဒ္ဓဘာသာဝင်ဖြစ်သွားသည်ဟု ထင်ခဲ့မည်ဆိုလျှင် မမှန်ပါ။

ဘုရား၊ တရား၊ သံဃာ ဟူသော ရတနာသုံးပါးဧ။ လေးနက်တဲ့ အဓိပ္ပာယ်၊ မွန်မြတ်တဲ့ သိက္ခာ၊ ကြည်ညိုဖွယ် ဂုဏ်အရည်အချင်းများကို မှန်မှန်ကန်ကန် သိရှိနားလည်ရပါသည်၊ ယင်းသို့ သေသေချာချာ
တိတိကျကျ သဘောပေါက်နားလည်သဖြင့် အမှန်တကယ် အားကိုးယုံကြည်ပြီး ဆည်းကပ်ကိုးကွယ်မှသာ ဗုဒ္ဓဘာသာဝင် စစ်စစ်ဖြစ်သည်ဟူ၍ ဆုံးဖြတ်နိုင်သည်။

ရတနာသုံးပါးကို အစစ်အမှန် ကိုးကွယ်လဲလျောင်းရာ အဖြစ် ခံယူခြင်းကို " သရဏ " ဟူ၍ခေါ်ဆိုရသည်။
ဆန္ဒအမှန်ဖြင့် ယုံကြည်ကိုးကွယ် သဖြင့် ဆည်းကပ်ပူဇော်ခြင်းကို (သရဏ ဂမန) " သရဏဂုံ " ဟူ၍ခေါ်ဆိုရသည်။
ထိုသို့ အသေအချာ သိရှိနားလည်၍ ယုံကြည်ကိုးကွယ်ပြီး ဆည်းကပ်ပူဇော်သူကို " သရဏဂုံ တည်သူ " ဟူ၍ခေါ်ဆိုရသည်။

ဤသို့ " သရဏဂုံ တည်သူ " ကိုသာလျှင် ဗုဒ္ဓဘာသာဝင် စစ်စစ်ဖြစ်သည်ဟု ဆုံးဖြတ်နိုင်သည်။

မိမိတွင် အကျိုးကျေးဇူး ရရှိနိုင်သည်ဟူသော အထင်ဖြင့် ပုဂ္ဂိုလ် တစ်ဦးတစ်ယောက်ကို သော်လည်းကောင်း၊ အယူဝါဒ တစ်ခုခုကို သော်လည်းကောင်း၊ အခြားဘာသာ တစ်ခုခုကို သော်လည်းကောင်း၊
စွဲစွဲမြဲမြဲ ကိုးကွယ်ဆည်းကပ်ခဲ့လျှင် ထိုသူမှာ " သရဏဂုံ " ပျက်ပြယ်သွားပြီဟု သတ်မှတ်ရသည်။ ( စကားချပ် -- ပုဂ္ဂိုလ်စွဲ ယုံကြည်မှု လွန်ကဲခြင်းမဖြစ်ရန် သတိထားရမည်။)

ရတနာသုံးပါးကို မေ့လျော့နေလျှင် ကိုးကွယ်ဆည်းကပ်မှုဖြင့် ဝေးကွာနေသောကြောင့် " သရဏဂုံ " မှေးမှိန်နေသည်၊ ညှိုးနွမ်းနေသည်ဟု သတ်မှတ်ရသည်။

ထို့ကြောင့် ဗုဒ္ဓဘာသာဝင်များအတွက် ရတနာသုံးပါးကို မေ့မေ့လျော့လျော့မနေဘဲ၊ အစဉ်သဖြင့် သတိတရ ကိုးကွယ်ဆည်းကပ်နေရန် အလွန်လိုအပ်လှပေသည်။
ကိုးကွယ်ဆည်းကပ်နေရမည် ဆိုသည်မှာ ဆွမ်းကပ်လှူခြင်း၊ ပန်း ဆီမီးတို့ဖြင့် ပူဇော်ခြင်း၊ ဝတ္တု ပစ္စည်းများဖြင့် လှူဒါန်းခြင်း၊ စသည်တို့ကို အမြဲပြုလုပ်နေရမည်ဟု မဆိုလိုပါ၊
ရတနာသုံးပါးဧ။ ဂုဏ်ကျေးဇူးတော်များကို စိတ်ထဲမှာ မမေ့မလျော့ အောင်းမေ့သတိရနေခြင်းသည်သာ အရေးကြီးဆုံးဖြစ်သည်။

သို့အတွက် ရတနာသုံးပါးကို အမြဲနှလုံးသွင်းနိုင်ရန် မည်သည့်နေရာမှာဖြစ်စေ၊ မည်သည့်အကြောင်းကြောင့်ဖြစ်စေ၊ မည်သည့် ပုဂ္ဂိုလ်၊ စေတီ၊ ဆင်းတုတော် ကိုဖြစ်စေ၊ ရှိခိုးဝတ်ပြုပြီဆိုလျှင်
ရတနာသုံးပါးကို ရည်စူးမှန်းဆပြီး သုံးကြိမ် ဦးချရမည်ဖြစ်သည်။

ဆရာတော်ကြီးများ အမိန့်ရှိသလို " မင်းတို့ဦးချတာက ပုဆိန်ပေါက်နေသလို၊ ဖားဖမ်းနေသလို ပါပဲလား " လို့ မဖြစ်ရလေအောင် ပထမတစ်ကြိမ် ဦးချစဉ်တွင် " မြတ်စွာဘုရားဧ။ ဂုဏ်တော် " တို့ကို
နှလုံးသွင်း အာရုံပြု၍ ဖြေးဖြေးမှန်မှန် ဦးနှိမ်ပြီး ဝတ်ချရသည်။ ဒုတိယတစ်ကြိမ်တွင် " တရားတော်ဧ။ ဂုဏ်တော် " များ၊ တတိယတစ်ကြိမ်တွင် " သံဃာတော်ဧ။ ဂုဏ်တော် " များကို နှလုံးသွင်းကာ
အာရုံပြုလျက် ညင်သာဖြေးညှင်းစွာ ဦးနှိမ်ချ၍ ရှိခိုးရသည်။

ထိုသို့နှလုံးသွင်း အာရုံပြုနိုင်ရန် မြတ်စွာဘုရားဧ။ ဂုဏ်တော်များ၊ တရားတော်ဧ။ ဂုဏ်တော်များ၊ သံဃာတော်ဧ။ ဂုဏ်တော်များ ကို သေသေချာချာ လေ့လာမှတ်သားပြီး အိပ်ရာဝင်, အိပ်ရာထတိုင်း
အမြဲမပြတ် ပွားများကြံစည် နေအပ်ပေသည်။

ဗုဒ္ဓကျမ်းဂန်တို့တွင် " သရဏဂုံ " အမြဲတည်နေသောသူသည် သက်တမ်းကုန်ဆုံး၍သော်လည်းကောင်း၊ နာတာရှည်ရောဂါတို့ဖြင့်သော်လည်းကောင်း၊ ရုတ်တရက် မတော်တဆ အနေဖြင့်သော်လည်းကောင်း၊
တမလွန်သို့ ဘဝကူးပြောင်းသွားခဲ့သော် အောက်ဘုံများသို့ မဆင်းဘဲ၊ အထက်ဘုံများသို့သာ လားရောက်ရသည်ဟု အတိအလင်း ပြဆိုထားလေသည်။ ။

***ဗုဒ္ဓဘာသာဝင်တိုင်း " သရဏဂုံ " အမြဲတည်တံ့နေရန် အားထုတ်သင့်လှပေသည်။***

ကြည်ညို လျက် မျဝေ ပူဇော်ပါသည်

crd,_ Dar Li

"အတိတ် နမိတ် ဆိုတာ မယုံပါ" တဲ့wwwwwwwwwwwwwwwwwwwwတစ်ခါတုန်းက မြို့လယ်တစ်နေရာမှာ"တက် တူးTattoo "ပုံစံအမျိုးမျိုး ထ...
01/11/2024

