https://www.facebook.com/107405744974328/

Thanbyuzayat News - သံဖြူဇရပ်သတင်းစုံ, Thanbyuzayat (2025)

23/11/2024

ဇွဲကပင်တောင်ပေါ်၌ လူထပ်မံပျောက်ဆုံးနေကြောင်း ကနဦး သိရှိရ…

ဘားအံ၊ နိုဝင်ဘာ ၂၃၊၂၀၂၄

ကရင်ပြည်နယ် ဘားအံမြို့ရှိ ဇွဲကပင်တောင်ပေါ်(ခလောက်နို့)ဘက်ခြမ်း၌ တောင်ခြေတွင် ဆိုင်ကယ်တွေ့ရှိပီး
ရွှေအင်တုံစခန်းအနီး ချောက်ကမ်းပါးနားတွင်
ဖိနပ်တစ်ရံ ဖုန်းတစ်လုံး နှင့် ဆိုင်ကယ်သော့ တွေ့ရှိထားတယ်လို့ ကနဦး ဒေသခံတွေရဲ့ ပြောကြားချက်အရ သိရပါတယ်။ ယခုအခါ ဘားအံမြို့မှ လူမူကယ်ဆယ်ရေးအဖွဲ့များက ကြိုးစား ရှာဖွေနေကြပြီး နောက်ဆက်တွဲသတင်းများ သိရှိရပါက ထပ်မံဖော်ပြပေးသွားပါမည်။

Crd

08/11/2024

သံဖြူဇရပ်မှာ နှစ်ဖက်တိုက်ပွဲ ပြင်းထန်နေ

သံဖြူဇရပ်၊ နိုဝင်ဘာ ၈

မွန်ပြည်နယ် သံဖြူဇရပ်မြို့နယ် စခန်းကြီးကျေးရွာအုပ်စုထဲ စစ်ကောင်စီတပ် စစ်ကြောင်းထိုးလာတဲ့အတွက် နှစ်ဖက်တိုက်ပွဲ ပြင်းထန်နေတယ်လို့ ဒေသခံတွေနဲ့ တော်လှန်ရေးအင်အားစုတွေထံကနေ သိရပါတယ်။

တပ်အင်အား ၈၀ ကျော်ပါတဲ့ စစ်ကောင်စီစစ်ကြောင်းဟာ နိုဝင်ဘာ ၅ ရက်နေ့ကစပြီး စခန်းကြီးကျေးရွာအုပ်စုထဲ စစ်ကြောင်းထိုးဝင်ရောက်လာတဲ့အတွက် နှစ်ဖက်တိုက်ပွဲ နေ့စဉ်နဲ့အမျှ ဖြစ်ပွားနေတာပါ။

နိုဝင်ဘာ ၅ ရက်နေ့က ဖြစ်ပွားခဲ့တဲ့ နှစ်ဖက်တိုက်ပွဲအတွင်း စစ်ကောင်စီတပ်က လေယာဉ်နဲ့လာရောက် ဗုံးကြဲတိုက်ခိုက်ခဲ့သလို သံဖြူဇရပ်မြို့နယ် ဝဲကလိတပ်နယ်ကလည်း လက်နက်ကြီး ပစ်ကူပေးခဲ့ပါတယ်။

အဲဒီတိုက်ပွဲတွေဟာ နိုဝင်ဘာ ၇ ရက်နေ့မှာလည်း ဆက်လက်ဖြစ်ပွားနေပြီး စစ်ကောင်စီစစ် ကြောင်းဟာ ဇီးနှစ်ပင်ကျေးရွာထဲ ပိတ်မိနေတယ်လို့ ဒေသခံတွေက သံလွင်တိုင်းမ်ကို ပြောပါတယ်။

တိုက်ပွဲကြောင့် စခန်းကြီး၊ ဇီးနှစ်ပင်၊ ရဲတံခွန်၊ ရွာသစ်၊ ပယော်ဟဲကျေးရွာက ဒေသခံတွေ ရွာလုံး ကျွတ်နီးပါး နေရပ်စွန့်ခွာ ထွက်ပြေးတိမ်းရှောင်နေရတယ်လို့ ဆိုပါတယ်။

