ສະຫະພັນກຳມະບານແຂວງຊຽງຂວາງ Xiengkhouang Federation of Trade Union

13/01/2025

ກົມຂ່າວສານ, ສູນກາງສະຫະພັນກຳມະບານລາວລົງເຄື່ອນໄຫວ ແລະ ເຮັດວຽກຢູ່ແຂວງຊຽງຂວາງ

10/01/2025

ກົມຂ່າວສານ, ສູນກາງສະຫະພັນກຳມະບານລາວລົງເຄື່ອນໄຫວ ແລະ ເຮັດວຽກຢູ່ແຂວງຊຽງຂວາງ
---------------------
ໃນລະຫວ່າງວັນທີ 08-09 ມັງກອນ 2025 ນີ້ ສະຫະພັນກຳມະບານແຂວງຊຽງຂວາງໄດ້ຕ້ອນຮັບຄະນະທີມງານກົມຂ່າວສານ, ສູນກາງສະຫະພັນກໍາມະບານລາວ ເຊິ່ງນຳໂດຍ ທ່ານ ນາງ ພອນປະເສີດ ກິ່ງວົງສາ ຫົວໜ້າກົມຂ່າວສານ, ສູນກາງສະຫະພັນກໍາມະບານລາວ ເປັນກຽດຕ້ອນຮັບໂດຍ ທ່ານ ພູວອນ ສີຄໍາອອນ ກຳມະການພັກແຂວງ, ກໍາມະການຄະນະບໍລິຫານງານສູນກາງກຳມະບານລາວ, ປະທານສະຫະພັນກຳມະບານແຂວງຊຽງຂວາງ, ມີຮອງປະທານ, ຫົວໜ້າຂະແໜງ-ຮອງຂະແໜງໂຄສະນາອົບຮົມ ແລະ ຂ່າວສານ ສະຫະພັນກໍາມະບານແຂວງ ເຂົ້າຮ່ວມ.
ຈຸດປະສົງໃນການລົງມາເຄື່ອນໄຫວ, ເຮັດວຽກໃນຄັ້ງນີ້ແມ່ນເພື່ອເປັນການລົງຊຸກຍູ້ຕິດຕາມການຈັດຕັ້ງປະຕິບັດວຽກງານຂ່າວສານຂອງ ສະຫະພັນກໍາມະບານແຂວງໃນຂອບເຂດທົ່ວປະເທດ ທັງເປັນການຍົກສູງຄຸນນະພາບວຽກງານຂ່າວສານໃນແຕ່ລະຂັ້ນ ນັບແຕ່ຂັ້ນສູນກາງລົງສູ່ທ້ອງຖິ່ນໃຫ້ດີຂຶ້ນເທື່ອລະກ້າວ. ໃນນັ້ນໄດ້ຮັບຟັງການລາຍງານການເຄື່ອນໄຫວວຽກງານກຳມະບານໃນໄລຍະຜ່ານມາ ຂອງສະຫະພັນກຳມະບານແຂວງຊຽງຂວາງ ແລະ ການກະກຽມກອງປະຊຸມໃຫຍ່ ຈາກທ່ານ ທ່ານ ພູວອນ ສີຄໍາອອນ ປະທານສະຫະພັນກຳມະບານແຂວງຊຽງຂວາງ, ພ້ອມທັງຮັບຟັງຜົນສຳເລັດໃນການຈັດຕັ້ງປະຕິບັດວຽກງານຂ່າວສານຂອງສະຫະພັນກຳມະບານແຂວງໃນໄລຍະຜ່ານມາ ແລະ ທິດແຜນການໃນຕໍ່ໜ້າ ຈາກທ່ານ ນາງ ໄພວັນ ພົງພະຈັນ ຫົວໜ້າຂະແໜງໂຄສະນາອົບຮົມ ແລະ ຂ່າວສານ ເຊິ່ງມີທັງຂໍ້ສະດວກ, ຂໍ້ຫຍຸ້ງຍາກທີ່ຈະຕ້ອງໄດ້ປັບປຸງແກ້ໄຂ ເພື່ອພັດທະນາວຽກງານຂ່າວສານຂອງສະຫະພັນກຳມະບານແຂວງຊຽງຂວາງໃຫ້ມີຄວາມເຂັ້ມແຂງຂຶ້ນໄປເລື້ອຍໆ.
ໃນໂອກາດເຄື່ອນໄຫວຊຸກຍູ້ວຽກງານຂ່າວສານໃນຄັ້ງນີ້ ຄະນະທີມງານກົມຂ່າວສານ, ສູນກາງສະຫະພັນກໍາມະບານລາວ ຍັງໄດ້ເຄື່ອນໄຫວສຳພາດຄະນະປະຈຳພັກແຂວງ ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ ແລະ ສະຫະພັນກຳມະບານ, ກຳມະບານຮາກຖານດີເດັ່ນ, ກຸ່ມການຜະລິດກະສິກໍາອິນຊີເມືອງແປກ, ກຸ່ມ ປູກຊາ, ກຸ່ມລ້ຽງເຜີ້ງ ຢູ່ບ້ານບ້ານໂພສີ, ເມືອງແປກ ແລະ ກຸ່ມປູກກາເຟແກ່ວແສດ, ເມືອງຄູນ ຕື່ມອີກ
ພາບ+ຂ່າວ: ປະສິດທິໄຊ ພິລາວົງ

