Middle First Sri Lanka

15/02/2023

විභාගෙ ඉවරයි !
කොළ ටිකත් විසික් කරල
අදත් හනික පඩි ටික බැහැගෙන
ආවෙ ගෙදර දුවන්නයි
ඒත් ඇයි මේ වෙනද නැති හැඟීමක්...
ඒ පඩිපෙලමයි, වටේ පිටේ වෙනද හිටිය
ඒ ඈයොමයි...
හැබැයි හරි නිශ්ශබ්දයි !
පඩිපෙල පහල කට්ටියක්
ආපහු හැරිල බලාන ඉන්නවා...
ඉබේමට වගේ මාත් උන්ටම එකතු වෙලා
ටිකක් බලන් උන්නා

පුදුමයි!
කදුලු කැට වැටෙන්නෙ නොදැනිමයි
මම අනිත් උන් දිහා බැලුවා
මගෙ විතරක් නෙවෙයි උන්ගෙ ඇස්වලත් කඳුලු...

ආපහු මේ සුදු ඇඳුම අදින එකක් නැතිවෙයි,
උදේ පාන්දර බෙල් එකේ සද්දෙට දුවන් එන්න බැරිවෙයි,
රංචු ගැහිල පංතිය පිටින් පිට්ටනියෙ ක්‍රිකට් ගහන්න බැරිවෙයි,
පොඩි මගඩි වැඩක් කරල සෙට් එක පිටින් දණගස්සවන්නෙ නැතිවෙයි

ඒත් මට විස්වාසයි,
මේ මතක සදාකාලික වෙයි,
හම්බුන මගේ උන් මඟහැරෙන්නෙ නැතිවෙයි,
හැමදේම හිත්වල අමරණීය වෙයි

මම එක අතකින් කඳුලු පිහදගෙන
ලඟ උන්නු එකාට තට්ටුවක් දැම්මා,
" යමන් මචං..."

මම එන්න හදල තව එකපාරක්
ආපහු හැරිල බැලුවා
ඒ ආඩම්බරයමයි,
ඒ ගාම්භීරත්වයමයි,
ඒ හැඟීමමයි,
මීට අවුරුදු ගානකට කලින් මුලින්ම ගමේ ඉදන් ටවුමෙ ලොකු ඉස්කෝලෙට එද්දි හදවතට දැණුනු!❤️
දිග හුස්මක් එක්ක මම ආපහු හැරුනා ගෙදර එන්න.

ඒත් මට ආපහු දුවගෙන ගිහින් අහන්න හිතුණා,

"තව එක දවසක් විතරක් මම එන්නද...?🥺"

© වචන - Iroshan Rathnayake

15/02/2023

Autocad පැමිනීමට පෙර ඉංජිනේරුවන්ගේ ජීවිතය .....

07/02/2023

අත් පාලම, Da Nang, වියට්නාමය

"අත් පාලම" යනු වියට්නාමයේ ඩා නන්ග් නගරයේ පිහිටා ඇති සුවිශේෂී සහ ජනප්‍රිය සංචාරක ආකර්ෂණයකි. එය හැන් ගඟ හරහා විහිදෙන පදික පාලමක් වන අතර එය ජලයෙන් දිගු වන යෝධ අත් යුගලයකට සමාන වන පරිදි නිර්මාණය කර ඇත. කුඩා උද්‍යානයක් සහ ක්‍රීඩා පිටියක්, එළිමහන් කාර්ය සාධන වේදිකාවක් සහ ආහාර පාන අලෙවිකරුවන් කිහිප දෙනෙකු ද ඇත. පාලම විවේක ගැනීමට සහ ගංගා දර්ශනය භුක්ති විඳීමට හෝ ඩා නන්ග් හි සුන්දර හිරු බැස යෑම නැරඹීමට කදිම ස්ථානයකි.

24/12/2022

ඔක්ටපස් ගැහැණු සත්වයා ලෝකයේ සිටින වඩාත්ම පරිත්‍යාගශීලී මවයි.🥺🥺

මක්නිසාද යත් වරකට බිත්තර 50,000 ක් පමණ තැබීමෙන් පසු, ඇය මාස 6 ක් දක්වා අඛණ්ඩව ඒවා ආරක්ෂා කරයි.

එම කාලසීමාව තුළදී, බිත්තර ආරක්ෂා කිරීම සහ එම කාලය තුළ ඔහු වටා නොසැලී සිටීමේ අරමුණින් මව කිසිදු ආහාරයක් ගැනීමෙන් වැළකී සිටියි.

මාස 6කින් පසු බිත්තර හැදෙනකොට අම්මා බඩගින්නේ මැරෙනවා.. ඒ නිසා තමයි ගෑණු බූවල්ලාට මේ ලෝකේ වැඩියෙන්ම කැප කරපු අම්මා කියලා කියන්නේ ❤️ 🐙

