APTV

Welcome to APTV ! We aim to be a catalyst of a cultural renaissance, of an intellectual revolution, and of profound change. This is more than media.

Our mission is clear: to challenge, to provoke, and to inspire. This is a movement.

05/12/2024

Welcome to APTV !

We used to be Ayadaw Post, but after almost 4 years of revolutionary journey, we also had to go through some changes like many did. But, the stories we reported as a former news media are still on our channels, as our history and milestones. And they will be a testament for how we have grown and are still going strong.

We are APTV, where the past meets the future, and ideas ignite transformation.
We aim to be a catalyst of a cultural renaissance, of an intellectual revolution, and of profound change.

Our mission is clear: to challenge, to provoke, and to inspire.
With stories that shape societies, voices that spark movements, and perspectives that dare to question, APTV is your platform for the bold, the brave, and the brilliant.

This is more than media. This is a movement.
The world is changing—let’s change it together.

05/12/2024

THIS IS NOT A GOODBYE!

WE WILL BE BACK, SOON.

27/10/2024

ဘုတလင်နယ်၊ နတ်ရွာနှင့် မြင်သာရွာတို့ကို စစ်ကောင်စီတပ်က ဂျက်ဖိုက်တာ ၂ စီးတွဲပျံပြီး ဗုံးကြဲတိုက်ခိုက်
အောက်တိုဘာ ၂၇ | မုံရွာ

ယနေ့ အောက်တိုဘာ ၂၇ ရက်၊ ညနေ ၅း၄၅ နာရီခန့်တွင် ဘုတလင်မြို့နယ်၊ နတ်ရွာနှင့် မြင်သာကျေးရွာတို့အနီးတဝိုက်ကို စစ်ကောင်စီတပ်က မိတ္ထီလာ ရှမ်းတဲလေတပ်မှ ပျံတက်လာသော ဂျက်ဖိုက်တာ ၂ စီးဖြင့် ဗုံးကြဲတိုက်ခိုက်ခဲ့သည်။ တိုက်ခိုက်မှုကြောင့် ထိခိုက်ပျက်စီးမှုအခြေအနေကို မသိရှိရသေးပါ။

ဘုတလင်မြို့နယ်တွင် စစ်ကောင်စီ၏ ခြေလျင်စစ်ကြောင်းကလည်း အရပ်သားပြည်သူများကို လူမဆန်စွာ ရက်ရက်စက်စက်သတ်ဖြတ်ခြင်း၊ နေအိမ် ၄၀၀ ကျော်ကို မီးတင်ရှို့ခြင်းစသည့် စစ်ရာဇဝတ်မှုများကို ကျူးလွန်ထားသည်။ အဆိုပါစစ်ကြောင်းသည် ယနေ့ညနေပိုင်းတွင် ဘုတလင်မြို့နယ်၊ ပဲမြစ်တောအရှေ့ရွာသို့ ရောက်ရှိနေကြောင်း သတင်းရရှိသည်။

ယခုတခေါက် ဘုတလင်မြို့နယ်တွင်း စစ်ကြောင်းထိုးမှုတွင် ပိုမိုဆိုးရွားလာသော စစ်ကောင်စီတပ်၏ လုပ်ရပ်များကြောင့် ဘုတလင်မြို့နယ်ကျေးရွာများမှ ဒေသခံပြည်သူအများအပြား ထိတ်လန့်ကာ စစ်ဘေးရှောင်တိမ်းနေကြရသည်။

ဓာတ်ပုံ - ယနေ့ ၂၀၂၄၊ အောက်တိုဘာ ၂၇ ရက်တွင် ဘုတလင်မြို့နယ်၊ နတ်ရွာနှင့် မြင်သာကျေးရွာတို့အနီး လေကြောင်းတိုက်ခိုက်ခဲ့သော စစ်ကောင်စီဂျက်ဖိုက်တာ ၂ စီး (Photo - Thurain)

Subscribe Ayadaw Post on Telegram

#အရာတော်ပို့စ်
#ဘုတလင်

15/10/2024

"ပုလွေဆရာ သေဆုံးခန်း"

◼️ရိုင်းစိုင်းသော်

▪︎ Short Story

(၁)
ဒီတခါ သတိလွတ်သွားတဲ့အချိန်ကိုတော့ သေချာမှတ်ထားမယ်လို့ မိနီ တေးထားတယ်။ ဒီနေ့လည်း ထပ်ဖြစ်နိုင်တယ်လို့ သူ့စိတ်က ထင်နေတယ်လေ။
မနက်စာအတွက်တော့ လမ်းဘေးမှာ ကလေးတယောက်ယောက် ကျနေခဲ့ပုံရတဲ့ ဘိန်းမုန့်အပဲ့တခုကို သူစားပြီးပြီ။ ဈေးလမ်းကြားမှာ မြေပဲသီးတောင့်နည်းနည်း ထပ်တွေ့တာကို အသိုက်ထဲ ကိုက်ချီသွားမလို့ စိတ်ကူးနေတုန်းမှာပဲ ကြိမ်နှုန်းမြင့် အသံတခုကို ကြားလိုက်ရတယ်။

"စပြီနော် စပြီ" လို့ သူ့ကိုယ်သူ ပြန်သတိပေး ရေရွတ်ရတယ်။ အသံကို မကြားရအောင် ဖုံးထားနိုင်မလားဆိုပြီး သူ့နားရွက် ထောင်ထောင်လေးတွေကို လက်တွေနဲ့ ပုတ်ခတ်ကြည့်တယ်။ မရပါဘူး။ အသံက တိုးတိုးလေး ကြားနေရာကနေ သူ့ခေါင်းကို ပတ်ချာလည်ပြီး ဝေ့ဝဲနေသလိုမျိုး ခံစားလာရတယ်။ အသံလှိုင်းတွေက သူ့ဦးခေါင်းခွံထဲကို တဖြည်းဖြည်း စိမ့်ဝင်လာသလို ဖြစ်လာတယ်။ ကြိမ်နှုန်းမြင့် အသံလှိုင်းရဲ့ကြားက တေးသွားလိုလို တစုံတရာကို ကြားလိုက်တဲ့အချိန်မှာပဲ သူ့အာရုံအားလုံးဟာ ခလုတ်နှိပ်ပြီး တိကနဲ ပိတ်ချခံလိုက်ရသလို ပြတ်တောက်သွားတယ်။

ကြွက်မလေး မိနီ ပြန်နိုးလာပါတယ်။ ဒါပေမယ့် နှစ်ဖာလုံလောက်ဝေးတဲ့ ရပ်ကွက်ပန်းခြံလေးထဲက မြက်ခင်းပေါ်မှာ။ ပြီးတော့ နေဝင်လို့ မိုးစုန်းစုန်းချုပ်နေပြီ။

(၂)
"သွားစမ်းပါဟာ။ ဒီမှာ အစာရှာရတာ ကြပ်တည်းလာလို့ ဒုက္ခရောက်နေရတဲ့ထဲ နင်က တမှောင့်။"

နောက်တနေ့မှာ အကိုဖြစ်သူဆီကို သွားပြီး သူသတိပြုမိသမျှ မူမမှန်တဲ့ အဖြစ်အပျက်တွေကို ပြန်ပြောပြတော့လည်း သူ့စကားတွေကို သိပ်ပြီး အရေးမလုပ်ဘူး။ တကယ်တော့ သူ ခံစား တွေ့ကြုံရတာတွေကို ပြောပြတဲ့အချိန်မှာ အကိုက သေချာနားထောင်နေတဲ့အပြင် တခုခုကိုပါ တပြိုင်နက် စဉ်းစားနေတာကို မိနီ ရိပ်မိတယ်။ ဒါပေမယ့် အရင်တခေါက် လာ‌တုန်းကလိုပဲ၊ သူပြောပြတာတွေနဲ့ ပတ်သက်ပြီး ဘာမှ ပြန်မဆွေးနွေးဘဲ ပူညံပူညံပဲ လုပ်လွှတ်လိုက်တယ်။

အကိုက အိမ်ထောင်ကျပြီးပြီ။ သူ့မိန်းမက အရင်လဆန်းကပဲ နီတာရဲလေး ၅ ကောင် မွေးပေးထားတော့ သူ့မှာ ပြာယာကို ခတ်နေတာရယ်။

မိနီ အကိုဆီက ပြန်လာတော့ မှောင်ရီဖျိုးဖျလေးမှာ။ သူ့အသိုက်ရှိတဲ့ အိမ်ပျက်ကြီးဘက်ကို ပြန်နေကျလမ်းအတိုင်း ပြန်လာရင်း သူ့နောက်ကို တယောက်ယောက် လိုက်လာတာကို သတိထားမိလိုက်တယ်။ ခနတော့ ဟန်မပျက် ဆက်လျှောက်ပြီးမှ လမ်းဘေးကို ဖြတ်ခနဲ ပြေးဝင်ပုန်းလိုက်တယ်။ သူ့နောက် ကတယောက်က ပြေးလိုက်လာပြီး သူ့ကိုမတွေ့တော့ ဟိုကြည့်ဒီကြည့်နဲ့ ရှာနေတယ်။ မိနီ လမ်းဘေးက ခုန်ထွက်ပြီး သူ့နောက်က လိုက်လာတဲ့သူကို ကိုယ်လုံးချင်း ပြေးတိုက်လိုက်တယ်။

"အာလာလာ သေပါပြီ"

အရှိန်နဲ့ လွင့်ပြီး လမ်းဘေးကျသွားတဲ့သူကို ကြည့်လိုက်တော့ သူ့အကိုသူငယ်ချင်း ငတာဖြစ်နေတယ်။

"ငတာလား ငါ့နောက်က ဘာလို့လိုက်လာတာလဲ"
"အေး အေး ဆောရီး မိနီရေ။ နင် ငရဲတို့အသိုက်က ထွက်လာကတည်းက ငါလည်း ကြိုစောင့်နေတာ။"
"ဘာကိစ္စရှိလို့လဲ။"
"ဒီမှာပြောလို့ မကောင်းတဲ့ကိစ္စဟ။ နင် ငရဲဆီမှာ ပထမတခေါက် လာတိုင်ပင်တုန်းကတည်းက ငါတို့ကို သူပြန်ပြောပြတယ်။"

မိနီ ဝမ်းသာသွားတယ်။ သူ ဒီလိုမျိုး တယောက်တည်းပဲ ခံစားနေရတာ ကြာပြီလေ။ သူ့လိုမျိုး တခြား သတိထားမိတဲ့သူတွေ ရှိသေးတာလား။ ငတာက သူ့မျက်နှာကို သေချာကြည့်ပြီး လေးလေးနက်နက်ပြောတယ်။
"နင်တယောက်တည်း မဟုတ်ဘူးဆိုတာကို မမေ့ပါနဲ့"

(၃)
ငတာက အကျိုးအကြောင်းပြောပြပြီး ခေါ်သွားလို့ မိနီ ဂိုဒေါင်ဟောင်းကြီးတခုထဲမှာ ရောက်နေတယ်။ ထပ်ခိုးကို ငတာနဲ့အတူတူ တက်သွားတော့ ကြိုရောက်နေတဲ့ တခြားကြွက်တွေကိုလည်း တွေ့ရတယ်။ ငတာ့ကိုတွေ့တော့ နှုတ်ဆက်ကြတယ်။ မိနီတို့ရောက်ပြီး မကြာခင်မှာပဲ ခေါင်မိုးပေါ်က တကောင် ကောင် ဆင်းလာသံကို ကြားရတယ်။ ထပ်ခိုးမှာ အလင်းရောင်ကောင်းကောင်းရှိတော့ ဆင်းသက်လာတဲ့အရိပ်တခု လှုပ်ရှားနေတာကို နံရံမှာ မြင်နေရတယ်။ ထပ်ခိုးကြမ်းပြင်ကို ခြေချသံကြားရပြီးတော့ အရိပ်ပိုင်ရှင်က အမှောင်ထဲကနေ တဖြည်းဖြည်း ထွက်လာရင်း စကားစပြောတယ်။

