https://www.facebook.com/102413001415725/

Dharussafa NEWS, Kalmunai (2024)

17/11/2023

✍️மிண்டனாவோவின் தெற்கு பிலிப்பைன்ஸ் பகுதியில் 6.9 ரிக்டர் அளவிலான நிலநடுக்கம் ஏற்பட்டுள்ளதாக சர்வதேச செய்திகள் தெரிவிக்கின்றான். மேலும் உயிரிழப்புகள் குறித்து உடனடி அறிக்கைகள் எதுவும் இல்லை வெளியாகவில்லை.

17/11/2023

✍️தரம் ஐந்து புலமைப்பரிசில் பரீட்சை பெறுபேறுகள் தொடர்பான விடைத்தாள் மீள் பரிசீலனைக்கு விண்ணப்பங்களை ஏற்கும் காலம் எதிர்வரும் 27ஆம் திகதி முதல் டிசம்பர் 4ஆம் திகதி வரையில் பரீட்சார்த்திகள் தமது மேன்முறையீட்டை சமர்ப்பிக்க முடியும் என தெரிவிக்கப்பட்டுள்ளது. நிகழ்நிலை முறையில் குறித்த விண்ணப்பங்களை அனுப்பி வைக்குமாறு இலங்கை பரீட்சைகள் திணைக்களம் குறிப்பிட்டுள்ளது.

17/11/2023

கல்முனை அஸ் ஸுஹராவின் வரலாற்றில் பெரும் சாதனை

(சர்ஜுன் லாபீர்)

கல்முனை கல்வி வலயத்திற்குட்பட்ட கல்முனை அஸ் ஸுஹறா வித்தியாலயத்தின் வரலாற்றிலேயே இம்முறை 09 மாணவர்கள் வெட்டுப் புள்ளிகளுக்கு மேல் பெற்று பாடசாலைக்கு பெருமை ஈட்டிக் கொடுத்ததோடு, வரலாற்று சாதனையையும் படைத்துள்ளனர்.

இதுவரை காலமும்
இப்பாடசாலையில் 4 மாணவர்கள் மட்டுமே பாடசாலை வரலாற்றில் அதிகூடிய சித்தியடைந்த மாணவர்களாக காணப்பட்டனர்.

இப் பாடசாலைக்கு மாணவர்களின் புதிய அனுமதியின்மை குறைபாடு,கற்றல் செயற்பாடுகளில் மாணவர்களின் ஆர்வமின்மை போன்ற பல காரணங்களினால் மூடுவிழா காண இருந்த இப்பாடசாலை கடந்த 2020ம் ஆண்டு புதிய அதிபராக கடமையேற்ற எம்.எஸ்.எச்.ஆர் மஜிதியாவின் ஆளுமையினாளும், திறமையினாலும் பாடசாலை ஆசிரியர்களின் அயராத உழைப்பினாலும், பாடசாலை அபிவிருத்தி சங்கம், பழைய மாணவர்களின் ஒத்துழைப்புக்களினாலும் குறுகிய காலத்திற்குள் கடந்த வருடம்(2022) 06 மாணவர்களையும் இம்முறை(2023) 09 மாணவர்களையும் புலமைப்பரிசில் பரீட்சையில் வெட்டுப்புள்ளிக்கு மேல் சித்தி பெற வைத்து வெற்றபெற வைத்தமை பாராட்டத்தக்க வரலாற்று நிகழ்வாகும்.

கல்முனை முஸ்லிம் கல்விக் கோட்டத்தில் முன்னணி ஆரம்பக் கல்வி பாடசாலையாக திகழும் இப்பாடசாலையின் அதிபர் எம்.எச்.எஸ்.ஆர் மஜிதியாவின் வழிகாட்டலினாலும், பெற்றோர் ,ஆசிரியர் மாணவர்களின் அயராத முயற்சியினாலும் பெறப்பட்டுள்ள இந்த வெற்றிக்கு காரணமாக அமைந்த அனைவருக்கும் பாடசாலை சமூகத்தினர் வாழ்த்துக்களை தெரிவித்துள்ளனர்.

மேலும் இப் பாடசாலையில் பெளதீக வள தேவைகள் அதிகமாக காணப்படுவதனால் பாடசாலை அபிவிருத்தி குழு ,பழைய மாணவர் சங்கம்,மற்றும் நலன் விரும்பிகள் கடும் கஷ்டங்களுக்கு மத்தியில் தனவந்தர்கள் மற்றும் பெற்றோர்களை கொண்டு பல்வேறுபட்ட அபிவிருத்தி வேலைத்திட்டங்களை நடைமுறைப்படுத்தி வருகின்றனர்.
எனவே அதற்கான ஒத்துழைப்புக்களையும் உதவிகளையும் ஊர் நலன் விரும்பிகள் முன்வந்து தந்துதவுமாறு பாடசாலை சமூகம் வேண்டுகோள் விடுக்கின்றது.

17/11/2023

கல்முனை அஸ் ஸுஹராவின் வரலாற்றில் பெரும் சாதனை
=========================
(சர்ஜுன் லாபீர்)

கல்முனை கல்வி வலயத்திற்குட்பட்ட கல்முனை அஸ் ஸுஹறா வித்தியாலயத்தின் வரலாற்றிலேயே இம்முறை 09 மாணவர்கள் வெட்டுப் புள்ளிகளுக்கு மேல் பெற்று பாடசாலைக்கு பெருமை ஈட்டிக் கொடுத்ததோடு, வரலாற்று சாதனையையும் படைத்துள்ளனர்.

இதுவரை காலமும்
இப்பாடசாலையில் 4 மாணவர்கள் மட்டுமே பாடசாலை வரலாற்றில் அதிகூடிய சித்தியடைந்த மாணவர்களாக காணப்பட்டனர்.

இப் பாடசாலைக்கு மாணவர்களின் புதிய அனுமதியின்மை குறைபாடு,கற்றல் செயற்பாடுகளில் மாணவர்களின் ஆர்வமின்மை போன்ற பல காரணங்களினால் மூடுவிழா காண இருந்த இப்பாடசாலை கடந்த 2020ம் ஆண்டு புதிய அதிபராக கடமையேற்ற எம்.எஸ்.எச்.ஆர் மஜிதியாவின் ஆளுமையினாளும், திறமையினாலும் பாடசாலை ஆசிரியர்களின் அயராத உழைப்பினாலும், பாடசாலை அபிவிருத்தி சங்கம், பழைய மாணவர்களின் ஒத்துழைப்புக்களினாலும் குறுகிய காலத்திற்குள் கடந்த வருடம்(2022) 06 மாணவர்களையும் இம்முறை(2023) 09 மாணவர்களையும் புலமைப்பரிசில் பரீட்சையில் வெட்டுப்புள்ளிக்கு மேல் சித்தி பெற வைத்து வெற்றபெற வைத்தமை பாராட்டத்தக்க வரலாற்று நிகழ்வாகும்.

கல்முனை முஸ்லிம் கல்விக் கோட்டத்தில் முன்னணி ஆரம்பக் கல்வி பாடசாலையாக திகழும் இப்பாடசாலையின் அதிபர் எம்.எச்.எஸ்.ஆர் மஜிதியாவின் வழிகாட்டலினாலும், பெற்றோர் ,ஆசிரியர் மாணவர்களின் அயராத முயற்சியினாலும் பெறப்பட்டுள்ள இந்த வெற்றிக்கு காரணமாக அமைந்த அனைவருக்கும் பாடசாலை சமூகத்தினர் வாழ்த்துக்களை தெரிவித்துள்ளனர்.

