Oicituili

14/12/2024

နားရေးသတင်း😭😭😭😭

မလေးရှားနိုင်ငံရောက်၊ မတူပီမြို့နယ် ဘွေရှစ်ကျေးရွာနေ ဆရာထန်ကျင်း၏ သားကြီး ဆလိုင်း ရိုထန်း သည်၊ Malaysia .Kualalumpur (Ampang)အမ်ပန်ပြည်သူ့ဆေးရုံ၌ ဒီဇင်ဘာလ ၁၅ ရက် ၂၀၂၄ မနက် 6:34 AM တွင် ခရစ်တော်ရဲ့ခေါ်တော်မူခြင်းခံရကြောင်း😭 ဝမ်းနည်းစွာသတင်းသိရှိရပါသည်။

ရုပ်ကလပ်အားမြန်မာပြည်သို့ ပို့ဆောင်ကြရမည်ဖြစ်ကြောင်းလည်းသတင်းသိရှိရပါသည်။ ရပ်နီးရပ်ဝေး ယုံကြည်သူများအားလုံးဆုတောင်းခြင်းဖြင့်ကူညီကြဖို့ မေတ္တာ ရပ်ခံပါသည်။

ကျန်းရစ်သော မိသားစုအပေါ်မှာ ဘုရာသခင်ရဲ့ ငြိမ်းသက်ခြင်းသက်ရောက်ပါစေ... R I P 😭😭😭😭

14/12/2024

14/12/2024

အာဏာရှင် အာဆတ် အစိုးရ အဆုံးသတ်သွားမှုကို ဆီးရီးယား ပြည်သူတွေ စုဝေးအောင်ပွဲခံ

အာဏာရှင် သမ္မတ ဘာရှာ အယ်လ်အာဆတ်ရဲ့ ကြီးစိုးမှု အဆုံးသတ်ကြောင်း ကြေညာတဲ့နေ့မှာ မြို့တော် ဒမတ်စကက်ရဲ့ ပြည်သူတွေ အမြောက်အမြား စုဝေးပြီး အောင်ပွဲခံခဲ့ကြပါတယ်။

11/12/2024

အဖိုးတန်လေးတွေ ဘေးကင်းကျန်းမာကြပါစေ 💐

11/12/2024

ချင်းပြည်သူများ၏ အချစ်တော်၊ ချင်းလဲန်းကောင်စီတပ် များမှ သိမ်းယူခဲ့တဲ့ ချင်းပြည်နယ် ဟားခါးနှင့် ထန်တလန်ကြားရှိ သောင်းကျန်းသူ စကစ များ၏ စခန်း ( Point -3 စခန်း)

11/12/2024

ဆိုးရွားလှသည့် ပြစ်မှုများကျူးလွန်ခဲ့သူဖြစ်​သော်လည်း ​ယခုအခါ ကြိုးချီထား​သော လက်နှစ်​ချောင်းနောက်ပစ်၍ ဒူး​​ထောက်လျက်​တွေ့ရသည်။

ဒီဇင်ဘာလ ​​နေ​ရောင်​အောက်တွင်မျက်နှာ ရှုံ့တွ၍ ဓါတ်ပုံရိုက်​နေသူကို ကြည့်​နေသည်။ ​အောက်​ခြေစစ်သားများမှာ ရိက္ခာပြတ်၍ နိုဝင်ဘာ လဆန်းကတည်းက စားစရာမရှိ​တော့​ကြောင်း ရင်ဖွင့်ထားကြ​သော်လည်း သူကမူ ရက်​ပေါင်းများစွာအစာ​ရေစာ ပြတ်၍အဟာရချို့ငဲ့​နေ​သောပုံစံမျိုးမဟုတ်ပါ။

သူဆိုသည်မှာ နမည်ဆိုးဖြင့် လူသိများ​နေ​သော အမှတ်( ၁၅ )စစ်ဆင်ရေးကွပ်ကဲမှုဌာနချုပ် (စကခ-၁၅) တပ်မမှူး ဗိုလ်မှူးချုပ်သူရိန်ထွန်းဖြစ်သည်။ဗိုလ်မှူးချုပ်သူရိန်ထွန်းကိုမောင်တောမြို့သိမ်းတိုက်ပွဲတွင် ဒီဇင်ဘာလ၈ရက်နေ့က AAက စစ်သုံ့ပန်းအဖြစ်ဖမ်းဆီးရမိခဲ့သည်။

အသက် ၅၅ နှစ်ခန့်ရှိ​​သော ဗိုလ်မှူးချုပ်သူရိန်ထွန်းမှာ အလုပ်သင်ဗိုလ်​လောင်းသင်တန်း အမှတ်စဥ် ၂၂ ဆင်းဖြစ်သည်။ ၂၀၁၈ ခုနှစ်တွင်လည်းရခိုင်ပြည်နယ်တွင် တာဝန်ကျခဲ့သူဖြစ်သည်။ရခိုင်ပြည်နယ်တွင် ထိုစဥ်က ၃ နှစ်တာဝန်ကျခဲ့လျင်ပင်အနည်းဆုံး ၂၀၁၅ ခုနှစ် မှ ၂၀၁၈ခုနှစ် အထိ့တာဝန်ထမ်းခဲ့သူဖြစ်​ကြောင်း စစ်​ရေးသတင်းများ​ဖော်ပြ​ပေး​နေ​သော CDM ဗိုလ်ကြီး ဇင်​ယော်က ​ပြောသည်။ထို​ကြောင့် စစ်​အုပ်စုက ရခိုင်ပြည်နယ်တွင် ရိုဟင်ဂျာ လူမျိုးတုန်းသတ်ဖြတ်မှုများကျူးလွန်ခဲ့​သော ၂၀၁၇ ခုနှစ်တွင် ရခိုင်ပြည်နယ်၌ တာဝန်ထမ်းနေသူဖြစ်သည်။

ရိုဟင်ဂျာလူမျိုးတုန်းသတ်ဖြတ်မှုတွင် အဓိကတာဝန်ရှိစစ်အရာရှိများထဲမှ တဦးဟု ICJ တွင် အမည်စာရင်း​ရောက်ထားသူဟု သတင်းထွက်​နေသူဖြစ်ပြီး ထိုအချက်အလက်ကို စီစစ်​နေဆဲဟု CDM ဗိုလ်ကြီးဇင်​ယော်က​ပြောသည်။၂၀၁၇ ရိုဟင်ဂျာလူမျိုးတုံးသတ်ဖြတ်မှုတွင်ဗိုလ်မှူးချုပ်သူရိန်ထွန်းလည်း အဓိက​နေရာမှပါဝင်​ခဲ့သူဖြစ်ကြောင်း​စစ်​ရေးအရင်းအမြစ်များကပြောသည်။

