MyanmaGone Media

17/09/2024

တပ်ကုန်းမြို့နယ် ရေဘေးသင့်ကျေးရွာမှာ လာလှူတဲ့ ဒံပေါက်စားပြီး လူ ၂၅၀ ကျော် အစာအဆိပ်သင့်
၁၇.၉.၂၀၂၄
ရေဘေးသင့်ဒေသတစ်ခုဖြစ်တဲ့ နေပြည်တော်ကောင်စီနယ်မြေ၊ တပ်ကုန်းမြို့နယ်အပိုင်၊ ကြက်သွန်ခင်းအုပ်စု၊ ချောင်းကြားကျေးရွာမှာ ‌လာရောက်လှူဒါန်းဝေငှတဲ့ ဒံပေါက်ထုပ်စားပြီး လူ ၂၅၀ ကျော် အစာအဆိပ်သင့်တဲ့ဝေဒနာ ခံစားနေရလို့ သိရပါတယ်။
ဖြစ်စဉ်က ညနေ ၆ နာရီဝန်းကျင်လောက်က ဖြစ်ပွားခဲ့တာဖြစ်ပြီး အခုအချိန်အထိ လူနာယာဉ်တင်တွေနဲ့ ပျဉ်းမနား ကုတင် တစ်ရာဆေးရုံဆီ ပို့ဆောင်နေရဆဲလို့ သိရပါတယ် ။
အသက်ကြီပိုင်းတွေက ဝမ်းပျက်ဝမ်းလျှော ဖြစ်နေတယ်လို့ သိရပါတယ်။ အသင်းအဖွဲ့တွေလည်း ပူပေါင်းပြီး ဆေးရုံကူညီပို့ဆောင်ပေးနေပါတယ် လို့ သိရပါတယ်။
ရေကြီးရေလျှံမှုကြောင့် နေပြည်တော်ကောင်စီနယ်မြေအတွင်း သေဆုံးသူ ၄၂ ဦးရှိပြီး အိမ်ပေါင်း ၃၃ လုံး ရေထဲမျောပါ ပျက်စီးခဲ့ကာ၊ ရေမြုပ်အဆောက်အဦ ၃၈၁၉ လုံး ရှိပြီး ကြွင်းကျန်ရေဘေးသင့်သူတွေကိုလည်း ဆက်လက်ရှာဖွေလျှက်ရှိ‌နေကာ ပြန်လည်တည်ထောင်ရေးလုပ်ငန်းတွေကိုလည်း ဆောင်ရွက်နေတာဖြစ်ပါတယ်။

17/09/2024

တာချီလိတ်မြို့မှာဖြစ်ပွါးခဲ့တဲ့ ရေကြီးရေလျှံမှုဖြစ်စဉ်ကြောင့် အသက်ဆုံးရှုံးသူ (၁၄)ဦးအထိ ရှိ
၁၇.၉.၂၀၂၄
ရှမ်းပြည်နယ်အရှေ့ပိုင်း ၊ တာချီလိတ်မြို့မှာဖြစ်ပွါးခဲ့တဲ့ ရေကြီးရေလျှံမှုဖြစ်စဉ်ကြောင့် သဘာဝဘေးကြာင့် အသက်ဆုံးရှုံးသူ (၁၄)ဦးအထိ ရှိတယ်လို့ သိရပါတယ်။
အဆိုပါ အသက်ဆုံးရှုံးသူများရဲ့စာရင်းမှာ စက်တင်ဘာ (၁၆)ရက်အထိ ရရှိထားတဲ့စာရင်းများအရဖြစ်ပြီး အသက်ဆုံး ရှုံးသူများမှာ မယ်ဆိုင်ချောင်းအတွင်း ရေစီးနှင့်အတူ မျောပါလာသည့် ရုပ်အလောင်း(၆)လောင်း နဲ့ တာချီလိတ်မြေပြိုကျမှုဖြစ်စဉ်အတွင်း အသက်ဆုံးရှုံးသူ (၇)ဦးနှင့် ယနေ့ ထပ်မံတွေ့ရှိသူ (၁) ဦး စုစုပေါင်း (၁၄)ဦးဖြစ်ကြောင်း သိရပါတယ်။

တာချီလိတ်မြို့အတွင်း စက်တင်ဘာလကုန်အထိ မိုးရွာသွန်းကာ ရေကြီးရေလျှံမှုများ ထပ်မံဖြစ်ပေါ်နိုင်သဖြင့် တာချီလိတ်မြို့နယ်၊ မယ်ဆိုင်ချောင်းအနီး နေထိုင်သူများအမြန်ဆုံးရွှေ့ပြောင်းကြရန်နှင့် ရေလျှံသည့် ရပ်ကွက်အနေဖြင့် လည်း နေအိမ်တွင် ကိုယ်ဝန်ဆောင်သည်များ၊ နာမကျန်း ဖြ စ်သူများ၊ သက်ကြီးရွယ်အိုများရှိပါက လုံခြုံစိတ်ချရသည့် နေရာများသို့ ရွှေ့ပြောင်းနေထိုင်ကြရန် ရပ်ကွက်အလိုက် နှိုးဆော်ထားကြောင်း သိရပါတယ်။

