Madagasikara Toe-Karena 21 (2025)

27/12/2024

𝗝𝗼𝗻𝗼 𝗢𝗿𝗮𝘁𝘀𝗶𝗺𝗯𝗮 𝗻𝗮 𝗟𝗮𝗻𝗴𝗼𝘂𝘀𝘁𝗲𝘀 : 𝗠𝗶𝗸𝗮𝘁𝗼𝗻𝗮 𝗵𝗮𝘁𝗿𝗮𝗺𝗶𝗻’𝗻𝘆 31 𝗱𝗲𝘀𝗮𝗺𝗯𝗿𝗮 2024

⭕Arakin’ny didim-panjakana laharana faha 2017-854 tamin'ny 26 Septambra 2017 dia mikatona ny jono ho an’ny Oratsima na langoustes hatramin’ny 31 desambra 2024 ho an’ny faritra Atsinanana, Analanjirofo, Diana, Sava, Sofia, Boeny, Melaky, Menabe ary Atsimo Andrefana.

⭕Tsy mitsaha-mitombo ny vokatra ahondran’i Madagasikara. Raha ny taona 2023 manokana no jerena dia nahatratra 380 taonina izany. Ireo firenena aziatika toy ny Chine, Japon ary koa ny firenena Eropeana, indrindra Frantsa no mpanafatra ny Langoustes avy aty Madagasikara.

⭕Manodidina ny 13 hatramin’ny 15 euros eo ny vidin’ny Langoustes fanondrana any Frantsa ary 13,5 dolara amerikana eo ny iray kilao any Japon.

26/12/2024

⭕Tantsaha miisa 300 ao amin’ny faritra Anosy no nahazo tohana amin’ny fambolena vary an-drano ho an’ny taom-pambolena 2024-2025.

⭕Masomboly 2 700 kg, zezika NPK 4 500 kg, ary zezika biolojika 22 500 kg no nozaraina tamin’izy ireo.

24/12/2024

⭕Nisitraka fiaramanidina vaovao ATR 72-500 ny kaompania Madagascar Airlines ny 21 Desambra 2024 lasa teo. Kasaina hanomboka hiasa amin’ny herinandro ho avy izao ity fiaramanidina ity.

⭕Ny Banky Iraisam-pirenena izay mikendry ny hampiroborobo ny sehatry ny fizahantany no nanohana ny fahazoana io fiaramanidina, araka ny tanjona handraisana mpizahatany iray tapitrisa isan-taona eto Madagasikara.

23/12/2024

⭕️Nitombo ho 61% ny salan’isan’ireo mpampiasa vola elektronika eto Madagasikara tao anatin’ny dimy taona.

⭕️Tamin’ny taona 2018, nisy 9,8 tapitrisa ireo mpampiasa, saingy tafakatra 15,8 tapitrisa izany tamin’ny taona 2022.

20/12/2024

⭕️Nitombo ho 63 886 taonina ny grafita naondran’i Madagasikara tao anatin’ny sivy volana voalohany tamin’ny taona 2024. Araka ny vaovao navoakan’ny pejy 2424.mg, dia nitombo 38,9% ny vokatra naondrana raha oharina tamin’ny taona 2023 izay nahatratra 42 101 taonina.

⭕️Niakatra ihany koa ny sandan’ny fanondranana, izay nanodidina ny 89 miliara ariary tamin’ny taona 2023 ary lasa 124 miliara ariary tamin’ny taona 2024, araka ny tatitra avy amin’ny Direction Générale des Douanes.

⭕️Ity fitomboana ity dia vokatry ny fahamaroan’ny vokatra eto an-toerana, indrindra avy amin’ny fitomboan’ny vokatra avy ao amin’ny toeram-pitrandrahana Molo sy Sahamamy. Iray amin’ireo mpamatsy grafita be indrindra eran-tany miaraka amin’i Chine sy Mozambique i Madagasikara.

19/12/2024

⭕️Tamin’ny 13 desambra, nisanda 4 685 Ar ny 1 dolara, raha 4 645 Ar tamin’ny 13 novambra.

⭕️Eo amin’ny euro kosa, nahitana fidinana kely satria 4 883 Ar ny 1 euro tamin’ny 13 desambra, raha 4 917 Ar tamin’ny 13 novambra.

⭕️Tafakatra hatramin’ny 7,8% kosa ny fiakaran’ny vidim-piainana.

