ရိပ်ခြောက်

Home
Myanmar
Mandalay
ရိပ်ခြောက်

Contact information, map and directions, contact form, opening hours, services, ratings, photos, videos and announcements from ရိပ်ခြောက်, Publisher, Mandalay.

01/12/2024

"ကဗျာဆရာမလေးနဲ့ ရည်းစားဖြစ်ချင်တယ်"

ရေး - တင့်
ရွတ် - မေဘယ်လ်
#ရိပ်ခြောက်

26/11/2024

ဆူးလေလမ်းရာဇဝင်
-လှသန်း
ရွတ် - နော်ထွေး
Photo credit from Wikiwand

20/11/2024

စာပို့ခို

ဘာမှန်း မသိလဲ
အသက်နဲ့ ရင်းပြီး ပျံသန်းလာမယ်။
ပုံပြင်ထဲမှာဆို
ယုန်ကလေးလည်း ပညာရှိ။
လိပ်ကလေးလည်း
တစ်နေ့တစ်လံ ရွေ့နေမယ်။
လူနဲ့ မတူတဲ့ လူ့ဘဝ
ဘယ်သူနဲ့မှလည်း မတူတဲ့ လူ့ဘဝ
လူ့ဘဝဟာ
မျှော့တစ်ကောင်လို သွေးမစုပ်နိုင်ခဲ့ပါ။
နေရောင်ခြည်မှာ
ဘလိတ်ဓားဟာ တလက်လက် ဝင်းပလို့။
မနက်ဖြန်မှာ
ဘယ်သူ့နာရေးသတင်း ကြားရမလဲ။
ဘာမှန်း မသိလဲ
အသက်နဲ့ ရင်းပြီး ပျံသန်းလာမယ်။ ။

-ကြည်ဇော်အေး

22/10/2024

ကျန်ရစ်ခဲ့တဲ့ ဖိနပ်တစ်ရံ

တငွေ့ငွေ့အူထွက်လာတဲ့
မြို့ပြအပုပ်အသိုးတွေကြားက မျက်ရည်တွေ
မျိုသိပ်နိုင်ဖို့ ခွန်အားမရှိတော့တဲ့အခါ
သုတ်ပစ်နိုင်ဖို့ လက်တစ်စုံမရှိတော့တဲ့အခါ
ဘာကိုတွယ်မက်လို့ အသက်ရှင်ရအုံးမှာလဲ
အတွေးပေါင်းသောင်းခြောက်ထောင်နဲ့
သန်းခေါင်ယံထိ ငုတ်တုတ်ထိုင်နေခဲ့ရကြောင်း
သက်သေပြသွားတဲ့ ဖိနပ်တစ်ရံ
သပွတ်အူလို ရှုပ်ထွေးလည်ပတ်နေတဲ့
ငါတို့ရဲ့ ဘဝတွေမှာ သေဖို့ကိုပဲ သတ္တိမွေးရတယ်
သေတာဟာ ထမင်းစားရေသောက်ပဲ
ဟင့်အင်း... သေတာဟာ
ထမင်းစားရေသောက်ထက် ပိုလွယ်နေတယ်
ထမင်းစားရေသောက်ဖို့ ခက်လာရတဲ့အခါ
သေဖို့ကိုပဲ ရွေးချယ်ကြရတယ်
သေတာဟာ ထမင်းစားရေသောက်ထက်
ပိုလွယ်နေတဲ့အကြောင်း
ခေတ်တစ်ခေတ်ရဲ့ အဆွေးတံတားပေါ်က
ကျန်ရစ်ခဲ့တဲ့ ဖိနပ်တစ်ရံကိုသာ သက်သေအဖြစ်
တင်သွင်းလိုပါတယ်။ ။

ဒေယွန်း

21/10/2024

ဖေဖော်ဝါရီ ၁ က စခဲ့တဲ့ ပုံတူ

ရက်ရက်ဆက်ဆက်
ရက်ရက်စက်စက်
ရက်ရက်ဆက်ဆက်
ရက်ရက်စက်စက်
ရက်ရက်ဆက်ဆက်
ရက်ရက်စက်စက်

ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်

ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်
ရက်ရက်ဆက်ဆက် ရက်ရက်စက်စက်

ရက်ရက်ဆက်ဆက်
ရက်ရက်စက်စက်
ရက်ရက်ဆက်ဆက်
ရက်ရက်စက်စက်
ရက်ရက်စက်စက်
ရက်ရက်စက်စက်
ရက်ရက်စက်စက်
ရက်ရက်စက်စက်
ရက်ရက်စက်စက်

