16/07/2022
واحد القالب خطير حسيت بيه في رمضان لي فات .
مهم العام لي فات سنة2021 وبالضبط في رمضان كنا تقدينا القفة كان فيها 5 لترو دالزيت وجوج كيلو عدس وجوج كيلو حمص وجوج كيلوا روز وأتاي والسكر و25 كيلو دقيق .... وكانت الثمن ديالها 250 درهم .
هاد العام لي حنا فيه و لي عرف الزيادة في الأسعار تقامت علينا نفس القفة ب 350 درهم .
يعني حاليا لي كايتخلص ب 2500 درهم للشهر مزيودة عليه في المصاريف 1000 درهم هي القليلة .
القالب هو وخا يزيدوك دبا في الصالير 1000 درهم من هنا لقدام راه مكاين حتى تغيير ، لأنه المعيشة ديال المغاربة عرفات غلاء في الأسعار ، والدليل هو القفة ديال 250 درهم تقديناها هاد العام ب 350 درهم .
يعني هاد الناس كانقولوا ليهم خاص الأسعار ترجع كيفما كانت أولا ثم تزيدوا في الصالير ديال المواطن المغربي ، وكفى من استحمار الشعب ، ليوما المازوط عوض ماينقصوا فيه على الأقل 4 دراهم دفعة واحدة ناوين ينقصوا فيه درهم واحد فقط .
حسبي الله ونعم الوكيل
حسبي الله ونعم الوكيل
حسبي الله ونعم الوكيل
أما واحد الزيت النباتية لي داروا فيها الزيادة 100% تخايل معايا كنا نشريوها ب 52 درهم رمضان لي فات هاد العام قسما بالله تقديناها ب 100 درهم ناهيك عن ثمن الحديد والزجاج والقطاني والحليب المعقم ...... وخا تعيا ماتصبر وتغمض عينيك والله تبزاف بزااف هادشي ؟
