Black Brain-بلاك برين

Home
Morocco
Marrakesh
Black Brain-بلاك برين

Black Brain-بلاك برين بلاك برين صفحة مغربية فيها نصائح باش طور راسك ومواضيع بالدارجة دير متابعة باش توصل بالجديد نتا الأول❤

14/01/2025

الاخوان اخيرا قررت نبدا المشروع ديالي شحال هادي وانا كنوجدفيه ودبا جا الوقت لي يخرج الواقع الاخوان دعيو معانا بتيسير وغادي ندير واحد صدقة عليه ان شاء الله

06/11/2024

المغربي كائن متناقد مع راسو يقدر يكون معاك وضدك في نفس الوقت متلا كنشوفو واحد بحال الياس المالكي كلشي ناض تضامن معاه وهادوك لي ضامنو معاه هوما نيت لي كيقولو انه تافه وكينشر التفاهة من غير هاد شي المغربي غير ضحك ليه وديه بحاوايجو كيما كيقولو داك علاش فاش كيبغو يدوزو شي مساج كيجيبو ليك كومديين باش يقولوها ليك، فكر ثم فكر ثم فكر ثم انجز هادي هي نصيحتي ليك

03/11/2024

السلام عليكم ورحمة نتمنى كلشي يكون بخير غبرت بزاف ماشي حتاش مبغيتش نبارتاجي معاكم ولكن كنت كنشوف راسي كندير شي حوايج غادين بيا للهاوية داك شي علاش مبغيتش نشاركم شحال من حاجة، مهم دبا جاية شي حاجة زوينة ان شاء الله

11/03/2024

🛑 يعود الحديث عن حجب تيك توك في الولايات المتحدة الأمريكية مرة أخرى قبل إنطلاق الانتخابات الأمريكية بأشهر قليلة.

جو بايدن يريد حجب المنصة إذا ما ممر الكونجرس قانون يحظر تداول تطبيقات ByteDance في الولايات المتحدة.

في الجهة الأخرى يعارض دونالد ترامب القرار لأنه سيفتح الباب أمام شركة ميتا لاحتكار السوق الأمريكي بشكل أكبر، برغم أنه كان من أشد مؤيديه عندما كان في السُلطة.

تيك توك من ناحيته بدأ حملة يطلب فيها من المستخدمين الاتصال بممثيلهم في الكونجرس الأمريكي للضغط عليهم وعدم تمرير القانون.

حجب تيك توك يمثل انتصار بالنسبة للسياسيين الأمريكيين فهي المنصة الوحيدة التي لا يمكلها الأمريكيون بل يمتد الأمر لكون شركتها الأم صينية. حجبها يعني القضاء على أكبر منصة صينية وفرض روايتهم في أي صراع مستقبلي تستخدم فيه منصات التواصل الاجتماعي لإيصال الحقيقة🤷‍♂️

فهل تكون هذه المرة نهاية تيك توك أم ينجو مجدداً من قرار الحجب؟

#تيكتوكجزائري

منقول

03/03/2024

قم بزيارة موقع الصفحة الأن

01/03/2024

الله يهدينا

28/02/2024

خطوات النجاح في الحياة:

النجاح في الحياة يعتمد على العديد من العوامل، بدءًا من الرغبة القوية في تحقيق الأهداف وصولاً إلى العمل الجاد والتخطيط الجيد. إذا كنت تسعى لتحقيق النجاح في حياتك، فإليك بعض الخطوات الأساسية التي يمكنك اتباعها:

1. تحديد الرؤية والأهداف: تحقيق النجاح يبدأ بتحديد رؤية واضحة لما تريد تحقيقه في حياتك. قم بتحديد الأهداف القصيرة والمتوسطة والطويلة الأجل التي ترغب في تحقيقها. تأكد من أن تكون الأهداف قابلة للقياس وواقعية وملهمة.

2. وضع خطة عمل: بمجرد تحديد الأهداف، قم بوضع خطة عمل محكمة لتحقيقها. حدد الخطوات اللازمة لتحقيق كل هدف وحدد الموارد والأدوات التي ستحتاج إليها. قسم الخطوات إلى مهام صغيرة وسهلة التنفيذ وحدد المواعيد النهائية لكل مهمة.

3. التعلم المستمر: النجاح يتطلب التعلم المستمر وتطوير المهارات. استغل الفرص التعليمية المتاحة لك، سواء كانت دورات تدريبية أو قراءة كتب أو البحث والاستفادة من المعرفة عبر الإنترنت. قم بتطوير مهاراتك في المجال الذي ترغب في التفوق فيه وكن مستعدًا للتكيف مع التغيرات والتحديات.