Loharano : Newsmada

18/12/2024

⭕️𝗔𝗻𝗶𝘀𝗮𝗻’𝗻𝘆 𝗳𝗶𝗿𝗲𝗻𝗲𝗻𝗮 𝗺𝗮𝗺𝗼𝗸𝗮𝘁𝗿𝗮 𝗰𝗮𝗰𝗮𝗼 𝘁𝘀𝗮𝗿𝗮 𝗸𝗮𝗹𝗶𝘁𝗮𝗼 𝗻𝘆 𝗳𝗶𝗿𝗲𝗻𝗲𝗻𝗮 𝗺𝗮𝗹𝗮𝗴𝗮𝘀𝘆, izay tena ankafizin’ny tsena iraisam-pirenena. Any amin’ny faritra Diana no isan’ny loharano lehibe amin’ny famokarana cacao, ahitana velaran-tany manodidina ny 𝟭𝟲.𝟬𝟬𝟬 𝗵𝗲𝗸𝘁𝗮𝗿𝗮 hambolena izany. Ny vokatra azo isaky ny hektara dia eo amin’ny 𝟰𝟬𝟬 𝗵𝗮𝘁𝗿𝗮𝗺𝗶𝗻’𝗻𝘆 𝟱𝟬𝟬 𝗸𝗶𝗹𝗮𝗼.

⭕️Mahatratra 𝟱.𝟬𝟬𝟬 𝗸𝗮 𝗵𝗮𝘁𝗿𝗮𝗺𝗶𝗻'𝗻𝘆 𝟳.𝟬𝟬𝟬 𝘁𝗮𝗼𝗻𝗶𝗻𝗮 𝗶𝘀𝗮𝗻-𝘁𝗮𝗼𝗻𝗮 ny cacao aondran’i Madagasikara. Mora ny vidiny rehefa aondrana avy eto an-toerana, saingy rehefa tonga any ivelany dia hatsaraina, amboarina, aodina ary amidy lafo amin'ny firenena maro ka anisan’izany ny eto Madagasikara ihany.

⭕️Mba hahazoana tombony bebe kokoa sy hampiroboroboana ny toe-karena, dia zava-dehibe ny fananganana 𝗶𝗻𝗱𝗼𝘀𝘁𝗿𝗶𝗮 𝗲𝘁𝗼 𝗮𝗻-𝘁𝗼𝗲𝗿𝗮𝗻𝗮 hanodina ireo cacao. Tsy vitan’ny hanatsara ny vidin’ny vokatra vokarina eto Madagasikara ihany ireo indostria ireo, fa hanokatra 𝗮𝘀𝗮 𝗵𝗼 𝗮𝗻’𝗻𝘆 𝗺𝗽𝗼𝗻𝗶𝗻𝗮 sy hampiakatra ny tahan’ny fanondranana vokatra efa voahodina.

✅𝙉𝙮 𝙛𝙖𝙢𝙥𝙞𝙖𝙨𝙖𝙢-𝙗𝙤𝙡𝙖 𝙖𝙢𝙞𝙣’𝙣𝙮 𝙨𝙚𝙝𝙖𝙩𝙧𝙮 𝙣𝙮 𝙞𝙣𝙙𝙤𝙨𝙩𝙧𝙞𝙖 𝙨𝙮 𝙣𝙮 𝙛𝙖𝙣𝙤𝙝𝙖𝙣𝙖𝙣𝙖 𝙞𝙧𝙚𝙤 𝙢𝙥𝙖𝙢𝙤𝙠𝙖𝙩𝙧𝙖 𝙘𝙖𝙘𝙖𝙤 𝙙𝙞𝙖 𝙡𝙖̀𝙡𝙖𝙣𝙖 𝙞𝙧𝙖𝙮 𝙡𝙚𝙝𝙞𝙗𝙚 𝙝𝙤 𝙖𝙢𝙞𝙣’𝙣𝙮 𝙛𝙖𝙢𝙥𝙖𝙣𝙙𝙧𝙤𝙨𝙤𝙖𝙣𝙖 𝙢𝙖𝙝𝙖𝙧𝙞𝙩𝙧𝙖 𝙚𝙩𝙤 𝙈𝙖𝙙𝙖𝙜𝙖𝙨𝙞𝙠𝙖𝙧𝙖.

