https://www.facebook.com/104536311932542/

FyromNews, Skopje (2024)

20/03/2022

Barcelona e Xavit demolon mbretërit midis Madridit në "El Classico"

Barcelona nën drejtimin e Xavit e fitoi bindshëm klubin mbretëror Real Madridin me rezultat 0-4 në stadiumin Santiago Bernabeu.
Kjo është fitorja e parë e Xavit si trejner i Barcelonës kundër Real Madridit në "El Classico" .

Golat për ekipin blaugran u shënuan nga Aubameyang i cili i shënoi dy gola, një gol Ferran Torres dhe një gol Araujo.

/FyromNews

15/03/2022

Karim Benzema bëhet golashënuesi më i mirë francezë

12/03/2022

Cristiano Ronaldo bëhet golashënuesi më i mirë i të gjitha kohërave në futboll

09/02/2022

Zyrtare: Xherdan Shaqiri transferohet te ekipi amerikan Chicago Fire (Video)

Xherdan Shaqiri nuk është më lojtar i Lyon

Sulmuesi kosovar që luan për Kombëtaren e Zvicrës do të zhvillojë karrierën e tij në Shtetet e Bashkuara të Amerikës.

Shaqiri është transferuar në Chicago Fire nga Lyon për rreth 7 milionë euro.

Transferimi i tij tashmë është bërë zyrtar në faqen të Chicago Fire.

Zvicerani është cilësuar si një Messi i maleve alpine të Zvicrës.

/GazetaExpress/

https://twitter.com/ChicagoFire/status/1491464554622107653?ref_src=twsrc%5Etfw%7Ctwcamp%5Etweetembed%7Ctwterm%5E1491464554622107653%7Ctwgr%5E%7Ctwcon%5Es1_c10&ref_url=https%3A%2F%2Fwww.gazetaexpress.com%2Fzyrtare-xherdan-shaqiri-transferohet-ne-chicago-fire%2F

07/02/2022

RMV/ Arrihet marrëveshje, paga minimale do të jetë 18 mijë denarë!

Në mbledhjen e Këshillit ekonomik është arritur marrëveshje mes sindikalistëve dhe funksionarëve qeveritarë që paga minimale të jetë 18.000 denarë.

Siç bëjnë të ditur nga mbledhja e Këshillit ekonomik për TV21, arritja e marrëveshjes ka ardhur pasi Qeveria ka pranuar të subvencionojë rritjen.

Për atë se si do të realizohet subvencionimi, do të kumtohen detaje nga vetë pjesëmarrësit në mbledhje.

Kujtojmë se Qeveria ishte “pro” rritjes, por problemi qëndronte te punëdhënësit, pasi siç thonin, një rritje e tillë do të ishte e papërballueshme për ata si sektor biznesi.

/TV21

30/01/2022

Ratael Nadal bëhet lojtari më i suksesshëm në historinë e tenisit

Lë prapa Roger Federerin dhe Novak Djokovicin

/Express

23/01/2022

OBSH: Kufizimet e udhëtimit dhe provat e vaksinimit nuk nevojiten më

Ndalimet ndërkombëtare të udhëtimit duhet të lehtësohen ose të hiqen krejtësisht. Sipas rekomandimeve të fundit të Organizatës Botërore të Shëndetësisë (OBSH).

OBSH ka publikuar një deklaratë nga takimi më i fundit i Komitetit të Emergjencave këtë javë – i dhjeti i tij që nga fillimi i pandemisë – duke diskutuar efikasitetin e ndalimeve të përgjithshme të udhëtimit dhe nëse ato duhet të anulohen.

Ndalimet e udhëtimit “nuk janë efektive në shtypjen e përhapjes ndërkombëtare (siç tregohet qartë nga përvoja e Omicron)”, thuhet në të. Si rezultat, këshilla e re është që të “heqin ose lehtësojnë ndalimet e trafikut ndërkombëtar, pasi ato nuk ofrojnë vlerë të shtuar dhe vazhdojnë të kontribuojnë në stresin ekonomik dhe social” të disa vendeve.

Në vend të ndalimeve të udhëtimit, thuhet se duhet të ketë “masa udhëtimi” për të kontrolluar përhapjen e virusit. Shfaqja e statusit tuaj të vaksinimit ose dëshmia e një testi negativ në kufi ka qenë normë për muajt e fundit ndërsa ne përpiqemi të ringjallim industrinë tonë të udhëtimit, shkruan scan.

Por tani OBSH po pretendon se kjo kërkesë mund të mos jetë më “rruga e vetme” drejt udhëtimit ndërkombëtar. Ajo rekomandon një “qasje të bazuar në rrezik” në vend të kësaj e cila do të përfshinte “heqjen ose modifikimin e masave, të tilla si testimi dhe/ose kërkesat e karantinës, kur është e përshtatshme”.

/Alsat.mk

22/01/2022

Profesionet që paguhen më së shumti në Maqedoninë e Veriut, programuesit kompjuterik me paga më të larta në vend

Profesionet që paguhen më së shumti në Maqedoninë e Veriut

Në Maqedoninë e Veriut programuesit kompjuterik marrin pagat më të larta në vend.

