Evyn

15/02/2025

13/02/2025

ပြန်ချင်နေပါပြီနော်

02/02/2025

၂၀၀၆ Dec Album မှတ်မိရင် အကောင်ပဲ...
မီတယ် ဂျွတ်တဲ့ကောင် (may be သမိုင်းသစ်နဲ့
ရှေ့ဆင့်နောက်ဆင့်ပဲ ...ပိုစောမလားပဲ)

21/01/2025

ဒင်းနဲ့ရှိဖူးတဲ့နေရာတွေ
ရှောင်ရင်း ရှောင်ရင်း နဲ့
အိမ်ပြေးဖြစ်တော့မယ်...😒

Evyn
fans

20/01/2025

ကျန်တဲ့သက်တမ်းတလျှောက်
နားငြီးခံမယ့်သူ ရှိသင့်ပြီထင်တာပဲ...🎵

Evyn

20/01/2025

#ဆောင်းရာသီရေချိုးမကြောက်နှင့် “ရေမချိုးလို့ သေတဲ့မသာ မသိရှိဘူး၊ ရေချိုးလို့ သေတဲ့မသာဘဲ ရှိတယ်” လို့ လူတချို့က ဆိုတတ်ကြပါတယ်။ မိမိတွင်အဖျားအနာ မရှိပါက အခိုးအကင်းပွင့်အောင် ရေချိုးပေးရပါမယ်။

သို့သော် ရေချိုးနည်း မှတ်ကန်ဖို့လိုပါတယ်။ ရှေးလူကြီးများက ရေချိုးချိန်ကို “နွေ ကိုး၊ မိုး တစ်ဆယ်၊ ဆောင်း ဆယ့်တစ်” လို့ဆိုကြပါတယ်။ ဒါကြောင့် ဆောင်းရာသီမှာ မနက် ၁၁ နာရီတွင် ရေချိုးခြင်းက သင့်တော်ပါတယ်။ ချမ်းအေး ၍ ရေချိုးရခက်နေပါက ကိုယ်လက်လှုပ်ရှား သွေးပူလေ့ကျင့်ခန်း တစ်ုခုခုကို ၁၀ မိနစ်ခန့် မရပ်မနား ထလုပ်ပါ (သို့မဟုတ်) အိမ်ထဲပတ်၍ တံမြက်စည်းလှည်းပါ။

ထိုအခါ ချိုင်းချွေးစို့လာသဖြင့် ရေချိုးချင်စိတ် ဖြစ်ပေါ်လာပါလိမ့်မယ်။ ရေချိုးလို့ရသွားပါပြီ။ ဦးစွာသွားတိုက်ပါ။ ပြီးမှ ရေ ချိုးပါ။ သွားတိုက်နေစဉ် လည်ကုပ်နွေး၊ ချိုင်းပူသွားသဖြင့် ရေချိုးရတာ မချမ်းတော့ပါ။

#ကျန်းမာစေဖို့ရေချိုးပါ

ဆောင်းရာသီ အအေးဓာတ်ကြောင့် ခန္ဓာကိုယ်ပြင်ပမှ အသားအရေက အေးနေသော်လည်း၊ ခန္ဓာကိုယ်တွင်း အပူဓာတ်ကတော့ ဥတု ရာသီမရွေး ရှိမြဲရှိလျက်သာ ဖြစ်ပါတယ်။ ဆောင်းရာသီမှာ အအေးဒဏ်ကြောင့် ရေချိုးကြောက်သူများဟာ နေ့စဉ်ပုံမှန် ရေချိုးသူများထက် လေးလံထိုင်းမှိုင်းနေတတ်ပြီး ကျန်းမာရေးကို ထိခိုက်စေပါတယ်။ ရေချိုးခြင်းက ခန္ဓာကိုယ်အတွင်းရှိ အပူအခိုးများကို ဖယ်ရှားပစ်လိုက်ပြီး စိတ် ကို ကြည်လင် လန်းဆန်းစေပါတယ်။

