Metro Mirror

17/01/2025

🛑ரோஹிங்கிய அகதிகள் நாடு கடத்தப்படுவதை எதிர்த்து மட்டு நகரில் இன்று பேரணி.!

👉நழீம் எம்.பி. அழைப்பு..!

ரோஹிங்கிய அகதிகளை நாடு கடத்தும் தீர்மானத்தை மீள்பரிசீலனை செய்ய அரசாங்கத்தை வலியுறுத்தி இன்று வெள்ளிக்கிழமை (17) மட்டக்களப்பு காந்தி சிலை அருகில் நடைபெறவுள்ள
அமைதி பேரணியில் கலந்து கொள்ளுமாறு நாடாளுமன்ற உறுப்பினர் M.S.நழீம் பொது மக்களிடம் வேண்டுகோள் விடுத்துள்ளார்.

17/01/2025

16/01/2025

🛑ரோஹிங்கிய அகதிகள் நாடு கடத்தப்படுவதை எதிர்த்து மட்டு நகரில் பேரணி.!

👉நழீம் எம்.பி. அழைப்பு

ரோஹிங்கிய அகதிகளை நாடு கடத்தும் தீர்மானத்தை மீள்பரிசீலனை செய்ய அரசாங்கத்தை வலியுறுத்தி நாளை வெள்ளிக்கிழமை (17) மட்டக்களப்பு காந்தி சிலை அருகில் நடைபெறும்
அமைதி பேரணியில் கலந்து கொள்ளுமாறு நாடாளுமன்ற உறுப்பினர் M.S.நழீம் பொது மக்களிடம் வேண்டுகோள் விடுத்துள்ளார்.

இலங்கையர்களாகிய நாம் கொடூர உள்நாட்டு யுத்தத்தின் துயரமான பிரதிபலிப்புகளை அனுபவ ரீதியாக நடைமுறை வாழ்வில் கண்டவர்கள், அகதி வாழ்வின் துயர்மிகு எச்சங்களை இன்று வரை கண்டு வருகிறோம்.

இது இவ்வாறு இருக்க 2022 டிசம்பர்-17 ஆம் திகதி காலப் பகுதியில் உயிரை கையில் பிடித்து கொண்டு பெண்கள் சிறுவர்கள் அடங்கலாக ரோஹிங்கியா இல் இருந்து வந்து நாட்டின் வடகடல் பகுதியில் தத்தளித்த 104 அகதிகளை மீட்டு தடுத்து வைத்து பராமரித்து வந்த நிலையில் எவ்வித முறையான உத்தரவாதங்களும் இல்லாது அவர்களை திருப்பி அனுப்பி வைக்க இந்த அரசு தீர்மானம் நிறைவேற்றி உள்ளது .

இந்த நிலையில் UNHCR இன் அகதிகள் பாதுகாப்பு தொடர்பான நடைமுறையை பின்பற்றி அவர்களை எவ்வித உத்தரவாதங்களும் இன்றி அவர்களின் நாட்டிற்கு திருப்பி அனுப்பி வைக்கும் முடிவை அரசு மீள் பரிசீலனை செய்திட வேண்டும் என்பதை வலியுறுத்தி
மட்டக்களப்பு மாவட்ட விவசாய சம்மேளனத்துடன் இணைந்து மட்டக்களப்பு மாவட்ட விவசாய சம்மேளனத்துடன் இணைந்து நாளை வெள்ளிக்கிழமை ஜூம்ஆ தொழுகையை தொடர்ந்து (பிற்பகல் 1 மணிக்கு) மட்டக்களப்பு காந்தி சிலை முன்றலில் அமைதியான முறையில் கவனயீர்ப்பு நடவடிக்கை ஒன்று ஏற்பாடு செய்யப்பட்டுள்ளது.

இவ்விடயத்தில் பேதங்கள் பாராது நேசக்கரம் நீட்ட ஒன்றிணையுமாறு
அனைவரையும் அன்புடன் அழைக்கிறேன் -

M.S.நழீம்
பாராளுமன்ற உறுப்பினர்
மட்டக்களப்பு மாவட்டம்

16/01/2025

அட்டாளைச்சேனை பிரதேச ஒருங்கிணைப்புக் குழுக் கூட்டம்.!