ရက်ရက်ဆက်ဆက်

ဇယလ

ပုံ-ကဗျာရေးသူတစ်ယောက်ရေးဆွဲ

20/10/2024

နောက်တော့ တစ်ခုခုကို တီးတိုးပြောရင်း သူ့ရဲ့ သောက်လက်စ စီးကရက်ဘူးခွံထဲက စီးကရက်တစ်လိပ်နဲ့ မီးခြစ်ဆံကို ထုတ်ပြီး နှုတ်ခမ်းထုပေါ်မှာ တေ့ရင်း မီးညှိလိုက်တယ်။ နှုတ်ဆက်ပါတယ် အရုပ်ကလေးရေလို့ ရေရွတ်ရင်း ကိုယ်ကို ဟိုးအောက်ဘက်ကို ပစ်ချပစ်လိုက်တယ်။ သူ ခုန်ဆင်းသွားတာကို ဘယ်သူမှ သတိမမူခဲ့ကြဘူး။ သတိမူရအောင်လဲ ဘယ်သူမှ ရှိမနေခဲ့ဘူး။ ဘယ်သူမှရှိမနေရတာလဲ ဘယ်သူမှ သတ်သေချောင်းတံတားကို သေဖို့ကလွဲရင် ဘယ်သူမှ လာဖို့ စိတ်ကူးမရှိခဲ့ကြလို့ပဲ။

-လှိုင်းရူးဝေ

03/10/2024

အရုပ်ပျောက်တဲ့နေ့

ရေချိုးခန်းထဲ ယုံမှားလွန် မွေးနေ့ကိတ်တွေ ချိုအီမွှေးပျံ့နေတဲ့ အချိန်ပေါ့။ အဲဒီအချိန်မှာမှ ပြယ်လွင့်သွားတဲ့ နေရောင်ခြည်ကို ကျွန်တော် ပြန်တမ်းတမိလာတယ်။ အဲဒီညက ကျွန်တော် ငှက်အသေကို ပိုက်ရင်း အိပ်ပျော်သွားတယ်။ ကျွန်တော်နိုးလာတော့ ကျွန်တော့်ဘေးပတ်ပတ်လည်မှာ ရှင်သန်မှုမဲ့ တောင်တန်းမည်းမည်းတွေက ဝိုင်းရံလို့နေကြတယ်။ မိုးမခပင်ရိပ်မှာ ဝင်ခိုရင်း ကျွန်တော်ဟာ မီးပြတိုက်ရဲ့ အစိတ်အပိုင်းတစ်ခုဖြစ်လာတယ်လို့ တဖြည်းဖြည်း ခံစားလာရတယ်။ မျက်နှာကြက်ပေါ်က ရေပြင်မည်းမည်းမှာတော့ ကျွန်တော့်လက်ထဲက တီကောင်တွေနဲ့ ယောက်ယက်ခတ်လို့နေခဲ့တယ်။ မီးပြတိုက်ကနေ လာတဲ့ တောက်ပလွန်းတဲ့ အလင်းရောင်ကြောင့် ကျွန်တော့်မျက်လုံးတွေ ရုတ်တရက် ကျိန်းစက်လို့လာတယ်။ ကျွန်တော့်သူငယ်အိမ်ထဲမှာ ဂျပ်မြွေတစ်ကောင်ရောက်နေသလိုမျိုးပါပဲ။ ကျွန်တော်ဟာ *မျှော်လင့်ချက်ကြောင့် မနက်ဖြန်ကို မျှော်သူနဲ့ တူနေတယ်။ ကျွန်တော့်ခေါင်းပေါ်မှာ ပင်လယ်ခရုခွံတွေဟာ နေကို ဗဟိုပြုပြီး ဝဲလှည့်နေကြတယ်။ ကျွန်တော့် ကျောပြင်ပေါ်မှာ ကင်းမွန်တစ်ကောင် တွားသွားနေတယ်။ ကျွန်တော့်ခန္ဓာကိုယ်ကတော့ ရေအောက်ထဲမှာ လမ်းလျှောက်နေရသလိုမျိုး လေးလံနှေးကွေးလို့။ ကျွန်တော့်နားရွက်ထဲမှာ တိရစ္ဆာန်တစ်ကောင်ဖြစ်ထွန်းနေတယ်။ အမျိုးအမည်မသိနိုင်တဲ့ တိရစ္ဆာန်မျိုးပေါ့။ အဲဒီတိရစ္ဆာန်ဟာ ကျွန်တော့်နားရွက်ထဲကနေ ရုတ်တရက် ခုန်ထွက်လာပြီး အဆောက်အအုံပျက်တွေကြားထဲ ပြေးဝင် ပျောက်ကွယ်သွားတယ်။ အရာရာဟာ အိပ်မက်မက်နေတဲ့အတိုင်းပါပဲ။ ကျွန်တော်အိပ်မက်မက်နေတယ်ဆိုတာကို မေ့လျော့လို့နေတာလဲ ဖြစ်နိုင်ပါတယ်။ အဲဒီညက ကျွန်တော် ငှက်အသေကို ပိုက်ရင်း အိပ်ပျော်သွားခဲ့တယ်။ ကျွန်တော်နိုးလာတော့ သံချပ်ကာအင်္ကျီဝတ်ထားတဲ့ နီဂရိုးတစ်ယောက်က ကျွန်တော့်ကို မီးပြတိုက်ပေါ်ကနေ စိုက်ကြည့်နေတယ်။

