Dharussafa NEWS

27/12/2024

கடந்த இரண்டு வருடங்களுக்கு முன்பு இருந்த பொருளாதார நெருக்கடி தற்போது மீழ் எழுச்சி பெற்று அத்தியாவசிய பொருட்களின் விலைகள் கணிசமான அளவு குறைந்த விலைகளில் மக்களுக்கு பெறக்கூடியதாக உள்ளது.

இந்த சூழ்நிலையில் மாட்டு இறைச்சி மாத்திரம்,ஏழை மக்களால், நடுத்தர மக்களால் வாங்கி உண்ண முடியாத அளவிற்கு அறி கூடிய விலைகளுக்கு விற்பனை செய்யப்பட்டு வருகிறது; இதற்காக வேண்டி நாடளாவிய ரீதியில் பாரிய ஆர்ப்பாட்டம் ஒன்று எதிர்வரும் முதலாம் திகதியிலிருந்து நடத்துவதற்கு ஏற்பாடு செய்யப்பட்டுள்ளது.

அந்த அடிப்படையில் தயவு செய்து ஜனவரி 1ஆம் திகதியிலிருந்து ஜனவரி 15ஆம் திகதி வரை நாடளாவிய ரீதியில் மாட்டு இறைச்சி வாங்குவதனை மக்கள் முற்றாகத் தவிர்ந்து கொண்டு 1800/- ரூபாய் வரைக்கும் விற்பனை செய்யப்படும் வரை இப் போராட்டம் தொடரும் என்பதனை தெரிவித்துக் கொள்வதோடு; ஜனவரி 16ம் திகதி மாட்டு இறைச்சி மாபியாக்களுக்கு எதிரான நாடளாவிய ரீதியில் மாபெரும் போராட்டம் ஒன்று ஏற்பாடும் செய்யப்பட்டுள்ளது. இதற்காக வேண்டி நாட்டில் உள்ள அனைத்து மக்களும் ஒத்துழைப்பு வழங்குமாறு பணிவன்புடன் கேட்டுக்கொள்கின்றோம்.

முஸ்லிம் முற்போக்கு முன்னணி..

26/12/2024

NPP அரசாங்கம் இலக்கை அடையுமென ஹரீன் நம்பிக்கை

இலங்கை 02 மில்லியன் சுற்றுலா பயணிகளின் வருகையை எட்டிய சாதனையை இலங்கையின் முன்னாள் சுற்றுலா அமைச்சர் ஹரின் பெர்னாண்டோ இன்று பாராட்டியுள்ளார்.

2024 ஆம் ஆண்டிற்கு 02 மில்லியன் இலக்கு நிர்ணயிக்கப்பட்டதாகவும், அதிகாரிகளால் அதனை அடைய முடிந்துள்ளதாகவும் ஹரின் பெர்னாண்டோ தனது 'X' பக்கத்தில் பதிவிட்டுள்ளார்.

கடந்த அரசாங்கம் நிர்ணயித்த 2025 ஆம் ஆண்டிற்கான 2.5 மில்லியன் சுற்றுலாப் பயணிகளின் இலக்கை அரசாங்கம் அடைய முடியும் என்று அவர் மேலும் நம்பிக்கை தெரிவித்தார்.

“2024 இல் நாங்கள் கணித்தது உண்மையாகிவிட்டது, கடின உழைப்பு பலனளித்தது, நாங்கள் பூஜ்ஜிய சுற்றுலாப் பயணிகளுடன் ஆரம்பித்தோம்.

இச்சாதனையில் பங்காற்றிய தொழில்துறை மற்றும் இலங்கை சுற்றுலா ஊழியர்களுக்கு பாராட்டுக்கள், 2025 ஆம் ஆண்டிற்கான யதார்த்தமான இலக்காக 2.5 மில்லியனை அடைய புதிய அரசாங்கம் நல்ல பணியை தொடர வாழ்த்துகிறேன் ” என ஹரின் பெர்னாண்டோ 'எக்ஸ்' பதிவில் தெரிவித்துள்ளார்.

