https://www.facebook.com/103913401298900/

Theervu TV Sri Lanka, Sainthamaruthu, Kalmunai (2024)

29/11/2023

சம்மாந்துறையில் ஆண் ஒருவரின் சடலம் மீட்பு!

சம்மாந்துறை பொலிஸ் பிரிவுக்கு உட்பட்ட கந்தன் வெளிக் கண்டத்தில், ஓட்டையன் மடு வயல் பிரதேசத்தில் ஆண் ஒருவரின் சடலம் ஒன்று இன்று(29) காலை காணப்பட்டது.

கடந்த 03 நாட்களாக வயலுக்கு வருகை தந்தவர் வீடு திரும்பவில்லை என்று உறவினர் தெரிவிக்கின்றனர்.

இந்நிலையில் இன்று காலை சம்மாந்துறை கந்தன் வெளிக் கண்டத்தில், ஓட்டையன் மடு வயல் பிரதேசத்தில் சடலம் ஒன்று கிடப்பதாக தகவல் கிடைத்துள்ளது. இதன் பின்னர் உறவினர் வந்து அடையாளம் காட்டியுள்ளனர்.

இவ்வாறு உயிரிழந்தவர் காரைதீவு பிரதேசத்தை பிறப்பிடமாகவும் தபால் வீதி, குறுமன்வெளி களுவாஞ்சிக்குடி பிரதேசத்தை வசிப்பிடமாகவும் கொண்ட செல்வநாயகம் சதீஸ்கரன் (41 வயது) என அடையாளம் காணப்பட்டுள்ளார்.

சம்மாந்துறை நீதவான் நீதிமன்ற நீதிபதியின் உத்தரவுக்கு அமைய பிரதேச திடீர் மரண விசாரணை அதிகாரி அப்துல் ஹமீட் அல்-ஜவாஹிர் அவர்கள் ஸ்தலத்திற்கு விரைவாக வருகை தந்து சடலத்தை பார்வையிட்டதுடன் உடற்கூராய்வு பரிசோதனைக்காக அம்பாறை பொது வைத்தியசாலைக்கு சடலத்தினை அனுப்பி வைத்தார். மேலதிக விசாரணைகளை சம்மாந்துறை போலீசார் மேற்கொண்டு வருகின்றனர்.

17/11/2023

கமு / கமு அல்- ஹிலால் வித்தியாலயம் சாய்ந்தமருது.

2023 இல் நடைபெற்ற தரம் - 05 புலமைப் பரிசில் பரீட்சை பெறுபேறுகள்.
கடந்த 2022 ம் ஆண்டு நடைபெற்ற தரம்-05 புலமைப் பரீட்சையில் 246 மாணவர்கள் பரீட்சைக்குத் தோற்றி அதில் 44 மாணவர்கள் வெட்டுப் புள்ளிகளுக்கு மேல் பெற்றனர். இது வெட்டுப் புள்ளிகளுக்கு மேல் பெற்ற மாணவர்களின் 18% ஆகும்.

2023 அதாவது இந்த வருடம் நடைபெற்ற தரம் - 05 புலமைப் பரிசில் பரீட்சையில் 212 மாணவர்கள் தோற்றி வெட்டுப் புள்ளிகளுக்கு மேல் 31 மாணவர்கள் கிடைத்துள்ளனர். இது மொத்த மாணவர்களில் 15% ஆகக் காணப்படுகின்றது.

கமு / கமு அல்- ஹிலால் வித்தியாலயம் சாய்ந்தமருது. பாடசாலையில் Abul Hakkam Rameez Mohamed Rahmi எனும் மாணவன் 184 புள்ளிகளைப் பெற்று சாதனைபடைத்துள்ளார். இம் மாணவன் பெற்ற புள்ளியானது சாய்ந்தமருது கோட்ட மட்டத்தில் 1ம் இடத்தினையும் கல்முனை கல்வி வலயத்தில் 2ம் இடத்தினையும் பெற்றுள்ளது குறிப்பிடத்தக்க விடயமாகும்.

70 புள்ளிகளுக்கு மேல் பெற்று சித்தியடைந்துள்ள அனைத்து மாணவர்களையும் அதிபர், பிரதி அதிபர், உதவி அதிபர், பகுதித் தலைவர்கள், ஆசிரியர்கள், பாடசாலையின் சமூகம் சார்பாக வாழ்த்துக்களைத் தெரிவித்துக் கொள்கின்றனர் .

15/11/2023

தென்கிழக்கு பல்கலைகழக ஊடக பிரிவுக்கு புதிய நிர்வாகிகள் நியமனம்..!

தென்கிழக்கு பல்கலைகழக ஊடக பிரிவுக்கு புதிய நிர்வாகிகள் பல்கலைகழக உப வேந்தர் பேராசிரியர் ரமீஸ் அபூபக்கரினால் நியமனம் செய்யப்பட்டுள்ளது.

பல்கலைகழக ஊடக பிரிவின் இணைப்பாளராக சிரேஷ்ட விரிவுரையாளர் கலாநிதி எப்.எச்.ஏ.ஷிப்லி, செயலாளராக தென் கிழக்கு பல்கலைக்கழக கணக்காய்வு உதவியாளர் எஸ்.எம். கலீல் ஆகியோர் நியமனம் செய்யப்பட்டுள்ளனர்.

அத்துடன் ஊடக பிரிவுக்கு உறுப்பினர்களாக சிரேஷ்ட விரிவுரையாளர் எம்.எம்.எம். சிராஜ், விரிவுரையாளர் எம் அப்துல் ரஸாக், விரிவுரையாளர் சதீக்கா பர்வீன், விடுதி பொறுப்பாளர் ஆர். ரிஸானா, சிரேஷ்ட நூலக உதவியாளர் சீ.எம்.ஏ. முனாஸ், ஆய்வு கூட உதவியாளர் எம் வை அமீர், உட்பட பல்கலைக்கழக மாணவர் சார்பில் எம்.ஏ. ஸீம் பிஸ்தி (கலை கலாச்சார பீடம்), டி.எம்.வை. லசித் (பொறியியல் பீடம்), இஸட்.எஸ்.எஸ். குணரத்ன (தொழிநுட்ப பீடம்) ஆகியோரும் ஊடக பிரிவின் உறுப்பினர்களாக நியமிக்கப்பட்டுள்ளனர்.

பல்கலைகழக ஊடக பிரிவினை பலப்படுத்தி மாணவர்களை ஒன்றிணைத்து எதிர்காலத்தில் சிறப்பாக பெறுபேறுகளை மக்கள் முன் கொண்டு செல்ல ஆக்கபூர்வமான திட்டங்கள் குறித்து விஷேட கலந்துரையாடலும் உபேவேந்தர் தலைமையில் இடம்பெற்றமை குறிப்பிடத்தக்கது.

01/11/2023

எதிர்வரும் எந்தத் தேர்தல் வந்தாலும் அதில் போட்டியிட தான் தயார் சல்மான் பாரிஸ் காட்டம்.

எதிர்வரும் எந்த தேர்தலாக இருந்தாலும் அதில் தனது தலைமையிலான குழு ஒன்று போட்டியிட போவதாகவும் தற்போது உள்ள கட்சிகள் பயந்து ஓடும் அளவுக்கு எதிர்கால ஆட்சி அமையப் போவதாகவும் பொது சுகாதார பரிசோதகர் சல்மான் பாரிஸ் தெரிவித்துள்ளார்

இது தொடர்பாக ஊடகங்களுக்கு கருத்து தெரிவித்த அவர், இவ்வளவு காலமும் மக்களை மடையர்களாக்கும் தேர்தல் நடவடிக்கைகளை மாத்திரம் மேற்கொண்டு எமது கல்முனை மாநகர சபையை ஆட்சி செய்யும் ஊழல்வாதிகள் முற்றாக ஒழிய வேண்டும் என்பதாகும் கலப்படமற்ற தூய்மையான இளைஞர்கள் எதிர்காலத்தில் தேர்தலில் போட்டியிட தயாராக இருப்பதாகவும் அவர் தெரிவித்தார்

தன்னை மேலும் சூடாக்கி எதிர்வரும் தேர்தலில் உங்களை போட்டியிடாத அளவுக்கு மாற்ற வேண்டாம் என்பதாகவும் ஜனநாயக தேர்தல் ஒன்றையே தான் எதிர்பார்ப்பதாகவும் அவர் தனது ஊடக அறிக்கையில் மேலும் தெரிவித்தார்.

