මාතලේ විස්තරේ

13/04/2024

උදාවූ සිංහල හින්දු අලුත් අවුරුද්ද ඔබටත් පවුලේ සැමටත් සාමය සතුට සෞභාග්‍යය සපිරි සුබ නව වසරක් වේවායි ප්‍රාර්ථනා කරමි...!

10/04/2024

මාතලේ බර්නාඩ් අලුවිහාරේ ක්‍රීඩාංගණය අද උදෑසන 7.30 වන විට පැවති තත්වය .. ඊයේ 2024.04.09 දින පැවති පාසල් ක්‍රීඩා උත්සවය අවසානයේ ක්‍රීඩාංගණය මේ තත්වයෙන් තබා ගොස් ඇත. පාසලේ දරුවන්ට මෙලෙස නම් උගන්වන්නේ රටේ අනාගතය කෙසේ වේවිද... මේවා සුද්ද පවිත්‍ර කරන්න නගර සභාවේ සේවකයින් යොදවන්න පුලුවන් . නමුත් එය එසේ කිරීම හරිද 🤔🤔
වගකිවයුත්තන් ගේ අවධානයට...

29/03/2024

නම හැදුණේ මෙහෙමයි
═══════════════

දඹ යන සිංහල චවනයෙන් වන පලතුරු ගස් වර්ගයක් සේම පර්වත ද හඳුන්වා තිබෙනවා. උල් යන්නෙන් හදුන්වන්නේ ජලය යි. දඹ ඌල යනු පර්වයෙන් නැගෙන ජල උල්පත යි. දඹයෙන් වෑහෙන ඌල නිසා මේ විහාරය දඹුල්ල වූ බව යි කියැවෙන්නේ. විහාරයේ මහ රජ ලෙනේ ලෙන් වියනෙන් බිංදුව බිංදුව වෑස්සෙන දිය උල්පත කිසිදිනක නොසිදෙන බව ජන වීශ්වාසය යි. එය විහාරයේ නම ඇතිවීමට හේතු වී තිබෙනවා. එම දිය උල්පතේ ජලය එකතුවීමට විශාල මැටි භාජනයක් තබා තිබෙනවා. නමුත් මෙහි පුරාණ නාමය අච්ඡ පබ්බත (වලස්ගල) බව විහාරයේ ඇති සෙල්ලිපියක සඳහන් වෙනවා. දඹුල්ල යන නම භාවිතය පොළොන්නරු යුගය වන විට ආරම්භ වී තිබෙනවා.

පොළොන්නරුවේ කීර්ති ශ්‍රී නිශ්ශංකමල්ල රජුගේ සෙල්ලිපිවල මේ විහාරය හදුන්වන්නේ දම්බුලු යනුවෙන්.

වළගම්බා රජු ලෙන් කරවූ හැටි
══════════════

ජනප්‍රවාදයේ දැක්වෙන්නේ වළගම්බා රජු (ක්‍රි. පූ. 43-17) මේ විහාරය මුලින්ම කරවූ බව යි. දඩයමේ යද්දී ගීතා නමැති වැද්දකු විශාල ලෙනක් දැක ඒ ගැන රජ්ජුරුවන්ට කියා තිබෙනවා. රජු විහාරයකට සුදුසු ලෙනක් බව දැනගෙන තමන් රජවූ පසු ලෙන්වල කටාරම් කොටවා විහාර කර්මාන්ත කරවා තිබෙනවා. මහරජ විහාරය ද පස් පිළිම විහාරය ද දෙව්රජ විහාරය ද කරවූ රජු දෙව්රජ විහාරයේ පිරිනිවන් මංචකය දැක්වෙන පිළිමයට සුදුසු වඩුවෙක් නැති සොවින් සිටියේ ලු. එවිට සක්දෙව් රජ ගල්වඩුවකුගේ වේශයෙන් පැමිණ බුද්ධ පිරිනිවන් මංචකය දැක්වෙන පිළිමය කරවූ බව ජනප්‍රවාදය පවසනවා. ඒත් මහාවංශයේ වළගම්බා රජු මෙවැනි විහාරයක් කරවීම ගැන නම් ලියා නැහැ. රාජරත්නාකරය සහ විහාරය ගැන ඇති තල්පත් කීපයක වළගම්බා රජු ගැන සඳහන් වෙනවා. ඒත් ඒවා අයත් වන්නේ මහනුවර යුගයට යි. වීර පරාක්‍රම නරේන්ද්‍රසිංහ රජු 1721 දී ප්‍රදානය කර ඇති දඹුලු විහාර තුඩපතේ වළගම්බා සිද්ධිය මෙසේ දක්වා තිබනවා:

නැවත වන දුර්ග හා ගිරිදුර්ගාදියෙහි ප්‍රවෘත්ති ඇසූ තැනේ දී එහි වසන වැදි පුත්‍රයෙක් දඹුලුගල පර්වතයෙහි ගුහාවක් තිබෙන බව වළගම්බා නම් රජතුමාණන්ට සැලකළ තැනේ දී රජු සිව්රග සෙනග පිරිවරා ඒ ලෙන තිබෙන තැනට වැඩමවා වනාන්තරගතව තිබූ කැලේ එළිකරවා ගිරිලෙන කටාරම් කොටවා තාප්ප බිත්ති බැඳ…

ප්‍රතිසංස්කරණය
═══════════════

පොළොන්නරුවේ පළමුවන විජයබාහු (1055-1114) රජු ජරාවාසව තිබූ දඹුලු ලෙන අලුත්වැඩියා කරවා නඩත්තුව සදහා ගම්වර පිදූ බව මහාවංශය දක්වනවා. නිශ්ශංකමල්ල රජු (1187-1196) කාලයේ නැවතත් අබලන්ව පැවති විහාරය ප්‍රතිසංස්කරණය කරවා පිළිමවල රන් ආලේප කළ බව ඒ රජුගේ දඹුලු විහාර සෙල්ලිපියේ සදහන් වෙනවා. එම සෙල්ලිපිය දඹුල්ලේ ඇති දිගම සෙල්ලිපිය යි. දැනට විහාර වාහල්කඩට දකුණින් ඇති ලෙන අසල පර්වතයේ එය කොටා තිබෙනවා. රජු දඹුලු විහාරයෙහි සැතපෙන, වැඩහිඳින, හිඳි පිළිම රන් ආලේප කර හත් ලක්ෂයක් කහවනු වියදම් කොට පූජා පවත්වා විහාරයට “ස්වර්ණගිරි ගුහායැ” යි නම් තැබූ බව සෙල්ලිපිය පවසනවා. දඹදෙනි යුගයේ ලියවුණු පූජාවලියේ ද මේ රජු දඹුලු විහාරය ප්‍රතිසංස්කරණය කළ අන්දම විස්තර කරනවා

දඹුලු විහාර තුඩපතට අනුව විමලධර්මසූරිය රජු (1592-1604) දඹුලු විහාර ප්‍රතිසංස්කරණය ආරම්භ කළත් එය නිමකිරීමට ඔහුට අවස්ථාව ලැබී නැහැ. ඊට පසු රජවන සෙනරත් (1604-1635) එම ප්‍රතිසංස්කරණ නිමකර තිබෙනවා. සෙනරත් රජු මේල්පිටියේ අබේසිංහ මුදියන්සේට විහාර ප්‍රතිසංස්කරණ කටයුතු පවරා තිබෙනවා. ඒ සදහා වසර තුනක් ගතවූ බවත් බුද්ධ ප්‍රතිමා 63ක් පිළිසකර කළ බවත් තුඩපත පවසනවා. පොතුහැර තුඩපතේ කීර්ති ශ්‍රී රාජසිංහ රජු විහාර ප්‍රතිසංස්කරණය කිරීම ගැන විස්තර කරනවා. දෙව්රජ විහාරය, මහජර විහාරය, හා පශ්චිම විහාරය ප්‍රතිසංස්කරණය කළ රජු ඒ විහාර අතර තිබූ ගල්ලෙනක් සුද්ද කරවා නව විහාර ගෙයක් තනවා තිබෙනවා. එය දැන් හඳුන්වන්නේ මහ අලුත් විහාරය නමින්. හැබැයි මේ ප්‍රතිසංස්කරණ කටයුතු මහාවංශ කර්තෘට අමතකවීම පුදුමයට කරුණක් බව මහාචාර්ය මංගල ඉලංගසිංහ සදහන් කරනවා.

ලෙන් විහාර පහක බුදු පිළිම 153ක්
══════════════

මෙහි පර්වතය දිගට ලෙන් විහාර පහක් තනා තිබෙනවා. ඒවා පිළිවෙලින් දෙව්රජ විහාරය, මහරජ විහාරය, මහ අලුත් විහාරය, පශ්චිම විහාරය, සහ දෙවන අලුත් විහාරය නමින් තමයි හඳුන්වන්නේ. මේ අතරින් දෙවැනි අලුත් විහාරය 18 වැනි සියවසේ දී දුල්ලෑවේ අදිකාරම විසින් කරවා තිබෙනවා. අද අපි දකින දඹුල්ල සියවස් ගණනාවක් තිස්සේ සංවර්ධනය වෙමින් ආ විහාරයක් බව ඉන් පැහැදිලි වෙනවා.

