The Arakan Express News

The Arakan Express News News, Intelligence, Investigation The Arakan Express News is a local media agency with wide coverage of citizen journalists from Rakhine State.
(3)

We report true and accurate news from hard to reach people. We tell stories with a firm stand with on humanity, independence and accountability.

ပါလက်စတိုင်းဒေသ အကူအညီပေးရေး အတွက် အစ္စရေးရဲ့ လစ်ဟင်းမှုတွေကို ICJ စီရင်ဆုံးဖြတ်မယ်ပြောဒီဇင်ဘာ ၂၄၊ AENကုလအေဂျင်စီတွေနဲ့ ...
24/12/2024

ပါလက်စတိုင်းဒေသ အကူအညီပေးရေး အတွက် အစ္စရေးရဲ့ လစ်ဟင်းမှုတွေကို ICJ စီရင်ဆုံးဖြတ်မယ်ပြော

ဒီဇင်ဘာ ၂၄၊ AEN

ကုလအေဂျင်စီတွေနဲ့ နိုင်ငံတကာတွေက ပါလက်စတိုင်းဒေသ ပြည်သူတွေကို ကူအညီပံ့ပိုးမှုတွေ ဆောင်ရွက်ပေးဖို့ အစ္စရေးရဲ့ တာဝန်ဝတ္တရား လစ်ဟင်းမှုကို ကိုင်တွယ်ဖို့ ကုလသမဂ္ဂအထွေထွေညီလာခံက တောင်းဆိုချက်ကို နိုင်ငံတကာတရားရုံး ICJ က လက်ခံရရှိထားတယ်လို့ ICJ က ထုတ်ပြန်ပြောဆိုခဲ့တာ ဖြစ်ပါတယ်။

ကုလသမဂ္ဂ ပါလက်စတိုင်း ဒုက္ခသည်များဆိုင်ရာ အေဂျင်စီ (UNRWA) ကို ပိတ်ပင်ခဲ့တဲ့ အစ္စရေးရဲ့ ဆုံးဖြတ်ချက်နဲ့ ဂါဇာက လူသားချင်း စာနာထောက်ထားမှုဆိုင်ရာ အဖွဲ့များရဲ့ လုပ်ဆောင်မှုတွေကို အဟန့်အတား ဖြစ်စေတဲ့ကိစ္စနဲ့ ပတ်သက်ပြီး အရေးတကြီး ရှင်းလင်းချက် ရယူဖို့ ကြာသပတေးနေ့က အထွေထွေညီလာခံ မဲခွဲဆုံးဖြတ်ပြီး အဆိုပါ ကြေညာချက် ထွက်ပေါ်လာခြင်းဖြစ်ပါတယ်။

နော်ဝေနိုင်ငံမှ ရေးဆွဲထားတဲ့ ဆုံးဖြတ်ချက်ကို နိုင်ငံပေါင်း ၁၃၇ နိုင်ငံက ထောက်ခံမဲပေးခဲ့ကြပြီး အစ္စရေး၊ အမေရိကန်နဲ့ အခြား ၁၀ နိုင်ငံတို့က ယင်းဆုံးဖြတ်ချက်ကို ကန့်ကွက်ခဲ့ကြတာ ဖြစ်ပါတယ်။

The Arakan Express News

စစ်ကိုင်းမြို့ တပ်မ ၃၃ ကို တော်လှန်တပ်ပေါင်းစု တိုက်ခိုက်–စစ်ကောင်စီတပ်သား ၁၂ ဦးသေဆုံးပြီး တော်လှန်ရေး ရဲဘော် ၁ ဦးကျဆုံး...
24/12/2024

စစ်ကိုင်းမြို့ တပ်မ ၃၃ ကို တော်လှန်တပ်ပေါင်းစု တိုက်ခိုက်
–စစ်ကောင်စီတပ်သား ၁၂ ဦးသေဆုံးပြီး တော်လှန်ရေး ရဲဘော် ၁ ဦးကျဆုံး

ဒီဇင်ဘာ၂၄၊ AEN

စစ်ကိုင်းမြို့ တပ်မ ၃၃ က စစ်ယာဉ်တန်းနဲ့ စစ်ကောင်စီအိမ်စီးကား ၃ စီး ကို တော်လှန်ရေးတပ်ပေါင်းစုက ဒီဇင်ဘာ ၂၃ ရက်နေ့ မှာ မိုင်းဆွဲတိုက်ခိုက်ရာ စစ်ကောင်စီတပ်သား ၁၂ ဦးသေဆုံးခဲ့တယ်လို့ တော်လှန်ရေး သတင်းအရင်းအမြစ်အရ သိရှိရပါတယ်။

ယင်းတိုက်ပွဲက မွန်းလွဲ ၂ နာရီကျော်ထိ ဖြစ်ပွားခဲ့ပြီး စစ်ကောင်စီ တပ်သား ၁၂ ဦး သေဆုံးခဲ့ကာလက်နက်တွေ ကောက်နေတဲ့ တော်လှန်ရေး ရဲဘော် တစ်ဦးကို စစ်ကောင်စီတပ်သားတစ်ယောက်ရဲ့ ပုန်းအောင်း တိုက်ခိုက်ခြင်း ခံရလို့ ကျဆုံးခဲ့တယ်လို့ သိရှိရပါတယ်။

စစ်ကောင်စီအထိုင်ချ တပ်ဆွဲထားတဲ့ ၆၀၀၅ တပ်ရင်းနဲ့ လေ့ကျင့်ရေး ၁၆ တပ်ရင်းတွေက စစ်ကူလာရောက်ပစ်ခတ်လို့ ဆုတ်ခွာခဲ့ရတဲ့ အဆိုပါ တိုက်ခိုက်မှုကို Taw Twin Tup P*e Local ၊ Z Power၊ စစ်ကိုင်းမြို့နယ်ပကဖ ၊ Phoenix (sgg) နဲ့ BRA (LDF) တို့က ပူးပေါင်း လုပ်ဆောင်ခဲ့တယ်လို့ သိရှိရပါတယ်။

Photo MPA
The Arakan Express News

ဟူသီအကြီးအကဲက အစ္စရေးကို ဆက်လက်တိုက်ခိုက်မယ်လို့ ကတိပြုဒီဇင်ဘာ ၂၄၊ AENယီမင်က ဟူသီတွေရဲ့ အခြေခံအဆောက်အအုံတွေကို ပစ်မှတ်ထာ...
24/12/2024

ဟူသီအကြီးအကဲက အစ္စရေးကို ဆက်လက်တိုက်ခိုက်မယ်လို့ ကတိပြု

ဒီဇင်ဘာ ၂၄၊ AEN

ယီမင်က ဟူသီတွေရဲ့ အခြေခံအဆောက်အအုံတွေကို ပစ်မှတ်ထား ဖျက်ဆီးဖို့ အစ္စရေးစစ်တပ်ကို နေတန်ယာဟုက အမိန့်ပေးခဲ့တယ်လို့ အစ္စရေးလွှတ်တော်အမတ်တွေ ပြောကြားအပြီးမှာ ဟီဇမ် အလ် အာဆတ်ဟာ ရဲ့ အစ္စရေး အမြစ်ပြတ် ချေမုန်းရေး အတည်ပြုချက် ထွက်ပေါ်လာခဲ့တာ ဖြစ်ပါတယ်။

ဂါဇာဒေသက လူတွေအပေါ် တိုက်ခတ်မှုတွေ မရပ်မချင်း ဟူသီရဲ့တိုက်ခတ်မှုလည်း ရပ်တန့်သွားမှာ မဟုတ်သလို့ နေတန်ယာဟုရဲ့ အရှေ့အလယ်ပိုင်းဒေသသစ် အိပ်မက်တွေအတွက် ဆက်တိုက် ပြစ်ဒဏ်တွေ ရောက်လာမှာ ဖြစ်တယ်လို့ ဟူသီအကြီးအကဲက ဆိုပါတယ်။

ဟူသီတွေဟာ ဂါဇာဒေသမှာ အပစ်အခတ်ရပ်စဲရေးသဘောတူဖို့ အစ္စရေးအာဏာပိုင်တွေကို ဖိအားပေးတဲ့အနေနဲ့ အစ္စရေးနဲ့ ပင်လယ်နီက ကုန်သည်သင်္ဘောတွေကို ဒုံးကျည်ဒရုန်းတွေနဲ့ တိုက်ခိုက်မှုတွေ ပြုလုပ်နေတယ်လို့ သိရှိရပါတယ်။

The Arakan Express News

ရိုဟင်ဂျာတွေ နေရပ်စွန့်ခွာ ထွက်ပြေးဖို့ ပွဲစားတွေနဲ့ A​A ရဲ့ အခန်းကဏ္ဍ အဓိက ပါဝင်နေတယ်လို့ ဘင်္ဂလားဒေ့ရှ်ပြောဒီဇင်ဘာ ၂၄၊...
24/12/2024

ရိုဟင်ဂျာတွေ နေရပ်စွန့်ခွာ ထွက်ပြေးဖို့ ပွဲစားတွေနဲ့ A​A ရဲ့ အခန်းကဏ္ဍ အဓိက ပါဝင်နေတယ်လို့ ဘင်္ဂလားဒေ့ရှ်ပြော

ဒီဇင်ဘာ ၂၄၊ AEN

မြန်မာနိုင်ငံမှာ ဖြစ်ပွားနေတဲ့ ပဋိပက္ခတွေကြောင့် ရိုဟင်ဂျာတွေဟာ နှစ်နိုင်ငံနယ်စပ် ကီလိုမီတာ ၂၇၀ ကွာဝေးတဲ့ ဘင်္ဂလားဒေ့ရှ်နိုင်ငံကို တရားမဝင် ဖြတ်ကျော်ဝင်ရောက်နေတယ်လို့ ဘင်္ဂလားဒေ့ရှ် သတင်းဌာန The Daily Star မှာ ဒီနေ့မနက်က ဖော်ပြထားတာ ဖြစ်ပါတယ်။