"အားလုံးပဲ ကျုပ်နာမည်ကတော့ ငကင်းပါတဲ့ဗျာ"

စိတ်ဝင်တစားကြည့်နေတဲ့ ကြွက်အားလုံးရဲ့ရှေ့ကို စကားသံနဲ့အတူ ကြွက်ကြီးတကောင် ရောက်လာတယ်။

"အရှိတရားရဲ့ မှားယွင်းမှုတွေကို သတိပြုမိကြပြီး ခေါင်းငုံ့ လက်မခံဘဲ မေးခွန်းထုတ်ရဲသူတွေကို အခုလို မြင်တွေ့ရလို့ ကျုပ်က အလွန်ဝမ်းမြောက်မိပါတယ်"

ငကင်းဆိုသူက မိနီရှေ့မှာ သူ့ခြေလှမ်းတွေကို ရပ်လိုက်တယ်။ အကောင်ကြီးသလို အရောင်လွင့်စပြုနေတဲ့ သူ့အမွှေးအမင်တွေကြောင့် အသက်လည်း ကြီးပြီဆိုတာ ပေါ်လွင်တယ်။

"တွေ့ရတာ ဝမ်းသာပါတယ်။ တူမောင် ငရဲရဲ့ ညီမကလေး မဟုတ်လားကွယ့်။"

သူ့အကိုကိုလည်း သိပုံရလို့ မိနီ တရိုတသေပဲ ပြန်နှုတ်ဆက်လိုက်တယ်။ ငကင်းက အခြေအနေတွေကို နားလည်အောင် သူရှင်းပြမှာ ဖြစ်ကြောင်းနဲ့ ပြီးရင် ဘာလုပ်လို့ရမလဲဆိုတာပါ နားလည်သွားမှာဖြစ်ကြောင်း မိနီကို သေချာပြောပြတယ်။ အကို့မိသားစုအကြောင်းလည်း စကားစမြည်လို ပြောနေသေးတယ်။ ပြီးတော့မှ မိနီတို့တွေအားလုံး မျက်နှာမူထားတဲ့ ခုံမြင့်လေးတခုပေါ်ကို သူတက်တယ်။

ကြွက်တွေရဲ့ ကျွန်သမိုင်းလို့ အစချီပြီး ဇာတ်လမ်းတပုဒ်ကို စတင် ပြောပြပါတော့တယ်။ သူပြောတာတွေကို နားထောင်ကာစမှာ မိနီ အံ့ဩမင်သက်သွားတယ်။ ပြီးတော့ နာကြည်းမှုနဲ့ ယူကျုံးမရဖြစ်မှုကိုလည်း ခံစားရတယ်။ နောက်ဆုံး သူပြောပြတဲ့ ဇာတ်လမ်းကြီး ပြီးသွားတဲ့အခါ မိနီရင်ထဲမှာ ဒေါသပဲ ကျန်တော့တယ်။

ကြွက်ကြီးငကင်း ပြောပြတဲ့ဇာတ်လမ်းက ပုလွေဆရာကြီး တယောက်အကြောင်း။ အဲဒီ ပုလွေဆရာကြီးက သူ့ပုလွေကိုမှုတ်ပြီး ကြွက်တွေကို ထိန်းချုပ်နိုင် တယ်တဲ့။ သူ့ပုလွေတေးသွားနဲ့ စိတ်ကို ညှို့ငင်ထားတဲ့အချိန်ဆိုရင် ကြွက်တွေဟာ သူ သေဆိုသေ၊ ရှင်ဆိုရှင်ပဲတဲ့။ သူခိုင်းသမျှကို လုပ်ပေးရတာတဲ့။
အဲဒီပုလွေဆရာကြီး ငယ်နုစဉ်ကဆိုရင် အမြို့မြို့အတိုင်းတိုင်းမှာ လှည့်လည်သွားရင်း ပုလွေတချောင်းနဲ့ ကြွက်တွေကို ထိန်းချုပ်ပြီး စီးပွားရှာခဲ့တာတဲ့။
မြို့တွေမှာ ကြွက်တွေကို ပွားများသောင်းကျန်းအောင် တမင်လုပ်ပြီးမှ အခကြေးငွေနဲ့ ပြန်နှိမ်နင်းပေးတာမျိုး။ ကြွက်တွေကို အကြောင်းပြုပြီး မြို့ခံတွေရဲ့ ကလေးတွေကို ပြန်ပေးဆွဲတာမျိုး။ ကြွက်တွေကို လက်နက်အဖြစ်အသုံးချ‌တဲ့ အကြမ်းဖက်မှုမျိုးတွေ။ ဓားပြမှု။ လောင်းကစားမှုတွေ။ ဒုစရိုက်မှုအစုံပါပဲ။
မိနီတို့ရဲ့ ကြွက်မျိုးနွယ်တွေကို အင်မတန် ဆိုးယုတ်တဲ့ နည်းလမ်းမျိုးစုံနဲ့ ပုလွေဆရာဟာ အသုံးချခဲ့တာ။

မိနီ ဒေါသကြောင့် တကိုယ်လုံးက အမွှေးအမျှင်တွေ ထောင်ထနေသလို ခံစားနေရတယ်။ တခြားကြွက်တွေထက် သေးငယ်တဲ့ သူ့ခန္ဓာကိုယ်လေးဟာ တဆတ်ဆတ်ကို တုန်နေတာပဲ။

နောက်တခေါက် အစည်းအဝေးလုပ်တော့ ဂိုဒေါင်ဟောင်းကြီးမှာ မဟုတ်တော့ဘူး။ မိနီလည်း တခါမှ မရောက်ဖူးတဲ့နေရာ။ ရောက်လာကြတဲ့ ကြွက်အရေအတွက်လည်း ပိုနည်းတယ်။

လူစုံတော့ ကြွက်ကြီးငကင်း ထွက်လာပြီး ထုံးစံအတိုင်း စကားအရင်ပြောတယ်။ ဒီတခါတော့ သမိုင်းကြောင်းမဟုတ်ဘူး။ လက်တွေ့အခြေအနေတွေ။ မိနီတို့မြို့လေးက ကြွက်တွေ ဘာကြောင့် မကြာခနဆိုသလို ရုတ်တရက် သတိ‌မေ့သွားကြပြီး အချိန်တွေ ပျောက်နေရတာလဲ ဆိုတာရယ်။ မူလပြောပြတဲ့ ဇာတ်လမ်းထဲက ပုလွေဆရာဟာ အခုဆိုရင် အသက်ကြီးရင့်လာပြီး ဒီမြို့မှာ နေထိုင်လှုပ်ရှားနေတဲ့ အကြောင်းရယ်။ ပြီးတော့ မိနီတို့ မြို့ခံကြွက်တွေအနေနဲ့ ဘာလုပ်ကြမလဲ ဆိုတာရယ်ပေါ့။

တကယ်တော့ ဘာလုပ်ကြမလဲဆိုတဲ့ မေးခွန်းထွက်လာဖို့ကို မလိုအောင် အဖြေက ရှင်းနေပါတယ်။ အနာဂတ် ကြွက်မျိုးနွယ် အားလုံးအတွက် ပုလွေဆရာဆိုတာ ကြောက်မက်ဖွယ် အရှိတရားတခုအစား ယုံတမ်း ပုံပြင်သက်သက်သာဖြစ်ဖို့ လိုအပ်တယ်လေ။

"ပုလွေဆရာကြီးက အသက်လည်း ကြီးပြီဆိုတော့ အရင်ကလိုမျိုး ကြီးကြီးမားမား မလုပ်နိုင်တော့ဘူး။ ဒီမြို့ကိုရောက်တော့ ဒီမြို့က ကြွက်တွေကို အသုံးချပြီး မြို့ခံလူတွေရဲ့ လက်ဝတ်လက်စား အသေးလေးတွေကို ခိုးခိုင်းနေရုံပဲ လုပ်နိုင်တော့တာ။"

ငကင်းက သူ့အမြီးရှည်ကြီးကို တယမ်းယမ်းလုပ်ရင်း ဆက်ပြောတယ်။

"အဲဒါကို ရှင်က ဘယ်လိုလုပ်သိတာလဲ"

မိနီ ခေါင်းထဲပေါ်လာတဲ့ မေးခွန်းကို လွှတ်ခနဲ မေးလိုက်မိတယ်။

ကြွက်ကြီးငကင်းက နှစ်နှစ်ခြိုက်ခြိုက် ပြုံးတယ်။ ပြီးတော့ အချက်ပေးသံတခုကို အော်လိုက်ရာမှာ သူ့ရှေ့ကို ကြွက်ပျို ၄ ကောင် ထွက်လာပြီး တန်းစီရပ် တယ်။

"ဒီလို ကိုယ်ကျိုးစွန့်တဲ့ သူရဲကောင်းတွေကြောင့်သာ ငါတို့ဟာ ပု‌လွေဆရာနဲ့ပတ်သက်တဲ့ အချက်အလက်တွေကို စုဆောင်းနိုင်ခဲ့တာဖြစ်တယ်" လို့ သူက ပြောရင်း ကြွက် ၄ ကောင်ကို ခေါင်းညွတ်ပြီး အရိုအသေပြုတယ်။ တန်းစီရပ်နေတဲ့ ကြွက်ပျို‌ ၄ ကောင်က ဘာမှ ပြန်မပြောပေမယ့် ခေါင်းညွတ်ပြီး အရိုအသေပြန်ပေးတယ်။

"သူတို့ ၄ ယောက်ဟာ နားမကြားရဘူး။ နားမကြားတော့ဘူးလို့ ပြောရင် ပိုမှန်လိမ့်မယ်။"

"ပုလွေဆရာ ဒီမြို့ကို ရောက်နေတယ်လို့ သံသယရှိတာနဲ့ အနီးကပ် စောင့်ကြည့်ထောက်လှမ်းဖို့ ငါတို့ ကြိုးစားခဲ့ကြတယ်။ ဘယ်နည်းနဲ့မှ အလုပ်မဖြစ်ခဲ့ဘူး။ နောက်ဆုံးတော့ ပေးဆပ်မှုကြီးမားတဲ့ နည်းလမ်းကို မဖြစ်မနေ ရွေးချယ်လိုက်ရတယ်။"

မိနီ သူတို့ရှေ့က ကြွက်ပျို ၄ ကောင်ကို ဝဲတက်လာတဲ့ မျက်ရည်တွေကြားကနေ ကြည့်ဖြစ်တယ်။ သူတို့မျက်နှာတွေက နောင်တ, တစက်မှမရှိဘဲ ဂုဏ်ယူနေဟန်က အထင်းသား။ ထီမထင်တဲ့ အပြုံးတွေနဲ့ ရင်ကော့ပြီး ခေါင်းမော့ထားကြတယ်။

ကြွက်မျိုးနွယ်အဆက်ဆက်ကို ဒုက္ခပေးခဲ့တဲ့ ရန်သူတော်ပုလွေဆရာကို အာခံဖို့သက်သက်အတွက် အကြားအာရုံတွေကို ကိုယ်တိုင် ဖျက်ဆီးပစ်ခဲ့ကြတာတဲ့။ မိနီမှာ ကြည်ညိုလေးစားစိတ်ကြောင့် မျက်ရည်ကျရတယ်။

