ၶွတ်ႇၾၼ်ႈ Khawt Fan Local News ᥑᥩᥖᥱᥜᥢᥲ

27/05/2024

သိုၵ်းတႆး SSPP/SSA ယၢင်ႇဢွၵ်ႇ ၸေႊဝဵင်းၼမ့်ၶမ်း

လိူၼ်မေႇ ၂၇ ပီႊပိုၼ့်တီႈပႃႇ ၂၀၂၄

မိူၺ်ႊ ဝၢႆးဝၼ်း သိုၵ်းတႆး SSPP/SSA ၸိူဝ်း ယူႇၸွမ်းသၢပ်ႇၼမ့်မၢဝ်း ပွတ်းၸေႊဝဵင်းၼမ့်ၶမ်း လႆႈယၢင်ႇဢွၵ်ႇမႅၼ့်မႅၼ့်။

ၵွပ်ႈလႆႈ သိုၵ်းၵူၼ်းလွၺ် ပီႈႁႂ်ႈသုတ့်ၶၢႆ့ သိုၵ်းတႆး SSPP/SSA ၾီႊၾႃႊဢိၵ်တိၵ် ႁႅၼ်းၶူဝ်းႁႅၼ်းလဵင်း ယၢင်ႇပၢႆႊ။

ဢဝ်သေ မၢၼ်ႈၵုၼ်ႊႁႆး၊ မၢၼ်ႈၼွင်မႃႉလူင်၊ မၢၼ်ႈႁွင်းလူင်၊ မၢၼ်ႈသွၼ်း၊ မၢၼ်ႈၼွင်ၶမ်း ၸိူၺ်း ယင်ႊဝႆ့ယင်ႊၶင့်။

မိူဝ်ႈဝႃးၶမ်ႈ သိုၵ်းၵူၼ်းလွၺ်ႊ လွမ့်တႃႈၶႃႇ ၼႂ်းဝူင်ႈၵၢင် မၢၼ်ႈၼွင်ၶမ်း တင်း မၢၼ်ႈၵုၼ်ႁႆး တတ်းၶၢတ်ႇ။

သိုၵ်းတႆး SSPP/SSA လၢင်ၸိူဝ်းယၢင်ႇဢွၵ်ႇမႃးၼၼ့် ၵႃႇၶွၼ်ႈၵၼ် ၼႂ်းဢိူင်ႇ ၁၉ မၢၼ်ႈ၊ ၸေႊဝဵင်းမူၸေႊ။

ၶၢဝ်ႇသတၢင်းႁဝ်း တၢၼ်ႈထိုင်ထႆႈ ပီႈၼွင့်ႁဝ်းၶဝ် ယူႇၶၼ်။


#ထုင့်မၢဝ်း
/SSA

21/12/2023

သိုၵ်းလွၺ်ႊၵုၺ့်ယႃႉ လၵ်းသဝ်ၽူႈႁတ်းငၢၼ်မိူင်းမႅၼ်ႇမႃႇ တီႈၶၢင်ႇဝဵင်းၼမ့်ၶမ်း

လိူၼ်တီႇသိမ်ႇပႃႇ ၂၁ ပီႊပိုၼ့်တီႈပႃႇ ၂၀၂၃

မိူၺ်ႊၵၢင်ၼႂ် သိုၵ်းလွၺ်ႊ ဢဝ်ၵႃးၸွၼ့်လိၼ် မႃႉၵုၺ့်ယႃႉလၵ်းသဝ်ၽူႈႁတ်းငၢၼ်မိူင်းမႅၼ်ႇမႃႇ ဢၼ်မီးတီႈၶၢင်ႇဝဵင်းၼမ့်ၶမ်း။

ၸဵမ်မိူဝ်ႈ သိုၵ်းမၢၼ်ႊယၢင်ႇဢွၵ်ႇတပ့်လူင်ၸၶၢၼ်းတိတ့် သိုၵ်းလွၺ်ႊႁဵတ်းၶၼ် ပူၵ်းသီ့တုင်းၸွမ်းႁူဝ်မၢၼ်ႈၼမ့်ၶမ်း၊ ပူၵ်းၼႂ်းၶၢင်ႇမၢၼ်ႈၼမ့်ၶမ်း လၢႆတီႈလၢႆလႅၼ်ႊ။

မိူဝ်ႈဝႃးသမ့် ႁဵတ်းလႆႈသိုၵ်းလွၺ်ႊ ၶဝ်ႈၵႃႇတၢင်းႁိုၵ်းၼမ့်မၢဝ်း တႃႈႁိူဝ်းမၢၼ်ႈသွၼ်း၊ တႃႈႁိူဝ်းၼွင်တိူၼ်း ယင်ႊၸၢင်ႊဝၢႆႈ တေႃႇထိုင်မိူၺ်ႊ။