"အတိတ် နမိတ် ဆိုတာ မယုံပါ" တဲ့
wwwwwwwwwwwwwwwwwwww

တစ်ခါတုန်းက မြို့လယ်တစ်နေရာမှာ"တက် တူးTattoo
"ပုံစံအမျိုးမျိုး ထိုးပေးနေတဲ့ ဆိုင်လေး တစ်ဆိုင်
ရှိပါတယ်။အများအားဖြင့်လူငယ်လေးတွေဟာတက်တူး Tattoo ထိုးခြင်းကို"ခေတ်မီဒီဇိုင်း"အသွင် သဘောထားပြီး နှစ်နှစ်ခြိုက်ခြိုက် လာထိုး လေ့ရှိကြပါတယ် ။

တစ်ချို့ကလည်း နဂါး ပုံ။မြွေပုံ ။ကင်းမြီးကောက်။ ပန်းပုံ။ အသဲပုံ စသဖြင့်-နှစ်သက်ရာပုံလေးတွေ။တစ်ချို့မှာတော့ ကိုယ့်ရင်ထဲက"စာလုံး"တွေ ကိုယ်သဘောကျတဲ့"စာတမ်း"တွေ။ တစ်ချို့ကျတော့လည်း ကိုယ်ခန္ဓာ
တနေရာ သိသာထင်မြင်တဲ့နေရာမှာ ထင်ရှားပေါ်လွင်စွာ ။

တစ်ချို့ကျပြန်တော့လည်း မပေါ့်တပေါ်မသိမသာသိုဝှက်သလိုလို အထာတမျိုးနဲ့ ဆွဲဆောင်မှုပိုစွာ ။
ကိုယ့်သဘောနဲ့ကိုယ် နှစ်သက်သလို"တက်တူးTattoo "အလှ ဆင်သ တတ်ကြပါတယ် ။

အဆိုပါ"တက်တူးပညာရှင်"ဟာ စိတ်ရှည်စေတနာ
ထားပြီး စံတင်လောက်အောင် လက်ရာမြောက်သူ
တစ်ဦးရယ်ပါ။

တစ်နေ့မှာတော့ လူရွယ်တစ်ယောက်ဟာ "တက်တူး"ထိုးဖို့-ရောက်လာပါတယ်။သူထိုးမဲ့နေရာက "ရင်ဘတ်တည့်တည့် " မှာပါတဲ့။သူထိုးခိုင်းတဲ့စာတမ်းကတော့-
(သေမင်းကိုစိမ်ခေါ်တယ်ဟေ့)
---------------------------------------တဲ့လေ။

အဲဒီမှာ "တက်တူးပညာရှင်"က ပြောတာပေါ့နော် ။
"တစ်ခြား စာတမ်း ထိုးပါလားဗျာ- ဒါမျိုးကြီးက နိမိတ်
မကောင်းပါဘူး- နောက်ပြီး ပြန်ဖျက်ဖို့ဆိုတာကလည်း
ခက်ခဲတဲ့နေရာဖြစ်နေသေးတယ်လေ"ဆိုတော့- -!!

သူက-သည်လိုပြန်ပြောပါတယ်။
"ကျုပ်က ဒီလို အတိတ်နိမိတ်ဆိုတာတွေကို နည်းနည်းမှကို အယုံအကြည်မရှိဘူး။ ဒါကြောင့်ကျုပ်ပြောသလိုသာ ထိုးပေးပါ" တဲ့လေ။

နောက်ဆုံးတော့လည်းသူ့သဘောကျ ထိုးပေးလိုက်ရပါတော့တယ် ။
ဟော-!! တစ်လလောက် အကြာမှာတော့ အဲဒီလူဟာ ဂျိုင်း(ချိုင်း)ထောက်သံတဒေါက်ဒေါက်နဲ့ လျှောက်လာပြီး "တက်တူး"ဆိုင်လေးကို ပြန်ရောက်လာပါတယ် ။

နောက်သူကြုံခဲ့သမျှကို သည်လိုပြောပြပါတယ်။

"တက်တူး ထိုးပြီးပြန်သွားကာ- နှစ်ရက်အကြာမှာ
ဆိုင်ကယ် တခါတိုက်ပါတယ်" တဲ့။
"နောက်တစ်ပတ် ကြာသခိုက်မှာတော့ လူရိုက် ပြီး လုခံ လိုက်ရ ပြန်ပါရော" တဲ့။
"အင်း!!-၁၅ ရက်လည်းကြာရော ကားချင်းတိုက်
မသေလိုက်တာကံကောင်း လို့" တဲ့။
ဒါတင်ကရိုးလား ဟော!!နောက်တပါတ် လောက်ကျ
"လှေကားပေါ်က ချော်ကျပြီး ခြေသလုံးရိုးအက်သွား"ပါလေသတည်း တဲ့။

*********
အဲဒီတော့ တက်တူးပညာရှင် ခမျာမှာလည်း
စိတ်မကောင်းတွေဖြစ်၊ အားတွေလည်း နာပြီး

"ကျုပ်ပြောခဲ့သားပဲဗျာ။ဒါမျိုးတွေထိုးတာ မကောင်းပါဘူးလို့ ။နို့ -ခင်ဗျားပဲ အတိတ်တွေ နိမိတ်တွေ မယုံဘူး ဆို ခုမှပြန်ဖျက်ရင် နာလည်းနာရအုံးမယ် ခက်လည်းခက်ခဲ မယ်ဗျာ" ဆိုတော့-

အဲဒီလူ ပြန်ပြော လိုက်တာကတော့

"အဲ မဟုတ်ဘူးဗျ။ကျုပ်က အဲဒီစာတမ်း ပြန်ဖျက်ခိုင်း
မလို့ မဟုတ်ပါဘူး။အဲ့ဒီစာတမ်းအောက်မှာ
"(အလကား စတာပါ) "ဆိုတဲ့စာတမ်းလေး တစ်ခု
ထပ်ထိုးပေးစမ်းပါဗျ "တဲ့ ။

"ဟိုက်!! ရှားဘားစ်"

😅😁😅😂
Credit
via ဝဏ္ဏထွန်း»kha kha

ကျောက်ဖရုံယို ပြုလုပ်နည်းပထမဆုံး ကျောက်ဖရုံသီးကို အခွံခွာပြီး အတွင်းမှ အစေ့များကို ဖယ်ရှားပြစ်ပါ။ကျောက်ဖရုံသီးအရင့်...နှ...
31/10/2024

ကျောက်ဖရုံယို ပြုလုပ်နည်း

ပထမဆုံး ကျောက်ဖရုံသီးကို အခွံခွာပြီး အတွင်းမှ အစေ့များကို ဖယ်ရှားပြစ်ပါ။
ကျောက်ဖရုံသီးအရင့်...နှစ်ချို့ဖြစ်ရပါမယ်။ကျောက်ဖရုံသီး အနုဖြင့် မရပါ။

အခွံခွာလို့ပြီးပါက ကျောက်ဖရုံသီးကို အလျား (၄)လက္မ အနံ(၂)လက္မခန့် အချောင်းလေးများဖြစ်အောင် လှပညီညာစွာ လှီးဖြတ်ပြီး သေချာသန့်စင်အောင် ရေဆေးကြောပါ။

ကွမ်းစားထုံးမှုန့်ကို ရေသန့်သန့်ထဲ၌အနည်းငယ် ထည့်ဖျော်၍ဆေးကြောပြီးသော ကျောက်ဖရုံသီးအစိတ်အပိုင်းများကို ၃နာရီခန့်ကြာအောင် စိမ်ပေးထားရပါမယ်။

သုံးနာရီခန့်ကြာသောအခါ ၎င်းအား ဆယ်ယူ၍ ရေသန့်စင်အောင် တဖန်ဆေးကြောလိုက်ပါ။

ကျောက်ချဉ်အရည် သုံးဇွန်းခန့်ကို ရေ၌ထည့်ဖျော်၍ ရေစစ်ထားသော ကျောက်ဖရုံ အစိတ်အပိုင်းများကို တဖန်ပြန်လည်ပြီး မီးနစ်အနည်းငယ်မျှကြာအောင် စိမ်ထားပေးပြီး ပြန်လည်ဆယ်ယူ၍ ရေထပ်မံစစ်ပေးထားပါ။