17/12/2024

« 𝗠𝗶𝘀𝘀𝗶𝗼𝗻 𝟯𝟬𝟬 » : 𝗛𝗮𝗺𝗽𝗶𝘁𝗼𝗺𝗯𝗼 𝗮𝘃𝗼 𝗿𝗼𝗮 𝗵𝗲𝗻𝘆 𝗻𝘆 𝘁𝗮𝗵𝗮𝗻’𝗻𝘆 𝗳𝗶𝘀𝗶𝘁𝗿𝗮𝗵𝗮𝗻𝗮 𝗵𝗲𝗿𝗶𝗻𝗮𝗿𝗮𝘁𝗿𝗮 𝗲𝘁𝗼 𝗠𝗮𝗱𝗮𝗴𝗮𝘀𝗶𝗸𝗮𝗿𝗮 𝗮𝗺𝗶𝗻’𝗻𝘆 𝟮𝟬𝟯𝟬

⭕️Tontosa ny 12 Desambra 2024 lasa teo ny atrikasa fampahafantarana ny antontan-taratasy mikasika ny tetikasa « 𝗠𝗶𝘀𝘀𝗶𝗼𝗻 𝟯𝟬𝟬 » (𝗠𝟯𝟬𝟬). Mifandraika amin’izany ny fanolorana ny 𝗙𝗶𝗳𝗮𝗻𝗮𝗿𝗮𝗵𝗮𝗻𝗮 𝗡𝗮𝘀𝗶𝗼𝗻𝗮𝗹𝘆 𝗺𝗼𝗺𝗯𝗮 𝗻𝘆 𝗔𝗻𝗴𝗼𝘃𝗼 𝗲𝘁𝗼 𝗠𝗮𝗱𝗮𝗴𝗮𝘀𝗶𝗸𝗮𝗿𝗮 (𝗣𝗮𝗰𝘁𝗲 𝗡𝗮𝘁𝗶𝗼𝗻𝗮𝗹 𝗘𝗻𝗲𝗿𝗴𝗲́𝘁𝗶𝗾𝘂𝗲 𝗽𝗼𝘂𝗿 𝗠𝗮𝗱𝗮𝗴𝗮𝘀𝗰𝗮𝗿).

⭕️Tanjona iraisan’ny 𝗕𝗮𝗻𝗸𝘆 𝗜𝗿𝗮𝗶𝘀𝗮𝗺-𝗽𝗶𝗿𝗲𝗻𝗲𝗻𝗮 (𝗕𝗠) sy ny 𝗕𝗮𝗻𝗸𝘆 𝗔𝗳𝗿𝗶𝗸𝗮𝗻𝗶𝗻𝗮 𝗵𝗼 𝗮𝗻’𝗻𝘆 𝗙𝗮𝗺𝗽𝗮𝗻𝗱𝗿𝗼𝘀𝗼𝗮𝗻𝗮 (𝗕𝗔𝗗) amin’ny tetikasa M300 ny hanome herinaratra ho an’ny olona 300 tapitrisa aty amin’ny faritra atsimon’i Afrika.

🇲🇬Ho an’i Madagasikara manokana, dia laharam-pahamehana ny hampitombo avo roa heny ny tahan’ny fisitrahana herinaratra hatramin’ny taona 2030. Tafiditra ao koa ny fampiroboroboana ny 𝗳𝗼𝗺𝗯𝗮 𝗳𝗮𝗵𝗮𝗻𝗱𝗿𝗼𝗮𝗻𝗮 𝘀𝗮𝗸𝗮𝗳𝗼 𝗮𝗺𝗶𝗻’𝗻𝘆 𝗮𝗻𝗴𝗼𝘃𝗼 𝗺𝗮𝗱𝗶𝗼 sy ny fampiasana 𝗮𝗻𝗴𝗼𝘃𝗼 𝗮𝘇𝗼 𝗵𝗮𝘃𝗮𝗼𝘇𝗶𝗻𝗮. Ho fanatrarana izany, 𝟳,𝟮 𝗺𝗶𝗹𝗶𝗮𝗿𝗮 𝗱𝗼𝗹𝗮𝗿𝗮 𝗻𝗼 𝗳𝗶𝗹𝗮̀𝗻𝗮 𝗵𝗮𝘁𝗿𝗮𝗺𝗶𝗻’𝗻𝘆 𝘁𝗮𝗼𝗻𝗮 𝟮𝟬𝟯𝟬, 𝗶𝘇𝗮𝘆 𝗺𝗶𝗱𝗶𝗸𝗮 𝗵𝗼 𝟭,𝟮 𝗺𝗶𝗹𝗶𝗮𝗿𝗮 𝗱𝗼𝗹𝗮𝗿𝗮 𝗶𝘀𝗮𝗻-𝘁𝗮𝗼𝗻𝗮, hahafahana mamatsy vola ireo tetikasa samihafa.

