https://www.facebook.com/101268891637542/

Bago Media Myanmar

Home
Myanmar
Bagan
Bago Media Myanmar

မင်္ဂလာပါ

16/11/2024

#ပဲခူးတန်ဆောင်တိုင်

Video

16/11/2024

အဝေးရောက် ပဲခူးသူ ပဲခူးသားများအတွက်
ပဲခူး တန်ဆောင်တိုင် လပြည့်ည အမှတ်တရ

အေးချမ်းပါစေ ပဲခူးမြို့လေးရေ ။

Photo Credit

08/11/2024

အသက်ဆုံးရှုံးသွားတဲ့ သူငယ်ချင်းအတွက်
မိသားစု၀င်တွေရော အားလုံးပါ ပူဆွေးနေကြတဲ့အချိန်ပါ
ကာယကံရှင်ရဲ့ အမက အကျဥ်းချုံး Post တင်ထားတယ်
ဒါပေမယ့် အဲ့ Post အောက်မှာ Source မေးတာတွေရော
Detailed ပြောပြပေးဖို့ မေးလာကြတော့ မိသားစု၀င်တွေ
နဲ့ အဲ့ခရီးမှာပါသွားတဲ့ သူငယ်ချင်းတစ်ယောက်ပြန်ပြောပြလို့ ကျနော် Speak Out လုပ်တာပါ

ဖြစ်စဥ်မပြောခင်မှာ ဒီ Hotel က Budget Place ဆိုတော့ လူငယ်တော်တော်များများ Comment မှာ
အချင်းချင်း Mention ခေါ်ထားတာတွေ
ခရီးသွား Page တစ်ခုက Review ပေးထားတာတွေ
တွေ့လို့ သတိပေးရတာပါ
အခုတော့ အဲ့ Hotel က Page ဖျက်သွားပါတယ်
Page ဖျက်ပေမယ့် Google Map မှာရှိပါသေးတယ်
Reviews ရေးလို့ရပါသေးတယ်
Reviews တွေကနောက်လူတွေဒါမျိုးမဖြစ်အောင်ပါ

https://www.google.com/maps/place/5VQM%2BWX7+Cheriland+River+House,+Unnamed+Road,+Nyaung-U,+Myanmar+(Burma)/@21.1897969,94.8849232,16z/data=!4m6!3m5!1s0x30b5e56c9704b37f:0xa84027ce940c4566!8m2!3d21.1897969!4d94.8849232!16s%2Fg%2F11h7lf3p29

ဖြစ်စဥ်က = ဘော်ဒါ ၇ယောက် ပုဂံကို ခရီးထွက်တယ်
ယောကျာ်းလေးတွေချည်းပဲ ၊ သောကြာညရောက်တယ်
စနေနေ့လဲ တစ်နေကုန် ဘုရားထွက်ဖူး လျှောက်လည်
ဟိုတယ်မှာပဲ ညပြန်အိပ်တယ် အကုန်မှာစားတယ်
ဘီယာဆိုလဲစည်လိုက်မှာပြီး အေးဆေးအနားယူကြတာပဲ
တနင်္ဂနွေလဲ တစ်နေကုန် လျှောက်လည်ပြီး
ညနေရောက်မှ Bluetooth Speaker ဖွင့်ပြီး
အဲ့ Hotel ၀န်းထဲက မြစ်ဘေးမှာ သောက်စားရင်း
Chill ကြမှာပေါ့အဲ့ Bluetooth ကိုတိုးပေးဖို့ လာပြောတော့
တိုးပေးပါတယ် ... မတိုးပေးခင် ဒီဘက်ကလဲ
သောက်ထားကြတော့ ကတောက်ကဆတော့
ဖြစ်ရင်ဖြစ်မှာပေါ့ဗျာ

ပြဿနာအဆင့်ထိတောင်မရောက်ပဲ ပြီးသွားခဲ့ပါတယ်တဲ့
လာပြောလို့ အဲ့ မြစ်ဘေးကနေ အခန်းထဲပြန်၀င်တဲ့အချိန်မှာပဲ လူ ၁၀ယောက် သံတုတ်တွေနဲ့ အကြောင်းပြချက်မရှိ
လိုက်ရို-က်တာပါ
၅ယောက်အခန်းထဲပြန်ကြတဲ့အချိန်ပါ
ကျနော့်သူငယ်ချင်းရဲ့ ဦးခေါင်းဓာတ်မှန်ကိုကြည့်"ပါ
လူတစ်ယောက်ရဲ့ ခေါင်းကို ပတ်ပတ်လည်ကွဲအောင်
ရို-က်သွားတာပါ
ကျန်တဲ့တစ်ယောက်က ၁၅ချက်ချုပ်ရပါတယ်
ကျန်တဲ့လူတွေက ၇ချက်က အောက်ထစ်ပါပဲတဲ့

မြစ်ဘေးမာကျန်ခဲ့တဲ့၂ယောက်က ပြန်၀င်လာတော့
အခန်းတံခါးဖွင့်ပေးပါ ကျနော်တို့သူငယ်ချင်းတွေ
ေ-သ မှာဆိုးလို့ တောင်းပန်တာကို မဖွင့်ပေးတဲ့အပြင်
သူတို့ကိုပါရိုက်ဆိုပီး လိုက်ရိုက်လို့ ထွက်ပြေးရင်း
ပုန်းရင်း ရဲစခန်းကိုအကြောင်းကြား ၊ ရဲပါလာမှ
ထုတ်လို့ရပါတယ်တဲ့ဗျာ

ဘာကြောင့် ဒီလောက်တောင်လုပ်ရက်ရတာလဲ
ေတွးလို့ကိုမရပါဘူးဗျာ
ကိုယ့်လူဘက်ပဲကာမေရးပါဘူးဗျာ
သီချင်းဖွင့်ပီး ဆိုတာမကြိုက်ရင်
နောက်ဆုံးဗျာ အဆင်မပြေရင် ရဲခေါ်ပြီး ခေါ်ထုတ်
ခိုင်းေပါ့ဗျာ
အခုလို လူသ-တ်ဖို့ထိ မလိုဘူးထင်တာပါပဲ
ပုံေတွက Comment မှာပါ

၀င်ရိုက်တာက ၀န်ထမ်းေတွနဲ့ အဲ့ကနယ်ခံ
လူအနည်းငယ်ပါပါတယ်တဲ့

EDIT - ခရီးက ကျနော်မပါပါဘူး
ကျနော်က Oversea မှာပါ
ကျနော့်သူငယ်ချင်းက သူ ကျောင်းတုန်းက ဘော်ဒါတွေနဲ့သွားတာပါ ... အခုဖြစ်ကြောင်းကုန်စင်ကိုလဲ
သူနဲ့အတူရိုက်ခံရတဲ့ တစ်ယောက်ပြောပြတာပါ
Negative Comment တွေတွေ့လို့ပါ
ကျနော် ကိုယ့်လူကိုလဲ ကာမရေးထားပါဘူး
ဘယ်လောက်ပဲ မူးနေပါစေဦး
သူတို့ရောင်းတဲ့ ဘီယာကိုသောက်ပြီး မူးနေတဲ့
Customer ပါ ... နောက်ဆုံးဗျာ ကြည့်မရရင်
၀တ္တရားနှောင့်ယှက်မှုနဲ့ ရဲခေါ်ဖမ်းခိုင်းလိုက်လဲရပါတယ်
စဥ်းစားတတ်ဖို့ပြောပြတာပါ ✌️

18/10/2024

အပိုင်း(၁)

နောက်ဆုံးနှစ်ကျောင်းသားတယောက်နဲ့ တခြားကျောင်းက ကျောင်းသူ တယောက်တို့ မေတ္တာမျှကြတယ်
တက္ကသိုလ်နယ်မြေမှာ တနှစ်တာကာလအတွင်း အရမ်းချစ်ခဲ့ကြတယ်။

ကျောင်းပြီးလို့ တနယ်စီခွဲရလည်း သစ္စာတွေရှိခဲ့ကြတယ်
မိန်းကလေးက သူ့နားချဉ်းကပ်သူ အမျိုးသားမှန်သမျှကိုငြင်းတယ်
ယောကျ်ားလေးက သူနဲ့ဆက်နွယ်ရသူ အမျိုးသမီးမှန်သမျှပေါ်မှာ စည်းစောင့်တယ်။

တနှစ် နှစ်နှစ်နေမှ တရက် နှစ်ရက်တွေ့ရပေမယ့် အဲ့တွေ့ဆုံချိန်ရက်ကလေးမှာ ကြည်နူးဖို့ ကျန်တဲ့ရက်တွေကို အချင်းချင်း ဖေးမဖြတ်သန်းခဲ့ကြတယ်။

ဘာမှမပြည့်စုံ ပုံစံမပေါ်သေးတဲ့ သုညဘဝ ကောင်လေးကို ဘေးကနေ ခွန်အားတွေပေးရင်း ကိုယ့်ခြေထောက်ပေါ် အမှီအခိုမဲ့ရပ်တည်နိုင်တဲ့ အရည်အချင်းရှိသူတယောက် ဖြစ်လာစေခဲ့တယ်။

၁၀ နှစ်ကျော် ကာလအထိ
ခေတ်မျိုးစုံ ပြဿနာမျိုးစုံ အခက်အခဲမျိုးစုံကို
အဝေးကနေရော အနားရောက်လာပြီးတော့ရော
အတူတူရင်ဆိုင်ကျော်လွှားခဲ့ကြတယ်
ကောင်မလေးမွေးနေ့နဲ့ ချစ်သူနှစ်ပတ်လည်နေ့တိုင်း
ကောင်လေးဟာ အမှတ်တရကဗျာလေးတွေ နှစ်တိုင်းရေးခဲ့တယ်။

ကောင်လေးက အိမ်မှာအကြီးဆုံးမို့
ပညာမပြည့်စုံသေးတဲ့ ညီ ညီမတွေ အတုယူလမ်းမလွဲအောင်
ချစ်သူနဲ့ကြည်နူးစွာပြောဆိုဆက်ဆံမှုတွေ ဆင်ခြင်ခဲ့ရတယ်
မိဘတွေအမြင်မှာ ကျောင်းပြီးပြီးချင်း အိမ်ထောင်ရေးကို စိတ်ဝင်စားနေတယ်ဆိုပြီး အားငယ်မသွားအောင် ချစ်သူရှိကြောင်း အသိမခံခဲ့ဘူး။

ကောင်လေးရဲ့ အလုပ်သဘောအရ ကောင်မလေးကို အချိန်သိပ်ပေးလို့မရဘူး
ဒါပေမယ့် အများအကျိုးတွေလုပ်ရင်း ကိုယ့်ရဲ့ရှေ့ရေးအတွက်ပါ ကြိုးစားရှာဖွေခဲ့တယ်
၂၆ နှစ်မှာတော့ အသက် ၃၀ မပြည့်ခင် အိမ်ထောင်ပြုဖို့ မင်္ဂလာစရိတ်အဖြစ် ကောင်လေးဟာ တရက်ကို ၁သောင်းနှုန်း သပ်သပ်ခွဲပြီး ငွေစစုဆောင်းခဲ့တယ်
ရည်မှန်းထားသမျှ အိမ်မက်တွေအပြည့်နဲ့ပေါ့။

အပိုင်း(၂)

ခေတ်ဆိုးကာလကြီးနဲ့ကြုံရတာ ၃နှစ်ကျော်လာပြီ
ကောင်လေးမှာ
ကိုယ်ပိုင်တိုက်အိမ်ရှိလာပြီ
စုဆောင်းငွေရှိလာပြီ
အသက်က ၂၉ နှစ်ကျော်လာခဲ့ကြပြီ။

ကောင်မလေးက ဆုံချင်ပေမယ့်
ကောင်လေးက ခေတ်အခြေအနေအရ
လပိုင်းလောက်် အချိန်ထပ်စောင့်ချင်နေတယ်
ဒါပေမယ့်
အခြေအနေသင့်တာတချို့ ကြုံလာတဲ့တနေ့တော့
ကောင်မလေးက ကောင်လေးဇာတိအိမ်ကို
ပထမဆုံး အလည်ရောက်လာခဲ့တယ်
သူ့မိဘတွေကို ကြိုအသိပေးရင် မလွှတ်မှာစိုးလို့
ကောင်လေးဆီရောက်မှ သိစေခဲ့တယ်။

အလည်ရောက်ပြီး သုံးရက်မြောက်ပေါ့
ညနေခင်းမှာ ကောင်မလေးလက်တံခါးညှပ်ပြီး
လက်သည်းခွံလေးအက်သွားတယ်
အားကိုးတကြီး သူ့ကောင်လေး ဆေးခန်းထဲ လာပြတယ်
လက်လေးဖွဖွလေးကိုင်ပြီး ဆေးစည်းပေးတော့
ကောင်မလေး အရမ်းပျော်ခဲ့တယ်
ကောင်လေးက အဲ့ပုံကို ဓါတ်ပုံလေးရိုက်လိုက်တယ်
ဒါက အသက်ရှင်စဉ်နောက်ဆုံးပုံဖြစ်သွားတယ်။

အဲ့သည် ညဦးပိုင်း ၈နာရီကျော်အချိန်
အပေါ်ထပ်မှာ ကောင်လေးရေချိုးခန်းဝင်တော့ ရေချိုးပြီးစားရအောင် ကောင်မလေးက အောက်ထပ်မှာ ပန်းသီးသွားလှီးနေတယ်
ရေချိုးခန်းထဲ ဝင်ခါစ ကောင်လေးဟာ မူမမှန်တဲ့လေယာဉ်အင်ဂျင်စက်သံကို ကြားလိုက်ရတယ်
တခဏချင်း ကောင်မလေးအမည်ခေါ်ရင်း နေရာယူဝပ်ဖို့အော်ရင်း အောက်ကို ဆင်းပြေးလာခဲ့တယ်။