22/12/2022

පොඩි හාමුදුරුවන්ගෙ නෝනා
°°°°°°°°°°°°°°°°°°°°°°°°°°°°°°°°°°°

"පොඩි උන්නාන්සෙත් එක්ක මොකක් හරි නැත්තං ඔච්චර වියදං කරල ආවාසයක් හදලා දෙයිද ඔය නෝනා"
ඒ පන්සලේ ප්‍රධාන දායකයාය.ආවාස ගෙයි වැඩ නිමවා ඇත.එය සම්පූර්ණයෙන්ම අලුත් දිසාපති තුමියගේ පුද්ගලික ධන පරිත්‍යාගයෙන් නිම වූවකි.
තිස්ස හාමුදුරුවෝත් ඒජී නෝනාත් සම වයසේය. ගම්මුන්ගේ පමණක් නොව පාදේශීය ලේකම් කාර්‍යාලය තුළද කතා බහට ලක්වූ තිස්ස හාමුදුරුවන්ගේත් ඒජී නෝනාගේත් මිත්‍රත්වය විශ්ව විද්‍යාලය දක්වා දිවෙන්නකි.
ලොකු හාමුදුරුවන්ගේ අසනීප තත්වය සලකා බලා ගුරු වෘත්තියට සමුදුන් තිස්ස හාමුදුරුවෝ පන්සලේම උපකාරක පන්තියක් ආරම්භ කළේ දිනූෂා අගලවත්ත පාදේශීය ලේකම් තුමිය පත්වීම් ලැබ ආ දිනවලමය.
ගම්වාසී දරුවන්ට නොමිලේ ඉගැන්වූ පොඩි හාමුදුරුවෝ පන්සලේ බුදුමැඳුර, චෛත්‍ය මළුව මෙන්ම බෝ මළුවද අලංකාර ලෙස සාදවා නිම කළේ සිය විශ්ව විද්‍යාල මිතුරන් හා ගම්වාසීන්ගේ මුදල් හා ශ්‍රම දායකත්වය ලබාගෙනය.
පන්තිවලට එන දරුවන්ගෙන් කිසියම් මුදලක් අය කරන්නැයි මිතුරන් කී විට තිස්ස හාමුදුරුවෝ කීවේ මෙවැන්නකි.
"ගම්මුන්ගෙ දානෙ වේල කාලා ගම්මුන්ගෙ සල්ලි වලින් ඉගන ගත්ත මම ඒ ගම්මුන්ගෙ ළමයින්ගෙන් සල්ලි අරන් උගන්නන්නෙ කොහොමද?"
ලොකු හාමුරුවෝද එය අනුමත කළහ. බුදු මැඳුර තුළ තිබූ එකම එක බුදු පිළිමය වෙනුව අට විසි බුදුන් වහන්සේලා නිමවා අලංකාරව චිත්‍ර ඇන්ඳවීමට තිස්ස හාමුදුරුවන්ට අවශ්‍ය වූ විට ඒ,ජී නෝනා තම දැන හැඳුනුම්කම්ද උපයෝගී කර ගනිමින් එයට ආධාර ලබා දීමට සමත් වූවාය. විහාර ගෙයි වැඩ පිළිබඳව ප්‍රගතිය නිරීක්ෂණය කිරීමට වරින් වර පන්සලට පැමිණි ඒජී නෝනා මුල්ම කාලයේ ගම්වාසීන්ගේ නොමද ගෞරවයට පත්වු නමුදු කාලය ගෙවෙත්ම ඒජී නෝනාගේ නිතර පැමිණිම ඒ ගම්වාසීන්ගේම සැකයට බඳුන් විය.
පන්සලේ අනෙක් කටයුතු නිමාවී තිබූ නමුත් රෝගී ලොකු හාමුදුරුවෝ මෙන්ම තිස්ස හාමුදුරුවෝත්,සාමණේර හාමුදුරුවෝත් යන තිදෙනාම විසූයේ කඩා වැටීමට ආසන්න ආවාසයකය. එය කලකට ඉහත මැටියෙන් ඉදිකරන ලද සිංහළ උළු සෙවිලි කළ පැරණි ආවාසයකි.
ඒ තුළ පිනි බෑමත් සීතලත් අධික වූයෙන් ලොකු හාමුදුරුවෝ නිතර නිතර අසනීප වන බව තිස්ස හාමුදුරුවෝ ඒජී නෝනා සමඟ කියූවේ ආවාසය උදෙසා ගම්මුන්ගෙන් උපකාර ඉල්ලීමට නොසිතෙන බවද කියන අතරය.
කාමර තුනක්, නාන කාමරයක්,දාන ශාලාවක් හා කුස්සියකින් සමන්විත අංග සම්පූර්ණ ආවාස ගෙයක් තැනීම දිනූෂා අගලවත්ත ඒජී නෝනා විසින් ආරම්භ කළේ ඒ අනුවය. එය තම පුද්ගලික ධන පරිත්‍යාගයෙන්ම සිදු කළ යුතු යැයි කියූ ඇය අනෙකුන්ගේ ආධාරද ප්‍රතික්ෂේප කිරීම කතා බහට ලක්විය.
ඒජී නෝනාත් තිස්ස හාමුදුරුවෝත් එක්ව ගමන් බිමන් යෑමත් ඒජී නෝනා පන්සලට එන වාර ගණනත් වැඩි විය.
"ඒජී නෝන තිස්ස හාමුදුරුවන්ට ගෙයක් හදනවා.."
"කැම්පස් එකේ ඉන්න කාලෙ ඔය නෝන හාමිනේගේ කාමරේලු වැඩි හරියක් අපෙ උන්නාන්සෙ හිටිය කියන්නෙ.."
"සිවුරු ඇරල නොයන්නෙ ලොකු හාමුදුරුවො හන්ඳලු.."
"ඒජී නෝනත් බැඳල නෑ..පව් ඉතිං..ඕං දැක්කද හිත ගිහාම..තෘෂ්ණාව..ඔය කොළඹ යනව කියල ගිහාම කොහෙ කොහෙ හරි යනව ඇති."
"ආයෙ ඔය මෙහෙට්ටම පත්වීම අරන් ඇවිත් තියෙන්නෙ ඉල්ලලා කියනවනෙ..පේන දුරින් ඉන්ඩ වෙන්ඩැ"
ඒ ගම්මුය.ඒ අතර ඇතැම් ගම්වාසීන් මෙසේද කීහ.
"අනේ මන්දා...එහෙම එකක් තියනව නං ඉතිං සිවුරු ඇරල යනවනෙ.මට නං හිතෙන්නෙ අපෙ හාමුදුරුවන්ගෙ හිතේ මොකුත් නෑ..ඒජී නෝන හදන්නෙ අපෙ හාමුදුරුවන්ගෙ සිවුර ගලවලා අරන් යන්ඩ වාගෙ.."
"කොහොම වුනත් ඔය ගෑනි පන්සල පැත්තෙ එන එක නවත්තන්ඩ ඕනෑ."