ဓာတ်ပုံ – ဦးလှမိုး တာချီလိတ် လူမှုကူညီရေးအသင်း

16/09/2024

ရေဘေးကူညီဆောင်ရွက်နေချိန်ပရဟိတအသင်းလူငယ်တစ်ဦး ရေနဲ့မျောပါသေဆုံး

စစ်တောင်းမြစ် အရှေ့ဘက်ကမ်းတစ်ကြော ကုလားဗလီရပ်ကွက်ဘက်မှာ ရေဘေးအကူအညီဆောင်ရွက်နေချိန်မှာ စေတနာ့ဝန်ထမ်း ပရဟိတအသင်းလူငယ်တစ်ဦး ရေနဲ့မျောပါသေဆုံးခဲ့ပါတယ်။
ဖြစ်စဉ်မှာ မနေ့ကစက်တင်ဘာ ၁၅ ရက်နေ့လယ် နှစ်နာရီဝန်းကျင်က ဖြစ်ပွားခဲ့တယ်လို့ သိရပါတယ်။
ရေနစ်သေဆုံးသူလူငယ်က ရှင်ပေါလုအသင်းတော်လူမှုကူညီရေးအသင်းကဖြစ်ပြီး အသက် ၂၆နှစ်အရွယ် စောနော်ဂျာ လို့ သိရပါတယ်။
တောင်ငူမြို့မှာ စစ်တောင်းမြစ်ရေ မြင့်တက်မှုကြောင့် ရပ်ကွက်၊ ကျေးရွာ ၂၇ ခု ရေဝင်နစ်မြုပ်နေပြီး၊ တောင်ငူခရိုင်အတွင်း မြို့နယ် ၄ မြို့နယ်က ရပ်ကွက် ကျေးရွာ ၇၈ခု ရေဘေးဒဏ် ခံစားနေရကာ ရေဘေးသင့်ပြည်သူပေါင်း ကိုးသောင်းကျော်ရှိနေပါတယ်။

12/09/2024

ရေဆင်းဆည်တွင် ကန်ရေပြည့်အမှတ်ရောက်ရန် ၇ ပေခန့်လိုနေသေးသဖြင့် ရေပိုလွှဲမှ မူလချောင်းသို့ ရေစီးဆင်းမှုပင် မရှိသေးကြောင်း သိရသည်။ လက်ရှိ ဖြစ်ပေါ်နေသော ရေဆင်းဆည် မှ ရေလွှတ်မည် ရေဖောက်ချမည် ဆိုသည်မှာ သတင်းမှားများ သာဖြစ်ကြောင်း သိရသည်။

နေပြည်တော်ကောင်စီနယ်မြေအတွင်းရှိ ဆည်ရေလှောင်တမံများ အနေဖြင့် ပေါင်းလောင်း ရေလှောင်တမံ ၌ ကန်ရေပြည့်အမှတ်ကျော်လွန်၍ ရေပိုလွှဲမှ ၆ ပေခန့် ရေကျော်ကျ လျက်ရှိပြီး ငလိုက်ရေလှောင်တမံ တွင် ကန်ရေပြည့်အမှတ် သို့ရောက်ရှိပြီ ဖြစ်ကြောင်း၊ ကန်ရေပြည့်အမှတ်ရောက်ရန် ဆင်သေတမံ တွင် (၁၉)ပေခန့် ၊ တောက်ပြိုတမံ နှင့် မဒန်းတမံတို့တွင် (၁၁)ပေကျော်၊ မြို့လှတမံတွင် (၁၃)ပေကျော်၊ ချောင်းမငယ်တမံတွင် (၅)ပေကျော်၊ ဖောင်းလောင်တမံ နှင့် သဲဖြူတမံ တို့တွင် (၃)ပေကျော် ၊ မုန်းချောင်းတမံ တွင် (၂)ပေ လိုသေးသည်။

ကန်ရေပြည့်အမှတ်ကျော်လွန်လာ၍ ရေပိုလွှဲမှ စီးဆင်းလျက်ရှိသော ပေါင်းလောင်း ရေလှောင်တမံမှ ရေများသည် မူလ ပေါင်းလောင်းချောင်းအတွင်း စီးဝင်၍ စစ်တောင်းမြစ်အတိုင်း စီးဆင်းလျက်ရှိသည်။

12/09/2024

10/09/2024

ဝ ကိုယ်ပိုင်အုပ်ချူပ်ခွင့်ရဒေသအချို့ရေကြီး
စက်တင်ဘာ ၁၀၊ ၂၀၂၄
ရှမ်းပြည်နယ်မြောက်ပိုင်း၊ ဝ ကိုယ်ပိုင် အုပ်ချုပ်ခွင့်ရဒေသမြို့နယ်အချို့မှာ မိုးသည်းထန်လို့ ရေကြီးပြီး မြေနိမ့်ပိုင်းတွေ ရေလျှံဖြစ်ကာ နေအိမ်တချို့ ရေဝင်ကုန်ကြောင်း ဒေသခံတွေဆီက သိရပါတယ်။
စက်တင်ဘာ ၉ ရက်နေ့ မနက် အစောပိုင်းကတည်းကရေကြီးခဲ့တာဖြစ်ပါတယ်။နေအိမ် အဆောက်အအုံတွေ နဲ့ လမ်းမ ပေါ်တွေမှာ ရေနစ်မြှုပ်သွားတာလို့ဆိုပါတယ်။
“မနေ့ကတော့ နေအိမ် တချို့က ပစ္စည်းတွေ မျောပါကုန်တာ၊ခုတော့မရွာတော့ပါဘူး။လမ်းတွေလည်းပျက်ကုန်တယ်။တစ်နေရာနဲ့တစ်နေရာသွားလို့တော့မရသေးဘူး”လိုဒေသခံ အမျိုးသား တဦးက ပြောပါတယ်။
ရှမ်းပြည်နယ် အရှေ့ပိုင်း မိုင်းယု၊ မိုင်းယောင်း၊ မိုင်းဖျက်၊ တာလေ၊ ရွှေတြိဂံဒေသ၊ မဲဆိုင်၊ တာချီလိတ်၊ ကျိုင်းတုံ၊ မိုင်းဆတ်၊ မိုင်းယွန်း၊ မိုင်းတုန်၊ မိုင်းပန်၊ ကွန်ဟိန်း၊ မိုင်းပြင်း၊ မိုင်းခတ်၊ မိုင်းလား၊ မိုင်းယန်း၊ မိုင်းပေါက်၊ ပန်ဆန်း၊ မိုင်းရှူး အစရှိတဲ့ဒေသတွေမှာ စက်တင်ဘာလ ၉ ရက်နဲ့ ၁၀ ရက်တွေထဲ မိုးအဆက်မပြတ် ရွာသွန်းနိုင်ပြီး မိုးကြီး၊ ရေလျှံနိုင်ကြောင်း သိရတယ်လို့လည်း ဖော်ပြထားပါတယ်။