ချမ်းမှာကြောက်၍ ရေမချိုးသူများဟာ ခန္ဓာကိုယ်တွင်း အခိုးငုတ်ခြင်း၊ မသန့်ရှင်းခြင်း၊ လေချုပ်ခြင်း၊ သွား ဖုံးနာခြင်း၊ သွားနာသွားကိုက်ခြင်း၊ မျက်စိဝေသီခြင်း၊ ဆံပင်ကျွတ်ခြင်း၊ ခေါင်းမူးခေါင်းကိုက်ခြင်းတွေ ဖြစ်စေနိုင်ပါတယ်။ ဒါ့ပြင် ဖျတ်လတ် သွက် လက်ခြင်း မရှိတော့ဘဲ ထိုင်းမှိုင်းမှုကို ဖြစ်စေနိုင်ပါတယ်။

ဒါကြောင့် ဆောင်းရာသီမှာ အသက်အရွယ်မရွေး ရေချိုးသင့်ပြီး ပုံမှန်ရေချိုးခြင်းကြောင့် အဆစ်မြစ်ကိုက်ခဲခြင်း နှင့် ဇက်ကြောတက် ခြင်း ဝေဒနာများမှလည်း ကာကွယ်ရာ ရောက်ပါတယ်။ အကယ်၍ အလွန်ချမ်းအေးသောဒေသတွင် နေထိုင်သူဖြစ်ပါက မိမိနေထိုင်ရာ ပတ်၀န်း ကျင်၊ ရာသီဥတု အအေးဓာတ်ပိုသော နေ့ရက်ပေါ်မူတည်၍ တစ်ရက်ခြား တစ်ကြိမ်လောက် ရေချိုးသင့်ပါတယ်။ အထူးသတိပြုရန်မှာ ရေချိုးပြီး သောအခါ မော်တော်ကား ပြူတင်းပေါက်တံခါးကို ပိတ်၍စီးပါ။ အစားအစာကို ပူပူနွေးနွေး စားသောက်သင့်ပါတယ်။

#ရေနွေးအားမကိုးသင့်

လူအများစုကလည်း အချမ်းကြောက်၍ ရေကို နေပူလှန်းချိုးခြင်း၊ ရေနွေးစပ်ချိုးခြင်း ပြုလုပ်ကြပါတယ်။ လုံး၀ မလုပ်သင့်ပေ။ ထိုနည်း က ရေထဲမှာပါတဲ့ သဘာ၀ ဝါယောဓာတ်ကို တိုက်ထုတ်လိုက်ခြင်းဖြစ်ပါတယ်။

ထိုရေကို ချိုးလိုက်သောအခါ ခန္ဓာကိုယ်တွင်းရှိ အပူအခိုးများ က ထွက်သင့်သလောက် မထွက်နိုင်တော့ဘဲ အသားအရေတင်းကျပ်ကာ နေထိုင်မကောင်း ဖြစ်တတ်ပါတယ်။ အကယ်၍ နေ့ဘက်မှာ ရေပူ များများ စပ်ချိုးမိပါက ညနေပိုင်း နှင့် ညပိုင်းရောက်တဲ့အခါ ခေါင်းကိုက်ခြင်း၊ ချောင်းခြောက်ဆိုးခြင်း၊ ဖျားနာခြင်း ဖြစ်တတ်ပါတယ်။

ရေချိုးရမှာကြောက်လို့ စိတ်မညစ်ပါနှင့်။ အောက်ဖော်ပြပါ နည်းလမ်းကောင်းတချို့ မျှဝေပေးလိုပါတယ်။

· ရှေးလူကြီးများက အေးမြတဲ့ ရာသီတွေမှာ ရေမချိုးနိုင်တဲ့အခါ ရေကြက်သီးနွေးလေးထဲကို မန်ကျည်းသီးအမှည့် လက်တစ် ဆုပ်ခန့်စိမ်ပြီး ခြေဖျား၊ လက်ဖျားမှအစ တစ်ကိုယ်လုံးနွေးသွားအောင် ပွတ်တိုက်ပြီးမှ ရေအေးလောင်းချိုးပါတယ်။ ရေချိုးပြီး နောက် သဘက်ပုဝါဖြင့် တစ်ကိုယ်လုံးခြောက်သွေ့အောင် သုတ်လိုက်တဲ့အခါ ခန္ဓာကိုယ်ကအပူငွေ့များ သိသိသာသာ ထွက်လာပါလိမ့်မယ်။