31/10/2023

Breaking News:
இன்று நள்ளிரவு முதல் எரிபொருள் விலையில் மாற்றம்!

Petrol 92 reduced by Rs.9 per litre to Rs.356
Octane 95 increased by Rs.3 to Rs.423
Auto Diesel increased by Rs.5 to Rs.356
Super Diesel increased by Rs.10 to Rs.431
Kerosene increased by Rs.7 to Rs.249
31.10.2023

31/10/2023

#அம்பாறை மாவட்ட கல்விசார ஊழியர்கள் எதிர்கொள்ளும் பிரச்சினை தொடர்பில் அகில இலங்கை கல்விசாரா ஊழியர் சங்கத்துடன் விசேட சந்திப்பு

அகில இலங்கை கல்விசார் கல்விசாரா ஊழியர் சங்கம் மற்றும் அகில இலங்கை ஐக்கிய கல்விச்சங்கங்களின் பிரதிநிதிகளுக்கும், அம்பாறை மாவட்ட கல்விசாரா ஊழியர்கள் சங்கத்திற்கிடையில் இவ் ஊழியர்கள் எதிர்நோக்கும் பிரச்சினைகள் தொடர்பிலான விசேட சந்திப்பு சனிக்கிழமை (28) நிந்தவூர் அட்டப்பளத்திலுள்ள தனியார் விடுதியில் நடைபெற்றது.

அம்பாறை மாவட்ட கல்விசாரா ஊழியர் சங்கத்தின் செயலாளர் ஐ.ஏ.சிறாஜ் தலைமையில் நடைபெற்ற இச்சந்திப்பில், அகில இலங்கை கல்வி சார் கல்வி சாரா ஊழியர் சங்கத்தின் பொதுச்செயலாளர் தேஷபந்து மத்தும பண்டார, அகில இலங்கை ஐக்கிய கல்விச் சங்கத்தின் தலைவர் குமுது கட்டுப்பொலகே உட்பட சங்கத்தின் நிறைவேற்று உறுப்பினர்கள் மற்றும் கல்விசாரா ஊழியர்களும் கலந்து கொண்டனர்.

மாகாண பாடசாலைகளில் இல்லாமல் ஆக்கப்பட்ட பதவிகள் மீண்டும் உருவாக்கப்பட்டு நியமனம் வழங்கப்படல், கல்விசாரா ஊழியர்களின் கடமை நேரங்களில் காவலாளி தவிர்ந்த ஏனையோருக்கு நேர மாற்றம் கொண்டு வரப்படல், கஸ்டப்பிரதேசம் மற்றும் அதிகஷ்ட பிரதேசங்களில் பணி புரியும் ஊழியர்களுக்கு விசேட கொடுப்பனவு வழங்கப்படல் போன்ற பத்து அம்சங்களை உள்ளடக்கிய மகஜர் இரண்டு சங்கத்திடமும் இதன்போது ஒப்படைக்கப்பட்டது.

கல்வி அமைச்சர், கிழக்கு மாகாண ஆளுநர், மாகாண கல்விப்பணிப்பாளர் ஆகியோரை உடனடியாக சந்தித்து இவ்வாறான சகல பிரச்சினைகளுக்கு தீர்வினை பெற்றுத்தருவதற்கு இவர்களின் அனுமதியினை பெற்றுள்ளோம், அதனடிப்படையில் அவர்களை சந்தித்து கல்விசார ஊழியர்கள் எதிர்நோக்கும் சகல பிரச்சினைகளுக்கும் நிரந்தர தீர்வை பெற்றுத்தருவோம். இச்சந்திப்பில் சாதகமான முடிவுகள் எட்டாப்படாதவிடத்து நாடு பூராவும் உள்ள கல்விசார ஊழியர்களை ஒன்றினைத்து கொழும்பில் பாரிய ஒரு ஆர்ப்பாட்டம் ஒன்றினை செய்வதற்கு திட்டமிட்டுள்ளோம் என்று அகில இலங்கை கல்வி சார் கல்வி சாரா ஊழியர் சங்கத்தின் பொதுச்செயலாளர் தேஷபந்து மத்தும பண்டார தனதுரையில் தெரிவித்தார்.

19/10/2023

கல்முனை பிராந்திய சுகாதார சேவைகள் பிரதிப் பணிப்பாளர் டாக்டர். சஹிலா இஸ்ஸதீன் நியமனம்.

சாய்ந்தமருது பிறப்பிடமாக கொண்ட டாக்டர். சஹிலா இஸ்ஸதீன் கல்முனை பிராந்திய சுகாதார சேவைகள் பிரதிப் பணிப்பாளராக இன்று (19) கல்முனை பிராந்திய சுகாதார சேவைகள் பணிப்பாளர் பணிமனையில் தனது கடமைகளை பொறுப்பேற்றுக் கொண்டார்.

மருத்துவ துறையில் சுமார் முப்பத்தைந்து
(35) வருட சேவைக் காலத்தை கொண்ட இவர் சாய்ந்தமருதின் முதலாவது பெண் எம்.பி.பி.எஸ் மருத்துவ கலாநிதியும், மருத்துவ நிர்வாகத்துறையில் முதலாவது முஸ்லிம் பெண் நிர்வாக உத்தியோகத்தர் என்பதுடன் கல்முனை பிராந்திய மருத்துவ சேவைகள் அதிகாரியாக கடமையேற்ற முதலாவது பெண் இவரே என்பது சிறப்பம்சமாகும்.

சாய்ந்தமருது வைத்தியசாலை, சாய்ந்தமருது சுகாதார வைத்திய அதிகாரி,
கல்முனை அஷ்ரப் ஞாபகார்த்த வைத்தியசாலை மற்றும் நிந்தவூர் தள வைத்தியசாலை ஆகியவற்றில் கடமையாற்றியதுடன் நிறுவனம் சார்பான போட்டிகளில் பங்கு பற்றி பல வெற்றிகளைப் பெற்றவர் என்பதும் குறிப்பிடத்தக்கதாகும்.

சாய்ந்தமருது முன்னாள் மரண விசாரணை அதிகாரி மர்ஹும் ராசிக் காரியப்பரின் புதல்வியும், கல்முனை பிராந்திய சுகாதார சேவைகள் பிரதிப் பணிப்பாளர்
கடமையாற்றி ஓய்வுபெற்ற டாக்டர். ஏ. இஸ்ஸதீன் அவர்களின் மனைவியும் ஆவார்.

இந்நிகழ்வில் கல்முனை பிராந்திய சுகாதார சேவைகள் பணிப்பாளர் டாக்டர் ஐ.எல்.எம். றிபாஸ் உட்பட வைத்திய அதிகாரிகள், உத்தியோகத்தர்கள் என பலரும் கலந்து கொண்டனர்.

10/10/2023

கிழக்குப் பல்கலைக்கழக பட்டமளிப்பு விழா நிறைவு.

