Dhanushka Dhananjaya

29/12/2021

15/06/2021

11/04/2021

https://youtu.be/ZX5uJRoDPtM
සිංහල අවුරුදු ගීත.

Sinhala Awurudu Song Collection | සිංහල අවුරුදු ගීත එකතුව | SL Evoke MusicThis is a famous sinhala awurudu songs collection.If you want to see more Sinhala s...

26/02/2021

23/01/2021

29/09/2020

25/09/2020

21/09/2020

16/09/2020

27/08/2020

26/08/2020

13/08/2020

චෛත්‍ය වට ප්‍රමාණයන්

11/08/2020

මතක ශක්තිය ගිලිහීම ( Loss of Memory )
කියන්නේ වයස් ගත වන විට ස්ත්‍රී පුරුෂ භේදයකින් තොරව ඕනෑම කෙනෙකුට ඇතිවිය හැකි රෝගයක්.

මෙයම අපි ඉංග්‍රීසි බසින් Dementia ලෙස හදුන්වනවා . නමුත් මෙය වයස් ගත වන විට අප හැමෝටම ඇති වන්නේත් නැහැ. ඒ වගේම Dementia කියන්නේ වයස් ගත වන වීමේ ලක්ෂණයකුත් නොවෙයි. මෙය ඇතිවීමේදී මතත ශක්තිය පිළිබඳව පමණක් නොව , මතකය ආවර්ජනය කිරීම, ධාරණය කරගැනීම, තීරණයන් ගැනීම, සන්නිවේදන අපහසුතා, භාෂාව හැසිරවීමේ දුර්වලතා, පෞද්ගලික පිරිසිදුකම පවත්වා ගැනීමේ දුර්වලතා, විනිශ්චය කර ගැනීමේ අපහසුතා, කළමනාකරණය කර ගැනීමේ අපහසුතා ආදී නොයෙකුත් ආකාරයන්හි දුර්වලතා මෙකී රෝගීන් කෙරෙහි දැකිය හැකිය. දැනට පවතින වාර්තාවන්ට අනුව වසරක් තුළ මෙකී රෝගීන් ලොව පුරාම මිලියන දහයක් පමණ වාර්තා වෙනවා. ඒ නිසා එය සුළු කොට තැකිය හැකි දෙයක් නම් නොවේ . ඒ නිසාම අප වෙසෙන සමාජයේ අප අතරම සිටින අපගේ සමීපතමයන් මෙකී රෝගයෙන් පෙළෙනවානම් ඔවුන් වෙනුවෙන් අපට යමක් කළ හැකි නම් එය බොහෝ උසස් බව දන්නා හෙයින් ඔබගේ දැනුවත් වීම පිණිස මෙම ලිපිය සකසන්නෙමි. එතුලින් සමහර විට ඔබගේ වයස්ගත ආච්චි, සීයා , ඔබගේ මව හෝ පියා ආදීන්හටද ඔබට පිහිටක් විය හැකිය . එසේම Dementia රෝගය සෑදුනු කෙනෙක් නිවසක සිටීනම් ඔහු හෝ ඇය ඒ තුලින් බොහෝ පීඩාවන්ට පත්වනවා සේම එම නිවසේ වසන අනෙකුත් සාමාජිකයන් ද ඔහු හෝ ඇයගේ ක්‍රියාකලාපයන් හා හැසිරීම හා චර්‍යා රටා නිසාත් නොයෙකුත් අපහසුතා වලට නිතැතින්ම පත්වන නිසා එකී රෝගීන් රෝගයෙන් මුදවා ගැනීමට කටයුතු කිරීම හැමෝටම විශාල සහනයක් වේ. ඒ නිසා මෙහිදී මුලින්ම මෙම රෝගීන්ගේ සාමාන්‍ය රෝග ස්වභාවය හදුනා ගැනීම ඉතා වැදගත්වේ . පහත මවිසින් සදහන් කරන්නේ එම ලක්ෂණයි.
1) මතක ශක්තිය ගිලිහීම නිසා එකම ප්‍රශ්නය වරින් වර නැවත නැවත ඇසීම. හෝ අසන ප්‍රශ්න වලට වරින් වර වෙනස් ආකාරයෙන් පිළිතුරු ලබාදීම.
2) ඉතා කුඩා අරමුණු පවා ඉටුකර ගැනීමේ අපහසුතා හා අමතකවීම ( උදා -:ඉවීමේදී දිගින් දිගටම ව්‍යංජන ලිප මතින් බෑමට අමතක වීම වැනි)
3) සන්නිවේදන අපහසුතා හා භාෂාව හෝ කුඩා වචන ආදිය අමතක වීම.
4) අසල වෙළදසලේ සිට නිවසට යන පාර අමතක වීම වැනි සිදුවීම් නිතර ඇතිවීම.
5) මුදල් සමග කරන ගණුදෙනු අමතක වීම.
6) යම් කිසි දෙයක් නිවැරදිව විනිශ්චය කර ගැනීමට අපහසුතා ඇතිවීම.
7) තමා නිතරම පරිහරණය කරන බඩුබාහිරාදිය තිබූ තැන් අමතක වීම. වෙනත් තැන්වල බඩුබාහිරාදිය ස්ථානගත කිරීම.
8)තමාගේ හැගීම් හා ඉරියව් නිතර නිතර මාරුවීම. (ඉතා සතුටින් සිටින අවස්ථාවේදී පවා ක්ෂණික කෝපයකට පත්වීම වැනි)
9) තමාගේ දෛනික ක්‍රියාකාරීත්වයේ අඩපණවීම්/ අඩුවීම ඇතිවීම.
යනාදියයි . මෙකී ලක්ෂණ රෝගයේ ආරම්භක අවස්ථාවේදී මද වශයෙන් ඇති උවත් රෝගය උත්සන්න වීමේදී වඩා දරුණු ලෙසටත් ඇතිවේ. රෝගයේදී පීඩාවට පත්වන ප්‍රධාන ශාරීරික ඉන්ද්‍රිය මොළය උවත් මෙකී රෝගයට හේතුවන මානසික හා ශාරීරික හේතූන් බොහොමයක් තිබේ. මීළගට අපි බලමු ඒ හේතු මොනවාද කියලා .
1) වයස් ගත වීම සමග ඇතිවන මොළයේ සෛල මියයාම මෙහි ප්‍රධානම හේතුවයි.
2) අධික ඇල්කොහොල් හා මධ්‍යසාර භාවිතා කිරීමෙන් මොළයේ ඇතිවන තයමින් ඌනතාව නිසා
3) මොළයේ සිදුවන ආසාදන හා අනතුරු නිසා ( Brain injuries )
4) මොළයේ රුධිර නාල අවහිරවීම් හා රුධිර නාල පිපිරීම්( Stroke ), මොළයේ ඇතිවන ගෙඩි හා පිළිකා( Brain tumour ) තත්ත්වයන් නිසා
5) MS නැමැති රෝගය නිසා
6) තයිරොයිඩ් ග්‍රන්ථියේ ඇතිවන (HypoThyroide) තත්ත්වය නිසා
7) විටමින් B 12 ඌනතාව නිසා
8)සංකීර්ණ ලෝහ වර්ග ඊයම් වැනි ශරීර ගත වීමෙන් ඇතිවන විෂ වීම් වල අතුරුඵල ලෙස
9) සමහර ඖෂධ වල විෂවීම් නිසා
10) මොළයේ සෛල තුළ ජල පදාර්ථ පිරීම නිසා
11) HIV රෝගයේ උපද්‍රවයක් ලෙස
12) මැලේරියා රෝගයට ගොදුරු වීමේ උපද්‍රවයක් ලෙස
13) සිපිලීස් රෝගයට ගොදුරු වීමේදී ඇතිවන උපද්‍රවයක් ලෙස
යනාදී අනෙකුත් විවිධාකාර හේතු නිසාද ඉහත කී Dementia රෝගයට පත්වීමේ හැකියාවක් ඇත.කෙසේ උවත් Dementia හෙවත් මතකය ගිලිහී යාමේ මෙම රෝගය මෙකී හේතු සාධක මත මෙන්ම පාරම්පරිකවද ඇතිවේ. එනම් ජානමය ස්වභාවය මතය. රෝගයේ පූර්ව ලක්ෂණ පැමිණි විට ඒ සදහා සුදුසු පිළියම් හා ප්‍රතිකාර කිරීම තුලින් රෝගය උත්සන්න වීම වළක්වා ගත හැකිය. එසේම මෙහිදී රෝගියාගේ ශාරීරික හා මානසික තත්වයන්,වයස, වෙනත් රෝගාබාධ ආදිය සළකා බලා ආයුර්වේද ශාස්ත්‍රානුකූලව සිදුකරන ලද නස්‍ය කර්මය , වමන කර්මය වැනි පංචකර්ම ප්‍රතිකාරත් ශිරෝධාරා , ශිරෝපිචු , ශිරෝවස්ති, හිසකුඩිච්චි, තාලම් , ශිරෝ අභ්‍යංග, වක්තෘ අභ්‍යංග, වක්තෘ වාෂ්ප ස්වේද , ආදි ප්‍රතිකාර ක්‍රම වලින් රෝගය පාලනය කර ගෙන සුව කළ හැක. එසේම
1) බ්‍රාහ්මී ග්‍රතය තේ හැදි 1 බැගින් උදේ රාත්‍රි කෑමට පෙර කෑම.
2) සාරස්වතාරිෂ්ඨය මේස හැදි 2 ක් උදේ රාත්‍රි කෑමට පසු බීම .
3) ස්මෘති හිල්ස් පෙති 2 බැගින් උදේ රාත්‍රි කෑමට පසු බීම .
4) මෙන්ටාට් පෙති 2 බැගින් උදේ රාත්‍රි කෑමට පසු උණු වතුරින් බීම.
5) සාරස්වත චූර්ණය තේ හැදි 1 බැගින් උදේ රාත්‍රි කෑමට පෙර මී පැණි සමග අනා කෑම.
6) රණහංස රසායනය තේ හැදි 1/2 බැහින් උදේ රාත්‍රි කෑමට පෙර කෑමට දීම
7) සිද්ධජීවමෘත පානය මේස හැදි 2 බැගින් උදේ රාත්‍රි කෑමට පසු බීම .
ආදී ඖෂධ ප්‍රතිකාරද මේ සදහා ප්‍රයෝග කළ හැකිය. එසේම, ලුනුවිල, ගොටුකොළ , ප්‍රාණජීව, ශංඛපුෂ්ප, කහ, බැබිල, ආදී ඖෂධ මේ සදහා යොදන ශ්‍රේෂ්ඨ ඖෂධ බැවින් ඒවායින් කෂාය, කැද , ව්‍යංජන ආදිය නිතරම සකසා රෝගියා කෙරෙහි යෙදීම කළ හැකිය. මෙවන් ප්‍රතිකාර ක්‍රම වෛද්‍ය උපදෙස් මත රෝගියා වෙත ලබාදීමෙන් ගිලිහී ගිය මතක ශක්තිය නැවත රෝගියා වෙත ලබාදී Dementia රෝගයෙන් සුව තාවයට පත්කර ගත හැකිය.
---------------------------------------------------------------------------
මාගේ යූ ටියුබ් චැනලය හා මේ ලින්ක් එක ඔස්සේ එකතු වන්න.https://bit.ly/2Y0MvFJ

11/08/2020

12/07/2020

16/04/2020

15/04/2020

15/04/2020

30/03/2020

15/03/2020

Hand Sanitizer ගෙදරදීම සකසා ගනිමු

දැන ගන්න ලැබුණු විදියට, මේ වෙනකොට ලංකාවේ Hand Sanitizer හොයා ගන්න බැරි තත්ත්වයක් තියෙන්නේ.

