https://www.facebook.com/107016220651484/

Ayeyarwaddy Times - Sport

Home
Myanmar
Pathein
Ayeyarwaddy Times - Sport

ဤ Page ကို Ayeyarwaddy Times သတင်းဌာနမှ တည်ထောင်ထားသည်

31/08/2023

ပရီးမီးယားလိဂ်ကြီး (၆) ကြီးရဲ့ စောင့်ကြည့်ရမယ့် Deadline Day အပြောင်းအရွှေ့များ

31/08/2023

ဗန်ဒီဘိခ်ကို အငှားခေါ်ယူချင်နေတဲ့ ဂါလာတာစာရေးအသင်း

သြဂုတ် ၃၁ ရက်

တူရကီထိပ်သီးကလပ် ဂါလာတာစာရေးအသင်းဟာ ယူနိုက်တက်မှာ နေရာမရဖြစ်နေတဲ့ ကွင်းလယ်လူ ဗန်ဒီဗိခ်ကို အငှားနဲ့ ခေါ်ယူချင်နေတယ်လို့ သိရပါတယ်။

ဗန်ဒီဘိခ်ဟာ ယူနိုက်တက်ကို ရောက်လာကတည်းက ဒဏ်ရာပြဿနာတွေနဲ့ လုံးပန်းနေရပြီး ပွဲထွက်ခွင့်တွေလည်း ဆုံးရှုံးခဲ့ရပါတယ်။

လက်ရှိမှာ ဂါလာတာစာရေးအသင်းဟာ ချဲလ်ဆီးတိုက်စစ်ကစားသမား ဇီးယက်ချ်နဲ့ ပဲလေ့စ်တိုက်စစ်မှူး ဇာဟာတို့ကိုလည်း ခေါ်ယူထားပါတယ်။

Ref : Goal
Photo credit : Getty

31/08/2023

ဂရေဗန်ဘက်ချ်ကို ခေါ်ယူလိုက်တဲ့ လီဗာပူးအသင်း

သြဂုတ် ၃၁ ရက်

လီဗာပူးအသင်းဟာ ဘိုင်ယန်မြူးနစ်ကွင်းလယ်လူ ဂရေဗန်ဘက်ချ်ကို ပေါင်သန်း ၂၀ နဲ့ ခေါ်ယူလိုက်ပါတယ်။

လီဗာပူးအသင်းဟာ ဒီကစားသမားလေးကို အိုင်းယက်စ်အသင်းမှာရှိစဉ်ကတည်းက စိတ်ဝင်စားခဲ့ဖူးတာ ဖြစ်ပါတယ်။

အစကအငှားခေါ်ယူဖို့ စဉ်းစားထားပေမယ့် ယူနိုက်တက်က ကြားဖြတ်ဝင်လာတာကြောင့် အပြီးခေါ်ယူဖို့သာ ဆုံးဖြတ်လိုက်ရပါတယ်။

Ref : Sky Sport
Photo credit : Sky Sport

31/08/2023

ဝိုင်နယ်ဒမ်ကို ခေါ်ယူဖို့ ကြိုးစားနေတဲ့ အယ်အက်တီဖက်

ဩဂုတ် ၃၁ ရက်

ဆော်ဒီကလပ် အယ်အက်တီဖက်အသင်းဟာ PSG ကွင်းလယ်လူ ဝိုင်နယ်ဒမ်ကို ခေါ်ယူဖို့အတွက် ကြိုးစားနေပြီ ဖြစ်ပါတယ်။

ဝိုင်နယ်ဒမ်ဟာ PSG အသင်းရဲ့ အစီအစဉ်တွေမှာ မပါ၀င်တော့တဲ့ ကစားသမားတစ်ဦး ဖြစ်ပါတယ်။ ဒါကြောင့် PSG ကတော့ ဝိုင်နယ်ဒမ်ကို ရောင်းချဖို့အတွက် လမ်းဖွင့်ထားပါတယ်။

အပြောင်းအရွှေ့ဖြစ်ဖို့ကတော့ ဝိုင်နယ်ဒမ်ရဲ့ ဆုံးဖြတ်ချက်ပေါ်မှာပဲ မူတည်တော့မှာ ဖြစ်ပါတယ်။ ဂျရတ်ကတော့ သူ့အသင်းမှာ ဝိုင်နယ်ဒမ်ကို အလိုရှိနေတာ ဖြစ်ပါတယ်။

Ref : L'Equipe
Photo Credit : Goal

31/08/2023

အမ်ရာဘတ်ကို ခေါ်ယူဖို့ စတင်လှုပ်ရှားနေတဲ့ ယူနိုက်တက်

ဩဂုတ် ၃၁ ရက်

ယူနိုက်တက်ဟာ နွေဈေးကွက်အစပိုင်းမှာကတည်းက ဖီအိုရင်တီးနား ကွင်းလယ်လူ ဆော့ဖ်ယန်အမ်ရာဘတ်နဲ့ သတင်းတွေ ထွက်ခဲ့ပါတယ်။ လက်ရှိမှာဆိုရင်တော့ အမ်ရာဘတ်ကို ခေါ်ယူဖို့ စတင်လှုပ်ရှားနေပြီလို့ သိရပါတယ်။

ဒါပေမယ့်လည်း ယူနိုက်တက်ဟာ FFP စည်းမျဉ်းနဲ့ ငြိနိုင်တဲ့အတွက်ကြောင့် သေချာစဉ်းစားနေရပါတယ်။ ယူနိုက်တက်က အငှားကမ်းလှမ်းမှုမျိုးလည်း လုပ်လာနိုင်ပါတယ်။

ဖီအိုရင်တီးနားကတော့ အငှားသီးသန့်ကမ်းလှမ်းမှုဆိုရင် လက်ခံမှာမဟုတ်ပါဘူး။ အပြီးသတ်ခေါ်ယူခွင့်ပါတဲ့ အငှားကမ်းလှမ်းမှုကိုသာ လက်ခံမှာ ဖြစ်ပါတယ်။