အခု စုဝေးနေတဲ့ကြွက်တွေမှာက သဘောထားတခုတည်းရှိတယ်။ အိုမင်းစပြု‌လို့ အင်အားနည်းနေပြီဖြစ်တဲ့ ပုလွေဆရာကြီးကို အမြစ်ဖြတ်ဖို့၊ အနိုင်ယူဖို့၊ ကြွက်မျိုးနွယ်အတွက် တရားမျှတမှုကို ပြန်ယူဖို့။

(၄)
ပုလွေဆရာကို တိုက်ခိုက်ဖို့အတွက် ကိုယ်တိုင်ကိုယ်ကျ ပါဝင်မယ်ဆိုတာနဲ့ ပေးဆပ်ရမယ့်အရာကို ကြွက်အားလုံးလည်း သိတယ်။ ဒါပေမယ့် ပုလွေဆရာကြီးကို တိုက်ခိုက်ဖို့အတွက် ဘာမဆို စွန့်လွှတ်မယ့်သူတွေချည်းပဲဆိုတော့ သိပ်မကြာခင်မှာပဲ ကြွက်တပ်ပေါင်းစုတခုအဖြစ် အင်အားရှိလာခဲ့တယ်။

ပုလွေဆရာရဲ့ တေးသွားကိုလည်း မကြာခန ကြားနေရတုန်းပါပဲ။ ဒါပေမယ့် အသိစိတ်ပျောက်သွားပြီး တခြားအချိန်၊ တခြားနေရာမှာ ပြန်နိုးလာပြီဆို အရင်ကလို စိတ်ရှုပ်ထွေးမှုနဲ့ ကြောက်ရွံ့မှုကို မိနီ မခံစားရတော့ဘူး။ မျှော်လင့်ချက်ကြောင့် ခွန်အားရှိရှိ ပြန်ထလာနိုင်နေပြီ။

မိနီလည်း ပုလွေဆရာကို တိုက်ခိုက်မယ့်အဖွဲ့မှာ ကိုယ်တိုင်ပါချင်လို့ စာရင်းပေးခဲ့တယ်။ ဒါပေမယ့် ကြွက်ကြီးငကင်းက လက်မခံသလို အကို ငရဲနဲ့ သူ့သူငယ်ချင်း ငတာတို့ကပါ ကန့်ကွက်ကြတယ်။ တိုက်ခိုက်ရေး ကြွက်အင်အားက လိုတာထက် ပိုနေပြီတဲ့လေ။ စိတ်တိုလွန်းလို့ မိနီ နားရွက်ထဲကို အပ်နဲ့ ကိုယ့် ဖာသာ ထိုးဖောက်ပစ်မယ့်အကြောင်း အကို့ကို ခြိမ်းခြောက်ခဲ့သေးတယ်။ အဲဒီတော့မှ အကိုက သူကိုယ်တိုင်လည်း ဒီကိစ္စကြီး အစကတည်းက ပါဝင်လှုပ်ရှားနေခဲ့တာဖြစ်ပြီး တိုက်ခိုက်ရေးအတွက် စာရင်းပေးခဲ့ပေမယ့် အကြားအာရုံ စွန့်လွှတ်ခါနီးမှ သူ့ချစ်သူ (လက်ရှိ သူ့မိန်းမ) ကိုယ်ဝန်ရှိနေကြောင်း ထုတ်ပြောလို့ တိုက်ပွဲဝင် ကြွက်တကောင် မဖြစ်ခဲ့တာဆိုတဲ့အကြောင်း ဝန်ခံတော့တယ်။

အဲဒီနောက်တော့ မိနီလည်း တိုက်ပွဲအတွက် ပြင်ဆင်ရာမှာ လိုအပ်တဲ့ပစ္စည်းတွေ စုဆောင်းပေးတဲ့တာဝန်ကိုပဲ သူ့အကိုနဲ့အတူတူ ယူထားလိုက်တော့တယ်။

တိုက်ပွဲအတွက် လိုအပ်တဲ့ လက်နက်ခဲယမ်းနဲ့ ပစ္စည်းကိရိယာတွေ ပြည့်စုံတဲ့အချိန်မှာ တိုက်ပွဲဝင်မယ့် ကြွက်ရဲဘော်တွေနဲ့ မိနီတို့ ကျန်တဲ့သူတွေအားလုံး တွေ့ဆုံပွဲလုပ်ကြတယ်။ အကို့သူငယ်ချင်း ငတာကလည်း တိုက်ခိုက်ရေးဆိုတော့ အကြားအာရုံ စွန့်လွှတ်ထားပြီးပြီ။ တွေ့ဆုံပွဲမှာ နှုတ်ဆက်ကြရင်း ကံကောင်းစေဖို့ဆိုပြီး မိနီလည်း သူ့ပါးကို အနမ်းတပွင့် လက်ဆောင်ပေးခဲ့လိုက်သေးတယ်။

(၅)
ပုလွေဆရာကြီး သေပြီတဲ့။

တိုက်ပွဲတပွဲထဲနဲ့ အဆုံးအဖြတ်ပေးမယ့် စစ်ပွဲဟာ ပြီးဆုံးခဲ့ပါပြီ။ လွဲချော် ဖိတ်စင်မှုတချို့ ရှိခဲ့ပေမယ့် အချိန်တန်တော့လည်း လောကဓမ္မက အနိုင်ရသွားခဲ့ပါတယ်။ ကြွက်ကြီးငကင်းကတော့ သူဖတ်ဖူးတဲ့ ဆွန်ဇုကျမ်းထဲက သေနင်္ဂဗျူဟာတွေကို လက်တွေ့ အသုံးချခဲ့တာ‌ကြောင့်ပါလို့ ပြောတယ်။ ဒဏ်ရာရတဲ့ ကြွက်တွေကို ပုလွေဆရာကြီးရဲ့ အိမ်အပြင်ဘက်ကနေ ကူညီပေးနေခဲ့တဲ့ မိနီတို့လည်း ပုလွေဆရာကြီး သေပြီဆိုတော့ အိမ်ထဲ ဝင်ကြည့်ကြတယ်။

မုန်းတီးစိတ်အပြည့်နဲ့ ကြွက်တွေရဲ့ ညီညွတ်စွာ လက်စားချေမှုကြောင့် ပုလွေဆရာကြီးရဲ့ ရုပ်အလောင်းဟာ မြင်မကောင်း ရှုမကောင်း။ ခန္ဓာကိုယ်အနှံ့မှာ အမျိုးအမည်စုံလင်လှတဲ့ လက်နက်လေးတွေ ဗရပွထိုးစိုက်လို့။ သူ့အိမ်မှာသူရှိနေချိန် ကြွက်တွေရဲ့ အလစ်အငိုက် တိုက်ခိုက်ခြင်းကို ခံလိုက်ရတာမို့ မျက်နှာက အံ့ဩမှုအပြင် ကြောက်ရွံ့ သေဆုံးသွားပုံမျိုးဆိုတော့ မိနီလည်း ကျေနပ်တယ်။

မိနီတို့ ကြွက်တွေအားလုံး ပျော်နေကြပြီ။ တိုက်ပွဲဝင် ကြွက်တွေခမျာမှာဆို ဂုဏ်ပြုစကား လာပြောတဲ့သူတွေတိုင်းကို ခေါင်းညိတ် တုံ့ပြန်ပေးနေရတာနဲ့တင် ကောင်းကောင်း အနားမယူရရှာကြ။ မြို့ခြားနယ်ခြားက ကြွက်တွေတောင် သတင်းကြားလို့ ရောက်လာကြတယ်။ ပုလွေဆရာကြီးရဲ့ မီးဖိုချောင်ဟာ ပျော်ပွဲရွှင်ပွဲတွေအပြည့်နဲ့ ပါတီဌာနကြီးဖြစ်သွားတယ်။ ကြွက်တလောကလုံးဟာ တိုက်ပွဲရဲ့ အသီးအပွင့်ဖြစ်တဲ့ အောင်ပွဲအရသာကို ခံစားနေကြရပြီလေ။

(၆)
မိနီ ပျော်ရွှင်နေတဲ့သူတွေကို ကြည့်နေရင်း စိတ်ထဲမှာ တမျိုးကြီးဖြစ်လာတယ်။ တခုခု မှားနေသလိုပဲ။ သူတို့အားလုံး မေ့လျော့နေကြတဲ့ အရာတခုခု ရှိနေတယ်။

မိနီ ရုတ်တရက် သတိရသွားပြီး ပျော်ပွဲရွှင်ပွဲရဲ့အပြင်ကို ပြေးထွက်သွားတယ်။ ပုလွေဆရာကြီးရဲ့ အိပ်ခန်းကို ဝင်သွားပြီး မိနီ နေရာအနှံ့ ပြေးလွှားရှာကြည့်တယ်။ သူတို့ကို ထိန်းချုပ်နိုင်တဲ့ ပုလွေဆိုတာက ဘယ်မှာလဲ။ ပုလွေထည့်တဲ့ သေတ္တာလေး ပွင့်နေတာကို တွေ့ပေမယ့် ပုလွေကို မတွေ့ရဘူး။ မိနီ တဖြည်းဖြည်း ကြောက်ရွံ့လာတယ်။ အဆိုးဆုံး ဖြစ်နိုင်ခြေတွေကို တွေးမိလာတယ်။ ဒါပေမယ့် အဆိုးဆုံး ခန့်မှန်းချက်တွေကို ကြာကြာ မစဉ်းစားလိုက်ရပါဘူး။

တံခါးဝမှာ တယောက်ယောက်လာရပ်လို့ အရိပ်တခုက မိနီရှိနေတဲ့ အိပ်ခန်းထဲကို ထိုးကျလာတယ်။

"ပုလွေကို ရှာနေတာလား မိနီ"
ကြွ
က်ကြီးငကင်းက တံခါးဝမှာ မားမားကြီးရပ်ရင်း မေးတယ်။ ပုလွေကို သူ့နောက်ကျောမှာ ကြိုးနဲ့လွယ်ထားတာ တွေ့ရတယ်။ သူ ဘယ်အချိန်က ဝင်ယူထားတာလဲတောင် မသိဘူး။

"ဟုတ်တယ် အောင်ပွဲခံနေတဲ့ ကြွက်တွေအားလုံး အတူတူ ပုလွေကိုဖျက်ဆီးပစ်ဖို့ အချိန်ကျပြီမို့"

မိနီ လက်နှစ်ဘက်ကို ဆန့်တန်းပြီး တောင်းလိုက်တယ်။

"ကျမကို ပုလွေ ပေးပါ"

ငကင်းက မိနီပြောတာကို ဂရုမစိုက်ဘဲ အခန်းထဲ တလှမ်းချင်း ဆက်ဝင်လာတယ်။

"ငါတို့တွေ အသုံးချခံဘဝက လွတ်ပြီလေ မိနီ။ ငါတို့ ဒီလောက် ပေးဆပ်မှုတွေအများကြီးနဲ့ တိုက်ပွဲဝင်ခဲ့တာဟာ ပုလွေဆရာ သေတာနဲ့တင် တန်သွားပြီလို့ မင်းထင်သလား။"

"ရှင် ဘာတွေ ပြောနေတာလဲ"

"ပြောသင့်တဲ့စကားကို ပြောသင့်တဲ့အချိန်ရောက်လို့ ပြောနေတာပါ။

ငါ့အဖေနဲ့ အမေလည်း ဒီပုလွေဆရာကို တိုက်ခိုက်ရင်းပဲ သူတို့တသက်ကို ဖြတ်သန်းခဲ့ကြတာ။ ဆိပ်ကမ်းမြို့မှာ ပုလွေဆရာကို တိုက်ခိုက်ရင်း ကျဆုံးသွားခဲ့ကြတဲ့ သူရဲကောင်းကြွက်တွေလေ။"