သကြားကို လိုသလောက်ချိန်ထည့်ပြီး..ဆားအနည်းငယ်ဖြင့် ကျောက်ဖရုံးသီးအစိတ်အပိုင်းများကို သမအောင် ရောနယ်ပြီး ရေသန့်သန့်ထည့်ကာ နာရီ၀က်ခန့် ကျိုချက်ပေးပြီး ပျစ်ခဲလာချိန်၌ အိုးအတွင်းမှဆယ်ယူ၍ ဇကာပေါ်သို့ ဖြန့်ကြဲပေးပြီး အေးခဲသွားသည်အထိ့ ထားပေးလိုက်ပါက သန့်ရှင်းလတ်ဆတ်ပြီး ချိုမြိန်သော ကျောက်ဖရုံယို(သို့)Wintermelon candy ကိုမှီဝဲသုံဆောင်နိုင်ပါသည်။

Crd,
Credit: Prabha Verma
ဗဟုသုတကျေးရွာ

မြန်မာနိုင်ငံတွင် ဘဏ်လုပ်ငန်းကိုထမဦးဆုံး စတင်လုပ်ကိုင်သူ၊ ဘဏ်သူဌေး ဦးရဲကျော်သူ (၁၈၃၃-၁၉၁၀)မြန်မာနိုင်ငံတွင် ဘဏ်လုပ်ငန်းက...
31/10/2024

မြန်မာနိုင်ငံတွင် ဘဏ်လုပ်ငန်းကိုထမဦးဆုံး စတင်လုပ်ကိုင်သူ၊ ဘဏ်သူဌေး ဦးရဲကျော်သူ (၁၈၃၃-၁၉၁၀)

မြန်မာနိုင်ငံတွင် ဘဏ်လုပ်ငန်းကို ပထမဦးဆုံး စတင်လုပ်ကိုင်သူ၊ (၁၉၀၀)ပြည့်နှစ် ဝန်းကျင်ကပင် အိန္ဒိယ ရူပီးငွေ သိန်းတစ်ရာခန့် ရင်းနှီးမြှုပ်နှံထားသည့် "ဦးရဲကျော်သူ အင် ကုမ္ပဏီလီမီတက်" လုပ်ငန်းကို တည် ထောင်ခဲ့သူ၊ သူ့ခေတ်သူ့အခါက ရခိုင်ပြည်နယ်တွင် အချမ်းသာဆုံး လုပ်ငန်းရှင်၊ သူ့လက်နှင့် ထိသမျှ ငွေဖြစ်သည်ဟု တင်စားပြောခံရသူ၊ အိန္ဒိယအစိုးရကပင် ဖိတ်ကြား၍ သူဌေးဘွဲ့နှင့် ကျက်သရေဆောင် ရွှေစလွယ် ချီးမြှင့်ခံခဲ့ရသူ ဖြစ်သည်။ ကျောင်းသင်ပညာ မရှိသော်လည်း ထူးခြားသော ဇွဲလုံ့လ ဝီရိယ တီထွင်ဉာဏ် နှင့် ပြည့်စုံ၍ လှေထိုးသားဘ၀မှ စီးပွားရေးလုပ်ငန်းရှင် ဖြစ်လာသူ၊ သူဌေး ဖြစ်လာသော်လည်း ဘ၀မမေ့ဘဲ လှေထိုးသားဘ၀က အသုံးပြုခဲ့သည့် လှော်တက်ကို ရွှေချလျက် အိမ်တွင် ချိတ်ဆွဲထားသူ၊ ထူးခြားမှု တစ်ရပ် မှာ အများအကျိုးအတွက် နေ့စဉ် နံနက် ၄ နာရီ အိပ်ရာမှထကာ လက်ဆွဲမီးအိမ်ကိုင် ကုလား တပည့်ကလေးနှင့် အတူ မြို့ ကိုလှည့်၍ "အရပ်သားတို့၊ ရွာသားတို့၊ ထကြလော့၊ ရေထဲတွင် ငွေတွေ မျှောနေသည်၊ ဆယ်ယူကြလော့"ဟု ဆော်ဩလေ့ရှိသူ စသည့် ကောင်းသတင်း အဖုံဖုံနှင့် ပြည့်စုံသော စွန့်စားတီထွင် စီး ပွားရေးလုပ်ငန်းရှင်တစ်ဦး ဖြစ်သည်။

ဦးရဲကျော်သူကို ၁၈၃၃ ခုနှစ်၊ ဒီဇင်ဘာလ ၅ ရက်နေ့၌ ယခု ဘင်္ဂလားဒေ့ရှ်နိုင်ငံ၊ ပင်းဝါမြို့ အနီး ပဲတလီ ကျေးရွာ၌ ဖွားသည်။ အဖမှာ ရခိုင်တိုင်းရင်းသား ဦးဒိုးအောင်ကြွယ်ဖြစ်၍ ညီအစ်ကို ၄ ဦးတွင် တတိယ မြောက် ဖြစ်သည်။ အစ်ကို ရဲဘော်သွယ်၊ ရဲမြသွယ်နှင့် ညီမှာ ရဲအောင်ရှီ ဖြစ်သည်။အရွယ်ရောက်လျှင် ညီအစ်ကိုနှစ်ဦး မိမိတို့၏ဇာတိ ရခိုင်ပြည်နယ်၊ စစ်တွေမြို့သို့ အလုပ်ရှာရန် ပြန်လာ ကြသည်။ မကြာမီ အစ်ကိုဖြစ်သူမှာ မိဘများထံ ပြန်သွား၍ တစ်ဦးတည်း စစ်တွေ၌ ကြုံရာအလုပ်ကို လုပ် ကိုင်ခဲ့သည်။ ပထမဦးဆုံး စစ်တွေမြို့ ကန်ဒကာ သူဌေးကြီး ဦးသံခြွီ၏ ကုန်ရောင်းလှေတွင် လှေထိုးသား အဖြစ် စတင်လုပ်ကိုင်ခဲ့သည်။ အလုပ်ကို ရိုးရိုးသားသားနှင့် ကြိုးစားရုံမျှမက ဝီရိယရှိမှု အမြော်အမြင် ရှိမှုတို့ကြောင့် လှေထိုးသား မောင်ရဲကျော်သူကို သူဌေးကြီး ဦးသံခြွီက သမီးဖြစ်သူ မသံဒါဖြူ နှင့် လက်ထပ် ပေးခဲ့သည်။ လက်ထပ်ပွဲပြီးနောက် ရရှိသော မင်္ဂလာ လက်ဖွဲ့ ရတနာရွှေငွေများကို ယောက္ခမ၏ အလုပ်တွင် ရှယ်ယာ အဖြစ် ပြန်လည်အပ်နှံ၍ စီးပွားရေးကို ဇောက်ချလုပ်ကိုင်ခဲ့သည်။ သစ်လုပ်ငန်း၊ အရှေ့ပါကစ္စတန် (ယခု ဘင်္ဂလားဒေ့ရှ်) မှ ဆေးရွက် ရောင်းဝယ်ရေးလုပ်ငန်း၊ ပင်လယ်ကူး လှေသမ္ဗန်များမှ မြစ်သဲရှင်ဝယ်ယူမှု လုပ်ငန်း၊ စစ်တွေမြို့အနီး မြေရိုင်းများ ဝယ်ယူမြှုပ်နှံမှုလုပ်ငန်း၊ မြေငှားလုပ်ငန်း၊ ဆန်စပါး ရောင်းဝယ်ရေး၊ ဗျိုင်းတောင်၊ ဗျိုင်းမွှေး ရောင်းဝယ်ရေးလုပ်ငန်း စသည့် စီးပွားရေးလုပ်ငန်းမျိုးစုံ လုပ်ကိုင်ခဲ့ရာ ထိုခေတ် ထို အခါက ရခိုင်ပြည်နယ် စစ်တွေမြို့၌ အချမ်းသာဆုံး လုပ်ငန်းရှင်တစ်ဦးဖြစ်ခဲ့သည်။ ဦးရဲကျော်သူသည် အောက်ခြေမှ တက်လာသူ ဘ၀နာခဲ့သူပီပီ ဆင်းရဲသား၊ တောင်သူ လယ်သမားများ အပေါ် စာနာမှုရှိသည်။ ဆန်စပါးရောင်းဝယ်ရေး လုပ်ငန်းတွင် မိုးဘရားသား၊ စတီးဘရားသား၊ ဘလုတ် ဘရားသား စသည့် နိုင်ငံခြားကုမ္ပဏီများ၏ ဈေးနှိမ်မှုကို နည်းမျိုးစုံနှင့် ကာကွယ်၍ ရခိုင် တောင်သူလယ်သ မားများ မနစ်နာစေရန် စပါးဈေးကို ပိုမိုပေးခဲ့သည်။ ဦးရဲကျော်သူ၏ စီးပွားရေးလုပ်ငန်းများအနက် စစ်တွေ မြို့ ၌ ဖွင့်လှစ်ခဲ့သည့် "ဦးရဲကျော်သူ အင်ကုမ္ပဏီလီမီတက်" လုပ်ငန်းသည် အထင်ရှားဆုံးဖြစ်သည်။ ဤလုပ် ငန်းတွင် ကုမ္ပဏီရှယ်ယာ ပိုင်ဆိုင်သူများထံမှ အပ်ငွေနှင့် ထုတ်ငွေများကို ချက်လက်မှတ်စနစ် သုံး၍ ငွေချေး ခြင်း၊ ရွှေပေါင်၊ မြေပေါင်လက်ခံခြင်းတို့ကို ဆောင်ရွက်သောကြောင့် မြန်မာနိုင်ငံတွင် ပထမဦးဆုံး ဘဏ်လုပ် ငန်းပိုင်ရှင်ဟု သတ်မှတ်ကြသည်။ ထိုဘဏ်လုပ်ငန်းသည် ၁၉၁၀ ပြည့်နှစ် ဝန်းကျင်တွင် ရင်းနှီးမြှုပ်နှံမှု ရူပီး ငွေ သိန်းတစ်ရာကျော် ရှိသည်။ဦးရဲကျော်သူ ကွယ်လွန်ပြီးနောက် သတ္တမမြောက်သားဖြစ်သာ ဦးရွှေသာသည် ၁၉၂၄ ခုနှစ် ဝန်းကျင်တွင် တရားဝင်ဘဏ်အဖြစ် စနစ်တကျ တည်ထောင်၍ ဆောင်ရွက်ခဲ့သည်။ ယင်းဘဏ်မှ "မသံဒါဖြူ အင် ကုမ္ပဏီ လီမီတက်"ကို ခွဲခြား တည်ထောင်၍ အိမ်ငှားခ၊ မြေငှားခ ကောက်ခံသည့် လုပ်ငန်းများကို လုပ်ဆောင်ခဲ့ သည်။