· အကယ်၍ ပြင်ပရာသီဥတု နှင့် ရေတို့ အလွန်အေး၍ မည်သို့မျှ ရေမချိုးနိုင်ပါက ကန့်ကလာပင်၊ သပွတ်ခါးသီးပင်၊ မဲဇလီရွက်၊ ကြက်ဟင်းခါးရွက်၊ ကန်စွန်းရွက် စသဖြင့် အဆင်သင့်ရာ ဟင်းရွက်တစ်ခုခုကို ရေဖြင့် ပွက်ပွက်ဆူအောင်ပြုတ်ပြီး ရေအေးနဲ့ ရောစပ်ချိုးပါ။ အခိုးအကင်းပွင့်ရုံသာမက သွေး၊ လေ လည်ပတ်မှုကောင်းပြီး လေးလံထိုင်းမှို်င်းနေသမျှ ယူပစ်သလို ပေါ့ပါး လန်းဆန်း သွားပါလိမ့်မယ်။

✅ခန္ဓာကိုယ်အောက်ပိုင်း ခြေဖျားကစ၍ ရေလောင်းချိုး
ပါ။ မြန်မြန်ရေချိုးပါ။ အပူစင်ရန် ရေများများလောင်း
ချိုးပါ။

✅ Electric Heater ဖြင့် ရေအပူပေးချိုးခြင်းကလည်း
ချောင်းဆိုး ရင်ကျပ်ခြင်း၊ အသံကပ်ခြင်း၊ အသံတိမ်
ခြင်း၊ မျက်နှာအန်းခြင်း ဖြစ်တတ်ပါတယ်။

✅ရာသီဥတု မည်မျှအေးပါစေ ရေနွေးနဲ့ ခေါင်းမလျှော်
သင့်ပေ။ မိမိခန္ဓာကိုယ်တွင်းအပူချိန်ထက် ပို၍ပူသော
ရေနွေးဖြင့် ခေါင်း လျှော်ခြင်းက ဆံသားကို ကာကွယ်
ပေးသော သဘာ၀အဆီဓာတ်ကို ဆုံးရှုံးသွားပါတယ်။
ထိုအခါ ဆံသားများ ခြောက်သွေ့မာ ဆတ်ခြင်း၊
ဆံပင်နှစ်ခွဖြစ်ခြင်းတို့ကို ဖြစ်ပေါ်စေပါတယ်။ ဒါ့ပြင်
ရေနွေးဖြင့် ခေါင်းလျှော်ခြင်းက မျက်စိကို ထိခိုက်ပါ
တယ်။ အသားအရေလည်း ခြောက်သွေ့ယားယံ စေပါ
တယ်။



#ရေချိုးနည်းအမှားများ

နေပူထဲက ပြန်လာလာချင်း ရေချိုးခြင်း၊ အပြင်က ပြန်လာပြီးပြီးချင်း ရေအေးဖြင့် ခေါင်းလောင်းရေချိုးခြင်း၊ အမျိုးသမီးများ လုံချည် ရင်ရှား၍လည်းကောင်း၊ အမျိုးသားများ အကျီမပါ အပေါ်ပလာဖြင်လည်း ကောင်း၊ ရေစို လုံချည်ပုဆိုးဖြင့််လည်းကောင်း အကြာကြီးနေပြီးမှ ရေချိုးခြင်း၊ မီးပူနေပူခံပြီးနောက် ချက်ချင်းရေချိုးခြင်း၊ ချက်ပြုတ်ကြော်လှော်ကာ အညှော်အပင်းတိုက်ပြီးနောက် ချက်ချင်းရေချိုးခြင်း စသည့် အမှားများကို ရာသီမရွေး အထူး ရှောင်ကြဉ်သင့်ပါတယ်။



#ဆောင်းတွင်းဓာတ်စာများ

ဆောင်းရာသီရောက်တဲ့အခါ အအေးမိသဖြင့် ချောင်းဆိုး၊ အဆုတ်ပွ၊ ပန်းနာရင်ကြပ်၊ တုပ်ကွေးဖျားနာ နှင့် အပူကန် လည်ချောင်းနာ များကို ခံစားရတတ်ပါတယ်။ သို့သော် ကိုယ်ခံအား ကောင်းနေပါက ထိုဝေဒနာတွေကို မကြုံတွေ့နိုင်ပေ။ ဒါကြောင့် ကိုယ်ခံအား တောင့်တင်း ကြံ့ခိုင်စေဖို့အတွက် အောက်ဖော်ပြပါ အစားအစာတို့ကို ဦးစားပေး ရွေးချယ်စေလိုပါတယ်။