மேலும் இப் பாடசாலையில் பெளதீக வள தேவைகள் அதிகமாக காணப்படுவதனால் பாடசாலை அபிவிருத்தி குழு ,பழைய மாணவர் சங்கம்,மற்றும் நலன் விரும்பிகள் கடும் கஷ்டங்களுக்கு மத்தியில் தனவந்தர்கள் மற்றும் பெற்றோர்களை கொண்டு பல்வேறுபட்ட அபிவிருத்தி வேலைத்திட்டங்களை நடைமுறைப்படுத்தி வருகின்றனர்.
எனவே அதற்கான ஒத்துழைப்புக்களையும் உதவிகளையும் ஊர் நலன் விரும்பிகள் முன்வந்து தந்துதவுமாறு பாடசாலை சமூகம் வேண்டுகோள் விடுக்கின்றது.

17/11/2023

✍️கல்முனை பொலிஸ் பிரிவில் வர்த்தக கட்டட தொகுதி அறையில் உயிரை மாய்த்த இளைஞன்.

பாறுக் ஷிஹான்

வர்த்தக கட்டட தொகுதி அறையில் உயிரிழந்த நிலையில் இளைஞனின் சடலம் கல்முனை தலைமையக பொலிஸாரினால் மீட்கப்பட்டுள்ளது.

அம்பாறை மாவட்டம் கல்முனை தலைமையக பொலிஸ் நிலையத்திற்கு உட்பட்ட சேனைக்குடியிருப்பு பிரதான வீதியில் அமைந்துள்ள வர்த்தக கட்டட தங்கும் அறையில் வியாழக்கிழமை(16) காலை தூக்கில் தொங்கிய நிலையில் இளைஞனின் சடலம் மீட்கப்பட்டுள்ளது.

கல்முனை தலைமையக பொலிஸ் நிலைய பொறுப்பதிகாரி எம். ரம்ஷீன் பக்கீர் வழிகாட்டலில் கல்முனை தலைமையக பொலிஸ் நிலைய பல்வேறு குற்றத் தடுப்பு பிரிவு பதில் பொறுப்பதிகாரி எஸ்.ஜனகீதன் மற்றும் உப பொலிஸ் பரிசோதகர் எஸ்.ஏ.ஆகாஸ் உள்ளிட்ட பொலிஸ் குழுவினர் சம்பவ இடத்திற்கு சென்று விசாரணைகளை மேற்கொண்டனர்.

பின்னர் சம்பவ இடத்திற்கு வருகை தந்த கல்முனை நீதிமன்ற நீதிவான் எம்.எஸ்.எம் சம்சுதீனின் உத்தரவின் பிரகாரம் மீட்கப்பட்ட சடலம் கல்முனை ஆதார வைத்தியசாலைக்கு பிரேத பரிசோதனைக்காக அனுப்பி வைக்கப்பட்டுள்ளது.

குறித்த சம்பவத்தில் 22 வயது மதிக்கத்தக்க கோகுலராஜ் சுமன்ராஜ் என்பவரே தூக்கில் தொங்கிய நிலையில் சடலமாக மீட்கப்பட்டவராவார். மேலும் சம்பவம் தொடர்பில் மேலதிக விசாரணைக்காக அம்பாறையில் இருந்து சோகோ(தடயவியல்) பொலிஸார் வரவழைக்கப்பட்டு மேலதிக விசாரணைகள் இடம்பெற்று வருகின்றமை குறிப்பிடத்தக்கது

16/11/2023

5 RESULTS RELEASED

5ஆம் தர புலமை பரீட்சை பெறுபேறுகள் சற்றுமுன் வெளியிடப்பட்டுள்ளது.

விபரம் அறிய இங்கே 👇கிளிக் செய்யவும்
https://www.doenets.lk/examresults

16/11/2023

✍️ஜனாதிபதி ரணில் விக்கிரமசிங்க இன்று மாலைதீவுக்கு விஜயம் மேற்கொண்டுள்ளார். ஜனாதிபதித் தேர்தலில் வெற்றிபெற்ற மொஹம்மட் முஇஸ்ஸு (Mohamed Muizzu ) பதவியேற்பு விழாவில் கலந்து கொள்வதற்காகவே இவ்வாறு ஜனாதிபதி ரணில் விக்கிரமசிங்க மாலைதீவுக்கு பயணம் மேற்கொண்டுள்ளதாக ஜனாதிபதி ஊடகப் பிரிவு தெரிவித்துள்ளது.

16/11/2023

✍️மெளலவியின் பரதநாட்டியம் தொடர்பில் சர்ச்சைக்குரிய கருத்து :
வவுனியா பொலிஸ் நிலையத்தில் முறைப்பாடு

பரதநாட்டியம் தொடர்பில் கருத்து வெளியிட்ட மௌலவிக்கு எதிராக வவுனியா பொலிஸ் நிலையத்தில் முறைப்பாடு செய்யப்பட்டுள்ளது.

இந்து பௌத்த சங்கத்தின் தலைவரால் இன்றையதினம் குறித்த முறைப்பாடு பதிவு செய்யப்பட்டுள்ளது.

முஸ்லிம் பாடசாலைகளில் முஸ்லிம் ஆசிரியர்கள் நடனமாடியமை தொடர்பில் சமூக வலைத்தளத்தில் கருத்து வெளியிட்ட மௌலவி அப்துல் ஹமீட் அவர்கள், பரதநாட்டியம் தொடர்பாகவும் தமிழ் மக்களது கலை மரபு தொடர்பாகவும் பேசியுள்ளதுடன், ஒரு சமூகத்திற்கு பாதிப்பை ஏற்படுத்தும் வகையிலும், ஆசிரியர்களின் மனங்களை புண்படுத்தும் வகையிலும் கருத்து வெளியிட்டுள்ளார் எனத் தெரிவிக்கப்படுகிறது.

இது தொடர்பில் மௌலவிக்கு எதிராக மட்டக்களப்பு விபுலானந்தா அழகியல் கல்லூரி மாணவர்கள் பாரிய ஆர்ப்பாட்டம் ஒன்றை முன்னெடுத்து இருந்ததுடன், பல்வேறு தரப்புக்களில் இருந்தும் குறித்த மௌலவிக்கு எதிராக கண்டனங்கள் வெளியிடப்பட்டு வருவதுடன், சமூக வலைத்தளங்களிலும் மெளலவிக்கு எதிரான கருத்துக்கள் பரவலாக முன்வைக்கப்பட்டு வருகின்றது.

இந்நிலையில், குறித்த மௌலவியின் கருத்து சமூகங்களுக்கு இடையில் முரண்பாட்டை ஏற்படுத்தும் விதமாக அமைந்துள்ளதுடன், இது தொடர்டபில் நடவடிக்கை எடுக்குமாறும் பௌத்த இந்து சங்கத்தின் தலைவர் ம.மயூரதன் அவர்களால் வவுனியா பொலிஸ் நிலையத்தில் இன்று முறைப்பாடு செய்யப்பட்டுள்ளது.

குறித்த முறைப்பாடு தொடர்பில் வவுனியா பொலிசார் விசாரணைகளை முன்னெடுத்துள்ளனர் எனவும் தெரிவிக்கப்பட்டுள்ளது.