26/12/2024

26/12/2024

✍️ சுனாமி அனர்த்ததினால் உயிரிழந்தவர்களின் நினைவாக கல்முனை கடற்கரை பள்ளிவாசலில் விஷேட துஆ பிராத்தனை ...!
======
( எம்.என்.எம்.அப்ராஸ்)

சுனாமி ஆழிப்பேரலை அனர்த்தம் இடம்பெற்று இடம்பெற்று இன்றுடன் 20வருடங்கள் பூர்த்தியாகின்றன. சுனாமி அனர்த்ததினால் உயிரிழந்தவர்களின் நினைவாக அம்பாரை மாவட்டம் கல்முனை கடற்கரை பள்ளிவாசல் நாஹுர் ஆண்டகை தர்ஹாவில் கத்தமுல் குர்ஆன் வைபவமும் விஷேட துஆ பிரார்த்தனையும் இன்று(26)இடம்பெற்றது .

கல்முனை முஹ்யித்தீன் ஜும்ஆ பெரிய பள்ளிவாசல் மற்றும் கல்முனை கடற்கரை பள்ளிவாசல் நாகூர் ஆண்டகை தர்கா ஷரீஃப் நம்பிக்கையார் சபை ஏற்பாடு செய்த கத்தமுல் குர்ஆன்,விஷேட துஆ பிராத்தனையும் கல்முனை கடற்கரை பள்ளிவாசல் நாஹுர் ஆண்டகை தர்ஹாவில் இடம்பெற்றது.

கல்முனை மஸ்ஜிதுல் புர்க்கானிய்யா பேஸ் இமாம் மௌலவி நௌபர் அமீன் (வாஹிதி)அவர்களினால் விஷேட துஆப் பிரார்த்தனையும்,கல்முனை முஹ்யித்தீன் ஜும்ஆ பெரிய பள்ளிவாசல் மற்றும் கடற்கரைப் பள்ளிவாசல் நாஹுர் ஆண்டகை தர்ஹா ஷரீஃப் பிரதி தலைவர் மௌலவி அல்ஹாஜ் ஏ.ஆர்.சபா முஹம்மது (நஜாஹி காதிரி) அவர்களினால் சுனாமி நினைவு உரையும் இடம்பெற்றது.

இதன் போது உலமாக்கள்,முஹ்யித்தீன் ஜும்ஆ பெரிய பள்ளிவாசல் மற்றும் கடற்கரைப் பள்ளிவாசல் நாஹுர் ஆண்டகை தர்ஹா ஷரீஃப் தலைவர் எம். எல்.ஏ.அஸீஸ்,
ஜாமிஆ மன்பயில் ஹிதாயா அரபுக் கலாபீட மாணவர்கள் பள்ளிவாசல் நிர்வாக்தினர் பொது மக்கள் என பலரும் கலந்து கொண்டனர்

கடந்த 2004 ஆண்டு ஏற்பட்ட சுனாமி ஆழிப்பேரலை அனர்தத்தினால் அம்பாறை மாவட்டத்தின் கல்முனை பிரதேசம் அதிகமான உயிரிழப்புக்களையும்,
சேதங்களை சந்தித்த பிரதேசம் என்பது குறிப்பிடத்தக்கது.

26/12/2024

✍️ஹபரணை காட்டு வீதியில் நேற்றிரவு இடம்பெற்ற பயங்கரம் – நபர் ஒருவரை கேப் வண்டியினுள் வைத்து எரித்த சம்பவம் பதிவு

ஹபரணை பொலனறுவை பிரதான வீதியில் ஹத்தே கன்வானுக்கும் படுஓயாவுக்கும் இடையில் 38 ஆவது கிலோமீற்றர் தூணுக்கு அருகில் நேற்றிரவு (25) இரவு கெப் வாகனமொன்றில் எரிந்த நிலையில் நபரொருவரின் சடலம் கண்டுபிடிக்கப்பட்டுள்ளதாக மின்னேரிய பொலிஸார் தெரிவிக்கின்றனர்.