နှစ်ဖက်အသိုင်းအဝိုင်းက ပွဲစားတွေဟာ နှစ်ဖက် အာဏာပိုင်ဝန်ထမ်းတွေကို လာဘ်ပေးပြီး ဒုက္ခသည်တွေ ဖမ်းဆီးခံရမှုက ရှောင်ရှားနိုင်ဖို့ ပြုလုပ်ဆောင်ရွက်နေပြီး ရိုဟင်ဂျာတစ်ဦးကို ဘင်္ဂလား တာကာ၂၀,၀၀၀ ကနေ ၃၀,၀၀၀ ကြားကောက်ခံကာ မြန်မာဘက်ခြမ်းမှာ ရက္ခိုင့်တပ်တော် (AA) က တာကာ ၄၀,၀၀၀ ကနေ ၅၀,၀၀၀ ကြား တန်ကြေးရှိတဲ့ မြန်မာငွေကို ကောက်ခံနေတယ်လို့ နယ်စပ် ရိုဟင်ဂျာအရေး လှုပ်ရှားသူတစ်ဦးက ပြောပါတယ်။

နိုင်ငံခြားရေးဝန်ကြီး အကြံပေး Mr.Touhid Hossain နဲ့ ပြည်ထဲရေးအကြံပေး ဒုတိယဗိုလ်ချုပ်ကြီး (ငြိမ်း) Jahangir Alam Chowdhury က ဘင်္ဂလားဒေ့ရှ်နိုင်ငံကို ရိုဟင်ဂျာတွေ ဝင်ရောက်လို့ရအောင် အထောက်အကူဖြစ်စေတဲ့ အကျင့်ပျက်ခြစားမှုကို သတိပြုမိပြီး စိုးရိမ်မိတယ်လို့ တနင်္ဂနွေနေ့က ဒါကာမှာ သတင်းထောက်တွေကို ပြောဆိုခဲ့ပါသေးတယ်။

ပြည်တွင်းစစ်ပွဲကြောင့် စားဝတ်နေရေး ကျန်းမာရေးနဲ့ အသက်အန္တရာယ် စိုးရိမ်ရပြီး ဘင်္ဂလားဒေ့ရှ် နိုင်ငံအတွင်း ဝင်ရောက်ဖို့ Dhuri ဆိုတဲ့ နယ်စပ်မှာ ရိုဟင်ဂျာ ၃၀၀ ကျော် စောင့်ဆိုင်းနေတယ်လို့ ဒေသတွင်း သတင်းအရင်းအမြစ်တွေအရ သိရပေမယ့် ပြည်ထဲရေးအကြံပေး Jahangir က ရိုဟင်ဂျာတွေကို ဘယ်လိုအခြေအနေမျိုးမှာမဆို ဘင်္ဂလားဒေ့ရှ်နိုင်ငံထဲကို ဝင်ခွင့်မပြုပါဘူးလို့ တုန့်ပြန် ပြောကြားခဲ့ပါတယ်။

ရက္ခိုင့်တပ်တော် (AA) ထိန်းချုပ်မှုအောက် ရောက်ရှိခဲ့တဲ့ မြန်မာနယ်စပ်တလျှောက်နယ်မြေတစ်ခုလုံးကနေ ပြီးခဲ့တဲ့ နှစ်လအတွင်း ရိုဟင်ဂျာ ၆၀,၀၀၀ ကျော် ဘင်္ဂလားဒေ့ရှ်နိုင်ငံထဲကို ဝင်ရောက်လာခဲ့တယ်လို့ ဘင်္ဂလား​ဒေ့ရှ် အာဏာပိုင်တွေက ထုတ်ဖော် ​ပြောကြားခဲ့ပါတယ်။

ရိုဟင်ဂျာတွေ နေရပ်ပြန်ပို့ရေးနဲ့ ပတ်သက်ပြီး ကျွမ်းကျင်သူတွေကို ခန့်အပ်ထားပြီး နှစ်နိုင်ငံ အပါအဝင် နိုင်ငံတကာ အကူအညီနဲ့ အနာဂတ်မှာ အပြုသဘောဆောင်တဲ့ အစီအစဥ်​တွေအတွက် မြန်မာအာဏာပိုင်ကို သဝဏ်လွှာပေးပို့ မေးမြန်းထားတယ်လို့ နိုင်ငံခြားရေးရာ အကြံပေး Mr.Touhid Hossain က ပြောကြားခဲ့တာ ဖြစ်ပါတယ်။

BGB ကွပ်ကဲရေးမှူး ဗိုလ်မှူးကြီး Mahmudul Hasan က ကီလိုမီတာ ၂၇၀ ရှည်လျားတဲ့ နယ်စပ်တစ်လျှောက် ကင်းလှည့်မှုတွေနဲ့ ထောက်လှမ်းရေးတွေ အရှိန်မြှင့် လုပ်ဆောင်နေပြီး လူစိမ့်ဝင်မှုမှန်သမျှကို တားဆီးဖို့ သတိရှိရှိ လုပ်ဆောင်နေတယ်လို့ ပြောပါတယ်။

Source The Daily Star
The Arakan Express News

ဘင်္ဂလားဒေ့ရှ်က ရိုဟင်ဂျာဒုက္ခသည်စခန်းမှာ မီးလောင်ကျွမ်းမှုဖြစ်ပွား--ဒုက္ခသည်နေအိမ် အလုံး(၇၀၀) နီးပါး အပါအဝင် ဗလီ (၂) လု...
24/12/2024

ဘင်္ဂလားဒေ့ရှ်က ရိုဟင်ဂျာဒုက္ခသည်စခန်းမှာ မီးလောင်ကျွမ်းမှုဖြစ်ပွား
--ဒုက္ခသည်နေအိမ် အလုံး(၇၀၀) နီးပါး အပါအဝင် ဗလီ (၂) လုံး၊စာသင်ကျောင်း (၂) ကျောင်းနဲ့ NGO ရုံးခန်း (၂) ခန်းမီးလောင်ပျက်စီးပြီး ကလေးငယ်တစ်ဦး မီးလောင်သေဆုံး

ဒီဇင်ဘာ ၂၄၊ AEN

ဘင်္ဂလားဒေ့ရှ်နိုင်ငံ၊ ကော့ဇ်ဘဇားခရိုင်၊ တက္ကနာ့ဖ်မြို့နယ်က ကုတုပါလောင် ရိုဟင်ဂျာဒုက္ခသည်စခန်းမှာ ဒီကနေ့ ဒီဇင်ဘာလ (၂၄) ရက်နေ့ မွန်းလွဲ ၁၂:၃၀ နာရီလောက်က မီးလောင်ကျွမ်းမှု ပြင်းပြင်းထန်ထန် ဖြစ်ပွားခဲ့တယ်လို့ ဒုက္ခသည်စခန်းမှာ နေထိုင်ကြသူတွေရဲ့ပြောကြားချက်အရ သိရှိရပါတယ်။

ကုတုပါလောင် ရိုဟင်ဂျာဒုက္ခသည်စခန်းက စခန်းအမှတ် (၁) အနောက်ကွက် ဘလော့ C2၊ C3၊ C4၊ C5 မှာ မီးလောင်ကျွမ်းမှုဖြစ်ပွားခဲ့ပြီး ရိုဟင်ဂျာဒုက္ခသည်တွေနေထိုင်တဲ့ အိမ်အလုံး (၃၆၉ )အိမ်နဲ့ ဘလော့ C1 မှာ အိမ်ခြေ (၁၀၀) ခန့် မီးလောင် ပျက်ဆီးခဲ့တယ်လို့ ဒေသခံတွေရဲ့ သတင်းပေးချက်အရ သိရှိရပါတယ်။

ထိုအပြင် ဗလီ (၂)လုံး၊ စာသင်ကျောင်း (၂) ကျောင်း၊ CIC နဲ့ CRC NGO ရုံးခန်း (၂) ခန်း မီးမီးလောင်ပျက်စီး ပြာကျသွားကြပြီး မီးငြှိမ်းသတ်ဖို့ C6၊ C7၊ D1၊ D2၊ E1 နဲ့ F7 နေအိမ် ၁၅၀ ခန့်ရဲ့ အမိုးအကာအချို့ကို ဖယ်ရှားခဲ့ရကာ စုစုပေါင်း အိမ်ခြေ (၇၀၀) နီးပါး ဆုံးရှုံးခဲ့ရသလို့ (၈) နှစ်အရွယ်ကလေးငယ် တစ်ဦး မီးလောင် သေဆုံးခဲ့ပြီး သုံးဦးပျောက်နေတယ်လို့ ကမ့်သတင်းအရ သိရှိရပါတယ်။

မီးလောင်မှုကို အနီးအနား ပတ်ဝန်းကျင်ကလူတွေအပါအဝင် ရိုဟင်ဂျာစေတနာ မီးသတ်ဝန်ထမ်းတွေနဲ့အတူ ဘင်္ဂဘား အာဏာပိုင်​ဆီက မီးသတ်ကား (၂) စီးလာရောက် တစ်နာရီကျော်ကြာ ဝိုင်းဝန်း မီးငြှိမ်းသတ်ခဲ့ရပြီး မီးငြိမ်းသွားတယ်လို့ သိရှိရပါတယ်။