AL. Junaideen

16/11/2023

✍️2519 புதிய தாதியர்களுக்கு பிரதமர் தினேஷ் குணவர்தன தலைமையில் நாளை (17) நியமனக் கடிதங்கள் வழங்கப்படவுள்ளன. 2018 ஆம் ஆண்டு ஆட்சேர்ப்பு செய்யப்பட்ட மாணவர் தாதியர் குழுவின் கீழ் 2020 ஜனவரியில் பயிற்சியை ஆரம்பித்து பாடநெறியை வெற்றிகரமாக முடித்த 2519 மாணவர் தாதியர்கள் இங்கு நியமிக்கப்படவுள்ளதாக சுகாதார அமைச்சு குறிப்பிட்டுள்ளது

16/11/2023

✍️பொத்துவில் வரலாற்றில் மிக முக்கியமான அடைவுகளில் ஒன்றான பொத்துவில் #உப பஸ் டிப்போ #பிரதான பஸ் டிப்போவாக மாற்றமடையும் நிகழ்வு எதிர் வருகின்ற 19ம் திகதி டிப்போ வளாகத்தில் மிக பிரமாண்டமாக கொண்டாடப் படவிருக்கிறது.

இந்நிகழ்வில் போக்குவரத்துத் துறை அமைச்சர் பிரதம அதிதியாக கலந்து கொள்ளவிருப்பதுடன்,

30 வருடங்களாக இழுத்தடிப்பு செய்யப்பட்டு வந்த
தேவையை வெறும் 4 வருடங்களுக்குள் பெற்றுத் தந்த தீர்வு நாயகன் முஷாரப் எம்.பியை ஊர் மக்கள் வரவேற்று நன்றிகளை பூமாலைகளாக வழங்கவிருக்கின்றோம் என ஏற்பாட்டு குழுவினர் தெரிவித்துள்ளனர்.

16/11/2023

✍️ஐந்தாம் தர புலமைப்பரிசில் பரீட்சை பெறுபேறுகளை இந்த வார இறுதியில் வெளியாகும் வாய்ப்பு உள்ளதாக பரீட்சை திணைக்களம் தெரிவித்துள்ளது.

15/11/2023

✍️2023ம் ஆண்டுக்கான உலகக் கிண்ண அரையிறுதிக்கு தகுதி பெறத் தவறியமை குறித்து எழுந்த விமர்சனங்களை தொடர்ந்து பாகிஸ்தான் அணியின் தலைமை பதவியில் இருந்து பாபர் அசாம் இராஜினாமா செய்ததைத் தொடர்ந்து பாகிஸ்தான் கிரிக்கெட் கட்டுப்பாட்டு சபையினால் T20 மற்றும் டெஸ்ட் போட்டிகளுக்கான அணித் தலைவர்கள் நியமிக்கப்பட்டுள்ளனர்.

அதன் பிரகாரம் T20 அணியின் தலைவராக ஷஹீன் ஷா அப்ரிடி நியமிக்கப்பட்டுள்ளதோடு டெஸ்ட் அணியின் தலைவராக ஷான் மஷூட் நியமிக்கப்பட்டுள்ளார். மேலும் ஒரு நாள் போட்டிகளுக்கான அணித் தலைவர் விரைவில் நியமிக்கப்பட வாய்ப்புகள் உள்ளன.

15/11/2023

தென்கிழக்கு பல்கலைகழக ஊடக பிரிவுக்கு புதிய நிர்வாகிகள் நியமனம்..!

தென்கிழக்கு பல்கலைகழக ஊடக பிரிவுக்கு புதிய நிர்வாகிகள் பல்கலைகழக உப வேந்தர் பேராசிரியர் ரமீஸ் அபூபக்கரினால் நியமனம் செய்யப்பட்டுள்ளது.

பல்கலைகழக ஊடக பிரிவின் இணைப்பாளராக சிரேஷ்ட விரிவுரையாளர் கலாநிதி எப்.எச்.ஏ.ஷிப்லி, செயலாளராக தென் கிழக்கு பல்கலைக்கழக கணக்காய்வு உதவியாளர் எஸ்.எம். கலீல் ஆகியோர் நியமனம் செய்யப்பட்டுள்ளனர்.

அத்துடன் ஊடக பிரிவுக்கு உறுப்பினர்களாக சிரேஷ்ட விரிவுரையாளர் எம்.எம்.எம். சிராஜ், விரிவுரையாளர் எம் அப்துல் ரஸாக், விரிவுரையாளர் சதீக்கா பர்வீன், விடுதி பொறுப்பாளர் ஆர். ரிஸானா, சிரேஷ்ட நூலக உதவியாளர் சீ.எம்.ஏ. முனாஸ், ஆய்வு கூட உதவியாளர் எம் வை அமீர், உட்பட பல்கலைக்கழக மாணவர் சார்பில் எம்.ஏ. ஸீம் பிஸ்தி (கலை கலாச்சார பீடம்), டி.எம்.வை. லசித் (பொறியியல் பீடம்), இஸட்.எஸ்.எஸ். குணரத்ன (தொழிநுட்ப பீடம்) ஆகியோரும் ஊடக பிரிவின் உறுப்பினர்களாக நியமிக்கப்பட்டுள்ளனர்.

பல்கலைகழக ஊடக பிரிவினை பலப்படுத்தி மாணவர்களை ஒன்றிணைத்து எதிர்காலத்தில் சிறப்பாக பெறுபேறுகளை மக்கள் முன் கொண்டு செல்ல ஆக்கபூர்வமான திட்டங்கள் குறித்து விஷேட கலந்துரையாடலும் உபேவேந்தர் தலைமையில் இடம்பெற்றமை குறிப்பிடத்தக்கது.

(ஊடக பிரிவு)

15/11/2023

✍️பலஸ்தீன இஸ்ரேல் நெருக்கடி தொடர்பில் 159 நாடாளுமன்ற உறுப்பினர்கள் கையெழுத்திட்ட கடிதம் ஒன்று ஐக்கிய நாடுகள் சபையிடம் கையளிக்கப்பட்டுள்ளது.

கொழும்பில் உள்ள ஐக்கிய நாடுகள் சபையின் அலுவலகத்தில் கையளிக்கப்பட்ட அதன் பிரதி, இலங்கைக்கான பலஸ்தீன தூதுவருக்கும் வழங்கப்பட்டுள்ளது.

14/11/2023

✍️ஜனாதிபதி ரணிலுக்கு முஸ்லிம் காங்கிரஸின் தலைவர் ரவூப் ஹக்கிம் பதிலடி

2024 ஆம் ஆண்டிற்கான வரவு செலவுத்திட்டத்தில் ஜனாதிபதியும் நிதியமைச்சருமான ரணில் விக்கிரமசிங்க முன் வைத்த பல யோசனைகள் தற்போதைய நடைமுறைக்கு சாத்தியமற்றதென ஸ்ரீலங்கா முஸ்லிம் காங்கிரஸின் தலைவர் ரவூப் ஹக்கிம் தெரிவித்தார்.

2024 ஆம் ஆண்டுக்கான வரவு செலவு திட்டத்தை ஜனாதிபதி முன் வைத்த போதே அதனைத் தொடர்ந்து ஊடகங்களுக்கு கருத்து தெரிவிக்கும் போதே அவர் இவ்வாறு தெரிவித்தார்.