ၶၢဝ်ႇသတၢင်းႁဝ်းတၢၼ်ႈထိုင်ထႆႈ တင်းလၢႆယူႇၶၼ်။


#အာဇာနည်ကျောက်တိုင်

13/12/2023

ၸူဝ်ႊပၢင်ႊယိုဝ်းသိုၵ်းလၢႆၾုင် မူဝ်ႈမူဝ်ႈသၢဝ်းသၢဝ်း ဝဵင်းၼမ့်ၶမ်း ဝိႁၢၼ်ႇၵၢၼ်ႇၵျွင်း ႁိူၼ်းယေးတူဝ်ၶွင် လူႉယႂ်ႇသုမ်းၼမ်

လိူၼ်သႅပ်ႇထိမ်ႇပႃႇ ၂၃ ပီႊပိုၼ့်တီႈပႃႇ ၂၀၂၃

မိူဝ်ႈဝႃး လႅင်မိၼ်ႊမႅင်းမီႈသိုၵ်းမၢၼ်ႊ ၃ လမ်း မႃးပွၺ်ႇၾုင်သိုၵ်းၼမ်လၢႆ ႁိမ်းမၢၼ်ႈၼွင်ၵွင်ႊ ၸေႊဝဵင်းၼမ့်ၶမ်း။ ၸဵမ်မိူဝ်ႈ ၾုင်သိုၵ်းမၢၼ်ႊ လူင်းလႅင်မိၼ်ႊ ၾုင်သိုၵ်းလွၺ်ႊၶဝ် ၸဝ်ႇၸီႊၸူဝ်ႊ ၽူင်ႊမႃးၶႃၸႂ်။ သဵင်ၵွင်ႈသဵင်မၢၵ်ႇ ၼၼ်ႈၼၼ်ႈမေႃးမေႃး ယင်ႊထၢတ်ႇ။ မိူၺ်ႊတင်းဝၼ်း ၾႃႉၵၢမ်ႈၾူၼ်တူၵ်း တိုၵ်းတိုၵ်းယိုဝ်းယိုဝ်း။

ၵူၼ်းၽႃးၵႃႇ ဢွၼ်ၵၼ်ပၢႆႊၶၢမ်ႈၼမ့်မၢဝ်း ၶပ့်ထၢႆထၢႆ။
ၸူဝ်ႊၾုင်သိုၵ်းလၢႆၾုင် မူဝ်ႈမူဝ်ႈသၢဝ်းသၢဝ်း ၸဵမ်တင်း လႅင်မိၼ်ႊမႃးယွၼ်ႇမၢင်ႇပွမ်း၊ ၵၢၼ်ႇၵျွင်းၶွင်သိၼ် ႁိူၼ်းယေးတူဝ်ၶွင် လူႉလူႉလႅဝ်လႅဝ်။

ၵျွင်းၵၢင်မိူင်း၊ ၵျွင်းမၢၼ်ႈၼႃး၊ ၵျွင်းထိူၼ်ႇ၊ ၵျွင်းဢူးယဵၼ်ႇ၊ ၵျွင်းပၺ်ႇၺႃႇရႃႇမ၊ ၵျွင်းၸေႇယသုၶ ၸိူၺ်း။ ႁိူၼ်းယေးၵူၼ်းၽႃးၵႃႇ ၺႃးမၢၵ်ႇၵွင်ႈ ၺႃးမၢၵ်ႇပွမ်းလႅင်မိၼ်ႊ ၺႃးၾုင်သိုၵ်း ယႃႉၶဝ်ႈႁိူၼ်း မူဝ်ႈမူဝ်ႈသၢဝ်းသၢဝ်း တဵၵ်းဢဝ်ၶွင်လၢႆႊ။

ၶၢဝ်ႇသတၢင်းႁဝ်းတၢၼ်ႈထိုင်ထႆႈ တင်းလၢႆယူႇၶၼ်။

ႁၢင်ႊပႃႈတႂ်ႈ - ၵျွင်းၸေႇယသုၶ။
ႁၢင်ႊလူၼ့် - သႅင်ႁၢၼ်။

13/12/2023

ၽိုၼ်လိၵ်ႈမၵ်းတိၼ်ႇ ဢၼ်လူဝ်ႇလႆႈ ႁဵတ်းၸွမ်းပွင်ၸွမ်း ႁႂ်ႈလူဝ်ႈထႅပ်ႊ ၼႂ်းလွင်ႈမူးၵၢၼ်ၵိုတ်းယိုဝ်း သိုၵ်းတႆးသွင်ၸုမ်း

