سيدي رحال تيفي- Sidi Rahal TV

02/02/2023

السلام عليكم ورحمة الله وبركاته الإخوة الكرام سمحو ليا غنخرج على موضوع المجموعة عندي ليكم واحد الطلب الى كان ممكن ، محتاجة دعمكم في احدى المسابقات لي شاركت فيها باش نتأهل ان شاء الله للنصف النهائي المطلوب وضع لايك فقط على اسمي الموجود في التعاليق هاجر الحلاوي https://www.facebook.com/100066474879298/posts/527686266123865/?app=fbl
جزاكم الله خيرا 🫶🏻

🔶 نصف نهائي مسابقة Talents et Créatifs مواهب ومبدعين التحدي العربي النسخة السادسة مرحلة تصويت الجمهور
٠ جائزة الكتابة و الشعر
٠ 14 مشارك في هذه المرحلة سوف يتأهل منهم 5 مرشحين للنهائي
٠ هم نفسهم أصحاب المراكز 1-2-3-4-5 كأحسن تصويت
٠ يلتحقون بالنهائي مباشرة إلى جانب المؤهلين عن قرار لجنة التحكيم
٠ المرجو التصويت بالتفاعل مع صورة المرشح ب زر إعجاب أو أي رياكشن 👍❤️😥😠😘
٠ يمنع وضع صور او تعاليق أو اسماء المشاركين داخل التعاليق
٠يسمح ب مشاركة المنشور ف مجموعات أو صفحات اخرى
٠التصويت ينتهي يوم الخميس على الساعة 11:59 ليلا
٠ حظ سعيد شباب ❤️



#النهائي #النسخةالسادسة #المغرب #تونس #الجزائر #اليمن #السودان #مصر
#فلسطين #العراق #الأردن #السودان #500مبدع #500إبداع #500موهبة

10/10/2021

حين تنحني الساكنة راضخة للذل تحت سيطرة الفاسدين ..لن تنال غير الفتات والبقايا..وهذا مايحصل بمنطقة سيدي رحال الشاطئ ..فبعد ان لاحت بارقة امل في الاصلاح والتغيير .وبعد ان شرعوا في تعبيد الطرقات اكتشفنا انهم سيكتفون بتمليس الشوارع فقط وان الزفت ابعد مايكون عن انوف الساكنة ..(يعني لاحو عظم فين يتلهاو الناس وفلوس اللبن داهم زعطوط ).ايوا بقاو ساكتين حتى ليوم القيامة وهما يجرجرو فيكم..الناس فين وصلو وهذو يلاه كيحلمو بالكودرون والواد الحار..اما المدارس العمومية فحدث ولا حرج ..عبارة عن خم للدجاج او زريبة للبهايم ..اصفق بحرارة للمكلخين لي صوتو على الشفارة .نتوما لي حكمتو على روسكم بالدونية والرجوع للوراء وتما بقيتو

02/10/2021

لا تنسوا أن الجماعة صرحت بأنها تقدم حوالي 50 مليون سنتيم كدعم و بالتالي فمن حقكم المطالبة بإعادة النظر في المبالغ التي تؤدونها مقابل تنقل أبنائكم من و إلى المؤسسات التعليمية التابعة .

29/08/2021

مجرد حبر على ورق .اما الواقع حسبي الله ونعم الوكيل

29/08/2021

بعدما احس البعض بحتمية هزيمتهم في الانتخابات الجماعية بدؤوا يوظفون كل اساليب التضليل والكذب على ساكنة سيدي رحال الشاطئ بل سارعوا الى القيام ببعض الاشغال الترقيعية في عز الحملة الانتخابية (فين كنتو شحال هدي ) باش يتهامو الخصوم بالعرقلة ويربحو بعض الاصوات اسلوب مريض ينم على عقلية مريضة فضلا عن السبان والطعن في الاعراض الذي ليست من شيمنا ولا مبادئنا كما يلاحظ المواطن الرحالي .
نقول لهؤلاء اتقوا الله في اعراض الناس ولا تحاولوا كسب اصوات الناس بالبهتان والكذب فالكل يعرف قيمتكم .

Partagez vos périples aux quatre coins du monde sur le web avec ce design de blog de voyages qui donne envie de faire ses valises et de partir à l'aventure!

