Aboaho Ankiaka

02/10/2024

🔥‼️𝐉𝐋𝐘 𝐋𝐘𝐋𝐘𝐒𝐎𝐍 𝐒𝐘 𝐃𝐄𝐏𝐈𝐎𝐓𝐄 𝐋𝐄𝐊𝐀𝐑𝐀𝐍𝐘 : 𝐍𝐀𝐌𝐄𝐓𝐑𝐀𝐊𝐀 𝐏𝐀𝐈𝐊𝐀𝐃𝐘 𝐌𝐈𝐀𝐑𝐀𝐊𝐀 𝐀𝐌𝐈𝐍’𝐍𝐘 𝐕𝐀𝐇𝐎𝐀𝐊𝐀 𝐇𝐀𝐌𝐏𝐀𝐍𝐃𝐑𝐈𝐍𝐀 𝐅𝐀𝐇𝐀𝐋𝐄𝐌𝐀𝐍𝐀‼️

➡️ Vory maro tao amin’ny kaominina Anjiamangirina Distrika Antsohihy ny Komity ny DINA Anjiamangirina - Ambalafaminty - Ambodisakogna sns‚ nihaona tamin’ny Governoran'ny faritra Sofia sy Depiote LEKARANY‚ nikaon-doha momba ny fampandriana ny fahalemana.

☑️ Tapaka teto hiara-hientana ny mpitandro filaminana sy ny vahoaka amin’ny fandrasaina andraikitra. Napetraka ny paikady miaraka izy ireo ho famongorana ny asan-dahalo fa indrindra ny fanafihana sy ny halatr'omby izay mamparary ny vahoaka.

✅ Tazana niatrika ny fotoana ny komandy ny vondron-tobim-paritra Antsohihy sy Port Bergé. Andrasana ny vokatry ny dinika niraisana.
______________________________
Aboaho Ankiaka ©️JDR NEWS
www.presse-aboahoankiaka.mg
(sary indrana)

17/12/2023

03/09/2023

🇲🇬✨ 𝐍𝐎𝐑𝐎𝐓𝐈𝐍𝐀 𝐇𝐀𝐑𝐈𝐒𝐒𝐈𝐀𝐇 : 𝐇𝐀𝐍𝐃𝐑𝐀𝐘 𝐀𝐍𝐉𝐀𝐑𝐀 𝐀𝐌𝐈𝐍’𝐍𝐘 𝐅𝐈𝐅𝐀𝐍𝐈𝐍𝐀𝐍𝐀 𝐌𝐈𝐒𝐒 & 𝐌𝐈𝐒𝐓𝐄𝐑 𝐌𝐀𝐋𝐀𝐆𝐀𝐒𝐘 𝟐𝟎𝟐𝟒 𝐀𝐍𝐘 𝐄𝐔𝐑𝐎𝐏𝐀❣️

🤍 Tanora Malagasy avy ao Befandriana avaratra - Faritra Sofia i Norotina Harissiah Andriamampianina, fa monina sy mipetraka any ivelany sady mitady ravinahitra any.

❤️ Anisany ireo mandray anjara amin’ny fifaninana Miss & Mister Malagasy 2024 any Europa‚ izay tanterahina ny 04 Novambra 2023 izao ao “Savigny -le-temple” ao Frantsa izy.

💚 Izy araka izany no misolontena ny faritra Sofia amin’io fifaninana io ka miantso isika rehetra fa indrindra ny zanaky ny faritra Sofia izay eto Madagasikara sy any ivelany mba hanohana azy amin’ny lafiny rehetra mba azahoana fandresena amin’ny fifaninana ho ataony.

👉https://www.facebook.com/profile.php?id=61550807306326 io ny pejy facebook‚ afaka anarahantsika azy. Ireto manaraka ireto kosa Instagram sy Tiktok.

-> 𝙄𝙣𝙨𝙩𝙖𝙜𝙧𝙖𝙢 : 𝙝𝙖𝙧𝙞𝙖𝙖𝙝__
> 𝙩𝙞𝙠𝙩𝙤𝙠 : @𝙝𝙖𝙧𝙞𝙨𝙨𝙞𝙖𝙝111

⭐️ Ato kosa miditra raha hamandrika toerana mialoha ( réservation ) amin’io fotoana io : https://bit.ly/FinaleMissMisterMalagasy2024.