CRC NGO ရုံးခန်း ဝါယာမီးကြိုးကနေ ရှော့်ခ်ဖြစ်ပြီး စတင် လောင်းကျွမ်းခဲ့တယ်လို့ ကနဦး သတင်းအရ သိရှိရသော်လည်း မီးလောင်ရတဲ့ ဖြစ်စဥ်နဲ့ ထိခိုက်သေကြေ ပျက်ဆီးဆုံးရှုံးမှု စာရင်း အတိအကျကို ဆက်လက်စုံစမ်းနေတယ်လို့ ကမ့်နေ ရိုဟင်ဂျာတွေရဲ့ ပြောကြားချက်အရ သိရှိရပါတယ်။

Photo CJ
The Arakan Express News

ဗန်းမော်မြို့ပြင်က ကာကင်းတွေကို KIA တိုက်ခိုက်ရှင်းလင်းဒီဇင်ဘာ ၂၄၊ AENဗန်းမော်မြို့သိမ်းတိုက်ပွဲ ထိုးစစ်ဆင်နေတဲ့ ကချင်လွ...
24/12/2024

ဗန်းမော်မြို့ပြင်က ကာကင်းတွေကို KIA တိုက်ခိုက်ရှင်းလင်း

ဒီဇင်ဘာ ၂၄၊ AEN

ဗန်းမော်မြို့သိမ်းတိုက်ပွဲ ထိုးစစ်ဆင်နေတဲ့ ကချင်လွတ်လပ်ရေးတပ်မတော် (KIA)က မြို့ပြင်က ကာကင်းစခန်းတွေကို တိုက်ခိုက်ရှင်းလင်းပြီး စစ်ကောင်စီအလောင်းနဲ့ လက်နက်တွေ ရရှိခဲ့တယ်လို့ စစ်ရေးသတင်းအရင်းအမြစ်အရ သိရှိရပါတယ်။

ဒီဇင်ဘာ ၂၃ရက်က တိုက်ပွဲမှာ စစ်ကောင်စီယာယီတပ်စွဲထားတဲ့နေရာကို တိုက်ခိုက်ခဲ့တာဖြစ်ပြီး စစ်ကောင်စီတပ်ဖွဲ့ဝင် ၈ ဦးထက်မနည်းသေဆုံးကာ လက်နက်ငယ် ၈ လက်ထက်မနည်း သိမ်းဆည်းရမိတယ်လို့ ပြောပါတယ်။

KIA က ဒီဇင်ဘာ ၄ရက်ကတည်းက ဗန်းမော်နဲ့ မံစီမြို့တွေကို အလုံးစုံသိမ်းပိုက်ဖို့ ထိုးစစ်ဆင်နေပြီး သုံးပတ်အကြာမှာ ဗန်းမော်မြို့က စစ်ကောင်စီတပ်စွဲရာနေရာတွေကို သိမ်းပိုက်နိုင်ခဲ့ကာ အမှတ်(၂၁) စစ်ဆင်ရေးကွပ်ကဲမှုဌာနချုပ် အပါအဝင် မြို့က စစ်ကောင်စီ တပ်ရင်းဌာနချုပ်တွေကို တိုက်ခိုက်လျက်ရှိပြီး ဗန်းမော်မြို့က စစ်ကောင်စီတပ်တွေကို လက်နက်ချဖို့ KIA က သတိပေးခဲ့တယ်လို့ ကချင်သတင်းအရင်းအမြစ်က ပြောပါတယ်။

KIA အနေနဲ့ ဗန်းမော်တိုက်ပွဲကြောင့် မြို့ခံတွေ အခက်အခဲများစွာနဲ့ စစ်ရှောင်နေရတယ်လို့ သတင်းပြန်ကြားရေးဌာနက ဖော်ပြထားသော်လည်း တိုက်ပွဲရလဒ် ၊ စစ်ရေးအခြေအနေတွေကို သတင်းထုတ်ပြန်ဖော်ပြခြင်းမရှိခဲ့ဘူးလို့ သိရှိရပါတယ်။

Photo–LNO
The Arakan Express News

မုပ္ပလင်ဂိတ် တိုက်ခိုက်ခံရလို့ စစ်ကောင်စီတပ်ဖွဲ့ဝင် သုံးဦးသေဆုံးဒီဇင်ဘာ ၂၄၊ AENမွန်ပြည်နယ် ကျိုက်ထိုမြို့နယ် မုပ္ပလင်ကျေ...
24/12/2024

မုပ္ပလင်ဂိတ် တိုက်ခိုက်ခံရလို့ စစ်ကောင်စီတပ်ဖွဲ့ဝင် သုံးဦးသေဆုံး

ဒီဇင်ဘာ ၂၄၊ AEN

မွန်ပြည်နယ် ကျိုက်ထိုမြို့နယ် မုပ္ပလင်ကျေးရွာလမ်းဆုံက စစ်ကောင်စီစစ်ဆေးရေးဂိတ် တိုက်ခိုက်ခံရပြီး စစ်ကောင်စီတပ်ဖွဲ့ဝင် သုံးဦးသေဆုံးကာ ငါးဦးထိခိုက်ဒဏ်ရာရရှိခဲ့တယ်လို့ သထုံခရိုင် PDF တာဝန်ခံရဲ့ ပြောကြားချက်အရ သိရှိရပါတယ်။

စစ်ကောင်စီရဲ့ မုပ္ပလင်စစ်ဆေးရေးဂိတ်ကို ကရင်အမျိုးသားလွတ် မြောက်ရေး တပ်မတော် KNLA နဲ့ ပြည်သူ့ကာကွယ်ရေးတပ်မတော် PDF ပူးပေါင်းတပ်ဖွဲ့တွေက ဒီဇင်ဘာ ၂၁ ရက်နေ့ နေ့လယ်မှာ ဒရုန်းနဲ့ဗုံးသီးလေးလုံး ကြဲချတိုက်ခိုက်ခဲ့တာဖြစ်ပြီး စစ်ဆေးရေးဂိတ်အတွင်း ပစ်မှတ်အားလုံး ထိမှန်ခဲ့တဲ့အတွက် စစ်ကောင်စီတပ်ဖွဲ့ဝင်တွေ ထိခိုက်သေဆုံးပြီး အဆောက်အဦးတချို့ ပျက်စီးခဲ့တယ်လို့ သိရှိရပါတယ်။

တိုက်ခိုက်မှုမှာ အထိနာခဲ့တဲ့ စစ်ကောင်စီတပ်ဟာ နေ့လည်လောက်မှာ လက်နက်ကြီး လေးလုံးထက်မနည်း ရမ်းသမ်းပစ်ခတ်ခဲ့တဲ့အတွက် ကျိုက်ထိုမြို့နယ် တဂေးချောင်းဖျားကျေးရွာထဲ ကျရောက်ပေါက်ကွဲခဲ့ပြီး ဒေသခံ သုံးဦး ထိခိုက်ဒဏ်ရာရရှိခဲ့က ဆေးရုံပို့ ကုသမှုခံယူရတယ်လို့ ဒေသခံတွေရဲ့ ပြောပြချက်အရ သိရပါတယ်။

အာဏာသိမ်းကာလအတွင်း ခရီးသွားတွေဆီကနေ ငွေကြေးအဆမတန် တောင်းခံနေတဲ့ မုပ္ပလင်စစ်ဆေးရေးဂိတ်ကို တော်လှန်ရေးအင်အားစုပူးပေါင်းတပ်ဖွဲ့တွေက ၁၀ ကြိမ်ထက်မနည်း တိုက် ခိုက်ထားပြီး စစ်ကောင်စီတပ်ဖွဲ့ဝင်တွေ ထိခိုက်သေဆုံးတာတွေ ရှိနေပါတယ်။

Photo ပုံဟောင်း
The Arakan Express News

ချင်းပြည်နယ် ဧရိယာ ၈၅ ရာခိုင်နှုန်းလောက် တော်လှန်ရေးတပ်တွေ ထိန်းချုပ်ထားဒီဇင်ဘာ ၂၄၊ AENဒီဇင်ဘာ ၂၁ ရက်နေ့မှာ မင်းတပ်မြို့...
24/12/2024

ချင်းပြည်နယ် ဧရိယာ ၈၅ ရာခိုင်နှုန်းလောက် တော်လှန်ရေးတပ်တွေ ထိန်းချုပ်ထား

ဒီဇင်ဘာ ၂၄၊ AEN

ဒီဇင်ဘာ ၂၁ ရက်နေ့မှာ မင်းတပ်မြို့နဲ့ ဒီဇင်ဘာ ၂၂မှာ ကန်ပက်လက်မြို့ကို သိမ်းပိုက်နိုင်ခဲ့ပြီး ချင်းပြည်တောင်ပိုင်းမှာ စစ်ကောင်စီကင်းစင်သွားပြီဖြစ်ကာ ပြည်နယ်ရဲ့ ၈၅ ရာခိုင်နှုန်းကို တော်လှန်ရေးတပ်တွေက သိမ်းပိုက်ထားတယ်လို့ ချင်းညီနောင်အဖွဲ့ရဲ့ ပြောကြားချက်အရ သိရှိရပါတယ်။

မင်းတပ်၊ မတူပီနဲ့ ကန်ပက်လက်မြို့တွေကို ချင်းညီနောင်က သိမ်းပိုက်ထားပြီး တွန်းဇံမြို့ကို ချင်းလဲန်းကောင်စီအဖွဲ့က သိမ်းယူထားကာ ပလက်၀မြို့နယ်ကို အာရက္ခတပ်တော် (AA) က သိမ်းပိုက်ထားတာ အပါအဝင် မြို့နယ် ကိုးမြို့နယ်ထဲက ငါးမြို့နယ်ကို တော်လှန်ရေးတပ်တွေက ထိန်းချုပ်ထားနိုင်ပြီ ဖြစ်တယ်လို့ သိရှိရပါတယ်။