ရခိုင်ပြည်နယ်မှ မန္တ​လေးမြို့ရှိ အလယ်ပိုင်းတိုင်းစစ်ဌာနချုပ်(လပခ)တွင် တိုင်းစစ်ဦးစီးချုပ်အဖြစ်​ပြောင်း​ရွေ့တာဝန်ကျခဲ့သည်။စစ်တပ်အာဏာသိမ်းပြီး​နောက် မန္တ​​လေးမြို့တွင် ငြိမ်းချမ်းစွာဆန္ဒပြ​သောပြည်သူများကို ​ပစ်ခတ်သတ်ဖြတ်အကြမ်းဖက်ဖြိုခွင်းမှုများကို ထိုစဥ်က လပခ စစ်တိုင်းမှူး ဗိုလ်ချုပ် ကိုကိုဦး နှင့်အတူ ဗိုလ်မှူးချုပ်သူရိန်ထွန်းက အဓိကအမိန့်​ပေးခဲ့သူများဖြစ်သည်။ ဗိုလ်ချုပ် ကိုကိုဦးသည် ယခုအခါ ဒုတိယဗိုလ်ချုပ်ရာထူး
ဖြင့် ကစထမှူးတာဝန်ထမ်း​ဆောင်​နေသည်။

ဖမ်းဆီးခံ့ရ​သော ဆန္ဒပြလူငယ်များ ၊နိုင်ငံ​ရေးအကျဥ်းသမားများကို နန်းတွင်းစစ်​ကြော​ရေးနှင့်​ထောင်တွင် ရက်ရက်စက်စက်နှိပ်စက် ၊သတ်ဖြတ်မှုများကို အမိန့်​ပေး​စေခိုင်းခဲ့သူတစ်ဦးဖြစ်​ကြောင်းလည်း ​တော်လှန်​ရေးအင်အားစုများက​ပြောသည်။

ထို့အပြင် မန္တလေးတိုင်းတွင်း အစွန်းရောက်သွေးသောက်အဖွဲ့များဖွဲ့စည်းခဲ့ပြီး စစ်ကောင်စီအားဆန့်ကျင်သူများကို ရက်ရက်စက်စက်သတ်ဖြတ်စေခဲ့သည်။ပြည်သူ့စစ်အဖွဲ့များဖွဲ့စည်းပြီး လက်နက်များတပ်ဆင်​ပေးကာ စစ်တပ်ဆန့်ကျင်သူများ ၊၎င်းတို့သံသယရှိသူများကို အ​ကြောင်းပြချက်မရှိ ဖမ်းဆီးသတ်ဖြတ်ရန် လူသတ်လိုင်စင် ခွင့်ပြု​ပေးခဲ့သူများထဲမှတဦးလည်းဖြစ်၏ ။

လပခတိုင်းစစ်ဦးစီးချုပ်တာဝန်ယူခဲ့စဥ် တိုင်းမှူး ဗိုလ်ချုပ်ကိုကိုဦးနှင့်​ပေါင်း၍ မန္တလေးမြို့ရှိ အမျိုးသားဒီမိုက​ရေစီအဖွဲ့ချုပ်( NLD)ပါတီဝင်များ၊ စစ်ကောင်စီဆန့်ကျင်သူများ ၂၀ ဦးထက်မနည်း ရက်ရက်စက်စက်သတ်ဖြတ်ခံခဲ့ရပြီး ထိုအမှုများကို ဗိုလ်မှူးချုပ်သူရိန်ထွန်းက နောက်ကွယ်မှကြိုးကိုင်ခဲ့သည်ဟု မန္တလေးတိုင်းမှ တော်လှန်ရေးအင်အားစုအချို့က​ပြောပါသည်။

ထို​နောက် ၂၀၂၂ နှကုန်ပိုင်းတွင် ရခိုင်ပြည်နယ် ဘူးသီး​တောင်မြို့နယ် ရှိ စကခ (၁၅ ) စကခမှူးအဖြစ် တာဝန်ထမ်း​ဆောင်ခဲ့သည်။ ဘူးသီး​တောင်မြို့ကို အာရက္ခတပ်​တော် သိမ်းပိုက်​သောအခါ ​မောင်​တောမြို့သို့ထွက်​ပြေးလာပြီး နခခ (၅)တွင်ကုပ်တွယ်ခုခံ​နေရာမှ ဒီဇင်ဘာ ၈ ရက်တွင် AA ကဖမ်းဆီးခဲ့ခြင်းဖြစ်သည်။

ဗိုလ်မှူးချုပ် သူရိန်ထွန်း ရခိုင်ပြည်နယ်တွင်တ​ကျော့ပြန် တာဝန်ကျချိန်က AAက မြို့သိမ်းတိုက်ပွဲများမဖော်ဆောင်သေး။ သို့သော် အညာဒေသတော်လှန်ရေးအားကောင်းနေချိန်နှင့် တော်လှန်ရေးအင်အားစုများကို AAက အကူအညီပေးနေချိန်ဖြစ်သည်။ မကြာမီ AAက ရခိုင်ပြည်နယ်အတွင်း ၎င်းတို့အား ခြေမှုန်းမည့် စစ်ဆင်ရေးများဖော်ဆောင်လာနိုင်သည်ဟု ကြိုတင်တွက်ဆထားသည့်စစ်ကောင်စီက ဗိုလ်မှူးချုပ်သူရိန်ထွန်းလို လက်ရဲဇက်ရဲနိုင်သူ ၊ လူမျိုး​ရေးဘာသာရေးပဋိပက္ခများဖန်တီးရန် အ​တွေ့အကြုံရှိ​သော သူ့ကို အဓိက ဝှက်ဖဲအဖြစ် ဘူးသီးတောင်သို့ ပို့ဆောင်ခဲ့ခြင်းဟု ၎င်းနှင့် သိကျွမ်းသည့် အရပ်ဖက်သတင်းရင်းမြစ်တစ်ဦးကပြောသည်။