08/01/2025

02/01/2025

30/12/2024

ກອງປະຊຸມຄົບຄະນະບໍລິຫານສະຫະພັນກໍາມະບານເມືອງພູກູດ ຄັ້ງທີ 2 ສະໄໝທີ VI
------------------------
ໃນວັນທີ 26 ທັນວາ 2024 ນີ້ ສະຫະພັນກໍາມະບານເມືອງພູກູດ ໄດ້ເປີດກອງປະຊຸມຄົບຄະນະບໍລິຫານງານສະຫະພັນກໍາມະບານເມືອງພູກູດ ຄັ້ງທີ 2 ສະໄໝທີ VI ຂຶ້ນຢູ່ທີ່ຫ້ອງປະຊຸມຫ້ອງວ່າການເມືອງພູກູດ ໂດຍການເປັນປະທານຂອງ ທ່ານ ເພັດດວງສີ ສຸລິພົນ ກຳມະການພັກເມືອງ, ປະທານຄະນະບໍລິຫານງານສະຫະພັນກໍາມະບານເມືອງພູກູດ, ເປັນກຽດເຂົ້າຮ່ວມຂອງ ທ່ານ ຫຼ້າວັນທອງ ກອງມະນີ ຄະນະປະຈຳພັກເມືອງ, ປະທານແນວລາວສ້າງຊາດເມືອງ, ຜູ້ຊີ້ນໍາອົງການຈັດຕັ້ງມະຫາຊົນຂັ້ນເມືອງ, ມີ ທ່ານ ທອງສາ ເທບມີມາ ຮອງປະທານຄະນະບໍລິຫານງານສະຫະພັນກໍາມະບານແຂວງ ແລະ ບັນດາຄະນະບໍລິຫານງານສະຫະພັນກໍາມະບານເມືອງພູກດ ສະໄໝທີ VI ເຂັ້າຮ່ວມ.
ໃນກອງປະຊຸມໄດ້ຮັບຟັງບົດລາຍງານການຈັດຕັ້ງປະຕິບັດວຽກງານກໍາມະບານໃນໄລຍະ 1 ປີ ທີ່ຜ່ານມາ ຈາກ ທ່ານ ເພັດດວງສີ ສຸລິພົນ ກຳມະການພັກເມືອງ, ປະທານຄະນະບໍລິຫານງານສະຫະພັນກໍາມະບານເມືອງພູກູດ ເຊິ່ງໃນໄລຍະທີ່ຜ່ານມາ ສະຫະພັນກໍາມະບານແຕ່ລະຂັ້ນພາຍໃນເມືອງໄດ້ຖືເອົາວຽກງານການສຶກສາອົບຮົມການເມືອງແນວຄິດ ເປັນບັນຫາຕົ້ນຕໍ່ໃຫ້ກັບສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງໃນຂອບເຂດຕົນຮັບຜິດຊອບ ເພື່ອໃຫ້ສະມາຊິກຂອງຕົນເຊື່ອຫມັ້ນຕໍ່ແນວທາງ, ມີສະຕິຕື່ນຕົວ, ມີຄວາມອຸ່ນອຽນທຸ່ນທ່ຽງ, ມີແບບແຜນໃນການເຮັດວຽກ, ຮັກແພງຫມູ່ເພື່ອນສະຫາຍ, ຊອກຮູ້ຮໍ່າຮຽນຍົກສູງຄວາມຮູ້ຄວາມສາມາດ ແລະ ຍຶດຫມັ້ນຕໍ່ອຸດົມການ ເຊິ່ງເຮັດໃຫ້ສາມາດຍາດໄດ້ຜົນງານຫຼາຍດ້ານເປັນຕົ້ນແມ່ນ ວຽກງານຈັດຕັ້ງ ໄດ້ສໍາເລັດ ກອງປະຊຸມໃຫຍ່ຜູ້ແທນສະຫະພັນກໍາມະບານເມືອງຄັ້ງທີ VI ແລະ ໄດ້ສໍາເລັດການລົງປັບປຸງກອງປະຊຸມໃຫຍ່ສະມາຊິກກໍາມະບານຮາກຖານພາຍໃນເມືອງໄດ້ 46 ຮາກຖານ. ປະກາດຍຸບກໍາມະບານຮາກຖານໄດ້ 3 ກໍາມະບານຮາກຖານ. ຂະຫຍາຍກໍາມະບານຮາກຖານໄດ້ 5 ກໍາມະບານຮາກຖານ; ວຽກງານໂຄສະນາ - ອົບຮົມ ແລະ ຂ່າວສານ ໄດ້ຈັດພິທີປາຖະກະຖາວັນສ້າງຕັ້ງສະຫະພັນກໍາມະບານລາວຄົບຮອບ 68 ປີ ແລະ ວັນກໍາມະກອນສາກົນສາກົນ ຄົບຮອບ 138 ປີ ໄດ້ 2 ຄັ້ງ ມີຜູ້ເຂົ້າຮ່ວມທັງຫມົດ 211 ເທື່ອຄົນ, ຍິງ 119 ເທື່ອຄົນ. ເກັບກໍາຂຽນຂ່າວການເຄື່ອນໄຫວວຽກງານກໍາມະບານຢູ່ພາຍໃນເມືອງໄດ້ 15 ຂ່າວ; ວຽກງານຂະບວນການ ໄດ້ສ້າງຂະບວນການອອກແຮງງານເກັບຂີ້ເຫຍື້ອຕາມແຄມທາງອະນາໄມບົວລະບັດສວນດອກໄມ້ອະນຸສອນສະ ຖານປະທານໄກສອນ ພົມວິຫານ, ຖາງປ່າແຄມທາງຂຶ້ນພູກູດ ເພື່ອຮັບຕ້ອນວັນ ວັນສໍາຄັນຕ່າງໆຂອງພັກ-ຂອງຊາດຂອງບັນດາອົງການຈັດຕັ້ງຕ່າງໆໄດ້ 15 ຄັ້ງ. ໄດ້ມອບໃບຍ້ອງຍໍໃຫ້ສະມາຊິກກໍາມະບານທີ່ມີຜົນງານດີເດັ່ນໃນການເຄື່ອນໄຫວວຽກງານກໍາມະບານໃນໄລຍະ 5 ປີເຊິ່ງໄດ້ຮັບໃບຍ້ອງຍໍຂັ້ນແຂວງຈໍານວນ 165 ສະຫາຍ, ຂັ້ນເມືອງໄດ້ຈໍານວນ 340 ສະຫາຍ; ວຽກງານກວດກາ ໄດ້ກວດກາການມອບ ເງິນບໍາລຸງກໍາມະບານ ແລະ ການມອບເງິນກອງທຶນຊ່ວຍເຫຼືອເຊິ່ງກັນ ແລະ ກັນຖືກຕ້ອງ ຕາມກົດລະບຽບກໍາມະບານ ແລະ ກົດລະບຽບກອງທຶນວາງອອກ. ຈາກນັ້ນຍັງໄດ້ຜ່ານມະຕິຕົກລົງຂອງສະຫະພັນກໍາມະບານເມືອງພູກູດ ສະບັບເລກທີ 215, ລົງວັນທີ 26 ທັນວາ 2024 ວ່າດ້ວຍການແບ່ງຄວາມຮັບຜິດຊອບໃຫ້ຄະນະບໍລິຫານງານສະຫະພັນກໍາມະບານເມືອງສະໄໝທີ VI, ເພື່ອເປັນການຍົກສູງການນໍາພາ-ຊີ້ນໍາວຽດງານກໍາມະບານຮອບດ້ານໃນທົ່ວເມືອງຮັບປະກັນແບບແຜນວິທີເຮັດວຽກ ແລະ ມີຄວາມຮັບຜິດຊອບສູງຂອງບັນດາສະຫາຍຄະນະບໍລິຫານງານສະຫະພັນກໍາມະບານເມືອງສະໄໝທີ VI.
ໃນຕອນທ້າຍໄດ້ຮັບຟັງການໂອ້ລົມຈາກ ທ່ານຄະນະປະຈຳພັກເມືອງ ແລະ ຮອງປະທານຄະນະບໍລິຫານງານສະຫະພັນກໍາມະບານແຂວງ ເຊິ່ງທັງສອງທ່ານໄດ້ເນັ້ນໜັກໃຫ້ບັນດາຄະນະບໍລິຫານງານທຸກສະຫາຍເອົາໃຈໃສ່ສຶກສາອົບຮົມສະມາຊິກກຳມະບານທີ່ຢູ່ໃນຄວາມຮັບຜິດຊອບຂອງຕົນໃຫ້ເປັນປົກກະຕິ, ເຮັດວຽກໃຫ້ລວມສູນປະຊາທິປະໄຕ ແລະ ນໍາເອົາມະຕິມະຕິຕົກລົງວ່າດ້ວຍການແບ່ງຄວາມຮັບຜິດຊອບໃຫ້ຄະນະບໍລິຫານງານສະຫະພັນກໍາມະບານເມືອງສະໄໝທີ VI ເປັນບ່ອນອີງໃນການຈັດຕັ້ງປະຕິບັດວຽກງານໃຫ້ສຳເລັດຕາມລະດັບຄາດໝາຍ ແລະ ມີປະສິດທິພາບສູງ.
ພາບ+ຂ່າວ: ປະສິດທິໄຊ ພິລາວົງ

