ILCDA Organization

09/12/2024

အင်းသားရိုးရာ အခြေခံ ကျား/မ ဝတ်စုံချုပ်(အခြေခံစက်ချုပ်) သင်တန်း အမှတ်စဉ်(2 )သင်တန်းသား လျှောက်လွှာခေါ်ယူခြင်း
သင်တန်း မှာ အခမဲ့ ဖြစ်ပါသည်။
စိတ်ဝင်စားသူမျာ လာရောက်၍ (30.12.2024)ရက်နေ့ နောက်ဆုံးထားပြီ ရုံးချိန်အတွင်း လျှောက်ထားနိုင်ပါသည်။ လျှောက်လွှာကို ရုံးတွင် လာရောက်ထုတ်ယူနိုင်ပါသည်။
ဆက်သွယ်ရန်ဖုန်း 09449927733

20/10/2024

အင်းလေးဒေသ ရေဘေးသင့်ကျေးရွာများတွင် ချက်ပြုတ်ဆေးကြောသုံး‌စွဲ့သည့် သုံးရေ ရယူရန် ခက်ခဲ့နေသည့် ကျေးရွားများအား
အင်းသားစာပေယဉ်ကျေးမှုနှင့် ဒေသဖွံ့ဖြိုးရေးအသင်း၏
ရေ‌ကြည်ရေကောင်း ရရှိရေးအဖွဲ့က
လက်ရှိ အင်းရေဖြင့်မသုံးစွဲရေ၊
မဖြစ်မနေသုံးစွဲရမည်ဆိုပါက ရေသန့်ဆေးပြားသုံး၍ သုံးစွဲရေး၊
အဓိကအားဖြင့်ရပ်ရွာနှင့်အနီးဆုံး ရေတွင်း ရေကန် ရေထွက်များတွင် တရွာလုံးသုံးရန် သွားရောက်ယူငင်ရေး စသည်များအတွက် လိုက်လံဆော်‌ဩကာ ရေကြည်ရေကောင်းသယ်ယူရေးတွင် သုံးစွဲမည့် စက်သုံးဆီအတွက် ငွေကြေးများမတည်ပေးခြင်းနှင့် ရေသန့်ဆေးပြားများ ဖြန့်ဝေပေးခြင်း
စသော လုပ်ငန်းများကို ဆောင်ရွက်လျက်ရှိပါသည်။

ယင်းသို့ဆောင်ရွက်နေသည့်
ရေကြည်ရေကောင်း ရရှိရေး အဖွဲ့အား
လုပ်ငန်းများ ဆက်လက်အကောင်အထည်ဖေါ်နိုင်ရေးအတွက်
ဝန်ကြီးချုပ် (ရှမ်းပြည်နယ်အစိုးရအဖွဲ့ )က
ကျပ်သိန်းတရာ(၁၀၀သိန်းကျပ်)ဖြင့်
ပံ့ပိုးကူညီပေးခြင်းကို
ကျေးဇူးတင်စွာ လက်ခံရရှိပါသည်။

‌အလှူရှင်နှင့် ရေဘေးသင့်သူအပေါင်း ဘေးဘယာဝေးကွာ ငြိမ်းချမ်းသာယာကြ‌စေသောဝ်။

01/10/2024

ရေကောင်းရေကြည်

အင်းလေး ရေသည် တရက်ကို တလက်မခွဲနှုန်းကျော်ကျော်လေးဖြင့် ကျဆင်းလျက်ရှိသည်။

သောက်ရေသည်ကား လက်လှမ်းမှိသရွေ မေးမြန်းကြည်ရာ အလှူရှင်များ ကျေးဇူးအရ ရေသန့်များနှင့် သုံးစွဲ၍ အဆင်ပြေနေဆဲဟု သိရသည်။

ချက်ပြုတ်သုံးစွဲရန် ရေကိုကား တချို့က ဘုန်းကြီးကျောင်း ရေတွင်း၊ စက်ရေတွင်း တချိုရွာကား ရေစစ်ကန် တချိုရွာများက ချောင်းမှ စစ်သောရေ တချို့ရွာများက နီးစပ်ရာ ရေထွက်များကရယူသုံးစွဲသည်ဟု သိရသော်လည်း တချို့ရွာတော်တော်များများက လက်ရှိရေကို ကြိုချက်၍ သုံးစွဲကြသည်ဟု သိရ၏။