ဦးရဲကျော်သူ၏အင်ကုမ္ပဏီလီမိတက်မှာ မြန်မာအမျိုးသားဘဏ်ဖြစ်ပြီး ဒုတိယဘဏ်မှာ ၁၉၂၆ ခုနှစ်တွင် မန္တလေးမြို့ ၌ဖွင့်လှစ်သော မြန်မာနိုင်ငံ ဗုဒ္ဓဘာသာမိဘမဲ့ကလေးများစောင့်ရှောက်ရေးအသင်းက တည်ထောင်သည့် ( ဘီဘီအိုအေ ) ဘဏ်ဖြစ်သည်။ထိုစဉ်က ချစ်တီးကုလားများပိုင်ဘဏ်များ မြို့ ရွာအနှံ့ရှိသော်လည်း စစ်တွေမြို့တွင် ဦးရဲကျော်သူ၏ဩဇာအာဏာကြောင့် ချစ်တီးကုလားများက စစ်တွေမြို့တွင် ဘဏ်များဖွင့်လှစ်ရန် အကြိမ်ကြိမ်ကြိုးစားခဲ့သော်လည်း မည်သည့်ဘဏ်မှ ဖွင့်လှစ်နိုင်ခြင်းမရှိခဲ့ပါ။

ဦးရဲကျော်သူ၏ ကြွယ်၀ချမ်းသာမှု ဂုဏ်သတင်းကြောင့် အိန္ဒိယအစိုးရက ဖိတ်ကြား၍ အိန္ဒိယ သူဌေးများကို ချီးမြှင့်သည့် သူဌေးဘွဲ့နှင့် ကျက်သရေဆောင် ရွှေစလွယ်ရတံဆိပ် ချီးမြှင့်ခဲ့သည်။ ဗြိတိသျှ မြန်မာပြည် ကော်မရှင်နာ၏ အကြံပေးဘုတ်အဖွဲ့ဝင်အဖြစ်လည်း ပါဝင်ဆောင်ရွက်ခဲ့ရသည်။စီးပွားရေး အောင်မြင်လာသည်နှင့်အမျှ ဘုရားတည်၊ ကျောင်းဆောက် အလှူဒါနအမြောက်အမြား ပြုလုပ်ခဲ့ သည်။ အထင်ရှားဆုံးမှာ ကျောက်တော်ရှိ မဟာမုနိ ဘုရား သိမ်တန်ဆောင်းတော်ကြီး၊ ကြေးဆင်းတုတော် ကြီးတို့ ဖြစ်သည်။ ထိုစဉ်က ထင်ရှားသော လယ်တီဆရာတော်ကြီးကိုလည်း စစ်တွေမြို့သို့ပင့်၍ တရားပွဲများ ကျင်းပပေးခဲ့သည်။ လူမှုရေးအနေဖြင့် စစ်တွေ ဆေးရုံကြီး၌ အမျိုးသမီး သားဖွားဆောင် ကို ဆောက်လုပ် လှူ ဒါန်းခဲ့သည်။ ယခုအခါ သံကျောင်း (သို့) ဦးရဲကျော်သူကျောင်းဟု အမည်တွင်သော ဘုန်ကြီးကျောင်းကို သက်ရှိထင်ရှား ရှိစဉ်ကပင် ဆောက်လုပ်ရန် သစ်များဝယ်၍ စီစဉ်ခဲ့သည်။ နောင်အခါ ဖခင်ကို ရည်စူး၍ သားသမီးများက သံထည်များဖြင့် တည်ဆောက်ခဲ့သောကြောင့် သံကျောင်းဟု အမည်တွင်ခဲ့သည်။ ဦးရဲကျော်သူနှင့် ဒေါ်သံဒါဖြူတို့တွင် သားသမီး (၁၀)ဦး ထွန်းကားခဲ့သည်။

သား (၆) ဦးမှာ ဦးကျော်ဦး၊ ဦးချန်ထွန်း၊ ဦးစံကျော် ၊ ဦးရွှေဘန်း၊ ဦးသာဇံ ၊ ဦးရွှေသာ နှင့် သမီး (၄) ဦးမှာ ဒေါ်စံဝင်း၊ဒေါ်စံမြခိုင်၊ဒေါ်ရွှေခိုင်၊ဒေါ်ရွှင်ထီးမ တို့ဖြစ်ကြသည်။ ၎င်းတို့အနက် သား(၄)ယောက်မှာ ထင်ရှားသည်။ သားအကြီးဆုံး ဦးချန်ထွန်းမှာ အင်္ဂလန်တွင် ဥပဒေပညာသင်ကြားခဲ့ပြီး ဥပဒေနောက်ဆုံးနှစ်၌ ပထမတန်း မှ အောင်မြင်ခဲ့ကာ နောင်အခါ ထင်ရှားသော ဥပဒေပညာရှင်တစ်ဦး ဖြစ်လာသည်။

ဦးချန်ထွန်းကဲ့သို့ပင် သားများဖြစ်သော ဦးရွှေသာ၊ ဦးရွှေဘဲ၊ ဦးသာဇံ တို့ကိုလည်း အင်္ဂလန်သို့ စေလွှတ်၍ ဥပဒေပညာများ သင်ကြားစေခဲ့သည်။

ဦးရဲကျော်သူသည် အသက် ၇၇ နှစ်အရွယ် မြန်မာသက္ကရာဇ် ၁၂၇၂ ခုနှစ် နယုန်လပြည့်ကျော် (၁၃) ရက် အင်္ဂါနေ့ နံနက် (၈)နာရီတွင် ကွယ်လွန်ခဲ့သည်။ ကွယ်လွန်ချိန်တွင် သားသမီးများအတွက် အမွေအဖြစ် ရူပီး ငွေ သိန်း ၇၀ မျှ ကျန်ရစ်ခဲ့သည်။

