Vidusara - විදුසර

15/01/2025

විදුසර සඟරාව නිවසටම ගෙන්වාගැනීමට ඔබේ නම සහ ලිපිනය 0775872638 වෙත WhatsApp කරන්න.
ළඟම පුවත්පත් අලෙවි නියෝජිතයාගෙන් ඔබේ පුවත්පත අදම වෙන්කරවා ගන්න.

15/01/2025

ටොයෝටා සමාගමත් අභ්‍යවකාශ තරගයට

පසුගිය දා අවසන් වූ CES 2025 ප්‍රදර්ශනයේ දී අභ්‍යවකාශ තරගය සඳහා සුප්‍රසිද්ධ මෝටර් රථ නිෂ්පාදන සන්නාමයක් වන Toyota ද එක් වන බව නිවේදනය කෙරුණා.

ඔවුන් මෙලෙස අභ්‍යවකාශ තාක්ෂණ⁣ ක්ෂේත්‍රයට පා තබා ඇත්තේ Interstellar Technologies නමැති අලුත ආරම්භ වූ ජපාන සමාගමට ඩොලර් මිලියන 44.4ක් ආයෝජනය කරමින්.

Toyota සමාගමේ අනු සමාගමක් වන Woven හරහා ඇති කරගෙන ඇති මේ සහයෝගීතාව මඟින් රොකට් තාක්ෂණ⁣යේ විප්ලවීය වෙනසක් ඇති කළ හැකි වනු ඇති බව ඔවුන් විශ්වාස කරනවා. දශක ගණනක් තිස්සේ සනාථ කර තිබෙන Toyota සතු සැපයුම් දාම කළමනාකරණ කුසලතාවය උපයෝගී කරගෙන බොහෝ දෙනාට ප්‍රවේශ විය හැකි මෙන් ම අඩු වියදමකින් යුතු චන්ද්‍රිකා අභ්‍යවකාශගත කිරීම් සිදු කළ හැකි වෙතැ යි බලාපොරොත්තු වනවා.

Toyota සමාගම විසින් නුදුරේ දී ෆුජි ගිනිකන්ද අසල ඉදිකිරීමට බලාපොරොත්තුවෙන් සිටින අනාගතවාදී මූලාකෘති නගරය වන Woven City නගරය Interstellar සමාගමේ අභ්‍යවකාශ පාදක අන්තර්ජාල පහසුකම්වලින් සමන්විත වනු ඇති බව ද පැවසෙනවා. SpaceX හි Starlink මෙන් Toyota සමාගම ද ස්වකීය අන්තර්ජාල සබඳතා සපුරාලිය හැකි චන්ද්‍රිකා පොකුරක් දියත් කරනු ඇති බවට ද උපකල්පන පවතිනවා.

සෞන්දර්ය සෙනරත්

14/01/2025

රියැදුරෙකු නැති චීන ශටල බස් රිය සූරිච් ගුවන්තොටේ වැඩ අරඹයි

ස්විට්සර්ලන්තයේ සූරිච් ගුවන්තොටුපොළ අභ්‍යන්තරයේ ප්‍රවාහන කටයුතු සඳහා නවතම ශටල් බස් සේවයක් හඳුන්වා දීමට යනවා. විශේෂත්වය වන්නේ මේ ශටල බස් ස්වයංක්‍රීය ව ගමනාගමනයේ යෙදීමයි. යුරෝපානු රටක ඇති ගුවන්තොටුපොළක් මඟී ප්‍රවාහනය සඳහා ස්වයං ධාවන ශටල ව්‍යාපෘතියක් දියත් කළ ප්‍රථම අවස්ථාව වන්නේ ද මෙයයි.

චීන සමාගමක් වන WeRide විසින් නිමවා ඇති මේ ශටල බස් රථ මාදිලිය Robobus යනුවෙන් හැඳින්වෙනවා. එක් රථයකින් මඟීන් නව දෙනෙකුට ගමන් කළ හැකියි.

කෙසේ නමුත් නියමු ව්‍යාපෘතියක් ලෙස ඇරඹී ඇති මෙයින් තවමත් ගුවන් යානා වෙත මඟීන් රැගෙන යාම හෝ රැගෙන ඒම සිදු වන්නේ නැහැ. දැනට සූරිච් ගුවන්තොටුපොළ Robobus රථ යොදා ගන්නේ සිය සේවකයන් ප්‍රවාහනය කිරීමටයි. ඒ අනුව මේ වසරේ මුල් කාර්තුව ඇතුළත, සේවක මහත්ම මහත්මීන් සඳහා වෙන්කර ඇති 101 වැනි ගේට්ටුව අසල සිට 130 වැනි ගේට්ටුව අසල ඇති නඩත්තු කලාපය වෙත ශටල බස් රථ ධාවනය අරඹන බව WeRide සමාගම සඳහන් කරනවා.