ယခုအချက်များသည် လှမ်း၍ မေးမြန်းစုံစမ်းသောအချက်အလက်များဖြစ်ရာ ရွာရှိ ငွေကြေးရှိသူများသာလော၊ အခြားသော ပုံမှန်အဆင့်ရှိသူများပါ ပါဝင်သလော၊လုံးဝအဆင်မပြေသူများ မည်သို့ သုံးစွဲကြသနည်းဟုတွေးစရာ ဖြစ်လာသည်။

မည်သို့ပင်ဖြစ်စေ ချက်ပြုတ်စားသောက်ရသော ရေကို
ရေကြည်ရေကောင်းဟု အမည်ပေးလျင် ရေကြည်ရေကာင်းသည် ကြီးမားသည် ပြသနာတခုဟု သေချာနေဆဲ ဖြစ်ပါသည်။

ယင်းအတွက် အင်းသားစာပေယဉ်ကျေးမှုအသင်းနှင့် အခြားသူများနှင့်ပူးတွဲကာ ရေကြည်ရေကောင်းရရှိရေး ဟူသော အဖွဲတရပ်ကို နီးစပ်ရာများနှင် စုဖွဲ့ကာ လုပ်ငန်း နှစ်ရပ်ကို ဆောင်ရွက်ရန် စီစဉ်လျက်ရှိပါသည်။

ယင်းတို့မှာ
ရေကြည်ရေကောင်းရရှိရေးအတွက်
၁။ ရေသန့်ဆေးပြားများ ဖြန့်ဝေရန်
၂။ ပတ်ဝန်းကျင်ရှိ ရေထွက်များမှ ရေများကို သယ်ယူနိုင်ရေးအတွက် ရွာသားများနှင့် တိုင်ပင်ဆွေးနွေးအကြံပြုကာ လိုအပ်သော ထောက်ပန့်မှုများ ပြုလုပ်ရန် ဖြစ်ပါသည်။

ရေသန့်ဆေးပြားများကို အလှူရှင်များဖက်မှ လှူဒါန်းလာမှု များ ရှိသည်ဖြစ်ရာ ရောက်ရှိလာသည်နှင့်စတင်ဆောင်ရွက်ပါမည်။

ထိုကြောင့် ကျွမ်းကျင်သူများ တတ်ကျွမ်းနားလည်သူများ
ဒေသခံများ ကျေးရွာများက အကြံပြုခြင်း အချက်အလက်များ သတင်းများပေးပို့ခြင်း ပါဝင်ဆောင်ရွက်ခြင်းများဖြင့် ပူးပေါင်းပါဝင်ပေးကြပါရန် လေးစားစွာ ဖိတ်ခေါ်အပ်ပါသည်။

30/09/2024

အင်းလေးရေဘေး (၂)

စက်တင်ဘာ၏ ကိုး တဆယ် တဆယ်တစ်ရက်နေများတွင် တောင်တရုတ်ပင်လယ်မှ စတင်ဖြစ်ပေါ်သော ရာဂီအမည်ရ မိုခါ မုန်တိုင်း၏ နောက်ဆက်တွဲ သည်းထန်စွာရွာသွန်းသော မိုးရေကြောင့် ရုတ်တရက်တက်လာသော အင်းရေပြင် ရေတက်လာမှ အင်းလေးရေဘေးဟု အားလုံးသိကြ၏၊ ပတ်ဝန်းကျင်က သိကြ၏၊ တနိုင်ငံလုံးသိကြသည်။