கடந்த வருடம் அரசாங்கத்தினால் முன்வைக்கப்பட்ட வரவு செலவுத் திட்ட யோசனைகளில் 90 வீதமானவை நடைமுறைப்படுத்தப்படவில்லை என்பதை நாம் அறிவோம்.

அதேபோன்று அரசாங்கத்தினால் தொடர்ந்தும் தெரிவிக்கப்பட்டு வரும் கடன் மறுசீரமைப்பு இன்னும் நடைமுறைப்படுத்தப்படவில்லை. அதனை நடைமுறைப்படுத்தாமல் வேறு எதையும் முன்னெடுக்க முடியாது.

2024 வரவு செலவுத் திட்டத்தின் ஊடாக ஜனாதிபதி சிறந்த விடயங்களை பாராளுமன்றத்தில் முன்வைத்தார். எனினும் அரசாங்கத்தினால் அதனை நடைமுறைப்படுத்த முடியுமா? என்பதே கேள்வியாக உள்ளது என்றும் அவர் மேலும் தெரிவித்தார்.

14/11/2023

✍️உள்ளூராட்சி நிறுவனங்களை நடைமுறைப்படுத்தும்போது ஏழும் பிரச்சினைகள் மற்றும் அனுபவங்களின் அடிப்படையில், எதிர்காலத்தில் எதிர்கொள்ளும் சவால்களைக் கவனத்தில் கொண்டு (Building resilience in local government to build back better ) 'உள்ளூராட்சி நிறுவனங்களின் மீள் தன்மையைச் சிறந்த முறையில் உருவாக்குதல்' எனும் தொனிப்பொருளின் கீழ் உருவாண்டா குடியரசு நடைபெறும் "பொதுநலவாய உள்ளூராட்சி மாநாடு- 2023 இல் கலந்துகொள்வதற்காக ஊவா மாகாண ஆளுநர் ஏ.ஜே.எம். முஸம்மில் ருவாண்டாவுக்கு பயணமாகியுள்ளார்.

14/11/2023

✍️பொது விவகாரங்களுக்கான குழு அல்லது கோப் குழுவின் முன் இலங்கை கிரிக்கெட் வாரியம் அழைக்கப்பட்டுள்ளது. இன்று (14) பிற்பகல் 2 மணியளவில் கிரிக்கெட் நிறுவனத்தின் அதிகாரிகள் கோப் குழுவிற்கு அழைக்கப்பட்டுள்ளதாக கோப் குழுவின் தலைவர் எம்.பி.ரஞ்சித் பண்டார தெரிவித்துள்ளார்.

12/11/2023

✍️அல் அக்ஸா அஹதிய்யா பாடசாலையின் சான்றிதழ் வழங்கும் நிகழ்வும், இஸ்லாமிய கலை கலாசார நிகழ்வும்.

சம்மாந்துறை அல் அக்ஸா அஹதிய்யா பாடசாலையிலிருந்து இம்முறை இடைநிலை தேசிய சான்றிதழ் பரீட்சையில் சித்தியடைந்த மாணவர்களுக்கான சான்றிதழ் வழங்கும் நிகழ்வும், மாணவர்களின் இஸ்லாமிய கலை கலாச்சார நிகழ்வும் அப்துல் மஜீட் மண்டபத்தில் வெள்ளிக்கிழமை நடைபெற்றது.

அல் அக்ஸா அஹதிய்யா பாடசாலையின் அதிபர், ஆசிரியர்கள் ஆகியோரின் ஏற்பாட்டில் நடைபெற்ற இந்நிகழ்வில் பிரதம அதிதியாக பிரபல சமூக சேவையாளரும், நாபீர் பவுண்டேஷன் ஸ்தாபகருமான பொறியியலாளர் உதுமான்கண்டு நபீர் பிரதம அதிதியாக கலந்து சிறப்பித்ததோடு சித்தியடைந்த மாணவர்களுக்கான சான்றிதழ்களையும் வழங்கிவைத்தார்.

இந்நிகழ்வினை மெருகூட்டும் விதமாக அல் அக்ஸா அஹதிய்யா மாணவர்களினால் கலை கலாச்சார நிகழ்வுகளும் அரங்கேற்றம் செய்யப்பட்டது.

11/11/2023

✍️2024 ஆம் ஆண்டில் புதிய விளையாட்டு பல்கலைக்கழகத்தை ஆரம்பிக்க அரசாங்கம் திட்டமிட்டுள்ளதாக விளையாட்டு மற்றும் இளைஞர் விவகார இராஜாங்க அமைச்சர் ரோஹன திஸாநாயக்க தெரிவித்தார். இதற்கு சுமார் ஒரு பில்லியன் அமெரிக்க டொலர் செலவாகும் என ரோஹன திஸாநாயக்க குறிப்பிட்டார்.

11/11/2023

✍️2022 ஆம் ஆண்டிற்கான சாதாரண தர பரீட்சையின் பெறுபேறுகள் இன்னும் இரண்டு வாரங்களில் வெளியிடப்படும் என கல்வி அமைச்சர் சுசில் பிரேமஜயந்த தெரிவித்துள்ளார்.

11/11/2023

✍️அட்டாளைச்சேனை நலன்புரி அமைப்பின் ஏற்பாட்டில் அனைத்துப் பள்ளிவாசல்கள் சம்மேளனம் மற்றும் ஊடகவியலாளர் அமைப்புக்கள் பங்குபற்றலுடன் இடம்பெற்ற பலஸ்தீன மக்களுக்கான துஆ பிரார்த்தனையும் இஸ்ரேலின் மிலேச்சத்தனமான யுத்தத்திற்கு எதிரான கண்டன கூட்டத்தின் சில பதிவுகள்...

11/11/2023

✍️கிடப்பில் போடப்பட்டுள்ள சாய்ந்தமருது ஜும்ஆ பள்ளிவாசல் நிர்வாக தெரிவு.!

Kaleel S Mohamed

இன்னுமொரு தேர்தல் அறிவிப்பிற்காக காத்திருந்து இழுத்தடிக்கப்படவுள்ளதா?

வக்பு சபையின் அறிவுறுத்தலுக்கு நாட்டின் அனைத்து ஊர்களின் பள்ளி நிர்வாக தெரிவுகள் இடம்பெற்று அவை அனைத்தும் நிறைவு பெற்ற நிலையில் உள்ளது.

ஆனால் சாய்ந்தமருது ஜும்ஆ பள்ளிவாசல் மாத்திரம் இதற்கு விதிவிலக்காக தொடர்ச்சியாக இழுத்தடிப்புகளை செய்து வருவதன் மர்மம் துலக்கப்பட வேண்டும்.

கடந்த 25.07.2023 இல் சாய்ந்தமருதிலுள்ள அனைத்து மஹல்லா பள்ளிவாசல்களின் பிரதிநிதிகள் தெரிவு செய்யப்பட்டு வெளியிடப்பட்டு இப்போது நான்கு மாதங்கள் கழிந்துவிட்டது.

குடி மரைக்காயர் மற்றும் புத்திஜீவிகள் தெரிவுகள் விரைவில் அறிவிக்கப்படும் எனவும் தெரிவிக்கப்பட்டது. ஆனாலும் இதுவரைக்கும் குடி மரைக்காயர் தெரிவு மக்களுக்கு வெளிப்படுத்தப்படவில்லை.