4. التخطيط وإدارة الوقت: قم بتخطيط وتنظيم وقتك بفعالية. حدد الأولويات وقم بتحديد الأنشطة الأكثر أهمية وأولوية وقم بإدارة وقتك بناءً على ذلك. استخدم أدوات إدارة الوقت مثل الجداول الزمنية والتقويمات والتنظيم اليومي لتحقيق أقصى استفادة من وقتك.

5. التحلي بالصبر والإصرار: النجاح ليس طريقًا سهلاً، وقد تواجه العديد من التحديات والفشل على طول الطريق. يجب أن تكون مستعدًا للتعامل مع التحديات بصبر وإصرار. استخدم الفشل كفرصة للتعلم والنمو، ولا تستسلم أمام الصعوبات. قم بضبط توقعاتك وتذكر أن النجاح يأتي عادة بعد جهود متواصلةومثابرة.

6. بناء شبكة علاقات: العلاقات الجيدة والشبكات الاجتماعية يمكن أن تكون مفتاحًا للنجاح. قم ببناء شبكة علاقات اجتماعية قوية وتواصل مع الأشخاص المؤثرين والمحترفين في مجالك. استفد من المشورة والدعم من الآخرين وقدم المساعدة والقيمة للآخرين أيضًا.

7. التفكير الإيجابي وتحفيز الذات: قم بتغذية عقلك وروحك بالتفكير الإيجابي. تعامل مع التحديات والعقبات بنظرة متفائلة وابحث عن الفرص في كل صعوبة. قم بتحفيز نفسك وتعزيز ثقتك في قدراتك من خلال تكريس الوقت للعناية الذاتية والتأمل والتحفيز.

8. الاستمتاع بالرحلة: لا تنسى أن تستمتع بالرحلة نحو النجاح. احتفل بالأهداف الصغيرة التي تحققت واحتفظ بروح الامتنان والسعادة في حياتك. استمتع بالعمل الذي تقوم به وكن ممتنًا للفرص والتحديات التي تواجهها.

في النهاية، النجاح في الحياة يعتمد على الاستعداد للاستثمار في نفسك والعمل الجاد والتخطيط الجيد. اتباع هذه الخطوات ستساعدك على الوصول إلى أهدافك وتحقيق النجاح في حياتك. تذكر أن كل فرد يعرف معنى النجاح بطريقته الخاصة، لذا تأكد من تحديد ما يعنيه النجاح بالنسبة لك والسعي نحو تحقيقه.

هادي رابط المدونة الخاصة بالصفحة
https://blackbrainn.blogspot.com/2024/02/blog-post_27.html

17/02/2024

تطببق قريب إن شاء الله هاد الأيام بمناسبة رمضان
نتمنى يعجبكم 💕💕

01/02/2024

تذهب للفراش وتحضر نفسك لنوم عميق
ولكن تشعر فجأة بحاجة إلى التبول.

تفكر في الأمر وتقرر تأجيل ذلك بسبب البرد الذي ينتابك.

تكذب على نفسك بالقول: "سأنام عميقًا في غضون دقائق على أي حال".

تتقلب في الفراش لمدة ساعتين، وأخيرًا تلبس حذائك وتتوجه بسرعة إلى الحمام.

لقد أضعت ساعتين في التفكير، ساعتين كان يمكن أن تحصل فيها على الراحة والنوم الجيد.

عندما يواجهك شيء مزعج في حياتك، سواء كان ذلك رمل في حذائك، أو واجب منزلي متأخر، أو متنمر في المدرسة، أو تحرش جنسي حتى, فعليك حل المشكلة فورًا.

لا يمكن للمشاكل حل ذاتها، وإذا كنت تريد حياة أفضل، فعليك حل المشاكل فور ظهورها وحلها مرة واحدة وإلى الأبد.

مشكل باقي كنعاني منو انا نيت ولكن كنحاول نعالجو ونتمنى حتى نتوما تعالجوه. عطيونا أمتلة بحال هاكا ديال التسويف

13/01/2024

من أجمل القصص الملهمة في حياة النبي واللي بتخليني دايماً عندى أمل في بكرة ويقين في ربنا .. هي نزول سورة الضحى بعد ما الوحى إنقطع عن النبي فتره .. و المشركين فضلوا يقولوا " قلاك ربك " يعني إلهك سابك يا محمد .. وقتها النبي كان حزين ولكن فجأه و بدون أي مقدمات نزلت سورة الضحى وما أجملها من مواساه ربانيه في الآيه اللي ربنا قال فيها " مَا وَدَّعَكَ رَبُّكَ وَمَا قَلَىٰ " .. مش بس كدة لا ربنا قاله كمان " وَلَسَوْفَ يُعْطِيكَ رَبُّكَ فَتَرْضَىٰ" عشان كلنا نعرف ان انقطاع الخير لبعض الوقت هو مجرد تهيئة لفيضان خير جديد .. وان خزائن الله لا تنفذ و كرمه ملوش حدود رغم أنف كل واحد شمتان فيك أو منتظر انك متنجحش في حياتك ❤️..صلوا عليه وسلموا تسليما
منقول❤