လိူၼ်သႅပ်ႇထိမ်ႇပႃႇ ၁၃ ပီႊပိုၼ့်တီႈပႃႇ ၂၀၂၃

ၽိုၼ်လိၵ်ႈမၵ်းတိၼ်ႇ သိုၵ်းတႆးသွင်ၸုမ်း ပႃႇတီႇမႂ်ႇသုင်ၸိုင်ႈတႆး တင်း ၶွင်ႇသီႇဢဝ်ၶိုၼ်းၸိုင်ႈတႆး လၢင်လႆႈႁဵတ်းလိၵ်ႈမၢႆလၢႆးၵၼ်ၵႃႇ မိူဝ်ႈလိူၼ်ၼူဝ်ႇဝိၼ်ႇပႃႇလႆႈ ၂၉ ၼၼ့် မီးမိူၼ်ပႃႈတႂ်ႈ။

ၵူၼ်းတူၼ်ႈၵူၼ်းႁူဝ် တင်းသွင်ပႃႈသွင်ၼႃႈ ၽဵင်ႇၸႂ်ၵၼ်မၵ်းတိၼ်ႇ မီး ၉ ၶေႃႈ။ ဢၼ်လူဝ်ႇလႆႈ ႁဵတ်းၸွမ်းပွင်ၸွမ်း ႁႂ်ႈလူဝ်ႈထႅပ်ႊ ၼႂ်းလွင်ႈမူးၵၢၼ်ၵိုတ်းယိုဝ်း သိုၵ်းတႆးႁဝ်းသွင်ၸုမ်း ၶပ့်ဢၢၼ်း ႁႂ်ႈမၼ်ႈၵႅၼ်ႇၼႅၼ်ႈၼႃ။

ၶၢဝ်ႇသတၢင်းႁဝ်းတၢၼ်ႈထိုင်ထႆႈ တင်းလၢႆယူႇၶၼ်။

မႅဝ်းတီႈ

13/12/2023

ၵႂၢမ်းၼၢႆပီႊမႂ်ႇ ၂၁၁၈ ၼီႈ။ ၵေႃလိၵ်ႈလၢႆးလႄႈၽိင်ႈငႄႈတႆး-ၸေႊဝဵင်းမူႇၸေႊ။

လိူၼ်တီႇသိမ်ႇပႃႇ ၂၃ ပီႊပိုၼ့်တီႈပႃႇ ၂၀၂၃

07/12/2023

မၢၵ်ႇလႅင်မိၼ်သိုၵ်းမၢၼ်ႊ ယွတ်ႇသႂ်ႇၵူၼ်းမၢၼ်ႈႁူဝ်ၼႃး တၢႆၼမ်

လိူၼ်တီႇသိမ်ႇပႃႇ ၇ ၀ၼ်း၊ ပီႊပိုၼ့်တီႈပႃႇ ၂၀၂၃

မိူဝ်ႈဝႃးၵၢင်ၶိုၼ်း လႅင်မိၼ်သိုၵ်းမၢၼ်ႊမႃးယွၼ်ႇမၢၵ်ႇ ၼႂ်းၸေႊဝဵင်းၼမ့်ၶမ်း လၢႆပိၼ့်လၢႆပွၵ်ႈ ၵႃႇၵႃႇၶိုၼ်းၶိုၼ်း။ မၢၵ်ႇယွတ်ႇသႂ်ႇ ၵူၼ်းၽႃးၵႃႇ မၢၼ်ႈႁူဝ်ၼႃး(မၢၼ်ႈၵူၼ်းလွၺ်ႊ) မူႇမၢၼ်ႈၵွင်းၵၢတ်ႇ မၢတ်ႇ ၄ ၵေႃႉ တၢႆ ၅ ၵေႃႉ ။

မိူဝ်ႈဝႃးႁူဝ်ၶမ်ႈ ၵွပ်ႈလႆႈ ပၢင်ႊယိုဝ်းသိုၵ်းလၢႆၾုင် ႁႂ်ႈၾႆးမႆႈ မၢၼ်ႈလွၺ်ႊသႃႇ ဢၼ်ယူႇၵႂ်ႈ တပ့်လူင်သိုၵ်းမၢၼ်ႊၸၶၢၼ်းတိတ့်ၼၼ့်ၵႃႇ။ မႆႈၸူဝ်ႈၶႂ်ႊ ယင်ႊၸၢင်ႊၵႃႇတူၺ်ႈၵႂ်ႈ။

ၶၢဝ်ႇသတၢင်းႁဝ်းတၢၼ်ႈထိုင်ထႆႈ တင်းလၢႆယူႇၶၼ်။

မႅဝ်းတီႈ

06/12/2023

https://m.facebook.com/story.php?story_fbid=692249959665104&id=100066403194213&mibextid=Nif5oz