30/12/2024

ກອງປະຊຸມຄົບຄະນະບໍລິຫານສະຫະພັນກໍາມະບານເມືອງພູກູດ ຄັ້ງທີ 2 ສະໄໝທີ VI
-----------------------------------

30/12/2024

ກອງປະຊຸມໃຫຍ່ ຄັ້ງທີ lll ຂອງສະຫະພັນກຳມະບານ ພະແນກສຶກສາທິການ ແລະ ກິລາແຂວງ
--------------
ໃນວັນທີ 27 ທັນວາ 2024 ນີ້ ພະແນກສຶກສາທິການ ແລະ ກິລາ ແຂວງຊຽງຂວາງ ໄດ້ຈັດກອງປະຊຸມໃຫຍ່ ຄັ້ງທີ lll ສະຫະພັນກຳມະບານພະແນກສຶກສາທິການ ແລະ ກິລາ ຂື້ນຢ່າງເປັນທາງການ ຢູ່ທີ່ຫ້ອງປະຊຸມຂອງພະແນກ, ພາຍໃຕ້ການເປັນປະທານ ຂອງ ທ່ານ ອ່ອນສີ ແກ້ວພັກດີ ຄະນະບໍລິຫານງານສະຫະພັນກຳມະບານແຂວງ, ປະທານສະຫະພັນກຳມະບານພະແນກສຶກສາທິການ ແລະ ກິລາແຂວງ ເປັນກຽດເຂົ້າຮ່ວມກອງຂອງ ທ່ານ ບຸນເລື່ອນ ວັນນາຮັກ ກຳມະການພັກແຂວງ, ເລຂາຄະນະພັກຮາກຖານ ຫົວໜ້າພະແນກສຶກສາທິການ ແລະ ກິລາແຂວງ, ມີ ທ່ານ ສາຍຄຳ ສໍບຸດສຸວົງ ຮອງປະທານຄະນະບໍລິຫານງານສະຫະພັນກຳມະບານແຂວງ ມີຄະນະພັກ, ຄະນະພະແນກສຶກສາທິການ ແລະ ກິລາ ແຂວງຊຽງຂວາງ, ມີຜູ້ຕາງໜ້າຮາກຖານກຳມະບານທີ່ຂຶ້ນກັບ ພ້ອມດ້ວຍແຂກຖືກເຊີນ ເຂົ້າຮ່ວມ.
ໃນພີທີ ທ່ານ ນາງ ດາວອນ ເດດວົງສອນ ໄດ້ຂຶ້ນຜ່ານບົດລາຍງານການເມືອງທັງສອງພາກ ໃນໄລຍະ 5 ປີ ແຕ່ປີ 2020-2024 ແລະ ທິດທາງແຜນການ, ຄາດໝາຍສູ້ຊົນ ແຕ່ 2025-2029 ໃນນີ້ລະບົບການຈັດຕັ້ງຂອງສະຫະພັນກຳມະບານພະແນກສຶກສາທິການ ແລະ ກິລາແຂວງ ໄດ້ປັບປຸງໃຫ້ມີຄວາມເຂັ້ມແຂງ, ສອດຄ່ອງຕາມລະບຽບຂອງສູນກາງກຳມະບານລາວວາງອອກເຊິ່ງ ປະກອບມີ 7 ກຳມະບານຮາກຖານທີ່ຂຶ້ນກັບ, ມີສະມາຊິກກໍາມະບານທັງໝົດ 272 ສະຫາຍ, ຍິງ 138 ສະຫາຍ, ມີຄະນະສະຫະພັນກໍາມະບານ 9 ສະຫາຍ, ຍິງ 5 ສະຫາຍ ໃນນີ້ມີ 1 ສະຫາຍເປັນຄະນະບໍລະຫານງານສະຫະພັນກຳມະບານແຂວງ. ສະຫະພັນກຳມະບານພະແນກສຶກສາທິການ ແລະ ກິລາ ໄດ້ມີການດໍາເນີນຊີວິດການເມືອງພາຍໃຕ້ການຊີ້ນໍາ-ນໍາພາຂອງຄະນະພັກ-ຄະນະພະແນກ, ການປະຕິບັດໜ້າທີ່ວິຊາສະເພາະບໍລິຫານ-ຄຸ້ມຄອງວຽກງານຂະແໜງການສຶກສາ ແລະ ກິລາ, ເຮັດໜ້າທີ່ ປົກປ້ອງສິດຜົນປະໂຫຍດອັນຊອບທໍາໃຫ້ແກ່ພະນັກງານຄູ-ອາຈານສອນ ກໍ່ຄືສະມາຊິກກຳມະບານທີ່ຂຶ້ນກັບຄວາມ ຮັບຜິດຊອບຂອງຕົນ. ນອກຈາກນັ້ນຄະນະສະຫະພັນກຳມະບານພະແນກສຶກສາທິການ ແລະ ກິລາ ແຂວງຊຽງຂວາງ ໄດ້ເອົາໃຈໃສ່ຊີ້ນໍາ-ນໍາພາວຽກວິຊາສະເພາະ, ວິຊາການຢູ່ບັນດາຂະແໜງ, ຫ້ອງການສຶກສາທິການ ແລະ ກິລາເມືອງ ແລະ ໂຮງຮຽນໃນການຈັດຕັ້ງປະຕິບັດແຜນພັດທະນາການສຶກສາ ແລະ ກິລາ ທີ່ກະຊວງສຶກສາທິການ ແລະ ກິລາ ກຳນົດອອກ ກໍ່ຄືແຜນຂອງພະແນກສຶກສາທິການ ແລະ ກິລາແຂວງ, ຂອງເມືອງ ແລະ ໂຮງຮຽນວາງອອກ ໂດຍແນ່ໃສ່ຄຳຂວັນທີ່ວ່າ: ສອນດີ-ຮຽນເກັ່ງໃຫ້ປະກົດຜົນເປັນຈິງ ຕິດພັນກັບການປະຕິບັດເນື້ອໃນຄໍາຂວັນ 5 ເປັນເຈົ້າ ຕິດພັນກັບວຽກງານຂະບວນການແຂ່ງຂັນຮັກຊາດ ແລະ ພັດທະນາ, ຂະບວນການກໍ່ສ້າງ ໜ່ວຍພັກປອດໃສ, ເຂັ້ມແຂງ ໜັກແໜ້ນ ເຊິ່ງເຮັດໃຫ້ແຕ່ລະກຳມະບານຮາກຖານສາມາດຍາດໄດ້ ຮັບໃບຢັ້ງຢືນກຳມະບານຮາກຖານດີເດັ່ນ 5 ເປັນເຈົ້າ 7 ກຳມະບານຮາກຖານ, ມີສະມາຊິກທີ່ດີເດັ່ນ ແລະ ສະເໜີຂໍການຍ້ອງຍໍຫຼຽນກຳມະບານ 29 ສະຫາຍ ຍິງ 13 ສະຫາຍ, ຍ້ອງຍໍສູນກາງກຳມະບານລາວ 201 ສະຫາຍ ຍີງ 104 ສະຫາຍ ແລະ ຍ້ອງຍໍສະຫະພັນກຳມະບານແຂວງ ມີ 44 ສະຫາຍ ຍີງ 17 ສະຫາຍ. ໃນກອງປະຊຸມຍັງໄດ້ມອບໃບຍ້ອງຍໍ 5 ເປັນເຈົ້າ, ມອບໃບຍ້ອງຍໍໃຫ້ບຸກຄົນ ທີ່ມີຜົນງານດີເດັ່ນຈາກສະຫະພັນກຳມະບານຂັ້ນແຂວງ ແລະ ຂັ້ນສູນກາງພ້ອມທັງມອບນາມມະຍົດ, ລັ່ນຄ້ອງ ແລະ ເປີດປ້າຍນາມມະຍົດ 5 ເປັນເຈົ້າຕື່ມອີກ. ຈາກນັ້ນ ກອງປະຊຸມໄດ້ດຳເນີນການປ່ອນບັດຄັດເລືອກເອົາຄະນະສະຫະພັນກຳມະບານຊຸດໃໝ່, ເຊີ່ງມີຜູ້ສະໝັກ 11 ສະຫາຍ, ເລືອກເອົາ 9 ສະຫາຍ, ກອງປະຊຸມໄດ້ຕົກລົງແຕ່ງຕັ້ງ ສະຫາຍ ອອ່ນສີ ແກ້ວພັກດີ ເປັນປະທານສະຫະພັນກຳມະບານ ພະແນກສຶກສາທິການ ແລະ ກິລາ ແຂວງຊຽງຂວາງ, ສະຫາຍ ພຸດທະວັນ ມະນີວົງ ເປັນຮອງປະທານ ແລະ ແຕ່ງຕັ້ງ 6 ສະຫາຍ ເປັນຄະນະພ້ອມນີ້ ຍັງໄດ້ແຕ່ງຕັ້ງ ປະທານ ແລະ ຮອງປະທານກວດກາ ແລະ ຄະນະຕື່ມອີກ.
ໂອກາດດັ່ງກ່າວ ສະຫາຍ ສາຍຄຳ ສໍບຸດສຸວົງ ຮອງປະທານສະຫະພັນກຳມະບານ ແຂວງຊຽງຂວາງ ໄດ້ໂອ້ລົມຕໍ່ກອງປະຊຸມເຊິ່ງສະຫາຍໄດ້ຍ້ອງຍໍຊົມເຊີຍຕໍ່ຄະນະສະຫະພັນກຳມະບານພະແນກສຶກສາທິການ ແລະ ກິລາຊຸດເກົ່າທີ່ໄດ້ຊີ້ນຳ - ນຳພາພະນັກງານ, ສະມາຊິກຳມະບານປະຕິບັດໜ້າທີ່ການເມືອງ ແລະ ຍາດໄດ້ຜົນສຳເລັດໃນຫລາຍດ້ານພ້ອມດຽວກັນນີ້ສະຫາຍໄດ້ເນັ້ນໃຫ້ສະຫະພັນກຳມະບານພະແນກສຶສາທິການ ແລະ ກິລາຊຸດໃໝ່ຈົ່ງເຊີດຊູສະຕິປັນຍາ ແລະ ຄວາມຮັບຜິດຊອບຕໍ່ຫນ້າທີ່ວຽກງານໃນທຸກດ້ານຂອງຂົງເຂດການສຶກສາເພື່ອສ້າງໃຫ້ຊັບພະຍາກອນມະນຸດໄດ້ຮັບຄຸນນະພາບທີ່ດີ , ເພີ່ມທະວີວຽກງານສຶກສາອົບຮົມດ້ານການເມືອງແນວຄິດໃນທົ່ວສະຫະພັນກຳມະບານ ເຕົ້າໂຮມຄວາມສາມັກຄີພາຍໃນພາຍນອກໃຫ້ກວ້າງຂວາງ , ພ້ອມກັນຈັດຕັ້ງປະຕິບັດວຽກງານແບ່ງວຽກໃຫ້ໄປຕາມແຜນທີ່ວາງໄວ້ໃຫ້ບັນລຸຄາດໝາຍທີ່ວາງໄວ້.
ພາບ+ຂ່າວ: ປະສິດທິໄຊ ພິລາວົງ