ဗိုလ်မှူးချုပ် သူရိန်ထွန်းက ဘူးသီးတောင်သို့ရောက်ခါစမှာပင် လူမျိုးရေးအထိဂရုဏ်း၏ အညှာကို ကိုင်ခဲ့သည်။ ဒေသရှိ မွတ်ဆလင်စီးပွားရေးသမားများအား မက်လုံးပေးစည်းရုံးသည်။မွတ်ဆလင် လူငယ်များအား လူစုပြီး စစ်သင်တန်းပေးခဲ့သည်။လက်နက်တပ်ဆင်ပေးပြီး AA ကို တိုက်ခိုင်းသည်။ ရခိုင်နှင့် AA မုန်းတီးရေး လှုံ့ဆော်ခဲ့သည်။AAကို ဆန့်ကျင်သပိတ်မှောက်ရန် ရိုဟင်ဂျာများအား သွေးထိုးခဲ့သည်။ ဘူးသီးတောင်မြို့မှ ရိုဟင်ဂျာများAAဆန့်ကျင်ရေးဆန္ဒပြ​စေခဲ့ပြီး ရိုဟင်ဂျာ နှင့် AA ကြား ၊ရိုဟင်ဂျာ နှင့် ရခိုင်ပြည်သူများကြား ပဋိ့က္ခများဖြစ်​စေရန် ရည်ရွယ်ချက်ရှိရှိ ​စေခိုင်းခဲ့သူဖြစ်သည်။

၂၀၂၄ မေလက AAက ဘူးသီးတောင်မြို့ကို တိုက်ခိုက်သိမ်းပိုက်စဉ် ဗိုလ်မှူးချုပ်သူရိန်ထွန်းကပင် ဒေသခံ မွတ်ဆလင်များကို အသုံးချပြီး လူမျိုးရေးအဓိကရုဏ်းဖြစ်အောင် ကြိုးစားခဲ့ပြန်သည်။ ဘူသီးတောင်မြို့မှ ရခိုင်တိုင်းရင်းသားများအပါအဝင် ဒေသခံများ၏ နေအိမ်များကို ​ဒေသခံမွတ်ဆလင်များအား မီးရှို့ဖျက်ဆီးခိုင်းခဲ့သည်။ တန်ဖိုးကြီးပစ္စည်းများအား လုယက်ယူဆောင်ခိုင်းသည်။ မြို့ပေါ် ရပ်ကွက်အချို့ မီးလောင်ပြာကျခဲ့သည်။ မြေပြင်တွင် AAက ဒေသခံများအား သတိပေးချက်များ ထုတ်ပြန်ပြီး ထိန်းထိန်းသိမ်းသိမ်းကိုင်တွယ်နိူင်ခဲ့၍သာ လူမျိုးရေးအထိဂရုဏ်းမဖြစ်ခဲ့ခြင်းဟုဒေသခံအချို့က ပြောခဲ့သည်။

ဘူးသီးတောင် မြို့သိမ်းတိုက်ပွဲကို AA တိုက်ခိုက်နေစဉ် ဗိုလ်မှူးချုပ် သူရိန်ထွန်း ဖန်တီးနေသည့် လူမျိုးရေးအဓိကရုဏ်းသည် ထိကရုံးပင်လို ထိတာနှင့် ညိုးမည့်အခြေအနေဖြစ်သည်။ AAသာ စနစ်တကျမထိန်းချုပ်နိုင်ခဲ့ပါက ဘူးသီးတောင်ဒေသသည် အာဏာသိမ်းခေါင်းဆောင်ဗိုလ်ချုပ်မှူးကြီး မင်းအောင်လှိုင်နှင့် ဗိုလ်မှူးချုပ်သူရိန်ထွန်းတို့ ဆင်ထားသည့် ထောင်ချောက်အတွင်း ဝင်သွား
မည့်အ​ခြေအ​နေဖြစ်သည်။

" အဲ့ဒီအချိန်က AAအနေနဲ့ တော်တော်လေးကို ကျဉ်းထဲကျပ်ထဲရောက်ခဲ့သလို တစ်ချက်မမှားအောင် သတိထားကိုင်တွယ်ခဲ့ရတာ။ အဲဒီရက်ကစာမျက်နှာတွေကိုခင်ဗျားတို့ပြန်ကြည့်ကြည့်ပါ"ဟု ရခိုင်စစ်ရေးလေ့လာသူတစ်ဦးကပြောသည်။

ဘူးသီးတောင်ဒေသ၏ စစ်ရေးအရှိန်နှင့် ဗိုလ်မှူးချုပ်သူရိန်ထွန်း မွှေးထားသည့်မီးက မေလအတွင်း အပြင်းထန်ဆုံးလောင်ကျွမ်းခဲ့သည်။

စစ်ကောင်စီက ပုံဖော်နေသည့် ဒေသတွင်း လူမျိုးရေးပဋိပက္ခကို ဟန့်တားနိုင်ရေးစီမံဆောင်ရွက်နေမှုများကို AAကမေလ ၂၀ရက်ညနေတွင် မြန်မာလူမှုအဖွဲ့အစည်းနှင့် နိုင်ငံတကာအသိုင်းအဝိုင်းသို့ အသိပေးခဲ့သည်။ ယင်း‌ နေ့ကထုတ်ပြန်ချက်ကိုမြန်မာ၊အင်္ဂလိပ်နှစ်ဘာသာဖြင့် ထုတ်ပြန်ခဲ့သည်။

စစ်ရေး၊ အုပ်ချုပ်ရေး၊ နိုင်ငံတကာသံတမန်ရေးအပါအဝင် အဘက်ဘက်တွင် ရှုံးနိမ့်နေသည့် စစ်ကောင်စီသည် ရှုံးမဲမဲကာ နိုင်ငံတကာလူ့အခွင့်အရေး စံချိန်စံညွှန်းများနှင့် လုံးဝ သွေဖယ်ဆန့်ကျင်သောလုပ်ရပ်၊ လူသားမျိုးနွယ်အပေါ် ပြစ်မှုကျူးလွန်သော လုပ်ရပ်များကို ကျူးလွန်နေသည်ဟု AAကအသိပေးခဲ့သည်။

ဘူးသီးတောင်၊ မောင်တော၊ စစ်တွေ၊ ကျောက်ဖြူ မြို့နယ်များမှ ပြည်သူများ ၊ RSO၊ ARSA၊ ARA နှင့် ​ဒေသခံမူဆလင်လူငယ်အရေအတွက် အများ အပြားအား စစ်သင်တန်းများပေးကာ လက်နက်တပ်ဆင်ပေးခြင်း၊ လက်ရှိဖြစ်ပွားနေသော တိုက်ပွဲများအတွင်း အသုံးပြုခြင်းအပြင် လူမျိုးရေး၊ ဘာသာရေး အဓိကရုဏ်း ဖြစ်ပွားစေရန် နည်းလမ်းမျိုးစုံလုပ်ဆောင် နေကြောင်း AAက ထုတ်ပြန်ခဲ့သည်။