Ref : MEN
Photo Credit : Calcio Mercato

31/08/2023

အန်ဆုဖာတီကို အငှားခေါ်ယူလိုက်နိုင်တဲ့ ဘရိုက်တန်

ဩဂုတ် ၃၁ ရက်

ဘရိုက်တန်အသင်းဟာ ဘာစီလိုနာကို ကျော်ဖြတ်ပြီး အန်ဆုဖာတီကို အငှားခေါ်ယူလိုက်နိုင်ပြီ ဖြစ်တယ်လို့ သိရပါတယ်။

အငှားစာချုပ်က တစ်နှစ်သက်တမ်းဖြစ်ပြီးတော့ အပြီးသတ်ခေါ်ယူခွင့် ပါ၀င်မှာ မဟုတ်ပါဘူး။ အန်ဆုဖာတီရဲ့ လစာအများစုကိုလည်း ဘာစီလိုနာကပဲ ပေးချေရမှာပါ။

ဘရိုက်တန်းနည်းပြကြီး ဒီဇာဘီက ဖာတီကို ကိုယ်တိုင် ဖုန်းနဲ့ ဆက်သွယ်ခဲ့တယ်လို့ သိရပါတယ်။ ဒါကြောင့် အပြောင်းအရွှေ့ဖြစ်လာတယ်လို့ ယူဆရပါတယ်။

Ref : Fabrizio Romano
Photo Credit : Marca

31/08/2023

ရူဘီယာလက်စ်ကို ရာထူးကရပ်ဆိုင်း‌ပေးဖို့ UEFA ထံ စပိန်ဘောလုံးအဖွဲ့ချုပ်တောင်းဆိုထား

31/08/2023

မက်သီးယက်စ်နူးနက်စ်ကို ခေါ်ယူလိုက်တဲ့ မန်စီးတီးအသင်း

သြဂုတ် ၃၁ ရက်

မန်စီးတီးအသင်းဟာ ဝုဖ်အသင်းရဲ့ ကွင်းလယ်လူ မက်သီးယက်စ်နူးနက်စ်ကို ပေါင်သန်း ၅၀ နဲ့ ခေါ်ယူလိုက်ပါတယ်။

နူးနက်စ်ဟာ ပြီးခဲ့တဲ့ဘောလုံးရာသီကမှ ဝုဗ်ဗာဟန်တန်အသင်းကို ပြောင်းရွှေ့လာပြီး အသင်းကြီးတွေရဲ့ ပစ်မှတ်လည်း ဖြစ်ခဲ့ပါတယ်။

မကြာခင်မှာပဲ ဆေးစစ်မှုခံယူပြီး မန်စီးတီးအသင်းကို ပြောင်းရွှေ့လာတော့မှာ ဖြစ်ပါတယ်။

Ref : MEN
Photo credit : MEN

31/08/2023

ကိုးလ်ပါးမားကို ခေါ်ယူနိုင်ခဲ့တဲ့ ချဲလ်ဆီးအသင်း

သြဂုတ် ၃၁ ရက်

ချဲလ်ဆီးအသင်းဟာ မန်စီးတီးကြယ်ပွင့်လေး ကိုးလ်ပါးမားကို ပေါင် ၄၅ သန်းနဲ့ ခေါ်ယူနိုင်ခဲ့ပါတယ်။

ကနဦးက ပေါင် ၃၅ သန်းနဲ့ ကမ်းလှမ်းမှုကို စီးတီးဘက်က ပယ်ချခဲ့သေးပါတယ်

အခုတခါမှာတော့ ကစားသမားရော အသင်းဘက်ကပါ လက်ခံခဲ့ပီး မကြာခင် ဆေးစစ်မှုခံယူသွားတော့မှာ ဖြစ်ပါတယ်။

Ref : Evening Standard
Photo credit : Evening Standard

30/08/2023

ကိုင်စီဒိုရဲ့နေရာ အစားထိုးမှုအဖြစ် ဘာလေဘာကို ခေါ်လိုက်တဲ့ ဘရိုက်တန်

ဩဂုတ် ၃၀ ရက်

ဘရိုက်တန်အသင်းဟာ သူတို့အသင်းရဲ့ ကြယ်ပွင့် ကွင်းလယ်ကစားသမား မွိုင်ဆက်ကိုင်စီဒိုကို ချဲလ်ဆီးထံ စံချိန်တင်ပြောင်းရွှေ့ကြေးနဲ့ ရောင်းချလိုက်ပါတယ်။

လက်ရှိမှာတော့ ကိုင်စီဒိုရဲ့နေရာ အစားထိုးမှုအဖြစ် လိုင်လီအသင်းက လူငယ်ကြယ်ပွင့်လေး ကားလို့စ်ဘာလေဘာကို ခေါ်ယူလိုက်ပါတယ်။ ဘာလေဘာအတွက် ပြောင်းရွှေ့ကြေးယူရိုသန်း ၃၀ ပေးချေခဲ့ရပါတယ်။

“ဘာလေဘာက ကစားသမားကောင်း‌တစ်ဦးပါ။ ငယ်ရွယ်ပြီး ပါရမီလည်း ပါတယ်။ သူက အသင်းရဲ့ အနာဂတ်မှာ အရေးပါလာမှာပါ။” လို့ ဘရိုက်တန်နည်းပြ ဒီဇာဘီက ပြောသွားပါတယ်။

Ref : Fabrizio Romano
Photo Credit : Goal

30/08/2023

ဖောရက်စ်ကို ပြောင်းလာတော့မယ့် ဘတ်ရှူဝါရီ

ဩဂုတ် ၃၀ ရက်

နော့တင်ဟမ်ဖောရက်စ်အသင်းဟာ ဖီနာဘာချီအသင်းက ဘယ်ဂျီယံသား မစ်ချီဘတ်ရှူဝါရီကို ခေါ်ယူလိုက်နိုင်ပြီ ဖြစ်တယ်လို့ သိရပါတယ်။