09/09/2024

နှစ်ရက်ဆက်တိုက် လားရှိုးမြို့ပေါ်မှာရှိတဲ့အကြမ်းဖက်အဖွဲ့ MNDAA တွေကို တပ်မတော်ကလေယာဉ်နဲ့ ဗုံးကြဲတိုက်ခိုက်
စက်တင်ဘာ ၉
လားရှိုးမြို့ပေါ်မှာရှိတဲ့အကြမ်းဖက်အဖွဲ့ MNDAA အများစုရှိနေတဲ့နေရာတွေကို တပ်မတော်က စက်တင်ဘာ ၈ ရက်နေ့နဲ့ စက်တင်ဘာ ၉ ရက် နှစ်ရက်ဆက် လေကြောင်းတိုက်ခိုက်မှု ခံခဲ့ရပါတယ်။
ပထမအကြိမ် တိုက်ခိုက်မှုက စက်တင်ဘာ ၈ ရက် နံနက် ၄ နာရီမှာ စတင်ခဲ့တာဖြစ်ပြီး လားရှိုးမြို့ကို လေကြောင်းက ဗုံး ၂ လုံး ကျဲချတိုက်ခိုက်ခဲ့တာလို့ MNDAA ရဲ့ ကိုးကန့်မီဒီယာက ထုတ်ပြန်လာကာ နံနက် ၄ နာရီ ၃ မိနစ်နဲ့ ၄ နာရီ ၈ မိနစ်အချိန်တို့မှာ ရပ်ကွက် (၁၂) အားကစားရုံနဲ့ ရေပူစမ်း အနီးရှိ Silver Sky ဟိုတယ်အနီး ဗုံး ဆက်တိုက်ကျရောက် ပေါက်ကွဲခဲ့ပါတယ်။
ရပ်ကွက် (၁၂) အားကစားရုံမှာ ပြည်သူတွေရဲ့ ကားတွေဆိုင်ကယ်တွေ ပြန်မပေးဘဲ သိမ်းထားတဲ့အထဲက ကား ၁၉ စီးပျက်စီးပြီး Silver Sky ဟိုတယ်မှာလည်း အဆောက်အအုံ ပျက်စီးထိခိုက်မှုရှိခဲ့ပါတယ်။
မနေ့က နေ့လယ်ပိုင်းကစ လူမှုကွန်ရက်မှာပျံ့နှံ့နေတဲ့ အသံဖိုင်မှာတော့ MNDAA က ကားတွေဆိုင်ကယ်တွေ လုယက်သိမ်းယူထားရာ ရပ်ကွက် (၁၂) အားကစားရုံမှာ ကားတွေဆိုင်ကယ်တွေကို လုံခြုံရေးရယူနေတဲ့ MNDAA တပ်ဖွဲ့ဝင် ၃၀ ကျော် သေဆုံးပြီး Silver Sky ဟိုတယ်မှာတော့ MNDAA ထိပ်ပိုင်းခေါင်းဆောင် ၃ ဦးနဲ့ သူတို့ကို လုံခြုံရေးယူပေးတဲ့ ငယ်သား ၁၅ ဦးခန့်သေဆုံးခဲ့တယ်လို့ သိရပါတယ်။
အဆိုပါရုပ်အလောင်းတွေကို ချက်ချင်းပဲ နမ္မတူဘက်အထွက် မြို့ရှောင်လမ်းဘက်က သင်္ချိုင်းကုန်းမှာမြှုပ်တယ်လို့လည်း ပြောနေတာကို ကြားရပြီး ဒီသေဆုံးမှုအသံဖိုင်အပေါ် MNDAA က ဒီနေ့အထိ မှန်ခြင်းမှားခြင်း တုံ့ပြန်မှုမရှိပါဘူး။
အလားတူ ဒုတိယအကြိမ်တိုက်ခိုက်မှုကို ဒီနေ့ စက်တင်ဘာ ၉ ရက် နံနက် ၁၀ နာရီ ၂၃ မိနစ်နဲ့ ၁၀ နာရီ ၃၀ မိနစ်ခန့်မှာ ဗုံးကြဲခံခဲ့ရတာဖြစ်ပြီး လားရှိုး ရပ်ကွက် (၁) မှာ ဗုံး ၂ လုံး ကျရောက်ခဲ့ပြီး ၁၂ ဦး ဒဏ်ရာရခဲ့တာကြောင့် ဒဏ်ရာရသူတွေကို ဆေးရုံပို့ဆောင်ထားပြီး အတိအကျ ဆုံးရှုံးမှုနဲ့ အသေအပျောက်ကို ထပ်မံသိရှိဖို့ လိုအပ်တယ်လို့်လည်း MNDAA ရဲ့ ကနဦးထုတ်ပြန်ချက်မှာ ဖော်ပြထားပါတယ်။

