OtmanGames

08/02/2024

هاحنا غنرجعو نديرو فيديوهات عاوتاني بعد عام😂

19/02/2023

16/02/2023

فيديو الهربة😂

15/02/2023

لا صافي الـدورة الثانية غانجمـع راسـي
الدورة التانية :

04/02/2023

العلماء : لا يمكن سماع الصورة
الصورة :

04/02/2023

عشاق رونالدو هكذا يرون الأمور 😂

03/02/2023

عصباتني هاد القيم😡😂

01/02/2023

أحلام العصر 😂

01/02/2023

أوبابابابابابابابابابابابا 😂

01/02/2023

العلماء : لايمكن سماع الصورة
الصورة:

01/02/2023

واحد نهار سيدنا سليمان كان فالقصر ديالو كيتحاور مع واحد الوزير فشؤون الدولة، شوية وهو يدخل عليهم واحد الراجل غريب فالهيئة ديالو مهم سيدنا سليمان عرفو ولكن الوزير ماعرفوش مهم گلس معاهم عادي ولكن داك الوزير خاف من داك لغريب حيت بقا كيشوف فيه شي شوفات فشي شكل، ماعلينا داك الغريب مشا فحالو، وسيدنا سليمان سول الوزير قاليه واش عرفتي شكون هاد الغريب لي جا لعندنا قاليه الوزير لااا ولكن كان كيدير فيا شي شوفات بحالا كيعرفني مزيان، قاليه سيدنا سلميان هذا راه ملك الموت لي جا وحتى انا ماعرفتش علاش جا ورجع بلى مايقبض حتى روح فينا، مهم داك الوزير خاف وحس بالرجفة وقال هادي هي تالية ديالي وطلب من سيدنا سليمان يقول لرياح تهزو لأبعد مكان باش يهرب من الموت قاليه سيدنا سليمان وخا تمشي فين مامشيتي الى كان مكتاب ليك تموت راك غاتموت وخا تكون فالبطن دأمك، مهم الوزير طلب سيدنا سليمان تاني قاليه امر ريح تديني للهند (ماعرفناش واش الهند ديال دبا ولا شي مكان اخر كانو كيطلقو عليه سمية الهند ) مهم ركب فالبساط ومشاااا ويسحابليه صافي راه هرب، شوية ورجع ملك الموت عوتاني عند سيدنا سليمان مهم دخل عليه وسيدنا سليمان سول ملك الموت قاليه الوزير ديالي راه خاف وهرب، قاليه ملك الموت أصلا راه ربي صيفطني باش نقبط ليه روحو فالهند ولقيتو باقي عندك داكشي لاش رجعت حيت الروح مايمكنش ليا نقبطها فمكان وربي مصيفطني نقبطها فمكان اخر، ومشا ملك الموت للهند وقبط ليه روحو تما، مهم سلات القصة ديالنا، وداكشي لي هرب منو الوزير راه ماهربش بالعكس راه مشا لبلاصة فين ربي مكتب ليه يموت، والمغزى من هادشي يا الموت يا الحظ راه لي مكتبها ليك الله هي لي غاتوقع ليك غير رخف على راسك💛