✨🇲🇬
Harissiah, Candidate Miss Malagasy 2024

09/05/2023

🌿✨ DREDD SOFIA : NAMALY NY ANTSO ARY NANEHO FAHAVONONA AMIN’NY FITANTANANA SY FIAROVANA ARY FIKARAKARANA NY ATIALAN’I BORA SY NY ATIALAN’ANJIAMANGIRINA NY ONG VIMA‼️

🌳🐿️ Namaly ny antso nataon’ny Governoran’ny faritra Sofia sy Talem-paritry ny tontolo iainana sy fandrosoana lovain-jafy‚ naneho fahavonony amin’ny fitantanana sy fikarakarana ary fiarovana ny atiala ao Bora ( ao anatin’ny kaominina Anjalazala sy Ambodimandresy ) sy ny atiala ao Anjiamangirina ( ao anatin’ny kaominina Anjiamangirina - Anahidrano ary tonga hatrany Ankerika ) ny ONG VIMA izay tarihin’ny Rtoa Andriazanatany Frederika Banks.

🌿🦜 Natao androany 08 Mey 2023 tao amin’ny Maison des élus Antsohihy‚ ny dinik’asa‚ fankan-kevitr’ireo Ben’ny tanàna amin’ny kaominina voakasika mba afahana manatsara sy mikarakara ary miaro ireo atiala‚ tsy ho ripakin’ny doro tanety sy tetik’ala fa ho rakotr’ala tanteraka. Hisy ny fidinana ifotony iarahana amin’ireo manampahefana ary andrasana aorian’izay ny fanapahan-kevitra ny manampahefana raha mahafeno fepetra tokoa izy ireo amin’io tolotra nomen’ny tompon’andraikitra io.

✅ Tafiditra ao anatin’ny velirano faha-10 ny filoham-pirenena izao ezaka atao amin’ny fiarovana ny tontolo iainana izao. Isaorana izy ireo tamin’ny famaliana ny antso natao‚ mandeha ny fanarahamaso sy soro-dalana afahana mamantatra raha tena mahafeno fepetra tokoa izy ireo amin’ny fitantanana ny ala arovana. Mialohan’ireo sampandraharaha handray an-tànana ny fiarovana sy fikarakarana ny atiala amin’ny toerana misy atsika dia tokony atsika no saro-piaro voalohany amin’izany sady adidy amin’ny maha olom-pirenena atsika rahateo ny fiarovana sy fikarakarana ireo atiala any toerana misy atsika mba tsy ho ripaka. Allô atsika hagnamafy firaisankina‚ fihavanagna‚ hagnano soroko miara-milanja sy tongotro miara-mamindra amin’ny fiarogna sy fikarakaragna atiala sy ny tontolo iainagna misy atsika ho fanehoagna fitiavan-Tanindrazagna marigny‚ hoy Dr Manantsoa Clermond - Talem-paritry ny tontolo iainana sy fandrosoana lovain-jafy Sofia‚ nanentana olon-drehetra hiaro sy handray andraikitra amin’ny fikarakarana ny atiala sy ny tontolo iainana.
______________________________
Aboaho Ankiaka © JDR News
www.presse-aboahoankiaka.mg

25/04/2023

🔥‼️ FAROUK : NOSABORIN’NY ZANDARY TAO MAHAJANGA ARY NALEFA ATY ANTSOHIHY‼️

➡️ Ny alin’ny sabotsy 22 April 2023 teo no fantatra voasabotry zandary avy ao amin’ny sampana misahana heloka bevava Mahajanga i Farouk ‚ Tovolahy mpandraharaha sy tia manao asa soa ‚ manampy olona sahirana eto Antsohihy.

❌ Tsy mbola fantatra mazava izay tena hanenjehana azy fa araka ny loharanom-baovao dia misy fitoriana maromaro avy any Mahajanga ‚ nataon’olona avy aty Antsohihy izay tonga tao amin’ny zandary misahana heloka bevava aty Sofia ka izao niroso tamin’ny fisamborana azy izao ny zandary.