01/12/2023

ၵၢင်ၶမ်ႈ လႅင်မိၼ်ႊပွၺ်ႇမၢၵ်ႇ ၼႂ်းၶၢင်ႇဝဵင်းၼမ့်ၶမ်း

လိူၼ်တီႇသိမ်ႇပႃႇ ၁ ပီႊပိုၼ့်တီႈပႃႇ ၂၀၂၃

မိူၺ်ႊ ၵၢင်ၶမ်ႈ ၶိူဝ်ႊ ၉ မူင်းၶိုင်ႈ လႅင်မိၼ်ႊမႃးပွၺ်ႇမၢၵ်ႇ ထပ်းၵၼ် ၼႂ်းပွၵ့်ၼွင်ၸၢင့်(ၽၢႆႇႁွင်ႇ) ပွၵ့်ႁူဝ်ၵၢတ်ႇ ဝဵင်းၼမ့်ၶမ်း။ ၾႆးၾႃႉသမ့်မွတ်ႇ လမ်ၸုမ်းၵုမ်း တင်းမၢၼ်ႈတင်းမိူင်း။

ၸူဝ်ႈသႂ်ႇၵူၼ်းမိူင်း တၢႆၵေႃႉၼိူင်ႈ။ မၢတ်ႇ ၄ ၵေႃႉ။
(ၵိုင့်ၵၢင့် ယင်ႊႁူႉလႆႈမႅၼ့် ၽႂ်မၢတ်ႇထႅင်ႈ)။

ၵူၼ်းတၢၼ်ႈ ၾၢႆႇသိုၵ်းမၢၼ်ႊ မွၵ်ႇၶႆႊ ၼႂ်းငဝ်းႁၢင်ႊသဵင် တေဢဝ်လႅင်မိၼ်ပွၺ်ႇမၢၵ်ႇ ၸွမ်းၶၢဝ်ႊပၢင်ႊယိုဝ်းသိုၵ်း ၼႂ်းဝဵင်းၼွၵ်ႈဝဵင်း မီးၵူၼ်းမိူင်းၵေႃႈ ယင်ႊၵွၼ်း။

ၶၢဝ်ႇသတၢင်းႁဝ်းတၢၼ်ႈထိုင်ထႆႈ တင်းလၢႆယူႇၶၼ်။

မႅဝ်းတီႈ

ႁၢင်ႊတူင့် - ၵူၼ်းမိူင်းတၼ်းထၢႆႇၸူဝ်ႈ။

01/12/2023

မိူၺ်ႊၵၢင်ၼႂ် မၢၵ်ႇလႅင်မိၼ်ႊ တူၵ်းၸူဝ်ႈႁိူၼ်းယေးၵူၼ်းမိူင်း ၼႂ်းဝဵင်းၼမ့်ၶမ်း

လိူၼ်တီႇသိမ်ႇပႃႇ ၁ ပီႊပိုၼ့်တီႈပႃႇ ၂၀၂၃

မိူၺ်ႈၵၢင်ၼႂ် ၶိူဝ်ႊ ၈ မူင်းၶိုင်ႈ လႅင်မိၼ်ႊသိုၵ်းမၢၼ်ႊ ပွၺ်ႇမၢၵ်ႇ ၸူဝ်ႈသႂ်ႇႁိူၼ်းယေးၵူၼ်းမိူင်း ၼႂ်းပွၵ့်လူင် ပွၵ့်ႁူဝ်ၼွင်၊ ဝဵင်းၼမ့်ၶမ်း တင်းမႅၼ့် ၉ လင်။

မၢတ်ႇၸူဝ်ႈသႂ်ႇ ယႃႊၵူၼ်းထဝ်ႈ ၁ ၵေႃႉ၊ ၽူႈၸၢႆး ၁ ၵေႃႉ။ ၸုမ်းၶူမ်ႇၵူၶဝ် ထႅမ်ၵၼ် ၸီႊၸူဝ်ႊႁဵတ်းၶၼ် ဢဝ်ၵႃႇႁူင်းယႃႊမိူင်းၶႄႇ။ ၵူၺ်းဝႃႈ ယႃႊၵူၼ်းထဝ်ႈ ၵီႈၸူဝ်ႈႁႅင်းၾႅဝ် သမ့်မၢတ်ႇၸူဝ်ႈႁူဝ် ၵႃႊလႆႈပူတ်းၸႂ်ၵႃႇ။

ၶၢဝ်ႇသတၢင်းႁဝ်းတၢၼ်ႈထိုင်ထႆႈ တင်းလၢႆယူႇၶၼ်။

မႅဝ်းတီႈ

29/11/2023

ၾုင်သိုၵ်းမႁႃႇမဵတ့် တင်း ၾုင်သိုၵ်းမၢၼ်ႊ ယိုဝ်းၵၼ်ၵလီးၵထီး ၼႂ်းၶၢင်ႇမၢၼ်ႈတူင့်ၶၢၼ်ႊၼိူဝ် ၸေႊဝဵင်းမူႇၸေႊ