ලෙන් විහාර හැම එකක්ම හිදි පිළිම, හිටි පිළිම, සහ සැතපෙන පිළිමවලින් පිරිලා. විවිධ මුද්‍රා සහිත බුද්ධ ප්‍රතිමා ප්‍රමාණය 153ක්. ඒ හැරුණම වළගම්බා, කීර්ති නිශ්ශංකමල්ල, කීර්ති ශ්‍රී රාජසිංහ යන රජවරුන්ගේ පිළිමත්, උපුල්වන්, තාරා දෙවගන, නාථ සහ විෂ්ණු යන දේවරූප හතරත් දැකගැනීමට ලැබෙනවා. ලී, මැටි, ගඩොල් සහ කළුගල් යන විවිධ ආකාරයේ මාධ්‍ය ප්‍රතිමා තැනීමට එදා නිර්මාණ ශිල්පියා යොදාගෙන තිබෙනවා. බහුලවම ඇත්තේ මැටියෙන් තනා බදාම ආලේප කළ පිළිම යි. දෙව්රජ විහාරයේ ආවරණය කර ඇති කොටසක තැන්පත් කර ඇති විෂ්ණු ප්‍රතිමාව රත්හඳුන් ලීයෙන් කළ එකක් බව යි කියැවෙන්නේ.

බිතුසිතුවම් කලාගාරයක්
═══════════════

ලංකාවේ විශාලම බිතුසිතුවම් පන්තිය දැකගත හැක්කේ දඹුලු විහාරයේ දී යි. එය වර්ග අඩි 20000ක් පුරා පැතිර තිබෙනවා. වැඩිම සිතුවම් ප්‍රමාණයක් ඇද ඇත්තේ ලෙන් වියනේ. මේ සිතුවම් සියල්ලම අයත් වන්නේ මහනුවර යුගයට යි. බුදුන් වහන්සේගේ පෙර ආත්මභවයන්ට සම්බන්ධ ජාතක කතා, බුද්ධ චරිතයේ විවිධ අවස්ථා, දේව රූප, හා විවිධ ජ්‍යාමිතික මෝස්තර මේවායේ දැකගත හැකියි. මහරජ ලෙන සහ අලුත් විහාරයේ 18 වැනි සියවසට අයත් වැඩිම සිතුවම් ප්‍රමාණයක් තිබෙනවා. දඹුල්ලේ සිත්තම් ඇද තිබෙන්නේ නිලගම පරම්පරාවේ සිත්තරු විසින්. ඒ බව නිලගම තුඩපතේ ද දැක්වෙනවා.

සංඝාවාස හතරක්
═══════════════

රංගිරි දඹුලු විහාරයට අනුබද්ධ භික්ෂුන් වහන්සේ වැඩ වාසය කරන ප්‍රධාන ආරාම හතරක් තිබෙනවා. ඒවා නම් මැද පන්සල, ඉහළ පන්සල, උයන්වත්ත පන්සල අංක 1, සහ උයන්වත්ත පන්සල අංක 2 යි. රංගිරි දඹුලු රජ මහා විහාරයේ සියලු ආගමික කටයුතු සහ තේවා පුද පූජාවන් ඉටුකරන්නේ ඒ පන්සල්වල භික්ෂූන්වහන්සේ විසින්.

මාතලේ කැරැල්ලට පන්සලෙන් පළි ගැනීම
═══════════════

ඉංග්‍රීසි පාලනයට එරෙහිව සිංහලයන් අවි අතට ගත් මාතලේ කැරැල්ලේ මූලස්ථානයක් වූයේ දඹුලු විහාරය යි. මෙහි භික්ෂූන්වහන්සේලා දිවි හිමියෙන් ඉංග්‍රීසින්ට එරෙහිව ජනතාව එක්රැස් කරවා තිබෙනවා. කැරැලිකරුවන්ට රැකවරණය දුන් ඔවුන්ට උපදෙස් දුන් ස්ථානයක් වූයේ ද දඹුලු පන්සල යි. 1848 ජූලි 30 දා ගොන්ගාලෙගොඩ බණ්ඩා දඹුලු විහාරයේ මැද මළුවේ දී සිංහලේ රජු වශයෙන් අභිෂේක කොට තිබෙනවා. මෙම ඔටුනු පැළදීමේ උත්සවයට ලක්ෂයක පමණ ජනතාවක් සහභාගි වූ බව පැවසෙනවා. මේ සදහා දඹුලු විහාරයේ නායක හිමියන් වූ ගිරානෙගෙම ඉන්දජෝති හිමියන් මූලිකත්වය ගෙන තිබෙනවා. කඩහපොළ හාමුදුරුවෝ සහ තවත් භික්ෂූන් කිහිප නමක් ඒ සඳහා සහයෝගය දක්වා තිබෙනවා.

මාතලේ කැරැල්ල පරාජය වූ පසුව විහාරයට දඬුවම් කිරීමට ඉංග්‍රීසින් ක්‍රියා කළා. ඔවුන් මුලින්ම කළේ දඹුලු විහාරය කොල්ල කා සංඝාවාස ගිනිබත් කිරීම යි. දඹුල්ලෙන් අල්ලාගත් දේපලවල වටිනාකම පවුම් 2241ක් බව වාර්තාවල දැක්වෙනවා. භික්ෂූන්වහන්සේ ද අත්අඩංගුවට ගත් අතර කඩහපොළ හාමුදුරුවන්ට වෙඩි තබා මරා දැම්මා. ගොංගාලෙගොඩ බණ්ඩා ඇතුළු කැරලි නායකයන් ද මරා දමනවා. දඹුලු විහාරය සතු සියලු අයිතිවාසිකම් අහෝසි කොට ඒ අවස්ථාවේ ඉංග්‍රීසින්ට හිතවත්ව සිටි අස්ගිරි විහාරයට ඒවා පවරා දී තිබෙනවා. එදා තාවකාලිකව පවරා දෙන බව තමයි ඉංග්‍රීසින් සඳහන් කර ඇත්තේ. ඒත් අද දක්වාත් ඒ පැවරීම අස්ගිරියටම අයිති ලෙස තබාගෙන සිටිනවා. ඒකිරීමේ අයිතිය ඇත්තේ අස්ගිරි විහාරයට යි.

දඹුල්ලෙ අපි නොදකින ලෙන් හා ලෙන් ලිපි
════════════

අපි වන්දනාමාන කරන ලෙන් විහාරවලට අමතරව දඹුලු ගලේ බෑවුම්වල හැංගුණු තවත් ලෙන් රාශියක් තිබෙනවා. පුරාණයේ භික්ෂූන්වහන්සේ වාසය කළ කටාරම් කෙටූ ඒ ලෙන් දැන් වනයට යටවෙලා. ඒ සමහර ලෙන්වල සෙල්ලිපි ද තිබෙනවා. ප්‍රධාන පර්වතයට බටහිර ප්‍රදේශයේ ලෙන් රාශියක් තිබෙන අතර ගලේ නැගෙනහිර පැත්තේ ද එක් ලෙනක් හමුවී තිබෙනවා. මුලින්ම දඹුල්ල පැවත ඇත්තේ මිහින්තලේ මෙන් ලෙන්වල විශාල භික්ෂු සංඛ්‍යාවක් වාසය කළ වනගත සෙනසුනක් ආකාරයෙන් බව ඒ අනුව හෙළි වී තිබෙනවා.

දඹුලු ගලේ ලෙන්වලින් සොයාගෙන ඇති සෙල්ලිපි සංඛ්‍යාව 35ක්. මේ ලිපි බුදුදහම මෙරටට ලැබුණු කාලයට සමීප කාලයකට අයත් බ්‍රාහ්මී ලෙන් ලිපි. මේ ලිපිවලින් කියැවෙන්නේ දායිකාවක හෝ දායකයෙක් විසින් ලෙන කරවා සිව්දිගින් පැමිණි නොපැමිණි භික්ෂු සංඝයාට පූජා කිරීමක් ගැන යි. මේ ලිපි තුනක රජවරු ගැන දැක්වෙනවා. ලිපි දෙකක මහරජ වචනය කොටා තිබෙනවා. දෙවන පිය ගමණි තිස නම් රජකෙනකු ගැන එක් ලිපියක සඳහන්. පරණවිතාන සඳහන් කරන්නේ එහි කියැවෙන්නේ ක්‍රි. පූ. 137-119 දක්වා රජකම් කළ දේවානම්පියතිස්ස රජුගේ සොයුරු සද්ධාතිස්ස රජු බව යි. එත් ඒ සදහා සාධක කිසිවක් පරණවිතාන ඉදිරිපත් කර නැහැ. ගමණි අබය නම් රජකෙනකු ගැනත් මෙහි සෙල්ලිපිවල සඳහන්. ඒ රජු වට්ඨගාමිණි හෙවත් වලගම්බා රජුවීමට ඉඩ ඇති බව මංගල ඉලංගසිංහ සඳහන් කරනවා. මෙහි සදහන් අනෙක් ලිපිය පුටකණ නම් රජෙක් දඹුල්ලේ පඩිපෙළක් ඉදිකිරීම ගැනයි. ඒ රජු කූටකණ්නාභය (ක්‍රි. පූ. 16-18) බව මහාචාර්ය සෙනරත් පරණවිතාන පෙන්වා දී තිබෙනවා. මෙහි සෙල්ලිපියක සදහන් අනෙක් මහ රජු වන්නේ අපි මීට පෙර කතා කළ නිශ්ශංකමල්ල යි.