✅ဗီတာမင်စီ မြင့်မားစွာပါရှိတဲ့ မချိုသော လိမ္မော်သီး၊
သံပုရာ၊ ရှောက်၊ ဂရိတ်ဖရု စသည့်အသီးများကို စား
ပေးပါ။

✅မုန်လာဥနီ၊ မုန်လာဥဖြူ၊ ရွှေဖရုံသီး၊ ကန်စွန်းဥ၊ ရွက်
စားမုန်လာ၊ စိမ်းစားဥ၊ အာတာလွတ်ဥ၊ ကြက်သွန်နီ စ
သည့် မြေအောက် မြစ်လျှောက် ဟင်းသီးဟင်းရွက်
များ စားပါ။

✅ငါး၊ အမဲသား၊ ငါးရံ့ဆန်ပြုတ်၊ မြေပဲပြုတ်၊ မန်ကျည်း
မှည့် ဖျော်ရည်၊ ရွှေဖရုံရွက်ညွန့်၊ မုန်လာရွက်၊
ဆန်လုံးညို၊ ရေနွေးကြမ်း လက်ဖက်ခြောက်၊
တလည်းသီး၊ မျှစ်၊ ချဉ်ပေါင်ရွက်၊ အစိမ်းရောင် ပန်းင
ရုပ်ချိုပွ၊ ကျောက်ဖရုံသီး၊ ကြက်ဟင်းခါးသီး၊ ခရမ်း
ချဉ် သီး၊ စောင်းလျားသီး၊ ချဉ်စော်ခါးသီး၊
ပြည်ပန်းညိုရွက်၊ ဒန့်သလွန်ရွက်နှင့် မဲဇလီဖူး၊ မဲဇလီ
ရွက်တို့ဟာလည်း ဆောင်းတွင်း ဓာတ်စာများဖြစ်ကြ
ပါတယ်။

✅အပူငြိမ်း ၀မ်းမှန်စေဖို့အတွက် သင်္ဘောသီးမှည့်စား
ပါ။ ဖီးကြမ်း ဌက်ပျောသီးမှည့်ကို ထန်းလျက်ဖြင့်
တစ်လှည့်စီ ကိုက်စားပါ။ မန်ကျည်းမှည့်ဖျော်ရည်ထဲ
ကို ဆားထဲ့သောက်ပါ။

✅ဗီတာမင်စီကြွယ်ဝြပီး အမျှင်ဓာတ်များသော
ဂေါ်ဖီထုပ်ကို ဆောင်းရာသီဓာတ်စာ ဟင်းခါးပူပူလေး
အဖြစ် မကြာခဏ ချက် သောက်ပေးပါ။ကန့်ကလာ
ရွက် (သို့မဟတ်ု) ကန်စွန်းရွက် ပြုရည်ထဲကို
ထန်းလျက်ထည့်၍ ရေဆာတိုင်းသောက်ပါ။

✅ဂျင်းစိမ်း၊ ဂျင်းယို၊ ဂျင်းခြောက်မှုန့် စားပေးပါ။

အချုပ်အားဖြင့်ဆိုသော် နည်းလမ်းမှန်စွာ ရေချိုး၍ ဦးစားပေးစားသင့်သော အစားအသောက်တို့ကို သင့်တင့်မျှတစွာ စားသောက်ခြင်း ဖြင့် ဆောင်းလေဆော့သွေး ကျန်းမာရေး စိုးနှောင့်ဗြာပွေ မရှိစေတော့ပေ။ ထို့ပြင် ခြေထောက်ကို နွေးနွေးထားပါ။

ဆောင်းညတွေမှာ လက် မောင်းနှင့် ခြေထောက်အောက်ပိုင်းတို့ကို နွေးနွေးထွေးထွေးထားပါက နှစ်ခြိုက်စွာအိပ်ပျော်စေပြီး အအေးမိ၍ ကိုယ်လက်ကိုက်ခဲခြင်းတို့မှ ကာ ကွယ်ထားနိုင်ပါလိမ့်မယ်။ အထူးသတိပြုရန်မှာ ရာသီဥတု ဘယ်လောက်အေးအေး၊ ညအခါ ဦးထုပ်ဆောင်းမအိပ်ပါနှင့်။ မျက်စိနှင့်ဦးနှောက်ကို ထိခိုက်စေပြီး ဆံပင်ကျွတ်စေပါတယ်။

စေတနာများစွာ
#ဆောင်းပါးရှင် ပေါက်ပေါက် Tin Htet Htet Zaw ရေးသားမျှဝေသည်။

Credit.