❌ Tsy rariny ary tamin’ny fomba tsy mendrika ny fihetsika nataon’ireo nisamborana azy ka namparatra ny tànany araka ny fitarainana nataony fianakaviany . Nalefa aty Antsohihy mba hatao famotorana sy fanadihadiana moa izy ‚ efa niala tao Mahajanga omaly marainan’ny 24 April 2023 . Nijanona tao Mampikony rehefa ariva sy maizina ny andro ary nanohy ny diany ‚ mandeha aty Antsohihy ny maraina teo ‚ araka ny vaovao voarainay . Zandary 04 no miaraka aminy ao anaty fiara fitateram-bahoaka.

❌ Talohan’izao fisamborana azy izao dia nisy fiparitahan’ny fifampiresahana miafana ‚ nifanaovan’olona roa ‚ izay mirakitra teti-dratsy momba ny hanapahan-dohan’ilay zandry ( Farouk ) sy ny Tonia mpampanoa lalàna ao fitsarana ambaratonga voalohany Antsohihy . “ Ok voaray . Fijeriko azy aloha tehamely reo samy ao ihany satri misy le dossie noforoniny lery momba le zandry noteneniko anao iny , avy majunga avy any mihitsy namelezany azy .... Hendasitsika izy refa te hivadibadika eo. Ny azy moa zandry iny no tiany omena atsika tapahana loha ary nentsika tête ny procureur no ilaintsika. Efa samy ok” ‚ hoy ny ampahany amin’ilay fifampiresahana miafana nisy nanaparitaka io.

⛔ Ankoatran’ireo fitoriana izay efa any amin’ny zandary sy voalaza any amin’ny PAC ireo dia misy fitoriana hafa ihany koa ketrehin’olona eto Antsohihy amin’izao mba hamelezana mafy an’i Farouk.

⏰ Ao anaty fanadihadiana ataon’ireo tompon’andraikitra sy manampahefana misahana izany no hamantarana ny marina momba ity raharaha ity fa hatreto dia miahiahy ny fianakaviana ‚ amin’ny mety nisiany teti-dratsy ateraky ny lonilony ary fialonana an-davanandro ‚ hamotehana ity Tovolahy zanak’izy ireo ity no anton’izao rehetra izao . Arahintsika eto ihany ny mety ho tohiny.
______________________________
Aboaho Ankiaka © JDR News
www.presse-aboahoankiaka.mg
( Tahirin-tsary )

20/03/2023

🚨‼️ HAFATRA AVY AMIN’NY VAIAVIN’ANTSOHIHY‼️🚨
______________________________
Aboaho Ankiaka © JDR News
www.presse-aboahoankiaka.mg

12/03/2023

🔥‼️SITENY RANDRIANASOLONIAIKO : MANOMBOKA ATAHORANA ARY MIRONA MANARAKA AZY IREO TOFOKA SY DISO FANANTENANA AMIN’NY FITONDRANA MIJORO ANKEHITRINY‼️

➡️ Tandindin-doza ny fihavanana Malagasy ary manomboka very hasina ny soatoavina izay mampiavaka an’i Madagasikara amin’ny firenena maro noho ny fampahantrana sy fahasahiranan’ny vahoaka Malagasy ka very tanteraka ilay hoe « Aleo very tsikalakalam-bola toy izay very tsikalakalam-pihavanana » ‚ mivakivaky ary misara-bazana ny vahoaka noho ny antony maromaro fa indrindra ampirafesiny politika fandetehana ny firenena amin’ny lalina ka tsy maintsy mijoro isika rehetra mba hamaha izany rehetra izany.

➡️ « Nampahantraina ny seha-pamokarana rehetra (vanille, girofle, letchi…) noho ny fanaovan’ny olom-bitsy ampihi-mamba amin’ireo vokatra fanondrana ; simba tanteraka ny làlana ; manjaka ny tsy fandriampahalemana ; mikorosy fahana ny fanabeazana sy ny fahasalamam-bahoaka ; manjaka ny kolikoly amin’ny sehatry ny fananan-tany, ny fifamoivozana, ny jono, ny fitsarana… » ‚ hoy ny feo nivoaka tao Fenoarivo Atsinanana ‚ nitantara ny maharary azy ny vahoaka nandritra ny MIHAVA TOUR ( MIHaino Atsika Vahoaka ) ‚ nataony SITENY Randrianasoloniaiko ‚ nontronon’ireo Solombavambahoaka namany izay diso fanantenana ka tofoka tanteraka amin’ny fitondrana mijoro ankehitriny.