ဖလမ်း၊တီးတိန်၊ထန်တလန်နဲ့ ဟားခါးမြို့ လေးမြို့သာ စစ်ကောင်စီ လက်အောက်အဖြစ် ကျန်တောပြီး ဖလမ်းမြို့ကို ထိုးစစ်ဆင်နေကာ တစ်ဖြည်းဖြည်းနဲ့ အားလုံး လွတ်မြောက်သွားဖို့ မျှော်လင့်တယ်လို့ ချင်းညီနောင်အဖွဲ့က ရှင်းလင်း ပြောပြခဲ့တာ ဖြစ်ပါတယ်။

မင်းတပ်မြို့နဲ့ ကန်ပက်လက်မြို့တွေမှာ မိုင်းရှင်းလင်းရေးနဲ့ နယ်မြေရှင်းလင်းရေး လုပ်ပြီးမှ ဒေသခံတွေ နေရပ်ပြန်နိုင်ရေး လုပ်ဆောင်သွားမယ်လို့ ချင်းညီနောင်အဖွဲ့က ပြောပါတယ်။

Photo ZL
The Arakan Express News

အမ်းဘက်သွားတဲ့ စစ်ကူစစ်ကြောင်းကို အရှိုချင်းကာကွယ်ရေးတပ်က ကြားဖြတ်တိုက်ခိုက်ဒီဇင်ဘာ ၂၃၊ AENရခိုင်ပြည်နယ် အမ်းမြို့ဘက် စစ...
23/12/2024

အမ်းဘက်သွားတဲ့ စစ်ကူစစ်ကြောင်းကို အရှိုချင်းကာကွယ်ရေးတပ်က ကြားဖြတ်တိုက်ခိုက်

ဒီဇင်ဘာ ၂၃၊ AEN

ရခိုင်ပြည်နယ် အမ်းမြို့ဘက် စစ်ကူသွားတဲ့ စစ်ကောင်စီစစ်ယာဉ်တန်းကို မကွေးတိုင်း ငဖဲမြို့နယ် စပ်စီရွာအနီး ဝက်စကျင်းလမ်းဆုံမှာ ကြားဖြတ်တိုက်ခိုက်ခဲ့ရာ စစ်သား ၁၄ ဦး သေဆုံးခဲ့တယ်လို့ အရှိုချင်းကာကွယ်ရေးတပ်- ACDF မှ ပြန်ကြားရေးတာဝန်ခံရဲ့ ပြောကြားချက်အရ သိရှိရပါတယ်။

ACDF က ပြီးခဲ့တဲ့ ဒီဇင်ဘာ ၂၀ ရက်နေ့မှာ စစ်တပ်နဲ့ မိနစ် ၃၀ ခန့် ထိတွေ့မှု ဖြစ်ပွားခဲ့တဲ့ တိုက်ပွဲမှာ စစ်တပ်ဘက်က ရန်အောင်မြေဘုရားကုန်းကနေ ၆၀ မမ ပစ်ကူပေးပြီး စပ်စီဘုန်းကြီးကျောင်းမှာ တပ်စွဲထားတဲ့ စစ်ကောင်စီတပ်ဖွဲ့ဝင်နဲ့ ကပစ (၁၀)ဘက်က တပ်ဖွဲ့ဝင်ဟာ ကား ၄ စီးနဲ့ နှစ်ဖက်ညှပ်ကာ စစ်ကူ လာတာကြောင့် လက်နက်ရှင်းလင်းရေး မလုပ်နိုင်ခဲ့ဘူးလို့ သိရှိရပါတယ်။

နိုဝင်ဘာ ၂၃ ရက်ကလည်း ငဖဲမြို့ ဘုံးဘောရွာကို စစ်ကြောင်း ထိုးလာတဲ့ အင်အား ၉ဝ ပါ စစ်ကြောင်းကို လူထုတော်လှန်ရေး မဟာမိတ်အင်အားစု (PRA-Magway)၊ ACDF၊ မင်းဘူး ခရိုင်တပ်ရင်း(၂)တို့ ပူးပေါင်းတိုက်ခိုက်ခဲ့ရာ ၁၄ ဦး သေဆုံးခဲ့တယ်လို့ PRA-Magway က ထုတ်ပြန်ထားပါတယ်။

စစ်ကောင်စီရဲ့ အနောက်ပိုင်းတိုင်းစစ်ဌာနချုပ် (နပခ-အမ်း)ကနေ စစ်ရှုံးလို့ ထွက်ပြေးလာတဲ့ စစ်သားတွေကို ACDF နဲ့ ပူးပေါင်းတပ်ဖွဲ့က ကင်းပုန်းချပြီး ပိတ်ဆို့ဖမ်းဆီးမှု ပြုလုပ်နေသလို့ တိုက်ပွဲလည်း ဖြစ်ပွားနေတယ်လို့ ဆိုပါတယ်။

အလားတူ ဒီဇင်ဘာ ၄ ရက်ကလည်း အင်အား ၅ဝ ခန့်ပါဝင်တဲ့ စစ်‌ကောင်စီရဲ့ ရိက္ခာကား ၃ စီးကို PRA-Magway က ခြုံခိုတိုက်ခိုက်ရာ စစ်ကောင်စီတပ်ဖွဲ့ဝင် ၉ ဦးထက်မနည်း သေဆုံးခဲ့ပြီး ရိက္ခာတင်တဲ့ကား ၂ စီးလည်း ရှေ့ဆက်မရတော့တဲ့အထိ ပျက်စီးသွားခဲ့တယ်လို့ သိရပါတယ်။

Photo - ACDF
The Arakan Express News

မင်းအောင်လှိုင်ကို ICC ဖမ်းဝရမ်းထုတ်ပေးဖို့ ဂျပန်နိုင်ငံ နာဂိုယာမြို့မှာ ချီတက်ဆန္ဒပြဒီဇင်ဘာ ၂၃၊ AENအာဏာရှင် စစ်ခေါင်းဆေ...
23/12/2024

မင်းအောင်လှိုင်ကို ICC ဖမ်းဝရမ်းထုတ်ပေးဖို့ ဂျပန်နိုင်ငံ နာဂိုယာမြို့မှာ ချီတက်ဆန္ဒပြ

ဒီဇင်ဘာ ၂၃၊ AEN

အာဏာရှင် စစ်ခေါင်းဆောင် မင်းအောင်လှိုင်ဟာ လူမျိုးတုံးသတ်ဖြတ်မှု ကျူးလွန်နေတာကြောင့် နိုင်ငံတကာ ရာဇဝတ်တရားရုံး ICC ကနေ ဖမ်းဝရမ်း အတည်ပြုပေးဖို့ ဂျပန်ရောက်မြန်မာတွေက လမ်းလျှောက်ချီတက် ဆန္ဒပြခဲ့ကြတယ်လို့ သိရှိရပါတယ်။

ဒီဇင်ဘာ ၂၂ ရက် ဒီနေ့မနက်ပိုင်းမှာ ဂျပန်နိုင်ငံ နာဂိုယာမြို့ Yabacho ပန်းခြံကနေ စတင်ချီတက် ဆန္ဒပြခဲ့ကြပြီး အာဏာသိမ်းစစ်ခေါင်းဆောင် မင်းအောင်လှိုင်ကို လူမျိုးတုံးသတ်ဖြတ်မှု့နဲ့ ICC တရားရုံးက အမြန်ဆုံးအတည်ပြုပေးပို့ တောင်ဆိုခဲ့ကြတာဖြစ်ပါတယ်။

၂၀၂၅မှာ ကျင်းပမယ့် အတုအယောင်ရွေးကောက်ပွဲ မတိုင်မိ မင်းအောင်လှိုင် ရာဇဝတ်ကောင်ဖြစ်သွားဖို့ လိုပြီး နိုင်ငံတကာနဲ့ တရုတ်ဆက်ဆံရေးတွေ လျော့ကျသွားကာ တပ်တွင်းပုန်ကန်မှုကတစ်ဆင့် တိုင်းပြည် ပြန်လည်ထူထောင်နိုင်မယ်လို့ ဆန္ဒပြ ပြည်သူတွေက သူတို့ရည်ရွယ်ချက်ကို ပြောကြားခဲ့တာ ဖြစ်ပါတယ်။

ဂျပန်နိုင်ငံ နာဂိုယာမြို့မှာ မင်းအောင်လှိုင်ကို ICC ဖမ်းဝရမ်း အတည်ပြုပေးဖို့ ဆန္ဒပြနေကြသလို တစ်ရက်တည်းမှာပဲ တိုကျိုမြို့မှာလည်း မင်းအောင်လှိုင်ရဲ့ စစ်ကောင်စီအပေါ် ကူညီနေတဲ့ တရုတ်အစိုးရကို ကန့်ကွက်ရှုတ်ချ ဆန္ဒပြခဲ့ကြပါတယ်။

Photo MG:
The Arakan Express News

မင်းတပ်နဲ့ ကန်ပက်လက်မြို့တွေကို စစ်ကောင်စီ လေကြောင်းတိုက်ခိုက်ဒီဇင်ဘာ ၂၃၊ AENချင်းညီနောင်နဲ့ မဟာမိတ်တွေ သိမ်းပိုက်ထားပြီ...
23/12/2024

မင်းတပ်နဲ့ ကန်ပက်လက်မြို့တွေကို စစ်ကောင်စီ လေကြောင်းတိုက်ခိုက်

ဒီဇင်ဘာ ၂၃၊ AEN

ချင်းညီနောင်နဲ့ မဟာမိတ်တွေ သိမ်းပိုက်ထားပြီးဖြစ်တဲ့ ချင်းပြည်နယ် မင်းတပ်နဲ့ ကန်ပက်လက်မြို့တွေကို စစ်ကောင်စီက ဒီဇင်ဘာ ၂၂ရက်နေ့ ညနေပိုင်းက လေကြောင်းမှ ဗုံးကြဲတိုက်ခိုက်ခဲ့တယ်လို့ ဒေသခံသတင်းအရင်းအမြစ်ကတစ်ဆင့် သိရှိရပါတယ်။