ဒေါနဲ့မောနဲ့ အားမာန်အပြည့် ပြောနေတဲ့ ကြွက်ကြီးငကင်းကို ကြည့်ရင်း မိနီ လန့်လာတယ်။

"အခုဆို ငါတို့ကြွက်မျိုးနွယ်ရဲ့ မဟာရန်သူတော်ကြီးလည်း မရှိတော့ဘူး။ သူ့ပုလွေက ငါတို့လက်ထဲမှာ ရောက်နေပြီ။ ဒါ ကြွက်ပေါင်းများစွာကို နှစ်ပေါင်းများစွာ ထိန်းချုပ်ခဲ့တဲ့ တူရိယာ။ တခြား ဘာတွေလုပ်နိုင်ဦးမလဲ။ ဖြစ်နိုင်ခြေတွေကို စဉ်းစားကြည့်စမ်းပါ။ ငါတို့ကြွက်တွေကို ဂေဟစနစ်မှာ အဆင့်ပိုမြင့်တဲ့နေရာရောက်အောင် မြှင့်ပစ်လို့တောင်ရတယ်။ ငါတို့က အစာကွင်းဆက်ရဲ့ ဘယ်နေရာမှာလဲဆိုတာကိုရော သိရဲ့လား။"

ငကင်းက စကားပြောရင်း ရှေ့ကို တလှမ်းချင်းတိုးလာတိုင်း မိနီခမျာ နောက်ကို တလှမ်းချင်း ဆုတ်‌ပြေးနေမိတယ်။ ဒါပေမယ့် ပြောစရာရှိတာကိုတော့ မပြောဘဲမနေဘူး။

"ကျမတို့ကို ဖိနှိပ်ရာမှာ အသုံးပြုခဲ့တဲ့ လက်နက်ကိရိယာတွေကို အပြီးတိုင် ဖျက်ဆီးပစ်မှသာ ကျမတို့ ကြွက်မျိုးနွယ်တခုလုံးအတွက် တရားမျှတမှု ရမှာဖြစ်တယ်လို့ ကျမယုံတယ်။ အဲဒီလို တကယ့်အောင်ပွဲ ရဖို့အတွက်ဆိုရင် အဲဒီ မကောင်းဆိုးရွားပုလွေကို ဟောဟိုက မီးလင်းဖိုထဲမှာ ပြာချပစ်မှ ရပါလိမ့်မယ်။"

"မင်းက မကောင်းဆိုးရွားပုလွေလို့ ခေါ်ပေမယ့် ငါ့အတွက်ကတော့ ကံကောင်းခြင်းတွေ ယူဆောင်လာမယ့် မှော်ပုလွေလေးလို့ သဘောထားပါတယ်။"

ငကင်းက မလျှော့ဘဲ ရှေ့ကို ထပ်တိုးလာမလို ခြေလှမ်းပြင်လိုက်တော့ မိနီလည်း မတတ်သာတော့ဘဲ ဝှက်ကိုင်ထားတဲ့ သံချွန်ကို ထုတ်ရွယ်လိုက်ရတယ်။

"ပုလွေကို ဖျက်ဆီးလိုက်ပါ"

"ဪ မိနီ မင်းက ရှင်းပြလို့ကို မရဘဲကိုး။ ဒီတော့လည်း ငါ့ပုလွေနဲ့ ပထမဆုံး စမ်းသပ်တာခံရမယ့် ကြွက်က မင်းဖြစ်သွားပြီပေါ့။"

ငကင်းက ပုလွေကိုသုံးဖို့ အသင့်ပြင်တယ်။ မိနီကို ထိန်းချုပ်ဖို့ သူ ကြိုးစားတော့မှာလေ။ ပုလွေကနေ တေးသွားတချို့ စထွက်လာကာ ရှိသေးတယ်။ မိနီရဲ့ မထင်မှတ်တဲ့လုပ်ရပ်ကို မြင်လိုက်ရတာကြောင့် ငကင်း ပါးစပ်အဟောင်းသားဖြစ်ပြီး အသံလှိုင်းတွေလည်း ရပ်တန့်သွားတယ်။

လက်ထဲက သွေးစက်လက်ကျနေတဲ့ သံချွန်နဲ့ပဲ နောက်ထပ်ကျန်တဲ့ နားတဘက်ကို မိနီ ထိုးဖောက်ပစ်လိုက်တယ်။

အဲဒီအချိန်မှာ ပုလွေကို ဆုပ်ကိုင်ထားပြီး မိနီကို ကြည့်နေတဲ့ ကြွက်ကြီးငကင်းရဲ့ မျက်နှာဟာ ဧည့်ခန်းထဲမှာ သေဆုံးနေတဲ့ ပုလွေဆရာကြီးရဲ့ မျက်နှာပေးနဲ့ တပုံစံထဲပဲ။

မိနီရဲ့ နားနှစ်ဘက်ကနေ သွေးတွေ ဒရဟော ယိုစီးနေတယ်။ ဒါပေမယ့် ပုလွေဆရာအသစ်ဖြစ်သူ ကြွက်ကြီးငကင်းရဲ့ မျက်နှာကိုကြည့်ပြီး မိနီ ပြုံးပြလိုက်ပါတယ်။ ။

[ "The Call - ခေါ်သံ" အွန်လိုင်းမဂ္ဂဇင်းမှာ ဖော်ပြခဲ့တဲ့ 'ရိုင်းစိုင်းသော်' ရဲ့ "ပုလွေဆရာ သေဆုံးခန်း"
ဝတ္ထုတိုကို ပြန်လည်ဖော်ပြလိုက်ပါတယ်]

Subscribe Ayadaw Post on Telegram :
https://t.me/ayadawpost

#အရာတော်ပို့စ်
#ခေါ်သံ
#အရာတော်

12/10/2024

အရာတော်မြို့နယ်တနေရာတွင် ငွေစက္ကူအတုသုံးစွဲသည်ကို တွေ့ရှိ
အောက်တိုဘာ ၁၂ | အရာတော်

ပြီးခဲ့သော စက်တင်ဘာလအတွင်းက အရာတော်မြို့နယ်တနေရာရှိ စားသောက်ဆိုင်တဆိုင်တွင် ကျပ်တစ်ထောင်တန် ငွေစက္ကူအတုဖြင့် လာရောက်သုံးစွဲသွားခဲ့သည်။
အဆိုပါ ငွေအတုကို သုံးစွဲသွားသူမှာ မည်သူမှန်း မသိလိုက်ရဘဲ နောက်ကျမှသာ သတိထားမိခဲ့သည်ဟု သတင်းရင်းမြစ်ထံမှ သိရှိရသည်။
လာရောက်သုံးစွဲသော တစ်ထောင်ကျပ်တန်ငွေစက္ကူ အတုမှာ ရိုးရိုးစက္ကူပေါ်တွင် ပုံနှိပ်ထားခြင်းသာဖြစ်ပြီး အချို့နေရာများတွင် မှင်များပါ ပျက်နေသည်ကို တွေ့ရသည်။

ယခုလို ငွေစက္ကူအတုသုံးစွဲမှုအပြင် အရာတော်မြို့နယ်၊ ကျေးရွာအချို့တွင် ခိုးမှုအသေးစားလေးများ ဖြစ်ပွားနေသည်ဟု သတင်းရရှိပြီး တရားမဝင်လောင်းကစားဝိုင်းများနှင့် ဆက်စပ်နေနိုင်ကြောင်း ဒေသခံအချို့က မှတ်ချက်ပေးကြသည်။

Subscribe Ayadaw Post on Telegram :
https://t.me/ayadawpost

အရာတော်ပို့စ် - Ayadaw Post
#အရာတော်ပို့စ်
#အရာတော်

07/10/2024

အရာတော်နဲ့ ဘုတလင်နယ်က ကျေးရွာတွေကို မီးဝင်ရှို့ပြီး ဒေသခံတွေကို နှိပ်စက်သတ်ဖြတ်ခဲ့ကြောင်း ဖမ်းဆီးခံ စစ်ကောင်စီသုံ့ပန်းများကိုယ်တိုင် ဝန်ခံထွက်ဆိုပြီး ပြည်သူလူထုကို တောင်းပန်ကြောင်းပြော (ရုပ်သံ)

စက်တင်ဘာ ၃၀ ရက်၊ ဘုတလင်မြို့နယ်၊ ကူတော်ကျေးရွာတိုက်ပွဲမှာ တော်လှန်ရေးအင်အားစုတွေက ဖမ်းဆီးရမိထားတဲ့ စစ်ကောင်စီတပ်ဖွဲ့ဝင် စစ်သုံ့ပန်းများမှ ၎င်းတို့ စစ်ကြောင်းရောက်ခဲ့တဲ့ အရာတော်မြို့နယ်နဲ့ ဘုတလင်မြို့နယ်အတွင်းရှိ ကျေးရွာတွေကို မီးရှို့ခဲ့ပြီး ဒေသခံပြည်သူတွေကို ဖမ်းဆီးကာ နှိပ်စက်သတ်ဖြတ်ခဲ့တယ်လို့ ကျူးလွန်သူတွေကိုယ်တိုင် ဝန်ခံထွက်ဆိုထားပါတယ်။
ရုပ်သံမှတ်တမ်းများအားလုံးကို Battalion Of Budalin (BOB) စာမျက်နှာက တရားဝင်ထုတ်ပြန်ထားတာဖြစ်ပါတယ်။

Subscribe Ayadaw Post on Telegram :
https://t.me/ayadawpost

#အရာတော်ပို့စ်
#အရာတော်

02/10/2024

အရာတော် - မြင်းမူနယ်အစပ်ကို စစ်ကောင်စီဂျက်ဖိုက်တာက ဗုံးကြဲတိုက်ခိုက်
အောက်တိုဘာ ၂ | အရာတော်

ယနေ့ အောက်တိုဘာ ၂ ရက်၊ မွန်းလွဲ ၂ နာရီခွဲက အရာတော်မြို့နယ်နှင့် မြင်းမူမြို့နယ်အစပ် ကျေးရွာအချို့ကို စစ်ကောင်စီက ဂျက်ဖိုက်တာဖြင့် ဗုံးကြဲချတိုက်ခိုက်ခဲ့သည်။
အရာတော်မြို့နယ်တောင်ပိုင်း၊ ညောင်ပင်ကျေးရွာအနီးတွင် စစ်တပ်ဂျက်ဖိုက်တာမှ ကြဲချခဲ့သော ဗုံး ၂ လုံး ကျရောက်ပေါက်ကွဲခဲ့ကြောင်း သတင်းရရှိပြီး ဒေသခံပြည်သူများ ထိတ်လန့်နေကြကြောင်း သိရှိရသည်။

ယနေ့ ညနေ ၄ နာရီခန့်ကလည်း အရာတော်မြို့၊ ‌တကရ ၅၀၀၄ တပ်ရင်းအနီးမှ စစ်ကောင်စီတပ်ဖွဲ့များက ဟောင်ဝစ်ဇာလက်နက်ကြီးဖြင့် ပစ်ခတ်လျက်ရှိကြောင်း သတင်းရရှိပြီး မည်သည့်နေရာတွင် ကျရောက်ပေါက်ကွဲခဲ့ကြောင်းကို အတည်မပြုနိုင်သေးပါ။

