Sri Lanka Muslim Media Forum

31/03/2024

ஸ்ரீலங்கா முஸ்லிம் மீடியா போரத்தின் மகளிர் தின சிறப்பு நிகழ்வு

'' இஸ்லாமிய சமூகத்திலும் , மேற்குலக சமூகத்திலும் பெண்களும் குடும்பமும்" எனும் தொனிப்பொருளில்

ஸ்ரீலங்கா முஸ்லிம் மீடியா போரம் ஏற்பாடு செய்த இவ்வருடத்திற்கான 2024 மகளிர் தின சிறப்பு நிகழ்வு போரத்தின் முன்னாள் தலைவி புர்கான் பீ இப்திகார் தலைமையில் கடந்த 6ஆம் திகதி புதன் கிழமை மாலை 4 மணிக்கு கொழும்பு 7, ஹோர்ட்டன் பிளேஸில் அமைந்துள்ள லக்ஷ்மன் கதிர்காமர் மண்டபத்தில் நடைபெற்றது.

இந் நிகழ்வில் பிரதம அதிதியாக முன்னாள் அமைச்சர் திருமதி பேரியல் அஷ்ரப் அவர்கள் கலந்து சிறப்பித்ததோடு வளவாளர்களாக Dr. Zahra Osati, Assistant professor of women’s Studies - iran

கொழும்பு பல்கலைக்கழக புவியல்துறை தலைவி பேராசிரியர் பரீனா ருஸைக் மற்றும் தபிந்து கூட்டமைப்பின் - நிர்வாக பணிப்பாளர் திருமதி ஷமிலா துசாரி ஆகியோரும் கலந்து கொண்டு சிறப்புரைகளை ஆற்றினர்

Dr. Zahra Osati
Assistant professor of women’s Studies - iran அவர்கள் உரையின் சுருக்கம்

இஸ்லாத்தில் சுதந்திரம் என்பது பெண்களுக்கு முழுமையாக வழங்க பட்டிருக்கின்றது அதிலும் பெண்களுக்கென்று தனியான இடமும் கொடுக்க பட்டிருக்கின்றது, மேற்கத்தைய பின்னணியில் இதனை பார்க்கின்ற போது நடைமுறைகள் மிகவும் சிக்கல் உள்ளதாகவே காணப்படுகின்றது .அதன் அடிப்படியில் அரசிலியல் சிக்கலும் காணப்படுகின்றது .

இன்று பெண்கள் பல்வேறு துறைகளிலும் தலைமைத்துவம் வகிக்கின்ற சூழலை காணக்கூடியதாக உள்ளது .
அந்த வகையில் பாராளுமன்ற உறுப்பினர்களாக, அமைச்சர்களாக, நிறுவனர்களில் முகாமைத்துவ தலைவிகளாக கூட செயற்பட்டு வருகிறார்கள் .அதனை அவர்கள் பெருமையாக பேசிக்கொள்கின்ற சூழ்நிலையும் காணப்படுகின்றது

பொதுவாக ஆண்களுக்கு வழங்கப்படுகின்ற அதே அந்தஸ்த்து பெண்களும் வழங்கப் பட வேண்டும் என்ற தொனிப் பொருளில்தான் அவர்களுடைய வாதம் இருந்து கொண்டிருக்கின்றது .
ஆனால் இஸ்லாமிய எண்ணக்கருவிலே இதை பார்க்கின்ற பொழுது மணித பண்புகளுக்கான ஒரு சமத்துவம் இஸ்லாத்தில் அதிகம் காணக்கூடியதாக இருக்குன்றது .

சில மேற்கத்தைய நாடுகளில் இடம் பெறுகின்ற குற்றச்செயல்கள் கூட ஜனநாயக செயற்பாடாக சித்தரிக்கின்ற விடயங்களும் இடம் பெறுகின்றன . தற்போது காசாவில் இடம் பெற்று வருகின்ற மனித கொலைகள் , பெண்கள் , சிறுவர்கள் மீது மனிதாபிமானமற்ற முறையில் இடம் பெரும் கொலைகள் கூட அவர்கள் ஜனநாயக செய்யற்பாடாக பெருமையாக பேசிக்கொள்கின்ற அளவுக்கு கூட இன்று நிலைமை வந்திருக்கின்றது .

இஸ்லாத்தில் நிச்சயமாக பெண்களுக்குரிய இடம் வழங்கபட்டு , அவர்கள் கெளரவிக்கப்படுகின்றார்கள் என்ற ஒரு சிறந்த ஒரு விடயத்தை எங்களால் காணக்கூடியதாக இருக்கிறது

04/03/2024

19/02/2024

சமூக ஊடகங்களின் வழியான கல்வி கற்றல் முறை
How to use Social Medias for study purpose

✍ Mohamed Satham

19/02/2024

இயற்கையை பாதுகாப்போம்
---------------------------------------

நம் முன்னோர்கள் இயற்கையோடு ஒன்றிணைத்து வாழ்ந்தார்கள். ஆனால். இன்றைய நவீன காலத்தில் நாம் இயற்கையோடு ஒன்றிணையாமல் செயற்கையோடு பின்னி பிணைந்து வாழ்கின்றோம். இயற்கையை பாதுகாத்து அதை நம் அடுத்த சந்ததியினரிடம் கையளிக்க வேண்டியது ஒவ்வொரு உயிர்களிதும் தலையாய கடமையாகும்.