⭕️Hatolotra eo anivon’ny Filankevitry ny Governemanta sy ny Filankevitry ny Minisitra ny antontan-taratasy fidiran’i Madagasikara amin’ny M300 alohan’ny hanaovan-tsonia azy any Dar es Salaam (Tanzania) ny 28 Janoary 2025.

Loharano : Ministère de l'Energie et des Hydrocarbures.

16/12/2024

⭕️Nitombo ny isan'ny mpizahatany tonga teto Madagasikara tamin'ny volana Novambra 2024, ka nahatratra 26 158 raha oharina amin'ny 23 980 tamin'ny taona 2019.

⭕️Noho izany, tafiakatra 232 688 ny isan'ireo mpizahatany tonga teto Madagasikara tao anatin'ny 11 volana voalohany tamin'ny taona 2024.

13/12/2024

𝗕𝗼𝗹𝗼𝗻𝗴𝗮𝗺-𝗯𝗼𝗹𝗮𝗺𝗲𝗻𝗮 𝘁𝗿𝗮𝘁𝗿𝗮𝗻’𝗻𝘆 𝗳𝗮𝗱𝗶𝗻-𝘁𝘀𝗲𝗿𝗮𝗻𝗮𝗻𝗮 𝘁𝗲𝗻𝘆 𝗜𝘃𝗮𝘁𝗼

⭕️𝗩𝗼𝗹𝗮𝗺𝗲𝗻𝗮 𝗺𝗶𝗹𝗮𝗻𝗷𝗮 𝟭𝟯,𝟴𝟲𝟱 𝗸𝗶𝗹𝗮𝗼 no tratran’ny mpiasan’ny fadin-tseranana teny amin’ny seranam-piaramanidina Ivato ny 11 desambra lasa teo. Tao anatin’ny entan’ny teratany malagasy iray, izay handray ny sidina Ethiopian Airlines ET 852 ho any Addis-Abeba, no nahitana ireo lingots d’or miisa telo.

⭕️𝗡𝗮𝗻𝗱𝗮𝗹𝗼 𝗳𝗶𝘀𝗮𝘃𝗮𝗻𝗮 izy ka tsy nahitana na inona na inona, saingy rehefa niverina avy tao amin’ny toeram-pivoahana dia nahatrarana ilay volamena. Nosamborina izy sy ilay olona nanaraka azy ary mbola mitohy ny fanadihadiana hikarohana ireo mpiray tsikombakomba hafa amin’ity raharaha ity.

12/12/2024

⭕️Ny sehatry ny fitrandrahana harena an-kibon’ny tany dia niantoka 𝟲,𝟮% 𝗮𝗺𝗶𝗻’𝗻𝘆 𝗣𝗜𝗕 𝘁𝗮𝗻𝘆 𝗔𝗳𝗿𝗶𝗸𝗮 𝗔𝘁𝘀𝗶𝗺𝗼 tamin’ny taona 2023. Vola mitentina 𝟮𝟬𝟮,𝟱 𝗺𝗶𝗹𝗶𝗮𝗿𝗮 𝗱𝗼𝗹𝗮𝗿𝗮 eo ho eo no nampidirin’ity sehatra. 𝟰𝟲% 𝗮𝗺𝗶𝗻’𝗶𝗿𝗲𝗼 𝘃𝗼𝗸𝗮𝘁𝗿𝗮 𝗻𝗮𝗼𝗻𝗱𝗿𝗮𝗻𝗮 dia avy amin’io sehatra io, ary 𝗼𝗹𝗼𝗻𝗮 𝗺𝗮𝗻𝗼𝗱𝗶𝗱𝗶𝗻𝗮 𝗻𝘆 𝟰𝟳𝟳 𝟬𝟬𝟬 𝗻𝗼 𝗺𝗶𝗮𝘀𝗮 ao aminy. Sangany aty Afrika i Afrika Atsimo amin’ity sehatra ity, ary izy no sehatra manan-danja indrindra eo amin’ny toekarena any an-toerana.