දඹුල්ලේ ලෙන් පූජා කළ අය අතර පරුමකවරු හෙවත් ප්‍රාදේශීය ප්‍රධානින් (තිස්ස, බ්‍රාහ්මණතිස්ස, සුමන,සෝණ, ඵුස්සදේව, චුඩ) ගෘහපතිවරුන්, වාරිමාර්ග නිලධාරියෙක්, ගම් ප්‍රධානින් ද සිටිනවා. ඒ වගේම භික්ෂූන්වහන්සේ ද ලෙන් කරවා පූජා කර තිබෙනවා.

Copied @ Dambulla Cave Temple

19/03/2024

01/03/2024

ඔබත් පැමිණෙන්න......👍👍👍

03/02/2024

ගමටම මල්වර මගුලක් කියලා
දෙවනත් වෙන්නට ගම සිංදුත් දාලා
දියණිය ප්‍රදර්ශණයට එළියෙන් තියලා
මව් පියෝ ගනී මගුලක් වියදම් කරලා

හැඩ කර එක එක ඇදුමෙන් ඈ සරසාලා
පාට ගාලා පුංචි මූණ කැත කරලා
එන හැමට උදේ ඉදන් රෑ වෙනකම් වැදලා
පුංචි එකී ඇත හෙම්බත්වීලා

බීමත් වෙලා සමහරු ඇය අත ගාතී
පුංචි එකී හට ඒ ගැන වැටහුමක් නැතී
මව් පියන්ට ඈ සොයනට වේලාවක් නැතී
ලැබෙනා ලියුම් කවර විතරක් උන් බලතී

දියණිය මැණිකකි හංගා රැකිය යුතු වටිනා
ඇගේ මල්වර නැකත කුමට ලොවටම කියනා
සිරිත් විරිත් රහසේ ගේ තුල ඉටු කරනා
මව්පියෝ උතුම් යැයි මට නිකමට හිතුනා ...කතාව ඇත්ත කියල හිතෙනවනම් ශෙයාර් කරගෙනම යන්න.❤️

උපුටා ගැනීමකි

30/01/2024

සම්පූර්ණයෙන් ම නොමිලේ 💃💃🕺🕺සන්ෆ්ලවර්ස් සංගීතයෙන් හැඩවෙන 💃"විදුසර"🕺 මහා සංගීත ප්‍රසංගය පෙබරවාරි 03 සෙනසුරාදා මාතලේ විජය විද්‍යාලීය ක්‍රීඩාංගණයේදී රැය පහන් වෙනතුරු ඔබව රසගන්වයි....💃💃🕺🕺

සංවිධානය විජය විද්‍යාලයේ ආදි ශිෂ්‍ය සංගමය...👍👍👍👍

21/01/2024

මාතලේ විජය විද්‍යාලීය ආදිශිෂ්‍ය සංගමයන් මාතලේ කොල්ලෝ කෙල්ලන්ට නොමිලේ විනෝද වෙන්න දෙන හොදම අවස්ථාව ක්..👍👍👍👍👍
එන්න ප්‍රීති වන්න සැවොම දැන් ඉතිං 💃💃💃💃💃💃💃🕺🕺🕺🕺🕺🕺🕺🕺

19/01/2024

මාතලේ ප්‍රාදේශීය විගමනික කමිටුව මගින් 2024 වර්ශය ආරම්භ කරමින් විදෙස් ගත ශ්‍රී ලාංකිකයින් සහ ඔවුන්ගේ පවුල් වල අය වෙනුවෙන් සෙත් පතා සිදුකරන්නට යෙදුනු පළමු ආගමික වැඩ සටහන අද දිනයේ මඩවලඋල්පත රජ්ජම්මන විහාරස්ථානයේ විහාරාධිපති ස්වාමීන් වහන්සේගේ මූලිකත්වයෙන් විදෙස් ගත පවුල් වල අයගේ සහභාගිත්වයෙන් හා ගම්වාසීන්ගේ සහයෝගයෙන් පැවැත්විණි.. ඊට සමගාමීව දේශීය ආයුර්වේද ප්‍රතිකාර නොමිලේ ලබාදීමේ වැඩසටහනක්ද තැන්න රජයේ ආයුර්වේද රෝහලේ වෛද්‍ය තුමියගේ සහ අදාල නිළධාරීන්ගේ සහභාගිත්වයෙන් සිදු කෙරිණි . මෙම අවස්ථාව සදහා මාතලේ ප්‍රාදේශීය ලේකම් කොට්ඨාශයේ විගමනික කමිටුවේ සභාපති මේනක ගුණසේකර මහතා , මොරගහමඩ විගමනික කමිටුවේ සභාපති වසන්ත මහතා, ලේකම් ඩයනා මහත්මිය, එමෙන්ම මාතලේ විදේශ කටයුතු නිලධාරී අසේල මහතා, රේණුකා මහත්මිය සහභාගී විය .

31/05/2023

24/03/2023

විජය විද්‍යාලයේ ආදිශිෂ්‍ය සංගමය විසින් සංවිධානය කරනු ලබන ආදිශිෂ්‍ය ශිෂ්‍යාවන් ගේ ක්‍රීඩා උත්සවය මාර්තු 26 වෙනිදා බර්නාඩ් අලුවිහාරේ ක්‍රීඩාංගණයේදී පැවැත්වේ ..

23/03/2023

Job Fair මාතලේ

22/03/2023

ආරක්ෂක සේවය සඳහා රැකියා අවස්ථා

මාතලේ ප්‍රදේශයේ පදිංචි පුද්ගලයන් සඳහා ස්ථාන භාර නිලධාරි (OIC) ජ්‍යෙෂ්ඨ ආරක්ෂක නිලධාරි (SSO), කනිෂ්ඨ ආරක්ෂක නිලධාරි (JSO) නිලයන් සඳහා පුරප්පාඩු ඇත.

වැඩි විස්තර සඳහා අමතන්න: 076 710 0313, 074 023 4227 හෝ 076 216 1567

Vacancies available for persons residing in Matale for Officer in charge (OIC) Senior security officer (SSO), Junior security officer (JSO) ranks.

For more details please contact : 076 710 0313 , 074 023 4227 or 076 216 1567

More Details
https://www.facebook.com/profile.php?id=100088709869946&mibextid=ZbWKwL

Your Security is Our Concern!

21/03/2023

මාර්ග අංක 450 රත්නපුර පානදුර අද උදේ බොරලුගොඩදී වයර් ශෝට් එකකින් ගිණිගැනීමට ලක්වී ඛේදනීය අනතුර.සුමන සමන් දිව්‍යරාජෝත්තමයානන් වහන්සේගේ පිහිටෙන් මිනිසුන් කාටවත් කරදයක් උනේ නෑ.

17/03/2023

මාතලේ ඔබටත් යෞවන සම්මානක්....
තරුණ කටයුතු සහ ක්‍රීඩා අමාත්‍යංශය, ජාතික තරුණ සේවා සභාව, ශ්‍රී ලංකා යෞවන සමාජ සම්මේලනය එක්ව සංවිධානය කරන ජාතික යෞවන සම්මාන උලෙලට සමගාමීව මාතලේ දිස්ත්‍රික් යෞවන සමාජ තරගාවලිය මාතලේ විජය විද්‍යාලයේ දී පැවැත්වීමට නියමිත බව තරුණසේවා සහකාර ඊ. එම්. ටී. ධර්මකීර්ති මහතා පැවසීය.
ඒ අනුව නිවේදක, කථික. යොවුන් ගායනා, ජන ගායනා (පිරිමි ඒකල) ජන ගායනා (කාන්තා එකල) ශාස්ත්‍රීය ගායනා,හාස්ත්‍රීය වාදන උඩරට හා පහතරට සහ සබරගමු නැටුම්, උඩරට පහතරට සබරගමු බෙර වාදන, ජන නැටුම්, ඇතුළු තරඟ අංශ රැසක් සිංහල සහ දෙමළ සහ ඉංග්‍රීසි මාධ්‍යයයන්ගෙන් පැවැත්වෙන අතර ඒ සදහා අයදුම් පත් කැදවීම මෙම මාර්තු 24 දක්වා සිදු කෙරේ.
මේ සදහා ඉදිරිපත් වීමට අපේක්ෂා කරන 2023.මාර්තු 24 දිනට වයස අවුරුදු 15 – 29 අතර මාතලේ දිස්ත්‍රික්කයේ කලා කුසලතා ඇති යෞවන යෞවනියන්ට සියලු විස්තර සහිත අයදුම් පත්‍ර තමා අයත් ප්‍රාදේශිය ලේකම් කොට්ඨාසයේ තරුණ සේවා නිලධාරීවරයාගෙන් හෝ ජාතික තරුණ සේවා සභාවේ මාතලේ දිස්ත්‍රික් කාර්යාලයෙන් ලබා ගත හැකිය.
ඉහත වයස් කණ්ඩයට අයත් දිස්ත්‍රික්කයේ පාසල් , කලායතන, වෘත්තීය පුහුනු මධ්‍යස්ථාන , සංස්කෘති මධ්‍යස්ථාන යෞවන සමාජ, සහ වෙනත් ආයතනවල යෞවන යෞවනියන්ට මේ සඳහා හැකියාව තිබේ.
දිස්ත්‍රික් තරඟවලින් ප්‍රථම දෙවන සහ තුන්වන ස්ථානය ලබාගන්නා ජයග්‍රාහකයින් පළාත් තරගා සදහා සුදුකම් ලබන අතර දිස්ත්‍රික් මට්ටමේ ජයග්‍රාහිකයින් සඳහා සහතික පිරිනැමීමට නියමිතය.