အကယ်စင်စစ် ‌ယင်း၏ရှေ့ တလကျော်ကျော်ကတည်းကအင်းသားတောင်သူများ လယ်သမားများ ရေဘေးဒဏ်သင့်၍ အကြီးအကျယ်ဆုံးရှုံးခဲပြီးဖြစ်၏၊ ယခုလို အသာတကြည် မနိုင်၍သည်းခံ ခေါင်းငုံ့အရှုံးပေးခဲ့ရသည်မျိုးမဟုတ်၊ ဆုံးရှုံးမှု မဖြစ်ရန် အကြိတ်အနယ် ရုန်းကန်လှုပ်ရှားရင်း စုတ်ပြတ်သတ်ကာ အလဲထိုးခံရ၍ ထမ်းထုတ်ခံခြင်းဖြစ်၏၊ ဆိုလိုသည်မှာ တစိမ့်စိမ့်တက်လာသော ရေကို အန်တုရင်း စရိတ်ကုန် လူပမ်း ပင်ပမ်းကြီးစွာဖြင့် ဆုံးရှုံးလက်လွှတ်ခဲ့ရခြင်း ဖြစ်လေသည်။

ရလဒ်ကား တချို့ရွာများ ရိတ်သိမ်းလုဆဲဆဲ လယ်များ တက်ရေနှင့်အပြိုင် ရိတ်သိမ်းရင်း ကုန်အောင်မရိတ်နိုင်ချန်ခဲ့ရ၏၊ တချို့ရွာများ စိုက်ပြီးလယ် အပင်မတက်ခင် ရေအရင်တက်၍ နိုင်မလားဟု စက်အားဖြင့် ပက်ထုတ်ရင်း အရှုံးပေးရ၏၊ တူးဖေါ်ရခါနီး မြေပဲခင်းများ ဝင်လာသောရေများကိုပက်ထုတ်ရင်း ပို၍ပို၍ နစ်မြုပ်လာမှုကိုမျက်ရည်ကြားက မှုန်ဝါးဝါးကြည့်ရင်း အိမ်ပြန်ခဲ့ရ၏။

နောက်တဆင့် ကုန်စိမ်းဟုခေါ်သော ဗူး ဖယုံ သခွါး ဂေါ်ရခါး ပဲတောင့် ခရမ်းသီး စသော မီးဖိုချောင်သုံး အသီးအနှံများ အင်နှင်အားနှင့် ထွက်ရန်အဆင်သင့်ဖြစ်ချိန်တွင် ရေမြှုပ်ခဲ့၍ သီးနှံများ တပြွတ်တခဲကို မချိတင်ကဲ ကြည့်ရင်း လက်မြှောက်ခဲ့ရ၏၊ မည်မျှများသနည်းဆိုသော် တိုင်းပြည်တခုလုံးသို့ လိုအပ်သော ကုန်စိမ်းများကို မှာတိုင်းမလွဲရောင်းပေးနိုင်သော ကုန်အရေအတွက်ဖြစ်ပါ၏။ အရပ်ရပ်၌ လက်ရှိကုန်စိမ်းဈေး မကြားစဖူး ထူးကဲစွာ ခေါင်ခိုက်နေခြင်းမှ ယင်း၏ အကျိုးဆက်ဖြစ်ပေသည်။

ဆိုလိုသည်ကား အင်းသားများသည် ပြီးခဲသော တလကျော်ကျော်ကတည်းက ရမည်ငွေ မရခြင်း စိုက်ထုတ်သည့်ငွေ လမ်းခုလပ်၌ ပျောက်ကွယ်ခြင်းတို့ကြောင့်မီးစာကုန်ဆီခမ်း ဖြစ်နေသည့်သဘောဖြစ်၏။ ယင်းကြားမှ မဖြစ်စဖူး ယခုအဖြစ်ထူးသည် လက်ဝှေ့စကားနှင်ဆိုရသော် သဘာဝတရားက အင်းသားများအား ပွဲသိမ်းကွက်ဖြင့် အသေသတ်ခြင်းဟု ဆိုရပေမည်။

အဘယ်ကြောင့်နည်း ယခုတကြိမ်တွင် ပွဲစား ကုန်သည် စက်ပိုင် အရောင်းဆိုင် လုပ်ငန်းရှင်
စသော အကုန်လုံးသော လုပ်ငန်းရှင်များအားလုံး ကိုယ်စီဆုံးရှုံးကြရသည်၊ ဆုံးရှုံးမှုတန်ဖိုး မြင့်မားလှသည်။