25/12/2024

ກອງປະຊຸມທົບທວນປະຈຳປີ 2024 ແລະ ວາງແຜນປະຈຳປີ 2025 ຂອງໂຄງການປົກປ້ອງທາງສັງຄົມ ແລະ ສິດທິແຮງງານ ໃນຂະແໜງກະສິກຳອາຫານ ຂອງ ສປປ ລາວ

25/12/2024

ກອງປະຊຸມທົບທວນປະຈຳປີ 2024 ແລະ ວາງແຜນປະຈຳປີ 2025 ຂອງໂຄງການປົກປ້ອງທາງສັງຄົມ ແລະ ສິດທິແຮງງານ ໃນຂະແໜງກະສິກຳອາຫານ ຂອງ ສປປ ລາວ
----------
ໃນວັນທີ 24 ທັນວາ 2024 ນີ້ ຢູ່ທີ່ຫ້ອງປະຊຸມສະ​ຫະ​ພັນແມ່ຍິງແຂວງ, ສະຫະພັນກໍາມະບານແຂວງຊຽງຂວາງຮ່ວມກັບສະມາຄົມຮ່ວມໃຈອາສາສະໝັກ-ພັນຖິ່ນ ແລະ ສະມາຄົມສົ່ງເສີມການພັດທະນາສັງຄົມຊາວຊົນນະບົດ ໄດ້ຈັດກອງປະຊຸມທົບທວນປະຈຳປີ 2024 ແລະ ວາງແຜນ​ການປະຈຳປີ 2025 ພາຍ​ໃຕ້ໂຄງການປົກປ້ອງສັງຄົມ ແລະ ສິດທິແຮງງານ ໃນຂະແໜງກະສິກຳອາຫານ ຂອງ ສປປ ລາວ ໂດຍການເປັນປະທານຮ່ວມຂອງ ທ່ານ ສາຍຄຳ ສໍບຸດສຸວົງ ຮອງປະທານຄະນະບໍລິຫານງານສະຫະພັນກຳມະບານແຂວງ, ທ່ານ ກໍລະກາ ບວນດາວເຮືອງ ຜູ້ຮັບຜິດຊອບກິດ​ຈະກໍາ ສະມາຄົມຮ່ວມໃຈອາສາສະໝັກ/ພັນຖິ່ນ ແລະ ທ່ານ ຄຳເພັດ ແກ້ວສິຣິປັນຍາ ຜູ້ຮັບຜິດຊອບກິດກະກໍາ ສະມາຄົມສົ່ງເສີມການພັດທະນາສັງຄົມຊາວຊົນນະບົດ, ມີຄູ່ຮ່ວມງານຈາກບັນດາພະແນກການຂັ້ນແຂວງ, ເມືອງ​ແປກ ແລະ ຕົວແທນຈາກ​ຂອງກຸ່ມແຮງ​ງານນອກ​ລະ​ບົບທີ່ໃນ 6 ​ບ້ານເປົ້າໝາຍຂອງເມືອງ​ແປກ​​ທີ່ 2 ສະ​ມາ​ຄົມ​ຮັບ​ຜິດ​ຊອບ: ​ບ້ານ ເປີບ, ບ້ານໝ້ຽງ​ນາ​ລາມ, ບ້ານ​ໂພນ, ບ້ານ​ໂພ​ສີ, ບ້ານຍອດ​ປຽງ ແລະ ບ້ານ​ອໍ​ອັ່ນ ເຂົ້າຮ່ວມ.
ໃນກອງປະຊຸມໄດ້ຮັບຟັງການລາຍງານການຈັດຕັ້ງປະບັດບັນດາກິດຈະກຳຂອງສອງ​ສະ​ມາ​ຄົມໃນປີ 2024 ທີ່ຜ່ານມາເປັນຕົ້ນແມ່ນການຈັດກອງປະຊຸມເຜີຍແຜ່ກ່ຽວກັບຄວາມປອດໄພ ແລະ ສຸຂະພາບແຮງງານ; ການເຜີຍແຜ່ການຜະລິດກະສິກໍາສະອາດ; ຈັດຝຶກອົບຮົມທັກສະການເຈລະຈາຕໍ່ລອງໃຫ້ແກ່ກຸ່ມແຮງງານນອກລະບົບ; ນໍາພາກຸ່ມແຮງງານນອກລະບົບໄປທັດສະນະແລກປ່ຽນຄວາມຮູ້, ປະສົບການເພື່ອນໍາມາຈັດຕັ້ງຢູ່ພາຍໃນກຸ່ມຂອງຕົນ; ການເຜີຍແຜ່ປະກັນກັນສັງຄົມພາກສະໝັກໃຈ ແລະ ລົງເຮັດປະກັນສັງຄົມພາກສະໝັກໃຈເເບບເຄື່ອນທີ່ໃຫ້ແກ່ກຸ່ມແຮງງານນອກລະບົບ ພ້ອມທັງຕີລາຄາຜົນໄດ້ຮັບຈາກການຈັດຕັ້ງປະຕິບັດກິດຈະກໍາ, ລວມໄປເຖິງສິ່ງທ້າທາຍທີ່ຈະຕ້ອງໄດ້ສືບຕໍ່ຈັດຕັ້ງປະຕິບັດບັນດາກິດຈະກໍາໃຫ້ດີຂຶ້ນກວ່າເກົ່າ. ຈາກນັ້ນຜູ້ທີ່ເຂົ້າຮ່ວມກໍ່ໄດ້ປະກອບຄໍາຄິດ, ຄໍາເຫັນໃສ່ບົດລາຍງານດັ່ງກ່າວ ແລະ ຍັງໄດ້ແລກປ່ຽນຄໍາຄິດ, ຄໍາເຫັນ ເພື່ອວາງແຜນໃນການຈັດຕັ້ງປະຕິບັດກິດຈະກໍາຂອງໂຄງການໃນປີ 2025 ເພື່ອເຮັດໃຫ້ການຈັດຕັ້ງປະຕິບັດບັດດາກິດຈະກໍາມີຄວາມເປັນເອກະພາບ ແລະ ສາມາດບັນລຸຜົນຕາມລະດັບຄາດໝາຍທີ່ວາງໄວ້.
ໃນຕອນທ້າຍຍັງໄດ້ຮັບຟັງການໂອ້ລົມ ຈາກ ທ່ານ ສາຍຄຳ ສໍບຸດສຸວົງ ເຊິ່ງກ່ອນອື່ນທ່ານໄດ້ຍ້ອງຍໍຊົມເຊີຍມາຍັງ 2 ສະມາຄົມ, ຕົວແທນຈາກບັນດາພະແນກການຂອງແຂວງ, ຫ້ອງການອ້ອມ​ຂ້າງຂອງເມືອງ​ແປກ ແລະ ຕົວແທນກຸ່ມການຜະລິດຈາກບ້ານ ໃນກຸ່ມເປົ້າໝາຍ ທີ່ໄດ້ປະກອບຄຳຄິດ, ຄຳເຫັນ ແລະ ພ້ອມກັບວາງທິດທາງແຜນການທີ່ຈະຈັດຕັ້ງປະຕິບັດໃນຕໍ່ໜ້າ, ນອກຈາກນັ້ນທ່ານຍັງໄດ້ມີຄຳເຫັນຊີ້ນຳບາງດ້ານເປັນຕົ້ນເເມ່ນເພີ່ມທະວີການປະສານງານລະຫວ່າງບັນດາພະແນການທີ່ກ່ຽວຂ້ອງເພື່ອໃຫ້ການຊ່ວຍເຫຼືອດ້ານເຕັກນິກໃຫ້ກຸ່ມການຜະລິດ; ໃນການເຄື່ອນໄຫວກິດຈະກໍາແຕ່ລະຄັ້ງໃຫ້ມີການສະຫຼຸບ ສັງລວມເພື່ອໃຫ້ເຫັນດ້ານດີ, ຂໍ້ຄົງຄ້າງ ເພື່ອຈະໄດ້ຊອກຫາວິທີແກ້ໄຂໃຫ້ທັນເວລາ ແລະ ເປັນບ່ອນອີງໃນການຈັດຕັ້ງກິດຈະກໍາໃນຕໍ່ໜ້າ.

21/12/2024

ບໍລິສັດພັດທະນາກະສິກຳລາວ-ຍີ່ປຸ່ນ ຊຽງຂວາງ ປະກາດການຈັດຕັ້ງກຳມະບານຮາກຖານ

21/12/2024

ກອງປະຊຸມລາຍງານຜົນການຈັດຕັ້ງປະຕິບັດໂຄງການສົ່ງເສີມການປົກປ້ອງ ທາງສັງຄົມ ແລະ ສິດທິແຮງງານໃນຂະແໜງກະສິກຳອາຫານ ຂອງ ສປປ ລາວ ປະຈຳປີ 2024