"စစ်ရှုံး အကြမ်းဖက်စစ်ကောင်စီသည်ယုတ်မာသော အကြံအစည်များဖြင့် အာရက္ခဒေသအတွင်း၌ လူမျိုးရေး၊ ဘာသာရေး ပဋိပက္ခများဖြစ်ပွားစေရန် ကြိုးကိုင်ဖန်တီးလျက်ရှိသည်"ဟုAA က ထုတ်ပြန်ခဲ့သည်။

ဒေသခံများ မူလနေရာ၌ ပြန်လည်နေထိုင်ခြင်းမရှိစေရန်နှင့် နာလန်မထူနိုင်စေရန် ရည်ရွယ်ပြီး စစ်ကောင်စီသည် စစ်သွေးကြွသူများနှင့်အတူ ဘူးသီးတောင်မြို့ထဲရှိ ရက္ခိုင်၊ ဟိန္ဒူ နှင့် တခြားမူဆလင်မဟုတ်သောသူများ၏ ပိုင်ဆိုင်သောအိမ်များ အားလုံးနီးပါးကို ဧပြီလအတွင်း၌ အဓိကပစ်မှတ်ထားပြီး မီးရှို့ဖျက်ဆီးခဲ့ကြောင်း အသိပေးထားသည်။ ထိုသို့အကြမ်းဖက်ဖျက်စီးသည်ကို AAက မီးရှို့ဖျက်ဆီးထားသယောင် သတင်းလွှင့် စွပ်စွဲပြောဆိုမှု များ တောက်လျှောက်ပြုလုပ်နေသည်ဟု​ဖော်ပြခဲ့သည်။

သို့သော် အာရက္ခတပ်တော်သည် “စစ်အား စစ်စည်းကမ်းနှင့်အညီသာ တိုက်ပွဲဆင်ရမည်” ဟူ
သော ကျင့်ဝတ်ကို အထူးလိုက်နာကျင့်သုံးသည်ဟု ထုတ်ပြန်ကတိပြုခဲ့သည်။

စစ်ပွဲနှင့်မသက်ဆိုင်သော အရပ်သားပစ်မှတ်များကို မည်သည့်အခါမှ ရည်ရွယ် တိုက်ခိုက်လေ့မရှိကြောင်းနှင့် တိုက်ပွဲဖြစ်ပွားနေသောဒေသများ၌ ဒေသခံပြည်သူလူထုများအနေဖြင့် စစ်ပွဲများကင်းလွတ်ရာနယ်မြေများသို့ အရေးပေါ် ကူညီကယ်ထုတ်ခြင်း များကို လူမျိုးမရွေး၊ ဘာသာမရွေး အချိန်နှင့်တစ်ပြေးညီ ကူညီဆောင်ရွက်ပေးလျက်ရှိသည်ဟုAAကဆိုသည်။

တစ်ချိန်တည်းတွင် AAထိန်းချုပ်နယ်မြေများအတွင်း မွတ်ဆလင်များအပါအဝင် စစ်ဘေးရှောင် များအတွက် စားနပ်ရိက္ခာနှင့်လူသုံးကုန်ပစ္စည်းများ လှူဒါန်းပေးရန် နိုင်ငံတကာအဖွဲ့ အစည်းများနှင့် အလှူရှင်များအား AAက အကူအညီတောင်းခဲ့သည်။

မေလ ၂၄ရက်က ထုတ်ပြန်ချက်တွင်AAထိန်း ချုပ်နယ်မြေများ၌ စုစု‌ ပေါင်း စစ်ဘေးရှောင် ၅ သိန်းကျော်ရှ်ိပြီး ယင်းတို့အနက် ဘူးသီးတောင်နှင့် မောင်တောမြို့နယ်တို့တွင် ၂ သိန်းခန့်ရှိသည်။ ထိုအထဲမှ ၈၀ရာခိုင်နှုန်းမှာ မူဆလင်ဖြစ်သည်ဟု ထုတ်ပြန်ခဲ့သည်။ AA ထုတ်ပြန်​သော မူဆလင်ဆိုသည်မှာ ရိုဟင်ဂျာ ပြည်သူအများစုဖြစ်သည်။

ရခိုင် နှင့် အခြားသော လူနည်းစု များမှာ၂၀ ရာခိုင်နှုန်းခန့်ရှိပြီး စစ်ဘေးရှောင်များအား ဆန်၊ ဆီ၊ ဆား၊ ဆေးဝါး အပါအဝင် အခြေခံအစားအစာများဖြင့် ကောင်းမွန်စွာ ကျွေးမွေးစောင့်ရှောက်ထားသော်လည်း နောက်လာမည့် ကာလများတွင် နေ့စဉ်သုံး အခြေခံအစားအစာများအပြင် ကလေးနှင့်အမျိုးသမီး လစဉ်သုံးပစ္စည်းများ၊ မကြာမီ ရောက်လာမည့် မိုးတွင်းကာလအတွက် အမိုးအကာ၊ အိမ်သာများမှာ အရေးတကြီးလိုအပ်သောပစ္စည်းများ ဖြစ်လာမည်ဟုဆိုသည်။

ထို့ကြောင့် အဆိုပါ အကူအညီများနှင့် လိုအပ်ချက်များအတွက် နိုင်ငံတကာအဖွဲ့ အစည်းများ၊ စေတနာရှင်အဖွဲ့အစည်းများ၊ NGO အဖွဲ့အစည်းများနှင့် စေတနာအလှူရှင်များမှ ကူညီပေးကြပါရန် အားကိုးစွာဖြင့် တိုက်တွန်းနှိုးဆော်အပ်ပါသည်ဟု AAကထုတ်ပြန်ခဲ့သည်။

တဖက်တွင် ဒေသတွင်း လူမျိုးရေးအထိဂရုဏ်းဖြစ်အောင် လှုံ့ဆော်မှုများကို ဟန့်တားခဲ့သည်။
စစ်ကောင်စီ၊ RSO၊ ARSA၊ ARA အစရှိသောလက်နက်ကိုင် အဖွဲ့အစည်းများက ကျူးလွန်သည့် အကြမ်းဖက်မှုများကို AA က ပြုလုပ်သယောင် သတင်းမှားဖြန့်ဝေနေသူများအား ပြင်းထန်စွာသတိ​ပေး​ကြောင်း AA ကထုတ်သည်။