முறையான தெரிவுகள் நடைபெற்று நிர்வாக உறுப்பினர்கள் பூரணமாக்கப்பட வேண்டிய நிலையில் இன்னுமொரு தேர்தல் அறிவிப்புக்குள் மறைந்து கொள்ள காலம்தாழ்த்தி இழுத்தடிப்பு செய்கிறார்கள் என்கிற வலுவான சந்தேகம் உள்ளது.

நமது ஊரின் கல்வி மற்றும் சமூக சீர்கேடுகள் குறித்து அக்கறையுடன் தலைமை தாங்க பொருத்தமான நிர்வாக கட்டமைப்பு விரைந்து உருவாக்கப்பட வேண்டிய கட்டாய சூழ்நிலையில் உள்ளோம். ஆனாலும் இவை குறித்து எந்தவித அக்கறையும் இன்றி காணப்படுகிறது.

இவ்வாறான தொடர்ச்சியான இழுத்தடிப்புகளும் மறைவான காய்நகர்த்தல்களும் உடனடியாக முடிவுக்கு கொண்டுவரப்படல் வேண்டும்.

முழு முஸ்லிம் சமூகமும் ஒன்றினைந்து இஸ்ரேலின் வன்கொடுமைக்கும் அக்கிராமத்திற்கும் எதிராக கிளர்தெழும் நிலையில் நமது பள்ளியும் நிர்வாகமும் குறைந்தபட்ச எதிர்ப்பையேனும் வெளியிடாமல் வாய்மூடி மௌனித்து கிடப்பது மற்றுமோரு வேதனை தரும் விடயமாகும்.

11/11/2023

✍️கல்முனை முகைதீன் ஜும்மா பள்ளிவாசல் வளாகத்தில் மோட்டார் சைக்கிளுக்கு சட்டவிரோதமான முறையில் தரிப்பிட வாடகை அறவீடு...

எஸ் ஜே புஹாது

கல்முனை அஷ்ரப் ஞாபகார்த்த வைத்தியசாலைக்கு வருகை தரும் பார்வையாளர்கள் அடங்கலான பொதுமக்கள் தங்களது மோட்டார் சைக்கிள்கள் மற்றும் துவிச்சக்கர வண்டிகளை தரித்து வைப்பதற்கு முறையான தரிப்பிட வசதிகள் இன்மையால் பல்வேறு சிரவங்களை எதிர்கொண்டு வருகின்றனர்

இந்நிலையில் அஷ்ரஃப் ஞாபகார்த்த வைத்தியசாலைக்கு வருகை தரும் பொதுமக்கள் தமது துவிச்சக்கர வண்டிகளை அருகில் உள்ள கல்முனை முகைதீன் ஜும்மா பள்ளிவாசல் வளாகத்தில் தரித்து வைக்கின்ற போது சில சட்டவிரோத நபர்களால் அதற்காக சட்டவிரோதமான முறையில் தரிப்பிட வாடகை அளவிடப்படுவதாத பொதுமக்கள் கவலை தெரிவிக்கின்றனர்

பள்ளிவாசல் வளாகத்திற்குள் தரித்து வைக்கப்படுகின்ற வாகனங்களுக்கு மாநகர சபையின் அனுமதியோ, பள்ளிவாசல் நிர்வாகத்தின் அங்கீகாரமோ இல்லாத நிலையில் தரிப்பிட வாடகை அறவிடுகின்ற செயற்பாடானது ஒரு மோசடியான வேலையாகும் என இவர்கள் கவலை தெரிவிக்கின்றனர்

மேலும் இதற்கு பற்றுச்சீட்டு கூட வழங்குவதில்லை எனவும் தெரிவிக்கும் பொதுமக்கள், அவ்வாறு பற்றுச்சீட்டினை கோருகின்ற சந்தர்ப்பத்தில் குறித்த பணம் அறவிடும் சட்டவிரோத நபர்கள் பொதுமக்களுடன் ஒழுக்கமற்ற ரீதியில் முரண்படுவதுடன் மிக மோசமான துர் வார்த்தைகளை பிரயோகிப்பதாகவும் தெரிவிக்கின்றனர்

சம்பந்தப்பட்ட பள்ளிவாசல் நிர்வாகத்தினரே...!! மற்றும் கல்முனை அஷ்ரப் ஞாபகார்த்த வைத்தியசாலையின் வைத்தியர் அத்தியட்சகரே... மாநகர ஆணையாளரே.. இது உங்களின் கவனத்திற்கு....

11/11/2023

✍️சம்மாந்துறை வலயத்திற்குற்பட்ட அஹதியா பாடசாலை அதிபர்கள் ஒன்று கூடல் நிகழ்வு

சம்மாந்துறை வலயத்திற்குற்பட்ட அஹதியா பாடசாலையினால் நடாத்தப்பட்ட
அதிபர்கள் ஒன்று கூடல் நிகழ்வு அஹதியா பாடசாலையின் தலைவர் றிஸ்வி அவர்களின் தலைமையில் நேற்று சனிக்கிழமை நடைபெற்றது.

இந்நிகழ்வில் பிரதம அதிதியாக கலந்து சிறப்பித்ததோடு சம்மாந்துறை வலயத்திற்குற்பட்ட அஹதியா பாடசாலையினால் நடைபெறுகின்ற கல்வி நடவடிக்கைகள்‌ தொடர்பாகவும் கேட்டறிந்து கொண்டேன்.

இந்நிகழ்விக்கு பிரதம அதிதியாக என்னை‌ அழைத்து கெளரவித்த அஹதியா பாடசாலை நிர்வாகத்தினருக்கு எனது நன்றிகளை தெரிவித்துக் கொள்கிறேன்.

பொறியியலாளர்
உதுமான்கண்டு நாபீர்

11/11/2023

✍️ரச்சின் ரவீந்திரா உலக கோப்பை 23 ன் அக்டோபர் மாதத்திற்கான ஐசிசியின் சிறந்த வீரர் விருதை வென்றுள்ளார்.

10/11/2023

சர்வதேச கிரிக்கெட் கவுன்சில் (ICC) இனால் இலங்கை கிரிக்கெட்டின் ICC உறுப்புரிமையை உடனடியாக அமுலுக்கு வரும் வகையில் இடைநிறுத்தியுள்ளது.

10/11/2023

என்னை முகநூலில் விமர்சிக்கின்றவர்களுக்கு ஒரு ஞாபகமூட்டல்.