21/12/2024

ກອງປະຊຸມລາຍງານຜົນການຈັດຕັ້ງປະຕິບັດໂຄງການສົ່ງເສີມການປົກປ້ອງ ທາງສັງຄົມ ແລະ ສິດທິແຮງງານໃນຂະແໜງກະສິກຳອາຫານ ຂອງ ສປປ ລາວ ປະຈຳປີ 2024
---------
ໃນວັນທີ 19-20 ທັນວາ 2024 ນີ້ ຢູ່ທີ່ໂຮງແຮມຊຽງຂວາງວີວ ໄດ້ຈັດກອງປະຊຸມລາຍງານຜົນການຈັດຕັ້ງປະຕິບັດໂຄງການສົ່ງເສີມການປົກປ້ອງ ທາງສັງຄົມ ແລະ ສິດທິແຮງງານໃນຂະແໜງກະສິກຳອາຫານ ຂອງ ສປປ ລາວ ປະຈຳປີ 2024 ຂື້ນຢ່າງເປັນທາງການ. ໂດຍການເປັນກຽດເຂົ້າຮ່ວມຂອງ ທ່ານ ວິໄລ ວົງຂະເສີມ ຮອງປະທານຄະນະບໍລິຫານງານສູນກາງສະຫະພັນກຳມະບານລາວ, ມີທ່ານ ນ.ບົວສີ ນາຖາວົງ ຄະນະປະຈຳພັກແຂວງ, ປະທານແນວລາວສ້າງຊາດແຂວງ, ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ, ມີທ່ານ ຄຳພີ ຄຳມາວົງ, ຜູ້ຈັດການແຜນງານ ຂອງໂຄງການ ອອ໋ກຟາມ, ມີຜູ້ຕາງໜ້າຈາກກົມປົກປ້ອງແຮງງານ ສູນກາງກຳມະການລາວ, ຈາກກົມຄຸ້ມຄອງແຮງງານ ກະຊວງແຮງງານ ແລະ ສະຫວັດດີການສັງຄົມແຂວງ, ມີປະທານຄະນະບໍລິຫານງານສະຫະພັນກຳມະບານແຂວງ 16 ແຂວງ ແລະ 1 ນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ໂຄງການສົ່ງເສີມການປົກປ້ອງທາງສັງຄົມ ແລະ ສິດທິແຮງງານໃນຂະແໜຂະແໜງກະສິກຳອາຫານ ຂອງ ສປປ ລາວ ໂຄງການດັ່ງກ່າວແມ່ນຈັດຕັ້ງປະຕິບັດຢູ່ 16 ແຂວງ 1 ນະຄອນຫຼວງ ໃນທົ່ວປະເທດ, ໄລຍະຈັດຕັ້ງປະຕິບັດໂຄງການ ວັນທີ 12 ມັງກອນ 2023 ຫາ 31 ທັນວາ 2026 ເຊີ່ງມີກິດຈະກໍາຫຼັກຄື: ສ້າງຕັ້ງກຸ່ມ ຜູ້ອອກແຮງງານນອກລະບົບ ແລະ ກຳມະບານຮາກຖານ, ໃຫ້ຄວາມຮູ້ດ້ານການປົກປ້ອງທາງສັງຄົມ ທີ່ເອົາໃຈໃສ່ ດ້ານບົດບາດຍິງ-ຊາຍ ແລະ ສິດທິດ້ານແຮງງານ, ສືກສາຄົ້ນຄວ້າ, ແລກປ່ຽນບົດຮຽນ ແລະ ປະກອບສ່ວນຂໍ້ມູນເພື່ອພັດທະນາປັບປຸງແລະປະຕິບັດນະໂຍບາຍ ການປົກປ້ອງສັງຄົມ ແລະສິດທິດ້ານແຮງງານໃນຂະແໜງກະສີກຳອາຫານ ະສິກຳ, ຈັດການສົນທະນາສາມຝ່າຍ ແລະ ຫຼາຍຝ່າຍ ທັງຂັ້ນສູງການ ແລະທ້ອງຖິ່ນ, ສົ່ງເສີມການເຊື່ອມສານບົດບາດຍິງຊາຍ, ລວມທັງໂຄສະນາຢຸດຕິດຄວາມຮຸນແຮງຕໍ່ເພດຍິງ ໃນຊຸມຊົນ, ໃນຄອບຄົວ ແລະ ສະຖານທີ່ເຮັດວຽກ ເພື່ອສ້າງໂອກາດໃຫ້ກັບແຮງງານ ເພດຍິງເຂົ້າເຖິງໂອກາດໃນການມີວຽກເຮັດງານທຳມີຄຸນຄ່າ ແລະເປັນທຳ ແລະເພື່ອສ້າງຄວາມອາດສາມາດໃຫ້ແກ່ຄູ່ຮ່ວມງານພາກລັດ ໃນຂັ້ນສູນກາງຫາທ້ອງຖິ່ນ, ອົງການຈັດຕັ້ງທາງສັງຄົມ, ກຸ່ມແຮງງານ, ຫົວໜ່ວຍແຮງງານ ແລະ ນາຍຈ້າງດ້ານການປົກປ້ອງທາງສັງຄົມ ທີ່ເອົາໃຈໃສ່ດ້ານບົດບາດຍິງ-ຊາຍ. ນຳໃຊ້ງົບປະມານທັງໝົດ 1,476,550 EURO (ໜຶ່ງລ້ານສີ່ແສນເຈັດສິບຫົກພັນຫ້າຮ້ອຍຫ້າສິບ ຢູໂລ) ໃຫ້ທຶນໂດຍ ກົມການຄ້າສາກົນ ແລະການຮ່ວມມືພັດທະນາ, ກະຊວງການຕ່າງປະເທດ, ປະເທດເບັນຊິກ. ໃນກອງປະຊຸມໄດ້ຮັບລາຍງານການຈັດຕັ້ງປະຕິບັດໂຄງການສົ່ງເສີມການປົກປ້ອງທາງສັງຄົມ ແລະ ສິດທິແຮງງານໃນຂະແໜງກະສີກຳອາຫານ ຂອງ ສປປ ລາວ ປະຈຳປີ 2024 ເປັນຕົ້ນແມ່ນຜົນສໍາເລັດໃນການຈັດຕັ້ງປະຕິບັດເປົ້າໝາຍໂຄງການໃນໄລຍະ 1 ປີທີ່ຜ່ານມາ, ສັງເກດຕີລາຄາດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້, ລວມເຖິງແຜນການຈັດຕັ້ງປະຕິບັດເປົ້າໝາຍຂອງໂຄງການໃນປີຕໍ່ໜ້າ. ນອກຈາກນັ້ນຍັງໄດ້ຮັບຟັງການນຳສະເໜີຜົນງານການຈັດຕັ້ງປະຕິບັດກິດຈະກໍາຂອງໂຄງການ ແລະ ຜົນງານທີ່ພົ້ນເດັ່ນຂອງຕົນຈາກກະຊວງແຮງງານ ແລະ ບັນດາສະມາຄົມທີ່ເປັນຄູ່ຮ່ວມງານ.