ගෙදර ඉන්නවා නම්, අත් පිරිසිදු කර ගන්න තියෙන හොඳම ක්‍රමය තමයි සබන් / Liquid Handwash සහ වතුර. නමුත් පොදු ප්‍රවාහන සහ පොදු ස්ථාන වල මේක කරන්න අමාරුයි. ඒ වෙලාවට Hand Sanitizer සැහෙන්න වටිනවා.

Liquid Hand Sanitizer ගෙදර හදා ගන්න පුළුවන් ඉතාම ලේසියෙන්.

මේ Guide එක වැදගත් වේවි Hand Sanitizer හොයා ගන්න බැරි අයට සහ ඒ වෙනුවෙන් ලොකු වියදමක් දරන්න බැරි අයට.

මේක WHO අනුමත කරපු විදියක්.

අමුද්‍රව්‍ය
1. Ethyl Alcohol > 90% හෝ Isopropyl Alcohol > 90% ( Surgical Spirit කියන්නේත් මේවාටම තමයි )

2. Hydrogen peroxide 3%

3. Glycerol 98%

4. පිරිසිදු බෝතලයක්

මිශ්‍ර කරන අනුපාතය (100ml හදා ගන්න)

Alcohol - 85 ml
H2O2 - 4ml
Glycerol - 1.5 ml

මුලින් Alcohol ලොකු බෝතලයකට දාන්න. පස්සේ ඒකට Hydrogen Peroxide එකතු කරන්න. අන්තිමට, Glycerol එකතු කරන්න.

Glycerol ඇලෙන සුළු ද්‍රව්‍යයක් නිසා, මේක මනින්න ගන්න උපකරණයේ රැදෙන ටික, උණු කර නිවා ගත් වතුර ටිකකින් හෝදලා, අර බෝතලයටම දාන්න.

අන්තිමට,ඔක්කොම 100 ml වෙනකල් උණු කර නිවා ගත් වතුර එකතු කරන්න.

මුලින් ගනිපු Alcohol වල Alcohol ප්‍රතිශතය අඩු නම් (85 - 90 %), වතුර දාන්න එපා.

දැන් මේ ඔක්කොම එකතු කර ගත්ත බෝතලය වහලා, හොඳට කලවම් වෙනකම් හොලවන්න.

අන්තිමට, පොඩි පොඩි බෝතල් වලට දාගන්න.

Glycerol වෙනුවට Aloe Vera Gel එකතු කරන්න පුළුවන්. මොනවා කලත් අන්තිම Alcohol ප්‍රතිශතය 75% ට වඩා ඉහළ මට්ටමක තියා ගන්න ඕනේ.
මේ හදිසි අවස්ථාවේ කරන්න.
[source_from internet ]

11/03/2020

මොරටු මතාවගෙන් තවත් අද්විතීය නිර්මාණයක්!❤️❤️
ශ්‍රී ලංකාවේ කර්මාන්ත ක්ෂේත්‍රයේ නව හැරවුම් ලක්ෂයද මේ....?

අකුණක් නොඑසේනම් හෙණයක් හීලෑ කරගත්තොත් එය කෙබඳු වනු ඇද්ද? ඒ කතාව ‘හෙණ පිස්සුවක්’ ලෙසින් ඔබට සිතෙනන්ට ඉඩ තිබේ. එහෙත් හෙණයක් හීලෑ කර එහි සැර බාල කරගතහොත් එය ‘හෙණ පහසුවකි’. කර්මාන්ත ක්ෂේත්‍රයේ මහා විප්ලවයක් කර ගැනීමේ හැකියාව හීලෑ කරගත් හෙණයකට තිබේ. එහෙත් හෙණයක් හීලෑ කිරීමට හැකි ජගතෙක් සිටීද? පිළිතුර නම් ‘ඔව්’ ය. ඒ දෙවියෙක්ද, යක්ෂයෙක්ද? නැත. ඒ මනුස්ස පිරිසකි. වෙන රටක නොවේ, ඔවුන් ඉන්නේ අප රටේමය. ඒ මොරටුව විශ්වවිද්‍යාලයේ ද්‍රව්‍ය විද්‍යා අංශයේ පිරිසකි.

ඔවුන් එකතුව නිපදවූ මේ ‘සැර බාල කර ගත් හෙණය’ මෙරට කර්මාන්ත ක්ෂේත්‍රයේ විප්ලවීය වෙනසක් සිදුකිරීම පිණිස සීරුවෙන් තබා ඇත. මේ ඒ පිළිබඳ විස්තරයයි.

මෙම ‘හීලෑ කරගත් හෙණය යනු’ ප්ලාස්මා තාක්ෂණයෙන් නිපද වූ නවතම යන්ත්‍රයකි. ‘ප්ලාස්මා’ යනු විශ්වයේ පවතින පදාර්ථ වර්ගයකි. අපි පදාර්ථය හැඳින්වීමේදී වැඩි වශයෙන් ඝන, ද්‍රව, වායු යන්නෙත් කතා කළත් ප්ලාස්මා නම් වූ පදාර්ථමය අවස්ථාවක්ද එහි තිබේ. පදාර්ථයේ සෙසු අවස්ථා සමග සංසන්දනය කිරීමේදී ප්ලාස්මා යනු විශ්වයේ වැඩියෙන්ම පවතින එකී ස්වභාවයයි. මෙය අයනීකරණය වූ වායුමය අවස්ථාවක් ලෙසින් හැඳින්වීම වැරදි නැත. අධික උෂ්ණත්වයන්, අධි වෝල්ටීයතාවයන් යටතේ මෙම ප්ලාස්මා ඇතිවේ. අකුණක් කෙටීමේදී ප්ලාස්මා අවස්ථාව මහා පරිමාණයෙන් ස්වභාවිකව උපදී. එය ඉතාම විනාශකාරීය. සූර්යා මත ඇති ස්වභාවය හේතුවෙන් ඒ මතද ප්ලාස්මා ඇතිවේ. ඒවා උණුසුම් ප්ලාස්මා හෙවත් තර්මල් ප්ලාස්මාය. ඒවායේ ශක්තිය අධික බැවින් ඉන් ප්‍රායෝගික මට්ටමේ සෙතක් නැත. එහෙත් විදුලිබලය යොදාගනිමින් කෘත්‍රිමව සැකසූ තත්ත්වයන් තුළ හීලෑ කළ මට්ටමෙන් හෙවත් සැර බාල කළ ප්ලාස්මා නිපදවීමේදී එවායින් ගත හැකි ප්‍රයෝජන අතිමහත්ය. මෙම සැර බාල කළ ප්ලාස්මා ‘කෝල්ඩ් ප්ලාස්මා’ හෙවත් ‘සිසිල් ප්ලාස්මා’ නම් වෙයි. එහි ඇති සුවිශේෂී භෞතික හා රසායනික හැසිරීම මත එය එක්තරා ආකාරයකින්, හිතූ පැතූ දේ ලබාදෙන කප්රුකක් වැනිය.

එම ‘කෝල්ඩ් ප්ලාස්මා’ වල හැකියාව කොතෙක්ද යත්, යම් නිෂ්පාදනයකදී ගලවන්න බැරි වෙන්න අලවන්න මෙන්ම අවශ්‍ය තැනදි කරදරයක් නැතිව ගලවාගන්නටත්, මැකෙන්නේ නැතිව පින්තාරු කරන්නට මෙන්ම, අවශ්‍ය නම් ජල පිරිපහදුවටත්, පලතුරු වැනි ආහාර කල්තබා ගන්නත් ආදී එකී මෙකී නොකී බොහෝ දේ එයින් කළ හැකිය.

ප්ලාස්මා තාක්ෂණය බොහෝ ප්‍රයෝජනවත්ය. ලොව පවතින තාක්ෂණයන් රැසක් දියුණු තියුණු කිරීම සඳහා මෙය තවමත් උපකාරකය. මෙම තාක්ෂණය ලොව දියුණු රටවල් සිය කර්මාන්ත වෙනුවෙන් යොදාගනියි. නමුත් ශ්‍රී ලංකාවට මෙය තවමත් ආධුනිකය.

ජාත්‍යන්තර මට්මටින් ප්ලාස්මා තාක්ෂණය යොදා ගත්තද එය අපට ඔරොත්තු නොදෙන තරම් මිල අධිකය. එහි අලුත්වැඩියාවක් හෝ නඩත්තුවකදී පිටරට විශේෂඥයන් කැඳවීමට සිදුවන බැවින් ඒ වෙනුවෙන්ද මහත් පිරිවැයක් දැරිය යුතුය. අධි තාක්ෂණික විද්‍යාත්මක උපාංග ගණයට වැටෙන ප්ලාස්මා යන්ත්‍රයක් පිටරටින් මිලදී ගැනීම සඳහා රුපියල් මිලියන 40ක් පමණ වැයවෙයි. එබැවින් අප වැනි රටක කර්මාන්ත අවශ්‍යතා වෙනුවෙන් ප්ලාස්මා තාක්ෂණ යන්ත්‍ර යොදාගැනීම ලෙහෙසි පහසු නැත.