Të dhënat e publikuara nga Enti Shtetëror i Statistikës (ESSH) tregojnë se paga mesatare më e lartë neto në muajin nëntor është paguar në sektorin Programim kompjuterik, këshillim dhe aktivitete të ngjashme.

Vlera e pagës është 74.062 denarë apo rreth 1250 euro.

Pas tyre vjen transporti ajror me pagë prej 52.032 denarë, pasuar nga prodhimi i produkteve farmaceutike dhe farmaceutike – 47.086 denarë.

/Alsat.mk

21/01/2022

Lionel Messi mbret i rekordeve "Guinness", ka thyer 80 rekorde botërore në historinë e futbollit

Futbollisti argjentinas si dhe anëtar i ekipit francez PSG është mbret i rekordeve botërore "Guiness" në futboll.
Ylli argjentinas ka thyer 80 rekorde të mëdha në historinë e futbollit.

/FyromNews

17/01/2022

Lewandowski fituesi i çmimit "The Best" , shpallet lojtari më i mirë i vitit 2021 nga FIFA

16/01/2022

RMV/ Qeveria e re e udhëhequr nga Kovaçevski si kryeministër votohet nga 62 deputetë në Kuvend

Pas dy ditëve debat në Kuvendin e Maqedonisë së Veriut u votua Qeveria e re, raporton SHENJA.
Për Qeverinë e re e udhëhequr nga Dimitar Kovaçevski votuan 62 deputetë. Kundër ishin 46 deputetë. Nuk kishte të përmbajtur.

Kujtojmë se në Qeverinë e re këto do të jetë ministrat:
Sllavjanka Petrovska – ministre e Mbrojtjes, Oliver Spasovski – ministër i Punëve të Brendshme, Nikolla Tupançevski – ministër i Drejtësisë, Artan Grubi – ministër për sistem politik dhe marrëdhënie mes komuniteteve, Bujar Osmani – ministër i Punëve të Jashtme, Fatmir Besimi – ministër i Financave, Kreshnik Bekteshi – ministër i Ekonomisë,

Lupço Nikollovski – ministër i Bujqësisë, Pylltarisë dhe Ekonomisë së Ujrave, Bekim Sali – ministër i Shëndetësisë, Jeton Shaqiri – ministër i Arsimit dhe Shkencës, Jovana Trençevski – ministre e Punës dhe Politikës Sociale, Goran, Milevski – ministër i Vetëqeverisjes Lokale, Bisera Kostadinova Stojçevska – ministre e Kulturës, Admirim Aliti – ministër për Shoqëri Informatike dhe Administratë, Bllagoj Boçvarski – ministër për Transport dhe Lidhje, Naser Nuredini – ministër për Mjedis Jetësor dhe Planifikim Hapësinor, Bojan Mariçiq – ministër pa resor – zëvendëskryeministër për çështje evropiane, Sllavica Grkovska – ministër pa resor – zëvendëskryeministre për luftë kundër korrupsionit, Fatmir Bytyqi – ministër pa resor – zëvendëskryeministër për çështje ekonomike.

/Shenja TV

12/01/2022

Broja bëhet lojtari më i ri në historinë e Premier Leagues që shënon në 4 ndeshjet e tij të para si startues në shtëpi

Me golin e mbrëmshëm, Armando Broja është bërë lojtari më i ri në historinë e Premier Leagues që shënon në 4 ndeshjet e tij të para si startues në shtëpi (20 vjeç dhe 123 ditë).
Ylli i kombëtares shqiptare, gjithashtu është i pari që e bën këtë në përgjithësi (pa llogaritur moshën), që nga koha e Diego Costa për Chelsea, në tetor 2014.

/TeleSport

11/01/2022

Autobusi me udhëtarë nga Kosova rrëshqet prej rrugës në Serbi

Në afërsi të Krushevacit në Serbi ka rrëshqitur nga rruga një autobus me udhëtarë nga Kosova.

Nga ky incident disa prej udhëtarëve kanë marrë lëndime të lehta dhe për fat nuk ka pasur viktima. Për portalin rtv21.tv rasti është konfirmuar nga kompania “Zhitia Turist”.

“Aksidenti ka ndodhur shkaku i vështirësive të rrugës, viktima nuk ka, disa prej udhëtareve kanë marrë lëndime të lehta asgjë serioze, ju bëjmë apel të kenë kujdes rrugëve dhe udhëtarëve tanë ju urojmë shërim sa më të shpejt”, thuhet në përgjigjen e kompanisë “ZhitiaTurist” për portalin rtv21.tv.

Autobusi ishte duke shkuar në drejtim të Sllovenisë nga Kosova.

/21Media

11/01/2022

(Video) Broja shënon gol me një vrapim prej 50 metrash me Southampton, shënon të pestin sezonal në Premier League

Sulmuesi i kombëtares shqiptare si dhe ekipit të Southamptonit Armando Broja vazhdon me formën e tij të shkëlqyeshme me ekipin anglez në Premier League.