இலங்கை கிழக்குப் பல்கலைக்கழகத்தின் வருடாந்தப் பொதுப் பட்டமளிப்பு விழா வந்தாறுமூலையில் அமைந்துள்ள பல்கலைக்கழக பிராதான வளாக நல்லையா மண்டபத்தில் ஒக்டோபர் 7ம் மற்றும் 8ம் திகதிகளில் வெகு சிறப்பாக நடந்தேறியது.

உபவேந்தர் பேராசிரியர் வல்லிபுரம் கனகசிங்கம் அவர்களின் நெறிப்படுத்தலில் நடைபெற்ற இப்பட்டமளிப்பு விழாவில் கலாநிதிப் பட்டம், பட்டப்பின்படிப்பு பட்டங்கள், உள்வாரி மற்றும் வெளிவாரி பட்டங்கள் என 1760 பட்டங்கள் உறுதி செய்யப்பட்டன.

கிழக்குப் பல்கலைக்கழக வேந்தர் ஓய்வுபெற்ற பேராசிரியர் மா.செல்வராஜா தலைமைதாங்கிய இப்பட்டமளிப்பு விழாவில், வேந்தரால் பட்டங்கள் உறுதி செய்ததுடன் பட்டதாரிகளுக்கான பட்டங்களும் வழங்கி வைக்கப்பட்டன.

பட்டமளிப்பு விழாவின் இரண்டாம் நிகழ்வில் இலங்கை, மாலைதீவு மற்றும் தென் ஆசியாவிற்கு உரித்தான உலக வங்கியின் முன்னனி பொருளியலாளரும் மனித அபிவிருத்திக்கான தலைவருமான பேராசிரியர் கர்ஷ அத்துருபனே பிரதம விருந்தினராக கலந்து சிறப்பித்தார்.

மேளவாத்தியங்கள் மற்றும் பல்ககைலைக்கழக மாணவர்களின் கலைகலாசார நிகழ்வுகளுடன், அனைத்து பட்டதாரிகளும் விழா மண்டபத்திற்குள் அழைத்துச் செல்லப்பட்டதுடன் பட்டமளிப்பு விழா மங்கள விளக்கேற்றலுடன் ஆரம்பமானது. இதன்போது, வேந்தரின் ஆசிச்செய்தி ஓய்வு பெற்ற பேராசிரியர் மா.செல்வராஜா அவர்களாலும், பட்டமளிப்பு விழா ஆசிச்செய்தி இலங்கை, பேராசிரியர் கர்ஷ அத்துருபனே அவர்களாலும் வழங்கப்பட்டன.

முதலாம் நாள் முதலாம் அமர்வில், நிகழ்வில் 1 கலாநிதி, 5 விஞ்ஞான கல்வியில் முதுமாணி, 14 விவசாய விஞ்ஞானத்தில் முதுமாணி, 1 கல்வியியல் முதுமாணி, 12 கலை முதுமாணி, 8 வியாபார நிர்வாக முதுமாணி, 13 அபிவிருத்தி பொருளியல் முதுமாணி, 1 முகாமைத்துவ பட்டப்பின்படிப்பு டிப்ளோமா ஆகிய 55 பட்டப்பின் தகமைகளுக்கான பட்டங்களும், 87 வைத்தியமாணி - சத்திரசிகிச்சைமாணி, 34 தாதியியல் விஞ்ஞானமாணி, 31 சித்தமருத்துவம் - சத்திர சிகிச்சை இளமாணி, 61 சிறப்பு விவசாய விஞ்ஞானமாணி என 213 இளமாணி பட்டங்களும் வழங்கப்பட்டன.

முதலாம் நாள் இரண்டாவது அமர்வில், 10 வணிக நிர்வாகமாணி, 72 சிறப்பு வணிக நிர்வாகமாணி, 9 சந்தைப்படுத்தல் முகாமைத்துவத்தில் சிறப்பு வணிக நிர்வாகமாணி, 5 வணிகவியல்மாணி, 36 சிறப்பு வணிகவியல்மாணி, 37 கணக்கீடு மற்றும் நிதியியல் சிறப்பு வணிகவியல்மாணி, 43 முகாமைத்துவத்தில் விஞ்ஞானமாணி, 37 கணக்கியல் மற்றும் நிதி முகாமைத்துவத்தில் விஞ்ஞானமாணி, 10 தகவல் முகாமைத்துவத்தில் விஞ்ஞானமாணி, 4 மனிதவள முகாமைத்துவத்தில் சிறப்பு வணிக நிர்வாகமாணி, 11 வியாபார முகாமைத்துவத்தில் விஞ்ஞானமாணி என 274 பட்டங்களும், 3ஆவது அமர்வில் 142 விஞ்ஞானமாணி, 65 நுண்கலைமாணி - இசை, 41 நுண்கலைமாணி – நடனம், 28 நுண்கலைமாணி – நாடகமும் அரங்கியலும், 42 நுண்கலைமாணி - கட்புலமும் தொழிநுட்பவியல் கலையும் என 318 பட்டங்கள் வழங்கி வைக்கப்பட்டன.

இரண்டாம் நாளில் முதலாம் அமர்வின்போது, 1 கல்விமாணி, 250 கலைமாணி (விசேட மற்றும் பொதுப்பட்டம்) என 251 பட்டங்களும் இரண்டாம் அமர்வின்போது 250 கலைமாணி (விசேட மற்றும் பொதுப்பட்டம்), 47 பிரயோக பௌதீகவியல் மற்றும் இலத்திரனியல் விஞ்ஞானமாணி, 41 கணினி விஞ்ஞானமாணி ஆகிய 338 பட்டங்களும், மூன்றாம் அமர்வின்போது 77 விவசாய தொழில்நுட்பம் மற்றும் முயற்சியாண்மையில் உயிர்முறைமைகள் தொழில்நுட்ப கௌரவ இளமாணி, 112 தொடர்பாடல் கற்கைகளில் கலைமாணி, 66 மொழியில் கலைமாணி, 7 வியாபார நிர்வாகமாணி (வெளிவாரி), 49 வியாபார முகாமைத்துவமாணி (வெளிவாரி) என்ற ரீதியில் 311 பட்டங்கள் 2ம் நாளின் முதலாம், இரண்டாம் மற்றும் மூன்றாம் அமர்வுகளில் பட்டதாரிகளுக்கு வழங்கி கௌரவிக்கப்பட்டனர் என்பது குறிப்பிடத்தக்கது.

06/10/2023

சாய்ந்தமருது மண்ணின் முதலாவது கதிரியல் புற்றுநோய் சிகிச்சையாளராக தனது இளமானி பட்டத்தை பெற்றார் N.J.செரோன் அனாஸ்..

ஜேனரல் சேர் ஜோன் கொத்தலாவல பாதுகாப்பு பல்கலைக்கழக பொதுப்பட்டமளிப்பு விழாவானது கடந்த ஒக்டோபர் மாதம் 4 ஆம் திகதி பண்டாரநாயக்க சர்வதேச மாநாட்டு மண்டபத்தில் ஜனாதிபதி கெளரவ ரணில் விக்கிரமசிங்க அவர்களின் தலைமையில் நடைபெற்றது.

குறித்த பட்டமளிப்பு விழாவில் N.J.செரோன் அனாஸ் கதிரியல் புற்றுநோய் சிகிச்சையாளராக தனது இளமானி பட்டத்தை பெற்றார்.

குறிப்பாக இத்துறையில் கிழக்கு மாகாணத்தில் இளம் வயதில் இளமானி பட்டத்தை நிறைவு செய்த முதன் நபராகவும் மேலும் சாய்ந்தமருது மண்ணின் முதலாவது கதிரியல் புற்றுநோய் சிகிச்சையாராகவும் இளமானி பட்டத்தை நிறைவு செய்துள்ளார் என்பது குறிப்பிடத்தக்கது.