သံဖြူဇရပ်မြို့နယ် စခန်းကြီးကျေးရွာအနီးဝန်းကျင်ဒေသဟာ ကရင်အမျိုးသားလွတ်မြောက်ရေးတပ်မတော် KNLA တပ်ရင်း ၂၇ ၊ ပြည်သူ့ကာကွယ်ရေးတပ်မတော် PDF စစ်ကြောင်းတွေဖြစ်တဲ့ ကျားဖြူ၊ နဂါးနီးစစ်ကြောင်းတွေ ထိန်းချုပ်ထားတာ ဖြစ်ပါတယ်။

ပြီးခဲ့တဲ့ရက်ပိုင်းကလည်း စစ်ကောင်စီဘက်က မွန်ပြည်နယ် ကျိုက်ထိုမြို့နယ်ထဲ စစ်ကြောင်းထိုးဝင်ရောက်လာတဲ့အတွက် နှစ်ဖက်တိုက်ပွဲတွေ ဖြစ်ပွားခဲ့ပြီး နှစ်ဖက်ထိခိုက်သေဆုံးမှုတွေ ရှိခဲ့တာပါ။

08/11/2024

မော်လမြိုင် မင်းသန့်ဆီဆိုင်မီးလောင်မှုဖြစ်ပွားပြီး ဒဏ်ရာပြင်ထန်းသည့်ဆီ‌ဘောက်ဆာမောင်းသူ ၈.၁၁.၂၀၂၄ ယနေ့မနက်(၅)နာရီခွဲတွင်‌ကွယ်လွန်။

07/11/2024

မော်လမြိုင် ရိုးဂိုးကျေးရွာ မင်းသန့်ဆီဆိုင်မီးလောင်မှုဖြစ်ပွားခဲ့။

မီးငြိမ်းသတ်ပြီးမှ ဆီတိုင်ကီပေါက်ကွဲမှုကြောင့်မီးသတ်သမား ၆ ဦး လူမှုကယ်ဆယ်ရေးအဖွဲ့ဝင် ၁၃ ဦး ထိခိုက်ဒဏ်ရာရသည်ဟုကြားသိရ။

07/11/2024

မောင်အောင်မျိုးသန့်
အသက် 15နှစ် ၁၀ တန်းကျောင်းသားပါ။
ပျောက်ဆုံးနေပါသဖြင့်တွေ့ရှိခဲ့ပါက အမြန်ဆုံးသတင်းပို့ပေးကြပါရန်မေတ္တာရပ်ခံပါသည်။

သံဖြူဇရပ်မြို့ အောင်ဇေယျ တိုးချဲ့ 6 လမ်း

ရီုဗၚ်ညိဂကူမန်ပိုဲ🥺🙏

03/11/2024

သံဖြူဇရပ်ကိုအလည်ရောက်ခဲ့တဲ့ ကိုပိ

02/11/2024

သတိရရင်ပြန်လာပါ
#သံဖြူဇရပ်
゚

01/11/2024

စစ်ကောင်စီဖမ်းဆီးမှုကြောင့် သံဖြူဇရပ်မြို့ ပိုင်ရှင်မဲ့လူမှုကူညီရေးအသင်းဖျက်သိမ်း

သံဖြူဇရပ်၊ နိုဝင်ဘာ ၁

မွန်ပြည်နယ် သံဖြူဇရပ်မြို့အခြေစိုက် ပိုင်ရှင်မဲ့လူမှုကူညီရေးအသင်းဥက္ကဋ္ဌအပါအဝင် အသင်းဝင်တချို့ ဖမ်းဆီးအမှုဖွင့်ခံရပြီးနောက် အသင်းကိုဖျက်သိမ်းလိုက်ပြီလို့ အသင်းနဲ့နီးစပ်သူတွေက သံ လွင်တိုင်းမ်ကို ပြောပါတယ်။

ပိုင်ရှင်မဲ့လူမှုကူညီရေးအသင်း ဥက္ကဋ္ဌဦးရဲမင်းထိုက်အပါအဝင် အသင်းဝင်ကိုးဦးကို ပြီးခဲ့တဲ့ စက် တင်ဘာလအတွင်း စစ်ကောင်စီတပ်က ဆက်တိုက်ဆိုသလို ဖမ်းဆီးစစ်ကြောမှုတွေ လုပ်ဆောင်ခဲ့တာပါ။

အဲဒီနောက် အသင်းဝင်ခြောက်ဦးကို ပြန်လွှတ်ပေးခဲ့ပေမယ့် အောက်တိုဘာ ၉ ရက်နေ့မှာတော့ အသင်းဥက္ကဋ္ဌ ဦးရဲမင်းထိုက်၊ အသင်းဝင် ကိုပူတူးနဲ့ ကိုဝင်းကြည်တို့ကို အကြမ်းဖက်မှု တိုက်ဖျက်ရေးဥပဒေ ပုဒ်မ ၅၀ ညနဲ့ အမှုဖွင့်အရေးယူခဲ့ပါတယ်။