ஹபரணை மின்னேரிய வீதியில் பயணித்த நபர் ஒருவர் கெப் வாகனமொன்று தீப்பிடித்து எரிவதாக மின்னேரிய பொலிஸாருக்கு அறிவித்ததையடுத்து மின்னேரிய பொலிஸார் எரிந்துகொண்டிருந்த கெப் வாகனத்தை கண்டெடுத்ததாக பொலிஸார் தெரிவிக்கின்றனர்.

நேற்று (25) இரவு 10 மணியளவில் தீ பரவியதாகவும், அப்போது கெப் வாகனம் ஹபரணை நோக்கி நிறுத்தப்பட்டதாகவும், அதில் வேறு யாரும் இருக்கவில்லை என்றும் மின்னேரிய பொலிஸார் தெரிவிக்கின்றனர்.

நபர் ஒருவரைக் கொன்று அவரது சடலத்தை வண்டியில் ஏற்றி, கெப் வாகனத்தை இந்த பகுதிக்கு கொண்டு வந்து தீ வைத்து எரித்திருக்கலாம் என பொலிஸார் சந்தேகிக்கின்றனர்.

மின்னேரியா பொலிஸாரும் பொலனறுவை மாநகரசபையின் தீயணைப்புத் திணைக்கள அதிகாரிகளும் வந்து பெரும் முயற்சியில் தீயை முழுமையாக அணைத்தனர்.

மேலும், தீப்பிடித்த கெப் வாகனம் கொழும்பு பகுதியை சேர்ந்த ஒருவருக்கு சொந்தமானது என பொலிஸார் கண்டுபிடித்துள்ளனர்.

மடவல நிவ்ஸ்

26/12/2024

A.M.Riyaz ஏகமனதாக தெரிவு

நேற்று 2024/12/25 கல்முனை பஹ்ரியா மகாவித்தியாலயத்தில் இடம்பெற்ற விக்டோரியஸ் விளையாட்டுக் கழகத்தின் வருடாந்த பொதுக்கூட்டத்தில் கழகத்தின் புதிய தவிசாளராக மீண்டும் கழக இஸ்தாபகத் தலைவர் சமூக செயற்பாட்டாளர் A.M.Riyaz (bestor) ஏகமனதாக தெரிவு செய்யப்பட்டார்........... !

25/12/2024

✍️ கல்முனை அஷ்ரப் ஞாபகார்த்த வைத்தியசாலையில் வெள்ளத்தினால் பழுதடைந்துள்ள 3 Dialysis Machines - டயலைஸிஸ் இயந்திரங்கள் தொடர்பாக சுகாதார அமைச்சின் கவனத்திற்கு கொண்டு சென்று நடவடிக்கை எடுக்கவுள்ளேன்.

நாடாளுமன்ற உறுப்பினர் டாக்டர் ராமநாதன் அர்ச்சுனா அறிவிப்பு.

கல்முனை அஷ்ரப் ஞாபகார்த்த வைத்தியசாலையில் வெள்ளத்தினால் பழுதடைந்துள்ள 3 Dialysis Machines - டயலைஸிஸ் இயந்திரங்கள் தொடர்பாக சுகாதார அமைச்சின் கவனத்திற்கு கொண்டு சென்று நடவடிக்கை எடுக்கவுள்ளேன் என யாழ் மாவட்ட நாடாளுமன்ற உறுப்பினர் டாக்டர் அர்ச்சுனா தெரிவித்துள்ளார்

சுகாதாரத் துறையில் நிலவும் குறைபாடுகளை கண்டறிந்து மக்களுக்கு வசதி அளிப்பதே தனது நோக்கம் என தெரிவித்துள்ள டாக்டர் அர்ச்சனா ராமநாதன் கல்முனை அஷ்ரப் ஞாபகார்த்த வைத்தியசாலையின் டயாலிசிஸ் இயந்திரத்தை திருத்தம் செய்வதற்கான உடனடி நடவடிக்கைகளை மேற்கொள்ளுமாறு சுகாதார அமைச்சை கோரவுள்ளதாக தெரிவித்துள்ளார்