දිස්ත්‍රික් මාධ්‍ය ඒකකය
මාතලේ


#ජාතිකතරුණසේවාසභාව

14/03/2023

පසුගියදා (2023-03-08) A9 ප්‍රධාන මාර්ගයේ මාතලේ සිට දඹුල්ල දෙසට යන විට හමුවන මඩවලඋල්පත නගර මධ්‍යයේදී උදෑසන 10.30ට පමණ එක්දරු මවක් තම සැමියාට දවල් ආහාරය රැගෙන පාර හරහා මාරුවන අවස්ථාවේදී, ත්‍රීරෝද රථයක් අපරික්ෂාකාරී ලෙස ගමන් කිරීම නිසා සිදුවූ අනතුරින් ඇය බරපතල ලෙස තුවාල ලබා රෝහල් ගත කෙරිණි .

👉👉මෙම කුඩා නගරයටම පාර හරහා මාරුවීමට පදිකයින්ට ඇත්තේ එක් පදිකමාරුවක් වීම නිසා මෙවැනි අනතුරු නිතර සිදුවීමේ වැඩි ඉඩකඩක් පවතින බවත් මේ පිළිබඳව බලධාරීන් ගේ නිසි අවධානය යොමු විය යුතු බවත් ප්‍රදේශවාසීන් පවසන ලදි...👈👈

14/03/2023

🙏🙏🙏🙏🌷🌷🌷🌷🌷🙏🙏🙏🙏 සමස්තලංකා ශාසනාරක්ෂක මණ්ඩල ගරු ප්‍රධාන ලේඛකාධිකාරී මාතලේ, උකුවෙල ප්‍රාදේශීය ශාසනාරක්ෂක මණ්ඩලයේ ගරු සභාපති ,මාතලේ දිස්ත්‍රික් ශාසනාරක්ෂක මණ්ඩලයේ ගරු ප්‍රධාන ලේඛකාධිකාරී උකුවෙල බලකඩුව අනුරුධ අරණාධිපති පූජ්‍ය මුගුණුවෙල අනුරුද්ධ නා හිමියන් වහන්සේගේ උපන්දිනය අදයි..

🙏🙏🙏🙏🌷🌷🌷🌷ඔබ වහන්සේට නිදුක් නිරෝගී දීර්ඝායුෂ ප්‍රාර්ථනා කරන අතරම බුදුදහමෙහි චිරස්ථිතිය වෙනුවෙන් කටයුතු කිරීමට ශක්තිය ධෛර්යය නොමදව ලැබේවා යී ප්‍රාර්ථනා කරන්නෙමු 🙏🙏🙏🙏🌷🌷🌷🌷

09/03/2021

පැරණි ඉන්දියාවේ සොළොස් මහා ජන පදවලින් එකක් මගධ දේශයයි. එහි අගනුවර වූයේ රජ ගහ නුවරය. ඉසිගිලි, ගිජ්ඣකූට, වේපුල්ල, පාණ්ඩව යන කඳු පහෙන් වටවූ මගධය ආරක්ෂිත රාජධානියක් විය.

බුද්ධ කාලයේ මගධ දේශයේ පාලකයන් වූයේ බිම්බිසාර සහ අජාසත් රජුන්ය. විශේෂයෙන්ම බුද්ධ කාලයේ ප්‍රථම ආරාම පූජාව කරන ලද්දේ බිම්බිසාර රජු විසිනි.
බුදු පහස ලද රජගහ නුවර පුරාවටම විහිදී ඇත්තේ අතීත අභිමානයන්ගේ නටබුන්ය. හැම සිහිවටනයකටම පූජනීයත්වයක් වී ඇත්​ෙත්ය.
ධර්ම ප්‍රදීපිකාව ග්‍රන්ථයේ රජගහ නුවර හඳුන්වා දී ඇත්තේ මෙසේය.

එකල රජගහ නුවර කේන්ද්‍ර කොට ගෙන දහඅට කෝටියක් මනුෂ්‍යයෝ වාසය කළහ. ගම් නියම් ගම් අසූ හාරදහසකි. පන්සියයක් යොදුන් වූ අංග මගධ දෙරටින් ගලා ආ සම්පත්ති ද්වාරය රජගහ නුවර විය. සේවාවන් තිස් පස් වසරක් බුදු රජාණන් වහන්සේට සැදැහැ බැති පෙමින් උපස්ථාන කළ බිම්බිසාර රජු මෙහි රාජ්‍ය විචාරයෙහි යෙදුණේය. එකල සාරිපුත්ත මහ තෙරුන් වහන්සේ රජ ගහ නුවර වටා වේළුවනය ජීවක අඹවනය ප්‍රධාන විහාර දහ අටක් ඇතුළුවන සේ සීමා බන්ධනය කළහ. මෙනුවර බුදුන් දවස ද සක්විත්තුන් දවස ද නුවර වෙයි.

මෙලෙසින් රජගහ නුවර අභ්‍යන්තරයේ ඇති පැරණි නටඹුන් වූ පුණ්‍ය භූමි බොහෝය. අපි මෙවර ලිපියෙන් ඒ ඓතිහාසික ස්ථානවල වැදගත්කම් පිළිබඳව දක්වමු.
ඉසිගිරි පර්වතය

ඒවං මේ සුතං ඒකං සමයං භගවා
රාජගංහ විහරති

ඉසිගිලිස්මිං පබ්බතෙ තනු බො භගවා භික්ඛු ආමන්තෙයි

බුදුරජාණන් වහන්සේ ඉසිගිරිය පර්වත මුදුන සිට භික්ෂුන් වහන්සේ අමතා ඉසිගිලි සුත්තං හෙවත් ඉසිගිලි සූත්‍රය දේශනා කළ සේක. එම සූත්‍රයේ විස්තර වන පරිදි මෙම ස්ථානයේ පසේ බුදුවරු 500ක් දෙනා වැඩ වාසය කර ඇත.

​ෙමම පසේ බුදුවරුන් පර්වතයට වඩින බව දුටුවත් ඔවුන් වැඩ වසන ආකාරය හෝ නැවත ගමන් කරන ආකාරය කිසිවෙකුටවත් පෙනී නොමැත. ඒ නිසාම සෘෂිවරයාණන් වහන්සේලා ගිල දමන ස්ථානය යන අරුතින් ඉසිගිරිය නම ලැබී ඇත්තේය. බුද්ධෝත්පාදයට පෙර කාලයේ සිටම පූජනීයත්වයට පත් වූ ඉසිගිරිය පර්වතය බුද්ධකාලයේ බුදු පහස ලද ධර්ම දේශක ස්ථානයක් වී ඇත්තේය.

මෙය ත්‍රිපිටකයේ ඉසිගිලි සූත්‍රයේ සරලව විස්තර කර ඇත්තේය. මීට අමතරව මෙම ස්ථානය සමීපයේ ඇති කාලසීලා නම් ගල් තලාවද වැදගත්ය. එනම් සංයුක්ත නිකායට අනුව බුදුන් වහන්සේ ශ්‍රාවකයන් වහන්සේ සමග මෙම ස්ථානයේ වැඩ සිටි අතර විටෙක රහතන් වහන්සේලාගේ පා පහසින් ද පූජනීයත්වයට පත් වී ඇත. තවද නිගණ්ඨයන් අරභයා මූල දුක්ඛක්ඛන්ද සූත්‍රය දේශනා කළේත් මුගලන් මහ රහතන් වහන්සේ පිරිනිවන් පා වදාලේත් මෙම ගල් තලාවේ දී බව පැවසෙයි. බුදුවරු, පසේ බුදුවරු, මහරහතන් වහන්සේලාගේ පා පහස ලද මෙම ස්ථානය සෑම බෞද්ධයෙකුම දැක වැඳ පුදා ගත යුතු සිද්ධස්ථානයක් වන්නේය.

වේළුවනාරාමය

වේළුවන උයන පිහිටා තිබුණේ රජගහ නුවරට සමීපවය. එය බිම්බිසාර රජුගේ රාජකීය උද්‍යානය වූවේය. මෙහි උණ ගස් ​ෙබාහොමයක් හෙයින් වේළුවන යන නාමය ලැබී තිබිණි.
මෙම උයනේ බුදු සසුනේ ප්‍රථම ආරාම පූජාව සිදු වූවේය. එනම් සිදුහත් කුමරු අභිනිෂ්ක්‍රමණය කර රජගහ නුවරට වැඩි දිනයේ බිම්බිසාර රජු තවුසාට රාජ්‍ය පාලනයට කතා කළේය. එහෙත් එය නොපිළිගත් ඔහු තම අරමුණ බුදුබව ලැබීම බව පැවසීය.