-ကေအယ်လ်ဝင်း
*ကျော်ဇောခိုင်ရဲ့ နေကြာ၏အလွမ်းသီချင်းများနားဆင်ခြင်းမှ စာသား

စာအုပ်အပြည့်အစုံအားဖတ်ရှုရန်
https://t.me/yatechauk

23/09/2024

ရက်တဲ့ ရွာတွေ ရွာတာမရပ်
မိတ္တူစက်လေး မိုးလှောင်ရတဲ့အခြင်းမှာ
ခေါင်မိုးရှိတော့မှ မိုးကခေါင်ရှာပါလေတယ်

- မွန်းသစ်ချုံး

22/09/2024

အသက်ထက်ငြိမ် ၁

ငြိမ်ငြိမ်ကလေးနေခင်ဗျာ
ကျွန်‌တော်ကတော့
လောင်းအိုင်ယာလန်က
အသုံးမ၀င်တော့တဲ့
ရထားဘူတာရုံအဟောင်းလေးလို
ခေါင်းကိုတသွင်သွင်ခါရမ်းနေမိပါတယ်။
တွေးသမျှလည်း
ဘာတစ်ခုမှစီး၀င်မလာတော့။
အိပ်မပျော်တဲ့
ပြတင်းပေါက်ကလေးတစ်ခု/ကနေ
နှစ်နှစ်ချိုက်ချိုက်အိပ်ပျော်‌နေတဲ့
ကမ္ဘာကြီးကို လှမ်းကြည့်မိမှ။
ဪ ....အသက်ထက်ငြိမ်။

အီလစ်
Collage by Niff

21/09/2024

CONVERSATION
Hline Ru Wei

- အရှေ့မှာ ဟောင်းနွမ်းမေ၊ အကြေကွဲဆုံး ခေတ်ထဲက
ချက်စ်မြင်းလေးကောင်ရဲ့တေးဆိုသံနှင့် Chaos Session ဆိုပြီး ကဗျာစာအုပ် သုံးအုပ်ထွက်ရှိခဲ့ပါသည်။

-မျက်နှာဖုံးကို စာရေးဆရာကိုယ်တိုင်ပင်ပြုလုပ်ထားတာဖြစ်ပြီး အဝါရောင်စာရွက်အသားဖြင့် ထုတ်ဝေသွားမှာဖြစ်ပါသည်။

-စျေးနှုန်းမှာ လက်ဖက်ရည် တစ်ခွက်ဖိုးသာသာ ဖြစ်ပါသည်။ Paperback တစ်အုပ်ကို ၃၅၀၀ကျပ်နှင့် ဝယ်ယူရရှိနိုင်မှာဖြစ်ပါသည်။ ပရီအော်ဒါကာလကို ၂၁ရက်နေ့မှ ၂၈ရက်နေ့အထိ သတ််မှတ်ထားပါသည်။