இந்த உலகமானது இயற்கையின் கொடைகளால் நிறைந்துள்ளது. இவ்வியற்கையின் கொடைகளுடன் இணைந்து வாழும் படியாகவே மனிதன் படைக்கப்பட்டுள்ளான். மனிதன் இப்பூமியில் நீடித்து வாழும் பொருட்டு இயற்கை அதன் கொடைகளை இவ்வுலகிற்கு வாரிவழங்கியுள்ளது. உண்கின்ற உணவில் இருந்து அருந்துகின்ற குடிநீர் வரை இயற்கை மனிதவாழ்வில் மிக முக்கியமான இடத்தை வகிக்கின்றது.

ஆனால், அண்மைக்காலமாக இயற்கையானது அளவிடமுடியா பல அச்சுறுத்தல்களை எதிர்நோக்கியுள்ளது. அவற்றை நாம் கட்டுப்படுத்த வேண்டுமாயின் இயற்கையை பற்றி முதலில் அறிந்து கொள்ளவேண்டும்.

இயற்கையின் சிறப்பு இந்த பூகோளமானது பரந்து விரிந்த நிலப்பரப்புகளையும், அதன் நாற்புறமும் சூழப்பட்ட சமுத்திரங்களையும், பச்சைப்பசேலென்ற காடுகளையும், எழில்கொஞ்சும் நீர்வீழ்ச்சிகளையும், சலசலத்து ஓடுகின்ற ஆறுகளையும் வளங்களாக கொண்டமைந்துள்ளது. அந்த வளங்களை அனுபவித்திட மனிதர்கள், விலங்குகள் மற்றும் ஏனைய உயிரினங்களையும் ஒருங்கமையப் பெற்றுள்ளது.

பூமியில் இவ்வுயிரினங்கள் நிலைபெற்று வாழ மழை, காற்று, தீ, நிலம், நீர் போன்ற பஞ்சபூதங்களையும் கொண்டமைந்துள்ளது. இந்த இயற்கையானது செழித்து விளங்காவிட்டால் மனித இனமானது அழிவுற்றுவிடும். இத்தகைய சிறப்பு வாய்ந்த இயற்கையை பாதுகாக்க வேண்டியது மிகவும் அவசியமாகும்.

இயற்கை மாசடைதல் இயற்கையிலுள்ள விலைமதிக்க முடியாத வளங்களான நிலம், நீர், காற்று போன்றன பல்வேறுபட்ட காரணங்களால் மாசடைதலே இயற்கை மாசடைதலாக கருதப்படுகின்றது. இந்த மாசடைதலிற்கு அதிகரித்து வரும் தொழில்நுட்ப பயன்பாடு மற்றும் கைத்தொழில் மயமாக்கலோடு மனிதர்களது விரும்பத்தகாத நடவடிக்கைகளும் காரணமாக அமைகின்றன.

உலகத்தின் அழகிய பரந்த நிலப்பரப்பானது பல்வேறுபட்ட காரணங்களால் அதன் இயல்புத் தன்மையை இழந்து வருகின்றது. இறப்பர், பிளாஸ்ரிக் மற்றும் பொலித்தீன் கழிவுகளை நிலத்தினுள் எரிக்கும்போதோ அல்லது புதைக்கும்போது மண்வளம் அற்றுப்போகின்றது. மேலும் இரசாயன கிருமி நாசனிகளை பயிர்களிற்கு தெளிக்கும்போது மண் மாசடைகின்றது.

அண்மைக்காலங்களில் சூழலை அச்சுறுத்திவரும் ஒரு செயற்பாடாக மண் அகழ்தல் இடம்பெற்று வருகின்றது. கடற்கரை மற்றும் ஆற்றுப்படுக்கையிலுள்ள மண் அகழ்வுக்கு உட்படும்போது நீரானது ஊர்மனைகளிற்குள் புகும் அபாயம் எழுந்துள்ளது.

நீரின் பயனை வள்ளுவர் “புறத்தூய்மை நீரான் அமையும்” என்று குறிப்பிடுகின்றார். மனித வாழ்க்கையில் மிகமுக்கியமான இடத்தை வகிக்கும் நீரானது குப்பை கூழங்கள் மற்றும் தொழிற்சாலைக் கழிவுகளை நீர்ர்நிலைகள்மீது கொட்டுவதாலும், நீர்நிலைகளை சரியாக பராமரிக்காததாலும் மாசடைகின்றது. மேலும் ஆழ்துளைகிணறுகளை அமைத்து நிலத்தடி நீரை உறிஞ்சுவதனால் நிலத்தடி நீரானது அற்றுப்போகின்றது.

இந்த உலகத்தில் மனிதவாழ்க்கைக்கு அவசியமாய் விளங்கும் மற்றொரு காரணி வளி. ஏனெனில் எந்தவொரு மனிதனாலும் சுவாசிக்காமல் இருக்கமுடியாது. இந்த வளியானது புகைபோக்கிகளில் இருந்து வெளியேறும் அதிகபுகை மற்றும் நச்சுவாயுக்கள் கலக்கும்போது அசுத்தமடைகின்றது. காடுகளை அழிப்பதனாலும் கனியவளங்களை அகழ்வதனாலும் இயற்கை வளங்கள் சுரண்டப்படுகின்றன. இவ்வாறு இயற்கையின் கிடைத்தற்கரிய கொடைகள் மனிதசெயற்பாடுகளால் அழிவிற்குட்பட்டு வருகின்றன.

