12/01/2025
🤬
අමුතු හොරු...
මේ මිනිහා අද හවස මගෙ කාර් එකට පැන්නා..මල්ලැහැවත් පස්යාලත් අතර ප්‍රධාන මාර්ගයේදී , හවස 2.00 ට විතර..ඉස්සරහින් ආවෙත් නෑ..ඒත්" දඩස්" ගාලා පැති කන්නාඩියේ වැදුනා..පැත්තෙන් හැංගිලා ඉදලා කාර් එකට පැන්නා වගේ.මම වාහනේ නවත්තලා බැහැලා ගිහින් බලනකොට කටේ ලේ වැක්කෙරෙනව..අතේ පොඩි ලේ පැල්ලමක් තිබුනා..අතේ පොඩිවෙච්ච කමිස දෙක තුනක් තිබුනු කළුපාට ටියුලිප් කවරයක්..
ඇත්තමයි මම බය උනා..මිනිහා අමාරුවෙන් නැගිට්ටා වේදනාවෙන් කෙදිරි ගෑවා...මම කිව්වා බේත් දාගන්න යමු කියල ..කට හෝදන්න වතුර දුන්නත් ඒකට උනන්දුවක් තිබුනෙ නෑ..
කාර් එකේ ඉස්සර සීට් එකේ වාඩි කරගෙන පස්‍යාල පැත්තට මම යනකොට මේකා ලේ හලනව කටින්..එතකොට මම කාර් එක නවත්තලා කට පෙන්නන්න කිව්වා..මේ මිනිහා මම කට අල්ලනකොටම හයියෙන් කෑ ගැහුවා..රිදෙනව කියල ..මට ටිකක් සැක හිතුනා..මේක කියනව පොලිසි යමු..නැත්නම් ඉස්පිරිතාලෙ යමු කියල .කුලීවැඩ කරන්නෙ කිව්වා..පස්‍යාලෙ කිරිදිවැල පාරෙ ගෙවල් තියෙන්නෙ කිව්වා..
මම කිව්වා බේත් දාගන්න සල්ලි දෙන්නම් බේත් දාගන්න කියල ..එතකොට මූ කෑ ගහලා මට සද්දෙ දාල කිව්වා සල්ලි එපා ..මට සාධාරණයක් කරන්න කියල ..
Fb එකේදි දැක්ක දෙයක් අනුව මෙහෙම හොරෙක් ඉන්නව කියල මට මතක් උනේ එතකොට . ඒත් මට මේ මිනිහමයි ඒ කියල තහවුරු කරගන්න තරම් මූන මතකයක් තිබුනෙ නෑ...මාත් ඌට සද්දෙ දාලා කිව්වා..රුපියල් දාහක් දෙන්නම් බේත් දාගන්න කියල ..මේක කියනව සල්ලි එපා පස්‍යාලෙ හන්දියට ගිහින් ඩිස්පෙන්සරියට යමු කියල ..මම කිව්වා මෙතනින් බැහැලා යන්න..(හන්දියට මීටර් 100 ක් ඇති එතකොට )
මූ බෑම කියනව.. face book කතාව මම කියනකොට ම මූ කලබල උනා..මම කිව්වා උඹ කාර් එකෙන් ඇදලා දාන්නද ? නැත්නම් බහිනවද කියල ..එතකොට පාඩුවේ බැස්සා..මම සල්ලි දුන්නා.ඊට පස්සෙ පොටෝ එකකුත් ගහගත්තා..
උගෙ අතේ තියෙන්නෙ මම දුන්න රුපියල් දාහ..
මේක පල් හොරෙක්..මුගෙ බෑග් එකේ තියෙන්නෙ ගඩොල් බාගයක්ලු..ඒකෙන් කාර් එකේ පැති කන්නාඩිය ට ගහනවලු.එතකොට ලොකු සද්දයක් එනවනෙ..රියදුරු බය වෙනව..මේ මිනිහා බොරුවට වැටෙනව..කටේ තීන්ත හරි බුලත් කෙල හරි පුරවන් ඉන්නෙ..( මේ විස්තර මට කිව්වෙ යාලුවෙක්)
ගම්පහ පැත්තෙ තමා ගොඩක් මේක වෙලා තියෙන්නෙ ..දැන් මීරිගම කිට්ටුවට ඇවිත්..මේ මිනිහට අහුවෙන්න එපා..පොලිසියට බාර දෙන්න..නැත්නම් මූට හොදට නෙලන්න..
මම ඇත්තටම බය උන නිසා සහ මනුස්සකම නිසා තමා වාහනයට දා ගත්තෙ..මේ පෝස්ට් එක ලියන්න කලින් කීප දෙනෙකුගෙන්ම අහලා මේ මිනිහමයි කියල තහවුරු කර ගත්තට පස්සෙ තමයි මේක ලිව්වෙ..
ජීවිතේ ගැට ගහ ගන්න උනත් මේ වගේ වැඩ කරන එවුන් නම් සාපයක්.මොකද උන් අවභාවිතා කරන්නෙ තවත් මනුස්සයෙක් ගෙ මනුස්සකම ..
ඉරංග පතිරණ