09/09/2024

နေပြည်တော်ရှိ ဂိုထောင်တစ်ခုတွင် ရပ်
ထားBMW (၁)စီး မီးလောင်မှု ဖြစ်ပွား
9.9.2024
နေပြည်တော်၊ ဥတ္တရသီရိမြို့နယ်၊ ဇဝနသိဒ္ဓိရပ်ကွက်၊ ပဲခူးလမ်းရှိ ဂိုထောင်တစ်ခုတွင် ရပ်ထားတဲ့ BMW (၁)စီး မီးလောင်မှု ဖြစ်ပွါးခဲ့တာကြောင့် အအေးပေးခြင်းလုပ်ငန်းများဖြင့် ငြှိမ်းသတ်ခဲ့ရကြောင်း မီးသတ်တပ်ဖွဲ့ သတင်းများအရ သိရပါတယ်။
မနေ့ကည (၁၁)နာရီ (၁၀)မိနစ်အချိန်ခန့်က မီးလောင်းမှုဖြစ်ပွါးခဲ့တာပါ။
အအေးပေးခြင်း လုပ်ငန်းများဖြင့် ငြှိမ်းသတ်ခဲ့ပြီး ည (၁၁)နာရီ (၃၂)မိနစ် အချိန်တွင် မီးငြှိမ်းသတ်နိုင်ခဲ့ပါတယ်။မီးလောင်မှု အကြောင်းရင်းကို ထုတ်ပြန်ထားခြင်း မရှိသေးပါဘူး။
စက်တင်ဘာ (၈)ရက်၊ မနေ့ကည (၁၁)နာရီ (၁၀)မိနစ်အချိန်ခန့်က ယာဉ် (၁)စီး မီးလောင်နေကြောင်း သတင်းအရ ဥတ္တရသီရိမြို့နယ်မီးသတ်စခန်းမှ မီးငြှိမ်းသတ်ယာဉ်(၃)စီး၊ ပုဗ္ဗ(၂)နယ်မြေမီးသတ်စခန်းမှ မီးသတ်ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွါငြှိမ်းသတ်ခဲ့တာပါ။

08/09/2024

သက်တမ်း သုံးနှစ်အပြည့် တာဝန်ထမ်းဆောင်
မယ့်ထိုင်းဝန်ကြီးချုပ်
၈.၉.၂၀၂၄
ထိုင်းဝန်ကြီးချုပ် ပေတုံတန် ရှင်နာဝပ်ထရာက သူရဲ့ဝန်ကြီးချုပ်သက်တမ်း သုံးနှစ်ကို အပြည့်အဝ တာဝန်ထမ်းဆောင်သွားမှာဖြစ်ပြီးနှသူ့အပေါ် ဥပဒေကြောင်းအရ တိုင်ကြားမှုများကို ကိုင်တွယ်ဖြေရှင်းရန် အဖွဲ့တစ်ဖွဲ့ ဖွဲ့စည်းထားလို့ ပြောကြားခဲ့ပါတယ်။
စက်တင်ဘာ ၁၂-၁၃ တွင် လွှတ်တော်ကိုတင်ပြရမယ့်အစိုးရအဖွဲ့ရဲ့မူဝါကြေညာချက်အတွက် ပြင်ဆင်ရန် စနေနေ့(စက်တင်ဘာ ၇)က အစိုးရအိမ်တော်တွင် အစိုးရအဖွဲ့အထူးအစည်းအဝေးကို သဘာပတိအဖြစ်ဆောင်ရွက်ခဲ့အပြီး သူက အထက်ပါအတိုင်း ပြောဆိုခဲ့ပါတယ်။
အစိုးရအဖွဲ့အနေဖြင့် တာဝန်ဝတ္တရားများ မဆောင်ရွက်မီ လွှတ်တော်ကို မူဝါဒကြေညာချက် တင်ပြရန်လိုအပ်ပါတယ်။
“အရင် ဝန်ကြီးချုပ် ဆရက်သာ ထဝီဆင်းရဲ့ မူဝါဒတွေ အဆက်မပြတ်စေဖို့ရာ သုံးနှစ်သက်တမ်း ကုန်ဆုံးတဲ့အထိ ကျွန်မရဲ့ တာဝန်တွေကို ထမ်းဆောင်လိုပါတယ်” ဟု မစ္စ ပေတုံတန်က ပြောဆိုလိုက်ပါတယ်။
“ကျွန်မက ဆရက်သာလိုပဲ ဖြူထိုင်းက ဝန်ကြီးချုပ်ပါ။ ကြေညာချက်မှာ ထည့်သွင်းဖို့ ညွန်ပေါင်းပါတီတွေရဲ့ မူဝါဒအဆိုပြုချက်တွေကိုလည်း ဆွေးနွေးထားကြပါတယ်” ဟု သူက ပြောပါတယ်။
ပြစ်ဒဏ်ကျခံခဲ့ဖူးသူတစ်ဦးကို ဝန်ကြီးချုပ်ရုံးဝန်ကြီးအဖြစ် ခန့်အပ်ခဲ့သည့် အတွက် ကျင့်ဝတ်ပိုင်းဆိုင်ရာ ဖောက်ဖျက်မှုဖြင့် မစ္စတာ ဆရက်သာကို အခြေခံဥပဒေဆိုင်ရာခုံရုံးက သြဂုတ် ၁၄ ရက်တွင် ရာထူးဖြုတ်ချခဲ့ပြီးနောက် မစ္စ ပေတုံတန်သည် အာဏာရ ဖြူထိုင်းပါတီ၏ ဝန်ကြီးချုပ်ဖြစ်လာခဲ့ပါတယ်။
မစ္စတာ ဆရက်သာက ဝန်ကြီးချုပ်အဖြစ် ၁၁ လ နှင့် ၂၁ ရက် တာဝန်ထမ်းဆောင်ခဲ့တဲ့အတွက် မစ္စပေတုံတန်အနေဖြင့် ကျန်ရှိသည့် သုံးနှစ်ခန့် သက်တမ်းကို တာဝန်ထမ်းဆောင်ရမှာဖြစ်ပါတယ်။
Ref: ဘန်ကောက်ပို့စ်