இயற்கை அனர்த்தங்கள் இயற்கையானது மனித செயற்பாடுகளால் பாதிக்கப்படுவதோடு மட்டுமல்லாது, இயற்கையாகவே நிகழும் சில நிகழ்வுகளாலும் அழிவுக்குள்ளாகின்றது. உதாரணங்களாக சுனாமி, சூறாவளி, வெள்ளப்பெருக்கு, நிலச்சரிவு, பனிப்பொழிவு மற்றும் காட்டுத்தீ போன்றவற்றை குறிப்பிடலாம். மனிதனால் கட்டுப்படுத்த முடியாத இவ்வனர்த்தங்களால் மனிதர்கள் மட்டுமின்றி ஏனைய உயிரினங்களும் அழிவடைகின்றன. பல உயிர்களை காவுகொண்ட இயற்கை பேரழிவிற்கு உதாரணமாக 2006 டிசம்பர் மாதம் ஏற்பட்ட சுனாமியை குறிப்பிடலாம்.

இயற்கை அனர்த்தங்களாலும் விலை மதிக்க முடியாத இயற்கையானது அழிவிற்கு உள்ளாகின்றது.
இயற்கையை பாதுகாப்பது தனிமனிதர்கள் ஒவ்வொருவரினதும் தலையாய கடமையாகும். இயற்கை வளங்களை மட்டுப்படுத்தப்பட்ட அளவில் பயன்படுத்துவதற்காக ஒவ்வொரு நாடுகளிலும் பல்வேறு சட்டதிட்டங்கள் இயற்றப்பட்டுள்ளன.

உலகிலுள்ள இயற்கை வளங்களை பாதுகாப்பதற்காக பன்னாட்டு பாதுகாப்பு சங்கம் 1980ஆம் ஆண்டு தொடங்கப்பட்டது. இதனால் பல்வேறு பாதுகாப்பு நடவடிக்கைகள் மேற்கொள்ளப்பட்டு வருவதோடு, உலக பாதுகாப்பு தினமாக ஒவ்வொரு வருடமும் ஜூலை 28ஆம் திகதி அனுஷ்டிக்கப்படுகின்றது.

மனிதர்கள் அனைவருமே இயற்கையை தேவைக்கேற்ப மட்டுப்படுத்தப்பட்ட அளவிலேயே பயன்படுத்த வேண்டும். நீரை வீண்விரயம் செய்யாது பயன்படுத்துவதோடு பொலித்தீன் மற்றும் பிளாஸ்ரிக் பாவனையை ஒட்டுமொத்தமாக குறைக்கவேண்டும். மரங்களை வெட்டுதலை தடுத்து நிறுத்துவதோடு எங்களால் இயன்றளவு மரங்களை வளர்த்து இப்பூமியை பசுமையானதாக மாற்றவேண்டும்.

செயற்கை அதிகம் மிகுந்த இவ்வுலகில் மனிதன் தனது மனநிம்மதியை திரும்பபெறுவதற்காக இயற்கையை தேடி ஓடிக்கொண்டிருக்கின்றான். இயற்கை சூழலில் வாழ்ந்த காலம்போய் இன்று இயற்கையை காண சுற்றுலா செல்லும் நிலைமையை மனிதன் எதிர்நோக்கியுள்ளான். இன்னும் சிலகாலம் இந்நிலைமை தொடருமாயின் இயற்கையோடு சேர்ந்து மனித இனமும் அழிந்து விடக்கூடிய அபாயம் உள்ளது.

இதற்கான உடனடியான தீர்வு இயற்கையை தேவைக்கேற்ப பயன்படுத்தி அதனைப் பாதுகாத்தலாகும். எனவே இயற்கைவளங்களை எதிர்கால சந்ததியினரும் பயன்படுத்தும் வகையில் உயிர்ப்போடு வைத்திருந்து நாமும் நலம் பெற்று வாழ்வோமாக.

✍ Muaadh Marzook

Colombo, Sri Lanka

19/02/2024

இன்று அதிகளவில் நடக்கும் பிரச்சினைகளில் ஒன்றுதான் நாம் பயணிக்கும் பேருந்துகளில்/ புகையிரதங்களில் அளவுக்கதிகமாக ஆட்களை ஏற்றிச் செல்வதாகும். பயணிகள் தொங்கிக்கொண்டு பயணிப்பதால், தவறி விழுந்து உயிராபத்துகள் ஏற்படக்கூடிய வாய்ப்புகள் அதிகம் காணப்படுகின்றன.

பயணிகள் தவறி விழுந்தால் என்ன நடக்கும் என்பது பற்றி யாரும் சிந்திப்பதில்லை. ஏதேனும் அசம்பாவிதங்கள் நடந்தால்கூட, அது யாரோதானே என்று கடந்தும் செல்கிறோம். ஒருநாள் அந்த அசம்பாவிதம் எமக்கும் நடக்கலாம். நம்மைச் சிற்றியுள்ளவர்களுக்கும் நடக்கலாம் என்பதை மறவாதீர்கள்.

தட்டிக் கேட்காதவரை எந்தப் பிரச்சினைகளும் மாறப்போவதில்லை.