ချင်းညီနောင်က မင်းတပ်မြို့ကို ရက်ပေါင်း ၄၀ကျော်အကြာ ထိုးစစ်ဆင်ပြီး ဒီဇင်ဘာ ၂၁ရက်နေ့က သိမ်းပိုက်ခဲ့ပြီး ကန်ပက်လက်မြို့ကို တိုက်ခိုက်ခြင်းမပြုရသေးပဲ စစ်ကောင်စီတပ်နဲ့ ရဲတွေ ဆုတ်ခွာထွက်ပြေးသွားလို့ ဒီဇင်ဘာ ၂၂ရက်နေ့က သိမ်းပိုက်နိုင်ခဲ့တာ ဖြစ်ပါတယ်။

စစ်ရှုံးနိမ့်ခဲ့တဲ့ စစ်ကောင်စီဟာ ယမန်နေ့က မင်းတပ်မြို့ပေါ် ကို တိုက်လေယာယဉ်နဲ့ ဖျက်အားပြင်း ပေါင် ၅၀၀ ဗုံးနဲ့ ကြဲချတိုက်ခိုက်ခဲ့ပြီး ကန်ပက်လက်မြို့အနီး တနေရာကိုလည်း ဗုံးကြဲပြီး စက်သေနတ်တွေနဲ့ ပစ်ခတ်ခဲ့တယ်လို့ ဒေသခံတွေက ပြောပါတယ်။

မင်းတပ်မြို့သိမ်းတိုက်ပွဲမှာ နောက်ဆုံးကျန်နေတဲ့ ခလရ(၂၇၄)တပ်ရင်းက စစ်ကောင်စီတပ်သားတွေ ထွက်ပြေးသွားပြီး ကန်ပက်လက်မြို့ကလည်း စစ်သားနဲ့ ရဲတွေ ယမန်နေ့ည သန်းခေါင်မှာ မြို့ကို စွန့်ပြီးဆုတ်ခွာသွားကြတယ်လို့ ချင်းသတင်းအရင်းအမြစ်ကတစ်ဆင့် သိရပါတယ်။

Photo LNO
The Arakan Express News

အမေရိကန် တိုက်လေယာဉ်ကို ပင်လယ်နီမှာ ဟူသီတွေက ပစ်ချဒီဇင်ဘာ ၂၃၊ AENပင်လယ်နီမှာ လေယာဉ်တင်သင်္ဘော USS Harry S. Truman ကို တိ...
23/12/2024

အမေရိကန် တိုက်လေယာဉ်ကို ပင်လယ်နီမှာ ဟူသီတွေက ပစ်ချ

ဒီဇင်ဘာ ၂၃၊ AEN

ပင်လယ်နီမှာ လေယာဉ်တင်သင်္ဘော USS Harry S. Truman ကို တိုက်ခိုက်ရာမှာ အမေရိကန် F-18 တိုက်လေယာဉ်ကို ပစ်ချခဲ့တယ်လို့ ဟူသီ ပြောရေးဆိုခွင့်ရှိသူ Yahya Saree က တနင်္ဂနွေနေ့မှာ အတည်ပြု ပြောကြားခဲ့တာ ဖြစ်ပါတယ်။

အဆိုပါ စစ်ဆင်ရေးမှာ ခရုဇ်ဒုံးကျည် ရှစ်စင်းနဲ့ ဒရုန်း ၁၇ စင်းကို အသုံးပြုကာ လုပ်ဆောင်ခဲ့ခြင်းဖြစ်ပြီး ဖျက်သင်္ဘောတွေက ယီမင်ဒရုန်းတွေနဲ့ ဒုံးကျည်တွေကို ကြားဖြတ်ဟန့်တားဖို့ ကြိုးပမ်းစဉ် F-18 ဂျက်တိုက်လေယာဉ်ကို ပစ်ချနိုင်ခဲ့တာ ဖြစ်တယ်လို့ Saree က ရှင်းပြခဲ့တာ ဖြစ်ပါတယ်။

တနင်္ဂနွေနေ့အစောပိုင်းကလည်း အမေရိကန်ဗဟိုကွပ်ကဲမှုအဖွဲ့ (CENTCOM) မှ အမေရိကန်ရေတပ် F/A-18 တိုက်လေယာဉ်တစ်စင်းဟာ ပင်လယ်နီမှာ ပစ်ချခံရတယ်လို့ ကြေညာခဲ့ရကာ ကြာသပတေးနေ့ကလည်း အစ္စရေးက ယီမင်နိုင်ငံ Al-Hudaydah မြို့နဲ့ မြို့တော် Sanaa တို့ကို ဒရုန်းဒုံးကျည်တွေနဲ့ တိုက်ခိုက်ခဲ့မှုအတွက် လက်တုံ့ပြန်ခြင်း ဖြစ်တယ်လို့ Saree က ဆိုပါတယ်။

၂၀၂၃ခုနှစ် အောက်တိုဘာလ ၇ ရက်နေ့ကတည်းက အစ္စရေးရဲ့လူမျိုးတုံးသတ်ဖြတ်မှုစစ်ပွဲမှာ လူပေါင်း ၄၅၀၀၀ ကျော် သေဆုံးခဲ့အတွက် ဟူသီတို့က လက်တုံပြန် တိုက်ခိုက်နေခြင်း ဖြစ်တယ်လို့ သိရှိရပါတယ်။

The Arakan Express News

ယင်းမာပင်မြို့စစ်ကောင်စီစခန်းနဲ့ မြိုင်မြို့ စစ်ကူစစ်ကြောင်းတို့ တိုက်ခိုက်ခံရ–စစ်ကောင်စီတပ်သားတွေ ထိခိုက်သေဆုံးမှုရှိဒ...
23/12/2024

ယင်းမာပင်မြို့စစ်ကောင်စီစခန်းနဲ့ မြိုင်မြို့ စစ်ကူစစ်ကြောင်းတို့ တိုက်ခိုက်ခံရ
–စစ်ကောင်စီတပ်သားတွေ ထိခိုက်သေဆုံးမှုရှိ

ဒီဇင်ဘာ ၂၃၊ AEN

စစ်ကိုင်းတိုင်း၊ ယင်းမာပင်မြို့က စစ်ကောင်စီစခန်းကို တော်လှန်ရေးတပ်ပေါင်းစုက လက်နက်ကြီးတွေနဲ့ ပစ်ခတ် တိုက်ခိုက်ခဲ့တယ်လို့ ယင်းမာပင်ခရိုင် အမှတ်-၂၇ တပ်ရင်းအဖွဲ့ရဲ့ ပြောဆိုချက်အရ သိရှိရပါတယ်။

ဒီဇင်ဘာလ ၂၁ ရက်နေ့မှာ မကွေးတိုင်း ယင်းမာပင်မြို့ စုပေါင်းရုံးမှ စစ်ကောင်စီတပ်သားတွေ တန်းစီနေချိန် တော်လှန်ရေးရဲဘော်တွေက ၆၀ မမ လက်နက်ကြီးတွေနဲ့ သွားရောက် ပစ်ခတ်တိုက်ခိုက်ခဲ့ပြီး မြိုင်မြို့ထဲက စစ်လက်နက်နဲ့ ရိက္ခာတွေလာပို့တဲ့ စစ်ကြောင်းကိုလည်း ဒရုန်းဗုံးကြဲ တိုက်ခိုက်ခဲ့ကာ စစ်ကောင်စီတပ်သားတွေ ထိခိုက်မှုရှိမှု အများအပြားရှိခဲ့ပြီး အရေအတွက်ကို အတည်ပြုနိုင်ခြင်းမရှိသေးဘူးလို့ သိရှိရပါတယ်။

ယင်း တိုက်ခိုက်မှုကို ဗမာ့ဒေါင်း Rc plane အဖွဲ့နဲ့လျှပ်စီး ပြောက်ကျားတပ် Rc plane အဖွဲ့တို့က ပူးပေါင်း လုပ်ဆောင်ခဲ့တယ်လို့ သိရှိရပါတယ်။

Photo MGSN
The Arakan Express News

ရခိုင်ပဋိပက္ခ အတွက် အစိုးရမဟုတ်တဲ့ သူတွေနဲ့ ထိတွေ့ဆက်ဆံမှု မပြုနိုင်ဘူးလို့ ဘင်္ဂလားဒေ့ရှ်ပြောဒီဇင်ဘာ ၂၃၊ AENရခိုင်ပြည်န...
23/12/2024

ရခိုင်ပဋိပက္ခ အတွက် အစိုးရမဟုတ်တဲ့ သူတွေနဲ့ ထိတွေ့ဆက်ဆံမှု မပြုနိုင်ဘူးလို့ ဘင်္ဂလားဒေ့ရှ်ပြော

ဒီဇင်ဘာ ၂၃၊ AEN

ရခိုင်ပြည်နယ်နဲ့ နယ်စပ်ဒေသတွေမှာ ဖြစ်ပွားနေတဲ့ အကျပ်အတည်းတွေကို ဖြေရှင်းပေးဖို့ ဘင်္ဂလားဒေ့ရှ်က မြန်မာအစိုးရကို တောင်းဆိုထားပြီး ရက္ခိုင့်တပ်တော် AA လိုမျိုး အစိုးရမဟုတ်တဲ့ အင်အားစုတွေနဲ့ ညှိနှိုင်းဆွေးနွေးဖို့ မဖြစ်နိုင်ဘူးလို့ ဘင်္ဂလားဒေ့ရှ် နိုင်ငံခြားရေးဝန်ကြီး အကြံ​​ပေး Mr. Touhid Hossain က ထိုင်းနိုင်ငံမှာ ကျင်းပတဲ့ အလွတ်သဘော ဆွေးနွေးပွဲမှာ အလေးပေး ပြောဆိုခဲ့တာ ဖြစ်ပါတယ်။

