11/04/2024
دائما ما كانت صفحتنا عندها رؤية مغايرة لجل الأحداث لي كتوقع في منطقتنا ضاية عوا و لعل هذا هو سر التميز الدائم ...
فبعد نهاية "الدوري الرمضاني" غادي نسلطو الضوء على بزاف الحوايج لي بزاف منكم ما ردش ليهم البال ...
الحاجة الأولى هي كمية المواهب لي كانت مشاركة و برزات بشكل وااااضح في هاد الدوري، لكن للأسف أصغر واحد فيهم كتلقاه في عتبة ال30 سنة ما كيلعب في حتى فرقة و سالا كورة شحاااال هادي من بعد ما فقد الأمل لعدة أسباب، منها المحيط الكروي في المنطقة
_الحاجة الثانية نقص او إنعدام ملاعب القرب لي غادين يبرزو فيه هاد المواهب على علو الكعب ديالهم و الدليل اليوم من أحسن التورنوات ديال كورة من ناحية التنظيم في المنطقة.. كانت في بقعة أرضية صالحة فقط للرالي و لا لشيء آخر و مع ذالك كنا كنشوفو كورة حينت الدراري عندهم في رجليهم تبارك الله ....
شكون فيكم شاف شي مسؤول ديال المنطقة حاضر من رئيس الجماعة لي خدا الأصوات وغبر حتال أصغر مسؤول ؟ ولا حتى جاو غير يشجعو الدراري و يزيدوهم غير شي وعد من الوعود الكاذبة لي موالفين يعطيهم
واش هاد الوليدات ما نشدوش بيديهوم و ندخلوهم يقراو و يشدو دبلومات رياضية و يشدو التكوين الكروي في المنطقة ولا صافي يضيعو ؟
بزاااف ما يتقال و السكات حسن، شكرا لكل واحد كانت عندو يد في إنجاح هاد الدوري و مبروك للفريق الفائز ...
بارطاجيو بارطاجيو لعل وعسى تكون شي آدان صاغية واخا مكاينة حتى ودن فهاد البلاد
