News Lanka

24/09/2024

22/09/2024

ශ්‍රී ලංකාවේ 09 වන විධායක ජනාධිපතිවරයා ලෙස අනුර කුමාර දිසානායක වැඩි ඡන්දයෙන් තේරී පත්වෙයි.

22/09/2024

දකුණු පළාත් ආණ්ඩුකාර ධූරයෙන් ඉල්ලා අස්වීම පිළිබඳ ලිපිය අතිගරු ජනාධිපති රනිල් වික්‍රමසිංහ මැතිතුමා වෙත යවන ලදී.

ලක්ෂ්මන් යාපා අබේවර්ධන
2024.09.22

21/09/2024

අද (21) රාත්‍රී 10 සිට හෙට (22) අලුයම 6 වන තෙක් මුළු දිවයිනටම බලපැවැත්වෙන පරිදි ඇඳිරිනීතිය ප්‍රකාශයට පත් කර ඇත.

02/06/2024

මේ වන විට වාරිමාර්ග දෙපාර්තමේන්තුව මඟින් ගිං ඟග ආශ්‍රිත ගංවතුර අවධානම් තත්වයක් ප්‍රකාශයට පත් කර ඇති බැවින් ගිං ගඟ දෙපස පහත්බිම් වල වෙසෙන ජනතාව අවධානයෙන් පසුවන ලෙස ගාල්ල දිස්ත්‍රික් ලේකම් කාර්යාලය ඉල්ලිමක් කලේය

හදිසි ආපදා තත්වයකදී, 117 ක්ෂණික දුරකතන අංකයට හෝ හදිසි මෙහෙයුම් මධ්‍යස්ථානය - 0112136222 / 0112670002 අමතන්න.....

ගාල්ල දිස්ත්‍රික් ආපදා කළමණාකාර සහකාර අධ්‍යක්ෂ කාර්යාලය - 0912227315
නෙළුව ප්‍රාදේශිය ලේකම් - 0718616132
තවල⁣ම ප්‍රාදේශිය ලේකම් - 0713238194
නාගොඩ ප්‍රාදේශිය ලේකම් - 0777259626
නියාගම ප්‍රාදේශිය ලේකම් - 0710431796

නෙළුව පොලීසිය - 0718591470
හිනිඳුම පොලීසිය - 0718591469
උඩුගම පොලීසිය - 0718591471
නාගොඩ පොලීසිය - 0718591468
පිටිගල පොලීසිය - 0718591477

නෙළුව ප්‍රාදේශිය සභාව - 0774424752
තවලම ප්‍රාදේශිය සභාව - 0714176048
නාගොඩ ප්‍රාදේශිය සභාව - 0719991577
නියාගම ප්‍රාදේශිය සභාව - 0772518699

මීට අමතරව ඔබ පදිංචි ග්‍රාම නිළධාරී කොට්ඨාසයේ ග්‍රාම නිලධාරීතුමන් හෝ තුමිය වෙත ඔබට බලපා ඇති ආපදා තත්වය පිළිබඳව හැකි ඉක්මණින් දැනුවත් කරන්න. අනතුරුව ඔවුන් අදාළ අංශ දැනුවත් කර කඩිනමින් පහසුකම් සහ ඊට අදාළ ඉදිරි ක්‍රියාමාර්ග ගනු ලබනු ඇත.

ගාල්ල දිස්ත්‍රික් ලේකම් කාර්යාලයේ සහ දිස්ත්‍රික් අපදා කළමනාකරණ ඒකකයේ පණිවුඩයක්

02/06/2024

2024 ජුනි මස 03 දිනය සඳහා කාලගුණ අනාවැකිය

2024 ජුනි මස 02 දින මධ්‍යහන 12.00 ට නිකුත්කරන ලදි.

බස්නාහිර, සබරගමුව, මධ්‍යම, දකුණු සහ වයඹ පළාත්වල විටින් විට වැසි හෝ ගිගුරුම් සහිත වැසි ඇතිවේ.