නමුත් මෙම තාක්ෂණය පිට රටින් ගෙන්වනු වෙනුවට අප රටේ ‘පැළ කිරීමේ’ වගකීම ජාතික යුතුකමක් ලෙසින් සිතූ තුන් කට්ටුවක් සහ ඔවුන්ගේ ශිෂ්‍යයකු විසින් භාරගෙන තිබේ. ඒ අනුව යමින් මොරටුව විශ්වවිද්‍යාලයේ ආචාර්ය ශාන්ත අමරසිංහ, ආචාර්ය දිනේශ් ආටිගල සහ ද්‍රව්‍ය විද්‍යා ඉංජිනේරු අංශයේ හිටපු ප්‍රධානී සම්පත් වේරගොඩ යන මහත්වරුන්ගේ අධීක්ෂණයෙන් ඔවුන්ගේ ශිෂ්‍ය තිසර සඳරුවන් විසින් මොරටුව විශ්වවිද්‍යාලයේ විද්‍යා ඉංජිනේරු අධ්‍යයන අංශය තුළ, ප්ලාස්මා තාක්ෂණය මෙරට ඉංජිනේරු කර්මාන්තය තුළ ස්ථාපිත කිරීමේ ශඛ්‍යතා අධ්‍යනයක් ලෙසින් ‘ප්ලාස්මා ප්‍රතිකාර ඒකකයක්’ පසුගියදා නිර්මාණය විය. මෙරට නිපදවූ එම පළමු ප්ලාස්මා යන්ත්‍රය ගැන ලැබෙන ප්‍රතිචාර ඉහළය. එහි කාර්යසාධනයද ඉතාම ඉහළ බව සනාථ වී තිබේ. මෙම ප්ලාස්මා යන්ත්‍ර නිපදවන අනෙක් රටවල එම එක් යන්ත්‍රයක් බොහෝදුරට එක් විශේෂිත කාර්යයක් උදෙසා පමණක් යොදාගත්තද, මොරටුව විශ්වවිද්‍යාලයේ හැදූ ප්ලාස්මා යන්ත්‍රය කාර්යයන් රැසක් වෙනුවෙන් යොදාගත හැකිය. එනම් එය බහුකාර්ය ප්ලාස්මා යන්ත්‍රයකි. එහි සාර්ථකත්වය කොතෙක්ද යත් තවත් බොහෝ කර්මාන්ත ක්ෂේත්‍රවලට අදාළව එම ප්ලාස්මා යන්ත්‍ර මෙරටදීම නිපදවාගැනීමේ හැකියාව ද එයින් පෙන්නුම් කර ඇත. මෙහි වැදගත්ම දෙයනම්, මේ සා සාර්ථකව ක්‍රියාකරන මෙම යන්ත්‍රය නිපදවීමට ඔවුන්ට වැයවී තිබුණේ ලක්ෂ 12ක පමණ මුදලක් වීමය. සරල කර්මාන්ත අවශ්‍යතා වෙනුවෙන් නම් එම යන්ත්‍රයක් දේශීය වශයෙන් රුපියල් ලක්ෂ දෙක තුනක මුදලේ සිට නිපදවීමේ හැකියාව ඔවුන් සතුය. එය මෙරට කර්මාන්ත ක්ෂේත්‍රය උදෙසා සුභාරංචියකි.

වයඹ විශ්වවිද්‍යාල කෘෂි අධ්‍යයන පීඨයේ ආචාර්ය බී.රණවීර සහ ආචාර්ය කමනි රණවීර සමග එක්ව මෙම යන්ත්‍රය ප්‍රායෝගිකව යොදාගැනීමේ කටයුත්තක පළමුව නිරත විය. ඒ මෙරට නිපදවන ‘කැවැන්ඩිෂ් ’ නමැති කෙසෙල් වර්ගය කල්තබා ගැනීම වෙනුවෙනි. දේශීයව නිපදවෙන එම කෙසෙල්, අපනයනය කිරීමේදී හෝ යම්කාලයක් තබාගැනීමේදී පළමුව නැට්ට පැත්තේ සිට කුණුවීම සිදුවේ. ඒ සඳහා එකම පිළියමව තිබුණේ ගෙඩියේ නැට්ට පැත්තේ රසායනික ආලේපනයක් සිදුකර කුණුවීම සිදුකරන එම බැක්ටීරියා ක්‍රියාකාරීත්වය වැළැක්වීමයි. නමුත් මේ සඳහා ප්ලාස්මා ප්‍රතිකාරය කළ විට එහි ඇති අයනීකරණ ශක්තිය මගින් එම බැක්ටීරියාවන් සහමුලින්ම විනාශ වී කිසිදු රසායනික ද්‍රව්‍යයක භාවිතයෙන් තොරව එම කෙසෙල් කල්තබාගැනීමට හැකියාව ලැබිණි. ඒ අනුව මොරටුව විශ්වවිද්‍යාලයේ මෙම ‘විශ්වකර්මය’ සහමුලින්ම සාර්ථක බව ඔප්පු විය. ආහාර කල්තබාගැනීම උදෙසා ‘තොග වශයෙන්’ රසායන ද්‍රව්‍ය යොදන අප වැනි රටකට එම මාරක ක්‍රමවේදය බැහැර කර සෞඛ්‍යසම්පන්න වීම සඳහා මෙම ප්ලාස්මා තාක්ෂණය මොන තරම් උපකාර කර ගත හැකිද?

අප මෙතෙක් ප්‍රමාද වුවත් ලෝකයේ අනෙක් දියුණු රටවල් ආහාර සැකසුම් කර්මාන්ත වල දී නව තාක්ෂණයක් ලෙස ප්ලාස්මා භාවිතයට ගනු ලැබේ. වසර ගණනාවක් මුළුල්ලේ පර් යේෂණ වලින් සනාථ කර ඇති පරිදි ආහාරවල නැවුම් බව සුරැකෙන පරිදි ක්ෂුද්‍ර ජීවී හරණය සඳහා සිසිල්- ප්ලාස්මා තාක්ෂණය යොදා ගැනීමේ හැකියාව පවතී.

එපමණක් නොව ප්ලාස්මා ප්‍රතිකාරකයක් සතු බැක්ටීරියා නාශක ගුණය යොදාගනිමින් අවශ්‍යනම් පසෙහි ඇති වෛරසයන් ඉවත් කිරීම පිණිසත් මේ තාක්ෂණය යොදාගත හැකිය. ඒ අනුව විෂ රසායනවලට ‘ටටා’ කියා මෙරට කෘෂිකර්මාන්තයට සෞඛ්‍යසම්පන්න ජීවයක් දීම පිණිස මෙය යොදාගැනීමේ අවකාශය දැන් අප ඇස් පනාපිට තිබේ.

ප්ලාස්මා තාක්ෂණය තුවාල සුව වීම වේගවත් කිරීමේ උපක්‍රමයක් ලෙස ද යොදා ගත හැකි බවට මෑත කාලීන පර් යේෂණවලින් තහවුරු වී තිබේ. තුවාල මත බැක්ටීරියා ගහනය වර්ධනය වීම හේතුවෙන් සුව වීම ප්‍රමාද කරන අතර රෝග කාරක බැක්ටීරියා විශාල ප්‍රමාණයක් විනාශ කිරීමේ හැකියාව ප්ලාස්මා ප්‍රතිකාරක තාක්ෂණය සතු ව පවතින බවට විද්‍යාගාර තත්ත්ව යටතේ සනාථ කර තිබේ.

අවශ්‍ය නම් මෙහි ඇති විෂබීජ නාශක ගුණය යොදාගනිමින් ශල්‍ය උපකරණ ආදිය පිරිසිදු කරගැනීමේ හැකියාව ඇති අතර ඒ ආකාරයෙන්ම තුවලවල විෂබීජ හරණය පිණිස මෙම තාක්ෂණය යොදාගැනීමේ හැකියාවද දැන් මෙරට පර් යේෂණ මට්ටමේ ඇත.

වියළි හාල්මැස්සන්, කරවල ආදී දෑද කිසිදු රසායනික ද්‍රව්‍ය යෙදීමකින් තොරව කල්තබාගැනීම සඳහා ප්ලාස්මා තාක්ෂණය ඉතාම පහසුවෙන් යෙදිය හැකිවේ.

සපත්තු ඇලවීම සහ වෙනත් කර්මාන්ත අංශවල තදින් ඇලවීම පිණිස කුමන වර්ගයේ ගම් වර්ග යොදාගත්තද ටික කලකින් එම පෘෂ්ටයන් ගැලවී වෙන්වේ. එයට හේතුව අලවන අවස්ථාවේ එම පෘෂ්ටයන් මත ඇති ක්ෂුද්‍ර දූවිලි අංශු ආදියේ බලපෑමයි. නමුත් ප්ලාස්මා තාක්ෂණය යෙදූ විට එහි ක්ෂුද්‍ර දූහුවිලි අංශු සහමුලින්ම ඉවත්වී ආයේ කිසිදාක නොගැලවෙන්න ඇලවිය හැක. එසේම අච්චුවක් යොදාගනිමින් කරන සමහරක් නිෂ්පාදන සිදුකිරීමේදී එම අච්චුව සහ නිෂ්පාදන ද්‍රව්‍යය එකට ඇලීමෙන් වළක්වා හෙවත් අච්චුවෙන් පහසුවෙන්ම ගලවාගැනීම සඳහාද මෙය යොදාගත හැකිය.

මතුපිට ආලේපන හෙවත් ‘ස්ර්ෆෙස් කෝටින්ග්’ කිරීමේ කර්මාන්තයේද මහා පෙරළියක් කිරීමේ හැකියාවද මෙම ප්ලාස්මා තාක්ෂණය සතුය. ප්ලාස්ටික් හෝ රබර් වැනි පෘෂ්ටයන් මත අකුරු ආදිය මුද්‍රණය කිරීමේදී ඒවා ඉක්මනින්ම මැකීයෑම මෙවැනි නිෂ්පාදන කර්මාන්තවලට විසඳාගත නොහැකි පැනයක් ව තිබුණි. උදාරහණයක් ලෙසින් පයිප්ප ගම් ආදී බෝතල්වල මතුපිට මුද්‍රණය කරන අකුරු ඉක්මනින්ම මැකී යෑම පෙන්වා දිය හැකිය. නමුත් මෙම ප්ලාස්මා ප්‍රතිකාරය මගින් ‘ගලේ කෙටූ අකුරක් මෙන්’ එවැනි පෘෂ්ටයන් මත මුද්‍රණයන් කළ හැක. විදුලිය සන්නයනය කරන රැහැන් හෙවත් ‘වයර්’ මත අකුරු සහ ලකුණු ආදිය මුද්‍රණය කිරීමේදීද වැඩි කල් නොගොස් ඒවා මැකී යෑම හේතුවෙන් එම කර්මාන්ත ක්​ෙෂ්ත්‍රයට වැලඳී තිබූ හිසරදයට ද මෙම ප්ලාස්මා ප්‍රතිකාරය ප්‍රත්‍යක්ෂ ‘බෙහෙතකි’.

