23/03/2022
Ozark (Review)
-------------
Genre:Drama,Crime,Thriller
---------------------
ကျွန်တော်တို့ဘ၀မှာ 'ငွေဖြူငွေမဲ' ဆိုတဲ့စကားလုံးကို ရင်းရင်းနှီးနှီးကြားဖူးနေကြမှာပါ။
ငွေဖြူငွေမဲဆိုတာ ငွေရရှိတဲ့အလုပ်ပေါ်ကိုမူတည်ပြီး ခွဲခြားပေးသွားတဲ့ စကားလုံးတွေပါ။အမေရိကန်လို ငွေကြေးတစ်ပဲတစ်စိကနေစပြီး စစ်ဆေးနေတဲ့နိုင်ငံမျိုးမှာ သင်ရှာထားတဲ့ပိုက်ဆံဟာငွေဖြူဆိုရင် သင်ဘယ်လောက်သုံးသုံး ဘယ်သူမှ ဘာမှ ပြောလို့မရပါဘူး။အဲ့လိုမဟုတ်ပဲ သင်သာငွေမဲတွေကို လက်ထဲထားပြီး လိုသလိုအသုံးပြုနေလိုက်မယ်ဆိုရင်...သုံးလို့မရတာမဟုတ်ပါဘူး။သုံးလို့ရပါတယ်။ဒါပေမဲ့ သင့်အနေနဲ့ အိမ်တို့၊ကားတို့လို ဒေါ်လာ၁သောင်းကျော်ထိ ကြီးကြီးမားမားဘာမှ၀ယ်သုံးလို့မရပါဘူး။ သုံးလိုက်မယ်ဆိုရင်တော့ မကြာခင်မှာပဲ FBIကသင့်အိမ်ရှေ့တံခါးကိုလာခေါက်မှာပါ။ အဲ့တော့ တရားမ၀င်ငွေထောနေတဲ့ ဘိန်းဖြူဂိုဏ်းတွေ၊မာဖီးယားတွေ၊Drugs Dealerတွေဟာ သူတို့ရှိတဲ့ ငွေမဲတွေကို ငွေဖြူဖြစ်အောင် အရာရှိတွေ၊ရှေ့နေတွေကိုလာဘ်ထိုး၊စီးပွါးရေးသမားတွေဆီရှယ်ယာ၀င်၊အထူးသဖြင့် ငွေကြေးပညာရှင်တွေကို ခိုင်းပြီး ငွေလျှော်ရပါတယ်။
ဇာတ်လိုက်Marty Byrdeဟာ ထက်မြက်တဲ့ ငွေကြေးပညာရှင်တစ်ယောက်ဖြစ်ပြီး သူ့မိတ်ဆွေဘရုစ်နဲ့ ငွေကြေးဆိုင်ရာအကြံပေးကုမ္မဏီတစ်ခု တည်ထောင်ထားပါတယ်။ သူ့မှာသား၊သမီး၊ဇနီးရယ်လို့ ပြည့်ပြည့်စုံစုံရှိပေမဲ့လို့ မပျော်ရွှင်ရတော့တဲ့ အိမ်ထောင်သည်ခင်ပွန်းတစ်ယောက်ဖြစ်နေရပါတယ်။ဖောက်ပြန်နေတဲ့အမျိုးသမီးကိုလည်းအပြစ်မတင်၊ မကြိုဆိုတဲ့သားသမီးတွေကိုလည်း ချစ်ခင်နေရပြီး ငွေရှာတဲ့အလုပ်ကိုပဲ ဖိလုပ်နေရပါတယ်။တစ်နေ့တော့ သူ့မိတ်ဆွေဘရုစ်ဟာ ဘိန်းဖြူဂိုဏ်းတစ်ခုရဲ့ ငွေမဲဒေါ်လာ၈သန်းကို ခိုးထုတ်တဲ့ကိစ္စ မိတဲ့အထဲ ရောယောင်ကာပါသွားပြီး Martyရှေ့မှာတင်အကုန်လုံးကို ပစ်သတ် အလောင်းဖျောက်လိုက်ပါတယ်။သတ်လိုက်ပြီးတော့ သေနတ်ပြောင်းကMartyမျက်နှာရှေ့ရောက်လာတဲ့အခါ ငွေကြေးကျွမ်းကျင်သူပီပီ Martyဟာ အသက်နဲ့လဲပြီး အပေးအယူလုပ်လိုက်ရပါတယ်။Bruceကောင်းမှုကြောင့် ပျောက်သွားတဲ့ဒေါ်လာ၈သန်းကို ပြန်ပေးရုံတင်မက ၅နှစ်အတွင်း သန်း၅၀၀ရှာနိုင်အောင် Ozarkလို့ခေါ်တဲ့ အပန်းဖြေရေကန်ကြီး ရှိတဲ့နေရာမှာ ငွေလမ်းဖန်တီးပေးမဲ့အပြင် ရလာတဲ့ငွေမဲတွေကိုပါ လျော်ဖွတ်ပေးပါ့မယ်ဟု ကတိပြုကာ Ozarkသို့မိသားစုလိုက်အမြန်ပြောင်းရွှေ့ရပါတော့တယ်။တကယ်တော့ Ozarkလို တစ်နှစ်မှာ အပန်းဖြေရာသီတစ်ရာသီလောက် လူစည်တဲ့နေရာမှာ ပိုက်ဆံတွေအများကြီးလျော်ဖို့ဟာလည်း မလွယ်လှပါဘူး။ဒါ့အပြင် မလိမ္မာတဲ့မိသားစု၊နောက်ကလိုက်နေတဲ့FBIတွေ၊တခြားဂိုဏ်းကဏတွေနဲ့၊လူလည်၊လူအ တွေကြားမှာ Martyတစ်ယောက် ဘယ်လိုတွေ လွတ်မြောက်အောင် အကွက်ရွှေ့ရမလဲဆိုတာ အရမ်းစိတ်၀င်စားဖို့ ကောင်းပါတယ်။
Ratingတော်တော်လေးကောင်းပြီး သုတ၊ရသ၂မျိုးစလုံးပေးတယ်လို့ ကျွန်တော်ကတော့စုစည်းသုံးသပ်ပေးချင်ပါတယ်။Ozrakဟာ ငွေမဲတွေ ဘယ်လိုအလုပ်လုပ်လဲ? ဆိုတာကိုအဓိကPointထားပြီး ဇာတ်ရှိန်ကောင်းကောင်းနဲ့ တင်ဆက်ထားတဲ့ Netflix original Serie ကောင်းလေး တစ်ခုပါ။2017ထဲက Season1ထွက်ထားပြီး ယခုထိ Season3ခုထွက်ရှိထားပါတယ်။Emmyအပါအ၀င် ဆုပေါင်း 32ခုကိုလည်း သိမ်းပိုက်နိုင်ခဲ့ပါတယ်။
ကြည့်ကြည့်ပါဗျ။ကြိုက်သွားပါလိမ့်မယ်။