" မန္တလေးမှာ အသက်ရှင် ရပ်တည်ချင်ရင် "- ဆိုင်ကယ် ကလစ် / စကိုဖီး မစီးပါနဲ့။-ကား​မောင်းရင် မှန်တံခါး​လော့ချထားပါ။- ရွှေဆွဲက...
30/10/2024

" မန္တလေးမှာ အသက်ရှင် ရပ်တည်ချင်ရင် "
- ဆိုင်ကယ် ကလစ် / စကိုဖီး မစီးပါနဲ့။
-ကား​မောင်းရင် မှန်တံခါး​လော့ချထားပါ။
- ရွှေဆွဲကြိုး / ရွှေ မဝတ်ပါနဲ့။
- ပိုက်ဆံအိတ် / အိတ် မလွယ်ထားပါနဲ့။
- ရပ်ပြီး ဖုန်းမပြောပါနဲ့။
- လူသုံးယောက်လောက် အနားရောက်လာရင် ပြေးပါ။
- နောက်ကြည့်မှန်ကို ခဏခဏ ကြည့်ပါ။
- ရှောင်သင့်တာကို ရှောင်သွားပါ။
-ည၆နာရီကျော်ရင်အပြင်ထွက်ရင်သတိထားပါလူပြတ်တဲ့လမ်းတွေတစ်ယောက်ထဲသွားရင်သတိထားကြပါ
-ညဘက်အလုပ်မှပြန်လျှင်လူသွားလူလာများသောလမ်းမကြီးများမှပြန်ပါချောင်ကျသောနေရာမှောင်ရိပ်ခိုသောနေရာများကိုရှောင်ပါမသွားမဖြစ်သွားလျှင်ဆိုင်ကယ်ကိုဂရုစိုက်မောင်းပါလမ်းသွားရင်းဖုန်းပြောတာကိုသတိထားကြပါနော်အဖွဲလိုက်လုယက်သူတွေရှိပါတယ်
🙏💙

ပြန်တွေ့ ပါပြီတဲ့ ယခုချိန်ထိ မတွေ့ သေးပါတဲ့ (7.30)၅ ရက်သားကလေးလေး ပျောက်ဆုံးသွားပါတယ် ဆေးရုံနာမည်က ဂျမာခံနာ မိခင်နှင့...
30/10/2024

ပြန်တွေ့ ပါပြီတဲ့

ယခုချိန်ထိ မတွေ့ သေးပါတဲ့ (7.30)
၅ ရက်သားကလေးလေး ပျောက်ဆုံးသွားပါတယ် ဆေးရုံနာမည်က ဂျမာခံနာ မိခင်နှင့် ကလေးဆေးရုံ

30ရက်နေ့ မနက်4:00နာရီ ဝန်းကျင် ပျောက်ဆုံးသွားပါ

သဖြင့် တွေ့ရှိပါကအကြောင်းကြားပေးပါရန် အထူး

ကျေးဇူးဆပ်ပါမည် 🙏

09450015098

09428326925
Nanda Aung

ဦးချန်ထွန်း (သို့မဟုတ်) ရန်ကုန်မြို့ရှိ ဆူးလေ စေတီတော်မြတ်အား ကာကွယ်ခဲ့သူ .................................................
30/10/2024

ဦးချန်ထွန်း (သို့မဟုတ်) ရန်ကုန်မြို့ရှိ ဆူးလေ စေတီတော်မြတ်အား ကာကွယ်ခဲ့သူ ......................................................

ဦးချန်ထွန်း ( ၁၈၅၉-၁၈၉၄) စစ်တွေမြို့မှ ရွှေစလွယ်ရ သူဌေးကြီး ဦးရဲကျော်သူဆိုလျှင် ရခိုင်သားများ လောကတွင်မသိသူ မရှိသလောက်ပင် ထင်ပေါ်ကျော်ဇောသည်၊ သူ့သားဦးချန်ထွန်း အဖေခြေရာကိုနင်း၍ ထိုခောတ်ထိုချိန်က မြန်မာနိုင်ငံမက ဥရောပနိုင်ငံများအထိပင် သူ့အရှိန် အဝါ လွှမ်းမိုးခဲ့သော နာမည်ကြီး ဥပဒေပါရဂူတစ်ဦးဖြစ်သည်၊ ဦးရဲကျော်သူ၊ ဒေါ်သံဒါဖြူတို့ မိဘနှစ်ပါးတွင်သားသမီး(၁၀)ဦးထွန်းကားခဲ့ရာ သားယောက်ျား များမှာ ဦးကျော်ဦး၊ ဦးချန်ထွန်း၊ ဦးစံကျော်၊ ဦးရွှေဘန်း၊ ဦးသာဇံ၊ ဦးရွှေသာတို့ ဖြစ်ကြပြီး သမီးများမှာ ဒေါ်စံဝင်း၊ ဒေါ်စံမြခိုင်၊ ဒေါ်ရွှေခိုင်၊ ဒေါ်ရှင်ထွီးမတို့ ဖြစ်ကြသည်၊

ဦးချန်ထွန်း အပါအဝင် သား(၆)ယောက်စလုံးသည် ထိုခေတ်က အင်္ဂလန် ကျောင်းတွင် ကျောင်းနေခဲ့ကြ၍ စာတတ်ပေတတ် ပုဂ္ဂိုလ်များ ဖြစ်ကြသည် ညီအစ်ကို လေးယောက် ဖြစ်သော ဦးချန်ထွန်းအပါအဝင် ဦးရွှေဘန်း၊ ဦးရွှေသာ၊ ဦးသာဇံတို့သည် ဘိလပ်မှ ဥပဒေဘွဲ့ (Barrister at Law) ကို ရရှိခဲ့ကြသူများ ဖြစ်သည်၊ ဦးချန်ထွန်းသည် ဥပဒေဘွဲ့ နောက်ဆုံးနှစ် ဖြစ်သော ၁၈၈၁ခုနှစ်တွင် ရောမ ဥပဒေဘာသာရပ်၊ ဥပဒေ အတတ်ပညာ ဘာသာ ရပ်၊ အင်္ဂလိပ်လူမျိုးတို့၏ ရှေ့ဟောင်းထုံးတမ်းစဉ်လာ ဘာသာရပ် အားလုံးကို အမှတ်အများဆုံး ဂုဏ်ထူးနှင့် အောင်မြင်၍ ဝိတိုရိယဘုရင် မကြီး ကိုယ် တိုင် ဝိတိုရိယ ရွှေတံဆိပ်ဆုကို ချီးမြှင့်ခဲ့သည်၊

ဘာသာရပ်တိုင်းတွင် ထူးချွန်ဆု ရရှိခဲ့၍ ဘာသာရပ်တခုလျှင် ထိုခောတ်က စတာလင်ပေါင် (၁၀၀)စီ ချီးမြှင့်ခံခဲ့ရသူဖြစ်သည်၊ ဦးချန်ထွန်းရရှိခဲ့သော ဂုဏ်ထူးဆောင် အမှတ်မျိုးကို ဒုတိယကမ္ဘာစစ်ဖြစ်သော အချိန်အထိ နောက်ထပ် ထိုဆုမျိုးရရှိသူ လုံးဝမရှိကြောင်း သိရှိရသည်၊ ရန်ကုန်ပြန် လာ၍ ဝိတိုရိယ ဘုရင်မဆုကို လည်ပင်းတွင် ဆွဲ၍သွားလျှင် ဦးချန်ထွန်းနှင့် မျက်နှာချင်းဆိုင် ဆုံမိသောလူတိုင်း သူ့ကိုအလေးပြုရသည်၊ စက်ဘီးစီးလာသူ ဖြစ်နေလျှင် စက်ဘီးမှ ဆင်းရပ်၍ အလေးပြုရသည်ဟု ရှေ့နေဦးမောင်ကျော်ဇံဇနီး ဒေါ်ရီရီဇံ (အမှတ်-၂၈၊ စမ်းချောင်း၊အောင် မင်္ဂလာလမ်း)တွင် ဦးချန်ထွန်း ဆောင်းပါးရေးရန် Interview သွားလုပ်စဉ်က ပြောပြလိုက်သည်ကို အမှတ်ရမိပါသည်၊