එසේම ජල විකර්ෂක පෘෂ්ටයන් නිර්මාණයටද මේ තාක්ෂණය යොදාගත හැකිය.

ප්ලාස්මා ප්‍රතිකාරක තාක්ෂණය ජල පිරිපහදුව වෙනුවෙන්ද යොදාගත හැකිය. එහිදී රසායනික ද්‍රව්‍ය යොදාගැනීමෙන් තොරව ජලය පිරිපහදුවට ලක්කළ හැක. ඒ අනුව ක්ලෝරීන් යෙදීම ආදියේදී ඇතිවන අප්‍රසන්න රසය සහ ගන්ධය මෙන්ම වෙනත් අතුරු ප්‍රශ්න නොමැතිව ජලයේ විෂබීජ හරණය කරදීමට ප්ලාස්මා ඉදිරිපත් වනු ඇත.

මේ සඳහන් කළේ ප්ලාස්මා තාක්ෂණය නමැති වේදිකාව මත දියණු කළ හැකි කර්මාන්ත ක්​ෂේත්‍රයන් කිහිපයක් පමණි. මෙහි හැකියාවන් තවත් බොහෝ කේෂ්ත්‍රවල විහිදේ.

මෙකී ප්ලාස්මා තාක්ෂණික ඒකකය ක්‍රියාත්මක කිරීම සඳහා අමුද්‍රව්‍ය ලෙස යොදාගන්නේ අයනීකරණයට ලක්වන වායුවක් පමණි. එයට අමතරව මෙහි ක්‍රියාකාරිත්වයට අවශ්‍ය විදුලිය පමණි. ඒ අනුව මෙය අවම පිරිවැයකින් ක්‍රියාත්මක කළ හැකි තාක්ෂණයකි. අතිශය ලාභදායී යොදාගැනුමකි. ඉතාම සෞඛ්‍යාරක්ෂිත යෙදවුමකි.

මෙතෙක් ආගන්තුක වූ මෙම තාක්ෂණය ඉතාම අපූර්ව අන්දමින් සහ අවම පිරිවැයකින් අප රට තුළම නිපදවීමේ හැකියාව ඔප්පු කර ඇති මේ මොහොතේ රජය විසින් කළ යුත්තේ කුමක්ද? මෙම ප්ලාස්මා ප්‍රතිකාරක තාක්ෂණය ක්‍රියාවට නැංවෙන කිහිපාකාරයක යන්ත්‍ර නිෂ්පාදනයට මොරටුව විශ්වවිද්‍යාලයට අවශ්‍ය ප්‍රතිපාදන සැපයීමය. එම යන්ත්‍ර නිපදවීමෙන් අනතුරුව මෙරට කර්මාන්ත ක්ෂේත්‍රයේ ප්‍රජාවට සිය කර්මාන්තයේ නිෂ්පාදනය දියුණුකර ගැනීම පිණිස යොදාගත යුත්තේ මේ අතුරින් කුමන ප්ලාස්මා තාක්ෂණ යන්ත්‍රය දැයි ප්‍රායෝගිකව පරික්ෂා කළ හැකිය. එවැනි අවස්ථාවක් යෙදුණහොත් මෙය මෙරට කර්මාන්ත ක්ෂේත්‍රයේ රැල්ලක් බවට එය පත්වනු නොවැළැක්විය හැකිය. ආහාර නිෂ්පාදනය සහ කල්තබාගැනීම ආදියේදී ඉවක් බවක් නැතිව වස විස භාවිතා කළ රටක් වචනාර්ථයෙන්ම ‘වස විස නැති රටක්’ බවට පත්කළ හැකිය.

එනම් මෙරට කර්මාන්තයන්ගේ ‘සුරබිදෙන’ බවට ප්ලාස්මා තාක්ෂණය පත්කළ හැකිය.

උපුටා ගැනීම්- ඉන්ද්‍රජිත් සුබසිංහ මහතාගේ ලිපියකිණි - (සති අග අරුණ )

11/03/2020

02/03/2020

29/02/2020

අතුගාන්නා ගුවන් නියමුවෙක් වෙයි February 28, 2020February 28, 2020 යමි මිනිසකුගේ සිහින සදහා තමා අයත් සමාඡමය පන්තිය විශේෂිත කාර්යභාරයක...

28/02/2020

26/02/2020

ශීතකර තැබු කළලයෙන් උපන් දරුවා February 25, 2020February 25, 2020 එමා නමැති බිළිඳිය පිළිසිඳ ගෙන ඇත්තේ ඇය ප්‍රසූත කළ මව, ටීනා උපත ලබා අවුර...

22/02/2020

23/01/2020

ඔව්
ඒක තමයි ආසම වෘත්තීය ❤️❤️❤️
💯පරම කැමැත්ත💪❤✔.

උදේ ඉදන් රෑ වෙනකම් උන්ට වඩා විභාගේ ගැන හිතාපූ❗️

උදේට දවල්ට නොකා උන් ගැන හිතලා ටියුට් සෙට් එක හදපූ❗️

ලකුණෙන් ලකුණ වැඩි වෙනකොට හීනියට ලබාපු සතුටෙන් ජීවත් උනු✅

එන ඕනෑම මට්ටමක දරුවෙකුට පණ යනකම් එළවා එළවා උගන්නපූ🖤

පාසලෙන් මග ඇරුණු විෂය කරුණු ආයෙ ආයෙ උගන්වලා විෂය පුරෝපූ❤️

පළාත් කලාප කොට්ඨාස පේපර් ප්‍රසිද්ධ පාසල් වාර විභාග පේපර් හොය හොයා කරලා
විභාගේ ගැන ම හීන මවාපූ📈

විනාඩි 45 වෙනුවට පැය තුන හතරක් එක දිගට උගන්නලා වතුර වීදුරුවෙන් රිදුම් පිරි මැදපු 💉

අවුරුදු ගානක පේපර් බලලා අනුමාන හොයාලා අන්තිම දුර්වල එකාවත් ගොඩ දාන්න
කට්ට කාපූ🏥

විභාගේ පාස් වෙලා තඹේකට ගණන් නොගන්නා වෙලාවෙදිත් හදවතින් ම ආශිර්වාද කරපු

ජොබ් එකක් නොවන වගකීමක් විදිහට හිතාපූ

අකුරෙන් අකුර පොත් ටික බලලා පිල්ලමෙන් පිල්ලම හදාපූ
විභාගේ ලියලා ඉවර වෙනකම් හරි හමන් නින්දක් නොලබාපූ

ටියුෂන් කඩවල් හදාගත්තු ටියුෂන්කාරයා කියන එකාගේ දරුවටත් තමන්ගේ දරුවට වගේ උගන්නපූ🏦

විශයය වගේම දරුවන්ගේ දුක සතුටද උන් එක්කම බෙදාගත්තු..

තැනින් තැන කොන් කරන සංකර දරුවන්ගේ නිත්‍ය භාර කාරයා උනු🌞

අන්තිමට කතා කරගන්නවත් බැරිව උගුර කොට්ටෙට තද කරගෙන බුදිය ගත්තූ🦅

සේරම කරලත් ටියුෂන් මුදලාලි ලා කියාපූ👿

සේර ම වැරදිවලට මුල් වූ යැයි කියන 🤑

අපූරු වෘත්තිය .............ටියුෂන්.......❤️❤️❤️❤️❤️

උපුටා ගැනීම fb එකෙන්

19/01/2020

කඩවත,කිරිබත්ගොඩ ,කැලණිය අවට.......
වසර10ක පලපුරුද්ද.......

18/01/2020

අඳුර විනිවිදින්නට ඇමෙරිකානු හමුදාවට ඇස් දුන් ශ්‍රී ලාංකිකයා...!!

බින්ලාඩන් අල්ලන මෙහෙයුමේ අධෝරක්ත අක්‍ෂි පළඳනාවේ සංවේදක නිපදවූයේ ඔහු...!

👉 අඳුරු හෝරාවේ මෙහෙයුම

දිනය 2011 මැයි 02 වනදා. ස්ථානය නැගෙනහිර පාකිස්තානයේ කිසිදු වැදගත් කමක් නැති කුඩා ගම්මානයක්. වේලාව මධ්‍යම රාත්‍රිය පසුවී හෝරාවක්. කෑලි කැපිය හැකි ඝන අන්ධකාරයක මුළු පරිසරයම ගිලී ගොසින්.

ගම්වැසියන් සියලු දෙනා ගැඹුරු නින්දක. වාතලයට සියුම් කම්පනයක් එක්කරමින් හදිසියේ හෙලිකොප්ටර් යානා දෙකක් අන්ධකාරය මැදින් මතුවනවා. පකිස්තානු ගුවන් හමුදාවේ රේඩාර් වලට හසු නොවෙමින් ගමන් කළ හැකි ලෙස සැකසූ බ්ලැක් හෝක් යානා දෙක කිසිදු ආලෝකයක් නොමැතිව අඳුර මැදින් ගමන් කරන්නේ මග තොට හොඳින් හඳුනන්නන් ලෙසයි.

යානා දෙකේ ඉලක්කය ගමේ කෙළවර ඇති තාප්ප වලින් වටකර ඇති විශාල නිවසක්. කිසිදිනෙක නිවැසියන් එළියට නොබසින මෙම නිවස කිසියම් ධනවතෙකුගේ නිවසක් බවයි ගැමියන්ගේ විශ්වාසය වී තිබුණේ. යානා දෙක නිවස ආසන්නයටම පැමිණ නතර කළ සැණින් එයින් පිටවන සීල් භටයන් පිරිසක් අන්ධකාරයේම නිවස තුළට කඩාවදිනවා. ඒ ද මග සොයා ගන්නට කිසිදු විදුලි ආලෝකයක් නොදල්වමිනුයි.

මේ අතර සැතපුම් කිහිපයක් ඉහළ අහසෙන් ගමන් කරන නියමුවන් රහිත යානාවක් මෙන්ම අභ්‍යවකාශයේ කක්ෂගත කර ඇති චන්ද්‍රිකාවක්ද සිටින්නේ ඝන අන්ධකාරයේ සිදුවන මෙහෙයුම පිළිබඳ දෑස් දල්වාගෙනයි. මේවා මගින් මාස හතරකට වැඩි කලක් තිස්සේ දිවා රෑ නොබලා මේ නිවස පිළිබඳ ඇස ගසා සිටි අතර මේ මොහොතේ ඒවා එතැනට සැතපුම් දහස් ගණනාවක් දුරින් ඇමෙරිකානු ධවල මන්දිරයේ රැස්ව සිටින ඇමෙරිකානු ජනාධිපතිවරයා ඇතුළු පිරිසක් වෙනුවෙන් මෙම මෙහෙයුම් සජීවීව තිරය මත දිගහරිමින් සිටිනවා.