එසේ නම් බුද්ධත්වය ලැබීමෙන් පසු පළමුව රජගහ නුවරට වඩින ලෙස රජු තවුසාට ආරාධනාවක් කළේය.

බුදු රජාණන් වහන්සේ පොරොන්දු වූ පරිදිම රජගහ නුවරට වැඩි සේක. බිම්බිසාර රජු ඇතුළු පිරිසට සද්ධර්මය අනතුරුව දේශනා කළ සේක. බුදු රදුන්ගේ බණ ආසා සෝතාපන්න වූ රජු ප්‍රථම ආරාම පූජාව ලෙස වේළුවන අරම පූජා කළහ.

එසේ පූජා කළ ​ෙව්ළුවන ආරාමයේ දී බුදුන්වහන්සේ තෙවන සිව් වන සතළොස් වන සහ විසි වන වස්කාල ගත කළ සේක.

ගිජ්ඣකූට පර්වතය

අත් තටු විහිදූ ගිජුලිහිණියකු සේ දිස් වන හෙයින් ගිජ්ජකූට ලෙස හඳුන්වන පර්වතය බුදු පා පහස ලද ​ෙඑතිහාසික ස්ථානයකි.

දේවදත්ත තෙර බුදුන් මරා බුදු වෙමියි සිතා ගල් පෙරළුවේ මෙම ස්ථානයේ සිටය. මෙම කඳු මුදුන බුදුන් උදෙසා බිම්බි සාර රජු විසින් ආරාමයක් සකසා දී තිබේ. එහි නටබුන් අද දක්නට ඇත. ඒ අසලම ආනන්ද තෙරුන්ගේ කුටියේද නටබුන් මෙම පර්වතය මත සිට බුදුන් වහන්සේ ආටානාටිය සූත්‍රය දේශනා කර තිබේ.

එසේම වේදනානුපස්සනාව පිළිබඳ උන්වහන්සේ දෙසූ සද්ධර්මය අසා සිටි සැරියුත් තෙරණුවෝ රහත් භාවයටත් පත් වූයේ ද මෙහිදී මෙම ඓතිහාසික ස්ථානයට ගමන් කිරීම සඳහා බිම්බිසාර රජු විසින් සකසන ලද පියගැට පසු කාලයේ දී පිළිසකර කර ඇත්තේය.

සප්තපර්ණි ගුහාව

රජගහ නුවර පිහිටි වේහාර පර්වතය පාමුල මෙම ලෙන පිහිටා ඇත. මේ අසලින් තපෝදා නදිය ආරම්භ වේ. මහා කාශ්‍යප තෙරුන් වැඩ සිටි පිප්පිලි ගුහාවද මෙහි ඇත්​ෙත්ය.
සම්බුද්ධ පරිනිර්වාණයෙන් පසු පළමු ධර්ම සංගායනාව පවත්වන ලද්දේ මෙහිදීය. සුභද්‍ර භික්ෂුව පැවසූ අභද්‍ර වචනයක් ඊට හේතු පාදක වූ අතර අජාසත් රජුගේ අනුග්‍රාහකත්වයෙන් හා මහා කාශ්‍යප තෙරුන්ගේ මූලිකත්වයෙන් භික්ෂූන් වහන්සේලා 500ක් සහභාගි වී මෙම සංගායනාව පවත්වා ඇත.

පංච සතිකා සංගීතිය නමින් හඳුන් වන්නේ ද ධර්ම විනය කට පාඩම් කරමින් ශාසන ශෝධනයක් කළ මෙම සංගායනාවය.

පිප්පිලි ගුහාව

බුදු රජාණන් වහන්සේ රහතන් වහන්සේලා සමග මෙම ගුහාවේදී මහා කාශ්‍යප බොජ්ඣංග සූත්‍රය දේශනා කළහ. ඒ සඳහා ඇත්තේ ද ඓතිහසික කතා පුවතකි.

මහා කාශ්‍යප හිමිගේ ගිහි කළ නම පිප්පිලිය. පිප්පිලි මානවකයා විවාහ වූවේ භද්ධකාපිලා කුමරිය සමගය. එහෙත් මේ දෙපළටම අවශ්‍ය වූවේ සසරින් එතෙර වීමය.

එ් අනුව සියලු සැප සම්පත් දුගී මගී යාචකයන්ට දන් දී සත්‍ය මාර්ගයන් සොයා ඔවුහු ගියහ. එම ගමනේ දී පිප්පිලි තරුණයාට බුදුන් වහන්සේ හමුවිය. බුදු බණ ඇසූ ඔහු සංඝ ශාසනයට ඇතුළත් වූයේ මහා කාශ්‍යප නමිනි. කාශ්‍යප හිමිගේ රුව බුදුන්ගේ රුවට සමාන වූවේය. බුදුන්ට පිහිටි මහා පුරුෂ ලක්ෂණවලින් හතක් කාශ්‍යප හිමිටත් පිහිටියේය. උස අඩු වූයේ එක් අඟලකින් පමණි. බොහෝ දෙනාට කාශ්‍යප හිමියෝ වඩින විට බුදුරදුන් වඩිනවා ලෙස සිතුණි. මෙය මහා කාශ්‍යප හිමියන්ට මහා කනස්සල්ලක් වූවේය. ඒ නිසාම උන් වහන්​ෙස් බුදුන් සිටි ප්‍රදේශයෙන් ඈත්ව කාලය ගත කළහ.

ඒ අනුව උන්වහන්සේ වැඩි කාලයක් ගත කරන ලද්දේ පිප්පිලි ගුහාවේය. වරක් කාශ්‍යප හිමියන්ට මහා කාශ්‍යප සප්තබොජ්ජංග සූත්‍රය දේශනා කළ සේක. එය අසා සිටි මහරහතන් වහන්සේගේ සියලු රෝග දුරු වූවේය.


ධ්‍රතාංග ධාරි භික්ෂූන් අතර අග තැන්පත් වූ මහා කාශ්‍යප මහ රහතන් වහන්සේ පිරිනිවන් පෑවේ අවුරුදු 120ක් ආයු වැළඳීමෙන් පසුය.



විඩුභයන්ගේ රථය එරුණ තැන

ශාක්‍යයන් හා යුද වැදීමට ගිය විඩුභ කුමරුගේ රථය ගිලා බැස්සේ යැයි සලකන ගල් තලාවද රජගහ නුවර දී දැක ගත හැකිය. රථ රෝද එරී ටික දුරක් ගමන් ගත් ආකාරයක් ගල් තලාවේ ඇති සලකුණුවලින් පෙන්නුම් කරයි.

​ෙම් ආකාරයට ගල් තලාවක රථය එරෙන ලද්දේ ශාක්‍යයන් හා විඩුඩභ රජු අතර ඇති වීමට ගිය යුද්ධය නතර කිරීම සඳහා බුදු සමිඳුන් කළ අධිෂ්ඨානයකින් බව විශ්වාස කෙරේ. මින් කෝපය සංසිඳුණු රජු යුද්ධයට නොගිය බවත් පසුව සාමයෙන් සිටි බවත් පැවසෙයි.

මෙම සිද්ධස්ථානවලට අමතරව බිම්බිසාර රජුගේ භාණ්ඩාගාරයක් ලෙස සලකන ඝෝණ බණ්ඩාර ගුහාව, ගිජ්ඣකූට පර්වතයට මෑතින් පිහිටියා වූ බිම්බිසාර රජු සිරගත කොට තැබුවා යැයි සලකන සිරගෙය, බුද්ධ පරිනිර්වාණයෙන් පසු අජාසත් රජු විසින් රජගහ නුවරට වෙන් කරන ලද සර්වඥධාතූන් වහන්සේලා තැන්පත් කර සාදන ලද වාලසංඝාඨ ථූපය වේහැර පර්වතයේ උස් බිමකින් ගලා එන උණු දිය උල්පත් සහිත තපෝදා නදිය බුදු රදුන් ප්‍රමුඛ භික්ෂු සංඝයාටත් බිම්බිසාර රජු ඇතුළු රාජකීය පිරිසටත් වෙදකම් කළ ජීවක වෙද මහතා සතු වූ ජීවක අඹ වනය, නයෙකුගේ පෙණය හැඩති ගුහාවක් ඇති ජීවක යක්ෂ සෙන්පති වාසය කළා යැයි සැලකෙන සීත වනයේ සප්පෂොණ්ඩික පබ්භාය සක් දෙවිඳුන් උදෙසා සක්කපඤහ සූත්‍රය දේශනා කළ ඉන්දසාල ගුහාව ඌරෙකු පස හාරන විට මතු වුණු ලෙනක් බැවින් සුකරඛත ලෙන ලෙස නම් තැබූ පසු කාලයේ එය සුද්ධ පවිත්‍ර කොට බුදුන්ට පූජා කළ ලෙනක් වූ ස්ථානය නිග්‍රෝධ පරිබ්‍රාජයාගේ ආරාධනය අනුව මෝර, නිවාහ හා උඳුම්බරික සිහනාද සූත්‍ර දේශනා කළ මෝර නිවාසය නම් ස්ථානය සහ කුමාර මහබඹු හා බුදුන් වහන්සේ සුහද පිළිසඳරේ යෙදුණු සජ්පිනි ගංතෙර ආදිය ද දැක බලා ගත හැකිය.