மேலும் இவர் நூறுல் ஜின்னா மற்றும் ஆமினா உம்மா ஆகியோரின் புதல்வராவார். இவர் தனது ஆரம்பக் கல்வியை சாய்ந்தமருது அல் - ஜலால் வித்தியாலயத்திலும் உயர்தர கல்வியை உயிரியல் விஞ்ஞான பிரிவில் கல்முனை ஸாஹிரா தேசிய பாடசாலையிலும் கற்று 2018 ஆம் ஆண்டு ஜேனரல் சேர் ஜோன் கொத்தலாவல பாதுகாப்பு பல்கலைக்கழகத்திற்கு தெரிவானார்.

தனது பல்கலைக்கழக நாட்களில் சர்வதேச மற்றும் தேசிய ரீதியில் பல விருதுகளையும் வென்றார் என்பது குறிப்பிடத்தக்கது. குறிப்பாக 2021 ஆம் ஆண்டு அதி சிறந்த பல்கலைக்கழக மாணவருக்கான தேசிய விருதையும் பெற்றார் என்பது குறிப்பிடத்தக்கது.

19/08/2023

மரண விசாரணை டிப்ளோமா பட்டம் பெற்றார் அல் ஜவாஹிர்.

திடீர் மரண விசாரணை அதிகாரி அப்துல் ஹமீட் அல் ஜவாஹிர்,
கொழும்பு பல்கலைக்கழகத்தின் மருத்துவ பீடத்தினால் நடாத்தப்பட்ட மரண விசாரணை பயிற்சி நெறியை பூர்த்திசெய்து மேற்படி டிப்ளோமா பட்டத்தை பெற்றுக் கொண்டார்.

இன்று கொழும்பு பல்கலைக்கழக மருத்துவபீட கேட்போர் கூடத்தில் நடைபெற்ற பட்டமளிப்பு விழாவில் இவருக்கான பட்டம் வழங்கி வைக்கப்பட்டது.

மரண விசாரணை அதிகாரியாக இப்பிரதேசத்திற்கு அளப்பரிய சேவையாற்றிவரும் இவர் சிறந்த தமிழ் - ஆங்கில மொழிபெயர்ப்பாளராகவும் திகழ்கிறார்.

மேலும் ஆங்கிலமொழியில் சிறப்பு டிப்ளோமா பட்டத்தையும், மொழிபெயர்ப்பில் விஷேட டிப்ளோமா பட்டத்தையும் பூர்த்தி செய்தவர் என்பது குறிப்பிடத்தக்கது.

20/07/2023

இந்திய நாட்டினுடைய சர்வதேச விருதுக்கு இலங்கை நண்பர் ஏ.எம்.ரோஷன் தெரிவு........................................

உலக அளவில் உள்ள இளம் சாதனையாளர்களுக்கு விருது வழங்கிய கௌரவிக்கும் விழா எதிர்வரும் ஜூலை மாதம் 27 ஆம் திகதி தொடக்கம் 29 ஆம் திகதி வரை இந்தியாவில் நடைபெற உள்ளது.

இதில் பல் துறை சார்ந்த பல சாதனையாளர்கள் உலக அளவில் விருது வழங்கி கௌரவிக்கப்பட உள்ளனர். இவ்விருதில் ஸ்கை தமிழ் ஊடக வலையமைப்பினுடைய நிர்வாக குழு உறுப்பினரும் கலைப்பட்டதாரியமான ஏ.எம்.ரோஷன் அவர்களும் இலங்கை நாட்டை பிரதிநிதித்துவப்படுத்தி பங்கு கொள்கின்ற இருவரில் ஒருவராக தேர்வு செய்யப்பட்டுள்ளார்.

இவ்விருதுக்கு தெரிவு செய்யப்பட்ட ஏ.எம்.ரோஷன் இலங்கையில் மாத்திரமன்றி ஊடகத் துறைக்காக முழுமையாக தன்னை அர்ப்பணித்த ஒருவர் என்பதும் எல்லோராலும் போற்றப்பட வேண்டிய ஒரு விடயமாகும்.

இவ்விருதுக்கு தெரிவு செய்யப்பட்டவர் என்ற வகையில் எமது Theervu TV Sri Lanka ஊடக வலையமைப்பு சார்பாகவும் ஏ.எம்.ரோஷன் அவர்களுக்கு வாழ்த்துக்களை தெரிவித்துக் கொள்வதில் மிக்க மகிழ்ச்சி அடைகின்றோம்.

15/07/2023

*EduVision கல்வி நிறுவனத்தின் TOP TOP Program ஆனது துறைசார்ந்த நிபுணர்கள், பல்கலைக்கழக விரிவுரையாளர்களின் ஆலோசனைகளுடன் உருவாக்கப்பட்ட முறைசார் பாடத்திட்டமாகும்*

*தமிழ் மொழி மூலம் அதிக மாணவர்களை பல்கலைக்கழகம் நுழைய வழிகாட்டிய வளவாளர்களை கொண்டு A/L Commerce மற்றும் AAT பரீட்சைகளை உயர்தர சித்திகளுடன் பூர்த்தி செய்வதற்கும், இளம் வயதிலேயே பல்கலைக்கழகம் நுழைவதற்கான வாய்ப்புகளையும், NVQ மட்டம் 5 ( Diploma in Accounting & Business) அங்கீகாரம் பெற்ற தொழில்சார் தகமைகளுடன் கூடிய எதிர்கால தலைமைத்துவ ஆளுமைகளை உருவாக்க வழிகாட்டுவதுடன், பிரத்தியேகமாக வடிவமைக்கப்பட்ட ஆங்கில மொழி பயிற்சி உள்ளடங்கலாக துறைசார் நிபுணர்களால் உருவாக்கப்பட்ட விஷேட பாடத்திட்டம் கற்பிக்கப்படுகிறது*

தகுதியுடைய மாணவர்களுக்கு புலமைப் பரிசில் வழங்கப்படும்.

WhatsApp Group link
https://chat.whatsapp.com/IX7WI8RjOEg79CvSgKwMvU

மேலதிக தகவல்களுக்கு
0706031129, 0769031129

EduVision - இல 29, அம்பாரை வீதி சம்மாந்துறை 5

02/07/2023

சட்டத்தரணி முஹம்மது ஹுசைன் முகமது செரிப்டீன் ஆஸ்திரேலியாவில் உயர் நீதி மன்ற சட்டத்தரணியாக சத்தியப்பிரமாணம்!
---------------------------------------

இலங்கை கண்டிப்பிரதேசத்தை சேர்ந்த ஜனாதிபதி சட்டத்தரணி கலாநிதி முகமது ஹுசைன் முகமது செரிப்டீன் அவர்கள் ஆஸ்திரேலியாவின் விக்டோரியா உயர்நீதிமன்றத்தில் வைத்து உயர்நீதிமன்ற சட்டத்தரணியாக சத்தியபிரமாணம் செய்து கொண்டார்.

அவுஸ்திரேலியாவின் உயர் நீதிமன்ற சட்டத்தரணியாக சத்திய பிரமாணம் செய்து கொண்ட முகமது ஹுசைன் முகமது ஷெரிபீடீன் அவர்கள் 1978 ஆம் ஆண்டு இலங்கை உயர் நீதிமன்றத்தில் சட்டத்திறனியாக சத்திய பிரமாணம் செய்து கொண்டார், 1998 ஆம் ஆண்டு சட்ட முதுமானியினை கொழும்பு பல்கலைக்கழகத்தில் நிறைவு செய்ததோடு, 2019 ஆம் ஆண்டு ஜனாதிபதி சட்டத்தரணியாக ஜனாதிபதி முன்னிலையில் சத்திய பிரமாணம் செய்து இலங்கை ஜனாதிபதி சட்டத்தரணியாக பதிவியேற்றார்.