සැමියාගේ මුදලින් තම නිවස ඉදිකරන තැනට, වරින් වර යන බිරිඳක පරිද්දෙන් පන්සලට ආ ගිය ඒජී නෝනා පුද්ගලිකවම ඉදිකිරීම් නිරීක්ෂණය කරන බවක් පෙනුණෙන් එයද ගම්වාසීන්ගේ නොරිස්සුමට හේතු විය. ඉක්බිති එළඹි කාලයේ මෙම කට කතාව පිළිබඳව දැනගත් තිස්ස හාමුදුරුවෝ මුලින්,මුලින් සිනාසී එය නොසළකා හැරිදයද පසුව උන්වහන්සේටද එය හිසරදයක් බවට පත්විය. ආවාසයේ වැඩ නිමවූ බව දැනගත් දිනයට පසු එළඹි පළමු ඉරිදා දිනයේම ඒජී නෝනා පන්සලට ගියාය. එදින තිස්ස හාමුදුරුවන් වෙනුවට ලොකු හාමුදුරුවන් ඇය හමුවට වැඩියේ, තිස්ස හිමියන්ගේ අනුදැනුම ඇතුවය..
"විස්ස විද්ද්දියාලෙ ඉන්න කාලෙ ඉඳම්ම සම්බන්ධකමක් තියෙන්ඩ ඇති කියල ගම්මු කියනව කියලයි කියන්නෙ.තිස්ස උන්නාන්සෙගෙත් ඩිංගක් හිත හෙල්ලිලා.."
ලොකු හාමුදුරුවෝ දීර්ඝ විස්තරයක් අවසානයේ කීහ. ඒ ජී නෝනා නිහඬය.
"හැබෑටම නෝනා මේ හැටි වියදං කරලා මේ ආවාසෙ තනියෙම්ම හදා දෙන්නෙ ඇයි කියලා මං වුනත් හිතලා තියෙනව"
"මං ගිහින් එන්නම් අපෙ හාමුදුරුවනේ.මං ආයේ මේ පැත්තෙ එන්නෙ නෑ."
"අපේ නෝනා හිත නරක් කරගන්න එපා.පින කියන්නෙ පිනමයි..ආවාසෙ විවෘත කරන දාට නෝන එන්නම ඕන."
ඒජී නෝනා පිටව ගියාය.ඉක්බිති ආවාස ගෙය විවෘත කිරීමේ සරළ උත්සවයට ඇයට ආරාධනා කිරීමට ගිය තිස්ස හාමුදුරුවෝ රතු කරගත් මුහුණින් යුතුව එළියට ආ අයුරු කීපදෙනෙකු දැක තිබිණි. ========================================== උත්සවය දා ඒජී නෝනාගේ නිළ රථය පැමිණෙන විට ගම්මුන් තොලපිට පෙරලූ අතර තිස්ස හාමුදුරුවෝ ඇයව පිළිගත්තේ මවාගත් සිනාවකින් යුතුවය.
" මගෙ අන්තිම කාලෙ පහසුවට ඉන්නයි යන්නෙ..දිනූෂා නෝනා හදා දුන්න ආවාසෙ...බොහොම පින් "
ලොකු හාමුදුරුවෝ එසේ කියමින් ගම්මුන් දෙස බලා නොබලා ආයාසයෙන් මෙන් සිනාසුනහ. ඒජී නෝනාගේ මුහුණේ යම් කළකිරීමක් මෙන්ම ජයග්‍රාහී බවක්ද ඒ යට සැඟවුනු වේදනාවක්ද ඇතැයි හොඳින් බලන්නෙකුට වටහා ගත හැකිවිය. තිස්ස හාමුදුරුවෝ ඇයව මඟාරින බව දැකීම ගම්වාසීන්ගේ සතුටට හේතුවන්නට ඇත. ආවාසයේ වැඩ නිමවා දුන් පාදේශීය ලේකම් තුමිය දිනූෂා අගලවත්තට වචන ස්වල්පයක් කතා කරන්නැයි ආරාධනා කළ නිවේදකයා අසුන් ගත්තේය. ඒජී නෝනා නැගිට්ටාය.සියල්ලන්ගෙන් අවසර ගත් ඈ මෙසේ කීවාය.
"මං දන්න කතාවක් කියන්නම්.මම මේක සරළම භාෂාවෙන් කියන්න කැමතියි. මේ එක හාමුදුරු කෙනෙක් ගැන කතාවක්.මං අද මේ පන්සලට ආවේ ඒක කියලා යන්නමයි. ...
මේකයි කතාව...එක ගමක පොඩි මානසික ආබාධයක් තිබ්බ මිනිහෙක් හිටියා.ඒ මිනිහගෙ රස්සාව හරක් දක්කන එක.. ඒ කිව්වෙ මුස්ලිම් මිනිස්සු මස් කඩේට අරන් යන හරකුන්ව දක්කගෙන යන එක. මුදලාලි බයික් එකේ ඈතින් යනවා..මේ මිනිහ පයින් හරකව දක්කගෙන යනවා.
මිනිහට මී මැස් මොර කියන ලෙඩේ හැදෙන නිසා කවුරුත් කුලියක් මලියක් දුන්නෙත් නෑ. හරකව මස් කඩේ දිහාට යනකම් දක්කගන ගියාම මුදලාලි කීයක් හරි දෙනවා.
පොඩි දා ඉඳන් කළේ හරක් බලන එක නිසාද කොහෙද හරක් දක්කන්න මිනිහට පුලුවන්. හරක් කීකරුයි මිනිහට...
මේ මිනිහට ගෑනියෙකුයි ළමයෙකුයි හිටියා..ඒ ගෑනු කෙනාට කිසිම මොළේ ආබාධයක් නෑ..දෙමව්පියෝ කරලා දුන්න කසාදයක්..මිනිහ යමක් තියන පවුලක වුනත් ඒ සහෝදරයො ඒ මිනිහට කිසි දෙයක් දුන්නෙ නෑ. ගෑනි කුලියට ගියා. ගෑනිට කුලියකුත් නැති ,මිනිහට හරක් දක්න්නත් නැති දාට කන්නත් නැතිවෙන තරම් දුප්පත්.
හරක් දක්කන එක පව් කියලා ඒ මිනිහට තේරුණේ නෑ..
එහෙම නම් පව් වෙන්න ඕන හරක් විකුනපු මිනිස්සු කියලා හිතලා ගෑනිත් කරබාගන හිටියා..
මේ මිනිහා පිස්සෙක්..ඔව් අත්තටම පිස්සෙක්..
ඒත් තමන්ගෙ ළමයට හරිම ආදරේ පිස්සෙක්..
ඒ ලමයත් ඇට පෑදුන දුර්වල ළමයෙක්..
