Dharanee - ධරණී

Home
Sri Lanka
Colombo
Dharanee - ධරණී

සතුටින් ජීවිතය දරන්නී

09/12/2024

තායිලන්තයේ IFBB Pro League කායවර්ධන තරඟාවලියේ උස සෙන්ටි මීටර් 168 වඩා උස කාණ්ඩයේ කාන්තා ෆිසික්ස් අංශය යටතේ තරඟ කර රිදී පදක්කම් දීනූ තාරකා පෙරේරා ඔබට ධරණි වෙතින් උණුසුම් සුබ පැතුම් !

www.dharanee.lk

09/12/2024

මගේ අභියෝගයයි
තුන් ආකාරයක ආරක්ෂාවයි

www.dharanee.lk

09/12/2024

නත්තල් සාදයකට යන යුවතියකට කදිම ගවුමක්

නත්තල් සමයත් වැඩි ඈතක නොවෙන නිසාම තරුණ ඔබට සාදවලට කෙරෙන
ඇරයුම්වලිනුත් මේ දිනවල අඩුවක් නැතුව ඇති. සමහරවිට එහෙම ඇරයුමක්
ලැබිලත් ඇඳපැළඳගෙන යන්නට විශේෂ ගවුම් විලාසිතාවක් නොමැතිකම නිසා
ඔබ ළතැවෙනවා වෙන්න පුළුවන්. අන්න එහෙම අයටයි මෙවර මැහුම් පිටුවෙන්
ගෙනඑන ගවුම් විලාසිතාව විශේෂයෙන්ම වැදගත් වෙන්නේ. මෙම ගවුම්
විලාසිතාව මසාගැනීමට අවශ්‍ය වෙන්නේ නම් ඕනෑම රෙදි වර්ගයකින් යාර 2
1/2ක් පමණයි.

අවශ්‍ය මිමි
කරවට = 13÷4 = 3 1/4 - 1/2 = 2 3/4
උරහිස = 13 1/2÷2 = 6 3/4+1/2 = 7 1/4
පපුව වට = 32÷4 = 8 + 1 1/2 = 9 1/2
කිහිළි කට = 16 ÷2 = 8
හැට්ටයේ උස = 15+1=16
ඉන වට = 30 ÷ 3 = 10
සායේ උස = 23 +1 = 24
අත දිග = 5+1 = 6
අත අග වට = 12÷2= 6+1/2= 6 1/2

ඉදිරිපස පලුව කපාගන්නා ආකාරය

මුලින්ම රෙදි කොටස ගෙන දාවාටි දෙක එකට සිටින විදියට නමා ත්‍රිකෝණාකාර
හැඩයට නමාගන්න. ඉන්පසුව ඉනේ සිට පහලට ඉන මිම්ම AB ලෙස ලකුණු
කරන්න. ඉනවට මිම්මට සායේ උස එකතු කර (24+10=34). A සිට E දක්වා ලකුණු
කරගන්න. එලෙස ලකුණු කරගැනීමෙන් අනතුරුව A වල සිට F දක්වාත් A වල
සිට E දක්වාත් රූපසටහනේ දක්වා තිබෙන ආකාරයට මිමි ලකුණු කරගන්න.
ඉන්පසුව අනිවාර්යයෙන්ම සාය කොටස කපාගන්න. ඊට හේතුව හැට්ට කොටසට
අයත් ඉදිරිපස පලුව වගේම පිටුපස පලුව කපාගන්නේ සාය කොටස කපා ඉතිරි
කොටගත් ඉතිරි කොටසින් වීමයි. ඒකට මුලින්ම රෙදි කොටස ගෙන දෙකට නමා
මුදුනේ සිට AB කරවට ලෙස ලකුණු කරන්න. ඉන්පසු උරහිස මිම්ම AC විදියට
ලකුණු කරගන්න. C වල සිට පහළට අගල් 1 1/2ක් පහළට D ලකුණු කරගත
යුතුයි. BD යා කර AE ලෙස කර ගැඹුර අඟල් 6 1/2ක් ලෙස ලකුණු කරන්න.
ඉන්පසු කරහැඩය ඇඳගන්න. AH කිහිළිකට මිම්ම ලෙස ලකුණු කරගැනීම ඊළඟට
අනුගමනය කළ යුතු පියවරයි. ඉන්පසුව HF පපුවවට මිම්ම විය යුතුයි. ඉන්පසු
එය D වල ඉඳන් රැගල් රේඛාව දක්වා පහත් කරගන්න. ඉන්පසු එහි මැද සොයා
F ලෙස ලකුණු කරන්න.