Broja morri një pasim nga Romeu nga mesi i fushës duke vrapuar deri në portë i vetëm përballë portierit për të realizuar një gol fantastik në minutën e 49 të ndeshjes ndaj Brentfordit, për rezultat 3-1.

Ky është goli i pestë personal i Brojës në Premier League me Southampton, i cili po shfaq një formë fantastike individualisht, duke e ndihmuar edhe skuadrën e tij.

/FyromNews

https://twitter.com/i/status/1481007170460143616

11/01/2022

Macja e myftiut Muamer Zukorliq vazhdon të qëndrojë te varri i pronarit të tij edhe 2 muaj pas vdekjes së tij

11/01/2022

Këngëtarja e famshme në Serbi: Jam shqiptare

Edita është një këngëtare e famshme në Serbi, por është me origjinë shqiptare.

Në një lidhje në Abc e Pasdites, ajo tha se është shumë e gëzuar dhe se është nder për të, që për herë të parë, po jep një intervistë për Shqipërinë që është njëkohësisht edhe origjina.

Ajo shtoi se nuk ka qenë asnjëherë në Shqipëri, por do të vijë me siguri sapo të rregullohet situata me COVID-19.

Ermali i thotë se “nëse vjen në Shqipëri do të martohem me ty”, deklaratë që krijon një atmosferë të këndshme, ndërsa Edita tha duke qeshur se “ky është komplimenti më i mirë që mund të marrë”.

Po unë kam lindur në Serbi, u rrita atje dhe ka shumë shqiptarë që jetojnë në Serbi. Babai im ishte nga Kosova, Prishtina, ndërsa mamaja ime është gjysmë egjiptiane. Unë kam kënduar në Serbi në gjuhën serbe por kam miq të mirë nga Shqipëria artistë dhe aktorë”, tha ajo.

Flori Mumajesi, Dafina Zeqiri, Loredana ishin disa nga artistët shqiptarë që Edita i njihte madje i dinte edhe këngët.

https://youtu.be/-a5tL9ntUIM

/GazetaExpress

10/01/2022

Jeff Hovenier, Ambasadori i ri i SHBA-ve në Kosovë: Nder i jetës të shërbej këtu, njerëzit e Kosovës janë në duar të sigurta

07/01/2022

FIFA publikon tre finalistët për më të mirin e vitit 2021

FIFA ka publikuar tre finalistët për çmimin e lojtarit më të mirë për vitin 2021.

Robert Lewandowski, Lionel Messi dhe Mohamed Salah janë tre lojtarët që do të garojnë për këtë çmim, shkruan Gazeta Express.

Në garë për Topin e Artë triumfoi Messi, duke mposhtur konkurrencën e Lewandowskit dhe Jorginhos, kurse tani në top-3she është Salah.

Ceremonia e FIFA Awards do të mbahet më 17 janar, ditë e hënë.

/Gazeta Express/

06/01/2022

Çmimet e ushqimit, më të lartat në një dekadë

Agjencia e Ushqimit e Kombeve të Bashkuara tha se çmimet botërore të ushqimit shënuan rritje për 28 për qind vitin e kaluar dhe shkuan në nivelin më të lartë në një dekadë, duke shtuar se shpresa është e dobët për kushte më të qëndrueshme të tregut edhe për këtë vit. Indeksi i çmimit të ushqimit i Organizatës së Ushqimit dhe Bujqësisë, që i përcjell prodhimet më të tregtuara ushqimore në botë, ishte mesatarisht 125.7 pikë më 2021, niveli më i lartë që nga viti 2011, kur indeksi ishte 131.9. Indeksi mujor shënoi rënie të lehtë në dhjetor, por më herët kishte shënuar rritje për katër muaj radhazi, duke i pasqyruar vështirësitë në të korra dhe kërkesën e fuqishme gjatë vitit të kaluar. Çmimet më të larta të ushqimit kanë ndikuar në rritje më të gjerë të inflacionit në kohën kur ekonomitë po rimëkëmben nga kriza e pandemisë. Organizata e Ushqimit dhe Bujqësisë ka paralajmëruar se kostot më të larta po i rrezikojnë popullsitë më të varfra në shtetet e varura nga importi.

/Alsat.mk

06/01/2022

Vetura e parë e prodhuar në Turqi realizon debutimin ndërkombëtarë në Las Vegas

Makina e parë turke bëri debutimin publik dje në CES 2022, ekspozita më e madhe në botë e elektronikës së dedikuar për konsum, e cila po mbahet në qytetin amerikan Las Vegas, raporton Anadolu.

“Ne e përkufizojmë veten si një kompani teknologjike. Kjo është arsyeja pse ne jemi në CES, vendi ku mblidhemi për inovacionet e fundit teknologjike dhe risitë”, tha në konferencë për media Gurcan Karakas, drejtor ekzekutiv i Grupit të Iniciatviës së Automobilit të Turqisë (TOGG), konsorciumi që zhvilloi makinën.