ඒ මිනිහගෙ ගෙට ගෙවල් දෙක තුනකට මෙහායින් පන්සලක් තිබ්බා. පන්සලේ ලොකු හාමුදුරුවන්ට මේ පවුලට උදව් කරන්න ඕන කම තිබ්බත් දෙතුන් වතාවක් ඉතුරු දානෙ ටික දුන්න කියලත් දායකයො කතාවක් හදලා තිබ්බා .
අර පිස්සගෙ ගෑනිට ලොකු හාමුදුරුවොන්ගෙ ඇල්ම වැඩි කියලා.
ඊට පස්සෙ උන්නාන්සෙ ඉතුරු දානෙ ටිකක්වත් දෙන්න ගියෙ නෑ.
ටික කාලයක් යද්දි අර මනුස්සයගෙ ගෑනි ලෙඩ වුනා.උනක් හැදිලා.. කුලියක් කරගන්නත් බැරි තරම්. හැමදාම හරක් දක්කන්න කතා කරන්නෙත් නෑ.
මිනිහා දවසක් ළමයා එක්ක පන්සලට ආවම දැක්කා බුදු මැදුර ඇතුලෙ පාත්තරේක දාල තියනව බත් මාලු පිනි.බුද්ධ පූජාව කියන එක ගැන ඒ මිනිහට හැඟීමක් නෑ..
මිනිහා ඒ කෑම ටික සරමට හලාගන ගෙදර අරන් ගියා. මේ මනුස්සය මිනිස්සු එක්ක කතා බහට යනව අඩුයි.කිසිම කතා බහක් නෑ කිව්වොත් හරි..
පන්සලට අනුව නම් ඒක හොරකමක් වෙන්න ඇති. හැබැයි අර මිනිහට ඕකෙ තේරුමක් නෑ. කෙලින්ම පන්සලට එනව පාත්තරේ තියන දෙයක් සරමට හලාගන්නව. කවුරුත් හිටියත් නැතත්..
එක වතාවක් මනුස්සයෙක් ඕක දැකලා මේ මිනිහට ගහලත් තිබ්බා.. ඒ කාලෙ ඒ ගම එච්චර දියුණු නෑ...පන්සලත් දියුණු නෑ..අවුරුදු දෙකක් විතරම ඒ මිනිහා බුද්ධ පූජාව තියන පාත්තරේ තිබ්බ කෑම සරමට හලාගන ගියා.
මේකෙ පුදුම කාරණා දෙකක් තියනව.. පළවෙනි එක අද දානෙ හම්බුන්නෑ අපි බඩගින්නෙ කියලා පොඩි හාමුදුරුවො අර ළමය එක්ක කියපු දවස් තිබ්බා..
පන්සලේ වැට ගාවට දැල් හොඬ කඩන්න කලු කම්බේරිය කඩන්න ආව වෙලාවට....ඒත් ඒ දවස්වලත් අර පාත්තරේ මොනවමහරි තිබ්බා. අඩු ගානේ ලපටි පොල් කෑලි ටිකක් හරි..
උදේ දවල් රෑ තුනටම..ඔව් රෑටත්..රෑට හාමුදුරුවො වලඳන්නෙ නැති එක නෙවෙයි පුදුම.රෑටත් බුද්ධ පූජාව තියපු එක... බුද්ධ පූජාව තියන ලොකූ පාත්තරේට එහා පැත්තෙ පුංචිම පුංචි පාත්තරේකුත් තිබ්බා..
ඒත් ඒක තිබ්බෙ මේ මිනිහට ගන්න බැරි තරම් ඈතින් බුදු පිළිමෙ ලඟම හින්ඳ ඒක ගන්න බැරිවුන බව ඒ මිනිහ ළමයා එක්ක කියලා තියෙනවා..
එක දවසක් ලොකු හාමුදුරුවො පොළඟෙක් කාලා ඉස්පිරිතාලේ අරන් ගියා.එදා රෑත් අර මිනිහා වෙනද වාගෙම බුද්ධ පූජාව අරන් යන්න පන්සලට ආවා. මේ මිනිහා කට්ට කලුවරේ බුදු ගේ ඇතුළෙ ඉඳන් එලියට එද්දි දැකපු මිනිස්සු හිතුවෙ මේ මිනිහා පිං කැටේ කඩන්න ආව කියලා හාමුදුරුවනේ....
මිනිස්සු ඒ මිනිහට ගැහුවා.. දුර්වල මිනිහා...පන්සලේ මිදුලෙම මී මැස් මොරේ හැදිලා මළා.....
ලොකු හාමුදුරුවො ඉස්පිරිතාලෙන් එද්දි කුමියා වළදාලා කුමියගෙ ගෑනියි ලමයයි ගමෙනුත් ගිහින් හාමුදුරුවනේ......
හරක් දක්කන මිනිහ කියලා අයින් නොකර,ඒ මිනිහගෙ ගෑනි එක්ක යාලුයි කියලා ගම්මු කියයි කියනවට බයට කෙලින්ම උදවු කරන්නත් නොයා සමහරක්දාට පන්සලේ පොඩි නමටත් ලෙවකන්න දීලා කුමියගෙ දුර්වල ළමයට කන්න පාත්තරේට මොනවහරි දාල බුදු මැඳුරෙන් තිබ්බ ඒ පන්සලේ ලොකු හාමුදුරුවන්ටයි මම මේ ආවාසෙ හැදුවෙ හාමුදුරුවනේ....
මෙහෙමයි අපෙ ලොකු හාමුදුරුවනේ..ළමයගෙ උප්පැන්නෙ හැටියට නං තාත්තගෙ නම සිරිනාම අගලවත්ත..ඒත් ගමම ඒ පිස්සු මිනිහට කිව්වෙ කුමියා කියලා....
ලොකු හාමුදුරුවන්ගේ දෑස කඳුලින් බරව තිබූ අතර උන්වහන්සේ දත් සපාගනිමින් තමා තුළ වූ උපේක්ෂාව කොහි ගියේදැයි සෙවීමට මෙන් දෑස් එහා මෙහා යැවූහ.
තිස්ස හාමුදුරුවෝ දෑස් හයා බලා සිටියහ.ඒ තම විශ්ව විද්‍යාල මිතුරිය දිනූෂා අගලවත්තමද?
"මං මේ ආවාස ගේ හදලා පූජා කරන්නෙ තිස්ස හාමුදුරුවන්ට නෙවෙයි..අපේ ඤානානන්ද ලොකු හාමුදුරුවන්ට...උන්නාන්සෙට කළගුණ සලකන්න කුමියගෙ දුව හැටියට මට කරන්න පුලුවන් උපරිම දේ මං කළා හාමුදුරුවනේ.."
නිමි.