01/02/2023

- لأصحاب الذاكرة القوية
• ما كان اسم القط الذي كان يعيش مع شرشبيل....😅😅

01/02/2023

يلاه نسا عليك كولشي وعطيني ودنيك ورجع بالتاريخ اللووور، كانت واحد المدينة فشمال العراق وسميتها 'نينوى' وكان ربي عاطيهم من كل الخيرات ولكن هما كانو كيعبدو الأصنام وكفرو بنعمة ربي، مهم ربي صيفط ليهم سيدنا يونس باش تكون الهداية ديالهم على يدو، وللأسف ماسمعوش ليه ومآمن بيه حتى واحد فيهم لا صغير لا كبير، من بعد ربي قال لسيدنا يونس قول لقومك غانعطيهم مهلة ديال ثلاتة ايام الى مآمنوش أينزل عليهم العذاب، مهم مشا عندهم وقال ليهم داكشي لي قال ليه ربي بالحرف، ولكن كان الرد ديالهم قاصح قالو لسيدنا يونس قول لربك يعذبنا اسيدي هاحنا كنتسناو، مهم سيدنا يونس حس بالإستفزاز وغضب ومشاا كيجري ماعارف راسو فين غادي مهم مايبقاش فديك المدينة حيت مابقاش حامل داك القوم حيت دار معاهم جميع الحلول ووالو، مهم وصل لجهة البحر لقا واحد السفينة عاد غاتقلع، ركب معاهم وملي وصلو لنص لبحر جات واحد العاصفة واضطر القبطان يلوح گاع البضائع باش يخفف من الحمولة لي على السفية، مهم وصل بيهم الحال باش ينقز شي واحد من الركاب باش ينقص اللهم يموت واحد ولا يموتو عشرة، مهم دارو قرعة وجات فسيدنا يونس وقالو ليه نتا باينة فيك راجل مزيان مهم عاودو القرعة وجات فسيدنا يونس تاني، صاف سيدنا يونس قالهم غانقز وغير نقز ''إلتقمه الحوت'' مهم دبا سيدنا يونس راه فبطن الحوت وعليه ظلمة الليل وظلمة البحر وظلمة الحوت صعيبة والله، مهم القوم ديال سيدنا يونس فاللحظة فاش غضب عليهم ومشا لبحر، جات واحد الريح مجهدة والحيوانات قاصهم الصعر والناس حسو بالخوف وعرفو بلي بداية العذاب هادي وديك ساعة آمنو كاملين ولكن سيدنا يونس زرب ومشاا، مهم سيدنا يونس حس بالذنب وقال 'لا إله إلا أنت سبحانك إني كنت من الظالمين' وكون ماستغفرش كان غايبقا تما الى يوم القيامة، مهم ربي نجاه وخرجو لشاطئ البحر وكان ديك ساعة سقيم يعني ضعيف جسديا، وفديك اللحظة ربي وهب ليه شجرة اليقطين وفيها فوائد كثير منها يتظلل بيها ومنها ياكل ثمارها، من بعد سيدنا يونس رجع للقرية ديالو وشافوه لفلاحة والصيادة ومشاو عندو فرحانين بنبيهم والنساء سمحو فشغالهم وتعرضو ليه بالزغاريد والصبيان شافو القدوة ديالهم جاي ونسااو لعبهم وتجمعو عليه وفرحو بيه وباسو ليه راسو..، سالات القصة ديالنا والمغزى منها هو إلى نصحتي شي حد ورفض نصيحتك ماتعصبش حيت نتا لي عليك درتيه أما الهداية راه مول الكون هو لي كيهدي💛

01/02/2023

ميساج لأجمل ناس عندي فالكونط، راني ناوي نرجع الكونط ديالي صفحة ونبقا نحط فيها غير القصص ديال الأنبياء والأولياء وگاع الأحداث لي هضر عليهم القرآن الكريم ولكن الطلب ديالي هو تعاونوني وتجيبو گاع صحابكم لپاج ديالي باش كولشي يستافد، شنو بان ليكم فهاد لبلان؟

