ජනාධිපති කාර්යාලය

26/09/2024

10/03/2019

මහනුවර, අම්පිටිය පුරාණ දිවුරුම් බෝධිමළු විහාරස්ථානයේ අභිනවයෙන් ඉදිකරන ලද දොළොස් රියන් හිටි බුද්ධ ප්‍රතිමා වහන්සේ නිරාවරණය කිරීමේ පුණ්‍යොත්සවය ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් පැවැත්විණි.

10/03/2019

කඩුවෙල, ඉහළ බෝමිරිය, කාම්බෝජ ජාත්‍යන්තර බෞද්ධ මධ්‍යස්ථානයේ අභිනව විහාර මන්දිරය විවෘත කිරීමේ පුණ්‍යෝත්සවය ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් පැවැත්විණි.

09/03/2019

ප්‍රවීණ ගී පද රචිකාවන් වන දයා ද අල්විස්, කුසුම් පීරිස්, යමුනා මාලනී පෙරේරා ගී පද රචිකාවන් ඇගැයීම වෙනුවෙන් කොළඹ බිෂොප් විද්‍යාලයීය ශ්‍රවණාගාරයේ පැවති "තුන් සිත් ගී හෙළ වනිතා ගී ලතා" උපහාර උලෙළේ විශේෂ ආරාධිත අමුත්තා ලෙස ජනාධිපති ගරු මෛත්‍රීපාල සිරිසේන මැතිතුමා එක් විය.

ඊයේ දිනට යෙදුණු ජාත්‍යන්තර කාන්තා දිනය නිමිත්තෙන් ගීත රචනා කලාවට මහඟු මෙහෙවරක් ඉටු කළ මෙම ගී පද රචිකාවන් ඇගැයීමට ලක් කෙරිණි.

08/03/2019

ජාත්‍යන්තර කාන්තා දිනය නිමිත්තෙන් කොළඹ විහාර මහා දේවි එළිමහන් පීඨයේ පැවති ශ්‍රී ලංකා නිදහස් පක්ෂ කාන්තා දින සැමරුම් උත්සවයේ ප්‍රධාන ආරාධිතයා ලෙස ජනාධිපති ගරු මෛත්‍රීපාල සිරිසේන මැතිතුමා සහභාගි විය.

''මතින් තොර දේශයක් - තුටින් පිරි කැදැල්ලක්'' තේමාව යටතේ ශ්‍රී ලංකා නිදහස් පක්ෂ කාන්තා දින සමරුම් උලෙළ කාන්තාවන් විශාල පිරිසකගේ සහභාගිත්වයෙන් පැවැත්විණි.

08/03/2019

''සුහුරු කතක් - සොදුරු ලොවක්'' තේමාව යටතේ අනුරාධපුර සල්ගාදු ක්‍රිඩාංගණයේ සංවිධානය කර තිබූ ජාත්‍යන්තර කාන්තා දින සැමරුම් උත්සවයේ ප්‍රධාන ආරාධිතයා ලෙස ජනාධිපති ගරු මෛත්‍රීපාල සිරිසේන මැතිතුමා සහභාගි විය.

08/03/2019

ජනාධිපති ගරු මෛත්‍රීපාල සිරිසේන මැතිතුමා සහ මාධ්‍ය ආයතන ප්‍රධානීන් අතර හමුවක් ජනාධිපති මන්දිරයේ දී පැවැත්විණි.

05/03/2019

නීතිවිරෝධි මත්ද්‍රව්‍ය ජාවාරම භාවිතය වැළැක්වීම සඳහා විද්‍යාත්මක ක්‍රමෝපායන් යොදා ගැනීම පිළිබඳ බත්තරමුල්ල වෝටර්ස් ඒජ් හෝටලයේ පැවති විද්වත් සමුළුවේ සමාරම්භක අවස්ථාවට ජනාධිපති ගරු මෛත්‍රීපාල සිරිසේන මැතිතුමා සහභාගී විය.

05/03/2019

ජනාධිපති ගරු මෛත්‍රීපාල සිරිසේන මැතිතුමා ශ්‍රී ලංකා පොලීසියේ ඉදිරි ක්‍රියාකාරිත්වය හා අභියෝග පිළිබඳව සාකච්ඡාවක් ජනාධිපති කාර්යාලයේදී පැවැත්විය.