எல்லாப் புகழும் அல்லாஹ்வுக்கே

எனது பாராளுமன்ற காலங்களில் திருகோணமலை மாவட்டத்தில் என்னால் செய்யப்பட்ட வேலைகள்.
**********************************************
1. கிண்ணியா - தம்பலகாமம் பிரதான வீதி
2. அப்துல் கபூர் வீதி
3. றஹ்மானியா பிரதான வீதி
4. கட்டையாறு நடுப்பள்ளி வீதி
5. மாஞ்சோலை வீதி
6. அல் - ஹிறா வீதி
7. ஜாயா வீதி
8. ஜாயா மகளிர் மஹா வித்தியாலய வீதி
9. ஹிஜ்ரா வீதி
10. அல் - ஹிறா சந்தியிலிருந்து மகரூப் நகர் ஊடாக பைசல் நகர் வரையிலான வீதி
11. பைசல் நகரிலிருந்து ஆலங்கேனி வரையிலான வீதி
12. இடிமனிலிருந்து ஆல்ஙகேனி ஊடாக ஈச்சந்தீவு வரையிலான வீதி
13. பெரியாற்றுமுனை வீதி
14. கிண்ணியா நகர சபை வீதி
15. லத்தீப் விதான் வீதி
16. குறிஞ்சாக்கேணி VC வீதி
17. சூரங்கள் சந்தியிலிருந்து கற்குழி - மனியரசன் குளம் - ஆயிலியடி ஊடாக வான் எல பொலிஸ் வரையிலான வீதி
18. நெய்தல் நகர் வீதி மூதூர்
19. ஹைரியா வீதி மூதூர்
20. அல்லை நகர் மத்திய வீதி தோப்பூர்
21. வெலிங்டன் சந்தியிலிருந்து அல் தாரிக் மஹா வித்தியாலயம் வரையிலான வீதி கந்தளாய்
22. சிறாஜ் நகர் வீதி தம்பலகாமம்
23. புல்மோட்டையில் ஒரு வீதி
24. குச்சவெளியில் ஒரு வீதி
25. இரக்ககண்டியில் ஒரு வீதி
26. நிலாவெளியில் ஒரு வீதி
27. கருமலையூற்று வீதி
28. மூத்தாங்குள வீதி புல்மோட்டை
29. ஈச்சநகர் வீதி தம்பலகாமம்
30. மேல்திடல் வீதி காக்காமுனை
31. வைத்தியர் வீதி மாஞ்சோலைச்சேனை
32. ஆலங்கேணி - நெடுந்தீவு வீதி 500 மீட்டர்.
33. மாகாமாறு குளத்து வீதி Metal and Tarring
34. தம்பலகாமம் வைத்தியசாலை வீதி (தாயிப் நகர்)
35. கச்சக்கொட்டத்தீவு - மகரூப் கிராமம் - நடுஊற்றூ வீதி - வெள்ளங்குளம் சந்திவரையலான வீதி.

1. தேசிய இளைஞர் படையணியை ஆரம்பித்தது
2. கிண்ணியா நகர சபை பிரதேச சபை உருவாக்கம்
3. கிண்ணியாவில் CEB அத்தியட்சகர் அலுவலகத்தை ஸ்தாபித்தது.
4. கிண்ணியா கல்வி வலயத்தில் 3 கல்விக் கோட்டங்களாக உருவாக்கியமை
5. கிண்ணியா வைத்தியசாலை A தரமாக தரம் உயர்த்தியதுடன் அங்கு அமைக்கப்பட்ட MO Quarters and Consultant Quarters.
6. எழில் அரங்கு மைதானம். குறைகள் மிக விரைவில் நிவர்த்தி செய்யப்படும்
8. அல் அக்ஸா கல்லூரியை தேசிய பாடசாலையாக மாற்றியமை
9. கிண்ணியா பஸ் நிலையம்
10. தற்பொழுது வேலைகள் நடைபெற்றுக்கொண்டிருக்கும் காக்காமுனை விளையாட்டு மைதானம்
11. முள்ளிப்பொத்தானை புகையிரத நிலையம்
12. குச்சவெளிக்கான மின்சாரம்
13. நடுவூற்றுக்கான மின்சாரம்
14. குச்சவெளி அந்நூரியா வித்தியாலயத்திற்கான காணியைப் பெற்றது
15. கிண்ணியாவுக்கான நீர்வழங்கல் சபைக்கான காரியாலயத்தை ஸ்தாபித்தது.
16. நாட்டில் ஏற்பட்ட பொருளாதார பிரச்சினையால் தொடரமுடியாமல் இடையில் நிறுத்தப்பட்ட பல்கலைக்கழக கல்லூரி

17. மூதூர் மத்திய கல்லூரிக்கான 5 கோடி ரூபாயில் மாணவர் விடுதி
18. மூதூர் தக்வா நகர், ஹபீப் நகர், பஹ்ரியா நகருக்கான கடலரிப்புத் தடை
19. கிண்ணியா பிரதேச சபைக்கான புதிய MOH காரியாலயம்
20. உப்பாறு பொழுதுபோக்கு பூங்கா
21. மாஞ்சோலைச்சேனை உப-தபாலகம் உருவாக்கம்.
22. குறிஞ்சாக்கேணி உப-தபாலகம் தபாலகமாக தரமுயர்த்தியது.
23. மூதூர் தள வைத்தியசாலைக்கான Endoscopy வழங்கியமை.
24. கிண்ணியா மத்திய கல்லூரிக்கான நிருவாகக் கட்டிடமும் வகுப்பறையும் (3 மாடிகள்)

எனது முயற்சியால் செய்யப்பட்ட பாலங்கள்
*****************************************
1. கிண்ணியா பாலம்
2. சம்மாவச்சதீவு பாலம்
3. குறையாக இருந்த கெழுத்தியோடைப் பாலம்
4. மாஞ்சோலை இரும்புப் பாலம் (Steel Bridge)
5. முள்ளிப்பொத்தானை பாத்திமா வித்தியாலய வீதிப்பாலம்
6. மூதூர் ஹபீப் நகர் பாலம்
7. மூதூர் அறபா நகரில் ஒரு பாலம்
8. பீங்கான் உடைந்த ஆறு விவசாயப் பாலம்
9. வடசல் பாலம் ஆரம்பிக்கப்பட்டு நாட்டின் பொருளாதார வீழ்ச்சி காரணமாக இடைநிறுத்தப்பட்டுள்ளது.
10. சோலவெட்டுவான் பாலம்
11. மூதூர் நெய்தல் நகர் - பால நகர் பாலம்
12. குறிஞ்சாக்கேணி பாலம் ஆரம்பிக்கப்பட்டு நாட்டின் பொருளாதார வீழ்ச்சி காரணமாக இடைநிறுத்தப்பட்டுள்ளது. மீண்டும் சவூதி நிதியுடன் மிக விரைவில் ஆரம்பிக்கப்படும் இன்ஷா அல்லாஹ்.
13. மீறாநகர் போக்கடிப் பாலம், தம்பலகாமம்
14. ஜனசவிய வீதிப் பாலம் வெள்ளைமணல்
15. குச்சவெளி சமுலங்குளம் பாலம் நிர்மாண வேலைகள் நடந்துகொண்டிருக்கிறது.

08/11/2023

✍️இந்தோனேசியாவின் Banda Sea பகுதியில் சக்திவாய்ந்த நிலநடுக்கம் ஒன்று உணரப்பட்டுள்ளது.

இது 7.2 ரிக்டர் அளவில் பதிவானதாக இந்தோனேசிய அதிகாரிகள் தெரிவித்தனர்.

இது தொடர்பாக சுனாமி எச்சரிக்கை எதுவும் விடுக்கப்படவில்லை என்றும் தெரிவிக்கப்பட்டுள்ளது.

08/11/2023

✍️பலஸ்தீனுக்கு ஆதரவாக கொழும்பில் சமாதான மாநாடு : பிரகடனம் ஒன்றும் முன்மொழியப்பட்டது.