ဖောရက်စ်ဟာ ပြီးခဲ့တဲ့ ဇန်နဝါရီဈေးကွက်မှာတုန်းကတည်းက ဘတ်ရှူဝါရီကို ပစ်မှတ်ထားနေခဲ့တာပဲ ဖြစ်ပါတယ်။ လက်ရှိမှာတော့ စာချုပ်ကိစ္စတွေ အပြီးသတ်ဖို့သာ ကျန်ရှိပါတော့တယ်။

ဖောရက်စ်ဟာ ဘတ်ရှူဝါရီအတွက် ပြောင်း‌‌ရွှေ့ကြေးအနေနဲ့ ယူရို ၁၀ သန်းပေးချေသွားရမှာပဲ ဖြစ်ပါတယ်။

Ref : Fabrizio Romano
Photo Credit : Daily Mail

30/08/2023

ချယ်ဆီးအသင်းက အန်ဆူဖာတီကို အငှားခေါ်ယူဖို့ ဆန္ဒရှိနေ

သြဂုတ် ၃၀ ရက်

ချဲလ်ဆီးအသင်းဟာ ဘာစီလိုနာ ကြယ်ပွင့်လေး အန်ဆူဖာတီကို တရာသီအငှားနဲ့ ခေါ်ယူချင်နေတယ်လို့ သိရပါတယ်။

လက်ရှိမှာ တောင်ပံကစားသမား မုဒရက်က ဒဏ်ရာရရှိသွားတာကြောင့် ရေတိုအစားထိုးဖို့ အငှားခေါ်ယူသွားမှာဖြစ်ပါတယ်။

ချဲလ်ဆီးအသင်းအပြင် အန်ဆူဖာတီကို စပါးအသင်းကလည်း ခေါ်ယူချင်နေပါတယ်။

Ref : Marca
Photo credit : Marca

30/08/2023

ယာအိုဖီးလစ်ကို ခေါ်ယူဖို့ ကြိုးစားတော့မယ့် ဘာစီလိုနာ

ဩဂုတ် ၃၀ ရက်

ဘာစီလိုနာအသင်းဟာ အက်သလက်တီကိုမက်ဒရစ်အသင်းရဲ့ တိုက်စစ်ကစားသမား ယာအိုဖီးလစ်ကို ခေါ်ယူဖို့အတွက် ကြိုးစားသွားတော့မယ်လို့ သိရပါတယ်။

ဘာစီလိုနာအသင်းဟာ ယာအိုဖီးလစ်ကို ခေါ်ယူဖို့အတွက် ဘဏ္ဍာရေးစည်းမျဉ်းအရရော ဖြစ်နိုင် မဖြစ်နိုင်ဆိုတာ ဆွေးနွေးနေပါတယ်။ မကြာခင် ၄၈ နာရီအတွင်း ယာအိုဖီးလစ်ကို ခေါ်ယူဖို့ ကြိုးစားသွားနိုင်ပါတယ်။

ဖီးလစ်ကလည်း ဘာစီလိုနာကိုပဲ ပြောင်းရွှေ့ချင်နေပါတယ်။ ဘာစီလိုနာနဲ့ အပြောင်းအရွှေ့ပျက်မှပဲ တခြားကမ်းလှမ်းမှုတွေကို လက်ခံစဉ်းစားသွားမှာပါ။

Ref : Fabrizio Romano
Photo Credit : Marca

30/08/2023

ဒဏ်ရာကြောင့် တလကျော်လောက် အနားယူရမယ့် ဗာရန်း

သြဂုတ် ၃၀ ရက်

ဒဏ်ရာပြဿနာတွေနဲ့ လုံးပန်းနေရတဲ့ ယူနိုက်တက်ခံစစ်မှာ အဓိကခံစစ်မှူးဖြစ်တဲ့ ရာဖေးဗာရန်းလည်း ပါဝင်လာပါပြီ။

ဗာရန်းဟာ နော့တင်ဟမ်ဖောရက်စ်နဲ့ပွဲစဉ်မှာ ရရှိခဲ့တဲ့ဒဏ်ရာကြောင့် ၆ ပတ်လောက် အနားယူရတော့မယ်လို့ သိရပါတယ်။

ဒါကြောင့် မက်ဂွိုင်းယားကိုတောင် မရောင်းချတော့ပဲ အရန်အဖြစ်ထားဖို့ ဆုံးဖြတ်လိုက်ရပါတယ်။

Ref : Daily Mail
Photo credit : Daily Mail

30/08/2023

ဂရင်းဝုဒ်ကို ခေါ်ယူချင်နေတဲ့ ဘက်ဆစ်တက်အသင်း

သြဂုတ် ၃၀ ရက်

တူရကီကလပ် ဘက်ဆစ်တက်အသင်းဟာ ယူနိုက်တက်ကနေ ထွက်ခွာတော့မယ့် မေဆင်ဂရင်းဝုဒ်ကို ခေါ်ယူဖို့ ကမ်းလှမ်းထားတယ်လို့ သိရပါတယ်။

ဂရင်းဝုဒ်ဟာ အိမ်တွင်းအကြမ်းဖက်စွပ်စွဲချက်ကနေ ကင်းလွတ်လာပေမယ့် ယူနိုက်တက်ကတော့ အသင်းမှာဆက်မထားဖို့ ဆုံးဖြတ်လိုက်ပါတယ်။

ဒါကြောင့် ဂရင်းဝုဒ်ကို ခေါ်ယူချင်နေတဲ့အသင်းတွေ အများအပြားရှိလာပြီး ဘက်ဆစ်တက်ကတော့ ကမ်းလှမ်းမှုတခု ပြုလုပ်ထားပါပြီ။

Ref : Goal
Photo credit : Getty

30/08/2023

VAR အပေါ် ပရီးမီးယားလိဂ်ဒိုင်တွေရဲ့ အမြင် ဘယ်လိုရှိနေလဲ။

30/08/2023

ပါဗက်ကို ခေါ်ယူလိုက်တဲ့ အင်တာမီလန်

သြဂုတ် ၃၀ ရက်

အင်တာမီလန်အသင်းဟာ ဘိုင်ယန်နောက်ခံလူ ဘန်ဂျမင်ပါဗက်ကို ယူရို ၃၂ သန်းနဲ့ ခေါ်ယူလိုက်ပါတယ်။