බස්නාහිර සහ සබරගමුව පළාත්වලත්, ගාල්ල සහ මාතර දිස්ත්‍රික්කවලත් ඇතැම් ස්ථානවල මි.මී. 100 පමණ තද වැසි ඇතිවිය හැක.

දිවයිනේ සෙසු ප්‍රදේශවල සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇතිවිය හැක.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ.
(කා.වි.දෙ)

02/06/2024

කළු ගඟේ ජල මට්ටම ඉහළ යාම නිසා බුලත්සිංහල, මදුරාවල සහ පාලින්ද නුවර යන ප්‍රාදේශීය ලේකම් කොට්ඨාසවලට මහ ගංවතුර තත්ත්වයක් ඇති වීමේ අවදානමක් ඇති විය හැකි බවට වාරිමාර්ග දෙපාර්තමේන්තුව අනතුරු අඟවා තිබේ..

එම අනතුරු ඇඟවීම රතු වර්ණයෙන් යුතු නිවේදනයක් මගින් නිකුත් කර ඇති අතර, අනිසි බියක් ඇති කරගැනීමකින් තොරව එම ප්‍රදේශවල ජනතාව දැඩි අවධානයක් ඒ සම්බන්ධයෙන් යොමු කළ යුතු බවද එහි සදහන්ය

02/06/2024

ගං වතුරෙන් විපතට පත් ජනතාව බේරාගැනීම සඳහා යුද්ධ හමුදාව යෙදවීම සම්බන්ධ නිවේදනය

02/06/2024

අයහපත් කාලගුණය හේතුවෙන් හෙට(03) පාසල් නිිවාඩු.

31/12/2023

සද්ද නැති සුද්දෙ දෙන බද්ද
=====================
2024 / 01/ 01 ඉඳන් VAT එක 18% වැඩි කරගෙන tax file එකත් ඇරගෙන බදු ගෙවන අපි උබල ඔක්කොම මේ කතාව කියවන්නම වෙනව.

ඔය VAT එක ගෝඨා ආපු ගමන් අඩු කලා 8% ට එයා බලාපොරොත්තු උනාට පොඩි මිනිහට සත පහක වැඩක් උනේ නෑ. ව්‍යාපාරිකයෝ ගේම ගැහුවා. අන්තිමට ආර්ථික ඝාතකය කියලා අහගෙන ගියා. පස්සෙ රනිල් ලොක්කට IMF එකෙන් ණයක් දෙනවනම් ඕක 18% ගේන්න ඕන කිව්ව. ගෝටට වෙච්ච දේ තමන්ට කරගන්න ඕනේ නැති නිසා ලොක්ක ලෝස් නැතිව ඕක 18% ට ගේනව.

අමතක උනා VAT 0% තිබ්බ භාණ්ඩ 97කටත් මේක වදිනවා. ෆෝන් , පොත්, ඔය ලයිට් බිල අඩු කරගන්න කියලා හයිකරපු සෝල එකටත් 18% වදිනව. ලයිට් වතුර බිල්, පොල් තෙල් , පෙට්‍රල් ඩීසල් ඔක්කොටොම. දැනට VAT එක ගහලා නැත්තෙ ලැට් එකට විතරයි කියල තමයි සමහරු කියන්නෙ.

මට කියන්න ඕන උනේනම් මෙන්න මේ කතාව ...

* ලංකාවෙ සිමිත සමාගම් 105000 තියෙනව ඒකෙන් බදු ගෙවන්නෙ 30000 විතර. ඒ කියන්නෙ බිස්නස් කරන උන්ගෙන් 25% වත් බදු ගෙවන්නෙ නැහැ. උන්ගෙන් බදු අය කරගන්නෙත් නෑ

* මාසික ආදායම ලක්ෂයට වැඩි නම් බදු ගෙවන්න ඕන. එහෙම ලක්ෂ 88 මේ රටේ ඉන්නව. ඒ උනාට බදු ගෙවන්නෙ ලකශ 15 වගේ.