විෂය භාර අමාත්‍යවරයා ලෙස තමා පොලිස් දෙපාර්තමේන්තුවෙන් බලාපොරොත්තු වන්නේ පදවිය, තනතුර හා පක්ෂය කුමක් වුවත් ඒ කිසිවක් නොසළකා සැමට එක ලෙස නීතිය ක්‍රියාත්මක කරන පොලිස් සේවාවක් බව ජනාධිපතිතුමා පැවසීය.

03/03/2019

උතුරු මැද පළාතේ ප්‍රධාන අධිකරණ සංඝනායක ධුරයෙන් පිදුම් ලද ශාස්ත්‍රවේදී පූජ්‍ය ගල්ලෑල්ලේ අරියවංශ නායක ස්වාමින් වහන්සේ වෙත එම ධුරය පිළිබද ශ්‍රී සන්නස් පත්‍ර පිළිගැන්වීමේ පුණ්‍ය මහෝත්සවය ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් පොළොන්නරුව බුද්ධි මණ්ඩපයේ දී පැවැත්විණි.

03/03/2019

පේරාදෙණිය, ඊරියගම, ශ්‍රී සුබෝධාරාම විහාරස්ථානයේ අභිනව සද්ධර්මරාජ බුද්ධගයා මහා ස්තූපරාජයාණන් වහන්සේ විවෘත කිරීමේ පුණ්‍යෝත්සවය ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් පැවැත්විණි.

03/03/2019

ශ්‍රී ලංකා ගුවන් හමුදාවේ 68 වන සංවත්සරයට සමගාමීව හිගුරක්ගොඩ ගුවන් හමුදා කදවුරේ දී පැවැත්වෙන Air Tattoo - 2019 ගුවන් හමුදා ප්‍රදර්ශනය සහ සැණකෙළිය ජනාධිපති ගරු මෛත්‍රීපාල සිරිසේන මැතිතුමා අතින් විවෘත විය.

මාර්තු 06 වනදා දක්වා හිගුරක්ගොඩ ගුවන් හමුදා කදවුරු පරිශ්‍රයේ දී පැවැත්වෙන මෙම ප්‍රදර්ශනයේ දී ගුවන් හමුදාවේ කාර්යභාරය සහ ගුවන් හමුදාව සතු සම්පත් ප්‍රදර්ශනය කිරීම මෙන්ම මහජනතාව වෙනුවෙන් හදිසි ආපදා තත්ත්වයන්හි දී හා ස්වභාවික ව්‍යසනයන්හි දී ගුවන් හමුදාව ක්‍රියා කරන ආකාරය නිදර්ශනාත්මකව ඉදිරිපත් කිරීම සිදු කෙරේ. එමෙන්ම ගුවන්යානා සංදර්ශන හා ගුවන් කරනම්, පැරෂුට් සංදර්ශන, ගුවන් හමුදා රෙජිමේන්තු විශේෂ බළකාය විසින් ඉදිරිපත් කරනු ලබන ගොඩබිම් සටන් සංදර්ශන, ගුවන් සුනඛ සන්දර්ශන, තූර්ය වාදන හා සරඹ සන්දර්ශන සංස්කෘතික හා සංගීතමය වැඩසටහන් රැසකින් එය සමන්විතය.

සෑම දිනකම ප.ව 2.00 ට ආරම්භ වන සැණකෙළිය මධ්‍යම රාත්‍රිය දක්වා පැවැත්වෙයි. මෙය මහජනතාවට සම්පූර්ණයෙන් විවෘත අතර, ඇතුළුවීම සදහා කිසිදු ගාස්තුවක් අය නොකෙරේ.

02/03/2019

ශ්‍රී ලංකා ගුවන් හමුදාවේ 68 වැනි සංවත්සර උත්සවය සේනාධිනායක, ජනාධිපති ගරු මෛත්‍රීපාල සිරිසේන මැතිතුමාගේ ප්‍රධානත්වයෙන් හිගුරක්ගොඩ ගුවන් හමුදා කදවුරේ දී අභිමානවත් අයුරින් පැවැත්විණි.

01/03/2019

මහවැලියේ පනස් වසරක පිවිසුම වෙනුවෙන් සංවිධානය කළ සර්ව රාත්‍රික පිරිත් සජ්ජායනයක් පොල්ගොල්ල ජලාශය අභියස දී පැවැත්වුණු අතර ජනාධිපති ගරු මෛත්‍රීපාල සිරිසේන මැතිතුමා ද පිරිත් දේශනය ශ්‍රවණය කිරීමට එක් විය.