ဝိတိုရိယ ဘုရင်မကြီးက သူပိုင်စိုးသော ကိုလိုနီနိူင်ငံများထဲမှ ဤမျှလောက် ပညာတော်သော ကလေးမျိုး ရှိသည်ကို တအံတသြ ဖြစ်ခဲ့ရသည်ဟု သိရှိရသည်၊ တွေ့ချင်လွန်း၍ အခေါ်ခံရသောအခါ တောသားလေးက ရခိုင်ရိုးရာ ဝတ်စုံ ဖြစ်သည့် တောင်ရှည်ပုဆိုး၊ ရင်ဖုံးအင်္ကျီဝတ်ဆင်၍ ရခိုင်ရိုးရာ ဖော့ လုံး ခေါင်းပေါင်း ပေါင်းပြီး သွားရောက်ခဲ့သည်၊ ဘုရင်မကြီးက လက်ဆွဲ နှုတ်ဆက်ပြီး လက်ဖက်ရည်ပွဲနှင့် မောင်ချန်ထွန်းကို ဧည့်ခံခဲ့သည်၊ ဝိတိုရိယ ဘုရင်မကြီးဆုကို သူကိုယ်တိုင် ချီးမြှင့်ပြီး ဘုရင်မကြီး၊ သားတော်နှင့် တော် ဝင် မြင်းရထားကို စီးခွင့်ရသော ဆုလည်းပါဝင်သည့်အပြင် နန်းတော်ထဲသို့ အချိန်မရွေး သွားလာနိုင်ခွင့် အခွင့်အရေးကိုပင် ဘုရင်မကြီးက ပေးအပ်ခဲ့သည်၊

ဦးချန်ထွန်းသည် အင်္ဂလန်တွင်နေစဉ် သူမိတ်ဆွေ များအနက် ကမ္ဘာကျော် စာရေးဆရာကြီး အော်စကာဝိုင်း (Mr.Oscar Wild) တစ်ယောက်လည်း အလွန်ရင်းနှီးသော မိတ်ဆွေတစ်ဦး ဖြစ်ခဲ့သည်၊ အော်စတာဝိုင်းနှင့် အတူသွား အနေများခဲ့၍ ဦးချန်ထွန်းက ရခိုင်လူမျိုး၊ ရခိုင်ယဉ်ကျေးမှု၊ ရခိုင်သမိုင်းများကို ပြောပြခဲ့ဟန်ရှိသည်၊ အော်စကာဝိုင်းသည် ရခိုင်သမိုင်း ကြောင်းများကို စိတ်ဝင်စားလာ၍ ရခိုင်သမိုင်းနှင့် ပတ်သတ်သော စာအုပ်စာတမ်းများ၊ ပေစာများကို စုဆောင်းရှာဖွေပေးရာ The King of Arakan (ရခိုင်မင်း တရားကြီး) ဆိုသော စာအုပ်ကို အင်္ဂလန်တွင် ထုတ်ဝေခဲ့သည်၊

ဦးချန်ထွန်းလည်း အင်္ဂလန်တွင် နေစဉ် The Nature and Value of Jurisprudence စာအုပ်ကို Messrs Sweet And Maswell စာအုပ် တိုက်မှ ထုပ်ဝေခဲ့သည်၊ ယင်းစာအုပ်သည် အင်္ဂလန်တွင် အလွန်လူကြိုက် များ၍ တတိယအကြိမ်ပင် ထုတ်ဝေခဲ့သည်၊ ဦးချန်ထွန်း ရန်ကုန်သို့ ပြန်ရောက်လာသောအခါ Leading Cases in BurmeseLaw စာအုပ်နှင့် Burmese Buddhist law စာအုပ်နှစ်အုပ်ကို ရေးသားခဲ့သည်၊ ယင်းစာအုပ်(၂)အုပ်သည် ယနေ့ထက်တိုင် မြန်မာတရားရေးရာ ဌာနတွင် လက် သုံး (Manual)အဖြစ် အသုံးပြုနေဆဲဟု သိရသည်။ Burmese Buddhist Law စာအုပ်သည် စာရေးသူ၏ ဖခင်ဦးမောင်သာဇံ (စက်ရှင်တရားသူကြီး -ငြိမ်း) ဗဟို တရားရုံးချုပ် ရှေ့နေက သူ၏ စာကြည့်တိုက်တွင် တရိုတသေ သိမ်းဆည်းထားခဲ့ရာ ယခု ယင်းစာအုပ်သည် စာရေးသူ၏ စာကြည်တိုက်တွင် ရှိနေပါသည်၊

ယင်းစာအုပ်၏ မျက်နှာဖုံးကို ယခု ဦးချန်ထွန်း၏ အတ္ထုပ္ပတ္တိ ဆောင်းပါးနှင့်အတူ ဖော်ပြ ထားပါသည်၊ ၁၈၅၄ ခုနှစ်တွင် ဗြိတိသျှအစိုးရသည် စီမံကိန်းချ၍ ရန်ကုန်မြို့ကို ခောတ်မီမြို့တော်ပြုလုပ်ခဲ့ရာ အကွက်ရိုက်ပြီး အိမ်ရာ တိုက်တာများ ဆောက်လုပ်ခဲ့သည်၊ ထိုစဉ်ကယခုသိမ်ကြီးစျေး နေရာတွင် ဆူးလေစေတီလောက်ကြီးသော `ကျိုက်မြတ်သံချို` စေတီတစ်ဆူ ရှိခဲ့သည်ကို လမ်းနှင့် မလွတ်၍ ဖြိုဖျက်ပစ်ခဲ့သည်၊ ရန်ကုန်မြို့ရှိ ဘုန်းကြီးကျောင်းများ အားလုံးနီးပါးကို အကွက်များချရာတွင် မလွတ်ဆိုပြီး လမ်းမတော်မြို့နယ် သရက်တောဥယျာဉ် အတွင်း စုပေါင်း၍ ရွှေ့ပြောင်း ခဲ့သည်၊ (ယနေ့တိုင် သရက်တော ကျောင်းဝင်းအတွင်း ထိုစဉ်က အမည် အတိုင်း ဘုန်းကြီးကျောင်း မြောက်များစွာ ရှိနေပါသေးသည်၊
ဒုတိယအကြိမ် လမ်းများ တိုးချဲ့ရာတွင် လမ်းမလွတ်ဟု ဆိုပြီး ဆူးလေ ဘု ရားကို ယခုနေရာမှအခြားတစ်နေရာသို့ ရွှေ့ပြောင်းရန် ဆွေးနွေး ခဲ့ကြသည်၊ ထိုစဉ်က ဗြိတိသျှအရာရှိများ တင်ပြချက်တွင် နောက်အနှစ် ၅၀- ၁၀၀ အတွင်း ရန်ကုန်မြို့သည် ကမ္ဘာ့အဆင့်မှီ မြို့တော်ကြီး တစ်မြို့ ဖြစ်လာမည်ဖြစ်ရာ ပတ်ချာလည် ဝိုင်းရံလျက်ရှိသော မိုးထိအောင် မြင့်မားသည့် အဆောက်အအုံများအောက် ရောက်နေမည်ဖြစ်၍ မသင့်တော်ဟု အ ကြောင်း ပြခဲ့ပါသည်၊ မြန်မာလူမျိုးများ စိတ်ကြိုက် သင့်တော်သည့် နေရာ ရွှေ့၍ ပုံတူဆောက်ပေးရန် အကြောင်းပြခဲ့သည်၊