လက်ရှိထပ်မံရင်ဆိုင်နေရသည်မှာ နာမည်ကြီး ကျွန်းမျောစိုက်ခင်းများဖြစ်၏၊ သူတို့ကို တည်နေစေရန် ဝါးဖြင်စိုက်ခါ ထိန်းထားရသည်တွင် ရုတ်တရက် ဆယ်ပေခန့်ရေမြင်ပြီး တရက်နှစ်ရက်အလွန် ညနေ၏ လေပွေ အမွှေ့တွင် စိုက်ထားသည့်ဝါးအဖျားသာ အထိန်းရှိသည် ကျွန်းမျောများ မျောထွက်ကုန်ရာ တအင်းလုံးမွစာကျဲကုန်၏၊ တချို့ကား အပင်နု၊ တချိုးကား ခူးလက်စ၊ တချိုကားအဟောင်း၊ခြံနီးခြင်းပင်မဟုတ် တရွာနှင်တရွာတောင် ရောကုန်၏၊ယခု ရှင်းနေဆဲ ဆွဲနေဆဲ အရာသိပ်မထင်သေး။

ယခုရေသည် အင်းလေး၏ ကုန်းမြင့်ပိုင်းများက ခြံ‌များကိုပါ ဆွဲနှစ်ထားလေရာ ဘာတခုမကျန်ပေ။

ဆိုလိုသည်ကား အင်းသားများ လုပ်ရန်အလုပ်နည်းပါး၏ လုပ်ရန် အလုပ်မရှိ‌တော့ဟုပင်ဆိုနိုင်၏၊ ယင်းသည် နောက်ထပ်တလနှစ်လ ကြာနိုင်သည်။ တောင်သူများကို ကြိုတင်ထုတ်ချေး အကြွေးပေးသော ဆိုင်များ ပွဲစား ကုန်သည်များသည်လည်း ယခုဘေးဒဏ်တွေအရ ခပ်ယဲ့ယဲ့။

ထိုရော်အခါ အဆင့်ဆင့် ခံခဲ့ရသော လူအများသည်
စုငွေမရှိ အလုပ်မရှိ ဝင်ငွေမရ ဘယ်စခန်း ဘယ်လိုဆက်၍ သွားမလည်း တွေးရန် ခက်လေသည်။

ထိုကြောင့် အလှူရှင်များသည် ပင်မ စားစရာ ဆန်ဆီတို့ကို အဓိကထားလှူပေးရန် တိုက်တွန်းလို၏၊ တာဝန်ရှိအဖွဲအစည်းများ ပရဟိတများ အားလုံးကိုလည်း လနှင့်ချီ၍ စားနပ်ရိက္ခါများ ရရှိနိုင်ရေး စီစဉ်ချိတ်ဆက်ပေးရန် တိုက်တွန်းလိုပါ၏ မေတ္တာရပ်ခံလိုပါသည်။

ကျနော်တို့ ဒေသခံများ အနေဖြင့်ကား
ဂုဏ်ဆာသည်တော့မဟုတ် အရေးပေါ်၍ ဆိုရလေသော်အင်းသားများသည် ဒုက္ခရောက်၍ မိမိတို့ဒေသသို့ လာရောက်ခိုလှုံသူများအား လူမျိုးမရွေး ဘာသာမရွေး တခါလည်းမဟုတ် တကြိမ်လည်းမက လရက်ရှည်အားဖြင့် မငြူမစူ မရှိ ရှိတာ ကြံဖန်ကြွေးမွေး နေရာပေးခဲ့သည်မှာ မကြာလှသေးကြောင်း အထူးပြောစရာမလို အားလုံးအသိပင်ဖြစ်၏။
ဤစကားသည်မှန်ပါ၏။
ဤသို့မှန်သောစကားကို ဆိုရခြင်းကြောင်း ယခုကြုံတွေ့နေရသော အခက်အခဲများသည် လွယ်ကူသောနည်းလမ်း အနည်းဆုံးသော အန္တရာယ်တို့ဖြင့် လွန်မြောက်ရပါလို၏ဟု သစ္စာဆိုယုံမှတပါး။