Karakas tha se teknologjitë e TOGG-ut, të unifikuara nën platformën “Smart Life”, përfshijnë shumë më tepër sesa thjesht një makinë plotësisht të ndërlidhur.

“Ne po ndërtojmë TOGG-un me një qasje plotësisht të përqendruar te përdoruesi. Nëse një produkt nuk krijon vlerë për përdoruesin, ai nuk do të mbijetojë”, tha ai, duke shtuar:

“Ne e përkufizuam pajisjen tonë inteligjente C-SUV si të përqendruar te përdoruesi, inteligjente, empatike, e ndërlidhur, autonome, e përbashkët dhe elektrike”.

“Koncepti ‘Use-Case Mobility’, i cili mishëron këto karakteristika, është regjistruar në të gjithë botën. Ne kemi punuar në mbi 350 raste të përdorimit dhe kemi dalë me mbi 40 ide novatore. Më shumë se 2.000 njerëz morën pjesë në kërkimet sasiore që përfshinte më shumë se 30 fokus grupe dhe intervista. ‘User Journey Map’ u zhvillua bazuar në konceptet që ne i kemi dhënë prioritet”, shtoi ai.

Karakas tha se portofoli i TOGG-ut përfshin zgjidhje inteligjente energjetike, duke shtuar: “Ne do t’i prodhojmë bateritë tona në vend përmes ‘Siro Silk Road Clean Energy Solutions’, një sipërmarrje e përbashkët me Farasis Energy”.

“Ne synojmë të furnizojmë bateri për të gjitha llojet e automjeteve elektrike dhe të krijojmë një prani në sektorët jo automobilistikë si ofrues i baterive dhe sistemeve të ruajtjes së energjisë”, shtoi ai.

TOGG synon të prodhojë një milion automjete në pesë segmente të ndryshme deri në vitin 2030.

“Deri në fund të vitit 2022, ne do të nxjerrim në treg automjetin tonë të parë të prodhimit masiv”, tha Karakaş.

“Automjeti ynë i parë në segmentin C-SUV, do të dalë në treg në tremujorin e parë të vitit 2023 pas përfundimit të testeve të homologimit. Do të jetë automjeti SUV i parë elektrik i prodhuar në Evropën kontinentale nga një prodhues jo tradicional”, shtoi ai.

Në muajin qershor të vitit 2018, pesë gjigantë të industrisë turke, respektivisht Anadolu Group, BMC, Kök Group, Turkcell dhe Zorlu Holding, si dhe organizata ombrellë Unioni i Odave dhe Shkëmbimeve të Mallrave të Turqisë, bashkuan fuqitë për të krijuar nismën TOGG.

TOGG në vitin 2021 u bë marka e parë turke që mori çmimin iF Design, një nga çmimet më prestigjioze të dizajnit në botë, me modelin e saj C-SUV.

/TV21

05/01/2022

Pendarovski: Maqedonia e Veriut mbetet e përkushtuar në agjendën evropiane dhe është e gatshme për dialog me Bullgarinë

Presidenti Stevo Pendarovski sot ka pritur në takim shefin e Delegacionit të Bashkimit Evropian në Republikën e Maqedonisë së Veriut, ambasadorin David Gere, përcjell SHENJA, Në takim, bashkëbiseduesit diskutuan për zhvillimet politike në vend në prag të formimit të qeverisë së re, si dhe për pritjet dhe mundësitë për përparim në perspektivën evropiane të Maqedonisë. Në këtë, kontekst, presidenit Pendarvoski theksoi se Maqedonia mbetet e fokusuar në agjendën evropiane dhe është e gatshme për dialog me Republikën e Bullgarisë për tejkalimin e situatës aktuale. Në të njëjtën kohë, Pendarovski deklaroi se valorizmi i progresit të vendit tonë dhe fillimi i negociatave për anëtarësim, në përputhje me rekomandimet e Komisionit Evropian, do të jenë një shtysë shtesë për procesin e reformave, veçanërisht në fushat kyçe siç është lufta kundër korrupsionit dhe sundimit të ligjit. Në këtë takim gjithashtu është theksuar se fillimi i negociatave për anëtarësimin me Bashkimin Evropian do të ndikojë ndjeshëm në bashkëpunimin rajonal, stabilitetin dhe progresin e rajonit.

/SHENJA/

27/12/2021

ZYRTARE! Kylian Mbappé shpallet lojtari më i mirë i vitit nga World Soccer Awards

27/12/2021

RMV/ Nuk do të ketë shtrëngim të masave për fundvit, siguron Filipçe

Ministri i Shëndetësisë, Venko Filipçe konsideron se as për shkak të llojit omikron të Kovid-19, e as për çfarëdo lloj lloji tjetër nuk duhet të bëhen restrikcione plotësuese.