01/02/2023

الى كان عندك حب لرسول الله وغيرة على دينك راك غاتقرا هادشي لي غانكتب أما الى كان عندك زايد ناقص دير فبالك راه سيدنا محمد صلى الله عليه وسلم تقاتل على ودك وضربوه حتى سال ليه دمو غير باش تكون نتا مسلم، لهذا عطيني ودنيك واستغفر الله ويلاه معايا نعاود ليك على أعظم هجرة فالتاريخ، حيت الهجرة كيكونو عندها ثلاتة أسباب إما بحث على عيش كريم ولا طلب للعلم ولا هروب من مكان مافيهش الأمان، أما هجرة النبي الحبيب ديالنا فهو هاجر باش يوصل أعظم رسالة فالتاريخ، مهم من بعد ماسمع سيدنا محمد بلي المشركين ناويين يقتلوه قال لأبو بكر الصديق مكة من أحب لبلاد لينا ولكن خاصنا نهربو، مهم خرجو بالليل لصحرا وبقاو غير غاديين حتى طلع نهار من بعد أبو بكر الصديق عرف بلي المشركين غايتبعوهم وقال لسيدنا رسول الله يلاه نمشيو لواحد الغار وهاد الغار سيمتو غار "ثور"، مشاو ليه ودخل ابو بكر الصديق هو لول باش الى كان فالغار شي أفعى ولا عقرب يقتلها حفاظا على سلامة نبينا الحبيب، مهم مالقا والو ودخلو وحسو بالأمان ورتاحو من تعب الطريق، ونعس رسول الله على فخد أبو بكر الصديق ولكن أبو بكر بقا فايق شوية وهو يشوف واحد الغار وسدو غير برجلو باش مايفيقش رسول الله، وداك الغار كانت فيه لفعة وعضاتو من رجلو ومن كثرة الحريق ديال السم طاحو دموعو على وجه سيدنا محمد، هنا تعرفو الصاحب والعشير الحقيقي منبعد فاق رسول الله ومص ليه رجلو من سم ورجع بخير، مهم المشركين فالصحرا كيقلبو على رسول الله وأبو بكر ودارو جميع المحاولات واستاعنو بدوك ناس لي كيعرفو الصحرا حق المعرفة وشائت الأقدار يوصلو حتى لداك الغار، أبو بكر قال لرسول الله الى شاف شي واحد فيهم غير لتحت والله حتى يشوفنا ولكن ربي عمى البصيرة ديالهم، أبو بكر خاف بزاف مسكين وطمئنو رسول الله وقاليه "لا تحزن إن الله معنا" مهم المشركين مالقاو والو ومشاو، والناس لي كيقولو العنكبوت والحمامة هما لي عاونو رسول الله غير يبدلو هاد الفكرة حيت ربي قال "وأيده بجنود لم تروها" مكاين لا حمامة لا والو، منبعد خرج رسول الله وصاحبو وقصدو طريق المدينة وناس المدينة ها لي فوق النخل ها لي فوق سطح ديال دارو كيتسناو فالحبيب المصطفى حتى شافو واحد من فوق نخلة "لقد جاء رسول الله" واستقبلوه بحب وحفاوة وبدا رسول الله يتوسع فنشر الدين، سلات قصتنا والمغزى منها الى كان يقينك فالله كبير راك غاتوصل توصل💛

01/02/2023

هاد البوسط كنكتب فيه وتبوريشة شداني أقسم بالله، نهاية العالم اخوتي ركزو معايا مزياان وقراو وتمعنو، ماتو گاع الناس ماتو گاع الجنون ماتو گاع الملائكة گاع الحيونات مهم أي حاجة طيح فبالكم إلا ملك الموت سولو الله قاليه شكون باقي حي أملك الموت قاليه جبريل وميكائيل وإسرافيل وأنا، قاليه الله قبض روح جبريل وقبضها ومات جبريل، وسولو تاني شكون باقي حي أملك الموت قاليه ميكائيل وإسرافيل وأنا، قاليه الله قبض روح ميكائيل وقبضها ومات ميكائيل، سولو تاني شكون باقي حي أملك الموت قاليه إسرافيل وأنا، قاليه الله قبض روح إسرافيل وقبضها ومات إسرافيل، وعاود سولو قاليه الله شكون باقي حي أملك الموت قاليه أنا، قاليه الله مت يا ملك الموت، وملي كان ملك الموت كيموت حس بسكرات الموت وقال لربي كون كنت عارف الموت قاصحة لهاد الدرجة كون طلبت منك اربي تعفيني من قبض أرواح الناس، مهم كولشي مات إلا الله الحي القيوم فهو حي لا يموت بيده الخير وهو على كل شيء قدير، منبعد ربي شاف فالدنيا وقال ليها فين أنهارك وأشجارك وبحارك وجبالك، فين الملوك وأبناء الملوك فين الجبابرة وأبناء الجبابرة، فيــن لي عاشو فخيري وعبدو غيري، وهنا ربي سول راسو وجاوب راسو وقال " لمن الملك اليوم لله الواحد القهار"، والدنيا بقات لا طير يطير ولا وحش يسير وبقات على هاد الحال لمدة ربعين عام، عاد ربي بعث من في القبور للقائه وهو يوم القيامة اه يوم الحساب لي دار شي حاجة مزيانة غيلقاها ولي دار شي حاجة خايبة غيلقاها، ماتغركمش الدنيا ونعايمها راه كولشي فاني الى قدرتي مادير فالخير وتكون زوين مع مولاك ديرو قبل مايفوت الفوت💛