08/09/2024

လားရှိုးမြို့ရှိ ဟိုတယ်တစ်ခုကိုလည်း တပ်မတော် လေကြောင်းတိုက်ခိုက်
8.9.2024
ရှမ်းပြည်နယ်မြောက်ပိုင်း လားရှိုးမြို့ရပ်ကွက်(၁၂)ရှိ မိုးလုံလေလုံအားကစားကွင်းအပြင် Silver Sky Hotel တို့မှာအကြမ်းဖက်အဖွဲ့များများခိုအောင်နေတာကြောင့်
လေကြာင်း တိုက်ခိုက်ခဲ့တယ်လို့ သိရပါတယ်။
အကြမ်းဖက်အဖွဲ့ (MNDAA) ရောက်ရှိနေတဲ့ လားရှိုးမြို့ရှိ နေရာ ၂ခုကို တပ်မတော်က မနက် ၄နာရီကျော်အချိန်တွင် လေကြောင်းမှ ဗုံးကြဲတိုက်ခိုက်ခဲ့ခြင်းဖြစ်သည်။
"အရင်တုန်းက အဲဒီဟော်တယ်ကတော့ ကိုးကန့်ဘက်က အရာရှိတချို့ အဲဒီမှာနေထိုင်တယ်။ပြီးတော့ နိုင်ငံရေးအကျဉ်းသားအချို့ကို အဲဒီမှာထိန်းသိမ်းထားတယ်တဲ့နေရာဖြစ်တယ်”လို့ ဒေသခံတစ်ဦးကပြောပါတယ်။

07/09/2024

မန္တလေးမြို့သို့ စစ်ရှောင်လာသူများအား PPP ပါတီက ကျန်းမာရေးစောင့်ရှောက်ပေးခဲ့
၇.၉.၂၀၂၄
မန္တလေးမြို့ကိုရောက်ရှိနေတဲ့ စစ်ဘေးရှောင်များနှင့်သံဃာတော်များ၊ ကျောင်းသား၊ကျောင်းသူများကို ပြည်သူ့ရှေ့ဆောင်ပါတီ (PPP)ကဒီကနေ့ ကျန်းမာရေးစောင့်ရှောက်မှုများကို ပထမနေ့အဖြစ်ပြုလုပ်ပေးခဲ့ကြောင်း သိရပါတယ်။
အောင်မြေသာစံမြို့နယ်ရှိ ရွှေကျင်ကျောင်းတိုက်၌ စစ်ဘေးရှောင်များနှင့်ကျောင်းသား၊ကျောင်းသူ(၁၃၀)ဦးနှင့်ကျောင်းတိုက်နေ သံဃာတော်(၅)ပါးတို့အားလိုအပ်သည့် ကျန်းမာရေးစစ်ဆေးကုသမှုများပြုလုပ်ပေးခဲ့တယ်လို့ ဆိုပါတယ်။
စစ်‌ဘေးရှောင်နှင့်ကျောင်းသား၊ကျောင်း သူ(၁၀၇)ဦး၊ သံဃာ‌တော်(၁၂)ပါးတို့ကိုလည်း မျက်စိစမ်းသပ်စစ်ဆေးမှုများပြုလုပ်ပေးပြီးနောက် မျက်မှန်တပ်ဆင်ရန်လိုအပ်သူ(၈၅)ဦးအား မျက်မှန်များကိုအခမဲ့တပ်ဆင်ပေးခဲ့တယ်လို့ သိရပါတယ်။
Photo - PPP ပါတီ

07/09/2024

ထိုင်းနိုင်ငံတွင် အွန်လိုင်းကဈေးရောင်းတဲ့မြန်မာ ၁၀ ဦးကို ထိုင်းရဲကဖမ်ဆီး
၇.၉.၂၀၂၄
ထိုင်းနိုင်ငံတွင် အွန်လိုင်းကဈေးရောင်းတဲ့မြန်မာ ၁၀ ဦးကို ထိုင်းရဲတပ်ဖွဲ့က သတင်းအရ ဖမ်းဆီးလိုက်ကြောင်း ထိုင်း ဒေသတွင်း ch3onlinenews က ဖော်ပြထားပါတယ်။
ထိုင်းနိုင်ငံ၊ နွန်ထဘူရီခရိုင်၊ ဘန်ယိုင်မြို့နယ်၊ ဘန်မွမ့်ကျေးရွာတွင်နေထိုင်ပြီး အွန်လိုင်းကဈေးရောင်းချနေတဲ့မြန်မာအမျိုးသား ၅ ဦး ၊ အမျိုးသမီး ၅ ဦး တို့ကို ပြီးခဲ့တဲ့စက်တင်ဘာလ ၅ ရက်ညနေပိုင်းက ဝင်ရောက် ဖမ်းဆီးခဲ့ရတာပါ။အဆိုပါဆယ်ဦးအနက် ၈ ဦးမှာ တရားမဝင်
ရောက်လာသူများ ဖြစ်တယ်လို့ သိရပါတယ်။
ဖမ်းဆီးမှုဖြစ်စဉ်မှာ အွန်လိုင်းကဈေးရောင်းချိန် အသုံးပြုသော iPad Gen 5 အမျိုးအစား တစ်လုံး၊ IiPhone 13 အမျိုးအစား တစ်လုံး၊ ထိုင်းဘဏ်စာအုပ် တစ်အုပ်၊ ထိုင်းဘဏ်စာအုပ်တွင် အွန်လိုင်းဈေး ရောင်းချခြင်းဖြင့် အသုံးပြုလည်ပတ်နေတဲ့ ထိုင်းဘတ်ငွေ ၂ သိန်း စစ်ဆေးတွေ့ရှိခဲ့ကြောင်း ရဲတပ်ဖွဲ့၏ သတင်းထုတ်ပြန်ချက်ကို ကိုးကား၍ ch3onlinenews တွင် ရေးသားထားပါတယ်။