அட்டாளைச்சேனை பிரதேச ஒருங்கிணைப்புக் குழுக் கூட்டம் இன்று பாராளுமன்ற உறுப்பினரும் பிரதேச ஒருங்கிணைப்பு குழுவின் தலைவருமான ஏ.ஆதம்பாவா தலைமையில் அட்டாளைச்சேனை பிரதேச செயலகத்தில் நடைபெற்றது.

இதில் பாராளுமன்ற உறுப்பினர்களான ஜனாதிபதி சட்டத்தரணி நிசாம் காரியப்பர், எம்.எஸ். உதுமாலெப்பை, எம்.ஏ.எம். தாஹிர், அட்டாளைச்சேனை பிரதேச செயலாளர் பீ.ரி.எம். இர்பான் மற்றும் திணைக்களங்களின் தலைவர்களும் உயர் அதிகாரிகளும் கலந்து கொண்டனர்.

16/01/2025

சட்டவிரோத மணல் அகழ்வு தடைசெய்வது சம்மந்தமான கலந்துரையாடல்.!

(சர்ஜுன் லாபீர்)

சம்மாந்துறைப் பிரதேச செயலகத்திற்குட்பட்ட நெல்லிக்காட்டு வட்டை, ஆலையடி வட்டை ஆகிய பிரதேசங்களில் சட்ட விரோத மண் அகழ்தல் சம்மந்தமாகவும், ஏனைய ஆறுகளில் மணல் அகழ்தல் சம்மந்தமாகவும் தெளிவுபடுத்தும் கலந்துரையாடல் இன்று (16) சம்மாந்துறை பிரதேச செயலாளர் எஸ்.எல் முஹம்மது ஹனீபா தலைமையில் பிரதேச செயலக கேட்போர் கூடத்தில் இடம்பெற்றது.

குறித்த சட்ட விரோத மண் அகழ்தல் தொடர்பில் தற்போது காணப்படுகின்ற சட்ட நடவடிக்கைகளை நடைமுறைப்படுத்துதல் சம்மந்தமாகவும் சட்ட விரோத மண் அகழ்தலை கட்டுப்படுத்தும் பொறிமுறைகள் குறித்தும் இக் கூட்டத்தில் ஆராயப்பட்டது.

மேலும் அத்தியாவசிய தேவைகளுக்கு மணல் அகழ்வது சம்மந்தமான முறையான பொறிமுறைகள் சம்மந்தமாகவும் இக் கூட்டத்தில் ஆராயப்பட்டது.

இக்கலந்துரையாடலில் உதவித் பிரதேச செயலாளர் யூ.எம் அஸ்லம் (LLB), பிரதித் திட்டமிடல் பணிப்பாளர் கலாநிதி ஏ.எல்.எம் அஸ்லம், பிராந்திய நீர்ப்பாசன திணைக்கள பொறியிலாளர் ஆர்.கஜன், அம்பாறை புவிச்சரிதவியல், அளவை சுரங்கங்கள் பணியகத்தின் பிரதிப் பணிப்பாளர் எம்.ஆர்.எம்பாரீஸ், சம்மாந்துறை பிரதேச சபை செயலாளர் எம்.ஏ.கே முஹம்மட், சம்மாந்துறை அனைத்து விவசாய சம்மேளனத்தின் தலைவர் ஏ.எம்.எம்.நெளசாத், சம்மாந்துறை பதில் பொலிஸ் பொறுப்பதிகாரி ஏ.எம் நெளபர், மல்வத்தை விவசாய போதனாசிரியர் எம்.டி,ஏ.கரீம், காணி உத்தியோகத்தர் டி.கே.எம் ஜவாஹீர், நிர்வாக கிராம உத்தியோகத்தர் எம்.எஸ்.எம் நளிர் உட்பட திணைக்களங்களின் பிரதிநிதிகள், கிராம சேவகர்கள், சம்மாந்துறை சட்டரீதியான மணல் அகழ்வோர் சங்கத்தின் உறுப்பினர்கள் என பலரும் கலந்து கொண்டனர்.