බරපතළ යමක් සිදුවෙමින් පවතින බවට ගම්මුන්ට හරියටම තේරුම් යන්නේ අභිරහස් නිවස දෙසින් වෙඩි හඬවල් ඇසෙන විටයි.

ගම්මුන් ඒ පිළිබඳව විමසිලිමත් වන්නට පටන් ගත්තත් ගණඅඳුරේ ගිලුනු නිවස තුළ සිදුවන්නේ කුමක්දැයි ඔවුන්ට තේරුම් ගත හැකි වන්නේ නැහැ. විනාඩි හතළිහක් පමණ ගතවන මෙහෙයුම අවසානයේ ඇමෙරිකානු භටයන් අඳුරේම හෙළිකොප්ටර් යානයකට ගොඩ වැදී ඉන් පිටව යන්නේ කිසිවක් නොවූ ලෙසයි. පසුවදා ඇමෙරිකානු ජනාධිපති බැරක් ඔබාමා හදිසියේ ජාතිය ඇමතීමට කටයුතු කරනවා. ඒ දශකයක් තිස්සේ කළ අල්කයිඩා නායක ඔසාමා බින් ලාඩන් සොයා විනාශ කිරීමේ මෙහෙයුම අවසානයේ නිමාවට පත්වූ බවට වූ සුබ පණිවිඩය ඇමෙරිකානු ජනතාව ඉදිරියේ තැබීමටයි.

👉 රාත්‍රියේ මිතුරෝ

ඔසාමා බින් ලාඩන් ඇල්ලීමේ මෙම මෙහෙයුම මෙන්ම ඇමෙරිකානු හමුදාවන් මෙහෙයවන තීරණාත්මක වැදගත් ඇති මෙහෙයුම් සියල්ලක්ම පාහේ ක්‍රියාත්මක වන්නේ මධ්‍යම රාත්‍රිය හමාර වූ තැන එළැඹෙන ඝන අන්ධකාරයේ හෝරා කිහිපය තුළයි. සතුරු අවධානය දුර්වලම මොහොතක සතුරාට පහර දීමට මෙමගින් හැකියාව ලැබෙනවා. සතුරාව දුර්වල කරන අන්ධකාරය ඇමෙරිකානු සොල්දාදුවන්ගේ මිතුරෙක් බවට පත් වී තිබෙනවා. මීට හේතුව අඳුර විනිවිද දැකිය හැකි උපාංග ඔවුන් සතු වීමයි. අඳුරේ මෙහෙයුම් කරන විට සොල්දාදුවන් පළඳින රාත්‍රී දර්ශක (Night vision) ඇස් පළඳනා මෙන්ම ඔවුන්ගේ හෙලිකොප්ටර් යානා, යුද වාහන මෙන්ම යුද ටැංකිද අඳුර විනිවිද දැකිය හැකි මෙබඳු රාත්‍රී දර්ශක වලින් සන්නද්ධයි. එපමණක් නොව අහසේ සිට රාත්‍රී කාලයට පෙළොවට බැලුම් හෙළන නියමුවන් රහිත යානා මෙන්ම ඔත්තු බැලීමේ චන්ද්‍රිකාද මෙම හැකියාවෙන් පරිපූර්ණත්වයට පැමිණ තිබෙනවා.

ඇමෙරිකානු හමුදා මෙහෙයුම්වල සාර්ථකත්වයේ තීරණාත්මක සාධකයක්ව ඇති මේ අඳුර විනිවිද දැකීමේ තාක්ෂණික හැකියාව පිටුපස සිටින්නේ තනි මිනිසකෙුයි. තියුණු බුද්ධිමය ප්‍රභාවක් ඇති මෙම මිනිසා චරිතයෙන් දැවැන්තයකු වුවත් ඕනෑම කෙනෙකුට සමීප විය හැකි සරල මිනිසෙක්. මේ සරල මිනිසා අපට සුවිශේෂී පුද්ගලයෙකු වන්නේ ඔහු අපේ මේ මව්බිමෙහි ඉපිද හැදුණු වැඩුණු අයෙකු වීම නිසයි. එබැවින් ඔහු ශ්‍රී ලාංකිකයන්ගේ බුද්ධි මහිමය හා ඔවුන්ට යා හැකි දුර පිළිබඳ සජීවී සාක්ෂියක්ද වනවා. පසුගිය දිනෙක කැලණිය සරසවියේදී ‘දිවයින’ට මුණ ගැසුණු මේ රාත්‍රී දර්ශක වල මහ මොළ කරුවා අන් කවරකුවත් නොව ආචාර්ය ෂිවලිංගම් ෂිවනාදනුයි.

අද ඇමෙරිකානු හමුදා වල කටයුතු සඳහා භාවිතවන අධෝරක්ත කිරණ පාදක කරගත් විවිධ ආකාරයේ රාත්‍රී දර්ශක උපාංග සියල්ලටම පාහේ යොදා ගැනෙන සංවේදක නිෂ්පාදනය කෙරෙන්නේ ෂිවනාදන් විසින් බිහිකළ සමාගම් තුළයි. මෙහිලා කැපීපෙනෙන විශේෂත්වය වන්නේ ඒවාට අවශ්‍ය තාක්ෂණය වැඩිදියුණු කිරීමේ ගෞරවයද ෂිවනාදන්ට හිමිවීමයි. එපමණක් නොව වෛද්‍ය ක්ෂේත්‍රයේ පරීක්ෂණ සඳහා යොදා ගන්නා උපාංග වල මෙන්ම කෘෂිකාර්මික කටයුතු, කාලගුණ අධ්‍යයන කටයුතු ආදියට තොරතුරු ලබාගන්නා චන්ද්‍රිකාවලත් ඔහුගේ සංවේදක දැකිය හැකියි. චන්ද්‍රයා සහ අඟහරු ගවේෂණය කිරීමට නික්ම ගොස් ඇති යානා වල ඇති අති සූක්ෂම කැමරාවලද ඔහු විසින් නිෂ්පාදනය කළ සංවේදක තිබෙනවා.

👉 චාවකච්චේරියේ කොලු ගැටයා

ise1ආචාර්ය ෂිවලිංගම් ෂිවනාදන්ගේ ගම් පළාත චාවකච්චේරියයි. නව දෙනකුගෙන් යුත් පවුලේ හයවැන්නා වූ ඔහුව සියලු දෙනාම ඇමතුවේ ෂිවා නමින්. ගුරුවරුන් වූ ඔහුගේ මව හා පියා කුඩා කල සිට කුඩා ෂිවාට කියා දුන්නේ අධ්‍යාපනයේ වැදගත්කම ගැනයි. ෂිවාගේ කුඩා කාලය සුන්දර වුවත් එතරම් සුවපහසු එකක් වුණේ නැහැ. දරුවන් නව දෙනකු සිටින පවුලකට මුහුණ දෙන්නට සිදුවන ආර්ථික ගැටලු ඔවුන්ටත් තිබුණා. නමුත් ෂිවාට කුඩා කල පටන් තිබූ ව්‍යාපාරික ඥානය ඔහුට එය එතරම් ගැටලුවක් බවට පත් කළේ නැහැ. නව යොවුන් අවදියේදී ටී ෂර්ට්ටුවක් සුවඳ විලවුන් බෝතලයක් වැනි යමක් මිලදී ගන්නට අවශ්‍ය වූ විට ෂිවා කළේ ගම පුරා ඕනෑතරම් ඇති පොල් ගෙඩි එකතුකර ඒවා ලෙලි ගසා බයිසිකලයෙන් වෙළඳ පොළට ගෙන ගොස් විකිණීමයි. දෙමව්පියන්ට කරදර නොකර අමතර අවශ්‍යතා ඉටු කර ගන්නට එය ඔහුට මුදල් සපයා දුන්නා.

ඔහුගේ මව නිතරම දුන් උපදෙසක් වූයේ යමක් කරන විට තමා එය කරන්නේ ඇයිද යන පැනය විමසා බලන ලෙසයි. කන්දක් නැගීමට පෙර තමා නැගිය යුතු කන්ද කුමක්දැයි තෝරා ගෙන සිටින ලෙසත් ඉන්පසුව එයට පූර්ණ අවධානය යොමු කරන ලෙසත් ඇය ෂිවාට උගන්වා තිබුණා. නිහතමානී වන්නටත් අනෙක් පුද්ගලයන් පිළිබඳ හදිසි නිගමන වලට නොඑළැඹී ඔවුන් කරන කියන දෙය පිටුපස ඇති ඔවුන්ගේ දෘෂ්ටි කෝණය තේරුම් ගැනීමටත් උත්සාහ කරන්නටත් ඔහුට ඔවදන් ලැබී තිබුණා. පසුකාලීනව ජීවිතයේ දැවැන්ත ජයග්‍රහණයන් අත්පත් කර ගැනීමට ඔහුට ඉඩ සැලසුවේත් කුඩා කල සිට ඔහු හැදී වැඩුණු එම වටිනාකම් ගොන්නයි.

👉 ඇමෙරිකාවේ හොට් ඩෝග්ස්

යාපනයේ හින්දු විද්‍යාලයෙන් අධ්‍යාපනය ලැබීමට වාසනාවන්ත වූ ෂිවා තම ගුරුවරුන් තමන්ට ඉගැන්වීම සඳහා කැපවූ ආකාරය සිහිපත් කරන්නේ භක්තියෙන්. නොමිලේ ලැබුණත් ලංකාවේ අධ්‍යාපනය විශ්ෂ්ටතම අධ්‍යාපනයක් බව ඔහු පවසන්නේ ඒ නිසයි. උසස් පෙළ ගණිත විෂයෙන් ඉහළින් සමත්වන ෂිවා තම උසස් අධ්‍යාපනය සඳහා පේරාදෙණිය විශ්වවිද්‍යාලයට ඇතුළු වනවා. ඒ භෞතික විද්‍යාවෙන් ඉදිරියට අධ්‍යාපනය හැදෑරීමටයි. එහිදී ඔහුට හමුවන ඔහුගේ ගුරුවරයා වන මහාචාර්ය ලක්ෂ්මන් දිසානායක මහතාත් ඔහුගේ ජීවිතය සාර්ථක කර ගැනීමට විශාල ආලෝකයක් බවට පත්වන්නේ දැනුම පමණක් නොව සාර්ථක ජීවිතයක් ගෙන යෑමට අවශ්‍ය වටිනාකම්ද ඔහුට ලබා දෙමින්. 1982 දී ඔහු උපාධියෙන් පසු වැඩිදුර අධ්‍යාපනය සඳහා ඇමෙරිකාවට යෑමට කටයුතු කරනවා. එකල ඔහු තවමත් ලෝකයේ හැඩරුව හඳුනාගන්නට වෙර දරන ආධුනිකයෙක්. ඇමෙරිකාවේ වීදි වල හොට් ඩෝග්ස් විකුණන්නට ඇති බවට දැක්වෙන දැන්වීම් මුල්වරට දකින ඔහු ඇමෙරිකාවේ බලු මස් සහිත කෑම විකිණීමට ඇත්දැයි පුදුමයට පවා පත්වූ බව ඔහු අදටත් සිහිපත් කරන්නේ සිනහවෙන්.