07/09/2024

အာဒိုဂန်နဲ့ အောင်လပွဲမှာ အာဒိုဂန်က အရေးသာနိုင်ပြီး အောင်လအန်ဆန်း မရှုမလှ အရေးနိမ့်
၆.၉.၂၀၂၄
အမေရိကန်နိုင်ငံ၊ ဒန်ဗာမြို့က ဘောအရီနာကွင်းကြီးမှာ ဒီနေ့ မြန်မာစံတော်ချိန် နံနက် ၆ နာရီခွဲက ကျင်းပနေတဲ့ MMA ပွဲမှာ အသက် ၃၉ နှစ်သား မြန်မာ့စပါးကြီးမြွေ အောင်လနဲ့ အသက် ၃၄ နှစ်အရွယ် တူရကီဖိုက်တာ ရှမေးလ် အာဒိုဂန်တို့ ထိုးသတ်ပြီး အာဒိုဂန်က သူ့အဖို ၁၀ ပွဲဆက် ရှုံးပွဲမရှိစံချိန် ရယူသွားခဲ့တာပါ။
ပထမအချီ ပွဲအစ စက္ကန့် ၃၀ လောက်မှာတင် အာဒိုဂန်က အောင်လကို Stand Fight ယှဥ်ထိုးရင်း ချုပ်နိုင်ခဲ့တာပါ။
ချုပ်ထားတာကို အောင်လ ရုန်းမထွက်နိုင်ခဲ့ဘဲ ပထမအချီ ငါးမိနစ်လုံးလုံး အာဒိုဂန်စိတ်ကြိုက် Takedown လုပ်မှု၊ ထိုးကြိတ်မှု ခံခဲ့ရပါတယ်။
ပထမအချီပြီးခါနီးဆို အာဒိုဂန်ရဲ့ ခွချုပ်ပြီးရိုက်တဲ့ တံတောင်ရိုက်ချက် အောင်လမျက်နှာပြင်ထက် ငါးချက်အထက် ခံခဲ့ရလို့ ပွဲပြတ်ပြီလို့ကို ထင်ခဲ့ရတာပါ။
အာဒိုဂန်ဟာ ခန့်မှန်းထားတာထက်ကို ကြံ့ခိုင်သန်စွမ်းလွန်းနေပြီး ဒုတိယအချီအစမှာလည်း အောင်လကို Stand Fight ယှဥ်ထိုးရာမှာ ပထမအချီအထိနာထားတဲ့ အောင်လပဲ တစ်ဖက်သတ်အထိုးခံနေရသလို ဒုတိယအချီ တစ်မိနစ်ခွဲအကျော်မှာတော့ အပေါ်ကနေ ချုပ်ပြီး အာဒိုဂန်က တစ်ဖက်သတ်ထိုးနေတာကြောင့် ဒိုင်ပွဲရပ်နဲ့ အောင်လအရေးနိမ့်သွားပါတယ်။
ဒီနေ့ပွဲမှာ အာဒိုဂန်ဟာ အောင်လလို နှစ်ထပ်ကွမ်းချန်ပီယံတစ်ယောက်ကို ကလေးနဲ့ လူကြီးဆော့သလို စိတ်ကြိုက်ထိုးသတ်သွားတာဖြစ်ပြီး အောင်လက အာဒိုဂန်ကို လက်သီး ၁၀ ချက်ပြည့်အောင် မထိုးနိုင်ခဲ့ပေမဲ့ အာဒိုဂန်ကတော့ အချက်ရေရာနဲ့ချီပြီး ထိုးရင်း သူ အောင်လကို သုံးချီမပြည့်ခင် အနိုင်ယူမယ်လို့ ကြုံးဝါးထားတဲ့အတိုင်း လုပ်ပြသွားခဲ့တာဖြစ်ပါတယ်။

06/09/2024

တာမွေအဝိုင်းထိပ် Ocean ရှေ့ ခါးလယ်အထိ ရေမြုပ်နေပြီး ယာဥ်ကြောပိတ်ဆို့မှု လက်ရှိအချိန်အထိ ဖြစ်ပွားနေ
၆. ၉. ၂၀၂၄
ရန်ကုန်မြို့လယ်နီးနီး အချက်အခြာကျပြီး ယာဥ်သွားလာမှုများပြားတဲ့ တာမွေအဝိုင်းထိပ် Ocean စူပါစင်တာ (City Mall Tamwe) ရှေ့မှာ ခါးလယ်အထိ ရေမြုပ်နေတာလို့ သိရပါတယ်။
ရေကြီးရေလျှံမှုဟာ Ocean ရှေ့ကနေ ဗိုလ်စိန်မှန်ကွင်းနားအထိ မြုပ်နေတာဖြစ်ပြီး အနက်ဆုံးနေရာက ယောကျ်ားတစ်ယောက်ရဲ့ ခါးလယ် လေးပေနီးပါးအထိ နစ်မြုပ်နေတာကြောင့် တာမွေအဝိုင်းထိပ် မီးပွိုင့်တည့်တည့်နဲ့ ဗိုလ်စိန်မှန်ထိပ်မှာ ကားတွေပိတ်နေတယ်လို့ သိရပါတယ်။
“ရေက ခါးလယ်ကျော်ကျော်လောက်ပဲ။ အခုအချိန်အထိ ပြန်မကျသေးဘူး"လို့ ဗိုလ်စိန်မှန်ရပ်ကွက်မှာ နေထိုင်သူတစ်ဦးက ပြောပါတယ်။
ဒီကနေ့ တစ်နေ့လယ်လုံး မိုးသည်းနေတော့ လေးနာရီကျော် ငါးနာရီကတည်းက ရေတက်လာပြီး ကားတွေ သွားမရဖြစ်ကုန်တာလို့ သိရပါတယ်။
လက်ရှိမှာ စည်ပင်ဝန်ထမ်းတွေကလည်း ရေမြောင်းပိတ်ဆို့မှုတွေဖော်ပြီး ရေပြန်ကျဖို့ကြိုးစားနေပေမဲ့ ၆ နာရီခွဲအချိန်အထိတော့ ရေပြန်မကျသေးပါဘူးလို့သိရပါတယ်။