28/08/2021

ههههههه فاقد الشيء لا يعطيه
ما بغيش نبينو رمز الحزب باش مايتقلقوش علينا كلاب الاستقلال ههههه

28/08/2021

هدا اسيادنا الامين العام تاع حزب الاستقلال
ههههههه قاليك اسيدي هذا باغي يقاد مشاكل الاساتذة المتعاقدين ههههه قاد غير مشاكلك مع العربية بعدا 😂😂
هدا الامين العام و شوف النيفو كي داير فما بالك بالكلاب الضالة تاعو هنا في سيدي رحال
لك الله يا وطني

25/08/2021

سكان مدينة سيدي رحال
نعدكم بتغطية حصرية و شاملة للاستحقاقات الانتخابية بكل حيادية

17/08/2021

ما عندناش حسابات حزبية ضد المنتخبين المنتهية ولايتهم،و لكن احتارموا عقولنا كمواطنين راه حنا ماشي واكلين التبن، و هادشي ديال الإنجازات لي كتهدرو عليه كيجيب الضحك. واش حنا خاصنا بنية تحتية و طرق معبدة و الإنارة و مرافق صحية و حل مشاكل العقار.. و.. و نتوما فينما شي مواطن خلص بفلوسو و دخل مگانة الضو و لا الماء لدارو فشي إقامة و لا شقة، كتحسبوها "إنجاز" ديال المجلس الجماعي؟

حتى من رخصة السكن لي هي ورقة إدارية محضة حسبتوها "إنجاز"؟

واش لهاد الدرجة ما كينش إنجازات حقيقية للمجلس الجماعي في ولاية 6 سنوات؟ راه 6 سنيييين هاديك؟؟؟

واش دابا غتسحبو التنابر و ستيلوات زرقين و تزيدوها في "الإنجازات" هههه؟

لا حول ولا قوة الا بالله.

راه حنا يوميا عايشين ف سيدي رحال، كنشوفو الوضعية و كنسمعو المواطنين آش كيقولو ف القهاوي و المجالس.

16/08/2021

طريق سيدي رحال الشاطئ الدارالبيضاء تعرف ازدحاما كبيرا في حركية وسائل النقل نظرا لتوافد زوار البحرعليها من جميع المدن خصوصا المجاورة؛ لكن عوض انجاز الطريق عبر الشريط الساحلي وفق تصميم التهيئة لتجاوز هذا الاختناق الحاصل نلاحظ انه كل ما اقترب الصيف او الاستحقاقات الانتخابية يشرع المسؤولون في انجاز بعض الاصلاحات التي تزيد من عرقلة السير .
واش ما بانش ليكم هذا الشي حتى الصيف وحتى قربات الانتخابات زعمة شوفونا هاحنا خدامين ؟؟؟!!!
بقات في كثرة الصفحات و التصاور

16/08/2021

خبر عاجل
تم حجز طن ونصف من مادة الشيرة على متن زورق كبير الحجم من طرف السيد الباشا بمعية رجال الدرك الملكي بسيدي رحال الشاطئ
المصدر: ح ن

13/08/2021

تقارير صادمة حول المجلس البلدي الحالي
خروقات و اختلاسات بالجملة و سارح بنادم بالكدوب والاشاعات
انتضرونا بتقارير مفصلة و بالدلائل حول هاته الاختلاسات و الخروقات و التشفاريت تاع سي الرايس و رباعتو

09/08/2021

السلام عليكم و رحمة اللله تعالى و بركاته
خوتي المواطنين، خواتاتي المواطنات كعادتنا رجعنا لكم بموضوع من المواضع المسكوت عنها في مدينة سيدي رحال الشاطىء.
هاد لمدينة لي من زهرها الخايب شادنها واحد الرباعة تاع الشلاهبية لي عارفهم لكبير و الصغير في المدينة ، و حنا بصفتنا مجرد مواطنين شباب غيورين على منطقتنا لحبيبة، و من كثرت إفتخارنا بأننا من ابنائها جينا ليوم باش نحاربو هاد رباعة الشلاهبية و كروش لحرام و نوصلوا صوتنا، بل و لو اقتدى الحال نسلكو طرق قانونية لمتابعتهم .
اليوم اسايدنا جينا نهضرو لكم على احد نواب "السيد الرئيس " وكذلك رئيس نادي محلي لكرة القدم لي راكم عرفتوه، إوا ا سيادنا هاد سيد واخد كل عام دعم لفرقتو بقيمة 60 مليون سنتيم نقولو اسيادنا هادوك فلوس الفرقة و كيخلص بها مصاريف الفرقة و داكشىي حتى لهنا نقولو الامور عادية ولكن لي ماشي عادي هو الرئيس و النائب المدلل تاعو مدوز له الدعم و مهلي فيه ، هاك خود كول شوية و سكت ، و كفاش مكلفينو بتسيير جوج ملاعب تاع القرب الاول كاين بقرب النقر المتعدد الخدمات قرب نسيم البحر و للاشارة سي شفيفير هو لي اقترح يسميه بسميت فرقتو باش يتملكو و يلقى باش يخرج سنطيحتو و الملعب التاني لي في الشرفة و لي تاهو من مصدرنا الموثوق اكد لنا انه اقترح اسم اب الرئيس باش يتسمى به الملعب و هو لي كان على اساس انه كان مقاوم او من الناس لي بناو هاد المدينة او .... و ماتنساوش انه هاد الملاعب لي مدايراهم المبادرة الوطنية للتنمية البشرية لي خاص انا و انت تستافد منهوم فابور ، داير لهوم سي شفيفير 100 درهم لساعة و بعملية حسابية بسيطة الا درنا كل ملعب كيتلعبو فيه غير 8 الماتشات في نهار بمعدل 100 درهم لساعة ف راه هاد جوج ملاعب جايبين له 1.600 درهم في نهار و 48.000 درهم في شهر و 576.000 درهم في العام يعني 57 مليون و 120 الف ريال في العام ، هاد الفلوس فين كيمشيو ، يمكن كيعاود يزرع بها الكازو في تيران كل شهر .
اللهم إن هذا منكر و الله إلا عيب و عار هادشي, ماكرهوش هاد شفارة الهواء تاع سيدي ربى نوليو نخلصوهم عليه .
باراكة عليكم من الحڭرة و الشفرة ا ولاد لحارم راه طوال زمان ولا قصار فلوس لحرام غا تخرج فيكم في الدنيا قبل الاخرة .