“Konsideroj se të gjitha vendet në botë duhet të mësojnë të jetojnë me rregullat e përgjithshme parandaluese dhe rritjen e shkallës së vaksinimit dhe kjo është dalja nga kjo krizë. Nuk mundemi ne për secilin lloj, pa dallim të karakteristikave deri në atë moment derisa nuk e përkeqëson situatën, të vendosim masa restriktive shtesë”, deklaroi Filipçe pas vizitës në Spitalin Special për Gjinekologji dhe Obstetrikë në Çair.

Sipas tij, vaksinimi i detyrueshëm dhe masat për udhëtim dhe të mos mbushen hapësirat e mbyllura janë të mjaftueshme.

“Jeta gradualisht po normalizohet, diku është normalizuar plotësisht dhe konsideroj se këto masa parandaluese janë më se të mjaftueshme”, deklaroi Filipçe.

Ai shtoi se lehtësim për ministrin e ardhshëm të Shëndetësisë është ajo që nuk ka numër të madh të pacientëve në qendrat e kovidit.

“Paramendoni të kishte numër të madh të pacientëve dhe qendra të stërngarkuara kovidi. Tani qendrat e kovidit nuk janë të mbushura sepse nuk ka pacientë, nuk ka pranime as në qendrat e kovidit në Shkup, e as përgjatë shtetit. Në një numër të madh të reparteve infektive në praktikë nuk ka të hospitalizuar”, tha Filipçe, duke theksuar se dhjetëra reparte infektive janë të zbrazëta.

Disa nga pacientët të cilët janë diagnostikuar, tha ministri, dërgohen në mjekim shtëpiak sepse kanë pasqyrë më të lehtë klinike.

“Situata është kryesisht e qetë, Komisioni për Sëmundje Infektive do ta ndjekë situatën dhe nëse ka nevojë, gjithsesi do të propozohen masa”, tha Filipçe.

https://fb.watch/a9mTcBBoLT/

/TV21

24/12/2021

(Video) Njihuni me qenin Xhungo në Istog i cili e di matematikën

Ka mbajtur raca të ndryshme të qenve. Mirëpo, me asnjërin prej tyre nuk është shoqëruar si me këtë që ka tani. Fatlum Ademaj nga Istogu ka filluar ta trajnojë qenin e tij Malinois kur e kishte vetëm një vjeç.

Mirëpo, qenit të tij, Xhungos, nuk i pëlqen fakti që pronari i tij ndonjëherë nuk ka mundësi t’i kushtojë vëmendje.

Ajo çfarë e bën të veçantë Xhungon është inteligjenca e tij.

Për një kohë të shkurtër duke bashkëpunuar me pronarin e tij, ka mësuar matematikën gjë të cilën e shfaq përmes lehjeve të tij.

Videon mund ta shikoni më poshtë.

https://www.youtube.com/watch?v=B0JW8su8vRs

/Egzona Shahini, GazetaExpress

22/12/2021

Qeveria mbrëmë ka emëruar disa drejtorë të Alternativës dhe një zëvendësdrejtor të BDI-së

Qeveria mbrëmë ka emëruar disa drejtorë, zëvendësdrejtor dhe anëtar të më bordeve të institucioneve të ndryshme, shkruan Alsat.

Zëvendësdrejtor i drejtorisë së doganave u emërua Muharrem Asani, i cili ishte ushtrues detyre në këtë pozitë.

Aneta Simeska Dimitroska, është emëruar drejtore e Inspektoratit shtetëror të tregut, ndërsa drejtore e Inspektoratit shtetëror të Punës, Jovanka Trençevska. Po ashtu janë emëruar edhe disa kuadro të Alternativës.

“Gjithashtu Qeveria mbrëmë ka emëruar Amir Bilalli zëvendësdrejtori i Agjencisë për Rini dhe Sport, Blerim Abazi është emëruar ushtrues detyre Drejtor i Drejtorisë për udhëheqjen e librave amë, institucion nën drejtorinë e Ministrisë së Drejtësisë. Gjithashtu Qeveria mbrëmë ka emëruar ushtrues detyre drejtor i Agjencisë për investime të huaja Bekim Emini”, tha Muhamet Hoxha, zëdhënës i Qeverisë.

Partia Alternativa, bazuar në marrëveshjen për pjesëmarrje në qeveri do të ketë 47 poste në drejtori dhe anëtarë në bordet drejtuese. Për emërimet tjerë, nga qeveria thonë se do të vendoset në mbledhjet e ardhshme të ekzekutivit.

Nga BDI-ja nuk janë përgjigjur në pyetjet e Alsat lidhur me emërimet e reja nga kjo parti as për atë nëse ka mosmarrëveshje në radhët e saj lidhur me emërimet mundshme. Alsat jozyrtarisht mëson se Armend Fazliu mund të emërohet drejtor ekonomik në spitalin klinik të Tetovës ndërsa ish drejtori i ndërmarrjeve “Parqet dhe Gjelbërimi”, Ardijan Muça, në postin e drejtoritë të Agjencisë së Punësimit. BDI-ja deri tani kishte drejtorë edhe në MEPSO dhe drejtorin për librat amë, por ato tani i takojnë partisë Alternativa.