16/01/2025

"My Guitar Case''

16/01/2025

Someone...😪

Evyn followers

15/01/2025

🎵❤

15/01/2025

🎶 Musician တွေသိထားသင့်တဲ့ Live Streaming အချက် ၆ ချက်

Digital ခေတ်ရောက်လာတာနဲ့ Digital ခေတ်ကို အမှီလိုက်ရင်း Online ကပြုလုပ်တဲ့ Live Stream, Session အရေအတွက်တွေလည်းပိုမိုများပြားလာပါတယ်။ Online ကနေ Show တစ်ခုကိုအလွယ်တကူ Hosting လုပ်နိုင်တဲ့အတွက်ကြောင့် Festival Vibe ကိုလွမ်းနေတဲ့သူတွေအတွက်လည်း မပျင်းရတော့ဘူး၊ Musician တွေအတွက်လည်း ဝင်ငွေအခက်အခဲတစ်ခုကို အတန်သင့်အဆင်ပြေအောင် Live Stream တွေက ကူညီပေးနိုင်ခဲ့ပါတယ်။ အခုတစ်ခေါက်မှာလည်း ဂီတသမားတွေအတွက် Live Streaming လုပ်တဲ့အခါ အထောက်အကူဖြစ်စေမယ့် Tips ၆ခုကို ဖော်ပြပေးလိုက်ပါတယ်။

1. ဆိတ်ငြိမ်တဲ့နေရာရွေးပါ
ဘေးပတ်ဝန်းကျင် အရမ်းဆူညံတဲ့နေရာမျိုးမှာဆို ပြင်ပက မလိုအပ်တဲ့အသံတွေ Mic ထဲကို ဝင်နိုင်တယ်။ ဥပမာ - အိမ်မွေးတိရစ္ဆာန်ရှိရင် ကြောင်အော်သံ, ခွေးအော်သံ၊ ကလေးရှိရင် ကလေးငိုတဲ့အသံ၊ လမ်းမပေါ်က ကားဟွန်းသံ စသည်ဖြင့်အများကြီးရှိတယ်။ အဲဒီအသံတွေဝင်လာရင် သီချင်းသံ၊ Instrument အသံတွေတိုးသွားပြီး ကိုယ်စကားပြောရတာလည်း အနှောင့်အယှက်ဖြစ်ပါတယ်။

2. အသံ Quality သေချာချိန်ပါ
Mic ကို Laptop မှာပါတဲ့ Built-in Mic ထက်စာရင် အပြင်က Usb နဲ့သုံးရတဲ့ External Mic တွေကပိုကောင်းတယ်။ တစ်ချို့ Mic တွေ ဥပမာ - Audio Technica AT2020USB+ Model ဆို ဖုန်းနဲ့ချိတ်သုံးလို့လည်းရတယ်။ ပြီးတော့ Pop Filter တစ်ခုခံထားရင် မဆိုးဘူး။ Mic ကိုသန့်ရှင်းရေးလုပ်ရတာ လွယ်တာပေါ့။ Live Stream မှာ Monitor Speaker နဲ့ Headphone ၂ခုယှဥ်လိုက်ရင် Headphoneနဲ့က ကိုယ့်ဆီကထွက်တဲ့အသံကို Viewer ဘယ်လိုကြားရလဲဆိုတာ မြန်မြန်စစ်လို့ရတယ်။ နောက်ပြီးအရေးကြီးတဲ့တစ်ချက်က Live Streaming Software တွေဖြစ်တဲ့ OBS, Streamlab တို့မှာ Plugin Feature သုံးဖို့အကြံပေးချင်တယ်။ ဥပမာ - ကိုယ်စကားပြောတဲ့အသံ ကြည်ကြည်လင်လင်ဖြစ်အောင် EQ Plugin နဲ့ Low Cut လုပ်ပြီး Mid ကို Boost လုပ်တာမျိုး။