09/01/2024

الإيجابية الزائدة
حاليا ولينا كنعيشو وسط مجتمع "أنت تستطيع" لي الناس فيه مبقاوش كيأمنو بلي الدنيا أرزاق والأرزاق بيد الله وأنه الا موصلتيش لي شي حاجة فراه مكيعنيش بلي نتا فاشل ولا نتا إنسان مقادرش ولكن داك شي لي موصلتيش ليه راه ماشي من رزقك من لول
وأخيب حاجة في هاد شي كامل هوما دوك المأترين لي جالسين عليك تستيطيع قم من النوم إذهب الى الرياضة هو بصح الرياضة مزيانة ولكن بديك الطريقة لي كيسوقو ليك الصراحة في لول كنت حتى انا كنتبعهم و بحالا بديت نتأتر بيهم ولكن ملي حللت وناقشت داك شي لي كيقولو لقيت بلي داك شي لي كيقولو زيرو لا علاقة بالواقع ، وواحد الحاجة لي كيسوقها ليها المؤترين لي ما متافقتش معاهم فيها ، نعطيو متال ديال أندرو تيت الأنه أشهر واحد كيسوق لهاد الفكرة هو أنه كيقولو ليك خاصك تخرج من المنظومة ولا كما كيسميوها وأنه خاصك تخدم باش تجمع الفلوس وباش تشري لامبرغيني وقصر وتبقا تسافر وكيدخلو ليك واحد الفكرة أنه خاصك تبقا تابع المال والسيارات إذن نتا هاكا كتخرج من المنظومة وكدخل في منظومة أخرى الهم ديالها هو تجمع الفلوس وبهاد شي كيبنو ليك بلي خرجتي من القطيع ولكن نتا راك دخلتي في قطيع أخر نتمنى تكون فهمتي هاد السطر حتاش هو المهم هذا موضوع طويل شوية وخاصو فيديو هاد شي علاش الإخوان حاولو تناقشو وتحللو داك شي لي كتشوفو ولي كتسمعو قبل ما ديرو بيه ونزيد نفسر ليك كتر في هاد المجتمع لي ولينا عايشين فيه ولا كلشي بغى يدير مقاولة كلشي بغى يولي هو المدير ديال الشركة كلشي بغى يسوق فيراري ولا لامبرغيني وملي مكيوصلش لهاد الشي كيحس بالفشل ويقدر ينتاحر الا قدر الله
مهم الموضوع طويل وفيه ما يتقال لي عندو فكر ضد هاد شي لي قلت يتفضل في التعليقات ولي متافق معايا حتى هو وحتى لي محايد بغينا ناقشو هاد شي راه غادي يخرج على الدراري وبالضبط المراهقين .

كان معاكم بلاك نتمنى تكون قريتي المنشور وفهمتيه عطينا الرأي ديالك🥰🥰

01/01/2024

سنة جديدة دخلات مخاصكش تعاود نفس الأخطاء لي درتي متعاشرش نفس الناس لي أذاوك في السنة لي فاتت حاول تخدم على راسك بدا أي حاجة غادي تزيد بيك القدام اي حاجة غادي تفيد بيها المجتمع الإسلام دين العمل ونتا كمسلم ولا الا مكنتيش مسلم فخاصك تخدم باش تفيد البشرية
هذا ماشي تحفيز هذا فقط نصيحة من عند شخص بحالك دار أخطاء وبحالك رتاكب معاصي وباقي كنرتاكبو معاصي لولا ستر الله لهذا بغيت باش غاع الناس لي هنا اما في الصفحة او في الجروب أنهم.بيحاولو يغيرو من نفسهم ونتمنى ليكم سنة مليئة بالخير وأخر حاجة لي خاصها تكون أول حاجة تهلا في والديك من غير والله ما كاين لي يرحمك تحياتي بلاك برين