ලංකාවේ මහා බෝධි සමාගමේ සභාපති සහ ජපානයේ සංඝ නායක බානගල උපතිස්ස හිමියෝ මෙසේ අදහස් දැක්වූහ.

රජගහ නුවර පිහිටලා තිබෙන්නේ ඉන්දියාවේ බිහාර් ප්‍රාන්තයේ. බෞද්ධ සිද්ධස්ථාන වැඩි හරියක්ම පිහිටලා තිබෙන්නේ උත්තර් සහ බිහාර් ප්‍රාන්තවල. රජගහ නුවර ඇති වැදගත්කම තමයි ලෝකයේ සිටින සියලුම බෞද්ධයන් සංචාරයක දී රජගහ නුවරට යාම චාරිත්‍රයක් සේ සැලකීම.

බුද්ධගයාව වන්දනා කරන්න යන බැතිමතුන්ට සමීපම සිද්ධස්ථානයක් වන රජගහ නුවර බලන්න තිබෙන නටබුන් බොහොමය මෙම නගරය අද ප්‍රසිද්ධ වෙලා තිබෙන්නේ රාජ ගිර් කියන නමින්.

රජගහ නුවරට නුදුරින් තමයි ලෝකයේම ප්‍රසිද්ධියට පත් නාලන්දා විශ්වවිද්‍යාලය පිහිටලා තිබෙන්නේ. තක්ෂිලාව තියෙන්නේ වර්තමාන පකිස්තානයේ. වෙනත් සිද්ධස්ථාන දෙස බලන කොට පේන්න තියෙන දෙයක් තමයි විවිධ රටවලින් පැමිණිලා ඒ ඒ පූජා භූමි ආශ්‍රිතව වෙහෙර විහාර හදාගෙන ඔවුන්ගේ බැතිමතුන්ට පහසුකම් සලසා දීම. නමුත් රජගහ නුවර මෑතක් වන තුරුම එවැනි දියුණුවක් සිදු වූයේ නෑ. නමුත් මීට වසර කීපයකට පෙර මෙම නගරයට එන වන්දනාකරුවන්ට තොරතුරු කියා දෙන්න නවාතැන් පහසුකම් ලබා දෙන්න කිසිවෙකු නොසිටිය නිසා ශ්‍රී ලංකාවේ භික්ෂූන් වහන්සේ නමක් මුල්වෙලා කටයුතු කළා.

ඒ දෙනියාය ප්‍රදේශයේ විජිත හාමුදුරුවෝ. උන් වහන්සේ ප්‍රථම වතාවට විහාරයක් හදාගෙන එහි වැඩ සිටිනවා. මෙරට බැතිමතුන්ට තොරතුරු කියා දෙන්නේ උන්වහන්සේය. ගිජ්ඣකූඨය ජපන් සාම චෛත්‍යය වන්දනා කිරීම සඳහා කේබල් ක්‍රමවේදයක් භාවිත කරනවා. එම පහසුව සලසා දුන්නේ තිපොන්ෂාන් තෝ​ෙහා්ජී කියන මහා නායක තෙරුන්.
සප්තපර්ණි ගල් ගුහාවේ තමයි ප්‍රථම ධර්ම සංගායනාව පැවැත්වූවේ. එම ස්ථානයත් බිම්බිසාර රජු සිර ගත කළ ස්ථානයත් සර්වඥයන් වහන්සේගේ ධාතු තැන්පත් කර සෑදූ චෛත්‍යයත් වේළුවනාරාමයත් ආදී බොහෝ ස්ථාන මෙහිදී දැක බලා ගත හැකිය.

ඒ වගේම මහා කාශ්‍යප තෙරුන් ධර්ම භාණ්ඩාගාරික ආනන්ද තෙරුන් අග්‍රශ්‍රාවක සැරියුත් සහ මුගලන් මහ තෙරවරුන් වැඩසිටි ස්ථානයන් මෙහිදී දැක බලා ගන්න පුළුවන්.
රජගහ නුවරට ළඟා විය හැකි පහසුම ගමන් මාර්ගය වන්නේ ගුවන් මගින් පැට්නාවලට ගිහින් එන එක. ඒත් බොහෝ අය බුද්ධගයාව වන්දනා කරලයි. රජගහ නුවරට එන්නේ. එතන දුර ප්‍රමාණය කිලෝ මීටර් 80ක් පමණ වෙනවා.





සටහන කුමාරි හේරත්


The Vulture Peak- the Buddha’s favorite retreat in Rajagaha.

The Vulture Peak, also known as the Holy Eagle Peak or Gádhrakúta, was the Buddha’s favorite retreat in Rajagaha and the scene for many of his discourses. Rajgir is Bihar, India. It is so named because it resembles a sitting vulture with its wings folded. India.

14/02/2021

·🔴උපුටා ගත්තකි🔴

බෞද්ධ කොඩිය

ෂඩ් වර්ණයෙන් යුත් බෞද්ධ කොඩියක් ඉතිහාසයේ ප්‍රථම වතාවට ඔසවනු ලැබුවේ 1885 අප්‍රේල් මස 28 වන දිනය.

මෙම කොඩිය, 1884 ජනවාරි 28 දින පිහිටවු බෞද්ධාරක්‍ෂක සභාව මගින්, 1885 මාර්තු 27 දින ලංකාණ්ඩුවේ ගැසට් පත්‍රයෙහි වෙසක් පොහෝ දින මින් පසු රජයේ නිවාඩු දිනයක් වශයෙන් ප්‍රකාශයට පත් කල ප්‍රීතිය නිමිත්තෙන් එළඹෙන වෙසක් පොහොය අති උත්කර්ෂවත් ලෙස පැවැත්වීම සදහා පත්කල දස දෙනෙකුගෙන් යුත් කමිටුව මගින් මෙම නිර්මාණය සම්මත කරගෙන ඇත. එම දස පුද්ගල කමිටුවේ...

01. පූජ්‍ය හික්කඩුවේ ශ්‍රි සුමංගල හිමි (සභාපති)
02. පූජ්‍ය මිගෙට්ටුවත්තේ ගුණානන්ද හිමි
03. දොන් කරෝලිස් හේවා විතාරණ (අනගාරික ධර්මපාලගේ පියා)
04. අන්දිරිස් පෙරේරා ධර්මගුණවර්ධන (අනගාරික ධර්මපාලගේ මව් පාර්ශවයේ මුත්තා)
05. විලියම් ද ආබෲ
06. චාර්ලිස් ඒ ද සිල්වා
07. පීටර් ද ආබෲ
08. එච්.විලියම් ප්‍රනාන්දු
09. එන්.එස්.ප්‍රනාන්දු
10. කරෝලිස් පූජිත ගුණවර්ධන (ලේකම්) යනාදි අයගෙන් සමන්විත වී ඇත.

තවද මෙහි නිර්මාතෘ වරයා පිළිබද විවධ මත ද පවතී. කොඩිය පිළිබඳ ප්‍රථම වතාවට කරුණු ප්‍රසිද්ධ කළ සරසවි සඳරැස පත්‍රයේ හෝ ඒ කාලයේ පළ වූ වෙනත් වාර්තාවක හෝ බෞද්ධ කොඩියේ නිර්මාතෘවරයා පිළිබඳ සඳහන් කිරීමක් නොමැත. නමුත් වෙසක් උත්සව කමිටුවේ ලේකම් ධූරිණ පූජිත ගුණවර්ධන මහතා බෞද්ධ කොඩියේ නිර්මාතෘ වශයෙන් පශ්චාත්කාලීන ලේඛනවල සඳහන් වේ.

මෙසේ නිර්මාණය වූ කොඩිය 1885 අප්‍රේල් මස 17 වන දින සරසවි සඳරැස් පත්‍රයෙන් පළමු වරට ප්‍රසිද්ධ කරන ලදී. පළමුව කොඩිය එසවීම කොළඹට තදාසන්න විහාරස්ථාන කිහිපයක එම වර්ෂයේ වෙසක් දිනයේ දී එනම් තිබූ අප්‍රේල් මස 28 වැනි දින සිදු කෙරිණි. ඒ අනුව කොටහේන දීපදුත්තාරාමය, මාළිගාකන්ද පිරිවෙන, පරමවිඥානාර්ථ මූලස්ථානය හුණුපිටිය ගංගාරාමය හා කැලණිය රජමහාවිහාරය යන ස්ථානයන්හි පළමුවෙන් බෞද්ධ ධජය ඔසවන ලද අතර පසුව ලක්දිව අනෙකුත් ස්ථානවල ද එසවීමට අවස්ථාව ලබාදුනි. 1885 දීම පළමුවතාවට සෑම නිවසකම එය එල්ලා ප්‍රදර්ශනය කිරීමට ද කටයුතු යෙදීය.