05/09/2024

မဲဆောက်တွင် တရားမဝင် ခိုလှုံနေတဲ့ PDF တွေကို ထိုင်းရဲဖမ်းဆီးနေ
စက်တင်ဘာ ၅
မဲဆောက်တွင် တရားမဝင် ခိုလှုံနေတဲ့ PDF တွေကို ထိုင်းရဲဖမ်းဆီးခဲ့တယ်လို့ သိရပါတယ်။
မြန်မာနိုင်ငံသားများဖွင့်လှစ်ထားတဲ့စားသောက် ဆိုင်နှင့် လက်ဖက်ရည်ဆိုင်များမှ အထောက်အထားမဲ့ မြန်မာနိုင်ငံသားများကို ဖမ်းဆီးချိန်မှာ ဖမ်းမိသူများက PDF များဖြစ်နေတယ်လို့ ဆိုပါတယ်။
ထိုင်းနိုင်ငံ၊ မဲဆောက်မြို့မှာ မြန်မာနိုင်ငံသားများဖွင့်လှစ်ထားတဲ့ စားသောက်ဆိုင်နဲ့လက်ဖက်ရည်ဆိုင်များက အထောက်အထားမဲ့ မြန်မာနိုင်ငံသားများကို မနေ့ကစက်တင်ဘာလ ၄ ရက်က ဖမ်းဆီးခံခဲ့တယ်လို့ သိရပါတယ်။

“အခုရက်ပိုင်း မဲဆောက်မှာ အဖမ်းအဆီးကြမ်းနေတယ်။ သတိထားပြီးနေဖို့တော့ လိုပါတယ်”ဟု မဲဆောက်တွင်နေထိုင်သူတစ်ဦးကပြောပါ
ဖမ်းဆီးခံရသူများကို စစ်ဆေးရာ မဲဆောက်မြို့မှာ ခိုလှုံနေတဲ့ PDF အင်အားစုများဖြစ်ကြောင်း စစ်ဆေးပေါ်ပေါက်တာ၊တရားဝင်နေထိုင်ခွင့် အထောက်အ ထားမပြသနိုင်တာကြောင့် သက်ဆိုင်ရာ ရဲစခန်းတွင် ဖမ်းဆီးထိန်းသိမ်းထားတယ်လို့ ကနဦး သိရပါတယ်။

03/09/2024

လာအိုနိုင်ငံကနေ မြန်မာနိုင်ငံကို ဦးတည်မောင်းလာတဲ့စက်လှေ နစ်မြုပ်မြန်မာနိုင်ငံသားအနည်းဆုံး ၂၀ ခန့်ပျောက်ဆုံးနေ
စက်တင်ဘာ ၂
လာအိုနိုင်ငံကနေ မြန်မာနိုင်ငံကို ဦးတည်မောင်းနှင်လာတဲ့ ခရီးသည်တင် စက်လှေတစ်စီး မဲခေါင်မြစ်အတွင်း စက်တင်ဘာ ၂ ရက် ညနေပိုင်းက နစ်မြုပ်ခဲ့ရာမြန်မာနိုင်ငံသားအနည်းဆုံး ၂၀ ခန့်ပျောက်ဆုံးနေတယ်လို့ သိရပါတယ်။

ထိုင်းနိုင်ငံအခြေစိုက် Thai PBS သတင်းဌာနက ခရီးသည်တင် စက်လှေပေါ်တွင် လူပေါင်း အနည်းဆုံး ၄၀ ခန့်လိုက်ပါလာပြီး လှေနစ်ချိန်တွင် ပတ်ဝန်းကျင်ရှိအခြားလှေများက ခရီးသည်များကို ကယ်တင်ပေးတာကြောင့် ခရီးသည် ၂၀ ခန့် ဘေးကင်းမှုများရှိခဲ့လို့ဖော်ပြထားပါတယ်။
ရှာဖွေကယ်ဆယ်ရေးသမားများကခရီးသည်တင်လှေနစ်မြှုပ်ခဲ့ပြီးနောက် ပျောက်ဆုံးနေသူများကို ရှာဖွေလျက်ရှိပါတယ်။