အင်္ကျီတောင် ပြန်မဝတ်နိုင်တဲ့ကောင်လေး
အောက်ဆုံးထစ်လှေကားထစ်အရောက်မှာ
ပေါက်ကွဲသံကြီး ဝုန်းခနဲ ကြားရတယ်
ကောင်လေးဟာ လှေကားထောင့်ကို ကပ်ထိုင်ချလိုက်ပြီး ခါးကုန်း ခန္ဓာကိုယ်ကိုကြုံ့ နံရံထောင့်ချိုးဘက် မျက်နှာနဲ့ခေါင်းကိုလက်နဲ့အုပ် ထားလိုက်တယ်။

၅စက္ကန့်လောက်ကြာတဲ့အခါ အိမ်ရှိလူနာမည်တွေ ခေါ်တယ် အကုန်ထူးကြပေမယ့် ကောင်မလေးနာမည်ခေါ်တဲ့အခါ ထူးသံမကြားရတော့ဘူး
အင်္ဂတေမှုန့်တွေ ဝဲပျံနေတဲ့ အိမ်အောက်ထပ်ထဲကောင်မလေးကို လိုက်ရှာတယ်
ခပ်လှမ်းလှမ်းမှာ ပက်လက်လှန်လဲနေတဲ့ ကောင်မလေးကိုတွေ့လိုက်ရတယ်
မျက်နှာခေါင်းမှာ ဘာဒဏ်ရာမှမတွေ့လို့ သာမန်သတိလစ်တယ်ထင်ပြီး သွားပွေ့တယ်
ကောင်လေးလက်ဟာ ကောင်မလေးခါးထဲ နစ်ဝင်သွားတယ်
အဲ့တော့မှ ခါးအောက်ကနေစီးကျနေတဲ့သွေးတွေကို မြင်လိုက်ရတယ်
ကောင်မလေးကို သွေးတိတ်စေဖို့ ပုဆိုးကွင်းနဲ့ ခါးဒဏ်ရာကို စည်းနှောင်လိုက်တယ်
သတိရအောင် နှိုးလိုက်တယ်
လှေကားအောက် ထောင့်ခန်းလေးထဲ နေရာရွှေ့တယ်
အမှုန်တွေ အပျက်အစီးတွေကြား သူ့ဆေးအိတ်တွေရှာတယ်
ကောင်လေးဟာ သူရတဲ့ဒဏ်ရာကို လစ်လျူရှုပြီး ကောင်မလေးအသက်ကိုကယ်ဖို့
အထွေထွေကိုစမ်းသပ်ပြီး ဆေးပုလင်း ၂ လုံးတပြိုင်နက်ချိတ်တယ်
ကူညီကယ်ဆယ်သူတွေ ခဏနေရောက်လာတယ်။

ဆလပ်အမိုး ၂ထပ်ထိကို ဖောက်ဝင်လာတဲ့ ဒီအစအနတွေက အိမ်အောက်ဆုံးထပ်က ကောင်မလေးခါးကိုအရေပြားတွေ စုတ်ပြတ်ပြီး အပေါက်ကြီးဖြစ်သွားစေတယ်
သွေးထွက်ဒဏ်ရာကိုထိန်း ဆေးတွေချိတ်ပြီးတော့ ကောင်မလေးကို ပြတ်ထွက်လာတဲ့ တံခါးရွက်တခုပေါ်ငြိမ်အောင်တင်တယ်
ကားစီစဉ်တယ် သွေးထွက်ပိုများလာရင် သွေးသွင်းဖို့ နေရာနဲ့ သွေးလှူရှင်လူတွေပြင်ခိုင်းလိုက်တယ်။

အန္တရာယ်ရှိတဲ့ ဒီနေရာကနေ မိနစ် ၂၀ အတွင်း ခွါတယ် အရေးပေါ်ကားနဲ့ ၈မိုင်ဝေးတဲ့ ရွာက ဆေးခန်းတခုကို သွားတယ်
လမ်းကားပေါ်မှာ ကောင်မလေးဟာ ကောင်လေးလက်ကို တင်းတင်းကိုင်ရင်း မျက်ရည်မကျပဲ ဝေဒနာကို အန်တုတယ်
ရေဆာလို့တောင်းတဲ့ ကောင်မလေးကို ဆေးထိုးပြွန်နဲ့ ရေစက်ချပေးရင်း ကောင်လေးဟာ သတိကပ်တဲ့စိတ်နဲ့ အားပေးတယ်
ဆံပင်လေးတွေသပ်ပေး မျက်နှာလေးပွတ်ပေး နားနားစကားကပ်အားပေးစကားပြောတယ်
လမ်းကြမ်းကြမ်း ဖုန်လုံးလုံးပေါ်မှာ ကောင်မလေးဟာ
ဝေဒနာကို သည်းခံလိုက် သူ့လက်ကိုကိုင်ထားတဲ့ကောင်လေးကို ခပ်မှေးမှေးကြည့်လိုက်နဲ့။

ဆေးခန်းနေရာကိုရောက်တော့ အောက်စီဂျင်ဘူးပြင်ပြီး ပေးတယ်
ကောင်မလေး သွေးထွက်လွန်လက္ခဏာတွေ စပြနေပြီ
အဲ့မှာရှိတဲ့ ဆရာတယောက်အကူနဲ့
သွေးပုလင်းနဲ့ တခြားအားဆေးတွေချိတ်ဖို့ပြင်တယ် ခြေလက် လေးဘက်လေးတန် အပ်တွေစိုက်တယ်
ကောင်မလေး ဝေဒနာသည်းလာပြီ
ကောင်လေးက အပ်စိုက်နေရင်း ရပ်ပြီး ကောင်မလေး သတိရနေတုန်းလေး မျက်နှာနားထိုင်လိုက်တယ်
ပွတ်သပ်ပြီးတဲ့နောက်မှာ နောက်ဆုံးအချိန်တွေဆိုတာ ခံစားသိရှိလိုက်ရတယ်။

သွေးတွေရဲနေတဲ့ ဆရာကောင်လေးတယောက်က
သွေးထွက်လွန်နေတဲ့ သူ့လူနာကောင်မလေးရဲ့နောက်ဆုံးမိနစ်လေးတွေကို ရင်ကွဲစွာ နှုတ်ဆက်နေခဲ့ရပါပြီ
ရုပ်ရှင်ဇာတ်ကားနဲ့ မတူတာက
ဝေဒနာသည်းခဲ့တဲ့ ကောင်မလေးလည်း မျက်ရည်မကျခဲ့ဘူး
ရင်တွေအစိတ်စိတ်ကွဲနေခဲ့ရတဲ့ ကောင်လေးလည်း မျက်ရည်မကျခဲ့ဘူး
၉နာရီခွဲ ဝန်းကျင်မှာ ကောင်လေး လက်ထဲနဲ့ ရှေ့မှောက်မှာပဲ ကောင်မလေး ဆုံးခဲ့ပြီ။
၁၅.၁၀.၂၀၂၄ ရက်နေ့ညဆိုးကြီးပေါ့။

ဘယ်လိုဇာတ်လမ်းမျိုးလဲ
ဒီဇာတ်လမ်းမှာ ကိုယ်က ဇာတ်လိုက်လား
ရင်နင့်အောင် ဘာလို့လုပ်တာလဲ
ဒီဇာတ်လမ်းကို ဘယ်သူက ဘာလို့ ဒီလိုရေးတာလဲ
ဇာတ်ရှိန်ကို အမြင့်ဆုံးထိတင်ပေးလိုက်ပြီးမှ ဘာလို့ဆွဲချပစ်လိုက်ရတာလဲ။
မေးခွန်းတွေ အဖြေမရခင်မှာ
တခန်းရပ်ကားလိပ်တခုကတော့ ချသွားခဲ့ပြီမလား။

အပြန်ကားရဲ့နောက်ခန်းမှာ ကောင်မလေးရုပ်ခန္ဓာကိုယ်ကို ပွေ့ဖက်အနမ်းပေးပြီး ကောင်လေးက အပြီးသပ် နှုတ်ဆက်ခဲ့တယ်။
အဲ့သည်ညမှပဲ ကောင်လေးဟာ မိဘ၂ပါးကို ညတွင်းချင်း ရှိခိုးပြီး သာသနာ့ဘောင်ဝင်ခွင့်တောင်းတယ်
ညီနဲ့ ညီမဖြစ်သူကို အိမ်နဲ့မိဘတွေကို စောင့်ရှောက်ဖို့ တာဝန်လွှဲပေးခဲ့တယ်။

ညနက်ပိုင်းမှာ မိုးတွေခြိမ်းပြီး မိုးတွေအရမ်းသည်းခဲ့တယ်။
ကောင်မလေးရုပ်ကလာပ်ကိုကြည့်ရင်း ဒီရာသီဥတုကို အချိန်နည်းနည်းရှေ့ရွှေ့လိုက်လို့ လေယာဉ်မလာနိုင်ရင် လေယာဉ်ဗုံးဟာ အိမ်ပေါ်တည့်တည့်မကျတော့ဘူးလို့ ကောင်လေးက မချိတင်ကဲဖြစ်တယ်။

မနက်ပိုင်းရောက်တော့ အနီးဆုံးဘုန်းကြီးကျောင်းမှာ
ကောင်လေးက ကိုရင်ကြီးသွားဝတ်တယ်
ကောင်မလေးနာရေးကို ကိုရင်ကြီးဘဝနဲ့ ကြည့်ရှုနှုတ်ဆက်တယ်
သုဿန်နေရာထိ လိုက်ပို့တယ်။

ဇာတ်လမ်းက ပြီးသွားတာလား
ဒါမှမဟုတ် အလယ်ပိုင်းလား
ဒါမှမဟုတ် ပြန်စတာလား။
မသိဘူး
ကံဇာတ်ဆရာက ဘာမှကြိုမပြောတဲ့အတွက် မသိရဘူး။
အကောင်းဆုံးကပြဖျော်ဖြေသွားဖို့ကသာ ကိုယ့်အလုပ်ပါပဲ။

လူ့ဘဝပိုင်ဆိုင်မှုတွေကို စွန့်လွှတ်ခဲ့တဲ့ ကျန်ရစ်ခဲ့သူ ကိုရင်ကြီး တဖြစ်လဲ ကောင်လေးကတော့ အပေါ်ကမေးခွန်းတွေရဲ့အဖြေတွေကို သိရဖို့ နောက်ထပ် ဇာတ်ဝင်ခန်းတခုစီ တရွေ့ရွေ့နဲ့ ။ ။

17/10/2024

လွန်ခဲ့တဲ့နှစ်ပေါင်း ၄၈နှစ်လောက်က မြင်းခြံကပြောင်းပြာချောင်းရေကြီးခဲ့ပြီး တိုက်တွေ အိမ်တွေ မိသားစုလိုက်တွေ ရေမျောခဲ့တာ အသက် ၆၀တန်းတွေသိခဲ့ကြမှာပါ။

အခုလဲ သတိထားရတော့မည့်အခြအနေပါ၊
ပြောင်းပြာဆည်ရဲ့ ဆည်ဘောင်အမြင့်က အခုညတိုင်းတာကြည့်ရာမှာ ပင်လယ်ရေမျက်နှာပြင်အမြင့် ၀ ပေဖြစ်တဲ့ ကျိုက္ခမီမြို့အထက် ပေ ၅၄၃ ပေမြင့်ပါတယ်၊ မဟာရွှေသိမ်တော်ဘုရားကဆည်ထဲမှာရှိပြီး ဘုရားကြမ်းပြင်က အမြင့်ပေ ၅၄၂ ပေမြင့်ပါတယ်၊ အခုဒီနေ့ဘုရားထဲရေဝင်နေပါပြီ၊ အောက်ဆည်လို့ခေါ်တဲ့သူစိုးဆည်က ၅၄၀ပေမြင့်ပါတယ်၊

ပုံတွေအရ ပြောင်းပြာဆည်ရေပြည့်လျံနေတာ ငြင်းမရပါဘူး။ ကျနော်လေ့လာကြည့်သလောက် ရေပိုလွှဲပေါက်က ရေထွက်မထွက် မသိရသေးပါဘူး၊ ရာသီဥတုအခြေအနေအရ အညာက ပြောင်းပြာဆည်ရေဝေဒေသတွေ မိုးဆက်လက်အရမ်းများနေတာတွေ့သလို စုစုစံကလဲ ထောက်ခံနေတဲ့အတွက် ရေဆက်ပြီးတိုးဝင်နေအုံးမှာဖြစ်ပါတယ်၊ မနိုင်ရင် လွန်ခဲ့တဲ့နှစ်ပေါင်း ၄၈နှစ်လောက်ကလို ရေတွေအတင်းဖေါက်ချခဲ့ရင် စိုးရိမ်စရာပါ၊ မြင်းခြံပြောင်းပြာတံတားအောက်ကချောင်းက ပင်လယ်ထက် အမြင့်ပေ ၂၂၉ ပေဘဲရှိတာပါ။

မိုးကမပြိုပါဘူး၊ပြိုခဲ့ရင်လဲ ဘယ်သူ့ကိုမှ အသိမပေးတာထုံးစံပါ။ မိမိကိုယ်သာကိုးကွယ်ရာပါ။

Credit

17/10/2024

ရွှေမော်ဓောစေတီတော်မြတ်ကြီး
သီတင်းကျွတ်လပြည့်နေ့ နံနက်ခင်းမြင်ကွင်း

၁၇.၁၀.၂၀၂၄

Credit

15/10/2024

ပဲခူးမြို့ သီတင်းကျွတ် မီးထွန်းပွဲတော်

Credit

15/10/2024

အေးချမ်းပါစေ ပဲခူးမြို့ကြီးရေ

13.10.2024 7:00 pm

Credit BagoThu

07/10/2024

ဒေါက်တာဇော်မြင့်မောင် ကွယ်လွန်ပြီ

ကျန်းမာရေးအခြေအနေဆိုးဝါးလာတာကြောင့် လွတ်ငြိမ်းသက်သာခွင့်နဲ့ပြန်လွှတ်ပေးလိုက်ပြီးနောက် NLD အစိုးရလက်ထက်က မန္တလေးတိုင်းဝန်ကြီးချုပ်
ဒေါက်တာ ဇော်မြင့်မောင်ဟာ မြန်မာစံတော်ချိန်နံနက်
၃ နာရီမှာ ကွယ်လွန်သွားပါပြီ။