ஜனாதிபதி சட்டத்தரணியாக பதவி வகித்த கலாநிதி ஹுசைன் அவர்கள் அண்மையில் சப்ரகமுவ பல்கலைக்கழகத்தில் நடைபெற்ற பட்டமளிப்பு விழாவில் சட்டத்துறையில் கலாநிதி பட்டத்தையும் பெற்று தனக்கும் தனது பிரதேசத்திற்கும் பெருமை சேர்த்ததோடு சட்டத்துறை கலாநிதி ஆனார்.
அது மாத்திரமன்றி சட்டம் சம்பந்தமான பல நூல்கள் மற்றும் ஆய்வுகளையும் மேற்கொண்டுள்ளார்.

இவ்வாறு இலங்கையின் சட்டத்துறைக்காக தன்னை அர்ப்பணித்த கலாநிதி ஹுசைன் அவர்கள் தந்துர மகா வித்தியாலயம் மற்றும் சென்ட் சில்வஸ்ட்டர் கல்லூரி போன்றவற்றில் தனது ஆரம்பம் மற்றும் உயர்கல்வியை பெற்றுக் கொண்டார்.

இவ்வாறாக அண்மையில் அவுஸ்திரேலியாவின் உயர் நீதிமன்றத்தின் சட்டத்தரணியாக பதவியேற்றுள்ள இவர் காலம் சென்ற செரீப்டீன் தம்பதியர்களின் இறுதிப் புதல்வர் என்பதும் குறிப்பிடத்தக்கது.

(News : Aslam Rusly)

17/04/2023

சாய்ந்தமருது அல்ஹிலாலில் இடம்பெற்ற இப்தார் நிகழ்வு..!

(எம்.எஸ்.எம்.ஸாகிர்)

சாய்ந்தமருது அல்-ஹிலால் வித்தியாலயத்தின் பழைய மாணவர்கள் சங்கத்தினால் ஏற்பாடு செய்யப்பட்டுள்ள இப்தார் நிகழ்வு ஞாயிற்றுக்கிழமை பாடசாலையில் இடம்பெற்றது.

பாடசாலையின் அதிபர் யூ.எல். நஸார் தலைமையில் இடம்பெற்ற இந்நிகழ்வில், மாளிகைக்காடு அந்-நூர் ஜும்ஆ பள்ளிவாசல் பேஷ் இமாம் ஏ.எம்.எம். மின்ஹாஜ் (உஸ்மானி) ரமழான் சிந்தனை வழங்கினார்.

இந்நிகழ்வில் அதிதிகளாக
தென்கிழக்கு பல்கலைக்கழக உபவேந்தர் பேராசிரியர் றமீஸ் அபூபக்கர், கல்முனை வலயக் கல்விப் பணிப்பாளர் எம். எஸ்.சஹ்துன் நஜீம் உட்பட பிரதிக் கல்விப் பணிப்பாளர், உதவிக் கல்விப் பணிப்பாளர், கணக்காளர் மற்றும் சாய்ந்தமருது பிரதேச செயலாளர் எம்.எம்.ஆஷிக், கல்முனை பிராந்திய சுகாதார சேவைகள் பணிப்பாளர் டாக்டர் ஏ.எல்.எம்.றிபாஸ், கல்முனை கல்வி மாவட்ட மாவட்ட பொறியியலாளர் ஏ.எம்.சாஹிர், சாய்ந்தமருது- மாளிகைக்காடு ஜும்மா பெரிய பள்ளிவாசல் பொறுப்பாளர் சபையின் செயலாளர் ஐ.எல்.எம். மன்சூர்,
சாய்ந்தமருது - மாளிகைக்காடு ஜம்இய்யத்துல் உலமா சபை தலைவர் அஷ்ஷெய்க். எம்.எம்.எம்.சலீம் (ஷர்க்கி),
சாய்ந்தமருது - மாளிகைக்காடு வர்த்தக சங்கத் தலைவர் எம்.எஸ்.எம்.முபாறக்,
சாய்ந்தமருது பொலிஸ் நிலையப் பொறுப்பதிகாரி எஸ்.எல்.சம்சுதீன்,
சாய்ந்தமருது கோட்டக் கல்விப் பணிப்பாளர் என்.எம்.ஏ.மலீக், ஓய்வுநிலை கல்விப் பணிப்பாளர் ஏ.எல்.எம்.முக்தார், மாளிகைக்காடு அந்-நூர் ஜும்ஆ பள்ளிவாசல் பேஷ் இமாம் ஏ.எம்.எம்.மின்ஹாஜ் (உஸ்மானி), பொதுச் சேவை ஆணைக்குழு முன்னாள் உறுப்பினரும், சாய்ந்தமருது முன்னாள் பிரதச செயலாளருமான ஏ.எல்.எம்.சலீம், தென்கிழக்குப் பல்கலைக்கழக பதில் பதிவாளர் எம்.ஐ.நௌபர், பேராசிரியர் ஜௌபர், சட்டத்தரணி ரஸ்ஸாக்,
CMT கெம்பஸ் நிறைவேற்றுப் பணிப்பாளர் ஏ.எம்.ஜெமீல்,
றியோ மார்க்கட்டிங் நிறுவன முகாமைத்துவப் பணிப்பாளர் என்.எம்.றிஸ்மிர், சொப்டா நிறுவன பிரதம நிறைவேற்று அதிகாரி பொறியியலாளர் நஸீர்.
சாய்ந்தமருது, மாளிகைக்காடு பாடசாலை அதிபர்கள்,
வீதி அபிவிருத்தி அதிகாரசபை பொறியியலாளர் எம். ஐ. எம். றியாஸ், வீதி அபிவிருத்தி திணைக்கள பொறியியலாளர் எம்.எம்.எம்.முனாஸ், திடீர் மரண விசாரணை அதிகாரி ஏ.எச். அல் - ஜவாஹிர், உட்பட கல்விமான்கள், புத்திஜீவிகள், பாடசாலை நலன்விரும்பிகள், அதிபர் சங்க பிரதிநிதிகள், அல்-ஹிலால் வித்தியாலய பிரதி அதிபர்கள், ஆசிரியர்கள், பாடசாலை அபிவிருத்திக் குழு உறுப்பினர்கள்,
பாடசாலை முகாமைத்துவ குழு உறுப்பினர்கள், ஊடகவியலாளர்கள்,
பழைய மாணவர்கள் எனப்பலரும் கலந்து கொண்டனர்.

13/04/2023

அல்ஹம்துலில்லாஹ்

பொதிகை அமைப்பின்
வேண்டுதளுக்கிணங்க
மர்ஹூம் அல் ஹாஜ் ஏ.. எஸ்.எம். ஷம்சுதீன்
ஆலீம் கலை கலாச்சார ஊடக சமூக மேம்பாட்டுக்கான அமைப்பின்
தவிசாளர் றமீஸ் ஷம்சுதீன் (கனடா) அவர்களின் நிதிப்பங்களிப்பில்
சாய்ந்தமருது சமூர்த்தி உத்தியோகத்தர்களினூடாக
சாய்ந்தமருதில் இருந்து தெரிவு செய்யப்பட்ட ஏழை மாணவர்களுக்காக 01லச்சம் நிதிப்பங்களிப்பில்
புத்தகப்பை மற்றும் கொப்பிகள்
இன்றைய தினம் வழங்கி வைக்கப்பட்டது.