လိူၼ်ၼူဝ်ႇဝိၼ်ႇပႃႇလႆႈ ၂၉ ပီႊပိုၼ့်တီႈပႃႇ ၂၀၂၃

ၾုင်သိုၵ်းမႁႃႇမဵတ့် တင်း ၾုင်သိုၵ်းမၢၼ်ႊ ယိုဝ်းသိုၵ်းၶႃၸႂ်ၵၼ် ၼႂ်းၶၢင်ႇမၢၼ်ႈတူင့်ၶၢၼ်ႊၼိူဝ် ၸဵမ်မိူဝ်ႈ ႁူဝ်ၼႂ်တေႃႇထိုင် တၢမ်းၶမ်ႈ သဵင်ၵွင်ႈသဵင်မၢၵ်ႇၸင်ႇႁၢႆ။ ၵူၼ်းမၢၼ်ႈၵူၼ်းသူၼ် ၶမ်ၼႂ်းၵေႊမၢၵ်ႇၵွင်ႈ ယင်ႊၸၢင်ႊငွၵ်ႈႁူဝ်။ လႆႈဢိုၼ်ႇဝႆ့ တင်းဝၼ်း။

တၢမ်းၶမ်ႈဝၢႆးသဵင်ၵွင်ႈတဵတ်ႇ ထႃႈဝႃႈ ဢွၵ်ႇမၢၼ်ႈလႆႈၵေႃႈ ၵူၼ်းမၢၼ်ႈၵူၼ်းသူၼ် ၸီႊၸူဝ်ႊၽူင်ႊဢွၵ်ႇ ၶၢႆ့ၵႃႇတၢင်းဝဵင်းမူႇၸေႊ ၶၼ်ၽႂ်း။

တီႈ ၸိၼ်ႊသၢၼ်ႊၸူဝ်ႈ ႁိမ်းမၢၼ်ႈလွၼ်ႊဢိၼ်ႇ တင်း မၢၼ်ႈၵွင်းၶၢင် ၵႂ်ႈၵၼ်ၼၼ့်ၵေႃႈ လႅင်မိၼ်ႊ မႃးပွၺ်ႇမၢၵ်ႇ။ ၵူၼ်းမၢၼ်ႈ ၸဵင်းယၢင်း၊ မၢၼ်ႈလွၼ်ႊဢိၼ်ႇ ၸိူၺ်း ၸဵမ်မိူဝ်ႈၾုင်သိုၵ်းမႁႃႇမဵတ့် ၶဝ်ႈမႃး ပေႃးၶၢႆ့ၵႃႇပႅပ့်သွၼ်ႊ ႁိမ်းသၢပ်ႇၼမ့်ယၢင်း ၵႂ်ႈတႃႈၶႃႇလဵၵ်းမိူင်းၶႄႇ။

ၶၢဝ်ႇသတၢင်းႁဝ်း တၢၼ်ႈထိုင်ထႆႈ ပီႈၼွင့်ႁဝ်းၶဝ်ယူႇၶၼ်။

မႅဝ်းတီႈ

29/11/2023

တပ့်သိုၵ်းတႆးသွင်ၸုမ်း ၵွတ်ႇမႃႇၶွတ်ႇၾၼ်ႈ ႁဵတ်းၸွမ်းပွင်ၸွမ်း ၵၢင်ၸႂ်တင်းလၢႆ ၶႂ်ႈလႆႈၶႂ်ႈပဵၼ်

လိူၼ်ၼူဝ်ႇဝိၼ်ႇပႃႇလႆႈ ၂၉ ပီႊပိုၼ့်တီႈပႃႇ ၂၀၂၃

တပ့်သိုၵ်းသွင်ၸုမ်း ပႃႇတီႇမႂ်ႇသုင်ၸိုင်ႈတႆး တင်း ၶွင်ႇသီႇဢဝ်ၶိုၼ်းၸိုင်ႈတႆး ပူင်ႊလိၵ်ႈပၢဝ်ႇ ၽိုၼ်ၼိူင်ႈ။ ၶႆႈၸႂ်လူၺ်ႈ ၵၢင်ၸႂ်တင်းလၢႆ ၶႂ်ႈႁႂ်ႈတပ့်သိုၵ်းတႆးသွင်ၸုမ်း ၶွၼ်ႈႁႅင်းၶွတ်ႇၾၼ်ႈၵၼ်သေ လိၵ်ႈပူင်ႊပၢဝ်ႇၼၼ့် မွၵ်ႇၶႆႊမိူၼ်ပႃႈတႂ်ႈ။

၁။ ၶႆႈၸႂ်လူၺ်ႈ ၵၢင်ၸႂ်ၽႃးၵႃႇ တင်း သင်ႇၶတင်းလၢႆ မုင်ႊမွင်းၶႂ်ႈႁႂ်ႈ တပ့်သိုၵ်းသွင်ၸုမ်း SSPP လႄႈ RCSS ၶွတ်ႇၾၼ်ႈၽွမ့်ၸႂ်ၵၼ်သေ မိူဝ်ႈ ၂၀၂၃ လိူၼ်ဢေႃးၵၢတ့်လႆႈ ၁၀ ဝၼ်းၼၼ့် လႆႈၵိုတ်းယင့် လွင်ႈယိုဝ်းသိုၵ်းတေႃႇၵၼ်၊ လႆႈႁၢမ်ႈတၢၼ်ႈ လွင်ႈၶူင်ၶၢႆႇတေႃႇၵၼ်၊ လႆႈႁၢမ်ႈတႅမ်ႈ လွင်ႈသမ်ႇမုၵ့်ၶႃႉၸိုဝ်ႈ ၼိူဝ်ၶၢဝ်ႇသတၢင်းၸိူၺ်း။