"ဆိတ်ဝင်သည်" ကဗျာမှ ကောက်နှုတ်ချက်

စားသောက်ဆိုင်နံဘေး သတ်ဖို့ အတင်းဆွဲခေါ်ခံနေရတဲ့ ဆိတ်ကို ငါကိုယ်တိုင်ကယ်ထားပြီး နောက် ၃ နှစ်လောက် နေတော့ ငါကိုယ်တိုင်ပဲ ပြန်ပြီး ယစ်ပူဇော်ပစ်လိုက်တယ်။ အဲဒီအချိန် ဆိတ်ကို ဆိတ်တမန်တော်တွေကပဲ ဆိတ်ဝင်စားနေလား ကောင်လေးလို့ မေးပြီး ခေါ်သွားတယ်။ ယစ်ပူဇော်ခံလိုက်ရတဲ့ ဆိတ်ဟာ ငါ့ရဲ့ အိပ်မက်ထဲမှာ နှိုးစက်ပေးထားတဲ့ နာရီလို အချိန်ပြည့်သွားတိုင်း ခုန်လိုက် ပေါက်လိုက်နဲ့ ဆိတ်ဝင်စားနေလား ငနဲသားကြီး ဆိုပြီး ရောက်လာတယ်။ အိပ်မက်တွေ ပြီးသွားတိုင်း ငါနိုးလာတဲ့ အချိန်တွေတိုင်းဟာ မနက်ရဲ့ လေးနာရီခွဲပဲ။ အဲဒီအချိန်ရောက်တိုင်း ငါ့ရဲ့လက်တွေဟာ ဆိတ်ရဲ့လက်တွေလို ခုန်လိုက် ပေါက်လိုက်။ နောက်တော့ ငါ ပြန်နိုးလာတယ်။ ရေဒီယိုက လွှင့်တဲ့ တေးသီချင်း မဟုတ်ရင်တောင် ပုံမှန်လာနေကျ တီဗွီကြော်ငြာတစ်ခုလိုပဲ ဆိတ်ဝင်စားတဲ့ အိပ်မက်မျိုး ငါ့ကို အစီစဉ်တကျ အချိန်မှန် ရက်မှန် ပြက္ခဒိန်အကျ ပေးမက်ထားတယ်။ သတ္တုတေးဂီတတွေနဲ့ ဆိတ်အုပ်ကြီးဟာ ဆိတ်တွေ စီးပြီး ငါ့ကုတင်ခြေရင်းနားကို ဆိတ်ဝင်စားနေလား မေးဖို့ မနက်လေးနာရီခွဲသွားတိုင်း အမြဲရောက်လို့လာတယ်။ နောက်တော့ ငါပြန်နိုးလာတယ်။ ပြီးတော့ စားသောက်ဆိုင်နံဘေးမှာ အသတ်ခံရဖို့ စောင့်နေတဲ့ ဆိတ်ဟာ ငါပြန်ဖြစ်နေတယ်။ ငါ့ကို သတ်တော့မဲ့သူရဲ့ ခေါင်းမှာ ငါနဲ့ဆင်တူ ဆိတ်ခေါင်းကြီးတစ်ခေါင်းကို တပ်ထားတာပါ ငါမြင်လိုက်ရတယ်။ စတေးပစ်ဆိုတဲ့ စကားလုံးကိုပဲ ကြိမ်ဖန်များစွာ အဲဒီ ဆိတ်ခေါင်းကြီးက ရေရွတ်နေတယ်။ နောက်တော့ ဆိတ်ဝင်စားနေပြီလား ကောင်လေးလို့ ငါ့ကို မေးရင်း သူ့ရဲ့ ဆိတ်ခေါင်းဟာ ငါ့ရဲ့ ဆိတ်ခေါင်းရှေ့ကို ဆိုက်ရောက်လာပြီး ကစ်စုပ်ပစ်လိုက်တယ်။ နောက်တော့ ဆိတ်ဝင်စားနေလား။

Yate Chauk's Poetry Books Program
https://www.instagram.com/yatechauk?igsh=bGZ6bDYycWMyYThh

20/09/2024

H***y - ဇဲရဇ် စာအုပ်ရဲ့ ပရီအော်ဒါကာလမှာ နှစ်ရက်သာလျှင်ကျန်ပါတော့တယ်။

စာအုပ်အကြောင်း အသေးစိတ် ဖတ်ရှု့ရန်
https://www.facebook.com/share/p/zW7AhnFvdVvGiPDt/?mibextid=oFDknk