01/02/2023

❤️قصة للعبرة ❤️
يحكي ان في قرية صغيرة عاشت ارملة فقيرة مع طفلها الصغير حياة بسيطة متواضعة للغاية، كانت لا تمتلك الا قوت يومها وحياتها كانت صعبة جداً، عاشت هذه الاسرة الصغيرة في حجرة فوق سطح احدي البنايات، وعلي الرغم من هذه الظروف إلا ان الام والابن كانوا يتمتعون بالرضا والقناعة، إلا ان اكثر ما كان يزعج الام هو موسم الشتاء عندما يأتي وتبدأ الامطار بالسقوط، فالغرفة التي تعيش فيها مع ابنها عبارة عن اربعة جدران وبها باب خشبي ولكن ليس لها سقف .
كان الطفل يبلغ من العمر اربع سنوات، وكانت القرية طوال هذه السنوات الاربعة لم تتعرض إلا لزخات خفيفة من المطر، ولكن في هذا اليوم هطلت الامطار بغزارة شديدة وامتلأت سماء القرية بالغيوم والسحب الداكنة، ومع هذه الاحوال الجوية الصعبة والمخيفة احتمي الجميع بمنازلهم، ولكن كان علي الارملة وابنها الطفل أن يواجهوا هذا الموقف العصيب بمفردهم .

نزلت دموع الام وهي تنظيف الي طفلها لا تدري كيف تحميه من الامطار الغزيرة، احتنضنته وكأنها تخأبه بداخلها ولكن جسد الام وثيابها كان غارقاً في البلل، خطرت علي بال الام فكرة فقالت الي باب الغرفة خلعته ووضعته مائلاً علي احد الجدران وخبأت الطفل تحت هذا الباب حتي تحجب عنه سيل المطر المنهمر .

فما كان من هذا الطفل إلا ان نظر الي والدته وقال لها في سعادة بريئة وقد علت وجهه ابتسامة رضا : يا تري ماذا يمكن أن يفعل الفقراء يا امي في هذه الظروف الصعبة عندما يسقط عليهم المطر وهم ليس لديهم باب ؟! تخيل أن هذا الصغير قد شعر في هذه اللحظة انه من الاثرياء وينتمي الي طبقة الاغنياء لمجرد أنه يمتلك باب يحميه من المطر، وبالتالي فقد فكر في حال الفقراء الذين لا يمتلكون هذا الباب الذي يحميه .. ما أجمل الرضا . . . إنه مصدر السعادة و هدوء البال , و وقاية من المرارة و التمرد و الحقد .

01/02/2023

سبحان الله أخوتي فصباح كنت مهموم وكنفكر كيفاش غاندير لهادي وهادي وكنحلل غير بوحدي وماعارف منين نبدا، مهم صليت صلاة الإستخارة ومنبعد فطرت وخرجت نقلب على راسي ويقيني فالله كبير، ساعة ديال البحث كانت كافية وربي سخر ليا أحسن ناس وبديت معاهم اليوم خدمتي وكان عندي مشكل واحد لي هو طرونسپور يعني وخا نحاول نوصل بكري راه غانوصل معطل ومن بعد جا مول شي وسولني ولد من نتا قلت ليه ولد فلان قالي أقسم بالله ماعمرني شفت شي حد بحال الأب ديالك لا فالأخلاق ولا فالرجولة وانا زدت فرحت وقالي شوف أولدي أجي فالوقت لي بغيتي وسير فالوقت لي بغيتي، خلاصة دهادشي غير ديرو يقينكم فالله راه حاشا ربي يخيب شي حد دق بابو💜