ໂອກາດດັ່ງກ່າວຄະນະຜູ້ແທນກອງປະຊຸມຍັງໄດ້ລົງຢ້ຽມຢາມ ສະຫະກອນປູກຜັກອິນຊີ, ລົງຢ້ຽມຢາມ ກຸ່ມຜະລິດຊາ ບ້ານຍອດປຽງ ແລະ ລົງຢ້ຽມຢາມ ກຸ່ມລ້ຽງເຜີ້ງ ບ້ານເປີບ ເມືອງແປກ ແລະ ຍັງໄດ້ຢ້ຽມຊົມການວາງສະແດງສິນຄ້າຂອງກຸ່ມແຮງງານນອກລະບົບ ຕື່ມອີກ.
ພາບ+ຂ່າວ: ປະສິດທິໄຊ ພິລາວົງ

21/12/2024

ບໍລິສັດພັດທະນາກະສິກຳລາວ-ຍີ່ປຸ່ນ ຊຽງຂວາງ ປະກາດການຈັດຕັ້ງກຳມະບານຮາກຖານ
--------------------------
ໃນວັນທີ 19 ທັນວາ 2024 ນີ້ ບໍລິສັດພັດທະນາກະສິກຳລາວ-ຍີ່ປຸ່ນ ຊຽງຂວາງ ໄດ້ຈັດພິທີປະກາດການຈັດຕັ້ງກຳມະບານຮາກຖານບໍລິສັດພັດທະນາກະສິກຳລາວ-ຍີ່ປຸ່ນ ຊຽງຂວາງ ຢູ່ທີ່ຫ້ອງປະຊຸມຂອງຕົ້ນ ໂດຍການເປັນກຽດເຂົ້າຮ່ວມຂອງ ທ່ານ ພູວອນ ສີຄໍາອອນ ກຳມະການພັກແຂວງ, ກຳມະການຄະນະບໍລິຫານງານສູນກາງສະຫະພັນກໍາມະບານ, ປະທານສະຫະພັນກໍາມະບານແຂວງ, ມີທ່ານ ຮາ ຈ໋ອງ ຢຸງ ( Ha Trong Dung) ອຳນວຍການບໍລິສັດພັດທະນາກະສິກຳລາວ-ຍີ່ປຸ່ນ ຊຽງຂວາງ , ມີບັນດາພະນັກງານພາຍໃນ ບໍລິສັດພັດທະນາກະສິກຳລາວ-ຍີ່ປຸ່ນ ຊຽງຂວາງ ເຂົ້າຮ່ວມ.
ໃນພິທີ ທ່ານ ດີມົວ ຫົວໜ້າຂະແໜງຈັດຕັ້ງ, ກວດກາ ແລະ ຂະບວນການ ສະຫະພັນກໍາມະບານແຂວງ ໄດ້ຜ່ານຂໍ້ຕົກລົງຂອງປະທານຄະນະບໍລິຫານງານສະຫະພັນກຳມະບານແຂວງ ສະບັບເລກທີ 274 ລົງວັນທີ 16 ທັນວາ 2024 ວ່າດ້ວຍການແຕ່ງຕັ້ງຄະນະປະທານ ແລະ ປະທານກວດກາກໍາມະບານຮາກຖານບໍລິສັດພັດທະນາກະສິກຳລາວ-ຍີ່ປຸ່ນ ຊຽງຂວາງໂດຍໄດ້ຕົກລົງແຕ່ງຕັ້ງ ສະຫາຍ ເພັນນະພາ ຈັນທະລາດ ເປັນປະທານກຳມະບານຮາກຖານບໍລິສັດພັດທະນາກະສິກຳລາວ-ຍີ່ປຸ່ນ ຊຽງຂວາງ, ສະຫາຍ ຈໍຢ່າງ ວັງຢ່າ ເປັນຮອງປະທານ ແລະ ອີກ 3 ສະຫາຍ ເປັນຄະນະ ແລະ ໄດ້ຕົກລົງແຕ່ງຕັ້ງ ສະຫາຍ ຈໍຢ່າງ ວັງຢ່າ ເປັນປະທານກວດກາກໍາມະບານຮາກຖານບໍລິສັດພັດທະນາກະສິກຳລາວ-ຍີ່ປຸ່ນ ຊຽງຂວາງ, ສະຫາຍ ສົມຊາຍ ວົງດາລາ ເປັນຮອງປະທານກວດກາ.
ໃນຕອນທ້າຍ ທ່ານ ພູວອນ ສີຄໍາອອນ ກຳມະການພັກແຂວງ, ກຳມະການຄະນະບໍລິຫານງານສູນກາງສະຫະພັນກໍາມະບານ, ປະທານສະຫະພັນກໍາມະບານແຂວງ, ໄດ້ມີຄຳເຫັນໂອ້ລົມຕໍ່ພິທີເຊິ່ງທ່ານໄດ້ເນັ້ນໜັກໃຫ້ບັນດາສະຫາຍທີ່ຖືກແຕ່ງຕັ້ງເປັນຄະນະປະທານກຳມະບານຮາກຖານໃນຄັ້ງນີ້ ຕ້ອງແບ່ງວຽກ, ແບ່ງຄວາມຮັບຜິດຊອບໃຫ້ກັນຈະແຈ້ງ ແລະ ລາຍງານຂັ້ນເທິງ ຮັບຊາບນໍາ; ສືບຕໍ່ຍົກສູງຄວາມຮັບຜິດຊອບ ເພີ່ມທະວີການເຮັດວຽກງານການເມືອງແນວຄິດໃຫ້ພະນັງງານຂອງບໍລິສັດ; ເອົາໃຈໃສ່ປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າ ຕິດພັນກັບການປະຕິບັດວຽກງານວິຊາສະເພາະຂອງແຕ່ລະສະຫາຍ; ຈັດຕັ້ງປະຕິບັດສ້າງສັນຍາແຮງງານລວມໝູ່ ເພື່ອໃຫ້ເປັນບ່ອນອີງໃນການຈັດຕັ້ງປະຕິບັດການເປັນເຈົ້າການປົກປ້ອງສິດ, ຜົນປະໂຫຍດຂອງຊາວຜູ້ອອກແຮງ ແລະ ຜູ້ໃຊ້ແຮງງ ແລະ ເພື່ອໃຫ້ຖືກຕ້ອງຕາມລະບຽບການ.
ພາບ+ຂ່າວ: ປະສິດທິໄຊ ພິລາວົງ