/Mefail Ismaili, Alsat.mk/

20/12/2021

RMV/ Kuvend, deputetët votuan e diela të jetë ditë jopune

Me 62 vota “Për” dhe asnjë kundër, deputetët e Kuvendit e kanë miratuar Ligjin për ndryshimin dhe plotësimin e Ligjit për marrëdhënie të punës me të cilën e diela bëhet ditë për pushim.
“Dita e diel ditë jo pune është realitet. Qeveria dhe Ministria e Punës dhe Politikës Sociale e plotësuan premtimin që ua dhanë punëtorëve. Nga një janari, e diela do të jetë ditë për pushim për 92% e të punësuarve”, ka deklaruar ministrja e Punesë dhe Politikës Sociale, Jagoda Shahpanska.

/SHENJA/

18/12/2021

Alternativa vendos, këto janë emrat që do të drejtojnë ministri e drejtori

Sonte Kryesia Qendrore e Alternativës, në mbledhjen e saj të radhës, diskutoi për temën e bartësve të përgjegjësive publike në institucionet shtetërore të Republikës së Maqedonisë së Veriut. Në një atmosferë të komunikimit kolegial dhe me respekt, Kryesia Qendrore diskutoi për parimin e përfaqësimit më të mirë të Alternativës, duke i përzgjedhur kuadrot më të mira dhe më cilësore që i ka partia.
Kështu, pas një debati të frytshëm dhe të argumentuar, ashtu siç është parashikuar në Statutin e partisë, kryetari i Alternativës, Afrim Gashi, i propozoi emrat e bartësve të funksioneve publike, ndërsa Kryesia Qendrore në mënyrë unanime e pranoi propozimin e tij.
Ndonëse disa nga pozitat kanë mbetur të konfirmohen ditëve në vijim, këtu më poshtë po i japim disa nga emrat që do t’i bartin funksionet publike në Kuvend, në Qeveri ose në dikastere të tjera të pushtetit ekzekutiv:
– Hysni Ismaili – nënkryetar i Kuvendit të RMV-së
– Bekim Sali – ministër i Shëndetësisë
– Admirim Aliti – ministër i Shoqërisë Informatike dhe Administratës
– Xhemail Çupi – ministër pa resor – përgjegjës për mërgatën
– Lulzim Aliu – zëvendësministër i Arsimit dhe Shkencës
– Abdylshyqyr Abedini – zëvendësministër i Bujqësisë
– Daim Luçi – zëvendësministër i Kulturës
– Orhan Murtezani – drejtor në MEPSO
– Amir Elezi – drejtor i Spitalit Klinik të Tetovës
– Dritan Bexheti – drejtor i Fondit Pensional dhe Invalidor
– Mubekir Palloshi – drejtor i SHA “Hekurudhat e Maqedonisë –Transporti”
– Blerim Abazi – drejtor në Drejtorinë e Librave Amë
– Bekim Emini – drejtor i Agjencisë së Investimeve të Huaja.

Në mbledhje u caktuan edhe bartësit ose drejtuesit e disa institucioneve të tjera publike, që do të publikohen ditëve në vijim.
Në fund të mbledhjes kryetari Afrim Gashi, duke u uruar sukses kandidatëve të propozuar për funksione publike, kërkoi nga ata që detyrën e besuar ta ushtrojnë me dinjitet, respekt dhe konform parimeve politike e etike të Alternativës.

AlternAtivA – Shkup

Shkup, 18.12.2021

/SHENJA/

18/12/2021

Brenda 6 muajve pritet të përfundojë kontesti mes Maqedonisë dhe Bullgarisë

Burime qeveritare nga kampi i LSDM-së njoftojnë se kontesti mes Maqedonisë së Veriut dhe Bullgarisë është afër përfundimit, përcjell TV21. Sipas të njëjtave burime i gjithë procesi pritet të përfundojë brenda 6 muajve, pas çka vendi pritet të merr datë për fillimin e negociatave për anëtarësim në Bashkimin Evropian.

Ndryshe, kryeministri aktual Zoran Zaev para se të dorëzojë postin e kryetarit të LSDM-së Dimitar Kovaçevskit, në një deklaratë tha se në bisedimet me kryeministrin e ri të Bullgarisë është theksuar se brenda 6 muajve duhet të përmbyllet kontesti mes Shkupit dhe Sofjes.

“Atë çfarë kemi biseduar me kryeministrin e ri të Bullgarisë, Kiril Petkov është se kjo duhet të zgjidhet jo më vonë se 6 muaj. Jemi pajtuar se duhet të formojmë edhe grupe punuese për energjetikë, infrastrukturë, ekonomi, kulturë, shëndetësi, dhe gjithçka çka është me rëndësi që të mund të krijojmë ambient, që të tejkalohen këto çështje”, deklaroi Zaev (15.12.2021).