ယင်းကိစ္စကို အင်္ဂလိပ်အရာရှိများ အပါအဝင် မြန်မာအရာရှိများက ကန့်ကွက်သူမရှိ သဘောတူကြသည်၊ ဦးချန်ထွန်း တစ်ယောက်သာ အကြီး အကျယ် ကန့်ကွက်ခဲ့သည်၊ အင်္ဂလိပ်ခေတ်တွင် အထက်မှ ချက်မှတ်ထား သော အမိန့်တစ်ခုကို လုပ်သင့်သည် ဖြစ်စေ မလုပ်သင့်သည် ဖြစ်စေ မပြောရဲသော ခေတ်၊ အလုပ်ပြုတ်မှာ ကြောက်သည်က တကြောင်းကြောင့် မည်သူမျှ ဦးချန်ထွန်းဘက်မှ မားမားရပ်တည်၍ ပြောဝံ့သူမရှိပါ၊ မြန်မာ လူမျိုးများ၏ ထုံးတမ်းစဉ်လာတွင် ဘုရားတည်ပြီးလျှင် ရွှေ့ပြောင်းခြင်း၊ ဖျက်ခြင်း ပြုလုပ်ရိုး ထုံးစဉ်မရှိဟု တင်ပြခဲ့သည်၊ အလားတူ လန်ဒန်ကို ခေတ်မီမြို့တော် ဆောက်လုပ်စဉ်က Square Building အဝိုင်းကို ရှေ့ဟောင်း အဆောက်အအုံတစ်ခုအဖြစ် အနေဖြင့် ဘာကြောင့် ချန်ထားခဲ့သလဲဟု အရေးဆိုခဲ့သည်၊

ဦးချန် ထွန်း၏ ကန့်ကွက်ချက်များ လုံးဝ အရာမရောက်ခဲ့၍ စနေဒေါင့်မှစ၍ ဆူးလေဘုရားကို ဖျက်ပါတော့သည်၊ ဦးချန်ထွန်းသည် အာဂသတ္တိရှင်တစ်ဦး ဖြစ်သည်၊ လုပ်ရဲသည်၊ လုပ်ရဲသောသတ္တိ ရှိသည်၊ အလုပ်ပြုတ်ချင် ပြုတ်ပါစေ လုံးဝနောက်မဆုတ်ခဲ့ပါ၊ သူ့ကိုရွှေတံဆိပ်ဆု ပေးထားသောဝိတိုရိယ ဘုရင်မကို ချက်ချင်း သတိ ရလာခဲ့သည်၊ ကြေးနန်းရိုက်ပြီး စာတစ်စောင်ကိုလည်း ဘုရင်မကြီးထံ အကျိုးအကြောင်း ရေးးသားပေးပို့လိုက်သည်၊ ဦးချန်ထွန်၏ ကျေးဇူး၊ ဝိတိုရိယ ဘုရင်မကြီး၏အမိန့်ကြောင့် ယနေ့မြန်မာလူမျိုးတို့ ဆူးလေစေတီကို ရန်ကုန်မြို့လည်တွင် တွေ့နေရခြင်း ဖြစ် သည်၊

ဦးချန်ထွန်းကျေးဇူးကား အလွန်ကြီးမားပါသည်၊ ဆပ်၍ ကုန်နိုင်မည် မ ဟုတ်ပါ၊ ဆူးလေစေတီကို ဖူးတွေ့ရတိုင်း ဦးချန်ထွန်းကို သတိရသင့်ပေသည်၊ ဒေါက်တာတင်အောင်နှင့် တရားလွှတ်တော် တရားဝန်ကြီး မစ္စတာဒတ်(ခ်)တို့က အရှေ့တောင်အာရှ နိုင်ငံများတွင် ဦးချန်ထွန်းလောက် ဥပဒေရေးရာ ကျွမ်းကျင်သူမပေါ်သေး၊ အိန္ဒိယတိုက်တွင် အတော်ဆုံး(၃)ဦးကို ရွေးထုတ်၍ ပြောရလျှင် (၁)ဦးချန်ထွန်း၊ (၂)ဦးမဲအောင်၊ (၃)ဦးသိန်းမောင်တို့ ဖြစ်သည်ဟု သိရှိရသည်၊ ဦးချန်ထွန်းသည် အင်္ဂလန်မှ ပြန်လာစဉ် အိုင်ယာလန်သူ Miss Cosgroves ကိုလက်ထပ်၍ ခေါ်လာခဲ့သည်၊

ဦးချန်ထွန်းအား မြန်မာ ယဉ်ကျေးမှု ရှုထောင့်မှ ကြည့်လျှင် အမှားတစ်ခုကို ပြုလုပ်ခဲ့သည်ဟု ဆို၍ရပါမည်၊ (ပြစ်မှုတစ်ခုကို ကျူးလွန်ခြင်းတော့မဟုတ်ပါ) ဦးချန်ထွန်း၏ ကိုယ်ရေးကိုယ်တာ ကိစ္စဖြစ်၍ စာရေးသူအနေနှင့် ဝေဖန်ပိုင်ခွင့် မရှိပါ၊ သို့သော်`ငါမှားလေခြင်း` ဆိုသော နောင်တ တစ်ခုကိုတော့ သူ၏ အသဲနှလုံးကြားတွင် ရင်နှင့်အောင် သေသည်အထိ ခံစားသွားရသည်ဟု စာရေးသူ ကောက်ချက်ဆွဲယူပါသည်၊ ထိုခေတ် ထိုအခါသည် ဗြိတိသျှအင်ပါယာကြီး နေမဝင်နိုင်ငံ တစ်နိုင်ငံ ဖြစ်လျက်ရှိသောအခြေ အနေ အချိန်အခါ၊ သူတို့ သွေးနားထင် ရောက်နေသောအချိန်၊ အာရှတိုက်သားများကို လူညံ့၊ လူဖျင်း၊ လူအဟု ယူဆပြီး မတူမတန် ဆက်ဆံနေသော အချိန်၊ လူမျိုးတစ်မျိုး၏ ယဉ်ကျေးမှုကို တန်ဖိုးထားရမှန်းပင် မသိ၍ ဘုရားကျောင်းကန်များကို ဖိနပ်စီး၍ တက်ခဲ့ကြသည်၊ (Shoe's Question) ပေါ်ပေါက်ခဲ့သည်၊

ဦးချန်ထွန်းသည် သူ၏ရှုမငြီး ချစ်ဇနီး အသားဖြူဖြူ ဘိုမလေး Miss Cosgrovesကို သူ၏မွေးရာ ဇာတိရပ် မိ သားစု နေထိုင်သော စစ်တွေမြို့သို့ ခေါ်လာခဲ့ပါသည်၊ မိသားစုအားလုံးက ကြမ်းမှာထိုင်ပြီး ဂါဝန်ဝတ်ထား သောဘိုမကို ကုလားထိုင်နှင့် အပေါ်မှာ ထိုင်ခိုင်းခဲ့ရသည်၊ ရခိုင်များ စားပွဲအဝိုင်းတွင် ဝိုင်းထိုင်ပြီးထမင်းများကို လက်နှင့်နယ်၍ စားပြသည်၊ ဘောင်း ဘီမဝတ်ဘဲ စားပွဲခြင်းအစ (လုံချည်ကို ဆိုလိုသည်)ကို ချုပ်၍ ဝတ်သောလူမျိုး၊ ကွမ်းစားသောလူမျိုး၊ ဘိုကေမထားဘဲ ဆံပင်မဖြတ် သျှောင်ထုံးထားသည်၊ ဆံပင်ကိုအဝတ်နှင့် ပတ်ထားသည် (ခေါင်းပေါင်းကို ဆိုလို သည်) စသည်ဖြင့် အင်မတန်မှ အထင်သေး အမြင်သေးနှင့် ဝေဖန်ခံခဲ့ရသည်ကို ဦးချန်ထွန်း အလူးအလဲခံခဲ့ရသည်၊