✅ Tsikaritra fa miha maro ny olom-pirenena resy lahatra amin’ny fanarahana SITENY ‚ Niantso ny firotsahan-kofidiany ho Filoham-pirenena rahateo izay rehetra nandray fitenenana ka manomboka mihorohoro ireo mpanao politika sy ireo mikasa hirotsa-kofidiana ho Filoham-pirenena mahita ny hetsika ataon’i Siteny ary efa mandeha ny fandotoana ‚ mba hankahalany vahoaka azy.
______________________________
Aboaho Ankiaka © JDR News
www.presse-aboahoankiaka.mg
( Sary Indrana )

04/03/2023

🔴‼️ PROFESORA TEHINDRAZANARIVELO DJACOBA : TSY ILAIN’NY MPITONDRA INTSONY VE IZANY NY VATON’NY ZANAKIN’NY FARITRA SOFIA⁉️

✅ Araho anatin’ity horonam-peo sy sary ity ny fanehoan-kevitra mafonja nataon’ny Profesora Tehindrazanarivelo Alain Djacoba ‚ Manoloana ny toe-draharaham-pirenena ankehitriny.
_____________________________
Aboaho Ankiaka ® JDR News.
www.presse-aboahoankiaka.mg

02/03/2023

🔥‼️ FAMETRAHANA BIF ( Birao Ifotony Fananan-tany ) SOFIA : Naneho ny heviny ireo solontenan’ny olom-boafidy ato amin’ny Faritra ‚ Ben’ny tanàna sy ny Solombavambahoaka . Marihina fa 39 kaominina amin’ny 120 mandrafitra ny faritra Sofia no afaka misitraka izany hatreto.
_____________________________
Aboaho Ankiaka ® JDR News.
www.presse-aboahoankiaka.mg

02/03/2023

👮‼️ FAMONGORANA TAMBAZOTRAN’NY TANORA MADITRA ANTSOHIHY : MANDRAY NY ANDRAIKINY NY POLISY‼️

♦️ Betsaka ireo mitaraina very vola ‚ voarava eny an-tsena ary misy andiana Tanora maromaro mifampitoratoraka arivariva ka miteraka tebiteby eo anivon’ny fiarahamonina . Mivorivory ambodi-tranon’olona izy ireo midoroka zava-mahadomelona ( mifoka paraky ‚ sigara ‚ rongony ‚ misotro toaka ) . Mpianatra eny amin’ny EPP ‚ KOLEJY sy LYSEA miankina sy tsy miankina amin’ny fanjakana ‚ Tovovavy sy Tovolahy tombana ho 12 taona ka hatramin’ny 20 taona izy ireo ‚ mivorivory eny amin’ny toerana mangingina sy takona tsy betsaka olona . Manodidina ny mosquée Ambalabe Ouest sy any amoron-drano Ambavan’Antsohihy ...no tena ahitana azy ireo matetika.

♦️ Velontaraina ireo Ray aman-dReny sasany fa tsy laitrany fananarana intsony ny zanany naterany izay taomin’ireo namany amin’ny fanaovan-dratsy ka ranomaso sisa atelina mba miataintaina lava tsy ho tratra eny am-panaovana asa ratsy ka ho afoy tanteraka .

« Ny ditry sy fidorohana zava-mahadomelona misesisesy tahaka izao no miteraka FORÔSY ka tsy maintsy fongorina haingana izany mba tsy hitatra lavitra » ‚ hoy ny avy eo anivon’ny Polisim-pirenena nitondra fanazavana.

➡️ Mandray ny andraikiny manoloana izany ny mpitandro filaminana avy ao amin’ny Polisim-pirenena ‚ misambotra sy manadihady ary mandray fepetra manoloana ireo Tanora efa tratra ‚ mba ho fananarana.

📷 Sary azo nandritra ny fisamborana androany 02 Mars 2023 tokony ho tamin’ny 10 Ora maraina teo ‚ natambatra amin’ny sarin’ireo zatovovavy mifoka sigara sy rongony azon’ny mpanao gazety ny andron’ny Journée des écoles - 22 Febroary 2023 teo.
_____________________________
Aboaho Ankiaka ® JDR News.
www.presse-aboahoankiaka.mg

01/03/2023

🔥‼️ZAIKABEN’NY VEHIVAVY - 08 MARS ANTANANARIVO : NANDEFA SOLONTENA NY FARITRA SOFIA‼️

♦️ Miisa 21 ireo delegasionina miaraka amin’Atoa Abdallah Mohamed Narcisse Talem-paritry ny mponina sy fiahiana ara-tsosialy hamonjy ny zaikaben’ny vehivavy 08 Mars 2023 ao Antananarivo . Nihainga androany 01 Mars avy eto Antsohihy izy ireo ka ny Jeneraly Lylyson ‚ Governoran’ny Faritra Sofia no niantoka ny saran-dalana sy vatsin-dalan’ireo mpizaika.

