21/12/2024
မြန်မာအသင်းကတော့ အုပ်စုထွက်သွားပါပြီ ...
ပွဲကိုချဉ်းကပ်တဲ့ဗျူဟာ ၊ လူထုတ်ပုံ ၊ ကစားသမား
တွေနဲ့ စွမ်းရည်အများကြီး ကွာဟနေတယ်ဆိုတာ
ဒီပွဲက သက်သေပါပဲ
ကြိုးစားတာ မကြိုးစားတာနောက်ထား
ရလဒ်ကတော့ တော်တော်ဆိုးရွားလွန်းခဲ့ပါတယ်
နိုင်မှဖြစ်မယ့်ပွဲစဉ်မှာ လူအသုံးပြုပုံတွေက မှားယွင်းခဲ့တယ်လို့ သုံးသပ်မိပါတယ်
မောင်မောင်လွင်မပါတဲ့ ကွာဟချက်က ကြီးမား
ကြောင်းပြနေပြီး လွင်မိုးအောင်ကလဲ လုံးဝခြေစွမ်း
မပြနိုင်ခဲ့ပါဘူး ၊ သီဟဇော် ဘောလုံးကို လုံးဝ
ထိန်းချုပ်ခွင့်မရခဲ့ပါဘူး
ရသမျှဘောလုံး ဝင်းနိုင်ထွန်းဆီသာ ကန်တင်ပြီး
ပထမပိုင်းကတည်းက အပျက်များနေခဲ့ပေမယ့်
ကံတရားကြောင့် ဂိုးမရှိသရေ ရလဒ်ထွက်ပေါ်ခဲ့
တယ်
ဒုတိယပိုင်းမှာ နောက်တန်းမှ ဖြတ်ထုတ်မှုတွေနဲ့
ခြေစွမ်းပြနေတဲ့ သီဟထက်အောင်ကို လူစားလဲ
လိုက်တာနဲ့ ခံစစ်က လုံးဝဟာထွက်သွားခဲ့ပါတယ်
( ဒါမျိုးကို အင်ဒိုနီးရှားနဲ့ ပွဲစဉ်မှာလဲ ကြုံတွေ့ခဲ့ရဖူး
ပါတယ် )
ဒုတိယပိုင်းမှာ ဝင်လာတဲ့ သက်ဟိန်းစိုးအနေနဲ့
ဗီယက်နမ်အသင်းရဲ့ တိုက်စစ်ကို လုံးဝမထိန်းနိုင်
တာကနေ ပေးဂိုးတွေ စပြီးခွင့်ပြုခဲ့ရပါတယ်
ဗီယက်နမ်အသင်းရဲ့ကစားပုံနဲ့ မြန်မာအသင်းရဲ့
ကစားပုံတွေဟာ ကလေးနှင့် လူကြီးကဲ့သို့ ကွာခြား
လွန်းနေပြီး ဗီယက်နမ်ကစားသမားတွေ အတွက်
မြန်မာအသင်းဟာ သိပ်လွယ်ကူလွန်းခဲ့ပါတယ်
သတင်းစာရှင်းလင်းပွဲမှာ မြန်မာနည်းပြချုပ်ကို
မေးခွန်းတစ်ခု မေးမြန်းခဲ့ပါတယ်
မြန်မာအသင်းရဲ့ ကစားသမားရွေးချယ်ရာမှာ
စံနှုန်းသတ်မှတ်ထားတာမျိုး ရှိပါသလားလို့ပါ
နည်းပြချုပ်အနေနဲ့ စံသတ်မှတ်ထားတာမျိုးမရှိဘဲ
လက်ရွေးစင်ဖြစ်လာတာနဲ့ စံသတ်မှတ်ချက်နဲ့
ပြည့်စုံတယ်လို့ ဖြေကြားခဲ့ပါတယ်
အဲ့ဒီအဖြေဟာ ဒီနေ့ပွဲမှာ သက်သေပြလာခဲ့ပါတယ်
လက်ရွေးစင်အဆင့် ကစားသမားတွေမှာ ရှိသင့်တဲ့
အခြေခံစွမ်းဆောင်ရည်မျိုးတောင် တစ်ချို့ကစား
သမားတွေမှာ ရှိမနေတာကို မြင်တွေ့ရပါတယ်
ဆိုတော့ မြန်မာဘောလုံးပရိသတ်အနေနဲ့ သုံးသပ်
ကြည့်ရပါရင် မြန်မာဘောလုံးအသင်းဟာ ယခုလို
အခြေအနေမျိုးနဲ့ လာမယ့်နှစ်တွေမှာ လွယ်ကူမယ့်
ပုံမပေါ်ပါဘူး
ဒါကြောင့် တာဝန်ရှိသူလူကြီးမင်းတွေအနေနဲ့
မြန်မာဘောလုံးအသင်းမှာ ပါဝင်ရမယ့် အမြင့်ဆုံး
သော ကစားသမားတွေကို အမြင့်ဆုံးသော
သတ်မှတ်စံချိန်စံနှုန်းများနှင့် အညီ အတိအကျ
ပြန်လည်ရွေးချယ် ဖွဲ့စည်းမှသာ အခြေအနေတစ်ခု
မှာ ရပ်တည်နိုင်လိမ့်မယ်လို့ ယုံကြည်မိပါတယ်
သေချာပေါက် ပြန်လည်ဖွဲ့စည်းဖို့ရာသာ တိုက်တွန်း
ချင်မိပါတယ် ..... ။