ရခိုင်လူမျိုး၊ ရခိုင်မျိုးနွယ်စုများနှင့် ဒေသခံမူဆလင်ပြည်သူလူထုအကြားတွင် ပူးပေါင်းဆောင်ရွက်မှု၊ချစ်ခင်စည်းလုံးမှု၊ သဟဇာတဖြစ်မှုများအား တမင်ပျက်ပြားစေရန်ရည်ရွယ်ပြီး စစ်ကောင်စီအလိုကျ လုပ်ဆောင်နေမှုများ၊ သတင်းမှားများပြောဆိုရေးသားနေမှုများကိုပြင်းထန်စွာ ကန့်ကွက်ရှုတ်ချသည်ဟု ဆိုသည်။

နိုင်ငံတကာအကြမ်းဖက်နှိမ်နင်းရေးအဖွဲ့များနှင့် အတူလက်တွဲပြီး အကြမ်းဖက်တိုက်ဖျက်ရေး လုပ်ငန်းများတွင်ပူးပေါင်းဆောင်ရွက်ရန်အသင့်ရှိကြောင်း၊ဘူးသီးတောင်၊ မောင်တော ဒေသ၏ လက်ရှိအရေးကိစ္စများနှင့်ပတ်သက်၍ AAကို မလိုလားသော အဖွဲ့အစည်းများ၊ အုပ်စုများ၏ လုပ်ကြံစွပ်စွဲချက်များနှင့် ကွဲလွဲနေသော ပကတိ မြေပြင်အမှန် တရားများကို ကွဲကွဲပြားပြား၊ မှန်မှန်ကန်ကန် သိရှိနိုင်စေရန်အတွက် အချိန်မရွေး ဆက်သွယ် နိုင်ကြောင်းနှင့်ဘက်မလိုက်သည့် မည်သည့်အဖွဲ့အစည်းများနှင့်မဆို အတူပူးပေါင်းဆောင်ရွက်သွားရန် အသင့်ရှိကြောင်း ထုတ်ပြန်ကြေညာခဲ့သည်။

ထို့အပြင် အစွန်းရောက်အကြမ်းဖက်လက်နက်ကိုင်တပ်ဖွဲ့များ၏ အကြမ်းဖက်အန္တရာယ်မှာ အာရက္ခဒေသ အတွင်း၌သာမက
ဘင်္ဂလားဒေ့ရှ်-အာရက္ခနယ်စပ် နှစ်ဖက်တွင်နေထိုင်ကြသောပြည်သူများအတွက်ပါ များစွာစိုးရိမ်စရာကောင်းသည့် စိန်ခေါ်မှု အသစ်တစ်ခု ဖြစ်လာသလို ဒေသတွင်းငြိမ်းချမ်းရေး၊ တည်ငြိမ်ရေး၊ ပြည်သူ့လုံခြုံရေးတို့ကို စိန်ခေါ်လျက်ရှိသည်ဟု AA သတိပေးခဲ့သည်။ ထို့အတူ အာရက္ခတပ်တော်သည် အာရက္ခဒေသအတွင်း မည်သည့်အကြမ်းဖက်အဖွဲ့ကိုမှ အခြေချခွင့် ပြုမည်မဟုတ်သကဲ့သို့ အကြမ်းဖက်သမားနှင့် အကြမ်းဖက်အဖွဲ့အစည်းတိုင်းကို ရှင်သန်ခွင့်မပြုဘဲ အမြန်ဆုံးနှိမ်နင်းဆောင်ရွက်သွားမည်ဟု ဆိုခဲ့သည်။

သို့သော် ဘက်​ပေါင်းစုံမှအကြပ်အတည်းနှင့် လူမျိုး​ရေး​ထောင်​ချောက်များကို AA ကဖြတ်​ကျော်၍ ဘူးသီးတောင်မြို့ကို ၂၀၂၄ ခုနှစ်မေလအတွင်းတွင်ထိန်းချုပ်ခဲ့သည်။ ဗိုလ်မှူးချုပ်သူရိန်ထွန်းသည် မောင်တောမြို့သို့ထွက်ပြေးသွားခဲ့ပြီး နခခ(၅)ကို အခြေပြုကာ ခုခံစစ်ပြင်ခဲ့သည်။

မိုင်းကွင်းများ၊ ထုထည်ကြီးမားသည့်ဘန်ကာများဖြင့် ခံစစ်ပြင်ကာစုစုပေါင်းအင်အား (၇၀၀) ကျော်ဖြင့်ခုခံခဲ့သည့် နခခ(၅)ကို AAက အောက်တိုဘာဘာလ (၁၄) ရက်နေ့တွင် စတင်ထိုးစစ်ဆင်ကာ ဒီဇင်ဘာလ၈ရက်တွင် သိမ်းပိုက်ပြီး မောင်တောတစ်မြို့လုံးကိုထိန်းချုပ်လိုက်သည်။

၅၅ ရက်ကြာသည့် စစ်ဆင်ရေးအတွင်း စစ်ကောင်စီဘက်မှ ၄၅၀ဦးထက်မနည်း သေဆုံးပြီးကလက်နက်ခဲယမ်းများနှင့် စစ်အသုံးအဆောင်ပစ္စည်းများစွာ သိမ်းဆည်းရရှိခဲ့သည်။

သို့​သော် AA က ဗိုလ်မှူးချုပ်သူရိန်ထွန်းနှင့် ပတ်
သက်သည့် ထုတ်ပြန်ချက်ကို များများစားစားပြောမထားပါ။ စကခ(၁၅) စကခမှူး ဗိုလ်မှူးချုပ် သူရိန်ထွန်း၊ စကခမှူးကိုယ်ရေးအရာရှိ ဗိုလ်ကြီး ဝေလင်းအောင်နှင့် အရာရှိ၊ အကြပ်၊ စစ်သည်အမြောက်အမြားအပြင် RSO၊ ARSA၊ ARA နှင့်စစ်ကောင်စီမှ သင်တန်းပေးထားသည့် လက်နက်
ကိုင်တပ်ဖွဲ့ဝင်များအား သုံ့ပန်းများအဖြစ် ဖမ်းဆီးရမိထားကြောင်းသာ အသိပေးထားသည်။