Mockup Design by Niff

18/09/2024

သေခြင်းတရားရဲ့ အချစ်

ခြေထောက်တွေကြားက အဝေး ကောင်းကင်တွေအောက်မှာ အုတ်ဂူပွင့်လာပြီးနောက် မြင်းသမားနှစ်ယောက်ဟာ မင်းငါ့ကို မသိတော့သလို။ ငါဟာ နံရံပေါ်က သေမင်းရဲ့ အရိပ်အယောင်၊ ဒေစီပန်းတွေကြား ရေဆာနေတဲ့ ငါဟာ သေမင်း ခြေထောက်အောက်၊ စောင်းကြည့်နေတဲ့ အကြည့်တွေအောက်၊ ကပွဲမှာ ကသူတွေ ဖျော်ဖြေနေကြတယ်၊ ကသူတစ်ယောက်ဟာ ကသူတစ်ယောက်ကို လက်ချင်းချိတ်ကာ ကလျက်၊ ပုလွေသမား၊ ဆိုင်းသမား၊ ဗုံသမားတွေက အချင်းချင်း နမ်းကြလျက်၊ လူတွေက ရယ်သံတွေကြား နစ်မြုပ်၊ လိင်ဆက်ဆံသူက ဆက်ဆံ၊ ဝက်ကြီးတစ်ကောင်ကို ကင်နေသူက ကင်နေ၊ အိပ်မက်ထဲမှာ Taylor Swift ရင်သားတွေကို ကိုင်သူကကိုင်၊ ဒါတွေသာ အမှန်ဆိုရင် ငါတို့ဘဝတွေကို တန်ဖိုးထားဖို့ လိုပြီ။ ငါသုံးမဲ့ အကွက်တွေ ပေါက်ကြားသွား။ မနက်ဖြန်ဟာ သင်္ကြန်ပဲ။ သိကြားမင်း ဆင်းလာပြီး သူတောင်းဆိုခဲ့တဲ့ ကမ္ဘာကို ဖျက်ဆီးတော့မယ်။ သိကြားမင်းနဲ့ မာရ်နတ်။ မာရ်နတ်ဆိုတာ အောက်တန်းကျတဲ့ စကားလုံးပါ၊ စိတ်ပျက်စရာကောင်းတယ်၊ ဘာလို့သုံးနေကြမှန်း မသိဘူး၊ သိကြားမင်းကကော ဘာထူးလဲ၊ လူအုပ်ကြီးက “ကကြ ကကြ” “ကဗျာ ကဗျာ” အလုံးလိုက် လှိုင်းလုံးကြီးလို အော်လိုက်ကြတော့၊ ကသူက ကသူကို လည်ချိုးသတ်လိုက်တယ်။ အားလုံးက ဝိုင်းရယ်ကြတယ်။ ငါတို့ ကစားပွဲကို ဆက်ကြရမယ်။ အရာအားလုံးအတွက် ခွင့်လွှတ်ပေးပါ၊ ကမ္ဘာကြီး မျက်ရည်တွေကြား နစ်မြုပ်သွားရင်တောင် ကျန်ရစ်ခဲ့တဲ့ မျက်မမြင် ဗြဟ္မာမင်း နှစ်ပါးဆိုတာ ကိုယ်တို့ ဖြစ်ပါရစေ။ သဘာဝတရားက အရှိတရား မဟုတ်တော့ဘူး၊ ငါဟာ ရသေ့ကို မေးခဲ့တယ်၊ ရသေ့နဲ့ မယ်သီလရှင်က အတွဲတွေလား၊ ဘုန်းကြီးနဲ့ မယ်သီလရှင်က အတွဲတွေလား၊ ငါမသိခဲ့။ ကောင်မလေးကို ဘာလုပ်လိုက်လဲ၊ ငါ့ကို စကားပြောပေးပါ၊ အနည်းဆုံးတော့။ နောက်ဆုံး အခန်းရောက်တော့ ကောင်မလေးနဲ့ ကျနော် စစ်ဘုရင် ထိုးခဲ့ကြတယ်။ e4နဲ့ အစချီခဲ့တယ်။ လိင်မဆက်ဆံခဲ့ကြပါ။