အသင်းဥက္ကဋ္ဌအပါအဝင် အသင်းဝင် သုံးဦးကို စစ်ကောင်စီက အကြမ်းဖက်ဥပဒေတွေနဲ့ အမှုဖွင့်လိုက်တာကြောင့် အသင်းဆက်လက်လည်ပတ်ဖို့ မဖြစ်နိုင်တော့တဲ့အတွက် အသင်းဝင်းအားလုံးနဲ့ အလှူရှင်တွေရဲ့ ဆန္ဒအရအသင်းကို ဖျက်သိမ်းလိုက်တာ ဖြစ်ပါတယ်။

အသင်းဖျက်သိမ်းလိုက်ပြီးနောက် အသင်းမှာအသုံးပြုနေတဲ့ လူနာတင်ယာဉ်ကားလေးစီးကို မြို့ပေါ် လူမှုကူညီအသင်းတစ်သင်းထံ လှူဒါန်းလိုက်ပြီး ရုံးအဆောက်အဦကိုလည်း ဖြိုချလိုက်ပြီလို့ ဆိုပါတယ်။

အသင်းရုံးအတွင်း ရုံးသုံးပရိဘောဂပစ္စည်း၊ ပန်ကာ၊ စားပွဲခုံတွေနဲ့ ရေပုံး၊ ဆိုလာ၊ ကယ်ဆယ်ရေးသုံးပစ္စည်းတွေ အားလုံးကို အသင်းသားတွေ ဖမ်းဆီးခံရချိန်မှာ အောင်မင်္ဂလာရပ်ကွက်အုပ်ချုပ်ရေးမှူး ဦးမင်းအောင်နဲ့ အပေါင်းအပါတွေက သိမ်းဆည်းသွားပြီး ဒီကနေ့ထိ ပြန်ပေးတာမျိုး မရှိသေးဘူးလို့ သိရပါတယ်။

အမှုဖွင့်ခံရတဲ့ အသင်းဥက္ကဋ္ဌအပါအဝင် အသင်းဝင်သုံးဦးကို စစ်ကြောရေးကနေ သံဖြူဇရပ်ရဲစခန်း အဲဒီကနေမှတဆင့် မော်လမြိုင်ထောင်ကို ပြောင်းလဲချုပ်နှောင်ထားပြီး မော်လမြိုင်ခရိုင်တရားရုံးမှာ တရားရင်ဆိုင်နေရပါတယ်။

စစ်ကောင်စီကတော့ ဖမ်းဆီးအမှုဖွင့်လိုက်တဲ့ အသင်းဥက္ကဋ္ဌအပါအဝင် အသင်းဝင်သုံးဦးဟာ ပြည်သူ့ကာကွယ်ရေးတပ်ဖွဲ့ PDF ထံ ငွေကြေးထောက်ပံ့မှုတွေ လုပ်ဆောင်ခဲ့တယ်လို့ စွပ်စွဲထားပါတယ်။

ဖျက်သိမ်းလိုက်တဲ့ ပိုင်ရှင်မဲ့လူမှုကူညီရေးအသင်းဟာ ၂၀၁၈ ခုနှစ်က မွန်ပြည်နယ်အစိုးရဆီမှာ အ သင်းအဖွဲ့ မှတ်ပုံတင်ထားပြီး ဒေသတွင်း ထိခိုက်လူနာတွေနဲ့ အရေးပေါ်လူနာတွေကို ကူညီကယ် ဆယ်ရေးလုပ်ငန်းတွေ လုပ်ဆောင်ပေးခဲ့တာ ဖြစ်ပါတယ်။

မွန်ပြည်နယ်မှာ အာဏာသိမ်းကာလအတွင်း လူမှုကူညီရေးအသင်းဝင်တွေ မကြာခဏဆိုသလို ဖမ်း ဆီးစစ်ဆေးခံနေရပြီး အဲဒီထဲမှာ သံဖြူဇရပ်နဲ့မုဒုံမြို့နယ်က လူမှုကယ်ရေးအသင်းဝင်နှစ်ဦးကို စစ်ကောင်စီက ထောင်ဒဏ်ပြစ်ဒဏ် ချမှတ်ထားပါတယ်။