(කට්ට කාල ඉගනගත්ත දොස්තරල ඉංජිනේරව it field එකේ සහ ඔය විශ්වවිද්‍යාල ආචාර්යවරු , පුද්ගලික ආයතන සේවකයෝ වගේ අය තමයි ඒකත් ගෙවන්නෙ)

* ඔය තමන්ගෙ දේපල Rent කරල ආතල් එකේ මාසෙට ලක්ෂ 5 සිට 10 හොයන උනුත් ඔය ගොඩේ නැහැ. පොල් ඉඩම් තේ ඉඩම් තියාගෙන සැපේ ඉන්න එවුන් ගෙවන්නෙත් නෑ

* අපි ඔය VAT එක දසමෙට ගෙව්වට මහාප‍රිමාන ව්‍යාපරිකයෝ ඕක ආණ්ඩුවට හරියට ගෙවන්නෙ නැහැ. ඔය බදු උපදේශක කියලා බෝඩ් ගහගෙන ඉන්නේ උන් තමයි බදු හොරකම් කරන්නේ කොහොමද කියලා උන්ට කියලා දෙන්නේ.

කෝටි 400ක් වංචා කරපු දකුණු ආසියාවෙ ලොකුම VAT බදු වංචාකාරය බිහිවෙන්නෙත් ලංකාවන්. උගෙ නම මොහොමඩ් කානිල් අදටත් හොයා ගන්න නැහැ

* කොළඹ නගරයේ විතරක් ෆිල්ම් හෝල් 35 ක් තියෙනව. උබල අපි නයට ෆිල්ම් බලන්නෙ නැහැනෙ. ඒ උනාට උන් කෝටි 35 ක් බදු ගෙවල නැහැ අරගනනෙත් නැහැ

* අරක්කු කම්පැනි 7 වගේ ලංකාවෙ තියෙන්නේ. බිලියන 7 ක් බදු ගෙවල නැහැ. අරගෙනත් නැහැ .මිනිස්සු ණයට බොන්නෙත් නෑ.

* RMVඑකේ උන් වාහන මේ වසරෙ විතරක් 400 ක් හොරෙන් ලියාපදිංචි කරල බදු ගෙවන්නෙ නැහැ

* දේශපාලනික හිතවත් GB බිලියන 700 ක රාජ්‍ය බැංකු දෙකට පොල්ල තියලා.ඒව බොල් ණය කරලා උන්ව නිදහස් කරල තියෙන්නෙ

* හැම අවුරුද්දෙම ආයතන 17 ක් සීනි බදු වංචාව කරනවා. කෝටි 9000 විතර මේ අවුරුද්දෙත් දුන්න ගේම . හාල් , ලූනු , පරිප්පු ඒ ඔක්කොමගෙ එකම කතාව

* කළුගල් මුදලාලිල 93 දෙනෙක් කෝටි 30 ක් බදු ගෙවල නෑ

* බදු දීපු රජයෙ ඉඩම් වලින් කෝටි 24 ක් බදු අරගෙන නැහැ

* වැවිලි සමාගම් හතකින් බදු මුදල් කෝටි 83 ක් අරගෙන නැහැ

* කැසිනෝ ව්‍යාපාරිකයෝ දෙන්නෙක් විතරක් කෝටි 44ක බදු ගෙවලා නෑ. කෝටි 155 දඩ මුදල් එකතුකරල නැහැ

මේව ලියල ඉවරකරන්නත් බැහැ ඒ තරමට මහා පරිමාණ පෝසතුන් සහ නිලධාරීන් දේශපාලකයන් එකතුවෙලා මේ බදු වංචාවල් කරනව. ඉතිං අපි රට හදන්න කියල වේලක් නොකා හරි බද්ද ගෙවන්න වෙනව.

ඉහිං syatem එකක් නැද්ද මේ හොරකමට එරෙහිව කියල හිතුන. බදු එකතු කරන්න ආයතන 42 සම්බන්ද කරන්න බිලියන 8 ක් දීල "රුමිස් කියල පරිගණක" පද්ධතියක් හයි කරනවා. අදටත් ඒකෙන් වැඩක් අරගෙන නැහැ . උබල හිතනවද ඔය වරායෙ, දේශීය ආදායම් එකේ සුරාබදු එකේ උන් ඕක කරන්න දෙයි කියල.