/TV21

18/12/2021

LSM: Nga janari paga minimale 26.476.00 denarë

Lidhja e Sindikatave të Maqedonisë po kërkon që paga minimale në bruto, duke filluar nga janari i vitit 2022 të jetë 26.476.00 denarë ose në shumën neto 18.000 denarë. Sindikalistët kanë dorëzuar propozim për miratimin dhe ndryshimet e nevoshme të ligjit.

Propozimi gjithashtu përmban se shuma e pagës minimale nuk mund të jetë më e ulët se 60 për qind e pagës mesatare mujore neto të paguar për punonjës në tre muajt e fundit, dhe e publikuar nga Enti Shtetëror i Statistikave.

“Ne propozojmë që pagat e të gjithë punëtorëve të harmonizohen me rritjen e pagës minimale në përputhje me ndryshimet në Ligjin për pagën minimale që kemi propozuar, në përputhje me ligjin dhe marrëveshjen kolektive me të cilën në mënyrë spirale do të rriten pagat e të tjerëve punëtorët”, thonë nga LSM.

Nga atje thonë se rritja e pagës minimale që nga vendosja e saj me propozimin e LSM-së, e deri më sot, nuk ka ndikuar negativisht tek kompanitë dhe shteti, nuk ka sjellë pushime nga puna apo ulje të pagave të tyre, vetëm ka sjellë produktivitet më të lartë, për shkak të motivim më të madh të punëtorëve.

/SHENJA/

17/12/2021

RMV/ Ministria e Shëndetësisë nuk mendon për masa të reja kufizuese për festat e fundvitit

Afrimi i festave të fund vitit dhe përhapja e variantit Omikron, nuk hamendëson autoritetet shëndetësore për vendosjen e masave kufizuese shtesë.

Edhe pse qytetet turistike të vendit ofrojnë aranzhmane të shumta për fund vit ndërsa organizimet nëpër kafene dhe restorante nuk mungojnë, ministri i Shëndetësisë thotë se nuk pret që festimet e fund vitit të sjellin përkeqësim të situatës epidemiologjike.

“Konsideroj se nuk ka nevojë për asnjë lloj kufizimi por në mënyrë absolute ka nevojë për respektim te protokolleve të cilat edhe tani janë në fuqi. Të gjitha festat që janë para nesh, iu bëj thirrje qytetarëve të mbajnë llogari t’i mbajnë maskat, distanca është shumë e rëndësishme që të mos përballemi sërish me përkeqësim të situatës epidemiologjike. Të gjitha masat mbeten të njëjta, janë dimensionuar që të mos krijojnë shumë rrëmujë brenda hapësirave të mbyllura. Shpresoj të mos kemi përkeqësim të situatës apo paraqitjen e ndonjë varianti të ri”, deklaroi Venko Filipce, Ministër i Shëndetësisë.

Sa i përket procesit të vaksinimit, Filipce theksoi se përveç efekteve të lehta pa pasoja serioze, nuk ka arsye që marrja e vaksinës nga ana e qytetarëve, përfshirë dhe ata të moshës më të re të mos aplikohet.

“Nuk ka absolutisht asnjë efekt anësor vaksina kundër Kovid tek popullata më e re. Me të vërtetë nga e gjithë popullata, vaksinimi ka pasur shumë pak efekte të pa dëshirueshme. Vetëm dhimbje apo skuqje në vendin ku është dhënë vaksina, aq. Kështu që ne në sasinë totale të vaksinave të porositura I futem dhe fëmijët , nuk mundëm të vendosim se sa do jetë nevoja, por një numër I caktuar I popullatës së re të ketë mbulim me vaksina”, tha Venko Filipce, Ministër i Shëndetësisë.

Në analizën e fundit të Ministrisë së Shëndetësisë theksohet rëndësia e vaksinimit të popullatës, si zgjidhje e vetme për tejkalimin e krizës me pandeminë. Brenda analizës theksohet se 67% e rasteve pozitive me Kovid, të cilat janë diagnostikuar nga muaji gusht e deri në mes të dhjetorit kanë qenë të pa vaksinuar. 98% e personave të hospitalizuar janë të pa vaksinuar, ndërsa vetëm 2% e të gjithë atyre që momentalisht janë të shtrirë në Spital janë të vaksinuar plotësisht. Edhe vdekshmëria, sipas analizës tek personat e pa vaksinuarit është në mënyrë drastike më e lartë se sa tek personat e imunizuar kundër Kovid19.

/Alsat.mk

15/12/2021

(Video) Broja shndërrohet në një hero për Southamptonin, shënon golin e katërt në sezon në Premier Ligë

Armando Broja është një nga sulmuesit e momentit në Ligën Premier, ku golat e tij me Southampton, por e kthejnë në njërin nga lojtarët në të rëndësishëm në klub.

Sulmuesi shqiptar e ka gjetur golin edhe në ndeshje ndaj Crystal Palaces që ishte i katërti për të këtë sezon.

Ëilfried Zaha hapi ndeshjen për vendasit, ndërsa James Ward-Prowse barazoi shifrat.

Në minutën e 36-të ishte momenti i Brojës që me një goditje nga mbi 20 metra shënoi për 1-2.