WeRide විසින් Robobus රථය හඳුන්වා දෙනු ලැබුණේ ස්විට්සර්ලන්තයේ Flughafen Zürich AG සහ Swiss Transit Lab (STL) හි ද සහයෝගය ඇතිවයි. යුරෝපානු පියාසර ක්ෂේත්‍රයේ අභ්‍යන්තර ප්‍රවාහන මාර්ග ස්වංක්‍රීයකරණය කිරීම ඔවුන්ගේ එක් අරමුණක් ව පැවතියා.

WeRide සමාගම පවසන්නේ L4 Robobus රථය මහජන සේවය පිණිස යෙදවීම සඳහා මහා පරිමාණයෙන් නිෂ්පාදනය වන මුල් ම රියැදුරු රහිත බස් රථය බවයි.

Interesting Engineering ඇසුරෙනි.

සෞන්දර්ය සෙනරත්

13/01/2025

10/01/2025

https://youtu.be/wnp3mX9eCKc
Part 02 - ජීවිතය නාස්ති කරන පුරුදුවලින් ඈත්වෙන ක්‍රම ගැන අද අපි බලමු.

10/01/2025

Snow Whiteට පණ දුන්, WIFI තාක්ෂණයේ මව
තවම Vidusara Online YouTube නාලිකාව Subscribe කරලා නැත්නම් දැන්ම Subscribe කරලා Notifications සඳහා 🛎 Icon එකත් කරන්න.

'Science Watch' – your weekly dose of science wonders! Tune in every Sunday at 10 AM on Vidusara Online YouTube channel. 🕙 Don't miss out on our journey through the world of science!

10/01/2025

https://tinyurl.com/4ffue75p
කැලිෆෝනියාව ගිනියම් කරන ලැව් ගිනි තත්ත්වය

New York Times, CNN, The Guardian සහ Space.com ඇසුරෙනි.

සෞන්දර්ය සෙනරත්

10/01/2025

https://tinyurl.com/zk92bdvv
අඟහරු සාම්පල ගෙන ඒමට අඩු වියදම් විකල්ප දෙකක් ගැන NASA අවධානය

09/01/2025

HMPV ගැන අනියත බියක් ඇති කර ගැනීමට කිසිසේත් අවශ්‍ය නොවේ. එය ලෝක වසංගත තත්වයක් වීමේ හැකියාව බොහෝ අඩු අතර බොහෝ දෙනා තුල මීට එරෙහි ප්‍රතිදේහ සුළු ප්‍රමාණ වලින් හෝ ඇත. කළ යුත්තේ අත් සේදීම, කිවිසුම් යවන විට මුව සහ නාසය ආවරණය කිරීම, අධික ලෙස සෙනඟ ගැවසෙන ස්ථාන මඟ හැරීම වැනි සාමාන්‍ය සෞඛ්‍ය පුරුදු පිළිපැදීමයි.

09/01/2025

ඇමරිකාවේ පළමු H5N1 මරණය වාර්තා වෙයි

H5N1 කුරුළු උණ වයිරසය වැළඳීමෙන් මියගිය වාර්තාගත පළමු ඇමරිකානුවාගේ මරණය ඊයේ (06) ඇමරිකාවේ ලුසියානාවෙන් වාර්තා වුණා. කෙසේ නමුත් ලුසියානා සෞඛ්‍ය දෙපාර්තමේන්තුව (Louisiana Department of Health - LDH) මේ වන තුරුත් ප්‍රාන්තය තුළ වෙනත් H5N1 වයිරස ආසාදිතයන් සොයාගෙන නොමැති බැවින් එය මහජනයා වෙත පුළුල් ව ව්‍යාප්ත වීමේ අවදානම ඇත්තේ අවම අගයක බව නිවේදනය කරනවා.

මෙලෙස මියගිය පුද්ගලයා වයිරසය ආසාදනය හේතුවෙන් රෝහල්ගත කර ඇත්තේ ඉකුත් දෙසැම්බර් මාසයේ දීයි. සිය ගෙවත්තට පැමිණි ආසාදිත කුරුල්ලන්ගෙන් රෝගය වැළඳී ඇති බව විශ්වාස කෙරෙනවා. රෝග ලක්ෂණ වශයෙන් බරපතළ තත්ත්වයේ ශ්වසනාබාධවලට මුහුණ දීමට අදාළ පුද්ගලයාට සිදු ව තිබුණා. ඊයේ දින මරණය නිල වශයෙන් නිවේදනය කෙරුණු අතර LDH වැඩිදුරටත් සඳහන් කර තිබුණේ එම පුද්ගලයා 65 විය ඉක්මවූ අයෙකු බවයි.

ඇමරිකානු රෝග පාලන සහ නිවාරණ මධ්‍යස්ථානය (CDC) දත්තවලට අනුව මේ වන විට සමස්ත ඇමරිකාවෙන් වාර්තා වී ඇති H5N1 ආසාදිතයන් සංඛ්‍යාව 66ක්. ඇස් රතු වීම වැනි රෝග ලක්ෂණ පෙන්නුම් කරන නමුත් ඔවුන්ගේ තත්ත්වය බරපතළ නො වන බවයි CDC සඳහන් කරන්නේ. මේ සියලු දෙනා රෝගය ආසාදනය වූ ගවයන් සහ කුකුළු පැටවුන් අසල ගැවසී ඇති බව සොයාගෙන තිබෙනවා.