சாய்ந்தமருது பிரதேச செயலக கூட்ட
மண்டபத்தில் இடம்பெற்ற இந்த நிகழ்வில் முதன்மை விருந்தினராக
பிரதேச செயலக கணக்காளர்
நுஸ்ரத் பானு சமூர்த்தி முகாமையாளர்களான நஜிம்
றிபாயா, நியாத்,
அமைப்பின் இலங்கைக்கான
தலைவர் அல்ஹாஜ் MSMI மதனி Sir
ஆலோசகர் அல்ஹாஜ் AM.முஸ்தபா மற்றும்
சமூர்த்தி உத்தியோகத்தர்களான
கால்தீன், ஹுதா,நளீம், ஜெளபர்
றிகாஷா சர்பின் D0
இளைஞர் சேவைகள் மன்ற
உத்தியோகத்தர் சமூக செயற்பாட்டாளர்
அன்வர் பொதிகை அமைப்பின்
தலைவி நிசானா, அமைப்பின் செயலாளர் Dr ஏ.எல். அன்ஸார் மற்றும்
பெற்றோர்கள் மாணவர்கள்
என பலரும் கலந்து கொண்டனர்.

07/03/2023

"சமூக நல்லிணக்கத்திற்காய் ஒன்றினையும் இளைஞர்கள்" எனும் தலைப்பில் பல்கலைக்கழக விஜயம்
-------------------------------++------------------------------------

GCERF HELVETAS நிதியுதவியுடன் GAFSO நிறுவனத்தின் அமுல்படுத்தலில் செயற்படுத்தப்படும் HOPE OF YOUTH வேலைத்திட்டத்தின் கீழ் பல்கலைக்கழக விஜயம் ஒன்று கடந்த 04.03.2023 அன்று மேற்கொள்ளப்பட்டது.

கப்சோ நிறுவனத்தின் திட்டப்பணிப்பாளர் தலைமையில் நடைபெற்ற இந்நிகழ்வில் அம்பாறை மாவட்டத்தில் உள்ள சுமார் எட்டு பிரதேச செயலகங்களில் இருந்தும் நான்கு மதங்களை சேர்ந்த இளைஞர் யுவதிகள் " இளைஞர்களின் நம்பிக்கை "பங்கேற்பாளர்கள் இலங்கை கிழக்கு பல்கலைக்கழகத்தின் சுவாமி விபுலாநந்தர் அழகியல் கற்கைகள் நிலையத்தில் ஒருநாள் களவிஜயத்தை மேற்கொண்டிருந்தனர்.

அம்பாறை மாவட்ட இளைஞர்களை கிழக்கு பல்கலைக்கழக மாணவர்கள் அன்பாக வரவேற்றதுடன் ஒன்றாக கலந்து சமூக நல்லிணக்கம் , வன்முறை தீவிரவாதம் தவிர்த்தல் சார் நோக்கில் கலந்துரையாடினர்.

நிகழ்வில் பல்கலைக்கழக வாழ்வியல், வன்முறை தவிர்த்தல் பற்றிய விளக்கங்களும் கல்வி அதனுடைய சிறப்பம்சங்களும் இடம்பெற்றதுடன் திறன் விருத்தி சார் உளவியல் பயிற்சியும் அளிக்கப்பட்டது.

இந் நிகழ்வில் இளைஞர்களின் கலை சார் நிகழ்சிகள் அரங்கேற்றப்பட்டமையும் குறிப்பிடதக்கது.

அதிதிகளாக சுவாமி விபுலாநந்தர் அழகியல் கற்கைகள் நிலையத்தின் பணிப்பாளர் கலாநிதி. பாரதி , அம்கோர் நிறுவன பணிப்பாளர் திரு. ராஜன் மற்றும் பலரும் கலந்து சிறப்பித்தனர்.

27/02/2023

கல்குவாரி நீர்த்தடாகத்தில் நீராடிய சிறுவன் மரணம்
(பாறுக் ஷிஹான்)

கல்குவாரியினால் உருவான நீர்தடாகத்தில் நீராடச்சென்று சடலமாக மீட்கப்பட்ட சிறுவனின் சடலம் உறவினர்களிடம் கையளிக்கப்பட்டுள்ளது.
அம்பாறை - சம்மாந்துறை பொலிஸ் பிரிவிற்குட்பட்ட செந்நெல் கிராமம்-1 கிராம சேவகர் பிரிவு பகுதியில் நேற்று ஞாயிற்றுக்கிழமை (26) மாலை 5.30 மணியளவில் குறித்த சம்பவம் இடம்பெற்றுள்ளது.
சம்பவம் குறித்து மேலும் தெரியவருவதாவது,
மூன்று சிறுவர்கள் சம்பவ இடமான கல்குவாரி பகுதியில் காணப்பட்ட நீர்தடாகத்தில் (குட்டை) நீர் காணப்பட்டதால் குளிப்பதற்காக தயாராகியுள்ளனர்.
மரணமான சிறுவன் மற்ற இரு நண்பர்களையும் குளிப்பதற்காக அழைத்துள்ளதுடன், அவர்கள் மறுத்த நிலையில், குறித்த நீர்நிலையில் இருந்து சுமார் 11 அடி உயரமான மலையில் ஏறி மரணமடைந்த சிறுவன் முதலில் குறித்த நீர்நிலையில் பாய்ந்துள்ளார்.
குட்டையின் ஆழத்தை அறியாமல் பாய்ந்த அச் சிறுவனை காணவில்லை என அவ்விடத்தில் நின்ற ஏனைய இரு சிறுவர்களும் அபயக்குரல் இட்டுள்ளனர்.
பின்னர் இறந்த சிறுவனின் உறவினர்கள் குட்டையில் இறங்கி தேடுதல் மேற்கொண்டு, சகதியில் சிக்கிய நிலையில் சிறுவனை மீட்டு, முதலுதவி வழங்கி, சம்மாந்துறை ஆதார வைத்தியசாலைக்கு எடுத்து சென்றனர்.
இவ்வாறு வைத்தியசாலைக்கு எடுத்து செல்லப்பட்ட சிறுவன் மரணமடைந்த நிலையில், சம்மாந்துறை ஆதார வைத்தியசாலையில் சடலம் வைக்கப்பட்டது.
நீதிமன்ற நீதிவானின் கட்டளையின் பிரகாரம், பிரதேச மரண விசாரணை அதிகாரி அப்துல் ஹமீட் அல் - ஜவாஹிர் சம்பவ இடத்துக்குச் சென்று சம்மாந்துறை பொலிஸ் நிலைய சிறுகுற்றத்தடுப்பு பிரிவு பொறுப்பதிகாரியும் பிரதம பொலிஸ் பரிசோதகருமான ஏ.எம் நௌபர் ஆகியோரது பிரசன்னத்துடன், மரண விசாரணை மேற்கொண்ட பின்னர் உறவினர்களிடம் இன்று (27) மதியம் சடலம் கையளிக்கப்பட்டது.
சம்மாந்துறை பிரதேச செயலக பிரிவில் உள்ள இந்தக் கல்குவாரி குட்டை சுமார் 20 வருடங்களாக உபயோகிக்கப்படாமல் காணப்படுவதாகவும் சுமார் கிட்டத்தட்ட 30 அடி ஆழமாக உள்ளதாகவும் அப் பிரதேச மக்கள் தெரிவித்தனர்.
இச சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர். (N)

24/02/2023

பேருவளை அல் ஹுமைஸரா தேசிய பாடசாலை வெற்றி கிண்ணத்தை ( Victory Cup ) சுவிகரித்தது.