👉 අඳුරු වලාව තුළ වූ රිදී රේඛාව

පශ්චාත් උපාධිය හැදෑරීම පිණිස විශ්වවිද්‍යාල ගණනාවකින් ඔහුගේ අයැදුම්පත පිළිගත්තත් අවසානයේ ඔහු තෝරාගන්නේ චිකාගෝහි ඉලිනොයිස් විශ්වවිද්‍යාලයයි. ඒ එකල ට්‍රාන්සිස්ටරයේ සොයා ගැනීමට විශ්වවිද්‍යාලයෙන් ලැබී තිබූ දායකත්වය සැලකිල්ලට ගනිමින්. නමුත් විශ්වවිද්‍යාලයට ගොස් බලන විට ඔහු තේරුම් ගන්නේ එහි භෞතික විද්‍යා අධ්‍යයන අංශය කිසිලෙසකත් ඔහු සිතූ තරම් දියුණු විශාල එකක් නොවන බවයි. ඔවුන් භෞතික විද්‍යාව පිළිබඳ ආචාර්ය උපාධි පාඨමාලාවන් ආරම්භ කර ඇත්තේත් එම වසරේම බව දැනගත් විට ඔහු තවත් පුදුමයට පත්වෙනවා. තම තීරණය පිළිබඳ කළකිරීමට පත්වී හඬාවැටිය යුතු වුවත් ඔහු කල්පනා කරන්නේ තමා සතුව තිබූ තොරතුරු මත ගත හැකි හොඳම තීරණය තමා ගත් බවයි. එනිසා මෙය අභියෝගයක් ලෙස භාරගෙන ඉදිරියට යෑමට ඔහු අධිෂ්ඨාන කර ගන්නවා.

එබඳු අධිෂ්ඨානයක් සහිත කෙනෙකුට වාසනාව පිටුපා නොයන බව පෙන්වාදෙන අපූරු සිදුවීමක් ඒ සමග සිදුවනවා. ඒ ඇමෙරිකාවේ ආරක්ෂක දෙපාර්තමේන්තුව යටතේ ක්‍රියාත්මක වන ආරක්ෂාව පිළිබඳ දියුණු පර්යේෂණ ව්‍යාපෘති ඒජන්සිය (DARPA -Defense Advanced Researched Project Agency) මගින් රාත්‍රී දර්ශක පිළිබඳව පර්යේෂණ පැවැත්වීම සඳහා ඇමෙරිකානු ඩොලර් මිලියන පනහක මුදලක් විශ්වවිද්‍යාලයේ භෞතික විද්‍යා අධ්‍යනාංශයට පිරිනැමීමයි.

ඉංග්‍රීසි බස හැසිරවීමෙහි දක්ෂයකු නොවුණත්, තමාගේ දක්ෂතා ගැන වර්ණනා කිරීමට අකැමැති ලැජ්ජාශීලී පුද්ගලයෙකු වුවත් ෂිවාගේ උනන්දුව නිසාම ඔහුව මෙම නව ව්‍යාපෘතියට සම්බන්ධ කර ගැනෙනවා. ඔහුගේ නව ජීවිතය ඇරඹෙන්නේ ඒ සමගයි.

👉 ඇසට නොපෙනෙන අධෝරක්ත කිරණ

සූර්ය ආලෝකය නොමැති වටපිටාවක අඳුර විනිවිද දැකිය හැකි රාත්‍රී දර්ශක ක්‍රියාත්මක වන්නේ අධෝරක්ත කිරණ හඳුනාගැනීම හරහායි. විද්‍යුත් චුම්බක වර්ණාවලියේ දෘෂ්‍ය ආලෝකයට තරමක් ඔබ්බෙන් පිහිටි අධෝරක්ත කිරණ පියවි ඇසට හසු වන්නේ නැහැ. නමුත් පරිසරයේ ඇති සෑම වස්තුවක්ම එහි ගැබ්ව ඇති තාපය පරිසරයට මුදාහරින්නේ අධෝරක්ත කිරණ ලෙසයි. යම් උපාංගයකට මෙම සියුම් අධෝරක්ත කිරණ ග්‍රහණය කරගෙන වර්ධනය කොට දෘෂ්‍ය ආලෝක කලාපයට අයත් තරංග සමුච්ඡයක් බවට පරිවර්තනය කළ හැකි නම් ඒ හරහා රාත්‍රියටද ඇස් ලබාගැනීමේ හැකියාව හිමිවනවා.

අධෝරක්ත කිරණ අනාවරක වල අධෝරක්ත කිරණ වර්ධනය කිරීම සඳහා යොදා ගත් ප්‍රධාන රසායනික ද්‍රව්‍යයක් වූයේ මර්කරි කැඩිමියම් ටොලුරියම් (HgCdTe) නම් අර්ධ සන්නායක සංයෝගයයි. දශක ගණනාවක් තිස්සේ මෙම සංයෝගය භාවිත කෙරුණත් එම සංවේදක වල සංවේදීතාව පහළ මට්ටමක පැවති අතර ඒවායේ විශාලත්වයද ඉහළ වීම නිසා ප්‍රායෝගික යෙදීම් පැවතියේ අවම මට්ටමකයි. නමුත් මෙම තත්ත්වය උඩු යටිකුරු කරන්නට ෂිවා සමත්වනවා. ඒ ඔහු මුල්වරට තම පර්යේෂණ හරහා රික්තක තාක්ෂණය යොදා ගනිමින් රසදිය, කැඞ්මියම් හා ටෙලුරියම් මිශ්‍ර කරමින් මෙම සංයෝගය නැනෝ පරිමාණයේ ස්ඵටිකමය ද්‍රව්‍යයක් ලෙස නිපදවීමට හැකි නව ක්‍රමයක් (molecular beam epitaxial (MBE) growth) සොයා ගැනීම සමගයි. සාර්ථක නොවනු ඇතැයි බොහෝ දෙනාගේ අධෛර්යමත් අනාවැකි හමුවේ ඔහු එය කරන්නේ වසරක පමණ කාලයක් තිස්සේ දුෂ්කරතාවන්ට මුහුණ දෙමිනුයි. අඩංගු මූලද්‍රව්‍ය වල අනුපාතය වෙනස් කිරීමෙන් විවිධ අධෝරක්ත පරාසයන්ට සංවේදී වන ලෙස නිපදවා ගැනීමේ හැකියාවෙන් යුක්තව ඉතා තූනී පතුරක් ලෙස නිෂ්පාදනය කළ හැකි වූ මෙම ස්ඵටිකමය ද්‍රව්‍ය අධෝරක්ත කිරණ අනාවාරක නිෂ්පාදනයේ නව නැම්මක් සනිටුහන් කරනවා. හමුදාමය යෙදීම් වලට පමණක් නොව අභ්‍යවකාශ හා වෛද්‍ය වැනි වෙනත් ක්ෂේත්‍රවලත් මෙම තාක්ෂණය යොදා ගැනීමට මග පාදන්නේ ෂිවාගේ මෙම සොයාගැනීමයි.

👉 පර්යේෂණ ලෝකයෙන් ව්‍යාපාරික ලෝකයට

තම පර්යේෂණ හරහා ආචාර්ය උපාධිය දිනා ගැනීමට සමත් වන ෂිවා 1994 වසරේදී ඉලිනොයිස් සරසවියේ භෞතික විද්‍යා අධ්‍යයන අංශයේ ක්ෂුද්‍ර භෞතික විද්‍යා පර්යේෂණාගාරයේ අධ්‍යක්ෂ ධුරයෙන්ද පිදුම් ලබනවා. දිගුකලක් තිස්සේ තමාගේ සොයා ගැනීම තව තවත් සියුම් අන්දමින් වැඩි දියුණු කිරීම සඳහා පර්යේෂණ කටයුතු මෙහෙයවන ආචාර්ය ශිවා අනෙකුත් බොහෝ පර්යේෂකයන් මෙන් එයින් සෑහීමට පත්වන්නේ නැහැ. තමා උපත දුන් මේ නව තාක්ෂණය ප්‍රායෝගික යෙදීම් වශයෙන් වැඩිදියුණු කිරීම සඳහා ද මැදිහත්වීමට ඔහු කල්පනා කරනවා.

ඕනෑම පර්යේෂණ හා සංවර්ධන ක්‍රියාවලියක ප්‍රතිඵලය ප්‍රයෝජනවත් කාර්යයක් සඳහා යොදා ගත නොහැකි නම් එය නිශ්ඵල දෙයක් බවයි ෂිවාගේ අදහස වී තිබුණේ. එමෙන්ම අධෝරක්ත අනාවාරක හා සංවේදක වලට අදාළ ද්‍රව්‍ය හා උපාංග ඇමෙරිකාව තුළම නිපදවීමට හැකිනම් ඒ සඳහා විශාල ඉල්ලුමක් ඇති බවත් එය සාර්ථක ව්‍යාපාරයක් බවට පෙරැලිය හැකි බවත් ආචාර්ය ෂිවා තේරුම් ගන්නවා. 1997 දී ඔහු මර්කරි කැඩිමියම් ටොලුරියම් පාදක කරගත් අධෝරක්ත සංවේදක නිෂ්පාදන බිහිකිරීම සඳහා EPIR Technologies නමින් නව සමාගමක් ආරම්භ කරන්නේ ඒ අනුවයි. ඉතා ඉක්මණින් ඉතා සාර්ථක සමාගමක් බවට පත්වන EPIR Technologies හමුදා උපාංග මෙන්ම අභ්‍යවකාශ යෙදීම් ඇතුළු විවිධ වාණිජ අවශ්‍යතා සඳහාත් තම නිෂ්පාදන සැපයීම අරඹන්නේ එම ක්ෂේත්‍රයේ නිෂ්පාදන කටයුතු කරන ප්‍රමුඛතම සමාගම බවට පත්වෙමින්. පර්යේෂකයාගේ හා ව්‍යවසායකයාගේ භූමිකාව මැනවින් සමබරව රඟ දක්වන ආචාර්ය ෂිවා තම සමාගම තුළින් මානව වර්ගයාට අසීමිතව ප්‍රතිලාභ ලැබිය හැකි නිෂ්පාදන බිහිකරන අතරම ඉලිනොයිස් ප්‍රාන්තයේ ආර්ථික වර්ධනයටද විශාල දායකත්වයක් සපයනවා.