Forma e sulmuesit shqiptar po shkon në rritje dhe nuk do të ishte befasi nëse Chelsea do të kërkonte ta kthente në radhës e veta që në janar.

https://twitter.com/ElForadeportivo/status/1471210922077216769?ref_src=twsrc%5Etfw%7Ctwcamp%5Etweetembed%7Ctwterm%5E1471210922077216769%7Ctwgr%5E%7Ctwcon%5Es1_c10&ref_url=https%3A%2F%2Ftelegrafi.com%2Fbroja-broja-borja-djaloshi-shqiptar-nuk-ndalet-se-shenuari-ne-ligen-premier-gjen-porten-edhe-ndaj-crystal-palace%2F

/Telegrafi

15/12/2021

Stevo Pendarovski, presidenti i parë i RMV-së që viziton Kosovën, pritet nga presidentja Osmani me ceremoni shtetërore

Stevo Pendarovski ka filluar vizitën e tij historike, ku për herë të parë, një president i Maqedonisë së Veriut viziton Kosovën.

Pendarovski është pritur nga homologia e tij e Kosovës, Vjosa Osmani me nderime të larta shtetërore.

/TV21

14/12/2021

(VIDEO) Kryeministri i ri bullgar Petkov paralajmëron se do ta zgjidhë për 6 muaj kontestin me Shkupin

“Financial Times” njofton se kryeministri i ri bullgar Kirill Petkov jep sinjale se Sofja do t’i japë fund obstruksioneve për fillimin e negociatave të Maqedonisë së Veriut me Bashkimin Evropian, pasi qeveria e tij të merr detyrën.

KIRILL PETKOV, KRYEMINISTËR I BULLGARISË

“Ne jemi njëqind për qind për politikën e NATO-s dhe BE-së. Ne do të propozojmë një qasje të re për Maqedoninë e Veriut dhe ajo duhet të bëhet në një periudhë të shkurtër kohore, jo më shumë se gjashtë muaj”.

Financial Times komenton se kthesa vjen pasi Bullgaria vuri veton ndaj negociatave të pranimit të fqinjit të saj në BE, vitin e kaluar, për shkak të kontesteve mbi historinë dhe mosmarrëveshjet e identitetit. Kritikët më pas akuzuan Bojko Borisovin se iu drejtua nacionalizmit për të larguar vëmendjen nga protestat mujore kundër krimit të organizuar dhe korrupsionit në vend.

Petkov tha për Edicionin Ekonomik Amerikan se qeveria e re do të vendos një bazë të re për bisedimet me Maqedoninë e Veriut. “Ne do të përdorim grupet punuese për të gjetur zgjidhje për çështjet si aktiviteti i përbashkët ekonomik, infrastruktura, kultura dhe historia”, tha Petkov.

Ndërkaq, në intervistën për Televizionin Kombëtar të Bullgarisë, Petkov paralajmëroi ruajtjen e pozitës aktuale bullgare, por edhe ngritjen e saj konstruktive. Ai, planifikon të krijojë grupe të përbashkëta pune të përfaqësuesve nga Bullgaria dhe Maqedonia e Veriut.

https://youtu.be/S5PZMo8ziUE

/SHENJA/

14/12/2021

Qeveria e re bullgare me sinjale pozitive: Do të rekomandojmë proces të shpejtë të integrimit të RMV-së në BE

Kryeministri i sapozgjedhur i Bullgarisë, Kirill Petkov ka dhënë sinjale pozitive për procesin eruointegrues të Maqedonisë së Veriut, pasi ka deklaruar se do të rekomandojë proces të shpejtë për anëtarësim të vendit në Bashkimin Evropian.

Në intervistë për Fajnenshëll Tajms, para se Parlamenti të votojë për zgjedhjen e tij si kryeministër, ai konfirmoi përkushtimin e Bullgarisë drejt NATO-s dhe Perëndimit.

“Ne jemi 100% në anën e vërtetë me politikat e NATO-s dhe BE-së”, tha Petkov.

“Do të rekomandojmë proces të ri (të Maqedonisë së Veriut), shumë të shpejtë, me kornizë kohore të kufizuar prej gjashtë muajsh”, tha Petkov më tej, transmeton Investitor, përcjell TV21.

/TV21

20/03/2022

15/03/2022

12/03/2022

09/02/2022

07/02/2022

30/01/2022

23/01/2022

22/01/2022

21/01/2022

17/01/2022

16/01/2022

12/01/2022

11/01/2022

11/01/2022

11/01/2022

11/01/2022

10/01/2022

07/01/2022

06/01/2022

06/01/2022

05/01/2022

27/12/2021

27/12/2021

24/12/2021

22/12/2021

20/12/2021

18/12/2021

18/12/2021

18/12/2021

17/12/2021

15/12/2021

15/12/2021

14/12/2021

14/12/2021

Address

Website

Alerts

Contact The Business

Shortcuts

Share

Category

Other Media/News Companies in Skopje