✍ Firnas Firnas

Colombo, Sri Lanka

19/02/2024

Empowering women is not just a choice; it's a catalyst for economic development!

Educating women goes beyond the classroom - it's an investment in the future. When we empower women through education, we unlock a powerhouse of talent, creativity, and resilience.

Studies show that societies with educated women experience economic growth at a faster pace. By providing equal opportunities in education, we pave the way for a workforce that is skilled, innovative, and diverse.

Let's break barriers and promote education for all women. When women rise, economies thrive!

✍ Fathima Hamsath, Batticaloa

Colombo, Sri Lanka

19/02/2024

Please keep your common sense!

19/02/2024

நீங்கள் போடும் ஒவ்வொரு குப்பைகளும் ஒரு உயிரை காவு வாங்குகின்றது என்பதை அறிவீர்களா?

நீங்கள் வீசும் ஒவ்வொரு குப்பை மூலமும் வருடம் ஒன்றுக்கு உலகளவில் 400,000 - 100,000 உயிர்கள் பாதிப்படைகின்றன.

சிந்தியுங்கள்! செயற்படுங்கள்!

19/02/2024

தன்னார்வ நிறுவனங்களின் சேவைகளின் பயன்பாட்டு முறைமைகள் பாதிக்கப்படல்
---------------------------------------

அடையாளம் காணப்படும் பிரச்சினைகளின் சேவை வழங்கும் முறைமைகள் ஒழுங்கான முறையில் மதிப்பிடப்படுவதில்லை. இது மக்கள் மயப்படுத்தப்படாமலும் அதன் பெறுமதி மக்கள் அறியப்படுத்தப்படாமையும் இதன் தாக்கமாகும்.

எனவே, அடிப்படை உரிமைகளின்படி மக்களின் கேள்வி கேட்கும் உரிமை மறுக்கப்படுகிறது. இதனை நிவர்த்திக்க சேவையின் பயன்பாடு, பெறுமதி, கால அளவு என்பன மக்கள் மக்கள் மயப்படுத்தப்பட்டு தெளிவுபடுத்தப்படுவதோடு, இதனை முறையிடும் வழிமுறைகளையும் தெளிவுபடுத்தல் அவசியமாகும்.

(பயன்பாடற்ற எந்த சேவைகளையும் நிறுவனங்கள் ஒருபோதும் ஊக்குவிப்பதில்லை.)

✍ Kuwaisar Muhaideen

Colombo, Sri Lanka

17/02/2024

பெண்களின் கல்விநிலை ஓங்கவேண்டும்!

17/02/2024

Empowering women is not just a moral imperative; it is an investment in a brighter future for all. By addressing challenges, breaking stereotypes, and fostering equal opportunities, societies can harness the full potential of women. It's time to collectively work towards a world where women are empowered to lead, innovate, and contribute to the betterment of humanity.

"We are more powerful when we empower each other"

✍ Fathima Sajeetha

Colombo, Sri Lanka

12/02/2024

திண்மக் கழிவுகள் முறையாக அகற்றப்படுமா?
-----------------------------------------

அநுராதபுர மாவட்டம் ஹொரொவ்பொத்தான பிரதேசத்தில் இருக்கும் "பதவிய பாதுகாக்கப்பட்ட வனப்பகுதியில்" குப்பைகளைக் கொட்டுவதற்கென ஒரு பகுதி ஒதுக்கப்பட்டுள்ளது.

அதனை சுற்றிக் கிட்டத்தட்ட 3 கிராமங்களும், பல ஹெக்டேயர் வயல் நிலங்களும் காணப்படுகின்றன. பிரதானமாக வைத்தியசாலைக் கழிவுகள் அதில் கொட்டப்படுவதால், மழை காலங்களில் அந்தக் கழிவுகள் அருகிலுள்ள குளங்களில் சேரும் நிலையும், காட்டு விலங்குகள் அதனை உட்கொண்டு பாதிப்படையும் நிலையும் காணப்படுகின்றது.

அதனால் இவ்வாறான திண்மக் கழிவுகள் கொட்டப்படுவதனால் ஏற்படும் விளைவுகளை மக்களுக்கு புரியவைக்க வேண்டும். பின்பு வேறு பொருத்தமான இடம் ஒன்றை மாற்றியமைக்குமாறு பொருத்தமான துறையினரிடம் கோரவேண்டும்.

இதுதொடர்பில் பேஸ்புக், யூடியூப் போன்ற சமூக வலைத்தளங்கள் மூலமாக மக்கள் மத்தியில் விழிப்புணர்வை ஏற்படுத்தலாம். MoJo அமைப்பிலான வீடியோக்களையும், Documentary film வடிவங்களிலும் இந்த விடயத்தை வெளிக்கொண்டுவர முடியும்.

✍️ S.A. Safana Banu

Colombo, Sri Lanka

12/02/2024

அல்லவெவ கிராமத்தில் அதிகரிக்கும் மாணவர் இடைவிலகல்
------------------------------------------

அனுராதபுர மாவட்டம் கெபிதிகொள்ளாவ பிரதேச செயலகத்திற்கு உட்பட்ட கிராமமே அல்லவெவ ஆகும். இக்கிராமத்தில் மாணவர் பாடசாலை இடை விலகலானது பெரிதும் அதிகரித்து காணப்படுகின்றது.