ဆက်လက်တင်ပြပေးပါမည်။

ရုပ်သံ - Ko Kyaw ၊ ဓာတ်ပုံ - ပေးပို့

Subscribe Ayadaw Post on Telegram :
https://t.me/ayadawpost

အရာတော်ပို့စ် - Ayadaw Post
#အရာတော်ပို့စ်
#အရာတော်

24/09/2024

မုံရွာ နမခတွင် စစ်ရဟတ်ယာဉ်များ ထပ်မံရောက်ရှိနေပြီး စစ်ကိုင်းတိုင်းမှ တိုက်ပွဲဖြစ်ပွားသောဒေသများတွင် အသုံးပြုနေ
စက်တင်ဘာ ၂၄ | မုံရွာ

မုံရွာမြို့အနီးရှိ စစ်ကောင်စီ၏ အနောက်မြောက်တိုင်းစစ်ဌာနချုပ်(နမခ)တွင် ယခင်က Mi35 စစ်ရဟတ်ယာဉ်တစီးသာ ရှိခဲ့သော်လည်း ယခု စက်တင်ဘာလထဲတွင် ‌Mi17 ထောက်ပို့ရဟတ်ယာဉ် ၄ စီးပါ ထပ်မံရောက်ရှိနေကြောင်း သတင်းရရှိသည်။

တိုက်ပွဲများဖြစ်ပွားလျက်ရှိသော စစ်ကိုင်းတိုင်း၊ ကန့်ဘလူမြို့နှင့် ပင်လည်ဘူးမြို့တို့ရှိ စစ်ကောင်စီတပ်ရင်း/တပ်ဖွဲ့များထံသို့ နမခတွင် ထပ်မံရောက်ရှိ‌နေသော Mi17 ရဟတ်ယာဉ် ၄ စီးဖြင့် လူ၊ လက်နက်ခဲယမ်း၊ ရိက္ခာများ သွားရောက်ပို့ဆောင်ပေးခဲ့သည်ဟု သိရသည်။
စစ်ကောင်စီတပ်ဖွဲ့များအား Mi17 ရဟတ်ယာဉ် ၄ စီးဖြင့် ထောက်ပို့လုပ်ဆောင်ရာတွင် Mi35 ရဟတ်ယာဉ်က လေကြောင်းလုံခြုံရေးလိုက်ပါလေ့ရှိကြောင်း ဒေသခံများက ပြောသည်။

အနောက်မြောက်တိုင်း စစ်ဌာနချုပ်တွင် စစ်ရဟတ်ယာဉ်များ ထပ်မံဖြည့်တင်းထားခြင်းနှင့် ပတ်သက်၍
"ရန်သူက အခုနောက်ပိုင်းမှာ တပ်ပြောင်း/ရွှေ့နဲ့ စစ်ဆင်ရေးတွေမှာ လေကြောင်းကိုပဲ အဓိက အသုံးပြုလာတာတွေ့ရတယ်ဗျ။ လေကြောင်းသတိတော့ ဂရုစိုက်ရမှာပေါ့ဗျာ။" ဟု မုံရွာခရိုင်မှ ပြည်သူ့ကာကွယ်ရေးတပ်မတော်(PDF) တာဝန်ရှိရဲဘော်တဦးက အရာတော်ပို့စ်အား ပြောသည်။

စစ်ကိုင်းတိုင်းမှ ပြည်သူလူထုအနေဖြင့်လည်း လေကြောင်းရန် လုံခြုံရေးသတိရှိကြရန် "လေကြောင်းရန်ကာကွယ်ရေး ဗုံးခိုကျင်းတွေတူးထားဖို့တော့ လိုပြီဗျ။ စကစက သူတို့မနိုင်တော့ရင် ပြည်သူနေအိမ်တွေကို ပစ်မှတ်ထားလာမှာ။" ဟု အဆိုပါ ရဲဘော်က သတိပေးပြောဆိုသည်။

အနောက်မြောက်တိုင်းစစ်ဌာနချုပ်နှင့် အနီးတဝိုက် ဒေသများရှိ ပြည်သူလူထုမှာလည်း စစ်ရဟတ်ယာဉ်၊ စစ်လေယာဉ်များ ခေါင်းပေါ်မှ ဖြတ်သန်းပျံဝဲနေသည်ကို နေ့စဉ် ကြုံတွေ့နေရပြီဖြစ်သည်။

ဓာတ်ပုံ - စစ်ကောင်စီ၏ Mi17 သယ်ယူပို့ဆောင်ရေးရဟတ်ယာဉ်တစီး (ရန်ကုန်ခေတ်သစ်)

Subscribe Ayadaw Post on Telegram :
https://t.me/ayadawpost

အရာတော်ပို့စ် - Ayadaw Post
#အရာတော်ပို့စ်
#အရာတော်

24/09/2024

Breaking News
အရာတော် စ.ခ.တ (၁၀)မှ ဟောင်ဝစ်ဇာလက်နက်ကြီးများဖြင့် ရမ်းသမ်းပစ်ခတ်နေ ၊ ကျောက်တိုင်အနီးတွင်လည်း ကားများကို တားဆီးစစ်ဆေးမှုများရှိ
စက်တင်ဘာ ၂၄ | အရာတော်

ယနေ့ စက်တင်ဘာလ ၂၄ ရက် နေ့လည်ပိုင်းတွင် အရာတော်မြို့ စ.ခ.တ (၁၀)တပ်မှ ဟောင်ဝစ်ဇာလက်နက်ကြီးများဖြင့် ရမ်းသမ်းပစ်ခတ်မှုများ ပြုလုပ်နေ‌ေသာ‌ေကြာင့် ဒေသခံပြည်သူများ စိုးရိမ်‌ေနလျက်ရှိသည်။

ယနေ့နံနက်ပိုင်းကလည်း အရာတော်မြို့ ကျောက်တိုင်အနီးတွင် စစ်ကောင်စီတပ်ဖွဲ့ဝင်များကဖြတ်သန်းသွား‌လာသော ကားများကို တားဆီးစစ်ဆေးမှုများ ပြုလုပ်နေကြောင်းလည်း သိရှိရသည်။

စ.ခ.တ (၁၀)အတွင်းမှ ဟောင်ဝစ်ဇာလက်နက်ကြီးဖြင့် ရမ်းသမ်းပစ်ခတ်မှုများ မကြာခဏဆိုသလို ပြုလုပ်နေခြင်းကြောင့် မြို့နယ်တွင်းရှိ ကျေးရွာများမှ အရပ်သားများနှင့် ကျွဲ၊နွား၊တိရစ္ဆာန်များ ထိခိုက်သေဆုံးမှုများရှိပြီး နေအိမ်၊အဆောက်အအုံ ထိခိုက်ပျက်စီးမှုများလည်း ရှိနေသည်။

ဆက်လက်တင်ပြပေးပါမည်။

Subscribe Ayadaw Post on Telegram :
https://t.me/ayadawpost

သတင်းများပေးပို့ရန် ကင်းထောက်ချယ်နယ် :
https://t.me/ayadawscouts

#အရာတော်ပို့စ် #အရာတော် #ဟောင်ဝစ်ဇာ

11/09/2024

စစ်ကောင်စီတပ်များက မုံရွာလမ်းအတိုင်းသွားလာစဉ် လမ်းတလျှောက်ကျေးရွာများမှ နေအိမ်(၁၂)လုံးကို မီးတင်ရှို့ခဲ့
စက်တင်ဘာ ၁၁ | အရာတော်

စက်တင်ဘာ ၉ ရက်နေ့က အရာတော် - မုံရွာလမ်းတွင် ဖြတ်သန်းသွားလာခဲ့သော စစ်ကောင်စီတပ်များသည် အရာတော်မြို့နယ်၊ ဆူးလေကုန်းကျေးရွာမှ ပြည်သူ့နေအိမ်(၁၁)လုံးနှင့် တုံးတင်ကန်ကျေးရွာမှ ပြည်သူ့နေအိမ်(၁)လုံးကို မီးရှို့သွားခဲ့ကြောင်း သတင်းရရှိသည်။
နေအိမ်များကို ပြာကျသည်ထိ ရည်ရွယ်ချက်ရှိရှိ မီးတင်ရှို့သွားခြင်းဖြစ်ပြီး စစ်ကောင်စီတပ်သားများ အသုံးပြုခဲ့သော မီးတုတ်များကိုလည်း တွေ့ရှိရသည်ဟု ဒေသခံတဦးထံမှ သိရသည်။
စစ်ကောင်စီတပ်ဖွဲ့များက ဆူးလေကုန်းကျေးရွာရှိ နေအိမ်များမှ ၎င်းတို့ လိုချင်သည့်ပစ္စည်းများလည်း ယူငင်သွားပြီး နေအိမ်တစ်အိမ်မှဆိုလျှင် စက်ဘီးတစ်စီးပါ,ပါသွားသည်ဟု သိရသည်။ နေအိမ်အချို့တွင် စစ်ကောင်စီတပ်သားများက မြေကြီးများတူးပြီး တစုံတရာကို ရှာဖွေထားသည်ကိုလည်း တွေ့ရကြောင်း ဒေသခံက ပြောသည်။

အရာတော် - မုံရွာလမ်းတလျှောက်ကို အရာတော်မြို့မှ လာသောစစ်ကောင်စီတပ်များနှင့် မုံရွာမြို့မှ စစ်ကောင်စီတပ်များ ခြေချင်းလိမ်အောင်သွားလာနေသည့် လွန်ခဲ့သောရက်များတွင် စစ်ကောင်စီတပ်ဖွဲ့များက လူသားဒိုင်းအဖြစ် ဖမ်းဆီးသွားခဲ့သော အရပ်သားပြည်သူအချို့လည်း ပြန်လည်လွတ်မြောက်လာပြီဖြစ်သည်ဟု သတင်းရရှိပါသည်။

ဆက်လက်တင်ပြပေးပါမည်။

ဓာတ်ပုံ - လွန်ခဲ့သော ဧပြီလ(၁၃)ရက်က အရာတော်မြို့နယ်၊ ဝါးတောမကျေးရွာကို စစ်ကောင်စီတပ်များက မီးရှို့နေစဉ်

Subscribe Ayadaw Post on Telegram :
https://t.me/ayadawpost

#အရာတော်ပို့စ်
#အရာတော်

10/09/2024

အရာတော် - မုံရွာလမ်းမှ စစ်ယာဉ်တန်း တိုက်ခိုက်ခံရပြီး စစ်ကား ၃ စီး ပျက်စီးကာ စစ်ကောင်စီတပ်ဖွဲ့ဝင်များ ထိခိုက်မှုရှိ
စက်တင်ဘာ ၁၀ | မုံရွာ

မနေ့ စက်တင်ဘာ ၉ ရက်က မုံရွာမြို့မှ အရာတော်မြို့နယ်သို့ ဦးတည်ထွက်လာသော စစ်ကား ၁၇ စီးပါ စစ်ယာဉ်တန်းကို မိုင်းအများအပြားနှင့် တူမီးပြောင်းလက်နက်ကြီးများ အသုံးပြု၍ တိုက်ခိုက်ခဲ့ရာ စစ်ကား ၃ စီး နေရာတင် ထိုးရပ်၍ ပျက်စီးသွားခဲ့ပြီး စစ်ကောင်စီတပ်ဖွဲ့ဝင်များ ထိခိုက်မှုရှိနိုင်ကြောင်း Ayadaw Rocket LPDF က သတင်းထုတ်ပြန်ထားသည်။ တိုက်ခိုက်ခံ စစ်ယာဉ်တန်းတွင် စစ်ကောင်စီတပ်ဖွဲ့ဝင်များတင်ဆောင်လာသည့်အပြင် သံပြားကာကား၊ စားနပ်ရိက္ခာကား၊ ဆီကားစသည်များလည်း ပါဝင်ကြောင်း သိရသည်။ တိုက်ခိုက်မှုများကြောင့် စစ်ကောင်စီတပ်ဖွဲ့ဝင်များ ထိခိုက်မှုအခြေအနေကို စုံစမ်းနေဆဲဖြစ်သည်ဟု Ayadaw Rocket LPDF က ပြောသည်။