ဗိုလ်မှူးချုပ်သူရိန်ထွန်းသည် နခခ(၅) ကျကာနီးတွင် ၎င်းလက်​အောက်ငယ်စစ်သားများနှင့်အတူ စစ်မတိုက်ဘဲ ARSA ၊ RSO ၊ARA လက်နက်ကိုင် များနှင့်အတူ စခန်းစွန့်ခွာခေါ်ထွက်ပြေး၍ ကိုယ်လွတ်ရုန်းရန်ကြိုးစားခဲ့သည်။ သို့သော်လည်း AAက အမိအရလိုက်လံဖမ်းဆီးနိုင်ခဲ့ခြင်းဖြစ်သည်။ စစ်ခေါင်းဆောင်အလိုကျ ဘူးသီးတောင်၊မောင်တောဒေသကို မီးလောင်တိုက်သွန်းရန်ကြိုးပမ်းခဲ့သည့် ဗိုလ်မှူးချုပ်သူရိန်ထွန်းအား AAက မည်သို့ ကိုင်တွယ်မည်ကို မသိရသေးပါ။ ​

အာရက္ခတပ်​တော်အတွက် ဘူးသီး​တောင်၊​မောင်​တောတွင်စစ်​ရေးသက်သက်သာ​အောင်ပွဲရခဲ့ခြင်းမဟုတ်ဘဲ အဓိကတရာခံ၊သက်​သေ (သို့မဟုတ်)ဝှက်ဖဲတစ်ချပ်ကို ရရှိခဲ့ခြင်းပင်။

"ရခိုင်ပြည်မြောက်ပိုင်းရဲ့ အခြေအနေတွေကို ရှုတ်ထွေးအောင်နဲ့ လူမျိုးစုနှစ်စုကြား တင်း
မာမှုတွေ ပိုမိုဖြစ်လာအောင် စနစ်တကျ အကွက်ကျ လုပ်ခဲ့သူ ရိုဟင်ဂျာလူငယ်တွေ စစ်သင်တန်း တက်ဖို့ ချော့လိုက် ခြောက်လိုက် သွေးဆောင်လိုက်နဲ့ ရိုဟင်ဂျာလူငယ်အများအပြား စစ်သင်တန်းရောက်အောင် လုပ်ခဲ့သူ၊ရိုဟင်ဂျာတွေထဲက ရာဇဝဏ်ဂိုဏ်းသားတွေ ခိုးဆိုးလုယက်၊ မူးယစ်မှောင်ခို၊ လူမှောင်ခိုအုပ်စုတွေကို လက်သပ်မွေးပြီး ရခိုင်ပြည်အရေးကို ရှုပ်ထွေးအောင် လုပ်ခဲ့သူ"ဟု
အမျိုးသားညီညွတ်ရေးအစိုးရ(NUG)လူ့အခွင့်
အရေးဝန်ကြီးဌာန ဒုဝန်ကြီး ဦးအောင်ကျော်မိုးကလည်း ​ရေးသားထားသည်။

ထို​ကြောင့်၎င်းသည် ၂၀၁၇ ရိုဟင်ဂျာလူမျိုးတုန်းသတ်ဖြတ်မှု ၊ ၂၀၂၂ ခုနှစ်မှ ၂၀၂၄ ခုနှစ်တွင် ရိုဟင်ဂျာနှင့် AA ကြားလူမျိုး​ရေးပဋိပက္ခများဖန်တီးကာ​ဒေသခံလူငယ်များစွာကို စစ်မှူထမ်း​စေပြီး​သေတွင်းထိသို့ပို့ခဲ့သူ ၊ မန္တ​လေးမြို့တွင် စစ်ရာဇဝတ်မှုများကျူးလွန်ခဲ့သူ စသဖြင့် ကြီးမား​​သောပြစ်မှုများတွင် အဓိကတာဝန်ရှိသူသာမက ၊အ​ရေးကြီးသည့် သက်​သေ ဖြစ်လာဖွယ်လည်းရှိ​နေသည်။

"မန္တလေးမှာ လုပ်ခဲ့တဲ့စစ်ရာဇဝတ်မှုတွေအတွက် အရေးကြီးတဲ့ သက်သေခံတယောက်ကိုတော့ AAကနေ ထိန်းသိမ်းနိုင်လိုက်ပြီလို့ပြောလို့ရပါတယ်"ဟုCDM ဗိုလ်ကြီးဇင်ယော်ကပြောပါသည်။ ။

10/12/2024

၂၀၂၄ ခုနှစ် ဒီဇင်ဘာလ ၁၀ ရက် မနက်ပိုင်း ၂ နာရီဝန်းကျင်၌ ချင်းပြည်နယ် Chun Cung ရွာချင်းပြည်သူများအပေါ် သောင်းကျန်းသူ စကစ များရဲ့လုပ်ရပ်။ 😭😭😭😭😭

08/12/2024

ရန်သူ့လက်နက်ကိုယ့်လက်နက် ဆိုတာ အဲဒါပဲ။

စစ်ခွေးမင်းအောင်လှိုင်ရဲ့ ပြည့်သူ့တပ်မတော် များစီသို့ လက်နက်ခဲယမ်းများလှူဒါန်းမှူပြုလုပ်ပုံ။

08/12/2024

နာရေးသတင်း

ချင်းပြည်နယ် တောင်ပိုင်း မတူပီမြို့နယ် ရောက်ထန်းကျေးရွာနေ ဦးလောင်ကီးနှင့် ဒေါ်ထန်းဗာတို့၏သား မီဇိုးရမ်းအိုင်ဇောလ်းနေထိုင်သူ ရိုထန်း ( Ro Thang ) အား ၂၀၂၄ ဒီဇင်ဘာလ ၈ ရက် ညနေပိုင်း ၅နာရီဝန်းကျင်တွင် ရုတ်တရက် ခရစ်တော်၌ အိပ်ပျှော်သွားကြောင်း ဝမ်းနည်းစွာသတင်းသိရှိရပါသည်။

ရိုထန်း၏ ရုပ်ကလပ်အား မီဇိုးရမ်းအိုင်ဇောလ်းမှ မီဇိုးရမ်းလောင်တလိုင်သို့ ပို့ဆောင်ကြမည်ဖြစ်ပြီး လောင်တလိုင် Chanmary ( Bethel veng) ရပ်ကွတ်တွင် သဂြိုလ်ကြမည်ဟု သတင်းသိရှိရပါသည်။