-

06/10/2024

ဘယ်တော့မှ ဖြစ်လာမှာ မဟုတ်ဘူးလို့ထင်တဲ့
စပိန်ကရထားနဲ့ မြန်မာကလှေကားတောင်
ပဲခူးဘူတာမှာ ဆုံကြပြီတဲ့

မင်း နဲ့ သူရော 😁🤣

02/10/2024

ရန်ကုန်-ပဲခူး-ရန်ကုန်ခရီးစဉ်အား (၂-၁၀-၂၀၂၄) မှစ၍ Aircon ပါ Diesel Electric Multiple Units DEMUs
တွဲဆိုင်းဖြင့် ပထမဆုံး စတင် ပြေးဆွဲမည် ။
-

30/09/2024

ရေတွေက တကျော့ပြန် လာလိမ့်မယ် ထင်

ရေဘေးဒုက္ခမှ လွတ်ကင်းကြပါစေ
-

27/09/2024

အကောင်းဆုံးကြိုးစားခဲ့ပေမယ့် တာခဲရုကို ရှုံးခဲ့တဲ့ သန့်ဇင်
___________________________________________________
သန့်ဇင်နဲ့ တာခဲရုတို့ပွဲကတော့ ပြီးသွားပါပြီ။
ပထမအချီမှာ သန့်ဇင်က သတိကြီးကြီးထား ချဉ်းကပ်ပြီး အမှားမရှိအောင် ကစားကာ လက်သီးခပ်ပြင်းပြင်းထိုးချက်တွေနဲ့ တာခဲရုကို ပစ်လဲကျသွားအောင် ထိုးနိုင်ခဲ့ပါတယ်။ တာခဲရု အငိုက်မိသွားခဲ့ပြီး သန့်ဇင်ကို
အထင်မသေးရဲတော့ဘဲ သတိထား ထိုးသွားရပါတယ်။
ပထမအချီမှာ တာခဲရုကို ထိုးလှဲခဲ့တဲ့ သန့်ဇင်ဟာ ဒုတိယအချီမှာတော့ ပြတ်ပြတ်သားသားကို အရေးနိမ့်သွားခဲ့ပါတယ်။ ဝါနဲ့ သမ္ဘာကွာဟတာက စကားပြောသွားခဲ့ပြီး
သန့်ဇင်ကို တာခဲရုက ဒုတိယအချီမှာ ဆက်တိုက်ကို အပေါ်စီးကနေ အထိနာအောင် ထိုးသွားနိုင်ပါတယ်။
ခြေကန်ချက်တွေ၊ လက်သီးထိုးချက်တွေနဲ့ အလဲထိုးသွားတာဖြစ်ပြီး သန့်ဇင် ဘယ်လိုမှကို မတုံ့ပြန်နိုင်ခဲ့တော့တာပါ။ သန့်ဇင် မာကျောခဲ့တယ်ဆိုပေမယ့် ဆက်တိုက်ထိုးခံရချိန်မှာတော့ သူ တောင့်မခံနိုင်တော့ဘဲ
အရှုံးပေးသွားခဲ့ရပါတယ်။

onechampionship

23/09/2024

ဂေါတမ ဗုဒ္ဓက တကယ့် philosopherကြီး

လက်တွေ့အရမ်းကျတယ်....

ယနေ့ခေတ်ထိ ဗုဒ္ဓရဲ့နည်းတွေက

အသုံးဝင်နေတုန်း...

"မင်္ဂလသုတ်ကို ခေတ်သစ်အမြင်ဖြင့် ကြည့်ခြင်း''

ထူးတော့ ထူးဆန်းတယ်။ တော်တော့်ကို ထူးခြားနေတယ်။
မြတ်ဗုဒ္ဓရဲ့ အနှိုင်းမဲ့ ဉာဏ်ပညာ

ကျွန်တော်နားလည်တာနဲ့ တစ်ခြားသူတွေနားလည်ကြတာနဲ့ တူသလား ၊မတူသလား မပြောတတ်ပါ။
ဒီမင်္ဂလသုတ္တန်ဆိုတာ လူသားတစ်ယောက်အနေနဲ့ အခြေခံအကျဆုံး လိုက်နာသင့်တာတွေကို ဟောကြားထားတာ။ Basic စစ်စစ်ကြီးပါ။

ဟိုတစ်နေ့က ကျွန်တော်လေးစားရတဲ့ လေးလေးတစ်ယောက်နဲ့ တရားစကားတွေ ဆွေးနွေးကြတယ်။
စိတ်တွေတော်တော် အေးချမ်းခဲ့ရပါတယ်။
လေးလေးနဲ့ဆွေးနွေးကြတော့ မင်္ဂလသုတ္တန်အကြောင်းရောက်သွားရော။
ခံယူချက်၊ ခံစားချက်တွေကို ချရေးကြည့်မိပါတယ်။

ကလေးတောင် အလွတ်ရတဲ့ ဒီ သုံးဆယ့်ရှစ်ဖြာမင်္ဂလာကို ဘာတွေများ လာထူးနေတာတုန်း ?????

ဒီသုတ္တန်လေ့လာတော့ ဗုဒ္ဓမြတ်စွာရဲ့ ဧရာမ မဟာဉာဏ်တော်ကို ပိုပြီး ကြည်ညိုရရောဗျာ။
ဘာတွေတုန်း ?????

ဟောထားတာက ဆယ်ဂါထာတည်းရယ်။
ပုဒ်ကအစ သူ့အစုနဲ့သူ။
ထူးတာက အစဉ်တကျကို ဟောထားတာ။
မယုံရင် ရှေ့နောက်ပြောင်းကြည့်။
ဘယ်လိုမှ ဆက်စပ်လို့မရတာနဲ့ ဂွမ်းသွားမယ်။😱😱😱
ဒီလောက်ထိတောင် သေသပ်ပြီး သူ့အစု၊ သူ့ဂါထာနဲ့သူဟောကြားထားတာ ရက်စက်တယ်။🥰🥰🥰

ကမ္ဘာပေါ်မှာရေးသမျှ တက်ကျမ်းတွေ ဖတ်ပြီး IDOL တွေ ကြိုက်သလောက်ထား။ဘယ် motivator တွေက ဘာပြောပြော ???
နောက်ဆုံး ဒီထဲကကို မလွတ်ဘူး။
ဟုတ်မဟုတ် လေ့လာကြည့်ကြပါ။
လူသားတစ်ယောက်အနေနဲ့ လူ့ဘဝမှာ အအောင်မြင်ဆုံးဖြစ်အောင် ဟောပြပေးထားတာ ကျေးဇူး အနန္တပါ အရှင်ဘုရား 🙏🙏🙏

ဒီသုတ္တန်ကို မြတ်ဗုဒ္ဓဟောကြားခဲ့တဲ့နေရာက သာဝတ္ထိမြို့ ဇေတဝန်ကျောင်း။
ဘုရားရှင်ဘေးမှာ ရှင်အာနန္ဒာရှိနေတယ်။
ပထမသင်္ဂါယနာတင်ကြတော့ ရှင်မဟာကဿပရဲ့အမေးကို ရှင်အာနန္ဒာထေရ်က ဒီလိုကြားမိပါတယ်ဘုရားဆိုပြီး မှတ်တမ်းဝင်စေပါတယ်။
ဒီလိုနဲ့ ခုဒ္ဒကနိကာယ်၊သုတ္တနိပါတ်မှာ တရားဝင်ပါလာရခြင်းဖြစ်ပါတယ်။
ဆယ်ဂါထာရှိပါတယ်။

ဘယ်သူမှန်းမသိ မထင်မရှားနတ်သားက လာတောင်းပန်လို့ ဟောကြားတယ်ပြောလိုက်။
သန်းခေါင်ယံမှာဟောတယ်ဆို ညစဉ်အဲဒီအချိန်မှာတာဝတိံသာကနတ်တွေ ပါမစ်ကျလို့ အပူဇော်ခံတယ်ပြောကြတော့ ဟောဖို့ လာတောင်းပန်တာက ဣန္ဒသက္က သိကြားမင်းလို့ ဆိုလိုဆို။
ကောလဟာလ ငါးပါးမှာ ဒီမင်္ဂလာတရားဟောမယ်ဟေ့ဆိုပြီး သတင်းကြိုပေါက်တာ ၁၂ နှစ်ဆိုပြီး ရေးလိုရေး။

ချဲ့ချင်သလိုချဲ့ကားထားတဲ့ ဒီ myth တွေကို မရှင်းပြချင်ပါ။
ဘာကြောင့်ဟောဟော ဘယ်သူ့ကိုဟောဟော ၊ ဟောတာက ဟောခဲ့ပြီးပြီ။

အဓိက အနှစ်သာရ essence က ဘာကိုဆိုလိုတယ်ဆိုတာကိုပဲ ကြည်ညိုရအောင်လားဗျာ။ 🙏🙏🙏

မင်္ဂလာဆိုတာ ................
အပြင်မှာ လူတွေပြောကြသလို သာယာနာပျော်ဖွယ်ကောင်းတာတွေမှန်သမျှက မင်္ဂလာတွေလား ???
ကလေးပုခက်တင်ကစလို့ ဟိုဘွဲ့ ဒီဘွဲ့တွေရတာ မင်္ဂလာလား ???
မင်္ဂလာဆောင်တာ မင်္ဂလာလား ???

တစ်ခုမှ မဟုတ်ဘူး 🙌🙌🙌

လူသားတစ်ယောက်က ဘာကို အလိုချင်ဆုံးလဲ ???
ဘာ အဖြစ်ချင်ဆုံးလဲ ???
ဒါတွေမက ဘာဖြစ်သင့်ဆုံးလဲ ???
ဒါတွေကို မေးရမှာ !!!

အိပ် ၊ စား ၊ ကာမ အတွက် ရှင်သန်ဖို့ ကြိုးပမ်းကြရင်း လောဘ၊ဒေါသ၊ မောဟတွေမှာ နစ်လို့ ၊ နောက်ဆုံး သေကြ ၊ပျက်စီးကြတဲ့ လောကမှာ လူသားပီသအောင် ဘယ်လို ရတဲ့အခွင့်အရေးတွေနဲ့ ဘာတွေ အောင်မြင်အောင် လုပ်ရမလဲ ဆိုတာကမှ တကယ့်ဘဝပဲ ။

ဒါကို သွန်သင်တာ။စနစ်တကျနဲ့။

ကလေးဘဝ မှာ ဘယ်လိုနေတို့၊ လူကြီးဘဝမှာ ဘာလုပ်တို့ ၊ ဘယ်အရွယ်မှာ ဘာတို့၊ အဲလိုပုံစံနဲ့တော့ ဟောထားဟန်မတူ။
လူသားတစ်ယောက် အောင်မြင်ဖြစ်ထွန်းအောင် ဘာက စလုပ်ဆိုပြီး ဟောတော့တာ။
နိဿယျလို မရေးတော့ဘူးဗျာ။
တစ်ခုချင်းပဲ အကြမ်းဖျင်းသွားမယ်။

လာလာချင်း ဆောက်နဲ့ထွင်းပဲ။

နံပါတ် ၁ က အသေဝနာစ ဗာလာနံ တဲ့။
လူတိုင်း ကြားဖူးကြပါလိမ့်မယ်။

what is လူမိုက်စစ်စစ် ???
မိမိအကျိုး ၊ လောကအကျိုးကို စိတ်နဲ့ရော၊ ပါးစပ်နဲ့ရော၊ ကာယကံမြောက်ရော ဖျက်ဆီးသူဟာ လူမိုက်ပဲ။

ဘာဖြစ်လို့ ဒီ လူမိုက်ဆိုတဲ့ ဂျလေဘီတွေနဲ့ မှီဝဲဆည်းကပ်ဖို့ဆိုတာ ဝေလာဝေး၊ မပေါင်းနဲ့ လို့ အရင်ဆုံးပြောတာတုန်း။ ?????