16/01/2025

சம்மாந்துறை S வாய்க்கால் வீதியை புனர்நிர்மாணம் செய்து தருமாறு கோரிக்கை.!

(சம்மாந்துறை தில்சாத் பர்வீஸ்)

அம்பாறை மாவட்டம் சம்மாந்துறை பிரதேச செயலாளர் பிரிவுக்கு உட்பட்ட கல்லரிச்சல் பகுதியில் இருந்து சம்மாந்துறை பொலிஸ் நிலைய பிரதான வீதியை இணைக்கும் S வாய்க்கால் வீதியை புனர்நிர்மாணம் செய்து தருமாறு பிரதேசவாசிகள் கோரிக்கை விடுத்துள்ளனர்.

கடந்த 2024.11.26 ஆம் திகதி பெய்த கனமழை காரணமாக பாதிக்கப்பட்ட குறித்த வீதியைப் பற்றி உரிய அதிகாரிகளிடம் தெரியப்படுத்தியும், எவரும் நடவடிக்கை எடுக்கவில்லை, என பிரதேச வாசிகள் குற்றம் சாட்டுகின்றனர்.

செட்டவட்டை, பூரான் புட்டி வட்டை போன்ற வயல் பிரதேசங்களுக்கு செல்லும் பிரதான பாதை இதுவாகும். அதுமட்டுமின்றி, இப்பகுதியில் காணப்படும் பொதுமக்கள் இவ்வீதியின் ஊடாக பாடசாலை, வைத்தியசாலை, பொலிஸ் நிலையம், பிரதேச செயலகம் போன்ற இடங்களுக்கு இப்பாதையை பயன்படுத்துகின்றமை குறிப்பிடத்தக்கது.

இதற்கு முதல் பெய்த கனமழை காரணமாக, பல வயல் நிலங்கள் பாதிக்கப்பட்டு இருந்தது, அதிகாரிகள் பலர் நீரில் மூழ்கிய நிலங்களை பார்வையிட்டு சென்ற போதும், இது வரை எந்த நஷ்ட ஈடும் அரசாங்கம் வழங்கவில்லை, என விவசாயிகள் கவலை வெளியிட்டுள்ளனர்.

இது தொடர்பாக உரிய அதிகாரிகள் நடவடிக்கை எடுக்க வேண்டும் என்று, விவசாயிகள் மற்றும் பிரதேசவாசிகள் கோரிக்கை விடுத்துள்ளனர்.

16/01/2025

ஸம் ஸம் பாலர் பாடசாலையின்
2 ஆவது ஆண்டு நிறைவு விழா.!

(சம்மாந்துறை தில்சாத் பர்வீஸ்)

சம்மாந்துறையில் பிரபல கல்வி நிறுவனமான ஸம் ஸம் பாலர் பாடசாலை தனது 2ஆவது ஆண்டு நிறைவு விழாவை பாடசாலையின் ஆசிரியர் எம்.ஐ. சித்தி சமியா, எம்.ஐ.சித்தி சமினா ஆகியோரின் தலைமையில் நேற்று புதன்கிழமை (15) சம்மாந்துறை எம் எஸ் காரியப்பர் மண்டபத்தில் இடம்பெற்றது.

இந்நிகழ்வில் பாடசாலையின் மாணவர்களால் கலை நிகழ்ச்சிகள் வழங்கப்பட்டு மாணவர்களுக்கு நினைவுச் சின்னங்கள் மற்றும் சான்றிதழ்கள் வழங்கப்பட்டது.

அத்துடன் மாணவர்களை கல்வியால் வளப்படுத்திய ஆசிரியர்களுக்கு கௌரவ நினைவுச் சின்னங்கள் வழங்கப்பட்டமை குறிப்பிடத்தக்கது.

இந்நிகழ்வில் சம்மாந்துறை பிரதேச செயலாளர் தேசபந்து எஸ்.எல்.எம். ஹனீபா, இலங்கை தென்கிழக்குப் பல்கலைக்கழகத்தின் சிரேஸ்ட தமிழ் மொழி துறை விரிவுரையாளர் ஏ.றமிஸ் அப்துல்லா, சம்மாந்துறை பிரதேச செயலக சமூர்த்தி தலைமைத்துவ முகாமையாளர் எம்.பி.எம். உசைன், ரிசாட் அன்ட் பிரதர்ஸ் அமைப்பின் தலைவரும் சம்மாந்துறை ஆதார வைத்தியசாலையின் அபிவிருத்திக் குழு உறுப்பினர் கே.ஆர்.எம்.ரிசாட், முன்னாள் பிரதேச சபை உறுப்பினர் ஏ.சீ.எம். சஹீல் என பலரும் கலந்து கொண்டனர்.