အဆိုပါ တိုက်ခိုက်ခံရသော စစ်ယာဉ်တန်းသည် အရာတော်မြို့နယ်၊ ဝါးတန်းကျေးရွာတွင် ခေတ္တရပ်တန့်နေပြီးမှ ကားအချို့မှာ အမတ(၃၆၉) - သစ်ကျင်းကြီးအမြောက်တပ်ဟောင်းဘက်သို့ ထွက်ခွာသွားပြီး ညနေပိုင်းတွင် စစ်ယာဉ်တန်းမှာ အရာတော်မြို့တွင်းသို့ ဝင်ရောက်လာခဲ့ကြောင်း သတင်းရရှိသည်။ မိုင်းထိပျက်စီးသွား၍ မောင်းနှင်မရသော စစ်ကားများကိုလည်း အခြားယာဉ်များဖြင့် ‌ဆွဲယူလာခဲ့သည်ဟု မျက်မြင်ဒေသခံအချို့ထံမှ သိရသည်။

မုံရွာဘက်မှ အရာတော်မြို့သို့ လာရောက်သော တိုက်ခိုက်ခံ စစ်ကောင်စီယာဉ်တန်းသည် အရာတော်မြို့၊ စခတ(၁၀)တပ်ရင်းသို့ ဝင်ရောက်သွားပြီးနောက် ယာဉ်အလွတ်အချို့ မုံရွာဘက်သို့ ပြန်လည်ထွက်ခွာထားကြောင်း နောက်ဆက်တွဲသတင်းရရှိထားသည်။
ယနေ့ စက်တင်ဘာ ၁၀ ရက်၊ နံနက် ၁၀ နာရီမှစ၍ အရာတော် - မုံရွာလမ်းကို ပြန်လည်အသုံးပြုနိုင်ပြီဖြစ်သည်ဟု ဒေသခံပြည်သူ့ကာကွယ်ရေးတပ်ဖွဲ့ထံမှ သိရသည်။

စက်တင်ဘာ ၄ ရက်နေ့က အရာတော် - မုံရွာလမ်းပိုင်းတွင် မိုင်းရှင်းလင်းရေးလုပ်နေသော စစ်ကောင်စီတပ်ဖွဲ့များကိုလည်း လက်နက်ကြီးနှင့် မိုင်းများဖြင့် တိုက်ခိုက်ခဲ့ကြောင်း Ayadaw Rocket LPDF က ထုတ်ပြန်ထားသည်။ နယ်မြေရှင်းလင်းနေသော စစ်ကောင်စီတပ်ဖွဲ့များသည် ဒေသခံပြည်သူအချို့ကိုလည်း ဖမ်းဆီးခဲ့သေးကြောင်း သိရသည်။ အရာတော်မြို့၊ စခတ(၁၀)တပ်ရင်းမှ ထွက်လာသော အဆိုပါစစ်ကောင်စီစစ်ကြောင်းမှာ တိုက်ခိုက်မှုကြောင့် အထိအခိုက်များပြားနိုင်ပြီး ပြန်လည်ပစ်ခတ်မှုများ ပြုလုပ်သေးကြောင်း ဖော်ပြထားသည်။

ထိခိုက်ဒဏ်ရာရသော စစ်ကောင်စီတပ်သားများကို အမတ(၃၆၉)တပ်ဘက်သို့ သယ်သွားပြီး မိမိတို့ တော်လှန်ရေးရဲဘော်များအထိအခိုက်မရှိ ဆုတ်ခွာလာနိုင်ခဲ့ကြောင်း Ayadaw Rocket LPDF က ပြောသည်။
စက်တင်ဘာ ၅ ရက်၊ ညပိုင်းက အရာတော် - မုံရွာလမ်းပေါ်ရှိ ကျွန်းဖိုပင်ကျေးရွာမှ အနောက်ဘက်သို့ ထွက်ခွာလာသော စစ်ကောင်စီတပ်ဖွဲ့များအားလည်း တိုက်ခိုက်ခဲ့သေးကြောင်း တပ်ဖွဲ့က ထုတ်ပြန်ထားသည်။
ယခု စစ်ဆင်ရေးကို Ayadaw Rocket LPDF, Eagle Brother တပ်ဖွဲ့၊ မုံရွာခရိုင် PDF တပ်ရင်း ၂၁ (တပ်ခွဲ ၃)၊ မုံရွာခရိုင် PDF တပ်ရင်း ၂၄ နှင့် BGS Ayadaw Drone Force ပူးပေါင်းလုပ်ဆောင်ခဲ့သည်ဟု သိရပါသည်။

ရုပ်သံ - အရာတော် မုံရွာလမ်းပေါ်တွင် စစ်ကောင်စီယာဉ်တန်းကို ပြည်သူ့တော်လှန်ရေးတပ်ဖွဲ့များက မိုင်းဆွဲတိုက်ခိုက်နေစဉ် (Ayadaw Rocket LPDF)

Subscribe Ayadaw Post on Telegram :
https://t.me/ayadawpost

အရာတော်ပို့စ် - Ayadaw Post
#အရာတော်ပို့စ်
#အရာတော်

09/09/2024

ရိက္ခာလာပို့သော စစ်ယာဉ်တန်း မိုင်းဆွဲခံရပြီး စစ်ကား ၂ စီး ထိမှန်ပျက်စီး
စက်တင်ဘာ ၉ | အရာတော်

ယနေ့ စက်တင်ဘာလ ၉ ရက် နံနက်ပိုင်းက ရိက္ခာနှင့် ဆီပေပါများတင်ဆောင်လာသော စစ်ကား ၁၆ စီးပါ ယာဉ်တန်းက မုံရွာမြို့မှ အရာတော်မြို့ဖက်သို့ ထွက်ခွာလာခဲ့ရာ အရာတော်-မုံရွာကားလမ်းပေါ်တွင် တော်လှန်ရေးအင်အားစုများက မိုင်းဆွဲတိုက်ခိုက်ခဲ့သည်။

မိုင်းဆွဲခံရချိန်တွင် စစ်ကား ၂ စီး ထိမှန်ပျက်စီးသွားသဖြင့် အခြားစစ်ကားများနှင့် ချိတ်ဆက်ဆွဲယူကာ စ.ခ.တ (၁၀)အတွင်းသို့ ဝင်ရောက်သွားခဲ့ကြသည်။
ရိက္ခာပို့ပြီးနောက် အဆိုပါ စစ်ယာဉ်တန်းသည် မိုင်းထိမှန် ပျက်စီးသွားသော စစ်ကား ၁ စီးကို ချန်ထားခဲ့ကာ ကျန် ၁၅ စီးဖြင့်သာ ပြန်လည်ထွက်ခွာသွားခဲ့သည်။

စစ်ကောင်စီတပ်ဖွဲ့ဝင် သေဆုံး၊ထိခိုက်မှု ရှိ၊မရှိကို အတည်ပြု၍ မရနိုင်သေးပါ။

ယခင်နေ့များက စစ်ကောင်စီတပ်ဖွဲ့ဝင်များ အရာတော်-မုံရွာလမ်းတလျှောက် စစ်ကြောင်းထွက်ချိန်တွင် သေနတ်များ ရမ်းသန်းပစ်ခတ်မှုကြောင့် လမ်းဘေးဝဲယာရှိ ကျေးရွာများမှ လူနေအိမ်အချို့ သေနတ်ကျည်ထိမှန်မှုများ ရှိခဲ့ကြောင်းလည်း သိရှိရသည်။

Subscribe Ayadaw Post on Telegram :
https://t.me/ayadawpost

သတင်းများပေးပို့ရန် ကင်းထောက်ချယ်နယ် :
https://t.me/ayadawscouts

#အရာတော်ပို့စ် #စစ်ကြောင်း #မိုင်းဆွဲ

09/09/2024

အရာတော် - မုံရွာလမ်းတွင် ကား ၁၆ စီးပါ စစ်ယာဉ်တန်းရှိနေပြီး လမ်းတလျှောက် စစ်ကောင်စီတပ်များ ခြေရှုပ်နေ
စက်တင်ဘာ ၉ | မုံရွာ

ယနေ့ စက်တင်ဘာ ၉ ရက်၊ နံနက် ၇ နာရီကျော်က မုံရွာမြို့မှ စစ်ကောင်စီကား ၁၆ စီးပါသော စစ်ယာဉ်တန်းမှာ အရာတော် - မုံရွာလမ်းအတိုင်း အရှေ့ဘက်သို့ ထွက်ခွာလာခဲ့သည်။ အဆိုပါ ယာဉ်တန်းတွင် စစ်ကောင်စီတပ်ဖွဲ့ဝင်များအပြင် စားနပ်ရိက္ခာနှင့် ဆီပေပါများလည်း တင်ဆောင်လာကြောင်း သိရပြီး အရာတော် - မုံရွာနယ်ခြားအနီးတွင် မိုင်းဆွဲတိုက်ခိုက်ခံခဲ့ရကြောင်း သတင်းရရှိသည်။ နံနက် ၈ နာရီကျော်က ပေါက်ကွဲသံများကြားလိုက်ရကြောင်း နီးစပ်ရာဒေသခံများက အရာတော်ပို့စ်အား ပြောသည်။

ယနေ့ထိ အရာတော် - မုံရွာလမ်းပေါ်မှ ကျေးရွာများဖြစ်သော ကမ်းပြူကျေးရွာ၊ ကျွန်းဖိုပင်ကျေးရွာနှင့် ကျေက္ကာကျေးရွာတို့တွင် စစ်ကောင်စီတပ်ဖွဲ့ဝင်များ ရှိနေသေးကြောင်း သိရသည်။ ကျောက္ကာတောင်ရွာရှိ ပန့်ဆီဆိုင်အနီးတွင် စစ်ကောင်စီတပ်ဖွဲ့များက ဘန်ကာဆောက်ထားပြီး လက်နက်ကြီးအထိုင်ချထားသည်ဟုလည်း သတင်းရရှိသည်။ ယနေ့ မနက်ပိုင်းတွင် ကျောက္ကာရွာ၊ ရွှေဂူဖြူဘုရားမှ စစ်‌ကောင်စီတပ်ဖွဲ့များက လက်နက်ကြီးဖြင့် ရမ်းသမ်းပစ်ခတ်ခဲ့၍ မုံရွာမြို့နယ်၊ ကျေးရွာတရွာမှ ပြည်သူတစ်ဦး သေဆုံးခဲ့ကြောင်း သိရသည်။

အရာတော်မြို့နယ်၊ ကမ်းပြူကျေးရွာနှင့် ကျွန်းဖိုပင်ကျေးရွာများမှ ပြည်သူအချို့ကို စစ်ကောင်စီတပ်ဖွဲ့များက ဓားစာခံအဖြစ် ရိုက်နှက်ဖမ်းဆီးသွားကြောင်း သတင်းရရှိသည်။ ပြန်လည်လွတ်မြောက်လာသူအချို့ ရှိသော်လည်း ကမ်းပြူကျေးရွာမှ လူငယ် ၁၅ ဦး ဖမ်းဆီးခံထားရသေးကြောင်း သတင်းများထွက်နေပြီး အတည်ပြု၍ မရနိုင်သေးပါ။

