A newspaper is a publication printed on paper and issued regularly, usually once a day or once a wee
25/04/2025
ممثل على كل افتتاح... وين الأدوار؟!
بقلم/// بول ابو حيدر
صار في ظاهرة ملفتة بالنشاطات الاجتماعية والفنية مؤخراً: ممثل معروف جداً، كان له مكانته وشعبيته، لكنه اليوم عم يطلّ علينا بكل افتتاح محل، من المطاعم لمعارض الألبسة وحتى مراكز التجميل!
هالشي لو كان بين فترة وفترة ممكن يُعتبر دعم أو مجاملة، بس لما يتحول لروتين دائم، بيصير السؤال مطروح: "وين التمثيل؟"
هل فعلاً ما عاد في أدوار؟ ولا التواجد الإعلامي صار هدف بحد ذاته؟
الملفت إنه صاير موجود أكتر من الإعلاميين، وأكتر من الصحفيين والمصورين... بيظهر على كل منصة وكل كاميرا، كأنه عم يعوّض عن غياب الشاشة بـ"شوية فلاشات". طيب إذا الفن مشغول عنه، فينضم للفريق الإعلامي، يلقط كاميرا ويصير يغطي هو بنفسه طالما موجود دايمًا!
الشهرة مش بعدد الصور، بل بقيمة الدور وتأثيره...
والممثل الحقيقي بيبقى نجم ولو غاب، أما تكرار الظهور بدون محتوى فني
، فبيخلي الجمهور ينسى ليش حبّك من الأساس.