-ရိုင်စင်းရာ

15/09/2024

H***y - ဇဲရဇ်

ရိပ်ခြောက်၏ ဆယ့်တစ်အုပ်မြောက် စာအုပ်ဖြစ်ပါသည်။ အဝါရောင် စာရွက်သားဖြင့် ထုတ်ဝေသွားမှာဖြစ်ပြီး လှိုင်းရူးဝေ၏ သရုပ်ဖော်ပုံများနှင့်အတူ စာမျက်နှာ ၃၀ကျော်ပါဝင်သွားမှာ ဖြစ်ပါသည်။ စျေးနှုန်းမှာ ၂၅၀၀ကျပ်ဖြစ်ပြီး ၂၂ရက်နေ့အထိ preorder ကောက်ခံသွားမှာ ဖြစ်ပါသည်။ စာအုပ်များကို လကုန်မှသာ စုပေါင်း ပို့ဆောင်သွားမှာ ဖြစ်ပါသည်။

ဇဲရဇ်၏ အမည်ရင်းမှာ စွမ်းပြည့်နိုင်ဖြစ်သည်။ ၂၀၀၄ ခုနှစ်၊ ဇွန်လ ၁၅ ရက်နေ့တွင် အင်းစိန်မြို့နယ်၊ ရန်ကုန်တိုင်းဒေသကြီး၌ ဖွားမြင်ခဲ့သည်။ ၂၀၂ဝ နှောင်းပိုင်းမှစ၍ ဆောင်းပါးတိုများ စတင်ရေးသားကာ စာပေလမ်းကြောင်းပေါ်သို့ တစ်စတစ်စရောက်ရှိခဲ့သည်။

"လူငယ်အိပ်မက်"၊ "ရေသောက်မြစ်" စသည့်စာပေအဖွဲ့များကို တည်ထောင်ကာ အယ်ဒီတာအဖြစ် စာပေလုပ်ငန်းများ လုပ်ဆောင်ခဲ့သည်။ ယခုအခါ BarBo Poetry နှင့် ရိပ်ခြောက်စာပေတို့၌ အယ်ဒီတာတစ်ဦးအဖြစ် တာဝန်ထမ်းဆောင်လျက်ရှိပြီး စာကြည့်တိုက်လုပ်ငန်းများလည်း လုပ်ဆောင်လျက်ရှိသည်။

"လှိုင်းခတ်သံ" (သက်နောင်နှင့်အတူ စီစဥ်)၊ "နာကျင်မှု ဒိုင်ယာရီ"၊ "ရန်ကုန်" ၊ " ပင်လယ်"၊ စသော ကဗျာစာအုပ်များကိုလည်း ထုတ်ဝေခဲ့သည်။

Ebookအား အောက်ပါလင့်မှ ဖတ်ရှု့နိုင်ပါသည်။
https://t.me/yatechauk

မျက်နှာဖုံး ဒီဇိုင်း - လှိုင်းရူးဝေ

14/09/2024

Yate Chauk is having a Satday Sale !
Illustrations From Yate Chauk EBook - 17 by Morris John (Gouache on paper)
All A4 sizes
30000 kyats per painting without frames !
ရောင်းရငွေများကို ရေဘေးသင့်နေရာများအတွက် ၁၀၀% လှူဒါန်းသွားပါမည်။

13/09/2024

Chaos Session
Hline Ru Wai

- ဤစာအုပ်မှ ရောင်း၍ရသောငွေကြေးများကို ရေဘေးကြုံနေရတဲ့နေရာများအတွက် ၁၀၀% လှူဒါန်းသွားမည် ဖြစ်ပါသည်။

- အရှေ့မှာ ဟောင်းနွမ်းမေ နှင့် အကြေကွဲဆုံး ခေတ်ထဲက
ချက်စ်မြင်းလေးကောင်ရဲ့ တေးဆိုသံ ဆိုပြီး ကဗျာစာအုပ် နှစ်အုပ်ထွက်ရှိခဲ့ပြီး ပန်းချီဆရာတစ်ယောက်လည်းဖြစ်သည့် လှိုင်းရူးဝေ၏ စာအုပ်ကို မတ်လ ၁၃ရက်နေ့က ထွက်ရှိခဲ့ပြီး ယခုအခါ ebookကော စာအုပ်ကိုပါ ပြန်လည်ရောင်းချသွားမှာဖြစ်ပါသည်။

