Zomi Congress for Democracy

24/10/2024

Party K*m 36 cin thugenna

Pu Kam Lam Khup
Joint Secretary

24/10/2024

PARTY K*M 36 CIN THUSUAH

Nimit: October 24, 2024

1. 1988 k*m Zomi National Congress Party kipat pan tuni d**g k*m 36 sung vilvel hong nusia hetlo in lam hong lak, hong makaih tawntung a nungta PASIAN tungah lungdamna lianpi i ko hi.

2. K*m 36 sung in makai masa tampi tak in hong nusia khin himah leh amau hong khunsak policy te mah kiptak len a, maban kizom toto thei ahih manin husan beid**g gam leh minam ading mapang makai masate phawkna leh zahtakna i pia hi.

3. Party in gamvai buaina gamvai mah tawh leptuah ding cih lunggulhna tawh March 24, 2023 in Union Election Commission (UEC) tungah lai kiphah thak hi. August 5, 2024 in lai nambat ၃/နငရ - မပတ (၁၉)/ ကမရ tawh hong thukkik in party registration thu khun article 6 paulap tawh hong nial uh hi.

4. 1947 Panglong Thukimna leh 1961 States Unity Organization (Taunggyi) Thukimna te bulphuh in Zomi Congress for Democracy (ZCD) party kihel mualtungmi kipawlna 12 te ahi People’s Representatives Committee for Federal (PRCF) in February 12, 2024 in Federal Democracy Belpawl Gam Thuguiletpi (Constitution) kitangko khia hi. Myanmar belpawl gam sung khuasa mimal kim liangko kikim ding lunggulhna bulphuh Thuguiletpi ahi hi.

5. Federal Democracy diktak ngah theihna ding lunggulhna tawh PRCF tangmi khat in Jakarta, Indonesia gam ah ASEAN Envoy tawh kamkupna kinei hi. Tua ban zom in Federal Democracy ngahna dinga mapang gamsung gampua kipawlna tuamtuamte tawh zong a hunhun in kamkupna kinei toto hi.

6. ZCD Party in PRCF tawh thukimna om mah bangin 2008 Thuguiletpi siksan a kibawl sepna tuamtuamte ah kihel lo ding hi. Federal Democracy Belpawl Gam diktak ngah masiah haksa taleh lungsit lo in lungdeih li bang cin d**g citak tak in ma kipang suak ding hi. Zomi khempeuh in zong gam leh minam ading septheihna tek pan itna bulphuh in khut kilen a sepkhop ding kong hanthawn uh hi.

Central Executive Committee
ZOMI CONGRESS FOR DEMOCRACY PARTY
Headquarters

20/08/2024

DAHPIHNA

Nimit: August 20, 2024

Kalay District committee ah Party president ahi Pu Lian Sian Suang in August 19, 2024 in kal natna tawh leitung hong nusia ahih manin a nusiat innkuanpihte tawh kibangin DAHNA i pulak hi.

Pu Siantawng pen citak tak in a husan bei d**g gam leh minam ading pantheihna pan thasial het lo in mapang den khat ahi hi. Kalay District committee ah president sem bek thamlo in 2020 kiteelpi ah zong Saggaing Region Hluttaw, No. (2) Constituency a dem ahi Pu Kam Lam Khup’ campaign manager sem in thagui thatang iksit lo a mapang khat ahi hi. A nusiat innkuanpihte leh a dah a kap khempeuh tungah Hehnepna kicing T**A PASIAN in hong piaksak ta hen.

Zomi Congress for Democracy
Central Executive Committee
Headquarters.

18/08/2024

Zomi National Congress Party hun lai-in ZNC ihminam Party iisepna lian khat kong pulaak nuam hi.

Tua Dr.Joseph Herbert Cope pen
" Christ’s Light Hero Award” lungdamna lak khiatna leh pahtawina lai pen amah phawkna k*mza cin jubilee"Centennial Jubilee “ah kipia hi.

13/08/2024

DAHPIHNA
Nimit: August 13, 2024

Zogam Lapu ahi Pu Thang Sian Khai Khai in August 8, 2024 in a phatphat PASIAN’ anglai ah hong zuatsan cih i zak manin Zomi Congress for Democracy Party pan DAHNA i pulak hi.

PASIAN phatna late, Zogam Zomi itna late leh veina tak tawh na awi zailate in Zomi sung hong phonglo in na lungtupte zong hong tangtun pih lai ding hi. Na vawhsa khaicite in Zola tangthu ah tul ngeilo dinga a khang a khang in ki-awiawi ding hi.