ပါဗက်ကို ယူနိုက်တက်နဲ့ မန်စီးတီးတို့ကလည်း ပစ်မှတ်ထားခဲ့ပေမယ့် အင်တာမီလန်အသင်းကတော့ လက်ဦးမှုရယူနိုင်ခဲ့ပါတယ်။

ပါဗက်ဟာ အင်တာမီလန်အသင်းနဲ့ ၅ နှစ်စာချုပ်ချုပ်ဆိုသွားမှာ ဖြစ်ပါတယ်။

Ref : Goal
Photo credit : Getty

30/08/2023

ဂျိုးဂိုးမက်စ်ကို ခေါ်ယူချင်နေတဲ့ အယ်အစ်တီဟတ်

သြဂုတ် ၃၀ ရက်

ဘန်ဇီမားနဲ့ ကန်တေတို့ပါဝင်တဲ့ အယ်အစ်တီဟက်အသင်းက လီဗာပူးနောက်ခံလူ ဂျိုးဂိုးမက်ဇ်ကို ခေါ်ယူဖို့ ကြိုးစားနေတယ်လို့ သိရပါတယ်။

လီဗာပူးမှာ ပွဲထွက်ခွင့်နည်းပါးနေတဲ့ ဂိုးမက်ဇ်ကို မြင့်မားတဲ့လစာနဲ့ ပွဲထွက်ခွင့် အာမခံချက်တွေနဲ့ ကမ်းလှမ်းသွားဖို့ရှိနေပါတယ်။

အယ်အစ်တီဟက်အသင်းဟာ လီဗာပူးကြယ်ပွင့်ဆာလာကိုလည်း ယူရိုသန်း ၁၀၀ နဲ့ ကမ်းလှမ်းဖို့ ပြင်ဆင်နေပါတယ်။

Ref : Goal
Photo credit : Getty

29/08/2023

အယ်နက်ဆာနဲ့ လမ်းခွဲသွားတဲ့ တာလစ်ကာ

ဩဂုတ် ၂၉ ရက်

အယ်နက်ဆာအသင်းဟာ ယခုနှစ်မှာဆိုရင်‌တော့ အာရှချန်ပီယံလိဂ်ပြိုင်ပွဲကို ၀င်ရောက်ကစားခွင့်ရထားပါတယ်။ ဒီပြိုင်ပွဲမှာဆိုရင်တော့ ပြည်ပကစားသမား ၅ ယောက်သာ မှတ်ပုံတင် အသုံးပြုခွင့်ရှိပါတယ်။

အယ်နက်ဆာကတော့ ရော်နယ်ဒို၊ မာနေး၊ ဘရိုဇိုဗစ်၊ ဖိုဖာနာနဲ့ တဲလက်စ်တို့ကိုသာ အသုံးပြုဖို့အတွက် ဆုံးဖြတ်ခဲ့ပါတယ်။ သူတို့အသင်းမှာ နဂိုရှိရင်းစွဲကစားသမား တာလစ်ကာကို ချန်လှပ်ခဲ့တာပါ။

ဒီကိစ္စနဲ့ပတ်သက်ပြီး တာလစ်ကာနဲ့ အသင်းကြား အဆင်မပြေမှုတွေ ရှိလာပါတယ်။ လက်ရှိမှာဆိုရင်တော့ တာလစ်ကာဟာ အယ်နက်ဆာနဲ့ စာချုပ်ဖျက်သိမ်းပြီး လမ်းခွဲသွားခဲ့ပြီ ဖြစ်ပါတယ်။

Photo Credit : Goal

29/08/2023

မက်ဂွိုင်းယားကို မရောင်းချတော့ဖို့ ဆုံးဖြတ်လိုက်တဲ့ ယူနိုက်တက်

သြဂုတ် ၂၉ ရက်

ယူနိုက်တက်အသင်းဟာ အရောင်းစာရင်းတင်ထားတဲ့ မက်ဂွိုင်းယားကို မရောင်းချဖို့ ဆုံးဖြတ်လိုက်ပါတယ်။

လက်ရှိမှာ နောက်ခံလူဗာရန်းက ဒဏ်ရာရရှိသွားတာကြောင့် အရန်အနေနဲ့ထားရှိဖို့ မက်ဂွိုင်းယားကို ဆက်ထားတော့မှာ ဖြစ်ပါတယ်။

မက်ဂွိုင်းယားကို ဝက်စ်ဟမ်းအသင်းကလည်း အငှားနဲ့ ထပ်မံခေါ်ယူချင်နေတယ်လို့ သိရပါတယ်။

Ref : Goal
Photo credit: Getty

29/08/2023

ဂွမ်ဒူဇီကို ခေါ်ယူလိုက်တဲ့ လာဇီယို

ဩဂုတ် ၂၉ ရက်

အာဆင်နယ်ကစားသမားဟောင်းတစ်ဦးဖြစ်တဲ့ မက်တီယိုဂွမ်ဒူဇီဟာ မာဆေးလ်အသင်းကနေ လာဇီယိုအသင်းဆီ အငှား + အပြီးသတ်ပုံစံနဲ့ ပြောင်းရွှေ့သွားခဲ့ပြီ ဖြစ်ပါတယ်။

လာဇီယိုဟာ ဂွမ်ဒူဇီအတွက် အငှားကြေး ယူရို ၁ သန်းပေးချေရမှာပါ။ ရာသီကုန်ကြရင်တော့ ယူရို ၁၂ သန်းနဲ့ အပြီးသတ်ခေါ်ယူနိုင်မှာ ဖြစ်ပါတယ်။