အယ်စိုး(ကရဝိက်)
၃၀ ၉ ၂၀၂၄

29/09/2024

အင်းလေး ရေဘေး (၁)

အင်းလေးရဲ့ ရေဘေးဆိုတာက နှစ်စဉ် ရှိနေကြထက် ရှစ်ပေခန့် ရုတ်တရက်ပိုမို မြင့်တက်သွားတာကြောင့် ဖြစ်ရခြင်း ဖြစ်ပါတယ်။
အင်းသားတွေဟာ ခေတ်အဆက်ဆက် ပြောင်းလည်းလာတဲ့ ရေအမြင့်ကို ချိန်ဆပြီး မိမိတို့ရဲ့ ဘဝနေထိုင်မှု ပုံစံကို နေရာချ ပြုပြင်လို့ နိုင်ငံတကာကပါ ချစ်ခင် အံ့ဩ နှစ်သက်မှုရအောင် နေထိုင်လာခဲ့တဲ့ လူမျိုးတမျိုးပါ။

အင်းလေးရေပြင်ရဲ့ ရေအမြင့်ဟာ ရာသီအလိုက် မတူပေမဲ့ အပြောင်းအလည်းနှုန်းက နည်းပါတယ်။ ဒါပေမဲ့ ခုဆယ်စုနှစ် နှစ်စုအတွင်းမှာ အင်းလေးကန်ရဲ့ ရေဟာ ထူးထူးခြားခြား နည်းပါးခဲ့ပါတယ်။ တချို့အင်းလေးကန်ရဲ့ကြမ်းပြင်မှာ ပတ်ကြားတွေအက်ခဲ့တဲ့ နှစ်တွေ ရှိလာခဲ့တဲ့ တိုင်အောင် မြင်ရခဲ့ပါတယ်။

အင်းသားတွေကလည်း အဲဒီ ဖြစ်တည်မှုအလိုက် နေထိုင်မှုပုံစံကို ပြောင်းလည်းခဲ့ပါတယ်။ သွားလာရေးအတွက် ရေလမ်းအစားကုန်းလမ်း၊ စက်လှေအစား ကား၊ဆိုင်ကယ်ကို အများစုပြောင်းလည်းခဲ့သလို့ စိုက်ပျိုးတဲ့ သီးနှံအမျိုးအစားတွေ စိုက်ပျိုးချိန်တွေကိုပါ ပြောင်းလည်းခဲ့ကြပါတယ်။

ပြောချင်တာက ပင်မအင်းရေပြင်မှာ ရေအမြင့်ကလေး ခြောက်ပေလေးပေလောက်ကို အခြေခံထားပြီး မြင့်လာရင်လည်း ဆယ်ပေ ဆယ်နှစ်ပေကြားထဲ ဘဝနေထိုင်မှုကို ပြောင်းလည်းထားလို့ အသားကျနေပါပြီ။

ဒါပေမဲ့ အခုလို ပေနှစ်ဆယ်ကျော်အထိ ရုတ်တရက် မြင့်တက်လာတဲ့ အနေအထားအတွက် ဘယ်လိုမှ ခုခံနိုင်စွမ်းမရှိပါဘူး၊ အထူးသဖြစ် ကမ်းစပ်က အင်းသားတွေအများစုဟာ လှေ မရှိကြတော့တာပါ၊ သူတို့က သဘာဝတရားရဲ့ အလိုအရ ပြုပြင်ရင်း အင်းလေးကန်ထဲ့ ကြည်းကုန်းသား တွေ အဖြစ်ပြောင်းလည်းသွားတာ ဆယ်စုနှစ်ကျော် ခဲ့ပါပြီ၊ အဲလိုအချိန်မျိုးရောက်ခါမှ ရေပြင်အစပ်ဟာ တောင်နရံကပ်လာတဲ့ အချိန်မှာ သူတို့မှာ ရေပြင်အတွက် ဘာပြင်ဆင်ချက်မှ မရှိနိုင်တော့ပါဘူး။