29/12/2023

السلام عليكم نتمنى كلشي يكون بخير رجعنا بعد عدة شهور لي كانت مليئة بالخير وبكل ما هو جميل.
اول حاجة نتمنى تبع معايا الا كنتي مكتصبرش راك مغدير والو في حياتك لذالك صبر معايا هاد خمسة الدقائق وستافد .
أول موضوع غادي نهضر عليه هو التداول علاش التداول أولا الإنك فين ما درتي كتلقا واحد حاط قدامو بزاف ديال الشاشات واللون الحمر والخضر والسهم كيطلع وينزل واش بصح هداك هو التداول ولا كاينة شي حاجة أخرى تم مهم بغيت نقولك دير راسك معارف والو وتبع معايا أولا التداول كينقسم لبزاف ديال الأقسام
متلا كاين التداول في كريبتو أو العملات الرقمية كاين الأسهم وكاين العملات العادية بحال الأورو الدولار ولا الين الصيني وبزاف ديال العملات هادو غا أمثلة وكاين التداول في الطاقة بحال الغاز البيترول الذهب وبزاف... من بعد ما كتختار فاش باغي تبدا تداول كتمشي كتعلم شي إستراتيجية باش تخدم كاينين بزاف أشهرها ict او smc فاش غادي تعلمها مزيان كتختار واش باغي تكون مضارب اولا مستتمر وباش نكونو واضحين هاد الخطوة كديرها هي اللولة كتحدد شنو باغي تكون في التداول ، من بعدا كتختار وكتطبق غاع هاد لي دكرت كتقلب على بروكر كما كيتسمى أو وسيط باللغة العربية باش تدخل لشي سوق مغاديش تقدر تدخل ليه راسك وهنا كيجي دور الوسيط نعطيو متال متلا نتا باغي تبدا تداول في الذهب راه مغادي تمشي لسوق الذهب في أمريكا وتبدا تشري فيه وتبيع ولكن كيخصك واحد المنصة لي تبقا تشوف فيها حالة السوق متلا واش كاين نزول ولا صعود في التمن كاينين بزاف ديال الوسطاء وأشهرها وأحسنها من وجهة نظري هي ic market

دبا دخلنا في الصح كيخصك راس المال باش تبدا التداول أغلب المتداولين في المغرب كينصحو أنك تبدا ب 100دولار ولا كتر لي كتساوي 1000 درهم
الصراحة انا أول مرة بديت ب 10 دولار هههه مشات في نفس النهار مع طلع وعاود نزل مشات
ودبا غادي ندوزو لصحاب الفابور
كاين بزاف ديال الوسطاء كيعطيو واحد البوينص باش تبقى تداول بيه كاين لي خاصك دير الإيداع باش تحصل عليه وكاين لي لا وأشهر وحدين هوما xm و inzo بالنسبة للأخيرة العرض فيها دائم ماشي بحال xm لي كيكون غا شي مرات هاد شي لي لقيت فابور والسحب موثوق من غيرها معرفتش لي عارف يفيد الناس.
الصراحة التداول فيه بزاف ماشي كيسوقو بعض المؤثرين لي التداول عبارة على منطقة دعم ومقامة يعيني طلع بيع هبط شري كنت شفت واحد الفيديو ديال واحد المستتمر في وول ستريت ولي هي من بين أكبر لبورصات في أمريكا أنه التداول هو تمشي تمشي مع التريند يعني سير مع الموجة واش نتا كتشوف الموجة غادي في خط هبوط ونتا كتشري هنا راه وليتي كتقمر و القمر راه حرام.

واش التداول حرام ولا حلال 🤔
السؤال لي الا دخلتي للمجال تقدر تلقاه كتر ما غادي تلقى الفلوس ايه التداول حرام وقطعا الا كنتي كتداول في الأسهم ديال شركات بيع القمر وبيع الخمر والمشروبات الكحولية وحلال قطعا الا كنتي كتداول في شركات حلال بحال شركات ديال الدواء ولا الذهب ... ايضا حرام الا كنتي غا كتقمر بلا إستراتيجية بلا والو غا كتقول يمكن غادي يطلع ونيت كتشد ليك وكيطلع هنا نتا قمري ماشي داولتي

مهم هاد شي لكان نتمنى تكون ستافدتي وهاد شي فقط 0.0001 في المية من التداول الا كنتي باغي تدخل للمجال تعلم مزيان والله يسهل عليك.
الا عجبك الموضوع دير شي جيم وتعليق ودير شي بارطاج مع صحابك .

تسناو الجزء التاني
#تداول #مال #أسهم #بلاك #برين

25/12/2023

خلال سنتين جربت بزاف ديال الحوايج في حياتي بحال التجارة الكترونية التداول والتسويق... وبزاف ديال الحوايج لهذا غادي نبقى ندير ليكم مقالات كل مقال نشرح فيه شي مجال ونعطي المشاكل لي واجهتهم والحلول لي لقيت .
الا كنتي متافق خلي ليا تعليق كتحفيز ليا وبارطاجي مع صحابك😍😍 والا كنتي باقي مدرتي متابعة ديرها باش توصل بالجديد😊