இதன் பிரதான காரணம், பாடசாலையில் தரம் 9 வரை மட்டுமே இருப்பதால் அதனைத் தொடர்ந்து கல்வி கற்பதற்கு கிட்டத்தட்ட 18 km தொலைவிலுள்ள பாடசாலைக்கே செல்ல வேண்டும். இதற்கான தீர்வாக கிராமப் பாடசாலையை குறைந்தது தரம் 11 வரையாவது தரமுயர்த்த வேண்டும்.

இதுதொடர்பாக பாடசாலை மாணவர்களின் பெற்றோர்கள், அதிபர், ஆசிரியர்கள் மற்றும் பழைய மாணவர்களோடு இணைந்து செயற்படுவதற்கு முயற்சி செய்தல் அவசியமாகும்.

✍️ Mohamed Rizwan
Anuradhapura

Colombo, Sri Lanka

12/02/2024

Empowering Women, Transforming Economies!
-----------------------------------------------

Did you know that when women are economically empowered, entire communities thrive? It's not just about individual success; it's about creating a ripple effect that transforms societies.

In Sri Lanka, we're witnessing a remarkable journey of women breaking barriers, shattering glass ceilings, and paving the way for a more inclusive and prosperous future. Here's why economic empowerment is a game-changer:

Financial Independence: When women have the means to earn, manage, and invest money, they gain financial independence. This not only enhances their self-esteem but also contributes to overall household stability.

Education and Skill Development: Economic empowerment opens doors to education and skill development. By investing in women's capabilities, we are investing in the nation's progress.

Entrepreneurship: Many women in Sri Lanka are becoming entrepreneurs, starting businesses, and driving innovation. Let's celebrate their entrepreneurial spirit and support their ventures!

Community Impact: Empowered women are catalysts for positive change within their communities. They reinvest in health, education, and well-being, creating a ripple effect of progress.

Let's use this platform to share inspiring stories, resources, and initiatives that contribute to the economic empowerment of women in Sri Lanka.

Together, let's build a future where every woman has the opportunity to thrive economically, making Sri Lanka a beacon of empowerment and equality.

✍️ Ahamed Masroor
Anuradhapura

Colombo, Sri Lanka

11/02/2024

வைத்திய வசதிகளை வேண்டி நிற்கும் நேகம மக்கள்!
——————————————————
அனுராதபுரம் மாவட்ட நேகம கிராம மக்களுக்கான சரியான வைத்திய வசதிகள் இல்லாததன் காரணமாக ஏற்படக்கூடிய அசௌகரியங்கள் மற்றும் அதன் விளைவுகள் பற்றிய தெளிவை வழங்கி அரசு தரப்பில் இருந்து உரிய தீர்ப்பை பெற்றுக்கொள்வது அவசியமாகும்.

குறித்த பிரதேசத்தில் வாழக்கூடிய மக்கள் பொருத்தமான மருத்துவ வசதிகளை அறிந்து கொள்ளாமல் தங்களுடைய நிலைமைக்குப் பொருத்தம் இல்லாத மருந்துகளை உபயோகம் செய்து அதனால் பாரதூரமான பக்க விளைவுகளை எதிர் நோக்குகின்றார்கள்.

குறிப்பாக கிராமிய வைத்தியசாலை காணப்பட்ட போதிலும் அங்கு தமிழ் மொழி மூலமாக வைத்தியர்களைப் பெற்றுக் கொள்வதற்கு முடியாத சூழ்நிலை காணப்படுகின்றது. இதனால் எங்களது ஊரில் வசிக்கக்கூடிய சிங்கள மொழி அறியாதவர்கள் வைத்தியர்களினால் முன்வைக்கப்படக்கூடிய பரிந்துரைகளை முறையாகப் பின்பற்ற முடியாத சூழ்நிலைக்கு தள்ளப்படுகின்றனர்.

இவ்வாறான நிலையை தடுப்பதற்கு மக்கள் மத்தியில் மருத்துவ கருத்தரங்குகள் மற்றும் செயலமர்வுகளை தமிழ் மொழி மூலமான நிபுணத்துவம் வாய்ந்த வைத்தியர்களை கொண்டு நடத்துவதற்கு முயற்சிப்பதோடு, அதற்குத் தேவையான நிதி உதவிகளை தனவந்தர்களிடம் இருந்து பெற்றுக் கொள்வதற்கான நடவடிக்கைகளை
மேற்கொள்ளலாம்.

குறிப்பாக இவ்வாறான நிலைகளுக்கு உள்ளானவர்களுடனான கலந்துரையாடல்களை வீடியோ பதிவுகள் மூலமாக சமூக வலைத்தளங்களில் பகிர்ந்து அதற்கான விளைவுகளை ஏற்படுத்துவதற்கும் முயற்சிக்கலாம்.

✍️ Hamdha Latheef
✍️ MAC Sadham
✍️ MT Abdur Rahman

29/01/2024

ஶ்ரீ லங்கா முஸ்லிம் மீடியா போரம் ( ) நடைமுறைப்படுத்தும் "Empowering CSO leaders through Digital Advocacy" நிகழ்ச்சித் திட்டத்தின்கீழ் மட்டக்களப்பு மாவட்டத்தின் இளம் சிவில் சமூக அமைப்புகளின் செயற்பாட்டாளர்களுக்கான ஒரு நாள் பயிற்சிப்பட்டறை நேற்று ஞாயிற்றுக்கிழமை (28.01.2024) காத்தான்குடியில் நடைபெற்றது.