၂။ မိူၺ်ႊ ၂၀၂၃ လိူၼ်ၼူဝ်ႇဝိၼ်ႇပႃႇလႆႈ ၂၉ ၵူၼ်းတူၼ်ႈၵူၼ်းႁူဝ် ဢၼ်တၢၼ်ႈလႆႈၶႆႊပဵၼ် ၼႂ်းတပ့်သိုၵ်း ပႃႇတီႇမႂ်ႇသုင်ၸိုင်ႈတႆး ၃ ၵေႃႉ ၸဵမ်တင်း ၽၢႆႇတပ့်သိုၵ်း ၶွင်ႇသီႇဢဝ်ၶိုၼ်းၸိုင်ႈတႆး ၄ ၵေႃႉ လႆႈတၢၼ်ႈတေႃႇၶဝ်ႈႁႃၵၼ်သေ ၽွမ့်ပဵင်းၸႂ်မၵ်းတိၼ်ႇ ၵိုတ်းတိုၵ်းယိုဝ်းသိုၵ်းတေႃႇၵၼ်။

၃။ ၼင်ႇႁိုဝ် ၵူၼ်းမိူင်းၽႃးၵႃႇ တင်း သင်ႇၶတင်းလၢႆ ၸဵမ်လုၵ်ႈသိုၵ်းတႆးႁဝ်းတင်းမႅၼ့် လႆႈႁူ့ၸွမ်းႁၼ်ၸွမ်းၼၼ့် ၸင်ႇလႆႈ ႁဵတ်းလိၵ်ႈပူင်ႊပၢဝ်ႇ မႅင်ႇၽၢဝ်ႇၸွတ်ႇၸွတ်ႇ။

ၶၢဝ်ႇသတၢင်းႁဝ်း တၢၼ်ႈထိုင်ထႆႈ ပီႈၼွင့်ႁဝ်းၶဝ်ယူႇၶၼ်။

မႅဝ်းတီႈ freedom

29/11/2023

ၾုင်သိုၵ်းလွၺ်ႊ ၵၢင်ၶူၼ်တၢင်း ႁိမ်းပႃႇႁဵဝ်ႈၸေႊလၢၼ့် ၵူၼ်းၵႃႇမႃးၶၢၼ်ၸႂ်

လိူၼ်ၼူဝ်ႇဝိၼ်ႇပႃႇလႆႈ ၂၉ ပီႊပိုၼ့်တီႈပႃႇ ၂၀၂၃

ၼႂ်ၼႆ့ ၾုင်သိုၵ်းလွၺ်ႊ ၵၢင်ၶူၼ်တၢင်းၵႃး ႁိမ်းပႃႇႁဵဝ်ႈၸေႊလၢၼ့်၊ ဝူင်ႈၵၢင် ၽၢႆႇတိၼ်ဝဵင်း တင်း မၢၼ်ႈၵွင်းၼႃး။ ၵူၼ်းၵႃႇမႃးတင်းလၢႆ ႁေႃႈၵႃးဝၢၵ်ႈမႃး ၶပ့်ထၢႆထၢႆ ၼႂ်းၶၢင်ႇမၢၼ်ႈ ၸေႊလၢၼ့်။

ၸူဝ်ႊၵႃႊ ၾုင်သိုၵ်းမႁႃႇမဵတ့် တင်း ၾုင်သိုၵ်းမၢၼ်ႊ ယိုဝ်းၵၼ် ၶူၼ်တၢင်းၵႃး မူႇၸေႊ-ၼမ့်ၶမ်း ၵမ်းၵမ်းဢိုတ်း။ မိူၺ်ႊၵေႃႈ တီႈဢွင်ႈတွၼ်းၵႃး မၢၼ်ႈၶမ်း ဝဵင်းၼမ့်ၶမ်း ငိၼ်းဝႃႈ ၵၢင်ၶူၼ်တၢင်းဝႆ့ၼင်ႇၵဝ်ႇ။