පිටුපස පලුව කපාගන්නා ආකාරය
පිටුපස පලුව කපාගැනීමට ඉදිරි පලුවෙන් අඟල් 1/2ක් අඩුකර නමා කටු ගසා
රෙදි කොටසේ නැම්ම පැත්තට තබන්න. ඉන්පසු ඉදිරි පලුවේ උරහිස සිට අඟල් 1
බැගින් උරහිස ලකුණු කරන්න. රූපසටහනේ දක්වලා තියෙන ලෙස එහි කර
ගැඹුර අඟල් 1 1/2ක් වේ. ඉන්පසුව එය කපාගන්න. එය කපාගත් පසු, කර
කොටස් තබා පේසින් ද කපාගන්න.

අත කපාගන්නා ආකාරය
රෙදි කොටස ගෙන දෙකට නමා නැවත දෙකට නමාගන්න. ඉන්පසු අතේ රැලි
සඳහා නැම්මේ සිට අඟල් 3ක් තබන්න. ඉහළට රේඛාවක් ඇඳගෙන එතැන් සිට
ඉදිරියට හරහට රේඛාව ඇඳගන්න. රූපසටහනේ දක්වලා තිබෙන ආකාරයට
ඉන්පසුව ඉහළට මුදුනේ සිට AB දුර 4 1/4ක් ලකුණු කරන්න. B රේඛා ඉදිරියට
දිගුකර එය C ලෙස දක්වන්න. එලෙස දක්වා කිහිළි කට මිම්ම මැන 2න් බෙදා
ලකුණු කරන්න. AD ලෙස අතේ උස ලකුණු කරන්න. AD හරහා රේඛාව ඇඳගත
යුතුයි. අත අග වට මිම්ම ලකුණු කර අත කපාගන්න.

මසාගන්නා ආකාරය
මුලින්ම ඉදිරිපස හැට්ට කොටස සහ පිටුපස හැට්ට කොටස ගෙන උරහිස මූට්ටු
කරගන්න. ඉන්පසුව කරට පේසින් අල්ලාගන්න. අත ගෙන රැලි කරගෙන වාටිය
මසාගැනීම කළ යුතුයි. අත්කට කපා රැලි ද සකසා හැට්ටයට අත අල්ලාගන්න.
සායේ එක මූට්ටුවක් පමණක් තිබෙන නිසා හැට්ටයේ එක පැත්තක් මසාගෙන
සාය කොටසට අල්ලාගන්න. අනතුරුව සායේ වාටිය මසා ගවුම නිමා කරගැනීමයි
කළ යුත්තේ.
නෙත්මි තෂාරා
උපදෙස් - ගයනි හේනගොඩවිතාන

www.dharanee.lk

09/12/2024

ප්‍රශ්නය
අනුනගෙ ඇද පළුදු ගුණදොස් සොයන නිතී
බහුතරයක් සිටිති අද රට හතර පැතී
ගැහැනුන් වගෙම පිරිමිත් ඒ අතර ඇති
කොමලියෙ ඇයිද මනුසිත්වල කුහක ගතී

කරුණාරත්න රාජපක්ෂ
මාතම්මන, මිනුවන්ගොඩ

පිළිතුර
කෑමට ලෑමට ප්‍රිය දේ නොලැබුණම
ඇරියස් එක්ක පැමිණෙනවා කුහකකම

www.dharanee.lk

09/12/2024

ප්‍රශ්නය
කඩේ ඉන්නකොට මම කිරමින් මනිමින්
කොමලිය මතක් වෙනවා නිතරම යහමින්
ඊයෙත් එහෙම වී ඉහවහ ගිය සතුටින්
බිල්වල දමා තිබුණේ මම මිල වැඩියෙන්