සුජාතා මැණිකේ ඉහළගෙදර.

උපුටා ගැනිමකි

24/10/2022

බඩගින්න➡️සොරකම➡️මිනිසත්කම⬇

මේ ෆෝටෝ දෙක මේ දවස් වල ගොඩක් ශෙයා වෙනව දැක්කට මේ අයගෙ ඇත්තම කතාව අපි දන්නෙ නැති උනාට මේ ෆොටෝස් දකිද්දි එක කතාවක් මතක් උනා .... ඒ කතාව මේ...

මේ අවුරුදු පහළොවක කොල්ලෙක්.... කඩේකින් පාන් හොරකම් කරද්දි අහුවුණා. මුරකරුගේ ග්‍රහණයෙන් බේරීමට උත්සාහ කිරීමේදී ගබඩාවේ රාක්කයක් ද කැඩී ගොස් ඇත.🥲
*විනිසුරුවරයා අ*පරාධය අසා ළමයාගෙන් ඇසුවේ, “ඔබ ඇත්තටම යමක්, පාන් සහ චීස් රොටියක් සොරකම් කළාද?”*
පිරිමි ළමයා බිම බලාගෙන පිළිතුරු දුන්නේය.;- "ඔව්."
විනිසුරු: - "ඇයි?"😠
පිරිමි ළමයා: - "මට එය අවශ්ය විය."
විනිසුරු: - "ඔබට මිලදී ගැනීමට නොහැකිද?"
පිරිමි ළමයා: - "සල්ලි තිබුණේ නැහැ."
විනිසුරු: - "එය පවුලෙන් ගන්න."🥸
කොල්ලා :- “ගෙදර ඉන්නේ අම්මා විතරයි. අසනීප සහ රැකියා විරහිත.
විනිසුරු: - "ඔබ කිසිවක් කරන්නේ නැද්ද?"
කොල්ලා :- " 😪ඉස්සර කාර් එකක් හේදුවා. අසනීප අම්මව බලාගන්න දවසක් නිවාඩු ගත්තම මාව අයින් කළා.”
විනිසුරු: - "ඔබ කාගෙන්වත් උදව් ඉල්ලන්නේ නැද්ද?"
කොල්ලා: - “උදේ ඉඳන් ගෙදරින් පිටවෙලා, පනස් දෙනෙක් (50) විතර ළඟට ගියා, ඒත් උදව්වක් ලැබුනේ නෑ; එමනිසා, මම මෙම පියවර අවසානයේ දී ගැනීමට තීරණය කළා.
*තර්ක අවසන් වූ විට විනිසුරුවරයා තීන්දුව ප්‍රකාශ කිරීමට පටන් ගත්තේය;
😋
"සොරකම් කිරීම සහ විශේෂයෙන් බඩගිනි පිරිමි ළමයෙකු විසින් පාන් සොරකම් කිරීම ඉතා නින්දිත අ*පරාධයක් වන අතර මෙම අ*පරාධයට අපි සියල්ලෝම වගකිව යුතුය."🎯🎯🎯
*මා ඇතුළු උසාවියේ සිටින සෑම පුද්ගලයෙක්ම වැරදිකරුවන් සහ අ*පරාධකරුවන් වන බැවින් මෙහි සිටින සෑම පුද්ගලයෙකුටම ඩොලර් දහය බැගින් දඩ නියම කෙරේ.⛔ ඩොලර් දහයක් නොදී කාටවත් මෙතැනින් යන්න බැහැ.”*⛔⛔⛔
මෙසේ පවසමින් විනිසුරුවරයා තම සාක්කුවෙන් ඩොලර් දහයක් ගෙන පෑන අතට ගෙන ඒ අනුව නම ලියන්නට පටන් ගත්තේය.
- ‘ඊට අමතරව, බඩගිනි ළමයෙකු පොලිසියට භාර දීම නිසා මෙම පාන් කඩයට ඩොලර් දහසක් දඩ ගසමි.
‘පැය 24ක් ඇතුළත දඩ මුදල තැන්පත් නොකළහොත් ගබඩාවට මුද්‍රා තැබීමට උ*සාවිය නියෝග කරයි.❤️❤️’ එසේම බඩගින්නේ සිටින පිරිමි ළමයෙකු උසාවියට ​​ඉදිරිපත් කිරීම සම්බන්ධයෙන් පොලිසියට ඩොලර් දහසක මුදලම දඩ ගසමි.
'මම මේ දරවාට සම්පූර්ණ දඩ මුදලම දීලා උසාවියෙන් ඒ ළමයාගෙන් සමාව ඉල්ලනවා.'
තීන්දුව ඇසීමෙන් පසු උසාවියට ​​පැමිණ සිටි පිරිසගේ දෙනෙතින් කඳුළු වැගිරෙන්නට විය, ඒ ළමයාගේ මාංචුද ගලවා දැමී ය. ළමයාද කඳුළු සඟවා ගත් විනිසුරු වරයා දිහා විටින් විට බැලුවේය..
🎯
පසු වදන : ~
බඩගින්නේ ඉන්න කෙනෙකු කෑම සොරකම් කළොත් ඒ රටේ මිනිස්සු ලැජ්ජ වෙන්න ඕනේ.
මෙය ඔබේ හදවත ස්පර්ශ කරන්නේ නම්:
උපකාර කිරීමට කෙනෙකු තෝරා ගන්න... ඔබ අවට සිටින අය ආහාර නොමැතිව නිදා නොගත යුතුයි.
*කරුණාකර මම ඔබෙන් අයදිනවා ඔබ මෙම පණිවිඩයෙන් පෙලඹී ඇත්නම්, ඔබ වෙනත් කිසිවක් කිරීමට පෙර, ඔබ වටපිට බලා කෙනෙකු සතුටු කරන්න, කොතරම් කුඩා වුවත්, ඔබ වඩා හොඳ ය. ඔබට ඇති කුඩා දෙයින් දෙන්න. ඔබට ස්තූතියි*
🚫🚫
ඔබට මෙය ඔබ අයත් වෙනත් වේදිකාවක බෙදා ගත හැක. එය අද කුසගින්නෙන් පෙළෙන අයට ආහාර සැපයීමට බොහෝ දුරක් යාවි......
උපුටා ගැනීමකි...

📷
Copied

14/10/2022

ඒක අලුතින් ඇරපු පීසා හට් එකක්.
කාලම නැහැ ජීවිතේට මං.
මං තියා මගෙ ළමයිවත්.
දැකලනම් තියෙනවා අනන්තවත් ටීවී එකෙන්.
දන්නෙ නැහැ ගාන කීයදවත්.
රසවත්.
ගුණවත්.

මම මේසන් බාස්ගෙ ගෝලයා.
දවසටම දෙදාහයි.
මාසෙටම හැටයි. හැට දෙකයි.
ඒත් හැමදාම වැඩ නැහැ.
සල්ලි ප්‍රශ්නනෙ මිනිස්සුන්ට...

එදා බදාදා.
ලොකු බාසුන්නැහැ කතා කළා.
කාලෙකින් වැඩක්.
ලොකු වැඩක් නැහැ තාප්පයක් බඳින්න.
වැඩ කළා හවස හය වෙනකල්.
කන්නයි තේයි එහෙමත් දුන්නා.

එද්දි වාහන පෝලිමට කීපයක්.
ගිය සතියෙ ඇරපු පීසා හට් එක.
දැන්නම් සෙනග අඩුයි.
ගිය සතියෙනම් ඕසෙට.

