https://www.facebook.com/101381188247261/

Dot Press, Myitnge (2024)

20/01/2024

အစီအစဉ်သစ် တစ်ခု လုပ်ထားပါတယ်။ ဘယ်လိုမျိုးလဲဆို ရက်သတ္တပတ်တာရဲ့ စနေနေ့တိုင်းမှာ Dot Press ကနေ ကိုယ့်လူတို့အတွက် သောတဆင်စရာ သီချင်း (၅) ပုဒ်ကို ကျွန်တော်များရဲ့ Playlist ကနေ ထုတ်နှုတ်ဝေမျှသွားမှာပါ။ အကြိုက်တူညီခြင်း ကွဲ ပြားခြင်းမှတပါး ဝင်စားစိတ်ရှိသူများ နားဆင်နိုင်ပါတယ်။ ဒီတစ်ပတ်အတွက် ကျွန်တော်များ နားဓာတ်ခံကျရာ အပုဒ်တွေကတော့ -

၁။ VIBES - AyZ ft: 99 Symphony
https://youtu.be/IwRGWu0AfkU?si=U-JSOYgKLGCKGSzV

၂။ Stay By My Side - Hein Htet Zaw ft: Han Thar Min Htet
https://youtu.be/Ud1pUPKyxyg?si=B10ccGazJ8W-VsRk

၃။ လောက - Shyne Mon & Kayarr
https://youtu.be/uZ-IsxudF1o?si=Y7tn0SUSEAwjA-f_

၄။ ဒီခေတ်ဒီအခါ - Big Siren
https://youtu.be/UC8bU8zXstY?si=U0EfaCu0Bd9G_G-i

၅။ မျှော်တလင့်လင့် - Kap Y
https://youtu.be/9VDWxuLOWVE?si=NM36UCj3epZfiqGP

19/01/2024

The Lunchbox (2013)

1. The

တည်တည်ငြိမ်ငြိမ်ပါပဲ၊ ဘာသွားပုပ်လေလွင့်မှ မရှိဘူး။ မဖြစ်မနေမလို့ တွန်းရတိုက်ရတာတွေတော့ နေ့တိုင်းနီးပါးပေါ့။ ဒီမှာတော့ဖြင့် သီချင်းတွေ အကျယ်ကြီးညည်းမိ . . . ကိုယ့်စိတ်နဲ့ကိုယ်။ အများသူငှာ၊ ညစာထမင်းဝိုင်းထဲက မိသားစုဝင်တယောက်ချင်းစီ၊ verandah တခုလုံး ဝန်းရံရစ်သိုင်းထားတဲ့ စီးကရက်မီး၊ သူ့ပြာအကြွေတွေ။

နောက်ဆုံးအနေနဲ့ ဘာများပြောခဲ့ချင်သေးလဲ။ သွားနေသမျှ ရထားဘီးရာများ အားလုံးရပ်တန့်။ ဟိုးမိုးပေါ်က မိုးသားတွေသာ ငြိမ်ငြိမ်ကလေး
တ‌ရွေ့ရွေ့‌ ရွေ့လျား။ အသက်ကို ဖွဖွကလေး ရှူနေမိ . . . ဟောဒီက တကိုယ်တည်း လေးလံနေတဲ့ ထမင်းစားရုံအလယ်မှာ။

2. Lunch

မနက်ဖြန်ရဲ့ ထမင်းချိုင့်ဟာ ဘာအရသာများဖြစ်လိမ့်မလဲ။ မတွေးဆမိ။ ဝက်သစ်ချသီးတလုံး။ ကိတ်မုန့်တဖဲ့။ ponyo ramen။ Ratatouille ဒိန်ခဲ။ နောက်ထပ် ဒီလိုနဲ့ အစရှိသဖြင့်။ ဒီနေ့ ဒီအချိန်ဟာ ငုံ့ယူစားသောက်နေရတာကိုက ပြီးပြည့်စုံသော အရသာ။ ခဏခဏ ရောက်ရောက်ချလာတတ်တဲ့ အလိုက်မသိသူရဲ့ အပြုအမူ ဖိနပ်သံက လွဲလို့။ စပ်စုတတ်သော အကြည့်များက လွဲလို့။