19/12/2023

حين رفض إبليس السجود لآدم لم يكن هناك شيطان فمن وسوس له؟
سؤال وجيه للكل ..
سؤال خطير جداً ..
الشيطان عندما عصى الله ، من كان شيطانه ؟؟
اقرأوا هذه السطور لتعرفوا ... من هو الشيطان الحقيقي لنا !!!
إن كلمة (" نفس ") هي كلمة في منتهى الخطورة ، وقد ذُكرت في القرآن الكريم في آيات كثيرة
يقول الله تبارك وتعالى في سورة ( ق ) :
{ وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ }
نحن نؤمن بالله عز وجل ، ونذكره ونصلي في المسجد ونقرأ القرآن ، ونتصدق ، و ..... و......إلخ...
وبالرغم من ذلك فما زلنا نقع فى المعاصي والذنوب ! ! !
فلماذا ؟؟
السبب في ذلك هو أننا تركنا العدو الحقيقي وذهبنا إلى عدو ضعيف ، يقول الله تعالى في مُحكم كتابُه العزيز : { إِنَّ كَيْدَ الشَّيْطَانِ كَانَ ضَعِيفًا }
إنما العدو الحقيقي هو ( النفس ) نعم ... فالنفس هي القنبلة الموقوتة ، واللغم الموجود في داخل الإنسان يقول الله تبارك وتعالى في سورة ( الإسراء ) :
{ اقْرَأْ كِتَابَكَ كَفَىٰ بِنَفْسِكَ الْيَوْمَ عَلَيْكَ حَسِيبًا }
وقوله تبارك وتعالى في سورة ( غافر ) :
{ الْيَوْمَ تُجْزَىٰ كُلُّ نَفْسٍ بِمَا كَسَبَتْ لَا ظُلْمَ الْيَوْمَ إِنَّ اللَّهَ سَرِيعُ الْحِسَابِ }
وقوله تبارك وتعالى في سورة ( المدثر ) :
{ كُلُّ نَفْسٍ بِمَا كَسَبَتْ رَهِينَةٌ }
وقوله تبارك وتعالى في سورة ( النازعات ) :
{ وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ }
وقوله تبارك وتعالى في سورة ( التكوير ) :
{ عَلِمَتْ نَفْسٌ مَّا أَحْضَرَتْ }
لاحظوا أن الآيات السابقه تدور كلها حول كلمة ( النفس ) ، فما هي هذه النفس؟؟؟
يقول العلماء : أن الآلِهة التي كانت تعبد من دون الله
(( اللات ، والعزى ، ومناة ، وسواع ، وود ، ويغوث ، ويعوق ، ونسرى ))
كل هذه الأصنام هدمت ماعدا إلـه مزيف مازال يعبد من دون الله ، يقول الله تبارك وتعالى : {أَفَرَأَيْتَ مَنِ اتَّخَذَ إِلَٰهَهُ هَوَاهُ } ومعنى ذلك أن هوى النفس إذا تمكن من الإنسان فإنه لا يصغى لشرع ولا لوازع ديني ، لذلك تجده يفعل ما يريد يقول الإمام البصري في بردته : وخالف النفس والشيطان واعصيهُما
ففي جريمة ( قتل قابيل لأخيه هابيل ) يقول الله تبارك وتعالى : { فَطَوَّعَتْ لَهُ نَفْسُهُ قَتْلَ أَخِيهِ }
عندما تسأل إنساناً وقع في معصية ما !!!
وبعد ذلك ندم وتاب ، ما الذي دعاك لفعل هذا سوف يقول لك : أغواني الشيطان ، وكلامه هذا يؤدي إلى أن كل فعل محرم وراءه شيطان .
إن السبب في المعاصي والذنوب إما من الشيطان ، وإما من النفس الأمارة بالسوء ، فالشيطان خطر ..
ولكن النفس أخطر بكثييييييير ...
لذا فإن مدخل الشيطان على الإنسان هو النسيان فهو ينسيك الثواب والعقاب ومع ذلك تقع في المحظور قال الله عز وجل في محكم كتابه الكريم : { وَمَا أُبَرِّئُ نَفْسِي إِنَّ النَّفْسَ لَأَمَّارَةٌ بِالسُّوء }
واخيراً نتضرع إلي المولى عز وجل ونقول !!!
( اللَّهُمَّ إِنِّي ظَلَمْتُ نَفْسِي ظُلْمًا كَثِيرًا، وَلَا يَغْفِرُ الذُّنُوبَ إِلَّا أَنْتَ. فَاغْفِرْ لِي مَغْفِرَةً مِنْ عِنْدِكَ، وَارْحَمْنِي إِنَّكَ أَنْتَ الْغَفُورُ الرَّحِيمُ )
منقول

15/12/2023

“The comfort zone”
"منطقة الراحة"