အထူးသဖြင့် သောက်သုံးရေကို ရေပြင်ပေါ်က ရွာတွေမှာရေသန့်ဖြင့် သောက်သုံးနေသည်မှာ ကြာခဲပြီ ဖြစ်ပါတယ်၊ရေပြင်က ကုန်းရွာအဖြစ်ပြောင်းသွားတဲ့ရွာတွေကတော့ ရေသန့် တွင်းရေ အဝီစိရေ စိမ့်စမ်းရေစစ် ကန်ရေစစ်တွေနဲ့ သုံးစွဲခဲကြပါတယ်။

အိမ်သာအတွက်လည်း ယင်လုံအိမ်သာကစလို့ ကန်ကျင်းပိတ်စနစ် ရေလောင်းအိမ်သာ စနစ်တွေနဲ့ ဖြစ်နေကြ
ရေအမြင့်နဲ့ လိုက်လျောညီထွေ အဆင်ပြေအောင် ပြုလုပ်ထားပြီး ဖြစ်ပါတယ်။

ပြောခဲ့တဲ့ ရေအရင်းအမြစ်တွေနဲ့ အိမ်သာတွေဟာ ခုချိန်မှာ ရေအောက်နစ်မြုပ်နေတာဖြစ်ပါတယ်။ ကန်ရဲ့သဘာဝအရ ရေဟာ လေးငါရက်နဲ့ နဂို အမြင့်ပြန် ဒဂရောက်သွားအောင်ကျမှာ မဟုတ်ပါဘူး။ ခုလက်ရှိတဆယ့်ရှစ်ရက်တိုင်တိုင် ကြာလာသည့်အချိန်မှာ ရေဟာ နှစ်ပေခန့်ပဲကျပါသေးတယ်။နောက်ထပ် သုံးပေခန့်ထပ်ကျမှသာ နေဖြစ်ယုံ အနေအထားပြန်ရောက်မှာပါ။အနည်းဆုံးနောက်ထပ်တလ ဖြစ်ပါလိမ့်မယ်။
နေဖြစ်ယုံအနေအထားမှာ နဂို ရေချိုအရင်းအမြစ်ကို
စိတ်ချလက်ချပြန်သုံးစွဲဖို့ မဖြစ်နိုင်သေးပါဘူး။

ဆိုချင်တာက သောက်သုံးရေချိုအခက်အခဲ ဖြစ်ပါတယ်။
လူတယောက်အတွက် သောက်သုံးရေဟာ ချက်ပြုတ်ရေအပါအဝင် ငါးလီတာလောက်လိုပါလိမ့်မယ်၊ မိသားစုငါးယောက်ရှိရင် တရက် နှစ်ဆယ့်ငါးလီတာပါ။ ထားလိုက်ပါတော့ လွယ်လွယ်ပြောရရင် မိသားစုတစုအတွက် အနည်းဆုံး လီတာနှစ်ဆယ်ဝင် ဘူးတဘူးလို့ပါလိမ့်မယ်။

ခုရေမြုပ်နေတဲ့ ရွာပေါင်း နှစ်ရာ့သုံးဆယ်ကျော်၊ လူဦးရေ တသိန်းသုံးသောင်ကျော်အတွက် နေ့စဉ့် ရေလီတာ ခြောက်သိန်းငါးသောင်း(၆၅၀၀၀၀)၊ သို့မဟုတ် ၂၀ လီတာဝင်ဘူးပေါင်း သုံးသောင်းနှစ်ထောင့်ငါးရာ (၃၂၅၀၀)လိုအပ်ပါတယ်၊ ဒါကို ဖြည့်ဆည်းပေးနိုင်ဖို့ ရေအရင်းအမြစ်ကို ရှာဖွေ ကြံဆကြဖို့ အရေးတကြီး လိုအပ်နေပါတယ်။

လက်ရှိမှာ အလှူရှင်များအနေနဲ့ ရေသန်တွေကိုအမြောက်အများ လှူနေကြတာကို တွေရပါတယ်။ ဒါပေမဲ့ တကယ့်လိုအပ်ချက်ကို နေစဉ် ပြည့်မှီဖို့ မလွယ်ကြောင်း ပေးထားတဲ့ ကိန်းကဏန်းများနဲ့ ယှဉ်ထိုးကြည့်နိုင်ပါတယ်။