අතේ දෙදාහක් තියෙනවානෙ.
ඉතිං මාත් බය නෑ.
ගියා කඩේ ඇතුලටම.

"මට පීසා එකක් දෙන්න."

"සර් මොනවද බැලුවෙ.?"

"පීසා එකක්."

"ඔව් සර්. මොනවද ඕනි?"

"පීසා එකක් මහත්තයො"
එක්කො මුට පිස්සු නැත්නම් මට පිස්සු.

ඒ කොල්ලා මට දුන්නා කාඩ් එකක්.
නම් නම් ගොඩයි. රූපත් එක්ක.
කඩේ ගිහින් මාළුපාන් ගන්නවා තරම් ලේසි නෑ වගේ.

අතේ දෙදාහයි.
අඩුම එක අටසිය පනහයි.
නමනම් දන්නෙ නෑ.
දැන් ගන්නත් එපැයි.

"මේක දෙන්න."

"මොකක්ද සර් ?"

"ඔය අටසිය පනහෙ එක."

"සර්ගෙ ෆෝන් නම්බරේත් දෙන්න."
"සර්. කෑමටද ගෙනියන්නද"

"ගෙනියන්න"
මං මේකගත්තෙ ළමයිටයි නෝනටයි.
ඒත් ගෙනියන්න ඉල්ලුවෙ ඒ නිසාමත් නෙවෙයි.
ඉල්ලද්දි මෙච්චර අමාරුනම් කද්දි කොහොමද දන්නෙ නෑනෙ.

"විනාඩි විස්සක් ඉන්න සර්."

මං පන්සීයෙ කොළ දෙකක් දීලා ඉතුරු එකසිය පනහත් අරන් පුටුවකින් වාඩි වෙලා උන්නා.

එක එක විදිහෙ අය එනවා.
හුඟක්ම කාර්.
ඉඳලහිටලා බයිසිකල්.
ඒ අයනම් හරි හුරු පුරුදු අය වගේ.
මම මෙතන චාලි චැප්ලින් වගේ.
කවදා කාපු ටකරං ද.
ගමේ එකෙක් නොහිටියෙ හොඳ වෙලාවට.

කවුද ඇවිත් ටොයිලට් ගියා.
එන ගමන් පෙට්ටියකට අත ඇම්මා.
බූ....ෂ්... ගාලා සද්දයක්.
මොකක්ද ඒ බූෂ් පෙට්ටිය.
මටත් හිතයි අත දාලා බලන්න.
මේ වෙච්ච හරිය මදැයි.
මං වාඩිගෙනම උන්නා.
බෙහෙත් ගන්න අම්මත් එක්ක ඩිස්පැන්සරියට ගිය පොඩි එකෙක් වගේ.

"ආ සර්. සර්ගෙ ඕඩරෙක."
ඇබින්දන් පෙට්ටියක් එක්ක උරයක් ගෙනත් දුන්නා.

යන්තම් ඇති.
ඒ හිරෙන් බේරිලා මං ගෙදර ආවා.
මේ ඇබින්දන් රොටිය ළමයි තුන් දෙනාටත් මදි වගේ හැබැයි.
කමක් නැහැ.
මම විගහට ගෙදර ගියා.
සුවඳයි හැබැයි.
අපේ ළමයිත් පීසා කන්නෙපැයි.
දැන් මුං ඉස්කෝලෙ ගිහින් යාළුවන්ටත් කියයි.

හොඳට ඉගෙනගනින්ලා පුතේ.
තාත්තා යන්න බය ඒ සමාජෙට උඹලා යද්දි බය නොවෙන්න.
හොඳට ඉගෙනගනිල්ලා මයෙ පුතේ.

උපුටාගැනීමකි

12/10/2022

10/10/2022

මම කෝච්චිය එනකම් ප්ලැට්ෆෝම් එකේ කොටුවේ ඉන්නකොට ඊට ඉස්සරහා මීනගයා (මඩකලපුව ) ට්‍රේන් එක නවත්තලා තිබ්බා.. ඒකේ හිටියා පොඩි එකෙක්.. පොර බිස්කට් එකක් කාල ට්‍රේන් එකෙන් කොලේ රේල් පාරට දැම්මා.. පොර බිස්කට් එක කකා ඒක දිහා බලන් ඉනකොට, පස්සේ අම්මා තව මොනාද ලටපට කොල වගයක් අර බිමටම අතෑරිය කියහංකෝ..

පස්සේ මම නිකමට බැලුවා රේල් පාර.. මේ රවුම් කරලා තියෙන පාර්සලය පොඩිවට තිබ්බට ඕක පට්ට ලොකු කුණු පාර්සලයක්.. කවුරු හරි සෙට් එකක් කාල ඉතිරි ඒවා පොට්ටනි බැදලා බිමට අතෑරලා..

මෙහෙම පොට්ටනි සෑහෙන්න ගොඩක් ස්ටේශන් එක පුරා තියනවා.. මට හිතුන දේ තමයි.. මිනිස්සුන්ට ඉස්සෙල්ලා රටට ආදරේ කරන්න පුරුදු කරන්න ඕනා.. අම්මලා ලමයිට ඒවා කියලා දෙන්න ඕනා.. ඉස්කෝලෙ රැවුල කොන්ඩෙ කප කප, ගවුම් ලෙහ ලෙහ මෝඩ ආතල් දුන්නට වැඩක් නෑ.. සමාජෙට යන එකාට රට ගැන මෙලෝ හැගීමක් , ස්වයං විනයක් නැත්තං.. දකුණු ආසියාවේ හොදම ශාක්ෂරතාවය තියන රටක් උනාට , මිනිස්සුන්ගේ ස්වයං විනය නම් අන්තිමයි..

සරලව කිව්වොත් කොටුව ඇතුලු දුම්රිය පළවල් වලට කියන්න පුලුවන් නමක් තමයි " ඩස්ට්බින් " කියලා.. මිනිස්සු ජීවත් වෙන්නේ ඒ ඩස්ට්බින් එක ඇතුලේ..!!!

උබලා ගෙදර හැම තැනම් කුණු දාන්නේ නෑ නේද.. ඒ වගේ මේවත් රැකපල්ලා..!!!

08/10/2022

මවගේ කොණ්ඩා බූලයක් ගෙලට දමාගත් 08 හැවිරිදි පිරිමි දරුවෙක් ගෙල සිරවීමෙන් මිය ගොස් තිබේ.

මෙලෙස අවාසනාවන්ත ලෙස මියගොස් ඇත්තේ අඟුරුවාතොට මාබෝගඩ ප්‍රදේශයේ පදිංචිව සිටි මදුරාවල කනිෂ්ඨ විද්‍යාලයේ 04 වසරේ ඉගෙනුම ලැබූ රුවන් මතීෂ පෙරේරා නම් දරුවෙකි.