ဓာတ်ပုံ-ပိုင်ရှင်မဲ့လူမှုကူညီရေးအသင်း

28/10/2024

မော်လမြိုင် - သံဖြူဇရပ်လမ်းပိုင်း၊ အဘစ်ဆည်အနီး လမ်းမပေါ်သို့ အပင်များလဲကျ၍ လမ်းပိတ်နေပါတယ်ခင်ဗျာ။ တစ်ပင်ထဲမဟုတ်ပါ ။ အပင်ကြီးများပါ လဲကျပြီး လမ်းပိတ်နေတယ် ဆ်ုင်ကယ်လဲသွားမရပါလို့ ပြန်လှည့်လာတဲ့ဆိုင်ကယ်များထံက သိရပါတယ်ဗျ။
မနက်အစော ခရီးသွားမည့်ကားများ လမ်းမှာ ပိတ်မိနေမှာစိုးလို့ပါ မနက်လင်းမှ အေးအေးဆေးသွားလာကြပါခင်ဗျ။

28/10/2024

သံဖြူဇရပ်မြို့တွင် နံနက်ကျောင်းသွားပို့ပြီး ကလေးပျောက်ဆုံးသွားပါသဖြင့် မိဘများစိတ်ပူနေသောကြောင့် တွေ့ရှိပါက အမြန်ဆုံးအကြောင်းကြားပေးကြပါ။

ဆက်သွယ်ရန်ဖုန်း

☎️09650064537

22/10/2024

အနန်းကွင်း စစ်ဗျူဟာက စစ်ကောင်စီတပ်ဖွဲ့ဝင် ၇၀ ခန့် KNLA ထံ လက်နက်ချ
DVB

သံဖြူဇရပ်-ဘုရားသုံးဆူလမ်းပေါ်က အနန်းကွင်းစစ်ဗျူဟာကို ပိတ်ဆို့ပြီး တိုက်ခိုက်နေတာကြောင့် စစ်သား ၇၀ လောက်ဟာ ကရင်အမျိုးသားလွတ်မြောက်ရေးတပ်မတော် (KNLA) ပူးပေါင်းစစ်ကြောင်းဆီ လက်နက်ချလာတယ်လို့ မြေပြင်ရှေ့တန်းသတင်းရင်းမြစ်က ပြောပါတယ်။

“တဖြည်းဖြည်းနဲ့တော့ ရဖို့က သိပ်မကြာတော့ဘူး။ တချို့က လက်နက်လာချတယ်။ လက်နက်ချတာ ၇၀ လောက်ရှိပြီ။ စခန်းထဲမှာ သိပ်မကျန်တော့ဘူး။ ဗျူဟာမှူးက နည်းနည်း ခေါင်းမာတယ်။ သူ့မာနနဲ့ သူက မလျှော့ဘူး။ ရှင်းရှင်းပြောရရင် မရှိတဲ့သိက္ခာကို သူ ဆယ်နေတာ။ အခုက ကျနော်တို့ ဗျူဟာမှူး(KNLA) ကိုယ်တိုင် ကွပ်ကဲတယ်။”

18/10/2024

စက်စဲကမ်းခြေတွင် လာရောက်လည်ပတ်သူများဖြင့် စည်ကား

သံဖြူဇရပ်၊ အောက်တိုဘာ ၁၈

မွန်ပြည်နယ်၊ သံဖြူဇရပ်မြို့နယ်ရှိ စက်စဲကမ်းခြေတွင် သီတင်းကျွတ်လပြည့်ကျော် ၁ ရက်နေ့၌ လာရောက်အပန်းဖြေ လည်ပတ်သူများဖြင့် စည်ကားနေသည်။

11/10/2024

စစ်ကောင်စီဖမ်းဆီးထားတဲ့ သံဖြူဇရပ်မြို့နယ် ပိုင်ရှင်မဲ့လူမှုကူညီရေးအသင်းဝင် ၈ ဦးပြန်လွတ်

RFM၊ အောက်တိုဘာလလ ၁၀ ရက်

မွန်ပြည်နယ်၊ သံဖြူဇရပ်မြို့နယ်မှာ စစ်ကောင်စီက ဖမ်းဆီးထားတဲ့ ပိုင်ရှင်မဲ့ လူမှုကူညီရေးအသင်းဝင်တွေ အပါအဝင် ၈ ဦး ပြန်လွတ်လာပြီးလို့ အသင်းနဲ့ နီးစပ်သူတွေထံမှ သိရပါတယ်။