16/01/2025

கல்முனை ஸாஹிறாக் கல்லூரி ஆசிரியர் முஸ்தபா முஹம்மது நயீம் மௌலவி அவர்கள் - அஷ்ஃரப் ஞாபகார்த்த வைத்தியசாலையில் வபாத்தானார்.

15/01/2025

கல்முனை சாஹிறா கல்லூரியின் 2009/2012 பழைய மாணவர் வருடாந்த ஒன்றுகூடல்..!

(எம்.என்.எம்.அப்ராஸ்)

கல்முனை சாஹிறா தேசிய பாடசாலையில் கல்வி பயின்ற 2009ம் ஆண்டு க.பொ.சா/த எழுதிய மற்றும் 2012ம் ஆண்டு உயர் தரம் எழுதிய மாணவர்களின் ஒன்றுகூடல் நிகழ்வு நிந்தவூரில் இடம்பெற்றது.

நிகழ்வு சமய அனுஸ்டானத்துடன் ஆரம்பித்ததுடன் தங்களிற்கு போதித்த மரணமான ஆசிரியர்கள், நண்பர்களிற்காக இரு நிமிட மௌன பிரார்த்தனை செலுத்தப்பட்டது.

அத்துடன் சிறப்பு அதிதிகளாக அம்மாணவர்கள் கற்ற காலத்தில் தரம் ஆறு தொடக்கம் உயர் தரம் வரை பாடசாலையின் பகுதித் தலைவர்களாக இருந்த ஓய்வுபெற்ற ஆசிரியர்கள் மற்றும் பாடசாலையின் அதிபர் எம். ஐ.ஜாபிர் ஆகியோர் கலந்து கொண்டனர்.

நிகழ்வில் வரவேற்புரை பழைய மாணவர்கள் சார்பாக எம்.எச்.அப்துல் றஹ்மான் அவர்களால் நிகழ்த்தப்பட்டது.

தரம் எட்டு மற்றும் கலைப்பிரிவின் கடந்த கால பகுதித் தலைவரான அப்துல் ஹமீட், வணிக பிரிவு பகுதி தலைவர் அபுல் ஹஸன், க.பொ.சா/த பகுதித் தலைவர் டி.எம்.றிபாய் ஆகியோரினால் மாணவர்களின் கடந்த கால நினைவுகளும் சம்பவங்களும் மீட்டப்பட்டு சந்தோசமான தருணங்களாக இருந்தமை குறிப்பிடத்தக்கது.

அதிபர் எம்.ஐ.ஜாபிர் அவர்கள் அங்கு உரையாற்றுகையில்; பழைய மாணவர்களின் ஒத்துழைப்பு என்றும் தமது பாடசாலைக்கு இன்றியமையாதது என்றார்.

இந்த நிகழ்வில் ஐந்தாவது மேலங்கி அறிமுகமும், அதிதிகளிற்கான நினைவுப் பரிசில்களும் வழங்கி வைக்கப்பட்டதுன் மாணவர்கள் சார்பாக ஏ.எம்.எம்.ஹக்கானி அவர்களால் நன்றியுரை நிகழ்த்தப்பட்டது.

15/01/2025

ஊடகவியலாளர் துஷாராவுக்கு கெளரவம்.!

-அபு அலா

சிலோன் மீடியா போரத்தின் 5 வது ஆண்டு பூர்த்தி விழாவும், இலங்கை நிர்வாக சேவை ஆளுமைகள் மற்றும்
சிறந்த ஊடகவியலாளர்களை பாராட்டி கெளரவிக்கும் நிகழ்வும் நிந்தவூர் அட்டப்பளம் தோம்புக்கண்ட சுற்றுலா விடுதியில் (13) இடம்பெற்றது.