සිද්ධිය වන අවස්ථාවේදී දරුවා පමණක් නිවසේ සිට ඇති අතර දරුවාගේ මව නිවස ආසන්නයේ අවමංගල නිවසකට සහභාගී වී සිට තිබේ.

මියගිය දරුවාගේ වැඩිමල් සහෝදරිය ද ඒ මොහොතේ අමතර පන්තියකට ගොස් සිට ඇතැයි පොලිස් විමර්ශනවලදී අනාවරණය වී ඇත.

රැකියාව නිමවී නිවසට පැමිණ ඇති පියා කාමරය වෙත ගොස් බැලීමේදී දරුවාගේ සිරුර බිත්තියක එල්ලෙමින් තිබෙන අයුරු දැක වහා හොරණ මූලික රෝහලට රැගෙන යෑමට පියවර ගෙන තිබේ.

ඒ මොහොතේ හොරණ මූලික රෝහලේ වෛද්‍යවරුන් දරුවාගේ ජීවිතය බේරාගැනීමට දැඩි උත්සාහයක් ගෙන තිබුණ ද දරුවා මියගොස් තිබූ බව රෝහල් ප්‍රකාශකයෙකු පැවසූ බව අප වාර්තාකරු සඳහන් කළේය.

පොලීසිය සිදුකර ඇති මූලික පරීක්ෂණවලින් අනාවරණය වී ඇත්තේ දරුවා පුටුවකට නැග කොණ්ඩ බූලය ගෙලෙහි දමාගෙන පසුව එය බිත්තියේ තිබූ ඇණයට පටලවාගෙන පුටුවෙන් බිමට පනින්නට උත්සාහ ගෙන ඇති බවය.

නමුත් අවාසනාවන්ත ලෙස පුටුව පෙරළී දරුවාගේ ගෙලෙහි තිබූ කොණ්ඩා බූලය බිත්තියේ ගසා තිබූ ඇනයේ පැටලී එම අනතුර සිදුවී තිබේ.

දරුවා පදිංචිව සිටින නිවස ආසන්නේ පුද්ගලයෙක් පොලීසියට පවසා ඇත්තේ, දරුවාගේ නිවස ආසන්නයේ පදිංචිව සිටි පුද්ගලයෙක් මීට වසරකට පමණ පෙර නිවසක කොන්ක්‍රීට් කණුවක එල්ලීමෙන් මියගොස් තිබූ බවය. එම සිද්ධිය දරුවා සියැසින් දැක තිබූ බවත් ඔහු පවසා තිබේ.

පසුගිය දිනෙක දරුවා ද වයරයක් ගෙන ඒ ආකාරයෙන්ම එල්ලීමට උත්සාහයක් දරා තිබූ බවට අසල්වැසියෙකුගෙන් දැනගන්නට ලැබුණු බවද ඔහු වැඩිදුරටත් පවසා ඇත.

සිද්ධිය සම්බන්ධයෙන් විමර්ශන සිදුකරන පොලිස් නිලධාරියෙකු සඳහන් කළේ, එම දරුවා අත්හදා බැලීම්වලට වැඩි නැඹුරුතාවයක් දක්වන දරුවෙකු බවට ප්‍රදේශවාසියෙක් පවසා සිටි බවය.
(Copied)

30/09/2022

ශ්‍රෙක් හොඳම සුරංගනා කතාව වන්නේ මන්දැයි ඔබ දන්නවාද?

" සතුටින් සිටීමට කිසිවෙකු පරිපූර්ණ නොවිය යුතු බව එයින් උගන්වන බැවිනි.." ♥️🕊️

26/09/2022

නින්තවෙල ගුනයා ගුරුන්නාන්න්සේ
-කිරුළ මුතු ලිහී සරසර හඩින් වැගිරෙනා -

මේ ගීතය ලියවෙන්නෙ ලංකාවේ වයෝවෘද්ධ, නර්තන කලාවට දැවැන්ත සේවයක් කරපු නර්තන ශිල්පියෙක් ගැන.. ඔහුව අගය කරන්න ඒ කාලේ රාජ්‍ය මට්ටමින් සම්මාන උලෙලක් තියනවා රටේ මුල් පුටුවල අය ඔහුට සම්මාන පුදලා යන්න යනවා .. මේ උත්සවයටම රත්න ශ්‍රී විජේසිංහ මහත්තයත් යනවා ඔහු දකිනවා අර රටට මහා සේවයක් කරපු අර නර්තන ශිල්පියා තමන්ට උස්සගන්නත් බැරි සම්මානය අරගෙන වැස්සෙ තෙමි තෙමි බෞද්ධාලෝක මාවතේ තනියම ඇවිදගන යනවා ගෙදර යන්න බස් එකට යන්න.. මේ අපේ රටේ බොහෝ කලාකරුවන්ගේ ඛේදනීය ඉරණම රත්න ශ්‍රී විජේසිංහයන් ගීයකට හරවන්නෙ මෙහෙම..

කිරුළ මුතු ලිහී සර සර හඬින් වැගිරෙනා
සුළු මැදුම් දෙතිත පැටලී ගිගිරි වැලපෙනා
නටනවා නොවෙයි වැහැරුණු දෙපා වෙව්ලනා
තන තන තාන තම් දෙනා
තන තන තාන තම් දෙනා

මෙහි කිරුල කියන්නෙ වෙස්තට්ටුව.. මේ වියපත් නර්තන ශිල්පියාගේ වෙස්තට්ටුවත් වයසයි ඉතිං වෙස් තට්ටුවේ මුතු, පබලු ගැලවිලා වැටෙනවා." සුළු මැදුම් දෙතිත කියන්නෙ උඩරට නර්තන ශිල්පින් නර්තනයේ යෙදෙන තාලයක් සුපුරුදු සුළු මැදුම් දෙතිත පවා ඔහුට නටන්න බෑ දැන්.. ඔහු නටනවා හැබැයි පුලුවන් කමට නෙමෙයි එකක් ඔහු නර්තනයට ආසයි අනෙක තමන්ගේ පවුල ජීවත් කරලීම වෙනුවෙන්..

දිලිසෙනා සේම කරලිය දිලෙන්නේ නැති
වන්නමක් සේම සුමිහිරි තානමක් නැති
සකියණි ගිරෙන් ගිරට පැන යන්නට
ජීවිතෙන් බැරි
සකියණි ගිරෙන් ගිරට පැන යන්නට
ජීවිතෙන් බැරි

මේක මේ ගීතයේ එන වැදගත්ම හදවතට දැනෙන පද කිහිපය..