ယနေ့ နံနက် ၉ နာရီခန့်က အရာတော်မြို့ဘက်မှ စစ်ကားကြီးတစီးမှာလည်း စစ်ကောင်စီတပ်ဖွဲ့များကို တင်ဆောင်၍ အရာတော်အနောက်ဘက်၊ ကမ္ဘောဇရပ်ကွက်တွင် ချထားခဲ့ကာ မြို့တွင်း ပြန်ဝင်သွားသည်ဟု သတင်းရရှိသည်။

ဆက်လက်တင်ပြပေးပါမည်။

Subscribe Ayadaw Post on Telegram :
https://t.me/ayadawpost

အရာတော်ပို့စ် - Ayadaw Post
#အရာတော်ပို့စ်
#အရာတော်

07/09/2024

အရာတော်မြို့ မြို့ဝင်မြို့ထွက်များကို စစ်ကောင်စီတပ်က ပိတ်ဆို့ထား
စက်တင်ဘာ ၇ | အရာတော်

ယနေ့ စက်တင်ဘာလ ၇ ရက်နေ့ နံနက်ပိုင်းမှ စတင်၍ စစ်ကောင်စီတပ်က အရာတော်မြို့ မြို့ဝင်မြို့ထွက် အရပ်လေးမျက်နှာကို ပိတ်ဆို့ထားကြောင်း သိရှိရသည်။

စစ်ကောင်စီတပ်က ကားနှင့်သုံးဘီးယာဉ်များကို မြို့အဝင်အထွက်များတွင် ဖြတ်သန်းသွားလာခွင့်ပိတ်ပင်ထားပြီး ဆိုင်ကယ်များသာ သွားလာခွင့်ပြုသဖြင့် ခရီးသွားကားနှင့် ကုန်ကားအချို့ အရာတော်မြို့ပြင်နှင့် မြို့ထဲတွင် ပိတ်မိနေကြောင်း သတင်းရရှိသည်။

ယမန်နေ့များက အရာတော်-မုံရွာလမ်းတလျှောက်တွင် စစ်ကောင်စီတပ်များ ခြေရှုပ်နေ‌ကြပြီး ယနေ့နံနက်ပိုင်းတွင် အရာတော်မြို့ဝင်မြို့ထွက်များကို ပိတ်ဆို့လိုက်ခြင်း ဖြစ်သည်။

ဆက်လက်တင်ပြပေးပါမည်။

Subscribe Ayadaw Post on Telegram :
https://t.me/ayadawpost

သတင်းများပေးပို့ရန် ကင်းထောက်ချယ်နယ် :
https://t.me/ayadawscouts

#အရာတော်ပို့စ် #အရာတော်မြို့ #လမ်းပိတ်

06/09/2024

အရာတော် - မုံရွာလမ်းရှိ စစ်ကောင်စီတပ်များကို ဝါးတန်း၊ တုံးတင်ကန်တဝိုက်တွင် တွေ့ရပြီး မြို့ထဲမှ ကားအချို့ကို ချောဆွဲပြီး ထပ်ထွက်လာသည်လည်းရှိ
စက်တင်ဘာ ၆ | အရာတော်

အရာတော် - မုံရွာလမ်းတွင် ရောက်ရှိနေသော စစ်ကောင်စီတပ်ဖွဲ့များမှာ ယနေ့ စက်တင်ဘာ ၆ ရက် မနက်ပိုင်းက ဝါးတန်းကျေးရွာသို့ သေနတ်များ ပစ်ဖောက်ပြီး ဝင်ရောက်ခဲ့ကြောင်း သိရှိရသည်။ စစ်ကောင်စီတပ်ဖွဲ့ဝင်များမှာ တုံးတင်ကန်ကျေးရွာတွင် ခေတ္တစခန်းချထားပြီး ချက်ပြုတ်စားသောက်ခြင်းများ ပြုလုပ်ခဲ့သေးကြောင်း သိရပြီး အဆိုပါစစ်ကောင်စီတပ်ဖွဲ့များမှာ အနောက်ဘက်သို့ ဆက်လက်ထွက်ခွာနေကြောင်း သတင်းရရှိသည်။

မနေ့ညက အရာတော်မြို့အနောက်ထွက်အနီး စက်မှုလယ်ယာဂိတ်တွင် စစ်ကောင်စီတပ်ဖွဲ့ဝင်များ ထပ်မံရောက်ရှိနေခဲ့ပြီး ညပိုင်းက မြို့ထဲမှ ၁၂ ဘီးကားတစီးနှင့် မှန်လုံကားတစီးကို ချောဆွဲ(သိမ်းယူ)ခဲ့ကြောင်း သိရသည်။ ယခု မနက်တွင် စစ်ကောင်စီတပ်များက အဆိုပါ ချောဆွဲထားသော ကား ၂ စီးဖြင့် မုံရွာလမ်းသို့ ထပ်မံထွက်ခွာလာခဲ့ကြောင်း သတင်းရရှိသည်။

ရရှိသောသတင်းများအရ အရာတော် - မုံရွာလမ်းတလျှောက်တွင် စစ်ကောင်စီတပ်ဖွဲ့ဝင်များ ထပ်မံရှိနေနိုင်ကြောင်း သိရပြီး တုံးတင်ကန်ရွာတဝိုက်တွင် နောက်ဆုံးတွေ့ရကြောင်း သိရှိထားသည်။
ဒေသခံတော်လှန်ရေးအင်အားစုများကလည်း ပြည်သူများနှင်ခ့ ခရီးသွားများအနေဖြင့် အရာတော် - မုံရွာလမ်းကို ရှောင်ရှားသွားလာရန်နှင့် စစ်ရေးသတင်းများ နားစွင့်ထားကြရန် နီးစပ်ရာမှ သတိပေးထားကြောင်း သတင်းရရှိပါသည်။

ဆက်လက်တင်ပြပေးပါမည်။

Subscribe Ayadaw Post on Telegram :
https://t.me/ayadawpost

အရာတော်ပို့စ် - Ayadaw Post
#အရာတော်ပို့စ်
#အရာတော်

Address

Ayadaw

Website

https://t.me/aptvburma

Alerts

Be the first to know and let us send you an email when APTV posts news and promotions. Your email address will not be used for any other purpose, and you can unsubscribe at any time.

Contact The Business

Send a message to APTV:

Videos

WELCOME TO APTV!

Welcome to APTV ! We used to be Ayadaw Post, but after almost 4 years of revolutionary journey, we also had to go through some changes like many did. But, the stories we reported as a former news media are still on our channels, as our history and milestones. And they will be a testament for how we have grown and are still going strong. We are APTV, where the past meets the future, and ideas ignite transformation. We aim to be a catalyst of a cultural renaissance, of an intellectual revolution, and of profound change. Our mission is clear: to challenge, to provoke, and to inspire. With stories that shape societies, voices that spark movements, and perspectives that dare to question, APTV is your platform for the bold, the brave, and the brilliant. This is more than media. This is a movement. The world is changing—let’s change it together. #APTV

THIS IS NOT A GOODBYE!

THIS IS NOT A GOODBYE! WE WILL BE BACK, SOON. #AyadawPost

အရာတော်နဲ့ ဘုတလင်နယ်က ကျေးရွာတွေကို မီးဝင်ရှို့ပြီး ဒေသခံတွေကို နှိပ်စက်သတ်ဖြတ်ခဲ့ကြောင်း ဖမ်းဆီးခံ စစ်ကောင်စီသုံ့ပန်းများကိုယ်တိုင် ဝန်ခံထွက်ဆိုပြီး ပြည်သူလူထုကို တောင်းပန်ကြောင်းပြော (ရုပ်သံ) စက်တင်ဘာ ၃၀ ရက်၊ ဘုတလင်မြို့နယ်၊ ကူတော်ကျေးရွာတိုက်ပွဲမှာ တော်လှန်ရေးအင်အားစုတွေက ဖမ်းဆီးရမိထားတဲ့ စစ်ကောင်စီတပ်ဖွဲ့ဝင် စစ်သုံ့ပန်းများမှ ၎င်းတို့ စစ်ကြောင်းရောက်ခဲ့တဲ့ အရာတော်မြို့နယ်နဲ့ ဘုတလင်မြို့နယ်အတွင်းရှိ ကျေးရွာတွေကို မီးရှို့ခဲ့ပြီး ဒေသခံပြည်သူတွေကို ဖမ်းဆီးကာ နှိပ်စက်သတ်ဖြတ်ခဲ့တယ်လို့ ကျူးလွန်သူတွေကိုယ်တိုင် ဝန်ခံထွက်ဆိုထားပါတယ်။ ရုပ်သံမှတ်တမ်းများအားလုံးကို Battalion Of Budalin (BOB) စာမျက်နှာက တရားဝင်ထုတ်ပြန်ထားတာဖြစ်ပါတယ်။ Subscribe Ayadaw Post on Telegram : https://t.me/ayadawpost #AyadawPost #အရာတော်ပို့စ် #အရာတော် #Ayadaw

အရာတော် - မြင်းမူနယ်အစပ်ကို စစ်ကောင်စီဂျက်ဖိုက်တာက ဗုံးကြဲတိုက်ခိုက်

အရာတော် - မြင်းမူနယ်အစပ်ကို စစ်ကောင်စီဂျက်ဖိုက်တာက ဗုံးကြဲတိုက်ခိုက် အောက်တိုဘာ ၂ | အရာတော် ယနေ့ အောက်တိုဘာ ၂ ရက်၊ မွန်းလွဲ ၂ နာရီခွဲက အရာတော်မြို့နယ်နှင့် မြင်းမူမြို့နယ်အစပ် ကျေးရွာအချို့ကို စစ်ကောင်စီက ဂျက်ဖိုက်တာဖြင့် ဗုံးကြဲချတိုက်ခိုက်ခဲ့သည်။ အရာတော်မြို့နယ်တောင်ပိုင်း၊ ညောင်ပင်ကျေးရွာအနီးတွင် စစ်တပ်ဂျက်ဖိုက်တာမှ ကြဲချခဲ့သော ဗုံး ၂ လုံး ကျရောက်ပေါက်ကွဲခဲ့ကြောင်း သတင်းရရှိပြီး ဒေသခံပြည်သူများ ထိတ်လန့်နေကြကြောင်း သိရှိရသည်။ ယနေ့ ညနေ ၄ နာရီခန့်ကလည်း အရာတော်မြို့၊ ‌တကရ ၅၀၀၄ တပ်ရင်းအနီးမှ စစ်ကောင်စီတပ်ဖွဲ့များက ဟောင်ဝစ်ဇာလက်နက်ကြီးဖြင့် ပစ်ခတ်လျက်ရှိကြောင်း သတင်းရရှိပြီး မည်သည့်နေရာတွင် ကျရောက်ပေါက်ကွဲခဲ့ကြောင်းကို အတည်မပြုနိုင်သေးပါ။ ဆက်လက်တင်ပြပေးပါမည်။ ရုပ်သံ - Ko Kyaw ၊ ဓာတ်ပုံ - ပေးပို့ Subscribe Ayadaw Post on