ရိုဟင်ဂျာအကျပ်အတည်းကို ဖြေရှင်းခြင်းမရှိပဲ ဒေသတွင်း ငြိမ်းချမ်းရေးနဲ့ တည်ငြိမ်ရေး ခက်ခဲနေမှာ ဖြစ်တယ်လို့ Mr.Hossain က အလေးပေးပြောကြားခဲ့တဲ့ အဆိုပါ ဆွေးနွေးပွဲကို ဘင်္ဂလားဒေ့ရှ်၊ မြန်မာ၊ အိန္ဒိယ၊ တရုတ်၊ လာအိုနဲ့ အခြားနိုင်ငံတွေက အကြီးတန်းကိုယ်စားလှယ်တွေ တက်ရောက်ခဲ့ပြီး မြန်မာနိုင်ငံအရေးကို အဓိကထား ဆွေးနွေးခဲ့ကြတယ်လို့ သိရှိရပါတယ်။

နယ်စပ်ဖြတ်ကျော်မှု၊ မူးယစ်ဆေးဝါး မှောင်ခိုကူးမှု၊ လက်နက်မှောင်ခို၊ လူမှောင်ခိုကူးမှုနဲ့ နိုင်ငံရေး အနာဂတ် အပါအဝင် မြန်မာနိုင်ငံနဲ့ ပတ်သက်တဲ့အဓိက ကိစ္စရပ်များကို ဆွေးနွေးခဲ့ပြီး မြန်မာဖက်ကလည်း နယ်စပ်ကို ပြန်လည်ထိန်းချုပ်ဖို့ ကြိုးစားနေတယ်လို့ ဖြေကြားခဲ့တယ်လို့ Mr.Hossain က ပြောပါတယ်။

တချိန်တည်းမှာပဲ ဒက္ကာမြို့မှာ ပြုလုပ်တဲ့ နိုင်ငံတကာ ဆွေးနွေးပွဲမှာလည်း မြန်မာနိုင်ငံ ငြိမ်းချမ်းရေးဟာ ဘင်္ဂလားပင်လယ်အော်နဲ့ ပတ်ဝန်းကျင်နိုင်ငံတွေရဲ့ အလားအလာကို အပြည့်အဝ တိုးတက်စေချင်ရင် ရိုဟင်ဂျာ အကျပ်အတည်းကို မဖြေရှင်းပဲ မရဘူးလို Mr.Hossain က ပြောပါတယ်။

မြန်မာနိုင်ငံမှာ လက်ရှိဖြစ်ပွားနေတဲ့ ပြည်တွင်းစစ် အခြေအနေတွေကို သတိပြုမိပြီး ရခိုင်ပြည်နယ်ကနေ ထွက်ပြေးလာတဲ့ ရိုဟင်ဂျာ ၁.၂ သန်းထက်မနည်းဟာ ပြီးခဲ့တဲ့ ခုနစ်နှစ်အတွင်း ဘင်္ဂလားဒေ့ရှ်နိုင်ငံကို ထွက်ပြေးသွားခဲ့ပြီး ယခု နှစ်လအတွင်း လူ ၆၀၀၀၀ ကျော် ထပ်မံဝင်ရောက်လာမှုလည်း ရှိတယ်လို့ ဆိုပါတယ်။

ရိုဟင်ဂျာတွေ ထပ်မံဝင်ရောက်လာနိုင်တဲ့ အလားအလာနဲ့ ပတ်သက်လို့ အစိုးရအနေနဲ့ စိုးရိမ်ပူပန်ပြီး ဘင်္ဂလားဒေ့ရှ် ရဲ့ ပေါ်လစီ အရ ရိုဟင်ဂျာ ဒုက္ခသည်တွေ နောက်ထပ် နိုင်ငံထဲ ဝင်ခွင့် မပြုဖို့ ထပ်လောင်း အတည်ပြု လိုက်တယ်လို့ Mr.Hossain ပြောပါတယ်။

Source The Daily Star
The Arakan Express News

မင်းတပ်မြို့ကိုအပြီးသတ်သိမ်းပိုက်နိုင်ပြီဖြစ်​ကြောင်း​ ချင်းညီ​နောင် ကြေညာဒီဇင်ဘာလ ၂၃၊ AENမင်းတပ်မြို့မှာ​ နောက်ဆုံးကျန်...
23/12/2024

မင်းတပ်မြို့ကိုအပြီးသတ်သိမ်းပိုက်နိုင်ပြီဖြစ်​ကြောင်း​ ချင်းညီ​နောင် ကြေညာ

ဒီဇင်ဘာလ ၂၃၊ AEN

မင်းတပ်မြို့မှာ​ နောက်ဆုံးကျန်တဲ့ ခလရ ၂၇၄ ကို ဒီဇင်ဘာ ၂၁ ရက်​နေ့မှာအပြီးသတ်သိမ်းပိုက်ပြီး မင်းတပ်မြို့တစ်ခုလုံးကိုအပြီးသတ်သိမ်းပိုက်ထိန်းချုပ်လိုက်နိုင်ပြီလို့ ​ချင်းညီ​နောင်က ယမန်​နေ့ည ဒီဇင်ဘာ ၂၂ မှာကြေညာ လိုက်ပါတယ်။​

စစ်တပ်ဖမ်းဆီးထားတဲ့ နိုင်ငံ​ရေးအကျဥ်းသား ၁၃ ဦးကို ကယ်ထုတ်နိုင်ခဲ့တဲ့အပြင် စစ်သုံ့ပန်းအများအပြားဖမ်းဆီးရရှိခဲ့ပြီး ဟောင်ဝစ်ဇာအ​မြောက်အပါအဝင် ရာနဲ့ချီတဲ့လက်နက်ခဲယမ်း​တွေ သိမ်းဆည်းရရှိတယ်လို့ ဒီဇင်ဘာ ၂၂ ရက်​နေ့မှာထုတ်ပြန်တဲ့ သတင်းမှတ်တမ်းဓါတ်ပုံ​တွေအရ သိရှိရပါတယ်။

ချင်းညီ​နောင်က မင်းတပ်နဲ့ ဖလမ်းမြို့သိမ်းတိုက်ပွဲကို နိုဝင်ဘာ ၉ ရက်​နေ့ကစတင်ခဲ့တာဖြစ်ပြီး တစ်လခွဲအတွင်း မင်းတပ်မြို့ကိုသိမ်းပိုက်နိုင်ခဲ့ပြီး မင်းတပ်မြို့ ၊ ကန်ပက်လက်မြို့ ၊ကျင်​ဒွေးမြို့​တွေကို ​တော်လှန်​ရေးတပ်​​တွေက သိမ်းပိုက်ပြီးဖြစ်လို့ ချင်းပြည်နယ်​တောင်ပိုင်းမှာ စစ်တပ်ကင်းစင်သွားပြီဖြစ်တယ်လို့ သိရှိရပါတယ်။

မင်းတပ်မြို့သိမ်းတိုက်ပွဲကို ချင်းညီ​နောင်တပ်​တွေအပြင် မဟာမိတ်တပ်ဖွဲ့​တွေဖြစ်တဲ့ Yaw Defense Force (YDF) ၊ Yaw Army(YA) ၊ ပြည်သူ့ကာကွယ်​ရေးတပ်မ​တော် မုံရွာခရိုင် တပ်ရင်း (၃) တို့က ပူး​ပေါင်းတိုက်ခိုက်​ပေးကြပြီး AA က လက်နက်ခဲယမ်းအကူအညီနဲ့ စစ်​ရေးဆိုင်ရာအကြံဥာဏ်တွေ ပံ့ပိုးကူညီခဲ့တယ်လို့လည်း​ ဖော်ပြထားပါတယ်။

မြို့သိမ်းတိုက်ပွဲမှာ အသက်​ပေးအပ်ခဲ့ကြတဲ့ အာဇာနည်​တွေ ၊ကိုယ်လက်အဂါ်စွန့်လွတ်ခဲ့ရတဲ့ ရဲ​ဘော်​တွေ ၊​အောင်ပွဲရတဲ့အထိစွမ်းစွမ်းတမံတိုက်ပွဲဝင်ခဲ့တဲ့ တပ်မှူး​တွေ၊ ရဲ​ဘော်​တွေကိုဂုဏ်ပြု​ကြောင်းနဲ့ ကျန်​နေ​သေးတဲ့ စစ်ကောင်စီတပ်စခန်းတွေ သိမ်းပိုက်နိုင်​ရေး မဟာမိတ်​တွေနဲ့ အတူဆက်လက်တိုက်ပွဲဝင်မယ်လို့လည်း ​​ဖော်ပြထားပါတယ်။

Photo -ချင်းညီ​နောင်
The Arakan Express News

အောင်သပြေဂူကုန်းစခန်းကို KNDF နဲ့ ပူးပေါင်းတပ် တိုက်ခိုက်–စစ်ကောင်စီဗိုလ်အဆင့် အပါအဝင် ၁၁ ဦးသေ၊ စစ်သုံ့ပန်းနဲ့ လက်နက်တွေ...
22/12/2024

အောင်သပြေဂူကုန်းစခန်းကို KNDF နဲ့ ပူးပေါင်းတပ် တိုက်ခိုက်
–စစ်ကောင်စီဗိုလ်အဆင့် အပါအဝင် ၁၁ ဦးသေ၊ စစ်သုံ့ပန်းနဲ့ လက်နက်တွေ သိမ်းဆည်းရရှိ