2009 වසරේදී තම සමාගම DSR නම් ඇමෙරිකානු ආරක්ෂක උපාංග නිපදවීමේ සමාගමක් හා ඒකාබද්ධ කරන ෂිවා ඔහු වැඩි ඇල්මක් දක්වන පර්යේෂණ හා සංවර්ධන කටයුතු වැඩි අවධානයක් යොමුකිරීම සඳහා ෂිවනාදන් ලැබොරටරීස් (Sivananthan Laboratories) නමින් නව පර්යේෂණායතනයක් පිහිටුවනවා. මෙය විවිධ අන්දමේ පර්යේෂණ වැඩිදියුණුකිරීම් සඳහා අවශ්‍ය තාක්ෂණික පහසුකම් සපයන ආයතනයක් ලෙස ක්‍රියාත්මක වන අතර එහි ව්‍යුහය සකසා තිබෙන්නේ එහිදී කෙරෙන පර්යේෂණ හරහා බිහිවන යම් කිසි නව නිමැවුමක් ස්වාධීන ආර්ථික විභවයක් සහිත නිෂ්පාදනයක් බවට පත්වීමට තරම් පරිණත වූ කල්හි ඉන් වෙන්ව ගොස් නව සමාගමක් බවට පරිවර්තනය වන ලෙසයි. EPIR මෙන්ම පසුකාලීනව ඔහු විසින් ආරම්භ කළ Episensors Inc" Episolar Inc" Epimaterials Inc වැනි අනෙකුත් සමාගම් සියල්ලම ක්‍රියාත්මක වන්නේ එය යටතේයි.

ෂිවා විසින් පවත්වාගෙන යන තවත් සුවිශේෂී ආයතනයක් වන්නේ ලාභ නොලභන ආයතනයක් වන InSPIRE (Institute for Solar Photovoltaic Innovation" Research" and Edutraining) නම් ආයතනයයි. ඔහු එය බිහිකරන්නේ පුනර්ජනනීය බලශක්තිය පිළිබඳ නවීන තාක්ෂණය වෙනසක් නොමැතිව සැමදෙනාටම ප්‍රතිලාභ ලබා ගත හැකි දෙයක් බවට පත් කිරීමේ අදහසිනුයි. සූර්ය බල හා අනෙකුත් පුනර්ජනනීය ශක්ති නිෂ්පාදනයට අදාළ තාක්ෂණය පිළිබඳ පර්යේෂණ - සංවර්ධන කටයුතු කිරීම, ඒවා වාණිජකරණය හා ඒ සඳහා පුහුණු ශ්‍රමිකයන් බිහිකිරීම එමගින් සිදුකිරීමට ඔහු කටයුතු කරනවා.

👉 ධවල මන්දිරයෙනුත් සම්මාන

සිය පර්යේෂණ ජීවිතය පුරා මෙන්ම ව්‍යාපාරික ජීවිතය පුරා ආචාර්ය ෂිවා ලබා ගෙන ඇති ජයග්‍රහණ බොහෝයි. ඔහු මේ වන විට පර්යේෂණ පත්‍රිකා 200 කට අධික ප්‍රමාණයකට සම කතෘවරයෙකු වශයෙන් දායක වී ඇති අතර ආචාර්ය උපාධි අපේක්ෂකයන් විශාල ප්‍රමාණයක් ඔහුගේ යටතේ අධ්‍යාපනය හදාරා ආචාර්ය උපාධි දිනා ගැනීමට සමත්වී තිබෙනවා. චිකාගෝහි ඉලිනොයිස් සරසවියේ මහාචාර්යවරයකු ලෙස ද සේවය කර ඇති ෂිවා ඇමෙරිකාවේ තාක්ෂණික දියුණුවේ වර්ධනයට මෙන්ම ආර්ථිකයේ වර්ධනයට ද දක්වා ඇති දායකත්වය ඉතා විශාලයි. ඔබාමා පාලන සමයේ ධවල මන්දිරය මගින් පිරිනමනු ලැබූ “පරිවර්තනයේ විජයග්‍රාහකයා” (Champion of Change) සම්මානයෙන් ඔහුව පිදීමට 2013 වසරේදී ඇමෙරිකානු ජනාධිපති බැරක් ඔබාමා කටයුතු කරන්නේ ඔහුගේ මෙම සුවීශේෂී කාර්යභාරය ඇගයීමට ලක්කරමින්. උපතින් ඇමෙරිකානුවන් නොවුණු එහෙත් ඇමෙරිකානු පුරවැසියන් බවට පත්ව රට වෙනුවෙන් ඉමහත් සේවයක් කළ පුද්ගලයන් වෙනුවෙන් පිරිනැමෙන ඉහළම සම්මානයක් වන “තෝරාගැනීමෙන් ඇමෙරිකානුවකු වූ විශිෂ්ටතමයා” (Outstanding American by Choice) සම්මානය ඔහු වෙත පිරිනැමීමට ඇමෙරිකා එක්සත් ජනපදයේ පුරවැසි හා සංක්‍රමණ සේවාව මගින් කටයුතු කර ඇත්තේද ඔහුගේ මේ අසමසම සේවාව ඇගයීමටයි. එමෙන්ම ඔහු විසින් ඇමෙරිකානු හමුදාවට කළ සේවය ඇගයීම සඳහා එක්සත් ජනපද හමුදාවේ රාත්‍රී දර්ශක පර්යේෂණාගාරය විසින් ඔහුට “රාත්‍රියේ මිතුරා” (Friend of the Night) හා “අන්ධකාරයේ අභිභවනය” (Conquest of Darkness) යන පදක්කම් පිරිනැමීමටද කටයුතු කර තිබෙනවා.

👉 නැවතත් ලක්බිමට

දශක ගණනාවක් තිස්සේ ඇමෙරිකාවේ ජීවත්වෙමින් කටයුතු කරන කාලය තුළ ෂිවා තුළ තම මව්බිමට ඇති සබඳතාව කෙමෙන් දුරස් වෙනවා. දශක ගණනක් තිස්සේ දෙමළ සිංහල ජනතාව නොවෙනස්ව පීඩාවට ලක්කළ යුද්ධයේ අඳුරු සෙවනැලි සමග ෂිවාගේ සොහොයුරු සොහොයුරියනුත් යාපනය හැරදමා විදේශගතවීම මීට බලපෑ ප්‍රධාන හේතුවක්. නමුත් 2009 දී ෂිවා තම පර්යේෂණාගාරය ඇරඹීමෙන් පසු එක්දිනක් ඔහු හමුවන්ට පැමිණෙන එක්තරා පුද්ගලයෙක් මේ දුරස් වූ සබඳතාව යළි ගොඩනගන්නට මුල පුරනවා. ඒ එකල ඇමෙරිකාවේ ශ්‍රී ලංකා තානාපතිවරයාව සිටි ජාලිය වික්‍රමසූරිය මහතායි. ෂිවා ව හමුවන්නටම ඉලිනොයිස් වෙත පියාසර කරන ඔහු ෂිවාගෙන් දමිළ ජාතිකයෙකු වශයෙන් යුද්ධය අවසන් වී නැවත ගොඩනැගෙමින් පවතින ලංකාවේ දමිල ජනතාවට උදව් කරන්නට ඉදිරිපත් නොවන්නේ මන්දැයි විමසා සිටිනවා. ඊට ප්‍රතිචාර වශයෙන් තමා හුදු දමිළ ජාතිකයකු පමණක් නොව ශ්‍රී ලාංකිකත්වය මුලට ඇති ශ්‍රී ලාංකික දමිළ ජාතිකයකු බව පවසන ෂිවා එම යෝජනාව තමාට කළ අභියෝගයක් ලෙස බාරගන්නවා. සමස්ත ශ්‍රී ලාංකිකයන්ටම ප්‍රතිලාභ ලැබිය හැකි යමක් ලංකාව වෙනුවෙන් ඉටුකිරීමට ඔහු සැලසුම් කරන්නේ ඒ සමගයි.

👉 හිරුඑළියෙන් නව එළියක්

මෙලෙස තමාගෙන් මව්බිමට ලබා දිය හැකි සේවය ගැන කල්පනා කරන ෂිවා අවසානයේ තීරණය කරන්නේ රටේ ආර්ථිකයට ධනාත්මක බලපෑමක් කළ හැකි ලෙස ශ්‍රී ලංකාවේ මානව සම්පත බලගැන්විය හැකි ක්‍රමවේදයක් හඳුන්වාදීමටයි. පර්යේෂණයේ සිට ව්‍යවසායකත්වය දක්වා ඇති පරතරය සාර්ථකව තරණය කිරීමේ අත්දැකීම් සහිත පුද්ගලයෙකු ලෙස ශ්‍රී ලංකාවට සූර්ය විදුලි ජනනය කිරීමේ නවීන තාක්ෂණික දැනුම ලබා දීමට ඔහු තීරණය කරන්නේ ඒ තුළයි. එය හුදු දැනුම හා තාක්ෂණය සම්ප්‍රේෂණය කිරීමේ ක්‍රියාවලියක් පමණක් නොව එකමුතුබව, සහයෝගීතාවය වැනි සමාජයීය වටිනාකම් තහවුරු කරමින් ඉදිරියට ඇදෙන වැඩ පිළිවෙළක් විය යුතු බවට ඔහු තීරණය කරනවා. තම ව්‍යාපෘතිය සඳහා මුළු රටම ආවරණය වන පරිදි කැලණිය සරසවිය, පේරාදෙණිය සරසවිය, රුහුණු සරසවිය හා යාපනය සරසවිය යන සරසවි තෝරා ගැනීමට ඔහු කටයුතු කරන්නේ ඒ අනුවයි. එපමණකින් නොනවතින ඔහු දැනුම විශ්වවිද්‍යාල තුළ සිරවී තිබීමේ යල්පැනගිය ආකෘතිය බිඳ දමන්නේ රටපුරා පාසල් හා වෘත්තීය පුහුණු ආයතන වල සිසුන් හා ගුරුවරුන්ද එයට සහභාගි කර ගැනීමෙන්.