ပြန်လွတ်လာတဲ့သူတွေထဲမှာ အရပ်သား ၂ ဦးနဲ့ အသင်းဝင် ၆ ဦးပါဝင်ပေမယ့် အသင်းဥက္ကဌ ဦးရဲမင်းထိုက်၊ အသင်းဝင် ကိုပူတူးနဲ့ ကိုဝင်းကြည်တို့က ပြန်လွတ်မြောက်လာခြင်း မရှိသေးပါဘူး။

“ဖမ်းခံထိထားတဲ့ အတွင်းရေးမှူးနဲ့ ကျန်အဖွဲ့ဝင်တွေတော့ ပြန်လွတ်လာကြပြီး၊ ဥက္ကဌနဲ့ ၃ ဦးတော့ ကျန်သေးတယ်” လို့ အသင်းနဲ့ နီးစပ်သူတဦးက Rehmonnya FM ကို ပြောပါတယ်။

ပြန်လည်လွတ်မြောက်လာတဲ့သူတွေဟာ စစ်ကောင်စီက စစ်ဆေးမှုပြုလုပ်ပြီး စက်တင်ဘာလကုန်ပိုင်းကနေ အောက်တိုဘာလ ၇ ရက်နေ့အတွင်းမှာ လွတ်မြောက်လာကြတာ ဖြစ်ပါတယ်။

လွတ်မြောက်လာတဲ့သူတွေက ကျန်းမာရေးကောင်းမွန်နေပြီး ငွေပေးရတာနဲ့ ရိုက်နှက်ခံရတာမျိုး မရှိဘူးလို့ သူက ပြောပါတယ်။

ဒါပေမယ့် အသင်းဥက္ကဌဖြစ်သူအပါအဝင် သုံးဦးကတော့ စစ်ကောင်စီရဲ့ စစ်ကြောရေးမှာ ဖမ်းဆီးစစ်ဆေး နေဆဲ ဖြစ်တယ်လို့ ပြောပါတယ်။

“စကစ(စစ်ကောင်စီ)စစ်ကြောရေးမှာဖမ်းထားတုန်းဘဲလို့တော့ သိရတယ်၊ အမှုဖွင့်ထားတယ်လို့တော့ မကြားရသေးဘူး"လို့ အထက်ပါနီးစပ်သူက ပြောပါတယ်။

ပြီးခဲ့တဲ့ စက်တင်ဘာလ ၁၈ ရက်က သံဖြူဇရပ်မြို့ပေါ်က ပိုင်ရှင်မဲ့လူမှုကူညီရေးအသင်း ဥက္ကဌအပါအဝင် အသင်းဝင် ၉ ဦးနဲ့အတူ ဒေသခံ ၂ ဦးကို တော်လှန်ရေးအင်အားစုတွေနဲ့ ပတ်သက်ဆက်နွယ်မှုရှိတဲ့ စွပ်စွဲချက်နဲ့ စစ်ကောင်စီဘက်က ဖမ်းဆီးခဲ့တာပါ။

အဲဒီထဲက အရပ်သားနှစ်ဦးကိုတော့ စက်တင်ဘာလ ၂၃ ရက်နေ့မှာ စစ်ကောင်စီက ပြန်လွှတ်ပေးခဲ့ပါတယ်။

ဒီလိုမျိုး ဖမ်းဆီးမှုကြောင့် လူမှုကူညီရေးအသင်း၊ ပရဟိတ လုပ်ကိုင်နေကြတဲ့သူတွေက စိုးရိမ်မှုတွေ ရှိနေကြပြီး အဖွဲ့အများစုက စစ်ကောင်စီရဲ့ မတရားလုပ်ရပ်တွေကြောင့် လုပ်ငန်းရပ်နားသွားကြတယ်လို့ လူမှုကူညီရေးအသင်းဝင်တွေ ပြောကြပါတယ်။

လဂွန်းအိမ်စာစဉ်ရဲ့ ထုတ်ပြန်ချက်အရ ပြီးခဲ့တဲ့ စက်တင်ဘာလအတွင်း မွန်မှာ ဖမ်းဆီးခံရသူ ၄၈ ဦးကျော်ရှိပြီး အများစုက စစ်မှုထမ်းဆောင်ဖို့ ဖမ်းဆီးခံရတာနဲ့ ပြည်သူ့ကာကွယ်ရေးတပ်နဲ့ ပတ်သက်တဲ့ စွပ်စွဲချက်နဲ့ ဖမ်းဆီးခံရတာဖြစ်တယ်လို့ ဆိုပါတယ်။