အာဆင်နယ်ဟာ ဂွမ်ဒူဇီကို ရောင်းချတုန်းက ၁၅ ရာခိုင်နှုန်း Sell on Clause ထည့်ချုပ်ထားခဲ့ပါတယ်။ ဒါကြောင့် အာဆင်နယ်က ဂွမ်ဒူဇီအပြောင်းအရွှေ့ကနေ ၁၅ ရာခိုင်နှုန်း ရရှိသွားမှာပါ။

Ref : Fabrizio Romano
Photo Credit : L'Equipe

29/08/2023

စမစ်သ်ရိုးကို ခေါ်ယူချင်နေတဲ့ ချဲလ်ဆီး

ဩဂုတ် ၂၉ ရက်

အာဆင်နယ်ကြယ်ပွင့်ကစားသမားလေး စမစ်သ်ရိုးဟာ ချဲလ်ဆီးအသင်း ဈေးကွက်မပိတ်ခင် ခေါ်ယူနိုင်ချေရှိတဲ့ ပစ်မှတ်ကစားသမားတစ်ဦး ဖြစ်လာပါတယ်။

ချဲလ်ဆီးဟာ စမစ်သ်ရိုးကို သဘောကျနေပြီးတော့ ၂၃ နှစ်သာ ရှိသေးတာကြောင့် ရေရှည်အသုံးပြုနိုင်မယ်လို့ လက်ခံထားပါတယ်။ အာဆင်နယ်ထံကို ချိတ်ဆက်ထားတာတော့ မရှိသေးပါဘူး။

အာဆင်နယ်ကလည်း စမစ်သ်ရိုးအတွက် သင့်တော်တဲ့ ကမ်းလှမ်းမှုသာ ရောက်လာမယ်ဆိုရင် ရောင်းချဖို့အတွက် လမ်းဖွင့်ထားပါတယ်။

Ref : The Times
Photo Credit : Sky Sports

29/08/2023

မားကို့စ်အလွန်ဆိုကို အငှားခေါ်ယူချင်နေတဲ့ ယူနိုက်တက်

သြဂုတ် ၂၉ ရက်

ယူနိုက်တက်ဟာ ဒဏ်ရာပြဿနာနဲ့ ရင်ဆိုင်နေရတဲ့ ဘယ်ခြမ်းတိုက်စစ်အတွက် ဘာစီလိုနာ နောက်ခံလူ မားကိုစ်အလွန်ဆိုကို အငှားနဲ့ခေါ်ယူချင်နေပါတယ်။

လက်ရှိမှာ လုခ်ရှောနဲ့ မာလာစီယာက ဒဏ်ရာကိုယ်စီရှိနေတာကြောင့် အလွန်ဆ်ိုကို တရာသီလောက်အငှားနဲ့ အလိုရှိနေပါတယ်။

အလွန်ဆိုဟာ ပြီးခဲ့တဲ့ ဘောလုံးရာသီကမှ ချဲလ်ဆီးအသင်းနဲ့ စာချုပ်သက်တမ်းပြည့်ပြီး ဘာစီလိုနာကို အလွတ်နဲ့ ပြောင်းရွှေ့လာခဲ့တာ ဖြစ်ပါတယ်။

Ref : Goal
Photo credit : Getty

29/08/2023

ဒိုင်ကိုဆဲဆိုခဲ့တာကြောင့် အရေးယူခံရနိုင်တဲ့ ဗန်ဒိုက်

သြဂုတ် ၂၉ ရက်

လီဗာပူးနောက်ခံလူ ဗန်ဒိုက်ဟာ နယူးကာဆယ်နဲ့ပွဲစဉ်မှာ ဖျက်ထုတ်ပုံ အနည်းငယ်ကြမ်းတမ်းခဲ့တာကြောင့် တိုက်ရိုက်အနီကတ်နဲ့ ထုတ်ပယ်ခံခဲ့ရပါတယ်။

အနီကတ်ပြခံရအပြီးမှာ ဗန်ဒိုက်တယောက် ဒိုင်ကိုဆဲဆိုသွားခဲ့တာကြောင့် ဒီကိစ္စကိုပြန်လည် စီစစ်သွားမယ်လို့ သိရပါတယ်။

တကယ်လို့သာ အရေးယူခံရရင် ဗန်ဒိုက်အနေနဲ့ ၃ ပွဲထက်မနည်း အပယ်ခံရမှာ ဖြစ်ပါတယ်။

Ref : Sky Sport
Photo cedit : Sky Sport

29/08/2023

ဘန်လေအသင်းကို အနိုင်ရပြီးနောက်မှာ အက်စတွန်ဗီလာအသင်းရဲ့ ဘတ်စ်ကား တိုက်ခိုက်ခံခဲ့ရပါတယ်။

29/08/2023

အမ်မရာဘတ်ကို ကြားဖြတ်ခေါ်ယူချင်နေတဲ့ နာပိုလီ

သြဂုတ် ၂၉ ရက်

နာပိုလီအသင်းဟာ ယူနိုက်တက်က အလိုရှိနေတဲ့ ကွင်းလယ်လူ ဆော်ဖရန်အမ်မရာဘတ်ကို ကြားဖြတ်ခေါ်ယူချင်နေပါတယ်။

အမ်မရာဘတ်ကို ယူနိုက်တက်က စိတ်ဝင်စားနေပေမယ့် တိကျသေချာတဲ့ကမ်းလှမ်းမှုမျိုးတော့ မလုပ်ရသေးပါဘူး။

ဒီအချိန်မှာ နာပိုလီအသင်းကလည်း ကြားဖြတ်ဝင်လာပြီး ပေါင်သန်း ၃၀ နဲ့ စတင်ကမ်းလှမ်းတော့မယ်လို့ သိရပါတယ်။

Ref : Goal
Photo credit : Getty

29/08/2023

ကန်ဆယ်လို အငှားခေါ်ယူလိုက်တဲ့ ဘာစီလိုနာ

သြဂုတ် ၂၉ ရက်

စပိန်ထိပ်သိီးကလပ် ဘာစီလိုနာအသင်းဟာ မန်စီးတီးနောက်ခံလူ ကန်ဆယ်လိုကို တရာသီအငှားနဲ့ ခေါ်ယူလိုက်ပါတယ်။