ලෝකෙ මුලින්ම කරන්න මහා ධනවතුන් ගෙන් බදු එකතු කරන එක. අපේ කරන්නෙ බඩගින්නට බඩ ඉරිඟු කන 56,000ක් දරුවො මන්දපෝෂණයෙන් ඉන්න රටක දුප්පත්ම එකාගෙ බත් පතේ ඉදන් බදු ගහන එක.
අන්තිමට කරන එක මුලින් කරල

මේ බදු වංචාවන් කරන්නෙ දේශපාලනයට වඩා බලධාරීන් සහ නිලධාරීන්. මුන්ට විරුද්දව නීති සම්මත කරල දඩුවම් දීල ක්‍රියාත්මක වෙන්න පුළුවන් කොන්ද පණ තියෙන නායකයෙක් එක්ක බහුතර බලයක් තියෙන පාර්ලිමේන්තුවක් එනකං අපි උඹලට තව තවත් බදු ගෙවන්න වෙයි.

30/12/2023

භූ චලනයෙන් ශ්‍රී ලංකාවට සුනාමි අවධානමක් නොමැත - ජාතික සුනාමි පූර්ව අනතුරු ඇගවීමේ මධ්‍යස්ථානය

02/10/2022

රංගන ශිල්පී දර්ශන් ධර්මරාජ් (41) අභාවප්‍රාප්ත වෙයි

08/09/2022

එලිසබෙත් මහ රැජිණ මීට සුලු මොහොතකට පෙර මෙලොවින් සමුගෙන ඇති බව බකිංහැම් මාලිගාව තහවුරු කරයි...!

Rest In peace

13/08/2022

ලබන සතියේ සිට දින පහම පාසල් පැවැත්වේ

05/08/2022

ලබන බ්‍රහස්පතින්දා(11) නිවාඩු දිනයක් බැවින් ලබන සඳුදා,අඟහරුවාදා හා බදාදා පාසල් පැවැත්විය යුතුය.
-අධ්‍යාපන අමාත්‍යංශය

05/08/2022

'මන්කි පොක්ස්'

වසංගත අවදානමට - දැනුම් සූදානම!!

මෑතක් වන තෙක්ම මධ්‍යම සහ බටහිර අප්‍රිකානු කලාපයේ පමණක් දක්නට ලැබුණු, බෝවන රෝගයක් වන 'මන්කි පොක්ස්' තත්වය ලොව විවිධ රටවල් ආක්‍රමණය කරමින් පැතිර යන්නට පටන්ගත් අවස්ථාවේ දී ම, ඒ පිළිබඳව මූලික කරුණු ඔබ වෙතගෙන එන්නට අප කටයුතු කලා.

රටවල් 75 කට පමණ ඉතා ඉක්මනින් මෙම රෝගයේ පැතිරීමත්, තහවුරු කල මරණ පහක් සමගින් 16,000කටත් වඩා රෝගීන් සංඛ්‍යාවක් වාර්තා වීමත් සමඟම ලෝක සෞඛ්‍ය සංවිධානය මෙය 'ගෝලීය මහජන සෞඛ්‍ය හදිසි තත්වයක්' (Public Health Emergency of International Concern) ලෙස ප්‍රකාශයට පත් කරන්නට කටයුතු කලා. අප රටෙන් තවම රෝගීන් වාර්තා වී නැතත් , ලංකාව අවට රටවල් කිහිපයකටම 'මන්කිපොක්ස්' ඇතුලු වී ඇති අවස්ථාවක නැවත වතාවක් ඔබේ දැනුම මෙලෙස යාවත්කාලීන කිරීම වැදගත් වනු ඇතැයි අප විශ්වාස කරනවා.