ဒါဆို ရေချိုဘယ်ကရမလည်း၊
ကန်ပတ်လည်မှာရှိတဲ့ စိမ်စမ်းရေထွက်တွေကနေ သယ်ယူလို့ ရနိုင်တယ်လို့ ယူဆရပါတယ်၊ အဲဒီရေထွက်ကရေတွေဟာလည်း သောက်သုံးနိုင်ကြောင်း အရင်ကတည်းက ‌စစ်ဆေးထားပြီသား ဖြစ်ကြောင်းသိရပါတယ်၊ ခုလည်း
စေတနာရှင် ပညာရှင်များက စစ်ဆေးပေးရင် ပိုကောင်းပါတယ်။

အ‌ေနာက်ဖက်ကမ်းမှာဆိုရင် လင်းကင်းရေဦးရေထွက်၊ သရက်သုံးပင်ရေထွက်၊ တောင်ခြေရေထွက်၊ ရေပြုံကြီးရေထွက်၊နဲ့ အရှေဖက်ကမ်းမှာဆိုရင် နာမည်ကြီးညောင်ဝမ်းရေထွက်တွေရှိပါတယ်။

ရွာတွေက လူငယ်အဖွဲတွေဖွဲ့၊ စက်လှေတွေ အလှည်ကျလုပ်၊ ဆီဖိုးရှာပြီး ရွာလိုအပ်ချက်ကို ဖြန့်ပေးနိုင်ရင် ရေကျရန် လိုအပ်ချိန် တလ နှစ်လအတွင်း ရေဆိုးကြောင့် ဖြစ်လာနိုင်တဲ့ နောက်ဆက်တွဲ ပြသနာကို ဖြေရှင်းသွားနိုင်ပါလိမ့်မယ်။

ဒေသခံနဲ့ ရပ်ဝေးအလှူရှင်များကလည်း ဆီဖိုး စရိတ်တွေအတွက် လှူဒါန်းဖြည့်စွက်ပေးမယ်ဆိုရင်တော့ အခက်အခဲတခုကို လွယ်ကူစွာကျော်လွှားသွားနိုင်မယ် ဖြစ်ပါကြောင်း။

04/08/2024

(၂၀၂၄)ခုနှစ်ဆိုကရေးတီးြပိုင်ပွဲတွင်ဝင်ရောက်ယှဉ်ပြိုငါလျက်ရှိသော အထက(၂)ညောင်ရွှေအင်းသားရိုးရာလံစည်အကအဖွဲ့ကပြယှဉ်ပြိုင်မှု

29/07/2024

၂၀၂၄ ခုနှစ် ဇူလိုင်လ ပထမပတ်အတွင်းတွင်
အမျိုးသားယဉ်ကျေးမှုနှင့် အနုပညာတက္ကသိုလ် (မန္တလေး)၏ အင်းသားစာပေ ယဉ်ကျေးမှုနှင့် ဒေသဖွံ့ဖြိုးရေးအသင်းသို့ ဖိတ်ကြားချက်အရ အင်းသားလူမျိုးတို့၏ ရိုးရာ ဖြစ်သော လံစည်နှင့် အိုးစည်ကူးတို့၏ အဆို အက အတီးတို့ကို သွားရောက် မျှဝေ သင်ကြား မှတ်တမ်းပြုခဲ့ပါသည်။

လံစည်အတွက် ရိုးရာမပျက် နှဲတူရိယာတခုတည်း ဖြင့် သံစဉ်တေးသွား တီးခတ်သည့်ပုံစံဖြင့် မျှဝေခဲ့ပါသည်။

အတီး အဆို စာတမ်းတင်သွင်း နည်းပြအဖြစ်
မယ်ဆွေ -လယ်ခြေ B.A (music) NUAC ygn ကလည်းကောင်း၊

