19/12/2024
RECIPE 📖️ Christmas Cake🎄🌟
/ Wedding Cake
මෙහි දැක්වෙන්නේ කේක් කෑලි 25 ක් පමණ සාදා ගැනීමට අවශ්‍ය වන ප්‍රමාණයයි. වැඩි ප්‍රමාණයක් සකසනවා නම් මෙම ද්‍රව්‍ය ප්‍රමාණයන් වැඩිකර ගන්න.
අවශ්‍ය ද්‍රව්‍ය :
රේසින්ස් ග්‍රෑම් 50 යි
B කරන්ට්ස් ග්‍රෑම් 37 යි
සුල්තානා ග්‍රෑම් 50 යි
චව් චව් ග්‍රෑම් 37 යි
ඉඟුරු දෝසි ග්‍රෑම් 37 යි
කජු ග්‍රෑම් 50 යි
කැන්ඩිට් ෆීල් ග්‍රෑම් 12 යි
පුහුල් දෝසි ග්‍රෑම් 50 යි
ගෝල්ඩන් සිරප් මේස හැඳි 01 යි
මීපැණි මේස හැඳි 01 යි
වැනිලා මේස හැඳි 01 යි
බ්‍රැන්ඩි මේස හැඳි 01 යි
මෙහි දෙවැනි පියවර සඳහා අවශ්‍ය ද්‍රව්‍ය :
බටර් ග්‍රෑම් 37 යිසීනි ග්‍රෑම් 75 යි
රුලං ග්‍රෑම් 75 යි
බිත්තර 03 යි
ආමන්ඩ් එසන්ස් මේස හැඳි 01 යි
සුවඳ කුඩු තේ හැඳි 01 යි
සාදා ගන්නා ක්‍රමය :
පලතුරු ද්‍රව්‍ය සියල්ල තරමක කැබලිවලට කපා එයට ගෝල්ඩන් සිරප්, මීපැණි වැනිලා, බ්‍රැන්ඩි, සුවඳ කුඩු, ආමන්ඩ් එසන්ස්, එක්කර හොඳින් වසා දවස් 3 ක් තබන්න.
ඉන්පසු මඳක් රත්කරගත් රුලං ඉහත මිශ්‍රණය සමඟ කළවම් කරගන්න.
බිත්තර කහමද වෙන්කර ගන්න.
මුලින්ම බිත්තර සුදුමද බීට්කර එයද මෙම මිශ්‍රණයට එක්කර ගන්න.
ඉන්පසු බිත්තර කහමද, බටර් සහ සීනි බීට් කර එයද පළමු මිශ්‍රණයට දමා කළවම් කර ගන්න.
පත්තර පිටු 8 ක් පමණ අතුරා එයට උඩින් තෙල් කඩදාසි දමා සූදානම් කරගත් තැටියට මිශ්‍රණය දමාගන්න.
ෆැරන්හයිට් අංශක 100 - 125 උෂ්ණත්වය යටතේ පැය 2 ක් 2 1/2 ක් පමණ බේක් කරගන්න.
මීළඟට මේ සඳහා අවශ්‍ය ආමන්ඩ් පේස්ට් එක සාදාගත යුතුයි. මෙහි ගෙන තියෙන්නේ අඩු කේක් ප්‍රමාණයක් නිසා එම ප්‍රමාණයට අවශ්‍ය පරිදි ආමන්ඩ් පේස්ට් සාදා ගන්න.
ආමන්ඩ් පේස්ට් සදහා අවශ්‍ය ද්‍රව්‍ය :
කඩු කරගත් කජු මද ග්‍රෑම් 30 යි
බිත්තර සුදුමද 01 යි
අයිසින් සීනි අවශ්‍ය පමණට
වැනිලා
ආමන්ඩ් එසන්ස්
ආමන්ඩ් පේස්ට් සාදා ගන්නා ක්‍රමය :
කුඩු කරගත් කජු සමඟ අයිසින් සීනි කළවම් කර ගන්න. අවශ්‍ය පමණට වඩා අයිසින් සීනි එකතු කරන්නට එපා. මෙහි මදක් ගැඹුරුකර එහි මැදට බිත්තර සුදුමද ටික ටික දමමින් අතේ නොඇලෙන පදමට එන තෙක් අනන්න. වැනිලා සහ ආමන්ඩ් එසන්ස් ද එක්කර ගන්න. ආමන්ඩ් අයිසින් කේක් එක මත අතුරා ගැන්ම සහ කැබලි කරගැන්ම සිදු කෙරෙන ආකාරය දැන් විමසා බලමු. බේක් කරගත් කේක් එක කැබලිවලට කඩා ගන්න. ඉන්පසු මෙය ස්විස් රෝල් තැටියකට දමා හොඳින් තදකර අනෙක් පැත්තට හරවා ගන්න. ඉන්පසු පොලිතින් කොළයක් මත සකසාගත් අයිසින් එක දමා රෝලින් පින් එකෙන් තුනීී කරන්න. දැන් එය කේක් එක මතට දමා පොලිතින් එක ඉවත් කරන්න. කේක් කැබලි කරන කටරය ඒ මත තබා මඳක් තදකර කැබලි ප්‍රමාණය සලකුණු කර ඉන්පසු කැබලිවලට කපාගන්න. මෙසේ කපාගත් කේක් කැබලි ඔබට අවශ්‍ය පරිදි රැපින් කොළවල දවටා ගන්න.
උපුටා ගැනිමකි
📷 ᴄ ʀ ᴇ ᴅ ɪ ᴛ ᴛ o ᴛ ʜ ᴇ
ʀ ᴇ s ᴘ ᴇ ᴄ ᴛ ɪ ᴠ ᴇ ᴏ ᴡ ɴ ᴇ ʀ