3. Live Stream လုပ်မယ့်နေရာသန့်ရှင်းနေပါစေ
ကိုယ် Stream နေတဲ့အချိန် ကိုယ့်နောက်က Background မှာ အဝတ်အစားပုံကြီးရှုပ်ပွနေတာတို့၊ PC ကဝါယာကြိုးတွေ ရှုပ်နေတာတို့ဆို Live လုပ်တဲ့သူရော, ကြည့်တဲ့သူပါ အနှောက်အယှက်ဖြစ်တယ်။ Live မစခင် အခန်းကိုသေချာ သန့်ရှင်းထားပါ။

4. Lighting အရေးကြီးတယ်
ကိုယ်ထိုင်မယ့်နေရာကို Lighting သေချာပေးထားပါ။ Studio Lighting လိုမျိုးလည်းမလိုဘူး။ ကိုယ့်မျက်နှာကို ရှင်းရှင်းလင်းလင်းမြင်နေရရင် အဆင်ပြေတယ်။

5. Internet လိုင်းကောင်းမကောင်းစစ်ပါ
Live Streaming လုပ်မယ့် Video Quality နဲ့ ကိုယ့်ရဲ့ Internet Bandwidth Speed ကိုသေချာကြည့်ပါ။ ပုံမှန်အားဖြင့် 720p Live Stream တစ်ခုကို 12Mbps လောက်ဆိုအဆင်ပြေပေမယ့် Live ပဲသီးသန့်လုပ်မယ်ဆိုပြသနာမရှိဘူး။ ဒါပေမယ့် Stream နေတုန်း တစ်ဖက်က Youtube ကြည့်ဖို့လိုတာမျိုးဆို Bandwidth မနိုင်တော့ Youtube Video တစ်ခုဖွင့်လိုက်တဲ့အချိန်မှာ Live ထစ်သွားတာ၊ Quality ကျသွားတာ၊ နောက်ဆုံး Live တစ်ခုလုံး Disconnect ဖြစ်သွားတာမျိုး ဖြစ်တတ်တယ်။

6. Live Stream မစခင် Test Run များ Run ပါ
Test Run ဆိုတာ အပေါ်ကအချက်တွေအကုန် အိုကေပြီ။ ဒါပေမယ့် ချက်ချင်းကြီး Viewer နဲ့ Stream တာမဟုတ်ဘဲ ကိုယ်တစ်ယောက်တည်း အရင်စမ်းကြည့်တာကိုခေါ်တယ်။ ဥပမာ - Facebook မှာဆို Live ကို Public နဲ့အရင်မလုပ်ဘဲနဲ့ Only Me နဲ့အရင်ဆုံး Stream တာ။ အကုန်လုံး သေချာစစ်ထားတာဆိုပေမယ့် တစ်နေရာမှာ ချို့ယွင်းတာရှိရင် ပြင်လို့ရအောင် Test Run လုပ်တာဖြစ်တယ်။

အခု Post ကတော့ ဒီလောက်ပါပဲ။ ဖတ်ပေးတဲ့အတွက်ကျေးဇူးတင်ပါတယ်။ နောက်တစ်ခေါက်မှာ ဘာအကြောင်းတွေရေးမယ်ဆိုတာ စောင့်ကြည့်ပါဦးဗျာ။
.......................

Audio, Music,Filmmaking ဆိုင်ရာ အတန်းတွေကို AES Myanmar မှာတက်ရောက်နိုင်ပါတယ်။

🏛 မိမိစိတ်ဝင်စားတဲ့ အတန်းနဲ့ပတ်သက်လိုသိလိုတာရှိရင် Page Chat Box Or Phone ကနေတဆင့်ဆက်သွယ်မေးမြန်းနိုင်ပါတယ် 💬

☎️ Phone: 09973079408

🔹 Enhance your Creativity with AES Myanmar 🔹

14/01/2025

🔴 မမြဲခြင်းတရား Vs မမွဲခြင်းတရား🔵

13/01/2025

❤ သားသမီးလေးများ❤
အနက်လေးက သူငယ်ချင်း (ဆလိုင်းထန်ထန်ရဲ့သမီး)