நூருல் ஹுதா உமர்

பலஸ்தீனுக்கு பூரண சமாதானத்துடன் நிம்மதியும், சுதந்திர வாழ்வும் கிடைக்க வேண்டும் என்ற நோக்கில் கொழும்பு ஹைட்பார்க் மைதானத்தில் வீ ஆர் வன் அமைப்பு ஏற்பாடு செய்த சமாதான எழுச்சி நிகழ்வு நேற்று ஆயிரக்கணக்கான மக்களின் பங்கெடுப்புடன் நடைபெற்றது.

சர்வமத தலைவர்கள், அரசியல் கட்சிகளின் தலைவர்கள், பாராளுமன்ற உறுப்பினர்கள், அரசியல் பிரமுகர்கள், முக்கிய பல சிவில் சமூக இயக்கங்கள் கலந்து கொண்ட இந்நிகழ்வில் இலங்கைக்கான பலஸ்தீன அரசின் தூதுவர் கலாநிதி. ஸுஹைர் எம். எச். டார் செயிட் கலந்து கொண்டார்.

இந்த சமாதான மாநாட்டில் பிரகடனம் ஒன்று வாசிக்கப்பட்டு அந்த மாநாட்டில் கலந்துகொண்ட சர்வமத தலைவர்கள், அரசியல் கட்சிகளின் தலைவர்கள், பாராளுமன்ற உறுப்பினர்கள், அரசியல் பிரமுகர்கள், சிவில் சமூக இயக்கங்கள் ஆகியவற்றின் ஒப்புதலுடன் ஐக்கிய நாடுகள் சபையின் கொழும்பு காரியாலயத்தில் குறித்த பிரகடனம் கையளிக்க நடவடிக்கைகள் எடுக்கப்பட்டுள்ளதாக கொழும்பு மாநகர சபை முன்னாள் உறுப்பினரும், ஐக்கிய சமாதான கூட்டமைப்பின் ஸ்தாபகரும், பொருளாளருமான ஐ.ஏ. கலீலுர்ரஹ்மான் ஊடகங்களுக்கு தெரிவித்தார்.

08/11/2023

✍️வர்த்தக வாணிப துறை முன்னாள் அமைச்சர் மறைந்த ஏ.ஆர்.மன்சூர் பெயரில் கல்முனை அல்-பஹ்றியா மகா வித்தியாலயத்தில் (தேசிய பாடசாலை) நவீன இலத்திரனியல் வகுப்பறை திறந்து வைப்பு ...!

---------

(எம்.என்.எம்.அப்ராஸ்)

கல்முனை ரஹ்மத் பவுண்டேசனின் அனுசரணையில் கல்முனை தொகுதியில் பொது மக்களுக்கு சேவை செய்து மக்கள் மனங்களில் நீங்காத இடம் பிடித்த சேவை புயல் மறைந்த முன்னாள் வர்த்தக வாணிப துறை அமைச்சர் மறைந்த(மர்ஹூம்)ஏ.ஆர்.மன்சூர் அவர்களின் பெயரில் கல்முனை அல்-பஹ்றியா மகா வித்தியாலய (தேசிய பாடசாலை) மாணவர்களின் கல்வி செயற்பாட்டை விருத்தி செய்யும் முகமாக நவீன இலத்திரனியல் வகுப்பறை(Smart Board Education) திறப்பு மற்றும் திறன் பலகை(Smart Board)வழங்கி வைக்கும் நிகழ்வு பாடசாலை அதிபர் எம்.எஸ்.எம். பைசலின் தலைமையில் நேற்று(07)இடம்பெற்றது.

நிகழ்வின் பிரதம விருந்தினராக கல்முனை வலயக்கல்விப் பணிப்பாளர் எம்.எஸ்.எஸ்.நஜீம்,கௌரவ அதிதியாக ஶ்ரீ லங்கா முஸ்லிம் காங்கிரஸின் தேசிய ஒருங்கிணைப்புச்செயலாளரும்,கல்முனை மாநகர முன்னாள் பிரதி முதல்வரும் கல்முனை ரஹ்மத் பவுண்டேஷன் ஸ்தாபகருமான ரஹ்மத் மன்சூர் அவர்களும்,விசேட அதிதிகளான பிரதி அதிபர்கள் எம்.ஏ.சலாம் மற்றும் ஈ.றினோஸ் ஹஜ்மீன் ஆகியோர் கலந்து கொண்டனர்.

மேலும் பாடசாலையின் பகுதித் தலைவர்கள், ஆசிரியர்கள், மாணவர்கள்,பழைய மாணவர் சங்கச் செயலாளர் எம்.ஐ.எம்.ஜிப்ரி,
பாடசாலை அபிவிருத்திக் குழு உறுப்பினர்கள்,பாடசாலையின் முன்னாள் பிரதி அதிபரும் றியாலுல் ஜன்னாஹ் பாடசாலையின் தற்போதைய அதிபருமான எம்.ஏ.அஸ்தார்,ரஹ்மத் பவுண்டேசன் உறுப்பினர்கள்,மாணவர்களின் பெற்றோர்கள், நலன் விரும்பிகள் என பலர் கலந்து சிறப்பித்தனர். நிகழ்வின் அங்கமாக தரம் 1-5 வரையான வகுப்புகளில் முதலாம்,இரண்டாம் மற்றும் மூன்றாம் இடங்களைப் பெற்ற மாணவர்களுக்கு பதக்கங்களும்,
மாணவ பாராளுமன்ற உறுப்பினர்களுக்கான சான்றிதழ்களும் அதிதிகளினால் வழங்கி கெளரவிக்கப்பட்டனர்.

மேலும் நிகழ்வில் வலயக் கல்விப் பணிப்பாளர் மற்றும் முன்னாள் பிரதி முதல்வர் ஆகியோருக்கு பாடசாலை சமூகத்தினரால் பொன்னாடை போர்த்தப்பட்டு நினைவுச்சின்னங்கள் வழங்கிக் கௌரவிக்கப்பட்டனர்.

08/11/2023

கொழும்பு தாமரை கோபுரத்தில் சாகச விளையாட்டு ஆரம்பம்.

கொழும்பு தாமரை கோபுரத்தில் கயிறு ஏறும் (அப்செய்லிங்) சாகச விளையாட்டுகள் விரைவில் ஆரம்பமாகவுள்ளதென தாமரை கோபுர நிர்வாகம் தெரிவித்துள்ளது.

கொழும்பு தாமரை கோபுரத்தில் இன்று(07.11.2023) இதன் ஆரம்பகட்ட நிகழ்வுகள் நடைப்பெற்றன.

இது குறித்து, கொழும்பு தாமரைக் கோபுரத்தின் பிரதம நிறைவேற்று அதிகாரியும் பணிப்பாளருமான மேஜர் ஜெனரல் எஸ்.ஏ.பி.பி சமரசிங்க தெரிவிக்கையில்,

“ 2022 ஆம் ஆண்டு செப்டெம்பர் மாதம் இந்த வளாகம் பொதுமக்களுக்காக திறக்கப்பட்டதிலிருந்து 1.3 மில்லியனுக்கும் அதிகமான மக்கள் இதனை பார்வையிட்டுள்ளனர்

இந்த வருடம் இறுதியில் ஸ்கைவாக் அனுபவம் மற்றும் உணவகங்கள் திறக்கப்படும் என்றும், பங்கீ ஜம்பிங் வருவதற்கு தாமதமாகும் என்றும், மேலும் டிஜிட்டல் கலை அருங்காட்சியகம் ஜனவரி மாதம் திறக்கப்படும் ”என தெரிவித்திருந்தார்.