ဒီဇင်ဘာ ၂၂၊ AEN

ကရင်နီပြည်၊ လွိုင်ကော်မြို့၊ အောင်သပြေဂူကုန်းမှာ တပ်စွဲထားတဲ့ စစ်ကောင်စီစခန်းကို KNDF နဲ့ တော်လှန်ရေးပူးပေါင်းအဖွဲ့တွေ ၀င်ရောက်တိုက်ခိုက်ရာ ဗိုလ်အဆင့် အပါအ၀င် သေဆုံးသူ ၁၁ ဦးအထိရှိပြီး စစ်သုံ့ပန်းနဲ့ လက်နက်ခဲယမ်းတွေပါ သိမ်းဆည်းရရှိခဲ့တယ်လို့ ကရင်နီအမျိုးသားများကာကွယ်ရေးတပ် (KNDF) က ဒီဇင်ဘာ ၂၁ မှာ ထုတ်ပြန် ဖော်ပြခဲ့တာ ဖြစ်ပါတယ်။

ဒီဇင်ဘာ ၁၈ ရက်၊ နံနက်ပိုင်းက စတင်ပြီး ကရင်နီအမျိုးသားကာကွယ်ရေးတပ် (KNDF) ဗျူဟာအမှတ် -၂ ၊ KNDF တပ်ရင်းအမှတ်- ၂၊ KNDF တပ်ရင်းအမှတ် -၁၄၊ KNDF UAV နဲ့ Loikaw PDF တို့ ပူးပေါင်းတိုက်ခိုက်ခဲ့တာဖြစ်တယ်လို့ ထုတ်ပြန်ချက်အရ သိရှိရပါတယ်။

စစ်ကောင်စီဖက်မှ အထိအခိုက်အကျဆုံးများလို့ ဒရုန်းအပါအ၀င် လက်နက်ကြီးတွေနဲ့ ပြန်လည်ပစ်ခတ်ခဲ့ပေမယ့် နှစ်ပွင့်ဗိုလ် တစ်ဦး၊ တပ်ကြပ် တစ်ဦး၊ တပ်သား ကိုးဦး သေဆုံးကာ စစ်သုံ့ပန်း လေးဦးနဲ့ MA-1 ခုနှစ်လက်၊ MA-11 လေးလက်နဲ့ MA-3 တစ်လက် စုစုပေါင်း ၁၂ လက်သိမ်းဆည်းရရှိခဲ့တာဖြစ်ပြီး တိုက်ပွဲအတွင်း KNDF ရဲဘော်တစ်ဦး မစိုးရိမ်ရ ဒဏ်ရာရရှိခဲ့တယ်လို့ သိရှိရပါတယ်။

စစ်ကောင်စီက လွိုင်ကော် အပါအဝင် အခြားနေရာဒေသတွေကိုပါ ဆက်လက််ထိုးစစ်ဆင် တိုက်ခိုက်နေလို့ ဒေသခံပြည်သူတွေ အခြေအနေကို သတိထားဖို့ ကရင်နီအမျိုးသားများ ကာကွယ်ရေးတပ် (KNDF) က ထုတ်ပြန် သတိပေးခဲ့တယ်လို့ သိရှိရပါတယ်။

Photo - KNDF
The Arakan Express News

ထားဝယ်မြို့အဝင်ဂိတ်ကို PDF ဝင်တိုက်ဒီဇင်ဘာ ၂၂၊ AENတနင်္သာရီတိုင်း ထားဝယ်မြို့အဝင် စစ်ကောင်စီရဲ့ စစ်ဆေးရေးဂိတ်ကို ဒီဇင်ဘာ...
22/12/2024

ထားဝယ်မြို့အဝင်ဂိတ်ကို PDF ဝင်တိုက်

ဒီဇင်ဘာ ၂၂၊ AEN

တနင်္သာရီတိုင်း ထားဝယ်မြို့အဝင် စစ်ကောင်စီရဲ့ စစ်ဆေးရေးဂိတ်ကို ဒီဇင်ဘာ ၂၀ ရက်နေ့မှာ ပြည်သူတော်လှန်ရေးတပ်က ဝင်ရောက်တိုက်ခိုက်ခဲ့တယ်လို့ တော်လှန်ရေး သတင်းအရင်းအမြစ်အရ သိရှိရပါတယ်။

တပ်အင်အား ၃၀ ကျော်နဲ့ တပ်စွဲထားတဲ့ စစ်ကောင်စီစစ်ဆေးရေးဂိတ်ကို တော်လှန်ရေးအင်အားစုပူးပေါင်းတပ်ဖွဲ့တွေက ဝင်ရောက်တိုက်ခိုက်ခဲ့တာဖြစ်ပြီး နှစ်ဖက်အပြန်အလှန် ပစ်ခတ်မှု နာရီဝက်နီးပါးအကြာ ဖြစ်ပွားခဲ့ပြီး ခရီးကားအစီးရေ ရာနဲ့ချီပိတ်ဆို့မှု ဖြစ်ပေါ်ခဲ့တယ်လို့ ပြောပါတယ်။

တိုက်ခိုက်မှုအတွင်း စစ်ကောင်စီ တပ်ဖွဲ့ဝင်သုံးဦးထက်မနည်း ထိခိုက်သေဆုံးပြီး ပူးပေါင်းအဖွဲ့ဖက်က ထိခိုက်ဒဏ်ရာရတာ မရှိဘူးလို့ သိရပြီး စစ်ကောင်စီတပ်ဟာ သရက်ချောင်းကနေ ထားဝယ်လာတဲ့ ကားတွေကိုသာ ဖြတ်သန်းသွားလာခွင့်ပေးပြီး ထားဝယ်ဘက်ကနေ သရက်ချောင်းသွားမယ့် ကားတွေကို ပိတ်ပင်ထားတယ်လို့ ခရီးသွားတွေဆီက သိရှိရပါတယ်။

ထားဝယ်မြို့ဝင်အဂိတ် တိုက်ခိုက်မှုနဲ့ ပတ်သက်ပြီး စစ်ကောင်စီဖက်က လက်ရှိအချိန်အထိ တစ်စုံတစ်ရာ သတင်းထုတ်ပြန်တာ မတွေ့ရသေးပါဘူး။

Photo -TLTCJ
The Arakan Express News

22/12/2024

"စစ်ကောင်စီရဲ့ မတရားဖိနှိပ်မှုကို ကိုယ်တိုင်ကြုံတွေ့ခဲ့ရသူများ"

ယခုတစ်ပတ် AEN Podcast အစီအစဉ်ကို အာဏာသိမ်း စစ်ကောင်စီရဲ့ တရားမဲဲ့ပြုကျင့်မှုတွေကို ကိုယ်တိုင်ကြုံတွေ့ခံစားခဲ့ရတဲ့ ရိုဟင်ဂျာတစ်ဦးကို ဆက်သွယ်မေးမြန်းထားပါတယ်။

The Arakan Express News

Address

Maungdaw

Telephone

+66620364813

Website

Alerts

Be the first to know and let us send you an email when The Arakan Express News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Arakan Express News:

Videos

"စစ်ကောင်စီရဲ့ မတရားဖိနှိပ်မှုကို ကိုယ်တိုင်ကြုံတွေ့ခဲ့ရသူများ" ယခုတစ်ပတ် AEN Podcast အစီအစဉ်ကို အာဏာသိမ်း စစ်ကောင်စီရဲ့ တရားမဲဲ့ပြုကျင့်မှုတွေကို ကိုယ်တိုင်ကြုံတွေ့ခံစားခဲ့ရတဲ့ ရိုဟင်ဂျာတစ်ဦးကို ဆက်သွယ်မေးမြန်းထားပါတယ်။ The Arakan Express News

"နေရပ်စွန့်ခွာ ရိုဟင်ဂျာတွေရဲ့ ရင်တွင်းစကား" မွေးရပ်မြေကို မချစ်တဲ့သူ မရှိပါဘူး။ စစ်တပ်ရဲ့ လူမျိုးတုန်းလုပ်ခြင်းခံရပြီး အစုအလိုက်အပြုံလိုက် မောင်းထုတ်ခြင်းခဲ့ရကာ မြန်မာနိုင်ငံကနေ တစ်ဖက် ဘင်္ဂလားဒေ့ရှ်နိုင်ငံကို ထွက်ပြေး တိမ်းရှောင်နေရပေမယ့် အမိ​မြေကိုသာ ပြန်သွားချင်နေတဲ့ ရိုဟင်ဂျာတွေရဲ့ ရင်ဖွင့်စကားတွေကို တင်ဆက်ပေးမယ့် Podcast လေးဖြစ်ပါတယ်။ The Arakan Express News

ရိုဟင်ဂျာအနာဂတ်နှင့်ပညာရေးကဏ္ဍ
ရိုဟင်ဂျာအနာဂတ်နှင့်ပညာရေးကဏ္ဍ

" ရိုဟင်ဂျာအနာဂတ်နှင့် ပညာရေးကဏ္ဍ" ဒီတပတ် AEN သတင်းဌာနရဲ့ Podcast အစီအစဉ်မှာတော့ ရိုဟင်ဂျာအနာဂတ်နှင့် ပညာရေးကဏ္ဍ ကို ဆွေးနွေးထားပါတယ်။ ပညာသည် လူ၏တန်ဖိုး ရေမြင့်ကြာတင့် ဆိုသလို့ ပညာမြင့်မှာ လူမျိုးတင့်မှာဖြစ်တယ်။ ရိုဟင်ဂျာ အနာဂတ်လူငယ်​တွေ ဇွဲ လုံလ ဝီရိယ နဲ့ ပညာသင်ယူ သင်ကြားနေတာတွေကို အများသိရှိအောင် မျှဝေပေးမယ် Podcast လေးဖြစ်ပါတယ်။ The Arakan Express News