වසර පහක කාලයක් තිස්සේ තම පුද්ගලික වියදමින් පර්යේෂකයන් ඇමෙරිකාවට යවා පුහුණු කරවමින් ඔවුන් හරහා වැඩමුළු පවත්වා එම දැනුම ව්‍යාප්ත කිරීමට ෂිවා මැදිහත් වනවා. නමුත් මෙම ක්‍රියාවලිය වඩාත් තිරසාර අන්දමින් ඉදිරියට යෑමට නම් ඒ සඳහා ශ්‍රී ලංකා රජය පාර්ශ්වයෙන්ද කැපවීමක් තිබිය යුතු බව ඔහු පෙන්වා දෙන අතර එයට ඉතා සුබවාදී ප්‍රතිචාරයක් දක්වන එවකට විද්‍යා තාක්ෂණ හා පර්යේෂණ අමාත්‍ය සුසිල් ප්‍රේමජයන්ත මහතා තවත් වසර පහකට එම ව්‍යාපෘතිය දියත් කිරීම සඳහා රජයේ දායකත්වය සපයනවා. මේ වන විට ඉතා සාර්ථකව ක්‍රියාත්මක වෙමින් පවතින මෙම ව්‍යාපෘතිය අවසන් වන විට පාසල් සිසු සිසුවියන් 3000 ක්, ගුරුවරුන් 300 ක් පුහුණුව අවසන් වනු ඇති අතර පාසල් හා වෘත්තීය පුහුණු ආයතන වල විෂය නිර්දේශයන්ට මෙම තාක්ෂණික දැනුම අන්තර්ග්‍රහණය කිරීමට නියමිතයි.

මෙම ව්‍යාපෘතිය සාර්ථක කර ගැනීමට කැලණිය සරසවියේ මහාචාර්ය සුදත් කාලින්ගමුදලි විද්‍යා තාක්ෂණ හා පර්යේෂණ අමාත්‍යංශයේ වර්තමාන ලේකම් චින්තක ලොකුහෙට්ටි මහතා ඇතුළු සියලු දෙනා දැක්වූ උනන්දුව සහ සහාය පිළිබඳව අගය කරන ආචාර්ය ෂිවා පවසන්නේ ලංකාවෙන් මේ සඳහා ලැබුණු සහාය ඔහුව පුදුමයට පත් කළ බවයි. ලංකාවට පැමිණෙද්දී බොහෝ දෙනා ඔහුට පවසා තිබුණේ මෙවැනි ව්‍යාපෘතියක් ලංකාවේ ක්‍රියාත්මක කිරීම කළ නොහැක්කක් බවටයි. නමුත් එය බොරුවක් බවට පත් කරමින් ඔහුට ඉතාමත් විශිෂ්ට සහයක් ලංකාවේ විශ්වවිද්‍යාල ආචාර්යවරුන්ගෙන්, දේශපාලකයන්ගෙන් හා නිලධාරීන්ගෙන් ලැබී තිබෙනවා.

👉 අනාගතය දකින ප්‍රාඥයා

ජාත්‍යන්තර තලයේ පර්යේෂකයෙකු ලෙස හා ව්‍යාපාරිකයෙකු ලෙස පළල් අත්දැකීම් සමුදායකින් සන්නද්ධ ආචාර්ය ෂිවාගේ දැක්ම අනාගතය විනිවිද යන්නක්. ශ්‍රී ලාංකිකයන් ලෙස ලෝකයේ සුවිශේෂී තැනක් අපට අත්පත් කර ගත හැකි වනු ඇතැයි ඔහු විශ්වාස කරනවා. ඔහුගේ විශ්වාසය පාදක වන්නේ ශ්‍රී ලාංකිකයන් ලෙස අපට ආවේණික ගුණ මතයි. ඔහු පවසන්නේ නිහතමානී බුද්ධිමත් රටවැසියන් පිරිසක් වන ලාංකිකයන් දශක තුනක් තිස්සේ පැවතුනු දරුණු යුද්ධයක් මධ්‍යයේ වුවත් ඔවුන්ගේ ගෞරවය හා අභිමානය නැති කර නොගත් බවයි. ශ්‍රී ලාංකියකයන්ගේ බුද්ධිමත් බව හා සාධාරණ ලෙස ගනුදෙනු කිරීමට ඇති කැමැත්ත විසින් ශක්තිමත් ආයෝජකයන් ශ්‍රී ලංකාව තුළට ආකර්ෂණය කරගනු ඇති බවට ඔහු විශ්වාස කරනවා. ඔහු අවධාරණය කරන්නේ රටක් ලෙස අප අතර විවිධ ගැටලු පැවතුනත් ආර්ථික අතින් ශක්තිමත් වූ කල ඒ ගැටලු සියල්ලම පාහේ විසඳී යනු ඇති බවයි.

ඔහු විසින් මේ වන විට ව්‍යාප්ත කරමින් පවතින සූර්ය කෝෂ නිෂ්පාදන ක්ෂේත්‍රය මේ දැවැන්ත ආර්ථික ශක්තිය ඇති කර ගැනීම සඳහා ඔහු යෝජනා කරන එක් ක්‍රමවේදයක්. ඔහුගේ පෙන්වාදෙන්නේ මෙම ක්ෂේත්‍රය පිළිබඳ ඉහළ දැනුමක් සහිත මානව සම්පතක් බිහිකිරීමෙන් පසුව සූර්ය කෝෂ නිෂ්පාදන ක්ෂේත්‍රයේ ආයෝජකයන් ලංකාව වෙත එනු ඇති බවටයි. ඉන්දියාව, චීනය, මැදපෙරදිග ආදී රටවලට මධ්‍යයේ ලංකාව පිහිටීම නිසා එමගින් ව්‍යාපාරික කටයුතු වලට ලැබෙන වාසිය මීට ප්‍රධාන සාධකයක් වන අතර දැනට ලංකාවේ ඇති ඇඟලුම් ක්ෂේත්‍රයට සමානව මෙම ක්ෂේත්‍රයටද වර්ධනය විය හැකි බවයි ඔහු විශ්වාස කරන්නේ. ඔහුට අනුව මෙවැනි ක්ෂේත්‍රයන් ගණනාවක් හරහා අපට දියුණු විය හැකියි. තොරතුරු තාක්ෂණයට මෙහිලා හිමිවන්නේ සුවිශේෂී වැදගත් කමක්. උදාහරණයක් ලෙස තම සමාගම වැනි සමාගම් විසින් නිර්මාණය කරන අධි තාක්ෂණික උපාංග වලින් එක්රැස් කරන දත්ත විශ්ලේෂණය කර විවිධ වාණිජ අවශ්‍යතා සඳහා භාවිත කළ හැකි පරිදි පරිගණක වැඩසටහන් ක්‍රමලේඛණය කළ හැකි නම් ඒ හරහා ඉතා ලාභදායී නව ව්‍යාපාර අවස්ථා නිර්මාණය කර ගත හැකි බව ඔහු පෙන්වා දෙනවා.

👉 ලංකාවට අවශ්‍යම මොහොතක්

ලංකාවේ පසුගාමීත්වය, අඩු පහසුකම් පිළිබඳව චෝදනා නගමින් මෙය ඉන්න නොහිතෙනා රටක් බවට චෝදනා නගමින් සිටින බොහෝ දෙනකුට ආචාර්ය ෂිවා අගනා ආදර්ශයක්. දුෂ්කර ගමක පහතම තැනින් ගමන අරඹා අවසානයේ මුළු ලෝකයම දිග්විජය කර සුප්‍රකට පර්යේෂකයකු හා ව්‍යවසායකයකු දක්වා ඉදිරියට පැමිණි ඔහුගේ ගමන් මග වෘතාන්තයක් මෙන් රසවත්. ඒ අතර වඩා සුවිශේෂී ලෙස කැපී පෙනෙන්නේ මෙතරම් කාලයක් ගතවීමෙන් පසුවත් තම මව්බිම හා එහි ජනයා වෙත ජාති ආගම් භේදයකින් තොරව ඔහු දක්වන ආදරය සහ කෘතවේදීත්වයයි. ඇමෙරිකානුවන්ගේ ඉහළම සම්මානයන්ට පාත්‍ර වෙමින් ජාත්‍යන්තර තාක්ෂණික හා ව්‍යාපාරික ලෝකයේ දැවැන්තයකු වීමෙන් පසුවත් ඔහු පවසන්නේ තමාට මේ දුර පැමිණීමට හැකිවූයේ ලාංකික කොලු ගැටයෙක් ලෙස තමාට ලැබුණු ශක්තිමත් පදනම නිසා බවයි.

රටක් ලෙස අප මේ මොහොතේ ගත කරන්නේ ඉතා සුවිශේෂී කාල වකවානුවකුයි. අපේ රටේ ආර්ථික දුබලතාවන් දඩ මීමා
කරගනිමින් අපේ මුළු මහත් අනාගතයම විදේශික ග්‍රහණයන්ට හසු කර ගැනීමේ අනතුරකට අප මුහුණ දී සිටිනවා. මේ තත්ත්වයෙන් මිදී අපට හිස කෙළින් තබා ගත හැක්කේ ඉතා කෙටි කලක් තුළ දැවැන්ත ආර්ථික ශක්තියක් අත්පත් කර ගැනීමෙන් පමණයි. මෙවර ජනාධිපතිවරණයේ ජයග්‍රාහකයා කවරකු වුවත් ඔහුට මේ දැවැන්ත ආර්ථීක යුද්ධය මෙහෙයවීමට අනිවාර්යයෙන් සිදුවනවා. ඒ මෙහෙයුමේ සාර්ථකත්වය තීරණය වනු ඇත්තේ එයට බුද්ධි උපදෙස් දෙන්නට, සැලසුම් සකස් කරන්නට යොදාගන්නා සෙන්පතියන්ගේ දක්ෂතාව මතයි. මානව වටිනාකම් වලින් හැඩවූ අනාගත දැක්මක්, ජාත්‍යන්තර තලයේ අසමසම ව්‍යාපාරික ඉවක් හා සාර්ථකත්වයේ තහවුරු කළ අත්දැකීම් මෙන්ම දේශප්‍රේමිත්වයෙන්ද පිරිපුන් ආචාර්ය ෂිවා ෂිවනාදන් වැන්නවුන් ඒ සටනට අත්‍යවශ්‍යයෙන්ම බඳවා ගත යුතු සෙන්පතියන් බවයි අපගේ අදහස.

ඡායාරූප - ජූඞ් ඩෙන්සිල් පතිරාජ

උපුටාගැනීමකි
Credit :- ගුරු ගෙදර