களுத்துறை மாவட்ட பாடசாலைகளுக்கு இடையில் கடினப்பந்து கிரிக்கெட் விளையாட்டை ஊக்குவிக்கும் நோக்கில் பங்களாதேஷ் உயர்ஸ்தானிகரலாயத்தின் அனுசரணையுடன் பேருவளை அல்-ஹுமைஸரா தேசிய பாடசாலை மற்றும் பயாகல பண்டாரநாயக்க மகா வித்யாலயம் ஆகிய இரு பாடசாலைகளுக்கு இடையிலான கடினப்பந்து ஒரு நாள் சுற்றுப்போட்டி இன்று 23 ஆம் திகதி காலை 9.30 மணிக்கு மக்கொன சரே கடினப்பந்து விளையாட்டு மைதானத்தில் நடைபெற்றது. இந் நிகழ்வின் பிரதான அதிதியாக பங்களாதேஷ் உயர்ஸ்தானிகர் மதிப்பிற்குரிய தாரிக் முஹம்மத் ஆரிபுல் இஸ்லாம் அவர்கள் கலந்துகொண்டார். மேலும் களுத்துறை மாவட்ட காவல்துறை உதவிக் கண்காணிப்பாளர் (ASP, Kalutara District) திரு துமிந்த ராஞபக்‌ஷ அவர்கள் இன்றைய நிகழ்வை ஆரம்பித்து வைத்தார்.

இந்த ஒரு நாள் சுற்றுப்போட்டியில் நாணய சுழற்சியில் வெற்றி பெற்ற பண்டாரநாயக்க மகா வித்தியாலயம் 38 ஓவரில் அனைத்து விக்கெட்களையும் இழந்து
156 ஓட்டங்களை பெற்றிருந்த வேளை,
அதை எதிர்த்து களமிறங்கிய அல்-ஹுமைஸரா தேசிய பாடசாலை 31 ஓவரில் 5 விக்கெட்டுகளை மாத்திரம் இழந்து 157 ஓட்டங்களை பெற்று Victory Cup - 2022 எனப்படும் வெற்றிக்கிண்ணத்தை சுவீகரித்துக்கொண்டது.

அல்ஹுமேசரா தேசிய பாடசாலையின் அதிபர் திரு எம்.ஆர்.எம் ரிஸ்கி, பண்டாரநாயக்க மகா வித்தியாலயத்தின் அதிபர் திருமதி கே.பி தயாணி அவர்களும் தங்களது பூரண ஒத்துழைப்பினை வழங்கி இருந்தனர். மேலும் இந்த செயற்திட்டத்தின் ஒருங்கிணைப்பாளராக இளைஞர் பாராளுமன்றத்தின் வெளிவிவகார பிரதியமைச்சர் அஹ்மத் ஸாதிக் அவர்கள் செயற்பட்டிருந்தார்.
இந்த செயற்திட்டம் மென்மேலும் வெற்றியடைவதற்கு பாடசாலைகளினுடைய பழைய மாணவர் அமைப்பு, பாடசாலை அபிவிருத்தி நிறைவேற்றுக்குழு, நலன்விரும்பிகள் மற்றும் அனுசரனை நிறுவனங்கன் ஆகியவற்றின் உதவிகளோடு களுத்துறை மாவட்டத்தில் கடினப்பந்து விளையாட்டுத்துறை ஊக்குவிக்கப்பட்டது என்பது குறிப்பிடத்தக்கது.

28/01/2023

அதி வேக சதுரங்க சாம்பியன்ஷிப் போட்டியில் அஸ்ஜத் வெற்றி..!

(எ.எம்.ஆர்)

ரஸ்சியாவில் நடைபெற்ற அனைத்து
பல்கலைக்கழக மாணவரகளுக்கிடையிலான "அதி வேக சதுரங்க சாம்பியன்ஷிப்" போட்டியில் சாய்ந்தமருதைச் சேர்ந்த வைத்தியர் அஸ்ஜத் அசீஸ் மூன்றாம் இடத்தை பெற்று சாதனை படைத்துள்ளார்.

ரஸ்சியாவின் குர்ஸ்க் பிராந்தியத்தின் விளையாட்டு துறை அமைச்சரினால் நடாத்தப்பட்ட இப் போட்டியில் மூன்றாவது இடத்தைப் பெற்றமைக்கான சான்றிதல்களும் பதக்கங்களும் வழங்கி கெளரவிக்கப்பட்டது.

மேலும் இவர் 2022ம் ஆண்டின் கிளாசிக்கள் சதுரங்க போட்டியின் சம்பியனும், சதுரங்க பயிற்றுவிப்பாளரும்,
ஸஹ்ரியன் நெயிட்ஸ் சதுரங்க கழகத்தின் தலைவரும், கல்முனை ஸாஹிரா தேசிய பாடசாலையின் பழைய மாணவர் என்பதும் குற்ப்பிடத்தக்கது.

27/01/2023

அரசின் அசாதாரண வரிச் சுமையை கண்டித்து மாபெரும் ஆர்ப்பாட்டம்
=================
(சர்ஜுன் லாபீர்)

அரசாங்க உத்தியோகத்தர்களின் சம்பளத்திற்கான வரி விதிப்பு சம்மந்தமாக தொழில் வல்லுனர்களின் தொழிற்சங்க கூட்டமைப்பு இன்று(26) மாபெரும் கண்டன ஆர்ப்பாட்டம் ஒன்றினை கல்முனை அஸ்ரப் ஞாபகார்த்த வைத்தியசாலைக்கு முன்பாக நடாத்தியது.

"அநீதியான அரசின் தன்னிச்சையான மக்களுக்கு பாதகமான வரிக்கொள்கையை கண்டிப்போம்" எனும் தொனிப்பொருளில் பல்வேறுபட்ட தொழிற்சங்கங்கள் இணைந்து இக் கண்ட ஆரப்பட்டத்தினை மேற்கொண்டனர்.

அதிகரித்த வரிகளை வசூலிப்பதன் மூலம் பொதுத்துறையில் பணியாற்றும் தொழில்வாண்மைமிக்கோருக்கான ஊதியத்தினை குறைப்பதற்கு அரசாங்கம் முயற்சிப்பதுடன் மட்டும் நின்றுவிடாமல் , அவ்வாறு வரிகள் விதிக்கப்படுவது பாதிக்கப்பட்ட மக்களுக்கு உதவுவதற்காகத்தான் என்ற போலியான பிரச்சாரத்தினையும் முன்னெடுத்து வருகின்றது . ஆனால் எமது வரிகள் மூலம் திரட்டப்படும் பணம் நாட்டு மக்களுக்கு நன்மை பயக்கும் நோக்கத்திற்காக ஒருபோதும் பயன்படுத்தப்படபோவதில்லை . இந்த வரி அதிகரிப்பு நியாயமற்றது என்பது மட்டுமல்ல . இதனால் எமது தேசம் அதன் சாத்தியமான முழு வளத்தினையும் இழக்கும் அபாயம் உள்ளது .என்ன விலையினைக் கொடுத்தாவது இம்மோசமான பேரிடர் நிலையினை முற்றுமுழுதாக தடுக்கவேண்டும் . எமது நாட்டில் இன்று நிலவுகின்ற பொறுப்பற்ற , அநீதியான நிலை குடிமக்களை ஆதரவற்ற நிலைக்குத் தள்ளியுள்ளதனையும் இங்கு நாம் கவனத்திற்கொள்ள வேண்டியுள்ளது என்ற விடயத்தை மையப்படுத்தி ஆர்ப்பாட்டக்காரர்கள் ஆர்ப்பட்டத்தினை மேற்கொண்டனர்

திணிக்காதே திணிக்காதே வரியினை திணிக்காதே!,வெளியேற்றாதே வெளியேற்றாதே மூளைசாலிகளை வெளியேற்றாதே!,அடிக்காதே அடிக்காதே மக்களின் வயிற்றில் அடிக்காதே! எனும் பல சுலோகங்களை முன்வைத்து ஆர்ப்பாட்டக்காரர்கள் கண்டனத்தை மேற்கொண்டனர்

இக் கண்டன ஆர்ப்பாட்டத்தில் பல்கலைக்கழக ஆசிரியர் சங்கங்களின் சம்மேளனம், இலங்கை மின்சார சபை ஊழியர்கள், சங்கம் வைத்தியர்களின் சங்கம் ஆகிய தொழிற்சங்கங்களின் உறுப்பினர்கள் கலந்து கொண்டு ஆர்ப்பாட்டத்தில் ஈடுபட்டனர்.