'මන්කි පොක්ස්' ආසාදිත පුද්ගලයෙකු සමඟ ඉතා සමීප ආශ්‍රය හරහා නිරෝගී අයෙකුගේ සිරුරට වෛරසය ඇතුලු විය හැකියි. රෝගය නිසා ඇතිවන බිබිලි හා තුවාලවල , අනෙකුත් ශාරීරික තරලවල, අසාදිත ශ්වසන බිඳිතිවල මෙන්ම ආසාදිතයා මෑතක දී භාවිතා කල ඇඳ ඇතිරිලි වැනි දෑ වලත් වෛරසය අඩංගු විය හැකි බව සඳහන්. එනමුත් මෙය ලිංගිකව සම්ප්‍රේෂණය වන රෝගයක් නොවේ.

උණ, වසාගැටිති ඉදිමීම, මස් පිඩු වේදනාව, ශරීරයේ දැඩි විඩාපත්බව සමග , ඇතිවන බිබිලි මෙහි දී රෝග ලක්ෂණ ලෙස දක්නට ලැබෙනවා. ආසාදිතයෙකුට නිරාවරණය වී දින 5 - 21 කාලයක් රෝග ලක්ෂණ පහළ වීමට ගතවිය හැකියි.

සාමාන්‍යෙයෙන් උණ ඇති වී දින 1-3 ගත වනවිට බිබිලි හටගැනීම සිදුවන අතර ප්‍රධාන වශයෙන් මුහුණත් දෑත් සහ පතුල්වලත් මේවා දකින්නට ලැබෙනවා. එමෙන්ම මුඛය, ලිංගික ප්‍රදේශ සහ ඇස් ආශ්‍රිත ශ්ලේෂ්මල වලත් වේදනාකාරී බිබිලි / තුවාල හටගන්නා අවස්ථා තිබෙනවා. මුලින්ම පැල්ලම් ලෙස මතුවී, බිබිලි , ගැටිති සහ දිය පට්ටා හෝ සැරව බිබිලි බවට පත්වෙන මෙම කුෂ්ඨ සුව වන විට සම මතුපිට කබොල්ලක් සෑදෙන අතර ඒවා ද සම්පූර්ණයෙන් හැලී යෑමෙන් පසුව ආසාදනය සුව වී ඇති බව නිගමනය කල හැකි වනවා. මෙම රෝග ලක්ෂණ, පැපොල / අත් - පා - මුඛ රෝගය වැනි සුලබ වෛරස ආසාදන වලදීත් දැකිය හැකි නිසා නොපමාව වෛද්‍ය උපදෙස් ලබාගැනීම මෙන්ම , රෝග ලක්ෂණ ඇති වූ වහාම අන් අයගෙන් වෙන් වී සිටීමත් ඉතා වැදගත්.

'මන්කි පොක්ස්' සාමාන්‍යයෙන් සති 2-4 කාලයකින් ඉබේ සුවපත්වන (Self limiting) රෝගයක් වුවත් , ප්‍රතිශක්ති ඌණතා සහිත පුද්ගලයින්ට සහ කුඩා දරුවන්ට සංකූලතා ඇති වීමේ අවදානමක් පවතිනවා. මේ වනවිට මෙම වසංගතයේ මරණ අනුපාතය ගණනය කර ඇත්තේ 3 -6 % ලෙසයි. එමෙන්ම මෙම රෝගය බෝවීමේ වේගය, පැපොල / සරම්ප වැනි වෛරස් රෝග බෝවීමේ වේගය හා සැසඳූ කල ඉතා අඩු අගයක් බව දැක්වෙනවා.

පවත්නා අර්බුදකාරී වාතාවරණය හමුවේ මේ වසංගත අභියෝගයත් කෙලෙස හෝ ජයගැනීමට අපට සිදු වෙනවා. ඒ සඳහා අප විසින් ලබා දෙන මහජන සෞඛ්‍ය මාර්ගෝපදේශ අනුගමනය කරමින් උපරිම සහයෝගය ලබා දීමට පුරවැසි ඔබ කටයුතු කරනු අතැයි අප බලාපොරොත්තු වෙනවා.