ස්ටීවන් තිත්තගල්ල
අහංගම

පිළිතුර
සිහිවෙනකොට ඩාන් ඩූන් වෙනව තමයි ප්‍රේමේ
ඒ වුණාට බිල් හදද්දි පරිස්සමෙන් මාමේ

www.dharanee.lk

09/12/2024

ප්‍රශ්නය
අප්පච්චිට පසු අම්මව ඉන්පසු පුතු හෝ දුවාව
නැත්නම් බෑණව ලේලිව රජ කරවන උවමනාව

පවුල්වාදයට බිලි වූ දෙස්පාලන වටපිටාව
මහ මැතිවරණෙදි අතුගා දමමු මෙයයි නිසි වෙලාව

එච්.ජී.කරුණාදාස
ගෝනපුර, පෝද්දල

පිළිතුර
දියවන්නාවට පැමිණිය සුනාමියක් වාගේ
මැතිවරණෙන් අතුගා ඇත බඩගෝස්තර වාදේ

www.dharanee.lk

09/12/2024

Dharanee - ධරණී
සිත් දිනූ සිව් වසක්
සතුටින් ජීවිතය දරන්නියන්ගේ
සිව් වසරක උත්කර්ෂය
සිව් වසරක ධරණී අභිමානය
අද දෙරණ 24 නාලිකාවේ පුවත් ඇසින්

08/12/2024

ස්ත්‍රී දූෂණ - ළමා අපයෝජන
ප්‍රභාකරන්ට පේන්න බෑ

සම්පූර්ණ විස්තරය :
https://dharanee.lk/2024120898989-2/

www.dharanee.lk

08/12/2024

කිරිකොස් හින්දුම

අවශ්‍ය ද්‍රව්‍ය
පොඩියට කපාගත් කොස් මදුලු සහ කොස් ඇට
උකු පොල්කිරි
පොඩියට කපාගත් අමුමිරිස් කරල් 2-3
පොඩියට කපාගත් ලොකු ලූනු ගෙඩි 1/2
රම්පේ
කරපිංචා
සේර කෑල්ලක්
කුරුඳුපොතු කෑල්ලක්
කහ කුඩු ස්වල්පයක්
දිය ගතියට අඹරාගත් අබ ස්වල්පයක්
උළුහාල් මිශ්‍රණය තේ හැඳි 1/4 (උළුහාල්, කුරුඳු පොතු, කරපිංචා කබලේ
බැදගෙන කුඩු කරගන්න)
කෑලිමිරිස් තේ හැඳි 2
ලුණු රස අනුව

සාදාගන්නා ආකාරය

කොස් මදුලු සහ ඇට ලුණු ස්වල්පයක් කලවම් කර විනාඩි 10ක් පමණ
තම්බාගන්න.
භාජනයකට පොල් කිරි දමා, කහ, ලුණු, උළුහාල් මිශ්‍රණය, කෑලිමිරිස්, අඹරාගත්
අබ දමා කලවම් කරන්න.
දැන් භාජනය ලිපේ තබන්න.
රම්පේ, කරපිංචා, සේර, අමුමිරිස්, ලූනු එකතු කරන්න.
කිරි ටික රත්වනවිට කොස් ටික ද දමා පිසගන්න.

------------

කජු කරිය

අවශ්‍ය ද්‍රව්‍ය
කජු 200g
රතුලූනු 100g
අමුමිරිස් කරල් 4
රම්පේ
කරපිංචා
කහකුඩු තේ හැඳි 1/2
තුනපහ කුඩු තේ හැඳි 1
ලුණු රස අනුව
උම්බලකඩ 20g
අඹරාගත් අබ තේ හැඳි 1

කුරුඳුපොතු කෑල්ලක්
කපාගත් වියළි මිරිස් කරල් 5
පොල්කිරි කෝප්ප 2

සාදාගන්නා ආකාරය
කජු සුද්දකර උණුවතුරට දමා තම්බාගන්න. වියළි කජු නම් පොඟවා ගන්න.
භාජනයක් ලිප තබා සියලුම කුළුබඩු වර්ග සමඟ ලූනු, අමුමිරිස්, කරපිංචා,
පොල්කිරි දම කජුත් දමා නටවාගන්න.
බාගෙට හිඳුනු විට කිරි කෝප්ප බාගයක අබ දියකර එකතු කරන්න.
තෙත ගතිය හිඳුනු පසු කපාගත් මිරිස් කැබලි එකතු කර ලිපෙන් බාගන්න.