ကန်ဆယ်လိုဟာ ပြီးခဲ့တဲ့ရာသီမှာလည်း အသင်းမှာနေရာမရခဲ့တာကြောင့် ဘိုင်ယန်မြူးနစ်ကို အငှားထွက်ကစားခဲ့ပါတယ်။

ဒီတခါတော့ ဘာစီလိုနာကို အငှားထပ်ထွက်ခဲ့ပြီး အပြီးသတ် ဝယ်ယူခွင့်လည်း ပါရှိသွားမှာ ဖြစ်ပါတယ်။

Ref : Football 365
Photo credit : Football 365

28/08/2023

မက်သရပ်စ်နူနက်စ်အတွက် နောက်တစ်ကြိမ်ကမ်းလှမ်းထားတဲ့ မန်စီးတီး

ဩဂုတ် ၂၈ ရက်

မန်စီးတီးအသင်းဟာ ကွင်းလယ်ပိုင်း အားဖြည့်‌ဖို့ ပြင်ဆင်နေပြီးတော့ ဝုဗ်ကွင်းလယ်လူ မက်သရပ်စ်နူနက်စ်ကို ခေါ်ယူဖို့ ပြင်ဆင်နေပါတယ်။

မက်သရပ်နူနက်စ်နဲ့ မန်စီးတီးတို့ကြားမှာတော့ ပုဂ္ဂိုလ်ရေးသဘောတူညီမှုရထားပြီးသား ဖြစ်ပါတယ်။ ပထမအကြိမ်ကမ်းလှမ်းမှုကိုတော့ ဝုဗ်က ပယ်ချထားပါတယ်။

မန်စီးတီးဟာ မကြာသေးခင်တုန်းကတော့ ဒုတိယအကြိမ်ကမ်းလှမ်းမှု ပြုလုပ်ထားပြီ ဖြစ်ပါတယ်။ ယူရိုသန်း ၆၀ အပြင် အပိုဆုကြေးတွေနဲ့ ကမ်းလှမ်းထားတယ်လို့ သိရပါတယ်။

Ref : MEN
Photo Credit : The Sun

28/08/2023

ဘရန်နင်ဂျွန်ဆင်ကို ခေါ်ယူဖို့ ကြိုးစားမယ့် စပါး

ဩဂုတ် ၂၈ ရက်

စပါးအသင်းဟာ ကိန်း ထွက်ခွာသွားတဲ့ တိုက်စစ်ကို အားဖြည့်ဖို့အတွက် ဖောရက်စ်တိုက်စစ်မှူး ဘရန်နင်ဂျွန်ဆင်ကို ခေါ်ယူဖို့ ပြင်ဆင်နေပါတယ်။ ဘရန်နင်ဂျွန်ဆင်ကို ခေါ်ယူမယ့် အစီအစဉ်ကို နည်းပြကြီး ပိုစတီ‌ကော့ဂလူကလည်း လက်ခံလိုက်ပါပြီ။

ဒါကြောင့် စပါးဟာ ဘရန်နင်ဂျွန်ဆင်အတွက် စတင်ချဉ်းကပ်နေပြီလို့ သိရပါတယ်။ နော့တင်ဟမ်ဖောရက်စ်က‌တော့ ဘရန်နင်ဂျွန်ဆင်ကို ရောင်းထုတ်သွားမယ့် ကစားသမားမဟုတ်ဘူးလို့ သတ်မှတ်ထားပါတယ်။

ဒီ့မတိုင်ခင်ကလည်း ဂျွန်ဆင်အတွက် ကမ်းလှမ်းမှုတွေ ရှိခဲ့ပါတယ်။ ဒါပေမယ့် ဖောရက်စ်ကတော့ အားလုံးကို ပယ်ချထားခဲ့ပါတယ်။

Ref : Fabrizio Romano
Photo Credit : Sky Sports

28/08/2023

တော်မီနေးကို ခေါ်ယူချင်နေတဲ့ ဘိုင်ယန်မြူးနစ်

သြဂုတ် ၂၈ ရက်

ဘိုင်ယန်မြူးနစ်အသင်းဟာ ယူနိုက်တက်က ရောင်းချဖို့ကြိုးစားနေတဲ့ ကွင်းလယ်လူ မက်တော်မီနေးကို ခေါ်ယူချင်နေတယ်လို့ သိရပါတယ်။

တော်မီနေးရဲ့ အပြောင်းအရွှေ့အတွက် သူတို့ရဲ့ကွင်းလယ်လူ ဂရေဗန်ဘက်ချ်ကို ယူနိုက်တက်ဆီ အငှားပြန်ချသွားမယ်လို့ သိရပါတယ်။

လက်ရှိမှာ လီဗာပူးအသင်းကလည်း ဂရေဗန်ဘက်ချ်ကို ခေါ်ယူချင်နေတယ်လို့ သိရပါတယ်။

Ref : Daily Mail
Photo credit : Daily Mail

28/08/2023

အနာဂတ်မရေမရာဖြစ်နေတဲ့ ဂရေဗန်ဘတ်ခ်ျ

ဩဂုတ် ၂၈ ရက်

ဘိုင်ယန်မြူးနစ်အသင်းရဲ့ ကွင်းလယ်ကစားသမား ရိုင်ယန်ဂရေဗန်ဘတ်ခ်ျဟာ ယူနိုက်တက်နဲ့ လီဗာပူးလ်အသင်းတွေရဲ့ ပစ်မှတ်ကစားသမား ဖြစ်‌နေပါတယ်။

အဲ့ဒီနှစ်သင်းက ဂရေဗန်ဘတ်ခ်ျရဲ့ အခြေအနေကို သတင်းပို့ဖို့အတွက် ဘိုင်ယန်ကို ပြောထားပါတယ်။ ဒါပေမယ့် တရား၀င်ကမ်းလှမ်းထားတာမျိုး မရှိသေးပါဘူး။