Zogam leitang ngahkik mateng in Tuun sung khat piang Zosuanta te’n heina pian in dang zong sakmi khangmi kikhen lo-in, sinthu tuibang luangkhawm a puan bang keeksa Zogam Tuunu na phop kik ding hi ung. Taang na lungtup heisa bang hong p**l ni, Zota lungdeih Zogam zangni’n hong tanni na awih zailate’n Zogam mualkuam thawn in Tung Sianmang min paak bang tawi sang ding hi.

Thangvan ah tui bang kigawm dingin hai bang hong na ngak in.
Zal Mangpha maw, Zogam Lapu.

Central Executive Committee
Zomi Congress for Democracy
Headquarters.

09/08/2024

Party pan Hopihna

By, Pu Gin Kam Lian

09/08/2024

PARTY THUSUAH
Nimit: August 9, 2024

1. Myanmar gamvai buaina gamvai mah tawh leptuah ding lunggulhna hangin Zomi Congress for Democracy Party in March 24, 2023 in Union Election Commission thak tungah party registration thukhun zui-in lai kiphah hi.

2. Union Election Commission tung pan August 5, 2024 in party registration thukhun article 6 na tawh kikai-awk cih paulap in lai nambat ၃ / နငရ - မပတ (၁၉) / ကမရ tawh hong nial uh hi.

3. Abeisa 1992 k*m in zong United Nationalities League for Democracy ah kihel mualtungmi party 23 lak pan Zomi National Congress kihel party 19 hong phiat uh hi. Tua bek thamlo in Yangon ah thukhen zum (special court) tuambawl ngiat in thusitna hong nei uh a, teelcing tangmi 2 leh campaign manager 2 te tungah zawhthawh thu tawh k*m 10 sung gamvai sem theilo ding cih thukhenna hong nei uh hi.

4. 1992 hun lai-in ZNC/ZCD Party hong “phiat” uh hangin nasep kikhawl tuanlo hi. Mualtungmi party dangte tawh kipawl in Committee Representing the People’s Parliament (CRPP) ah peek khat zong khiam lo in maban i zop bang lian danin tu-in zong belpawl kipawlna ahi People’s Representative Committee for Federal (PRCF) tawh khut kilen in Myanmar gam ah Federal Democracy diktak ngah d**g ma kipang to suak ding hi.

5. Mipite tawh thu khat in abeisa hun ah haksatna tampi i nawk khopzawh mah bangin tu-in zong pantheihna tek pan thasan in lungtup tun d**g hanciam khawm lai ni ci-in kong zawn uh hi.

Central Executive Committee
Zomi Congress for Democracy

05/08/2024

31/07/2024

DAHPIHNA

Nimit: July 31, 2024

Zogam leh Zomi ading ngimna lianpi tak tawh khaici tuh in husan tawp d**g mapang ahi Pu Thang Khan Gin (Ngaihte) in July 27 ni-in a nasep mabante khangthakte tungah hong nusiat in PA kiang hong zuatsan ahih manin nakpi tak in DAHNA Zomi Congress for Democracy Party pan in i pulak hi.

Zosuantate kigawmkhoptheih nading lunggulhna tawh Zomi National Congress (ZNC), Zomi Revolutionary Volunteers (ZRV) leh Zo Re-unification Organization (ZORO) kipawlnate ah makai sem in Zomi movement hong pankhia bek thamlo UNO d**gah na mapangnate cikmah hun in Zomite tangthu ah kimangngilh ngeilo ding hi. Pu T. Gou Gin leh Pu Thang Khan Gin (Ngaihte) phuat ZNC mah siksan in 1988 k*m Myanmar gamah political party kiphuat theih ciang Zomi National Congress mah kikipsak suak a, 1990 k*m kiteelpi ah Tedim leh Tonzang pan teelcing khat tuak kingah hi.

Makai masate patsa Zosuantate kigawmkhoptheihna zingni hong suak d**g haksa taleh khahsuah het lo in nong nusiat uh Zosuan khangthak ten matut d**g lungkia het lo in maban na zom ding hi ung cih tawh Mangpha kong khak uh hi.

Central Executive Committee
Zomi Congress for Democracy
Headquarters.

28/07/2024

DAHPIHNA

Nimit: July 28, 2024

Husanna a bei d**gin Zomi itna ngiat tawh ZCD/ZNC thukhunte lenkip tinten a pantheihna khempeuh ah thalengal, neihsa lamsa iksit het lo in mapang den ahi Saizang khua a teng ZCD makaipi Pa Zam Khan Pau in kalnatna tawh July 24 ni hong nusia ahih manin a nusiat innkuanpihte leh neseppihte tawh kibangin party pan in DAHNA i pulak hi.