ප්‍රවීන සූපවේදිනී ලක්ෂ්මි ලොරෙන්සුහේවා

www.dharanee.lk

08/12/2024

වරුවක් අරගෙන මේ ටික කෙරුවොත්
තරුවක් වගේ බබළන්න පුළුවන්

සම්පූර්ණ විස්තරය :
https://dharanee.lk/2024120899890-2/

08/12/2024

හිතේ හයියෙන් කරන වැඩ සාර්ථක කරගන්න
මේ විශ්වය ඕනෑතරම් මාවත් විවර කරලා දෙනවා

සම්පූර්ණ විස්තරය :
https://dharanee.lk/202412080000023-2/

www.dharanee.lk

08/12/2024

ප්‍රශ්නය
මගෙ ආදරණීය සුදු කොමලී
ඔබගේ කොණ්ඩය වාගේමයි බ්‍රොකලී
කම්මුල් නිකම් රතුපාටයි වගේ ලිලී
කටවහ වදිනු එපා දැක මේ කවි පේළී

ඩී.ඩබ්.ජනුජි දිලක්ෂි ද අල්විස්
8 වසර
කහවත්ත මහා විද්‍යාලය

පිළිතුර
දැක්කම පොඩිකමට ලියනා කවි පේළී
දවසක කරගන්න හිතෙනව මගෙ ලේලී

www.dharanee.lk

08/12/2024

මනුස්ස පරාණවලට වැළඳෙනවාය කියන අට අනූවක් රෝග නිට්ටාවටම සුව
කරන්ට පුළුවන් ජගතෙක් ඉන්නවනම් ඉතින් ඒ සිංහල වෙද මහත්තයෙක්ම
තමයි. නම් දරාපු ලොකු දොස්තර මහත්තැන්ලා ගාවට ගිහිල්ලත් සමහර ලෙඩ
සුව කරගන්න බැරිවෙද්දී ඒකනේ සමහරු කියන්නේ ‘නරකද සිංහල බෙහෙත්
ටිකක් බීලා බැලුවොත්’ කියලා. හොරිවිල වෙද පරපුර කියන්නේ අපේ රටේ
ගොඩ වෙදකමට නම් දරාපු එහෙව් වෙද පරපුරක්. මේ පරපුරේ තිස්වැනි
පරම්පරාව තමයි අද වෙද්දී වෙදකමේ නියැලෙන්නේ. ඉතින් ඒ හොරිවිල
වෙදමහත්තයාගෙන් අහලා පුංචි පුංචි ලෙඩවලට අත්බෙහෙත් ගෙදරදීම
හදාගන්න විදිය තමයි අපි මේ කියන්නේ.

ඖෂධීය ගුණයෙන් සහ පෝෂණීය ගුණයෙනුත් අඩුවක් නැති ලොකු පොඩි
කවුරුත් කෑමට ප්‍රියකරන පලතුරක් තමයි නෙල්ලි. ආයුර්වේදය තුළ නෙල්ලි
සැළකෙන්නේ බොහෝමයක් රෝගාබාධ සඳහා දිවඔසුවක් විදියට. ඉතින්
නෙල්ලි පලතුරක් විදියට විතරක් දන්න උදවියට මේ කියන්න හදන්නේ
නෙල්ලිවල තියෙන ඒ දිව්‍යමය ගුණේ ගැන.
(01) ප්‍රධාන ආහාරවේලට පසුව නෙල්ලි ගෙඩි දෙකක් කන්න. තරුණ බව
රැකේ.
(02) ජලයට අමු නෙල්ලි යුෂ මිශ්‍රකොට බීමෙන් ආහාර රුචිය වර්ධනය වේ.
මළ පිටවීමද පහසු කරයි.
(03) ඉක්කා වැටෙන අවස්ථාවල නෙල්ලි යුෂට සහිඳ ලුණු බිංදු කීපයක්
මිශ්‍රකොට බීමෙන් ඉක්කාව නවතියි.
(04) ඇස්වලින් නිතර කබ හා කඳුළු එයි නම් නෙල්ලි කොළ තැම්බූ ජලය
හොඳින් නිවෙන්නට හැර ඇස් වටා තවන්න.
(05) සන්ධි ඉදිමුමට වියළි නෙල්ලි සෝදා රැයක් පෙඟෙන්නට තබා සියුම්ව
අඹරා ආලේප කරන්න.