လူနည်းစုဘာသာဝင်တွေရဲ့ လူ့အခွင့်အရေးချိုးဖောက်ခံရမှုများ
လူနည်းစုဘာသာဝင်တွေရဲ့ လူ့အခွင့်အရေးချိုးဖောက်ခံရမှုများ

"လူနည်းစုဘာသာဝင်တွေရဲ့ လူ့အခွင့်အရေးချိုးဖောက်ခံရမှုများ" ဒီတပတ် AEN သတင်းဌာနရဲ့ Podcast အစီအစဉ်မှာတော့ မြန်မာပြည်တွင်းက လူနည်းစုဘာသာဝင်တွေရဲ့ လူ့အခွင့်အရေးချိုးဖောက်ခံနေရမှုများကို ဆွေးနွေးထားပါတယ်။ The Arakan Express News

အင်ဒိုနီးရှားရောက် ရိုဟင်ဂျာလှေစီးဒုက္ခသည်တို့ရဲ့ အခြေအနေ
အင်ဒိုနီးရှားရောက် ရိုဟင်ဂျာလှေစီးဒုက္ခသည်တို့ရဲ့ အခြေအနေ

"အင်ဒိုနီးရှားရောက် ရိုဟင်ဂျာလှေစီးဒုက္ခသည်တို့ရဲ့ အခြေအနေ" ရခိုင်ပြည်နယ်က ရိုဟင်ဂျာတွေနဲ့ ဘင်္ဂလားဒေ့ရှ်နိုင်ငံ ဒုက္ခသည်စခန်းက ရိုဟင်ဂျာဒုက္ခသည်တွေဟာ ရခိုင်ပြည်နယ်အတွင်းကတိုက်ပွဲတွေ ကျပ်တည်းတဲ့အခြေအနေတွေ ဘေးဒုက္ခတွေကြောင့် နေရပ်စွန့်ခွာကာ အသက်အန္တရာယ်နဲ့ နီးကပ်လွန်းတဲ့ ပင်လယ်ပြင်ခရီးကြမ်းကို ဖြတ်သန်းပြီး အင်ဒိုနီးရှားနိုင်ငံ ကမ်းခြေမြို့တွေကို ရောက်ရှိကြပုံတွေနဲ့ ပတ်သက်ပြီး အင်ဒိုနီးရှား အာချေးပြည်နယ်ကို ရောက်ရှိနေတဲ့ ရိုဟင်ဂျာတစ်ဦးဖြစ်သူ ကိုအဒူရာမန် ကို AEN သတင်းဌာနမှ ကိုအောင်ကြီးကနေ ဆက်သွယ်မေးမြန်းထားပါတယ်။ The Arakan Express News

AEN Talkshow အိန္ဒိယရောက် ရိုဟင်ဂျာဒုက္ခသည်များရဲ့ အခြေအနေ
AEN Talkshow အိန္ဒိယရောက် ရိုဟင်ဂျာဒုက္ခသည်များရဲ့ အခြေအနေ

AEN Talkshow အိန္ဒိယရောက် ရိုဟင်ဂျာဒုက္ခသည်များရဲ့ အခြေအနေ မြန်မာပြည်ကနေ နေရပ်စွန့်ခွာထွက်ပြေးရပြီးနောက် အိန္ဒိယနိုင်ငံကို ခိုလှုံဖို့ ရောက်ရှိနေကြတဲ့ ရိုဟင်ဂျာတွေရဲ့ အခြေအနေနဲ့ ပတ်သက်ပြီး အိန္ဒိယရောက် ရိုဟင်ဂျာဒုက္ခသည်များအရေး ဦးဆောင်လှုပ်ရှားသူ ကိုအလီဂျိုဟရ်ကို AEN သတင်းဌာနမှ ကိုအောင်ကြီးကနေ ဆက်သွယ်မေးမြန်းထားပါတယ်။ The Arakan Express News

"လူမျိုးရေးပဋိပက္ခများ_စစ်အာဏာတည်မြဲရေးအတွက် မောင်းနှင်အားတရပ်”
"လူမျိုးရေးပဋိပက္ခများ_စစ်အာဏာတည်မြဲရေးအတွက် မောင်းနှင်အားတရပ်”

စကားဝိုင်းဆွေးနွေးပွဲ ပါဝင်ဆွေးနွေးသူများ ၁။ နုနုလှိုင် (Generations’ Solidarity Coalition of Nationalities) ၂။ ရဲဘော်ကောင်းထက်ကျော် (အလယ်ပိုင်းတိုင်းရင်းသားတော်လှန်ရေးအင်အားစု) ၃။ လွေးပိုးငယ် (တအာင်းအမျိုးသမီးအဖွဲ့အစည်_TWO) ၄။ မိုးထက်နေ (ဉာဏ်လင်းသစ်သုတေသနအဖွဲ့) အခု စကားဝိုင်းဆွေးနွေးပွဲအစီအစဉ်ကို ဉာဏ်လင်းသစ်သုတေသနအဖွဲ့၏ ဖေ့စ်ဘုတ်စာမျက်နှာအပြင် မိတ်ဖက်သတင်းမီဒီယာများ၏ သတင်းဖေ့စ်ဘုတ် စာမျက်နှာများကနေ တပြိုင်နက် ထုတ်လွှင့်တင်ဆက်နေတာ ဖြစ်ပါသည်။

အောက်တိုဘာ ၂၅ ရက် သောကြာနေ့ နံနက်ခင်းသတင်း ထုတ်လွှင့်မှုအစီအစဉ်။ AEN ရဲ့ နောက်ဆုံးရ သတင်းတွေကို အောက်ပါ Social Media တွေကနေလည်း အချိန်နဲ့တပြေးညီ ဖော်ပြပေးနေပါတယ်။ AEN YouTube Channel - https://youtube.com/@thearakanexpressnews3096?si=C1POmsTILDB-EizO AEN Telegram Channel - https://t.me/arakan_express_newsAEN X Channel - https://x.com/arakan_express?s=21&t=q2qcGXNqElfSpmjh0SPddwAEN Instagram Channel - https://www.instagram.com/arakanexpress?igsh=aTE5dWh5eGNwMTdl&utm_source=qr

အောက်တိုဘာ ၂၄ ရက် ကြာသပတေးနေ့ နံနက်ခင်းသတင်း ထုတ်လွှင့်မှုအစီအစဉ်။ AEN ရဲ့ နောက်ဆုံးရ သတင်းတွေကို အောက်ပါ Social Media တွေကနေလည်း အချိန်နဲ့တပြေးညီ ဖော်ပြပေးနေပါတယ်။ AEN YouTube Channel - https://youtube.com/@thearakanexpressnews3096?si=C1POmsTILDB-EizO AEN Telegram Channel - https://t.me/arakan_express_newsAEN X Channel - https://x.com/arakan_express?s=21&t=q2qcGXNqElfSpmjh0SPddwAEN Instagram Channel - https://www.instagram.com/arakanexpress?igsh=aTE5dWh5eGNwMTdl&utm_source=qr

အောက်တိုဘာ ၂၃ ရက် ဗုဒ္ဓဟူးနေ့ နံနက်ခင်းသတင်း ထုတ်လွှင့်မှုအစီအစဉ်။ AEN ရဲ့ နောက်ဆုံးရ သတင်းတွေကို အောက်ပါ Social Media တွေကနေလည်း အချိန်နဲ့တပြေးညီ ဖော်ပြပေးနေပါတယ်။ AEN YouTube Channel - https://youtube.com/@thearakanexpressnews3096?si=C1POmsTILDB-EizO AEN Telegram Channel - https://t.me/arakan_express_newsAEN X Channel - https://x.com/arakan_express?s=21&t=q2qcGXNqElfSpmjh0SPddwAEN Instagram Channel - https://www.instagram.com/arakanexpress?igsh=aTE5dWh5eGNwMTdl&utm_source=qr

အောက်တိုဘာ ၂၂ ရက် အင်္ဂါနေ့ နံနက်ခင်းသတင်း ထုတ်လွှင့်မှုအစီအစဉ်။ AEN ရဲ့ နောက်ဆုံးရ သတင်းတွေကို အောက်ပါ Social Media တွေကနေလည်း အချိန်နဲ့တပြေးညီ ဖော်ပြပေးနေပါတယ်။ AEN YouTube Channel - https://youtube.com/@thearakanexpressnews3096?si=C1POmsTILDB-EizO AEN Telegram Channel - https://t.me/arakan_express_newsAEN X Channel - https://x.com/arakan_express?s=21&t=q2qcGXNqElfSpmjh0SPddwAEN Instagram Channel - https://www.instagram.com/arakanexpress?igsh=aTE5dWh5eGNwMTdl&utm_source=qr

အောက်တိုဘာ ၂၁ ရက် တနင်္လာနေ့ နံနက်ခင်းသတင်း ထုတ်လွှင့်မှုအစီအစဉ်။ AEN ရဲ့ နောက်ဆုံးရ သတင်းတွေကို အောက်ပါ Social Media တွေကနေလည်း အချိန်နဲ့တပြေးညီ ဖော်ပြပေးနေပါတယ်။ AEN YouTube Channel - https://youtube.com/@thearakanexpressnews3096?si=C1POmsTILDB-EizO AEN Telegram Channel - https://t.me/arakan_express_newsAEN X Channel - https://x.com/arakan_express?s=21&t=q2qcGXNqElfSpmjh0SPddwAEN Instagram Channel - https://www.instagram.com/arakanexpress?igsh=aTE5dWh5eGNwMTdl&utm_source=qr

Shortcuts

Share

Category