ကိုယ် ဉာဏ်ရှိရင်၊လိမ္မာရင် ရပြီလေ !!!
NO ပါ။
မင်းဟာမင်း ဘယ်လောက်ထိန်းနိုင်တယ်ပြောပြော ၊ ကုန်ကုန်ပြောရရင် အပေါင်းအသင်းမှားနေတာတောင် ကိုယ်က မပျက်စီးဘူးပဲ ပြောပြော ၊ လူတွေအမြင်မှာကိုက ဒီပုတ်ထဲကဒီပဲ လို့ပဲ သတ်မှတ်တာ။
ဒီတော့ အရင်ဆုံး ဒါတွေရှောင်ပါ၊ သေတောင် မဆင်းရဲဘူး။

နံပါတ် ၂ ရောက်ပြီ။
ရှောင်စရာ ရှောင်ရုံပဲလား ???
ပဏ္ဌိတာနဉ္စသေဝနာ
လူကောင်း သူကောင်းတွေနဲ့ ပေါင်းပါတဲ့။
လူတော်ကိုပြောတာ မဟုတ်ဘူး။

လူတော်က သင်ယူလေ့ကျင့်ရင် ဖြစ်နိုင်တယ်၊
စိတ်အခံကောင်းရှိတဲ့ လူကောင်းကမှ အဓိက။
ဆရာတော် ဦးဇနက ဆုံးမခဲ့တယ်။
မဟာဂန္ဓာရုံရောက်ဖူးသူတိုင်း သိမှာပါ။
စိတ်ကောင်းရှိဖို့က ပထမ ပဲတဲ့ ၊ ကျန်တာက နောက်မှ ။🙏🙏🙏
ဒီလိုလူတွေနဲ့ပေါင်း။
အလကားနေရင်းကို တိုးတက်တဲ့ လမ်းစ ရလာလိမ့်မယ်။

၃. က ဘာလဲ ???
ပူဇာစ ပူဇေနယ်ာနံ
ပူဇော်ထိုက်သူတို့ကို ပူဇော်ပါတဲ့၊
ပေါင်းသင်းနည်းကို ပြောနေတာ။
မုန့်ပုံးနဲ့ ဂါတာကိုပြောတာမဟုတ်ဘူး။

အမွှေးတိုင်၊ ဖယောင်းတိုင်ထွန်းခိုင်းတာ မဟုတ်ဘူး။
လူကြီးသူမ၊ လူကောင်းသူကောင်းတွေကို နှုတ်အားဖြင့်၊ စိတ်အားဖြင့်၊ ကိုယ်အားဖြင့် တတ်နိုင်သမျှ သူတို့ကောင်းကျိုးကို ဆောင်ရွက်ပေးတာ ပူဇော်တာပဲ။
မခင်မင်မရင်းနှီးသေးတဲ့ လူကောင်းသူကောင်းတွေကို ဒီလို ချဉ်းကပ်ခိုင်းတာ။
ဘယ်တော့မှ မမှားဘူး။

မင်း ဒါတင်ရပြီလား ???
ချမ်းသာပြီလား ???
မရသေးရင်
နံပါတ် ၄ - ပတိရူပ ဒေသဝါသောစ
သင့်တော်ရာ ပြောင်းသာနေတဲ့။
ရပ်ပြစ်ရှစ်ပါးတို့ ဘာတို့ကို ထားဦး၊
မင်း သင့်တော်ရာမှာ မနေရင် ဘယ်တော့မှ မအောင်မြင်နိုင်ဘူးတဲ့။
သွေးထွက်အောင် မှန်လိုက်လေ။
မင်းနဲ့ ကိုက်ညီတဲ့ ပတ်ဝန်းကျင်ကောင်းရှိရာမှာ နေမှ မင်း အောင်မြင်လိမ့်မယ်တဲ့ဗျာ။
ဒက်ထိကို ဟောတာ 🙏🙏🙏

၅. ကေရာ ???
ပုဗ္ဗေစ ကတပုညတာ
အရင်တုန်းက လုပ်ခဲ့ဖူးတဲ့ ကောင်းရာကောင်းကျိုးလေးရော ရှိပါစေတဲ့၊
နေရာပြောင်းနေရင်တောင် ကောင်းသတင်း ဂုဏ်ချင်းဆောင်လာမယ်၊
ကောင်းတာတွေ လုပ်ဖူးခဲ့တော့ ဝါသနာမှန်လာမယ်။
ကောင်းကျိုးပဲဖြစ်လာမယ်တဲ့။

၆. ကရောဗျာ ???
အတ္တသမ္မာ ပဏီဓိစ
ကိုယ့်ကိုယ်ကို ကောင်းကောင်းစောင့်ရှောက်ပါ တဲ့။
လူမိုက်လည်းမပေါင်းဘူး၊ ဆည်းကပ်ပေါင်းသင်းစရာလည်းပေါင်းတယ်၊ ကောင်းရာသင့်ရာလည်း ပြောင်းပြီးပြီ၊
ရောက်လေရာရာမှာ မိမိကိုယ်ကို စောင့်ရှောက်မှ မင်း တိုးတက်မှာ။

စောင့်ရှောက်တယ်ဆိုတာ မိမိကျန်းမာရေးကအစ ၊ ပတ်ဝန်းကျင်အဆုံး အရေးကြီးတာကို ပြောနေတာ

ကဲ ဟုတ်ပြီ၊
ဘာတွေ ထပ်လုပ်ရမလဲ ???
နံပါတ် ၇ ရောက်ပြီနော် !!!
ဗာဟု သစ္စဉ္စ
အကြားအမြင်( ဟိုဗေဒင်တွေပြောတာမဟုတ်ဘူး )
ဗဟုသုတ knowledge များအောင် လုပ်တော့တဲ့။
ဖတ်ဖတ်၊ ကြားကြား ၊ မြင်မြင် ဘယ်လိုပဲရရ ၊ knowledge များလေလေ ၊ ဝေဖန်သုံးသပ်ဆန်းစစ်ချက်တွေမှန်လေလေပဲ။ ရသမျှ ဆည်းပူးပေတော့တဲ့။

၈. ကေရာ ???
သိပ်ပဉ်စ
အတတ်ပညာ တစ်ခုခု သင်တဲ့။
ဆရာဝန်လုပ်လုပ်၊ စာရေးဆရာလုပ်လုပ်၊ ကျောက်သွေးသွေး၊ ပန်းရံလုပ်လုပ်၊ မန်နေဂျာကြီးလုပ်လုပ်၊ စက်ချုပ်ချုပ် အတတ်ပညာတစ်ခုခုသင်ပြီးမှ ရတာ။
တစ်ခုခုသာ တတ်အောင်လုပ် ၊မင်း မဆင်းရဲဘူး။

နံပါတ် ၉ က ???
မင်း ဗဟုသုတတွေလည်း ရှိ၊ အတတ်ပညာတွေလည်း လန်ပြန်နေအောင် တတ်ကုန်ပြီ။
ဝိနယောစ သုသိက္ခိတော တဲ့။

ဝိနယောစ ဆိုတာ သံဃာတွေအတွက် ဝိနည်း၊ လူတွေအတွက်စည်းကမ်းလောက်လေးပဲ မကဘူး။
ကျွန်တော်နားလည်တာက Professionalism ရဲ့ Ethic ကို ဆိုနေတာ။
အတတ်ပညာတစ်ခုခုတတ်မြောက်လာပြီဆိုရင် ကိုယ်ကျင့်နဲ့အညီ ကျင့်သုံးဖို့ ကျင့်ဝတ်စည်းကမ်း ကိုပြောတာ။
ဆရာဝန်ဆိုပြီး အန္တရာယ်ဖြစ်စေတဲ့ ဆေး ပေးတာတို့၊ အင်ဂျင်နီယာတွေ ကြည့်ကျက်ပြီး လက်မှတ်ထိုး၊ ဆောက်ချင်ရယဆောက်တာတို့၊ ဓာတုဗေဒပါရဂူလုပ်ပြီး လူကို အသက်အန္တရာယ်ရှိအောင် ဓာတုပစ္စည်းတွေ ထုတ်လုပ်တာတို့၊ ရေးရရင် အများကြီး၊
နယ်ပယ် field တိုင်းမှာ ethic ကျင့်ဝတ်တွေရှိတယ်။
ဒါတွေကို လိုက်နာမှ မင်း တိုးတက်အောင်မြင်မယ်။
လူတောတိုးနိုင်မယ်။ ကိုယ့်လိပ်ပြာကိုယ်လုံမယ်။
ဒါကိုပြောနေတာ။

၁၀. ရောက်ပြီ ???
သုဘာသိတာစ ယာဝါစာ
ကောင်းသောပြောခြင်းကို ပြောပါတဲ့။
ယဉ်ကျေးသောစကား၊ ကောင်းသောစကားကိုပဲ ပြောခိုင်းတာ။
အရေးအကြီးဆုံးလောက် သွားကျတယ်။

တော်လိုက်တာလည်း လန်ထွက်နေတာပဲ။
ကြိုးစားတာကလည်း နှစ်ယောက်မရှိ။
ဆိုးလိုက်တဲ့ အပေါက်။
ဒါမျိုး ဘယ်တော့မှ မအောင်မြင်ဘူး၊
အောင်မြင်တယ်လည်း မခေါ်ဘူး။
ဘုရားရှင်က ဒီလို ဆုံးမတာ။

၁၁. က ဘာတုန်း ???
မင်း လူ့လောကမှာ ကြီးပွားချမ်းသာတိုးတက်ပြီ။
ဒါတင်ပဲလား ??? ဘယ်မလဲ အောင်မြင်မှုတွေ ???
မင်္ဂလာစစ်စစ်တွေ ???
ဒါတင်မကဘူးတဲ့။
မာတာပိတု ဥပဋ္ဌာနံ
အဖေ အမေ ကို လုပ်ကျွေးပြုစုမှ သင့်တော်ပါမယ်တဲ့။
အဖေ အမေ ဘယ်လောက်ဆိုးဆိုး ကောင်းကောင်း၊ မင်း လုပ်တာကို ကြည့်ပြီး မင်း သားသမီးက ပြန်ဆက်ဆံမှာကို မင်းခံရမှာ။
တစ်ယောက်တည်း ကမ္ဘာ၊ နှစ်ယောက်တည်းကမ္ဘာ နေမယ်ဆိုရင်ရော ???
မင်းရဲ့ တစ်ပါးသူအပေါ် ကောင်း မကောင်းကို မင်းနဲ့ သွေးအနီးဆုံး မင်းမိဘကို ဆက်ဆံပုံနဲ့ တစ်ဝက်လောက်က မှန်းလို့ရနေပြီ။
ဒါကြောင့် မင်း မိဘအပေါ် အလေးထားပေးပါ။
ခွင့်လွှတ်လို့ မရတဲ့အမှားမျိုး မင်းအဖေအမေက လုပ်ခဲ့ရင်တောင် မင်းက နားလည်ပေးပါ။ ပြန်လည်ကြည့်ရှုပေးလိုက်ပါတဲ့ ။

ဒါပဲလား ???
၁၂. က ပုတ္တဒါရဿ သင်္ဂဟော တဲ့။
မင်းရဲ့ အိမ်ထောင်ဖက်နဲ့ သားသမီးတွေကိုလည်း စောင့်ရှောက်နိုင်မှ မင်း အောင်မြင်ဖြစ်ထွန်းလိမ့်မယ်တဲ့။
next generation တွေအထိကို ပေါက်ရောက်တဲ့ တရားပဲ။

၁၃. အချက်က အနာကုလာစ ကမ္မန္တာ
အနှောက်အယှက်မရှိသော ၊တရားသော၊ သမ္မာအာဇီဝကျသော ၊ အပြစ်မဖြစ်စေသောလုပ်ငန်းနဲ့ပဲ ဆက်တိုက် အသက်မွေးပါတဲ့။
ဒီလိုမှသာ ဆက်တိုက်အောင်မြင်လာမှာဖြစ်ပါတယ်။နာမည်ပိုရလာမှာ မြေကြီးလက်ခတ်မလွဲ။

နံပါတ် ၁၄. ကရော ???
ဒါနဉ္စ တဲ့။
ဒီလောက်အောင်မြင်နေတာ အလှူအတန်းပေးပါတော့တဲ့။
ဘာစိတ် ညာစိတ် မပါဘဲ ၊ဘာဖြစ်ပါစေ ညာဖြစ်ပါစေ မဟုတ်ဘဲ ၊ ဘာရမှ ညာရမှ မဟုတ်ဘဲ ပရဟိတ ဒါန အလှူပေးလိုက်ပါ။ လူအများအကျိုးကို ဆောင်ကိုဆောင်လိုက်ပါ။ဒါကို ဆိုလိုတာ။

၁၅. ခုမြောက်အချက်က ???
ဓမမှာစရိယာစ တဲ့၊
အကုန် အောင်မြင်နေပြီ။ ငွေဂုဏ် ကြေးဂုဏ်တွေ လျှမ်းလျှမ်းတောက်နေပြီဆိုရင် မှန်သော၊ မြတ်သောအကျင့်ကို ကျင့်ပါတော့တဲ့။ မှန်မှန်ကန်ကန် ရပ်တည်ပါတော့လို့ ပြောတာ။ ပေါက်ကရတွေ မစဉ်းစားနဲ့တော့။မလုပ်နဲ့တော့။ ရှိတဲ့ သိက္ခာတွေ အထိခိုက်မခံနဲ့တဲ့။
စ သတိပေးပါပြီ။ warning စလာတာပါ။

လူသားတစ်ယောက်က ခုနကပြောခဲ့တာတွေနဲ့ မလုံလောက်သေးဘူးလား ???
NO ပါ။

ဉာတကာနဉ္စ သင်္ဂဟော တဲ့။ ၁၆. အနေနဲ့ဟောတာ။
ဆွေမျိုးများကို စောင့်ရှောက်ဖို့ မမေ့ပါနဲ့တဲ့ဗျာ။
ဟောတာ ဘယ်လောက်အကွက်စေ့လိုက်သလဲ ။

၁၇. ကရော ??? အနဝဇ္ဇာနိ ကမ္မာနိ တဲ့ ။
အပြစ်မရှိသော ၊ ကောင်းသော ကိုယ်ရည်ကိုယ်သွေးတက်စရာကိုသာ လုပ်ဆောင်ပါတဲ့ဗျာ။
ကုသလာဓမ္မ တိုးပွားသည်ထက် တိုးပွားအောင် လုပ်ခိုင်းတာပါ။ ကောင်းမှုကို မြတ်နိုးတတ်အောင် ပြောတာ။

၁၈. က ဘာတုန်းဗျ ??? အာရတီ
မကောင်းမှုတွေကို ဝေးဝေးရှောင်တဲ့။

၁၉. က ဝိရတီ ပါပါ
ကိုယ်နဲ့ နီးစပ်နိုင်တဲ့ မကောင်းမှုကိုကျတော့ အထူးရှောင်တဲ့။

တိတိကျကျကို ခွဲဟောတာ။
ဥပမာ-ကြက်သားလေးစားမယ်ဟေ့ဆိုပြီးပြောမိပါတယ်။ ကြက်ဆိုင်က သတ်ပေးလိုက်ရော ။
တိုက်ရိုက်တော့မဆိုင်ဘူး။ အကုသိုလ်က သွယ်ဝိုက်ပြီး လုပ်မိသလိုဖြစ်နေတယ်။ ဒါက အာရတီကိုပြောတာ။
ပါမစ်က ကိုယ့်လက်ထဲမှာ ၊ မတော်တရော်ကို ရောင်းစားမိရင် အကုသိုလ်တွေက ဆက်တိုက် လာတော့မှာ ။ မသိသလိုလိုလေးလုပ်ပြီး ရောင်းမိရော။
ဒါက ကိုယ်နဲ့ပဲသီးသန့်ဆိုင်နေလို့ ဒါမျိုး အထူးရှောင်တဲ့။ ဝိရတီကိုပြောတာ။
သေချာကို ခွဲဟောထားတာ 🙏🙏🙏