20/01/2023

அம்பாறை மாவட்ட சதுரங்க சுற்றுப் போட்டி – 2023

“இலங்கை செஸ் சம்மேளனம்" அம்பாறை மாவட்டத்தில் நடாத்தும் போட்டியாகும்.

“இலங்கை செஸ் சம்மேளனத்தின் ஏற்பாட்டில்” அம்பாறை மாவட்ட மாணவர்களுக்கான (ஆண், பெண்) செஸ் சம்பியன்ஷிப் போட்டிகள் எதிர்வரும் ஜனவரி மாதம் 28, 29 (சனி,ஞாயிறு) திகதிகளில் சாய்ந்து மருது அல் ஹிலால் பாடசாலையில் நடாத்த ஏற்பாடு செய்யப்பட்டுள்ளது.

இது அம்பாறை மாவட்ட மாணவர்களுக்கான மிக பெறுமதிமிக்க போட்டி மட்டுமல்லாமல் இதில் வெற்றி பெறும் வீரர்கள் தேசிய ரீதியில் விளையாடக் கூடிய வாய்ப்பையும், சர்வதேசமட்டத்தில் விளையாடக் கூடிய வாய்ப்பையும் பெற்றுக் கொள்ள முடியும்.

அது மட்டுமன்றி சர்வதேச ரீதியில் தமது திறமைகளை வெளிக்காட்ட எத்தனிக்கும் அத்தனை வீரர்களுக்கும் இது ஒரு இன்றியமையாத போட்டித் தொடராகும்.

மேலும் இத்தொடர் Swiss முறைமை கொண்ட தொடராக ஒழுங்கு செய்யப்பட்டுள்ளது.

போட்டி பிரிவுகள்:

Under 08 open/ Girls
Born after 2015

Under 10 open/ Girls
2014 / 2013 Born

Under 12 open/ Girls
2012 / 2011 Born

Under 14 open/ Girls
2010 / 2009 Born

Under 16 And Under 18 direct Finals (ஆண் /பெண்)

இடம் : அல் ஹிலால் வித்தியாலயம் சாய்ந்து மருது
திகதி : ஜனவரி 28, 29ம் (சனி,ஞாயிறு)
நேரம் : காலை 8.30 க்கு (குறிப்பிட்ட நேரத்துக்கு ஆரம்பமாகும்)

வெற்றி பதக்கங்கள் : தங்கம், வெள்ளி, வெண்கலம்
(பங்கு மற்றும் அனைவருக்கும் சான்றிதழ்கள் வழங்கப்படும்)

அனுமதிக் கட்டணம் - 1000/=

குறிப்பு : ஆண்களுக்கு வேறாகவும், பெண்களுக்கு வேறாகவும்
போட்டிகள் நடாத்தப்படும்.

பதிவுகளுக்கும்: https://forms.gle/eaCF8NDVDh8k9fpD6

தொடர்புகளுக்கு:
MA.Salam – 0767128328
MM.Ali Rusthy – 0775434084
(Sakeer Ahamed What's app 0752482723)

போட்டிகளில் பங்குபற்றி வெற்றிபெற வாழ்த்துக்கள்..!

15/01/2023

Sri Lanka National Novices Division Chess Championship 2023 - Ampara Division

Organized by: Chess federation of Sri Lanka

Awarding ceremony

13/01/2023

ஐ.ஆர்.ஒ ஸ்ரீலங்கா ஏற்பாட்டில் போதைப்பொருள் பாவனையும் மாணவர் சமூகமும் செயலமர்வு..!
------------------+-++----------------------

மாணவர் சமூகத்தின் மத்தியில் காணப்படும் போதைப்பொருள் பாவனையை இல்லாமல் செய்யும் பொருட்டும், அது தொடர்பாக மாணவர்களை விழிப்படைய செய்யும் வகையிலும் ஐ.ஆர்.ஒ ஸ்ரீலங்கா தொண்டுசார் அமைப்பானது புதிய வேலைத்திட்டம் ஒன்றினை ஆரம்பித்தது.

பாடசாலை மட்டத்தில் இடம்பெறும் இவ் செயலமர்வுகளின் மற்றுமோர் நிகழ்வு 11/02/2023 ஆம் திகதி காலை கல்முனை அல் மிஸ்பா மகா வித்தியாலயத்தில் இடம்பெற்றது. ஐ.ஆர்.ஒ ஸ்ரீலங்கா அமைப்பின் ஏற்பாட்டில் அதன் இயக்குனர் நிர்வாகி எ.றொஸான் முஹம்மட் அவர்களின் பங்கேற்புடன் இடம்பெற்ற இவ் நிகழ்வினை கல்முனை அல் மிஸ்பா மகா வித்தியாலயத்தின் அதிபர் எம்.ஐ.அப்துல் றஸாக் அவர்கள் தலைமை தாங்கினார்.

கா.பொ.த சாதாரண தர மாணவர்களுக்கு இடம்பெற்ற
இவ் கருத்தரங்கு நிகழ்வின் பிரதம வளவாளராக சாய்ந்தமருது பொலிஸ் நிலைய பிரதி பொலிஸ் அதிகாரியும், போதைவஸ்து தடுப்பு மற்றும் சுற்றுச்சூழல் பொறுப்பதிகாரியுமான எ.எல்.எம்.ரவுப் அவர்கள் கலந்து கொண்டார்கள். மேலும் இவ் நிகழ்வில் மோட்டார் வாகன போக்குவரத்து பிரிவு சாய்ந்தமருது பொலிஸ் உத்தியோகத்தர் ஆர்.கே.றுமேந்திரனாந் அவர்களும், பாடசாலை ஆசிரியர்கள் என பலரும் கலந்து சிறப்பித்தனர்.

07/01/2023

பாஹிம் இன்று அவரின் இரண்டு கிட்னியையும் இழந்து வாழ்ந்து வருகின்றார். அவரின் மருத்துவ செலவு மற்றும் குடும்ப செலவு என்பன மிகவும் கஷ்டமான நிலையாக காணப்படுவதால் அவரின் மனைவியின் வங்கி கண்க்கினை அங்கே குறிப்பிட்டுள்ளேன் உங்களால் முடிந்த உதவிகளை கொடுத்து உதவுங்கள்.

338200170006818
MM.Farween
Peoples bank - sainthamaruthu
Faheem contact num:- 0752079578

මගේ මුල් පාසල් මිතුරා වන බාහිම් අද ජීවත් වන්නේ වකුගඩු දෙකම අහිමිව ය. ඔහුගේ වෛද්‍ය වියදම් සහ පවුලේ වියදම් ඉතා දුෂ්කර බැවින් මම ඔහුගේ බිරිඳගේ බැංකු ගිණුම එහි සඳහන් කර ඇති බැවින් ඔබට හැකි පමණින් උදව් කරන්න.

338200170006818
MM.Farween
Peoples bank - sainthamaruthu
Faheem contact num:- 0752079578

Theervu TV Sri Lanka

29/11/2023

17/11/2023

15/11/2023

01/11/2023

31/10/2023

31/10/2023

19/10/2023

10/10/2023

06/10/2023

19/08/2023

20/07/2023

15/07/2023

02/07/2023

17/04/2023

13/04/2023

07/03/2023

27/02/2023

24/02/2023

28/01/2023

27/01/2023

20/01/2023

15/01/2023

13/01/2023

07/01/2023

Address

Website

Alerts

Contact The Business

Videos

Hon.Shanakiyan

CCTV Footage

Livestream

பெண்களுக்கான Technology classes - 21 students in the class

Shortcuts

Share

Category