TV Teuta from Montenegro - TV Teuta is the first television station in Montenegro to broadcast 80% i
10/02/2025
Në Srebrenicë ka pasur gjenocid, ka thënë kryeministri Millojko Spajiq në emisionin “Istraga Sedmice”. Këtë vit shënohet 30-vjetori i gjenocidit në Srebrenicë. “Çdo vit kemi një delegacion në nivel të lartë. Nuk kam mundur të shkoj. Nuk e di agjendën time për korrikun, por jam i sigurt se në të ardhmen do të gjej kohë. Nuk kam problem me njohjen e gjenocidit. Qëndrimi i shtetit të Malit të Zi është i qartë. Dy herë Parlamenti ka miratuar një Rezolutë. E kemi mbështetur Rezolutën në OKB. Asnjë komb nuk është gjenocidal. Individët janë ata që kanë kryer krime dhe duhet të japin llogari. Duhet të kthehemi pas dhe të dënojmë gjërat e kaluara që të mos mbajmë barrë mbi shpinë. Pa barrat historike mund të ecim përpara,” ka thënë Spajiq. Kryetari i Parlamentit të Malit të Zi Andrija Mandiq ka uruar 9 janarin antikushtetues si Ditën e RS. “Në komunikim me të, kuptuam se ky është qëndrimi partiak. Ata janë pjesë e një korpusi politik serb. Nuk kemi problem me këtë që partitë përfaqësojnë një urë lidhëse. Duhet të përqendrohemi te ato gjëra që na bashkojnë. Mali i Zi qytetar dhe ai që do të nderojë çdo viktimë, do të shikojë përpara. Ne jemi për bashkëpunim në rajon. Është e rëndësishme që si shtet të kemi një qëndrim të qartë. Dënojmë të gjitha krimet. Jemi të orientuar për të ardhmen,” tha Spajiq. Ai theksoi se malazezët janë krenarë që janë Ballkanas. “Jemi krenarë për mentalitetin tonë. Jemi të bindur se kjo është një vlerë shtesë që e sjellim në Bashkimin Evropian. Një njeri nga Ballkani është shumë i vlefshëm, shumë i mençur, besnik dhe punëtor i besueshëm. Ka një potencial të madh në Ballkan. Ne nuk kemi një shumicë absolute në vendin tonë. Kjo është një bukuri shumëngjyrëshe e karakterit etnik dhe fetar që e pasuron Malin e Zi. Klane të Malit të Zi që janë të njohur në Evropë nuk mund të investojnë. Të gjithë ata njerëz do të arrestohen, herët a vonë. Në polici kishim gati 100 persona që bashkëpunonin me klane kriminale,” është shprehur Spajiq.