ၸူဝ်ႊၶူၼ်တၢင်း ၵႃႇမႃးယၢပ်ႇ မၢင်ႊၽွင်ႈ ၵွၺ်းလႆႈၶၢမ်ႈတႃႈၼမ့် ႁဵတ်းလၢႆတၢဝ်ႇ ၸင်ႇၶိုတ့်ၶွၺ်ႊၵၼ်။ တႃႈႁိူဝ်း မၢၼ်ႈၼွင်ႁဵၼ် ဢိုင်ႇမၢၼ်ႈႁဵဝ်းတႄ့ ၾုင်သိုၵ်းပလွင်ႈ ၵၢႆႇသုမ့်ႁဵတ်းသွင်း ပႂ်ႉတီႈၽၢၵ်ႈၼမ့်ၽၢႆႇၵွင်းၼႃးဝႆ့လႄႈ ယင်ႊၸၢင်ႊဝၢႆႈ။

ၶၢဝ်ႇသတၢင်းႁဝ်းတၢၼ်ႈထိုင်ထႆႈ ပီႈၼွင့်ႁဝ်းၶဝ်ယူႇၶၼ်။

မႅဝ်းတီႈ

ႁၢင်ႊ - ၶၢင်ႇမၢၼ်ႈ မိူင်းၸေႊလၢၼ့်

28/11/2023

ၵူၼ်းၽႃးၵႃႇ မိူင်းယု(၁၀၅လၵ်း) မၢတ်ႇၸဵပ်းတၢႆႁၢႆ ၵေႊပၢင်ႊယိုဝ်းသိုၵ်း

လိူၼ်ၼူဝ်ႇဝိၼ်ႇပႃႇလႆႈ ၂၈ ပီႊပိုၼ့်တီႈပႃႇ ၂၀၂၃

မိူၺ်ႊႁူဝ်ၼႂ် ၵူၼ်းၽႃးၵႃႇမိူင်းယု သိၵ့်မၢၵ်ႇလူင်ၸူဝ်ႈသႂ်ႇ ၃ ၵေႃႉ။ ပဵၼ်ၼႂ်းၵိဝ်ႇ ၵႂ်ႈ KTV 123 မိူင်းယု၊ ၸေႊဝဵင်းမူႇၸေႊ။

ၶိူဝ်ႊဝၼ်းၸၢႆ့ၼၼ့်ၵေႃႈ လႅင်မိၼ်ႊမႃးပွၺ်ႇမၢၵ်ႇ တီႈမၢၼ်ႈမူဝ်ႈ၊ ဢိုင်ႇမိူင်းယု။ မီးၵူၼ်းမၢတ်ႇ ၵူၼ်းတၢႆ ၵမ်ႈၽွင်ႈ။ ၽႂ်ယင်ႊၸၢင်ႊၵႃႇၶူမ်ႇၵူ ၵွပ်ႈယူႇၵေႊပၢင်ႊသိုၵ်းသိူဝ်။ မၢၼ်ႈမူဝ်ႈ၊ ယူႇသၢပ်ႇလွၺ် ၸဵင်ႇၸၢၼ်းဝၼ်းတူၵ်း မိူင်းယု(၁၀၅)။

မိူဝ်ႈဝႃး လိူၼ်လႆႈ ၂၇ ႁႅင်းဝၼ်း ၶိူဝ်ႊ ၂ မူင်း ၾႆးမႆႈၶွၵ်ႈၶူဝ်းၵူဝ်ႇတွင်ႇ Junction River ၵွပ်ႈ မၢၵ်ႇလူင်တူၵ်းၸူဝ်ႈ။

လိူၼ်လႆႈ ၂၇ ၶၢဝ်းတၢမ်းၶၢမ်ႈၼၼ့်ၼင်ႇၵဝ်ႇ မၢၵ်ႇလူင်တူၵ်းသႂ်ႇ ၶွၵ်ႈငူဝ်းၼမ့်တူႈ ၼႂ်း မၢၼ်ႈမူဝ်ႈ၊ ဢိုင်ႇမိူင်းယု။ တၢႆ ၃ ၵေႃႉ မၢတ်ႇ ၃ ၵေႃႉ။ ၼႂ်းလၢင်တၢႆၼၼ့် ပႃးဢေဢွၼ်ႇ ၂ ၵေႃႉ။ ၵူၼ်းယူႇၵႂ်ႈတႄ့ဝႃႈ ပဵၼ်မၢၵ်ႇ လႅင်မိၼ်ႊ ပွၺ်ႇၸူဝ်ႈ။

ၶၢဝ်ႇသတၢင်းႁဝ်း တၢၼ်ႈထိုင်ထႆႈ ပီႈၼွင့်ႁဝ်းၶဝ်ယူႇၶၼ်။

မႅဝ်းတီႈ News

27/11/2023

တပ့်သိုၵ်း ပႃႇတီႇမႂ်ႇသုင်ၸိုင်ႈတႆး တဵၵ်းသႅဝ်ႈ ၸုမ်းၸႃၾႅၼ်ၸုမ်းၼိူင်ႈ ၼႂ်းတူင်ႇဝဵင်းၼမ့်ၶမ်း ထိုၼ့်သူင်ႇႁႂ်ႈ လူင်ပွင်ႊၸိုင်ႈၶႄႇၸူင်ႊၵေႃၸိူၼ်ႇၾူး