(06) දත් කැක්කුම සහ මුඛයේ විදුරුමස් ආශ්‍රිතව ඇතිවන රෝග
සුවකරගැනීමට නෙල්ලි තැම්බූ ජලයෙන් කට සෝදන්න.
(07) අකලට හිසකෙස් යනවා නම් අරළු, බුළු, කීකිරිඳිය යුෂට නෙල්ලි යුෂ
එකතු කර හිස ගල්වා පැයකට පසුව හිස සෝදා නාගන්න. මෙම සත්කාරය
සතියට දින 2 - 3ක් කිරීම ප්‍රමාණවත්. එසේම නෙල්ලි, උළුහාල්, කෝමාරිකා
සහ දෙහි තැම්බූ ජලයෙන් සතියට දින 2 - 3ක් හිස සේදීම තවත් විසඳුමකි.
(08) අකලට හිසකෙස් පැසීම වැළැක්වීම ස‍ඳහා අමු නෙල්ලි තැම්බූ ජලයෙන්
හිස සෝදන්න. විනාඩි 30කට පසු නැවත ඇල් ජලයෙන් හිස සෝදන්න. මෙම
සත්කාරය සතියකට දින 2 - 3ක් කිරීම ප්‍රමාණවත්.
(09) නෙල්ලි කොටා යුෂ හිස්කබලේ හා හිසකෙස්වල ගල්වා ඇඟිලි තුඩුවලින්
සම්බාහනය කරන්න. පැයකට පසු හිස සෝදන්න. සතියට දින 2 - 3ක්
කිරීමෙන් හිස්හොරි නැතිවේ.
(10) නෙල්ලි යුෂට දෙහි යුෂ එකතු කර මිශ්‍ර කර හිසේ ගල්වන්න. වියළුණු
පසුව මඳ උණුසුම් ජලයෙන් සෝදන්න. පැයක් පමණ ගිය පසු නාන්න. එයින්
හිසකෙස් ශක්තිමත් වී නිරෝගී වේ.
(11) චර්ම රෝගයක් (සමේ රෝග) ඇතිවූ විට නෙල්ලි සහ කොහොඹ පොතු
වේලා සියුම්ව කුඩුකර ජලය මිශ්‍රකොට ආලේප කරන්න.

මීට අමතරව නෙල්ලි ආහාරයට ගැනීම හේතුවෙන්,
*මතක ශක්තිය වර්ධනය කරයි.
*රුධිරය පිරිසිදු වේ.
*ඇස් පෙනීම වර්ධනය කරයි.
*සම පැහැපත් කරයි.
*චර්ම රෝග ඇතිවීම වළක්වයි.
*මළබද්ධයට ගුණදායකයි.
*හෘද රෝග ඇතිවීම අවම කරයි.
*සිරුරේ ප්‍රතිශක්තිකරණය ඉහළ යයි.

ශාන්ත සෙනෙවිරත්න වෙදමහතා

හොරිවිල වෙද මැදුර
රුවන් එස්.සෙනවිරත්න

www.dharanee.lk

08/12/2024

පැරණි ඇදහිලි සහ විශ්වාස කුණු කුඩේට දාන්න හිතෙනවාද ?

www.dharanee.lk

08/12/2024

මේක දුවලා ඉන්න අම්මලා වගේම දුවලත් බලන්නම ඕන කතාවක්
‘ඉතිං ඊට පස්සෙ’ කැලුම් මෙන්න R.A.T අරගෙන ඇවිත්

සම්පූර්ණ විස්තරය :
https://dharanee.lk/2024120809890-2/

www.dharanee.lk

08/12/2024

ප්‍රශ්නය
හවසට මම දුරකතනෙන් හැමදා බණ අහනවා
ගමේ සෙනඟ එකතුවෙලා මල් පූජා තියනවා
පන්සල වෙත නොගියට මට සැනසීමක් තියෙනවා
කොමලිගෙ අදහස කොහොමද කියලා මට හිතෙනවා