04/08/2022

කොවිඩ් වසංගතය පැතිරයාම වැලැක්වීම සඳහා සාමාන්‍ය සේවා බස්රථවල ආසන ගණනට පමණක් මගීන් ප්‍රවාහනය කිරීමට රජය විසින් ගත් තීන්දුව අනුව 2020/11/11 දින සියයට විස්සකින් (20%) බස්ගාස්තු වැඩි කරන ලදී. බස්රථවල ගමන්ගන්නා මගීන් ගේ ඉල්ලීම් සහ ඉන්ධන හිඟය හේතුවෙන් බස් කර්මාන්තකරුවන් මුහුණදී සිටින අපහසුතා සලකා, සියයට විස්සකින් වැඩි කරන ලද සාමන්‍ය සේවා බස්රථවල ප්‍ර‍වේශ පත්‍ර ගාස්තුවෙන්, සියයට දහයක් (10%) මේ අවස්ථාවේදී ඉවත් කිරීම (අඩු කිරීම) සඳහාත්, 2022/08/01 දින ඩීසල් ලීටරයක මිල රු.10/- කින් අඩුවීම මත ගණනය කරන ලද සියයට එකයි දශම එකයි හතරකින් (1.14%) සාමාන්‍ය සේවා බස්ගාස්තු අඩුකිරීම සඳහාත් ගරු ප්‍රවාහන හා මාහාමාර්ග අමාත්‍යතුමා විසින් අනුමත කර ඇත.
ඒ අනුව සාමාන්‍ය සේවා බස්රථ වල බස්ගාස්තු සියයට එකොළහයි දශම එකයි හතරකින් (11.14%) අඩුවන අතර එම නව බස්ගාස්තු 2022/08/05 දින 00.01 පැයේ සිට ක්‍රියාත්මක වේ. එදින සිට ශ්‍රී ලංකා ගමනාගමන මණ්ඩලය විසින් ධාවනය කරනු ලබන බස්රථ හා ජාතික ගමනාගමන කොමිෂන් සභාව සහ පළාත් මාර්ගස්ථ මගී ප්‍රවාහන සේවා අධිකාරී විසින් නිකුත් කළ වලංගු මගීසේවා අවසරපත්‍ර යටතේ ධාවනය වන පෞද්ගලික බස්රථ වල ක්‍රියාත්මක විය යුතු සාමාන්‍ය සේවා ගාස්තු අවස්ථා 350 ට අදාළ වන ගාස්තු චක්‍රය සහ අන්තර් පළාත් බස් සේවාවල සම්පුර්ණ බස්ගාස්තු , බස් රථවල ගමන් ගන්නා මගීන්, බස්රථ හිමිකරුවන්, බස්රථ වල සේවය කරන සේවක කණ්ඩායම්, බලධාරීන් සහ අනෙකුත් සියළුම මහජනතාවගේ කාරුණික අවධානය සඳහා පහත දක්වා ඇත.

සැලකිය යුතුයි :- නමුත් කොවිඩ් වසංගතය පැතිරයාම වැලැක්වීම සඳහා සියයට විස්සකින් (20%) බස්ගාස්තු වැඩි කරන ලද්දේ සාමාන්‍ය සේවා බස්රථ වල පමණක් වන හෙයින් සහ ඩීසල් මිල අඩුවීම මත සියයට එකයි දශම එකයි හතරකින් වැනි සුළු අගයකින් බස්ගාස්තු අඩුවන බැවින් අනෙකුත් බස් සේවා වල (අර්ධ සුඛෝපභෝගී, සුඛෝපභෝගී, අධි සුඛෝපභෝගී, අධිවේගී මාර්ගවල අධි සුඛෝපභෝගී) ධාවනය වන බස්රථ වල බස්ගාස්තු මේ අවස්ථාවේදී අඩුවීමක් සිදු නොවේ.

අනුමත ප්‍රමාණයට වඩා මගීන්ගෙන් ගාස්තු අය කරන බස් ධාවකයින් පිළිබඳව නීත්‍යානුකූල පියවර ගැනීමට කටයුතු කරනු ඇත.