သတင်း - Rehmonnya FM
ဓါတ်ပုံ - ပိုင်ရှင်မဲ့လူမှုကူညီရေးအသင်း

07/10/2024

“နာကျဉ်မှုတွေ”
ဆရာဇော်နဲ့ တခြားပြည်သူတွေအပါအဝင် ကျနော်တို့ရဲ့ဆုံးရှုံးမှုတွေက များလိုက်တာ။ အစားထိုးလို့ ဘယ်လိုမှ မရနိုင်။ နာကျဉ်မှုတွေကို ခွန်အားတွေအဖြစ် ပြောင်းလဲပြီး ကျနော်တို့ မကွယ်လွန်ခင် အာဏာရှင်စနစ်ကို အပြီးအပိုင် ဖယ်ရှားကြစို့။

ငါတို့သမိုင်းကို ငါတို့ရေးကြစို့။
နောက်မျိုးဆက်တွေက တိုင်းပြည်ကို ပြန်လည်တည်ဆောက်ကြလိမ့်မယ်။

05/10/2024

ကျိုက္ခမီရေလယ်ဘုရား၏ ဗုဒ္ဓပူဇနိယပွဲတော်ကို စည်ကားသိုက်မြိုက်စွာ ကျင်းပမည်

ကျိုက္ခမီ၊ အောက်တိုဘာ ၅

မွန်ပြည်နယ်၊ သံဖြူဇရပ်မြို့နယ်၊ ကျိုက္ခမီဆုတောင်းပြည့်ရေလယ်ဆံတော်ရှင်မြတ်ဘုရားကြီး၏ ဗုဒ္ဓပူဇနိယပွဲတော်ကို စည်ကားသိုက်မြိုက်စွာ ကျင်းပမည်ဖြစ်ကြောင်း ဂေါပကအဖွဲ့ထံမှ သိရသည်။

၁၃၈၆ ခုနှစ်၊ သီတင်းကျွတ်လဆန်း ၉ ရက်နေ့ (အောက်တိုဘာလ ၁၁ ရက်)မှ သီတင်းကျွတ်လဆန်း ၁၃ ရက်နေ့ (အောက်တိုဘာလ ၁၅ ရက်)အထိ အသံမစဲ မဟာပဌာန်းရွတ်ဖတ်ပူဇော်ပွဲကို သာသနာ့ဗိမာန်တော်ကြီးတွင် ကျင်းပပြုလုပ်သွားမည်ဖြစ်သည်။

ဆွမ်းအိုးမျှောပွဲကို သီတင်းကျွတ်လပြည့်နေ့ (အောက်တိုဘာလ ၁၇ ရက်နေ့) နံနက် ၃ နာရီချိန်တွင် စတင်မည်ဖြစ်ပြီး ရပ်ဝေး၊ ရပ်နီးမှ လာရောက်သူများအနေဖြင့် မိမိအစီစဉ်ဖြင့် လာရောက်ရန် အသိပေးထားသည်။

ထို့ပြင် ဇာတ်သဘင်ပွဲ(ဗလာပွဲ)များကို ရေလယ်ဘုရားကုန်းတော်ပေါ်ရှိ သီရိဇေယျာဇာတ်ရုံကြီးနှင့် မြို့လယ်ကျောက်တိုင်တို့တွင် သီတင်းကျွတ်လပြည့်ကျော် ၁ ရက်နေ့(အောက်တိုဘာလ ၁၈ ရက်)မှသီတင်းကျွတ်လပြည့်ကျော် ၅ ရက်နေ့ (အောက်တိုဘာလ ၂၂ ရက်)အထိ ကပြဖျော်ပြေသွားမည်ဖြစ်သည်။

သီတင်းကျွတ်လပြည့်နေ့(အောက်တိုဘာလ ၁၉)ရက်နေ့ နံနက် ၈ နာရီချိန်တွင်လည်း ရေလယ်ဘုရားကုန်းတော်ပေါ်ရှိ သာသနာ့ဗိမာန်တော်ကြီး၌ အဘိဓမ္မာအခါတော်နေ့အခမ်းအနားကို ကျင်းပပြုလုပ်မည်ဟု သိရသည်။