الاغلبية لي ختارو المواضيع النفسية كانو دراري! وهدا موضوع مهم للدراري، لمعشتيش هادشي قبل ولا دبا اتعيشو من بعد، ودباا عطيني شوية من وقتك را مغتسر والو، سييير معايا غيي بشوية باش تفهم…

اول حاجة نبداو بيه هوا تعريف خفيف ضريف لهاد منطقة الراحة… منطقة الراحة اسيدي هيا ديك البلاصة لي كترتاح فيها بلا مدير مجهود، هادا شرح بسيط، وبشكل مفصل، هيا ديك البلاصة لي تقريبا متوفرين ليك فيها اساسيات العيش وتقريبا عايش استقرار فكاع الجوانب، وتا لكنتي كدير مجهود، غيكون مجهود روتيني اولا ان صح التعبير، ولا عادة بالنسبة لك، يعني مرتااح ملخرر..
فهمتييني؟ هاانتاا مزياان…

دبا كفاش كتكون حالتك فهاد زوون، وعلاش كتعتابر مشكل، ييك نتاا مرتااح؟ شنوو المشكل؟؟؟

المشكل اسيدي هوا انه كتكون عايش مرتاح اه، ولكن كتحس براسك راه ممرتاحش، وخا نتا فالاصل را عايش بيخير، ولكن نفسيتك كتكون وااكلة دق بديك الرااحة..وشنو لي كيسبب لك هاد عدم الراحة وخا نتا مرتاح ؟ الاسباب بسيطة جدا:

كتكون باغي دير شحال من بلان مثلا ولا باغي تجرب شي حاجة ولا مهم، دييير شيحاااجة، واايني مكتقدرش، علااش!! حيت دماغك تقريبا ولف واحد الروتين لي كيسحاب ليه فيه راسو راه مستقر، مكين لاش يدير شي مجهود علا والو، حيت اصلا هوا مرتاح، يعني علاش ايتعذب… وهناااا فين غناتها ام كلتوم، حيت ملي دماغ كيكون متعود علا عدم الجهد، هادشي كيخليه يعطيك شي مبررات ديال زمرر، ومفيهومش ريحة اللوجيك، ولكن نتا بالنسبة لك فديك الحالة كيبان ليك راه مبررات في محلها، ولي كنسميوه حنا العكز..

ثاني حاجة هيا تشتت الافكار:
يعني بقوت ما نتا مرتاح، دماغك كيفكر بزاف، وكيعطيك بزااف ديال الافكار، وايني مشتت داكشي مكتعرف منين تبدا ليهوم، بحيث مثلا كتكون باااغي دير شي حاجة يعني راااه بااغي دير، ولكن… مكتعرفش شنو غديير.. علااش!! حيت ببساطة عندك بزاااف دالافكار وكاملين بغيتي ديرهوم وولكن معارفش كي غدير ليها (بحال شديرة)، يعني مكتعرف شنو تسبق وشنو تأخر..

ثالث حاجة ولي تا هيا من الاسباب لي تقدر تخليك تحس بعدم الرضى اولا بعدم الراحة، هيا فاش كيكون ديجا عندك هدف، يعني ممشتتش من ناحية شمن فكرة غدير، كتولي مشتت فالطريقة لي غدير بيها ديك الفكرة ولا داك الهدف، يعني نتا عارف راسك شنو باغي ولكن معارفش منين تبداه، ويزيد الطينة بلة، ملي دماغك كيقنعك بلي خصك تا تجيك واحد الحاجة مثلا ولا تا تحقق واحد الحاجة عاد باش تبدا داك البلان، مثال: نتا باااغي تعلم شي دومين فديجيتال ولكن معندكش بيسي، وخا نتا تقدر تبدا بتيليفون، ولكن كيقنعك دماغك بلي خصك تسنا تا تشري بيسي ولا تا يجيك ولا مهم، تاا يكون بيسي عاد باش تبدا تعلم، وهداا موضوع كبير ديال (كتسنا الفرصة).. المشكلة هيا انو غالبا وخا يجيك بيسي تا لدخلتي تعلم، يومين مكاملاش اتحبس وغتولي تقنع راسك بلي خاصاك شي حاجة اخرا باش تكمل، ونتاا غاادي…

هاد عدم الرضى وعدم الراحة في ظل ظروف مزيانة تقريبا وتقدر ترتاح فيهوم، كيخليوك تشوف راسك معايش داكشي لي عايشو كيما خصو يتعاش، يعني كتقول يك انا عندي كدا وكدا وكدا وكداا، علااش نفسيتي ممرتاحاش علاش؟؟ والى كترتي من هاد السؤال وبقيتي كتفكر فالموضوع بزاف، غيخرجك فمالا يحمد عقباه، ولي تقدر توصل للإكتئاب الحاد لقدر الله، الله ينجي الجميع…