බෞද්ධ කොඩියට යොදන ලද දිග පළල ගැන ඕල්කොට් තුමාගේ ප්‍රසාදයක් නොවීය. එය අපේ පුරාණ කොඩි අනුව යමින් දිගටි හැඩේට නිර්මාණය කර තිබූ එකක් විය.ඒ අනුව එවකට පැවැති ඉංග්‍රීසි ධජයට සමාන ආකාරයෙන් එම ප්‍රමිතියට සකසන ලද බෞද්ධ කොඩිය පළමුවෙන් 1886 වෙසක් පුන් පොහෝ දින සිට භාවිතයට ගැනිණි. අද ද දක්නට ලැබෙන්නේ එලෙසින් සකසන ලද කොඩිය වේ.

1950 දී ලක්දිව දී පවත්වන ලද ලෝක බෞද්ධ සම්මේලනයේ දී එවකට එහි සභාපතිව සිටි ගුණපාල මලලසේකර ශූරින් විසින් ලක්දිව නිර්මාණය කළ බෞද්ධ කොඩිය ලෝක බෞද්ධ කොඩිය ලෙසින් පිළිගැනීමට කළ යෝජනාව ඒකමතිකව තීරණය කරනු ලැබූ අතර අද දක්වා ම එම අන්තර්ජාතික පිළිගැනීම එලෙසින් ම පවත්වාගෙන යනු ලැබේ.

බෞද්ධ කොඩිය නිර්මාණය වී ඇත්තේ නීල (නිල්) - පීත (කහපාට) - ලෝහිත (රතු පාට) ඔදාත (සුදු පාට) - මාංජෂ්ට (මදටිය පාට) - ප්‍රභාස්වර (සියලු පාටයන්ගේ එකතුව) යන වර්ණයන්ගෙන් යුත් තීරු සයකිනි. බුදුරජාණන්වහන්සේට ඇති වන අතිමාත්‍ර පී‍්‍රති සහගත අවස්ථාවන්හි බුදු සිරුරින් සවනක් රැස් විහිදෙයි. එම රැස් පදනම් කොට ඉහත සඳහන් වර්ණ හෙවත් පාට භාවිතා කොට ඇත. එම නිසා බෞද්ධ කොඩියෙන් පිළිබිඹු වන්නේ බුදුරජාණන් වහන්සේගේ සිරුරෙන් නික්මුණ රශ්මි මාලා ය. තව ද

* නිල් / නීල වර්ණය - (බුද්ධ ශරීරයේ කෙස් ලොම් ආදියෙන් විහිදී ගිය වර්ණය) මෙම වර්ණය තුළින් කරුණාව, විශ්ව කෙරෙහි පැතිරුණ මෛත්‍රීයත් සාමයත්,

* කහ / පීත වර්ණය - (බුද්ධ ශරීරයේ සම තුළින් විහිද ගිය වර්ණය) මෙම වර්ණය තුළින් මධ්‍යම ප්‍රතිපදාව, අන්තගාමිත්වයෙන් වැළකීම හා පිරිපුන් බව,

* රතු / ලෝහිත වර්ණය - (බුද්ධ ශරීරයේ ලේ මස් ආදිය තුළින් විහිදී ගිය වර්ණය) ආශිර්වාදාත්මක ප්‍රායෝගික කාර්යසාඵල්‍ය බව, ප්‍රඥාව, සදාචාරය හා උදාරත්වය‍,

* සුදු / ඕදාත වර්ණය - (බුද්ධ ශරීරයේ ඇට සහ දත් තුළින් විහිද ගිය වර්ණය) ධර්මයේ පාරිශුද්ධ බව කාලයට සහ අවකාශයට සීමා නොවූ අපරිමිත නිදහසත්,

* තැඹිලි / මංජේෂ්ඨ වර්ණය - (බුද්ධ ශරීරයේ අතුල්ල පතුල්ල සහ තොල් වලින් විහිදී ගිය වර්ණය) ප්‍රඥාව හා බෞද්ධ දේශනයත්,

* ප්‍රභාස්වර / වර්ණ පහේම එකතුව - සමන්විත තීරුව තුළින් එකම සත්‍යත් අර්ථ ගැන්වෙන බව දැක්වේ.

ශ්‍රී ලංකා ප්‍රමිති කෙටුම්පතේ ලක්දිව ස්වභාවිකව වැඩෙන මල්වර්ග කීපයකට ද බෞද්ධ කොඩියේ වර්ණය ගලපා තිබේ.

* නීල වර්ණය - නිල්මානෙල්,
* පීත - කිණිහිරියා මල්,
* ලොහිත - වදමල,
* ඕදාත - ඉද්ද හා සමන් මල් වලට ද ගැලපුම් කොට ඇත.

මෙහි හැඩය ඍජූකොණාශ්‍රාකාර විය යුතු වන අතර කොඩියේ දිග පළල 2 : 3 විය යුතු බවත් දිග මැනිය යුතුවන්නේ විල්ල ඇතුළත් නොවන පරිදි බවත් ප්‍රමිති කෙටුම් පතේ දක්වා තිබේ.

අප බුදුරජාණන් වහන්සේගේ කරුණාව, මෛත්‍රිය, මහා ප්‍රඥාව, උදාරත්වය සහ ධර්මයේ පාරිශුද්ධත්වය පිළිඹිබු කෙරෙන ෂඩ් වර්ණ බෞද්ධ කොඩිය බෞද්ධ විහරස්ථාන ඇතුළු බොදුනුවන්ගේ බිම්හි ලෙලදෙන්නට වී වසර 127 කි. එවකට විසූ පඬිවරුන්, උගතුන් හා සාඩම්බර බෞද්ධයන් විසින් මෙම ධජය නිර්මාණය කිරීමට අමතරව ඒ සඳහා ජාත්‍යන්තර පිළිගැනීමක්ද ලබා දෙන ලදී.

ඔවුන් විසින් එදා ඉටු කරන ලද මෙහෙවර සිහි තබාගෙන, ඔවුන් විසින් අපට උරුම කරදුන්, රැකදුන් සම්බුද්ධ ශාසනය දිවිහිමියෙන් රැකගැන්ම වත්මන් පරපුරේ යුතුකම මෙන්ම වගකීමද වෙයි.

06/01/2021

හුදකලා කර ඇති ප්‍රදේශවල හැර අන් සියලු ප්‍රදේශවල දහම් පාසල් ජනවාරි 17 වනදා සිට නැවත ආරම්භ කිරීමට හැකි බව බෞද්ධ කටයු.....

20/12/2020

ඓතිහාසික නාලන්දා ගෙඩිගෙය
=========================

මධ්‍යම පළාතේ මාතලේ දිස්ත්‍රික්කයේ නාවුල්ල ප්‍රාදේශීය ලේකම් කාර්යාලයේ නාලන්ද ග්‍රාමයේ පිහිටා තිබේ.
මෙය ගලින් නිමවූ ගොඩනැගිල්ලකි.
අත්තිවාරමේ සිට වහලය දක්වාම ගලින් නිමවූ නිසා මෙය ගෙඩිගෙය නමින් හැඳින්වේ.
මෙය ඉදිවන්නේ ක්‍රි.ව 8 වන සහ ක්‍රි.ව 10 වන සියවස තුල, දැනට අවුරුදු 1300 කට පෙර එවකට රජකළ මානවම්ම රජු විසින් පොලොන්නරු යුගයේ අවසාන භාගයේ ඉදිකරවන ලද්දක් බවට අනුමාන කරන බව විහාරය තුල දී ඔබට දැනගත හැකි වේ.

නමුත්,
මෙය අතීතයේ දී සූර්‍ය දේවාලයක් ලෙස සූර්ය නමස්කාරය පිනිස රාවණා රජුගේ දෙටු පුත් මේඝනාධ / ඉන්ද්‍රජිත් කුමරු විසින් ඉදිකරන ලද යැයි විශ්වාස කෙරේ.
පදනම් වී ඇති හේතුව වන්නේ,
පෘථිවියේ මධ්‍ය මණ්ඩලය පිහිටා තිබෙන්නේ ලංකා මාතාව තුල බැවින්,මුලු ලෝකයේම දෑස් අප යොමු වී තිබේ.
මෙය ලංකාවේ හරි මැද වන අතර, තවත් විදියකින් කිව්වොත් මෙම ගෙඩිගෙය පෘථිවියේ මධ්‍ය ලක්ෂයේ පිහිටා තිබෙන අතර,විශ්ව ශක්තිය ඒකරාශී කර ගැනීමේ අරමුණින් නිර්මාණය කරන ලදැයි විශ්වාස කෙරේ.

ඉන්දියාවේ රාමායණයට අනුව මහාබාලිපුරම් වල කදු මුදුනක පිහිටා තිබෙන මාබල්‍යය ශෙල්‍ය ට අයත් නිර්මාණ වලට සමානකමක් දක්වන බව පුරාවිද්‍යා දෙපාර්තමේන්තුව සදහන් කරයි.