အဆိုပါခရီးသည်စက်လှေက လာအိုနိုင်ငံကနေမြန်မာနိုင်ငံ၊ တာချီလိတ်မြို့ကို ဦးတည်မောင်းနှင်လာခြင်းဖြစ်ပြီး လှေပေါ်တွင် မြန်မာနိုင်ငံသား ခရီးသည် ၄၀ ဦးလိုက်ပါလာခဲ့ခြင်းဖြစ်ပါတယ်။
မြစ်ရေစီးအားသန်နေချိန်အတွင်း တိမ်းမှောက်နစ်မြုပ်သွားခဲ့ခြင်းဖြစ်ကြောင်း ထိုင်းသတင်းများတွင် ဖော်ပြထားပါတယ်။
မြန်မာနိုင်ငံဘက်ခြမ်းမှ သတင်းများအရ လက်ရှိအချိန်တွင် ရေနစ်ပျောက်ဆုံးနေသူ ၉ ဦးရဲ့ရုပ်အလောင်းများ ပြန်လည်တွေ့ရှိထားပြီး ကျန်ရှိသူများ ဆက်လက်ရှာဖွေနေသည်ဟု သိရပါတယ်။
မဲခေါင်မြစ်က အရှည် ၄,၈၀ဝ ကီလိုမီတာ ရှိပြီး အရှေ့တောင်အာရှဒေသရဲ့ဗဟိုချက်မကို ဖြတ်ပြီးနိုင်ငံ ၆-ခုကို ဖြတ်သန်းစီးဆင်းနေသည့်မြစ်ဖြစ်ကာမြန်မာနိုင်ငံရဲ့ရှမ်းပြည်နယ်နှင့် လာအိုနိုင်ငံအကြားတွင် မဲခေါင်မြစ်က နယ်နိမိတ်အဖြစ် ကီလိုမီတာ ၂၃၄ အရှည် ဖြတ်သန်း စီးဆင်းနေကြောင်းသိရပါတယ်။

03/09/2024

ရုရှားသမ္မတပူတင် မွန်ဂိုလီးယားရောက်

2.9.2024
အပြည်ပြည်ဆိုင်ရာ ရာဇဝတ် တရားရုံး (အိုင်စီစီ) သည် ယမန်နှစ်က ရုရှားသမ္မတပူတင်ကို ဖမ်းဝရမ်းထုတ်ပြန်ခဲ့သည်။
ယခုအခါ အိုင်စီစီ အဖွဲ့ဝင်နိုင်ငံဖြစ်သည့် မွန်ဂိုလီးယားသို့ ရုရှားသမ္မတအလည်အပတ်ရောက်ရှိနေကြောင်းသိသော်လည်း ၎င်းကို မဖမ်းဆီးပေ။
ရုရှားမီဒီယာများ၌မူ မွန်ဂိုလီးယားနိုင်ငံ၏မြို့တော် အူလန်ဘာတာရှိလေယာဉ်ကွင်းသို့ဆင်းသက်လာသော သမ္မတပူတင်၏လေယာဉ် ကို ရိုက်ကူးဖော်ပြခဲ့ကြသည်။
သမ္မတပူတင်သည် တရုတ်နှင့်ရုရှား ကို ဆက်သွယ်ထားသည့် ဓါတ်ငွေ့ပိုက်လိုင်းအသစ်အရေး ကို အဓိကထားဆွေးနွေးရန် တနင်္လာနေ့က မွန်ဂိုလီးယားနိုင်ငံသို့ရောက်ရှိလာခြင်းဖြစ်ကြောင်းသိရှိရသည်။
အိုင်စီစီ အဖွဲ့ဝင်နိုင်ငံဖြစ်သည့် မွန်ဂိုလီးယားသို့ရောက်ရှိနေသော်လည်း သမ္မတပူတင်ကို နိုင်ငံတကာဖမ်းဝရမ်းဖြင့် မဖမ်းခြင်းသည် နိုင်ငံတကာရာဇဝတ်မှုဥပဒေစနစ်ကို ပြင်းထန်စွာထိုးနှက်ခြင်းပင်ဖြစ်ကြောင်း ယူကရိန်းနိုင်ငံခြားရေးဝန်ကြီးကပြောကြားခဲ့သည်။
ယမန်နှစ်ကမူ မွန်ဂိုလီးယားအပါအဝင် အပြည်ပြည်ဆိုင်ရာ ရာဇဝတ်တရားရုံးအဖွဲ့ဝင် ၁၂၄ နိုင်ငံသည် ရုရှားသမ္မတပူတင် ကို ဖမ်းဝရမ်းထုတ်ခဲ့ပြီး ၎င်းတို့နိုင်ငံထဲခြေချပါက ဖမ်းဆီးပြီး သည်ဟိခ်သို့လွှဲပြောင်းပေးရန်သဘောတူခဲ့ကြပြီး ဝရမ်းထုတ်ခဲ့ကြခြင်းဖြစ်သည်။
ယူကရိန်းသည် သမ္မတပူတင်၏ မွန်ဂိုလီးယားခရီးစဉ်အတွင်း ပူတင် ကို ဖမ်းဆီးရန်တိုက်တွန်းခဲ့သော်လည်း မွန်ဂိုလီးယားကမဖမ်းဆီးခြင်းကို ဝေဖန်ရှုံ့ချခဲ့သည်။
ခရမ်လင်ပြောရေးဆိုခွင့်ရှိသူ ဒီမစ်ထရီပက်ခ်စကော့ခ်ကမူ ရုရှားနှင့်မွန်ဂိုလီးယားသည် ကောင်းမွန်သောဆက်ဆံရေးများရှိပြီးဖြစ်၍ ဖမ်းဝရမ်းနှင့်ပတ်သက်၍ စိတ်ပူစရာမရှိကြောင်းပြောကြားခဲ့သည်။

03/09/2024

ဒီကနေ့နံနက်ပိုင်းမှာ မန္တလေးမြို့ လမ်း ၈၀ / ၁၁-၁၂ ကြားရှိ လူနေရပ်ကွက်အတွင်းကို အကြမ်းဖက် PDF များမှ ရှော့တိုက်ဒုံးနဲ့ အကြိမ်ပစ်ခတ်ခဲ့တယ်လို့ သိရပါတယ်။