လိူၼ်ၼူဝ်ႇဝိၼ်ႇပႃႇ လႆႈ ၂၇ ပီႊပိုၼ့်တီႈပႃႇ ၂၀၂၃

တပ့်သိုၵ်း ပႃႇတီႇမႂ်ႇသုင်ၸိုင်ႈတႆး SSPP/SSA လႅမ်းသွၵ်ႊတဵၵ်းသႅဝ်ႈလႆႈ ၸုမ်းၸႃၾႅၼ်ၸုမ်းၼိူင်ႈ လၢင်မႃးတင်ႈၼႂ်းလႅၼ်ႊလိၼ်ဢုပ့်ပိူင်ႇ တပ့်သိုၵ်း ပႃႇတီႇမႂ်ႇသုင်ၸိုင်ႈတႆး တူင်ႇဝဵင်းၼမ့်ၶမ်း ႁိမ်းလႅၼ်ႊမိူင်း၊ မိူင်းမၢၼ်ႊ-ၶႄႇ တီႈၼိူင်ႈ မိူဝ်ႈလိူၼ်လႆႈ ၂၃။

ၼႂ်းၵႃႊ တဵၵ်းသႅဝ်ႈလႆႈၼၼ့် ပႃးၵူၼ်းမိူင်းၶႄႇ ၈၈ ၵေႃႉ၊ ၵူၼ်းမိူင်းမၢၼ်ႊ ၂၈ ၵေႃႉ၊ ၶွၼ်ႈၵၼ်မႃး ၁၁၆ ​ၵေႃႉ။ တဵၵ်းသႅဝ်ႈလႆႈတင်း ၶိူင်ႈၶွင် ၶွမ်း ၁၄၅ ႁူၺ်ႇ၊ ၾူင်း ၂၀၄ ႁူၺ်ႇ၊ ၸေႈၶႄႇ ၁၉,၁၅၀ ယႅၼ့်၊ တိူၵ်ႈသႂ်ႇသူဝ် ၁ ႁူၺ်ႇ၊ ၵႃးလႅၼ်ႇၶလူႇသႃႇ ၁ လမ်း။ ၸိူဝ်းပဵၼ် ၵူၼ်းမိူင်းၶႄႇ ၈၈ ၵေႃႉၼၼ့် ပေႃးထိုၼ့်သူင်ႇႁႂ်ႈ လူင်ပွင်ႊၸိုင်ႈၶႄႇၵႃႇ ၸဵမ်မိူဝ်ႈ လိူၼ်လႆႈ ၂၃ ယဝ့်။

ထႃႈသေ ၸိူဝ်းပဵၼ်ၵူၼ်းမိူင်းမၢၼ်ႊ ၂၈ ၵေႃႉၼၼ့်တႄ့ တပ့်သိုၵ်း ပႃႇတီႇမႂ်ႇသုင်ၸိုင်ႈတႆး တေၸႅပ့်ၸီႇထၢမ်ၸေးယဝ့် ၸင်ႇဢဝ်တၢၼ်ႈၾိင်ႈ။

ၶၢဝ်ႇသတၢင်းႁဝ်းတၢၼ်ႈထိုင်ထႆႈ တင်းလၢႆယူႇၶၼ်။

မႅဝ်းတီႈ - #ကျားဖျန့်

01/11/2021

21/01/2021

မၢႆၶႅပ်း 0571 - 0575
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

21/01/2021

မၢႆၶႅပ်း 0561 - 0570
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

15/08/2020

မၢႆၶႅပ်း 0550 - 0560
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

19/07/2020

မၢႆၶႅပ်း 💿 0541 တေႃႇ 0550 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

19/07/2020

မၢႆၶႅပ်း 💿 0521 တေႃႇ 0530 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

19/07/2020

မၢႆၶႅပ်း 💿 0511 တေႃႇ 0520 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

19/07/2020

မၢႆၶႅပ်း 💿0501 တေႃႇ 0510 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

17/07/2020

မၢႆၶႅပ်း 💿 0491 တေႃႇ 0500 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

17/07/2020

မၢႆၶႅပ်း 💿 0481 တေႃႇ 0490 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

17/07/2020

မၢႆၶႅပ်း 💿 0471 တေႃႇ 0480 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

17/07/2020

မၢႆၶႅပ်း 💿 0461 တေႃႇ 0470 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

17/07/2020

မၢႆၶႅပ်း 💿 0451 တေႃႇ 0460 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

17/07/2020

မၢႆၶႅပ်း 💿 0441 တေႃႇ 0450 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။

17/07/2020

မၢႆၶႅပ်း 💿 0431 တေႃႇ 0440 📀
🚦 မွၼ်း DVD
🏦 ဝၢင်းၸွင်းၵွင်းမူးၶမ်း၊ မူႇ​ၸေႊ။