အလွတ်တမ်းဘောလုံးပြိုင်ပွဲများက်ို(၀င်ကြေးမရှိ)အခမဲ့ဖြင့် ဘောလုံးအသင်း ရှစ်သင်းတို့မှ အောက်တိုဘာ ၁၆ ရက်မှ အောက်တိုဘာ ၂၂ ရက်နေ့အထိ ကျိုက္ခမီမြို့မဘော်လုံးကွင်းတွင် ယှဥ်ပြိုင်ကစားကြမည်။

ထို့ကြောင့် ကျိုက္ခမီရေလယ်ဘုရားဗုဒ္ဓပူဇနိယပွဲတော်တွင် စျေးဆိုင်ခန်းများဖြင့် ရောင်းချလိုပါက သီတင်းကျွတ်လဆန်း ၈ ရက် (အောက်တိုဘာလ ၁၀ ရက်)တွင် အကွက်ရိုက်ရောင်းချပေးသွားမည်ဖြစ်ကြောင်း အသိပေးထုတ်ပြန်ထားသည်။

30/09/2024

(30.9.2024)
ဖျက်အားပြင်းထန်တဲ့ Krathon တိုင်ဖွန်းမုန်တိုင်းရဲ့ လှုပ်ရှားနေတဲ့ပုံရိပ်ထဲက တိုင်ဝမ်ကျွန်းကိုပြူးကြည့်နေတဲ့မျက်လုံးကကြောက်စရာပါ။
ဆုတောင်းပေးကြပေါ့နော်

23/09/2024

သံဖြူဇရပ်မြို့ ပိုင်ရှင်မဲ့လူမှုကူညီရေးအသင်းဝင်အပါအဝင် ဖမ်းဆီးခံရသူ ၁၁ ထက်မနည်းရှိလာ

မော်လမြိုင်၊ စက်တင်ဘာလ ၂၃

မွန်ပြည်နယ်၊ သံဖြူဇရပ်မြို့ပေါ်မှာ စစ်ကောင်စီက ဖမ်းဆီးထားတဲ့ ပိုင်ရှင်မဲ့လူမှုကူညီရေးအသင်းဝင် အပါအဝင် ဖမ်းဆီးခံရတဲ့သူ ၁၁ ဦးထက်မနည်းရှိလာပြီး ဖြစ်တယ်လို့ ဒေသခံတွေထံမှ သိရပါတယ်။

"ညက သက်လတ်ပိုင်း အမျိုးသားနှစ်ယောက်ကို ပိုင်ရှင်မဲ့အသင်းနဲ့ ဆက်စပ်တဲ့အမှုတွေမှာ ပါလို့ဆိုပြီး လာထပ်ဖမ်းသွားတယ်။ ဘယ်လိုဆက်စပ်တယ်ဆိုတာတော့ မသိရဘူး။ စကစ(စစ်ကောင်စီ) အဖွဲ့တွေက ညပိုင်းဆို ရပ်ကွက်တွေထဲလိုက်ဖမ်းနေကြလို့ လူတွေလည်းစိုးရိမ်စိတ်များနေရတယ်"လို့ ဖြစ်စဉ်ကို သိရတဲ့ ဒေသခံတဦးက Rehmonnya FM ကို ပြောပါတယ်။

ထပ်မံဖမ်းဆီးခံရတဲ့ အမျိုးသားနှစ်ဦးဟာ ပိုင်ရှင်မဲ့လူမှုကူညီရေးအသင်းဝင်တွေမဟုတ်ဘဲ အသင်းဝင်တွေ ဖမ်းခံရတဲ့ကိစ္စနဲ့ ပတ်သက်ဆက်နွယ်မှု ရှိတဲ့ စွပ်စွဲချက်နဲ့ ထပ်မံဖမ်းဆီးခံလိုက်ရတာ ဖြစ်ပါတယ်။

သူတို့နှစ်ဦးက သံဖြူဇရပ်မြို့နယ် ကိုးနဝင်းရပ်ကွက်နဲ့ ကြံ့ခိုင်ရေးရပ်ကွက်မှာ နေထိုင်ကြသူတွေ ဖြစ်ကြပြီး စက်တင်ဘာလ ၂၂ ရက် ညပိုင်းမှာ ဖမ်းဆီးခံလိုက်ရတာပါ။