✅Ny fisian’ny orinasa mpitrandraka ao amin’ny firenena iray dia manatsara ny toekarena amin’ny lafiny maro, toy ny fitomboan’ny vokatra fanondrana, ny fahafahana mamorona asa, ary ny fanatsarana ny vola miditra ho an’ny firenena sy ny mponina amin’ny alalan’ny hetra, tamberim-bidy, ary ny fandraisana anjara amin’ny sehatra sosialy maro samihafa.

10/12/2024

𝗠𝗮𝗻𝗱𝗮𝗹𝗼 𝗳𝗼𝘁𝗼𝗮𝗻-𝘁𝘀𝗮𝗿𝗼𝘁𝗿𝗮 𝗻𝘆 𝗳𝗮𝗻𝗼𝗻𝗱𝗿𝗮𝗻𝗮𝗻𝗮 𝗺𝗮𝗸𝗮𝗺𝗯𝗮 𝗲𝘁𝗼 𝗠𝗮𝗱𝗮𝗴𝗮𝘀𝗶𝗸𝗮𝗿𝗮

⭕️Araka ny angom-baovao navoakan’ny minisiteran’ny Toekarena sy ny Fitantanam-bola dia nihena 32,2% ny vokatra naondrana nandritra ny tapany voalohan'ny taona 2024.

⭕️Nisy fiantraikany teo amin’ny habetsahan’ny vokatra azo avy amin’ny jono aondrana io toe-javatra io. Nihena ho 7 613 taonina izany teo anelanelan'ny taona 2023 sy 2024 (tapany voalohany) raha toa ka 10 799 taonina ny taona lasa.

⭕️Nihena 33,9% araka izany ny fidiram-bolan'ny vokatra fanondranana avy amin'ny jono teo anelanelan'ny volana janoary sy jiona 2024. Izany hoe 242,9 miliara dolara ny vola niditra avy amin'ny fanondranana makamba nandritra io fe-potoana io.

09/12/2024

⭕️Vola mitentina 100 tapitrisa dolara isan-taona no niditra ho an’i Madagasikara noho ny fanondranana huiles essentielles teo anelanelan’ny taona 2018 sy 2021.

⭕️Madagasikara dia Miantoka hatramin’ny 80%-n’ny fanondranana maneran-tany amin’ny menaka sasany, toy ny ravintsara, izay tena ilaina eo amin’ny sehatra fitsaboana, hatsaran-tarehy, sy ny hafa.

⭕️Nandritra ny valanaretina Covid-19, nitombo 30% ny tinady eran-tany, izay nampiakatra ny lanjan’ny vokatra avy eto an-toerana. Tamin’ny taona 2023, nisy fifanarahana stratejika nataon’ny fanjakana sy ny GEHEM hanatsarana ny teknika famokarana, hanohana mpamokatra 2 000 eto an-toerana, ary hanamafy ny fifaninanana amin’ny tsena iraisam-pirenena.

06/12/2024

⭕️Tafakatra 720,2 tapitrisa dolara ny déficit commercial teto Madagasikara nandritra ny enim-bolana voalohan'ny taona 2024, izay mitovy amin'ny 4,1% amin'ny PIB. Nihena 27,9% ny fanondranana entana nataon'i Madagasikara araka ny tatitry ny Banky Foiben'i Madagasikara (BFM). Raha ny fanafarana indray dia tafakatra 2116 tapitrisa dolara, izay nihena 7,2%.

⭕️Ho an'ny taona 2025, tombanan'ny BFM ho manodidina ny 1063 miliara ariary ny tsy fitovian'ny fanafarana sy fanondranana entana eto amin'ny firenena.

⭕️Tsy misy afa-tsy ny fampitomboina ny famokarana eto an-toerana miaraka amin’ny fampihenana ny fanafarana entana ny vahaolana amin’izy io satria io toe-draharaha misy ankehitriny no isan’ny mampihen-danja ny vola malagasy.