၂၀. ကေရာ ??? မဇ္ဇပါနာစ သံယေမာ ပါ။
အဋ္ဌကထာထဲတော့ သုရာ ငါးပါး၊ မေရယ ငါးမျိုး ဘာညာနဲ့ ပြောတယ်။
ကျွန်တော်ကတော့ ဒီလိုမယူဘူး။
စိတ်ကို ညစ်ညမ်းမူးယစ်ထုံဝေစေသောအရာ အကုန်လုံးလို့ယူတယ်။
အရက်၊ ဘီယာ၊ ဝိုင်က အစ ယာဘ၊ အိုက်စ် အလယ် ၊ဆေးခြောက်အဆုံး လူ့စိတ်ကို ပြောင်းလဲနိုင်သမျှဓာတုပစ္စည်းတွေကို ဆေးဝါးအဖြစ်အသုံးပြုတာမဟုတ်ဘဲ ကျန်တဲ့အသုံးမှန်သမျှ ရှောင်ပါတဲ့။
တော်တော်များများ မရှောင်ကြပါ။မလွတ်ကြ။
ဒါ့ကြောင့် အောင်မြင်ရေးဆိုတာ ဒါပဲလား ???
မဟုတ်ဘူးလို့ပြောတာ။
တဆုံးထိ ဟောထားတာ ကြက်သီးထဖွယ် 🙏🙏🙏

၂၁. ကရော ??? အပ္ပမာဒေါစ ဓမ္မေသု
ကုသိုလ်တရားတွေကို မမေ့ပါနဲ့တဲ့။ မမေ့မှ ကျင့်သုံးမိမှာပါတဲ့ဗျာ။ မမေ့တာကိုက မင်္ဂလာဖြစ်နေပါပြီတဲ့။

၂၂. အချက်က ပြောတာက ဒီလို။
ကိုက တအားအောင်မြင်နေပြီ။ အသက်အရွယ်တစ်ခုလည်းရောက်နေပြီဆိုရင်တော့
ဂါရဝေါစ တဲ့။
ကိုယ့်ထက်အသက်အားဖြင့်ကြီးမြတ်သူ၊ ဂုဏ်အားဖြင့်ကြီးမြတ်သူတွေကို အရိုအသေပေးပါတဲ့။
ငါ ဘာကောင်ဆိုပြီးမနေနဲ့။ လူအချင်းချင်း လေးမြတ်ပြုခြင်းဂါရဝတရားဟာ အရေးကြီးလှပါတယ်တဲ့ဗျာ။

၂၃. အချက်က ဆိုတာက နိဝါတောစ တဲ့။
မမောက်မာ မထောင်လွှားနဲ့တော့တဲ့။
ကိုယ့်ကိုကိုယ် နှိမ့်ချပြီး နေပါတော့တဲ့။
မင်း ဂုဏ်နဲ့ မင်းတင့်နေပြီပဲလေ တဲ့ဗျာ။🙏🙏🙏

၂၄. ကပြောတာက သန္တုဋ္ဌိစ တဲ့။ ကံ၊ဉာဏ်၊ဝီရိယအားလျော်စွာ အတိုင်းအတာတစ်ခုအထိ အောင်မြင်နေပြီးတဲ့အခါမှာ ရောင့်ရဲလွယ်တော့လို့ ဆုံးမတာ။ အတောမသတ်လောဘကို ဆုံးမတာ။ ပိုက်ဆံကြွယ်ဝခြင်းနောက်ကိုပဲ မလိုက်နဲ့တော့လို့ ဆုံးမတာ။ ပိုက်ဆံထက်အရေးကြီးတာတွေ လိုနေပြီလို့ သတိပေးတာ။

၂၅. က ကတညုတာ တဲ့။
သူများကျေးဇူးကို ပြန်သိတတ်ပါတဲ့။ အရာအားလုံးပြည့်စုံနေရင် သူများရဲ့ကျေးဇူးပြန်သိတတ်ခြင်းအားဖြင့် သူ့လည်းကူညီရာရောက်မယ်၊ သံယောဇဉ်လည်း ပိုခိုင်မာမယ်၊ တစ်ခြားသူတွေလည်း ပို အားကျမယ်၊ ကိုယ်လည်း ကုသိုလ်စစ်စစ်ရမယ်။

နံပါတ် ၂၆. ဆိုလိုတာက ကာလေန ဓမ္မဿဝနံ ပါ။
သင့်တော်တဲ့အချိန် အခါအခွင့်သင့်ရင် လူ့အကျိုးပြုတရားမှန်သမျှကို နာယူပါတဲ့။ တရားသဘောကို လေးလေးနက်နက် နာယူခိုင်းနေပါပြီ။

၂၇. ရောက်ပြီ။ ခန္တီစ ။
သည်းခံသင့်တာတွေကို သည်းခံပါတော့တဲ့။
စိတ်အလိုမကျမှုတွေ၊ စိတ်လိုက်မာန်ပါ မလုပ်နိုင်သမျှကို သည်းခံမှသာ မင်း ဆက်ပြီး အောင်မြင်မှာပါတဲ့။ အနည်းဆုံးတော့ သွေးမတိုးတော့တာ အမှန်ပါ။

၂၈. က ဆိုလိုတာက သောဝစဿတာ တဲ့။
သူတော်ကောင်းတွေ ဆုံးမတာကို နာယူလွယ်သူတစ်ယောက်ဖြစ်ပါစေတဲ့။
လောကီ ငွေရေးကြေးရေးအောင်မြင်တာတင်မကဘဲ လောကုတ္တရာမှာပါ အောင်မြင်စေချင်တဲ့ မြတ်ဗုဒ္ဓရဲ့ မဟာကရုဏာပါ။
ဆိုဆုံးမတာ နာခံလွယ်မှ တရားတော်နဲ့ နီးကပ်မှာဖြစ်ပါတယ်။ ငါကွဆိုပြီး ခံနေသမျှတော့ မလွယ်တာကို ပြောတာ။

၂၉. အချက်က သာမနာနဉ္စ ဒဿနံ
ဘာတွေတုန်းဗျ ၊ ဒဿနတွေရော စုံလို့
ရဟန်း စတဲ့ သူတော်ကောင်းတွေကို ဖူးမျှော်ပေးရတာလည်း မင်္ဂလာမည်ပါတယ်တဲ့။
မိမိမသိသေးတဲ့ လောကရဲ့အကြောင်းတွေကို another point of view လောကုတ္တရာအမြင်နဲ့ မြင်ရဖို့ သင်ကြားပေးမယ့်သူတွေကို ချဉ်းကပ်ခိုင်းတာ။

၃၀. က ချဉ်းကပ်ပြီးတော့ ဒီအတိုင်း ပြန်ရောလား ???
NO ပါ။
ကာလနေ ဓမ်မသာကစ်ဆာ တဲ့။
တရားတွေကို မေးမြန်းဆွေးနွေးပါတဲ့။ အကျေအလည်သိမှ တရားဓမ္မရဲ့ အနှစ်သာရကို သိမှာ။ ဒါကြောင့် မေးပါ၊ ဝေဖန်ပါ၊ ဆွေးနွေးပါ လို့ ဟောထားတာပါ။

၃၁. က တေပါစ တဲ့။
တရားတော်တွေကိုသိမြင်ပြီး လက်တွေ့ကျင့်ကြံရရင်တော့ အရင်ဆုံး ခြိုးခြံတာက စရပါတယ်။
တစ်သက်လုံး စားမကုန်သောက်မကုန်တွေကို လောဘသတ်နိုင်တာရဲ့အစက သူနဲ့ပြောင်းပြန် မိမိကိုယ်ကို ခြိုးခြံစွာ ကျင့်ပါတဲ့။ ကပ်စေးနည်းခိုင်းတာ မဟုတ်ဘူးနော်ဗျ။

၃၂. က ဗွဟ်မာစရိယာစ တဲ့။
လောကီကြောင်းရာတွေကို မလုပ်တော့တာကိုပြောတာ။
မာကျောက်ရိုက်တာကအစ၊ ကေတီဗီအလယ်၊ ဇိမ်ခံသင်္ဘောစီးတာအဆုံး လောကီရဲ့ ရသမျှစည်းစိမ်တွေကို သိပ်မခံစားပါနဲ့တော့တဲ့။ အနိစ္စသဘောအရ ပျက်စီးတတ်ခြင်းကို ရင်ဆိုင်ဖို့ရာ ဖြစ်ပျက်သမျှကို သတိနဲ့ရှုခြင်းလို့ခေါ်တဲ့ သင့်လျော်ရာ ကမ္မဋ္ဌာန်းနဲ့ ဝိပဿနာကို ရှုပါတဲ့။ ဘယ်ဘာသာမဆို ဘယ်လူမျိုးမဆို ကျင့်ကြံလို့ရပါတယ်။တရားတော်ကို လာမြည်းကြည့်။ အချိန်မရွေး အေးချမ်းလိမ့်မယ်။
ဧဟိပဿိကော always welcome ပါလို့ ဆိုလိုတာ အလကားမဟုတ်ဘူး။

၃၃. ကပြောတာက အရိယသစ္စာန ဒဿနံ ပါ။
အရာရာဟာ ဖြစ်လာကြတယ်။ ပျက်ကြတယ်။ စိတ်ကြိုက်ထိန်းချုပ်လို့မရနိုင်ဘူး။ ဒါတွေကိုက ဆင်းရဲရာ အမှန်တရားပဲ။ ဒါဆိုရင် လွတ်မြောက်ရာလမ်းရှိတယ်။ ဒီ သဘာဝတွေကို နားလည်ခြင်းပဲ။ ဒါတွေကို နှလုံးသွင်းရင် လွတ်မြောက်ရာကို နှလုံးသွင်းမိမယ်။ ဒါဆို လွတ်မြောက်မှာပဲ တဲ့။ ဒီလို သစ္စာလေးပါးကို နားလည်ရတာ လူ့ဘဝရဲ့ မင်္ဂလာစစ်စစ်ပဲ။

၃၄. ကပြောတာက နိဗ္ဗာန သစ္ဆိကိရိယာစ တဲ့။
လွတ်မြောက်ရာ ချမ်းသာအမှန်ကို သိရှိရခြင်း၊ ခံစားရခြင်းဟာ မိမိကိုယ်ရဲ့ ငြိမ်းချမ်းမှုအစစ်အမှန် မင်္ဂလာတစ်ပါးပဲလို့ ဟောတော်မူတာပါ ။ 🙏🙏🙏

၃၅. အချက်ကပြောတာက ဖုဋ္ဌဿ လောကဓမ္မေဟိ စိတ္တံယဿ နကမ္ပတိ တဲ့။
ခုနကလို ဓမ္မစင်စစ်ကို သိရှိနေတဲ့ပုဂ္ဂိုလ်ဟာ ဘယ်လို လောကဓံတွေပဲကြုံဦးတော့ ( ချစ်ကြိုက်ကွဲညား၊ သာယာ ၊ စိတ်ဆိုး၊ အောင်မြင်၊ ကျရှုံး၊ ချီးကျူးခံကြ၊ ဝေဖန်ကဲ့ရဲ့ခံကြ ) ဘယ်လိုမှ မတုန်လှုပ်တော့ဘူး။ တရားရနေပြီကိုး 🙏🙏🙏
ဒါဟာ မင်္ဂလာပဲ။

၃၆. အသောကံ
ဘယ်လိုမှကို စိုးရိမ်ကြောင့်ကျ စိတ်မချတာတွေ မရှိတော့ဘူး။ ဒါဟာ မင်္ဂလာပဲ။

၃၇. ဝိရဇံ
စွဲလန်းနေတာ၊ ကြိုက်နေသေးတာ တွေလည်း မရှိတော့ဘူး။ ဒါဟာ မင်္ဂလာပဲ။

၃၈. ခေမံ
ဘယ်ဘေးရန်မှ မရှိနိုင်တော့ဘူး။ ဒါဟာ မင်္ဂလာပဲ။

ထပ်ပြန်တလဲလဲ ပြန်ကြော့မယ့် အစွဲအလန်းတရားတွေ မရှိတော့ ပြန် ဖြစ်ခြင်းလည်း ရပ်ရော။
ဒီတော့ မလွဲမရှောင်သာကြုံရမယ့် သေဘေးက အစ ဘာကိုမှ မခံစားရတော့ဘူး။ ဒါကို ပြောတာ ။

ဒီလိုမျိုး စနစ်တကျဟောတာကို ဒီလိုခံစားပြီး ဒီလို နားလည်မိလိုက်ပါတယ်။
အောင်မြင်ရေးဆိုတာ ဒီလိုမှ ပြီးပြည့်စုံတာလို့ လက်ခံသဘောကျမိတာ ကိုယ့်ကိုကိုယ် ပျော်လို့မဆုံးပါ။
ဒီလို analyse လုပ်ပြီး ဒီလိုကြည်ညိုမိပါတယ်။

မြတ်ဗုဒ္ဓက ဘယ်တော့မှ မဆင်းရဲမယ့်တရားကို ဟောထားတာ နှစ်ပေါင်း ၂၅၀၀ ကျော်ခဲ့ပြီပဲ။

မေး- ဒီသုတ်ကို များများရွတ်ရင် ဘာအကျိုးထူးသလဲ ???
အဓိဌာန်ဝင်ပြီး သက်စေ့ရွတ်မယ်ဆိုရင်ကော ???