அத்துடன் இது தொடர்பாக நேரடி காணொளி ஒன்றின் மூலம் கருத்து வெளியிட்டுள்ள யாழ் மாவட்ட நாடாளுமன்ற உறுப்பினர் டாக்டர் அர்ச்சுனா ராமநாதன் கருத்து தெரிவிக்கையில்

இந்த விடயம் தொடர்பில் நாளை சுகாதார அமைச்சின் கவனத்திற்கு கொண்டு வர போவதாக தெரிவித்துள்ளதுடன் தான் இந்த விடயத்தை எடுத்தாளுகின்ற போது அம்பாறை மாவட்டத்திலுள்ள நாடாளுமன்ற உறுப்பினர்கள் இதனை பிழையாக கருத்தில் கொள்ள வேண்டாம் என்றும், நான் இவ்விடத்தை தான் சுகாதார அமைச்சின் கவனத்திற்கு கொண்டுவரும் அதே வேளை அந்த மாவட்டத்தில் உள்ள நாடாளுமன்ற உறுப்பினர்களும் இதுகுறித்து அமைச்சின் கவனத்திற்கு கொண்டுவர முடியும் எனவும் தெரிவித்தார்.

Junaideen

24/12/2024

✍️ முன்னாள் ஜனாதிபதி மஹிந்த ராஜபக்ஷவுக்கு ISIS பயங்கரவாதிகள் மற்றும் விடுதலைப் புலிகள் குழுக்களிடமிருந்து மரண அச்சுறுத்தல் விடுக்கப்பட்டுள்ளதாக ஸ்ரீலங்கா பொதுஜன பெரமுன (SLPP) சட்டத்தரணிகள் சங்கத்தின் உப தலைவர் மனோஜ் கமகே தெரிவித்துள்ளார்

24/12/2024

✍️ சம்மாந்துறை பிரதேசத்திற்கு அரச ஒசுசல மற்றும் பஸ் டிப்போ நிறுவுவதற்காக பாராளுமன்ற உறுப்பினர் அஷ்ரப் தாஹிர் நடவடிக்கை…

சம்மாந்துறை பிரதேச அபிவிருத்தி ஒருங்கிணைப்பு குழு கூட்டம் இன்று (24) ஒருங்கிணைப்புக் குழுவின் தலைவரும், பாராளுமன்ற உறுப்பினருமான ஏ.ஆதம்பாவா தலைமையில் பிரதேச செயலக கேட்போர் கூடத்தில் நடைபெற்றது.

இதன்போது சம்மாந்துறை பிரதேசத்திற்கான அரச ஒசுசல ஒன்றினை நிறுவுதல், கல்முனை பஸ் டிப்போவுடன் சம்மாந்துறை பஸ் டிப்போவினை மீண்டும் சம்மாந்துறையில் நிறுவுதல் போன்ற விடயங்கள் பாராளுமன்ற உறுப்பினர் அஷ்ரப் தாஹிரினால் முன்மொழியப்பட்டு கலந்துரையாடப்பட்டிருந்தது.

இவ் அபிவிருத்தி ஒருங்கிணைப்பு குழுக் கூட்டத்தில் சம்மாந்துறை பிரதேச நீர்பாசன பிரச்சினைகள், சம்மாந்துறை வைத்தியசாலை காணி விவகாரம், ஜமாலியா பாடசாலை மாற்று காணி விடயம், மாவடிப்பள்ளியில் உடனடியாக பாலம் அமைப்பது சம்மந்தமான தீர்மானம், விவசாய காணி சம்மந்தமான பிரச்சினைகள், நீர்ப்பாசன பிரச்சினைகளுக்கான தீர்வுகள், போன்றவை கலந்தாலோசிக்கப்பட்டு முடிவுகளும் எடுக்கப்பட்டிருந்தமை குறிப்பிடத்தக்கது.