නර්තන ශිල්පීන්ගේ නර්තනයේ එලියට පේන අලංකාරය ඔවුන්ගේ ජීවිත වල නෑ මොකද අපිට වන්නම් වලදී ගිරෙන් ගිරට පැනල යන්න පුලුවන් හැබැයි ජීවිතයේ කන්දෙන් කන්දට එහෙම පනින්න බෑ එහෙම පනින්න නම් මහා ආර්ථික ශක්තිය්ක් ඕනේ ඒ ශක්තිය මේ කලාකරුවට ලැබිලා නෑ..

රඟ බිමෙන් බහින විට ගෙයි සන්තකව ඇති
නළල් පට මාල හත් පට සින්න වී ඇති
සකියණි රිදී කාසි සොලවන්නට
බෙර පදය මදි
සකියණි රිදී කාසි සොලවන්නට
බෙර පදය මදි

ඔහු නර්තන කලාවට දැවැන්ත සේවයක් කරනවා හැබැයි ඒ කලා කියල ඔහුට මහා ධනස්කන්ධයක් හම්බෙන්නෙ නැහැ. ඇතැම් වෙලාවට නිවෙස අගහිගකම් වලින් පිරිලා බිරිදගේ කණ කර බඩු පවා සින්නවෙලා ගිහින් ඉතිං මිතුර මුදලින් සියල්ල මනින මේ ලෝකයේ මේ නර්තන කලාවෙන් විතරක් අප කෙසේ ජීවිතය ගැටගසා ගන්නද..

- මේ ගීතයේ කියවෙන්නෙ ශ්‍රී ලංකාවේ හිටපු දැවැන්ත නර්තන ශිල්පියෙක් ව ජීවිතයේ අන්තිම කාලය ඉතාම දුක්ඛිතව ගත කල රුපියල් 50 නෝට්ටුව රුවින් සරසපු නිත්තවෙල ගුණයා ගුරුන්නාන්සේ ගැනයි.

උපුටා ගැනිමකි

26/09/2022

උපන් හැටියේ බිළිඳෙකු පොහොර උරයක දමා කට ගැටගසා වැව් පිටියක අකුලකට විසිකර දමා තිබියදී ඊයේ (සැප්. 25) හමුව තිබේ.
පඬුවස්නුවර, උගුරැස්සගම ප්‍රදේශයේ කැලෑ රොදක් තුළට විසිකර තිබූ බිලිඳා දමා තිබූ පොහොර උරය වැව් පිටියේ ගවයන් බැඳීමට ගිය කාන්තාවකට හමුවී ඇත.

උදෑසන ගවයන් බැඳීමට ගිය අවස්ථාවේ ඒ අසල තිබුණු උරයකින් බිළිඳෙකු හඬන ශබ්දයක් ඇසුණු බවත් ඒ සම්බන්ධව අවට නිවැසියන් දැනුවත් කරන ලදැයි සිද්ධිය ඇසින් දුටු කාන්තාව සඳහන් කර තිබේ.
ප්‍රදේශවාසීන් එම ස්ථානයට පැමිණ සෝදිසි කිරීමේදී ඊයේ අලුයම උපත ලැබූ පිරිමි බිළිඳෙකු කටගැට ගැසූ පොහොර උරය ඇතුළේ කෑගසමින් සිටිනු දකින්නට හැකිවූ බවත් බිළිඳා බිහි කිරීමෙන් පසු පිරිසුදු කිරීමක් කර නොමැති බව ත් ඒ අවස්ථාව වන විටත් දරුවාගේ පෙකනි වැලවත් කපා නොතිබුණු බවත් වාර්තා විය.

මේ සම්බන්ධයෙන් ගම්වැසියන් වාරියපොළ පොලිස් ස්ථානය දැනුවත් කරන ලද අතර 1990 ගිලන් රථ සේවය මගින් අලුත උපන් බිළිඳා නිකවැරටිය රෝහල වෙත ඇතුළත් කර තිබේ.

මේ වන විට බිලිඳා යහපත් සෞඛ්‍ය තත්ත්වයෙන් පසුවන අතර කිසිදු රෝගී තත්ත්වයක් තවම වාර්තා වී නොමැත.
අලුත උපන් බිළිඳෙකු අවශ්‍ය සියලු පහසුකම් නිකවැරටිය මූලික රෝහල මඟින් ලබා දෙන බව වාර්තාවේ.

දරුවාගේ මව විසින් මෙසේ දරුවා කැලෑ රොදකට විසිකරනු ලැබ ඇද්දැයි පොලිසිය සැක පළ කරයි.
දරුවාගේ මවුපියන් සොයා වැඩිදුර විමර්ශන ආරම්භ කර ඇත.

26/09/2022

චීන ජනාධිපති ෂී ජින්පින්ග් නිවාස අඩස්සියේ තබා ඇති බවට සමාජ මාධ්‍ය පුවතත් පැතිර යමින් ඇති අතර ඒ පිලිබදන චීනය නිල වශයෙන් ප‍්‍රකාශයක් නිකුත් කර නැත.
චීනයේ මහජන විමුක්ති හමුදාවේ ප්‍රධානියා ඉවත් කර ඇති බව.් චීනයේ අගනුවර වන බීජිං මේ වන විට හමුදාවේ පාලනය යටතේ පවතින බවට සමාජ මාධ්‍ය වාර්තාවල දැක්වෙයි.
මෙය සිදු වන්නේ හිටපු ඉහළම ආරක්ෂක නිලධාරියෙකුට චීන අධිකරණය විසින් ජීවිතාන්තය දක්වා සිර දඬුවම් නියම කිරීමෙන් දිනකට පසුවය.

ඔහු චීන ජනාධිපතිට විරුද්ද දේශපාලන කණ්ඩායමක සාමාජිකයෙක් යයි විශ්වාස කෙරේ.

මෙම කණ්ඩායමට සම්බන්ධ තවත් පුද්ගලයන් දෙදෙනෙකුට එලෙසම අත්හිටවූ මරණ දණ්ඩනය නියම වූ අතර තවත් තිදෙනෙකුට මේ සතියේ සිරදඬුවම් නියම විය.

කෙසේ වෙතත්ල මෙම කටකතා පිළිබඳව චීන කොමියුනිස්ට් පක්ෂයෙන් හෝ රාජ්‍ය මාධ්‍යයෙන් නිල තහවුරු කිරීමක් නොමැතග