Pa Zam Khan Pau pen Saizang khua ah 2015 & 2020 kiteelpi ah gualzawh nading in etteh huai takin mapang khat ahi hi. A nusiat innkuanpihte leh a dah a kap khempeuh tungah Hehnepna kicing T**A PASIAN in hong piaksak ta hen.

Zomi Congress for Democracy
Central Executive Committee
Headquarters.

20/02/2024

Zomi Nam Ni Hopihna
February 20, 2024

Pu Gin Kam Lian
President
Zomi Congress for Democracy

20/02/2024

ZOMI NAM NI
K*M 76 CIN THUSUAH
Nimit: February 20, 2024

1. Chin Special Division huam sung a-om mipi kikaihkhopna khawmpi 1948 k*m February 19-22 sung Falam khuapi ah kibawl hi. Tua khawmpi kah mi atamzaw thukimna dungzui in Chin Hills Regulation Act kibeisak ahih manin Zomi ten Zogam leitang tungah thuneihna tuni d**g kinei nawnlo hi.

2. Zogam leitang tungah Zomite thu neihna aomkik ding lunggulhna tawh 1947 Panglong Thukimna bulphuh in 1988 k*m pan Zomi National Congress/Zomi Congress for Democracy party in thu (policy) lampi tawn in hanciamna k*m (35) valta himah leh mual kisuah zo nailo hi.

3. Zomi lunggulhna ahi Zogam leitang tungah thu neihtheih kikna dingin itna bulphuh a khut kilet nasep khop ding kong zawn uh hi.

Central Executive Committee
ZOMI CONGRESS FOR DEMOCRACY PARTY
Headquarters

16/02/2024

Mualtung mite kipawl khopna PRCF te tangko ahi, 1947 pek lungtup Federal Democratic Constitution k*m (2) val kibuai pih hi.
Ref.
1947 Constitution thanemna enkik!
1961 Taunggyi Conference leh 2000 k*m pan gamsung gampua kibawl ahi FCDCC (2) Draft Constitution te siksan a kipuah kik hi!

29/11/2023

I GAM HILO HIAM! Pu LS Mangboi Lhungdim (1974 ~ 2023) Gam adingin a nuntakna a luangkham in galphual ah hong nusia hi a, a nuntakna leh a laphuah in Zosuante...

24/10/2023

ZOMI NATIONAL CONGRESS/ ZOMI CONGRESS FOR DEMOCRACY PARTY

K*M (35) CIN THUSUAH

(Paunak 14:34)

Nimit: October 24, 2023

1. K*m (35) sung tawntung lam hong lak a nungta PASIAN min i phat hi. Kha Siangtho makaihna tawh Zomi te Committee of Representing People’s Parliament ah panlakna leh Panglong Nihna sapkik theihna ding lam sialna te hangin Myanmar gam leh UN in Zomi cih hong thei uh hi.

2. Party k*m (34) cin thusuahna ah itangko sa thu li te mah ibulphuh zawh ciang bek in Federal Democracy diktak kilam zo pan ding hi ci-in ka um uh hi.
i. Union diktak thuguiletpi (Constitution) thak gelhpha ding.
ii. Central thuneihna (Concurrent power) ciangtan in atam zaw thuneihna (Residual power) state te tungah pia ding.
iii. Hluttaw dawlnih koih in a tungnung leh a nuainung thuneihna (power) kikim ding.
iv. Hluttaw dawl tungnung ah state tangmi a kikim in puak ding.

3. ZNC/ZCD party in ikhutlet ahi gamvai (politics) buaina pen gamvai (politics) mah tawh lemtuah ding cih lunggulhna hangin party registration zong puahphatna kinei thei hi. Hih puahphatna in State Administration Council (SAC) tawh kipawlna leh kiteel lutna ding lunggulhna tawh kivaihawm hilo hi. Gamvai buaina gamvai mah tawh leptuah na ah Zomite’ aw kihel theihna ding lunggulhna ahi hi.

4. Azu aham ithuakpih United Nationalities Alliance (UNA) leh People Representative Committee for Federal (PRCF) te mah tawh tangzai zaw semsem in mapan khopna te kizom toto hi. Zomi khat ciat in zong ei pan theihna tek pan in Zomite lunggulh kung itung d**g itna bulphuh in khut kilen ding kong hanthawn uh hi.


Central Executive Committee

ZOMI CONGRESS FOR DEMOCRACY PARTY

Head Quarter

20/02/2023

K*m (75) Cin ZOMI NAM NI Message

By
Pu Gin Kam Lian
General Secretary
Zomi Congress for Democracy