A one-day workshop for young civil society activists was held yesterday Sunday (28.01.2024) at Kattankudy under the ‘ ’ implemented by Sri Lanka Muslim Media Forum ( ).

28/01/2024

ஶ்ரீ லங்கா முஸ்லிம் மீடியா போரம் (SLMMF) நடைமுறைப்படுத்தும் "Empowering CSO leaders through Digital Advocacy" நிகழ்ச்சித் திட்டத்தின் கீழ் திருகோணமலை மாவட்டத்தின் இளம் சிவில் சமூக அமைப்புகளின் செயற்பாட்டாளர்களுக்கான ஒரு நாள் பயிற்சிப்பட்டறை நேற்று சனிக்கிழமை (27.01.2024) திருமலை நகரில் நடைபெற்றது.

A one-day workshop for young civil society activists was held yesterday (27.01.2024) at Trincomalee under the ‘Empowering CSO leaders through Digital Advocacy’ program implemented by Sri Lanka Muslim Media Forum (SLMMF).

26/01/2024

ஶ்ரீ லங்கா முஸ்லிம் மீடியா போரம் (SLMMF) நடைமுறைப்படுத்தும் "Empowering CSO leaders through Digital Advocacy" நிகழ்ச்சித் திட்டத்தின்கீழ் அநுராதபுரம் மாவட்டத்தின் இளம் சிவில் சமூக அமைப்புகளின் செயற்பாட்டாளர்களுக்கான ஒரு நாள் பயிற்சிப்பட்டறை நேற்று (25.01.2024) அநுராதபுரம் CTC மண்டபத்தில் நடைபெற்றது.

A one-day workshop for young civil society activists was held yesterday (25.01.2024) at Anuradhapura CTC hall under the ‘Empowering CSO leaders through Digital Advocacy’ program implemented by Sri Lanka Muslim Media Forum (SLMMF).

20/12/2023

Digital Media Advocacy பயிற்சிப் பட்டறைகளுக்கு விண்ணப்பங்கள் கோரல்

Sri Lanka Muslim Media Forum அநுராதபுரம், திருகோணமலை மற்றும் மட்டக்களப்பு மாவட்டங்களில் நடாத்தவுள்ள Digital Media Advocacy பயிற்சிப் பட்டறைகளுக்கு விண்ணப்பங்கள் கோரப்படுகின்றன.

20 – 30 வயதுக்கிடைப்பட்ட தமிழ் பேசும் இளம் சிவில் சமூக செயற்பாட்டாளர்களும் டிஜிட்டல் ஊடகத்துறையில் ஆர்வமுடையவர்களும் விண்ணப்பிக்கலாம். ��விண்ணப்ப முடிவுத் திகதி - 30.12.2023��விண்ணப்பிக்க : https://t.ly/PMz-7

20/12/2023

சிரேஷ்ட ஊடகவியலாளர் பி.எம்.எம்.ஏ.காதர் அவர்களின் மறைவுக்கு ஸ்ரீலங்கா முஸ்லிம் மீடியா போரம் அனுதாபம்

மருதமுனை-01 அக்பர் வீதியைச் சேர்ந்த சிரேஷ்ட ஊடகவியலாளர் கலாபூசணம் பி.எம்.எம்.ஏ.காதர் அண்மைக்காலமாக சுகயீனமுற்றிருந்த காரணத்தினால் திங்கட்கிழமை (18) தனது 66 ஆவது வயதில் காலமானார்.

அவரது மறைவு குறித்து ஸ்ரீலங்கா முஸ்லிம் மீடியா போரம் சார்பில் அதன் தலைவர் என்.எம்.அமீன் விடுக்கும் அனுதாபச் செய்தி

பல இளம் எழுத்தாளர்களுக்கு வழிகாட்டியாகவும் ஊக்குவிப்பாளராகவும் இருந்துள்ள பி.எம்.எம்.ஏ. காதருடைய இழப்பு ஊடகத்துறையில் பாரிய வெற்றிடத்தை ஏற்படுத்தியுள்ளது.

ஸ்ரீலங்கா முஸ்லிம் மீடியா போரத்தின் சிரேஷ்ட உறுப்பினரான மர்ஹும் பி.எம்.எம்.ஏ. காதருக்கு அவரது ஊடக ஆளுமையைப் பாராட்டி கௌரவிக்கும் முகமாக ஸ்ரீலங்கா முஸ்லிம் மீடியா போரம் அதன் வருடாந்த மாநாடு ஒன்றில் 'வாழ்நாள் சாதனையாளர்' விருது வழங்கிக் கௌரவித்தது.

இவர் 35 வருடகாலமாக தனது ஊடகப்பயணத்தை நிறைவு செய்த நிலையில் இறையடி சேர்ந்துள்ளார். இவர், தினகரன், வீரகேசரி, விடிவெள்ளி, தமிழன், தினக்குரல், மெட்ரோ நியூஸ், நவமணி, போன்ற பத்திரிகைகளிலும் வாராந்த சஞ்சிகை மித்திரனிலும் மற்றும் மாதாந்த சஞ்சிகைகளிலும் தனது எழுத்துப்பணியைத் தொடர்ந்தார்.