ကျန်ရစ်နေသော မိသားစုဆွေမျိုးများနှင့်ထပ်တူဝမ်းနည်းရပါကြောင်း။

Thihnak awi Thang

matu peng Rhawk Thang kho oeh koe Lawngkik nih Thang va ae ca pa, Cadong Ro Thang Mizoram Aizawl ha awm toe, k*m 2024 December 8 Zarpi khaw mue lam ha Thi hue ti noeh Thawng pang zaknak awm hue, A rhawk ve Mizoram Aizawl oeh awm ae Mizoram Lawngtlai tung ha phui voei ha ti hue u ti noeh awi thang zaknak awm hue,

06/12/2024

စားလို့မရပါဘူးေနာ္ သတိထားၾကပါ
Share ေပးျခင္းျဖင့္ အမ်ားသိေအာင္ မၽွေဝေပးၾကပါ

05/12/2024

ကယ်နားထောင်ကြရအောင်ကွယ်.
🤣🤣🤣🤣🤣🤣🤣🤣

05/12/2024

မှတ်မိသေးကြလာ အကြမ်းဖက်ခွေးတွေရဲ့လုပ်ရပ်တွေ

အပြစ်မဲ့ပြည်သူကို ရက်စက်စွာသတ်ဖြတ်တဲ့ စစ်ခွေးတွေရဲ့ အကြမ်းဖက်မှူတွေ ။ စစ်ခွေးသားသမီးများနှင့် စစ်ခွေးကိုအားပေးထောက်ခံကြတဲ့သူတွေကြည့်ကြ... မင်းတို့ အဖေ ခွေးမင်းအောင်လှိုင်ရဲ့ လုပ်ရပ်တွေ။

( ၂၀၂၁ - ဖေဖော်ဝါရီလ )

05/12/2024

အာဏာအဆင့်ဆင့်သိမ်းလာပြီး အကြမ်းဖက် စစ်ခွေးတွေ ဘယ်ပြည်သူကကြိုက်လို့လဲ။

04/12/2024

ဗိုလ်ချုပ်အောင်ဆန်းတည်ထောင်တဲ့ မြန်မာ့တပ်မတော်ဟာ- ၁၉၆၂ ခုနှစ်မှာ ခွေးနေဝင်းကဖြုတ်လိုက်ပြီ။ ယခုရှိတဲ့ စကစ က အကြမ်းဖက် တပ်ပါ။

03/12/2024

ဆွေမျိုး
သူစိမ်းကောင်းရင် ဆွေမျိုးထက်
သာတယ်ဆိုတာလဲ အမှန်ပါ
ဆွေမျိုးယုတ်တဲ့အခါ
သူစိမ်းထက်သာတယ်ဆိုတာလဲ လက်တွေ့ပါ
ဆွေမျိုးတိုင်း မကောင်းဘူး မဟုတ်ပါဘူး
ဒါပေမယ့် ကိုယ်နဲ့ ပတ်သက်တဲ့
ဆွေမျိုးတွေကတော့ တော်တော်
ငွေခင်တတ်တဲ့ အမျိုး
ငွေလေးမြင်ရင် ဟိုးအဝေးကြီးရောက်နေလဲ
ပြေးပြီးလာ နှုတ်ဆက်ဖော် ရတယ် ။
အမျိုးဘယ်လိုတော်တာ ဘယ်ညာတော်တာ
လာပြီးစပ်ပြ တယ် ။
ဘူးသီးကို မြင်နေပြီပဲ အရီးခေါ်ဖို့လဲ
ဝန်မလေးဘူးလေ ဒါပေမယ့်
လက်ထဲမှာ ငွေမရှိတဲ့အခါလို့
ဆက်ပြီးပြောဖို့တောင် အချိန်မရဘူး
အနီးအနားမှာ ဘယ်သူ တစ်ဦး
တစ်ယောက်မှ မရှိတော့ဘူး
ကိုယ်များနိမ့်ကျနေရင် အရင်ဦးဆုံး
အပုတ်ချတာ ကိုယ့်အမျိုး
အရင်းခေါက်ခေါက်ကြီးတွေကပဲ
သူစိမ်းတွေက နဲနဲအပြစ်ပြောရင်
သူတို့က ပိုပိုသာသာလေး
ထည့်ပြီးပြောတတ်ကြတယ်
ကိုယ်များအဆင်မပြေရင်
ငဲ့ကြည့်ဖို့မပြောနဲ့
အကူအညီတောင်းမှာကြောက်လို့
လမ်းမှာတွေ့ရင်တောင်
မခေါ်နိုင်မပြောနိုင် ဖြစ်နေကြတာမျိုးလေ။
ကိုယ့်ကို ဘယ်အချိန်မှားမလဲလို့
မျက်လုံးဒေါက်ထောက်ကြည့်တဲ့ လူတွေထဲမှာ သူစိမ်းတွေထဲ အမျိုးတွေများတယ်
ဒါပေမယ့် ဆွေမျိုးတွေက ကိုယ့်အပေါ်
စေတနာတော့ ထားပါ သူတို့
သားသမီးတွေကိုသာ နိုင်ချင်မှ နိုင်တာ
ကိုယ်အမှားများတွေ့လို့ကတော့
ဆုံးမတာလိုလို သြဝါဒခြွေတာလိုလိုနဲ့
ပိုပိုသာသာလေး အပြစ်ပြောတတ်ကြတာလေ
ကိုယ်မရှိရင် ဘယ်သူ့ကိုမှ အားမကိုးနဲ့
ကိုယ်ရှိလို့ပေးနိုင်တဲ့ အခါ ပေးလိုက်ပါ
ဒါပေမယ့် ဘာတစ်ခုကိုမှ ပြန်မမျှော်လင့်နဲ့
ကိုယ်ပေးနိုင်ကမ်း နေနိုင်တုန်းမှာ
လူတွေအများကြီး ရှိကောင်းရှိနိုင် ပါတယ်
ဆွေမျိုးအင်အား တောင့်တင်းကောင်း
တောင့်တင်း နိုင်တယ်
ကိုယ့်မှာ ဘာမှမရှိတဲ့ အခါ ကိုယ်သူတို့ကို
ဘာမှ မပေးနိုင်တော့တဲ့
အခါ တစ်ယောက်တည်း
ကျန်ခဲ့ရမှာလဲ မေ့မထားနဲ့
လူတိုင်းမကောင်းဘူးလို့ မပြောလိုပါဘူး
ဘဝတွေက မတူတဲ့ အခါ ရှင်သန်ရတဲ့
ပတ်ဝန်းကျင်ချင်းမတူတဲ့အခါ
အမြင်ချင်းလဲ ကွာတတ်တယ်လေ
ကိုယ်မြင်နေရတဲ့ ဆွေမျိုးဆိုတာမျိုးက
ဒီလိုမျိုးတွေ ပါပဲ နိမ့်ကျတဲ့အခါ
သူစိမ်းတွေထက် ပိုပိုသာသာလေးပြောတတ်တယ် ကိုယ်မှားသွားတဲ့ အခါ သူစိမ်းတွေကြား
အတင်းချတတ်တယ်
ငွေရှိလာတဲ့အခါ အနားကပ်ပြီး ပြုံးပြတယ်
မရှိတော့ဘူးဆိုတဲ့တစ်နေ့ ဘာမှ
မတော်သလို နေတတ်ကြတယ်
သဘာဝကပေးတဲ့ ဆွေကောင်းမျိုးကောင်း
ဆိုတဲ့ ကံဟာ ကိုယ့်ထံမှာ ပါမလာဘူး
ဘူးသီးသီးမှ အရီးလာတော်တဲ့သူက
များတယ်လေ
သူစိမ်းကောင်းရင် ဆွေမျိုးထက်သာတယ်
ဆိုတာလဲ အမှန်ပါ ဆွေမျိုးယုတ်တဲ့ အခါ
သူစိမ်းထက်သာတယ်ဆိုတာလဲ လက်တွေ့ပါ ။

