මං ආදරෙයි රත්තරං

30/06/2024

මේක තමයි මං පතන ජීවිතේ...

උඩුමහලක පුංචි ගෙයක්. හාත්පස පේන සඳලුතලයක්. රෑට මට බලන්න ඕනි තරු පිරිච්ච අහස, රතු පාට, කහ පාට එළි පිරුනු නගරය. ඒ ලස්සන බලන්න ඔයා ඉන්නම ඕනි. "ඔන්න සුළඟක්".ඒ සුළඟට නටන ඔයාගෙ කෙහෙරැලි මං හෙමීට හදන්නම්. ඒත් එක්කම බොමුද අපි උණු ම උණු කෝපි කෝප්පයක්?

29/06/2024

29/06/2024

"කවදා හරි දවසක සඳ ඔයාට ඔයාගේ නමින් කතා කලොත් පුදුම වෙන්න එපා. මොකද හැමදාම රෑට මම එයාට ඔයා ගැන කියනවා."

29/06/2024

මේ කඳුලෙ තියෙන්නෙ ආදරේ විතරමයි...

ආදරය පිටුපසින් සතුට වගේ ම දුකත් සැඟවිලා එනවා කියලා මං දැනගත්තේ ඔයාගෙන්. කවියෝ කොච්චර ලස්සනට කිව්වත් 'විරහවත් රහක්' කියලා ඒක විඳිද්දි හිතට හරි අමාරුයි. ඒත් මට පුළුවන් වේවි හුරුවෙන්න ඒ රහට. උත්සාහ කරන්නම්. ඒත් හැමවෙලේම මේ ඇස්වලින් පනින කඳුලු එක්කනෙ බැරි. ඔයාට තියෙන ආදරේ මේ කඳුලුවලට මිශ්‍ර වෙලා මගෙ කම්මුල් හැමවෙලේම තෙමනවා. එහෙම හරි මේ හිතේ ඔයාට තියෙන ආදරේ දියවෙලා යනවා නම්....

28/06/2024

සියක් වරක් ආදරෙයි!

28/06/2024

ආදරය කියන අකුරු හතරට තියෙනවා ලොකු බලයක්...

සමහර අයගේ ජීවිත හරි ලස්සනට හදාගන්න ආදරය මග පෙන්වනවා. ඒත් එක්කම සමහර අයගේ ජීවිත අඳුරු කරන්නත්, හදවත් මරා දමන්නත් ආදරයට පුළුවන්. ජීවිතයට හරි අපූරු පාඩම් ආදරය උගන්වනවා. අපි හැමෝටම ඕනි ආදරය. ඉතිං ආදරේ, පැළවෙන්න ලස්සනට හදවතක, මල් පූදින්න ලස්සනට, ඒත් මියයන්න එපා ඉක්මනට...

28/06/2024

#ආදරය

27/06/2024

Broadcasting & media production company

27/06/2024

ආදරේ සංසාරේ පුරා යන චාරිකාවක්...

කඳු, පල්ලම් මැදින් ඇවිද යන ඒ අපූරු චාරිකාව, මට ඕනි ඔයත් එක්කම යන්න. මට විඳින්න ඕනි ත්‍රාසය, භීතිය, කුතුහලය, සතුට, දුක මේ හැමදේම ඔයත් එක්කම. මං සලකුණු තියන්න ඕනි මට අපි යන හැම තැනම. ආයෙත් ආත්මයක ආවම මතක් වෙන තරමට. ඉතිං අපි පිටත් වෙමු ද? දිගම දිග සංචාරෙකට?

26/06/2024

26/06/2024

කාලයට ඉඩ දී වෙන් ව ගිය පෙම්වතුන් අපි...

තිබුනා එක කාලයක් මල් පිරිච්ච මාවතක් දිගේ අතින් අත ගෑවි නොගෑවි සතුටින් ඇවිදන් ගිය කාලයක්. දැක්කා සමහර තැන්වල ගලපන්න උත්සාහ කරපු තැන් නොගැලපුන තරම්. ඉවසාන ඉන්නට යත්න දැරුවත් වැටහුනා අපිට, කාලය තමයි හැමදේටම විසඳුම. ඉතින් ආදරේ, කාලයට ඉඩ දීලා අපි මදක් පසුබාමු. හොඳ ම දේ සිදු වේවි...