باش منطولش عليكوم، غنخلي المحور اللخر لي هوا الحل ديال هادشي كاامل للبوسط جاي الى لقيت تفاعل ولقيت ناس مهتمين…❤️

15/12/2023

“The comfort zone 2”
“منطقة الراحة 2”

(خصك تكون مرتاح باش تقرا)

المحور الأخير: الحل
غنعطيك الحل فجملة وحدة ومن بعد غنفصل لك فيه، الحل هوا:

"تكلس مع راسك"

كيبان لك تافه يك ههه غا تبع معايا، حيت راه ماشي داك تكلس مع راسك ونتا فدار مثلا ولا مريح فشي قهوة وكتفكر فراسك وفحياتك وكدا وكدا وتقول را كنكلس مع راسي..لااااا
تبع معايا..
غدير موعد، وركزز علا هاد الكلمة، غدير شي نهار وتقول را عندي موعد، وغتختار بلاصة فالمدينة ديالك ولا مهم لقدرتي تسافر را احسن، اول بلاصة غتفكر فيها بلي غترتاح لمشيتي ليها وفمدينتك.. هااادييك هيا لي غتمشي ليها، حيت عندك فيها مووعد، معا من!! مع رااسك.. بلا مضحك، غاا تبع..
غدير هادشي، وغتحدد الزمان والمكان ديال الموعد ديالك مع راسك، اوطوماتيكمون عقلك الباطني كيوجد لك الضواسا لي غيتجبدو، ونهار بوصل داك الموعد، مع الكلسة، غتحااول ترخي افكارك، بااش تبدا تفكرر،، اوووووووو اساط را شعوور لا يووصف، كتحضر الحقيقة والواقع وكلشيي قداامك، حيااتك كتبان لك محطوطة لك قدامك، وفاش كتبان لك الحاجة كاملة بكاع التفاصيل ديالها، را كيسهال تجبد العيب والاخطاء،، غتكلس مع راسك.. هنا كينين جوج فئات ديال الناس، واحد الفئة لي غتكون عارفا راسها شكوون ولاش عايشا (ادراك الذات بالذات وبالواقع، هدا موضوع ديجا كتبت عليه رجع باش تفهم فين داوي)، يعني هاد الفئة المشكل لي عندها منحاصر فقط فمنطقة الراحة، غتكلس مع راسها غترتب الافكار ديالها وغتحط حلول ولي غالبا كتكون عبارة عن زيادة فالانشطة اليومية وداكشي باش كدوز نهار، يعني كطور روتينك وكتزيد فيه حوايج… هاد الفئة عندها زهر حيت غتكون ديجا دوزات المراحل الخايبة، بقا ليها غي هاد المشكل البسييط ديال منطقة الراحة را من اول كلسة، كيرجع ناضي… الفئة الثانية، لا، الفئة الثانية مغيبانش ليها غي المشكل ديال منطقة الراحة، فاش كيحط حياتو قدامو بكاع داكشي لي فيها، را كيلقا ببلي عندو شلاا مشاكل من غيرها، كتلقا عدم الثقة بالنفس، كتلقا عدم الرضى بالواقع، كتلقا بلي معندهاش هدف اصلا، وبلي معارفاش كاع اش باغا، يعني كتلقا بلي حياتها مرونة ديال بصح، حيت داكشي كيباان لك فاش كتحط حياتك قدامك تحللها، هاد الفئة خصها حصص منتظمة مع راسو، يعني خصو يكلس مرا وجوج وثلاثة، باش كل حصة يفك مشكل، فلول كيخصو بعدا يعرف راسو شكون، وزيد عليها يعرف فين وكفاش عايش؟ وعلاش عايش اصلا!! (ادراك الذات بالذات اولا بالواقع) يعني كيعرف راسو من a تال z,, هاد الفئة تتكون النتيجة واضحة فيهوم بجهد حيت تيكونو تغلبو علا اثقل حمل تقدر تحملو نفسية ديال بنادم، كييخررج واااعرررر..
قبل متكلس مع راسك خصك تعرف بعدا نتا شمن فئة فهادو، واش الفئة اللول لي عندها المشكل الوحيد ولي هوا منطقة الراحة، ولا الفئة لي عندهاا بزااف دالمشاكل من غييير منطقة الراحة، باش تعرف اشمن فئة جاوب علا هاد الأسئلة غي بينك وبين راسك..
واش كتحس براسك عايش؟ واش كتيق فراسك؟ واش عارف راسك اشمن طريق شاد؟ واش عارف الطريق لي باغي تديك؟ وااش عاارف شنو بغييتي؟؟

الى كانو الجوبة كاملين اه، يعني نتا من الفئة اللولة والمشكل منحصر فقط فمنطقة الراحة، غدير ليها حل غي هيا بوحدها حيت هيا المشكل الوحيد اصلا، الى كانو الاجوبة ديالك كاملين لا، عرف راسك من الفئة الثانية وبلي راه تابعاك واحد الطوالة باش تخرج عندنا للواقع وتعيش معانا من غيير مشكل منطقة الراحة.