✅ Samy nakana solontena avokoa isakin’ny distrika 07 mandrafitra ny faritra Sofia . Ny sasany miara-mihainga avy eto Antsohihy ‚ ny sasany kosa raisina eo Port Bergé sy ao Mampikony ‚ araka ny fanazavana.

♦️ Tazana teny amin’ny biraon’ny Faritra‚ niatrika ny fihaingana ny Talem-paritra misahana ny fotodrafitrasa sy fandrosoana ato amin’ny Faritra Sofia sady nisolotena ny Governora.
_____________________________
Aboaho Ankiaka ® JDR News.
www.presse-aboahoankiaka.mg

28/02/2023

🔥‼️ DEPIOTE DJAOSERA IRÉNÉE : Nahatsiaro tena voafitaka ary nitanisa ny fahadisoam-panantenany amin’ny tsy fahombiazan’ny fitondrana mijoro ankehitriny . Natao anjorom-bala ny zanaky ny Faritra Sofia kanefa mba anisan’ireo nandany sy nametraka fitondrana mijoro ankehitriny ‚ hoy izy.
_____________________________
Aboaho Ankiaka ® JDR News.
www.presse-aboahoankiaka.mg

22/02/2023

⛔‼️ POLITIKA : VAKY NY ADY EO AMIN’NY SAMY MPANOHA FILOHA ANDRY RAJOELINA▪️JENERALY LYLYSON 🆚 JENERALY BOMBA‼️

➡️ Betsaka amin’ireo mpanohana fitondrana no efa naneho hevitra sy nilaza fa misy manery ny Filoham-pirenena amin’ny fanendrena ireo Minisitra mpikambana eo anivon’ny Governemanta ‚ eo ihany koa ny fanilihana ireo tena nitolona nanampy azy ka nampidirana ireo olom-baovao izay manimba endrika ny fitondrana mijoro ankehitriny . Anisany nitabataba mafy momba izany ny Solombavambahoaka Rossy sy Naivo Raholidinina ary ireo mpanao politika maro talohan’ny fanendrena mpikambana eo anivon’ny Governemanta farany teo.

➡️ Nivoaka ihany koa ny hevitry ny Jeneraly Lylyson tamin’ny fifandraisana miafina nifanaony tamin’ny olona izay natokisany nefa namadika azy ity farany . Nadray tsy raisina manoloana io feo niparitaka io ihany koa ny Jeneraly Bomba ‚ sekreteram-panjakana niadidy ny zandarimariam-pirenena teo aloha ary nilaza izy fa tsy ampy fahaizana ary tsy nianatra tamin’ny “ école de guerre ” ny Jeneraly Lylyson ary tsy vitan’izany fa tsy manana heri-po no sady mitsoaka ady ary miovaova palitao ‚ raha ny fanazavana hita taorian’ny feo izay nisy nanaparitaka.

♦️ Nivoaka tamin’ny fahanginany manoloana io fanambaniana sy fanivaivana nataon’ny Jeneraly Bomba azy io ny Jeneraly Lylyson . « Diso tanteraka ny fanazavana nataon’ny Jeneraly Richard Ravalomanana ‚ afaka hamarinina ny zava-drehetra fa tsy mbola niala ny Filoha Andry Rajoelina aho ‚ izy no nitsoaka sy nanafatra FIS ‚ izay notarihiny Col Lylyson rehefa nafana ny ady nifanaovana teny Fort Duschène izay nahavoatifitra an’ingahy vazaha namany . Ny tany amin’ny BANI Ivato Col LYLYSON, i Col RAKOTOSON Jocelyn ary i Col FIDY tamin’izany fotoana izany no nitarika ireo ekipa tao amin’ny FIS sy ny “garde présidentielle” nakany BANI Ivato ‚ afaka hamarinina izany ‚ hoy ny Jeneraly Lylyson nanazava sady nitanisa ireo fianarana sy zavatra vitany ary ireo diplôma ananany.