19/12/2024

ຮອງປະທານສູນກາງສະຫະພັນກຳມະບານລາວເຂົ້າພົບປະຢ້ຽມຢາມການນຳແຂວງຊຽງຂວາງ

19/12/2024

ຮອງປະທານສູນກາງສະຫະພັນກຳມະບານລາວເຂົ້າພົບປະຢ້ຽມຢາມການນຳແຂວງຊຽງຂວາງ
-------------
ໃນວັນທີ 18 ທັນວາ 2024 ນີ້ຢູ່ທີ່ຫ້ອງຮັບແຂກຫ້ອງວ່າການແຂວງຊຽງຂວາງ ທ່ານ ວິໄລ ວົງຂະເສີມ ຮອງປະທານຄະນະບໍລິຫານງານສູນກາງສະຫະພັນກໍາມະບານລາວ ພ້ອມດ້ວຍຄະນະ ໄດ້ເຂົ້າພົບປະຢ້ຽມຢາມທ່ານ ນາງ ບົວສີ ນາຖາວົງ ຄະນະປະຈຳພັກແຂວງ, ປະທານແນວລາວສ້າງຊາດແຂວງ ຜູ້ຊີ້ນຳອົງການຈັດຕັ້ງມະຫາຊົນຂັ້ນແຂວງ ເຊິ່ງ ທ່ານໄດ້ກ່າວຕ້ອນຮັບ ແລະ ລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດສັງຄົມຂອງແຂວງ, ສະພາບການນໍາພາຊີ້ນໍາອົງການຈັດຕັ້ງມະຫາຊົນເວົ້້າລວມເວົ້າສະເພາະກໍ່ແມ່ນການນໍາພາຊີ້ນໍາສະຫະພັນກໍາມະບານແຂວງຊຽງຂວາງໃນໄລຍະທີ່ຜ່ານມາ ຈາກນັ້ນທ່ານ ວິໄລ ວົງຂະເສີມ ຮອງປະທານຄະນະບໍລິຫານງານສູນກາງສະຫະພັນກໍາມະບານລາວໄດ້ແຈ້ງຈຸດປະສົງໃນການລົງມາເຄື່ອນໄຫວວຽກງານນຄັ້ງນີ້ ແມ່ນເປັນການມາເຂົ້າຮ່ວມກອງປະຊຸມສະຫຼຸບປະຈຳປີໃນການຈັດຕັ້ງປະຕິບັດປະຕິບັດໂຄງການສົ່ງເສີມການປົກປ້ອງທາງສັງຄົມ ແລະ ສິດທິແຮງງານໃນຂະແໜງກະສິກໍາອາຫານ ໃນ ສປປ ລາວ ປະຈຳປີ 2024 ທີ່ຈະຈັດຂຶ້ນຢູ່ທີ່ແຂວງຊຽງຂວາງ ເຊິ່ງໂຄງການນີ້ເປັນໂຄງການທີ່ຈະຊ່ວຍໃຫ້ແຮງງານນອກລະບົບໄດ້ຮັບຮູ້ເຖິງສິດທິພື້ນຖານຂອງຕົນເອງ ແລະ ເຮັດໃຫ້ເຂົາເຈົ້າໄດ້ເຂົ້າເຖິງປະກັນສັງຄົມພາກສະໝັກໃຈ ເພື່ອຈະໄດ້ຮັບຜົນປະໂຫຍດອັນຊອບທຳ ແລະ ເປັນຫຼັກຄໍ້າປະກັນໃນການດຳລົງຊີວິດຂອງເຂົາເຈົ້າ. ນອກຈາກນັ້ນກໍ່ຍັງເປັນການລົງຊຸກຍູ້ ການກະກຽມກອງປະຊຸມໃຫຍ່ຄັ້ງທີ VIII ຂອງສະຫະພັນກໍາມະບານແຂວງຊຽງຂວາງ ເພື່ອເຮັດໃຫ້ການດຳເນີນກອງປະຊຸມໃຫຍ່ມີຄວາມຄົບຖ້ວນ, ຖືກຕ້ອງ ແລະ ທັນຕາມກຳນົດເວລາທີ່ວາງໄວ້.
ໃນໂອກາດທີ່ທ່ານ ວິໄລ ວົງຂະເສີມ ຮອງປະທານຄະນະບໍລິຫານງານສູນກາງສະຫະພັນກໍາມະບານລາວມາເຂົ້າຮ່ວມກອງປະຊຸມສະຫຼຸບປະຈຳປີໃນການຈັດຕັ້ງປະຕິບັດປະຕິບັດໂຄງການສົ່ງເສີມການປົກປ້ອງທາງສັງຄົມ ແລະ ສິດທິແຮງງານໃນຂະແໜງກະສິກໍາອາຫານ ໃນ ສປປ ລາວ ປະຈຳປີ 2024 ຢູ່ແຂວງຊຽງຂວາງໃນຄັ້ງນີ້ ທ່ານຍັງໄດ້ນຳເອົາ ເຈ້ຍ A4 ຈຳນວນ 10 ແກັດ ມາມອບໃຫ້ສະຫະພັນກໍາມະບານແຂວງຊຽງຂວາງນໍາໃຊ້ເຂົ້າໃນການຈັດຕັ້ງປະຕິບັດວຽກງານກໍາມະບານ, ໂດຍສະເພາະແມ່ນການກະກຽມການດຳເນີນກອງປະຊຸມໃຫຍ່ຄັ້ງທີ VIII ຂອງສະຫະພັນກໍາມະບານແຂວງຊຽງຂວາງ ຕື່ມອີກ.
ພາບ+ຂ່າວ: ປະສິດທິໄຊ ພິລາວົງ

18/12/2024

ປະຕິບັດນະໂຍບາຍໃຫ້ສະມາຊິກກອງທຶນຊ່ວຍເຫຼືອເຊິ່ງກັນ ແລະ ກັນ
____________________________
ໃນວັນທີ 12 ທັນວາ 2024 ນີ້ ສະຫະພັນກໍາມະບານແຂວງ ນໍາໂດຍທ່ານ ພູວອນ ສີຄໍາອອນ ກຳມະການພັກແຂວງ, ກຳມະການຄະນະບໍລິຫານງານສູນກາງສະຫະພັນກຳມະບານລາວ, ປະທານຄະນະບໍລິຫານງານສະຫະພັນກຳມະບານແຂວງ ຕາງໜ້າໃຫ້ຄະນະຮັບຜິດຊອບກອງທຶນຊ່ວຍເຫຼືອເຊິ່ງກັນ ແລະ ກັນ ທານຸເຄາະ ພ້ອມດ້ວຍພະນັກງານຂອງສະຫະພັນກຳມະບານແຂວງ ໄດ້ນຳເອົາເງິນສົດ ແລະ ພວງມາລາ ຈຳນວນ 10. 400.000 ກີບ ( ສິບລ້ານສີ່ແສນຫ້າສິບພັນກີບ ) ຕາມລະບຽບກອງທຶນຊ່ວຍເຫຼືອເຊິ່ງກັນ ແລະ ກັນ ທານຸເຄາະສະຫະພັນກຳມະບານແຂວງເພື່ອມອບໃຫ້ແກ່ຄອບຄົວຂອງທ່ານ ນາງ ສົມປາດຖະໜາ ຫຼວງພົມໂສພາ ສະມາຊິກກອງທຶນ ຊ່ວຍເຫຼືອເຊິ່ງກັນ ແລະ ກັນ ທານຸເຄາະ ສັງກັດຢູ່ກຳມະບານຮາກຖານໂຮງຮຽນມັດທະຍົມສົມບູນໂພນສະຫວັນ ທີ່ໄດ້ເສຍຊີວິດ ລວມອາຍຸການເຂົ້າເປັນສະມາຊິກກອງທືນໄດ້ 9 ປີ 6 ເດືອນ 16 ວັນ, ໃນການມອບເງິນຄັ້ງນີ້ ມີການຈັດຕັ້ງ, ຄອບຄົວ ແລະ ຍາດຕິພີ່ນ້ອງຂອງຜູ້ເສຍຊີວິດເຂົ້າຮ່ວມເປັນສັກຂີພະຍານ.
ພາບ+ຂ່າວ: ປະສິດທິໄຊ ພິລາວົ

13/12/2024

ສະຫະພັນກໍາມະບານແຂວງຊຽງຂວາງ ຈັດພິທີປາຖະກະຖາວັນຊາດທີ 2 ທັນວາ ຄົບຮອບ 49 ປີ ແລະ ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 104 ປີ