အရာတော် - မုံရွာလမ်းမှ စစ်ယာဉ်တန်း တိုက်ခိုက်ခံရပြီး စစ်ကား ၃ စီး ပျက်စီး

Breaking News | ဒီပဲယင်းမြို့နယ်၊ မကြီးအုပ်ကျေးရွာအနီးတွင် စစ်ကောင်စီဂျက်ဖိုက်တာက လေကြောင်းတိုက်ခိုက်မှု ပြုလုပ်ပြီးနောက် မြင်ကွင်းအချို့ (ရုပ်သံ) မေ ၁၁ | ဒီပဲယင်း ယနေ့ မေလ ၁၁ ရက်၊ နေ့လည် ၂ နာရီ ၁၀ မိနစ်ခန့်တွင် ဒီပဲယင်းမြို့နယ်၊ မကြီးအုပ်ကျေးရွာအနီးကို စစ်ကောင်စီ၏ ဂျက်ဖိုက်တာတစီးက လေကြောင်းမှ ဗုံးကြဲချတိုက်ခိုက်ခဲ့သဖြင့် အရပ်သားပြည်သူ ၂ ဦး သေဆုံးကာ ၁၀ ဦးကျော် ဒဏ်ရာရရှိထားကြောင်း သတင်းရရှိပါသည်။ အဆိုပါ စစ်တပ်ဂျက်ဖိုက်တာမှာ တံတားဦးလေဆိပ်မှ ပျံတက်လာခဲ့ခြင်းဖြစ်ပြီး ဒီပဲယင်းမြို့နယ်နှင့် အရာတော်မြို့နယ်အစပ်တို့တွင် ပျံဝဲကာ မကြီးအုပ်ကျေးရွာနှင့် ကိုင်းကံကျေးရွာတို့အနီးတွင် ထိုးဆင်းတိုက်ခိုက်ခဲ့ပြီး ပေါင် ၅၀၀ ဗုံး (၄)လုံး ကြဲချသည့်အပြင် လေယာဉ်စက်သေနတ်နှင့်လည်း ပစ်ခတ်ခဲ့သည်ဟု ဒေသခံတဦးထံမှ သိရသည်။ ရုပ်သံ/ဓာတ်ပုံ - က

Breaking News | ဒီပဲယင်းမြို့နယ်၊ မကြီးအုပ်ကျေးရွာအနီးတွင် စစ်ကောင်စီဂျက်ဖိုက်တာက လေကြောင်းတိုက်ခိုက်မှု ပြုလုပ်ပြီးနောက် မြင်ကွင်းအချို့ (ရုပ်သံ) မေ ၁၁ | ဒီပဲယင်း ယနေ့ မေလ ၁၁ ရက်၊ နေ့လည် ၂ နာရီ ၁၀ မိနစ်ခန့်တွင် ဒီပဲယင်းမြို့နယ်၊ မကြီးအုပ်ကျေးရွာအနီးကို စစ်ကောင်စီ၏ ဂျက်ဖိုက်တာတစီးက လေကြောင်းမှ ဗုံးကြဲချတိုက်ခိုက်ခဲ့သဖြင့် အရပ်သားပြည်သူ ၂ ဦး သေဆုံးကာ ၁၀ ဦးကျော် ဒဏ်ရာရရှိထားကြောင်း သတင်းရရှိပါသည်။ အဆိုပါ စစ်တပ်ဂျက်ဖိုက်တာမှာ တံတားဦးလေတပ်မှ ပျံတက်လာခဲ့ခြင်းဖြစ်ပြီး ဒီပဲယင်းမြို့နယ်နှင့် အရာတော်မြို့နယ်အစပ်တို့တွင် ပျံဝဲကာ မကြီးအုပ်ကျေးရွာနှင့် ကိုင်းကံကျေးရွာတို့အနီးတွင် ထိုးဆင်းတိုက်ခိုက်ခဲ့ပြီး ဗုံး (၄)လုံး ကြဲချသည့်အပြင် လေယာဉ်စက်သေနတ်နှင့်လည်း ပစ်ခတ်ခဲ့သည်ဟု ဒေသခံတဦးထံမှ သိရသည်။ ရုပ်သံ/ဓာတ်ပုံ - ကိုဂဏန်း Subscr

သင်္ကြန်အကြိုနေ့မှာ အပူမီးတွေတောက်လောင်ခဲ့ရတဲ့ အရာတော်မြို့နယ်မြောက်ပိုင်းက ကျေးရွာ ၅ ရွာ Subscribe Ayadaw Post on Telegram : https://t.me/ayadawpost အရာတော်ပို့စ် - Ayadaw Post #AyadawPost #အရာတော်ပို့စ် #အရာတော် #Ayadaw

သင်္ကြန်မှာ ဒေသတွင်း စစ်ရေးတင်းမာနေတဲ့ကြားက မပျက်မကွက် တင်ဆက်လိုက်တဲ့ အရာတော်သံချပ် ဧပြီ ၁၆ | အရာတော် ၂၀၂၄ ခုနှစ်၊ နှစ်သစ်ကူးကာလမှာ အရာတော်မြို့နယ်တွင်းကို စစ်ကောင်စီတပ်ဖွဲ့တွေက လေကြောင်းပစ်ခတ်ခဲ့တဲ့အပြင် ကျေးရွာတွေကို မီးဝင်ရှို့ပြီး စစ်ကြောင်းတွေထိုးနေပေမယ့် အရာတော်မြို့နယ် လူထုသပိတ်ဦးဆောင်ကော်မတီနဲ့ အရာတော်မြို့နယ် ကျောင်းသားများသမဂ္ဂ(ဗကသများအဖွဲ့ချုပ်)တို့က သင်္ကြန်သံချပ်ကို ဒီနှစ်မှာလည်း မပျက်မကွက်တင်ဆက်ပေးတာကို တွေ့ရှိရပါတယ်။ ကုန်ဈေးနှုန်းနဲ့ အထွေထွေအကြပ်အတည်း၊ ပ(၃)လုံး ခေါ် NUG ယန္တရားတွေနဲ့ ပတ်သက်တဲ့ ပြဿနာ၊ စစ်တပ်ရဲ့ အကြံကုန် ဂဠုန်ဆားချက်တဲ့ စစ်မှုထမ်းဥပဒေ၊ ညီညွတ်ရေးနဲ့ တပ်ပေါင်းစု စတဲ့အကြောင်းအရာတွေကို သံချပ်ထိုးလိုက် သရော်သီချင်းပြောင်တွေဆိုလိုက်နဲ့ တင်ဆက်ပေးသွားတာကို မြင်တွေ့နိုင်ပ

စစ်ကောင်စီ၏ ဟောင်ဝှစ်ဇာလက်နက်ကြီး တင်လာသည်ဟု ယူဆရ‌သည့် ကားများ မိုင်းဆွဲတိုက်ခိုက်ခံရ၊ စ.ခ.တ (၁၀)မှ ဟောင်ဝှစ်ဇာလက်နက်ကြီးများဖြင့် ကျေးရွာများဖက်သို့ စမ်းသပ်ပစ်ခတ်နေ မတ် ၂၂ | အရာတော် မနေ့ မတ်လ ၂၁ ရက် နံနက်ပိုင်းက န.မ.ခမှ အရာတော်ဖက်သို့ ဟောင်ဝှစ်ဇာလက်နက်ကြီးများတင်လာသည်ဟု ယူဆရသော ၁၂ ဘီးကား တစ်စီး နှင့် ၆ ဘီးကားတစ်စီးကို ဒေသခံ တော်လှန်ရေးတပ်ဖွဲ့တစ်ခုဖြစ်သည့် Ayadaw Rocket LPDF မှ မိုင်းဆွဲတိုက်ခိုက်ခဲ့ကြောင်း သိရှိရသည်။ စစ်ကောင်စီကားများကို ပဒေသာမိုင်း ၅လုံးဖြင့် တိုက်ခိုက်ခဲ့ရာ ၁၂ ဘီးကားခေါင်းပိုင်းထိခိုက်ပျက်စီးခဲ့ပြီး ကျွန်းဖိုပင်ရွာ သုသာန်အနီးတွင် ကင်ပုန်းဝပ်ကာလုံခြုံရေးယူ‌ပေးနေသော စစ်ကောင်စီတပ်ဖွဲ့ဝင်များကိုလည်း ဗုံးချတိုက်ခိုက်ခဲ့ကြောင်း Ayadaw Rocket LPDF အဖွဲ့က ဆိုသည်။ အဆိုပါတိုက်ခိုက်မှုကို Ayadaw Rocket LPDF ၊ BGS Drone Force Ayadaw ၊ မို

မနေ့က ကမ်းပြူ၊တုံးတင်ကန်ကျေးရွာများကို စစ်ကောင်စီစစ်ကြောင်းများ ဝင်ရောက်၊ ကမ်းပြူမှ စစ်ကြောင်းနှင့် တော်လှန်ရေးအင်အားစုများ ယနေ့ထိတွေ့တိုက်ပွဲဖြစ် မတ် ၂၂ | အရာတော် မနေ့ မတ်လ ၂၁ ရက်နေ့က အရာတော်မြို့ အနောက်ဘက် အရာတော်-မုံရွာ ကားလမ်းမပေါ်ရှိ ကမ်းပြူကျေးရွာ နှင့် တုံးတင်ကန်ကျေးရွာများကို စစ်ကောင်စီစစ်ကြောင်းများ ဖြန့်ကျက်ဝင်ရောက်လာသဖြင့် ကမ်းပြူ၊ ချမ်းသာ ၊တုံးတင်ကန်ကျေးရွာများမှ ဒေသခံပြည်သူများ ထွက်ပြေးတိမ်းရှောင်နေကြရသည်။ ကမ်းပြူကျေးရွာသို့ဝင်ရောက်လာသော စစ်ကြောင်းနှင့် တော်လှန်ရေးအင်အားစုများ ၂၁ ရက်နေ့တွင် ထိတွေ့တိုက်ပွဲဖြစ်ပွားခဲ့ကြောင်း သိရှိရပြီး စစ်ကောင်စီတပ်ဖွဲ့များကို ဒရုန်းဖြင့် ဗုံးချတိုက်ခိုက်ခဲ့သည်ကို ရုပ်သံတွင် တွေ့မြင်နိုင်သည်။ တိုက်ခိုက်ခံခဲ့ရသော စစ်ကောင်စီတပ်ဖွဲ့များက ကမ်းပြူ‌

အရာတော် - မုံရွာလမ်းပေါ်မှ စစ်ကောင်စီကားများ တိုက်ခိုက်ခံရပြီးနောက် အပြန်လမ်းတွင်လည်း ရမ်းသမ်းပစ်ခတ် (ရုပ်သံ) မတ် ၅ | မုံရွာ မတ်လ ၄ ရက်နေ့၊ မနက် ၅ နာရီခန့်တွင် စစ်ကောင်စီတပ်သားများ တင်ဆောင်လာသော စစ်ကား ၂ စီးသည် အရာတော် - မုံရွာလမ်းပေါ်ရှိ ထူးရာရသေ့ကျောင်းမှ အရာတော်မြို့သို့ ပြန်လည်ထွက်ခွာလာစဉ် ဒေသခံတော်လှန်ရေးအင်အားစုများက ဆီးကြိုတိုက်ခိုက်ခဲ့သည်။ တိုက်ခိုက်မှုကြောင့် ပျက်စီးသွားသော စစ်ကားတစ်စီးကို အရာတော်မြို့ တကရ(၅၀၀၄) တင့်ကားတပ်ရင်းမှ သံချပ်ကာကားတစ်စီးက လာရောက်ဆွဲယူသွားရပြီး လမ်း‌ကြောပေါ်မှ ပြည်သူ့ကုန်ကား ၃ စီးကိုလည်း ၎င်းတို့နှင့်အတူ ဖမ်းဆီးခေါ်ဆောင်သွားကြောင်း သိရှိရသည်။ Ayadaw Rocket LPDF က ယခု တိုက်ခိုက်မှုနှင့် ပတ်သက်ပြီး "ကားအင်ဂျင်ပွင့်၍ လမ်းဘေးထိုးရပ်သွားခဲ့တာဖြစ်ပြီး ကားမှန်စများလည်း ကျကျန်ခဲ့ရာ တွေ