சம்மாந்துறை பிரதேச செயலாளர் எஸ்.எல் முஹம்மது ஹனீபாவின் ஒருங்கிணப்பில் இடம்பெற்ற இந் நிகழ்வில் கிராமிய அபிவிருத்தி சமூக வலுவூட்டல் பிரதி அமைச்சர் வசந்த பியதிஸ்ஸ, பாராளுமன்ற உறுப்பினர்களான எம்.ஏ.எம் அஷ்ரப் தாஹிர் ஏ.எம்.மஞ்சுல ரத்னாயக்க, எம்.எஸ் உதுமாலெப்பை ,கே.கோடிஸ்வரன், ஜனாதிபதி சட்டத்தரணி எம் நிசாம் காரியப்பர், அம்பாறை மாவட்ட அரசாங்க அதிபர் சிந்திக அபேவிக்ரம, மாவட்ட செயலக பிரதம பொறியியலாளர் ஏ.பி.எம் சாஹீர், பிரதம கணக்காளர், ஏ.எல் மஹ்ரூப், உதவி பிரதேச செயலாளர் யூ.எம் அஸ்லம், பிரதித் திட்டமிடல் பணிப்பாளர் கலாநிதி ஏ.எல்.எம் அஸ்லம் மற்றும் திணைக்களங்களின் தலைவர்கள் பிரதேச செயலகத்தின், கிராம மட்ட அமைப்புக்களின் பிரதிநிதிகள் உட்பட பலரும் கலந்து கொண்டனர்.

24/12/2024

✍️சம்மாந்துறை பிரதேச செயலக அபிவிருத்தி குழு கூட்டம்

(சர்ஜுன் லாபீர்)

சம்மாந்துறை பிரதேச செயலக அபிவிருத்தி ஒருங்கிணைப்பு குழு கூட்டம் இன்று(24) ஒருங்கிணைப்புக்குழுவின் தலைவரும், பாராளுமன்ற உறுப்பினருமான ஏ.ஆதம்பாவா தலைமையில் பிரதேச செயலக கேட்போர் கூடத்தில் நடைபெற்றது.

சம்மாந்துறை பிரதேச செயலாளர் எஸ்.எல் முஹம்மது ஹனீபாவின் ஒருங்கிணப்பில் இடம்பெற்ற இந் நிகழ்வில் கிராமிய அபிவிருத்தி சமூக வகூவூட்டல் பிரதி அமைச்சர் வசந்த பியதிஸ்ஸ,பாராளுமன்ற உறுப்பினர்களான ஏ.எம்.மஞ்சுல ரத்னாயக்க,எம்.எஸ் உதுமாலெப்பை,எம்.ஏ.எம் தாஹீர்,கே.கோடிஸ்வரன்,ஜனாதிபதி சட்டத்தரணி எம் நிசாம் காரியப்பர்,அம்பாறை மாவட்ட அரசாங்க அதிபர் சிந்திக அபேவிக்ரம,மாவட்ட செயலக பிரதம பொறியியலாளர் ஏ.பி.எம் சாஹீர்,பிரதம கணக்காளர்,ஏ.எல் மஹ்ரூப்,உதவி பிரதேச செயலாளர் யூ.எம் அஸ்லம்,பிரதித் திட்டமிடல் பணிப்பாளர் கலாநிதி ஏ.எல்.எம் அஸ்லம், திணைக்களங்களின் தலைவர்கள் பிரதேச செயலகத்தின்,கிராம மட்ட அமைப்புக்களின் பிரதிநிதிகள் உட்பட பலரும் கலந்து கொண்டனர்.