ဖြေ- ပါဠိတွေပဲ အလွတ်ရလာမှာပါ။
ကြာရင် မြန်မြန်ရွတ်တတ်လာပါလိမ့်မယ်။

တကယ်က ဒီလိုမေးရမှာ ကိုတွေရော ဘယ်အခြေအနေထိ ရောက်နေပြီလဲ ???
ဘာတွေလုပ်ဖို့ လိုနေသေးလဲ ???

အသိတစ်ခုတိုးတယ်လို့ ယူဆရရင်ကို ရေးရကျိုးနပ်ပါတယ်။
Practise လုပ်နိုင်ကြပါစေ။🙏🙏🙏

(တစ်ချို့ ပါဠိစာလုံးတွေက auto corrected မရလို့ စာလုံးပေါင်းမှားနေတာ တောင်းပန်ပါတယ်။)

မူရင်းရေးတင်သည့်ပုဂ္ဂိုလ်ကို
လေးစားစွာ credit ပေးပါတယ်။

23/09/2024

2!9ရတနာဆိုင်မှ ခေါင်းပုံဖြ-တ်ခံနေရသော
နင်းပြားဘ၀ အိမ်နေ၀န်ထမ်းများ

နစ်နာခဲ့တဲ့ ၀န်ထမ်းဟောင်းတွေ ဦးစားပေးအပြောဆုံးက
အိမ်နေ ၊ အိမ်စား ၀န်ထမ်းတွေအကြောင်းပါ..

နေစားငြိမ်း၀န်ထမ်းကို 2!9ရတနာဆိုင်မှာ
အိမ်နေ၀န်ထမ်းလို့ ခေါ်ပါတယ်..

ရန်ကုန်မြို့ကို တစ်ခါမှမရောက်ဖူးတဲ့ အ
ညာဘက် ရွာတွေက အသက် ၁၄နှစ် မှ
အသက်၂၀ ၀န်းကျင် လူငယ်တွေ အများဆုံးပါပဲ..

၀န်ထမ်း ၇၀၀ မှာ အိမ်နေ၀န်ထမ်း ၁၀၀ ၀န်းကျင်ရှိပြီး
ကျန်တဲ့ ၆၀၀ ကလဲ နယ်အသီးသီးက ခေါ်ထားတဲ့
၂၀ ၀န်းကျင် လူငယ်တွေပါပဲ..

အရည်အချင်းလိုတဲ့ Professional အလုပ်
( Accountant, Content Writer, IT စဖြင့် ) တွေကိုပဲ
ရန်ကုန်လူတွေကို ခေါ်ယူတတ်ပါတယ်.. Live-Sale,
Sale ပညာသင်အားလုံး နယ်ကလူငယ်တွေကိုပဲ
ပစ်မှတ်ထား ခေါ်ယူတယ်..

--------------------------------------

အိမ်နေ၀န်ထမ်းတွေ 2!9ရတနာကို ရောက်လာတဲ့
အကြောင်းအရင်း 👈

HRတွေ ၊ နှစ်ကြာ၀န်ထမ်းတွေ နယ်ကို
ပြန်တဲ့အချိန်မှာ ရွာက လူငယ်တွေကို
"ရန်ကုန်မြို့ကြီးမှာ အလုပ်ရမယ် ၊ ရွှေပညာသင်ရမယ် ဆိုပြီး
မက်လုံးပေးခေါ်တယ်.. စိတ်၀င်စားသူတွေကို
ရွာမှာပဲ တစ်ခါတည်း စာချုပ်ချုပ်ခိုင်းပြီး ပညာသင်အဖြစ်
အလုပ်လုပ်ခွင့်အတွက် စပေါ် ၃သိန်းသွင်းရပါတယ်..

၂နှစ်-၅နှစ် စာချုပ်တွေကို ချုပ်ရပြီး
စပေါ်ကို နှစ်ပြည့်ရင် ပြန်ပေးမယ်ဆိုပြီး ချုပ်ပါတယ်..

(နှစ်ပြည့်တဲ့၀န်ထမ်းလဲ စပေါ်ပြန်ရဖို့
အကြွေးသွားတောင်းရသလို အလီလီတောင်းရတာကိုလဲ)
ဖော်ပြပါမယ်..

29ဆိုင်ခွဲတွေ ရှိတဲ့ ရန်ကုန် ရောက်လာရင်
ဘာတွေဆက် ဖြစ်မယ်ဆိုတာ သူတို့ မသိပါဘူး..

စပေါ်ငွေ ကို ၃နှစ်စာချုပ်ချုပ်ထားပြီး ၃နှစ်ပြည့်မှ
ပြန်ပေးမှာပါ.. လစာက ၃သောင်းကနေ ၁သိန်း
အထိ ရှိပါတယ်.. အများစုက ၃သောင်းပါ..

-------------------------------------

ထောင်နဲ့တူတဲ့ ၀န်ထမ်းနေထိုင်ရေး👈

အိမ်နေ၀န်ထမ်းတွေက ဆိုင်ခွဲမှာ နေရပါတယ်..
အလုပ်ချိန် ၈နာရီ ၊ ၈နာရီခွဲစရပြီး ည ၇နာရီသိမ်းပါတယ်..
တစ်ပတ်ကို နားရက်တစ်ရက် ရပါတယ်..

သန့်ရှင်းရေး၀န်ထမ်းမရှိ ၊ ရှိလဲ တာရှည်မခံ ၊
အိမ်ဖော်လဲ မရှိပါဘူး.. ကလေးတွေသင်ပြဖို့
တီချယ် အိ နဲ့ အဖွားဖြစ်သူရဲ့အ၀တ်အစားနဲ့
‌ေ၀ယျာ၀◌ိစ္စအတွက် ၁၅နှစ်အရွယ်ကလေးမလေး
တစ်ယောက်ပဲ ရှိပါတယ်..

အိမ်နေ၀န်ထမ်းတွေက ဆိုင်အလုပ်အပြင်
အိမ်ကိစ္စ အကုန်လုပ်ရပါတယ်.. ဟင်းချက်ပြုတ် ၊
ခုံသယ်ထမ်း ၊ ရေသန့်ဘူးသယ် ၊ အမှိုက်ရှင်း ၊
အိမ်သာဆေး ၊ လျှော်ဖွတ်အကုန်လုပ်ရပါတယ်..

ဆိုင်ပိုင်ရှင်လင်မယားကို ထမင်းဟင်းချက်ကျွေးရတာ ၊
ခူးခပ်ပေးရတာ အ၀တ်လျှော်ပေးရတာတွေလဲရှိသလို

အမျိုးတွေဖြစ်တဲ့ ဆိုင်ရှင်အမ ၊ အမေ၊ ညီမ၀မ်းကွဲ ၊
ကွယ်လွန်သွားပြီဖြစ်တဲ့ မောင်ရဲ့မိန်းမ ၊ ရေစကြိုက
လာလည်ကြတဲ့ အမျိုးတွေ ကိစ္စပါ အကုန်လုပ်ပေးရပါတယ်..

(အတွင်းခံက အစ လျှော်ခိုင်းတယ်)
(ဒီကိစ္စက မှန်ကန်ပါတယ်)

ဆိုင်ရဲ့ ထိပ်ပိုင်းက M.D အိအိဖြိုး အပါအ၀င်
အမျိုးတွေရဲ့အိမ်နေကိစ္စအ၀၀ တောက်တိုမယ်ရ
အကုန် လုပ်ပေးရတယ်လို့ဆိုပါတယ်..

တစ်ပတ်တစ်ရက် နားရက်ရှိပေမဲ့
အဲဒီနားရက်မှာ အလုပ်နားရက်ဖြစ်ပြီး
အိမ်အလုပ် မနားရပါဘူး..

တစ်ပတ်စာ အားလုံးစားဖို့ အသားငါးကိုင်ရ
အသီးအရွက်ရွင်ရ အားလုံး မိန်းကလေးတွေ လုပ်ပေးရပါတယ်..
ယောကျ်ားလေးတွေက ရေသန့်ဘူးသယ်တာ ၊
ခုံသယ်ရွေ့ခိုင်းတာ ၊ သန့်ရှင်းရေးလုပ်ခိုင်းတာ ၊
ခိုင်းပါတယ်..

နေ့ခင်း ၂နာရီလောက်မှသာ တစ်ဖြတ် နားရတာဖြစ်ပြီး
သာမန်၀န်ထမ်းတွေလို နားရက်မှာ
အပြည့်နားရတာမဟုတ်ပါဘူး..

အိမ်ကိစ္စတွေ လုပ်နေစဥ်မှာ ဆိုင်ရှင်မိန်းမ နဲ့ အေးသက်မွန် ဆိုသူက
အော်ဟစ် ဆဲဆိုနေတတ်ပြီး ၄င်းတို့ စိတ်တိုင်းမကျတိုင်း
အိမ်နေကလေးတွေကို ဗိုက်ခေါက်ဆွဲလိမ်ခြင်း ၊ ခေါင်းခေါက်ခြင်း ၊
ဆံပင်ဆွဲ ထုရိုက်ခြင်း ၊ ကုတ်ခြစ်ခြင်း ၊ မီးညှပ်နဲ့ ခေါင်းခေါက်ခြင်း
ကိုယ်ထိလက်ရောက် နှိပ်စက်တာတွေရှိပါတယ်..

စည်းကမ်းဖောက်ဖျက်တာတွေ့ရင် ပရိုဂျက်တာနဲ့ထိုးပြီး
အားလုံးစီတန်း အရှက်ခွဲပါတယ်..

အိမ်နေ၀န်ထမ်းတွေကို အဖွဲ့ခေါင်းဆောင်တွေက
အုပ်ချုပ်ပြီး သန့်ရှင်းရေးအဖွဲ့ ၊ အထုပ်စောင့်အဖွဲ့ ၊
Live Sale အဖွဲ့ဆိုပြီး ခွဲထားပါတယ်..

အိပ်တဲ့နေရာတစ်ခန်း ၊ ၀န်ထမ်းပိုင်းအထုပ်အပိုး
ထားရတဲ့နေရာတစ်ခန်း ဒီလိုခွဲထားတာပါ..

ပြင်းထန်တဲ့ ဒဏ်ကြေးတွေ တပ်လေ့ရှိတယ်..

Fine က (အိမ်နေ Fine) နဲ့ (ဆိုင် Fine) ဆိုပြီး
နှစ်မျိုးကောက်ပါတယ်.. အိပ်ရာထနောက်ကျရင်တောင်
ဖိုင်းတပ်ပြီးသားပါ..
Fine ဆိုတာလဲ သူတို့ပါးစပ်ထဲသာရှိပြီး လိုသတစ်မျိုး
မလိုတစ်မျိုး ကျင့်သုံးပါတယ်..

ရတဲ့ လစာ က သုံးသောင်း ၊ Fine က တစ်သိန်း
ဖြစ်နေလို့ မျက်ရည်ပေါက်ကြီးငယ်ကျရတဲ့
၀န်ထမ်းကလေးမလေး တွေ တောက်တခေါက်ခေါက်နဲ့
စိတ်ဓာတ်ကျနေတဲ့ ၀န်ထမ်းယောကျ်ားလေးတွေ
ရှိပါတယ်..

"မခံနိုင်တော့ဘူး ထွက်တော့မယ် ..
နယ်ပြန်ပါရစေ" ပြောရင် HR ဆိုသူက
(အောက်မှာ စာရွက်စာတမ်းတွင် ပါသူ)

အိမ်နေ၀န်ထမ်းတွေက ထွက်ချင်ရင်

(အပ်နှံစပေါ် ၃သိန်း (အရှုံး) + တစ်လ တစ်သိန်းခွဲ )
ပေးရမယ်.. နေခဲ့တဲ့လအလိုက် အလျော်တောင်းပါတယ်..

တစ်လနေဖူးရင် တစ်သိန်းခွဲ ၊ နှစ်လနေရင် သုံးသိန်း
လနဲ့တွက်ပြီး ပေါင်းယူတာပါ..

ဒါကြောင့် ၃ - ၄လ နေဖူးတဲ့ ယောကျ်ားမိန်းကလေး
လျော်ကြေးတွေ ၄သိန်း ၊ ၆သိန်း ၊ ၉သိန်း
ဖြစ်ကုန်တာပါ..

မပေးရင် မထွက်ရပါဘူး.. မထွက်ရဘူးဆိုတာ
ဘယ်လိုမျိုး နေထိုင်ရလဲ တစ်ချက်ကြည့်လိုက်ပါ..

မတတ်သာတဲ့အဆုံး ထွက်ပြေးတဲ့၀န်ထမ်းတွေကို
ဥပဒေကြောင်းအရ သုံးနှုန်းပြီး ဘယ်လိုခြိမ်းခြောက်
‌ေခေါ်ယူလဲ အောက်က စာရွက်မှာ ကြည့်ပါ..

(ပညာသင်တွေဟာ မရှိမဖြစ် သိပ်အရေးကြီးလှတဲ့သူတွေ
မဟုတ်ပါဘူး.. အိမ်အထိ ခြိမ်းခြောက်လာတာကြောင့်
မိဘမှတ်ပုံတင်တွေ အပ်ပြီး ရန်ကုန်ပြန်လာခဲ့ရသူတွေ
ရှိပါတယ်.. )

လူတစ်ယောက်ရဲ့ လုပ်အားကို ညှစ်ယူနိုင်သမျှ
ယူမယ်ဆိုတဲ့သူမျိုး အခုမှ တွေ့ဖူးတာ

အိမ်နေ၀န်ထမ်းအဖြစ် ၂နှစ် ၊ ၂နှစ်ခွဲ ၊ ၃နှစ်နီးပါးလုပ်တဲ့
သူတွေ ပြောပါတယ်.. သူတို့ ဆိုင်ပြင်ပကို ၃-၄ကြိမ်ပဲ
ရောက်ဖူးပါတယ်.. အပြင်က လာခေါ်မှ
သွားတတ်လာတတ်ပါတယ်တဲ့
ကိုယ်နေတဲ့ မြို့နယ်မှာ ဘာရှိလဲမသိပါဘူးတဲ့

အပြင်ထွက်ရင် အဆင့်ဆင့် လက်မှတ်နဲ့
ခွင့်ပြုချက်တောင်းရတယ်ဆိုတာ မှန်ပါတယ်..
တစ်ခါအပြင်ထွက်ရင် သူတို့ခွင့်ပြုသလောက်
၂နာရီ ၊ ၃နာရီပဲ နေခွင့်ရှိတယ်..