මෙම ගෙඩිගෙය පල්ලව ගෘහ නිර්මාණ ශිල්පයට ගොඩනගා ඇති පලමු විහාරය ලෙස හදුන්වයි.
බාහිරින් බැලූ කල කෝවිලක ස්වරූපයක් දැකිය හැකි අතර,බාහිරින් ඡෙත්‍යක් සහ බෝධියක් ද පෙනෙන්නට තිබේ.
ගෙඩිගෙය ඇතුලත ඉදිරියෙන්ම ථේරවාදී බුදු පිළිම දෙකක් දැකිය හැකි අතර,දකුණු පසින් බෝධි සත්ව පිලිම දෙකක් ද, වම් පසින් ගණ දෙවි පිලිම දෙකක් ද දැක ගත හැක.
විද්වතුන් පවසන පරිදි ගෙඩිගෙයට ඇතුළු වන ස්ථානය අතීතයේ දී සූර්‍ය දේව ප්‍රතිමාවක්, බුද්ධ ප්‍රතිමාව වෙනුවට තිබී ඇත.
ථේරවාදී, මහායාන සහ හින්දු ආගම් තුනම සංකලනය කර නිමවූ විශේෂ විහාර භූමියක් ලෙස මෙය හදුන්වා දී ඇත.
තවද මෙහි ඉතා දුර්ලභ ඝනයේ මෛථුන්‍ය කැටයම සහ මානුෂික මිතුන කැටයම ඔබට දැකබලා ගත හැකිය.

තවද මෙහි ඇති කැටයම් වලින් පිටසක්වල යානා හැඩැති රෑප ඔබට දැකබලා ගත හැකි අතර, විද්වතුන් පවසන පරිදි වෙනත් ජීව කොට්ඨාශයක් ගේ ලෝක තල මේ ස්ථානයේ නිර්මාණය කර ඇති බවට සදහන් වේ.

H.C.T. බෙල් මහතා විසින් පුස්කොළ පොත් වල අන්තර්ගත කරුණු මගින් කල කැණීම් අනුව නාලන්දා ගෙඩිගෙය 1911 වර්ශයේ දී සම්පූර්ණයෙන්ම පොළව මතුපිටට පෙනෙන සේ පාදා ගැනීමට සමත් වේ.

නමුත්,
1970 දී මහවැලි අධිකාරිය බෝවතැන්න ජලාශයේ මිනුම් කටයුතුවල දී අඩි 27 ක් ගැඹුරට තිබූ මෙම ගෙඩිගෙය,ජලාශයට යට වීමට හේතු වූ බැවින් පුරාවිද්‍යා දෙපාර්තමේන්තුව විසින් ගෙඩිගෙය ඉතා සුක්ෂම ලෙස කොටස් කර, තිබූ ස්ථානයේම අඩි 27 ක් උසට පස් කඳු වේදිකාවක් මත තිබූ අයුරින්ම නැවත 1985 දී, සාදා නිම කරන ලදී.

ගෙඩිගෙය ගැලවීම සදහා පුරාවිද්‍යා දෙපාර්තමේන්තුවට වසර 4 ක කාලයක් ද, නැවත ප්‍රතිනිර්මාණය කිරීමට 9 වසරක වෙහෙසක් දරා ඇත.

පැරැන්නන්ගේ විශ්වාසය අනුව මෙහි විශ්ව ශක්තිය ගැබ්ව තිබූ බවද, නැවත ගොඩනැඟීම නිසා රට යම් පරිහානියකට පතවූ බවටද විශ්වාස කෙරේ.

නාලන්දා ගෙඩිගේ ශ්‍රී ලංකාවේ මද්ද්‍යා ලක්ෂයේ පිහිටා ඇත.
අක්ශාන්ස 7.6697 N
දෙශාන්ස 80.6459 E
අක්ශාන්ස සහ දෙශාන්ස රේකා දෙක කෙපෙන ස්ථානය
ශ්‍රී ලංකාවේ මද්ද්‍යා ලක්ෂය වේ
එම මද්ද්‍යා ලක්ෂයේ නාලන්දා ගෙඩිගේ ඉදි කොට ඇත. ලෝක සිතියමේ අංශක 23 1/2රේ ඇලය ඍජු වනසේ දකුණේ සිට වමට රෙකාවක් ඇන්දෝත් එය හරියටම නාලන්දා ගෙඩිගේ මතින් වැටේ.

උපුටා ගැනීම Travel පිටුවෙන්

20/12/2020

මුල්කිරිගල පුංචි සීගිරිය
======================

බෙලිඅත්ත - වීරකැටිය මාර්ග‍යේ මුල්කිරිගල හන්දි‍යෙන් මුල්කිරිගල - ඕකේවෙල මාර්ග‍යේ සැතපුමක් පමණ ගිය විට මුල්කිරිගල විහාරයට ප්‍ර‍වේශ විය හැකි ය. වීරකැටිය ප්‍රාදේශීය ‍ලේකම් ‍කොට්ඨාසයට අයත් වේ.
හම්බන්තොට දිස්ත්‍රික්කයේ මුල්ගිරිගල, මුල්කිරිගල, මුහුදුගිරි, මුවතිටිගල, මුලාගිරිය යන අන්වර්ථ නම්වලින් හැඳින්වෙන ලෙන් විහාර සංකීර්ණය පුංචි සීගිරිය නමින්ද ප්‍රචලිතව ඇත්තේ පර්වතයක් මත ඉදිව ඇති නිසා බව ඉතිහාසයේ සදහන් වේ. ක්‍රි.පූ. 2-3 සියවස්වලදී නිර්මාණය ඇරඹීයයි සිතන මෙහි නිර්මාතෘ පිළිබඳව විවිධ මත පවතී. ඇතැමෙකුට අනුව සද්ධාතිස්ස රජුන් මෙය කරවූ අතර, කාවන්තිස්ස රජු විසින් කරවූ මුහුදුගිරි විහාරය හෙවත් සමුද්‍රගිරි විහාරය මෙය බවටත් මත පවතිනවා. සද්ධාතිස්ස රජුන් දඩයමේ යනවිට හමු වූ වැද්දකු විසින් මේ ගල රජුට පෙන්වා මෙය විහාරයක් තැනීමට සුදුසුයයි කී බවද, “මූ කිව් ගල” යන ශබ්දයෙන් බිඳී පසුව මුල්කිරිගල වූ බව එක් කතාවෙක සඳහන්. මේ බව මුල්කිරිගල විහාරයේ ඇති එක් සිතුවමකද දැක්වෙනවා. එ‍මෙන් ම මෙම විහාරය හක්මණ උමංගල හා උමගකින් සම්බන්ධ බවත් නා ර‍ජෙකු විසින් නිර්මාණය කළ බවටත් ජනප්‍රවාද ‍වේ
මෙහි ඇති බුදුපිළිම හා ලෙන් විහාර දුටුගැමුණු, අග්බෝ, ධාතුසේන ආදී රජවරුන් විසින්ද, වළගම්බා රජුගේ අමාත්‍යයකු වූ මුලව විසින්ද කලින් කල කරවන්නට ඇතැයි සැලකේ. පසු කාලයේ වල් වැදී පවතිනවිට යළි සොයාගෙන ප්‍රතිසංස්කරණය කර ඇත්තේ කීර්ති ශ්‍රී රාජසිංහ රජුන්ය. මෙහි ඇති බෝධීන් වහන්සේ සඟමිත් තෙරණිය ගෙන ආ බෝධින් වහන්සේගේ දෙතිස්ඵලරුහ බෝධීන් අතුරින් එකක් බවට ජනප්‍රවාදයේ පැවතියත් බෝධි වංශයේ මේ ගැන සඳහන් නොවේ.ලන්දෙසි යුගයේදි සිරීපාදය සමග මෙය පටලවා ගත් කිතුණු භක්තික විදේශිකයන්, ආදම් සහ ඒවගේ සොහොන් මෙහි වේයයි සිතූ නිසා එකල මෙය ඔවුන් නිතර ආගිය තැනක් විය. (සිරීපාදෙත් පටලව ගත්තු එකේ..) විශාල සැතපෙන බුද්ධ ප්‍රතිමා වහන්සේ ආදම්යයි ලන්දේසීන් රැවටුණු අතර, ඔවුන් විසින් ලියන ලද පොත්වලද මේ බව දැක්වේ.මේ ලෙන් විහාර සංකීර්ණයට ලෙන් විහාර හතක් ඇතුළත්. මේ හැම ලෙනක්ම සුවිසල් සැතපෙන බුද්ධ ප්‍රතිමා වහන්සේ නමකගෙන් සහ බොහෝ ගණනක් හිඳි/හිටි පිළිමවලින් යුක්තයි. අතිශයින් රමණීය බිතු සිතුවම් ද විශාල සංඛ්‍යාවක් දැකිය හැකියි.මෙම සිතුවම් මහනුවර සම්ප්‍රදා‍යේ පහතරට ශෛලියේ සිතුවමින් අලංකාර කර ඇත. ගලෙහි ඉහළට නැගීමට පඩි 533ක් තිබෙනවා. බෝධීන් වහන්සේ ඇත්තේ මෙහි මුදුනෙයි.

උපුටා ගැනීමකි ..