"စာရွက်အလွတ်ထဲ ဘာမှရှိမနေသည့်အခါ အလွမ်းသည် တိတ်‌ဆိတ်‌မှုနှင့် ထိုက်တန်သူ ဖြစ်လိမ့်မည်။"

3. Box

ဂဏန်းသင်္ချာတွင် ကိန်းဂဏန်းများ အဖိအဖော့မှာ တိကျသေသပ်နေပြီး သီချင်းဂီတတွင် စာသားသံစဉ်တို့က နေရာအတည်တကျ ရှိနေပြီး အရှိမဲ့သော ချစ်ခြင်းသည် နှလုံးအိမ်ထောင့်တနေရာတွင် လူသူကင်းမဲ့စွာ ရင့်မှည့်ချိုမြိန်နေပါလိမ့်မည် ။ ။

ကောက်ကွေ့

"၄ ရာသီ" စာအုပ်မှ

15/01/2024

ကလေးလူငယ် စာစဉ် (၁) အနေဖြင့် ကဗျာပုဒ်ရေ (၄၅) ပုဒ် ပါဝင်သော။ ၁၉၈၆ ခုနှစ် ဒီဇင်ဘာလတွင် ပထမအကြိမ်အနေနှင့် ပန်းချီ ဦးဘကြည်၏ လက် ရာဖြင့် မြစ်မခ စာပေတိုက်မှ ထုတ်ဝေထားသော။ မင်းသုဝဏ်၏ "မောင်ခွေးဖို့ ကဗျာများ" စာအုပ်မှ ကောက်နုတ်ပါသည် ။

14/01/2024

"ပြန်မ‌ဆုံရင် ရန်ကုန် ဘယ်ဟုတ်တော့မလဲ" ဆိုတဲ့ ကဗျာစာသားနဲ့ အသိများတဲ့။ "အခြားများ" စာအုပ်ကို ရေးသားခဲ့သူ ကောက်ကွေ့ ရဲ့ ကဗျာစာအုပ်အ သစ် DOT PRESS မှ မကြာမီ ။

14/01/2024

အလုပ်ရုံလေး ပြန်ဖွင့်ပါပြီ။ ရှေ့နှစ်များမှာ စာအုပ်အမှတ်စဉ် (ဝ) ကနေ (၁၃) အထိ ပေါင်း (၁၄) အုပ် ထုတ်နိုင်ခဲ့ပါတယ်။ အများစုက တစ်ကိုယ်တော် ကဗျာစာအုပ်တွေ ဖြစ်ပြီး။ ထူးထူးခြားခြား ဘာသာပြန် ကဗျာအုပ်နဲ့ အရေးအသားအုပ် (၂) အုပ်ကိုလည်း ထုတ်ဝေထားခဲ့ပါသေးတယ်။ ဒီနေ့ကတော့ တိုက်မှာ လက်ကျန်ရှိနေသေးတဲ့ Chapbook တွေကို ရောင်းပေးသွားပါမယ်။ လက်ကျန်နည်းနည်းပဲ ရှိတော့တာမို့။ လက်သွက်ဖို့တော့ လိုပါမယ်။ ပြီးတော့ ၂၀၂၄ အဖွင့်စာအုပ် အမှတ်စဉ် (၁၄) ကိုလည်း ပြင် ဆင်နေပါပြီ။ များမကြာမီ Dot Press Page ကနေပဲ အမှာကောက်ယူသွားမှာမို့။ ဆက်လက်စောင့်မျှော်ပေးကြပါဦး။

သာယာကောင်းမွန်တဲ့ အားလပ်ရက် တနင်္ဂနွေ တစ်ရက်တာကို အားလုံးပဲ ပိုင်ဆိုင်နိုင်ကြပါစေ ။

Address

Myitnge

Telephone

+959774340746

Website

facebook.com

Alerts

Be the first to know and let us send you an email when Dot Press posts news and promotions. Your email address will not be used for any other purpose, and you can unsubscribe at any time.