போரத்தின் தலைவர் ரியாத் ஏ மஜீட் தலைமையில் இடம்பெற்ற இவ்விழாவுக்கு திருகோணமலை மேல் நீதிமன்ற நீதிபதி அல்ஹாபிழ் என்.எம்.அப்துல்லாஹ் பிரதம அதிதியாகவும், போக்குவரத்து நெடுச்சாலைகள் அமைச்சின் மேலதிக செயலாளர் வி.ஜெகதீஸன் கெளரவ அதிதியாகவும் கலந்து கொண்டு சிறப்பித்தனர்.

இவ்விழாவின்போது சிலோன் மீடியா போரத்தின் மட்டு. மாவட்ட இணைப்பாளரும், வீரகேசரி சீலாமுனை நிருபருமான திருமதி துஷ்யந்தி சுரேஸ் (மட்டு. துஷாரா) பாராட்டப்பட்டு அவருக்கு நினைவுச் சின்னம் மற்றும் பரிசில் போன்றவற்றை பிரதம அதிதியாக கலந்துகொண்டு சிறப்பித்த திருகோணமலை மேல் நீதிமன்ற நீதிபதி அல்ஹாபிழ் என்.எம். அப்துல்லாஹ் வழங்கி கெளரவித்தார்.

ஊடகவியலாளர் திருமதி துஷ்யந்தி சுரேஸ் (மட்டு. துஷாரா) ஆயுள்வேதம் மற்றும் அலோபதி வைத்தியம் தொடர்பான மருத்துவ கட்டுரைகள், செய்திகள் மற்றும் நிகழ்வுகள் பற்றிய தகவல்களை தொடராக எழுதி வருகிறமைக்காக இந்த கெளரவம் வழங்கி வைக்கப்பட்டதும், தேசிய ரீதியாக கெளரவிக்கப்பட்ட ஒரே பெண் என்பதும் குறிப்பிடத்தக்கது.

15/01/2025

சேதமடைந்த பாலத்தை புணர்நிர்மானம் செய்து தருமாறு விவசாயிகள் கோரிக்கை!

(சம்மாந்துறை தில்சாத் பர்வீஸ்)

அம்பாறை மாவட்டம், சம்மாந்துறை கமநல சேவைகள் பிரதேசத்திற்கு உட்பட்ட செனவட்டை உடங்கா பாலம் உடைப்பொடுக்கும் அபாயம் காணப்படுகிறது.

குறித்த பாலம் பற்றி உரிய அதிகாரிகளிடம் தெரியப்படுத்தியும் ஆனால் எவரும் நடவடிக்கை எடுக்கவில்லை என விவசாயிகள் குற்றம்சாட்டுகின்றனர்.

இப் பாலத்தின் ஊடாக செனவட்டை , நெடியாள்ளகண்டம்,கொக்கநாரை போன்ற வயல் பிரதேசங்களுக்கு செல்லும் பிரதான பாதை இதுவாகும். எதிர் வரும் 1 மாத காலத்திற்குள் இப் பகுதியில் விவசாய அறுவடை நடைபெற உள்ளமை குறிப்பிடத்தக்கது.

இதற்கு முதல் பெய்த கனமழை காரணமாக பல வயல் நிலங்கள் பாதிக்கப்பட்டு இருந்தது. ஆனால் அதிகாரிகள் பலர் வந்து பார்வையிட்டு சென்றுள்ளார்கள் இது வரை எந்த நஷ்ட ஈடும் அரசாங்கம் வழங்கவில்லை என்று விவசாயிகள் தெரிவிக்கின்றனர்.

இது தொடர்பாக உரிய அதிகாரிகள் நடவடிக்கை எடுக்க வேண்டும் என்று விவசாயிகள் கோரிக்கை விடுத்துள்ளனர்.

15/01/2025

Sainthamaruthu DCC Meeting.

15/01/2025

சம்மாந்துறையில் இருந்து அம்பாறைக்கு செல்லும் பிரதான வீதி வழமைக்கு திரும்பியது. நீர்ப்பாசன திணைக்கள அதிகாரிகள் களத்தில்..

-தில்ஷாத் பர்வீஸ்