13/01/2025

Analog ဦးနောက်ဖြစ်နေတာ ကျုပ်တယောက်တည်းလား 😵

12/01/2025

✴သက်ဆုံးတိုင်မခွဲအတူရှိခဲ့ကြတဲ့ ကြေးခေတ်ကချစ်သူနှစ်ဦး

✳ပူးကပ်စွာယှဉ်တွဲမြုပ်နှံထားတဲ့ ဒီအမျိုးသားနဲ့ အမျိုးသမီးအရိုးစု(၂)ခုကို ၂၀၁၈ ခုနှစ်က ယူကရိန်းနိုင်ငံအနောက်ပိုင်းမှာရှိတဲ့ Petrykiv ရွာအနီးမှာ ရှာဖွေတွေ့ရှိခဲ့တာ ဖြစ်ပါတယ်။ သက်တမ်းလေ့လာတွက်ချက်မှုအရတော့ သူတို့နှစ်ဦးဟာ လွန်ခဲ့တဲ့နှစ်ပေါင်း(၃,၀၀၀)ခန့် ကြေးခေတ်ကာလအတွင်းမှာ နေထိုင်ခဲ့ကြသူတွေလို့ သိရတယ်။

✳အရိုးစုတွေရဲ့ ပုံစံအနေအထားအရ ယောကျ်ားနဲ့မိန်းမ ပူးကပ်စွာလဲလျောင်းလျှက်အနေအထားနဲ့ နဖူးချင်းထိကာ တစ်ဦးကိုတစ်ဦး စိုက်ကြည့်နေတဲ့ဟန်ရှိတယ်။ အမျိုးသမီးဖြစ်သူက သူမရဲ့ညာလက်မောင်းပေါ်မှာ အမျိုးသားရဲ့ဦးခေါင်းကိုတင်ထားသလို သူမရဲ့ဘယ်ဘက်လက်ကိုတော့ အမျိုးသားရဲ့ဘယ်ပုခုံးပေါ်ကို သိုင်းယှက်တင်ထားပြီး သူမရဲ့ခြေထောက်ကိုလည်း အမျိုးသားရဲ့ခြေထောက်အပေါ် ယှက်တင်ထားတာကို တွေ့ရတယ်။

✳သူတို့နှစ်ဦးရဲ့ ဦးခေါင်းအထက်ဘက်မှာတော့ အိုးခွက်ပန်းကန်အချို့နဲ့ ယောက်ချိုဇွန်း(၃)ချောင်းကိုလည်း ထည့်သွင်းမြှုပ်နှံထားတာတွေ့ရတယ်။ ကျွမ်းကျင်ပညာရှင်တွေကတော့ သူတို့ရဲ့လေ့လာမှုအရ အမျိုးသမီးဖြစ်သူဟာ သေဆုံးသွားပြီဖြစ်တဲ့ သူမရဲ့ခင်ပွန်း (သို့)ချစ်သူဖြစ်သူနဲ့ မခွဲခွာလိုတဲ့ဆန္ဒကြောင့် အရှင်လတ်လတ်အနေအထားကနေ အသက်အန္တရာယ်ဆုံးရှုံးစေမယ့်အရာတစ်ခုခုကိုပြုလုပ်ပြီး သူမရဲ့ အသက်ကိုစွန့်လွှတ်ကာ သူမချစ်ခင်ရတဲ့သူနဲ့အတူ သေခြင်းတရားထံကို အတူလိုက်ပါရင်ဆိုင်သွားခဲ့ပုံရတယ်လို့ ခန့်မှန်းခဲ့ကြတယ်။

✳ဘာပဲဖြစ်ဖြစ် သမိုင်းမှတ်တမ်းမရှိခဲ့တဲ့ ကြေးခေတ်က ဆွတ်ပျံ့လွမ်းမောစရာ အချစ်ဇာတ်လမ်းတစ်ပုဒ်လို့ ယူဆရတဲ့ ဒီအရိုးစုစုံတွဲဟာ ကျွန်တော်တို့ မျက်မှောက်ခေတ်လူသားတွေရဲ့ရင်ကို အတိုင်းအတာတစ်ခုအထိ လှုပ်ခတ်စေခဲ့တယ်လို့ ပြောရမှာပဲဖြစ်ပါတယ်။