07/10/2024
نصحوه مسكين👇👇👇
انا يالله درت لاكط مع واحد البنت عندها 19 سنة و انا عندي 28 سنة (لي غيقولو ليا فارق العمر راه انا معنديش اشكال في العمر كون كانت كاع كبر مني كنت غنتوكل معاها على الله حيت بانت بنت الناس بزاف )، قبل مانتفصل في الامور انا و هاد البنت مزوجين في الاوراق فقط مزال مادرنا العرس هي في دارهم، غير درنا لاكط بدات كطلب مني شي امور فوق القياس، طلبات مني تليفون خديتو ليها وخا كانت باغا تاخد ايفون مستعمل ب 4500 درهم مبغيتش خديت ليها واحد ب 2000 درهم، ولات كتصيفط ليا شي سكرينات من واحد الموقع ديال الحوايج كل مرة مصيفطة ليا 2 سكرينات ديال الكساوي دبال المحجبات من نهار درنا لاكط لهاد النهار هادي شهرين ونص خديت ليها 8 الكساوي، فاش كنبغيو نخرجو كتديني لشي بلايص غاليين كتقوليا الواحد غيعيش مرة وحدة في الحياة خاصو يتمتع، طلبات مني هاد السيمانة 3000 درهم على قبل الدهاز فايت عاطيها في الصداق مليون ونص و جايب ليها خاتم من غير الفلوس لي كنعطيها وقتما تلاقينا حيت ولات مسؤولة مني ديما كنعطيها 500 حتى 800 درهم، تافقنا نفرشو الدار دقة دقة نبداو بيت النعاس شوية ولات باغا نفرشو الدار كلها قالت ليا غيجيو عندنا العائلة يباركو ليا فين غنجلسهم و انا راه غير موظف عندي 6000 درهم في الشهر و عاد عندي واحد الكريدي ديال الوالدة توفات الله يرحمها كنخلصو ليها كل شهر كنعطي واحد النسبة قالت ليا أجل هاد الكريدي من بعد خاصنا نفرشو الدار... معرفتش واش هادشي طبيعي و عادي ولا غير كنزيد فيه حيت راه في لول ديال التعارف قالت ليا نبدا معاك من زيرو و مغاديش نزيرك و غادي نمشي معاك دقة دقة دبا انا تابعني الكراء و نفرش الدار و المتطلبات ديالها و غير هاد الصباح لقيتها مصيفطة ليا سكرين ديال واحد الصاك داير 250 درهم .. آرائكم يا الاخوان