Loharano : 2424.mg

05/12/2024

𝗙𝗶𝗮𝗸𝗮𝗿𝗮𝗻’𝗻𝘆 𝘃𝗶𝗱𝗶𝗻’𝗻𝘆 𝘃𝗮𝗿𝘆 𝘀𝘆 𝗻𝘆 𝗵𝗲𝗻𝗮

🔗Nahitana fiakarana ny vidin’entana fototra eto Madagasikara. Niakatra 200 ariary ka hatramin’ny 300 ariary isaky ny kilao ny vary, ka ny makalioka sy ny vary gasy dia amidy hatramin’ny 3 600 ariary. Manasarotra ny fidirana any amin’ny faritra mamokatra ny vanim-potoanan'ny orana ka mampiakatra ny saran’ny fitaterana.

🔗Niakatra ihany koa ny vidin’ny henan’omby, 19 000 ka hatramin’ny 20 000 ariary ny kilao, raha 18 000 ariary teo aloha.

04/12/2024

⭕️Anisan’ireo firenena nahitana fandrosoana ara-toekarena haingana indrindra eran-tany i Vietnam, izay tafavoaka tamin’ny fahantrana tao anatin’ny 70 taona. Ny sehatry ny indostria no fototry ny fampandrosoana ara-toekarena tany an-toerana izay mandray anjara 𝟯𝟳% 𝗮𝗺𝗶𝗻’𝗻𝘆 𝗵𝗮𝗿𝗶𝗻𝗸𝗮𝗿𝗲𝗻𝗮 𝗳𝗮𝗼𝗯𝗲 ary mampiasa maherin’ny 𝟮𝟱%-𝗻’𝗻𝘆 𝗺𝗽𝗼𝗻𝗶𝗻𝗮.

⭕️Tamin’ny taona 2023, 𝗺𝗮𝗻𝗼𝗱𝗶𝗱𝗶𝗻𝗮 𝗻𝘆 𝟯𝟳𝟬 𝗺𝗶𝗹𝗶𝗮𝗿𝗮 𝗱𝗼𝗹𝗮𝗿𝗮 𝗻𝘆 𝘀𝗮𝗻𝗱𝗮𝗻’𝗻𝘆 𝗳𝗮𝗻𝗼𝗻𝗱𝗿𝗮𝗻𝗮𝗻𝗮 𝘃𝗼𝗸𝗮𝘁𝗿𝗮 𝗮𝘃𝘆 𝗮𝗻𝘆 𝗩𝗶𝗲𝘁𝗻𝗮𝗺. Anisan’ireo orinasa lehibe manana ozinina any ny 𝑆𝑎𝑚𝑠𝑢𝑛𝑔, 𝐴𝑠𝑖𝑐𝑠, ary ireo marika malaza hafa.

⭕️Ny paik’ady haingana nampiroborobo ny toe-karena dia ny 𝗳𝗮𝗻𝗮𝗻𝗴𝗮𝗻𝗮𝗻𝗮 𝘇𝗼𝗻𝗲𝘀 𝗶𝗻𝗱𝘂𝘀𝘁𝗿𝗶𝗲𝗹𝗹𝗲𝘀, izay manamora ny fananganana ozinina; ny 𝗳𝗮𝗻𝗮𝘃𝗮𝗼𝘇𝗮𝗻𝗮 𝗻𝘆 𝗿𝗮𝗳𝗶-𝗽𝗮𝗺𝗽𝗶𝗮𝗻𝗮𝗿𝗮𝗻𝗮, izay mifantoka kokoa amin’ny fampiharana sy ny fiofanana dieny mbola kely, mba hifanaraka amin’ny filàn’ny tsenan’asa eo an-toerana.

03/12/2024

⭕️Mbola ambany ny famokarana trondro eto Madagasikara : 30.000 taonina ny vokatra tamin’ny 2023 raha 307.000 taonina ny filàna isan-taona.

⭕️Miisa 17 ankehitriny ireo “Zone d’émergence piscicole” (Zep) eto, nefa tokony ho 70 mba hahatrarana ny tanjona amin’ny taona 2030. Hita ao Alakamisy Anivosoa ny Zep lehibe indrindra, manana dobo 12 mirefy 0,46 ha, afaka mamokatra zana-trondro 9,2 taonina isaky ny “cycle”.

⭕️Ankoatra izany, mamokatra trondro 18 taonina isaky ny enim-bolana ny Zep iray, noho ny laboratoara sy ny fahaizan’ireo mpiofana. Fanamby lehibe ny famokarana zana-trondro 600 tapitrisa isan-taona.

Madagasikara Toe-Karena 21