02/12/2024

တစ်ခါတလေ
အစွန့်ပစ်ခံခဲ့ရတဲ့ ပစ္စည်းတစ်ခုက
အခြားသူ တစ်ယောက်အတွက်
တန်ဖိုးမဖြတ်နိူင်တဲ့အရာ ဖြစ်နေတတ်သလို

တစ်ခါတစ်လေ
အနင်းချေ ခံခဲ့ရတဲ့ လူတစ်ယောက်က
လောကကြီးအတွက် တန်ဖိုးရှိတဲ့
သူတစ်ယောက် ဖြစ်လာတတ်တယ်။

တစ်ခါတလေ
ရင်းနှီး ပေးဆပ်မှုတွေက
လတ်တလောမှာ တန်ဖိုးဖြစ်
မလာပေမယ့် အချိန်ကြာလာပြီး
မရနိူင်တော့တဲ့ အချိန်ရောက်မှ
လွတ်တဲ့ငါးက ကြီးနေတတ်သလို

တစ်ခါတလေ
တချို့သော လွဲချော်မှုတွေက မထိုက်တန်လို့ တန်ဖိုးမညီမျှလို့ မဟုတ်ဘဲ
ပိုပြီးမြင့်မားတဲ့ နေရာရောက်ဖို့
တမသက်သက် လွဲချော်ပေးရတာတွေ
ဖြစ်နေတတ်တယ်။

စွန့်ပစ်ခံရတိုင်း တန်ဖိုးမရှိလို့ မဟုတ်သလို
လွဲချော်မှုတွေရှိတိုင်း ကံဆိုးလို့ မဟုတ်ပါ
ပေးဆပ်နေရတိုင်း တန်ပြန်သက်ရောက်မှု
မရှိတာ မဟုတ်သလို အနင်းခံရတိုင်း
ဘဝက ပြားသွားတာလည်း မဟုတ်ပါဘူး။

ဘာပဲဖြစ်ပါဖြစ်ပါ ဖြစ်လာသမျှကို
အကောင်းဆုံး ရင်ဆိုင်ပြီး
ကိုယ်ကိုယ်တိုင်က မပြိုလဲသရွေ့
ဘယ်အရာကမှ
ကိုယ့်ကို ဘဝပျက်သွားအောင်
ဆုပ်ပျက်သွားအောင် မလုပ်နိူင်ဘူး
ဟုတ်ပြီလား

အဓိက ကိုယ့်ရဲ့ယုံကြည်ချက်ကလေး အနားက ထွက်မသွားဖို့ပဲ
အဲ့ဒါလေးနဲ့ ရှေ့ဆက်ပါလို့
ကျုပ်ကတော့ ပြောချင်တယ် ဗျ...

01/12/2024

#တချို့လူတွေက သဲနဲ့တူတယ်
သဲကိိုရေထဲ ထည့်ဖျော်ပြီး မွှေကြည့်ရင်
ခဏတော့ရောထွေးပြီး
တစ်သားတည်းဖြစ်သွားသယောင်ထင်ရတယ်။
ဒါပေမယ့် အချိန်တစ်ခုကြာလာလို့ အနည်ထိုင်သွားတဲ့အခါ
သဲမှုန်သက်သက် ရေသက်သက်
ဘာမှမသက်ဆိုင်တဲ့ နဂိုမူလအခြေအနေ
ပြန်ဖြစ်သွားတယ်။
တချို့လူတွေက သကြားနဲ့တူတယ်။
သကြားကို ရေထဲထည့်ဖျော်လို့
အချိန်တစ်ခုရောက်တဲ့အခါ
သကြားရည်ဆိုပြီး တစ်သားတည်းဖြစ်သွားတယ်။
နဂိုအရသာမရှိတဲ့ ရေကိုတောင်
အချိုဓာတ်ပေါ်လာအောင် ပေါင်းထည့်ပေးတယ်။
လူတွေမှာလည်း တချို့ကသဲလိုပဲ
ခဏတော့ ဘဝထဲဝင်လာတယ်။
အစက ရောထွေးပြီး အဆင်ပြေတယ်လို့ထင်ရပေမယ့်
အချိန်တစ်ခုရောက်တဲ့အခါ
သူသက်သက် ကိုယ်သက်သက်
ပေါင်းစည်းလို့မရတဲ့လူတွေဖြစ်တာ သိလာတယ်။
တချို့က အစပိုင်းမှာ
ပုံသဏ္ဌာန်အရောင်အဆင်းမတူပေမယ့်
ကြာလာတဲ့အခါ ကိုယ့်နဲ့တစ်သားတည်းဖြစ်သွားပြီး
အရောင်အနံ့ကင်းတဲ့ကိုယ့်ဘဝတောင်
သူ့ကြောင့်ချိုမြိန်လာစေတယ်။
ဘဝမှာ သကြားလိုလူလည်းရှာတွေ့ခဲ့ပြီ
သဲလိုလူတွေနဲ့လည်း တွေခဲ့ပြီးပြီ
ဘဝရဲ့ ကျန်နေသေးတဲ့အစိတ်အပိုင်းထဲမှာတော့
သကြားလိုလူမျိုးကိုပဲ ဆက်ရှိနေစေချင်ပါတယ်။