29/07/2021

في إطار فضح المستور اليوم جبنا لكم موضوع لي لحد الساعة مازال ماقدرات تهضر عليه حتى صفحة من دوك صفحات المرقة لي ماليهم معروفين و ايامهم معدودة
اليوم ا سيادنا جينا نهضرو لكم على موضوع النقل المدرسي بمدينة سيدي رحال الشاطىء و المستفدين منو "ماشي وليدتنا ولكن كروش لحرام "
في الموسم الدراسي 2019/2020 الجماعة تاع سيدي رحال صرفات دعم تاع 50 مليون سنتيم على اساس اعفاء التلاميذ من واجبات النقل المدرسي او استخلاص اثمنة رمزية " شي بركة على قد الحال" ههه ولكن معامن ، الجمعية تاع النقل شداتها و الوقت لي جات فيه كورونا ولى التعليم عن بعد و الفلوس تاع الدعم اصبحت في خبر كان ، بل و الاكثر من دلك هاد الناس تاع النقل المدرسي من وراء الحجر الصحي مباشرة ناضو شراو ارض قرب السارج لي طريق السوالم و هوما الان في طور بناء مستودع كبير بقيمة 60 مليون سنتيم للسيارات اللي اقتاناتها لهم المبادرة الوطنية للتنمية البشرية و لي كيقديو بحا المصالح تاعهم لي عندو شي غرض يقضي كلشي على ضهر المواطن .
و من حقنا كمواطنين نعرفو هاد لفلوس منين جابوها !!
واش ا عباد الله السيارات تابعين للمبادرة الوطنية يعني مدعمين من طرف الدولة و ولادنا ساكنين في بن سعدون و كيخلصو 100 درهم للشهر رغم ان المسافة لي بين بن سعدون و ثانوية الخوارزمي ماكتعداش 1.5 كم هادي زعمة لي قريبة و شوف شحال كيخلصو فما بالك بالناس لي بعاد مساكن اللهم إن هذا منكر
و هادشي كيضر في الخاطر بزاف و الله واش دابا تاعت الله مجلس جماعى على قدو لي كيفتاخر كل شوية بي اي حاجة دارها كيضل يطبل بيها في الفايسبوك رغم انه خدمتهم هاديك و كيتخلصو عليها و حنا لي عطيناهم صوتنا باش طلعناهم ماقادرش يتحساب معاهم و يشوف من حال اولياء التلاميذ لي من بداية الموسم الدراسي و هوما تايخلصو ها التأمين ها جمعية الاباء ها النقل المدرسي تاهو زايدهم بهمو
بصفتي مواطن غيور على مدينة سيدي رحال كنطالب الجهات المسؤولة بالتحقيق مع هاد الناس لا جمعية النقل المدرسي لا المجلس الجماعي لي على حسب ما كيبان ماكاين لا حسيب لا رقيب

17/07/2021

علاش غالبا كتلقى تسيير المدينة شادينو ناس ما عندهمش الكفاءة و لا المستوى ديال التسيير؟ ماشي حشومة ف 2021 باقي كتلقى رئيس جماعة مدينة عندو مستوى السادس ابتدائي، و باقي الأعضاء كاين لي ما قاري حتى حرف؟ واش 2021 و باقي منطق القبيلة و منطق "هذا ولد البلاد نعاونوه يشد الجماعة"؟ واش ماشي ولاد البلاد لي كلاوو البلاد؟ الحقيقة بغينا و لا كرهنا، أن البراني هاد الساعة لي لقينا فيه الخير، كيستثمر و كيدير مشاريع و كيحرك الوقت، أما ولاد البلاد فمضاربين بيناتهم على الكعكة