25/06/2024

ආදරයට කෝ සීමාවක්?

ආදරයට නැහැ නිශ්චිත පාටක්, තැනක්, වයසක්, ජාති, ආගම්, කුලමල භේදයක්. පිරිසිදු හදවත් දෙකක හැඟීම් ගැලපීමක් විතරයි තියෙන්නෙ. සීයයට සීයක් නොගැලපුනත් ගලපගන්න කරන සුන්දර උත්සාහයක්. ඉතින් ආදරේ සීමාව හොයන්න එපා. එහෙම සීමාවක් ඔයාට කවදාවත් හම්බ වෙන්නෙ නෑ.

23/06/2024

අවංක ආදරෙත් හරියට නෙල්ලි ගෙඩියක් වගේ...

සතුට තියෙනවා, දුක තියෙනවා. දරාගැනීම්, බිඳවැටීම් හැමදේම තියෙනවා. කොහොම වුනත් නෙල්ලි ගෙඩියක් හපලා අන්තිමට ඉතිරි වෙන රස මතකද? අවංක ආදරයකින් අන්තිමට ඉතිරි වෙන්නත් ඕනි අන්න ඒ වගේ දෙයක්. ආදරවන්තයෝ එක් වුනත්, වෙන් වුනත් ඒ මතකය හරි ම සුන්දර එකක් වෙන්න ඕනි. මතක් කරද්දි ඔය කට කොණට පුංචි හිනාවක් මැවෙන...

23/06/2024

.

21/06/2024

ඔයාගෙ ආදරේ හරි මිහිරි තනුවක්...

අපෙ ආදරේ කතාව කියන්න ඔයා හරි ලස්සනට, මම අහන් ඉන්නම්. නවත්තන්න නම් එපා, ඒ තරම් ම ඒක හරි මිහිරියි. මම කොහෙදිවත් අහලා නෑ මේ වගේ හිත නිවන තනුවක්? අහන්න විදිහක් නෑනේ, මේක තමයි ලෝකෙ තියෙන ලස්සන ම ආදර තනුව. මොකද මේ තනුව හැදුවේ මේ ලෝකෙ ඉන්න දක්ෂ ම ආදරවන්තයා❤

20/06/2024

හමුවෙලා වෙන් වුන පෙම්වතුන් අපි...

හිතේ කිසි කහටක් නෑ, තාම කොළ නැති මැයි ගහේ ලස්සනට රතුපාට මැයි මල් පිපෙනවා. ඒ මලක පෙති හදිස්සියේ ඔයාගෙ කොණ්ඩෙට වැටෙනවා. අයින් කරන්න මගෙ අත දික් වුනත් ආයෙ ගුලි වෙන්නෙ වෙන කෙනෙක් ඒ මල් පෙත්ත පරිස්සමට අරන් දාපු නිසා. ඉතින් සතුටුයි, හමුවුනත් වෙන් වුනත් ඉතිං මං ආදරෙයි❤

19/06/2024

ඔය ඇස් අස්සේ මං ජීවත් වෙනවා...

ඔයාව මට හම්බ වුනේ ලස්සනම ලස්සන දවසක. මල් පිරිච්ච පාරක. "අන්න සමනලයෙක්" හීනි ස්වරයක ලස්සන කටහඬක් මට ඇහුනේ එතකොට. සමනලයෙක් පස්සෙන් යන තවත් සමනලයෙක් මම දැක්කෙ එතකොට. ඇත්තමයි ඔයා චිත්‍රයක්. එදා ඔයාට බැරි වුනා ඒ සමනලයව අල්ල ගන්න. හැබැයි මට පුලුවන් වුනා වැටෙන්න ගිය ඔයාව අල්ල ගන්න. එදා මට ඔයාගෙන් දැනුන සුදු පාට පිච්ච මල් සුවඳ මට තාම දැනෙනවා. සත්තමයි ඔයාගෙ ඇස්...ඒ ඇස් මට තාම කතා කරනවා. "ස්තූතියි!" ඔයාගෙ ඒ වචනෙට එදත් මම නිවුනා. අදත් මම නිවෙනවා. සත්තමයි ඔයා භාවනාවක්. මං ඔයාගෙ ඇස් අස්සේ ජීවත් වෙනවා...

ඉතිං හැමදාමත් මං ඔයාට ආදරෙයි රත්තරන්....