လံစည် အကနည်းပြအဖြစ်
မယ်ဆုမွန်သော် -ညောင်ရွှေ B.A (English)ကလည်းကောင်း၊

အိုးစည်ကူး အက နည်းပြအဖြစ်
မယ်သန္တာထွန်း နန်းပန် B .A (Dramatic Arts) NUAC Mdy
ကလည်းကောင်း
တာဝန်အသီးသီး ယူပေးခဲ့ကြပါသည်။

26/07/2024

လံစည်သိချင်း၏ ဆိုလိုရင်း

သူ၏ မယ်တော် မွေးမေမေက ရွှေမှုန်ကိုသာ စား၍ မွေးထားခဲ့လေသလားဟု တင်စား အထင်တော်ထားလောက်အောင် ယဉ်လွန်း လှလွန်း ထည်ဝါ လွန်းသူကို အင်ကြင်းတော ရဂုံမြိုင် ရွှေပြည်တော်၌ ဖွါးမြင်ခဲ့‌လေ၏။

အများဝေနေယျ၏ အကျိုးငှာ မကြားစဖူး ထူးလှစွာသော အသံတော်ဖြင့် နတ်စည်ယွန်းသည်ကဲ့သို့ တရားရေအေးများ တိုက်ကြွေးခဲ့သည်မှာ မိုးလုံးယံခြိမ်း၍ လောကတခွင် သဲသဲလျင်လျင် ဖြိုးလေ၏။

မွေးသမိခင် အဖေတို့ အမေတို့ရေ ဘေးရန်ခပ်သိမ်း ကင်းငြိမ်းစေဖို့ စိန္တေအရှင် ဖေါင်တော်ဦးဘုရားကို
သွားရောက် ဖူးမျှော်ကြပါစို့လေး။

24/06/2024

အင်းသားရိုးရာ အိုးစည်ကူး
နန်းပန်မြို့ (ကုန့်ကယ်)

19/06/2024

မောင်နေလင်းထွန်း (၆)ဘာသာ ဂုဏ်ထူးရှင်အား
ဦးတင်ဧ(ရှမ်းပြည်)အထိမ်းအမှတ် အင်းသားတိုင်းရင်းသာပညာရေးဖောင်ဒေးရှင်း အင်းသားစာပေယဉ်ကျေးမှုနှင့်ဒေသဖွံ့ဖြိုးရေးအသင်း နှင့် ဒေါ်တင်တင်ရီ (ခ)Ann ရွှေအင်းသာ ဟိုတယ် Ann Heritage Lodge တို့မှ ဂုဏ်ပြုငွေများနှင့် အထက ကြေးစားကုန်း ဆရာ/မတို့အား မေတ္တာလက်ဆောင်များ ပေးအပ်ချီးမြှင့်ခဲ့ပါသည်။

28/05/2024

စိတ်ဝင်စားသူများ တက်ရောက်နိုင်ပါသည်

16/05/2024

အင်းသားရိုးရာယဉ်ကျေးမှု ဂီတ အနုပညာကိစ္စရပ်များ
မှတ်တမ်းပြုစု နိုင်ရေး အစည်းအဝေး

အဲင်းဆားးလူမျိုးတို့၏ ကိုယ်ပိုင်ဓလေ့ထုံးတမ်းများ
ရိုးရာ ဂီတ အတီးအဆို အကများ လက်ဆင့်ကမ်း ထိန်းသိမ်းနိုင်ရေးအတွက် အနုပညာရှင်များ ဝါသနာရှင်များ စုစည်း၍ အစည်းအဝေး ကျင်းပခဲ့ပါသည်။
အစည်းအဝေးး သို့ ဟဲယာရွာမမှ လံစည် အတီးအက ကို
ထိန်းသိမ်းထားသည့် အနုပညာရှင်များ ညောင်ရွှေမြို့ အိုးစည်ကူး အတီးအက ပညာရှင်များး ဂီတ ပညာရှင်
များ အနုပညာကျောင်းဆင်း အကဆရာမများ စုံညီစွာ တက်ရောက်ကြပါသည်။

16/05/2024

အင်းသားရိုးရာ အိုးစည်ကူးအက (ဟဲယာရွာမ)

08/04/2024