၀န်ထမ်းတွေက အဲ့နှစ်တွေမှာ တစ်နှစ်လုံးနီးပါး
ဆိုင်ထဲမှာပဲနေရတယ်.. မိုးလင်းမိုးချုပ် သူတို့ဘ၀က
အဲဒီထဲမှာပါပဲ .. ဆိုင်ပိတ်ချိန် ၇နာရီရောက်လဲ
ဆိုင်တံခါးကို အတွင်းက ပိတ်ချလိုက်ပြီမို့
လေညှင်းခံထွက်တာတို့ ၊ ကော်ဖီထွက်သောက်တာတို့ ၊
လမ်းလျှောက်ထွက်တာတို့ မရှိပါဘူး..
ဆိုင်ထဲမှာ နှစ်ပေါက်အောင် နေရတဲ့ ခံစားချက်ကို
ကြည့်ပါဗျာ..

အဲလိုနေထိုင်ရတာကြောင့် မွန်းကျပ်လွန်းလို့
တိုက်ပေါ်က ခုန်ချသွားတဲ့ ၀န်ထမ်း
ယောကျ်ားလေးတစ်ယောက်ရှိတယ်..
ညသန်းခေါင်လူအိပ်ချိန်မှာ ၂လွှာကနေ တိုက်နဲ့ကပ်ရက်
ဘေးလမ်းထဲကို ခုန်ချသွားခဲ့ဖူးပါတယ်..

ခုန်ချတာကိုပဲ ၀န်ထမ်းတွေ သိလိုက်ပြီး
ကျန်တဲ့နောက်ဆက်တွဲ အဲဒီ၀န်ထမ်းကိစ္စ ဆက်မသိရတော့ပါ..

ကောင်လေးနာမည်က ဖြိုးသုစံ ပါ..
ကောင်လေးခုန်ချပြီးကတည်းက သံပန်းတွေစတပ်ပါတော့တယ်..

"2!9ရတနာဆိုင်က ၀န်ထမ်းတွေ ဆူဆိုက်လုပ်မှာကို
တအားကြောက်ပါတယ်.. ဖြစ်လာမဲ့ နောက်ဆက်တွဲကို
သူတို့သိတယ်.. စိတ်လွတ်သွားတဲ့ ၀န်ထမ်းတွေ ၊ ဆူဆိုက်
လုပ်တော့မဲ့ ၀န်ထမ်းနဲ့ မိဘတွေ ရှိခဲ့တယ်.. ရှေနေက
ကာပြောပေးလို့ HR နဲ့ Admin , M.D တွေ လန့်သွားပြီး
လျှော်ကြေး ဘောနပ် သိန်းဆယ်ချီ မပေးရတော့ပဲ
လွတ်မြောက်ခဲ့တာ ရှိပါတယ်..

ဒါကြောင့်လဲ "၀န်ထမ်းတွေ စိတ်လွတ်သွားပြီ..
သူတို့အတွက် အသုံးမ၀င်တော့ဘူး"ဆိုမှ
လက်လျှော့ပေးတာပါ..

တစ်ချိန်တည်း ရှင်းပါရစေ..

ဆိုင်ပိုင်ရှင် ရှင်းတဲ့ "၀န်ထမ်းတွေ တန်းစီတဲ့ဗီဒီယိုပုံက
ဆိုင်ခွဲတစ်ခုက အိမ်နေ၀န်ထမ်းနှစ်ဦးထွက်ပြေးတာကြောင့်
အိမ်နေ၀န်ထမ်းအကုန် မတ်တပ်ရပ်ခိုင်းပြီး နာရီနဲ့ချီ
စစ်ဆေးနေတာပါ..

--------------------------------
လူအခွင့်အရေးချိုးဖောက်တဲ့ CCTV စောင့်ကြည့်ရေး.. 👈

တခြားရွှေဆိုင်တွေလို CCTV တွေကို ဆိုင်ပရ၀ဏ်မှာပဲ
တပ်ထားတာမဟုတ်ပဲ..ဆိုင်နေရာအားလုံး ၊
အိမ်နေအခန်းအားလုံး ၊ ချောင်ကြိုချောင်ကြားမကျန်
အမျိုးသမီး၀န်ထမ်းအိပ်ခန်းတွေအထိ တပ်ထားတာပါ..

အိပ်သာထဲမှာ ခန္ဓာကိုယ်အပေါ်ပိုင်းထိ မြင်ရအောင်
တပ်ဖို့ ကိစ္စမှာ ၀န်ထမ်းတွေ ပွတ်လောရိုက်ကုန်တာကြောင့်
မတပ်ဖြစ်တော့ပါဘူး.. အိမ်သာနဲ့ ရေချိုးခန်းထဲမှာသာ
လွဲပြီး နေရာလပ်မရှိ CCTV တွေ တပ်ထားပါတယ်..

အိပ်သာထဲမှာ မတပ်ရတော့တာကြောင့်
အိမ်သာလျှောက်လမ်းမှာ CCTV ရှိလာပါတယ်..

၀န်ထမ်းအမျိုးသမီးအိပ်ခန်းတွေမှာ CCTV
တပ်ထားကြောင်း အသိပေးထားပေမဲ့ ၀န်ထမ်းတွေကိုယ်တိုင်
အိပ်စက်အနားယူတာ ၊ အ၀တ်အစား၀တ်ဆင်ရတာ
မလွတ်လပ်တော့ပါဘူး.. ပုံမှာ မြင်တွေ့ရတဲ့အတိုင်းပါပဲ..
CCTV မော်နီတာတွေကို ပန်းထိမ်ခန်းနားမှာ ထားပြီး
စောင့်ကြည့်နေတဲ့သူတွေ ယောကျ်ားသားတွေပါ..

CCTV မြင်ကွင်းရှင်းဖို့အတွက် ၂၄နာရီလင်းထိန်အောင်
ထွန်းခိုင်းထားပြီး မီးပိတ်ခွင့်မရှိ အိပ်စက်ရပါတယ်..

ဒီလို Privacy ချိုးဖောက်ခံရပေမဲ့ လုံး၀(တောင်းဆို)
ပြန်ပြောခွင့်မရှိပါ..

ယောကျ်ားလေး၀န်ထမ်းတွေက Customer တွေ
လာတဲ့ခြေနင်းဖတ်တောမှာ အိပ်ရတယ်ဆိုတာလဲ

မှန်ပါတယ်.. သန့်ရှင်းရေး၀◌န်ထမ်းတွေကလဲ
ကြာရှည်မခံတဲ့အတွက် မရှိတာကြောင့် ခြေဆီနံတထောင်းထောင်း
ကြားမှာ အိပ်ရပါတယ်.. Customer တွေက တစ်နေ့လုံး
လာတာကြောင့် တစ်ညအိပ်စက်ဖို့
ဘယ်လိုမှ အနံ့ပျောက်အောင် မရှင်းနိုင်တော့ပါဘူး..

(ဗီဒီယိုထဲမှာ ခုံပျောက်သွားတဲ့နေရာတွေပါ)

ဒီအတိုင်းပဲ အိပ်ခိုင်းပါတယ်..

အိမ်နေ၀န်ထမ်းတွေ လူလူသူသူအိပ်ရဖို့
အခန်းလုံလောက်အောင် မစီစဥ်ပေးပဲ
showroom ခြေနင်းဖတ်တောမှာ ထားတာ မှန်ပါတယ်..
အိမ်ပြန်အိပ်ခွင့်မပေးပဲ ရုံးမှာ အိပ်ခိုင်းတဲ့ ၀န်ထမ်းတွေကိုလဲ
အဲဒီနေရာမှာပဲ အိပ်ရတယ်ဆိုတာ မှန်ပါတယ်..

---------------------------------------

ဖုန်းထိန်းချုပ်ရေးနဲ့ Views များဖို့ Reach တက်ဖို့ 👈

တချို့ဆိုင်ခွဲတွေမှာ ဖုန်းနံပါတ်နောက်ကျောမှာ pasword
ရေးခိုင်းထားတယ်လို့လဲ ကြားပါတယ်..

သေချာပြောနိုင်တဲ့သူ ကိုယ်တွေ့ကြုံရတဲ့နစ်နာသူ
၀န်ထမ်းပြောပြတာက

၀န်ထမ်းတွေရဲ့ ဖုန်းတွေကို password မထည့်ခိုင်းထားပါဘူး..
အလွတ်ထားခိုင်းထားပြီး Facebook , Viber , Tik Tok
အားလုံး ၊ Chat အားလုံး၊ ဓာတ်ပုံအားလုံး ကို
အချိန်မရွေး ၀င်ကြည့်တယ်.. မိသားစုနဲ့ ပြောဆိုတာတွေ ၊
သမီးရည်းစား ရှိမရှိ ၊ ရှိရင် ၀န်ထမ်းထဲက ဟုတ်မဟုတ် ၊
ပြိုင်ဘက်ရတနာဆိုင်တွေနဲ့ ဆက်စပ်မှုရှိမရှိ အကုန်လှန်စစ်တယ်..

၀န်ထမ်းတွေမှာ ဘာ privacy မှ မရှိရပါဘူးတဲ့..

၀န်ထမ်းရာကျော်ရဲ့ ဖုန်းတွေကိုလဲ Reach တက်ဖို့
အသုံးချပါတယ်.. Live လွှင့်တဲ့အခါ Views တက်ဖို့အတွက်
အဲဒီ၀န်ထမ်းတွေရဲ့ ဖုန်းနဲ့ပဲ အကောင့်တုတွေ ဖွင့်ပေးရတယ် ..

Like ပေးတာ ၊ ကွန့်မန်းပေးတာတွေ လုပ်ခိုင်းပါတယ်..

မလုပ်မနေရပါ.. 29ရတနာဆိုင် Live ပို့စ်အောက်မှာ
"ကောင်းပါတယ် ၊ ယုံပါတယ် ၊ အားပေးနေပါမယ်"
ပြောနေတဲ့အကောင့်တွေအကုန်လုံးက သူတို့လက်ချက်တွေပါ..

တော်ရုံ မသိတဲ့ နယ်က လူတွေ အလိမ်ခံရပါလိမ့်မယ်..
ဒီနည်းနဲ့ အလိမ်ခံနေရတာ အခုမှ သိတဲ့သူတွေလဲ ရှိမယ်..

၀န်ထမ်း ၇၀၀ ကျော်ကို ဒီလိုလုပ်ခိုင်းရင် အခုရနေတဲ့
ရီအက်နဲ့ ကွန်မန်းက မဆန်းတော့တာ ရိပ်မိနိုင်ပါပြီ..

ဘာမှမရှိတဲ့ Top Fan အကောင့်တွေနဲ့
မဲထပေါက်တာ ဘယ်သူတွေလဲ
ဆက်စပ်စဥ်းစားမိနိုင်မယ်ထင်ပါတယ်..

၀န်ထမ်းတွေခိုင်းတာ အားမရရင် ၀န်ထမ်းဖုန်းကို
ယူပြီး သူတို့ကိုယ်တိုင် ၀င်လုပ်ပါတယ်..
ဒါ အမှန်တွေပါ..

ဒီလိုလုပ်နေတယ်ဆိုတာ သိနိုင်ကြပါစေ..
ကျွန်တော်တို့ မြင်နေရတဲ့
Like တွေ မန့်တွေက ဒီလိုဖြစ်လာတာပါ..

သတ်မှတ်ချိန်နာရီ အနည်းငယ်ပဲ
ဖုန်းကိုင်ရတယ်ဆိုတာ မှန်ပါတယ်.. အလုပ်ချိန်မှာ
ဖုန်းတွေကို အပ်ထားရတာ ပြဿနာမဟုတ်ပေမဲ့ .
ဖုန်းတွေကို ဂရုမစိုက် ဖြစ်သလို ထပ်ထားခိုင်းတာကြောင့်
မကြာခဏ ဖုန်းမှန်တွေ ကြေမွကုန်တာတွေရှိပါတယ်..

ဒါပေမဲ့လဲ တာ၀န်ယူ ပြုပြင်ပေးတာမျိုးမရှိပါဘူး..

--------------------------------------

Live Sale မှာ ဆင်မြန်းတဲ့အထည်တွေကိစ္စ 👈

အခုပြောမဲ့ စက်ချုပ်ခန်းက ၀န်ထမ်းမလေးတွေရဲ့ကိစ္စက
၀မ်းနည်းစရာကောင်းတယ်..

Live Sale ၀န်ထမ်းတွေ ၀တ်တဲ့အထည်တွေဟာ
အပြင်မှာ လုပ်ရင် သိန်းချီပေးရတယ်ဆိုတာ သိကြမှာပါ..

2!9ရတနာဆိုင်က အဲလိုလုပ်တာမဟုတ်ပဲ ..
ဦးချစ်မောင်လမ်း ဆိုင်အမှတ် ၂အတွင်းထဲမှာ
စက်ချုပ်ခန်း သီးသန့်ထားပြီး ဒီအထည်တွေကို ချုပ်တယ်..

ကျွမ်းကျင်၀န်ထမ်းတစ်ယောက်ပဲ ရှိပြီး ရွာဘက်ကနေ
စက်ချုပ်ပညာသင်ပေးမယ်ဆိုပြီး ခေါ်လာတဲ့
ကလေးမနှစ်ယောက်ကို ပညာသင်အဖြစ် ထည့်ထားပါတယ်..
လစာက ၃သောင်းပါ..