မိဘလက်ထက်မှ သူ့ဘဝ တစ်လျှောက်လုံး အပွဲပွဲနိုင်လာခဲ့သမျှ ဇနီးသည် Miss Cosgroves နှင့်ကျမှ ဒူးထောက်အရှုံးပေးခဲ့ရသော စစ်သူကြီး ဦးချန်ထွန်းနှင့် Miss Cosgroves တို့၏ အိမ်ထောင်ရေးသည် မည်ရွေ့ မည်မျှအထိ အဆင်ပြေမပြေ ဆိုသည့် အတိုင်းအတာ ဒီဂရီကို စာရေးသူမသိပါ၊ ဦးချန်ထွန်းနှင့် ရခဲ့သော Miss Marie Chan Tun ကိုခေါ်ပြီး အင်္ဂလန်သို့ ပြန်သွားပါသည်၊ သူသည် မြန်မာလူမျိုး ယဉ်ကျေးမှုကို အထင် သေး အမြင်သေး များစွာဖြင့် ရှုမြင် သုံးသပ်ပြီး နောက်ပိုင်း`The Marriage in Burma` ဟူသော စာအုပ်တစ်အုပ်ကို ရေးသားခဲ့ပါသည်၊ မကြာသေးမီက ကမာရွတ်၊ လှည်းတန်းရှိ အတ္တိယလမ်းတွင် နေထိုင်သော ဦးချန်ထွန်းညီ၊ ဦးရွှေသာ၏မြေး ဘဏ်မန်နေဂျာ ဦးရွှေဖြူနှင့် တွေ့ဆုံစဉ် မေးမြန်းကြည့်ရာ ထိုစာအုပ်က လွန်ခဲ့သော(၃၀)ကျော်က ရန်ကုန် တက္က သိုလ် စာကြည့်တိုက်မှ ငှားရမ်း၍ သူကိုယ်တိုင် ဖတ်ဖူးကြောင်း ပြောပြပါသည်၊

စာရေးသူသည် Miss Cosgroves ရေးသားသော စာအုပ်ကို ပြန်လည်ချေပ ရေးသားရန် ရန်ကုန်တက္ကသိုလ် စာကြည်တိုက်တွင် သွားရှာပါသည်၊ လုံးဝမတွေ့ဘဲ ပြန်လာခဲ့ရသည်၊ ယခုဤ စာအုပ်ရေးသားသော အချိန်ထိ လမ်းသွား လမ်းလာအခွင့်ရတိုင်း လိုက်ရှာနေဆဲ ဖြစ်ပါသည်၊ လူမျိုးမတူ၊ ဘာသာမတူ၊ ယဉ်ကျေးမှုမတူလျှင် ယောင်္ကျားဖြစ်ငြစေ၊ မိန်းမဖြစ်စေ မိမိဘဝအတွက် တစ်သက်တာ အိမ်ထောင်ဖက် ရွေးချယ်သောအခါ အထူးသတိထားရန် အချက်တချက် ဖြစ်သည်ကို ဦးချန်ထွန်း၏ ကိုယ်တွေ့ တစ်သက်တာက သင်ခန်းစာယူစရာ ကျန်ရစ်ခဲ့ပါသည်၊

ဦးမောင်ကျော်ဇံ (BA.BL) ရှေ့နေကြီး၏ဇနီး ဒေါ်ရီရီဇံ ပြောပြချက်အရ Miss Cosgroves သည် ဦးချန်ထွန်းနေသော မြန်မာနိုင်ငံ ရန်ကုန်မြို့သို့ လုံးဝ ပြန်မလာတော့ဟု သိရှိရပါသည်၊ ဦးချန်ထွန်းလည်း နောက်အိမ် ထောင် မပြုခဲ့ပါ၊ သူ၏ဇနီးနှင့် သူအလွန်ချစ်သော သမီးငယ် ပြန်မလာတော့ပြီဟု သိသောအခါ ဦးချန်ထွန်းတစ်ယောက် မည်သို့သော ဝေဒနာမျိုးကို ခံစားရပါမည်နည်း၊ မိမိဘဝတွင် ဟာလာဟင်းလင်းနှင့် မည်သူကိုမျှ ရင်ဖွင့်ပြောကြား၍ မဖြစ်၊ ပြောလည်းမပြောချင်၊ သူများနှင့်လည်း မဆိုင်၊ ဘယ်သူမပြုမိမိမှု၊ ဦးချန်ထွန်းမှလွဲ၍ မည်သူမျှ သိနိုင်မည် မဟုတ်ပါ၊ နောက်ပိုင်းတွင် တစ်ယောက်တည်း ဦးတည်ရာမရှိ စိတ်သောက ဖိစီးပြီး စက်ဘီးတစ်စီးနှင့် လျှောက်သွားနေခဲ့သည်၊

ဝိတိုရိယ ဘုရင်မကြီးကိုယ်တိုင် နန်းတွင်းခေါ်၍ လက်ဖက်ရည်ပွဲနှင့် ဧည်ခံပြီး ဝိတိုရိယ ရွှေတံဆိပ်ဘွဲ့ကို ပေးခဲ့သည်၊ နန်းတွင်းတွင် အချိန်မရွေး ဝင်ထွက်ခွင့် အမိန့်ရသူတစ်ဦး၊ ဒုတိယကမ္ဘာစစ် မဖြစ်မီအထိ အင်္ဂလန်နိုင်ငံ ဥပဒေဘာသာရပ်တွင် သူ့လို ဒီဂရီအမြင့်ဆုံး အမှတ်မျိုး မည်သူမျှ မရရှိခဲ့၊ သူရေးခဲ့သော ဥပဒေစာအုပ်များသည် မြန်မာနိုင်ငံ တရားရုံးချုပ်တွင် ယခုထိ အသုံးပြုနေဆဲ ရည်ညွှန်းကိုး ကား နေဆဲဖြစ်သည်၊
ဆူးလေဘုရားကို မဖျက်ရန် အရေးဆိုခဲ့ရာတွင် နေမဝင်ဝိတိုရိယ ဘုရင်မကြီးထံ ကြေးနန်းနှင့်တစ်မျိုး၊ စာရေး၍တစ်ဖုံ သတ္တိရှိရှိ ရဲရဲတောက်တင်ပြခဲ့သူ၊ ဤမျှလောက် နိုင်ငံအတွက် အဖိုးတန်ရတနာသားကောင်း တစ်ဦးသည် အသဲကျွမ်းဝေဒနာ (ဝါ) စိတ်ထိခိုက်သော ဝေဒနာဖြင့် အသက် (၃၅) နှစ်တွင် ကွယ်လွန်ခဲ့ရသည်၊ ရေတိမ်နစ်ခဲ့ရသည်၊ နိုင်ငံအတွက် ဆုံးရှုံးမှု တ ရပ်အဖြစ် စာရေးသူဝမ်းနည်းစွာဖြင့် မှတ်တမ်းတင်ပါသည်၊ တစ်ချို့သောရခိုင်အချို့က မိမိကိုယ်ကို သတ်သေသွားသည်ဟု ပြောကြသည်၊ ဟုတ်မဟုတ်တော့ စာရေးသူ အတိအကျ စုံစမ်း၍မရပါ၊ ဒေါ်ရီရီဇံကို မေးကြည့် သောအခါ `မဟုတ်ပါဘူး`ဟုဆိုသည်၊ ဦးချန်ထွန်း၏ဖခင် သူဌေးကြီးဦးရဲကျော်သူသည် ကွယ်လွန်ခါနီးတွင် သားသမီး(၁၀)ယောက်ကို တစ်ယောက် လျှင် ရူပီး(၁၀)သိန်းကျစီ အမွေပေးခဲ့ရာ ဦးချန်ထွန်း၏သမီး Miss Marie Chan Tun သည် စစ်တွေမြို့သို့ လာ၍ အဘိုးပေးသော ရူပီ(၁၀) သိန်းကို လာယူပြီး အင်္ဂလန်သို့ ပြန်သွားပါသည်၊

ဓါတ်ပုံ၊ ဦးချန်ထွန်း၏ ဖခင် သူဌေးကြီးဦးရဲကျော်သူ ဆောက်လုပ်လှုဒါန်းခဲ့သော ဘုန်းတော်ကြီးကျောင်းကို ၁၉၄၂ ခုနှစ်က တွေ့ရစဉ်။နှင့်
ကိုးကား
အေးသိန်း၏ နိုင်ငံအကျိုးပြု အဖိုးတန်ရတနာများ (၂၀⁠၀၇-ခု၊ ဩဂုတ်လ)

crd,

Address

Bangkok
10270

Telephone

+959966666666

Website

Alerts

Be the first to know and let us send you an email when News & Knowledge posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News & Knowledge:

Shortcuts

  • Address
  • Telephone
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share