စစ်ကောင်စီ ထပ်မံဖမ်းဆီးသွားတဲ့ အမျိုးသားနှစ်ဦးကို သံဖြူဇရပ်မြို့နယ် ဝဲကလိစစ်ကြောရေးမှာ စစ်ဆေးမှု တွေ လုပ်ဆောင်နေပြီး အသေးစိတ်ကိုတော့ မသိရဘူးလို့ ဆိုပါတယ်။

ပြီးခဲ့တဲ့ စက်တင်ဘာလ ၁၈ ရက်နေ့မှာ အောင်မင်္ဂလာရပ်ကွက်ရှိ ပိုင်ရှင်မဲ့ လူမှုကူညီရေးအသင်းမှ ဥက္ကဌ ဦးရဲမင်းထိုက်အပါအဝင် အသင်းဝင် ၅ ဦးကို စစ်ကောင်စီက ဝင်ရောက်ဖမ်းဆီးခဲ့တာပါ။

ယင်းနောက် သုံးရက်မြောက် စက်တင်ဘာလ ၂၁ ရက်မှာ မြို့ပေါ်ရပ်ကွက်နေ အသင်းဝင် သုံးဦးအပါအဝင် လေးဦးကို ထပ်မံဖမ်းဆီးခဲ့တယ်လို့ သိရပါတယ်။

ပိုင်ရှင်မဲ့လူမှုကူညီရေးအသင်းဝင်တွေက ပြည်သူ့ကာကွယ်ရေး PDF တွေနဲ့ တော်လှန်ရေးအင်အားစုတွေကို သတင်းပေးတာ လက်နက်သယ်ဆောင်ပေးတာ အစရှိတဲ့ ကူညီထောက်ပံ့မှု ပြုလုပ်နေတဲ့ စွပ်စွဲချက်နဲ့ စစ်ကောင်စီက ဖမ်းဆီးခဲ့တာပါ။

ပိုင်ရှင်မဲ့လူမှုကူညီရေးအသင်းက တော်လှန်ရေးအင်အားစုတွေကို ကူညီပေးတာ ရှိ၊ မရှိကို Rehmonnya FM အနေနဲ့ သီးခြားအတည်ပြုပေးနိုင်ခြင်း မရှိပါဘူး။

လက်ရှိ ဖမ်းဆီးခံထားရတဲ့သူအားလုံးက စက်တင်ဘာလ ၂၃ ရက်နေ့အထိ ပြန်လွတ်လာတာ မရှိသေးသလို မိသားစုဝင်တွေနဲ့လည်း အဆက်အသွယ်မရကြသေးဘူးလို့ ဆိုပါတယ်။

လဂွန်းအိမ်စာစဉ်ရဲ့ ထုတ်ပြန်ချက်အရ အာဏာသိမ်းချိန်ကနေ စက်တင်ဘာလ ၆ ရက်နေ့အထိ မွန်ပြည်အနှံ့မှာ ၁၀၀၇ ဦးကျော် ဖမ်းဆီးခံရပြီး ၁၈၉ ဦးကျော်က သတ်ဖြတ်ခံထားရတယ်လို့ ဆိုပါတယ်။

သတင်း - Rehmonnya FM
ဓါတ်ပုံ - ပိုင်ရှင်မဲ့လူမှုကူညီရေးအသင်း

21/09/2024

သမီး ၃ နှစ်ပြည့်မွေးနေ့အလှူ အဖြစ် တကယ်လိုအပ်သော မိသားစုတွေအတွက် အိမ်ထောင်စု ၁၀၀၀ စာ မိသားစု တစ်စု ဆန် ၃ ပြည် နှုန်းဖြင့်ဝေငှပါမည်။

စတုဒီသာ အစီစဉ်လည်းထပ်မံကြော်ငြာပါမည်။

အများသိအောင် ကူညီပြီးရှယ်ပေးပါနော်❤️

အချိန် : 29-9-2024 မနက် ၉ နာရီ

နေရာ :နှင်းဆီလမ်း ၊ကြံ့ခိုင်ရေးရပ်ကွက်၊သံဖြူဇရပ်မြို့။

Thanbyuzayat News - သံဖြူဇရပ်သတင်းစုံ

23/11/2024

08/11/2024

08/11/2024

07/11/2024

07/11/2024

03/11/2024

02/11/2024

01/11/2024

28/10/2024

28/10/2024

22/10/2024

18/10/2024

11/10/2024

07/10/2024

05/10/2024

30/09/2024

23/09/2024

21/09/2024

Address

Website

Alerts

Contact The Business

Videos

Shortcuts

Share

Category