ကလေးမလေးတွေ ရောက်ပြီးမကြာခင်မှာပဲ ကျွမ်းကျင်၀န်ထမ်း
အမျိုးသမီးက ထွက်သွားတဲ့အတွက် ဒီကလေးမလေးတွေပဲ
အထည်ချုပ်ရပါတော့တယ်.. မကျွမ်းကျင်ပဲ ချုပ်ရတဲ့အတွက်
အထည်ပျက်စီးတာတွေရှိလာတဲ့အခါ
အလျော်တောင်းပါတော့တယ်..

ရှင်းအောင် ပြောရရင် လစာ ၃သောင်း ကို ထပ်ဖြတ်တာပါ..
မနက် ၈ ၊ ၈ခွဲကနေ ည ၁၀နာရီအထိ နားချိန်မရှိ ချုပ်ရပါတယ်..
နားရက်မရှိပါဘူး.. ဆိုင်က အလျင်လိုတဲ့အခါမှာ ညမအိပ်ပဲ
ချုပ်ပေးရပါတယ်.. ည ၁၀နာရီက အစောဆုံး နားချိန်လို့
ပြောပါတယ်..

ဆိုင်ရှင်မိန်းမ နဲ့ ဇင်လေးဆိုသူအပါ Live-Sale ၀န်ထမ်းအားလုံး
၀တ်တဲ့ အထည်တွေက ဒီကလေးမလေးနှစ်ယောက်
နားရက်မရှိ တစ်လ ၃သောင်းနဲ့ ချုပ်ထားတဲ့ အထည်တွေပါ..

ဆိုင်တည်ထောင်တဲ့အချိန်ကနေ အခုထိ
Live-Sale အလုပ်ကို လက်ဆင့်ကမ်းလာတာ
ဇင်ဇင်နိုင်(ဇင်လေး)တို့က- ပထမအုပ်စု
ဇော်ဝင်းထိုက်တို့က - ဒုတိယအုပ်စု
သင်ဇာလီမြင့်ကျော်တိုက - တတိယအုပ်စု ထိရှိပြီ

Live-Sale ၀န်ထမ်းအယောက် ၂၀-၃၀ ပုံမှန်ရှိတတ်တယ်..
Live-Sale တွေကို ဦးချစ်မောင်လမ်းက ဆိုင်၂မှာပဲ ရိုက်တာကြောင့်

စက်ချုပ်ခန်းကိုလဲ အဲဒီမှာထားတာပါ..အထည်ခဏခဏ
ပြောင်းတာ သတိထားမိမှာပါ.. ၀န်ထမ်းတွေ၀တ်ရတဲ့ ယူနီဖောင်းကိုလဲ ဒီကလေးမလေးတွေ ချုပ်ရတာပါ..
ယူနီဖောင်းနှစ်ခါပြောင်းပြီး ၀န်ထမ်းတစ်ယောက်ကို ယူနီဖောင်း ၃စုံပေးတဲ့အတွက် အထည်ဘယ်လောက်ချုပ်ရမလဲ စဥ်းစားကြည့်ပါ..

ဆိုင်ရှင်မိန်းမက အခမ်းအနားကြီးကြီးရှိမှသာ
အပြင်ဒီဇိုင်နာနဲ့ အပ်ပါတယ်..

သိန်းဆယ်ချီတန်တဲ့ လုပ်အားကို တစ်လ ၃သောင်းနဲ့
တန်ဖိုးဖြတ် ခေါင်းပုံဖြတ်ခိုင်းစားပါတယ်..

ဒီကလေးမနှစ်ယောက် ၂နှစ်ကြာသွားတဲ့အထိ
လစာ ၃သောင်းပါပဲ.. စာချုပ်က ၃နှစ်မှ ပြည့်မှဖြစ်လို့
ထွက်ချင်ရင် စပေါ် ၃သိန်းပြန်မရပဲ ထွက်ရပါတော့မယ်..
ထွက်ပြေးရင်လဲ အိမ်ကို လျော်ကြေးနဲ့ ဆင့်ခေါ်စာ
ရောက်လာတော့မှာပါ.. ဒီအတွက် အပျောက်ရှောင်တမ်းသွားတဲ့ ၀န်ထမ်းတွေ ရှိလာတာပါ..

ကလေးမလေးနှစ်ယောက်က မခံနိုင်တဲ့အဆုံး
အထက်က ဂျာကြီးဖြစ်သူ အေးသက်မွန် ဆိုသူကို
ပြောတဲ့အခါမှာ ဆံပင်ဆွဲပြီး ပါးတွေနားတွေ ရို-က်ပါတော့တယ်.. လုံး၀ပေးမထွက်နိုင်ဘူးဆိုပြီး စာချုပ်တွေနဲ့
ခြိမ်းခြောက်ပါတော့တယ်..

ကလေးမလေးတွေက နှိပ်စက်ခံရလို့ ငိုယိုနေပေမဲ့
၀န်ထမ်းတွေက အကျိုးအကြောင်းမေးရာမှာ
ပြန်မပြောကြပါဘူး.. စာချုပ်ထဲမှာ
အလုပ်ထဲမှာ ဖြစ်တဲ့ကိစ္စကို ၀န်ထမ်းအချင်းချင်းပြန်မပြောရလို့ ထည့်ချုပ်ထားတာ သတိရစေချင်ပါတယ်..
အခု ထွက်ပြေးလာတဲ့အချိန်မှ ပြန်သိရတာဖြစ်ပါတယ်..

အခု Live Sale တွေမှာ ၀တ်ပြနေတဲ့အထည်တွေက
ကလေးမလေးတွေ လုပ်အားခေါင်းပုံဖြတ်ပြီး
မျက်ရည်တွေနဲ့ ဆင်ထားတာပါပဲ..

သိသွားပြီးတဲ့နောက်မှာ
အရင်က တောက်တောက်ပပ ၀တ်ဆင်ထားပေမဲ့လဲ
အကုသိုလ်တွေ ရုံထားတယ်လို့ပဲ မြင်ပါတော့တယ်..

ဒီလိုအခြေအနေတွေကြောင့် ၀န်ထမ်းတွေက
နယ်ပြန်ခွင့်ရရင် ပြန်မလာတော့တာတွေ
ရှိလာပါတယ်.. ဒါကြောင့် နယ်ပြန်သွားရင်
ခွင့်အဆင့်ဆင့်တိုင်ရတာ
ခံ၀န်လက်မှတ်ထိုးရတာတွေ ဖြစ်လာတယ်..
ပြန်မလာတဲ့၀န်ထမ်းကို ဘာလုပ်လဲဆိုတာ
ပုံထဲက စာရွက်မှာ တွေ့ရမှာပါ..

---------------------------

ဆိုင်ရှင်ဖြစ်သူ ဘာတွေပြောလဲ 👈

အွန်လိုင်းမှာ သူပြောတာ နားထောင်ဖူးတဲ့သူတွေကို
အခု သိရမဲ့ ဆိုင်ရှင်ဖြစ်သူရဲ့ ပြောစကားတွေက
ရှော့ရလောက်တယ်..

ဆိုင်ရှင်ဖြစ်သူက ၀န်ထမ်းတွေကို ခြိမ်းခြောက်
စကားပြောတာတွေရှိတယ်..

"နင်တို့သေရင်တောင် ငါဆိုင်ထဲမှာ
နင်တို့၀ိညာဥ်တွေကို မြုပ်ထားမှာ" မျိုးအထိ
ပြောတယ်.. ခေတ်အခြေအနေအရ
ဆိုင်မီးလောင် ၊ ဗုံးပေါက် ဖြစ်ရင်
၀န်ထမ်းတွေထွက်မပြေးရပဲ ပစ္စည်းတွေကို
စောင့်ရမယ်လို့ မှာထားပါတယ်..
အသက်နဲ့လဲပြီး ကာကွယ်ရမယ်လို့
ရိုက်သွင်းထားတယ်..

တစ်ခါက မန္တလေးဆိုင်ခွဲမှာ ၀ါယာရှော့ဖြစ်ပြီး
မီးလန့်တဲ့အချိန်မှာ အဲလိုအဖြစ်နီးနီး ဖြစ်သွားတယ်..

Customer တွေကို အပြင်ပေးထွက်ခိုင်းပြီး
၀န်ထမ်းတွေကို နေရာမတစ်ချက် မခွာခိုင်းပဲ
ပစ္စည်းတွေကို ကော်နံ့ မီးခိုးနံ့ထူပိန်းနေတဲ့
ကြားမှာ စောင့်နေခိုင်းတယ်လို့ ပြောပါတယ်..

ထွက်ပေါက်မှာ ဦးဇော်(သန်းနိုင်)ကိုယ်တိုင်
ပြေးပိတ်ထားတယ်လို့ ဆိုပါတယ်..
ဆိုင်ရှင်လင်မယားနဲ့ အမျိုး မကင်းရာမကင်းကြောင်း
ပတ်သတ်နေတဲ့လူပါ

"ဒီပစ္စည်းတွေက နင်တို့အသက်တွေထက်
ပိုတန်တယ်"ဆိုတဲ့ စကားကို ဆိုင်ရှင်လင်မယား နဲ့
ဒါရိုက်တာ အိအိဖြိုးက ခဏခဏပြောတယ်လို့
ကြားရပါတယ်..

ဒီလောက်စာအရှည်ကြီးရေးတာ👈👈
ပြည်သူတွေကို သေသေချာချာ သိစေချင်လို့ပါ..
၀န်ထမ်းတွေ ကြုံနေရတာ နည်းနည်းနောနောပြဿနာတွေ
ဒုက္ခဆင်းရဲတွေ မဟုတ်ပါဘူး..

၀န်ထမ်းတွေ ဘာလို့ ငြင်းဆန်လို့မရတာလဲ ၊
ဘာလို့ ခေါင်းမထောင်နိုင်တာလဲသိစေချင်ပါတယ်..
ထွက်ပြေးရတဲ့ကိစ္စတွေကိုလဲ နားလည်မိစေချင်ပါတယ်..

မီဒီယာတွေ နဲ့ လူမှုအဖွဲ့အစည်းတွေ ၊ 👈
လက်ရောက်မဲ့ တလရအင်အားစုတွေ ၊ 👈
စောင့်ကြည့်နေတဲ့ ပြည်သူတွေ 👈
ကို သိစေချင်ပါတယ်..

(မကြာခင် စပေါ်ကိစ္စ ၊ အလျော်ကိစ္စနဲ့ စာချုပ်တွေ ၊
ဆင့်ခေါ်စာတွေကို ထုတ်ပြပါတော့မယ်)

မျက်နှာဖုံးခွာချဖို့ အချိန်တန်ပြီ..

(ပုံတွေအောက်မှာ စာထည့် ရှင်းပြထားပါတယ်)

Credit MinKhantAung

Address

Bagan

Website

facebook.com

Alerts

Be the first to know and let us send you an email when Bago Media Myanmar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Bago Media Myanmar:

Videos

#ပဲခူးတန်ဆောင်တိုင် Video @ThetPhyoeKyaing

အေးချမ်းပါစေ ပဲခူးမြို့ကြီးရေ 13.10.2024 7:00 pm Credit BagoThu

ဦးလေးကြီးကို ဖေးမကူညီကြပါ ။ သားသမီး ၃ယောက် မြေး၁ယောက် နဲ့ မိန်းမ ရေဘေးမှာ အသက်ဆုံးရှုံးခဲ့ရတာ ရင်တွေ ကွဲရပါတယ် ဦးလေးရယ် ။ -

အောင်ပန်းဈေး နန်းယု

ပုန်းတလုပ်ကန်ကြီး ထဲဝင်ရောက်တယ့် ရွှေဥမင်ဘုရားတောင်ခြေမှ ရေထွက်လာခြင်းပါ အခုလိုမထွက်တာ၁၉နှစ်ကျော်ကြာခဲ့ပြီ ကျနော်ကလေးဘဝ ကတစ်ခါ ကြုံဖူးခဲ့ပါတယ် အဲ့တုန်းကခုလောက်ရေ အားမကောင်းပါ မြို့မိမြိုဖ တွေလဲ ရေကန် ပတ်ဝန်းကျင်တလျှောက် လေ့လာစောင့်ကြည့်နေပါတယ် အားလုံးဘေးကင်းကြပါစေဗျာလို့ မြို့ခံတဦးကရေးသားထားပါတယ် ရှမ်းပြည်တောင်ပိုင်း ပင်းတယမှာပါ 🎥Crd နန်း ယု

ယနေ့ ကလော Video @နန်းယု

ဧည့်ဝတ်ကျေချက် 😆 Video Credit

ခွင့်တူညီမျှ ဝါဒ ဖြူစင်တဲ့ ပြည် 😓 ထိုင်းနိုင်ငံ စူလတ်ဌာနီ ရွေ့ပြောင်းလုပ်သားတွေရဲ့ သားသမီးအများစု ပညာသင်ကြားနေတဲ့ စာသင်ကျောင်းတခုမှာ နိုင်ငံတော်သီချင်းကို အားပါတရ သံပြိုင်ဟစ်ကြွေး အားမာန်အပြည့်နဲ့ သီဆိုနေကြတာ မြင်ရတော့ ကြက်သီးမွှေညှင်း ထမိပါတယ် ။ အမိမြန်မာနိုင်ငံတော်ကြီး အမြန်ဆုံးငြိမ်းချမ်းပါစေ ။ @

ပဲခူး သင်္ကြန်အကျနေ့ .

ကမ္ဘာကြီးရဲ့ တခြားတဖက်မှာလည်း လူ့အသက်ပေါင်းများစွာ သေကြေနေကြောင်း သိရပါတယ် ။ ဟားမတ်စ် နှင့် အစ္စရေး စစ်တပ် ၂ခု ကြား မြေဇာပင် ပါလက်စတိုင်း အရပ်သားပြည်သူများ၏ ဝမ်းနည်းဖွယ်ရာ ရုပ်သံမှတ်တမ်း ( အောက်တိုဘာ ၊ ၉ရက် ၊ ၂၀၂၃ ခုနှစ် ) ၃ရက်တာ တိုက်ပွဲအတွင်း လူပေါင်း (၁၆၀၀) နီးပါး သေဆုံးသွားပါပြီ -