அன்னார் எம்.எம்.ஹவ்லதின் அன்புக் கணவரும், ஹரீஸா, சாயிறா. றாயிஷா, சீமா, சீபா, சஜீத் அஹமட் ஆகியோரின் தந்தையுமாவார்.

ஸ்ரீலங்கா முஸ்லிம் மீடியா போரம் அவருடைய மறைவையிட்டு தனது ஆழ்ந்த அனுதாபத்தைத் தெரிவிக்கும் அதேவேளை, அவருடைய மறுமை வாழ்வுக்காக அனைவரையும் பிரார்த்திக்குமாறும் சகலரையும் கேட்டுக் கொள்கின்றது

28/11/2023

ஸ்ரீலங்கா முஸ்லிம் மீடியா போரத்தின் 75வது ஊடகச் செயலமர்வு

ஸ்ரீலங்கா முஸ்லிம் மீடியா போரம் நடாத்திவரும் பாடசாலைகளுக்கான ஊடக செயலமர்வின் 75வது ஊடகச் செயலமர்வு சனிக்கிழமை ( 25.11.2023) கொழும்பு 12 , பாத்திமா முஸ்லிம் மகளிர் கல்லுாரியில் முழு நாள் கருத்தரங்காக நடைபெற்றது .

'21ஆம் நுாற்றாண்டில் இலத்திரனியவியல் மற்றும் சமூக ஊடகங்கள்' எனும் தலைப்பில் . ஸ்ரீலங்கா முஸ்லிம் மீடியா போரத்தின் தலைவர் என்.எம் அமீன், மற்றும் பாத்திமா முஸ்லிம் மகளிர் கல்லுாரியின் அதிபர் எம்.எச். மும்தாஜ் பேகம் ஆகியேர்கள் தலைமையில் நடைபெற்றது.

இச் செயலமர்வில் பிரபல ஊடக நிறுவனங்களின் முகாமையாளர்கள், சிரேஷ்ட ஊடகவியலாளர்கள் என துறை சார்ந்த விரிவுரையாளர்கள் பல தலைப்புகளில் விரிவுரைகளையும் , பயிற்சிகளையும் வழங்கினார்கள் .

சிரேஷ்ட ஊடகவியலாளர் ஜீவா சதாசிவம், பத்திரிகை செய்தி அறிக்கையிடல் தொடர்பாகவும் , சிரேஷ்ட ஒலிபரப்பாளர் ஏ. ஆர்.வி லோசன் , வானொலியில் செய்தி அறிக்கையிடுதல் மற்றும் செய்தி வாசிப்பு பற்றியும், சத்தி தொலைக்காட்சியின் செய்தி முகாமையாளர் ஜிப்ரி ஜெபதர்சன் தொலைக்காட்சி செய்தியறிக்கையிடுதல் மற்றும் குரல் பயிற்சிகள் போன்றவற்றையும், ஸ்ரீலங்கா முஸ்லீம் மீடியா போரத்தின் செயலாளரும் , சி . ஐ . ஆர் பணிப்பாளருமான சிஹார் அனீஸ், AI ( செயற்கை நுண்ணறிவு ) தொடர்பாகவும், இலங்கை ஒலிபரப்புக் கூட்டுத்தாபன நிகழ்ச்சி தயரிப்பாளரும், ஊடக பயிற்று விப்பாளருமான இஸ்பாஹான் சராப்டீன், சமுக சேவை ஊடக வலைத்தளங்களில் கைத்தொலைபேசி ஊடாக செய்தி தயாரித்தல் போன்ற தலைப்புகளில் விரிவுரைகளை நிகழ்த்தினார்கள்.

சான்றிதழ் வழங்கும் நிகழ்விற்கு பிரதம அதிதியாக கலந்து சிறப்பித்த இலங்கையிலுள்ள பாகிஸ்தான் உயரஸ்தானிகராலயத்தின் ஊடக மற்றும் கல்வி கலாசார நடவடிக்கைகளுக்கான இணைப்பாளராக புதிதாக நியமனம் பெற்ற அதில் சத்தார் அவர்கள் மாணவர்களுக்கு சான்றிதழ்களை வழங்கிவைத்தார் .

கல்லூரியின் அதிபர், பிரதி அதிபர்கள், கல்லூரி அபிவிருத்தி சங்க உறுப்பினர்கள், முஸ்லீம் மீடியா போரத்தின் செயற்குழு உறுப்பினர்களும் மாணவிகளுக்கு சான்றிதழ்களை வழங்கி வைத்தனர்

ஊடக செயலமர்வினை கல்லுாரியின் அபிவிருத்தி சங்கம் ஏற்பாடு செய்திருந்தது. கல்லூரியின் மாணவத் தலைவிகள், மற்றும் சிரேஸ்ட மாணவிகள் என 160 மாணவிகள் கலந்து கொண்திருந்தன

24/11/2023

சிரேஷ்ட ஊடகவியலாளருடனான சிநேகபூர்வ சந்திப்பும் கலந்துரையாடலும் "அனுபவம் பேசியதே"

ஸ்ரீலங்கா முஸ்லிம் மீடியா போரம் ஏற்பாடு செய்துள்ள சிரேஷ்ட ஊடகவியலாளருடனான சிநேக பூர்வ சந்திப்பும் கலந்துரையாடல் நிகழ்வான "அனுபவம் பேசியதே" நிகழ்வு இம்மாதம் எதிர்வரும் 26ஆம் திகதி ஞாயிற்றுக்கிழமை காலை 10.௦௦ மணிக்கு கொழும்பு 10, மருதானை வை.எம்.எம்.ஏ. மண்டபத்தில் இடம்பெறும்.