“လာမယ့်ရက်တွေအတွင်း ဘာတွေဖြစ်လာမလဲဆိုတာ ကျွန်တော်ကိုယ်တိုင်လည်း မသိသေးပါဘူး။ စောင့်ကြည့်ရမှာပါ။” လို့ ပြောသွားတာပါ။

Ref : Bild
Photo Credit : MEN

28/08/2023

ကူကူရယ်လာကို အငှားခေါ်ယူနိုင်ဖွယ်ရှိတဲ့ ယူနိုက်တက်

ဩဂုတ် ၂၈ ရက်

ယူနိုက်တက်ဟာ ချဲလ်ဆီးအသင်းရဲ့ ဘယ်နောက်ခံလူ မာ့ခ်ကူကူရယ်လာကို အငှားခေါ်ယူဖို့ စီစဉ်ထားပါတယ်။

အသင်းရဲ့ ဘယ်နောက်ခံလူနေရာက လုခ်ရှောနဲ့ မာလာစီယာတို့ ဒဏ်ရာရနေတာကြောင့် ယခုလို ခေါ်ယူဖို့ ပြင်ဆင်လာတာ ဖြစ်ပါတယ်။ မကြာသေးခင်က ချဲလ်ဆီးနဲ့ တိုက်ရိုက်ဆွေး‌နွေးခဲ့ပါတယ်။

ချဲလ်ဆီးကလည်း ကူကူရယ်လာကို အငှားချဖို့ စီစဉ်ထားပါတယ်။ အငှားကြေးနဲ့ လစာပေးချေမှုအပိုင်းကို ဆက်လက်ဆွေးနွေးရဦးမှာ ဖြစ်ပါတယ်။

Ref : The Athletic
Photo Credit : Football London

28/08/2023

ဒိုင်လူကြီးကို လက်မှတ်ထိုးခိုင်းတဲ့ ရော်နယ်ဒို

ဩဂုတ် ၂၈ ရက်

ဩဂုတ်လ ၂၆ ရက်နေ့က အယ်လ်ဖာတက်နဲပွဲမှာ အယ်လ်နာဆာအတွက် ဟက်ထရစ်သွင်းယူခဲ့တဲ့ ရော်နယ်ဒိုက ကစားခဲ့တဲ့ဘောလုံးကို အမှတ်တရအနေနဲ့ ယူဆောင်သွားခဲ့ပါတယ်။

သူယူဆောင်သွားတဲ့ ဘောလုံးပေါ်မှာ ကွင်းလယ်ဒိုင်လူကြီးကို လက်မှတ်ထိုးခိုင်းခဲ့ပါတယ်။ ဒါဟာ ဘောလုံးသမားတယောက်က ဒိုင်လူကြီးဆီကနေ လက်မှတ်ပြန်တောင်းနေတဲ့ ရှားပါးတဲ့ ဖြစ်ရပ်တခုပါ။

ပုံမှန်ဆိုရင် အခြားသောသူတွေက ကစားသမားတွေရဲ့လက်မှတ်ကို ပုံမှန်တောင်းယူနေကြတာ ဖြစ်ပါတယ်။ ကမ္ဘာကျော်ကစားသမားတယောာက်ဆီက လက်မှတ်တောင်းဆိုခံရတဲ့ ကွင်းလယ်ဒိုင်တယောက်ရဲ့ စိတ်ခံစားမှုကတော့ အရမ်းကို ကျေနပ်ပျော်ရွှင်နေမှာ သေချာပါတယ်။

Photo credit : Getty

28/08/2023

မက်ဆီဘေးက စောင့်ရှောက်သူ (သို့မဟုတ်) ရက်ဆင်းချူကို

28/08/2023

ဆော်ဒီကို နည်းပြမယ့် မန်စီနီ

ဩဂုတ် ၂၈ ရက်

အီတလီလက်ရွေးစင်နည်းပြဟောင်း ရောဘတ်တိုမန်စီနီတယောက်ကတော့ ဆော်ဒီလက်ရွေးစင်အသင်းရဲ့ နည်းပြအဖြစ် ဆောင်ရွက်သွားတော့မှာပါ။

ဆော်ဒီဘက်က မန်စီနီကို တနှစ်လုပ်ခ ယူရိုသန်း ၃၀ ဝန်းကျင်နဲ့ ၄ နှစ်စာချုပ် ချုပ်ဆိုခဲ့ပါတယ်။

ဒီဝင်ငွေကြောင့် မန်စီနီဟာ ဝင်ငွေအများဆုံးရရှိတဲ့ နည်းပြတွေထဲမှာ တဦးအပါအဝင် ဖြစ်လာခဲ့ပါတယ်။

ဆော်ဒီနိုင်ငံဟာ လက်ရှိမှာ သူတို့ပြည်တွင်းလိဂ်ကိုလည်း ဥရောပဘက်က နာမည်ကြီးကစားသမားတွေကို ငွေအမြောက်အမြားပေးပြီး ခေါ်ယူနေသလို နိုင်ငံလက်ရွေးစင်အသင်းကိုလည်း အကောင်းဆုံးဖြစ်အောင် ပြင်ဆင်နေပါတယ်။

Photo credit : Getty

28/08/2023

အယ်အစ်တီဟတ်အသင်းကို ပြောင်းရွှေ့ချင်နေတဲ့ ဆာလာ

သြဂုတ် ၂၈ ရက်

လီဗာပူးတိုက်စစ်မှူးမိုဆာလာဟာ မြင့်မားတဲ့လစာနဲ့ ကမ်းလှမ်းထားတဲ့ အယ်အစ်တီဟက်အသင်းကို ပြောင်းရွှေ့ဖို့ စိတ်အားထက်သန်နေတယ်လို့ သိရပါတယ်။

အယ်အစ်တီဟက်အသင်းဟာ ဆာလာအတွက် ယူရိုသန်း ၁၀၀ နဲ့ ကမ်းလှမ်းခဲ့သလို တစ်နှစ်လုပ်ခ ယူရိုသန်း ၇၀ ရရှိသွားမှာ ဖြစ်ပါတယ်။