- စာအုပ်ကို ၃၀၀၀ကျပ်ဖြင့် ဝယ်ယူရရှိနိုင်မှာဖြစ်ပြီး ebookကို တက်နိုင်သမျှ အကြွေလေးမှစ၍ ထည့်ဝင်ပြီး ရယူနိုင်မှာဖြစ်ပါတယ်။

"အလွတ်မကျက်မိတဲ့ ဒိုင်ယာလော့"စာမူမှ ကောက်နှုတ်ချက်

မင်းရဲ့ အိမ်ရှေ့တံခါးဖွင့်လိုက်တာနဲ့ လီးလားလို့ မင်းကို ပလိန်းကြီးဆဲပြီး စောက်ခွက်ဖြတ်ရိုက်သွားတဲ့ ခေတ်ကို လက်မှတ်မဖြတ်ဘဲ အခမဲ့ တန်းရောက်သွားသလိုပေါ့။ မင်းအတွက် ခတ်ထားတဲ့ အဆိပ်ကို မင်းကိုယ်တိုင်ပဲ ပိုက်နဲ့ ပြန်စုပ်သောက်မိသလိုပေါ့။ မင်းခွေးဟာ မင်းကို သစ္စာပြန်ဖောက်သွားသလိုပေါ့။ မင်းအမျိုးသမီးရဲ့ ကိုယ်တုံးလုံးပေါ်က အလှဆုံးဆင်မြန်းထားတဲ့ သံဆူးကြိုးတွေကပဲ မင်းကို ပြန်ပြီး ပိတ်လှောင်ထားသလိုပေါ့။ တဆတ်ဆတ်တုန်သွားပြီးတိုင်း ဘုရားတွေ နောက်တစ်ဆူ ပြောင်းသွားသလိုပေါ့။ မျက်နှာဖုံးဝတ် မာရ်နတ်တွေပဲ ရွေးပြီး အသက်ပိုရှည်နေသလိုပေါ့။ အချစ်ကြောင်းပြောနေရင်းနဲ့ပဲ မချစ်ဖြစ်ကြတဲ့ စုံတွဲတွေလိုပေါ့။ ဆိုင်ကယ်ကို လက်လွှတ်ပြီး စစီးတဲ့နေမှာပဲ ကာလနာစတိုက်သွားသလိုပေါ့။ ကြီးလာရင် ဂျွန်လန်နွန်ဖြစ်ချင်တဲ့ကောင်တွေပဲ ကြီးလာရင် ဂျွန်လန်နွန်နားထောင်ပြီး အရက်သမားဖြစ်သွားသလိုတွေပဲပေါ့ကွာ။ ဘဝဆိုတာ ကစားဖို့ပဲ ကစားကြဟေ့ မအေပေးလေးတွေဆိုပြီး အစောပိုင်းက တစ္ဆေကြီးဟာ နောက်တစ်ကြိမ် ရောက်လာပြီး အရေးခင်းတစ်ခုလုံးကို ဖြတ်ပိုင်း စာရွက်လေးတစ်ရွက်လို လုံးချေပြီး လက်ဖက်ရည်ဆိုင်ထဲကို ရော့ကွာဆိုပြီး ပစ်ထည့်လိုက်သလိုပေါ့။

Yate Chauk's Poetry Books Program
https://www.instagram.com/yatechauk?igsh=bGZ6bDYycWMyYThh

04/09/2024

အနုမြူည
ရိပ်ခြောက် အမှတ် ၁၅၏ မျက်နှာဖုံးဖြစ်ပါသည်။

Size - 60 × 80 cm
Medium - Oil on Canvas
Date - 4th January, 2024
Artist - Morris John

Avaliable for collection
5 lakhs

Note:
Depending on photography and monitor settings, actual colours may vary.

02/09/2024

Yate Chauk is having a Monday Sale !
Illustrations by Morris John (Gouache on paper)
All A5 sizes
60000 kyats per painting without frames !

Address

Mandalay

Website

https://www.behance.net/yatechauk

Alerts

Be the first to know and let us send you an email when ရိပ်ခြောက် posts news and promotions. Your email address will not be used for any other purpose, and you can unsubscribe at any time.