♦️ Ity farany moa nilaza nilaza fa diso tanteraka ireo zavatra nolazainy Jeneraly Richard Ravalomanana ary tsy mandrahona ny Filoham-pirenena ny tenany fa ny dikan’ny teny hoe ho henjana iny dia ho henjana ny fifidianana ho avy eo sy ny hiatrehana ny fifidianana ary mila olona enjana hiatrehana ny zavatra mety hitranga.

« Tokony tsorin’ny Jeneraly Richard Ravalomanana fotsiny hoe “TSY TIAKO I LYLYSON ARY TSY TIAKO HAMIRATRA EO ANATREHAN’NY FILOHA ANDRY RAJOELINA” ‚ hoy izy namarana ny teniny.

⛔ Manomboka mafana araka izany ny toe-draharaha ara-politika eto Madagasikara . Androany 22 Febroary 2023 ny filan-kevitry ny Minisitra voalohany taoriany fanendrena ireo mpikambana vaovao eo anivon’ny Governemanta ny alatsinainy 20 Febroary 2023 teo.
_____________________________
Aboaho Ankiaka ® JDR News.
www.presse-aboahoankiaka.mg
( Sary fanehoana )

22/02/2023

⛈️⚡ RIVO-DOZA FREDDY : NANIMBA FOTODRAFITRASA MARO TAO MANANJARY‼️

➡️ Fotodrafitrasa maro no potika sy simba ao Mananjary raha nandalovan’ny rivo-doza Freddy alina ‚ kianja manarapenitra ‚ sekoly ‚ tranon’olon-tsotra maro ‚ eny hatramin’ny sekoly nandraisana ireo traboina aza dia nataon’i Freddy nahita faisana.

⛔ Aman’alina ireo traboina raha ny fampitam-baovao voaray avy any an-toerana.
_____________________________
Aboaho Ankiaka ® JDR News.
www.presse-aboahoankiaka.mg

16/02/2023

🔥‼️ ANDRY RAOBELINA : HIJORO SY HANAVOTRA NY FIRENENA LATSAKA AN-KATERENA⁉️

➡️ Fantatra omaly 15 Febroary 2023 ‚ nandritra ny fotoana nanambarana ofisialy ny fitsanganan’ny antoko politika ARB ( Anjomara sy Rivo-Baovao ) fa ho anisany handray anjara amin’ny fifidianana ho Filoham-pirenena Malagasy izay hatao ny 09 Novambra 2023 izao ny antoko ‚ tarihin’Andriamatoa Andry Raobelina.

➡️ Manana vina mazava tsara izay mifantoka sy mifototra amin’ny fanomezan-danja ny maha olombelona ny antoko ‚ mampitovy ny rehetra amin’ny lafiny fihariana ‚ fandraharahana ary fahalalàhana ara-toekarena . Ankoatrizay dia vonona hijoro sy hanavotra ny firenena izay latsaka an-katerena izy ireo araka ny fanazavana nataony.

🕛 Manomboka miseho vatana araka izany ireo mety ho kandida ho Filoham-pirenena Malagasy . Raha ity filohan’ny ARB ity no resahina tsotsotra dia efa nanao fitezam-paritra maromaro tamin’iny tapany atsimo iny mialohan’izao fanambarana ofisialy momba ny antoko izao ‚ ary toa efa nahazo tso-drano mihitsy aza tamin’ny tanàna izay nandalovany amin’ny Faritra atsimo antsinana izay misy ampanjaka iny.
_____________________________
Aboaho Ankiaka ® JDR News.
www.presse-aboahoankiaka.mg
( Sary fanehoana )

13/02/2023

🛑‼️MARC RAVALOMANANA : TSY HISY NY FIHODINANA FAHAROA AMIN’NY FIFIDIANANA FILOHAM-PIRENENA⁉️

➡️ Mahantra isika izao fa ho foana tsy ho ela izany ‚ ho foana ihany koa ny dahalo izay mampahory atsika fa manana fanantenana ‚ hoy ny Filoha teo aloha Marc Ravalomanana ‚ nampanantena ireo mpomba azy tao Alasora Avaradrano ny sabotsy 11 Febroary 2023 teo fa hanome vary sy loka.