20/05/2021

انتضرونا قريبا
تحقيق حول جمعية ارباب النقل المدرسي بجماعة سيدي رحال الشاطئ و ما مدى قانونية الرسوم المستخرجة من التلاميذ المستفيدين من النقل المدرسي و كذا دور المبادرة الوطنية للتنمية البشرية في مجانية الاستفاذة من النقل المدرسي ؟
كل هاته الاسئلة سيتم الاجابة عندها في برنامجكم الجديد #تحقيق
فأنتضرونا قريبا

16/05/2021

لليوم السابع على توالي لا زال شبح حوادث السير يعصف بمدينة سيدي رحال اخر ضحاياه هاته المرة هو حادثة امام مركز الدرك الملكي و بالضبط امام الحاجز الامني الدي تنصبه مصالح الدرك الملكي حيث ارتطم شاب يقود دراجة نارية في الاتجاه المعاكس بسرعة جنونية بسيارة مدنية يقدوها دركي حيث لولا الالطاف الالهية لتوفي الشاب في عين المكان و قد أصيب اصابة بليغة على مستوى الوجه تطلبت نقله على وجه السرعة للمستشفى و هو في حالة لا الوعي لتلقي الاسعافات
في حين ثم حجز اوراق و دراجة الشاب بعد المعاينة الميدانية للحادثة من طرف رجال الدرك
و في سياق متصل فقد اضهرت ساكنة سيدي رحال امتعاضها الشديد حول ضاهرة الدرجات النارية من نوع C50و C90 و كدلك الغياب الملحوظ للعنصر الامني للحد ما هاته الضاهرة و عدم القيام لحدود كتابة هاته الاسطر بأي حملة امنية لمحاربة هاته الضاهرة القاتلة

13/05/2021

#عاجل

حادثة سير امام مركز الدرك الملكي بلاكوط بين سيارة متوسطة الحجم و دراجة نارية من النوع الخفيف C50 تتسب في نقل شاب على وجه السرعة و هو في حالة جد حرجة للمسشفى حيث كان السبب الرئيسي لهاته الحادتة هو السرعة و التهور و السياقة في مسلك دو اتجاه واحد من طرف صاحب الدراجة النارية .
كما نعيد التنبيه لاصحاب الدرجات النارية باحترام قانون السير و عدم التهور في السياقة .

12/05/2021

رسمياً ✅🇲🇦
المغرب يعلن رسميا أن يوم الخميس هو أول أيام عيد الفطر المبارك.. كل عام و أنتم بألف خير 🌙😀

12/05/2021

في هاته اللحضات تقوم السلطة المحلية بمدينة سيدي رحال بعملية هدم لمقهى عشوائي المعروف بمقهى 'المامون' بسبب الاستغلال الغير المشروع للملك العام و كذا ممارسة نشاط تجاري بدون سند قانوني
و السؤال المطروح هنا هو هل ستقوم السلطة المحلية بتطبيق القانون على كل المخالفين و المستغلين للملك العمومي ام هي فقط حملة مؤقتة لإسكات المواطنين ؟

12/05/2021

حرب الطرقات لا زالت تحط بضلالها على مدينة سيدي رحال
هاته المرة تسببت حادثة سير بين دراجتين ناريتين من نوع الخفيف (c50) امام مسجد با سعدون بمقتل شاب في مقتبل العمر نتيجة تصادمه بدراجة نارية اخرى و قد وافته المنية على الفور حيث ثم نقل جتمانه الى مستودع الاموات في حين فتحت مصالح الدرك تحقيقا حول ملابسات هاته الحادثة بعدا وصولها لعين المكان .
و تجدر الإشارة إلى أنه قد عرفت المنطقة في السنوات الاخيرة ارتفاع عدد حوادث السير المميتة التي يروح ضحيتها شباب في مقتبل العمر نتيجة التهور و السرعة و انتشار مايعرف بسباق الشوارع بين الشباب و المراهقين
فمزيدا من الحذر

12/05/2021

‏وزارة الأوقاف والشؤون الإسلامية، تعلن اليوم الثلاثاء، أنه تقرر في ظل ظروف التدابير الاحترازية من عدوى وباء (كوفيد 19)، عدم إقامة صلاة عيد الفطر سواء في المصليات أو المساجد.
‎ #المغرب ‎ ‎ ‎ #مسجد ‎ #كورونا