20/08/2019
☀️Медиумите можеме да ги направиме места од каде ќе црпеме само убави вести, искуства, лекции...
🍀Рајот на земјата е состојба, а не место. Состојба која си ја креираме ние самите.
Додека го негувате начинот на размислување, го прочистувате начинот на кој го следите своето срце, го подобрувате односот кон сопственото здравје и го унапредувате односот кон духовноста.
Да, има луѓе кои на целиот овој животен процес гледаат со потсмев, луѓе кои имаат други приоритети во животот, и сето тоа е во ред. Прифатете се околу вас, така се прифаќате и себеси.
🌼Оваа страница нека е само еден скромен почеток на нашето патување, сите со различни приказни и искуства, но во заеднички универзум на креатори, на кое знам дека многумина кога тогаш ќе се придружат.
Веќе одамна многу од нас знаат и сакаат да кажат за работи и нешта кои ниту можат да ги сместат во еден текст, ниту сега за сега можат да ги искажат со зборови.
Многу луѓе,без разлика на возраста, се соочуваат со секојдневни животни предизвици, лекции од кои само можеме да созрееме и да станеме луѓе кои повеќе ќе го сакаат процесот наречен живот. Лекции кои ќе не научат да не се плашиме од мигот да бидеме сами со себе.
На оваа страна секојдневно сакам заеднички да пренесуваме искуства преку кои ги отпуштаме нашите стравови, искуства преку кои го тренираме умот во сите лоши работи да ја пронаоѓа најдобрата лекција за себе.
Јас знам, знае секој, дека самите сме креатори на својот свет.
Моето патување започна.
Назад нема.
Ви благодарам што дел од своето време посветивте да го прочитате овој текст и што станавте дел од оваа ФБ страна.