ලොව පුරා කුරුල්ලන් මිලියන ගණනක් මරණයට පත් කර ඇති H5N1 වයිරසය දැනට වසරක පමණ කාලයක සිට ඇමරිකාවේ කිරි ගවයන් ⁣අතර සංසරණය වෙමින් පවතිනවා.

New Scientist ඇසුරෙනි.

සෞන්දර්ය සෙනරත්

08/01/2025

07/01/2025

CES 2025 ඇරඹේ

ඇමරිකාවේ Consumer Technology Association (CTA) විසින් පවත්වනු ලබන වසරේ දැවැන්තම නවෝත්පාදන සහ සංකල්ප ප්‍රදර්ශනය වන Consumer Electronics Show හෙවත් CES 2025 ප්‍රදර්ශනය ලාස් වේගාස්හි අද මහජනයා වෙත විවෘත වනවා.

අද දින (07) සිට 10 වැනි දා දක්වා මහජනතාවට එය විවෘත ව පවතින අතර ලොවපුරා තාක්ෂණ සමාගම්, නිර්මාණකරුවන් අතිවිශාල සංඛ්‍යාවකගේ නිපැයුම් එයට එක් කර තිබෙනවා.

CTAහි ප්‍රධාන විධායක නිලධාරී Gary Shapiro පවසන පරිදි මෙවර ප්‍රදර්ශනය සඳහා සමාගම් 4500කට අධික සංඛ්‍යාවක් සහභාගී වී ඇති බවයි. අලුතෙන් අරඹන ලද තාක්ෂණ සමාගම් 1400ක් පමණ ද ඒ අතර වන බව ඔහු සඳහන් කරනවා.

"නරඹන්නට පැමිණෙන්නන් හට කෘත්‍රිම බුද්ධිය, ඩිජිටල් සෞඛ්‍යය, තිරසර තාක්ෂණය යන පැතිකඩ ස්පර්ෂ කළ අද්විතීය ප්‍රදර්ශනයක් දැකබලා ගැනීමට හැකි වනු ඇති." Shapiro පවසනවා.

ජනක කෘත්‍රිම බුද්ධිය (generative AI) මෙවර ප්‍රදර්ශනයේ සැලකිය යුතු වපසරියක් අත්පත් කරගන්නා තේමාව වනු ඇති බවට අදහස් පළ වනවා.

Interesting Engineering ඇසුරෙනි.

සෞන්දර්ය සෙනරත්

06/01/2025

06/01/2025

කෙන්යාවේ ගමකට වැටුණු අභ්‍යවකාශ සුන්බුන් කොටස

පසුගිය දෙසැම්බර් 30 වැනි දා කෙන්යාවේ ග්‍රාමයකට ඇද වැටුණු අභ්‍යවකාශ සුන්බුන් කොටසක් පිළිබඳ විමර්ශන අරඹා ඇති බව එරට අභ්‍යවකාශ නියෝජිතායතනය සඳහන් කරනවා.

කෙන්යානු අභ්‍යවකාශ නියෝජිතායතනය (KSA) ප්‍රකාශයක් නිකුත් කරමින් සඳහන් කර තිබුණේ එය “අභ්‍යකාශ වස්තුවකට අයත් කොටසක්” බව හඳුනාගැනුණු බවයි.

කෙන්යාවේ දකුණුදිග ප්‍රදේශයට අයත් Makueni කවුන්ටියේ පිහිටි Mukuku නම් පිටිසර ග්‍රාමයට ඇදවැටුණු ලෝහමය වළල්ලක හැඩයෙන් යුතු මේ වස්තුව මීටර 2.5ක විෂ්කම්භයකිනුත්, කිලෝග්‍රෑම් 500ක පමණ බරකිනුත් යුතු වනවා. මේ වන විට එය වැඩිදුර විමර්ශන කටයුතු සඳහා KSA භාරයට ගෙන තිබෙනවා.

KSA වැඩිදුරටත් සඳහන් කරන්නේ මෙය රොකට්ටුවක අදියර දෙකක් වෙන් වීමේ ස්ථානයේ පිහිටා තිබූ මුදුවක් වීමට වැඩි ඉඩකඩක් පවතින බව නිරීක්ෂණය වන බවයි.

Kenya Broadcasting Corporation නාලිකාව වෙත අදහස් දක්වමින් Mbooni අනු කවුන්ටියේ පොලිස් කමාන්ඩර්වරයා වන Julius Rotich පවසා තිබුණේ ඉකුත් සඳුදා අදාළ ස්ථානය විට පොලිස් කණ්ඩායම ළඟා වන විටත් එය උණුසුම් ව පැවති බවයි. එය සිසිල් වන තුරු නරඹන්නට පැමිණෙන්නන් ඉවත් කර තැබුණු බව ඔහු පවසා සිටියා.

CNN ඇසුරෙනි.

සෞන්දර්ය සෙනරත්