အယ်အစ်တီဟက်အသင်းရဲ့ မက်မောလောက်စရာ ကမ်းလှမ်းမှုကြောင့် ဆာလာနဲ့ သူ့ရဲ့မိသားစုတွေက ဆော်ဒီကလပ်ကို ပြောင်းရွှေ့လိုနေပါတယ်

Ref : Goal
Photo credit : Getty

27/08/2023

စပိန်ဘောလုံးအဖွဲ့ချုပ်ဥက္ကဌကို ဖီဖာကဆိုင်းငံ့

သြဂုတ် ၂၇ ရက်

အမျိုးသမီးကမ္ဘာ့ဖလားဗိုလ်လုပွဲအပြီးမှာ စပိန်ဘောလုံးအဖွဲ့ချုပ်ဥက္ကဌကို စုံစမ်းစစ်ဆေးမှုတွေ ပြုလုပ်နေပါတယ်။

ဥက္ကဌရူဘီယာလက်စ်ဟာ ဆုချီးမြှင့်ပွဲအခမ်းအနားမှာ စပိန်ကြယ်ပွင့် ဂျနီဖာဟာမိုဆိုရဲ့ နှုတ်ခမ်းကို နမ်းခဲ့တာကြောင့် စစ်ဆေးခံနေရတာပါ။

ဒီကိစ္စနဲ့ပတ်သက်ပြီး ဖီဖာကလည်း ရူဘီယာလက်စ်တယောက် မဖွယ်မရာပြုမူတယ်လို့ ယူဆတာကြောင့် တာဝန်ကနေ ရက် ၉၀ ထိ ဆိုင်းငံ့လိုက်ပါတယ်။

Ref : Goal
Photo credit : Getty

27/08/2023

ကာတာကလပ်အသင်းတစ်သင်းနဲ့ သဘောတူညီမှု ရသွားတဲ့ ကော်တင်ဟို

ဩဂုတ် ၂၇ ရက်

ဖိလစ်ပီကော်တင်ဟိုဟာ ဒီရာသီမှာ အက်စတွန်ဗီလာ အသင်းကနေ ထွက်ခွာတော့မယ့် ကစားသမားတစ်ဦး ဖြစ်ပါတယ်။

လက်ရှိမှာတော့ ကာတာကလပ် အယ်ဒူဟေးလ်အသင်းက ကော်တင်ဟိုကို ခေါ်ယူဖို့အတွက် ပုဂ္ဂိုလ်ရေးသဘောတူညီမှု ရသွားခဲ့ပြီ ဖြစ်ပါတယ်။

ဒါပေမယ့်လည်း ကစားသမားနဲ့တော့ သဘောတူညီမှု မရသေးပါဘူး။ အယ်‌ဒူဟေးအသင်းကတော့ အပြောင်းအရွှေ့ကို အမြန်ဆုံး အပြီးသတ်ချင်နေပါတယ်။

Ref : Marca
Photo Credit : Football London

27/08/2023

လူကာကူကို ခေါ်ယူဖို့ အခြေအနေကောင်းနေတဲ့ ရိုးမား

ဩဂုတ် ၂၇ ရက်

ရိုးမားအသင်းဟာ ချဲလ်ဆီးတိုက်စစ်မှူး ရိုမဲလုလူကာကူကို ခေါ်ယူဖို့အတွက် ဆွေးနွေးမှုတွေ ပြုလုပ်နေပါတယ်။ အသင်းဘုတ်အဖွဲ့က တာ၀န်ရှိသူတွေကိုယ်တိုင် လန်ဒန်မှာ လာရောက်ဆွေးနွေးနေတာပါ။

ရိုးမားက လူကာကူကို ကနဦးအငှားခေါ်ယူပြီးမှ အပြီးသတ်ခေါ်ယူမှာပါ။ လက်ရှိမှာ ရိုးမားဘက်က နှုတ်အားဖြင့် ကမ်းလှမ်းမှုတွေလည်း ပြုလုပ်ထားခဲ့ပါတယ်။

ရိုးမားက အငှားကြေးနဲ့ လစာပမာဏတချို့တ၀က်ကို ပေးချေသွားမှာ ဖြစ်ပါတယ်။ ဒီဆွေးနွေးမှုမှာ တော့ဒ်ဘိုလေတို့ကိုယ်တိုင် ပါ၀င်နေပါတယ်။

Ref : Fabrizio Romano
Photo Credit : Goal

27/08/2023

ကူကူရယ်လာကို အငှားနဲ့ခေါ်ယူချင်နေတဲ့ ယူနိုက်တက်

သြဂုတ် ၂၇ ရက်

ယူနိုက်တက်အသင်းဟာ ချဲလ်ဆီးမှာ ပွဲထွက်ခွင့်တွေပျောက်ဆုံးနေတဲ့ နောက်ခံလူ ကူကူရယ်လာကို တရာသီအငှားနဲ့ ခေါ်ယူချင်နေပါတယ်။

ယူနိုက်တက်ဟာ လက်ရှိမှာ ဘယ်နောက်ခံလူတွေဖြစ်တဲ့ လုခ်ရှောရော မာလာစီယာရော ဒဏ်ရာရရှိနေတာကြောင့် ရေတိုကစားသမားတဦး ရှာဖွေနေတာပါ။

လက်ရှိမှာ ချဲလ်ဆီး ဘယ်နောက်ခံလူ ကူကူရယ်လာကို ဆက်သွယ်ထားပြီး တရားဝင်ကမ်းလှမ်းမှုတွေတော့ မရှိသေးပါဘူး။

Ref : The Sun
Photo credit : The Sun

Address

Pathein

Telephone

+66618818465

Website

facebook.com

Alerts

Be the first to know and let us send you an email when Ayeyarwaddy Times - Sport posts news and promotions. Your email address will not be used for any other purpose, and you can unsubscribe at any time.