முன்னாள் ஜனாதிபதி மகிந்த ராஜபக்சவின் ஆட்சிக்காலத்தில் தாமரை கோபுரத்தை அமைப்பதற்கான பணிகள் ஆரம்பிக்கபட்டு 2018 இல் பணிகள் நிறைவுற்றிருந்த நிலையில் 2022 இல் பொது மக்களின் பார்வைக்காக திறந்து வைக்கப்பட்டது.

தற்போது தெற்காசியாவிலேயே மிக உயரமான கோபுரங்களில் ஒன்றாக கொழும்பு தாமரை கோபுரம் திகழ்கின்றமை குறிப்பிடத்தக்கது.

07/11/2023

கல்முனை #ரஹ்மத்_பவுண்டேசன் மூலம் கல்முனை அல்-பஹ்றியா பாடசாலைக்கு ஏ.ஆர்.மன்சூர் நவீன வகுப்பறை “A.R.Munsoor Smart Class Room” திறப்பு விழாவும், திறன் பலகை “Smart Board” வழங்கிவைப்பும்..!!
-•-•-•-•-•-•-•-•-•-•-•-•-•-•-•-•-•-•-•-•-•-•-•-•-•-•-•-•-

கமு/கமு அல்-பஹ்றியா (தேசிய பாடசாலை) அதிபர் திரு. எம்.எஸ்.எம்.பைசலின் வேண்டுகோளுக்கிணங்க பாடசாலைக்கான ”திறன் பலகை” (Smart Board) கல்முனை ரஹ்மத் பவுண்டேசனினால் வழங்கி வைக்கப்பட்டது.

கற்றல் நடவடிக்கைகளில் ஈடுபடுகின்ற மாணவர்களின் நலன்கருதி நவீன கற்பித்தல் முறையின் அடுத்தகட்ட வளர்ச்சியாக முன்னாள் பாராளுமன்ற உறுப்பினரும், அமைச்சரும், தனது நேசமிகு தந்தையுமான மர்ஹூம் “ஏ.ஆர்.மன்சூர்” அவர்களின் பெயரில் புதிய நவீன வகுப்பறையுடன் கூடிய திறன் பலகைக் கல்வி (Smart Board Education) இன்று (07) மாணவர்கள் பாவனைக்காக திறந்து கையளித்து வைக்கப்பட்டது.

இந்நிகழ்வின் ஓர் அங்கமாக தரம் 1-5 வரையான வகுப்புகளில் முதலாம், இரண்டாம் மற்றும் மூன்றாம் இடங்களைப் பெற்ற மாணவர்களுக்கு பதக்கங்களும், மாணவர் பாராளுமன்ற உறுப்பினர்களுக்கான சான்றிதழ்களும் அதிதிகளினால் வழங்கி கெளரவிக்கப்பட்டனர்.

இந்நிகழ்வுக்கு பிரதம அதிதியாக கல்முனை வலயக் கல்விப் பணிப்பாளர் திரு. எம்.எஸ்.சஹுதுல் நஜீம் அவர்களும், கெளரவ அதிதியாக கல்முனை மாநகர முன்னாள் பிரதி முதல்வரும், ஶ்ரீ லங்கா முஸ்லிம் காங்கிரஸின் தேசிய ஒருங்கிணைப்புச் செயலாளரும், கல்முனை ரஹ்மத் பவுண்டேஷன் ஸ்தாபகருமான ரஹ்மத் மன்சூர் அவர்களும், விசேட அதிதிகளான பிரதி அதிபர்கள் திரு எம்.ஏ.சலாம் மற்றும் திருமதி ஈ.றினோஸ் ஹஜ்மீன் அவர்களும்,

பாடசாலையின் பகுதித் தலைவர்கள், ஆசிரியர்கள், மாணவர்கள், பாடசாலை அபிவிருத்திக் குழு உறுப்பினர்களான எஸ்.ரீ.எம்.பஸ்வாக் மற்றும் எம்.எஸ்.எம்.பழீல் (12 ஆம் வட்டார ஶ்ரீ லங்கா முஸ்லிம் காங்கிரஸ் அமைப்பாளர்), பழய மாணவர் சங்கச் செயலாளர் சட்டத்தரணி எம்.ஐ.எம்.ஜிப்ரி, பாடசாலையின் முன்னாள் பிரதி அதிபரும் றியாலுல் ஜன்னாஹ் பாடசாலையின் தற்போதைய அதிபருமான எம்.ஏ.அஸ்தார், ரஹ்மத் பவுண்டேசன் உறுப்பினர்கள், மாணவர்களின் பெற்றோர்கள், நலன் விரும்பிகள் என பலர் கலந்து சிறப்பித்தனர்.

மேலும் இந்நிகழ்வின் ஞாபகார்த்தமாக வலயக் கல்விப் பணிப்பாளர் மற்றும் முன்னாள் பிரதி முதல்வர் ஆகியோருக்கு பாடசாலை சமூகத்தின் சார்பில் அதிபர் திரு. பைசல் நினைவுச் சின்னம் வழங்கி கெளரவித்தார்.

- RM ஊடகப் பிரிவு

07/11/2023

✍️8, 9, 10 ஆகிய மூன்று நாட்களில் அனைத்து தபால் ஊழியர்களின் விடுமுறையும் உடனடியாக அமுலுக்கு வரும் வகையில் ரத்து செய்ய நடவடிக்கை எடுக்கப்பட்டுள்ளது. தபால் மா அதிபர் ருவன் சத்குமார இந்த தீர்மானத்தை எடுத்துள்ளார்.

07/11/2023

✍️தபால் ஊழியர்கள் நாடளாவிய ரீதியில் பணிப்பகிஷ்கரிப்பில் ஈடுபட தீர்மானித்துள்ளனர். இன்று (07) நள்ளிரவு முதல் 48 மணித்தியாலங்களுக்கு பணிப்பகிஷ்கரிப்பு தொடரும் என இலங்கை தபால் சேவை சங்கத்தின் தலைவர் ஜகத் மஹிந்த தெரிவித்தார்.

07/11/2023

கல்முனை அல்-பஹ்ரியா மகா வித்தியாலயம், தேசிய பாடசாலையின் எதிர்வருகின்ற இரு ஆண்டுக்கான (2024, 2025) நிருவாகிகள் தேர்வு பழைய மாணவர் சங்கத்தின் தலைவர் அதிபர் MSM Baishal தலைமையில் 02.12.2023 அன்று பிற்பகல் 5 மணியளவில் பாடசாலையின் கேட்போர் கூடத்தில் இடம்பெறும்.
இந் நிர்வாகிகள் தேர்வுக்கு பழைய மாணவர்கள் தவறாது சமுகமளிப்பதுடன்,
பழைய மாணவர் சங்க அங்கத்தவர் விண்ணப்பப் பத்திரங்களை எதிர்வரும் 2023.11.08 (புதன் கிழமை ) முதல் 2023.11.30 (வியாழக்கிழமை) வரை பி ப 7.30 முதல் பி.ப. 11.00 மணிவரை பாடசாலையின் பழைய மாணவர் சங்க காரியாலயத்தில் பெற்று பூரணப்படுத்தி ஒப்படைக்கவும்.

தொடர்புகளுக்கு :

பழைய மாணவர் சங்க செயலாளர் : 0772964496.

பழைய மாணவர் சங்க உப செயலாளர் :
0773784194.