அனுபவம் பேசியதே நிகழ்வின் அதிதியாக சிரேஸ்ட ஒலி ஒளிபரப்பாளரும் மொழிபெயர்ப்பாளரும் விமர்சகரும் எழுத்தாளருமான அஸ்ரப் சிஹாப்தீன் கலந்து கொண்டு தனது அனுபவங்களை முன்வைப்பார்.

"அனுபவம் பேசியதே" நிகழ்வின் இறுதியில் அதிதியுடன் சபையோர் கலந்துரையாடலும் இடம்பெறும்.

16/11/2023

“பாலஸ்தீன விவகாரத்தில் உலகின் தோல்வியும்: கற்றுக்கொள்ள வேண்டிய பாடங்களும்” தலைப்பில் கலந்துரையாடல்

பலஸ்தீன் காசாவில் இடம்பெறுகின்ற போர்க்குற்றங்கள், ஆயிரக்கணக்கான அப்பாவி குழந்தைகள் மற்றும் மக்களை கொன்று குவிப்பதைத் தடுப்பதில் உலகத் தோல்வியின் தாக்கங்களும் அதனுடன் உலகின் பிற பகுதிகளுக்கு ஏற்பட்டுள்ள அழுத்தங்களும் தொடர்பான கலந்துரையாடலொன்றினை ஸ்ரீலங்கா முஸ்லிம் மீடியா போரம் (15) ஏற்பாடு செய்திருந்தது

“பாலஸ்தீன விவகாரத்தில் உலகின் தோல்வியும்: கற்றுக்கொள்ள வேண்டிய பாடங்களும்” எனும் தலைப்பில் ஏற்பாடு செய்யப்பட்ட இக் கலந்துரையாடல் கொழும்பு 10, இல. 310, டி ஆர் விஜேவர்தன மாவத்தையில் அமைந்துள்ள இலங்கை தபாலக கேட்போர் கூடத்தில் நடைபெற்றது

இக் கலந்துரையாடலில் இலங்கைக்கான பலஸ்தீன தூதுவர் கலாநிதி சுஹைர் எம்.எச். செய்ட், இலங்கை ஜ.நா அலுவலக முன்னாள் தேசிய தகவல் அதிகாரி மொஹான் சமரநாயக்க, சமூக ஆர்வலர் எம்.என் முஹம்மட் ஆகியோர் விசேட பேச்சாளர்களாக கலந்துகொண்டு உரை நிகழ்த்தினர்,

13/11/2023

"பாலஸ்தீன விவகாரத்தில் உலகின் தோல்வியும்: கற்றுக்கொள்ள வேண்டிய பாடங்களும்" கலந்துரையாடல்

பலஸ்தீன் காசாவில் இடம்பெறுகின்ற போர்க்குற்றங்கள், ஆயிரக்கணக்கான அப்பாவி குழந்தைகள் மற்றும் மக்களை கொன்று குவிப்பதைத் தடுப்பதில் உலகத் தோல்வியின் தாக்கங்களும் அதனுடன் உலகின் பிற பகுதிகளுக்கு ஏற்பட்டுள்ள அழுத்தங்களும் தொடர்பான கலந்துரையாடலொன்றினை ஸ்ரீலங்கா முஸ்லிம் மீடியா போரம் ஏற்பாடு செய்துள்ளது

"பாலஸ்தீன விவகாரத்தில் உலகின் தோல்வியும்: கற்றுக்கொள்ள வேண்டிய பாடங்களும்" எனும் தலைப்பில் ஏற்பாடு செய்யப்பட்டுள்ள இக் கலந்துரையாடல் இம்மாதம் எதிர்வரும் 15ஆம் திகதி புதன்கிழமை பி.ப. 5 மணிக்கு கொழும்பு 10, இல. 310, டி ஆர் விஜேவர்தன மாவத்தையில் அமைந்துள்ள இலங்கை தபாலக கேட்போர் கூடத்தில் நடைபெறவுள்ளன

இக் கலந்துரையாடலில் இலங்கைக்கான பலஸ்தீன தூதுவர் கலாநிதி சுஹைர் எம்.எச். செய்ட், இலங்கை ஜ.நா அலுவலக முன்னாள் தேசிய தகவல் அதிகாரி மொஹான் சமரநாயக்க, சமூக ஆர்வலர் எம்.என் முஹம்மட் ஆகியோர் விசேட பேச்சாளர்களாக கலந்துகொண்டு உரை நிகழ்த்தவுள்ளனர்

இந்த முக்கியமான உலகளாவிய பிரச்சினை தொடர்பான கலந்துரையாடலில் இன மத பேதமின்றி அனைவரும் கலந்துகொண்டு சிறப்பிக்குமாறு ஸ்ரீலங்கா முஸ்லிம் மீடியா போரம் வேண்டுகோள் விடுத்துள்ளதுடன் இக் கலந்துரையாடல் தொடர்பான மேலதிக'விபரங்களை மீடியா போரத்தின் தலைவர் என் எம் அமீன் அவர்களுடன் 0772612288 எனும் தொலைபேசி இலக்கத்துடன் தொடர்புகொண்டு பெற்றுக்கொள்ள முடியும்