➡️ Ity farany moa nilaza fa tsy hisy ny fihodinana faharoa ary nanentana ny rehetra samy hisoratra anarana ao anaty lisi-pifidianana ary mbola manantena fandresena amin’ny fifidianana izay ho avy.
_____________________________
Aboaho Ankiaka ® JDR News.
www.presse-aboahoankiaka.mg
( Sary indrana )

12/02/2023

🛑‼️ DEPIOTE NICOLAS : BETSAKA IREO OLONA MATIN’NY ANOHANANA ( MOSARY - KERE ) ANY BETROKA‼️

➡️ Mihoatran’ny 40 ireo matin’ny anohanana ( mosary ‚ kere ) any amin’ny distrikan’i Betroka tao anaty 03 volana ‚ 33 tao Mahabo ‚ 07 maty tao amin’ny kaominina Ambalasoa vao herinandro lasa izay ‚ Analamady 03 Maty ‚ tsy mbola tonga any ny fanampiana avy amin’ny fitondram-panjakana raha ny fanazavana natony Solombavambahoaka voafidy tany an-toerana ‚ Nicolas Randrianasolo.

➡️ Efa nanao tatitra ny Solombavambahoaka fa tsy nisy valiny . « Izao ihany no mahavoa ny fitondram-panjakana ankehitriny ‚ mandrimandry manana aretina ‚ tsy matoky ny olom-boafidy ‚ tsy maintsy ny distrika no manao tatitra vao eken’ny BNGRC ‚ hiandry olona an-jatony aman’arivony maty indray ve vao hitondra vahaolana ? Izany no tsy mampitovy ny olom-boafidy sy olona notendrena ‚ ireo teknisinina ‚ izy ireo izay mahazo karama isam-bolana amin’ny asany ka tsy hiteny zava-misy marina fa ny Depiote akaiky vahoaka » ‚ hoy ny Solombavambahoakan’i Madagasikara voafidy tao Betroka ‚ manaitra ny fitondram-panjakana.

⛔ Kaominina vitsy ihany ireo nahazahoana tatitra ireo fa heverina ho betsaka noho io antotan’isa io ny zava-misy amin’ireo kaominina saro-dalana sy lavitra any‚ hoy hatrany ny fanazavana.
_____________________________
Aboaho Ankiaka ® JDR News.
www.presse-aboahoankiaka.mg
( Sary fanehoana )

12/02/2023

🛑‼️SAMBAVA : FANTSIKA LEHIBE MIISA ROA SY TAPAKA SOTRO ARY BOROSO NIFY NO HITA NITSIVALANA TAO ANATY TSINAIN’NY TOVOLAHY 30 TAONA AVY ANY MAHASOA BEMARIVO‼️

➡️ Efa tsy tompon’ny tenany ilay tovolahy ary lany fanahy mbola velona ny fianakaviany amin’ny fitsaboana azy ka nohentina niakatra tao Sambava ilay tovolahy 30 taona ‚ marary mafy avy any Mahasoa Antindra Bemarivo . Tao amin’ny clinique médico chirurgicale Le Fidèle Soavinandrina izy no nivantana mba hitsabo-tena . Nilaza ny mpitsabo fa tsy maintsy mandalo fitarafana izy mialoha ny hirosoana amin’ny fitsaboana.

➡️ Taoriany fitarafana ( Radio ) natao no nahafantara fa misy fantsika roa lehibe ao amin’ny tsinainy ‚ iray mitsivalana eo amin’ny tsinay lehibe sy tsinay kely mifantsika eo ‚ ny iray hafa mitsatoka eo amin’ny taolana any ambany amin’ny “rectum” ‚ nahitana tapaka sotro vy sy boroso nify ihany koa tao anaty tsinain’ity tovolahy ity ka tsy maintsy nandalo fandidina ary nanapahana 20 hatramin’ny 25 cm ny tsinainy.

✅ Tsy misy atahorana ny fahasalamany ankehitriny ‚ efa manao ny ezaka ny mpitsabo izay mikarakara azy ‚ faly sahirana ny fianakaviana izay tsy manam-bola be amin’izao fahavelomany havany izao . Tsy mbola fantatra hatreto izay antony nahatonga ireto fantsika sy tapaka sotro ary boroso nify ireto tafiditra anaty vatany.
_____________________________
Aboaho Ankiaka ® JDR News.
www.presse-aboahoankiaka.mg
( 📷 Marino Rajaonina )