17/09/2023

يقول الكاتب الكندي /آلان دونو/

‏في كتابه الشهير : "نظام التفاهة" :

‏-"إن التافهين قد حسموا المعركة لصالحهم في هذه الأيام، لقد تغير الزمن زمن الحق والقيم ، ذلك أن التافهين أمسكوا بكل شيء، بكل تفاهتهم وفسادهم؛ فعند غياب القيم والمبادئ الراقية، يطفو الفساد المبرمج ذوقاً وأخلاقاً وقيماً؛ إنه زمن الصعاليك الهابط".

‏وكلما تعمق الإنسان في الإسفاف والابتذال والهبوط كلما ازداد جماهيرية وشهرة".

‏إن مواقع التواصل نجحت في ترميز التافهين، حيث صار بإمكان أي جميلة بلهاء، أو وسيم فارغ أن يفرضوا أنفسهم على المشاهدين، عبر عدة منصات تلفزيونية عامة، هي أغلبها منصات هلامية وغير منتجة، لا تخرج لنا بأي منتج قيمي صالح لتحدي الزمان..." !!!

Address

123
Marrakesh
40000

Telephone

+212600990099

Website

https://smmaly.blogspot.com/?m=1

Alerts

Be the first to know and let us send you an email when Black Brain-بلاك برين posts news and promotions. Your email address will not be used for any other purpose, and you can unsubscribe at any time.

Videos

موقع سمالي

قم بزيارة موقع الصفحة الأن

تطببق قريب إن شاء الله هاد الأيام بمناسبة رمضان نتمنى يعجبكم 💕💕

بغات تعطي خاتمها ديال الذهب تعاون بيه .. شي حاجة كتر من بزاااف❤️❤️❤️❤️❤️❤️❤️❤️❤️

بدأ الإسلام غريبا ثم يعود غريبا كما بدأ فطوبا للغرباء

لا حول ولا قوة الا بالله العلي العظيم. صدق رسول الله إن كترة الضحك تميت القلب😞

كل واحد فينا وفاش عندو الموهبة متخليش المجتمع يتحكم فيك❤👍 #تحفيز #متيف #افكار #motivation #AmaZing #fypシ゚

خدم باش توصل للهدف ديالك ماشي باش تعيش من الوظيفة💵💎

فيديو ديال داك شي لي وقع في الماتش بين الرجاء و نهضة بركان لا حول ولا قوة الا بالله هاد شي زاد على القياس😡😡

كيفية جلب الطرافيك المجاني من فيسبوك لعروض cpa ✌🤑 في هاد الفيديو شرحنا الطريقة التانية لي يمكن ليك تجيب بيها الطرافيك المجاني من فيسبوك والله يسر الأمور ❤ لي مفهمش شي حاجة يكتبها في التعاليق❤✌

عمر وقتك و بلوكي بنادم لي غادي يضيع لك وقتك

كفاش تختار نيتش لي غادي تخدم عليه في cpa🤑🤑 الإخوات ميمكنش نشرح كلشي في فيديو واحد هاد شي علاش غادي نقسمهم باش كلشي يفهم ، ولي مفهمش شي حاجة يكتبها في التعاليق❤✌

كفاش تاخد رابط لي غادي تروج ليه في cpa build❤🤑 الا عجبك الفيديو دير شي جيم ومتابعة للصفحة و كنعتاذر على الصوت غادي يكون ناقص وعيان مهم تبع مع الشرح وغادي تفهم البلان لي مفهمش شي حاجة يكتبها في التعاليق❤❤✌

Black Brain-بلاك برين

14/01/2025

06/11/2024

03/11/2024

11/03/2024

03/03/2024

01/03/2024

28/02/2024

17/02/2024

01/02/2024

13/01/2024

09/01/2024

01/01/2024

29/12/2023

25/12/2023

19/12/2023

15/12/2023

15/12/2023

17/09/2023

Address

Telephone

Website

Alerts

Videos

موقع سمالي

بغات تعطي خاتمها ديال الذهب تعاون بيه .. شي حاجة كتر من بزاااف❤️❤️❤️❤️❤️❤️❤️❤️❤️

بدأ الإسلام غريبا ثم يعود غريبا كما بدأ فطوبا للغرباء

Shortcuts

Share

Category