இவ் அபிவிருத்தி ஒருங்கிணைப்பு குழுக் கூட்டத்தில் சம்மாந்துறை பிரதேச நீர்பாசன பிரச்சினைகள்,சம்மாந்துறை வைத்தியசாலை காணி விவகாரம், ஜமாலியா பாடசாலை மாற்று காணி விடயம்,மாவடிப்பள்ளியில் உடனடியாக பாலம் அமைப்பது சம்மந்தமான தீர்மானம்,விவசாய காணி சம்மந்தமான பிரச்சினைகள்,நீர்ப்பாசன பிரச்சினைகளுக்கான முறைப்பாடுகளும்.தீர்வுகளும், கலந்தாலோசிக்கப்பட்டு முடிவுகளும் எடுக்கப்பட்டன என்பதோடு இன்னும் பல முடிவுகளும் எடுக்கப்பட்டன குறிப்பிடத்தக்க விடயமாகும்.

23/12/2024

✍️ மயோன் சமூக சேவைகள் அமைப்பினால் மாணவர்களுக்கு பாடசாலை பை வழங்கி வைப்பு ..!

கல்முனைத் தொகுதியில் வறுமையான நிலையில் வாழ்கின்ற, கணவனை இழந்த குடும்பத்தைச் சேர்ந்த மாணவர்களுக்கு மயோன் சமூக சேவை அமைப்பினால் பாடசாலை பை வழங்கி வைக்கப்பட்டது.

சிறுவர், பெண்கள் பிரிவு வலுவூட்டல் நிகழ்ச்சி திட்டத்திற்கு பொறுப்பாக இயங்கும் உத்தியோகஸ்தர் சாஜித் அவர்களின் வழிகாட்டலின் கீழ் இந்நிகழ்வு அண்மையில் இஸ்லாமாபாத் பிரதேசத்தில் இடம் பெற்றது.

மயோன் சமூக சேவைகள் அமைப்பின் தலைவர் எம்.றிஸ்லி முஸ்தபா அவர்கள் இவ் நிகழ்வில் கலந்து கொண்டு தெரிவு செய்யப்பட்ட இவ் மாணவர்களுக்கு பாடசாலை பைகளை வழங்கி வைத்தார்.

20/12/2024

✍️ இலங்கையில் தங்கியிருக்கும் இஸ்ரேலிய போர் குற்றவாளிகளை உடனே வெளியேற்று ! பலஸ்தீனுக்கு எதிரான இனப்படுகொலைகளை உடனே நிறுத்து ! இலங்கை அமெரிக்க தூதரகத்திற்கு முன்னால் ஆர்ப்பாட்டம்.

இந்த ஆர்ப்பாட்டத்தில் முன்னிலை சோசலிசக் கட்சியின் துமிந்த நாகமுவ, மக்கள் போராட்ட அமைப்பின் ஸ்வஸ்திகா, ஐக்கிய சமாதான கூட்டமைப்பின் கலீலுர் ரஹ்மான், முஸ்லிம் முற்போக்கு சக்தியின் மிஃலால் மௌலவி ஆகியோர் கலந்துகொண்டனர்.

20/12/2024

✍️ Clean Srilanka திட்ட செயலணியில் தமிழரோ , முஸ்லிம்களோ இல்லை. புதிய அரசாங்கத்தின் மற்றுமொரு திட்டம்.

19/12/2024

ஶ்ரீ லங்கா முஸ்லிம் காங்கிரஸின் தவிசாளரும், முன்னாள் வட கிழக்கு மாகாணசபை உறுப்பினரும், கல்முனை மாநகர பிரதி முதல்வருமான முழக்கம் அப்துல் மஜீத் காலமானார்.

இன்னாலில்லாஹி வஇன்னா இலைஹி ராஜிஊன்

அவரின் ஜனாஸா நல்லடக்கம் இன்ஷா அல்லாஹ் நாளை வெள்ளிக்கிழமை காலை 09 மணிக்கு நடைபெறும்.

அன்னாருடைய பாவங்கள் அனைத்தையும் மன்னித்து உயர்ந்த சொர்க்கமான ஜன்னத்துல் ஃபிர்தவ்ஸ் என்னும் சுவனத்தை அவருக்கு வழங்க வல்லவன் அல்லாஹ்விடத்தில் பிரார்த்தனை செய்தவர்களாக…
ஆமீன்…🤲