03/03/2022
ලොවම භීතියට පත් කළ ලාහෝර් ත්‍රස්ත ප්‍රහාරයට අදට වසර 13 යි..
ශ්‍රී ලංකා 🇱🇰 ක්‍රිකට් කණ්ඩායමට ලාහෝර් නුවරදී එල්ල වූ ත්‍රස්ත ප්‍රහාාරයට අදට වසර 13ක් සපිරෙනවා. පාකිස්තානය සමග පැවති 2 වන ටෙස්ට් 🏏 තරගයේ 3 වන දිනය සදහා ලාහෝර් නුවර ගඩාෆි ක්‍රීඩාංගණය වෙත පැමිණෙමින් සිටින අතරතුර ශ්‍රී ලංකා පිල රැගත් බස් රථය ඉලක්ක කර මෙම ත්‍රස්ත ප්‍රහාරය එල්ල වුණා.
තිලාන් සමරවීර, තරංග පරණවිතාන, අජන්ත මෙන්ඩිස්, මහේල ජයවර්ධන, සහ සුරංග ලක්මාල් මෙහිදී තුවාල ලැබුවා. තිලාන් සමරවීර සහ තරංග පරණවිතාන එහිදී බරපතල තුවාල ලැබූ අතර මෙම ත්‍රස්ත ප්‍රහාරයෙන් පාකිස්තාන පොලිස් නිලධාරීන් 6 දෙනෙකු සහ සිවිල් වැසියන් දෙදෙනෙකු ජීවිතක්ෂයට පත්වුණා.
මෙම බිහිසුණු අත්දැකීම පිළිබද තරංග පරණවිතාන මෙලෙස විස්තර කර තිබුණා.
"බුලට් එකක් වැදුනා පපුවට. වැදුන ගමන් මම පිට අල්ලලා බැලුවා පිටවුනාද කියලා, පපුවේ හැමතැනම ලේ ගලනවා."
"හැමෝම හිතුවේ මම මැරෙයි කියලා, ලේ දැකල. වාසනාවකට උණ්ඩය පිටින් ගිහිල්ල තිබුණේ නැහැ"
"එතකොටම වාස් අඅයියයි, ඩිල්ෂාන් අයියයි කෑ ගැහුව බස් රියදුරුට. go, go කියලා. බස් එක ගියා. තව ටික වෙලාවක් හිටියනම් කවුරුත් ඉතුරු වෙන එකක් නැහැ"
"ඒක චිත්‍රපටයක් වගේ, අපි දැක්කේ වටෙන්ම වෙඩි තියනවා, බෝම්බ පුපුරනවා, ටික වෙලාවක් ගිහිල්ලා උණ්ඩ ඇතුළට එනකොට තමයි තේරුණේ මේක අපිට එල්ල කරන්නේ කියලා"
තරංග පරණවිතාන තමන් ඇතුළු ශ්‍රී ලංකා ක්‍රීඩකයන් මුහුණදුන් ත්‍රස්යජනක අත්දැකීම හෙළි කළේ එලෙසයි.