ඩී.ඩී.විජේතුංග
හොරපේ, රාගම

පිළිතුර
පන්සල් ගිහින් ගහන එකට වඩා ගජේ
ගෙදර ඉඳන් බණ අහනෙක හොඳයි විජේ

www.dharanee.lk

08/12/2024

සමහරු හිතාගෙන ඉන්නේ මට සිංහල බෑ කියලා
සිංහලෙන් කතා කරද්දි එයාලා පුදුම වෙනවා
අකීරා හානිම් අල් ඩකාක්

සම්පූර්ණ විස්තරය :
https://dharanee.lk/0812202499900/

Address

Liberty Publishers Private Limited, No/91, Wijerama Mawatha, Colombo 07
Colombo
01000

Website

http://dharanee.lk/

Alerts

Be the first to know and let us send you an email when Dharanee - ධරණී posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dharanee - ධරණී:

Videos

Dharanee - ධරණී සිත් දිනූ සිව් වසක අභිමානය අද දෙරණ 24 නාලිකාවේ පුවත් ඇසින්

Dharanee - ධරණී සිත් දිනූ සිව් වසක් සතුටින් ජීවිතය දරන්නියන්ගේ සිව් වසරක උත්කර්ෂය සිව් වසරක ධරණී අභිමානය අද දෙරණ 24 නාලිකාවේ පුවත් ඇසින් #Dharanee #Dharaneedigital #Newspaper #Womanmagazine #sithdinusiwwasakdharaneeliveinconcert #viharamahadeviopenairtheatre #LiveMusic #4anniversarycelebration #Adaderana24 #News #Thankyouall

ධර්ණී Live in Concert

Live In Concert ආරම්භයට තවත් සුලු මොහොතයි!

Dharanee - ධරණී සිත් දිනූ සිව් වසක් සතුටින් ජීවිතය දරන්නියන්ගේ සිව් වසරක උත්කර්ෂය ජනප්‍රිය ගී තරු පිරිවරා Ravi Royster jr සමඟින් Rataa - සංගීතයට Dharanee - ධරණී Live In Concert ආරම්භයට තවත් සුලු මොහොතයි එහෙනම්.ඉතින් ඔබත් දැන් ම එන්න ඔබත් විහාර මහා දේවි එළිමහන් රංග පීඨයට ධරණි Live in Concert සම්පූර්ණයෙන් ම නොමිලේ #DharaneeDigital #Dharanee #sithdinusiwwasakdharaneeliveinconcert #viharamahadeviopenairtheatre #LiveMusic #4anniversary #rataaband #raviroyster

සුන්දර හැඩකාර තරුණියන් රැසක් අතුරින් සතුටින් ජිවිතය දරන සිත් දිනු සිව් වසක හැඩකාර කටකාර මෙවර අභිසෙස් ලැබූ ධරණී කුමරිය ඇයයි - ඉසුරි නිමන්තරා ධරනී කුමරිය දෙවන ස්ථානය - ධසුනිකා නිර්මාණි ධරනී කුමරිය තුන්වන ස්ථානය - ඉරුනි අප්සරා ධරණී ජනප්‍රියම කුමරිය - අරුනි නිකේශලා #Dharanee #DharaneeDigital #newspaper #sithdinusiwwasakdharaneeliveinconcert #viharamahadeviopenairtheatre #LiveMusic #4anniversary #dharaneekumariya

ධරණී සිත් දිනූ සිව්වසක්

සිත් දිනු සිව් වසක හැඩකාර ධරණිය ධරණී කුමරිය 2024 ?

සිත් දිනූ සිව් වසක්

ධරණී සිත් දිනූ සිව් වසක්

ධරණී සිත් දිනූ සිව්වසක්

සිත් දිනූ සිව් වසක් - Live streaming…

සිත් දිනූ සිව් වසක සංගීත රස පෙරළිය සතුටින් ජීවිතය දරන්නී Dharanee - ධරණී Live In Concert Rataa බෑන්ඩ් එකත් එක්ක Raween Kanishka ත් එනවා. 2024 දෙසැම්බර් මස 07 වැනිද හවසට විහාර මහා දේවී එලිමහන් රංග පීඨයට ඔයාලත් එන්න ඇතුල්වීම නොමිලේ ------------------- #DharaneeDigital #Dharanee #newspaper #sithdinusiwwasakdharaneeliveinconcert #viharamahadeviopenairtheatre #LiveMusic #raweenkanishka #rataaband